رواية إمرأة في عصمة صعيدي للكاتبة سلسبيل كوبك الفصل الثاني

اولفت(بعياط): بنتي خلاص راحت...
محمد: يلا بسرعة، احنا مستنين ايه؟
تسنيم: مش هقدر على فراق بنتي..
محسن: هو قال حادثة ان شاء الله هما بخير..
و الاربعة ركبوا العربية و راحوا بسرعة للمستشفي..
محسن(بخوف): لو سمحت ديما محسن القاضي و دنيا محمد موجودين..
موظفة الاستقبال: اتفضلوا معايا..
تسنيم(بعياط): حصلهم حاجة يا بنتي؟
موظفة الاستقبال: يعني..
و بعدين دخلتهم اوضة و قفلت الباب..
محمد: في ايه؟

النور فتح و ديما و دنيا نطوا في وشهم..
ديما(بفرحة): مبرووووووووووووووك...
تسنيم(بخضة): ديما انتي بخير؟
ديما: عيب عليكي يا تسنيم يا مزة انتي..
محسن(بقلق): حصلكوا حاجة؟
دنيا: ما احنا زي القرود اهو..
اولفت(بصوت عالي نسبيا): اومال ايه اللي حصل و بتعملوا ايه هنا؟
دنيا: اهدي يا حاجة في ايه؟احنا بنحتفل بالصفقة بتاعت بابا و عمو..
تسنيم: تصدقوا انكم بنات تافهة حرام عليكوا قلبنا كان هيقف..
ديما: خلاص بقي يا عسل..

ديما: خلاص يا بابتي متزعلش..
دنيا: متكبروش الموضوع تعالوا نحتفل بقي..
محسن: مختارتوش غير المستشفي..
دنيا: كنا عايزين نعرف غلاوتنا عندكوا..
اولفت: طب و ربي لاوريكي لما نروح البيت..
ديما: طب يلا بقي نقطع التورتة..
و بدأوا يقطعوا التورتة و كلوا و خلصوا...
محسن: عايز افهم ازاي عملتوها؟
ديما: عيب عليك انت بتكلم ديما القاضي..
محمد: يا خوفي منك..
دنيا: الفلوس بتعمل اي حاجة و قولنا بنعمل مفأجاة هكذا يعني..

تسنيم: طب يلا نروح...
و الكل روح على بيته و كل واحد طلع على اوضته نام...

-في الصباح الباكر...
-في بيت محسن القاضي..
محسن: اخبارك يا روحي؟
تسنيم: خايفة يا محسن..
محسن قلق و راح قعد جمبها و حط ايده على كتفها..
محسن: من ايه؟
تسنيم: خايفة لتسبني في يوم خايفة لديما يحصل ليها حاجة...
محسن: متخافيش يا روحي، ربنا معانا..
تسنيم: ربنا يخليك ليا..
محسن(و هو بيبوس رأسها): و ميحرمنيش منك ابدا..
ديما: يا حنين..
محسن و تسنيم: ديما...
ديما: لا كمل كمل..
محسن: يا بت بطلي تحشري نفسك بقي..

ديما: معلش بقي النهاردة اجازة و حابة احشر نفسي عندكوا مانع..
محسن: اجازة من ايه من السهر و الصياعة، ديما انا سايبك براحتك لاني واثق فيكي متخليش ثقتي تروح على الفاضي..
ديما: في ايه يا حاج؟
ديما راحت قعدت في النص بين محسن و تسنيم..
محسن: رخمة..
تسنيم: سيبها..
ديما: خليك فاكرها يا محسن..
محسن: يا بت انتي واخدة عليا اوي..
ديما: حبيبي يا ابو المحسنين..
تسنيم: يابت بطلي لماضة..
ديما: قلبي انتي يا مامتي..

و بعدين تليفون محسن رن، : محسن ارتبك..
تسنيم: مين؟
ديما: هرد يا بابتي..
محسن(بحدة): لا يا ديما..
ديما: هرد..
تسنيم: ديما ودي لباباكي التليفون..
ديما: اتفضل..
محسن خد التليفون و راح بعيد عنهم و فتح التليفون..
محسن: الو..
حسن: اهلا يا خوي(اخويا)، ايه شكل المصرية نستك اهلك و ناسك..
محسن: مش كدة يا حسن..
حسن: انت ناسي حقوقك هنا...
محسن: حقك عليا يا خوي(اخويا)..
حسن: بكرة تكون قدامي..
محسن: بس..

حسن: بكرة يا محسن و تجيب مرتك(مراتك)..
محسن: حاضر يا خوي(اخويا)..
الخط اتقفل، و محسن رجع لتسنيم و ديما..
تسنيم: ديما روحي شوفي الغداء جهز و لا ايه؟
ديما: وزعوني وزعوني بمزاجي علفكرة ماشي..
-ديما قامت دخلت المطبخ و قعدت تأكل شوية..
تسنيم(بحنية): مالك يا حبيبي؟
محسن: انا و انتي لازم نروح الصعيد اخويا لسة مبلغني..
تسنيم: براحتك يا حبيبي..
محسن: و ديما؟
تسنيم: هنقول اننا بنغير جو..

محسن: مش عارف من غيرك كنت عملت ايه بحبك انتي اللي مهونة عليا العيشة انتي و ديما..
تسنيم: متقولش كدة يا محسن..
محسن: حاضر...

-عند ديما..
ديما: يا بنتي استني احكيلك اللي حصل..
دنيا: انجزي يا رغاية..
ديما: انتي مش طيقاني ليه الله، غوري يا ستي..
دنيا: خيرا تعمل شرا تلقي، غوري جتك داهية..
ديما: متشكرة شكرا ليكي...
دنيا: باردة..
ديما: ده انا عسل و ربنا عسل..
دنيا: واخدة مقلب كبير في نفسك..
ديما: يا اختي ده انا المفروض اكون ملكة جمال مصر و العالم كله..
دنيا: في الحلم يا اختي..
ديما: غوري محطمة امالي..

دنيا: غايرة هو في ايدك الجنة يعني..
ديما: يا بت هشتمك امشي بقي هرش ماية..
دنيا: بحبها..
ديما: و حياتك و انا..
دنيا: اه يا بختك بتعرفي تعومي يا بختك...
ديما: يا ربي ايه الحسد ده؟
دنيا: انا بحسد اه خافي مني بقي..
ديما: لا يا روحي انا قولتلك اتعلمي العوم قولتي لا..
دنيا: ماشي ماشي عموما لو غرقت هتنقذيني..
ديما: و حياتك ده انا هنقذ نفسي الاول..
دنيا: واطية..
ديما: شكرا، و يلا بقي روحي شوفي امك بتنادي عليكي..

دنيا: وزعيني وزعيني..
ديما: هروح ارخم على بابا و ماما، باي..
ديما راحت لمحسن و تسنيم...
ديما: في ايه مالكوا؟
تسنيم: انتي كنت من فترة بتقولي لازم تخرجوا و تاخدوا اجازة...
ديما: اه، وافقتوا صح؟
محسن: اه يا روحي..
ديما(بفرحة): هطلع اجهز شنطتي و اجي اقولكوا على الدول اللي ممكن نروحها...
محسن: لا لا..
تسنيم: كنا هنروح لوحدنا..
ديما: اه فهمت، خلاص ماشي..
محسن: حبيبتي اوعدك هنسافر كلنا احنا التلاتة قريب..

ديما: تمام يا قلبي انت، هطلع ارقص شوية باي..
ديما طلعت هيصت في اوضتها...

-في مكان تاني..
في الصعيد، على السفرة..
حسن: ان شاء الله حسن و مراته جايين بكرة..
فتحية: بجد يبقي نعمل اكل محترم بقي..
جملات: هنعمل ايه؟
خالد: و انتي تعملي ليه؟
عبير: القلب و ما يريد..
خالد(بحدة): عمي ايمن خلي مراتك تلم نفسها..
حسن: الكل سكوت، عبير متدخليش في اللي ملكيش فيه، كلام ستات تافه..
حسن: جاسر و خالد تروحوا تستقبلوهم...
جاسر: حاضر يا حاج..
حسن: مسمعتش حاضر يا خالد..

خالد: حاضر يا عمي، اللي انت تشوفه..
دعاء: هو ليه مبيجيش هنا كتير يا بابا..
حسن: شغله و كل حاجة هناك يا دعاء..
فيروز: عن اذنكوا...
اسماء: يا حبيبتي انتي مكلتيش...
فيروز: لا كلت..
فيروز طلعت مشيت و الكل بص ليها بحزن..
على: عن اذنك يا خوي هنام..
حسن: تمام..
اسماء: اتفضل يا حاج..
على: تمام..
فتحية: هتريح يا حاج؟
حسن: اه يلا...
جاسر: تيجي يا خالد..
خالد: تمام...
جاسر و خالد خرجوا من البيت...
علاء: انا طالع..

سارة: و انا..
عبير: يلا يا ايمن..
ايمن: تمام..
و كل واحد طلع على اوضته..

-عند جاسر و خالد..
جاسر: متزعلش..
خالد: مش زعلان غير على امي..
جاسر: ربنا هيعوض صبركم خير متقلقوش..
خالد: شكرا يا صاحبي انت صاحبي و اخويا و ابن عمي بجد بشكرك..
جاسر: يا ابني على ايه احنا اخوات..
خالد: تفتكر يكون بيكرهني..
جاسر: ابدا عمي محسن مش كدة متقلقش..
خالد: طب يلا نروح..
جاسر: تمام...
و الكل طلع ينام...
-و عدي اليوم على الكل بدون احداث مهمة تُذكر..

-في صباح يوم جديد...
محسن و تسنيم قاموا من الصبح بدري و رحوا بصوا على ديما و هي نايمة و نزلوا ركبوا العربية و مشيوا...
و ديما بعد فترة صحيت لقت في وشها دنيا..
ديما(بخضة): حرام عليكي يا شيخة..
دنيا: برن عليكي مبترديش..
ديما: يا ربي كنت نايمة..
دنيا: اه تمام..
ديما: وسعي هروح اصحي بابا و ماما..
دنيا: مشيوا من بدري و وصوني عليكي طبعا لانك مجنونة...
ديما: يا خسارة كنت عايزة اسلم عليهم..

دنيا: صعبتي عليا، انجزي قومي ده احنا هنهيص في ال؟يلا النهاردة..
ديما: تمام اخرجي..
دنيا: هنزل اغلس على طنط ناصرة..
ديما قامت و خدت دوش و طلعت لبست سلوبيته قصير جدا جينز مبينة رجليها كلها و محدداها و رفعت شعرها لفوق و حطت روچ بسيط..
ديما: انا جيت يا بت..
دنيا: هيصة، ما تتجوزيني بدل اللي امه داعية عليه ده..
ديما: هو مين؟
دنيا: عريس الغافلة..
ديما: مش لما يجي..
دنيا: مستعجلة على الجواز..
ديما: غوري...

ناصرة: يا بنات الفطار جاهز..
ديما: تمام يا بطتي..
ناصرة: اخرسي شوية..
دنيا: كسفتك..
ناصرة: اسكتي يا ام لسانين..
ديما: احسن تستاهلي..
-و البنات كلوا و هزروا و ضحكوا و رقصوا و عملوا كل حاجة...

-في مكان تاني..
في الصعيد...
جاسر: عن اذنك يا حاج رايح اجيبهم انا و خالد..
حسن: تمام..
فتحية: وحشتني تسنيم..
اسماء: و انا..
جملات: اه و الله..
جاسر و خالد وصلوا للمكان اللي هيقابلوا فيه محسن و تسنيم...
جاسر: عمي واحشني..
محسن: اهلا يا جاسر..
محسن حضن جاسر و راح سلم على خالد و حضنه..
خالد: حمدلله بالسلامة يا ابوي(بابا)..
جاسر: حمدلله بالسلامة يا مرات عمي..
تسنيم: الله يسلمك، اهلا يا خالد..

خالد: اتفضلوا يلا معانا..
و ركبوا العربية و راحوا لبيت عائلة القاضي..
حسن: اهلا بعودتك يا اخوي..
محسن: الله يسلمك..
و حضنوا بعض، و محسن حضن ايمن و على..
محسن: اهلا ازيكوا..
الكل: الحمد لله..
دعاء: عموووووووووووو..
محسن: حبيبة عمك..
محسن حضن دعاء و باسها على رأسها..
جملات: ازيك يا تسنيم..
تسنيم: بخير الحمد لله..
محسن: ازيك يا فيروز..
فيروز: الحمدلله..
جاسر: اتفضل يا عمي...
اسماء: اخيرا جيتي يا ستي...

تسنيم: معلش اصلي تعبانة شوية..
عبير: اهلا بست الحسن و خطافة الرجالة..
فتحية: عبير اخرسي خالص..
تسنيم: عبير انا مش هرد عليكي لاني محترمة فمتخليش اخر مقابلة تأثر عليكي..
علاء: ايه ده عمي هنا؟
محسن: اهلا يا علاء..
علاء: اخبار الستات هناك ايه؟
حسن(بحدة): علاء..
علاء: اسف..
حسن: يلا على الوكل(الاكل)..
الكل قعد على الأكل و بدأ يأكل، و بعد فترة خلصوا..
حسن: كل الرجالة على اوضة المجلس..

كل الرجالة راحوا ورا حسن، و الستات بدأت تشيل الاكل..
حسن: محسن انت بقالك سنتين مجتش..
محسن: اسف يا خوي كان في مشاكل..
خالد(بسخرية): هي المشاكل مش بتخلص..
ايمن: خلاص بقي..
جاسر: يعني الصراحة يا عمي انت مزودها اوي يعني مامت خالد برضو ليها حقوق عليك..
حسن: متنساش ايه اللي حصل علشان تتجوز تسنيم و متنساش وعدك...
محسن: اسف يا خوي، اسف يا خالد..
خالد: مفيش حاجة..
على: خلاص بقي كبروا...
حسن: اطلع لمرتك..

محسن: تمام..
محسن طلع لجملات في اوضتها..
-في اوضة محسن و جملات..
جملات: انا عارفة انك مش بتحبني بس بتمني انك ترضي بس عليا..
محسن: انا راضي عنك و اسف يا جملات مش قادر احبك..
جملات: مش مهم تحبني، المهم تكون راضي عني..
محسن: انتي اصيلة اوي..
جملات: الاصل كلوا ليك..

تسنيم: هطلع انا انام...
دعاء: ما تيجي جمبي يا مرات عمي...
تسنيم: لا يا بنتي علشان لو هتذاكري بليل براحتك..
دعاء: لا تعالي معايا و النبي..
فتحية: خلاص بقي وافقي..
تسنيم: ماشي يا حبيبتي..
-دعاء و تسنيم طلعوا و ناموا...
اسماء: ده ايه التعب ده؟
فتحية: معرفش، كان زمانه عايش هنا هو و مراته ربنا يسامحه عمي..
اسماء: معلش..
فتحية: طب يلا عن اذنك..
اسماء: ماشي...
الكل طلع ينام...

-في الصباح الباكر...
جاسر: عن اذنك يا امي رايح الارض..
فتحية: خلي بالك من نفسك..
جاسر: تسلمي..
جاسر راح على شغله...
حسن: جاسر فين؟
فتحية: راح على شغله..
حسن: تمام، فين محسن و جملات؟
فتحية: لسة في اوضتهم...
حسن: ماشي..
تسنيم: صباح النور..
اسماء: صباح الفل..
سارة: ماما انا راحة مشوار..
عبير: فين يا سارة؟
سارة: هجيب طلب..
عبير: متتأخريش فاهمة..
سارة: حاضر..
دعاء: انا راحة الدرس يا عمو، عايز حاجة؟

ايمن: لا يا حبيبتي خلي بالك من نفسك...
دعاء: تسلم..
دعاء خرجت و راحت لدرسها...
محسن: صباح الخير..
خالد: صباح الخير..
جملات: اساعدكوا في ايه؟
تسنيم: لا خليكي..
جملات: ابدا قولي بس..
فتحية: تعالوا نعمل الغداء عقبال ما الرجالة تفطر..
اسماء: ماشي..
حسن(بحدة): عبير متنسيش انك هنا ست بيت يعني مسئولة برضو عن الاكل فاهمة..
عبير(بخوف): حاضر يا حاج..
عبير قامت تعمل مع الستات الاكل بغيظ و قرف..
حسن: اخبارك يا اخويا..

محسن: تمام الشغل تمام..

-عند جاسر في الشغل..
فلاح: جاسر بيه في حد عايزك..
جاسر: مين و فين؟
فلاح: هناك..
جاسر: تمام روح انت..
جاسر راح لناحية ما الراجل شاور ليه و ملقاش حاجة..
سارة(بابتسامة)انا اهو..
جاسر(بابتسامة): سارة..
جاسر(بحدة): انتي ازاي تيجي هنا و في رجالة كتير انتي اتجننتي؟
سارة: اسفة يا حبيبي بس انت وحشتني اوي..
جاسر: و لو يا سارة...
سارة: امتي بقي هكون حلالك يا جاسر؟
جاسر: قريب يا حبيبتي..
سارة: هتكلم عمي..

جاسر: اه قريب قريب اوي..
سارة: بحبك..
جسار: و انا اوي يلا روحي علشان محدش يشوفك..
سارة: عن اذنك يا راجلي..
سارة مشيت، و جاسر ابتسم في اثرها ابتسامة حب..

-في بيت عائلة القاضي..
حسن: مالك يا محسن؟محسن محسن..
حسن(بصوت عالي): تسنيم..
الكل جه على صوته...
تسنيم: في ايه؟محسن مالك؟
ايمن: هو مش عايز يرد ليه؟
تسنيم خرجت جري تجت انظار الكل و بعد فترة رجعت..
على: في ايه؟
تسنيم: محسن عنده السكر و دي غيبوبة سكر..
تسنيم بدأت تفوقه و هو بدأ يفوق..
جملات: انت بخير؟
محسن: اه تسلمي يا حبيبتي..
تسنيم: ده واجبي المهم انك كويس..
حسن: من امتي و انت عندك السكر؟

محسن: من خمس سنين...
على: احسن يا اخوي..
محسن: اه..
و الكل راح على شغله و مكانه...

-في مكان تاني...
عند ديما..
ديما نايمة و مش حاسة باي حاجة و تليفونها بيرن كتير مش بترد..
ديما(بزهق): خير مين؟
شخص: ديما هانم..
ديما: انجز..
شخص: انا سواق والد حضرتك..
ديما(بقلق بسيط): اه في ايه؟
شخص: والد حضرتك جتله غيبوبة سكر تاني..
ديما: طب هو دلوقتي بقي عامل ايه؟
شخص: معرفش...
ديما: تمام تمام، شكرا..
شخص: انا بعمل كدة لانك قولتي لو اي حاجة حصلت لازم تعرفيها...
ديما: شكرا، ابعتلي بقي العنوان..
شخص: بس..

ديما: متخافش سيرتك مش هتيجي خالص..
شخص: تمام...
الشخص بعت لديما العنوان في رسالة..
ديما: لما اقوم اجهز نفسي بقي...
ديما قامت جهزت شنطة هدوم بسيطة ليها و لبست..
- ديما لبست شورت ابيض قصير و تي شيرت اسود في ابيض قصير بنص كم و سيب شعرها و حطت روچ باللون الاحمر و كوتشي عالي باللون الابيض..
و بعدين سابت رسالة لدنيا على الواتس..
مضمونها انا هسافر لبابا و ماما هبقي اكلمك و اشرحلك كل حاجة بعدين، بحبك..

ديما نزلت و ركبت عربيتها و بدأت تسوق و طلعت العنوان و بدأت تروح...
و بعد فترة طويلة و ديما كانت تعبت و الليل جه...
ديما: اه يا رب ايه ده؟
ديما: هروح فين بقي؟
ديما: هو ايه الحتة المقطوعة دي ايه الخوف ده؟
جاسر(بحدة): انتي مين؟
ديما(بصريخ): عااااااااااااااا عفريت...
الجو كان ليل و الضوء بسيط جدا و خيال جاسر باين طويل اوي لديما...
جاسر(بحدة): انتي مين و ازاي تلبسي كدة هنا؟

ديما: انت اللي مين؟و انت مالك بيا اساسا؟
جاسر: لما اشوف واحدة في بلدي و لابسة كدة يبقي لازم اتدخل..
ديما: ماله لبسي؟
جاسر: لا مفهوش اي حاجة جميل اوي..
جاسر(بعصبية): ما تنجزي تقولي انتي مين؟
ديما(بتوتر): ملكش فيه و ابعد عني...
جاسر فضل يقرب من ديما و ديما خايفة من فرق الطول اللي بينهم...
جاسر(بحدة): اخر مرة هسأل و متكتريش في الكلام، انتي مين؟
ديما(بتوتر): بص ايه رأيك نعمل deal؟

ديما(بهمس): ده صعيدي يعني جاهل اتكلمي عربي..
ديما(بتوتر): اقصد اتفاق..
جاسر: خير؟
ديما: تساعدني لاني تايهة..
جاسر: انتي راحة فين؟
ديما: انا بنت محسن القاضي جايه هنا لوالدي..
جاسر(بصدمة): انتي مين؟
ديما: بنت محسن القاضي..
جاسر: انتي متأكدة يا بنتي و لا هبلة و لا مجنونة؟
ديما: لا مسمحلكش، احترم نفسك..
جاسر(بدهشة): ازاي؟
ديما: انت تعرفه بليز وصلني ليه..
جاسر(لنفسه): ده هيحصل مصايب..
جاسر: تعالي معايا..

ديما: اتفضل اركب العربية..
جاسر: سيبيها نبقي نجيبها بكره..
ديما: بس..
جاسر: خلاص قولت كلمة قدامي..
ديما: هجيب شنطتي..
ديما جابت شنطتها و شنطة الهدوم و مشيت ورا جاسر و هي متوترة..
جاسر كل شوية يبص ليها بطف عينه و شايف توترها و خوفها و بيبص ل لبسها بسخرية..
و بعد فترة وصلوا للبيت..
جاسر: خشي..
ديما: لحظة لحظة وانا اعرف منين انه بيت باابا؟
جاسر: انتي غبية و لا حاجة؟
ديما: متشتمش، انت اللي غبي..

جاسر(بعصبية): احترمي نفسك، و اتنيلي خشي قدامي..
ديما(لنفسها): يا ابن المجنونة..
ديما دخلت و جاسر وراها و فتح الباب و دخل و ديما دخلت بتوتر...
جاسر: عمي..
جاسر: يا حاج..
جاسر: امي..
الكل خرج على صوته و تسنيم و محسن اتصدموا..
ديما(بفرحة): بابا ماما..
ديما جريت على محسن و تسنيم و حضنتهم..
حسن: ايه اللي بيحصل هنا؟
جاسر: الانسة بتقول انها تبقي بنت عمي حسن..
الكل بصلها بصدمة و تسنيم اغمي عليها...

ديما(بخضة): ماماااااااااااا...

رواية إمرأة في عصمة صعيدي للكاتبة سلسبيل كوبك الفصل الثالث

محسن(بخوف): تسنيم..
ديما: ثانية..
ديما طلعت شنطتها و طلعت البرفيوم و قعدت تشممه لتسنيم..
تسنيم(و هي بتفوق): آه ديما انتي هنا؟
ديما(بابتسامة): كدة يا مزة تقلقينا عليكي يا مزة انتي..
حسن(بحدة): ممكن افهم ايه الكلام ده يا حسن؟
محسن(بتوتر): يا خوي..
ديما(بفرحة): الله حضرتك عمو حسن الكبير صح، انا ديما كان نفسي اجي هنا كتير بس بابا كان بيقولي بعدين..
ديما قامت بكل نشاط و قربت من دعاء و مدت ايديها..

ديما(بابتسامة واسعة): انا ديما انتي مين؟
دعاء(بابتسامة): انا دعاء..
ديما قربت من اللي جمبها و عملت نفس الحركة..
ديما: انا ديما و انتي؟
فيروز(بخفوت): فيروز..
ديما: تشرفت بيكوا..
ديما: و انتي؟
سارة: انا سارة..
ديما: و انت؟
علاء: محسوبك علاء ابن عمك..
ديما: تشرفت بيك، اينعم كان نفسي يبقي عندي اخ بس ممكن اعتبرك اخويا صح؟
علاء: اكيد اكيد..
محسن: لا يا ديما انتي عندك اخ..
ديما(بصدمة): انت متجوز على ماما؟

تسنيم: يا حبيبتي هفهمك..
ديما: هتفهموني ايه و انتي ازاي موافقة ان بابا يتجوز عليكي..
جملات: ليه بس يا حبيبتي عادي هنا عادي..
ديما: مين حضرتك؟
جملات: انا مرات ابوكي يا حبيبتي، و اعتبريني امك التانية..
ديما: ماما انتي موافقة على الكلام ده؟
تسنيم(بخوف من ردة فعل ديما): اه يا حبيبتي..
ديما(بابتسامة واسعة): تمام، فين اخويا بقي؟
محسن: اهو خالد..

ديما جريت على خالد و حضنته، و خالد كان هيبعدها عنه بنفور بس نفي الفكرة لما قالت..
ديما(بدموع): كان نفسي يبقي عند اخ كبير اخد رأيه و يفضل يرزل عليا، و كان نفسي في اخ كبير يحميني من اي شخص يحاول يضايقني..
و بعدين ديما بعدت عنه و ضحكت..
ديما(بابتسامة): بس مش مشكلة الايام جاية انا ديما عندي 24 سنة و انت؟
خالد: اكبر منك بسنتين...
ديما: تمام..
ديما: فين عمو ايمن و عمو علي؟
ايمن: انتي تعرفينا؟

ديما: اه ماما و بابا كانوا دايما بيتكلموا عن الكل..
حسن(بصرامة): و مين قال اننا هنتقبلك؟
محسن(بصدمة): اخوي(اخويا)دي بتي(بنتي)...
ديما: ليه حضرتك انا ابقي بنت اخوك؟
حسن: و انا مش هعترف بيكي..
جملات: ليه بس يا حاج؟
حسن: هو كان بيكدب عليكي و كمان مش كفاية انه متجوز عليكي و كمان طلع مخلف...
فتحية: اصبر بس يا حاج..
تسنيم: يا حاج دي برضو مهما كانت بنت اخوك..
حسن: هتتقبلها يا خالد؟

ديما بصت لخالد ببرائة و الدموع متجمعة في عنيها و هو مقدرش يرفض...
خالد: اه يا عمي..
ديما نطت و قعدت تضحك..
ديما(بابتسامة): شكرا..
حسن سابهم و مشي...
فتحية: تعالي يا حبيبتي انا خالتك فتحية مرات عمك الكبير..
عبير: ايه ده اللي انتي لابساه معندكيش حياء..
ديما: و حضرتك مضايقة ليه؟
عبير: لانك من عائلة القاضي وهتخشي النار بلبسك ده..

ديما: تصدقي عندك حق لازم اغير لبسي بقي علشان انتي اللي هتخشي النار مكاني و هتتحاسبي..
جاسر(بحدة): انتي من عائلة القاضي و عائلة القاضي معروف عنها الانضباط و الاحترام مش السفالة دي..
محسن: جاسر ديما ملكش دعوة بيها..
ديما: حبيبي يا بابتي انقذته من ردي..
جاسر: انا ماشي..
جاسر و خالد طلعوا ناموا...
دعاء(بابتسامة): انتي عسل اوي..
ديما: شكرا يا روحي..
فتحية: يلا بقي انتي شكلك تعبانة عايزة اوضة لوحدك..

ديما(بتفكير): اممممم..
ديما راحت و مسكت في دراع فيروز..
ديما: هنام مع السكر دي..
فيروز(بخفوت): براحتك..
ديما: باي ماما باي بابا..
ديما طلعت مع فيروز...
عبير: معندهاش حياء..
علاء: هي دي بنتك ازاي يا عمي؟
محسن: ديما مش زي اللي في دماغك يا علاء..
علاء: لا طبعا دي مهما كانت بنت عمي..
جملات: يلا يا تسنيم و يا حاج اطلعوا ريحوا..
تسنيم: بس..
جملات: يلا بقي..
محسن راح باس رأس جملات وطلع هو و تسنيم لاوضة..

اسماء: انتي يا بت يا سارة..
سارة: ها..
اسماء: مالك مبحلقة كدة ليه؟
سارة: البت جميلة اوي و بيضة اوي..
عبير: ده كله بدرة..
اسماء: طب يلا الكل على النوم...
الكل طلع نام، و فتحية راحت لحسن..
فتحية: مالك يا حاج؟
حسن: مش قابلها..
فتحية: ليه بس دي روحها جميلة..
حسن: مش عارف..
فتحية: استهدي بالله بس، البت قمر و روحها طيبة هو بس لبسها..
حسن: طب يلا هنام..
فتحية: نوم الهنا يا رب...
فتحية و حسن ناموا...
-في اوضة فيروز..

ديما: ما تفكي كدة..
فيروز: اعمل ايه؟
ديما: قومي البسي براحتك كدة ارقصي فكي شعرك اعملي اي حاجة تبسطك بدل كدة...
فيروز: لا هنام، عن اذنك..
ديما: انتي كدة انطوائية و انا رغاية احذري مني..
و بعدين تليفون ديما رن، الخط اتفتح..
دنيا: يا واطية يا زبالة يا حقيرة يا حيوانة...
ديما: بسسسسسسس، ايه يا حبيبتي راديو..
دنيا: تمشي من غير ما اعرف و الاقي في الاخر رسالة انك مسافرة طب خديني معاكي يا واطية..

ديما: يا بنتي انتي عارفة ايه اللي حصل اساسا؟
دنيا: لا..
ديما: يبقي يا حيوانة متحكميش كدة و خلاص..
دنيا: احكي يا شهرزاد...
ديما حكت كل حاجة لدنيا من ساعة اتصال السواق لغاية ما بتكلمها...
دنيا: اوف ده كله حصلك..
ديما: شوفتي..
دنيا: الواد كان مز..
ديما: شوفي بكلمك في ايه و انتي بتتكملي في ايه؟
دنيا: يعني كان مز..
ديما: يعني عادي مش بطال..
دنيا: اه تمام، يا بختك سافرتي و انا هقعد هنا اتكلم مع الحيطان..

ديما: طب ايه رأيك تيجي..
دنيا: لا يا ستي عمك ده ممكن يأكلني ده مش طايقك هيطقني انا..
ديما: طب هقولهم بكرة..
دنيا: طيب..
ديما: طب سيبيني بقي اليوم كان متعب اوي..
دنيا: تمام، تصبحي على خير..
ديما: كوابيس سعيدة دنيا..
دنيا: انا و انتي يا روحي..
و كل واحدة قفلت مع التانية وناموا...

-في الصباح الباكر...
الكل صحي، و فيروز حاولت تصحي ديما..
ديما: طيب انزلي و انا قايمة..
فيروز: تمام..
فيروز نزلت و ديما كملت نوم..
حسن(بسخرية): فين الانسة؟
فيروز: قالت قايمة..
فتحية: براحة عليها يا حاج..
حسن: فتحيةو لا كلمة..
فتحية: حاضر..
محسن: معلش اصلها مش متعودة تصحي بدري او كدة...
تسنيم: بعد اذنك خف عليها شوية لانها حساسة و دموعها بتنزل بسرعة...
عبير: هي على رجليها نقش الحنة...

جملات: عقبال ما تتعود يا عبير..
ايمن: بس بنتك دي يا محسن عسل اوي و بسكوتة كدة..
محسن: تسلم يا ايمن..
دعاء: هي كانت جاية معاك ليه يا جاسر؟
جاسر: انا لقيتها واقفة في الشارع و خايفة و سألتها و بعدين جبتها لهنا علشان نتأكد...
تسنيم: هي ديما كدة علطول بتخاف من اقل حاجة، معلش.
حسن(بسخرية): حتى مسمينها اسم مايع و مايص..
ديما: و حضرتك تعرف معني اسمي علشان تحكم عليه؟
حسن: و ده ليه معني اساسا؟

ديما: طبعا و انا فخورة باسمي لانه مفهوش اي إساءة اسمي ديما يعني المطر المطر بدون رعد او برق..
فتحية: اقعدي يا حبيبتي كلي اقعدي..
ديما: شكرا يا طنط..
سارة: اسمها مرات عمي..
ديما: شكرا يا طنط..
سارة(بغيظ): ما تسمعي الكلام يا بت..
ديما: ليه لتكوني حضرتك امي و انا معرفش، و كمان انا بقول طنط عجبك عجبك مش عجبك رأيك ميهمنيش...
تسنيم(بحدة): ديما...
ديما: ما هي اللي عصبتني الله..
خالد: اقعدي و كلي في صمت..

ديما(بابتسامة): عيوني انت يا جمر و الله انت جمر..
جاسر: احترمي نفسك..
ديما: اخويا الله..
جاسر: عندنا هنا في حدود للكلام..
ديما(بسخرية): و يا تري كام مرة لازم اتنفس؟
ايمن: خلاص يا جماعة كملوا اكل، و انت يا جاسر اهدي هي لسة جديدة...
على: النهاردة اجازة..
ديما: هو ممكن حد يوديني اتفرج على البلد؟
علاء: طبعا انا اتشرف اني اوريكي البلد..
عبير: لتكون الخدام بتاعها..
ديما: لا خالص ده زي اخويا..

محسن: لا يا ديما انا هبقي اوديكي، او خالد..
ديما: ربنا يخليك ليا يا بابتي..
ديما: اوف نسيت اطمن على بطتي..
اسماء: انتوا عندكوا بط في البيت؟
تسنيم: لا دي ناصرة..
اسماء: اه..
ديما طلعت تليفونها و اتصلت ب ناصرة تحت انظار الكل، الخط اتفتح..
ديما: و الله اسفة يا بطتي و الله عارفة اني سافرت من غير ما اقولك اسفة...
ناصرة: كدة تقلقيني عليكي...
ديما: خلاص بقي يا بطتي اسفة..
ناصرة: ماشي يا ديما..
ديما: يعني سماح..

ديما: و انتصار..
ناصرة: مجنونة..
ديما: هي البت جت عندك..
ناصرة: اه و بتأكل اهو...
ديما: همها على بطنها بنت اللظينة دي..
دنيا: عايزة ايه يا رخمة؟
ديما: اوف تصدقي نسيت موضوع امبارح اقفلي باي..
ديما قفلت التليفون و الكل بصلها بدهشة..
ديما: عمو حسن ممكن طلب؟
حسن: لا..
ديما: بليز بليز بليز بليز، و حياتي عندك طب و حياة الواد الطويل ده ابنك بليز..
جاسر(بغيظ): انتي اللي قصيرة..
ديما: مش وقتك اصبر..

حسن: اخلصي عايزة ايه؟
ديما: ممكن صاحبتي دنيا تيجي هنا؟
حسن: لا..
ديما: بليز يا عمو دي صاحبتي و اختي و متربين مع بعض و البيت جمب البيت و كنا بنام مع بعض على نفس السرير بليز..
على: متكسفش البت يا كبيرنا..
ايمن: شايف بتبصلك ازاي؟
ديما كانت بتبص زي الاطفال و خلاص هتعيط...
حسن: ماشي...
ديما(بفرحة): حبيبي يا عمو..
ديما قامت باست حسن من خده..
محسن: ديما تعالي اقعدي..
ديما: ليه هو مينفعش ابوس حد من خده و لا ايه؟

تسنيم: مفيش حاجة يا حبيبتي محدش عارف يأكل منك..
ديما: اسفة..
و الكل كمل اكله و هو مستغرب من تصرفات ديما..
ديما: متبصوش ليا كدة اه مبحبش البياض و بأكل الصفار بس...
خالد: كلي بقي و اسكتي شوية...
ديما(بلطافة): حاضر...
حسن: هاتوا شاي الرجالة في المجلس..
فتحية: حاضر..
كل الرجالة دخلت اوضة المجلس و قعدوا يتكلموا..
ديما: انتي بتدرسي ايه بقي يا دعاء؟
دعاء: انا في ثانوي، 3 ثانوي..
ديما: اه ربنا معاكي، علمي؟

دعاء: اه نفسي ابقي دكتورة ان شاء الله..
ديما: ان شاء الله تحققي حلمك..
ديما: مالك يا فيروز مش بتتكلمي ليه؟
فيروز: مفيش حاجة، عن اذنكوا..
ديما: لا و النبي، استني هنا لا بصي فرفشي كدة و هيصي يا بنتي الحياة مش مستاهلة اننا نزعل خالص..
فيروز(بدموع): عن اذنكوا...
ديما لسة هتروح وراها...
جملات: شوفوا مين هيدخل الشاي..
دميا: هاتي يا طنط..
اسماء: دعاء تعالي قطفي الملوخية..
دعاء: ورايا مذاكرة..

ديما: انا يا طنط هعمل كدة، ثانية واحدة بس..
جملات: و نعمة التربية يا تسنيم..
تسنيم: تسلمي..
ديما: طب دول بس كوبايات مين؟
اسماء: دي الحاج حسن و التلاتة دول اعمامك التانين و ابوكي، و دي بتاعت خالد اخوكي و دي جاسر و دي بتاعت علاء...
ديما: طب ايه الفرق؟
اسماء: جاسر مش بيحب السكر في الشاي..
ديما: في حد مش بيحب السكر، عموما ماشي..
ديما راحت ناحية المجلس...
فتحية: بنتك بسم الله ما شاء الله عليها قمر...

تسنيم: شكرا ليكوا و الله هي طيبة و بتحب تساعد تعمل كل حاجة بس مش عارفة اذا كانت عبير هتسيبها في حالها و لا...
جملات: هنقف ليها متخافيش..
تسنيم: بجد يا جملات انتي اصيلة اوي...
-عند ديما...
ديما دخلت المجلس من غير ما تخبط..
حسن: ازاي تخشي من غير استأذان؟
ديما: اسفة بس انا ماسكة الصينية..
محسن: تعالي يا حبيبتي..
ديما: تمام..
ديما حطت الصينية وبدأت توزع الكوبايات..
خالد: ما تجيبي يا بنتي..

ديما: ما هو الصراحة مش فاكرة فين بتاعتك و فين بتاعت جاسر..
ايمن: انتي بتنسي بسرعة..
ديما: ايه الاحراج ده؟
ديما شربت كوباية و بعدين ظهر على وشها الجزع..
ديما: دي كوبايتك لانها مفهاش سكر..
علاء: عرفتي منين انه مبيشربش بالسكر؟
ديما: طنط قالتلي..
حسن: خلاص يا حبيبتي روحي انت..
ديما: تمام يا بابتي هروح اقطف الملوخية باي..
ديما خرجت بسرعة و راحت على مكان الستات..
ايمن: بسم الله ما شاء الله..

محسن: هي ديما بتحب تساعد..
على: ربنا يحفظها..
علاء: امين..
حسن: بس انت كدبت يا محسن..
محسن: كنت خايف عليها يا حسن..
حسن: من ايه؟
محسن: متنساش العداوة اللي بينك و بين عائلة الفهد، و عائلة صقر..
خالد: طب ما هي جت اهي..
محسن: هي جت لما عرفت ان انا تعبان هي قالت لمامتها و مامتها قالتلي، لكن رفضت تقول مين اللي قالها..
حسن: اجبرها..
محسن: مهما حصل ديما مش هتفضح حد..
جاسر: غريبة..

محسن(بضحك): ديما قلبها طيب و هبلة..
-عند ديما...
ديما: اشغل اي حاجة تفرفشنا..
تسنيم: بلاش يا ديما..
ديما: ليه بس؟هشغل..
فتحية: سيبيها براحتها..
ديما: قلبي يا رب...
ديما بدأت تشغل اغنية حماسية و بتقطف الملوخية..
جملات(بضحك): ده انجليزي ده يا مرسي؟
ديما: ايه ده انتوا بتعرفوا تهزروا زينا اهو..
اسماء: فاكرة ايه؟
سارة: ايه المسخرة دي؟
ديما: بنرقص..
سارة: عمو حسن لو عرف هيزعق..

ديما: ليه هو احنا بنعمل حاجة غلط قدام ناس غريبة و كمان احنا ستات..
دعاء(بفرحة): مين ده اللي مزاجه عالي؟
ديما: تعال يا بيبي نرقص..
ديما هي و دعاء بيرقصوا و بيضحكوا و ديما قاعدة عمالة تلف بسرعة لغاية ما خبطت في جاسر و هو مسكها بسرعة...
ديما: انا دوخت..
جاسر: ايه ده؟
جاسر ساب ديما و بص لسارة اللي بصتله بغيظ..
فتحية: عايز ايه يا حبيبي؟
جاسر: الحاج بيقولك الاكل جهز؟
اسماء: اه فاضل الملوخية، هاتي يا ديما..

ديما(باحراج): ها؟
جملات: هي فين؟
ديما: الصراحة لسة مخلصتهاش..
سارة: ما طبعا كنتي بتترقصي..
خالد: في ايه؟
سارة: كانت بتترقص الهانم اختك..
ديما: ما انا مكنتش برقص قدام حد غريب و كمان ده مش رقص، ده مجرد تحريك لاعضاء جسمك...
خالد: خلاص انجزوا حضروا الغداء، يلا يا جاسر..
جاسر و خالد رجعوا لباقي الرجالة...
تسنيم: معلش علشان ديما مخلصتش الملوخية..
ديما: اسفة..
جملات: و لا يهمك ابقي اتعودي يا روحي عادي..

ديما: شكرا يا طنط...
سارة مشيت بكل غيظ و غضب، و بعدين لقت حد بيسحبها..
سارة: جاسر..
جاسر: زعلانة ليه؟
سارة: شايف كنت ماسك البت المصراوية دي ازاي؟
جاسر: دي كانت هتقع فمسكتها بس..
سارة: و لا علشان هي جميلة، علفكرة بقي ده كله بدرة و مكياج..
جاسر: حبيبتي بتغير يا ناس..
سارة: اه طبعا بغير..
جاسر: طب ما انا عارف ان ده كله بدرة و انا مبحبش غير الاصل يا حبيبتي انتي..
سارة: طب ابعد الحق امشي قبل ما حد ما يشوفنا..

جاسر: بحبك..
جسار باس رأس سارة و مشي، و سارة ابتسمت و مشيت..
بعد فترة..
ديما(بمرح): الاكل يا جدعاااااااان..
محسن(بضحك): مش هتتغيري..
ديما: لا، يلا يا جماعة علشان الاكل و انا اللي عاملة الملوخية تمام...
محسن: يعني اجيب دواء مضاد للتسمم..
ديما: خليك عارف بتشكك في قدراتي تمام..
ديما راحت و الرجالة جت و بدأوا يأكلوا، و حسن اول ما كل داق الملوخية...
ديما(بأمل): عجبتك؟
حسن(بطرف عينه): مش بطالة..

محسن: حلوة اوي يا حبيبتي..
خالد: تسلم ايدك..
علاء: ما هو القمر مبيعملش غير حاجة حلوة زي..
ايمن: علاء، تسلم ايدك يا ديما..
ديما: تسلموا، بس طنط جملات و طنط فتحية ساعدوني، فاشكروهم هما الاول..
جملات: يا حبيبتي انتي سكر اساسا..
تسنيم: اه فين ديما المغرورة؟
ديما: سيبيني بس اتعود و هتلاقي ديما القديمة موجودة..
سارة: مش فاهمين..

تسنيم: ديما بتفضل تقول على نفسها و الله انا جمر و الله القمر يجي يتصور معايا، و تفضل تمدح في نفسها..
ديما: بدل الجفاء اللي الواحد عايش فيه، هو انا لقيت حد قالي كلمة حلوة و رفضت الله...
محسن: بس يا لمضة..
فيروز: الملوخية حلوة اوي يا ديما..
عبير: لسانك اتعدل..
دعاء: هو مفيش تاني و لا ايه لا هزعل...
ديما: الله يجبر بخاطرك يا ستي..
دعاء: لا و الله حلو اوي..
ديما: طعا يا روحي مش انا اللي عاملاه اكيد حلو..

تسنيم: هنبدأ غرور بقي..
تليفون ديما رن، الخط اتفتح..
ديما: الو ايه يا بنتي؟
دنيا(بعياط): انا توهت يا ديما..
ديما: ازاي؟
دنيا(بعياط): معرفش انا في حتة مقطوعة و السواق تعبان اوي انا خايفة...
ديما: طب اهدي خلاص متعيطيش..
محسن: في ايه يا ديما؟
ديما: دنيا تاهت يا بابا..
محسن: طب وديني التليفون..
ديما: اتفضل..
دنيا: الو يا عمو بليز الحقني..
محسن: خلاص اهدي في ايه؟
دنيا: توهت و السواق مش بيرد عليا..

محسن: طب اوصفيلي انتي فين بالظبط..
دنيا: في حتة مقطوعة و يافتة مكتوب عليها().
محسن: خلاص عرفت انتي فين، اهدي و خليكي في العربية لغاية ما اجيلك..
دنيا: حاضر، بس بسرعة بليز..
محسن: خالد معلش هتروح عند()دنيا تاهت معلش، بس بسرعة..
حسن: مين دنيا؟
ديما: صاحبتي يا عمو..
خالد: تمام عن اذنكوا..
ديما: استني هاجي معاك..
خالد: طيب تعالي...
حسن: روح معاهم يا جاسر..
جاسر: بس..
حسن: يلا..

ديما و خالد و جاسر ركبوا العربية جاسر و خالد قدام و ديما ورا...
-بعد فترة...
ديما: اهي العربية..
ديما نزلت بسرعة و راحت للعربية ملقتش حد..
ديما(بدموع): دنيا...
جاسر: في ايه؟
ديما(بدموع): دنيا مش موجودة..
خالد: خلاص اهدي، اتصلي بيها..
ديما طلعت تليفونها و حاولت تتصل بدنيا لكن تليفونها بيدي جرس بس..
ديما: مش بترد..
جاسر بص لخالد بنظرة هو فهمها...
خالد: ديما روحي العربية و متخرحيش منها مهما حصل..
ديما: ابدا..

جاسر(بحدة): ما تسمعي الكلام..
ديما: لا اشوف صاحبتي الاول..
خالد: العند هنا ملهوش لازمة، انجزي اسمعي الكلام..
ديما: انا مش بعاند بس مش هسمع الكلام الا لما اشوف صاحبتي..
جاسر: لو عايزانا نلاقي صاحبتك اركبي العربية..
ديما بصت ليهم و بعدين راحت ركبت العربية..
و جاسر و خالد اتحركوا..
جاسر: تفتكر..
خالد: ليه لا، ما هما شلة فاسدة اسااسا..
جاسر و خالد راحوا لمكان فيه بيت صغير زي كوخ كدة...

و سمعوا صوت صريخ مكتوم، و شباب بيضحكوا..
خالد و جاسر دخلوا..
شاب1(بخوف): جاسر بيه...
جاسر: ايه اللي انتوا بتعملوه ده؟
خالد بص على البت اللي بتبصلهم برجاء( اه هي دنيا)..
خالد: انتي صاحبة ديما؟
دنيا هزت رأسها كتير بمعني اه..
جاسر: حسابكوا من الحاج حسن القاضي..
شاب2: مش بنخاف..
و بدأ يمسك عصاية خشب و يضرب جاسر لكن جاسر تفادي ضربة العصاية، و بدأ يضرب هو و خالد..

و بعدين خالد فك الحبل عن دنيا و الرباط اللي على بوقها..
خالد: انتي كويسة؟
دنيا: اه اه..
خالد: قومي..
دنيا: فين ديما؟
خالد: رايحين ليها..
خالد و دنيا و جاسر كانوا ماشين و فجأة سمعوا صوت صريخ...
ديما(بصريخ): الحقووووووووني...

رواية إمرأة في عصمة صعيدي للكاتبة سلسبيل كوبك الفصل الرابع

دنيا: دي ديما..
جاسر: خليك..
جاسر جري بسرعة ناحية ديما..
خالد: مدي شوية...
دنيا: حرام عليك انا تعبانة و بحاول امد علشان خاطر ديما...
جاسر راح عند ديما لقي واحد بيحاول يكتم صوتها..
جاسر: انت اتجننت ابعد عنها..
شاب: ابدا...
جاسر: اتقي شري...
شاب: البت دخلت دماغي..
ديما كانت واقفة عمالة تعيط، و بعدين لقت حد بيضرب الشاب اللي وراها و اتزقت على جاسر اللي مسكها علطول...

لكن الشاب مسك ازازة بيرة من اللي كان جايبهم و كسرها..
شاب: اللي هيقرب مني هفتحله رأسه...
دنيا: احنا معملناش ليك حاجة..
خالد: لو راجل اعملها..
جاسر: انت عارف انك ضعيف..
ديما: لو سمحت امشي و محدش هيأذيك صدقني بس بليز امشي..
و بدون مقدمات دنيا مسكت ازازة بيرة تانية و فتحت دماغ الراجل، و خالد و جاسر اتصدموا..
ديما(بفرحة): اختي..
دنيا: قلبي انتي..
ديما و دنيا قعدوا حاضنين بعض لمدة دقيقتين..
جاسر: ما تنجزوا..

دنيا(بهمس): مين الرزل ده؟
ديما: ده جاسر ابن عمي..
دنيا: بقي كدة..
ديما: ما تتلمي يا بت..
دنيا(بهمس): و الواد المز ده مين؟
ديما: اخويا خالد..
خالد: يلا انا جبتلك الشنط، انجزوا اركبوا و لا عاجبكوا المنظر..
ديما: خلاص..
ديما و دنيا ركبوا و جاسر بدأ يسوق و جمبه خالد..
و بعد فترة وصلوا للبيت..
خالد: انزلوا..
ديما(بتردد): خالد..
خالد: ايه؟
ديما(بتوتر): بليز بلاش تقول لبابا على اللي حصل..
جاسر: اشمعنا؟

دنيا: هيزعل مننا، و هيضايق و هيفضل يفحصنا و يجيب دكتور...
خالد(بسخرية): للدرجة دي بيحبك..
ديما: هتقولوا ليه؟
جاسر: انزلوا..
دنيا: بس..
خالد: ما تنزلوا هي شغلانة..
ديما و دنيا نزلوا و خدوا شنطة دنيا و دخلوا للبيت..
فتحية: يا مرحب يا مرحب..
جملات: نورتي..
دنيا(بهمس): الله شكلهم حلو اوي..
ديما: و انا منورتش و لا ايه؟
اسماء: ده انتي النور كله، اتفضلوا..
تسنيم: ديما في اوضة ليكي انتي و دنيا هتقعدوا فيها..

ديما: يعني مش هنام مع فيروز..
دنيا: اه يا واطية اسيبك يوم تروحي تحبي في غيري..
ديما: ايه يا اسطا، عديها..
دنيا: ده انا هقتلك..
ديما(بصريخ): يا ماما..
دنيا فضلت تجري ورا ديما تحت صوت ضحكهم...
دعاء: الله شكلهم حلو اوي..
تسنيم: دول تؤام يا بنتي..
ديما: بليز يا دعاء متخلهاش تمسكني...
دنيا: ايه ده مين القمر ده، ممكن نتعرف؟
دنيا: همتعك...
ديما: اه يا واطية بتحبي في غيري..
حسن: ايه الصوت العالي ده؟

دنيا: هو ده العوووو...
ديما مقدرتش تمسك نفسها من كتر الضحك وقعت على الارض...
محسن: طول عمرك هبلة...
تسنيم: عيب يا دنيا..
حسن(بحدة): بطلي ضحك...
ديما: اسفة..
على: شرفتي يا بنتي..
دنيا: شكرا يا عمو..
ايمن: البيت نور..
علاء: اوبا هو احنا روحنا القاهرة و لا ايه..
جاسر: علاء اخرس..
خالد: يلا اطلعوا..
دنيا(بهمس): طب يأمرك انتي لانك اخته يأمرني انا ليه؟
ديما: ده شكلهم من النوع اللي بيذل الواحد..

جاسر(بخبث): هتطلعوا و لا؟
ديما لاحظت نظرة الخبث اللي في عيونه و نبرة صوته...
ديما: و لا..
جاسر: طيب يا عمي، (و لسة هيكمل كلام)..
ديما: يا بابا احنا لما روحنا لقينا دنيا مخطوفة و هما راحوا جابوها و بعدين في واحد جه و كان عايز يخطفني بس اخويا و ابن عمي انقذوني انا و دنيا...
جاسر اتصدم من انها حكت الموضوع من غير خوف..
محسن: طب حصلك حاجة؟

ديما: متقلقش يا بابتي احنا بخير، و محدش يقدر يهزنا و لا يذلنا، و لا ايه يا دنيا..
دنيا: طبعا يا روحي..
سارة: هو في ايه؟
دنيا: مين؟
سارة: انتي اللي مين؟بس باين من لبسك انك صاحبة المايصة..
فتحية: سارة احترمي نفسك..
ايمن: العشاء جهزوه...
تسنيم: تمام، اطلعوا ارتاحوا عقبال ما نحضر..
ديما: تمام ممكن حد يوريني اوضتي..
اسماء: روحي يا فيروز..
فيروز ورتهم الاوضة و ديما لقت هدومها منقوله..

ديما: شكرا يا سكر معلش تعبتك..
فيروز: و لا يهمك..
دنيا: هي مالها؟
ديما: و حياتك لسة معرفش..
دنيا: علشان خايبة..
ديما: حوش حوش...
دنيا: يععع بيئة..
ديما: و النبي...

-بعد فترة...
الكل كان قاعد على السفرة...
حسن: مين اللي خطفهم يا جاسر؟
جاسر: الشباب الصايعة اللي حضرتك عارفهم يا حاج..
حسن: بعد الاكل اعمل قعدة عرب..
محسن: لا لا بلاش يا خوي..
حسن: سمعتني يا جاسر؟
جاسر: طبعا يا حاج..
على: سيبه يا محسن نجيب حق بنتك..
ديما: في ايه؟
عبير: هيعملوا قعدة عرب هيجيبوا حقك انتي و السنيورة اللي جمبك...
دنيا: لا ما احنا خدنا حقنا انا ضربت الشاب على رأسه...

علاء: لا برضو حقكوا لازم يجي انتوا من عائلة القاضي..
ديما: مليش فيه انا عايزة اتجول في ام البلد بقي انا مش جاية اتحبس..
على: خلي خالد يوريكي..
خالد: انا هسافر القاهرة ورايا شغل..
ديما: طالما انت كنت بتسافر القاهرة مكنتش بتيجي ليه تزورنا..
خالد ساب الاكل و بصلها بسخرية و قام...
حسن: من ساعة ما جيتي مجبتيش غير المشاكل..
حسن قام، و وراه ايمن و على..
ديما(بدموع): انا عملت ايه؟

جاسر(لنفسه): ايه كمية الطفولة دي؟
محسن: مضايقيش نفسك يا حبيبتي..
دنيا: خلاص با بنتي اكيد ميقصدوش..
ديما: تمام...
و بعدين الكل قام، و الستات راحت للمطبخ..
ديما: لو سمحت يا طنط جملات ممكن دقيقة؟
جملات: ماشي يا حبيبتي..
جملات و ديما راحوا للجنينة..
ديما: ممكن افهم هو ايه اللي حصل زمان مخلي عمو يكرهني هو و خالد..
جملات: يا حبيبتي متشغليش بالك عمك و اخوكي مستحيل يكرهوكي..
ديما(بدموع): بس انا مُصرة اني اعرف..

جملات: يا بنتي زمان جدك ابو ابوكي كان زي عمك حسن كدة بالظبط بنفس القسوة و الغلظة بس اطيب منهم مفيش، ابوكي سافر القاهرة و حب امك و جه هنا قال لجدك و جدك رفض و بعد محاولات كتيرة جدك قاله هتتجوز بس بشرط انك تتجوز واحدة من البلد هنا، و ابوكي وافق و اتجوزني و بعدها حملت علطول و خلفت خالد، و كان ابوكي مستمتع مع مامتك في مصر و مكنش بيجي يزورني انا و خالد هنا خالص، علشان كدة خالد مضايق شوية..

ديما: شكرا يا طنط معلش تعبتك...
جملات: و لا يهمك...
جملات قامت مشيت و بعدين دنيا جت قعدت جمب ديما..
دنيا: يا قوم نحن هنا..
ديما: خير؟
دنيا: بتفكري في ايه؟
ديما: مفيش..
ديما قامت و طلعت على السلالم و وصلت لاوضة و خبطت الباب، و دخلت..
ديما: فاضي؟
جاسر: خير؟
ديما: ممكن اتكلم دقيقتين؟
جاسر: تمام نازل وراكي..
ديما: لا عادي..
ديما دخلت وقعدت على الكنبة، تحت انظار جاسر المندهشة..
ديما: اتكلم..
جاسر: قولي..

ديما: هو خالد بيحب ايه او عيد ميلاده امتي؟عايزة اعرف كل حاجة عنه..
جاسر: ليه؟
ديما: مش اخويا..
جاسر: مش فاضي..
ديما: مش مشكلة هات رقمك و نبقي نتكلم...
جاسر: انتي هبلة؟
ديما: في ايه؟
جاسر: انتي عارفة انك في اوضتي ده معناه ايه؟
ديما: ايه؟انا و انت زي الاخوات، هات رقمك بس..
جاسر باصص ليها بصدمة، ديما خدت التليفون و بدأت تسجل رقمها عنده، و خدت رقمه..
ديما: باي اشوفك بعدين..

ديما سابته و نزلت و هو مدهوش من تصرفها...

-بعد ساعة...
كل الرجالة لبست العبايات الصعيدية و جهزوا علشان رايحين قعدة العرب...
ديما(لنفسها): ايه ده؟هما كمان الشباب بيلبسوا عبايات يععععع...
دنيا(لنفسها): احم هو في ايه؟دول جمال اوي..
فتحية: هتعوزوا حاجة؟
حسن: لا..
و الرجالة راحت مكان القعدة..
ديما: انا عايزة اشوف..
دعاء: مينفعش..
دنيا: ليه بس؟
دعاء: كدة..
ديما: تعالي بس هما بيتكلموا ربع ساعة و نيجي..
دعاء: ابدا انسوا...
بعد فترة...
فيروز: هاي..

سارة: ايه ده فيروز بتتكلم مطلعتيش خارسة..
فيروز بصت ليهم باحراج و عياط و طلعت جري لاوضتها...
ديما(بغضب): انتي مجنونة يا بت انتي؟
سارة: مين دي اللي مجنونة؟
دنيا: مش محترمة فعلا...
دعاء: شخصية رزلة..
و التلات بنات طلعوا لفيروز...
ديما: في ايه يا قمر؟
فيروز: مفيش..
دنيا: يا بنتي خليكي فري كدة فرفشي الدنيا مش محتاجة زعل..
دعاء: يلا بقي يا فيروز..
ديما: طب في سبب؟
دعاء: لا هي انطوائية كدة من زمان..
دنيا: اه..

ديما: ده احنا هنولعها يلا يا دنيا..
دنيا شغلت اغاني على موبايلها و قعدت هي و دنيا يرقصوا و قوموا فيروز و دعاء...

-في مكان تاني..
عند الرجالة...
حسن: انتوا مش ناويين تتلموا؟
شاب1: غلطة يا كبيرنا..
شاب2: ما هو مفيش واحدة بلبسها ده و في الوقت المتأخر ده و تكون واقفة في حتة مقطوعة الا اذا كانت..
محسن: دي تبقي بنت صاحبي و من القاهرة و كانت تايهة..
شاب3: طب ما البت علمت عليا اهو...
جاسر(بهمس): مش هنخلص..
خالد(بهمس): اسكت..
راجل: طب و البت التانية؟
جاسر: كنا مخلينها في العربية لغاية ما نجيب صاحبتها...

راجل: هو انتوا بيتكوا بقي فندق..
خالد: متدخلش في اللي ملكش فيه..
حسن: البت هتقعد كام يوم هي و صاحبتها و تمشي..
شاب: يعني كانت مع جاسر و خالد يعني هي سمعتها وحشة..
محسن: لا...
حسن: ملناش دعوة هي هتقعد يومين و هتمشي دي تعتبر سائحة...
راجل: يبقي ايه لازمة قعدة العرب طالما متقربش ليكوا...
ايمن: البنت كانت في ضيافة الكبير يبقي لازم نرد ليها حقها، و ده واجب الكبير بتاعنا...
شاب: و ايه المطلوب؟

حسن: طول ما البنات دول موجودين محدش يقرب منهم، فاهمين و الا هندمكوا باقي حياتكوا...
الكل: مفهوم...
محسن بص لحسن بنظرة حزن و عتاب و سابهم و مشي...
و الكل رجع على البيت...
ديما: بابتي..
محسن(بحزن): ازيك يا حبيبتي..
ديما: اممممم شكل بابتي زعلان اتكلم الانكار مش هيفيدك يا محسن القاضي..
دنيا: ايه ده ايه ده محسن القاضي بجلالة قدره هنا و زعلان و احنا موجودين لا كدة لازم نثبت بقي..

تسنيم: ديما باباكي مش زعلان يلا بقي اطلعي تنامي..
ديما: الحق دي بتشتمني..
فتحية: هي قالت حاجة يا بنتي..
ديما: قولوا كدة بقي...
ديما: انت بتوزعني انت و ماما، طب و ربي لانام في حضنك النهاردة بس..
حسن(بحدة): بطلي دلع، مفيش حد بينام جمب ابوه لما يكبر..
دنيا: ده ديما لغاية دلوقتي ساعات بتروح تنام جمب عمو و طنط..
ديما(بضحك): بنام في النص..
ايمن: يعني بتقلي راحتهم..
ديما: يا عمو ده انا الراحة بذات نفسها..

دعاء: اه و الله البت دي جوهرة..
ديما: بس بقي بتكسف..
الكل قعد يضحك ما عدا جاسر و خالد و حسن...
دنيا و ديما: يلا بقي يا طنط /ماما شوفيلك اي حتة تنامي فيها..
محسن: ده بجد يا ديما؟
ديما: من امتي و انا بهزر؟
تليفون دنيا رن، الخط اتفتح..
دنيا: عم الناس و الله...
ديما: مين مين؟
دنيا(بهمس): اخرسي..
دنيا: اه مبسوطة اوي، و معايا ديما..
ديما شدت التليفون و قعدت تجري و دنيا وراها..

ديما: الو يا عمو اه احنا كويسين ابعت اي حد ياخد البت دي من هنا، مضايقانا و عاملة مشاكل..
ديما: ما تبطل احراج شوية الله..
دنيا: يا بت هاتي اكلم بابا..
ديما: في ايه؟
ديما(بفرحة): احلف، تمام اقفل..
دنيا: في ايه؟
ديما(بغناء): هيكتبوا الكتاب يا نقاوة عيني..
دنيا: هيكتبوا كتاب مين؟
ديما: مبروك يا بيبي جالك عريس...
دنيا(بصريخ): نعم يا اختي..
تسنيم: الواحدة مصيرها تتجوز يا دنيا..

دنيا: خلوا بنتكوا هي اللي تتجوز انا مالي..
محسن: العريس ده راجل اعمال و محترم و انا و ابوكي اتفقنا عليه..
ديما: الحقي محسن كان مشارك مع ابوكي..
حسن: معودهم على الدلع و المياصة، انجزي شوفي هترجعي بلدك امتي؟
ديما(بدموع): حضرتك ليه بتكرهني انا عملتلك ايه؟انا معملتش حاجة ليك و معملتش حاجة لخالد كنت بتمني يبقي عندي اخ بس هو رافضني..
ديما: و انا هريحكوا مني خالص، عن اذنكوا..

ديما طلعت جري على اوضتها و دنيا كانت هتطلع وراها لقتها قفلت الباب...
محسن: حرام عليك يا اخويا حرام البت مش هتستحمل..
تسنيم: لو بنتي حصلها حاجة هتقلب حريقة..
عبير: خليها تغور هي و البت المايصة اللي معاها..
خالد: عن اذنكوا..
خالد لسة هيمشي، لقي ديما نازلة بشنطة هدومها..
دنيا: ديما استهدي بالله...
ديما: طالما مش متقبلني في البيت ده يبقي مليش مكان فيه...
محسن: يا حبيبتي اسمعي كلامي و اهدي بس...

ديما: نعم يا بابا..
محسن: انتي عايزة ايه؟
ديما: امشي و حالا...
تسنيم: يا حبيبتي طب ايه رأيك نمشي كلنا بكرة..
ديما: لا و حالا يعني حالا..
دنيا: و انا جاهزة يا صاحبي..
جاسر: ايه الهبل ده؟انتوا مصدقين نفسكوا هتعرفوا تمشوا بليل كدة و يا تري هتعرفوا تحموا نفسكوا، اعقلوا..
دنيا: مش مهم حتى لو هنموت المهم اننا نبقي مع بعض..
ديما: وجودي بيسبب مشاكل لحسن بيه هو و خالد بيه، و انا مبحبش اكون تقيلة على حد..

فتحية: اهدي بس..
اسماء: اطلعي ارتاحي و بكرة نتكلم..
ايمن: اسمعي كلام مرات عمك...
محسن(بتعب): طب علشان خاطري يا ديما...
ديما(بصوت عالي): اوف يا رب...
دنيا: خلاص يا ديما..
ديما: ماشي يا بابا انا هكبرك وسط اهلك اللي هما مستحيل يبقوا اهلي، عن اذنكوا..
ديما طلعت تاني و دنيا وراها، و ديما قعدت تعيط..
محسن: شكرا يا خوي على الاستضافة بتاعتك، انا ماشي انا و مراتي و بنتي و صاحبتها بكرة ان شاء الله...

و الكل راح على اوضته...
جملات دخلت على خالد لقته بيعيط..
جملات: يا ابني هي ملهاش ذنب الذنب ذنب جدك..
خالد: مش قادر يا امي..
جملات: حاول، يلا انت وراك سفر بكرة...
خالد: تمام...
-عند فتحية و حسن..
فتحية: اللي انت بتعمله غلط..
حسن: سيبيني يا فتحية...
فتحية: مصعبتش عليك و هي بتعيط، مصعبتش عليك و هي بتتكلم..
حسن: نبقي نتكلم بعدين سيبيني انام...
-عند جاسر...
الباب خبط..
جاسر: سارة! عايزة ايه؟

سارة دخلت و قفلت الباب..
سارة: وحشتني..
جاسر: سارة عيب ارجعي لاوضتك...
سارة: هو حلال للمصراوية و حرام ليا..
جاسر: هي دخلت كانت بتسأل على حاجة و هي متعرفش عادتنا و تقاليدنا...
سارة: طيب يا جاسر عن اذنك..
جاسر: يا سارة متزعليش انا بحبك بس عايز احافظ عليكي..
سارة: و انا كمان، باي..

-في الصباح الباكر...
حسن: كل الاول و امشي يا محسن...
تسنيم: ماشي يا حاج..
الكل كان قاعد على السفرة..
دنيا: صباح الخير، فين ديما؟
محسن(بصدمة): ديما مش نايمة فوق...
دنيا: لا..
اسماء: اهدوا بس، حد يتصل بيها..
خالد(بعصبية): هي مجنونة دي و لا ايه؟
عبير: هتلاقيها شافت واد هنا و..
تسنيم: اخرسي يا عبير، بنتي اشرف منك و من بنتك..
سارة: واضح..
حسن(بحدة): خلاااص...
واحد من الغفر: يا كبير..
حسن: عايز ايه اخلص؟

الراجل: البت المصرواية في الترعة..
الكل بصله بصدمة و خالد و جاسر اول اتنين جريوا..
دنيا: وسعوا لازم اروح..
دعاء: الستات مينفعش تخرج خليكي هنا..
فيروز: اهدي بس يا بنتي..
تسنيم(بعياط): بنتي..
كل الرجالة راحوا للترعة و اتصدموا ما عدا محسن..
ديما(بزعيق): هتفضلوا باصين ليا خدوا الولد..
-خالد مسك منها الولد اللي هي كانت شايلاه...
جاسر مد ايده ليها و هي مسكت في ايده و جاسر طلعها، و اول ما طلعت قعدت تعطس كتير..

محسن: بنتي..
ديما: انا بخير..
و بعدين فجأة اغمي عليها بس مسكها جاسر...
حسن: اطلبوا دكتورة بسرعة...
جاسر شال ديما و راح بسرعة على البيت و اول ما دخل بيها الكل اتصدم...
تسنيم: بنتي يا محسن...
محسن: خلاص اهدي..
دنيا(بخوف): حصل ايه؟
ايمن: اهدوا الدكتورة هتيجي تطمنا..
جاسر: حد يطلع يغير ليها هدومها...
دنيا و تسنيم طلعوا و غيروا هدوم ديما، و الدكتورة جت..
الدكتورة: وسعوا كدة لحظة..
و بعد فترة بسيطة..

الدكتورة: هي مقعدتش فترة كبيرة في الماية و مأثرش عليها اوي، درجة حرارتها ممكن تعلي فجأة لازم تعملوا كمادات ليها و تمشي على الدواء ده...
تسنيم: شكرا يا دكتورة...
حسن: اعرفولي ايه اللي حصل؟
جاسر: حاضر يا حاج...
خالد: خش غير و انا هغير...
حسن: على انت و ايمن روحوا مكان خالد...
خالد: بس يا عمي..
حسن: خلاص..
خالد و جاسر غيروا هدومهم، و نزلوا علشان يعرفوا حصل ايه...
ايمن و على لبسوا هدومهم و سافروا للقاهرة...

-بعد فترة...
حسن: ها اتكلموا؟
جاسر: اللي احنا عرفناه ان هي خرجت و كانت بتتمشي و تاهت و كانت بتسأل طفل على مكان بيت حسن القاضي، و كانت لسة هتمشي لقت الطفل هيقع و وقع في الترعة و نزلت وراه و حاولت تطلع بس معرفتش، و لما احنا روحنا خالد خد الطفل و انا طلعتها...
خالد: بس هي ازاي نزلت الترعة؟
محسن: ديما بتعرف تعوم...
دنيا: حرارتها لسة عالية..
تسنيم: يا رب، رحمتك..

و قعدوا يعملوا كمادات لديما و البيت رجع لحالته العادية، و فيروز رجعت لانطوائها تاني، و دعاء مبقاش ليها نفس تذاكر...
فتحية: بنتك كانت منورة البيت يا تسنيم...
جملات: فعلا حاسة ان البيت مبقاش بيلمع زي الاول..
حسن: الاكل جاهز؟
اسماء: اه يا حاج..
حسن: تمام جهزوا الغداء عقبال ما جاسر و خالد يرجعوا من المصنع...
حسن: فتحية احكمي على عبير شوية هي و سارة..
دنيا: صباح الخير..
حسن: مساء النور..

تسنيم: دنيا تعالي ساعدينا..
دنيا: حاضر...
دعاء: اخبار ديما ايه؟
دنيا: بتخرف و بتعيط...
فتحية: ان شاء الله ربنا هيشفيها...
علاء: عاملين ايه؟
حسن: روح اتكلم مع الرجالة يا علاء بلاش قعدة الستات...
حسن و علاء مشيوا، خالد و جاسر رجعوا...
و الكل بدأ يقعد يأكل..
حسن: كل يا خوي..
محسن: مليش نفس..
ديما: بابتي..
محسن(بفرحة و دموع): ديما اخيرا فوقتي..
محسن قام حضن ديما كتير، و الكل بصلهم بحنية..

تسنيم: سيبني احضنها شوية..
ديما: خلاص خلاص نبقي نحضن بعدين..
ديما مسحت الدموع إلى كانت في رموش محسن..
ديما: مقدرش اكون سبب في حزنك ابدا..
ديما: ازيك يا بت..
دنيا: احسن منك..
ديما: هاي دعاء ازيك يا فيروز..
ديما: ازيكوا كلكوا...
ديما: بس كان في حد بيقول ملهوش نفس، لسة ملهوش نفس..
دنيا: ما تبطلي يا بت انتي واخدة الاجواء و لا ايه؟
فتحية: حمد لله بالسلامة...
جملات: و الله البيت كان مضلم من غيرك..
ديما: شكرا..

ديما: بابا شوف هنسافر امتي؟
حسن: شكلك مش بتنسي حاجة..
ديما: بيقولوا..
حسن: ديما حصليني على اوضتي..
حسن مشي و ديما قامت وراه...
جاسر: تفتكر..
خالد: ليه لا ده ابوك..

عند ديما و حسن..
حسن: مش عارف اقول ايه الصراحة اول مرة اكون في الموقف ده..
ديما: اتكلم بحرية انا مش بقف على الكلمة زي ناس..
حسن: بصي يا ديما انا الاول مكنتش متقبلك..
ديما: يعني دلوقتي متقبلني..
حسن: انتي في الاول و الاخر شايلة من دمنا..
حسن: ايه رأيك نفتح صفحة جديدة؟
ديما(بابتسامة عريضة): الله حلو اوي كدة، خليك حلو علطول بقي..
حسن: قولتي ايه؟
ديما: موافقة..
حسن: تعالي في حضن عمك...

ديما قامت و حضنت حسن و قعدوا يتكلموا شوية، و بعدين خرجوا..
حسن: كله على شغله..
ديما: مين هيفسحني؟
دنيا: هو حصل ايه؟
ديما: ملكيش دعوة يا بت...
حسن: يلا ما كله على شغله...
جاسر: يا حاج كنت عايز حضرتك..
حسن: تعالي..
جاسر: حاج انا كنت عايز اتجوز سارة بنت عمي..
حسن: سيبني افكر يا جاسر..
جاسر: بس..
حسن: سيبني افكر يا جاسر..
جاسر: اللي تشوفه يا حاج..