فتاة جميلة من طبقة متوسطة تحب المغامرات و الجنون تقع في طريقه، طريق الشيطان، من أكبر عصابات المافيا. فهل سيتركها في حالها أم لا؟! تعريف أهم الشخصيات
أدم: بطل الرواية عنده 27 سنة... شخص لا يعرف في عالمه كلمة الرحمة,اللينة و الطيبة,بل يوجد فقط الدم,القسوة و الغلظة...يعتبر الضلع الثاني في المافيا.. و يلقب بالشيطان... تميم: صديق ادم و معاه في عالمه زي ادم بالظبط لا يقل غلظة و قسوة عنه... عنده 26 سنة... و دراع ادم اليمين... ادم بيثق فيه...
عز الدين: صديق ادم و تميم معاهم علطول مع انه معترض على موضوع الدم بس هما اتعاهدوا يكونوا مع بعض في كل حاجة...عنده26 سنة... مرح و عنده خفة دم... بيحب الضحك...و ادم برضو بيثق فيه..
وعد:بطلة الرواية عندها 23 سنة..خريجة طب و بتعشق الضحك و الكلام وبتحب انها تسافر و تعمل مغامرات و بالفعل مجنونة...بتكره العنف و القسوة... و جرئية...
نور:صديقة وعد عندها 24 سنة.. خريجة طب.. تعتبر تؤام وعد و ولاد عم و اهاليهم بيحبوا بعض... و بتتكلم كتير اوي... و حساسة شوية... ريان:اخو وعد عنده 25 سنة.. شاب مرح و جميل و بيحب نور و وعد جدا... شخص منفتح جدا... و بيشتغل في شركة استيراد و تصدير... مصطفي:والد وعد و ريان و بيحب نور كإنها بنته بالظبط.. و بيخاف عليهم كلهم و بيحب مراته جدا و أستاذ جامعي...
منال:والدة ريان و وعد و بتحب زوجها جدا و بتحب نور زي وعد و هي ربة منزل... "عائلة وعد و اعمامها عايشين في عمارة كل واحد بمراته و عياله ليهم دور في العمارة... و هنتعرف على باقي عيلتها في الرواية)... (باقي الشخصيات هعرفهم في الرواية)...
رواية مجنونة في عالمي للكاتبة سلسبيل كوبك الفصل الأول
-في مكان شبه مهجور او يعتبر صحراء... شخص1: يلا الشيطان قرب يوصل انجز... شخص2: ده لو جه ملقاش البضاعة اتنقلت هينفخنا... شخص3: انتوا خايفين كدة ليه؟ شخص1: ما انت متعرفش الشيطان، لانك لسة جديد... شخص2: اخرسوا بقي و انجزوا انقلوا البضاعة... =في مكان بعيد نسبيا... شخص: خلي بالك يا احمد انت بتعلب مع الشيطان و انت مش قده... احمد: انت خايف ليه يا انور احنا مظبطين كل حاجة، هننهي عليه...
انور: برضو مش مطمن الشيطان مش هيقع بسهولة.. - و بعدين لقوا في حدود 7عربيات قدامهم، اول عربيتن نزلوا منهم رجالة لابسة بدل سودة، و بعدين عربية بابها اتفتح و نزل منه عز و معاه شوية رجالة، و بعدين تميم نزل من العربية اللي ورا عربية عز، و راح ناحية عربيه وراه و فتح بابها، نزل الشيطان بهيبته، و تميم قفل الباب... الشيطان وقف في النص و جمبه تميم و الجمب التاني عز الدين...
= ممكن التخيل بالنسبة ليكوا يكون بطئ، لكن كل اللي انا وصفته يعتبر حصل في اقل من دقيقتين احمد: اهلا بالشيطان... ادم: فين البضاعة؟ احمد: نقلناها كلها يا باشا... عز راح حط قدامه شنطة و رجع مكانه تاني... ادم: افتح الشنطة... احمد فتحها لقي فيها مسدس... احمد: هو ايه ده؟ ادم: ده جزاء اللي يلعب مع الشيطان... و طلع مسدسه و ضرب اللي اسمه احمد رصاصة في رأسه...
انور(بخوف): و الله و الله يا شيطان و الله قعدت اقوله لا بلاش ارجوك بلاش، بس هو مسمعش كلامي... الشيطان سابه و راح على عربيته، تميم طلع مسدسه ضرب اللي اسمه انور ده موته... عز راح اطمن على البضاعة و ركب عربيته... و بعدين الكل ركب العربيات، و مشيوا... -الكلام ده كان في حدود الساعة 5 الفجر... في مكان تاني... في عمارة عائلة النجار(فيها اربع اخوات)... تحديدا في شقة عائلة مصطفي النجار(والد وعد)...
تمشي بنت كإنها سكرانة، و ماشية مش شايفة قدامها اساسا... منال(ام وعد): هو انتي هتفضلي كدة كل شوية داخلة راحة على الحمام... وعد: و الله ما فاضية، انا راحة الحمام باي... وعد دخلت الحمام و خرجت كملت نومها... -في الصباح الباكر في حدود الساعة 7... منال: وعد قومي انجزي... وعد لا رد... منال: وعد قومي يا بت مش عليكي شغل، وعد.. وعد لا حياة لمن تنادي... منال: انا زهقت منك اوف نومك تقيل... منال سمعت جرس الباب...
-الباب اتفتح...
نور: اهلا يا منولة حبيبتي انتي... منال: اهلا يا روحي... نور: منها لله بنتك خلتني اصحي من الساعة 6.. منال: مش عايزة تصحي... نور: كماااان آآآآه يا رب، انا لو قطعت علاقتي ببنتك اكيد هتعذريني... منال: اكيد... مصطفي: صباح الخير يا نور... نور: صباح الفل و العسل و الياسمين... منال: هدخل احضر الفطار يا نووووور... نور: بتغيري يا بيضة، ههههه مصطفي: عاملة ايه يا نور حياتي... نور: منال لو سمعتك هتعلقك...
مصطفي: هههههههههه، عندك حق.. نور: انا راحة اصحي بنتك الميتة دي.. مصطفي: ربنا معاكي... نور دخلت اوضة وعد، و قربت من وعد ضربتها قلم على وشها، خلي وعد تقوم مفزوعة... وعد: الحقووووووووووووووووووووووني... نور: هههههههههههههههه منظرك تحفة... وعد: اه يا حيوانة، و ربنا لوريكي... نور طلعت تجري و وعد وراها... وعد: انا تضربيني قلم و لا عاش و لا كان يا روح امي...
ريان: كدة نور تضربك يا وعد لا لا عيب في حقك، انا بهدي النفوس.. منال: اخرس يا ريان... مصطفي: طول عمرك بتهدي النفوس.. ريان(بغرور مصطنع): زود عندك البنات بتحبني... وعد: لا يا شيخ... و نور و وعد نزلوا في ريان ضرب... نور: انا هخرشملك وشك علشان مفيش فردة جذمة تبص ليك... مصطفي: خلااااااص بس بقي انتوا كبرتوا... منال: الفطار جهز يلا... وعد: هخش اغسل وشي... ريان: ما انتي عينك مفنجلة اهي...
نور: لا و النبي هي معفنة زيك... وعد: اختي و ربي... ريان: ايه اخبار الحمام؟ منال: كانت زي الميتة امبارح... الكل ضحك... وعد: بتنقطوا سكر... و بعدين الكل قعد فطر... وعد: هخش البس يا نور... نور: ماشي انجزي... وعد دخلت لبست بنطلون و قميص و سيبت شعرها.. وعد: انا جاهزة يا بابا.. مصطفي: يلا يا ولاد اوصلكوا... ريان: بابا انا خلاص كبرت هعتمد على نفسي.. نور: لا و النبي... وعد: يلا يا بابا احنا هو عايز يعتمد على نفسه...
نور: يلا يا عمو علشان مردش عليه و يزعل... ريان: بتنقطي عسل يا ختي... منال: خلي بالكوا من نفسكوا... مصطفي: بحبك يا روحي... منال(بإحراج): و انا كمان هتوحشني... وعد: احم احم نحن هنا... مصطفي: يلا يا جذم قدامي... ريان نزل الاول. و بعدين كلهم نزلوا وعد و نور و مصطفي و ركبوا عربية مصطفي... و بعدين و هما ماشين بالعربية لقوا ريان واقف مستني مواصلات على اول الشارع... نور طلعت رأسها من الشباك...
نور: ايه يا عم الوحش، عجبك الاعتماد عن النفس... ريان: بتنقطي سكر... ريان ركب معاهم...
وعد: ايدا يا ريان الاعتماد باين اوي... ريان: عجبك كدة يا حاج انا مش عايز ارد و انت موجود... مصطفي: لا الاحترام باين... مصطفي وصل ريان لمقر عمله، و وصل وعد و نور المستشفي اللي هيشتغلوا فيها... مصطفي: خلوا بالكوا من نفسكوا... وعد: ماشي يا كبير...
نور: باي يا وحش... مصطفي: مش هتتغيروا... مصطفي راح على شغله... -عند ريان...
معتز(صديق ريان في الشغل): جت هنا موزة جامدة اوي يا معلم... ريان: يا بني في حاجة اسمها ازيك عامل ايه... معتز: ازيك عامل ايه، بس برضو مش عايز تشوفها... ريان: لا مش عايز، وسع بقي اروح اشتغل... موظف: ريان المدير عاوزك... ريان: عاوزني انا؟! الموظف: اه، ريان راح عند المدير و خبط، و دخل... اول ما ريان ما دخل، لقي بنت في غاية الجمال و المدير... مؤمن: ازيك يا ريان... ريان: ازاي حضرتك يا فندم انا تمام..
مؤمن: دي مايا زميلة جديدة لينا هنا... ريان: اه اهلا تشرفنا يا فندم.. مايا: شكرا... مؤمن: دي هتبقي مسؤليتك يا ريان... ريان: مش فاهم حضرتك؟ مؤمن: يعني هي هتبقي تحت تدريبك... ريان: اه فهمت يا فندم... مؤمن: مايا روحي مع استاذ ريان و هو هيفهمك كل حاجة... مايا: اوك شكرا... ريان: اتفضلي... ريان خرج هو و مايا... معتز(بهمس سمعته مايا): لحقت تشقطها... ريان لسة هيتكلم لقي قلم على وش معتز...
مايا: لما تيجي تتكلم عليا اتكلم بادب، او متتكلمش اصلا و احسنلك لما تشوفني تمشي من الناحية التانية فاهم... ريان(بصدمة): خلاص يا معتز خلاص يا انسة مايا... ريان خد مايا و مشي و كان بيعلمها الشغل و هي كانت بتفهم بسرعة و تستوعب... (مايا بنت جميلة واثقة من نفسها اوي كدة و بنت مؤمن صاحب الشركة بس مبتحبش المظاهر و الكلام ده)... -عند البنات نور و وعد...
وعد: احم لو سمحت احنا لسة جداد هنا ممكن نعرف فين الدكتور محسن... ممرضة: الدكتور محسن اتفضلوا هوريكوا فين مكانه..
نور: شكرا جدا لحضرتك... ممرضة: و لا يهمك... الممرضة وصلتهم و خبطوا على الباب، و دخلوا.. محسن: اهلا اهلا ازيكوا... نور: تمام يا فندم... محسن: كبرتوا بسرعة مين فيكوا وعد و مين نور؟ وعد: انا وعد يا فندم.. نور: انا نور...
محسن: طيب يا شباب عايزين بقي عمل جد و شغل يبقي جد في جد، لازم نثبت مهاراتكوا... وعد: ان شاء الله يا فندم.. نور(و هي بتكتم ضحكتها بصعوبة): اه اكيد يا فندم... و بعدين محسن اتصل بشخص.. الباب خبط... محسن: ادخل... محسن: ازيك يا مهاب... مهاب: تمام يا دكتور.. محسن: دول وعد و نور زمايل جداد.. مهاب: اهلا تشرفت بيكوا.. نور: شكرا.. محسن: مهاب هيوريكوا شغلكوا... وعد: شكرا يا دكتور و ان شاء الله نبقي قد ثقة حضرتك...
محسن: اتفضلوا... و اول ما خرجوا وعد و نور مبطلوش ضحك... مهاب(بإستغراب): في ايه بطلوا ضحك... وعد: لا مش قادرة قسما بالله... نور: هههههههههه قال بيقول ايه عايزين جد و شغل... وعد(و هي بتضحك جامد): ميعرفش اللي فيها... شخص(من خلفها): و يا تري ايه اللي فيها؟.. تاااابع اسفل
رواية مجنونة في عالمي للكاتبة سلسبيل كوبك الفصل الثاني
آخر حاجة وقفنا عندها في الفصل الاول... و اول ما وعد و نور خرجوا من عند الدكتور محسن مبطلوش ضحك... مهاب(بإستغراب): في ايه بطلوا ضحك... وعد: لا مش قادرة قسما بالله... نور: هههههههههه قال بيقول ايه عايزين جد و شغل... وعد(و هي بتضحك جامد): ميعرفش اللي فيها... شخص(من خلفها): و يا تري ايه اللي فيها؟.. الكل بطل ضحك فجأة... مهاب: ادم بيه! ادم بصله بصة خلته يسكت فورا...
وعد اول ما لفت لقت شخص قدامها علطول كان بينهم سنتيميتر... و نور لفت زي صاحبتها لقت 3 اشخاص واقفين قدامهم... وعد: و انت مالك تعرف اللي فيها و لا متعرفش... تميم: اتكلمي بأدب... نور: صاحبتي تتكلم زي ما هي عايزة ياض انت... عز(بهمس): العب شكلكوا مش عايزين تروحوا النهاردة... تميم: ياض، انتي متعرفيش انا مين يا بتاعة انتي..
وعد: لا و الله مش عايزين نعرف مش لما نعرف هنزيد شرف، و يلا بقي امشوا من قدامي علشان لما بتحول معرفش ممكن اعمل فيكوا ايه... ادم قرب منها السنتيميتر اللي باقي... ادم: و يا تري بقي بتعملي ايه؟ وعد: لو سمحت ابعد كدة عيب... ادم ضحك بصوت عالي و مسموع... تميم و عز استغربوا لان الشيطان بيضحك... نور: ايه هي قالت نكتة؟! مهاب: ادم بيه خلاص هما لسة جداد... ادم: شوف شغلك... مهاب: ها..
عز: شوف شغلك انت مش عايز ترجع لاهلك و لا ايه؟ نور: يلا يا وعد مش هنضيع وقتنا مع ناس متستاهلش... وعد: عندك حق يلا... و لسة هيمشوا... ادم: انا سمحتلك تمشي؟ وعد نفضت ليه و كملت مشي... ادم مسك ايديها جامد و شدها ناحيته... وعد(بصوت عالي): انت غبي يلا و لا ايه، احترم نفسك انت مجرد حثالة المجتمع و متستحقش حتى اني اضيع وقتي معاك، و نزل ايديك علشان ما هزأكش اكتر من كدة و هيبتك قدام رجالتك تتهز...
نور: عيب كدة نزل ايديك، مش علشان احنا بنات تمسك ايديها بالطريقة دي... وعد: ابعد بقي... وعد عمالة تحاول تشيل ايديه مش عارفة... وعد خلاص كانت هتعيط... وعد: نزل ايديك... محسن: ادم بيه ادم بيه بعد اذنك كدة ميصحش... ادم: و من امتي و انا بأخد رأيك في حاجة... تميم: و انت بقي يا مهاب معرفتش تعمل حاجة لانك مش راجل فجبت الدكتور محسن صح...
ادم لاحظ ان خلاص هي بدأت تعيط ساب ايديها، و كانت خدودها محمرة و انفها محمر... نور: انتي كويسة... وعد(بدموع): اه... و لقت ايديها احمرت و شبه واقفة مش قادرة تحركها... ادم مشي و وراه الرجالة بتاعته... تميم(بهمس جمب ودان نور): هتندمي على قلة ادبك، و سابها و مشي... عز: معلش يا بنات هو كدة... وعد(بدموع): صاحبك ده ربنا يأخده يا شيخ ده مشافش دقيقة تربية...
عز(بمرح): هو من ناحية مشافش تربية دقيقة عندك حق لكنه شاف تربية ثانية... وعد و نور ضحكوا... عز: يا خلاثي على الفراولة انا... وعد: افندم... عز: انا بحاول اضحكك... نور: انت كدة بتحرجها، ههههه.. وعد: اه يا دزمة... تميم(بحدة): خدت رقمهم و لا لسة يا عز، قدامي... نور: ايه قلة الادب دي... عز: في ايه يا تميم خلاص اهو جاي... عز: سلام يا قمرات... و تميم و عز مشيوا... محسن: انا آسف يا بنتي...
مهاب: معلش يا وعد ده محدش يقدر يقف قصاده... نور: ليه بقي ان شاء الله؟ده بني ادم زي اي بني ادم... وعد: ده شخص حقير و زبالة و كمان معندوش نظر و شخص معندهوش شخصية هو بس مستقوي برجالته هو من غير رجالته لا يسوي جنيه في سوق الرجالة و ربي... نور: عندك حق... محسن بص لمهاب بنظرة مهاب فهمها... محسن: خلاص يا وعد انسي اي حاجة معلش هو بيجي المستشفي كل فين و فين... نور: يعني اللي انا فهمته صح انه صاحب المستشفي..
مهاب: اه صح... وعد: انا مش عايزة اقعد في المستشفي دي الف مستشفي تتمناني... مهاب: لا لا يا وعد بلاش... نور: مش فاهمة هو في ايه؟ محسن: مفيش، و كمان انا عايزاكوا في المستشفي الصراحة هتكسفوا عمكوا، مش انا زي عمكوا... وعد بصت لنور و بعدين قالت... وعد(بإبتسامة): خلاص ماشي يا عمو... مهاب: يلا اوريكوا الشغل... و بعدين مهاب وراهم شغلهم و اشتغلوا شوية و اتعرفوا على كذا بنت هناك... تليفون وعد رن... الخط اتفتح...
وعد: ازيك يا ابويا... مصطفي: في حاجة اسمها يا ابووويا.. وعد: يا حاج في ايه؟ مصطفي: اعدي عليكوا و لا ايه؟ نور: عمو عمو مش ريان عايز يعتمد على نفسه خليه بقي قد المسئولية و يجي يأخدنا... وعد: ههههههه عندك حق... مصطفي: اه من بنات حواء... نور: بتقول حاجة يا عمو.. مصطفي: انا اقدر... -في مكان تاني... عند ريان... كان بيشتغل هو و مايا... ريان: لا طلعتي بتفهمي بسرعة... مايا: طبعا... ريان: و مغرورة كمان ما شاء الله...
مايا: نعم! ريان: خلاص يا ستي الله هتعلقيلي حبل المشنقة... تليفون ريان رن... الخط اتفتح... ريان: الو يا ابويا... مصطفي: هو في ايه ابويا ابويا اتعلموا الرقي... ريان: ابقي اعمله لينا بقي على العشاء... مصطفي: هو ايه؟ ريان: الرقي يا حاج، هههههههه... مصطفي: ظريف طالع لاختك.. ريان: لا تصحيح حضرتك هي اللي طالعالي... مصطفي: جرحت مشاعرك اوي كدة... ريان: اخلص يا حاج جيب المفيد... مصطفي: المفيد اني معرفتش اربي...
ريان: عليك نور ايه بقي؟ مصطفي: البنات عايزنك تجبيهم... ريان: انا لا انا لا انا لا... مصطفي: لا و النبي، انجز ياض... ريان: اوف حاضر، باي... -في مكان تاني... في قصر كبير و عليه حراسة كبيرة كإنه قصر الرئيس، (قصر الشيطان).. في مكتب الشيطان... ادم: ايه الاخبار؟ تميم: كله تمام، كل الورق قدامك... ادم: الملخص يا تميم...
تميم: عندها 23 سنة اسمها وعد مصطفي النجار والدها استاذ جامعي مامتها ربة منزل، عايشة في عمارة لاخوات والدها، عندها اخ عنده 25 سنة بيشتغل في شركة استيراد و تصدير و البنت اللي كانت معاها اسمها نور و تبقي بنت عمها... عز الدين: و متنفعكش... ادم: ليه بقي؟ عزالدين: بكل بساطة لانها بنت محترمة مش زي البنات اللي حضرتك تعرفهم... ادم: و هي هتقدر تقف قدام الشيطان؟ تميم: طبعا لا...
عزالدين: اغبية و هتفضلوا اغبية، و صدقوني هتندموا اينعم انا ممكن اكون بتعرف على بنات و بلمسهم بس هما بيكون عندهم الرغبة و متربوش في بيوتهم لكن اللي زي وعد و نور دول مش هيسمحوا بكدة شرفهم رقم واحد في حياتهم، انا قولت اللي عندي، انا طالع انااام... ادم: اخبار الجوكر ايه؟ تميم: لغاية دلوقتي معملش ولا صفقة في حاجة هو بيخطط ليها... ادم: خليه يخطط براحته، هنشوف اخرتها... تميم: طب يلا انا هطلع انام، سلام..
ادم: و انا طالع... -في المستشفي... نور: ده اتأخر اوي... وعد: بكره التأخير... ريان: بخ... نور: ظريف... وعد: رزل اوي... ريان: بتنقطوا سكر... وعد: طب يلا بقي علشان عايزين ايس كريم و حمص الشام و شيكولاتة و بيبسي و كريب بص شاهيصنا... ريان: ذبابة بتتكلم معرفش ازاي... نور: لا و انت الصادق اسد بيتكلم يا وحش... ريان: يا بت انا بشتمها هي هي عندها لسان تتكلم... وعد: انت مالك ياض اختي و بدافع عني عندك مانع..
ريان: براحتكوا يا رجالة... وعد: يلا بقي... ريان مسك ايد وعد علشان يعديها الشارع(بتخاف تعدي الشارع لوحدها)، و اول ما مسك ايديها... وعد: آآآآه... ريان: ايه؟ وعد: ايدي وجعاني... و بعدين بصت على ايديها افتكرت ادم و ازاي مسكها كدة، و ايديها لسة معلمة مكان الماسكة... نور: معلش خلاص... ريان: طب من ايه؟ نور بصت لوعد بمعني هنعمل ايه... وعد: مش حاجة الشاي وقع عليها كان شبه سخن...
ريان: طب يلا اعديكي الشارع مش عارف معايا بنت اختي انا، واحدة كبيرة و هاطلة وعندها 23 سنة و مش بتعرف تعدي الشارع... وعد: هتذلني هخلي نور تعديني... نور: انا بعدي بالعافية... وعد: دزمة كبيرة... ريان: يا رب يلا بقي و لا ايه؟ ريان خدهم و اكلهم ايس كريم و شربهم حمص الشام و كانوا مبسوطين... ريان: و اهي الشيكولاتة لاخواتي حبايبي... وعد: شكرا و الله احبك انا انا... نور: لا انا احبك اكتر...
ريان: هههههههه ده كله علشان شيكولاتة، يا رب الرحمة... ريان: تعرفي يا نور انتي اكتر واحدة في ولاد عمي تستاهلي حبي ليكي بجد... نو: احرجتني... وعد: بتتكسفي يا بيضة، متخافيش مش طالب يتجوزك... نور: يا بت سيبيني اعيش اللحظة... وعد: عيشي يا ختي مش ده اخويا ابقي قابليني لو معشمكيش و مشي... ريان: وعد برستيجي... نور: ايدا يا بيضة عندك برستيج... وعد: مين ده اللي عنده برستيج... تليفون ريان رن... ريان: هششششش ابوكي...
الخط اتفتح... ريان: الو يا حاج... مصطفي: انت فين يا زفت؟ ريان: و الله و انا كمان بحبك اوي... وعد و نور كانوا بيموتوا من الضحك... مصطفي: قدامك قد ايه و تيجي؟ ريان: انا على اول الشارع يا باشا، دقيقة و تلاقيني قدامك... مصطفي: انت مش مهم المهم اخواتك... ريان: كنت حاسس اني مش ابنك... مصطفي: قفل التليفون... وعد: قفل في وشك، هههههههههههههه... نور: اه منظرك زبالة قدامنا... ريان: يا خفة دمكوا طب يلا يا اختي قدامي...
وعد: هنوصل ازاي في دقيقة يا بيبي... ريان: بت بت انتي الكلمة دي بتعصبني بتحسسني اني ابن اختك الصغير... نور(بهمس): يا بيبي... وعد(بهمس): يا بيبي... ريان: كدة طب شوفي مين هيعديكي الطريق يا وعد... وعد: عادي هعديه لوحدي... ومشيت علشان تعدي الطريق... ريان: يا تري ازاي وريني؟ كان في عربية جاية بسرعة و وعد واقفة مش عارفة تتحرك... ريان و نور: ووووووووووووووووعد...
رواية مجنونة في عالمي للكاتبة سلسبيل كوبك الفصل الثالث
اخر حاجة وقفنا عندها في الفصل الثاني ان وعد كانت بتعدي الشارع لوحدها... كان في عربية جاية بسرعة و وعد واقفة مش عارفة تتحرك... ريان و نور: ووووووووووووووووعد... و بعدين العربية في آخر لحظة وقفت و وعد كانت مغمضة عيونها جامد... ريان جري عليها بسرعة... ريان: انتي كويسة؟ وعد: ايه ده انا عايشة صح، ههههههه.. نور: و ربي مجنونة... ريان حضنها... نور: و انا مليش في الحضن ده... ريان: تعالي يا اختي... ريان حضنهم...
الشخص(اللي كان سايق العربية): انا اسف كنت جاي بسرعة كبيرة اسف... وعد: لا و لا يهمك... نور: طب انجزوا علشان عمو مصطفي هيعمل مننا صوابع كفتة... ريان: عندك حق، يلا... وعد: يلا، و مشيوا وصلوا البيت... الباب خبط... منال راحت فتحت... مصطفي: و النبي قولت دقيقة و جيتلي بعد ساعة... وعد: يعني يا بابا اصل لولا ريان كان زماني في المستشفي دلوقتي...
منال(بخضة): مستشفي ليه يا بنتي حصلك حاجة حد عملك حاجة انطقي يا بنتي ردي.. نور: لو حضرتك سكتي هتتكلم و الله... وعد: اصل انا يا بابا طنشت كلام ريان و قولت هعدي الشارع لوحدي و كانت جاية عربية بسرعة ريان انقذني علطول... مصطفي: طب الحمد الله انك كويسة يا روحي... منال: هتباتي هنا يا نور و لا تحت يا حبيبتي؟ نور: تحت يا طنط... منال: ماشي يا حبيبتي... نور نزلت لبيت عائلتها(محمود النجار)... خبطت الباب...
سعاد(والدة نور): حاضر... فتحت... سعاد: يا بنتي كنتي فين قلقتيني؟ نور: انا كنت مع ريان و وعد يا ماما... محمود: اخبار وعد ايه؟ نور: تمام يا بابا، اخبار شغلك ايه؟ محمود: متعب متعب اوي يا نور... نور: انت قدها يا بطل، هدخل انام علشان خاطر جعانة نوووووووم... سعاد: مش هتتعشي؟ نور: ريان اكلنا، باي.. نور دخلت اوضتها و نامت... سعاد: يا حاج... محمود: ايه يا سعاد؟ سعاد: في ناس طالبين ايد بنتك.. محمود: ناس مين؟
سعاد: ام رفاعي جارتنا... محمود: انتي اتهبلتي يا سعاد ده بلطجي... سعاد: هو تاب... محمود: انتي مجنونة... سعاد: طب قابلهم بس، الناس جايين بيتك يعني... محمود: ماشي يا سعاد... محمود: جايين امتي؟ سعاد: بكرة الساعة 9 بليل... محمود: انتي بقي مظبطة معاهم، و انا مليش رأيي يا سعاد دي اخرتها... سعاد: و الله يا حبيبي انا عايزة افرح بالبنت قبل ما اموت... محمود: بعد الشر يا روحي، انا قبلك...
سعاد: بعد الشر عليك انا الاول... محمود: لا انا الاول... سعاد: لا انا... -في اللحظة دي الباب اتفتح و دخل شاب لابس تي شيرت و بنطلون... الشاب: لا انا الاول... سعاد: انت جيت يا حمزة؟ حمزة: لا انا شبح حمزة و حمزة لسة قدامه ساعتين و يجي، بتسألوا اسئلة غريبة... محمود: طول عمرك لمض ياض... حمزة: انا رايح انام، متوجعوش دماغي... سعاد: مش هتأكل؟ حمزة: لا، باي، ورايا جامعة بقي اوف...
محمود: و انت اللي مجتهد اوي يعني، ده انت فاشل فاشل فاشل مادة ابوك و مش عارف تجاوب فيها اومال باقي المواد... حمزة: خد بوسة يا حاج، تصبح على خير... حمزة دخل نام... محمود: يلا ننام احنا كمان... سعاد: يلا يا حاج... -(محمود: والد نور و حمزة و اخو مصطفي، استاذ جامعي برضو بيحب الكل هو و مصطفي تؤام غير متشابه، و بيحب مراته).. -(سعاد: زوجة محمود بتحب منال زي اختها، و والدة نور و حمزة و بتحب زوجها، و ربة منزل)..
-(حمزة: شاب جميل كدة و وسيم في كلية تجارة و عنده 21 سنة، بيحب ريان زي اخوه بالظبط و بيحب وعد كأخته)...
-اما لما نور نزلت من عند بيت مصطفي النجار... وعد: يلا بقي انام اليوم كان صعب النهاردة... ريان: و انا يلا... مصطفي: شكرا يا ريان كدة اتأكدت اني خلفت راجل انقذت اختك... فلتت ضحكة من وعد... منال: في ايه؟ وعد: لا خالص، طبعا اخويا راجل من غير اي حاجة... ريان: ده وسام احمله على صدري يا مصطفي باشا... مصطفي: ههههههه يا بكاش... منال: انا هنام شغل البيت بيتعبني ما انا لو عندي بنت ها لو عندي بنت مكنتش هتعب...
وعد: سيدي القاضي انني اري اني اتهزأ بطريقة شيك لذلك ارجو ان تدعوني و شأني، تمام يا كبير... ريان: تدعوني و شأني و كبير طب تيجي ازاي... وعد: هموت و انام باي... -الكل دخل نام... -في مكان تاني... في مكان يدعي بالملهي الليلي، او ديسكوا، او بار، حسب ثقافة اللي بيقرأ بقي...؟. في اوضة القمار... بيجلس اكبر رجال الاعمال و المفسدون... كان من ضمنهم الشيطان...
تميم: وطبعا كالعادة الشيطان هو اللي كسب، عايزين تلعبوا تاني و لا كفاية خسارة... عز: انا شايف كفاية خسارة، انتوا ناقص تقلعوا هدومكوا... واحد( من اللي قاعدين): انت ازاي بتكسب يا ادم بيه... ادم: عادي ده حاجة بسيطة كدة انا بلعب على خفيف.. ادم: نتكلم في الشغل... واحد(اسمه يونس): انا بقول كدة... ادم: عصابة الجوكر بتخطط لحاجة، و في كلتا الحالات هو اللي هيخسر...
ادم: اي خاين موجود هنا في عصابة الشيطان يروح يبلغه الكلام ده... يونس: طب و الشيطان مستني ايه علشان يخلص من الخاين... تميم: في الوقت المناسب هتعرفوا... ادم: انا هبيع كمية كبيرة من الرشاشات البلجيكية... واحد( تاني اسمه فارس): السعر... عز: القطعة الواحدة 30000 جنيه... جاسر: بس الجوكر بيبيع ب 26000 جنيه... تميم: و انت عرفت منين؟ جاسر: موجود في السوق...
ادم: الرشاش البلجيكي اللي الجوكر بيبيعه نوعه الماني، اللي هبيعه انا روسي... يونس: تمام يا ادم بيه... جاسر: طرق التسليم و الميعاد... عز: من امتي الشيطان بيقول على طريقة التسليم و الميعاد! ادم: خلص الكلام... واحدة(جاسيكا): طب الشيطان مش ناوي يشرفنا الليلة... ادم(بصلها بسخرية): لا... ادم مشي هو و رجالته و عز و تميم... جاسيكا: هو اتجنن ده و لا ايه، هو يرفضني انا... يونس: انتي عارفة الشيطان، بمزاجه..
جاسيكا: انا هخليه يتمني مني لو لحظة... فارس: يبقي متعرفيش الشيطان... جاسيكا: نعرفه مفيش مانع... -في مكان تاني... في عربية ادم و عز و تميم... عز: البت كانت مزة الصراحة... تميم: اكيد الشيطان رفض لسبب.. ادم: هي دي الخاينة.. عز وقف العربية بسرعة... عز: يعني الخاين جاسيكا مش جاسر... ادم: اه... تميم: ازاي امال شككتنا في جاسر ليه؟
ادم: جاسيكا حبيبة الجوكر و هي كانت فاكرة انها هتقدر على الشيطان، لكن هخليها تتمني مني و لو دقيقة في حياتها... تميم: اطلع انا زهقت من ادم اوف... ادم: الشيطان... عز: مش ناوي ترجع يا صاحبي... ادم: لا، و سوق انجز... ادم: تميم جهز لحفلة هتتعمل في المستشفي... تميم: تمام، السبب؟ ادم: حفلة خيرية اي حاجة... تميم: ماشي، الوقت؟ ادم: بكرة... تميم: مش هنلحق... ادم: بكرة يا تميم... عز: السبب الحقيقي ايه يا شيطان؟
ادم: ركز في السواقة... عز: ايه الاحراج ده... -في الصباح الباكر... -في بيت محمود النجار... نور: لا يعني لا يا ماما... سعاد: نور هي كلمة خلاص... نور: و انا قولت لا يا ماما... محمود: في ايه على الصبح؟ حمزة: ليه عاملين دوشة؟ نور: بص يا بابا ماما عايزاني اتجوز مين رفاعي البلطجي... سعاد: دي مجرد قاعدة يابنتي... نور: ابدا... حمزة: تصدقي رفاعي لايق بيكي اوي، ههههههه.. نور: بابا انت موافق؟
محمود: نور يا حبيبتي مامتك بتقول انه تاب و ممكن يكون بقي محترم، اقعدي معاه مرة واحدة بس... نور: بابا... محمود: كوني عارفة اني مستحيل اغصبك على حاجة... نور: شكرا يا بابا... راحت حضنته... حمزة: يا سلام على حبي و حبك... سعاد: اتصل بقي بأخوك يا محمود... محمود: عندك حق... طلع تليفونه واتصل ب اخوه... كانت عائلة مصطفي النجار قاعدة بتفطر كلها... مصطفي: محمود بيتصل... الخط اتفتح...
مصطفي: ازيك يا راجل واحشني و الله... محمود: و انت اكتر و ربي... محمود: هنشوف بعض النهاردة بقي... مصطفي: انت واخد اجازة؟ محمود: اه جه لنور عريس... مصطفي: يا الف مبروك مبروك... وعد(بهمس): مين ها مين؟ ريان: يا بت اخرسي شوية فضولك هيديكي في داهيك... مصطفي: خلاص تمام، النهاردة الساعة 9 ماشي... محمود: مع السلامة... وعد: ايه يا بابا؟ منال: خير يا حاج... مصطفي: نور جاي ليها عريس...
وعد: عاااااااا كلب البحر هتتجوز من غيري... وعد: وسعوا النهاردة هتبقي مجزرة... منال: بدل ما تفرحي ليها... وعد: لا احنا واعدين بعض هنسمي العيال ايه و واعدين بعض نتجوز اتنين اخوات و في نفس البيت و عيالنا يتجوزوا بعض، احنا مخططين... ريان: امشي يا بت... ريان: بالنسبة يا حاج لعربيتي بس اللي مع وليد ايه الاخبار؟! وحشتني عربيتي... مصطفي: انت عارف ابن عمك...
ريان: ابن عمي يأخد ليه عربيتي لشرم علشان هو و صحابه انا مال اهلي... منال: ولد احترم نفسك... ريان: اوف يا رب... ريان: انا رايح شغلي... وعد: كدة يا بابا انت مش هتوديني الشغل صح... مصطفي: خلي ريان بقي يوصلك يا روحي... ريان: احلف هتخليني اسوق عربيتك... منال: ابسط بقي يا معلم... وعد: طب يلا بقي علشان مش نتأخر... وعد و ريان نزلوا لنور... الباب خبط... حمزة فتح... حمزة: ريان عاش من شافك يا راجل، واحشني...
و حضنوا بعض... حمزة: ازيك يا وعودة... وعد: الصبر يااااااا رب حمزة اسمي وعد مش وعودة فاهم ياض... حمزة: احنا اسفين يا صلاح... وعد: تقبلتوا... وعد: فين اختك كلب البحر؟ نور: جيت اهو... سعاد: طب تعالوا افطروا... نور: ليه خليه للسنيور العريس... سعاد: يا بت انتي مالك؟ ريان: شكرا يا طنط مرة تانية... وعد: يلا بقي باي يا سوسو... حمزة: خدوني معاكوا... ريان: تعالي، ده الحاج وداني عربيته.. حمزة: احلف...
نور: حادثة لن تتكرر الا بعد مليون سنة، هههه... ريان: طب يلا يا اختي قدامي... نزلوا هما الاربعة و ركبوا العربية... اما عند الاهالي... سعاد: انا هبعت لمنال تنزل تساعدني... محمود: ماشي يا حبيبتي و انا هطلع لمصطفي... سعد: تمام... محمود طلع عند مصطفي... الباب اتفتح... منال: اهلا يا استاذ محمود... محمود: اهلا يا ام ريان... مصطفي: ازيك يا ابني واحشني...
محمود: و انت اكتر، بستسمح بس ام ريان تساعد ام حمزة بس لو مش هتضايق... مصطفي: انت بتهزر دول اخوات يا ابني... منال: هنزل انا يا ابو ريان... مصطفي: ماشي... منال نزلت لسعاد و قعدوا يساعدوا بعض... اما في عربية مصطفي... مشغلين اغاني و منسجمين على الآخر... ريان: اوبا بقي انا بقول نكنسل خالص من الشغل و الكلية... حمزة: معنديش مانع... وعد: للاسف مينفعش ده تاني يوم لينا في الشغل...
نور: اوف يا رب كان نفسي اخرج، مش كفاية ان النهاردة جاي اللي اسمه رفاعي... ريان: ماله رفاعي يا بنتي ده حتة سكرة، ههههههه.. حمزة: اقنعها، هههههههه.. وعد: ماله رفاعي يا نور ده حتى نور و رفاعي لاقين على بعض... نور: اخرسي يا بت علشان متضربيش... ريان: يلا انزلوا يا بنانيت... حمزة: خلوا بالكوا من نفسكوا... وعد: متقلقش يا برنس... نور: يلا باي... بعد ما نزلوا... نور: هي مالها جنينة المستشفي مقلوبة كدة ليه؟
وعد: معرفش، انجزي مدي علشان منتأخرش... نور و هي بتمد خبطت في شخص، الشخص لحقها قبل ما تقع... وعد(بهمس): يا حلاوة، هههههه.. نور: انت! الشخص قومها و زقها بعيد عنه... تميم: انتي جاية متأخر ليه؟ نور: و انت مالك انت؟شخص رزل... وعد: خلاص... تميم: مخصوم منكوا شهر كامل... وعد: شهر ايه ده تاني يوم لينا...
نور: سيبيه يا وعد ده فاكر احنا بنشتغل علشان محتاجين فلوس احنا مش محتاجين حاجة، فاهم و مش شخص زبالة زيك هيزعلنا... تميم: انتي قليلة الادب اوي علفكرة و عايزة تتربي... عز: خلااااااااااص، بس.. عز: خلاص يا تميم محصلش حاجة.. وعد: بس هو عايز يخصم مننا شهر كامل و احنا لسة ده تاني يوم ده ظلم لينا... عز: خلاص متخافوش، مفيش حاجة هتتخصم... نور: مش خايفين... عز: خليها عندي...
تميم: انت بتقول ايه يا عز؟!، دول عايزين كدة... عز: خلاص اول مرة يا تميم.. تميم: علشان خاطرك بس... نور: لا و النبي خايفين احنا بقي منك... وعد: خلاص يا نور متزودهاش، و شكرا ليك يا استاذ... عز: عز الدين... وعد: شكرا يا استاذ عز... نور: هو انت متعرفش ليه مزينين الجنينة كدة؟ تميم: انتي مالك يا شيخة؟ نور: موجهتش ليك سؤال، فاهم... عز: ابدا في حفلة صغيرة و الكل هيحضر... وعد: بس احنا مش هنعرف يحضر...
عز: لا الكل لازم يحضر... نور: مش هعرف انا بالذات... تميم: السنيوريتا وراها ايه يا تري؟ نور: موجهتش ليك كلام، انت ليه حاشر نفسك في حياتي، اوف... عز: يا انسة نور ايه السبب؟ نور: انا جايلي عريس النهاردة... عز: و انتي يا انسة وعد؟ وعد: انا بنت عم العروسة و اختها اكيد هحضر... عز: طب اقعدوا نص ساعة و امشوا... وعد: مش معانا لبس حلو و لا اي حاجة... عز: اهو انتوا لابسين فساتين حلوة اهي عادي... نور: اوف ماشي...
تميم: اكيد عريس اعمي علشان كدة متقدملك... وعد: لو سمحت ورانا شغل، يلا يا نور... الكل كان بيشتغل... -عند ريان... ريان: اهلا يا انسة مايا... مايا: اهلا... ريان: يلا بقي نشتغل... مايا: تمام... معتز: انسة مايا... مايا: خير.. معتز: كنت بعتذر على امبارح.. مايا: خلاص ماشي، يلا يا استاذ ريان... معتز: اصدقاء... مايا: لو عايز تضرب زي امبارح افضل واقف مكانك... معتز: انتي شايفة نفسك كدة ليه يا بت...
ريان: معتز انت نسيت نفسك و لا ايه؟ معتز: دي مغرورة اوي... مايا: ملكش فيه احترم نفسك... ريان: انسة مايا خلاص هو ميقصدش، امشي يا معتز... معتز مشي.. ريان: معلش متزعليش منه... مايا: هو لازم يتربي، بس دلوقتي ممكن نشتغل... ريان: اه تمام... في مكان تاني... في كلية حمزة... حمزة كان قاعد مع صحابه... يوسف: يلا ندخل المحاضرة... حمزة: فكك انا مصدقت بابا يغيب... امير: الصراحة عنده حق... يوسف: شوفوا البنت دي...
امير: شكلها في سنة اولي... حمزة سابهم و مشي... يوسف: صاحبك ده رايح فين؟ امير: معرفش... حمزة راح ناحية البنت... حمزة: لو سمحت... البنت: ها... حمزة: شكلك جديدة هنا... البنت: اه انا جديدة هنا... حمزة: انتي في سنة اولي؟ البنت: لا في سنة تالتة.. حمزة: ازاي؟ البنت: انا كنت، هو انت حضرتك مالك؟ حمزة: ها، انا كنت اقصد المساعدة... البنت: طيب شكرا... حمزة: انا حمزة... البنت: ماشي... حمزة: طب ايه اسمك؟ البنت: انت مالك؟
حمزة: علفكرة انتي قدي و كنت هساعدك... البنت: تمام انا اسمي مرام، ممكن توريني فين المحاضرة بتاعتي علشان على حسب الجدول دلوقتي ميعاد محاضرة... حمزة: اتفضلي انا كنت داخلها اساسا، يلا.. مرام: تمام... -في المستشفي... نور: مالك يا وعد؟ وعد: حاسة بخنقة... مهاب: طب اخرجي شمي هواء شوية... وعد: تمام... نور: اجي معاكي.. وعد: لا، لو الدكتور جه او كدة اتصلي بيا.. نور: تمام... وعد خرجت في الحديقة اللي ورا المستشفي...
وعد لقت مكان عبارة عن مخزن بعيد شوية عن المستشفي... وعد(لنفسها): ايه ده؟ و راحت لغاية ما وصلت لباب المخزن... وعد: في حد هنا؟ وعد: يا رب ايه ده؟ وعد: في حد هنا؟ شخص: بتعملي ايه؟
رواية مجنونة في عالمي للكاتبة سلسبيل كوبك الفصل الرابع
آخر حاجة وصلنا ليها في: وعد خرجت في الحديقة اللي ورا المستشفي... و لقت مكان عبارة عن مخزن بعيد شوية عن المستشفي... وعد(لنفسها): ايه ده؟ و راحت لغاية ما وصلت لباب المخزن... وعد: في حد هنا؟ وعد: يا رب ايه ده؟ وعد: في حد هنا؟ شخص: بتعملي ايه؟ وعد: عاااااااااااااااااااااا، و كانت هتقع لولا ان الشخص ده مسكها جامد، و وعد مغمضة عيونها جامد... الشخص: فتحي عينك...
وعد فتحتها ببطء و اول ما فتحت عنيها جت عنيها في عين الشخص اللي قدامها... وعد: ابعد... الشخص سابها... وعد كانت جاية تمشي الشخص ده مسكها من ايديها و شدها... وعد: اه انت غبي... الشخص: هتغلطي هتندمي... وعد: ويا تري هتعمل ايه مثلا؟ الشخص: انتي متعرفيش انا مين؟. وعد: لا و الله، و مش عايزة اعرف كل اللي اعرفه انك شخص حقير و مش محترم و مستقوي بالرجالة اللي معاك، بسسسس... الشخص: انا الشيطان..
نذكر فعلا ان وعد خافت بس حاولت متبينش... وعد: مخفتش.. ادم: اومال ايديك بترتعش ليه؟ وعد بصت على ايديها لقت انها فعلا بترتعش و انه لسة ماسك ايديها... وعد: شيل ايديك فورا... ادم: و لو مشلتهاش؟ وعد: انت ايه يا ابني معندكش اخوات بنات خالص، معندكش دم مش بتخاف على كل البنات اللي يقربوا ليك، ايه هي الرجولة منعدمة عندك اوي كدة... ادم ساب ايديها... ادم: اياكي تيجي هنا تاني فاهمة... مهاب: ادم بيه...
وعد: و ليه بقي مجيش هنا تاني؟ مهاب: هنا مخزن قديم يا وعد و مهجور شوية فانتي بنت ممكن حد يطلعلك كدة يعني... وعد: انا مش غبية علشان تفتكرني هصدق كلامك يا مهاب، المخزن لو مكنش مهم مكنتش انت جيت هنا و لا صاحب المستشفي بنفسه كان جه... ادم فعلا اعجب بيها و بإنها فكرت... تميم: طيب يا اذكي خلق الله اياكي تقربي من هنا تاني علشان هتبقي المرة الاخيرة... وعد: خفت انا مثلا، مبخافش..
عز: آنسة وعد ممكن تسمعي الكلام... نور(من بعيد): ووووعد تعالي كلمي ريان... نور قربت منها... نور: ريان عايزك على الفون... نو: ايه ده انتي واقفة هنا ليه؟ ريان كان على التليفون و نور كانت مشغلة الاسبيكر.. ريان: وعد واقفة فين يا نور؟ وعد: لا مفيش يا ريان انا مش واقفة في حتة... ريان: مش مطمن، عموما اجي اعدي عليكوا امتي.. نور: متنساش تعدي تجيب حمزة... ريان: هعدي عليكوا امتي؟
وعد: بص يا ريان في حفلة بسيطة هنحضرها و نيجي... ريان: حفلة ايه انتي نسيتي العريس؟ وعد: الو الو يا ريان ريان بقولك انت سامعني انا مش سمعاك يا ريان... -وعد شاورت لنور انها تقفل الفون... نور: كان هيهزأنا اوف... نور: يلا نكمل شغل يا وعد... وعد: تمام، هتيجي يا استاذ مهاب... مهاب: اه كمان شوية... نور: تمام... و هما ماشيين... نور(بهمس): ايه اللي حصل؟ وعد(بهمس): هحكيلك... ادم: النهاردة هنفذ العملية...
مهاب: موجود 3 افراد... تميم: تمام كل حاجة هتخلص في الحفلة... عز: انا أمنت كل حاجة تمام... ادم: هنخلص الليلة دي... مهاب: تمام عن اذنك... مهاب مشي... ادم: امشوا... تميم و عز و الرجالة مشيوا... ادم بعد ما الكل ما مشي... ضحك بضحكة سخرية كدة... و بعدين ادم مشي... وعد(بهمس): يعني ايه الكلام ده انتي فاهمة؟ نور(بهمس): لا يا وعد، بس انا حاسة بحاجة وحشة... وعد: متخافيش... نور: انتي فضولية اوي يا وعد...
وعد: ممكن يكون قاصده ايه، و طالما هيستغل انشغال اللي بالحفلة اكيد هيعمل حاجة خطيرة... نور: طب احنا مالنا؟ وعد: نسيبه يعني يعمل حاجة وحشة و يأذي حد... -وعد مكنتش تعرف ان ادم شاف وعد و هي بتسحب نور علشان يستخبوا و يسمعوا اللي هيحصل...
وعد و نور كانوا بيشتغلوا، و ادم و عز و تميم راحوا علشان يجهزوا للحفلة... -في مكان تاني... عند ريان... ريان: انا معلش يا انسة مايا هنأجل الشغل... مايا: ليه؟ ريان: اصل في عريس جاي لاختي فانا لازم اكون جمبها... مايا: اه تمام، الف مبروك... ريان: الف مبروك ايه دي مش موافقة اسااسا، هههه... مايا: هو مش محترم يبقي خلاص... ريان: ده بلطجي يا بنتي... مايا: انت عارف انه بلطجي و موافق عادي ليها حق انها ترفض...
ريان: مبدأيا هي بنت عمي و تعتبر اختي ثانيا ده مجرد كلام و انا بحب نور جدا جدا علشان كدة مش هسمح باي حاجة تحصل غصب عنها مهما حصل، انا مرضاش اني اغصب اختي على الجواز انا راجل... مايا: تمام... ريان: الحاج مؤمن بقي هيوافق و لا لا... مايا: الحاج مؤمن بتقول على صاحب الشغل حاج، عموما يا سيدي هكلمهولك... ريان: احلفي، بس ما هو ممكن ميوافقش برضو... مايا: هيوافق... ريان: انتي جايبة الثقة دي من فين يا بنتي؟
مايا: نتراهن... ريان: ماشي لو كسبتي هعزمك على حمص الشام في يوم... مايا: تمام خلاص هروح اقوله... ريان: هنشوف يلا... مايا دخلت لمؤمن و مؤمن وافق، طبعا ما هي بنته مش هيرفض ليها طلب... ريان: يا بنت الايه وافق ازاي، ده مبيحبش حد يستأذن و يمشي خالص... مايا: ملكش فيه، لازم تعزمني على حمص الشام، تمام... ريان: ماشي يا معلم... ريان: همشي انا بقي باي... مايا: ماشي... ريان و هو ماشي قابل معتز...
معتز: ايه للدرجة دي المزة نستك صاحبك و عشرة عمرك... ريان: معتز دماغك غير دماغي و كمان انا ورايا حاجة مهمة، سلام... معتز: سلام يا صاحبي... -في الكلية... عند حمزة... حمزة: آنسة مرام اتمني المدرج يكون عجبك... مرام: لو سمحت يا استاذ حمزة مش معني اني خليتك تساعدني و توصلني للمحاضرة يبقي بقينا صحاب، و كمان شكرا لحضرتك خلاص كدة مع السلامة... مرام سابته و هو باصص مكان ما هي ماشية... يوسف: الصنارة غمزت و لا ايه؟
حمزة لا رد... امير: ده وقع وقعة سودة و محدش سمي عليه... يوسف(بزعيق): حمزة... حمزة: ايه في حد ينادي حد كدة... امير: احنا بنتكلم من سنة جمبك... يوسف: شكلك وقعت... حمزة: خالص انا بس مستغرب من طبيعتها، عموما يلا انا همشي مع السلامة... امير: سلام... -وعد و نور كانوا بيشتغلوا في المستشفي... -في بيت عائلة النجار... سعاد: لا كدة اتأخرت بنتك اوي... منال: اهدي يا سعاد...
ريان: يا طنط فاضل لسة 4 ساعات على ما الناس يجوا... سعاد: انا غلطانة اني سبتها تنزل... محمود: هو مش ريان قال ليكوا ان في حفلة و لازم يحضروها هيقعدوا 10 دقايق و يجوا خلاص بقي... حمزة: خلاص يا سوسو بقي علطول قفوشة... مصطفي: متخافوش وعد و نور قد كلمتهم... -في مكان تاني... في قصر الشيطان... تميم: انا و عز جهزنا... ادم: تمام...
-كان في شخص بيلبس ادم جاكت البدلة، و بنت بتلبسه الساعة في إيديه و بنت بتلبسه الجذمة... ادم: انا جهزت، زي ما اتفقنا النهاردة تمام يا عز انت و تميم... عز: تمام تمام مع اني مش مرتاحلك... كلهم نزلوا و ركبوا عربيتهم و وصلوا لمكان الحفلة الصغيرة اللي في المستشفى(في ناس هتستغرب لان في مرضي بيبقوا موجودين في المستشفي و هيبقي في دوشة، الحفلة كانت بسيطة و رجال اعمال و مفهاش موسيقي عالية، و كانت في الجنينة)...
وعد و نور كانوا واقفين... وعد: نور زي ما سمعتي هتكوني مراقبة اللي اسمه تميم ده و لما انا هروح المخزن تكوني بعيدة عني نسبيا ماشي... نور: وعد بلاش فضولك يتغلب عليكي ابوس ايديك... وعد: انتي خايفة ليه متخافيش... ادم و تميم و عز دخلوا... و كانت الحفلة ماشية تمام... وعد: نور اللي اسمه ادم ده بيشاور لتميم انا هروح اقف عند المخزن ماشي... نور: ماشي، يا رب...
وعد اتسحبت و راحت عند المخزن، و بعدها بشوية لقت ادم داخل و معاه رجالة كتير دخلوا المخزن... وعد اتصلت بنور... الخط اتفتح... وعد: نور انا هدخل تعالي هنا و راقبي الجو... نور: حاضر حاضر يا رب خدني... وعد لقت باب المخزن مفتوح دخلت اول كام خطوة و لقته ضلمة... وعد(لنفسها): انا بقول لا انا ايه همشي ينعل ابو الفضول يا شيخ.. وعد: اجمدي كدة، مفيش حاجة... وعد: لا لا همشي... وعد: لا مش هخاف...
و هي في صراع بينها و بين نفسها... اما عند نور كانت بتبص يمين و شمال خايفة لحد يشوفها... نور: يا رب انا غلطانة بس خليها تخرج سليمة... نور لقت مرة واحدة حد حاطط ايديه على بوقها و شالها و نور قاعدة عمال ترفص برجليها، و الراجل ده سحبها بعيد عن المخزن... -عند وعد... وعد: انا هخرج انا بخاف من الضلمة اسااسا... و لفت علشان تخرج لقت الباب اتقفل و نور المخزن كله اشتغل... ادم: وووعد...
رواية مجنونة في عالمي