رواية صدفة أم قدر للكاتبة سلسبيل كوبك الفصل السابع عشر
ان ادهم كان باصص لاسيل ملاحظش العمود فخبط فيه، و عمل حادثة... ال Air bag اتفتحت عند ادهم اما اسيل رأسها اتخبطت، كريم و عدي نزلوا بسرعة لادهم... كريم: انت كويس يا ادهم... ادهم: اه اه، اسيل اسيل... ادهم نزل من العربية و راح ناحية باب اسيل و فتحه لقاها مغمي عليها، ادهم شالها و راح علي عربية عدي و كريم و قعد في الكرسي اللي ورا... عدي: متقلقش اغماء بسيط... ادهم: تمام... الكل وصل للقصر...
ادهم شال اسيل و دخل القصر... عبدالرحيم: حصلها حاجة؟ ادهم: لا هي بخير... ادهم شال اسيل و طلع علي اوضته... احمد: حصل ايه يا عدي؟ عدي: و احنا مروحين عملنا حادثة... صفية: ادهم ادهم كويس. كريم: ال Air bag اتفتح تمام... كريم: انا ماشي... احمد: طب كشفتوا علي اسيل... سوزان: انت طالعة انام... صفية: و نكشف عليها ليه... عدي: هو مجرد اغماء علشان الضربة كانت قوية خلاص، تعالي يا كريم بات معانا... الكل راح نام...
-عند اسيل و ادهم... ادهم حط اسيل علي السرير و غير ليها هدومها لبيجامة عبارة عن شورت و تي شيرت بحمالة، و ربط رأسها بشاش لانها كانت بتنزل دم... و بعدين راح هو غير و نام جمها... -في حدود الساعة 6 الصبح... اسيل نايمة و عمالة تعيط و ماسكة في المخدة جامد و بطلع صوت انين بسيط... ادهم حس بصوتها قام... ادهم: مالك يا اسيل؟ اسيل بتعيط... ادهم: اسيل ردي حاسة بوجع طيب؟ اسيل هزت رأسها بمعنى اه...
ادهم: لو رأسك فده شي طبيعي هجبلك مسكن... اسيل: لا انفي(بمعني مرخيري)... ادهم: طب حاسة بإيه؟ اسيل(بعياط): وجع مش قادرة استحمله يا ادهم... ادهم: تعالي نروح المستشفي... ادهم قوم اسيل و جاب ليها لبس و لسة هيلبسها... اسيل(بعياط): انا هلبس نفسي... ادهم: اسيل متتكمليش خالص... اسيل مكنتش قادرة تقاوم، و ادهم غير ليها هدومها و دخل لبس بنطلون و تي شيرت... ادهم: يلا بينا...
ادهم شال اسيل و نزل علي تحت، و خرج الجنينة... عبدالرحيم(بخضة): مالها اسيل يا ادهم؟ ادهم: حاسة بوجع هروح اكشف... عبدالرحيم: جاي معاك... ادهم خد اسيل و عبدالرحيم و ساق عربيته بسرعة متوسطة علشان متتخبطش... ادهم وصل للمستشفي و شال اسيل و دخل المستشفي... ادهم: عايز دكتورة بسرعة... ممرضة(بانبهار): ايه؟ ادهم(بزعيق): ما تنجزي تجيبي دكتورة... ممرضة: حاضر حاضر... عبدالرحيم: معلش يلا يا بنتي...
اسيل مكنتش قادرة تستحمل و بتعيط جامد و ماسكة في ادهم اوي و بدأ انفها ينزل دم... ادهم: اسيل اهدي... دكتور: اقدر اساعد بإيه؟ ادهم: انت شايف اي؟ دكتور: اه طب اتفضل معاايا... ادهم مشي ورا الدكتور و عبدالرحيم وراهم... ادهم: انت دكتور انف... دكتور: اه يا فندم. ادهم حط اسيل علي السرير و اسيل ماسكة فيه جامد... ادهم: اهدي انا جمبك خلاص... عبدالرحيم كان مبسوط من معاملة ادهم لاسيل... الدكتور بدأ يكشف و يعالج الموقف...
الدكتور: الحمد لله محصلش كسر في الانف، بس شكلها اتخبطت و الخبطة كانت قوية... الدكتور: هديها مسكن و علاج هتمشي عليه و لازم متابعة، و لازم راحة يعني متعملش مجهود لان اي خبطة هيبقي في ضرر كبير... ادهم: تمام... و بعد ما الدكتور عمل اللازم، ادهم شال اسيل و اسيل خبت وشها في رقبته... عبدالرحيم: الف سلامة يا حبيبتي... اسيل(بتعب): الله يسلمك يا جدو... ادهم(بمرح و همس): طب مفيش شكرا للي طالع عينه ده و لا ايه؟
اسيل(بابتسامة خفيفة): شكرا يا ادهم... اسيل باست ادهم علي خده... ادهم(بهمس): بتبوسي ابن اختك... اسيل: انت فايق و رايق... ادهم: ايه رأيكوا نفطر بره... عبدالرحيم: يبقي امشي بقي... ادهم: لا احنا التلاتة... اسيل(بتعب): اه يا عمو عايزة اغير جو، منه لله رؤوف الكلب... ادهم: زمانه نال جزاءه... اسيل: يعني ايه؟ ادهم: هتسمعي في الاخبار... ادهم خد اسيل و عبدالرحيم و ركبوا العربية... ادهم: هتأكلوا ايه؟
عبدالرحيم: اي مطعم ده لو في حد فاتح... اسيل(بخفوت): فول و طعمية... ادهم: ايه مسمعتش؟ اسيل(بخفوت): فول و طعمية... ادهم(بتسلية): مسمعتش... اسيل(بعصبية): مش عايزة حاجة، شايف يا جدو ده شخص رزل... عبدالرحيم(بضحك): انا مالي... ادهم(بضحك): نأكل فول و طعمية. لكن لو روحنا المستشفي تاني هنفخك... اسيل: الدكتور قال الرااااااحة، تعرف الراحة و لا اعرفهالك... ادهم: مجنونة... ادهم راح لمطعم بتاع فول و طعمية...
ادهم: هنزل اجيب... ادهم نزل... اسيل: جدو معاك فلوس... عبدالرحيم: عايزاها ليه؟ اسيل: هبقي اردهالك بس هات... عبدالرحيم طلع من جيبه فلوس و وداها لاسيل. اسيل: حبيبي، هروح اجيب حاجة و اجي... عبدالرحيم: يا بنتي انا مش قد غضب ادهم... اسيل: متخافش... اسيل نزلت و راح لسوبر ماركت اشترت حاجة و رجعت... ادهم جه... ادهم: فين اسيل؟ عبدالرحيم: و الله يا ابني انا مش عارف... اسيل: انا اهو... ادهم(بعصبية): كنتي فين؟
اسيل طلعت من ورا ضهرها شيكولاتة كبيرة... اسيل(بابتسامة): كنت بجيب دي علشان اشكرك... اسيل: شكرا، و باسته من خده و راحت ركبت... ادهم(لنفسه): ايه ده؟! دي خطر و ربنا... عبدالرحيم: طب و انا مليش... اسيل طلعت من جيبها بونبوني و ودته لجدها... اسيل: مقدرش انساك انا يا طعم... ادهم: طلع السندوتشات... اسيل بدأت تطلع و تأكل، و ودت لعبد الرحيم و ادهم... اسيل: الله يا ادهم بجد روعة... ادهم: هاتي واحد تاني... اسيل: ها؟..
ادهم: ايه يا بنتي هاتي واحد... اسيل: كتره غلط يا ابني اسمع مني... ادهم مسك الكيس لقاه فاضي... ادهم(بصدمة): ايه ده؟ اسيل(باحراج): انا كنت جعانة و انا بحبهم اوي، آسفة. عبدالرحيم و ادهم ضحكوا عليها... ادهم(بضحك): لو لسة جعانة ممكن تأكليني... اسيل: بتنقط سكر... عبدالرحيم: بطل يا واد تضايقها... اسيل: شخص مستفز... وصلوا للقصر... باسم كان لسة هيمشي... باسم: كنتوا فين؟ ادهم: كنا بنتفسح...
باسم: حد يتفسح من الصبح بدري... باسم: ايه ده ايه اللي في وشك ده يا اسيل؟ اسيل(بتوتر): اصل لما كنا بنتفسح انا وقعت... عبدالرحيم(بهمس): كدابين... باسم: طب انتي كويسة؟ اسيل: عيب عليك. ادهم كان معايا متخافش... باسم(بضحك): كنت فين من زمان يا ادهم؟ الكل ضحك... رحيق: اسيل سوسو... اسيل: روح جلبي... ادهم: جلبي يا بيئة... اسيل: لو مش عجبك طلقني... رحيق(بدموع): ايه اللي حصلك، حصل حاجة طمنيني عنك؟
ادهم: انتي بتعيطي بسرعة اوي اسرع من الاطفال. باسم: لا علفكرة اسيل بتعيط اسرع... رحيق: انتي كويسة؟ اسيل: اه يا روحي بخير، وقعت بس و انا بتفسح. رحيق مسكت اسيل من انفها... اسيل(بصوت عالي): آآآآآه... ادهم زق رحيق بعيد عن اسيل... ادهم(بغضب): انتي غبية؟ ادهم: انتي كويسة؟ اسيل: اه اه. رحيق(بعياط): انا آسفة... اسيل راحت و حضنتها... اسيل: خلاص مفيش حاجة ادهم مكنش قصده... ادهم: معلش يا رحيق...
باسم(بشك): متأكدين انك وقعتي بس... عبدالرحيم: هدخل انا وقفة الشوارع مليش فيها... اسيل: هي غزل بتبصلك ليه كدة؟ باسم لف رأسه و شاف غزل بتبصله بغيظ من البلكونة و هو ابتسم باستفزاز... باسم: اصلي شرحتلها امبارح ربع المنهج و صحيتها من الصبح بدري و قولت ليها تذاكر لغاية ما اجي و متنزلش من الاوضة اللي و هي ذاكرات اللي ذاكرته ليها... رحيق: يا غليظ... اسيل: اخويا واطي يا جدعان... صفية: ايه وقفة الشوارع دي؟
صفية: يا نهار ايه اللي في وشك ده؟ اسيل(بهمس): ادهم هو انا وحشة... ادهم(بحب اسيل ملاحظتهوش): لا انتي حلوة في كل حاجة... اسيل: تمام... اسيل: طب اطلع بقي ارتاح... ادهم: يلا اشوفك بليل يا باسم... ادهم(بهمس): و خف علي البت شوية... رحيق: هطلع معاكي في مذاكرة تذاكريلي... ادهم: هي بتفهم حاجة... رحيق: اه بتشوف نت و تشرحلي... ادهم: تعالي هشرحلك... ليلي: طب هي هيتشرح ليها و انا اروح اطحن في الكلية يرضيك...
ادهم: تعالي يا مجنونة... اسيل: تعالوا عقبال ما يحضروا غداء... ادهم(بهمس): انتي ناوية تأكلي تاني؟ اسيل بصتله بإحراج... ادهم: عن اذنك يا وحش... باسم: تمام... باسم بص لغزل و بعت ليها بوسة في الهواء و ابتسم باستفزاز و ركب عربيته و مشي... غزل(بغيظ): و ربنا لاربيك يا باسم... غزل: يا رب اعمل ايه؟ غزل: اتحداه و هذاكر بس... سوزان: كنتوا فين من الصبح... اسيل: انا طالعة... ادهم: كنا بره...
اسيل و ادهم و رحيق و ليلي طلعوا علي اوضة اسيل و ادهم... رحيق: بس علفكرة الاوضة حلوة مش زي اوضة اسيل في امريكا... ليلي: ليه؟ رحيق: الاوضة كانت باللون الوردي الانسة غيرتها للون الرمادي مع الاسود و الاسود اكتر... ادهم(مستغل وجود رحيق و ليلي): اسيل حبيبتي تعالي غيري ليا هدومي... اسيل بصتله بصدمة، و رحيق و ليلي اتحرجوا... ادهم مسك ايد اسيل و دخل اوضة الملابس... اسيل(بهمس): انت غبي؟ ادهم(بهمس): ليه؟
اسيل: يا ربي علي البرود... ادهم: هغير الله... اسيل لفت وشها و ادهم غير هدومه... اسيل: اخرج بقي بره، رزل... ادهم خرج... ادهم: ها يا بنانيت هشرح ايه؟ رحيق: كل الكتب دي... ادهم(بصوت عالي قاصد يسمع اسيل): اه و انا اللي كنت واخد اجازة علشان ناس... اسيل غيرت هدومها لبنطلون و تي شيرت... اسيل: اشرح يا ادهم و سيبني اشتغل... ادهم: لا شغل مفيش... اسيل: هشتغل اونلاين... ادهم: تمام... اسيل بدأت تشتغل، و ادهم بيشرح...
اسيل: هنزل الجنينة... ادهم: ليه؟ اسيل: صوتكوا... ادهم: خشي المكتب... اسيل: عادي يعني موافق؟ ادهم: اه... ادهم قام و اسيل قامت و لمحت الباسورد... اسيل: انا داخلة كملوا شرح... ادهم بدأ يشرح و البنات تفهم و الفطار طلع لعندهم. و اسيل بتأكل في المكتب و بتشتغل...
-في مكان تاني... في فيلا الجارحي... محمد: وحشتني اسيل اوي... فردوس: و انا... سالي: اهي مشيت و ارتاحنا منها... سامر(بحدة): سالي اتكلمي بأدب... سالي: من امتي و انت بتزعق ليا؟ سامر: من ساعة ما اتماديتي في غلطك، سبب انك لسة مراتي اسيل... سالي: خلاص طلقني... سامر(بانفعال): انتي طااالق... سالي(بصدمة): طلقتني... نيرة: سامر مكنش ينفع... سامر: خدي هدومك و امشي... نيرة: سامر اهدي بس... نيرة: اتكلمي يا ماما...
فردوس: لو دي رغبته براحته... محمد: سامر اهدي و فكر... سالي: انا همشي... سالي قامت و لمت هدومها... سالي: بس هرجع و ناري هتحرقكوا كلكوا... نيرة: اهدي يا بنتي، اهدي يا سالي... سالي: وسعي... سالي مشيت... سامر: احسن هي تستاهل... نيرة: طب و رحيق و باسم... محمد: هما كبروا... غزل: صباح الفل... نيرة: صباح النور يا روحي... غزل: مالكوا في ايه؟ خدامة: مدام غزل باسم بيه امرني اول ما اشوفك بره اوضتك اطلعك اوضتك تاني...
فردوس: ليه كدة؟ غزل: انا خلصت اللي عليا انا مالي... خدامة: بعتذر مش هقدر... غزل: لا يعني لا... نيرة: خلاص سيبيها... غزل: قلبي، اومال فين مدام سالي؟ سامر: انا قايم اشتغل... -عند اسيل... اسيل: اه ضهري ايه الشغل ده؟ و بعدين اسيل افتكرت لما ادهم دخل عليها... (نرجع دقيقتين)... ادهم: عن اذنكوا يا بنانيت دقيقة و جاي. ليلي: تمام... رحيق: اذهب للجحيم... ادهم دخل لاسيل... اسيل: خلصت؟ ادهم: لا، الدواء... اسيل: اه، هات...
ادهم وداها الدواء و شربها ماية... اسيل: شكرا... ادهم مسح الماية من علي شفايفها، و سند علي طرف المكتب و حاصر اسيل و هي علي الكرسي بإيديه... ادهم: تعرفي انك غريبة جدا... اسيل: بمعني؟ ادهم: تركيبتك غريبة جدا... اسيل: اه اصل انا بستعمل شامبوا تلاتة في واحد... ادهم(بضيق): اكيد مش كدة... اسيل: اووووه شكلك اضايقت طيب يا سيدي مالي انا بقي، غريبة ليه؟ ادهم: معرفش... ادهم: ممكن اسأال سؤال؟ اسيل: اتفضل...
ادهم: لما حد يحب شخصين و يلاقي شعوره مع التاني غير مشاعره مع الاول يبقي ايه؟ اسيل: بص وجهة نظري انه الاول مكنش حب اساسا مجرد اعجاب... اسيل: بس بتسأل ليه؟ ادهم: معرفش... اسيل: ادهم انت كويس... ادهم: برضو معرفش... اسيل قامت و حضنته... اسيل(بضحك): اه عارفة انا المرض ده مرض كلابي. ادهم كان حاضنها جامد... اسيل: ايه يا ابني انا ههرب؟ ادهم(بخفوت): ممكن...
اسيل: لا انا كدة اقلق، فين ادهم المستفز البارد الغضبان العصبي المز الحلو ده، اسيل غمزت ليه... ادهم: تعرفي ان عيونك حلوة... اسيل: بتردها ليا... ادهم قرب من اسيل و باس عنيها و اسيل كانت مستغربة من تصرفه و متوترة و فرحانة مش عارفة توصف شعورها... اسيل: ادهم انت كويس... رحيق(بصوت عالي): هو الجو حلو جوا و لا ايه؟ ادهم: اهي اختك اهي، انا رايح... اسيل: تمام...
ادهم قبل ما يخرج بعت ليه بوسة في الهواء و غمز ليها... نرجع بقي، اسيل ابتسمت لما افتكرت اللي حصل و اتنهدت... اسيل: مجنون... اسيل: آآآآه، الشغل متعب اخرج اقعد معاهم... اسيل كانت هتخرج خبطت في المكتب و وقعت شوية حاجات... اسيل: اوووف... اسيل حاولت توطي بس انفها وجعتها... اسيل: ما هو مش هينفع كدة بقي... اسيل حاولت توطي و شالت الملفات و قامت قعدت علي الكرسي... اسيل: اوووووف...
اسيل لقت صورة بنت خارجة من ملف، تطفلها غلب... اسيل مسكت الملف و فتحته و لقت صور كتير... صورة بنت جميلة او المساحيق خلتها جميلة، و بعدين عنيها جابت صورة ادهم و البنت دي بفستان فرح... اسيل اتصدمت جدا و لقت تاريخ مكتوب و نفس التاريخ ده باسورد المكتب، و لقت قسيمة جواز من 3 سنين بين ادهم احمد الشافعي و مها السيد اسماعيل... اسيل اتصدمت و قعدت تعيط... ادهم: هي اختك دي بتحب الشغل اوي كدة... رحيق: انا تعبت...
ليلي: و انا... ادهم: روحوا طيب دلوقتي... رحيق و ليلي مشيوا، و ادهم دخل لاسيل لقاها قاعدة علي الكرسي و في ايديها ورق و بتعيط... ادهم قرب منها... ادهم: مالك بتعيطي ليه؟ و بعدها مسك الورق اللي في ايديها و عرف انها اكتشفت جوازه... ادهم: اسيل... اسيل(بصوت عالي): مش عايزة اسمع اي حاجة يا ادهم، تمام... ادهم: اسيل افهميني هفهمك... اسيل قامت و مسحت دموعها بعنف...
اسيل(ببرود): قولتلك انك هتكون تجربة في حياتي و انا هكون تجربة في حياتك، بس اللي مش قادرة افهمه طالما انت متجوز اتجوزتني ليه علشان ترضي جدك طب كنت فهمني ها علشان متعلقش بيك... اسيل: اعتبرتك صاحب و اخ، لكن انت اعتبرتني ايه؟ ادهم: اسيل اسمعيني... اسيل حطت ايديها علي بوقه...
اسيل(بابتسامة باهتة): لا يا ادهم مش عايزة اسمع انا و انت اتجوزنا علشان ننفذ رغبة جدو، بس انت كنت متجوز و شكلك بتحبها اوي كاتب باسورد المكتب بتاريخ جوازكوا، لو بتحبها و مش عارف تقول لعائلتك و كدة معنديش مانع ممكن اساعدك، هي بنوتة قمر و عسولة و اكيد بتحبك، ربنا يخليك ليها و يديمكوا مع بعض، و يا ريت في اقرب وقت يعني نطلق علشان هي اكيد زمانها بتتعذب علشان شايفة جوازها متجوز واحدة تانية الموضوع يضايق و يعذب اوي، ربنا يسعدكوا...
-اسيل سابته و مشيت و دخلت الحمام نزلت تحت الدوش بهدومها و اختلطت دموعها بالماية...
-اما ادهم كان عايز يحكي ليها كل حاجة و قلبه وجعه لما شاف دموعها و زعل علي انها فاكرة انه لسة بيحب مها، و اعترف لنفسه انه بيحب اسيل... ادهم(لنفسه): اوعدك انك هتكوني ليا يا اسيل، و انا هكون ليكي... ادهم(بابتسامة و لنفسه): انتي اللي رجعتيني لادهم القديم، و انتي الوحيدة اللي ملكتيني و انتي اللي الوحيدة اللي وقفتي قصاد غضبي، انتي اللي اقدر امنك علي بيتي و عرضي و ولادي، بحبك...
ادهم خرج لقي اسيل خارجة و لابسة البشكير... ادهم: اسيل... اسيل(ببرود): هلبس... -اسيل دخلت لبست بنطلون جينز و تي شيرت بحمالة و دخلته في البنطلون و لبست كوتشي ابيض. و خرجت من الاوضة... ادهم(بابتسامة): طالعة قمر... اسيل: تمام... اسيل لسة هتمشي ادهم مسكها و سند ضهره علي الحيطة و قربها منه... اسيل: ابعد... ادهم: لا... اسيل: ادهم بعد اذنك ابعد... ادهم: طب ابعد ليه و انا جمب القمر...
اسيل(ببرود): لو بتعمل كدة علشان خايف اني اقول لحد متخافش مش هقول لحد... ادهم: اسيل انا طلقتها من سنتين و... اسيل: ادهم ابعد لاني مش طايقة ريحتك... ادهم: اسيل... اسيل: ابعد عني... ادهم بعد عن اسيل و اسيل سابته و مشيت. ادهم(لنفسه): شكلي هتعب معاكي... ادهم نزل وراها... ليلي و رحيق كانوا قاعدين في الجنينة، و عدي و كريم لسة داخلين... ليلي: عدي عدي... عدي: اهلين... رحيق: همشي... عدي: قولت اهلين يعني هي وانتي...
رحيق: معلش مش سمعاك كويس عن اذنك... -عدي مسك رحيق من خصرها و قرب من ودنها تحت صدمة كل اللي قاعد و صدمة رحيق... عدي(بهمس): ب ح ب ك... رحيق بصتله بصدمة و هي بتحاول تستوعب كلامه... اسيل: احم احم... رحيق بعدت عن عدي بسرعة و وقفت ورا اسيل... اسيل: محدش فهمك ان في اب و جد و عم و في رجالة يعني المفروض نتكلم معاهم... ادهم جه و حط ايده علي كتف اسيل... ادهم: حد مضايق مراتي؟
اسيل حاولت تشيل ايد ادهم لكن معرفتش بصتله بغيظ... عدي: احم بصوا انا بحب رحيق تمام. اتصرفوا بقي... اسيل: روح اطلبها من بيت ابوها. و احنا في ايدينا القرار... رحيق: لا مش موافقة... عدي: مش ايه يا اختي؟ اسيل: عدي ليها اب هيرد عليك... عدي: تمام... كريم: الكل بيخطب... ادهم: كله مين هو عدي... كريم: بص يا ادهم طالب القرب منك... ليلي اتحرجت جدا... ادهم: رأيي العروسة؟ ليلي: ها؟ رحيق: ها دي يعني موافقة...
ادهم: علي بركة الله، انا اساسا عارف. كريم: و سايبني خايف يا شيخ... الشباب حضنوا بعض و البنات حضنوا بعض... ادهم قرب من اسيل و حضنها... اسيل(باحراج): ابعد... ادهم: ليه؟ باسم: كنتي تسيبيه يمسكها يا فوزية... و الكل ضحك. و اسيل بعدت عن ادهم... باسم: طب ما تيجوا تتغدوا عندنا... عدي: فكرة و اطلب ايد رحيق... رحيق: لا طبعا... باسم: ايد مين يا اخويا؟ اسيل: باسم هو بيحب رحيق و هيطلبها من بابا... باسم(بفرحة): قولتي ايه؟
عدي: شوفتي الواد مبسوط ازاي اني هتجوز رحيق. باسم: اخرس ياض، اسيل قالت علي استاذ سامر بابا دي معجزة... اسيل(بتوتر): انا مقولتش كدة... رحيق: لا قولتي... باسم: طب يلا عندنا... ادهم مسك ايد اسيل و مشي بيها قدام الكل. اسيل(بغيظ): ادهم سيب ايدي... ادهم: ليه هو مش انتي مراتي؟ اسيل: ادهم انت متجوز تمام بس متجوز مدام مها... ادهم: لا انا طلقت مها من سنتين... عدي مسك ايد رحيق... رحيق: ابعد... عدي: لا...
رحيق: سيب ايدي يا عدي... عدي: No... كريم: يلا... ليلي(باحراج): تمام... و باسم مشي معاهم، و دخلوا الفيلا... باسم: انتي بتعملي ايه هنا؟ غزل(بتحدي): بعمل ايه قاعدة مع ماما. باسم: خلصتي اللي وراكي؟ غزل(ببرود): اه... باسم: ماشي هوريكي... ليلي: هلوز يا جدعان... ادهم: اهلا يا حماتي يا حبيبتي... نيرة: اهلا يا حبيبي... الكل راح قعد...
عدي: احم احم انا اتشرف اني اطلب ايد الانسة رحيق من السيد محمد الجارحي و السيد سامر الجارحي... اسيل: انت بتقول خطاب... سامر: انت فجأتنا... محمد: بس رأيي العروسة الاول... رحيق(بخفوت): اسيل قوليلي اعمل ايه؟ اسيل: اسمعي كلام قلبك... ادهم: طب ما تسمعيه انتي... اسيل: و مين قالك اني مسمعتوش؟ ادهم: فعلا... رحيق: احم يعني بصوا هو هنجرب في فترة الخطوبة... عدي: خطوبة ايه كتب كتاب يا ماما... نيرة: لا يا عدي...
عدي: لا علشان لما اعمل كل حاجة براحتي... رحيق: سافل... ادهم(بهمس قاصد يسمع اسيل): يا شيخ انا متجوز بقالي شهر و، و لا بلاش نتكلم... اسيل(بهمس): روح لمراتك مها... ادهم(بهمس): يا بت هنفخك قولتلك طلقتها ولو عايزة احكيلك هحكيلك كل حاجة... اسيل(ببرود): مش عايزة اسمع حاجة... محمد: خلاص يا ابني نبقي نتفق... عدي: لا نتفق ايه و كلام ايه احنا لسة هنستني، ما تتكلم يا ادهم...
ادهم: بص يا جدو ان شاء الله يعني كتب كتاب عدي و كريم هيبقي يوم الخميس... كريم: قصدك بكرة صح... رحيق: لا طبعا... ليلي: و لا الخميس اللي بعده... كريم و عدي: نعم يا اختي... اسيل: طب مش تقول لمدام سوزان ممكن متوافقش. عدي: انا اللي هتجوز... اسيل(بهمس): هو فين سالي دي؟ نيرة: سامر طلقها... اسيل(بصدمة): ليه؟ ادهم: طب ممكن ادخل الحمام... محمد: اه اتفضل اتفضل... باسم: غزل ورايا... غزل: لا...
باسم مسك ايدها جامد و شدها ناحية اوضته... باسم: يلا هغير و اطلع و هسألك لو ملقتكيش مذاكرة مش هخليكي تكلمي عائلتك... غزل(بفرحة): هتخليني اكلم بابا و ماما... باسم: اه بس لو لقيتك مذاكرة... غزل: حاضر حاضر... -عند الباقي... محمد: انا قايم تعالي يا فردوس... فردوس: حاضر... محمد(بهمس): علشان نسيبهم يتكلموا... فردوس: تمام... نيرة: سامر حبيبي تعالي ثانية... سامر: حاضر... نيرة: قومي لجوزك يا اسيل... اسيل: ليه عيل صغير؟
سامر و نيرة مشيوا... عدي: يعني العقل زينة هما قاموا علشان يسيبونا نتكلم... كريم: قومي لجوزك بقي الله... اسيل: هخربلكوا الجوازة ياض منك ليه... رحيق: اللي هيزعل اسيل هنزعله... اسيل: اختي... الباب خبط... اسيل: هروح افتح اهو... اسيل فتحت الباب... اسيل اتصدمت و خافت... اسيل(بصريخ): الحقووووووووووووني...
رواية صدفة أم قدر للكاتبة سلسبيل كوبك الفصل الثامن عشر
ان الباب خبط... اسيل: هروح افتح اهو... اسيل فتحت الباب... اسيل اتصدمت و خافت... اسيل(بصريخ): الحقووووووووووووني... ادهم اول ما سمع صوتها جري ناحيتها و عدي و كريم و ليلي و رحيق خرجوا بسرعة... اسيل شافت بنت و حواليها ثعبانين... ادهم(بخضة): اسيل انتي كويسة؟ اسيل استخبت ورا ادهم... اسيل(بخوف): ثعابين... ادهم اول ما شاف البنت فرح جدا... ادهم(بفرحة): نيران... عدي: ايه ده نيران هنا لا ده في فرح...
كريم: عاش من شافك... اسيل(باستغراب): انتوا مش خايفين؟ البنت نزلت الثعابين في الارض... اسيل: ادهم ابعد... ادهم حضن البنت اللي اسمها نيران، و باسها... ادهم: اخيرا رجعتي يا لمضة... نيران: انا اقدر انساك... عدي: عرفتي ازاي ان احنا هنا؟ نيران: حبيت اجي بزفة، و سؤالك ده تافه اوي... نيران حضنت عدي و كريم... رحيق(بهمس): مين دي؟ ليلي: هي دي يا ادهم؟ نيران: انتي ليلي قلبي... نيران حضنت ليلي و ليلي حضنتها...
اسيل مسكت ايد ادهم و شدته و هو استغرب من حركتها... اسيل(بهمس): مين الهانم؟ نيرة: انتي كنتي بتصرخي يا اسيل؟ اسيل: مفيش حاجة يا امي... نيرة: عاااااااااااااااا، ثعبان. نيران(بسخرية): خايفة من ثعبان... رحيق: و انتي مش خايفة. نيران مسكت الثعبان و قربته من وشها بدون خوف. ادهم: دي نيران اختي في الرضاعة... اسيل(بقرف): انا راحة اكل... رحيق: خديني معاكي، الجو بقي زبالة... عدي: مالهم؟
نيرة: يبقي هما كدة بيخبوا حاجة طالما مشيوا... نيرة: اتفضلي يا بنت... نيران: چين... چين: نعم سيدتي. نيران: خدهم إلى بيوتهم... چين: حاضر... ادهم: ايه اخبارك بقالي سنتين مشوفتكيش... نيران: اتجوزت من غير ما تقولي... عدي: هنبقي نحكيلك بعدين... باسم: اسيل سوسو... اسيل: خير؟ باسم: وحشتيني... اسيل: المفيد... باسم: احم محتاجك في حوار... رحيق: تطفيش عميل... باسم: عليكي نور... ادهم: و هي هتعملها ازاي؟
اسيل(ببرود): ملكش فيه... ادهم(بحدة): اسيل احترمي نفسك... نيرة: اهدي بس يا ابني... رحيق: هي فين ماما يا طنط؟ سامر: انا طلقتها يا رحيق... باسم و رحيق(بصدمة): ايه؟ باسم: ازاي يعني و ليه؟ سامر: هي كانت عايزة تمشي من الاساس... اسيل حضنت رحيق... اسيل: مش معني ان الاستاذ سامر طلقها يبقي مش هتشوفوها تاني لا هندور عليها... فردوس: اعقل الامور يا باسم هي اكيد عند سارة... محمد: باسم رحيق احنا مع بعض، خلاص...
محمد: انا كلمت عبدالرحيم و احمد و اتفقنا علي كل حاجة، بكرة الخطوبة... عدي: هيييييييييي يحيا العدل... ادهم: مبروك... نيران: مبروك يا عدي... كريم: مفيش مبروك ليا هتجوز ليلي... نيران: مبروك يا معلم... نيران(ببرود): و مبروك يا مدام ادهم... اسيل(بعصبية): اسمي اسيل الجارحي... نيران: و انا عايزاكي تبقي مدام ادهم الشافعي... اسيل: طب و انا مش هسمعك عادي يعني... نيران بصت لاسيل بصة خوفتها جدا...
ادهم(بحنية): اسيل حبيبتي هي دي الحقيقة صح انتي مراتي تبقي المدام بتاعتي و شايلة اسمي... اسيل: انا راحة لغزل... اسيل طلعت جري و هي حاطة ايديها علي قلبها... رحيق: و انتي مربية حيوانات... نيران: اه اكيد... ادهم: طب نادوا اسيل علشان هنروح القصر... نيرة: سيبها معانا يا بني النهاردة... ادهم: لا، نادوها... غزل: اسيل... اسيل: اممممم... غزل: بتعملي ايه؟ اسيل: البت اللي تحت دي مرعبة اوي... غزل: بت مين؟ اسيل: معرفش...
غزل: اسيل انتي اتجننتي... اسيل: البت عنيها تخوف اوي... غزل: فهميني حصل ايه؟ اسيل: هحكيلك... نيران(بصوت عالي): اسيل. اسيل اتخضت... اسيل: خير... نيران: اعتقد سمعتي جوزك قال ايه انزلي و اسمعي كلامه... باسم(بهمس): مين دي؟ رحيق(بهمس): مربية حيوانات... باسم(بهمس): ينعل ابو عنيها دي بتخوف... رحيق(بهمس): دي اخت ادهم في الرضاعة انا خايفة منها اوي... باسم(بهمس): ربنا يكون في عون اسيل... اسيل نزلت بخوف و توتر...
اسيل: خير... ادهم: يلا يا حبيبتي علشان نرجع القصر... اسيل: سيبني يا ادهم هنا مع ماما و جدو وتيتة... فردوس: لا روحي مع جوزك زهقنا منك 24 سنة غوري... محمد: ما احنا هنشوفك بكرة... كريم: مالك يا اسيل باين انك تعبانة؟ اسيل(لنفسها): حد يشوف الخلقة دي و ميتعبش. كفاية عنيها يا شيخ... ادهم(بقلق): مالك؟ نيران: هي خايفة مني... ادهم: ليه؟ رحيق: انت مش شايف عنيها عاملة ازاي؟ دي تخوف بلد...
نيران: عنيا مالها طبيعية اهي... ادهم شال اسيل و اسيل خبت وشها فيه... ادهم(بهمس): طول ما انا جمبك متخافيش... اسيل(ببرود): بالعكس هخاف اكتر... ادهم بصلها بضيق و حزن، و اسيل ندمت علي كلامها... صفية: هو انت الشيال الخصوصي بتاع الهانم؟ ادهم: دي مراتي عادي... صفية: طب ما... ادهم(بحدة): امي خلاص... ادهم: جهزوا الغداء... نيران: يا اهل الدار. عبدالرحيم: نيران حبيبتي... احند: عاش من شافك... سوزان(بفرحة): وحشاني موت...
اسيل اتغاظت من كمية الفرحة دي... اسيل(بعصبية): انا داخلة انام... ادهم: ليه بس يا حبيبتي؟ اسيل(بعصبية): ملكش فيه... اسيل طلعت جري علي اوضتها... نيران(بهمس): بتحبك... ادهم: معتقدش... نيران(بهمس): اسمع مني البت بتغير اوي... ادهم: تفتكري... نيران: اه يا سيدي و انت العب معاها... ادهم: ازاي؟ نيران: اسمع يا سيدي... و بعد فترة... ادهم(بابتسامة): و ربنا مغلطتش لما بعتلك تيجي. نيران: عيب عليك... ادهم طلع لاوضته، و دخل...
ادهم: اسيل، اسيل. اسيل: خير؟ ادهم: نقيلي طقم شيك كدة يعجب البنات عقبال ما استحمي... اسيل: مليش فيه... ادهم(بحدة): انجزي يا اسيل... اسيل دخلت بغضب اوضة الملابس و قعدت تدور علي اوحش طقم بس لقت ان كلهم حلوين... اسيل(بعصبية): اوف اعمل ايه دلوقتي؟ ادهم: ها لقيتي؟ اسيل: لا... اسيل لسة هتخرج ادهم مسكها و زقها علي الباب... اسيل(بكسوف): وسع... ادهم: لا. الا اذا.
اسيل(بتوهان بسبب رائحته و جمال شعره و هو نازل علي وشه و عضلاته): ايه؟ ادهم: تيجي معايا... اسيل: فين؟ ادهم: مفأجاة... اسيل: لا... ادهم: تمام... و فجأة ادهم شال اسيل و حطها علي السرير. اسيل: موافقة... ادهم: موافقة ايه؟ اسيل: اني اجي معاك... ادهم: تمام... ادهم قومها و دخل علي اوضة الملابس. و اختار ليها فستان. ادهم: البسي ده... اسيل خدته منه بغيظ... اسيل: اطلع بره... ادهم: حاضر. ادهم خد بدلته و خرج...
اسيل لبست الفستان... - كان فستان طويل مفتوح فتحة بسيطة من الجمب و مجسمها و بكم و باللون النبيتي و شال فرو باللون الابيض، و حطت روچ بنفس اللون و صندل بكعب، و سيبت شعرها، كانت جميلة... -ادهم لبس بدلة... - كانت بدلة باللون الرمادي و ساعة شيك باللون الاسود و جذمة باللون الاسود بتلمع. كان مز... اسيل خرجت لقته واقف بكل وسامة مستنيها... ادهم(بحب): طالعة قمر... اسيل(ببرود عكس اللي جواها): طول عمري...
ادهم(بابتسامة): عارف... ادهم قرب منها و باسها من جبينها، و مسك ايديها و نزلوا... ادهم خدها بسرعة... اسيل: اهدي يا ادهم... ادهم: لو صفية او سوزان شافونا هيبقي يوم اسود. اسيل: ليه انت ماسك بيد عاهرة؟ ادهم(بحدة): متقوليش كدة تاني علي نفسك فاهمة... اسيل: ده كلامك... ادهم: كنت غلطان... ادهم ركب اسيل العربية و ساق بسرعة... -عند باسم و غزل... غزل: باسم... باسم: نعم... غزل: انا ذاكرت بس في حاجة مش فاهماها...
باسم: وريني... غزل ورتله اللي هي مش فهماه... باسم: دي اسهل حاجة يا غزل... غزل: نعم دي رخمة و الدكتور مكنش بيشرح ده كان بيقرأ بس، كان بيحسسنا اننا حمير و يخلينا نردد وراه... باسم: كل الدكاترة كدة... غزل: لا ده كان في دكتور مز اوي يا باسم و كان بيدخل كدة ليه هيبة و اللي مش فاهم حاجة بيشرحله و بيفهم الناس و الناس كلها بتحبه... باسم(بغضب مكتوم): اه و ايه كمان؟
غزل: كان كدة لما يقولي قومي يا غزل كنت بحسه هيتقدم ليا، و بيتكلم بحنان و رقة كدة كان بيعمل سحر لينا و الله... باسم(بحدة): طب احترمي نفسك بتتكلمي علي راجل و انتي جمب جوزك... غزل: و مين قال انك جوزي؟ احنا فترة و هنطل... قبل ما غزل تكمل الكلمة كان باسم شدها و(لخيالكوا)... باسم: انسي الكلمة دي فاهمة... باسم سابها و مشي... غزل فضلت مصدومة شوية... -في مكان تاني... عند رحيق كانت بتتكلم في التليفون...
رحيق: ها و ايه كمان؟ عدي: و بحبك... رحيق: يا بني انت قولت الكلمة دي 100 مرة... عدي: قليل اوي... عدي: يا ستي الحقي اشبعي بيا... رحيق: لا مش عايزة... عدي: ماشي يا جميل، اه احنا هنحط سوزان قدام الامر الواقع اساسا بكرة... رحيق(بحزن): انا زعلانة لاني مكلمتش ماما... عدي: لا متخافيش يا روحي. هي اكيد كويسة... رحيق(بحزن): طب و انت هتعمل ايه مع مامتك؟ عدي: هعمل فجأة... رحيق ابتسمت... عدي: ينعل ابو جمال ابتسامتك...
رحيق(بصدمة): انت عرفت منين؟ عدي: عيب عليكي حسيت... رحيق: لا و الله... عدي: اه و الله... رحيق: طب امشي... عدي: خدي بالك انك هتشتغلي معايا بعد كتب الكتاب. رحيق: هو احنا مش ممكن نكون اتسرعنا يا عدي... عدي: لا يا قلب عدي... عدي: و نامي و متشليش هم خالص... رحيق: تصبح علي خير... عدي: و انتي من اهله... -في مكان تاني... سارة: احنا لازم نربي اللي اسمه سامر ده... سالي: عندك حق... تشارلي: و ادهم و اسيل...
ديفيد: انتوا ليه بتتمنوا الشر لغيركوا... تشارلي: بابا هما محتاجين كدة... ديفيد: ادهم رجل اعمال كبير و زوجته صحفية كبيرة و مشهورة، و لو انتوا حاولتوا تعملوا حاجة يبقي انتوا اللي هتندموا... سالي: طب ما مش احنا اللي هنعمل، احنا هنخلي ادهم اللي يعمل... تشارلي: اكيد هي مقالتش ليه علي اللي بينا... سارة: اكيد... ديفيد: لن تتغيروا... ديفيد سابهم و مشي... -في مكان تاني... نيران: چين... چين: نعم سيدتي...
نيران: رجع نمس و بور لسنغافورة... چين: تمام سيدتي... - نمس و بور الثعبانين... نيران: تمام... سوزان: اهلا نيران... نيران: اهلا مدام سوزان... سوزان: عايزة اتكلم معاكي في موضوع... نيران: تفضلي... سوزان: انا اريدك لابني... نيران ابتسمت بسخرية... نيران: هفكر في الموضوع... سوزان: تمام... سوزان مشيت... نيران: مسكينة متعرفيش ان جواز ابنك بكرة... نيران: يا رب وفق ادهم... -في مكان تاني... عند ادهم و اسيل...
اسيل: ها يا ادهم باقي كتير؟ ادهم(بابتسامة): لا يا روحي... و بعدها بشوية... ادهم وقف العربية و نزل فتح الباب لاسيل... اسيل: وصلنا لفين؟ ادهم: هتعرفي... ادهم مسك ايد اسيل و دخلوا مكان... اسيل: الله المطعم حلو اوي... ادهم: كفاية انه عجبك... - كان المطعم مطعم راقي جدا و مزين باحدث موديل. و في بلالين كتير و ترابيزة واحدة في المطعم كله... اسيل: بس مطعم و فيه ترابيزة واحدة ازاي؟ ادهم: المطعم كله علشانك...
اسيل: بس ليه؟ ادهم: هتعرفي... ادهم خد الشال من اسيل و حطه علي المكان الخاص بالحاجات دي... ادهم: موبايلك فين؟ اسيل طلعته و ودته لادهم... اسيل: في ايه؟ ادهم قفل التليفون خالص و قفل تليفونه، و مسك ايد اسيل و راحوا للترابيزة، و قعدها و قعد مكانه... اسيل: برضو مفهمتش... ادهم: كلي الاول... اسيل لقت اكل جميل قدامها... ادهم: يلا كلي... اسيل بدأت تأكل هي و ادهم، و بعديها بشوية... في ناس جم خدوا الاكل من غير كلام...
اسيل: ها يا عم جايبني ليه؟ ادهم: ترقصي؟ اسيل: ادهم... ادهم: ترقصي؟ اسيل: تمام... ادهم خد اسيل و بدأوا يرقصوا علي اغنية رومانسية، و ادهم قرب اسيل ليه اوي... اسيل: برضو مفهمتش... ادهم قرب من ودانه... ادهم(بهمس): هتفهمي بس استمتعي باللحظة... اسيل و ادهم بدأوا يرقصوا و لا كإن اتنين عشاق هي دي الحقيقة اساسا ادهم: خلاص. ادهم مسك ايد اسيل و و طلع دبلة دهب، و لبسها في ايديها الشمال، و باس ايديها...
ادهم: محبش مراتي متبقاش لابسة دبلة... اسيل: بس... ادهم حط صباعه علي شفايفها... ادهم: هشششش، النهاردة انا اللي هتكلم بس... ادهم: تعرفي ادهم الشافعي ده كان ايه زمان كان ادهم الشاب المرح الفرفوش المضحك اللي بيهزر اللي بيضحك اللي بيحب الهدوء، انا كنت اكتر واحد هادئ مبحبش الاذية لحد. بس بسبب حب فاشل اتقلبت لادهم القاسي المكشر العصبي الغضبان المستفز...
ادهم: من تلات سنين بالظبط يا اسيل، كان عمري 25 سنة كنت لسة رجل اعمال اينعم كنت مكسر الدنيا بس مش زي دلوقتي، كنت ماشي... -Flash back... - ادهم كان خارج من القصر و ركب عربيته و هو ماشي خبط بنت... ادهم نزل جري من العربية... ادهم: انا اسف اسف جدا... البنت: مش تفتح انت ايه حيوان؟ ادهم: قولتلك اسف ايه يعني الله... البنت: هو علشان معاك عربية و بتاع خلاص تدوس بنات الناس... بنت: مها مها... مها: ايوه يا دهب...
دهب: في ايه مالك؟ مهاب: معرفش الاستاذ خبطني و اعتذر بس... ادهم قوم مها و ركبها العربية... مها: انت غبي... ادهم: هتركبي نوصل صاحبتك المستشفي و لا لا... دهب ركبت العربية... مها: انت ازاي يا محترم انت تمسك ايدي ها رد... ادهم: لا و انتي مقتنعة... مها: ديني امرني بكدة... ادهم: تمام... مها كانت محجبة... ادهم وصل مها و صاحبتها المستشفي... ادهم: خدي رقمي اهو لو حصل اي حاجة خاصة بعلاجك... ادهم سابها و مشي...
و بعدها عدي يوم اتنين تلاتة... تليفون ادهم رن من رقم غريب... الخط اتفتح... ادهم: الو مين؟ بنت: الحقني يا ادهم بيه... ادهم: انتي مين؟ بنت: انا مها... ادهم: مالك؟ مها: في ناس بتجري ورايا ارجوك الحقني انا في(، ). ادهم: خلاص ماشي جاي... ادهم نزل جري و ركب عربيته و وصل لمها... ادهم: انتي بخير؟ مها: ارجوك الحقني... ادهم: اركبي العربية... مها و ادهم ركبوا العربية، و ادهم وصل لشقة بتاعته و طلعها معاه...
ادهم: مين الناس اللي كانت بتجري وراكي؟ مها(بدموع): دول اهلي و عايزني اتجوز راجل اكبر مني و انا هربت... ادهم: تمام، اقعدي هنا لغاية ما اشوف حل... مها(بدموع): مش هقدر... ادهم: ليه؟ مها: ديني بيأمرني بكدة... ادهم: انا مش عايش هنا علفكرة انا عايش في قصري... مها: بس برضو كرامتي... ادهم: انا قولت كلمة، و في اكل هنا و كل يومين في خدامة بتيجي تنضف... ادهم: باي، هجيلك بكرة...
ادهم روح و كان مشغول بيها و نام، و صحي الصبح بدري و راح ليها... ادهم كان متعجب بلبسها و حجابها و كان مسحور بيها، و كان كل شوية يروح ليها... في يوم... ادهم: مها... مها: نعم... ادهم: تتجوزيني؟ مها: ايه؟ ادهم: تتجوزيني؟ مها: بس انا كنت متجوزة قبل كدة و اطلقت... ادهم: مش مهم، تتجوزيني؟ مها(بخفوت): اه... ادهم حضنها و لف بيها... مها(بكسوف): ادهم ابعد مينفعش... ادهم: اسف... ادهم باسها من جبينها...
ادهم: هروح اقول لاهلي، بحبك... ادهم راح و بلغ عائلته و هما عارضوه لكنه صمم، و في الاخر وافقوا... و ادهم كتب الكتاب علي مها و اتجوزوا و عاشوا في سعادة، و ادهم كان الراجل المثالي و مش حارمها من حاجة... شوبينج و نادي و خروجات و سفر و كل حاجة كان مدلعها... -عدي علي جوازهم 6 شهور... مها اكتشفت انها حامل و ادهم عرف... ادهم: بجد انتي اغلي حاجة عندي... مها: انا بحبك اوي... ادهم: و انا بعشقك...
و بعدها بكام يوم، كان في حفلة بمناسبة الحمل... مها و هي نازلة وقعت علي السلالم و سقطت... ادهم كان منهار بس بيحاول ميحسسهاش بحاجة... و بعدها بشهرين... عدي: ادهم عايزك... ادهم: خير يا عدي... عدي: انت تعرف اصل مراتك... ادهم: اه... عدي: ايه اصلهم يا تري؟ ادهم: مها اسمها مها السيد اسماعيل... عدي: لا بجد هو بس كدة... ادهم: في ايه يا عدي؟ عدي(بصوت عالي): في ان المدام بتشتغلنا بقالها 8 شهور...
عدي: فاهم يعني جوازكوا بااااطل... ادهم(بعصبية): انت بتقول ايه؟ عدي: اللي سمعته... عدي: دي مها مها اللي كانت بتجري وراك في الجامعة بس عملت كذا عملية، دي عملت كل الفيلم ده علشان توصل للفلوس، عارف هي فين دلوقتي مع عدوك، عدوك هشام افتكرته هو سبب الليلة دي كله، المدام سقطت لانها خايفة علي نفسها و هي السبب ده تقرير من الدكتور بانها واخدة حاجة للاجهاض...
ادهم كان مصدوم و غضبان من كل اللي سامعه، و خرج بكل غضب ناحية هشام و مها... عدي خرج و حكي للكل... عبدالرحيم: ده ممكن يتهور يلا نلحقه... احمد: يلا... عبدالرحيم و احمد و عدي و جه وراهم كريم راحوا ورا ادهم... -عند ادهم... ادهم عرف مكانهم فين و ده صدمه اكتر مكانهم في شقته... ادهم طلع بكل غضب و دخل الشقة و لقاها في منظر مينفعش ذكره مع هشام عدو ادهم... ادهم شدها من شعرها و نزل فيها ضرب... هشام ده هرب...
عدي: خلاص يا ادهم... احمد: ادهم مضيعش مستقبلك علشان واحدة زيها... و بعدوا ادهم عن مها باعجوبة... و ادهم طلقها و جاب هشام و عذبه لغاية ما انتقم، و من ساعتها و هو تحول لادهم المستفز البارد القاسي -... End... اسيل كانت مصدومة من اللي هي سمعته و من قصة ادهم. اسيل(لنفسها): ازاي ام تسمح انها تجهض ابنها؟ ازاي واحدة محجبة تسمح لنفسها بالجواز ببطاقة مزورة؟ ازاي في ناس كدة؟
ادهم كان باصص ليها و عارف كل الاسئلة اللي في دماغها... ادهم: دي قصتي يا اسيل... ادهم: بس ده ماضي، حاضري و مستقبلي انتي يا اسيل... اسيل اتصدمت اكتر... اسيل(لنفسها): يا الله هو يوم المفاجآت... ادهم: اه انا حبيتك انتي، الاول كان مجرد اعجاب كنت معجب بشخصيتها و واحدة زيها متمسكة بدينها، بس انا حبيتك انتي...
ادهم: انتي اللي قدرتي تقفي قدام غضبي انتي اللي قدرتي تهديني وقت عصبيتي، انتي اللي وقفتي جمبي وقت ما كنت محتاجك، انا عايزاك تبقي معايا طول عمري يا اسيل... ادهم: بحبك يا اسيل... ادهم: تقبلي تكملي حياتك معايا؟ اسيل كانت دماغها مش موزونة كل حاجة مع بعضها لا مش قادرة تستوعب كل حاجة، مصدومة مدهوشة مستغربة و مش مستوعبة...
ادهم: عارف اني تقلت عليكي او بمعني اصح صدمتك كتير بس بجد انا حبيييت و يوم ما حبيت حبيتك انتي يا اسيل... ادهم: تقبلي تكملي حياتك معاايا؟ اسيل(بجمود): لا...
رواية صدفة أم قدر للكاتبة سلسبيل كوبك الفصل التاسع عشر
ان ادهم قال... ادهم: تقبلي تكملي حياتك معاايا؟ اسيل(بجمود): لا... ادهم(بابتسامة): قلبي علي اللي بيهزر انا... اسيل(بجمود): شكلك مش مستوعب، انا مش عايزة اكمل حياتي معاك، كانت بتقول كل كلمة براحة ادهم ابتسامته بقت باهتة و اتصدم من ردها... ادهم قرب منها و حاوط وشها بإيده... ادهم: بس انا بحبك يا اسيل و متأكد من انك بتحبيني... اسيل(ببرود): انا قولتلك اني بحبك، انت اللي قولت دلوقتي، لكن انا مش بحبك...
ادهم: اسيل انا اتظلمت كتير و اتخدعت كتير و من اقرب الناس ليا، لكن انتي انا مقدرش يا اسيل. اسيل شالت ايد ادهم من علي وشها... اسيل: طب ما انت حبيت مها برضو فيها ايه؟ و بعدين كرهتها... اسيل سابته و راحت تلبس الشال... اسيل: مش هتروحني و لا اخد تاكسي... ادهم: ده اخر كلام يا اسيل... اسيل: اول الكلام و اخره... ادهم لف ضهره ليها و غمض عيونه بألم. في اللحظة دي اسيل مسحت دمعة اللي كانت متعلقة برموشها...
ادهم(بصوت حزين): انا سبت قرار اننا هنروح علي ميعاد الخطوبة... اسيل: ده لو انا كنت وافقت اكمل معاك حياتي، لكن دلوقتي الموضوع اختلف... ادهم(بصوت حزين): مش هعرف ارجع تاني هنأخد ساعتين و هنبقي في حدود الساعة 2 و بيبقي في قطاع طرق... اسيل: المفروض نعمل ايه؟ ادهم: في مكان في الدور التاني من المطعم جاهز لينا... اسيل: تمام، فين هو؟ ادهم قرب منها و مسك ايديها و لسة هيمشي. اسيل شالت ايديها من ايده...
اسيل: كدة احسن... ادهم بصلها بخذلان و حزن، و هي مكنتش قادرة تستحمل النظرة دي بس اتحملت... ادهم(بحزن): اتفضلي... ادهم شاور علي السلالم و اسيل طلعت و ادهم وراها، و اسيل و هي طالعة اتكعبلت و ادهم لحقها... عيونهم اتقابلت للحظة كل واحدة كانت بتتكلم مع التانية... اسيل(ببرود): شكرا... ادهم(بحزن): ده واجبي... اسيل(ببرود): هعفيك منه قريب لما نطلق... ادهم حاول ميتعصبش و فضل السكوت...
اسيل طلعت و لقت اوضة اقل ما يقال عنها انها خيال بجد يعني... - كانت اوضة باللون الابيض و متعلق في كل حتة صور لاسيل و الاوضة مفروشة بالورد، و في شموع هي اللي منورة الاوضة و ضوء القمر اللي كان منبعث من الشباك الزجاجي اللي محطوط ورا السرير، و كان في بلالين و علبة هدايا كبيرة في ركن من الاوضة، و كان علي كل البلالين مكتوب كلمة بحبك و كان في بوستر مكتوب فيه ادهم بيعشق اسيل، كانت خيال بجد...
اسيل انبهرت جدا بالاوضة و عنيها لمعت. و ادهم قدر يلاحظ لمعة عنيها و انبسط جدا... ادهم: عجبتك؟ اسيل(بانبهار): حلوة اوووووي... ادهم حضنها من ضهرها و حط دقنه علي كتف اسيل. ادهم: كل ده لاميرتي انا و بس، بحبك يا اسيل. اسيل للحظة كانت هتضعف... اسيل(ببرود): الاوضة حلوة اوي بس هي مش ليا. اسيل بعدت عن ادهم... اسيل: في حاجة هلبسها و لا هنام بهدومي؟
ادهم كان كأنه شايل هموم علي كتفه لسنين و الحزن بان اوي علي وشه رغم وسامته... ادهم(و هو بيحاول يطلع صوته): في في الدولاب ده. اسيل: فين؟ ادهم: الدولاب في الحيطة... اسيل: اه تمام... اسيل فتحت الدولاب، و قفلت بسرعة... اسيل(باحراج): ايه ده؟ ادهم: اللي موجود يا اسيل... اسيل: انا هنام زي ما انا احسن... اسيل قعدت علي طرف السرير و بدأت تقلع صندلها و تشيل حلقها و سلسلتها... اسيل: انت هتنام فين؟
ادهم: انتي شايفة ايه؟ اسيل: مفيش غير سرير واحد... ادهم: اه هنام علي طرف و انتي علي طرف... اسيل: اوك تمام، تصبح علي خير... ادهم: الخير الوحيد هو انك توافقي يا اسيل... اسيل(ببرود): يبقي مش هتصحي علي خير ابدا... اسيل نامت و ادت ضهرها لادهم و ادهم قلع جاكت البدلة و القميص و راح نام علي الطرف التاني من السرير...
-اسيل كانت بتعيط من غير صوت كانت مخنوقة اوي و مش عارفة تعمل ايه كان قلبها و كل حاجة بتقولها وافقي لكن عقلها بيرفض الفكرة... -ادهم كان مصدوم من رفضها ليه بكل الطرق كان حزين لانها فعلا حبه الحقيقي كان بيقول عنيها بتقول حاجة تاني كان مش عارف يتصرف ازاي... و بعدها اسيل نامت و لفت حضنت ادهم و مسكت فيه جامد، ادهم حاوطها بإيده... -في الصباح الباكر... رحيق راحة جاية راحة جاية في الاوضة...
رحيق: عااااااااااااااااااااااا غزل بتضحك مش قادرة بسبب منظرها... غزل: طب و فيها ايه اسمعي كلامه... رحيق: لا طبعا انا اتحجب بناءا علي رغبتي مش رغبته هو... ليلي: عندك حق يا رحيق... رحيق: لا لا مستحيل... تليفون رحيق رن، الخط اتفتح... رحيق(بعصبية): خير... عدي: رحيق مش انتي بتحبيني؟ رحيق: لا... عدي: تمام لو بتحبيني او مبتحبنيش هتلبسي الحجاب تمام... رحيق: ابدا... عدي: ابقي وريني هتكسري كلمتي ازاي؟
رحيق(بزعيق): بكرررررررهك يا عدي... رحيق قفلت الخط في وشه و رمت التليفون... رحيق(بزعيق): هاتووووووولي اسيل... نيرة: ايه يا بنتي صوتك عالي ليه؟ رحيق: لا بصوا بقي انا مش هلبس الحجاب بناءا علي طلباته هو... غزل: شوفي اسيل كانت بتقول ايه في المواقف دي؟ رحيق: كانت بتقولي اسمعي كلام قلبك... غزل: قلبك بيقول ايه؟ رحيق: ما هو للاسف قلبي موافق... ليلي: خلاص اسمعي الكلام... رحيق: بس لو قدامه قولوا ليه اني مش موافقة...
نيرة: مجنونة... رحيق: برضو فين اسيييييل؟ نيرة: عدي قال محدش يستني اسيل لانها مع ادم... ليلي: هي تدلع و احنا هنا متوترين... نيران: ممكن ادخل؟ ليلي: اه اه ادخلي... غزل(بهمس): يا شيخة اشوف فيكي يوم يا ليلي. . نيران: بتقولي حاجة؟ غزل: لا لا... -في مكان تاني... باسم: ها يا رجالة ايه الاخبار؟ كريم: قمة الفرحة، ياعم ده انا بحبها من و هي صغيرة... عدي: و انا بحب اختك من اول ما شوفتها... باسم: عادي كدة عيني عينك...
عدي: ما هي هتبقي ملكي النهاردة... باسم: ماشي يا عم. -في مكان تاني... في قصر ادهم الشافعي... الكل قاعد علي السفرة... احمد: سوزان صفية... سوزان و صفية: نعم... عبدالرحيم: ان شاء الله كتبت كتاب رحيق و ليلي النهاردة... صفية: هتجوزوا بنتي من غير ما اعرف... سوزان: و البت رحيق دي هتتجوز مين؟ عبدالرحيم: عدي هيتجوز رحيق. و كريم هيتجوز ليلي... سوزان: ابدا ابدا... صفية: انتوا ازاي متاخدوش رأينا ردوا، فين ادهم؟
احمد: عدي راجل يا سوزان و ليه حريته. و ليلي انا ابوها و انا موافق علي كريم... عبدالرحيم: عايزين تحضروا اهلا و سهلا، مش عايزين براحتكوا... احمد و عبد الرحيم مشيوا... صفية: ازاي ده؟ سوزان: لعبتها صح... صفية: هنعمل ايه؟ سوزان: هيكون ايه؟ -في مكان تاني... عند اسيل و ادهم... اسيل فتحت عنيها الزرقاء قابلتها ادهم بعيونه الرمادي اللي كانت مركزة في كل تفاصيلها و هي نايمة، و اللي كان بيمتع نظره بيها...
ادهم(بابتسامة): صباح الورد... اسيل(بابتسامة): صباح النور... ادهم كان هيقرب منها. و اسيل استدركت اللي حصل امبارح و كل حاجة... اسيل(ببرود): ادهم النهاردة خطوبة اختي و اختك يلا... ادهم: ممكن سبب واحد ميخلكيش تكملي معايا... اسيل: اني مش بحبك... ادهم: كدابة يا اسيل... ادهم(بأمل): لو في حاجة قولي... اسيل: انا مش بحبك عادي جدا... ادهم: اسيل... اسيل: ايه اسيل اسيل انت ليه مش مصدق الله...
اسيل: و يلا علشان اجهز لخطوبة اختي... ادهم: الفستان هنا... اسيل: شكرا مش عايزة حاجة... ادهم(بحدة خفيفة): هتلبسيه يا اسيل... اسيل: اظهر بوشك الحقيقي... ادهم: هو انتي تعصبيني و تقولي ده وشك الحقيقي. اسيل: مكنتش اتعصبت من البداية... ادهم: لكل واحد طاقة... اسيل: يا حرام... ادهم: انتي مهما الواحد اتكلم معاكي هيطلع غلطان. ادهم: افتحي العلبة هتلاقي الفستان... ادهم ساب اسيل و دخل الحمام، اسيل بصت مكانه بحزن...
اسيل قامت فتحت العلبة لقت فستان من الفساتين اللي هي بتحبهم و فضلت مصدومة جدا... ادهم خرج لقاها مصدومة... ادهم: في ايه؟ اسيل(بدموع): عرفت منين اني بحب نوعيات الفساتين دي... ادهم لفاها ليه و مسح دموعها بآيده... ادهم: اي حاجة اميرتي تحبها لازم اعرفها... اسيل وطت وشها في الارض، و ادهم مسك دقنها و قربها منه و(لخيالكوا)... ادهم: مش عايز اشوف اي دموع، فاهمة؟
ادهم لقاها باصة في الارض و لاحظ احراجها و خدودها اللي بقت حمراء... ادهم: هروح البس بدلتي في الحمام، البسي الفستان هنا... اسيل اكتفت بهز رأسها بس... ادهم راح خد بدلته و دخل الحمام، اما اسيل قلعت فستانها و لبست الفستان ده و جت تقفل السوسته السوسته علقت... اسيل: ايه الحظ الاسود ده؟ ادهم: بتقولي حاجة... اسيل فتحت عنيها علي اخرهم و بعدين سندت بضهرها علي الحيطة... اسيل: ها لا مفيش حاجة...
ادهم: في ايه و انا اساعدك... اسيل: لا لا لا مفيش حاجة هساعد نفسي... ادهم قرب من اسيل و لفها لقي كل ضهرها باين... ادهم: متتكسفيش مني... ادهم حاول يقفل السوستة و فعلا نجح في كدة و ربط ليها الرباط، ادهم باس كتفها... ادهم: متخافيش خالص... اسيل: انا مش خايفة اساسا... ادهم: ماشي يا وحش... اسيل لفت و لبست الصندل بتاعها و بدأت تعمل شعرها و المكياچ، و ادهم كان بيلبس جذمته و بيحط البرفيوم بتاعه...
- اسيل كانت لابسه فستان باللون الاسود كب مبين ضهرها و واسع جدا كأنه فستان خطوبة، و لبست صندل باللون الاسود، و حطت روچ احمر غامق و كحل حدد عنيها الزرقاء، و لمت شعرها علي شكل كحكة عالية و كام خصلة من شعرها نازلة.... - كان وسيم ببدلته السوداء و قميصه الابيض و جذمته السوداء و ساعته الشيك و البرفيوم المميز بتاعه.... ادهم: يخربيت جمالك... اسيل(ببرود): شكرا، و ده المعتاد...
ادهم: ماشي يا بنتي، يلا قدامي... اسيل لسة هتمشي ادهم شالها... اسيل: ايه نزلني... ادهم: و تقعي زي امبارح و خاصة ان فستانك منفوش اوي... اسيل: اوف ماشي... ادهم نزل بأسيل و ركبها العربية و مشي... -في مكان تاني... عند رحيق و ليلي... الميكب ارتست جت و بدأت تظبط رحيق و ليلي... و لما ليلي فتحت الفستان اتفجأت بوجود طرحة... ليلي: ايه ده؟ رحيق(بضحك): لا مش قادرة انتي كمان... ليلي: ينعل ابو الرزالة...
و المكيب ارتست بدأت تلبسهم طرحهم و تحط الميكب، و عملوا لغزل و نيران... - رحيق كانت لابسة فستان خطوبة باللون الاحمر الغامق و بكم و طويل و مش مبين اي حاجة و حطت مكياج خفيف و لبست طرحه زادتها جمال و رقة... - ليلي كانت لابسة فستان خطوبة باللون الاسماوي و برضو كان بكم و طويل و حطت مكياج بسيط و طرحتها اللي خلتها جميلة اكتر...
- غزل لبست فستان بكم ¾ و لغاية ما بعد الركبة بشوية، و كان منفوش و شيك اوي عليها و جذمة شيك اوي في رجليها بكعب بسيط... - نيران لبست فستان بسيط باللون الكحلي و شعرها القصير و كان الفستان مش منفوش و لا ضيق فاهمين حاجة و لا انا ، و كان بحمالة رفيعة و حطت مكياج بسيط... و كدة البنات جهزوا... -الشباب كانوا في قمة وسامتهم ببدلهم السوداء اللي كلهم اختاروا زي بعض و حتى ادهم...
و بعدين ليلي و رحيق نزلوا لقوا عدي و كريم و محمد و فردوس و باسم و نيرة و احمد و سامر... عدي اول ما شاف رحيق حس بان قلبه وقع... عدي(لنفسه): يخربيت جمالك حتى و انتي بالحجاب. كريم شاف ليلي بجمال تاني مختلف. ليلي و رحيق كانوا متوترين اوي و خايفين... عدي: ايه الجمال ده؟ رحيق(بخفوت): شكرا... كريم: انا بقول بلاش خطوبة و نروح علي بيتي علطول صح... ليلي: رزل... كريم: بحبك... عدي: جميلة اوي بالحجاب... رحيق: شكرا...
كريم: لو تفضلي كدة بالحجاب و هتفضلي يعني ان شاء الله. هتبقي روعة... ليلي: انا لبسته علشان ربنا و انا بسسس... كريم: و ده شئ يفرحني... عدي خد رحيق و كريم خد ليلي و خرجوا... باسم: هو فعلا في جمال كدة... غزل(اتحرجت جدا): احم قصدك ايه يعني... باسم: قصدي اني بحبك و عايزك تفضلي معايا علطول... غزل: و انا لا... باسم(برفعة حاجب): نعم لا ايه؟ غزل: بس انت جرحتني...
باسم: و الله اسف مكنش قصدي، و انتي قلبك كبير سامحيني... غزل: ل... باسم: هشششششش، انتي ليا انا و بس ماشي يا غزل... باسم: و يلا بقي هاتي ايدك... باسم خد غزل و خرجوا... و الكل راح لجنينة قصر ادهم الشافعي... و سوزان و صفية كانوا متغاظين... و بعدها بربع ساعة ادهم وصل هو و اسيل... ادهم نزل و اسيل نزلت وراه... ادهم: كوني طبيعية... اسيل: الناس اساسا متعرفش اني مراتك... ادهم بصلها بتعمق و بغموض...
ادهم: يلا يا اسيل... ادهم دخل و هو ماسك ايد اسيل، و كل الصحافة اتفأجات و اتلموا حوالين ادهم و اسيل. اسيل(بهمس): هنقول ايه؟ صحفي: رجل الاعمال الكبير ادهم الشافعي و الصحفية المشهورة اسيل الجارحي، ايه سبب وجودكم مع بعض؟ و خاصة بعد المناقشة اللي حصلت بعد اخر نقاش في المؤتمر العالمي؟ اسيل: احم هو... ادهم: اعتقد شئ طبيعي لما واحد و مراته يدخلوا مع بعض... كل اللي معزومين اتفاجوا و كل الصحافيين...
اسيل(بهمس و صدمة): انت مجنون، احنا هنطلق قريب... ادهم(بهمس): تبقي مجنونة لو افتكرتي اني صدقت كلامك، انا سبتك براحتك يا اسيل. سحفية: هل الكلام صحيح يا اسيل الجارحي؟ اسيل كانت هتنفي الكلام ده بس محبتش تخلي شكل ادهم وحش. اسيل: اه... ادهم: تصحيح بس اسمها مدام ادهم الشافعي... ادهم: عن اذنكوا... ادهم و اسيل دخلوا راحوا عند العائلة... اسيل(بهمس): غبي. ادهم: ب حبك، انا غبي ب حبك...
ادهم راح سلم علي عدي و كريم و باسم، و اسيل حضنت اختها و قعدت تمدح فيها و في حجابها هي و ليلي، و قعدوا يتكلموا... كريم: عن اذنك يا روحي... عدي: جايلك تاني... ادهم قرب من اسيل اوي و تقربيا اللي هو كمان شوية يبقوا جسم واحد... ادهم: اميرتي... اسيل رفعت رأسها و اتقابلت عيونهم و ادهم ركز علي شفايفها... اسيل: امممممم... ادهم: دقيقة و جاي... اسيل: اذهب للجحيم...
ادهم: طب هسألك سؤال اعتبري ان حياتي النهاردة هتنتهي قولي كدبة كدبتيها عليا... اسيل بصت في عيونه جدا و حست انها عايزة تحضنه. احمد: يلا يا ابني... احمد شد ادهم و راحوا كتبوا كتاب ليلي و رحيق... عدي: مبروك يا احلي واحدة في حياتي... كريم: بحبك اوي اوي كمان... جت رقصة ال slow... كريم خد ليلي و عدي خد رحيق و باسم خد غزل و ادهم خد اسيل... و كل واحد بيرقص و بيقول لحبيبته كلام غزل...
الا ادهم و اسيل باصين لبعض بس... اسيل خدت نفس عميق و طلعته براحة... اسيل: عايز تعرف كدبة كدبتها عليك؟ ادهم: اه... اسيل: كدبت عليك لما قولتلك اني مش عايزة اكمل حياتي معاك... ادهم بصلها بصدمة و فرحة و ابتسامته كانت مالية وشه... ادهم(بفرحة): احلفي... اسيل: انا بحبك يا ادهم... ادهم مسك اسيل ولف بيها كتير... باسم: خلاص يا مجنون... كريم: البت داخت... ادهم نزل اسيل و حضنها جامد...
ادهم: انتي اغلي حاجة عندي بجد انا بحبك اوي انا بعشقك يا اسيل... اسيل: و انا كمان... و بعد دقيقة اسيل لقت ادهم بيغمض عيونه و بيقفلهم، و ايديها مليانة دم...
رواية صدفة أم قدر
