فتاة من مجتمع راقي تكره الرجال او بمعني اصح لا ترى رجال في هذا الزمن ترى ان من تبقى من الرجال اعداد بسيطة تكاد تعد على الايدي عنيدة و قوية و لا تسكت عن حقها...
و بسبب لسانها و ردودها الغير متوقعة تقع في جحيمه
بل إن كلمة الجحيم لا يصف ما ستراه
ستقع في عرينه عرين الفهد...!

هو أنا أول مرة أكتب فبطلب من حضراتكوا تعذروني لو في أخطاء إملائية أو كدة بعتذر ؟
شخصيات الرواية

فهد: بطل الرواية عمره 29 سنة رجل اعمال مشهور يمتاز بالوسامة و الشجاعة قوي لا يهاب أحدا مغرور متكبر عنيد شايف ان كل الستات ما هم الإ جواري يستمتع بيهم و يلقبونه بالفهد...
عبد الحميد: والد فهد شخص جبار و متسلط يحب المال رجل اعمال مشهور بس يعمل بأعمال غير قانونية...
إيناس: زوجة عبد الحميد و والدة فهد شخصية طيبة و محترمة تحب زوجها بشدة و لكن تعلم ان ما يفعله خطأ و تنصحه و لكنه لا يقبل النصيحة و يهينها بالكلمات و تحاول ان تغير طباع ابنها فهد و لكن لا يستجيب...

فارس: أخو فهد يلهو و يلعب بالنساء مثلما تعلم من أخيه الأكبر و يبلغ من عمره ال 26 عاما و لكنه غير فهد فهو شخص مرح يحب الضحك و الخروجات و هكذا...
جودي: أخت فهد بنت بتكره الريف و الطبقة السفلي و مغرورة و ما تطلبه يأتي إليها بدون أن تبذل أي مجهود بتسهر و بتخرج و مكبرة دماغها من الجامعة و المذاكرة...
جاسر: صديق فهد المقرب بس ممكن نقول انه اعقل منه شوية بس شاب جدع و شهم و بيقف جمب فهد في اي وقت و ليه شراكة مع شركة فهد...
حور: بطلة الرواية عمرها 24 سنة بنت أحد كبار رجال الاعمال المشهورين بنت جميلة و ليها شعر أسود حرير و ليها عيون بتسحر الواحد ومتواضعة و طيبة و بتثق في الناس بسرعة بس بتعرف امتي تفصل لو تطلب الأمر بتحب عائلتها و أصحابها جدا و عنيدة و مبتعرفش تسكت كتير..

أدم: والد حور أب حنين و بيخاف على بنته و عارف انها تقدر تحمي نفسها كويس و بيحبها اوي هي و مراته و ابنه...
نوران: إنسانة طيبة و بتحب بنتها و بتهتم بيها و بتحب ابنها و بتحب زوجها و بتهتم بيهم و بتراعهم بالإضافة إلى شغلها...
يوسف: أخو حور وسيم كدة و واد لطيف كدة و بيحب أخته و بيعتبرها صاحبته و بينهم علاقة حلوة و جميلة كدة...
حبيبة: صديقة حور و أسرارهم مع بعض و بيخافوا على بعض و لا تقل وسامة عن وسامة حور و تعتبر الفرد التاني في العصابة من عصابة حور...
منة: صديقة حور و حبيبة و برضو أسرارهم مع بعض و ليها وسامة من نوع خاص و ليها غمازات و الفرد التالت في العصابة من عصابة حور...
ندى: صديقتهم الرابعة و برضو مبيخبوش حاجة عن بعض و بنت جميلة و هي الفرد الرابع في العصابة من عصابة حور...

دول يعتبروا أهم الشخصيات اللي هتدور حواليهم الرواية اتمني تنال إعجابكم. ؟
رواية للفهد عرين للكاتبة سلسبيل كوبك الفصل الأول

تبدأ قصتنا في فيلا أدم الشاذلي في الصباح الباكر حيث:
نوران: دادة إحسان قومي صحي حور علشان الفطار..
إحسان: حاضر يا هانم..
أدم: هي حور لسة مصحيتش ده الساعة 9 و قال إيه انا بحب الشغل يا بابا بتاعت كلام و خلاص..
نورات: ههههههه خلاص بقي دي لسة صغيرة..
أدم(بحب): أومال انتي تبقي ايه ده انتي اختها يا شيخة..
نوران: خلاص بقي.

في غرفة السنيوريتا حور، الدادة إحسان بتخبط على الباب و لكن مفيش رد خبطت مرة اتنين تلاتة مفيش رد فدخلت الغرفة لقيت نور الأوضة شغال (لأن حور من النوع اللي بتخاف من الضلمة فبتفضل مشغلاه)
اول ما دخلت الدادة لقيت حور نايمة على سريرها بطريقة مضحكة جدا كأنها طفلة
الدادة: حور يلا اصحي يا حور و بعدين معاكي.
حور: امممم شوية الله.
الدادة: بقي كدة.

الدادة إحسان مسكت كوباية الماية اللي على الكمودينو و دلقتها كلها عليها..
حور: بغرق.
الدادة قعدت تضحك على منظرها و تقولها تستاهلي قومي..
و سابتها و خرجت.
الدادة (و هي خارجة)قالت: قومي يلا علشان الفطار..
حور: ماشي خلاص قايمة اوف..

حور دخلت الحمام الخاص بها في غرفتها و خدت الدوش الخاص بها اللي بيساعدها على النشاط و الحيوية و خرجت لبست بنطلون جينز و تيشيرت أبيض بنص كم و سرحت شعرها على شكل كعكة مع تمرد بعض الخصلات على وجها و لبست الكوتشي بتاعها و نزلت..
في غرفة الطعام...
حور: صباح النور على أحلي عيون شافتها عيني..
أدم: كلي بعقلي حلاوة امشي يا بت من هنا.





حور: يرضيكي كدة يا ماما طب مش هأكل..

نوران: لا تصدقي ضحكتيني مين دي اللي مش هتأكل ده انتي مخلصة على نص أكل البيت.
حور: احم احم برستيجي ضاع كدة -و كمان مين قال اني مش هأكل انا قولت كدة يا بابا..
ضحكوا كلهم..
و قعدت حور مع والدها و والدتها علشان يأكلوا..
و بعدين حور افتكرت حاجة..
حور: هو فين يوسف؟!
نوران: لسة نايم و مش عايز يصحي..
حور: أوك ماشي. انا بس اللي بتصحوني..
أدم: ناوية حضرتك تبدأي شغل إمتي؟

حور: اووف صح نسيت دول العيال مستنيني علشان اوصلهم شغلهم..
أدم: إنتي هتجنيني يا بت إنتي..
حور: خليك رويح يا أبو روجتي، هههههههه
و كمان حضرتك عارف إني بحب الشغل بس طالما هشتغل يبقي ادلع نفسي يومين كدة قبل ما ادخل على الجد..
أدم: ادلع نفسي غوري يا بت من وشي..
حور: ماشي يا عم بس افتكرها..
نوران: خلي بالك على نفسك يا حور..
حور: قلبي انتي يا مامتي انا احبك انتي انتي.
أدم: يا سلام و انا مليش في الحب نصيب..

حور: يا دومي انت في الحتة الشمال..
يوسف( اخوها بعد ما صحي و سمعها)قال: بيئة اوي علفكرة..
حور: انا بيئة طب لما ارجع..
يوسف: لا و النبي وريني دلوقتي..
حور: ظريف؟
-انا ماشية باااي، احبكوا؟
في مكان تاني في شركة الفهد و اللي طبعا بيملكها بطلنا المغرور فهد..
في مكتب فهد:
فهد: جاسر عملت ايه في الصفقة الأخيرة؟!
جاسر: عيب عليك طبعا كسبناها..
فهد: تمام، يلا روح شوف شغلك و لو في جديد قولي..
جاسر: ماشي يا كبير..

فهد: بطل ألفاظك دي..
جاسر: ده انا برئ و كل البنات بتحبني..
فهد: إمشي يلا من هنا...
جاسر: اه صحيح في حفلة بليل بس ايه عسل اوي و فيها بنات مزز. هتيجي؟
فهد: هشوف يلا على شغلك..
جاسر: أنت قفوش ليه فوفو..
فهد: بصله بصة تخليه يموت في مكانه..
جاسر جري على بره علطول؟جبان..
حور وهي في عربيتها بتتصل ب صحابها في مكالمة جماعية(بحيث يتكلموا هما الأربعة مع بعض)
حور: ها يا بنات انتوا فين علشان اوصلكوا؟

حبيبة: انتي لسة فاكرة انا روحت على الشغل، انتي عيلة واطية اساسا..
ندى: يعني انتي متصلة بيا علشان كدة و مصحياني من نومي جتك القرف...
منة: سيبك منهم يا حور عدي عليا و وديني على شغلي و النبي..
حور: ده الترحيب الجامد ده انا غلطانة اني عبرتكوا..
حبيبة و ندى: غوري.
حور: بتقولي حاجة يا منة...
منة: ههههههههه. اكيد منظرك زبالة دلوقتي قدام نفسك؟
حور: يا جذمة هوريكي، طب اقولك مش جيالك روحي لوحدك بقي..

منة: عادي هروح مواصلات..
حور: طب اقفلي يا زبالة...
منة: عيوني..
حور راحت على النادي اللي مشتركة فيه، وقعدت على الكافتيريا اللي هناك، و كانت بتقرأ رواية و منسجمة، ثم..
على(شخص رزل كدة حور مش بطيقه): إيه الجمال ده! هو القمر بقي بيطلع بالنهار كمان..
حور: ياااا ربي! هو انت مش وراك غيري و لا ايه انت سئيل اوي و بارد و معندكش دم..
على: في ايه يا حور احنا زملاء..
حور سابته و لمت حاجتها و مشيت..

على(في نفسه): غصب عنك هتبقي ليا يا حور...
جيه واحد صديق على..
علاء: هي حلقتلك و لا ايه؟
على(بغيظ مكتوم): لا طبعا هي بس وراها مشوار. كداب اوي على ده..
حور و هي ماشية و قاعدة عمال تتكلم بكلام مش مفهوم من عصبيتها بسبب على,فخبطت في بنت





حور: انا آسفة.
البنت: إنتي غبية مش تحاسبي..

حور(أكيد مش هتسكت): انا غبية يا حيوانة و انا غلطانة إني اعتذرتلك اللي زيك مغرورة انتي شايفة نفسك على الفاضي انتي مجرد كوم زبالة مكانك في الزبالة اساسا..
البنت(كانت في قمة غضبها و لسة هترد), حور سابتها و مشيت؟شرسة حور دي
حور راحت على مكان الملاكمة لأنها بتحب تدافع عن نفسها بنفسها و بتحب الكابتن كأب لأنه كبير شوية
الكابتن(محمد): ناوية تتمرني إنهاردة؟
حور: اه يا كابتن..
و بعدين نسيب حور تتمرن..

في شقة متوسطة بس جميلة و متزينة حلو تليق بشقة بنات، دي بقي شقة حبيبة و منة و ندى و حور بيباتوا مع بعض فيها يعتبروا هما الأربعة أخوات مش صحاب..
تقوم ندى و تخش الحمام و تخرج تفطر وتلبس بنطلون جينز و تي شيرت باللون الأحمر و تسيب شعرها القصير الأسود و تتصل ب حور
فحور مسمعتش التليفون خالص..
ندى: هي مش عايزة ترد الحيوانة دي ليه؟!
بعد فترة قصيرة..
حور بتتصل بندي-اول ما الخط فتح.

ندى: يا زبالة يا حيوانة يا معفنة يا بهيمة انا ندى تتصل بيكي و مترديش يا واطية..
حور: بس يا بيئة كنت بتمرن..
ندى: و لو، مش كفاية إني في حياتك..
حور: إنتي مغرورة اوي يا بت إنتي اسكتي تعاليلي على النادي..
ندى: انا اجيلك انتي يععع..
حور: تصدقي إني غلطانة إني عبرتك..
حور: خلاص أخر كلام اجيلك و لا إنتي تيجي..
ندى: هفكر..
حور: إخلصي يا حيوانة..
ندى: خلاص جيالك..
حور: باي.
ندى: باي.
حبيبة في شغلها و المدير طلبها..

المدير: حبيبة ازيك.
حبيبة(بغضب تحاول كتمه): حضرتك مناديني علشان كدة.
المدير: اه لا اقصد انتي عملتي ايه في اخر شغل ودتهولك.
حبيبة: خلصته يا أستاذ محمد
المدير (محمد): ممكن تقوليلي محمد بس، و لا اقولك بصي الصراحة كنت عايز اقولك حاجة، انا معجب بيكي...
حبيبة(و قد تملك منها الغضب): انت حيوان و انا صبرت كتير بس لحد هنا و كفاية انا بقدم إستقالتي جتك نصيبة في شكلك.

و خدت شنطتها و خارجة متعصبة و هي ماشية في الشارع عربية خبطتها فأغمي عليها...
تاااابع اسفل