رواية للفهد عرين للكاتبة سلسبيل كوبك الفصل الرابع عشر
فهد: و انا عايز اتمم جوازي من حور... الكل اتصدم و حور كانت اكترهم، عبد الحميد كان مبسوط... حور: انت واعي للي بتقوله يا فهد... ادم: بس يا بني... فهد: انا فاهم يا استاذ ادم، انا بحب حور و كنت هطلبها من حضرتك بس حصل اللي حصل، و بطلب من حضرتك اتكلم مع حور لوحدنا... نوران: حور خدي استاذ فهد و روحوا الجنينة و اتكلموا... حور: ماما انا رأيي معروف انا مش هتجوز... فهد: ممكن تسمعيني...
فهد راح ناحية حور و مسك ايديها و خرجوا الجنينة... عبدالحميد: فهد فجأنا.. ادم: بس يا رب حور توافق... فارس: حور وافقت موافقتش هتجوز حبيبة... يوسف: و اكيد لو حور موافقتش علاقتي بجودي مش هتتأثر... إيناس: اكيد يا يوسف... جاسر: و بالنسبة ليا انا معنديش مانع، اخطفها بقي اعمل اللي انا عاوزه، المهم اتجوز ندى... مالك: انا مش في مشاكلكم انا هاخد منة و نتجوز... معاذ: و انا محدد الميعاد مع والد رودينا...
ادم: اهدوا انتوا قررتوا وخلاص... عند فهد و حور... حور: سيب ايدي، انت مجنون ايه اللي انت قولته ده انت غبي... فهد: لا انا مش غبي و لا مجنون... فهد: انتي هتبقي غبية لو رفضتي... حور: و ليه بقي هتجوز ملاك...
فهد: لا بس ممكن حبيبة و ندى ميتجوزوش، و ممكن برضو ادم بيه و نوران هانم يعملوا حادثة بعربية، و ممكن برضو رامي يأخد حقنة هواء، و ممكن يوسف ميشوفش جودي خالص، ممكن مالك يتوقف عن العمل، ممكن والد رودينا يتشل... فهد(ببرود): في ايدك سعادة الكل... فهد: فكري، و سابها و مشي... حور كانت مصدومة خالص و كانت هتعيط، لقت ايد على كتفها، لفت لقت دادة إحسان... إحسان: ارفضي يا حور...
(إحسان كانت جاية توديهم عصير و سمعت فهد، ).. حور(بدموع): بس مش مش هينفع... حور: عائلتي هيتأذوا، هيمحي كل شخص انا بحبه.. إحسان: سعادتك يا حور اهم... حور(بدموع و ابتسامة سخرية): و من امتي و انا سعيدة، طول عمري بخسر ناس و بندم، انا مش خايفة من فهد انا خايفة على كل اللي بحبهم... إحسان: هتعملي ايه؟ حور: هوافق.. إحسان: بس... حور: ارجوكي يا دادة متقوليش لحد... عند الباقين... نوران: فين حور يا فهد؟ فهد: بتفكر...
ادم لسة هيتكلم، لقي حور داخلة عليهم... ادم: ايه يا حبيبتي... حور: انا موافقة يا بابا... كله اتبسط، و نوران قامت حضنتها و صحابها و رودينا و فرحوا كلهم، فهد بيبصلها بإنتصار... حور: بس عندي شرط... كلهم سكتوا و منتظرين تكمل كلامها... حور: انا مش عايزة فرح، ده شرطي، ليك يا فهد الاختيار... نوران: انا بنتي تتجوز من غير فرح ليه... حور: ماما ماما ده رأيي... نوران: مستحيل... حور: اوك باي... فهد: استني، موافق...
حور: فرحي هيبقي مع خطوبة الباقي... حبيبة: بس ايه وجهه النظر... ندى: انتي كنتي بتحلمي بفرح و فستان من باريس... منة: لو في حاجة احكي... حور(و هي بتتماسك): لا لاانا مش عايزة حاجة دي مجرد شكليات... حور: يلا بقي حددوا ميعاد الخطوبة... ندى: ايه رأيكوا نعمل خطوبتنا مع بعض... حبيبة: فكرة حلوة... منة: و كمان رودينا الله هيبقي احلي يوم... مالك: يعني متفقين...
أدم: طب يلا البنات تطلع على فوق و سيبوا الرجالة بس لوحدها... نوران: يلا مع بعض يلا يا مدام إيناس... الستات طلعت فوق... ادم: انا حبيبة و ندى و منة زي بناتي و اكتر و زي حور بالظبط... ادم: اللي هيتكتب لحور نفسه هيتكتب لمنة و ندى و حبيبة... فهد: و احنا كلنا سدادين... مالك: انا شاري... يوسف: و انا يا فهد طالب ايد جودي... فهد: معندناش مانع طبعا... جاسر: اتمني اننا نتجوز في اسرع وقت... فارس: احنا مستعجلين...
عبدالحميد: الخطوبة هتبقي كمان يومين بالظبط... ادم: بس... فارس: خير البر عاجله... فهد: و انا و حور هنتمم جوازنا في يوم الخطوبة.. ادم: ماشي يا بني... ادم: نتعشي، و مفيش اعذار... عند البنات فوق... حور: هروح الحمام.. إحسان: اجي معاكي... حور: ههه لا انا راحة لوحدي.. حبيبة: مالها حور يا جماعة... نوران: الموضوع جديد بس.. إيناس: حور هتنبسط معانا... نوران: و انا متأكدة... ندى: هشوف حور اتأخرت ليه... ندى ملقتش حور...
ندى: انا مش لاقية حور... منة: ازاي! كلهم قاموا يدوروا... حبيبة نزلت جري لعندهم... يوسف: في ايه؟ حبيبة: مش لاقين حور... ادم: ازاي؟ حبيبة: قالت هتروح الحمام و ندى راحت تشوفها ملقتهاش... فهد قام و خد مفاتيح عربيته و طلع على بره، و كلهم لحقوه... عند حور... حور خدت عربيتها و جريت على المستشفي اللي فيها رامي... و دخلت اوضته... حور: رامي، وحشتني اوي، انا مخنوقة اوي... حور: قوم قوم علشان محتجاك...
حور: هقع هقع لوحدي و مش هلاقي حد يسندني... فهد شغل تليفونه بحيث يتواصلوا مع بعض كلهم... فهد: ادم بيه حور لما بتتخنق بتعمل ايه؟ ادم: و ايه اللي هيخليها تتخنق؟ يوسف: ده وقته، بتكلم رامي يا فهد... فهد قفل معاهم و راح على المستشفي... راح على اوضة رامي و سمع حور و هي بتقول... حور: انا ضعيفة اوي، قومي قويني... فهد دخل الاوضة و حور اتخضت... فهد مسكها من ايديها... فهد: عارفة لو كنتي هربتي كنتي هتعيطي عليه...
حور: سيبني بقي مش اللي انت عاوزه هيحصل... فهد: و لو يا حور، هتندمي... و خدها و ركبها عربيته و طلع بيها على محل هدايا.. حور: احنا هنا ليه؟ فهد نزل و اشتري ساعة ولفها... فهد رماها ليها... فهد: تقوليلهم انك كنتي بتشتري هدية ليا... حور: مستحيل... فهد: عندك حق، انا بقول نرجع لرامي تاني... حور: خلاص موافقة... وصلوا و راحوا على الفيلا و التانين جم... ادم: حور كنتي فين؟ نوران: قلقتينا... حور: كنت بشتري هدية لفهد...
ودتها لفهد و طلعت على اوضتها... يوسف: هههههه اختي طلعت بتحب... ادم: و دي حاجة وحشة و حلوة... جاسر: و ده من ايه ده؟ فارس: اخرس، خدوا الحكمة من افواه السفهاء.. مالك: الحكماء يا جاهل... و قعدوا يضحكوا... و بعدين مشيوا، و الكل طلع ينام... حبيبة دخلت اوضة حور هي و البنات.. حبيبة: حور قومي... حور. كانت بتمثل النوم... ندى: حور لو مقومتيش هتزعلي... حور: عايزين ايه؟ منة: انتي اتغيرتي ليه؟ حور: في ايه؟
حبيبة: امبارح عايزة تتطلقي و انهاردة تتجوزي... حور: عادي غيرت رأيي... منة: لا في حاجة... الباب خبط... حور: ادخل... دخلت دادة إحسان... إحسان: مضايقين حور ليه؟ ندى: حور متغيرة و عايزين نعرف حصل ايه؟ إحسان: لما تيجوا تتجوزوا هتفهموا... إحسان: ده توتر و خوف و قلق... حبيبة: علشان كدة... منة: طب ننام احنا بقي... خرجوا و اتبقي حور و الدادة... إحسان: متقلقيش خير... حور: يا رب، انا مخنوقة اوي يا دادة...
حور: ممكن تنامي جمبي... إحسان: ماشي يا بنتي... إحسان: ربنا يحفظك و يحميكي... حور حضنت الدادة و نامت... عند الشباب... كلهم راحوا الديسكو علشان يحتفلوا... فارس: هو ده العزوبية و لا ايه؟ جاسر: احنا هنطحن اصبر... معاذ: هو انت مش قولت هتتغير... جاسر: مرة او مرتين قبل الجواز... مالك: انا و انت يا معاذ لو حد شافنا، فصل نهائي... معاذ: متقلقش خير... مالك: ده احنا داخلين جهنم... فهد: متقلقش.. و بعدين فهد شاف حاجة...
رواية للفهد عرين للكاتبة سلسبيل كوبك الفصل الخامس عشر
فهد: جوليا! جاسر: مين؟ فهد قام جري علشان يشوف جوليا، ملقهاش... رجع تاني للشباب... فارس: في ايه يا فهد؟فهمنا... فهد: لا مفيش.. معاذ: اومال مين جوليا دي؟ فهد: قولت مفيش، و يلا نمشي... عند جوليا... جوليا كانت بتجري و بتنهج... جوليا طلعت التليفون.. الخط اتفتح... جوليا: الو يا باشا... عبد الحميد: خير... جوليا: فهد شافني و انا خارجة من البار... عبدالحميد: غبية غبية...
عبدالحميد: انجزي روحي على بيتك و انا جايلك حالا... جوليا: حاضر، سلام... جوليا راحت على بيتها، و عبد الحميد جالها... فهد وصل اصحابه، و طلع على شقة جوليا... الباب خبط، الخدامة فتحت... الخدامة: اتفضل يا فهد بيه... فهد دخل لقي جوليا قعيدة و عبد الحميد بيأكلها... عبدالحميد: فهد خير يا بني... فهد: مفيش جيت اطمن على جوليا... جوليا: ربنا يخليك يا فهد... فهد: قوليلي يا جوليا انتي بتخرجي من البيت؟ جوليا: ساعات...
فهد: بتروحي فين و كدة؟ عبدالحميد: هو في ايه؟ فهد: اختي لازم اعرف بتروح فين... جوليا: ساعات الخدامة بتاخدني تمشيني، بروح الجمعية، جمعية خيرية كدة... فهد: بس.. جوليا: اه... فهد: ماشي انا همشي، هتمشي يا بابا؟ عبدالحميد: اه يا بني، هتوحشيني يا بنتي... جوليا: و انتوا كمان، بحبكوا... فهد خد والده و روحوا و كل واحد طلع اوضته و ناموا... في الصباح الباكر... في؟يلا ادم الشاذلي...
حور صحيت و لبست بنطلون و بلوزة و سابت شعرها، و لبست كعب، و نزلت ليهم تحت... نوران: العروسة لابسة و راحة فين؟ حور: الشغل... ادم: ليه يا حور؟انتي عروسة... حور: مبيهمنيش.. نوران: انتي لازمك حاجات كتير، لبس و كدة يعني فاهمة... حور: انا لبسي مغرق اوضة الملابس فوق، مش محتاجة... نوران: برضو مفهمتنيش... حور(بقليل من الحدة): فاهمة يا ماما و انتوا لو عاوزين تجيبوا حاجة جيبوا مدخلونيش في حاجة... و قامت مشيت...
ادم: حبيبة مالها حور؟ منة: منعرفش سألناها امبارح قالت علشان تجربة جديدة... إحسان: ادم بيه لازم نعذرها، حاجة جديدة عليها... نوران: إحسان عندها حق... ادم: ماشي... منة: طب ايه مش هنجيب فساتين الخطوبة... حبيبة: مستعجلة على ايه يا شيخة... يوسف: شكلك مش موافقة، الواد فارس اساسا واد رزل، انا بقولك متتجوزهوش... حبيبة: تعرف تخرس... ندى: في واحدة مش طايقة حد يشتم حبيبها... حبيبة: ندى اخرسي هتضربي...
ادم: ما تقوموا تضربوا بعض قدامي... حبيبة: مش كدة يا عمو... نوران: جبتي ورا، هههههه ادم: روحوا الشركة عند حور هتلاقوا مجموعة فساتين اختاروا منهم، و خلوا حور تختار... ندى: اوك... منة: يلا بينا... يوسف: حبيبة خدي جودي معاكوا... حبيبة: مش عندهم شركة انا مالي... يوسف: واطية... ندى: عندك حق... منة: هخلي حور تتصل بيها... يوسف: انتي اختي انتي و الله... في مكان تاني... عند حور، وصلت الشركة و كانت في قمة عصبيتها...
حور: ازاي ورق ينقص، فهموني... الموظف: و الله معرفش... حور: و انااا مالي، هتدفع يعني تمنه... الموظف: ارجوكي سامحيني... حور: و انا مالي، اتصرف حالا... الموظف: حاضر حاضر... في مكان تاني... في شركة الفهد... جاسر: انهاردة ميعاد الصفقة مع شركة ادم الشاذلي... فارس: طب يلا نروح... جاسر: مش هناك... فارس: مين؟ فهد: قلبك... جاسر: ههههههه، ده قلبه فيه الف واحدة... فارس: ظريف... فهد: يلا بينا...
نزلوا و ركبوا عربيتهم و راحوا ناحية شركة حور... في مكان تاني... عند البنات، في العربية... حبيبة: يلا سرعي يا ندى... منة: انجزي دوسي بنزين... ندى: انتوا مستعجلين على موتكم الله... حبيبة: اخرسي، سوقي و انتي ساكتة... ندى: بت انتي هتضربي... منة: هتعملي ايه؟ ندى: هتشوفوا... ندى ساقت بسرعة جدا لغاية ما وصلت لشركة حور... منة: ما ده المطلوب، ههههههه.. حبيبة: استفزناها، ههههههه.. ندى: هوريكوا... و بعدين طلعوا لحور...
الباب خبط... حور: ادخل... رودينا و منة و ندى و حبيبة دخلوا... حور: خير.. منة: الفساتين... حور: مستعجلين... ندى: عمالة اقولهم.. حور: عموما لسة هتوصل كمان نص ساعة... حور: رودينا اختاري فستان.. رودينا: لا يا حور مش هينفع... حور: رودينا انا مش طايقة نفسي و لا غيري، فهماني.. رودينا: خلاص طب اهدي... حبيبة: حور في ايه؟انتي متغيرة اوي.. حور: مفيش انا تمام... و بعدين الباب خبط... حور: ادخل... دخل الموظف اللي ضيع الورق...
حور: خير... الموظف: مش لاقيه... و بعدين حور جاية ترد، لقت فهد و جاسر و فارس دخلوا من غير ما يخبطوا... حور: انتوا داخلين وكالة... فهد: حاجة زي كدة... حور: انت متتكلمش.. حبيبة: حور اهدي، معلش يا استاذ فهد... الموظف كان بيتسحب علشان يخرج... حور: استني... الموظف: خير يا هانم... حور: انت مطرود... الموظف: لا ارجوكي عندي عيال و امي ارجوكي انا محتاج شغلانة... حور: برة... منة: حور انتي مكنتيش كدة...
ندى: استني، هو في ايه؟ حور قامت و سابتهم... حور: اتصرفوا... حور خرجت مكنتش قادرة تتنفس، و كانت خلاص هتعيط... فهد: للدرجة دي مش عايزة تتجوزيني؟ حور(لفتله): متتكلمش حرف، انا بكرهك بل كلمة بكرهك قليلة انا ببغضك ببغضك يا فهد... فهد(ببرود): حد طلب منك تحبيني؟ فهد(بسخرية و استخفاف): حور اوعي يكون حد جبرك انك تتجوزيني، ازعل...
حور(بكره): انت اكتر حيوان ممكن اشوفه في حياتي، عارف ممكن اكون ظلمت الحيوانات لما اشبهك بيههم... حور سابته و مشيت... فهد: هتشوفي الوان العذاب يا حور... (قلبه): انا مش موافق... (عقله): خليك انت الفهد يا فهد مفيش بنت من بنات حواء تهزك... (قلبه): هتندم، هتندم اوي... (عقله): مفيش ندم... فهد مشي و رجع الشركة بتاعت حور... فهد طلع لقي حور قاعدة في مكتبها... حور: ايه سر الزيارة يا فارس؟ جاسر: الصفقة...
حور: اه نسيت.. فهد: بس غيرنا رأينا... حور: يعني مش هتمموا الصفقة.. فهد: لا هنأجلها.. حور: السبب.. فهد: فرحي قرب.. حور: رودينا عملتوا ايه في الموظف... رودينا: مشي... حور: رجعيه، و ابعتيه ليا اعتذرله، و زوديله مرتبه... رودينا: متأكدة... حبيبة: ما كان من الاول، هو تعب و خلاص... ندى: جاسر اتصل بجودي تيجي علشان الفساتين... فارس: جينا في وقتنا بقي... حبيبة: انسي احنا اللي هنختار الفساتين...
فهد: انا هختار فستان حور... حور: انا مش هجيب فساتين... فهد: امال مش. هتلبسي خالص مثلا... حور: دماغك شمال... حور: انا عندي فساتين غالية و كتيرة وملبستهومش.. فارس: طب ما تجيبي جديد عادي... حور: لا ابدا... فهد: سيبها براحتها، و اساسا مفيش فرح... حور اتصلت بيوسف... الخط اتفتح... حور: يوسف تعالى علشان البدل و الفساتين... يوسف: جودي جت... حور: جاية في الطريق، يلا تعالي... يوسف: ثانية... حور: مش هتتصلي بمالك...
منة: اتصلت و هو جاي هو و معاذ... حور: اوك... بعد شوية الكل وصل و راحوا على مكان الفساتين و البدل... فارس: ايه رأيكوا في البدلة دي؟ حبيبة: لا وحشة... جاسر: ندى وريني فستانك... ندى: ولو معجبكش و هو عاجبني هجيبه... جاسر: انتي مجنونة... مالك: يا منة الفستان لونه وحش... منة: انا بحبه... رودينا: انا مبحبش الكحلي يا معاذ... معاذ: وانا هلبس كحلي... و حور مقربتش على و لا فستان و لا فهد... و الكل كان بيتخانق..
حور: بسسسسس... حور: ايه ده؟ حور: كل اتنين يقوموا مع بعض و الباقي يحكم... الكل: ماشي... حبيبة و فارس قاموا... منة: واو الفستان حلو... ندى: خرافة... و الكل ابدئ رأيه في حبيبة بس... حور: و انت يا فارس وسيم اوي... فارس: اخيرا حد عبرني... حور: انا اختك برضو... فارس: تسلميلي... فهد كان مستغرب انها المفروض تكره كل حاجة بتتعلق بيه لانه اجبرها على الجواز، زي اخوه و عائلته... يوسف و جودي قاموا...
حور: فستانك حلو يا جودي و لونه حلو... جودي: تسلميلي يا احلي اخت... حور: يا قلبي... منة: شكلك حلو يا يوسف و انتي يا جودي... و الكل ابدئ برضو رأيه.. و فهد كان مستغرب ان جودي اللي بتكره التواضع و مبتحبش حد بقت بتحب حور... جاسر و ندى قاموا... جاسر: رأيك يا حور؟ حور: واو اخويا التالت وسيم اوي... جاسر: مبحبش اتكلم عن نفسي كتير... ندى: دي كلمتي... جاسر: فيها ايه؟ ندى: يا رزل... منة: ما بس بقي علطول خناق...
حور: بس فساتك تحفة يا ندى... ندى: عارفة... حبيبة: يا مغرورة.. منة: دي محدش يعبرها... منة و مالك قاموا... مالك: رأيكوا... حور: واو البدلة لاقية على بشرتك اوي... منة: لية هو بيطقم على لون البشرة. هههه. مالك: ظريفة... منة: طول عمري... حبيبة: حلو اوي... ندى: لاقي اوي عليكي يا منة، بس لو عليا احلي طبعا... حور: حد يقتل البت دي... معاذ و رودينا قاموا... حور: احلي ثنائي، واو... حبيبة: نفس اللون... ندى: خرافة اوي..
منة: جميل... فارس: هو احنا ملناش رأي... جاسر: ما تتكلم يا فهد... فهد: حلو كلكم حلوين... حبيبة: دورك يا حور... حور: اخرسي، عندي كتير... فهد: حور طب انتي عندك فساتين كتير، انا بقي فقير، ممكن تنقي ليا بدلة؟ حور: ليه اتشليت؟ فهد: اه ما انتي ايدي... حور: اوف ثانية... حور قعدت تشوف كذا بدلة و كانت بتدور على احسن حاجة بصدق يعني... حور لقت بدلة شيك اوي و جميلة... حور: اهي... فارس: جبتيها منين دي، حلوة اوي...
جاسر: مفيش منها تاني طيب... مالك: حظك يا فهد... حور: خدتوا نصيبكوا، ارضوا بقي... معاذ: عندك حق... منة: اساسا صاحبتي علطول ذوقها حلو... حبيبة: مش صاحبتنا... ندى: طبعا... معاذ: طب يلا نمشي... حور: رودينا خدي إجازة و عيني حد بدالك لفترة انتي بتثقي فيه... كلهم نزلوا... حبيبة: انا راحة مع ندى و منة نجيب المجوهرات، تيجي؟ حور: لا انا عايزة اقعد لوحدي... عربية حور كانت بعيدة عنهم شوية و كانت لوحدها.
و الكل خلاص هيركب العربية... جه تليفون لفهد... الخط اتفتح... فهد: الو... الشخص: الو... فهد: مين؟ الشخص: مش مهم، المهم انقذ مراتك... فهد: من ايه؟ الشخص: العربية لو بابها اتفتح، هتنفجر... الخط اتقفل...
رواية للفهد عرين للكاتبة سلسبيل كوبك الفصل السادس عشر
الشخص المجهول اللي بيكلم فهد قال... الشخص: بابا العربية لو اتفتح العربية هتنفجر... الخط اتقفل... حور كانت خلاص هتقرب على العربية... و في واحد كان لسة هيفتح الباب... فهد: حوووووووور... حور عملت نفسها مش سامعة... و الراجل ده بيفتح خلاص، العربية انفجرت و حور طارت... فهد جري ناحية حور... فهد: حور حور... حبيبة: حور حبيبتي فتحي عينك... فارس: يلا على المستشفي، بسرعة..
فهد شال حور و ركبها في عربيته و مستناش حد يركب خد العربية و ساق بسرعة جدا... و كل ثنائي ركبوا في عربية... حبيبة: فارس بسرعة و النبي... فارس: حاضر اهدي انتي بس... منة: انجز يا مالك بسرعة.. مالك: اطير يعني... منة: انجز... جودي: اهدي يا يوسف ان شاء الله خير... يوسف: انا خايف عليها اوي... جودي: متقلقش هتبقي بخير... ندى: جاسر ارجوك سوق بسرعة شوية... جاسر: حاضر يا حبيبتي، اتصلي بادم بيه و نوران هانم...
ندى: ماشي... ندى اتصلت بأدم... الخط اتفتح... ادم: ها يا بنتي... ندى: عمو حور احنا رايحين بيها على المستشفي... ادم: ايه؟ليه؟مستشفي ايه؟ ندى: معرفش اجهزوا و لما اعرف هبعتلك في ماسدج... ندى: خلاص يا عمو وصلنا مستشفي(، ).. ادم: ماشي ماشي... فهد شال حور و دخل بيها المستشفي... فهد(بزعيق): انجزوا دكتور بسرعة... خدوا حور منه علشان يكشفوا عليها... كلهم على اعصابهم... ادم و نوران جم... نوران: بنتي بنتي فين؟
ادم: ايه اللي حصل انجزوا... جاسر: حصل انفجار في عربيتها... ادم: ازاي؟ فهد: هي غبية ناديت عليها، عنيدة.. ادم: و انت كنت عارف؟ فهد: انا جالي تليفون من مجهول قالي ان العربية هتنفجر لما باب العربية هيتفتح، ناديت عليها و كنت لسة هروحلها، العربية انفجرت... نوران: لا لا... الدكتورة خرجت... ادم: طمنينا...
الدكتورة: الحمد لله الانسة بخير، و كمان هي كانت بمسافة كافية من الانفجار لتجنب الاصابات، هي بس عندها خدش في رأسها، و عملنا ليها كافة الاشعة، و سليمة الحمد لله، البنت دي محظوظة... حبيبة: شكرا ليكي اوي... الدكتورة: على ايه ده واجبي.. منة: هنشوفها امتي؟ الدكتورة: تقدروا تخشوا... فهد: بس ليه اغمي عليها؟ الدكتورة: ده طبيعي لان قوة اصطدامها بالارض كانت قوية ادت إلى الاغماء... جاسر: شكرا يا دكتورة...
كلهم دخلوا... نوران: كدة هتفضلي تقلقينا عليكي كل شوية... حور بدأت تفتح عنيها و تغمضها لغاية ما فتحتها... حور: آآه، ايه اللي حصل؟ حبيبة: ليكون فقدان ذاكرة... ندى: اخرسي يا بت... منة: خلاص اهدوا... حور: لا مش فقدان خلاص افتكرت، كنت اتمني، بس يلا... جاسر: حمد لله على سلامتك... فارس: الف سلامة، قاعد عمال اقول لحبيبة نأجل علشان حور تقولي لا هنعمل خطوبة بتموت فيا انا عارف...
حبيبة: اه يا جذمة انا عملت كدة انت كداب اوي... حور: خلاص اهدوأ و مين قال ان في حاجة هتتأجل.. معاذ: ازاي انتي تعبانة... مالك: عين العقل يا حور، هو مفيش تأجييل اسمعوا الحكماء... حور: انت مستعجل اوي على موتك يا مالك... مالك: ليه هو في حاجة انا معرفهاش؟ حور: اه امك دعت عليك بواحدة هبلة و مجنونة و عبيطة... منة: كدة برضو يا حور... حور: مش نقول الحقيقة... حبيبة: عند حق...
ندى: هي امك شكلها غضبانة منك فربنا رزقك بواحدة معتوهه، ههههههه منة: اه برستيجي باظ... كلهم ضحكوا... حور: بس انت ازاي كنت عارف يا فهد؟ فهد: و انتي عرفتي منين اني كنت عارف؟ حور: ها لا مفيش تخميين... فهد: يعني انتي سمعتيني... حور(ببرائة مصطنعة): ايه ده انت ناديت... فهد: بعد اذنك يا عمي عايز مراتي في كلمتين... كلهم خرجوا... فهد: انا اساسا يا حور منادتش عليكي انا كنت بقول يا سمااا...
حور(اتعصبت): انت كداب انت ناديت بصوت عالي يا حور بس انا اللي طنشت... فهد(بخبث): يعني انتي سمعتيني يا حور؟ حور(بارتباك و خوف و توتر): مين قال كدة؟ فهد: لا و الله انا اقولك مين؟ فهد قرب منها خالص و نزل لمستواها لدرجة ان انفسهم كانت مختلطة... فهد كان لسة، الباب خبط... الممرضة دخلت... الممرضة: كدة حضرتك تقدري تخرجي... حور نطت من الناحية اللي مش فيها فهد... حور: يااه اخيرا انا خارجة...
فهد: اهربي، فاضل يوم يا حور.. و بعدين كلهم ركبوا، و راحوا على؟يلا الشاذلي... و قعدوا... في مكان تاني... في مكان شبه مهجور... عبدالحميد: ايه اللي انت عملته ده؟ الشخص: 3 سنين، 3سنين، و انا بتعذب و بقرر الانتقام يا عبد الحميد... عبد الحميد: الصبر الصبر، هتتكسر، هيتكسر كبريائها، هتتكسر شجعتها، هتخسر شرفها، الصبر يا صاحبي، هتتذل و تتكسر هي و ابوها...
الشخص: هههههه، انت فاكر حور بالسهولة دي، حور قوتها في كبريائها و قوتها في عائلتها، نقطة ضعفها محولاها لنقطة قوتها، نقطة الضعف عندها هي عائلتها، بس هي خلت عائلتها نقطة قوتها، حور لو اتكسرت متبينش قدام حد، و لو جت في لحظة ضعف انهارت في يوم و ليلة تتغير من ضعف و انهيار لقوة و تماسك... عبدالحميد: انت دارسها كويس بقي... الشخص: حور هتبقي ملكي في الاول و الاخر ملكي.. عبدالحميد: اكيد متقلقش...
في مكان تاني... في بيت انچي... إنچي: شوفت يا على كل مرة فرصتنا بتضيع، فرصة انتقامنا بتضيع... على: فهد ده معندوش نقطة ضعف ازاي... إنچي: ده مش بيخلي جودي تكلمني خالص... على: لازم يبقي ليه نقطة ضعف، لازم.. إنچي: انا مش هرتاح الا لما انتقم من فهد واخته كفاية ذل بقي... على: لازم نوقع جودي.. إنچي: هنقدر... على: يا رب... على: بس بقولك ايه موحشتكيش... إنچي: طبعا وحشتني... في مكان تاني... في؟يلا عبد الحميد...
إيناس: يا ربي انا لازم اوقف شر عبد الحميد... جت خدامة إيناس المخلصة، (اولفت) اولفت: خير يا ست إيناس... إيناس: قولتلك اسمي إيناس بس، احنا صحاب... اولفت: طبعا يا إيناس... إيناس: انتي معانا من زمان، انا لازم اوقف شر عبد الحميد... اولفت: هتعملي ايه يا إيناس؟ إيناس: معرفش... الباب خبط، الخدامة راحت فتحت... البنت: فهد بيه جوه... الخدامة: لا مين حضرتك؟ البنت: ازاي متعرفنيش، انا جومانة هانم... جومانة: طب في مين جوا؟
الخدامة: إيناس هانم... جومانة: طب وسعي كدة... جومانة دخلت دورت على إيناس... جومانة: طنط إيناس... إيناس(بهمس): اهو مخربة البيوت جت... اولفت(بهمس): هههه و خطافة الرجالة... جومانة: ازيك يا طنط... إيناس: ازيك يا جومانة... جومانة: تمام يا طنط، هو فين فهد؟ جومانة: و ازاي قاعدة مع خدامين؟قومي معايا.. و خدتها و راحوا مكان تاني... اولفت حست بإحراج فقامت تشوف شغلها... جومانة: ها يا طنط مش هتقولي فهد فين؟
إيناس: مع خطيبته... جومانة: no way مستحيل طبعا، انا خطيبته... إيناس: و ده من امتي؟ إيناس: و كمان هو اللي مختار البنت، و البنت محترمة وبنت ناس محترمة... جومانة: مستحيل، عموما يا طنط، فين اوضتي.. إيناس: ليه؟هو انتي مش ناوية تروحي... جومانة: انا قررت استقر في مصر يا طنط... إيناس: يالهووووووووي.. في اللحظة دي فهد و جاسر و فارس دخلوا الفيلا... فارس: خير يا ماما... و بعدين بص للبنت اللي مع مامته...
فارس: لا معاكي حق الصراحة تصرخي... فهد: عيب يا فارس... فهد: ازيك يا جومانة... جومانة: هاي، و حضنته.. جاسر: ايه بقي بتصرخي ليه؟ إيناس: ابدا جومانة قررت تستقر في مصر... فارس: طب انا بقي ورايا شغل، عن اذنك يا جومانة... جاسر: اه و انا ماما مستنياني، خدني معاك... إيناس: فاااااارس، جااااااسر. تعالوا هنا.. جاسر: خير... إيناس: مامتك جاية تبات علشان خطوبتكم... فارس: ليه قولتي ليه؟ جومانة: ايه ده انتوا هتتجوزا...
جاسر: شكلنا هنعمل حادثة... فارس: و مين سمعك... جاسر: اه اه حفلة على الضيق كدة، هنجيب فيها اللي بنحبهم... جومانة: و انا اكيد هأجي... فارس: هو انتي مش بتفهمي و لا ايه، بيقولك اللي بنحبهم بس... جومانة: اه فاهمة... إيناس: قدامي منك ليه... فهد: مش هتكبروا... فارس: اكبر انت لوحدك.. جومانة: بقولك ايه يا فهد، هو انت هتتجوز فعلاو خاطب؟ فهد: اه كاتب كتاب.. جومانة: كمان... و هي بتقرب منه... جومانة: هونت عليك...
فهد كان هيرد، لقي شبشب في وش جومانة... إيناس: ايه ده هو جه فيكي، اسفة كنت اقصد الدبانة اللي جمبك... جومانة(بغضب مكتوم): و لا يهمك يا طنط... و قامت و راحت اوضتها... إيناس: حور لو شافتها هتأكلك بسنانها... فهد: حور مش كدة يا ماما... إيناس: هتبقي كدة كل الستات كدة... فهد: يا ريت... إيناس: هتحصلك مشاكل... فهد: اهدي انتي بس و روقي من ناحية البت... إيناس: هي مش بنت اختي، و لا هي و لا اختي بطيقهم...
إيناس: دي اختي كانت بترسم على ابوك... فهد: ههههههه تصدقي حلوة... و قام و سابها و اليوم كدة يعتبر انتهي... في مكان تاني... عند البنات في الفيلا... حبيبة: لو كنتي تسمعي الكلام مكنتيش اتخدشتي، و انتي عروسة... منة: انتي بالخدش حلوة اوي يا حور... حور: شكرا... ندى: بس هو كان عايزك في ايه؟ حور: مفيش و امشوا عايزة انام، باي.. ندى: محدش بيستفيد منك حاجة... حبيبة: عند حق... خرجوا... حور كانت بتحاول تنام...
تليفونها رن... حور فتحت التليفون من غير ما تبص مين اللي اتصل. حور: الو... فهد: مش عارفة صوتي... حور اتصدمت، و كانت هتقفل.. فهد: متقفليش احسنلك... حور: خير... فهد: مفيش كنت بطمن... حور: انت غبي ياض انت اساسا جابرني على الجواز و بتتصل تطمن... فهد: اولا لسة هحاسبك على طولة لسانك، ثانيا مش لازم اطمن على عروستي... حور: متقولش الكلمة دي فاهم... فهد: عروستي عروستي عروستي... حور: يا مستفز...
فهد: نامي، تصبحي على خير... حور: و انت مش من اهله... فهد: حور... حور: امممم. فهد: عروستي عروستي... و قفل التليفون... حور: اه يا بارد... حور بتحاول تنام... و نامت... شخص1: حور حور حور... حور: ايه مين؟ شخص1: انا هلاكك... شخص2: يا حور حور... حور: مين انت؟ شخص2: انا منقذك... الشخص1 مد ايده، الشخص2 مد ايده... حور خايفة تمد ايديها. حور: فهد! حور: فتحي! الشخص1كان فتحي، الشخص2 كان فهد... فتحي كان معاه مسدس ضرب فهد بالنار...
رواية للفهد عرين
