مخلل ليمون معصفر



مكونات مخلل الليمون المعصفر
2 كيلو ليمون يقسم لقسمين
كيس ملح خشن
3 م.ص عصفر
3م.ص كركم
1م.ص حبة البركه
عصير ليمون حسب الاحتياج

<a name=\'more\'></a>
طريقة تحضير مخلل الليمون المعصفر السريع والبطئ




اولا طريقة الليمون المعصفر البطىء

يقطع الليمون اربع ارباع دون الوصول الى النهايه كما فى الفيديو
نقسم الليمون الى قسمين
الكيلو الاول حناخده ونعمل الخلطه دى (الملح + العصفر + الكركم + حبه البركه ) ونقلب الخلطه دى كويس
نفتح الليمون المقطع ونحشى من الخلطه دى ونكبسها بالحشو ونحطها فى برطمان
لما نخلص الكميه ولازم البرطمان يكون مليان ومكبوس مفيهوش فراغات كتير
حنلاحظ ان الليمون نزل ميه او عصير فى البرطمان على اخر اليوم حنزود البرطمان عصير لمون لحد اخره ونحط الغطا البلاستيك زى ماحنا متعودين فى المخللات
ونغطيها ونشيلها يقعد معانا المخلل ده سنه واكتر من غير مايحصله اى حاجه
اما بالنسبه لليمون السريع
حناخد كيلو الليمون اللى فاضل ومتقطع زى الليمون البطئ وحنسلقه فى ميه مغليه ولما تغلى غلوتين حنطفى النار ونغطى الحله ونسيب الليمون لما يرقد فى قعر الحله
بعد كده حنطلع الليمون من الميه ونبدا نحشيه زى الليمون البطئ
وبرده اخر اليوم حنلاقى انه نزل عصير حنحط 4 - 5 معالق من خلطه الحشو فى الميه اللى سلقنا فيها الليمون وندوبهم كويس
نزود البرطمان بالميه دى ونحط الغطا البلاستيك ونقفل البرطمان
حتبداى تاكلى منه بعد 20 يوم بالظبط وبالهنا والشف�https://archive.janatna.com/