رواية من أنتي للكاتبة أسماء صلاح الفصل الثاني

ادمعت عينها و قالت: شكرا يا جيرمين عارفه اني تعبتك معايا
رتبت جيرمين على يدها و قالت: و لا يهمك يا حبيبتي المهم انتي حاسه انك هترتاحي هنا؟
سيلا بحيرة فذلك السؤال تردد كثيرا بداخلها معرفش والله بس كلها ايام و امشي
-خايفه يحصلك حاجه او البوليس يقبض عليكي
بكت سيلا بحزن و قالت: بجد مش عارفه بابا يموت و اعرف ان الشركة على وشك الإفلاس و عمي مش عايز يسيبني في حالي و كمان متهمة في قضية قتل.

شعرت جيرمين بالاستياء من تلك الحالة التي أصابت رفيقتها و قالت بنبرة مواسية: أن شاء الله كل حاجه هتظهر
-اتمنى، انا هنزل بقا لحد ياخد باله
-هو انتي ازاي هتستحملي العيشة دي و بعدين البيت في تلت رجالة
-للأسف مفيش حل غير اني اعيش هنا و كمان محدش فيهم يعرف اني بنت و لا حد هيعرف
-تمام خلي بالك من نفسك و اقفلي الاوضه عليكي كويس و بلاش تخلي حد فيهم يقرب منك.

اومأت سيلا رأسها في استياء و فتحت باب السيارة و ترجلت منها و عادت إلى غرفتها كما خرجت منها و أغلقت الشرفة جيد و سحبت الستائر
تنهدت بحزن و قامت بنزع العدسات اللاصقة من عينها و التي اخفت جمال عينها الرمادية الساحرة و الشعر المصطنع التي وضعته على رأسها و انسدل شعرها البنى الذي يصل إلى منتصف ظهرها و المختلط به الذهبي اللامع.

خللت اصابعها بين خصلات و نزعت ذلك الشارب الذي وضعته أعلى شفتيها الكرزية الممتلئة و زفرت بحنق قائلة: يارب عدي الايام دي على خير
تمددت على الفراش و أخذت تفكر في تلك الأحداث المتتالية التي حدثت لها و بعد ذلك ذهبت في النوم.

استيقظ سليم في الخامسة صباحا و ارتدى تشيرت قطني يتميز بحملاته العريضة و شورت يصل عند الركبة و نزل إلى الحديقة ركض لمدة نصف ساعة و بعد ذلك دخل إلى صالة الجيم الخاصة به و بدأ في ممارسة الرياضة.

استيقظت سيلا على صوت المنبه، قامت ارتديت كل من ملابسها الرجالية و عدساتها اللاصقة و الشعر المستعار و كذلك الشارب و خرجت من الغرفة متجهة إلى المطبخ لتحضير وجبه الإفطار
و خرجت إلى الحديقة لتستنشق بعض الهوا فهي لم تعلم بأن سليم بالخارج، ارتبكت عندما رأيته يخرج من الصالة الجانبية عاري الصدر و قطرات العرق تنصب على جسده، استنتجت انها صالة جيم، عضت على شفتيها بتوتر بالغ و دخلت مسرعة إلى الداخل.

تعجب سليم قائلا: ماله دا؟ اوف بجد
دخل سليم إلى المطبخ و كانت تلهث بصعوبة و كأنها كانت تركض لعدة أمتار
سليم بتساؤل: حضرت الفطار
هزت رأسها بالإيجاب، تعجب سليم من هيئته و قال: تمام صحي فارس و هشام
و بعد ذلك خرج من المطبخ صاعدا إلى غرفته
تنهدت سيلا و احثت نفسها على التقدم ارجوكي كملي يا سيلا متخافيش محدش هيعرف.

أحضرت السفرة و كالعادة كانت مستعينة بالبحث الإلكتروني كي لا تفعل خطأ غير مرغوب به، و أخذت نفسها و صعدت إلى غرفة فارس، طرقت الباب بخفة و بالطبع لم يستمع فارس إلى تلك الطرقات الخافتة
عندما لم تجد رد فتحت الباب و لكنها كانت تشعر بارتجاف جسدها رغما عنها
دخلت بخطوات بطيئة للغاية و حاولت التخشين من نبرة صوتها: فارس بيه
تقلب فارس قائلا: اخرج
لم تعلم ما هو الصائب الان ان توقظه أم تترك الغرفة و تغادر.

ابتلعت ريقها و قالت: لوسمحت اصحى
عندما شعر باقترابه من الفراش، فتح عينه و قال: صحيت
نظرت له و قالت: الفطار جاهز يا افندم
نظر إليه فارس باستغراب و قام من فراشه، شهقت سيلا و أدارت وجهها الطرف الآخر عندما رأيته عاري لا يرتدي الا سروال داخلي قصير للغاية
بالتالي لافت ذلك انتباه بشدة و قال بدهشة: خير يا محمد مالك؟

تمالكت نفسها فهي بالكاد سوف تفضح بعد قليل و لكنها قررت أن تعتاد على ذلك الأمور فهي الان تعيش معهم علي انها شاب و قالت بجدية: مفيش بعد اذنك
خرجت من الغرفة و أغلقت الباب خلفها و ذهبت إلى الأخرى و التي كانت لهشام
تنهدت و طرقت الباب و دخلت و لكن لم تجده في الفراش، و استمعت إلى صوت الماء بالداخل فقالت بصوت مرتفع نسيبا: استاذ هشام الفطار جاهز
-تمام يا محمد، بقولك ايه هات الهدوم اللي عندك.

سعالت بشده و شعرت بالتوتر يفتك قلبها و قالت: القهوة على النار مش هلحق و غادرت الغرفة على الفور قبل أن تسمع رده حتى...
تعجب هشام و خرج من المرحاض و ارتدى ملابسه و هو يشعر بالدهشة منه
كانت سيلا تواجه اصعب دقائق في حياتها و بالطبع سوف تستمر تلك المعاناة كثيرا.

زفرت بحنق و طرقت الباب و دلفت إليه و لكنها شهقت بصدمة عندما وجدته يخرج من المرحاض و هو يضع المنفشة حول خصره، أخذت انفاسها المضطربة و استجمعت شجاعتها فهي الان ليست سيلا بل محمد
عقد حاجبيه في اندهاش و تحدث بنبرته الحادة و الامرة: مالك؟
-مفيش الفطار جهز و استاذ فارس في انتظارك
جفف شعره بالمنشفة التي كان يضعها حول عنقه و رد قائلا: تمام القهوة بتاعتي تكون جاهزة تمام
هزت رأسها إيجابا و غادرت من أمامه مسرعة.

أغلقت الباب خلفها و استرجعت انفاسها التي ازدادت سرعتها
تنهدت محدثة نفسها بصوت مسموع نسيباً: اهدي يا سيلا محصلش حاجه و انا هنا مجرد ولد افهمي بقا...
أشار له هشام بيده ملوحا بها أمام وجهه و قال: مين اللي تفهم؟
نظرت إليه بارتكاب و قالت بتوتر: مين؟!
هشام باستغراب: انت واقف بتكلم نفسك
ابتلعت سيلا ريقها و قالت بتبرجل: احتمال و غادرت من أمامه مسرعة
هشام متعجبا: ماله دا؟

جلس الثالثة على السفرة و بدأوا في تناول الطعام بهدوء و لم يتحدث احد منهم
قطع هشام الصمت قائلا: سليم؟
-نعم!
-خلصت تصاميم المشروع و لا لسه؟
ارتشف بعض القهوة و قال: اكيد سليم العطار لازم يكسب
ابتسم هشام و قال: واثق و مغرور
-اكيد دا كفاية أن شركة الشامي وقعت
انتبه فارس و قال متسائلا: شركة الشامي دي بتاعت فريد الشامي اللي اتوفى من اسبوعين
سليم باستغراب: اها انت هتسيب الشرطة و تشتغل في الهندسة و لا إيه؟

-لا ماسك القضية بتاعت بنته اللي هربت و محدش عارف يوصلها
سليم بتعجب: هو لي بنت اصلا؟!
-اهاا اسمها سيلا الشامي، في سنتها الأخيرة من الكلية و بتدرس هندسة و بيقولوا انها كانت بتشتغل مودل و ممثلة تحت التدريب و ليها صاحبة اسمها جيرمين
سليم بدهشة: بصراحة اول مرة اسمع عنها بس ممكن تكون كانت على علاقة بواحد و هربت معاه
هشام باستغراب: ممكن، طب ليه محققتش مع جيرمين دي؟

زفر فارس بضيق و قال: لأن باختصار سيلا مختفية تماما و محدش يعرف مكانها و اكيد صاحبتها دي مش هتكون عارفه مكانها و ياريت يا هشام الأخبار دي متنزلش في الجريدة عندك
تحمم هشام قائلا: ليه بس و بعدين دا سبق صحفي و اعلاني جامد بس هستني شوية لحد ما اعرف كل المعلومات
قام سليم و ارتدى سترة بذلته و قال: انا ماشي
و بعد ذلك ذهب هشام و قارس، و بعد ما تأكدت سيلا من ذهابهم خرجت من الطبخ و بدأت في ترويق المنزل بالكامل.

زفر سليم بضيق و قام و صاح قائلا: ليلي
دخلت ليلي إلى المكتب مسرعة و قالت بتردد: افندم
نظر لها بغضب و قال: ايه الزفت دا؟، و فين المهندسين اللي بيشتغلوا على المشروع
ليلي بتوتر: كلهم في المكتب بس لسه التصاميم مخلصتش
سليم بعصبية: انهاردة بس و لو الحاجه مخلصتش اعتبري انك مرفوضة مفهوم
طرقت ايتين الباب و دخلت و قالت: ليلي اطلعي انتي.

زفر سليم بحنق و جلس على المقعد محاوطا وجهه بين كفيه و قال: ايتين انا مش فاضي لأي حاجه ممكن
تنهدت ايتين و جلست و قالت: حاضر، ممكن تهدي بقا و بعدين حرام عليك مربي الرعب للبنت
-في حاجه حصلت في الشركة و لا إيه؟
غضبت ايتين فهو لا يحدث سوى عن العمل و قالت: لا يا سليم مفيش الشركة تمام انا جايه عشان اشوفك و نتكلم
سليم باقتضاب: انا مش عايز اتكلم في حاجه.

-سليم احنا طول عمرنا صحاب و مش هنخسر بعض عشان موضوع ملهوش لأزمة
سليم بغضب: بجد موضوع ملهوش لأزمة يا ايتين؟!
تنهدت ايتين و قالت: والله يا سليم مش بمزاجي و انت اللي عملت كدا من الاول
-بجد يا ايتين روحي اتجوزي انا مش هدخل بس اعملي حسابك انتي و ابوكي أن الشركة مفيش حد غريب هيدخلها
ايتين بضيق: سليم لو سمحت بلاش طريقتك دي
-انا حر.

قامت ايتين و قالت: دي المشكلة يا سليم انك مبتعملش حساب لحد و مش شايف غير نفسك و خلاص، حتى اللي همك الشغل و الشركة مش انا
-ايتين انا...
قطعه ايتين و قالت: مش عايز اسمع حاجه كفايه اللي بسمعه منك و بعد ذلك غادرت من المكتب و قفلت الباب خلفها
تنهد سليم فهو يواجه حيرة في ذلك الأمر فهو لا يريد تركها و لكن لم يستطيع قول ذلك لها فهي تريد الرحيل.

انتهيت سيلا من الترويق و قد انتهيت بالفعل فالعمل شاق للغاية بالنسبة لها و لكن فهي مجبورة على ذلك
ردت على هاتفها و قالت: سوري يا جيرمين مكنتش سامعه
-عادي يا حبيبتي المهم عمك صفوت كان عند بابا انهاردة و كان بيسأل عليكي بيحسبك عندنا
زفرت سيلا بحزن و قالت: بجد انا معرفش هو بيعمل كدا ليه؟ منه لله
-انتي عامله ايه؟
-اهو ماشيه بس المشكلة ان البيت اللي انا في دا مش مريح نهائي.

-فترة و هتعدي و بعدين انتي مضطرة البوليس قالب الدنيا عليكي و عمك و ابنه نفس الكلام
-بجد مخنوقة اوي و اخر ما ازهق هروح للبوليس
-و انتي فاكره أن في حد هيصدقك يا سيلا الجريمة كاملة و مظبوطة و عمك هو اللي وراها
سيلا بحيرة: بجد مش طايقه زهقت اوي
-ارجوكي استحملي شوية و كلمي أهل مامتك و سافري
-المشكلة اني ممنوعة من السفر مفيش حل قدامي، انا هقفل و هدخل انام شوية.

قفلت سيلا و لكنها تفاجأت بدخول هشام إلى المنزل، ارتبكت بشده و قالت بتوتر: استاذ هشام
هشام باستغراب: هموت و اعرف انت مرتبك كدا ليه؟ و لا آكنك عامل مصيبة
تلعثمت بخوف و قالت: لا مفيش حاجه هو حضرتك جيت بدري ليه؟
-عادي خلصت شغل و بعدين انا كاتب و صحفي بجانب دا محامي ومستشار قانوني للشركة بتاعتنا
سيلا بإعجاب: بجد؟!
-اممم، و انت بقا ايه ظروفك
-انا خريج ثانوية عامة بس و مكملتش تعليم عشان اهلي ماتوا.

-طب بقولك ايه ادخل اعمل كوبيتان نسكافيه أو شاي و تعال نتكلم مع بعض شوية
-حاضر
خرج هشام إلى الحديقة و جلس على الطاولة المقابلة للمسبح، أعددت سيلا النسكافية و خرجت له
جلست و قالت: كام معلقة سكر
ابتسم هشام و قال: و لا حاجه بص محدش في البيت بيشرب حاجه بسكر
تناول هشام المج و قال: عجبك الشغل هنا و لا؟

لا طبعا بصراحة حاجه تخنق ذلك ما أرادت قوله فهي لم تحب العمل نهائي و قالت بابتسامة مصطنعة: جدا عمري ما شوفت شغل بالجمال دا
ضحك هشام و قال: شكلك بتكدب
-لا خالص
-بفكر انزل المياه، تنزل معايا؟
سيلا بصدمة: نعم؟! لا طبعا مبعرفش اعوم
هشام بدهشة: مالك اتخضيت كدا ليه بس؟
-لا عادي بس انا مش بعرف
-هعلمك و بعدين اهي رياضه بدل ما انت رفيع و ناشف كدا
ابتلعت ريقها و قالت برفض: لا مش هعرف خالص انا هدخل جوه.

امسك هشام معصمه و قال بتساؤل فهو يرى أن تصرفات ذلك الشاب غريبه نوعا ما: هو انت مالك ناعم كدا ليه؟
اتسعت عينها بخوف و قالت: ابعد ايدك عني؟
تعجب هشام من لهجته التي تغيرت، حتى احس بخطب ما في تلك الحنجرة التي تناسب فتاة أكثر من ولد و قال: انا مقصدش حاجه
شعرت سيلا بالقلق و قالت: عادي أنا هدخل.

بالطبع كان هشام يدور برأسه كافة الأسئلة التي لم يجد إجابة منطقية لها و لكن قرر عدم الضغط عليه فمحمد يبدو متوتر و قلق من جميع من حوله
أدارت جسدها له و همت بالذهاب و لكن انزلقت قدمها و اختل توازنها و سقطت في حمام السباحة
اصدم هشام و قال بقلق: محمد...
نزل إلى المياه و حملها بين ذارعه، كان يشعر بشي غريب لم يعلم ما هو، وضعها على الأرض و حاول تفيقها قائلا: محمد، محمد...

لم يجد اجابه منه فشعر بالقلق و أخذها إلى الداخل و وضعها على فراشها و اتصل بماجد و طلب منه إحضار الطبيب..
نظر هشام عليه و قال: معرفش ليه حاسس ان وارك حاجه كبيرة...
تذكر ملابسه التي ابتلت و اتجه إلى الخزانة و اخرج طقم له و لكن لافت تلك انتباه تلك الشنطة الموجودة بداخلها و لكن قفلها و اتجه إليه...

رواية من أنتي للكاتبة أسماء صلاح الفصل الثالث

خرج من الغرفة عندما سمع جرس الباب و قال: سليم جيت في وقتك
سليم باستغراب: في ايه؟
-محمد وقع في المياه بالغلط و قاطع النفس خالص و اتصلت بماجد عشان يجيب دكتور
سليم بصدمة: ماجد يا هشام...
دخل سليم معه إلى الغرفة و قال بتعجب: الواد دا غريب اوي
هشام بقلق: جدا تصرفاته غريبه اوي، صوته ناعم زيادة و حتى ملمس ايده ناعم جدا مش عارف بجد
سليم بتفكير: انت تقصد ايه؟

-و لا حاجه بس مستغربه اوي و اكيد انت و فارس نفس الكلام، بما انك جيت فحاول تغير هدومه بدل ما يبرد أو يحصله حاجه و انا هروح اغير قبل ما ماجد يجي
نظر سليم له و اومأ برأسه، خرج هشام و قفل الباب...
-فعلا كل حاجه في غريبه...
أقترب سليم منه و جلس على طرف الفراش و قال: انت يالا فوق و بلاش استعباط مش هتغرق من دقيقه يعني
نظر إلى ملامحها بتمعن و إلى بشرتها الناعمة و قال بتعجب: على رأي هشام في حاجه غلط.

ضغط بيداه على صدرها لكي يفرغ الماء من رئتيها، سعالت سيلا و انتفضت عندما وجدته امامها و قالت بخوف: هو ايه اللي حصل؟
نظر لها سليم و قال: مفيش انت وقعت في المياه و هشام جابك هنا
خشيت سيلا بأن يكون إحداهما اكتشف أمرها و قالت بتساؤل: بس كدا؟
هز سليم راسه و قال: اممم والدكتور هيجي
رفضت بشدة فقدوم طبيب سوف يكشف بأنها فتاة و قالت بامتناع: لا انا بقيت كويس، لوسمحت خلي ميجيش
سليم بتعجب: ليه؟

-عادي ملهاش لأزمة انا بقيت كويس
قام سليم و خرج من الغرفة و صعد الدارج، و التقى بهشام في الطرقة و قال: مش لازم دكتور هو بقى كويس
هشام بإصرار: ازاي بس؟
-بقى كويس يا هشام، كلم ماجد و قوله
تنهد هشام و قال: ماشي.

زفرت سيلا بحنق و قالت بارتياح: الحمد الله كنت هضيع لو حد اكتشفني
لم تغادر غرفتها لبعض الوقت فهي أرادت أن تهدأ من روعها، و عند حلول المساء خرجت و كان الثلاث يجلسون في الصالة كل منهم مشغول في شي، نظرت إليهم باستياء فمن الواضح انهم أشخاص مملين.
تحممت قائلة: احضر العشا
رد هشام و هو مشغول بالكتابة على اللاب توب: نسكافية
-بس؟!
نظر لها سليم و قال: و اتنين قهوة.

تنهدت سيلا و دخلت إلى المطبخ مسرعة فهي تشعر بالتوتر البالغ خصوصا عندما تراهم، انتهيت و خرجت
وضعت صنيه المشروبات التي كانت تحملها، و لكن لافت انتباها الملف الموضوع علي الطاولة، ابتلعت ريقها بصعوبة و توتر بالغ و لكنها تغلبت على ذلك لكي لا يلاحظ احد منهم.
قبل أن تخطو أمرها سليم قائلا: هات القهوة..
اوصدت عينها للوهلة فهو يأمرها وبفظاظة.

انحنت قليلا لتأخذ فنجان القهوة و ذهبت في اتجاه، فهو كان يجلس على المقعد الذي يبعد على مسافه ليست بعيدة من الطاولة
اعطته له، و التفتت لتسير و لكن اوقفها تلك الأحداث التي تذاع على التلفاز، ارتبكت كثيراً و ظهر ذلك عليها بوضوح...
كانت الأخبار كالتالي اختفاء سيلا فريد الشامي في ظروف غامضة و بعد اتهامها في قضية قتل.
سليم بتعجب: غربيه اوي حكاية البت دي؟!

فارس هو الآخر كان منغمس في تلك القضية التي لم يجد لها حل فهي معقدة للغاية
تسألت سيلا بتوتر: هو انت اللي ماسك القضية؟
سؤالها لافت انتباه الثلاث، و كل شخص منهم فسر ذلك على حسب رؤيته.
رد فارس بتعجب فهو استغرب من سأل ذلك الشاب عن ذلك: اها انت تعرفها؟
رفضت بشده: لا لا طبعا هعرفها ازاي؟
كان سليم يراقبها بتأني و ترقب شديد و كأنه يريد انه يبحث عن شي مجهول؟!

هشام باستفسار: صحيح يا فارس هي فعلا قتلت و لا؟ بصراحه مصدقش انها تعمل حاجه
عقد حاجباه بدهشة قائلا بحيرة: معرفش بس مش مقتنع بالقضية اكيد فيها حاجه غلط، و حتى لو قتلت فأكيد مش هي اللي قامت بالجريمة
لم يعجب سليم بحديثه و رد عليه بسخرية: مين قالك كدا يعني؟ الله اعلم وراها ايه بظبط
لاحظ فارس توتره و قال بحدة: مالك يا محمد
تلعثمت و قالت بتوتر: مفيش بعد اذنكم.

دخلت إلى المطبخ و أخذت انفاسها المتلاحقة و أخذ صدرها يعلو و يهبط
-اعمل قهوة تاني؟
نظرت له و قالت: حاضر
سكب سليم فنجان القهوة في الحوض لم تعلق سيلا على تصرفه و بدأت في اعداد أخرى
وضعتها في الفنجان و أعطته له و قالت: حضرتك عايز حاجه تاني
-عايزك تنضف صاله الجيم
-حاضر
ذهبت سيلا إلى صالة الجيم و زفرت بحنق فهي كبيرة للغاية و بها الكثير من الأجهزة.

قام هشام ليذهب إلى غرفته و تذكر الشنطة التي كانت في خزانة محمد و قال بحيرة: يا ترى فيها ايه؟
كان سليم و فارس يجلسان مكانهم
فارس بتساؤل: سليم؟
-نعم؟
-انا شاكك في محمد دا يكون هربان من حاجه مثلا؟
سليم بعد اهتمام: اعمله فيش و تشبيه يمكن يطلع عليه قضايا
فارس بغضب: سليم ياريت تعمل حساب انك عايش معانا، حتى لو دا كان ضد رغبتك
زفر سليم بحنق و قال: فارس انا مليش دعوة بحاجه، محمد دا ماجد هو اللي جابه.

-و احنا اللي عايشين معاه و الله اعلم دا مين؟ أحنا منعرفش
-انا ورا شغل.

شعرت بالتعب و جلست على الأرض و قالت بضيق: ربنا ياخدك يا شيخ منك لله، واد تتح و بارد اوف، اهاا يا رجلي
دخل سليم و قال: انت قاعد كدا ليه؟
اتفزعت سيلا و قامت وقفت وقالت: خلصت تؤمر بحاجه تاني؟
-لف الجنينة تلت مرات
فتحت فمها بصدمة و قالت بدهشة: ليه؟
وضعت يده في جيبه و قال: لازم صحتك تكون حلوة عشان الشغل هنا كتير و لو مش عايز ممكن تمارس الرياضة على الأجهزة.

نظرت له بضيق فهي واجهت هشام و الآن ذلك المتعجرف و قالت: مش عايز
-أقلع
سيلا بتعجب: افندم
-اكيد مش هتمارس الرياضة كدا و بعدين دا البيت كله شباب يعني
ابتلعت ريقها فهي محاصرة الان و قالت: عندي مشاكل في القلب
اقترب منه و قال بلوم: لا الرياضة مفيدة للقلب اوي
زفرت سيلا بغضب و قالت: هطلع الف الجنينة الجري ارحم اكيد
افسح إليها الطريق، خرجت سيلا إلى الحديقة و قالت بداخلها يارب تتشل.

بدأت في الركض و كان سليم يراقبها بهدوء شديد و يجلس على المقعد
شعرت سيلا بهروب انفاسها و انها حتى لم تعد قادرة على السير فسقطت مغمى عليها
انتظر سليم و عندما لم يراها، قام ليبحث عنها و وجدها على الارض، حملها و دخل إلى غرفتها
وضعها على الفراش و أطفأ النور و خرج من الغرفة...

في الصباح استيقظ الجميع ماعدا محمد
فارس بتعجب: هو نايم ازاي؟
هشام بحيرة: مش عارف حرام خلي نايم
فارس بضيق: قلبك رهيف اوي انت
ابتسم هشام و قال: والله حاسس انه طيب و صعبان عليا
نظر فارس إلى سليم و قال بتساؤل: انت اجازة و لا إيه؟
-اها ورايا شغل كتير و قولت اخلصه في البيت احسن
فارس باستغراب: غريبة يعني؟! بس تمام انا همشي، غادر فارس و تركهم
-فارس ميقصدش حاجه يا سليم.

بالطبع سليم لم يكترث لحديثه و قال: عادي يا هشام
-انا همشي عايز حاجه
- لا.

استيقظت سيلا و تذكرت ما حدث و انها اغمي عليها بالحديقة، نظرت في ساعه الهاتف و شهقت بالصدمة فالساعة تخطت العاشرة، خرجت من الغرفة و وجدت سليم يجلس في الصالة
تحممت سيلا و قالت: سليم بيه
نظر له و قال: ما لسه بدري
-اسف
-ادخل اعمل قهوة و بعدين اطلع نطف اوضتي
تنهدت و ذهبت إلى المطبخ و أعدت القهوة و خرجت وضعتها على الطاولة و بعد ذلك صعدت إلى غرفته.

زفرت بحنق عندما رأيتها، فيوجد أوراق في كل مكان و تبدو فوضوية للغاية
تنهدت بضيق و بدأت في ترتيبها...

انتهت سيلا من تنظيف الغرفة كما أمرها و قبل أن تخرج وجدته يدخل
اوقفها قائلا: رايح فين؟
-خلصت
-بس انا مقولتش تمشي
تنهدت بضيق و قالت: في حاجه اعملها تأني
-اهاا اعملي مساج
سعالت بشدة و قالت بدهشة: نعم؟ مساج ايه دا!
-انت بتشغل في البيت و اظن انها مش حاجه صعبه يعني دا حتى انت راجل و لا إيه؟
ابتلعت ريقها بشدة فهو يعاملها بلوم شديد و استجمعت نفسها محدثة اياها مش لازم اخاف عادي هو اكيد ميعرفش اني بنت.

القى سليم عليها نظره و ذهب في اتجاه الفراش و خلع ملابسه ماعدا سرواله الداخلي
-هتفضل واقف كدا؟
ابتلعت ريقها و عضت علي شفتيها و قالت بداخلها انا مش خايفه و لا متوترة عادي
ذهبت بخطوات بطيئة إلى أن وصلت، جلست على طرف الفراش و شعرت بارتعاش يدها و بالطبع كانت تخشى أن يلاحظ ذلك، وضعت أصابعها الناعمة على ظهره و بدأت بتدليكه، استمرت للحظات و لكن اوقفها قائلا: كفاية كدا.

تنهدت بالارتياح و همت بالقيام و لكن تفاجأت به يسحبها من معصمها بقوة جعلتها تسقط عليه و ترك لها مسافة لكي تسقط بجانبه علي الفراش و حاصرها بيده قائلا: انتي مين؟!
نظرت له بصدمة فكيف يعرف بأنها فتاة فهي لم ترتبك خطأ لذلك و قالت بتردد: انت بتقول ايه؟

-تحبي اثبت بطرقتي و لا تخلصي و تقولي أنتي مين؟
حدقت به بثبات و قالت بحدة: ابعد عني و انا محمد و أظن انك بتتحرش بشاب
سليم بدهشة: نعم؟ ليه شايفني ايه؟
دفعته سيلا و قامت تجلس، اغتاظ منها و قام بشد قميصها من الخلف بشده جعله يتمزق
-انا مش اهبل على فكرة و يا انا اثبت انك بنت يا انتي تثبتي انك ولد
ابتلعت ريقها بصعوبة و تجمعت الدموع بعينها فالنهاية اكتشف أمرها و قالت: ايوه انا بنت.

ابتسم سليم بسخرية و قال: مين انتي و ليه عملتي كدا؟
تساقطت دموعها بهدوء لتغرق وجنتها بالكامل فهي لا تعلم تصرفه معها و شعرت بالخوف من القادم، فكيف يكون ردة فعله عندما يعرف هويتها الحقيقة و الأدهى بأنها توجد في منزل الضابط الذي يتولى قضيتها، فالطبع انتهت...

رواية من أنتي للكاتبة أسماء صلاح الفصل الرابع

التفتت سيلا له و قالت بتوتر: انا ابقى
قام سليم و وقف أمامها و قال: ايوه انتي مين؟
نظرت له و قالت: انا، انا...
سليم بغضب: بصي صبري بدأ يخلص انجزي، و خدي بالك لو كدبتي عليا هعرف
ابتلعت ريقها و قالت بخوف: اسمي سيلا؟
سليم بتساؤل: سيلا مين؟ و بعدين عايز اشوف شكلك الحقيقي بعيدا على انك محمد
سيلا بتردد: حاضر بس ممكن متقولش لحد منهم
سليم ببرود: و مثلا انا هعمل كدا ليه؟

تنهدت سيلا و خلعت البروكة و اللينسيز و الشارب المستعار
-سيلا الشامي امممم، و ايه بقا اللي رماكي هنا
سيلا بتوتر: لأن مكنش في حل تاني قدامي و الشرطة هي كمان بتدور عليا
-تروحي تقعدي في بيت الظابط اللي ماسك قضيتك
-مكنتش اعرف و معرفش اني هتمسك بالسهولة دي
-لازم تمشي من هنا في أسرع وقت لأن وقتها مش هيبقى قدامي حل غير اني احكي كل حاجه لفارس
سيلا بتردد: حاضر همشي بس ارجوك بلاش تقول لحد.

-سيرتي متجيش في حاجه لو حد تاني اكتشفك و دا غير اني مليش علاقه بيكي يعني اتصرفي زي ما انتي
نظرت له بدهشة و قالت: تمام، شكرا
خرجت سيلا و ذهبت إلى غرفتها و قفلت الباب خلفها و زفرت بحنق قائلة: يارب بقا
غيرت ملابسها و قالت: طب ما هو عارف ليه عمل كدا ما كان قالي و خلاص
نفخت بضيق و عدلت هيئتها و خرجت، دخلت المطبخ
دلف سليم خلفها و قال: اعملي عصير
نظرت له باقتضاب و قالت: شكلك مش هتسيبني في حالي.

أسند ظهره على الباب و قال: مش بظبط بس بصراحة اخاف توقعيني في مشكلة
تنهدت سيلا و قالت: متقلقش انا كل حياتي مشاكل و مش مستنية حد يشيل معايا، انا بس مش عايزة حد يعرف لحد ما امشي من هنا
سليم بسخرية: مفتكرش بس لما نشوف
-عصير ايه؟
-اتنين مانجا
زفرت سيلا بحنق و قالت: على حسب علمي انك مبتشربش المانجا
سليم ببرود: ايوه بس عندي مزاج تعمليها
-حاضر
خرج سليم من المطبخ و انتظر ايتين و ليلي في الحديقة.

وصلوا، عناقته ايتين و قبلت خده قائلة: سوري عارفه اني اتاخرت بس عشان عديت الشركة و ليلي جات معايا
-انا كنت طالب من ليلي انها تجيب الملف
جلسوا و بدأوا في الحديث من العمل
-كل المهندسين خلصوا الرسم و كمان العمال هيبدوا من بكرا
تنهد سليم و قال: تمام يا ليلى، و اظن انكم عارفين ان المشروع مهم جداً
ليلي بجدية: اكيد يا سليم بيه، المشروع هيكون زي ما حضرتك امرت
وضعت سيلا صنيه العصير على الطاولة و ذهبت.

ايتين بتساؤل: مين دا؟
-بيشتغل هنا
جمعت ليلي أوراق الملف و قالت: انا همشي
-تمام يا ليلى
نظرت ايتين له و قالت: كدا نقدر نتكلم بقا
سليم ببرود: اممم اتفضلي
وضعت يدها علي يده و قالت: سليم انا عايزة أفضل معاك
-بجد اومال ايه حوار جوازك دا؟
تنهدت ايتين و قالت: بابا عايز يطمن عليا يا سليم
زفر سليم بضيق و قال: انتي حره يا ايتين.

-سليم بلاش طريقتك دي بلاش تحسسني اني مليش لأزمة بالنسبالك، على الأقل قولي انك بتحبني انك مش هتستغي عني
-سليم العطار مبيطلبش من حد يستني
ترقرت الدموع بعينها و قالت باستياء: براحتك بس طول ما انت كدا هتخسر كتير
-انا عندي شغل
-انا زهقت من الشغل يا سليم، اتخنقت انت ديما في الشغل، و حتى لما كنت بتكون معايا كان تركيزك كله في الشغل مش معايا انا
سليم بامتعاض: اعمل ايه يعني؟

تنهدت ايتين و قالت: متعملش يا سليم بس انت بتستغل حبي ليك و اخذت حقيبتها و غادرت
زفر سليم بضيق و قال: حاجه آخر ملل بجد
دلف إلى الداخل و كانت سيلا جالسه تتحدث في الهاتف و لكنها لا تنتبه لوجوده
-اهاا يا جيرمين عرف، معرفش ازاي؟
جيرمين بقلق: الموضوع كدا باظ لازم تمشي
سيلا بيأس: امشي اروح فين؟، البوليس مراقبك و مراقب بيتي
جيرمين بتفكير: لازم يكون في دليل يثبت براءتك يا سيلا مش معقول هتفضلي هربانه كدا.

-انا عايزة اروح البيت بايه طريقه بس للأسف اكيد البوليس مراقب المكان
زفرت جيرمين و قالت: اكيد بس انتي المفروض تعرفي و تخرجي من غير ما حد يحس
-بليل تعاليلي و انا هتصرف لازم الاقي أوراق بابا اللي تثبت أن عمي اختلس أموال الشركة و دخل في صفقات مشبوهة
تنهدت جيرمين و قالت: طيب يا روحي، خلي بالك من نفسك
قفلت معها و تفاجأت بوجود سليم و قالت: عايز حاجه؟
-لا.

و صعد إلى غرفته، كانت سيلا أنهت عملها في المنزل و أحضرت الغدا
في الخامسة مساءا، عاد هشام إلى المنزل
-اجهز الاكل
تنهد هشام و قال: لا شكرا يا محمد، انا هطلع ارتاح شوية و بعدين هطلع على المكتب، سليم موجود و لا؟
-سليم بيه فوق
-اهاا من بدري
صعد هشام الدارج و طرق باب الغرفة و دخل سليم
كان ينام على الاريكة، فتح عينه و قال: نعم
-و لا حاجه انت قاعد هنا ليه؟
-عادي بس عندي صداع
ابتسم هشام و قال: ايتين؟

سليم بامتعاض: اهااا ما تقتنع جدك يلغي الشراكة معاهم
هشام بدهشة: سليم انا مش متخيل انك همك الشركة و مش همك ايتين
سليم بضيق: هشام الشركة دي انا تعبت فيها و معنديش استعداد اخسر بسبب واحدة
هشام بتعجب: واحده؟! ايتين واحده يا سليم، مش دي صاحبتك و المفروض انها كانت هتبقى مراتك انت بتفكر ازاي؟
-ايتين مش عاجبها ايه حاجه يا هشام و انا مش هتغير عشان واحده، و انا مش فاضي لشغل الستات.

تنهد هشام و قال: على الاقل اهتم بيها، خليها تحس انك عايزها، خلي عندك مشاعر شوية يا سليم
-هشام انا و ايتين جوازنا هيكون مصلحة
-انت بتحبها و لا؟
سليم بسخرية: حب ايه يا هشام، انا مش تافه لدرجة دي؟!، ايتين مناسبة ليا مش اكتر
-الكلام معاك ميجبش همه خالص، انا هروح ارتاح شوية و بعدين هروح على المكتب اشوف ماجد.

خبط فارس المكتب بيده و قال بغضب: انتم فريق فاشل، ازاي مش عارفين توصلوا لحاجه؟
أحمد بيأس: فارس باشا احنا شاغلين و مراقبين البيت بس سيلا دي مظهرتش نهائي و جيرمين نفس الكلام
فارس بعصبية: خلاص يا شباب خلوا بنتين يستغفلونا
اوصد علاء عينه لوهله و قال: سيلا شامي محدش يعرف حاجه عنها و البحث مازال جاري
فارس بنرفزة: القضية دي لازم تتقفل.

هز أحمد راسه إيجابا و قال: في أسرع وقت بس في حاجه ظهرت جديدة، قبل ما عابد يتقتل كان في إعلان عن خبر جوازه بسيلا
فارس باستغراب: جوازهم؟! يعني كان في بينهم علاقه ولا؟
أحمد بحيرة: لا مكنش في و دا على حسب كلام الموظفين
علاء بتفكير: كدا القضية خلصت اكيد سيلا كانت على علاقة به و الله اعلم وصلت لفين و بعدها هي قتلته لما اختلفوا على الجواز مثلا
زفر فارس بعصبية و قال: دي قضية قتل يا علاء مش سوق الجمعة.

-يا باشا دا مجرد افتراض مش اكتر
-عايز أخبار أسرع و تدوروا على سيلا بايه طريقه.

خرجت سيلا من الشرفة و من ثم تسلقت السور و خرجت من الفيلا، كانت جيرمين في انتظارها
فتحت السيارة و قالت: فين عربيتك؟
رفعت جيرمين النقاب من على وجهها و قالت: البيت متراقب يا سيلا و انا خرجت من غير عربتي
تنهدت سيلا و قالت: خايفه نتقفش اوي وقتها هروح انا و انتي في داهية
رتبت على يدها و قالت: و لا يهمك يا حبيبتي المهم نوصل لدليل براءتك، الشنطة دي فيها لبس البسي عشان محدش يتعرف عليكي.

تنهدت سيلا و ارتدى العباية و النقاب هي الآخرى، وصلوا إلى منطقة منزلها
-اركني هنا مش هينفع نقرب اكتر من كدا
نزلوا من السيارة و قالت: جيرمين انا قلقانه
-اهدي بس يا سيلا بلاش تتوتري و توترني معاكي، بس هندخل ازاي؟
-من الناحية التانيه؟
-هو في باب تاني غير دا
-أيوه في باب ورا بس بابا كان قافله احنا هنفتحه و ندخل منه
ذهبوا إلى الباب، زفرت جيرمين و قالت: هندخل ازاي؟ يا فالحة الباب مقفول بقفل.

زفرت سيلا و قالت: مش عارفه، استنى نحاول نكسره طيب
جيرمين باستياء: مش هنعرف يا سيلا، بصي تعالي
جمعت جيرمين الحجارة و وقفت عليها و قالت: كدا تمام هنعرف ننط انا هدخل و انتي تعالي ورايا
تسلقت جيرمين و بعدها سيلا، و دخلوا إلى المنزل من شرفه المطبخ و بالطبع كان ذلك يسيرا عليهم لأنها تعرف كل مدخل في المنزل، فتحت جيرمين فلاش هاتفها و قالت: سيلا هو في حد جوه و لا؟
سيلا بخوف: لا مفيش المفروض ربنا يستر بس.

وصلوا إلى غرفة المكتب، وقفت سيلا مكانها و بدات في البكاء
رتبت جيرمين عليها و قالت بحزن: ربنا يرحمه يا حبيبتي، خلينا بس ندور يمكن نلاقي حاجه
مسحت دموعها و قالت: تمام دوري انتي في المكتب و انا هدور في الخزنة
تولت كل منهم مهمتها في البحث، لم يمر سوى دقائق قليله و فجأة فتح إحداهم النور
تجمدت سيلا مكانها، و كذلك جيرمين
-منورة يا بت عمي
التفتت سيلا له و قالت: زياد؟

اقترب زياد منها و قال: وحشتني، كنت عارف انك هتيجي
أمسكت جيرمين معصمها و قالت: مجنون دا و لا إيه؟ يلا نمشي
استمع لها زياد و قال بنرفزة: محدش هيمشي
سيلا بحدة: سيبني في حالي بقا مش كفايه اللي عملتوا معايا
زياد بعصبية: خلاص هكلم البوليس
نظرت سيلا إلى جيرمين بقلق و قالت بتوسل: زياد ارجوك خليني امشي اعمل حاجه عدله بقا
اقترب زياد منها اكثر و قال: انتي اللي مش عايزني.

نفخت سيلا بضيق و قالت بغضب: زياد انت مجنون صح
صاح زياد بوجهها و قال: ماشي انا هوريكي الجنان
ابتلعت جيرمين ريقها بقلق و قالت: عايزين ايه تاني؟
دخل حراسه و كانوا اثنين من البودي جارد و قال لهم: هاتهم على فوق
اخد واحد منهم سيلا و الثاني جيرمين، و حاولت جيرمين الافلات منه و لكن فشلت و قالت: يا حيوان سيبنا
اتصل زياد بوالده و أخبره قائلا: سيلا و جيرمين معايا اتصرف ازاي؟
-كلم البوليس خلي يقبض عليها و نخلص.

قفل زياد معه و اتصل بالشرطة و قدم البلاغ كما طلب والده، و صعد إلى سيلا و جيرمين
و قال بحزن: شوفتي بقا نهاية عنادك ايه؟
سيلا ببكاء: انت حيوان و زباله انت و ابوك
سحبها زياد من شعرها و قال بغضب: ليه بتعملي كدا ليه؟
-بكرهك يا زياد بكرهك
دفعها زياد بقوة و اصدم رأسها بالطاولة، صرخت جيرمين و قالت بخوف: سيلا
زياد بحدة: البوليس زمانه على وصول
وضعت سيلا يدها على راسها و قالت: هطلع براءة حتى لو اتسجنت يا زياد.

ضحك بسخرية و قال: لا متخافيش القضية متفصلة على مقاسك
سمع صوت حركة بالأسفل، ابتسم و قال: البوليس تقريبا
خرج من الغرفة و لكن ضربه احد على راسه، فسقط مغمي عليه
دخل إلى الغرفه و قال: قومي
سيلا بدهشة: سليم
جيرمين بتعجب: سليم مين؟!
سليم بنرفزة: البوليس وصل انجزوا
لفت انتباه النزيف و قال: ايه دا؟
-الحيوان خبطتني
خرجوا من المنزل و ذهبوا في اتجاه الباب الأخر، كانت سيلا تشعر بتشوش رؤيتها.

اخذ سليم حجر و كسر قفل الباب، و خرجوا هما و لكن توقفت سيلا مكانها بصدمة عندما رأيت فارس أمامها، و كذلك جيرمين التي شعرت بهروب الدماء من جسدها فبالنهاية تم الإمساك بيهم
و لكن صدمه فارس الأكثر عندما رأى سليم يخرج خلفهم.