تمر الايام وتروح وشهر بعد شهر اصبحت لمياء من الرشيقات وبقت انسانه تانيه اصبحت تثق في نفسها وفخوره بنفسها ونفسيا اتحسنت جدا واصبحت كلها تفاؤول... وانتهت مده الاجازه الي كان ت محددها الشركه ليها. وخلاص بتجهز نفسها عشان هتروح الشغل بس المره دي غير المره الي فاتت كانت لمياء مش واثقه في نفسها كفايه وده طبعا غلط مهما كان الشكل لازم تثقي في نفسك..
اما المره دي ازدادت ثقه في نفسها جدا هي خلاص حاسه ان مفيش حد احسن منها اصبحت اجمل من كل الناس الي كانت بتتريق عليها.
وراحت لمياء الشغل اول يوم ليها ووصلت للشركه وزي المره الاولي دخلت غرفه المقابله كان محمد لوحده في المكتب فخبطت ع باب المكتب محمد: ادخل لمياء دخلت وقالت السلام عليكم محمد: وهو ينظر في اوراق امامه ولم ينتبه وعليكم السلام ورحمه الله لمياء: احم حضرتك انا كنت جيت من فتره وقدمت ورقي وكان المفروض ابدأ في الشغل بس حصلتلي ظروف واتصلت واخدت اجازه وانتهت الاجازه وانا جيت اهو.
محمد: وكل ده لسه مشفهاش ومشغول بالاوراق الي قدامه، مممممم تمام اسم حضرتك ايه قالت. لمياء محمد: افتكر الاسم وبص ليها ولسه هيقولها اه افتكرتك سكت وتنح لان لقي واحده مختلفه تماما وبعدين راجع ذاكرته وقالها انتي لمياء الي جيتي من حوالي 4 شهور واستاذ بهاء قالك هتشتغلي معانا مؤقت،؟ لمياء: ايوه انا محمد: مش معقول ازاي يعني لمياء: حضرتك اخدته مني وعد اني هنزل وزني في اقرب وقت وانا وفيت بوعدي.
محمد: بجد انا مش مصدق انا حاسس اني بكلم واحده تانيه خالص غير الي جت اول مره بس بجد برافو عليكي انا بحيكي ع النتيجه الهايله الي وصلتلها دي لمياء: بابتسامه خفيفه شكرا لحضرتك.. محمد: ابتسم وقالها العفو لمياء: حضرتك انا ممكن ابدأ شغل من امتي محمد: من دلوقتي لو تحبي لمياء: اوك تمام محمد: تمام وقام وقف وقالها تعالي معايا..
خدها وو داها لمكتب جنب مكتبه في بنتين وهي هتكون التالته بتاعتهم وقالها ده مكتبك ودول زمايلك وفهمها الشغل بالظبط وقالها عايز اشوف احلي شغل بقا لمياء: ابتسمت وقالتله ان شاء الله اكون عند حسن ظن حضرتك محمد: ان شاء الله ولو احتاجتي اي حاجه انا جنبك في المكتب لمياء: شكرا... وجلست ع مكتبها الجديد لمياء وهي فرحانه ومتفائله، والبنتين الي معاها واحده اسمها يارا والاخري ساره.
يارا فضلت تبص ل لمياء اوي وتقريبا بتشبه عليها بس بتراجع نفسها عشان هي تعرف لمياء المليانه فضحكت لمياء بزهول وقالتلها معقول انتي يارا يارا: ايه ده مش معقول اوعي تقوليلي انك لمياء زميلتي في الجامعه زمان لمياء: ضحكت وقالتلها اه انا لمياء نستيني يارا: قامت سلمت عليها وحضنتها وقالتلها بجد مش مصدقه صدفه غريبه اوي بس انتي اتغيرتي اوووي ضحكت لمياء: وقالتلها ياتري اتغيرت للاحسن ولا الاسوء.
يارا: للاحسن طبعا بس قوليلي انتي ازاي وصلتي للوزن ده ازاي اتغيرتي كده بجد احلويتي اوووي لمياء: لو كنتي شوفتيني من 4 شهور بس مكنتيش هتشبهي عليا كده وكنتي هتعرفيني ع طول انا كنت يأسه من حياتي وقدمت هنا في الشركه من فتره ومش اتقبلت وقالولي هتشتغلي لفتره مؤقته لحد اما تنزلي وزنك يارا: يعني هو ده سبب نزول وزنك.
لمياء: من احد الاسباب اما السبب الرئيسي لنزول وزني هو انا انا خسيت عشاني انا اولا ولاسباب تانيه كتيره.. يارا: بس بجد برافو عليكي انتي بقيتي قمر لمياء: ربنا يخليكي ياحبيبتي.
ساره: ايه ده انتو تعرفو بعض يارا: اه ياساره دي لمياء زميلتي من ايام الجامعه ساره: اهلا لمياء انا ساره اتشرفت بمعرفتك لمياء: ربنا يخليكي الشرف ليا وتعرفو ع بعض واعدو مع بعض شويه وفي الوقت ده دخل الاستاذ بهاء المكتب وبص ل لمياء وقالها مين حضرتك؟
بهاء: مين حضرتك وجه جديد معانا! لمياء: ايوه انا اول يوم ليا انهارده بهاء: مممممم اهلا بيكي بس انا بشبه عليكي لمياء: انا جيت من حوالي 4 شهور وحضرتك كنت رافض اني اشتغل في الشركه عشان مش حسنه المظهر بهاء: احم ازاي الكلام ده انا قولت كده.! لمياء: ايوه حضرتك قولتلي اني وزني زياده اوي ولازم اخس في اقرب وقت بهاء: آآآآآآه، اي ده معقول انتي وخسيتي فعلا برافو عليكي والله لمياء: ابتسمت شكرا لحضرتك.
بهاء: العفو يا، اي ده هو انتي اسمك اي قالت: لمياء بهاء: اوك يا لمياء حد فهمك الشغل بالظبط ولا لاء لمياء: ايوه استاذ محمد فهمني كل حاجه بهاء: تمااام بالتوفيق، وخرج.
وابتدت لمياء في الشغل وحبت كمان المكان وجو الشغل والاسلوب وحبت البنات الموجودين معاها بس ساره كان اسلوبها معاها مش حلو اوي زي ما يكون غيرانه شويه عشان هي مهتمه بشغلها وكمان الكل ارتاحلها وبيحترمها... بس لمياء مش واخده بالها لانها طيبه واخدت عليهم وبتحبهم اوي واخد الشغل كل وقتها ومرت الايام وفي يوم اتصلت بيها حنين... حنين: ازيك يا لمياء وحشتيني اوووي.
لمياء: الحمدلله ياحنين وانتي كمان وحشتيني اوي والله عامله ايه حنين: الحمدلله كويسه بقا كده متساليش عليا المده دي كلها هونت عليكي يا لمياء لمياء: معلش متزعليش مني ياحنين كنت بمر بظروف نفسيه صعبه بس الحمدلله بقيت كويسه وبعدين بقا انتي الي مش بتسالي عليا وانتي كنتي عارفه انا ظروفي ايه واخر مره كنت منهاره ازاي حنين: والله يا لمياء كنت خايفه اكلمك مترديش تكلميني او تكسفيني عشان الي حصل اخر مره.
لمياء: لا طبعا ياحنين انتي عارفاني كويس لا يمكن اعمل كده حنين: عارفه عشان كده مقدرتش اقعد اكتر من كده وانا مش بكلمك انا عايزه اشوف بقا انتي وحشتيني اوي انتي فين لمياء: انا دلوقتي في الشغل حنين: شغل ايه لمياء: الشغل الجديد الي كنت قيلالك عليه لسه بدئه من فتره بسيطه لسه جديده يعني حنين: طب والله كويس ياحبيبتي ربنا يوفقك خلاص بقا عدي عليا وانتي راجعه من الشغل.
لمياء: ياسلام معلش ياحنين انا مش هينفع اجي تاني عندكم عشان الي حصل اخر مره حنين: عشان خاطري يا لمياء انتي وحشاني اوي لمياء: ياحنين ارجوكي مش هينفع تعالي انتي طيب حنين: مش هينفع مش بنزل من البيت كنت وقعت ع ايدي واتجزعت ومش بنزل والله لمياء: الف سلامه عليكي ياحنين حنين: خلاص بقا يا لمياء تعالي شوفيني انا مريضه هههههه لمياء: هههههه طب واخوكي انا مش هقدر اشوفه قدامي.
حنين: لا متخافيش خالد في الشغل ومش هيبقا موجود لمياء: خلاص ماشي عشان خاطرك بس حنين: حبيبتي يالولو هستناكي متتاخريش لمياء: ان شاء الله اخلص شغل وهجيلك.
قفلت معاها وخلصت شغل ونزلت وكانت واقفه بره خالص مستنيه تاكس عشان تروح في نفس الوقت كان الاستاذ محمد خلص ونزل هو كمان ولسه هيركب عربيته لمح لمياء، فنده عليها وقالها واقفه ليه كده لمياء: بجديه مستنيه اشوف تاكس عشان اروح محمد,: انتي ساكنه فين لمياء: قالتله ع المكان محمد: طيب لو تحبي انا ممكن اوصلك انتي مش بعيده عني لمياء: لا شكرا لحضرتك انا هروح في تاكسي دلوقتي محمد: خلاص ع راحتك مع السلامه.
لمياء ركبت ومشيت وراحت لحنين زي ما اتفقت معاها.. حنين اول ما شفتها حضنتها وفضلت حضناها اوي لانها كانت وحشاها اوي ولمياء كمان حنين: ياااه وحشتيني اوي يالولو عامله ايه ياحبيبتي لمياء: الحمدلله كويسه ياحنين انتي الي وحشتيني اوي والله حنين: بس اي التغير الجااامد ده ازاي خسيتي اوي كده انتي اتغيرتي اوي بجد وبقيتي قمممر.
لمياء: الحمدلله ياحنين بفضل ربنا عليا ومساعده ماما ليا وصلت للي انا فيه ده وطبعا البركه في اخوكي بقااا الله يسامحه حنين: ياااه انسي بقا يا لمياء قلبك ابيض لمياء: هههههه عادي ياحنين ياما دقت ع الراس طبول حنين: طب قوليلي بقا عامله ايه في الشغل الجديد مرتاحه فيه لمياء: اه الحمدلله مرتاحه اوي وفيه ناس كويسه كتير حنين: مممممم مفيش اخبار جديده بقا كده وانتي حلوه كده لمياء: هههههه لا مفيش والله.
حنين: يارب افرح بيكي بقا يالولو لمياء: ان شاء الله قوليلي بقا انتي عامله ايه مع خطيبك حنين: الحمدلله ماشي الحال لمياء: اي مالك انتو متخانقين ولا حاجه حنين: لا والله ابدا انا مدايقه من حاجه تانيه لمياء: خير ف ايه ياحنين مالك حنين: خالد اخويا مجننا والله كل ما نشوفله عروسه متعجبوش وماما نفسها تفرح بيه لمياء: طب سبوه ع راحته يمكن في حد في دماغه او مرتبط مثلا حنين: لا يا لمياء فاكره رنا زمليتنا دي.
لمياء: اه فاكرها مالها حنين: بتكلمه في الفون وهو كمان وماما مدايقه من حاجه زي كده وانا كمان لمياء: ايه! بتكلمه ازاي هي مش مخطوبه ولا فكت الخطوبه حنين: اه مخطوبه وبتكلمه عادي هي كانت فتحتني ف الموضوع ده من فتره وانا هزقتها بس لقتهم فجآه بيتكلمو مع بعض معرفش ازاي.
لمياء: لا حول ولا قوة الا بالله ازاي تعمل حاجه زي كده وتخون خطيبها بالمنظر ده هي ايه مبتخافش من ربنا وازاي اصلا اخوكي يقبل ع نفسه حاجه زي كده وبيكلم واحده مخطوبه لدرجه دي مفيش اخلاق حنين: لمياء: انا اسفه ياحنين بس بجد اخوكي غلطان وهي كمان حنين: منا عارفه بس غلبنا في مش عارفه اعمل ايه لمياء: ربنا يهدي ويهديها وهما بيتكلمو كان رجع خالد من الشغل وسمعت لمياء صوته.
لمياء: ينهار ابيض اخوكي رجع استغفر الله العظيم يارب اعمل اي انا دلوقتي حنين: اهدي بس يا لمياء متخافيش مش عارفه اي الي رجعو بدري انهارده... ودخل خالد وكالعادة بيرخم ومبيسبش حد ف حاله خالد اي ده عندنا ضيوف ولا ايه مين المزه دي بصتله لمياء بزهول وحنين كمان خالد: ايه مش هنتعرف حنين: ف ايه يا خالد ي لمياء صحبتي خالد: نعم! لمياء مين وصحبت مين!
وقفت لمياء وقالتلها انا لازم امشي ياحنين والف سلامه عليكي وسلمت عليها ومشين وكأن خالد مش موجود اصلا ولا حتي ردت عليه باي كلمه... خالد لحنين. خالد: بذهول دي لمياء صحبتك الي كانت قد الفيل حنين: ياريت ياخالد تحترم نفسك وكفايه بقا سخريه وبطل تسخر من الناس بدل ما ربنا يعافيهم ويبتليك خالد: في اي انا مستغرب بس هي ازاي بقت مزه كده حنين: بارادتها وبفضل الله.
خالد: مممممم كانت فين من زمان عموما احنا لسه فيها يلا وفقي الدنيا بقا ع بعضها مش انتي كنتي عايزه كده حنين: ياسلام انت بتاخد بالشكل وخلاص وبعدين مش انا قولتلك انها مش هتوافق عليك لو اخر راجل ف الدنيا.. خالد: ده كلام هي تطول يابنتي انتي بس قوللها وملكيش دعوه حنين: اقولها ايه خالد: قوللها خالد عايز يتكلم معاكي حنين: يتكلم معاكي! يعني كمان مش خطوبه وجواز ونيتك وحشه اصلا.
مرت الايام ولمياء تأقلمت مع الشغل واصبح ليها وضعها واحترامها في شغلها والكل عارف ان لمياء دي خط احمر مش بتاعت هزار ولا مايعه ومعاملتها بحدود مع كل الناس وبتحترم اي حد من اكبر واحد في الشركه لحد عامل النظافه ولا بتحب تسخر من اي حد...
في يوم من الايام كان استاذ محمد واقف بره مكتيه وكانت معه ساره فكانو بيهزرو بعشم اوي ووخدين ع بعض شويه فلمحتهم لمياء واخدت بالها فاستغربت من طريقتهم اوي وفضلت تبص عليهم وتتابعهم من بعيد... فلاحظت نظراتها زمليتها يارا.. يارا: ايه يالولو اي الي شاغلك كده لمياء: ها، لا ابدا مفيش حاجه يارا: انتي مستغربه من طريقه ساره مع استاذ محمد صح لمياء: بصراحه اه.
يارا: اصل ساره قريبه استاذ محمد تبقا بنت خالته فهي واخده عليه شويه بس هو قليل لما بيقف يتكلم معاها بيقولها الشغل شغل لمياء: مممممم اها انا افتكرتها خطيبته او في بنهم حاجه لايقين ع بعض يارا: لا يابنتي بصي ياستي انا هحكيلك اصل ساره دي معجبه ب استاذ محمد بس هو مديها الطناش ع الاخر ومامته كمان بتلح عليه انه يخطبها بس هو رفض وقالها ساره زي اختي.. لمياء: اها وانتي عرفتي منين الكلام ده بقا.
يارا: من ساره هي الي بتحكيلي ؤنفسها اوي يغير نظرته ليها وميعتبرهاش زي اخته لمياء: مممممم ربنا يوفقها يارا: اها بس اوعي تجبلها سيره اني حكيتلك حاجه لمياء: اكيد لا يا يارا لان اصلا مش بهتم باي حاجه مليش فيها ومتخصنيش يارا: والله مريحه دماغك يالولو بس قوليلي بقا انتي متخطبتيش خالص ولا حبيتي في حياتك لمياء: لا والله لسه يارا: بصتلها بصه مكر وقالتلها يعني عايزه تفهميني انك ف السن ده ومحبتيش خالص.
لمياء: بصي يارا عايزه اقولك ع حاجه. انا بابا الله يرحمه كان ديما يقولي خليكي غاليه واوعي ترخصي نفسك مهما كان، كان ديما يقولي اوعي يا لمياء تخوني ثقتي فيكي وتعملي زي البنات وتحبي والكلام الفاضي ده لان الي بيحب بنت بيجي من الباب مش من الشباك كنت انا بسمع كلام بابا وبعمل بيه ومش بخون ثقته ابدا مهما حصل ومش رديت اعمل حاجه تزعله خوفا منه لكن بعد ما توفي بابا وانا كبرت فهمت كلامه ليا كويس اوي فهمت حاجات كتيره اوي ابتديت اقرب من ربنا اكتر واشاهد برامج دينيه اتعلمت حاجات كتيره وعرفت ان الي يصبر ع الحرام يمتعه الله بالحلال ومكدبش عليكي كان بيمر عليا اوقات صعبه جدا كنت ببقي هضعف فيها يس كنت برجع ع طول وافتكر بابا وكلامه ليا وافتكر ان ربنا شايفني وشاهد عليا انا صبرت كتير وعندي يقين فالله انه هيعوضني فهمتيني.
يارا: الله عليكي يالولو كلامك جميل اوي بجد وفجأه لقه حد بيسقف وبيقول فعلا جميل انتفضت لمياء وقامت وقفت وبصت لقت استاذ بهاء واقف ومبتسم اوي وقالها باين كدا ان هنسيب الشغل وندي دروس في الاخلاق بصت لمياء في الارض وهي محرجه جدا ووشها جاب الوان ان بهاء سمع الكلام الي قالتله بس بهاء عجبه جدا كلامها وقالها رغم انكو مش بتشتغلو وبترغو بس الكلام عجبني وانا بحيكي عليه ياريت كل البنات تفكيرها زيك كده يا لمياء..
ازدادت لمياء خجل ومعرفتش تقوله ايه وبصت ف الارض بهاء: ياريت نشوف شغلنا بقا وخلصي الاوراق الي قولتلك عليها وهتيها ع مكتبي تمام لمياء: تمام.
لمياء: الله يسامحك يا يارا شوفتي عملتي فيا ايه يارا: هههههه اهدي بس يابنتي محصلش حاجه لمياء: انا مكسوفه اوي منه يارا: ليه ده حتي شكر فيكي وده قليل اوي لما يشكر في اي بنت وجد اوي ومش بيحب مياصه البنات دي وكمان هو متجوز اصلا وبيموت في مراته ومش بيشوف غيرها اول مره اشوف حد مخلص كده يابختها بيه هههههه لمياء: هههههه ربنا يوعدنا يارا: يارب ياختي.
ماشي بهاء في التورئه ولقي ساره لسه واقفه مع محمد.. فبص ليها بجديه وقالها انتي ايه موقفك هنا ساره بصت ل محمد ع اساس يتكلملها.. بس محمد عمل نفسه من بنها بهاء: ع شغلك لو سمحتي واخر مره اشوف حضرتك بره المكتب الا في وقت الراحه تمام ساره بصتله بغيظ ومشيت... بهاء بص لمحمد بهزار وقاله انت حسابك معايا بعدين ودخل مكتبه فدخل محمد وراه.. محمد: اي ياعم الجليطه الي انت فيها دي مش تراعي انها بنت خالتي.
بهاء: لا بقولك اي الشغل شغل بنت خالتك هناك عندكؤ ف البيت اما هنا انا المشرف عليهم والي مش هيعحبني هشوف شغلي معاه وانتي عارفني ف الشغل محمد: هههههه عارف ورغم كده البنات هتموت عليك معرفش ازاي.. بهاء: ياعم دي بنات مايصه وكل البنات الي هنا مش عاجبني خالص بصراحه محمد: ياسلام كلهم مش عاجينك ده انت مفتري بهاء: لا ماعدا واحده بس محمد: مين دي بقا معقوله بهاء بيشكر ف بنت.
بهاء: اه لمياء البنت الجديدة بصراحه محترمه جدا ونعم الاخلاق محمد: اها فعلا هي مختلفه جدا عن البقيه بهاء: تصدق سمعتها بتقول كذا كذا وحكاله ع الي سمعه منها، بصراحه اول مره اسمع بنت بتقول كده محمد: زاد اعجابه بيها وقاله مشاء الله قطعت لمياء حديثهم وهي بتخبط ع الباب..
لمياء خبطت ع الباب بهاء: ادخل دخلت لمياء وع وشها الخجل والتوتر بهاء: تعالي يا لمياء لمياء: انا خلصت الاوراق الي حضرتك طلبتها مني وحطت الورق امامه ع المكتب بهاء: شايفه شغلك مظبوط يا لمياء برافو عليكي لمياء: شكرا لحضرتك بهاء: عفوا يا لمياء ياريت تقولي ل يارا وساره يجيبو الاوراق بتاعتهم دلوقتي بعد اذنك يعني لمياء: حاضر، دون ان ترفع وجهها فيه وخرجت... بهاء: شايف يابني الاحترام والادب.
محمد: اه شايف اول مره اشوف بنت بتتكسف اوي كده بهاء: اه والله يابخت الي هيتجوزها وبصله بخبث وبعدين بص في الملفات الي قدامه محمد: مممممم فهم نظرته وقاله طب شوف شغلك بقا بدل مااشوف انا شغلي معاك بهاء: هههههه اوك.
لمياء: دخلت مكتبها. وبصت ليارا وقالتلها استاذ بهاء عايز الاوراق بيقولك وديهالو انتي وساره يارا: اوك انا قربت اخلص خلاص اما ساره فبصت بسخريه وقالتلها انا معملتش حاجه انهارده لاني مصدعه.. لمياء: الف سلامه عليكي يارا: ع فكره استاذ بهاء كده هيزعق انك مخلصتيش شغلك ساره: كنت تعبانه وبعدين يعني هيعمل اي ميقدرش يعمل حاجه انا محمد ابن خالتي اعلي منه في الشركه ومش هيسمحله يتعدي حدوده معايا.
يارا: انتي حره ياستي انا مالي. انا خلصت وهروح اسلمه اوراقي وقامت وراحت عشان تودي الاوراق خبطت يارا ودخلت استاذ بهاء الشغل بتاعي اهو بهاء: تمام، فين زميلتك ساره وشغلها فين يارا: هي بتقول انها تعبانه ومخلصتش شغلها انهارده بهاء: تعبانه ولا مقضياها رغي طول النهار وبعدين هو بمزاجها بعد اذنك قوللها اني عايزها دلوقتي حالا بعصبيه يارا: اوك وخرجت تندهلها استاذ بهاء عايزك ياساره ساره: يووه عايز اي ده.
يارا: معرفش هو قالي قوللها تجيلي دلوقتي حالا ساره طيب وراحت ع مكتب محمد الاول.. محمد: اي ياساره خير في حاجه ساره: بهاء عايزني دلوقتي وانا مش عايزه اروح محمد: ليه يعني حصل اي ساره: اصل بصراحه انا معملتش الشغل بتاعي النهارده وهو شكله هيزعق محمد: طب وليه مخلصتيش شغلك ما انتي عارفه بهاء معندوش هزار في الشغل ساره: مكنش ليا مزاج بقا محمد: مممممم ملكيش مزاج طب وانا اعملك ايه دلوقتي.
ساره: تعالي معايا عشان ميزعقليش محمد: ساره من فضلك قولتلك ميت مره الشغل شغل وكأنك متعرفنيش خالص في الشركه بهاء بيشوف شغله ومقدرش اتعدي ع شغله واقوله اعمل اي ومتعملش اي ساره: بس انت ليك وضعك عنه في الشركه انا معرفش هو شايف نفسه ليه محمد: اتنهد وقالها روحي شوفي هيقولك اي ساره: يعني مش هتيجي معايا محمد: لا ساره: ماشي يامحمد وخرجت من مكتبه ع مكتب بهاء حضرتك عايزني بهاء: بجديه فين يا انسه شغلك النهارده.
ساره: انا كنت تعبانه ومقدرتش اخلص انهارده بهاء: حضرتك مكنتيش تعبانه حضرتك راحه جايه عماله تتمشي ومقضياها رغي طول النهار ولا كانك في شركه محترمه ساره بهاء: وبعدين تعبانه متجيش الشغل من اصله وخليكي في بيتك لحد ما تخفي ساره: اوك مطلوب مني ايه دلوقتي بهاء: الشغل بتاع النهارده وبكره استلمهم بكره مع بعض واول ما ادخل الاقيهم ع مكتبي ساره: بس كده هيبقا كتير ازاي هخلصهم مع بعض بكره.
بهاء: مش مشكلتي. مش عايزه والله هيبقا مخصوم منك النهارده ومش هيتحسبلك وانتي كده كده مخصوملك كتير ساره: ببرود اوك عادي بهاء: اتفضلي ع مكتبك اما اشوف اخرتها ايه خرجت ساره بعصبيه وروحها في مناخيرها دخلت مكتبها بعصبيه فسالتها لمياء مالك فكان رد ساره عليها: ياريت تخليكي في حالك بقا ومتدخليش في الي ملكيش فيه اتصدمت لمياء من الرد واتكسفت اوي وقالتلها انا اسفه.
بكت لمياء وصعبت عليها نفسها لانها اكسفت اوي وكمان هي حساسه جدا ودمعتها قريبه جدا يارا: طبطبت ع لمياء وقالتلها معلش متزعليش عشان خاطري هي ساره كده لمياء: لا مش زعلانه ولا حاجه عادي، وحطت ايديها ع راسها انا بس دماغي مصدعه شويه ومش هقدر اكمل اليوم انا هستأذن وامشي، وقامت اخدت شنطتها وخرجت تستأذن استاذ بهاء، خبطت ع المكتب بس اتفاجئت ان الي جوه محمد مش بهاء.. محمد: خير يالمياء في حاجه.
لمياء: كنت عايزه استأذن استاذ بهاء اني اروح لاني تعبانه شويه.. محمد: الف سلامه عليكي لمياء: الله يسلمك محمد: طيب هو خرج يخلص شغل وهيرجع شويه كده تقدري تروحي ولما هيجي هقوله انا لمياء: شكرا لحضرتك، وخرجت ع طول فخرج وراها وفضل باصص عليها لحد ما نزلت وعينه متشالتش من عليها... ا ما ساره لمحت محمد فراحت تكلمه كالعاده ساره: كانت عايزه اي البت دي محمد: بخنقه تقصدي مين ساره: الي اسمها لمياء.
محمد: استأذنت عشان تروح ساره: دي عايشه الدور اوي محمد: ساره: كل حاجه تتحشر فيها وتتدخل ف الي ملهاش في محمد: بعدم اهتمام لكلامها ليه عملت اي ساره: لما خرجت من عند بهاء كانت عماله تسالني مالك وحسيتها شمتانه فيا بس انا بقا كسفتها وقولتلها خليكي في حالك ومتدخليش ف الي ملكيش في محمد: ممم طب وليه الاحراج ده ما يمكن صعبتي عليها وبتسالك عشان كده ساره: وانت بدافع لها كده ليه محمد: تنهد وشاف شغله ومدهاش اهتمام.
لمياء روحت البيت وكانت فعلا مرهقه جدا والدتها: ايه يالمياء رجعتي بدري ليه انهارده انتي تعبانه ولا ايه لمياء: مصدعه بس شويه ياماما متقلقيش ياحبيبتي والدتها: سلامتك الف سلامه ياحبيبتي طب ادخلي غيري ع ما احضر الاكل لمياء: حاضر ياماما دخلت تغير بس موبايلها رن (حنين) لمياء: حنين ازيك عامله ايه حنين: الحمدلله يالولو انتي عامله ايه لمياء: الحمدلله تمام حنين: انتي لسه ف الشغل لمياء: لا لسه جايه دلوقتي.
حنين: جايه بدري يعني في حاجه ولا ايه لمياء: لا عادي ياحبيبتي استاذنت وروحت حنين: ماشي ياحبيبتي كنت عايزاكي في موضوع كده لمياء: خير ياحنين ف ايه حنين: مش هينفع ف الفون تعالي طيب لو تقدري لمياء: لا مش هقدر والله تعالي انتي ونعد مع بعض حنين: خلاص ماشي ياحبيبتي شويه كده واجيلك...
عدي شويه من الوقت وجات حنين.. لمياء: خير ياحنين قلقتيني حنين خير ان شاء الله لمياء: حنين: ايه رايك في خالد اخويا لمياء: راي ازاي يعني مش فاهمه حنين: بصي ياستي انا عارفه انك مش هتتوقعي الي هقولهولك بس فكري كويس قبل ما تردي، خالد اخويا عايز يتقدم لك لمياء: حنين: مبترديش ليه لمياء: مش عارفه اقول ايه حنين: قولي الي حساه.
لمياء: تنهدت وقالتلها انتي عارفه كويس ان خالد اخوكي مش الشخص الي بحلم بيه ولا عمري فكرت فيه ولا جه حتي ع بالي وبعدين من امتي مش ده الي كان ديما يتريق عليا ويعاملني بسخريه وبرود حنين: هو الي طلب مني اقولك كده انا قولتله انك مش هتوافقي بس هو الح عليا وبعدين انا كمان بتمناكي من زمان لخالد وكان نفسي انتي تغيري للاحسن.
لمياء: بصي ياحنين انتي صحبتي وحبيبتي وع راسي من فوق بس انا مش هليق ع اخوكي ولا هو يليق عليا، وربنا يرزقه بالي احسن مني حنين: لمياء: متزعليش مني بالله عليكي حنين: مش زعلانه والله انا فهماكي ياحبيبتي، بس نفسي يبقا كويس وكنت عشمانه انك تخلي كويس ويبعد عن اي حاجه وحشه لمياء: ربنا يهدي حنين: هقوله اي دلوقتي ده بقالو يومين بيزن عليا عشان اكلمك وكمان منتظر منك مكالمه لمياء: مكالمه؟
حنين: اه كان عايز يكلمك الاول ف الفون قبل ما يتقدم لمياء: كمان! عيبه ثقته الزايده ف نفسه دي او غرور بمعني اصح، قوليلو ربنا يهديك ويرزقك بواحده احسن من لمياء بكتير، ونصيحه مني متخلوهوش يختار بالشكل عشان الشكل مسيره يروح اما الجوهر فهو ده الي مبيروحش ابدا مهما طال الزمن الدنيا مش زي ما اخوكي فاهمها كده الي عايزه ياخده وخلاص لا. نصيحه مني خلي يتقي الله احسن عشان يعيش مرتاح! حنين: معاكي حق.
رواية حكاية بنوتة
