رواية صدفة أم قدر للكاتبة سلسبيل كوبك الفصل الثالث والعشرون
-كانوا في اشارة مرور و العربيات واقفة، و عربيات ادهم و اسيل مفتوحة السقف. و فجأة شخص لابس قناع و مش مبين وشه ركب عربية اسيل و وجه مسدس ناحيتها... رحيق(بصريخ): اسيل... ادهم و عدي بصوا ناحية اسيل. الشخص: اطلعي بالعربية فورا. الشخص ضرب طلقة جمب ودان اسيل... اسيل: عاااااااااااا... الشخص: اطلعي... اسيل ساقت بسرعة عربيتها و ادهم طلع وراها... الشخص: خشي يمين... اسيل حودت يمين و ادهم وراها...
رحيق(بخوف): اسيل هيحصلها حاجة؟ عدي: لا احنا وراها، متخافيش... ادهم: مين ده؟ الشخص: متخافيش انا مش هأذيكي... اسيل(بتوتر): اومال هتعمل ايه؟ الشخص: هطلب طلب... اسيل(بصدمة): نعم، طب ما نتكلم براحة اسهل... الشخص: لا... الشخص: امشي علطول في وشك... اسيل فضلت ماشية بعربيتها تحت توجيهات الشخص المجهول ده و ادهم وراها بعربيته... لغاية ما وصلوا مكان فاضي... الشخص: اقفي...
اسيل وقفت بعربيتها، و ادهم وقف عربيته و نزل منها بسرعة... ادهم(بغضب): عايز ايه؟ الشخص: اسيل ممكن تسمعيني؟ اسيل: اتفضل... الشخص: ممكن تنزلي؟ اسيل نزلت من عربيتها... ادهم: خليكي هنا يا اسيل... اسيل: خليك انت في حالك و محدش قالك تيجي ورايا... الشخص شال القناع من علي وشه. ظهر شاب وسيم عيونه باللون الاخضر من الاخر شاب وسيم... رحيق: اسيل يلا نروح ارجوكي... اسيل: حضرتك عايز ايه؟ ادهم كان متعصب لانها كسرت كلمته...
الشاب: ممكن تيجي هنا بالظبط؟ -اسيل راحت مكان ما هو شاور و اول ما وقفت لقت ورود عمالة تنزل عليها من فوق، و بلالين من كل حتة جمبها و قلوب حمراء... اسيل(بفرحة): ايه ده؟ ادهم لاحظ فرحتها و اتعصب اكتر... عدي: ما حد يفهمنا الله... الشخص: انا اسمي يوسف... اسيل: اسمك جميل... نيران: ما تخلصونا... يوسف ده اتوتر... يوسف: تمام.
يوسف: انا بعتذر جدا عن الطريقة اللي جبتك بيها بس انتي بالنسبة ليا نجمة في السماء صعب حد يوصلها و الطريقة دي كانت مختلفة لاني عارفك بتحبي الحاجات الغريبة و المجنون مكنش قصدي اخيفك و الله العظيم، انا شوفتك كام مرة في مصر و اتعلقت بيكي و بدأت اعجب بيكي لغاية ما بقيت مدمنك انتي بالنسبة ليا ادمان يا اسيل، و لما عرفت انك سافرتي امريكا تاني عشت في حالة اكتئاب فظيعة، و لما عرفت انك رجعتي انتي و العائلة روحي اتردت كنت بشوف كل مؤتمر ليكي و كل خبر انتي بتكتبيه كنت بقرأوه علطول، من الاخر يا اسيل انا بحبك و الحب مش كفاية انا بعشقك و حتى العشق مش هيقدر يوصف حبي ليكي...
و بعدين يوسف ده ركع و طلع خاتم سوليتير... يوسف: تقبلي تتجوزيني؟ -اسيل كانت مصدومة و فرحانة و كانت حزينة كانت بتتمني انه يكون ادهم، اما ادهم كان بيطلع نار من كل حتة و كان في اقصي درجات غضبه و مستني رد اسيل، رحيق كانت عارفة تهور اختها و انها ممكن توافق علشان تغيظ ادهم، نيران كانت حاسة بملل. عدي كان خايف من تهور ادهم و تصرف اسيل. اسيل: احم بص يعني هو. ادهم(بغضب): هو انتي ممكن توافقي؟
اسيل(برفعة حاجب): ليه لا؟ يوسف: اينعم رجلي وجعتني بس مستعد استناكي العمر كله... اسيل خدت نفس عميق و طلعته براحة و غمضت عنيها ثانية اتنين تلاتة... اسيل: بص انا معنديش مانع بس انا مبحبكش فممكن نفضل مع بعض فترة لغاية ما احس اني قادرة اتجوزك، فاهمني؟! يوسف(بفرحة): اكيد اكيد، خدي وقتك... ادهم(بغضب): ده لو انا سبت فيك حتة سليمة... ادهم نزل في يوسف ضرب... اسيل(بزعيق): ابعد عنه انت مجنون.
اسيل بتحاول تبعد ادهم عن يوسف لكن مش عارفة. عارفين الثور الهائج ده كان ادهم، و يوسف مش عارف يسدد ليه ضربة واحدة... عدي(بهمس): ادهم مجنون... رحيق(بهمس): بس اللي عمله امبارح غلط... عدي(بهمس): عارف، بس ادهم وقت الغضب مبيشوفش قدامه... رحيق(بهمس): بس لسة بيحبها، انت شايف فرم الواد ازاي؟ عدي(بهمس): اكيد بيحبها ده عدي يوم واحد بس... اسيل(بزعيق): عدي خلي صاحبك يبعد عن يوسف... عدي: انا مالي هو انا قده...
اسيل: حرام عليك سيبه ده اغمي عليه... ادهم بعد عن يوسف بعد ما كسر كل حتة في جسمه و الواد اغمي عليه... اسيل(بزعيق): انت غبي رد ها انت غبي. اسيل قعدت تزق في ادهم... اسيل: يا شيخ ابعد بقي عن حياتي، بكرهك... ادهم(بغضب): انتي أكدتي ليا انك متستاهليش تشيلي اسمي و لا تحافظي عليا في غيبتي... اسيل(بزعيق): و انت اثبتلي انك مش بتحبني، او حبك مكنش حقيقي مع اقل مشكلة طلقتني صح. فعلا و نعمة الحب.
ادهم(بغضب): كنتي عايزاني اعمل ايه و انا شايفك بتسرقي خزنة الشركة و بتأخدي ملفات مهمة، لا و كمان اتبعتت ليا صور ليكي في اوضاع مختلفة مع راجل غريب عايزاني افهم ايه، لا و كمان انتي اعترفتي علي نفسك...
اسيل(بزعيق): انت غبي اوي عارف ليه لان اللي بيحب حد بيثق فيه و الحب مبني علي حاجات كتير علي ثقة احترام تقدير تفاهم، و انت معندكش اي حاجة من دي معندكش ثقة فيا و ده دليل علي انك معندكش ثقة في نفسك حتي، و معندكش احترم محترمتنيش و محترمتش رأيي و جيت عليا علشان خاطر الزفتة اللي وراك دي، و معندكش تفاهم عارف عندك تفاهم بس تفاهمك الوحيد هو الضرب و العنف و غضبك غضبك اللي هيوديك في داهية، طالما معندكش التلاتة دول يبقي انت محبتش يا ادهم...
اسيل: كلمة اخيرة، ابعد عن حياتي لاني كرهتك علي قد ما حبيتك و ثقتي فيك انعدمت، بكرهك يا ادهم. ادهم كان لسة هيتكلم... اسيل: عدي تعالي ساعدني علشان انقله المستشفي... عدي(بتوتر): تمام... عدي ساعد اسيل انها تركب يوسف المستشفي... اسيل: شكرا، عن اذنكوا... اسيل ركبت عربيتها و ساقت بأقصي سرعة... ادهم ضرب العربية برجله بكل غضب...
رحيق: ادهم انا حاسة بيك بس برضو حاسة باختي، كان لازم يبقي عندك ثقة و لو بسيطة كنت تتمالك نفسك قبل ما تطلقها... رحيق: و عارف اسيل اعترفت ليه انها عملت ده كله علشان هترجعلك بدليل و دليل قوي كمان و ساعتها هتندمك ندم عمرك كله... نيران: هي حرامية و مش محترمة دي لسة مطلقة و وكانت هتوافق... عدي: يلا بينا... عدي هو اللي ساق و رحيق جمبه، و ادهم قاعد في قمة غضبه و نيران بتحاول تحضنه...
-اسيل كان سايقة بسرعة و كانت بتعيط و بتبص جمبها علي اللي غرقان في دمه بسببها و زعلانة علي ادهم و كل حاجة جاية ضدها... اسيل وصلت للمستشفي اللي فيها عائلتها و طلبت نقالة ليوسف و خدوه عالجوا جروحه و نقلوه اوضة عادية... اسيل(بابتسامة): اهليييين... نيرة: اهلا يا روحي عاملة ايه؟ اسيل: تمام، اخبارك يا بابا؟ سامر: بخير يا روحي... اسيل: في ايه يا جدعان؟ جدو لو كان هنا كان ضحكوا هو انا مش قد المقام و لا ايه...
سامر(بضحك): حبيبتي... سامر: انتي سامحتيني يا اسيل؟ اسيل: يوووووووه من زمان يا حاج... نيرة: و مقولتيش ليه؟ اسيل: احم كنت بربيه سوري يا بابا... سامر: احلي حاجة عندي انك مسمحاني. الباب خبط... اسيل: اتفضل... رحيق(بدموع): بابا... رحيق راحت حضنته... اسيل: براحة يا بت ايه... ادهم: حمد لله بالسلامة يا سامر بيه حمد لله بالسلامة يا نيرة هانم... نيرة: الله يا يسلمك... عدي: اهلا يا حماتي. نيرة: ايه يا ابني في رقي...
عدي: عند ام محمد... ممرضة: انسة اسيل... اسيل: نعم... ممرضة: المريض اللي حضرتك جبتيه فاق و بيردد اسمك... اسيل: تمام انا جاية... سامر: في ايه يا اسيل؟ اسيل: مفيش حاجة، ثانية و جاية... اسيل خرجت من الاوضة و راحت علي يوسف، ادهم كان بيغلي فطلع وراها... اسيل(بابتسامة): حمد لله علي السلامة... يوسف: الله يسلمك... اسيل: احم عارفة انك كدة بسببي اسفة... يوسف: ميهمنيش المهم انك جمبي...
يوسف مد ايده لاسيل و ادهم كان منتظر يشوف ردة فعل اسيل، اسيل مسكت في ايده... اسيل: يوسف انا آسفة بس مش هقدر انت وجودك جمبي خطر عليك... يوسف: بس انا بحبك... اسيل: اللي ضربك ده طليقي... يوسف(بصدمة): انتي كنتي متجوزة؟! اسيل: اه ادهم و انا كنا متجوزين و بعدها اطلقنا لسة مطلقين امبارح... يوسف: مش مشكلة انا بحبك و هحميكي بروحي... عدي(بهمس): طالما بتتعذب و لسة بتحبها ليه متحاولش تحسبها بدماغك...
ادهم: اسيل خدعتني ضربتها كانت اقوي من ضربة مها، بحاول مصدقش لكن عنيا هتكدب يا عدي... ادهم: اسيل زي كأنها ماسكة سكينة و غرزتها في قلبي كل شوية تضغط بايدها قلبي يوجعني اكتر. انا قلبي مكسور يا عدي قلبي بينزف يا عدي دم... عدي: للدرجة دي بتحبها... ادهم: عارف لما قالت ليا بكرهك كنت عايز اخدها في حضني و اقولها متقوليش كدة تاني. قلبي مكنش قادر يستحمل...
عدي: حالتك دلوقتي اصعب من حالتك ساعة مها يا ادهم، انت صعبان عليا... اسيل: انتوا واقفين هنا ليه؟ ادهم(بجمود): مفيش حاجة... اسيل(بهمس): بارد... اسيل: عدي قول لبابا اني رحت للجريدة... عدي: تمام يا بطل... اسيل: باي... اسيل مشيت و لقت فادي واقف مع والده... اسيل(بضحك): لا كدة كتير كل اللي اعرفهم في مستشفي واحدة... فادي: اهلا يا اسيل... فادي: دي يا بابا اسيل اللي ساعدتنا في العملية...
والد فادي: ربنا يخليكي يا بنتي و يحفظك و يحميكي. و يديكي علي قد نيتك... اسيل: ده كله يا عمو، تسلم... فادي: انتي بتعملي ايه هنا؟ اسيل(بحزن): جدو توفي و تيتة في غيبوبة و بابا و ماما متجبسين... فادي(بحزن): ان شاء الله خير، البقاء لله. اسيل: ايه يا عم ما بلاش حزن انا ما صدقت افك... والد فادي: ربنا هيعوضك يا بنتي متخافيش... اسيل: مش زعلانة الحمد لله بقيت افضل بكتير... ادهم(بغيظ): شايف بتضحك ازاي؟
عدي: لا و النبي، من شوية هي جرحتك... ادهم: اروح اشدها من شعرها دلوقتي... عدي: ما تخرس ياض بقي مش كفاية اللي عملته في وشها دي مخبياه بالعافية، انت مشفتش عوجة رجلها اللي بتحاول تظبطها انت ايه يا شيخ... ادهم: فين دي؟ عدي: ركز يا ابني... اسيل: يلا بقي، بااااااااي. فادي حضنها... فادي(بهمس): انتي محتاجة حضن زي ده عارف بس من شخص تاني حاسس بيكي، انتي قوية يا اسيل. اسيل(بابتسامة باهتة): شكرا... اسيل: باي يا عمو...
اسيل مشيت و فعلا ادهم لاحظ ان رجليها ملتوية و بتحاول متبينش... سامر: رحيق في ايه؟ رحيق: في ايه في ايه؟ سامر: ادهم و اسيل متخانقين تاني؟ رحيق(بتوتر): لا معرفش حاجة... نيرة: بت ردي... رحيق(بتوتر): معرفش الله... نيرة: عليا انا و ابوكي يا رحيق... رحيق: معرفش معرفش.
-في مكان تاني... في قصر عائلة الشافعي... عبدالرحيم: صفية. صفية: نعم يا عمي... عبدالرحيم: هاتي احمد و تعالي ورايا علي اوضة المكتب... صفية: حاضر... سوزان: في ايه؟ عبدالرحيم: مفيش يا سوزان خليكي في حالك... عبدالرحيم و صفية و احمد راحوا اوضة المكتب. احمد: نعم يا بابا... عبدالرحيم: بعد تغير صفية بسبب اسيل طبعا. عبدالرحيم: لازم نساعد بعض علشان يرجعوا مع بعض. صفية: ماشي يا عمو انا موافقة... احمد: هنعمل ايه؟
عبدالرحيم: معرفش... صفية: اسيل هترفض و ادهم هيرفض... احمد: انا متأكد ان اسيل مش هتعمل كدة، في حد قاصد يعمل كدة... عبدالرحيم: مين؟ صفية: معرفش...
-في مكان تاني... باسم: يا بت اتهدي الله... غزل(بفرحة): لا انا فرحانة اوي... باسم: الصبر يا رب... غزل(بحزن): انت مش مبسوط... باسم: اهو هرمونات الحمل هتشتغل، لا يا روحي انا مبسوط بس انا خايف عليكي من الحركة... غزل: اه ماشي، بحبك... باسم: بموت فيكي... غزل: هروح الامتحانات ازاي؟ باسم: الامتحانات فاضل عليها شهر و نص عادي بطنك مش هتكون كبرت... غزل: تمام... غزل: انت ممكن تكرهني يا باسم... باسم: ابدا...
غزل: حتى بعد ما اولد... باسم: ابدا... غزل: و لو تخنت... باسم: ابدا، هفضل احبك علطول... غزل: بحبك... باسم: كدة هتغر... غزل: انت اصلا مغرور... باسم: طب يلا تأكلي... غزل: هو كل شوية اكل اكل، ايه بقي؟ باسم: تحترمي نفسك و تسمعي الكلام... غزل: انا زهقت من الاكل... باسم: اسمعي الكلام فاهمة... غزل: اوف ماشي... باسم: يلا يا روحي...
-في مكان تاني... عند اسيل في الجريدة... زينات(بفرحة): ها ايه الاخبار؟ اسيل(بحزن): الدليل ده مبقاش ليه لازمة. طارق: ليه؟ اسيل: كدة، لازم ننزل المخزن القديم... طارق: بس ازاي؟ اسيل: معرفش بس لازم و النهاردة قبل بكرة... زينات: اسيل دي خطوة صعبة جدا... اسيل: هسأل المدير... طارق: متأكدة؟ اسيل: اه... اسيل خرجت بسرعة و راحت علي اوضة المدير... الباب خبط... المدير: اتفضل... اسيل: بعد اذن حضرتك كنت عايزة حاجة مهمة...
المدير: اتفضلي. اسيل: كنت عايزة ادخل المخزن القديم... المدير: ليه؟ اسيل: موضوع صحفي مهم... المدير: لازم اخد امر صاحب الجريدة... اسيل: معنديش مانع... المدير: هتصل بيه... اسيل: تمام لما يديك الامر قولي... اسيل مشيت، و المدير طلع تليفونه... الخط اتفتح... المدير: اهلا يا بيه... ادهم: اهلا في ايه؟ المدير: في صحفية هنا محتاجة تنزل المخزن القديم و دي حاجة لازم يوافق عليها صاحب الجريدة... ادهم: تمام ماشي...
المدير: تمام... ادهم: مين؟ المدير: الصحفية اسيل... ادهم عدل من قعدته علي كرسيه... ادهم(باهتمام): ليه؟ المدير: بتقول حاجة ليها علاقة بالصحافة... ادهم: متوافقش... المدير: بس... ادهم: كلمة واحدة، انا جاي... ادهم خرج من شركته بسرعة... نيران: ادهم ادهم... ادهم مردش عليها و خرج بسرعة و راح علي الجريدة... اسيل: لازم الزفت ده يوافق... طارق: و لو موافقش... اسيل: يبقي جه لقدره...
و بعدين اسيل لقت حد جمبها بصت لقته ادهم... اسيل(بخضة): في ايه؟ ادهم: عايزة ايه من المخزن؟ اسيل(بصدمة): انت انت ازاي عرفت؟ ادهم: انا صاحب الجريدة... اسيل: مش عايزة حاجة... ادهم: بس انا صاحب الجريدة و بأمرك انك تقولي. اسيل(ببرود): فكرت في انه ممكن نستخدم الاخبار القديمة و نقارنها بالاخبار الجديدة و كدة يعني... ادهم: تمام يا اسيل... اسيل: حضرتك بقى وافقت و لا لا... ادهم: لا موافقتش، و المخزن القديم هزيله...
اسيل بصتله بصدمة و خلت ادهم يتأكد انها مش عايزة تعمل موضوع ليه علاقة بالصحافة... اسيل(بتوتر): و يا تري امتي؟ ادهم: هبدأ من الصبح بدري... اسيل: تمام براحتك... ادهم سابها و مشي... طارق: هنعمل ايه؟ اسيل: مش هسمح بكدة، الليلة هنفذ. و يا انا يا ادهم. زينات: هتعملي ايه؟ اسيل: هبعتلكوا الخطة علي التليفون... طارق: تمام. و كملوا شغل...
-في مكان تاني... سالي: مش عارفة نعمل ايه تاني؟ سارة: و لا انا... تشارلي: انا هاودت بابا علشان نعرف نفكر براحتنا. سالي: جدع يا تشارلي... سارة: هنعمل ايه؟ سالي: هنضغط علي اسيل برحيق... تشارلي: هضحي ببنتك... سالي: لا هنمسك اسيل من ايدها اللي بتوجعها بي... سارة: و كمان غزل مش انتي بتكرهيها... سالي(بشر): اكيددد. تشارلي: اتفقنا. سالي و سارة: اتفقنا...
-ادهم و نيران رجعوا القصر، و عدي خرج مع رحيق و كريم مع ليلي، اسيل روحت الفيلا و قعدت مع باسم و غزل... -عند عدي و رحيق... عدي: تعرفي اني مبسوط اوي اني معاكي... رحيق(باحراج): شكرا... عدي: بجد بتمني كل الامور دي تتغير و نبقي مع بعض، و نتحوز بقي... رحيق: ان شاء الله، بس ادهم عايز الحرق، و اسيل هتخليه يندم... عدي: اسيل شرسة، بس انتي كيوت و قمر... رحيق: بس اسيل قلبها طيب... عدي: بحبك...
كريم: تعرفي انك من و انتي صغيرة كنت بخاف عليكي، و بغير عليكي... ليلي: و انا كنت متعلقة بيك من وانا صغيرة... كريم: بجد احلي حلم حققته انك تكوني ملكي... ليلي: شكرا، بحبك... كريم: بموت فيكي... عدي: طب يلا اتأخرنا... كريم: تمام... و كل واحد خد حبيبته وصلها للبيت... -غزل و باسم... اسيل(بضحك): لا انتوا مسخرك بجد... باسم: اي خدمة يا مزة... اسيل: خليك في المزة مراتك...
باسم: يا ستي دي كلها شهرين و بطنها تكبر و انا هروح اصيع... غزل: نعم ده انا اقتلك قبل ما تعملها. باسم: اهون عليكي... غزل: اوف يا رب، هضعف الله... اسيل افتكرت لما كانت بتضعف قدام ادهم و كانت بتقول نفس الكلمة لادهم... رحيق: مساء الفل يا جدعان... باسم: تعالي هنا كل شوية تخرجي مع عدي في مذاكرتك يا ماما... رحيق: هذاكر حاضر حاضر... اسيل: يلا علي النوم، انا جعانة نووووم...
الكل قام، و اسيل لما اطمنت ان الكل نام... اسيل طلعت تليفونها، الخط اتفتح... اسيل(بهمس): فادي هقوم البس، اجهز انت و طارق... فادي: مستنينك... اسيل: تمام...
رواية صدفة أم قدر للكاتبة سلسبيل كوبك الفصل الرابع والعشرون
الكل قام، و اسيل لما اطمنت ان الكل نام... اسيل طلعت تليفونها، الخط اتفتح... اسيل(بهمس): فادي هقوم البس، اجهز انت و طارق... فادي: مستنينك... اسيل: تمام... - اسيل قامت لبست شورت اسود قصير و تي شيرت ابيض و عليه حروف بالانجليزي باللون الاسود و كان التي شيرت قصير اوي، و لبست جاكت قصير بكم، و لبست كوتشي ابيض و لمت شعرها علي شكل ديل حصان، و خدت شنطة سوداء...
اسيل بدأت تنزل براحة علشان محدش يكشفها و خرجت من الفيلا براحة اوي، و وصلت لفادي و طارق... اسيل(بهمس): يلا بسرعة... طارق(بتوتر): ربنا يستر... اسيل: متخافش... فادي: مع اني مش فاهم اوي بس ماشي... فادي ساق العربية لغاية ما وصل للجريدة... اسيل(بهمس): فادي خليك هنا في اي حاجة ابعت ماسدج متتصلش. فادي: تمام... اسيل: يلا يا طارق... طارق(بخوف): اسيل و النبي بلاش... اسيل(و صبرها بيقل): طارق انجز و خش و انا معاك.
اسيل و طارق دخلوا الجريدة من الباب الخلفي... اسيل(بهمس): نور بالكشاف... طارق شغل الكشاف و بدأوا ينزلوا لمخزن الجريدة... اسيل: بس كدة، دور في ملفات الصحفية اية... طارق: تمام... اسيل بدأت تدور و لبست جوانتي في ايدها و ودت لطارق... اسيل مسكت ملف و قعدت تدور فيه ملقتش اي معلومة تخص نيران، و فضلوا يدوروا لمدة ساعتين. طارق(بتعب): خلاص كدة مفيش اي حاجة هتفيدنا... اسيل(بدموع): لا، يا رب ارجوك...
اسيل: ثانية هو ايه الدولاب ده؟ طارق: ده ورق كل خمس سنين بيتحرق... اسيل: و اية ماتت من سنتين، تعالي. اسيل راحت ناحية الدولاب و فتحته... اسيل: نورلي هنا يا طارق... اسيل بدأت تدور لغاية ما لقت ملف... اسيل فتحته و اتصدمت من اللي شافته... طارق: هو ده صح؟ اسيل: للاسف اه... و بعدين جت رسالة لاسيل من فادي... اسيل: اقفل الكشاف بسرعة... طارق قفل الكشاف و اسيل زقت طارق في ركن و استخبوا...
طارق(بخوف): انا انا بخاف من الضلمة. اسيل: انا جمبك متخافش... طارق: بس انا خايف... اسيل(بعصبية خفيفة): طارق قولتلك انا جمبك تمام و كمان انا كبنت مش خايفة انت ازاي خايف الله. طارق(بدموع و خوف): اصل مرات بابا زمان كانت بتعذبني و دخلني اوضة ضلمة و فيها فئران... اسيل حضنت طارق و قعدت تطبطب عليه... اسيل: بس انت راجل و لازم تعتمد علي نفسك، اوعدك بعد ما اخلص مشاكلي هفضالك ايه رأيك؟ طارق: شكرا... اسيل: يلا...
اسيل خدت طارق و خرجوا زي ما جم و ركبوا العربية... فادي: ها وصلتوا لحاجة؟ اسيل: اه يا فادي، بس ناقص كام حاجة انا هتصرف. فادي: تمام، يلا بينا... فادي وصل اسيل الفيلا و وصل طارق بيته و رجع لبيته... اسيل: اه بجد للدرجة دي هي سيئة... اسيل خبت الملف في اوضة الملابس، و نامت نوم عميق...
-في الصباح الباكر... في قصر ادهم الشافعي... عدي: تعرف يا جدو ان غزل حامل... عبدالرحيم(بفرحة): يعني هبقي جد تاني... ادهم: مين قالك؟ عدي: رحيق. صفية: ربنا يخليهم لبعض... عبدالرحيم: و قريب اوي هنفرح بكريم و ليلي و عدي و رحيق ان شاء الله... سوزان: اه البت اللي انا مش موافقة عليها... الباب خبط... اسيل(بخضة): طنط صفية حضرتك بخير؟ ادهم(بغضب): ايه اللي جابك هنا؟ نيران: معندهاش دم...
صفية(بابتسامة): اه يا حبيبتي انا بخير بس دي الطريقة اللي تيجي بيها لهنا... ادهم: ماما يعني انتي اللي باعتاها... صفية: اه، و لو مش عاجبك قوم امشي... ادهم: هي متفرقش معايا اصلا... اسيل: حضرتك كنتي عايزة ايه؟ عبدالرحيم: هتتكلموا علي الواقف اقعدي كلي... عدي: كدة هتجيلك قرحة... اسيل(بضحك): انت دكتور؟ عدي: لا... اسيل: يبقي متتكلمش في شي ميخصكش... عدي: متشكرين يا رجولة... اسيل قعدت جمب صفية...
صفية: اصل احنا عايزين نتكلم في الفرح و كدة... اسيل: اه... اسيل(بغرور مصطنع): احم احم بما اني كبيرة العائلة حاليا... عدي: بتنقطي غرور... اسيل(بدلع): لو مش عجبك طلقني... عدي: حد يبقي عنده دلع و جمال و كدة و يطلق... اسيل: للدرجة دي. ادهم(بعصبية): انا قايم... صفية: طب و ليه متعصب؟ اتفضل... نيران: يلا يا حبيبي... عدي: الله يرحم... اسيل: كان بيقطع التورتة ب الفاس... و الكل قعد يضحك.
عبدالرحيم: الف مبروك علي حمل غزل... اسيل: الله يبارك فيك، اه بما ان بابا و ماما هيخرجوا النهاردة فاحنا هنعمل حفلة... احمد: و الله فكرة، و انا هشرف عليها انا و صفية... اسيل: شكرا يا عمو، انا بقي ورايا كام مشوار... اسيل: عدي عايزاك... عدي: تمام... اسيل اتمشت مع عدي في الجنينة. اسيل: عدي انت مصدق اني اعمل كدة... عدي: ابدا، و عارف ان حد قاصد يعمل كدة بس مش عارف مين... اسيل: ممكن اطلب طلب؟ عدي: اتفضلي.
اسيل: عايزاك تبعتلي الصور اللي علي تليفون ادهم و تخليني ادخل اوضة المراقبة. عدي: بس ليه؟ اسيل: اثبت برائتي يا عدي... عدي: هحاول يا اسيل. اسيل: بس انا محتجاها النهاردة بليز... عدي: تمام... باسم: اسيل بتعملي ايه؟ اسيل: بنجهز لحفلة بابا و ماما و غزل... باسم: هنعملها في الفيلا... اسيل: جدو قال هنا... باسم: ماشي يا اسيل... باسم: انا رايح اجيبهم... غزل: عايزة حاجة؟ اسيل: خلوا بالكوا من نفسكوا... عدي: احم فين رحيق؟
اسيل: بتذاكر و متقربش منها. عدي: خليها تذاكر انا قولت حاجة... اسيل: ربنا يخليكوا لبعض... اسيل لقت حد بيحضنها من ضهرها... ليلي: وحشتيني... اسيل: قلبي، روحي ذاكري مع رحيق. ليلي: حاضر... عدي: و ذاكروا ها ذاكروا، و لو معرفتوش نادوني اذاكر ليكوا عادي... اسيل: امشي قدامي... اسيل و عدي ركبوا العربية، و وصلوا للشركة. عدي: هدخلك بس يا رب نيران متشوفكيش... عدي و اسيل دخلوا... نيران: اسيل... عدي(بهمس): قفشتنا...
اسيل(ببرود): خير؟ نيران: جاية ليه؟ اسيل(ببرود): جاية لادهم عندك مانع... نيران: بصفتك... اسيل: شكل ادهم نسي يقولك ان جدته تبقي جدتي. اسيل سابتها ومشيت... عدي(بهمس): هو انتي جاية لادهم؟ اسيل: قولت كدة علشان تصدقني. هروح اقول اي حاجة لادهم و امشي. اسيل: لو سمحت دانا ممكن ادخل؟ دانا: ثانية هقول لادهم بيه... دانا دخلت لادهم... ادهم(بعصبية): مش قولتلك محدش يدخل... دانا: اسيل هانم بره... ادهم(بشر): خليها تدخل...
اسيل دخلت لقت منظر مستحيل تنساه... لقت ادهم قاعد و علي رجله بنت و... اسيل غمضت عنيها و لفت وشها... اسيل: لو كنت قولت انك في اجتماع مغلق كان زماني مشيت، و لا اني اشوف كدة علشان بقرف... ادهم: قومي... البنت مشيت و ادهم قرب من اسيل... ادهم: خير؟ اسيل بصتله في عيونه جامد و هو نزل عيونه في الارض... اسيل: انت للدرجة دي رخيص اوي... اسيل: انا بكرهك يا ادهم... ادهم(ببرود): لو جيتي علشان تقولي كدة، فاطلعي بره.
اسيل: لا جاية اقولك ان احنا قدام بابا و ماما متجوزين ليوم واحد بس و بعد كدة هقولهم... ادهم: و انا ايه اللي يخليني اعمل كدة يعني؟ اسيل: ممكن علشان ننهي علاقتنا بشئ حلو... ادهم: تمام... اسيل: عن اذنك... اسيل مشيت و نيران دخلت لادهم... نيران: كانت عايزة ايه؟ ادهم: مفيش حاجة... اسيل راحت علي اوضة المراقبة... عدي: اسيل هحاول اجبلك الصور و انتي اتصرفي... اسيل: تمام...
اسيل قعدت تدور في الملفات القديمة و ملقتش حاجة... اسيل: هو مش بيبقي في نسخة للفيديوهات... الشخص(بتوتر): لا مبيبقاش في... اسيل: بليز ده حياة او موت، نيران هي اللي عملت كدة صح... الشخص(بخوف و توتر): لا معرفش... اسيل: لو هددتك متخافش هحميك و الله، بس ضميرك اكيد مش مرتاح صح ارجوك... الشخص: هي هددتني انها هتسممني انا و عيالي بثعبان نادر جدا...
اسيل: طب بص اوعدك هحميك انت و عيالك و كمان لو اعترفت بالحقيقة هي هتخش السجن و مش هتعرف تعمل حاجة...
الشخص: في يوم ادهم بيه مكنش موجود هي استغلت انها المديرة هنا و عملت فيديو تصويري ليها و هي بتسرق خزنة ادهم بيه و الملفات بتاعته و بعدين لما انا شوفتها هي هددتني و خدتني معاها عند راجل بيركب وشوش علي الفيديوهات و شوفت ساعتها صورتك و هي بتوديها للراجل و كمان صور ليها و هي في اوضاع استغفر الله العظيم و برضو ودت للراجل صورتك... اسيل(بصدمة): هي ازاي كدة؟ اسيل: تعرف الراجل ده فين؟ الشخص: اه...
الباب فتح و قلب اسيل وقع في الارض... اسيل(بخضة): عدي الله يسامحك... عدي: وصلتي لحاجة؟ اسيل حكت لعدي كل حاجة حتى الصحفية... عدي(بصدمة): يا نهار اسود ده كله بتخدعنا، لازم اقول لادهم... اسيل: لا طبعا، اهدي لازم نجمع كل حاجة... اسيل(بسخرية): اصله بيصدق بالدليل بس... عدي: هاجي معاكي... اسيل: بس توعدني انك مش هتقوله... عدي: اوعدك... اسيل: هات يا عمو الفيديو اللي عندك...
الشخص ده طلع الفيديو و وداه لاسيل و خدت الراجل و عدي و خرجوا... اسيل: دي حقيرة اوي... و بعدين وصلوا للمكان اللي الراجل قال عليه... لقت مكان عشوائي و مليان زبالة... اسيل: لو سمحت... شاب: ايوه... اسيل: انت بتعرف تركب وشوش علي الفيديوهات و الصور... شاب: طبعا دي لعبتي... اسيل ضربته بوكس... اسيل(بعصبية): و انك تلوث شرف بنت ده شي برضو تفتخر بيه و تلعب بيه... شاب: انا عملت ايه؟ اسيل: نيران... شاب(بخوف): مين؟
اسيل: هي مهدداك انت كمان... اسيل: هات الصور اللي هي ودتهالك بكل حب كدة احسن ما انا اقتلك بدل نيران... الشخص طلع الصور و الفيديو و وداه للسيل... اسيل: عدي خد الشخصين دول هما دليل برضو... عدي: تمام... عدي وصل اسيل للفيلا و خد الراجلين دول و وصلهم لمكان في القصر من ورا... رحيق: انا مبسوطة و متحمسة اوي... اسيل: يا رب دايما، اهم حاجة ذاكرتي؟ رحيق: اه و ليلي جت ذاكرت معاايا، مع اني مكنتش طايقاها بسبب اخوها...
اسيل: رحيق ملكيش دعوة بحد انتي تحبي الشخص لنفسه مش علشان اخوه و لا كدة، و كمان انتي مالك بادهم انا و ادهم اللي بينا مشاكل انتي مالك بقي، لو ادهم مثلا احتاج لمساعدتك للخير متتردديش لحظة انك تساعديه ولو انتي محتاجة مساعدة و مفيش غير ادهم روحي ليه، و ده مش بينطبق علي ادهم بس علي اي شخص مهما كان، فهمتي؟ رحيق: بحبك يا احلي اخت... اسيل: و انا بموت فيكي... نيرة: اسيل حبيبتي...
اسيل: اخيرا رجعتوا البيت نور... نيرة: انتي قاعدة هنا ليه مش عند جوزك؟ اسيل(بتوتر): اصل انا قولت ابقي معاكوا النهاردة و ادهم وافق... نيرة: ادهم ده طيب اوي و شهم... رحيق(بسخرية): اوي... نيرة خرجت... اسيل: قولتلك ايه يا رحيق؟ رحيق: خلاص اوف ماشي... اسيل: غوري بقي البسي... رحيق: لسة بتحبيه؟ اسيل(بجمود): ابدا...
- اسيل دخلت خدت دوش و جمعت افكارها و خرجت لبست فستان باللون الاسود بحمالة عريضة مايلة و محددها مع انه واسع و جميل و ضهرها باين. و رفعت شعرها علي شكل كحكة و كام خصلة من شعرها نازلة و حطت روچ باللون الاحمر الغامق و لبست صندل بكعب باللون الاسود.... - رحيق لبست فستان زي بتاع اسيل بس بكم و مقفول باللون السماوي و حطت روچ هادي باللون الوردي و لبست صندل باللون الابيض و لبست طرحة باللون الابيض....
اسيل: قمر يا اخواتي. رحيق: شكرا... اسيل و رحيق نزلوا لقوا باسم و نيرة و سامر و غزل تحت... باسم: اخواتي قمرات... غزل: طب و انا... نيرة: هرونات الحمل ضاربة... - غزل كانت لابسة فستان قصير و واسع باللون الابيض و الاسود و صندل اسود و سيبت شعرها و حطت روج باللون الاحمر.... سامر: يلا يا حبايبي... اسيل: حاضر روحوا انتو و انا جاية وراكوا... باسم: ليه؟ اسيل: هظبط الميكب... باسم: تمام...
-في قصر ادهم الشافعي... - ادهم لبس بدلة باللون الاسود و قميص اسود و جذمة سوداء و لبس ساعته السوداء و حط البرفيوم بتاعه، و نزل بكل ثقة... - عدي لبس بدلة باللون الاسود و قميص ابيض و لبس ساعته و جذمته و نزل اطمن علي الرجالة و رجع تاني... - كريم لبس بدلة باللون الرصاصي و قميص ابيض و لبس ساعته و جذمته و حط البرفيوم بتاعه. و راح علي القصر...
- ليلي لبست زي رحيق فستان باللون الكشميري و بكم و طويل و حجاب باللون الاسود و صندل بكعب اسود و روچ هادي... - نيران لبست فستان باللون الاحمر و قصير و ضيق و لبست صندل بكعب باللون الاسود و كانت زي فتيات الليل... صفية: الجنينة جهزت... عبدالرحيم: تمام، حاولي بقي تنفذي اللي قولتلك عليه... احمد: هتبقي مفأجاة... سوزان: هو محدش شاف عدي... عدي: انا اهو يا امي... ادهم: مش يلا...
صفية: يا ابني متنساش انت و اسيل لسة متجوزين الله يخليك... نيران: ليه يعني؟ عدي(بقرف): ملكيش فيه... و عائلة الشافعي راحت الجنينة، و عائلة الجارحي راحت ليهم ما عدا اسيل... صفية: حمد لله بالسلامة يا نيرة هانم... نيرة: الله يسلمك... نيرة: ازيك يا عمو... عبدالرحيم: بخير يا بنتي... احمد: اخيرا رجعت يا بطل... سامر: و هغلبك متخافش... احمد: و انا موافق... سامر: ادهم روح نادي مراتك... ادهم: روحي يا رحيق ناديها...
عبدالرحيم: ميصحش يا ادهم. روح انت... ادهم: هي فين؟ نيرة: في الفيلا. ادهم: تمام... ادهم راح علي الفيلا و خبط... الخدامة: اتفضل... ادهم: فين اسيل؟ الخدامة: في اوضتها... ادهم: تمام... ادهم طلع علي اوضة اسيل و خبط الباب، و دخل علطول... ادهم: اسيل... ادهم دخل اوضة الملابس... اسيل(بخضة): ايه ده انت ازاي تدخل كدة؟ ادهم(ببرود): يلا انزلي علشان بيسألوا عليكي... اسيل: انت بارد ياض انت...
ادهم مسك ايديها الاتنين ورا ضهرها و قربها منه لدرجة ان انفاسهم كانت مختلطة... ادهم: اسيل متشتميش. اسيل: ابعد يا ادهم... ادهم: قولي انك مش هتشتمي تاني... اسيل: ابدا هشتم و هفضل اشتم في سري او علني. ادهم: اسيل متتحدنيش... اسيل: انا النهاردة هكسر كبريائك و غرورك يا ادهم... ادهم(بعدم فهم): بمعني؟ اسيل: هتعرف يا ادهم... ادهم: لا لازم افهم... اسيل(بوجع): ايدي... ادهم شال ايده و اسيل بعدت عنه...
اسيل: اتفضل اخرج بره... ادهم: الكل منتظرنا هناك يلا... اسيل: تمام... اسيل بعدت عنه و نزلت قبله... ادهم: ايه ماشية مع قرطاس جوافة؟ اسيل(ببرود): متقولش علي نفسك كدة يا بيبي. ادهم: لا و النبي... اسيل: مش طايقة اتكلم معاك خلاص... ادهم: للدرجة دي. اسيل: ايوه انا بكرهك حتى اني عايزة اغسل ايدي مكان ما مسكتني قرفانة من نفسي.
ادهم: ما تروحي تشوفي نفسك يا بت انتي روحي بصي في المراية انتي مقرفة ده انتي مالية وشك بودرة ده انتي داهنة جبس علي وشك... اسيل: متتحدنيش يا ادهم... ادهم: لا هتحداكي... اسيل: طيب... اسيل مسكت ايد ادهم و طلعت علي الاوضة تاني... ادهم: في ايه؟ اسيل مسكت مزيل المكياج و مشته علي وشها كله و مسحت الروچ و الكحل... اسيل: ها جمالي طبيعي و لا لا... ادهم كان مسحور بيها...
ادهم(لنفسه): اللعنة بجد في كلتا الحالتين حلوة اوف. ادهم(ببرود): مش مصدق برضو... ادهم: رموشك ممكن تكوني عاملة عمليات تجميل او شعرك ده مش حقيقي... اسيل: ادهم انت اكتر واحد عارف ان شعري حقيقي... ادهم: اقفي تحت الماية علشان اصدقك، اكيد رذاذ الماية هيوقع شعرك لو مش حقيقي... اسيل كانت متعصبة و مضايقة منه لانه مش مصدق انها جميلة... اسيل مسكت ايده و وقفت تحت الدوش و هدومها و كل حاجة اتبلت...
اسيل: اتأكدت اني جميلة... ادهم: لا... اسيل كانت متغاظة منه و مضايقة و متعصبة و في قمة غضبها، اما ادهم كان مستمتع لانها متعصبة... اسيل شدته تحت الماية و هو كمان اتبهدل ماية. اسيل: احسن تستاهل... ادهم(بعصبية): اسيل انتي قد اللي عملتيه ده؟ اسيل: لو مكنتش قده مكنتش عملته... ادهم كان لسة هيقرب منها، اسيل خرجت من البانيو... اسيل: احنا اتأخرنا عليهم خش اوضة باسم البس اي بدلة و انا هخش البس فستان تاني، تمام...
ادهم: و ربي لاربيكي من اول و جديد يا اسيل... اسيل: لما نشوف... ادهم خرج و هو مليان ماية... اسيل(لنفسها): و اديني أخرتك اهو يا ادهم... اسيل راحت طلعت فستان تاني...
- اسيل لبست فستان برضو باللون الاسود و قصير لغاية الركبة و و الجزء اللي فوق من القماش الدانتيل، و مبين ضهرها و مفتوح من قدام و ضيق لغاية الخصر و بعدين واسع، و لبست صندل اسود بكعب بسيط. و سيبت شعرها و حطت روچ بلون دم الغزال و كحل حدد عنيها الزرقاء، و نزلت لقت ادهم واقف مستنيها في الريسبشن... - ادهم كان لابس بدلة باللون الرمادي و قميص اسود و جذمة سوداء ماركة و لبس ساعته...
اسيل: كويس انها جت علي مقاسك... ادهم: اخرسي لاني مش طايقك... اسيل: شكرا، يلا. ادهم و اسيل راحوا ناحية الباقي... احمد: ايه ده كله بتجبها؟ باسم(برفعة حاجب): انت لابس بدلتي ليه؟ رحيق: و انتي غيرتي الفستان ليه؟ اسيل اتحرجت جدا و مسكت في ادهم لا اراديا، ادهم ابتسم علي اللي هي عملته... ادهم: اتغرقنا ماية و هدومنا اتبلت فغيرنا هدومنا بس... صفية: و ايه اللي خلي هدومكوا تتبهدل ماية.
اسيل(بهمس): يا رب ايه ده الله... ادهم(بهمس و ابتسامة): مش انتي اللي عملتي كدة؟ اسيل(بهمس): انجز اتصرف... ادهم(بهمس): اطلبي بكل احترام... عبدالرحيم: منتظرين اجابة... احمد: ردوا ايه اللي حصل؟ اسيل(بهمس): ادهم بعد اذنك اتصرف حلو كدة... ادهم: عادي واحد و مراته حبوا يستحموا عندكوا مانع... ادهم شد اسيل و بعد عن العائلة و اسيل كانت في قمة صدمتها... اسيل(بصدمة): انا قولتلك حلها مش عقدها... ادهم: لا عادي...
اسيل: تمام عن اذنك بقي... ادهم(ببرود): مش فارق معايا امشي... اسيل: و ربنا ليا حق اسميك الوحش المتحول... اسيل مشيت راحت عند الباقي... باسم(بهمس و حدة): كلام الواد ده صح يا اسيل؟ اسيل: لا طبعا يا باسم هو قال كدة علشان نعدي الموضوع... باسم: ماشي يا اسيل... اسيل: عن اذنكوا... عدي: اسيل... اسيل: امممم... عدي: هتعملي ايه؟ اسيل: دلوقتي انا هطلع اقول كل حاجة، بس اول ما اناديك تروح تجيب الراجلين اللي معاك...
عدي: تمام... طارق و فادي و زينات جم... اسيل: الحمد لله انكم جيتوا... بسمة: اسيل... اسيل: روحي... بسمة(بدموع): هتجيبي حق اختي؟ اسيل: طبعا... اسيل طلعت علي المنصة، و مسكت المايك... اسيل: احم ممكن تنتبهوا ليا؟ اسيل: مبدأيا مبروك يا غزل علي الحمل و ربنا يتممه ليكي علي خير ان شاء الله... اسيل: ثانيا حمد لله علي السلامة يا بابا حمدلله علي السلامة يا ماما، و ان شاء الله تيتة تفوق بالسلامة...
اسيل: آسفة هبوظ مزاجكوا، بس اللي هقوله في غاية الاهمية... اسيل: ماما بابا آسفة كدبت عليكوا، انا و ادهم اطلقنا... نيرة و سامر اتصدموا... سامر(بصدمة): ازاي بس؟ اسيل: لا هقولكوا متخافوش... اسيل(بسخرية): ادهم بيه معندوش ثقة فيا لا لا سوري معندوش ثقة في نفسه... ادهم اتعصب جدا من كلامها... اسيل: نكمل... اسيل: في حد اخترق ال system بتاع ادهم و يشاء القدر انه يكون انا...
اسيل: ايوه انا، او بمعني اصح ده اللي ادهم شافه ان انا اللي حاولت اسرقه... اسيل: و بعدين ادهم كان هيعاقبني حقه بس من غير ما يتأكد بس مش مشكلة، خدني لشقته و جاتله صور صور ليا مع شاب كدة زاد غضبه و ضربني... اسيل(بسخرية): اصله راجل شرقي، و عنده كبرياء. اسيل: نكمل بقي، و في لحظة غضب قالي انتي طالق في وجود كريم و عدي... اسيل: انا بقي جيت النهاردة علشان اكسر كبريائه ده. اسيل: عدي جيب الرجالة...
اسيل: لو سمحت شغل الفيديو... -شاشة اشتغلت ورا اسيل و فيها الفيديو و اسيل بتسرق الخزنة... اسيل: ده الفيديو اللي ادهم شافه و عدي و رحيق و اللي نيران شغلته... اسيل: التاني... -الفيديو الاصلي هو اللي اشتغل و نيران هي اللي بتسرق الخزنة... نيران(بصدمة): ازاي؟ -الكل اتصدم من اللي شافه و بالاخص ادهم... اسيل: ده الفيديو الاصلي، ممكن تقولوا و احنا نعرف منين... اسيل: عدي بعد اذنك خليهم يطلعوا هنا...
-الشاب و الراجل طلعوا وقفوا جمب اسيل و باصين لنوران بخوف... اسيل: ده يا ادهم يبقي واحد من اللي عندك في اوضة المراقبة... اسيل: اسم حضرتك ايه؟ الراجل: ناجي... اسيل: اه عمو ناجي، ممكن تحكي كل اللي حصل و متخافش من نيران... -ناجي حكي كل حاجة حكاها لاسيل و اللي نيران قالته و انها هددته و كل الحقيقة... -(صدمة الكل بتزيد و نيران مش عارفة تعمل ايه). اسيل: و حضرتك؟ الشاب: عمر...
اسيل: تمام ممكن تحكي نيران جت و طلبت منك ايه؟ عمر: نيران هانم جت و خلتني احط وشك مكان وشها في صور فاضحة، و في الفيديو بتاع السرقة... اسيل: شوفت يا ادهم بيه، يعني انا مش خاينة و والدي عرف يربي كويس... اسيل: هتقولوا ممكن تكوني مهدداهم... اسيل: عدي كان معاايا و اكيد عدي مش هيكذب... عدي: فعلا انا كنت مع اسيل و مش بقول كدة علشان اداري علي حاجة... نيران: انتي كدابة؟ نيران: متصدقهاش يا ادهم دي كدابة...
ادهم ضرب نيران قلم علي وشها... ادهم: اخرسي و لا كلمة بسببك طلقت مراتي. ادهم قرب من اسيل و وصل ليها. و مسك وشها بين ايده... ادهم(و الدموع متجمعة في عينه): اسيل انا. اسيل بعدت عن ادهم... اسيل(و هي بتأخد نفسها): علاقتنا انتهت يا ادهم... اسيل: و اتفضل مكانك هقول حاجة تاني... ادهم بص لاسيل بحزن و ندم. اسيل حاولت متبصش ليه علشان متضعفش، ادهم نزل من علي المنصة...
اسيل: استاذ ناجي و استاذ عمر انا وعدتكوا ان محدش هيقرب منكوا و هبقي قد وعدي... اسيل: عدي خدهم... اسيل: في حاجة تانية عايزة اقولها... اسيل: كان في صحفية اسمها ايه، كانت بنت شريفة و عرفت اسرار مكنش لازم حد يعرفها و اتقتلت بسم ثعبان نادر مش موجود في مصر، عارفين مين اللي قتلها نيران... -الكل اتصدم و كانوا مش قادرين يستحملوا كل المفأجات دي في يوم واحد...
اسيل: عارفة اني بصدمكوا كل شوية بس اللي حصل، لازم اخلص ذمتي النهاردة... اسيل: هي قتلتها لانها بس شريفة... نيران قربت من اسيل و بدأت تضربها... اسيل: هشششش ابعدي... ادهم قام و خلي اسيل في ضهره... ادهم: ابعدي عن مراتي... اسيل(بهمس): انا مش مراتك... نيران: انتي عايزة توصلي لايه يا بت انتي... اسيل: انتي قتلتي اية صح؟ نيران(بصريخ): اه انا قتلتها اه انا هي عرفت حاجات هي مكنش لازم تعرفها...
اسيل(بزعيق): تقومي تقتليها ايه يا شيخة ذنبها انها شريفة و محترمة، حرام عليكي... اسيل: عايزين تعرفوا هي عرفت ايه؟ الانسة نيران و لا انسة ايه بعد الصور الحقيقة نيران بتبيع مخدرات و بتشتغل في الدعارة... نيران: انتي انتي ازاي عرفتي ده كله؟ اسيل: نزلت المخزن القديم بتاع الجريدة... اسيل: بسمة انا وعدتك اني اجيب حق اختك صح؟ بسمة(بعياط): اه... اسيل: اتفضل يا حضرة الظابط... و في ظباط جم و قبضوا علي نيران...
نيران(بصريخ): سيبوني سيبوني معملتش حاجة يا كدابة... الظابط: انتي اعترفتي علي نفسك. نيران(بصريخ): هرجعلك يا اسيل و هدمرك... الظباط خدوا نيران و ركبوها البوكس... ظابط: اسيل هانم المستندات... اسيل: اه اتفضل... اسيل ودت كل حاجة للظابط، و متبقاش غير العائلة، ادهم بص لاسيل بابتسامة كلها حزن... اسيل: انا كدة خلصت مهمتي و جبت حق اختك يا بسمة...
اسيل: بشكر فادي و طارق لانهم ساعدوني و جم معايا بليل و انا في المخزن، و بشكر زينات برضو. ادهم(بغيرة): انتي روحتي معاهم بليل و لوحدك... اسيل(بملل): مش هتتغير... اسيل راحت عند العائلة... سامر(بفرحة): انا فخور بيكي... اسيل: قلبي يا بابا... عبدالرحيم(بهمس): انجز ردها... ادهم: اعمل ايه؟ عبدالرحيم(بهمس): تقدر ترجعها من غير ما تعرف بس بنيتك، و تقدر تقول قدامنا كلنا انك رجعتها... ادهم(بفرحة): بجد؟!
عبدالرحيم: اه بس لو ضايقتها تاني انا االلي هقفلك يا ادهم... ادهم: و ربنا بحبك... ادهم بص لاسيل بابتسامة و نظرة اسيل معرفتش تفهمها... ادهم: ممكن دقيقة؟ الكل انتبه ليه... ادهم: بعد التوتر و الصدمات اللي خدناها دلوقتي. عايز اقول حاجة... اسيل بصاله و منتظراه يكمل و هو باصص في عيونها... ادهم: انا قدامكوا كلموا برد اسيل ليا... اسيل اتصدمت و الكل فرح... اسيل(بعصبية): انا مش موافقة... ادهم: مش بمزاجك...
اسيل: لا طبعا انت متقدرش تردني من غير موافقتي. عبدالرحيم: لا يا اسيل ينفع... احمد: ايوه يا بنتي ينفع... اسيل: و لو ينفع انا مش موافقة... أدهم قرب منها و حاصرها بينه و بين الترابيزة... ادهم: ليه بقي؟ اسيل: علشان انت شخص غير مسئول و مش بتثق فيا و انا بكرهك و مش عايزاك... ادهم: هرجع ثقتك فيا تاني، و اما بقي بالنسبة انك بتكرهيني هرجع حبك تاني و عادي يعني. اسيل: لا انا عجبني يوسف و هتجوزه...
ادهم(بعصبية بيحاول يخفيها): و ليه بقي مش مالي عينك و لا ايه؟ اسيل(ببرود): اه مش مالي عيني... اسيل زقت ادهم بعيد عنها... اسيل: عن اذنكوا انا راحة البيت... فادي: طب هستأذن انا... زينات: باي يا اسيل... بسمة(بدموع): شكرا يا اسيل... طارق: باي... اسيل راحت حضنتهم هما الاربعة... اسيل: هبقي اكلمكوا... سوزان: و انا اللي كنت عايزاها تبقي مرات عدي... رحيق: احم انا هنا... ادهم وقف جمب اسيل و حط ايده علي كتفها...
اسيل: ابعد بقي الله... ادهم(بهمس): بحبك... اسيل(بنفس الهمس): بكرهك... عدي: ها ايه هنتجوز امتي بقي؟ كريم: انا خللت جمب البت ليلي... ادهم: متقولش بت علشان منفخكش... كريم: مراتي انت مالك؟ سامر: مع اني مش طايقك يا ادهم... ادهم: انا بعتذر ليك يا عمي و بعتذر ليكي يا طنط... ادهم: و بعتذر ليكي يا اسيل... اسيل: اعتذارك مش مقبول... احمد(بهمس): دي هتربيك تربية... عدي: تعالوا نلعب اي حاجة... كريم: نعمل ايه؟
رحيق(بفرحة): نجري ورا بعض. اسيل: لا انا لابسة كعب. ليلي: نقلع الصندل... غزل: ماشي... اسيل: لا مبحبش امشي برجلي كدة... كريم: اخلصوا نلعب ايه؟ باسم: غزل مش هتلعب. غزل: ليه بقي؟ باسم: انتي ناسية انك حامل و لا ايه؟ غزل: و الله هجري ببطء... اسيل: خلاص بقي يلا وافق... باسم: براحة فاهمة... غزل: حاضر حاضر. اسيل: البنات في صف و الولاد في صف... عبدالرحيم: طب نخش احنا بقي نتكلم... كريم: هنعمل ايه؟
رحيق: الولاد هتجري ورا البنات... باسم: اسيل دي برق ماشي علي الارض... اسيل: متبالغش... باسم: هتشوفوا... و البنات بدأت تجري، و ادهم واقف مش عايز يتحرك علشان هيبته... عدي: ما تيجي يا ابني. اسيل(بسخرية): لا طبعا هيبته تضيع... رحيق: عااااااا اسيل الحقيني... اسيل: طب ما انا كدة هتمسك... اسيل جريت و غزل جت وقفت وراها... غزل: اسيل بليز ده عايز يمسكني... اسيل: باسم اهدي دي حامل... باسم: عند ام محمد... غزل: عااااااا...
غزل جريت من ورا اسيل. اسيل ابتسمت عليهم و تخيلت ادهم واقف معاها و بيلعبوا، و بعدين بصتله و راحت جابت خرطوم ماية و شغلت النافورات و الكل اتبهدل ماية... غزل: يا مجنونة... اسيل(بضحك): لك انا بعشق الماية... عدي: الحقنا يا ادهم من المجنونة دي... اسيل(بضحك): هوريكوا الجنون علي اصوله... ادهم كان مبسوط و هو شايف ضحكتها لغاية ودانها. ليلي: يا بت المجانين انا استحميت... اسيل(بضحك): هخليكوا تستحموا كلكوا.
-اسيل لسة هتمشي لقت اللي بيشيلها من خصرها و بيلف بيها و هي بتضحك بصوت عالي اوي و الماية مغرقاهم هما الاتنين... ادهم(بصوت عالي): بحبك... و باقي العائلة خرجت علي صوت ضحكهم و سمعوا اعتراف ادهم لاسيل... ادهم نزل اسيل تكون مقابلة ليه و حط وشها بين ايده... ادهم: اسف اسف جدا عارف اني غبي و حمار و حيوان و مبفهمش، آسفة اني ما تمالكتش غضبي بس اوعدك هحاول و الله العظيم بحبك...
-اسيل كانت دماغها بتوديها و تجيبها مش عارفة تسامحه و لا لا مش عارفة ترد عليه و تقوله ايه... ادهم(بأمل): اسيل... اسيل(ببرود): انا مستحيل اسامحك... سامر: اسيل حاولي... اسيل(ببرود): ابدا... ادهم(بأمل): طب حاولي زي ما سامحتي عمو سامر... اسيل(ببرود): انا مش بثق فيك و مش مسامحاك... ادهم: و حياة اغلي حاجة عندك... اسيل(ببرود): قدامك 3 اسابيع تخليني اثق فيك تاني. عدي: اشمعنا 3 اسابيع؟
اسيل: علشان بعد 3 اسابيع كنت هسافر امريكا... ادهم(بفرحة): و انا موافق... ادهم حضن اسيل جامد... اسيل(ببرود): لو سمحت ابعد... اسيل: هرجع الفيلا... ادهم: لا طبعا انتي هتقعدي هنا معاايا. اسيل: لا... ادهم مسبلهاش فرصة تكمل لانه شالها و طلع علي اوضته... كريم: تفتكروا هتسامحه... رحيق: اسيل سامحته بس بتربيه... عدي: مش قولتلك اختك شرسة... ليلي: منها لله غرقتنا كلنا ماية... غزل: اه انا تعبت... باسم: طب يلا نروح...
كل واحد طلع اوضته في بيته... -باسم و غزل طلعوا اوضتهم، نيرة و سامر راحوا معاهم. و رحيق روحت معاهم، عدي طلع لاوضته و كريم راح لفيلته و ليلي طلعت لاوضتها، و عبدالرحيم لاوضته، و احمد و صفية راحوا لاوضتهم. و سوزان راحت علي اوضتها... -عند ادهم و اسيل... اسيل: نزلني انت غبي... ادهم(بحب): لا مش هنزلك... اسيل(بعصبية): ادهم عايزة استحمي... ادهم: حاضر...
ادهم نزل اسيل و اسيل دخلت استحمت و خرجت بالروب، و ادهم دخل خد دوش هو كمان... اسيل: يعني انا البس ايه بقي؟ اسيل: طب اعمل ايه؟ ادهم: ايه مالك؟ اسيل: يعني بسببك دلوقتي انا مش عارفة البس ايه... الباب خبط... ادهم: ثانية. اسيل: هتفتح كدة؟ ادهم: اه... اسيل: بالفوطة. ادهم: في ايه؟ اسيل: روح روح... ادهم: بتغيري و لا ايه؟ اسيل: ابدا... ادهم راح فتح الباب و دخل لاسيل بشنطة ملابس. اسيل: جبت لبسي الله...
ادهم: طب مفيش شكرا... اسيل: لا... ادهم: طب بوسة... اسيل: ادهم روح نام... ادهم: طب البس... اسيل: هلبس انا الاول مش هفضل بالروب الله... ادهم: تمام... - اسيل طلعت من الشنطة بيجامة قصيرة قماشتها نفس قماشة الحرير عبارة عن شورت و تي شيرت قطعة واحدة و بحمالة رفيعة باللون الاسود و سيبت شعرها و حطت روچ باللون الاحمر... اسيل: هربيك يا ادهم من اول و جديد... اسيل خرجت لادهم. اللي اول ما شافها قام بسرعة...
اسيل: اتفضل خش البس... ادهم(بشرود): ليه؟ اسيل(بمكر): ليه ايه؟ ادهم: ها لا مفيش انا رايح البس اهو... اسيل: طب خش اتفضل، ما تلبس الله... ادهم: اه تمام، احم يعني انا داخل اهو... ادهم دخل غير و اسيل ضحكت بمكر، و بعدين راحت قعدت علي الكنبة و حاطة رجل علي رجل و ماسكة المجلة في ايديها... ادهم: انتي مش هتنامي؟ اسيل(برقة): يعني كمان شوية... ادهم راح قعد جمبها و حط ايده علي كتفها... ادهم: بتقرأي ايه؟
اسيل شالت ايد ادهم براحة و ادهم اتحرج... اسيل: يا ريت يبقي في space بينا... ادهم: انتي متأكدة انك بتربيني بس؟ اسيل(برفعة حاجب): مين قال اني بربيك هو انت ناقص تربية. ده انت قمة الاحترام و الادب... ادهم: ماشي يا اسيل... اسيل: انت هتنام فين؟ ادهم: فين يعني علي السرير اكيد... اسيل: تمام... ادهم راح نام علي السرير، و اسيل قامت طفت كل الانوار و راحت نامت علي الكنبة... ادهم قام بسرعة... ادهم: انتي هتنامي عندك؟
اسيل لا رد... ادهم شال اسيل... اسيل: انا مردتش عليك يبقي تقومني ليه؟ ادهم: مفيش نوم علي كنب حضرتك هو هنا جمبي علي السرير فاهمة... اسيل: لا طبعا مش فاهمة... و بعدين حصل صوت انفجار، اسيل مسكت في ادهم جامد... اسيل(بصريخ): عااااااااااا...
رواية صدفة أم قدر للكاتبة سلسبيل كوبك الفصل الخامس والعشرون
حصل صوت انفجار، اسيل مسكت في ادهم جامد... اسيل(بصريخ): عااااااااااا... ادهم: اهدي اهدي... ادهم نزل اسيل علي الارض... ادهم: خليكي هنا هنزل اشوف في ايه؟ اسيل(بخوف): هتسبني لوحدي... ادهم: دقيقة و جاي... ادهم خرج من الاوضة لقي عدي بره الاوضة... ادهم: هو في ايه؟ عدي: معرفش. ادهم و عدي نزلوا لقوا عربيتين منفجرين، و باسم نزل... باسم: هو ايه اللي حصل؟ و بعدين التلاتة سمعوا صوت صريخ غزل و رحيق و اسيل...
باسم طلع جري لغزل و عدي طلع معاه و ادهم جري علي اسيل... -عند اسيل... اول ما ادهم نزل لقت ناس جم و هي حاولت تهرب ضربوها علي رأسها و شالوها و نزلوا بيها... -عند رحيق... كانت نايمة حست بحد قدامها قامت صرخت و بعدين رشوا حاجة في وشها و خدوها... -عند غزل... صحيت هي و باسم علي صوت الانفجار و باسم نزل و اول ما هو نزل في ناس دخلوا و رشوا حاجة في وشها اغمي عليها و خدوها... ادهم طلع الاوضة ملقاش اسيل...
عبدالرحيم: ايه صوت الانفجار ده يا ادهم؟ سوزان(بنوم): هو حصل ايه؟ ادهم(بصوت عالي): اسيل اتخطفت... احمد: ازاي الكلام ده؟ عدي و باسم كل واحد راح علي اوضة مراته ملقهاش فيه... عدي: ازاي ده يحصل؟ باسم: مين اللي ليه ايد في كدة؟ نيرة: حصل ايه؟ و ايه اللي جابك يا عدي هنا؟ عدي: رحيق وغزل اتخطفوا... سامر: ازاي ده يحصل؟ باسم(بخوف): غزل حامل انا خايف عليها. عدي: تعالوا نشوف ايه اللي حصل في القصر...
نيرة(بعياط): اسيل كمان اتخطفت، بناتي كلهم اتخطفوا... ادهم(بتوعد): و ربنا ما هسيب اللي عمل كدة... صفية: لازم نفكر بالعقل مين ليه مصلحة في كدة... كريم: رؤوف اتعدم و نيران في السجن، مين تاني؟ ليلي: مها... ادهم: مش هتقدر تعملها لوحدها و مش هتعرف تخطف تلاتة في وقت واحد. عدي: تشارلي! ادهم: بس جه و اعتذر هو و ابوه. و بعدين تليفون ادهم رن، الخط اتفتح... ادهم: الو... ديفيد: ادهم ابني عايز اقولك حاجة...
ادهم: انجز مش فايق... ديفيد: سالي و سارة و تشارلي هما اللي خطفوا البنات... ادهم(بعصبية): و لما انت هتقولي كدة انا مش هقتلهم يعني و مش هقتلك، فين مراتي؟ ديفيد: انا حذرتهم كتير يا ادهم، و اتصلت علشان ارضي ضميري، انا لسة هعرف المكان و هبعته ليك. ادهم: لو بتكدب هتندم اوي يا ديفيد... ديفيد: لا يا ادهم مش بكدب... احمد: ها ايه اللي حصل؟ ادهم حكي ليهم عن المكالمة كلها... عبدالرحيم: صدقه يا ابني...
عدي: ما ممكن يكون بيتوهنا... سامر: مكنش اعترف علي ابنه و مراته... صفية: بس في ام ممكن تخطف بنتها... نيرة(بدموع): هما اختاروا نقطة ضعف اسيل... ادهم: يعني؟ نيرة: يعني هما عايزين اسيل مش عايزين رحيق و غزل بس هما خطفوهم علشان يضغطوا علي اسيل برحيق و غزل و خاصة ان غزل حامل... ادهم(بغضب): مش هسمح بده يحصل ابدا... احمد: لازم نفكر بالعقل...
-في مكان تاني... علي اطراف المدينة، في مكان شبه صحراء و فيه بيت مهجور... اسيل كانت قاعدة علي الارض ايدها مربوطة و بتنزل دم من رأسها، و جمبها غزل و رحيق مربوطين من ايديهم... اسيل كانت بتبدأ تفوق، و مش قادرة تفتح عنيها بسبب الجرح اللي بيوجعها في رأسها... اسيل: مين هنا؟ اسيل: في حد هنا؟ تشارلي دخل و قعد قدام اسيل علي الارض، و شال شعر اسيل من علي وشها...
تشارلي: شكلك كنتي عارفة اني هخطفك فجاية جاهزة، لابسة بيجامة هتنطق عليكي و حاطة روچ و شعرك لا بجد مغرية جدا... اسيل(بقرف): انت كدة مفكر نفسك راجل، انت متسواش جنيه في سوق الستات مش الرجالة كمان. تشارلي اتعصب جدا و ضربها قلم علي وشها و نزلت دم من شفايفها... تشارلي: تو تو انتي بشرتك حساسة اوي... تشارلي مسح الدم بايده و اسيل كانت قرفانة منه... تشارلي: انا و لا ادهم؟
اسيل: اول مرة اشوف ذكر بيقارن نفسه بين راجل... تشارلي: و انا هوريكي الراجل... تشارلي رمي مايه علي رحيق... رحيق(بشهقة): في ايه؟ تشارلي: مفيش اختك عايزة تشوف مين الراجل... رحيق(بدموع): اسيل اسيل بليز متخلهوش يقرب مني... اسيل: انت كلامك معايا انا... تشارلي شد شعر رحيق و مسح بيها البلاط، تحت صرخات رحيق... اسيل(بزعيق): لو فاكر نفسك راجل بجد وقف اللي بتعمله... تشارلي زق رحيق علي اسيل، و رش ماية علي غزل...
اسيل(بفزع): انت هتعمل ايه دي حامل؟ تشارلي: لا تصدقي صعبت عليا... غزل(بخوف): هو في ايه؟ اسيل: تشارلي تعالي نعمل اتفاق... تشارلي: اسمعه الاول... اسيل: خلي رحيق و غزل يمشوا و انا هعملك كل اللي انت عاوزه... تشارلي: هو عرض مغري بس كدة مش هتمتع بعذابهم. اسيل: يا عم عذبني انا... تشارلي: خلي بالك انتي بتغريني اوي، بس معتقدش اللي انا عاوزه انتي هتوافقي عليه... اسيل: انجز عايز ايه؟ تشارلي(بخبث): جسمك...
اسيل فتحت عنيها علي اخرهم و رحيق غزل خايفين اوي... غزل(بوجع): بليز عايزة ادخل الحمام... تشارلي: لا... اسيل: دي حامل خلي عندك انسانية... الباب اتفتح و سارة و سالي دخلوا... رحيق(بصدمة): ماما... اسيل(بقرف): انتي ام انتي ها. مش خايفة علي بنتك و لا حفيدك انتي ام... سالي: دول نقطة ضعفك و انا عايزة اكسرك... اسيل: عملتلك ايه يا شيخة حرام عليكي... رحيق: ماما خلي غزل تخش الحمام لانها حامل، بليز.
غزل(بعياط): ارجوكم... سارة: خشي... سارة: روح معاها يا تشارلي... تشارلي راح مع غزل للحمام، و غزل مكنتش عارفة تتصرف بالموبايل اللي معاها. تشارلي: ما تنجزي. غزل: حاضر... غزل خرجت و راحت عند الباقي... تشارلي: فكري يا اسيل... تشارلي خرج و سارة و سالي... سالي: تفتكر هتوافق؟ تشارلي: اكيد. سالي: و ساعتها و هصورها و هفضحها في كل حتة... غزل(بهمس): اسيل انا موبايلي كان معايا هتعرفي تتصرفي... اسيل(بفرحة): اه اه...
رحيق: هنعمل ايه؟ اسيل: انتي ايدك مش مربوطة حطيه في جيب البيجامة... رحيق: ممكن يفتشك... اسيل: طيب بصي يا غزل انتي عاملاه صامت صح. غزل: اه... اسيل: روحي حطيه علي البتاعة اللي هناك دي... رحيق: متأكدة؟ اسيل: اه... غزل راحت حطت التليفون جمب الباب علي بتاعة عالية كدة زي ترابيزة... اسيل: تشارلي تشارلي... تشارلي: عايزة ايه؟ اسيل: لو عملت اللي انت عايزه هتمشي رحيق و غزل... تشارلي: اه... اسيل: اذا فكني...
تشارلي راح فك اسيل و بدأ يقلع التي شيرت... اسيل: لا الاول هروح اظبط الميكب بتاعي و شعرهي و كدة يعني... تشارلي: تمام... اسيل عملت نفسها هتقع جمب الباب و خدت الموبايل في ثواني... اسيل: فين الحمام؟ تشارلي: اهو... سارة بعتتت لديفيد العنوان... ديفيد اتصل بادهم، الخط تفتح. ادهم: ها فين؟ ديفيد: في(، )... ادهم: لو كدبت هنفخك... ديفيد: ده العنوان اللي سارة بعتته. ادهم: يلا بسرعة...
ادهم و عدي و باسم و كريم و معاهم حراس و راحوا للعنوان اللي ديفيد بعته... اسيل دخلت الحمام و شغلت التليفون و اتصلت ب باسم... باسم: دي غزل. ادهم: رد بسرعة... باسم: الو يا غزل... اسيل(بهمس): انا اسيل يا باسم... باسم: علي صوتك يا غزل... ادهم: هات... ادهم خد من باسم التليفون. ادهم: غزل اهدي اسيل جمبك؟ اسيل(بهمس): يا اغبية انا اسيل... ادهم: انتي اسيل؟ اسيل(بهمس): اه... ادهم: طب انتوا فين؟
اسيل(بهمس): ادهم بليز تعالي بسرعة تشارلي عايز يلمسني... تشارلي(بصوت عالي): اسيل انجزي ده كله بتظبطي نفسك... اسيل(بخوف): احم ما هو علشان يعني نعرف دقيقة و خارجة اصبر... ادهم(بحدة): انتي بتعملي ايه يا اسيل؟ اسيل(بهمس): ادهم بليز تعالي ارجوك... ادهم: انا جاي... تشارلي: انا هدخل... اسيل(بصريخ): لاااااااا، بص ثانية واحدة اهو خلصت... اسيل طلعت الlocation و بعتته لادهم...
باسم: ادهم اسيل باعته موقع غير اللي احنا رايحينه. ادهم: ورهولي... ادهم: احنا يعتبر في نص الطريق... ادهم ساق بأقصي سرعة في العربية و كان هيعمل اكتر من حادثة... اسيل خرجت... تشارلي: يلا... اسيل: بص انا تعبانة دلوقتي ايه رأيك بكرة؟ تشارلي: لا طبعا. اسيل: طب كمان شوية... تشارلي: لا برضو، دلوقتي... اسيل: طب ما هو ايه. تشارلي: في ايه؟ اسيل: اصل هنا المكان مش نضيف... تشارلي: في خيمة علي بعد قريب من هنا...
اسيل: تمام، بس رحيق و غزل يروحوا... تشارلي: تمام... تشارلي: سالي خليهم يروحوا... اسيل: هروح اطمن عليهم... اسيل(بهمس): رحيق غزل ادهم جاي في الطريق و انتوا هتروحوا و لو شوفتوه قولوا ليه اني علي بعد من البيت ده في خيمة... رحيق(بخوف): طب روحي معانا... تشارلي: يلا... تشارلي مسك ايد اسيل و ركبها عربيته و ساق... و في حراس خدوا رحيق و غزل و مشيوا بالعربية. سارة و سالي مشيوا... -و هما ماشين...
كريم: ادهم في عربية جاية اهي... باسم: دي غزل... ادهم وقف العربية بسرعة و نزلوا كلهم من العربية... حراس ادهم بدأت تضرب الرجالة اللي في العربية... عدي حضن رحيق، و باسم حضن غزل... ادهم: فين اسيل؟ باسم: انتي كويسة؟ غزل: ادهم الحق اسيل. ادهم: هي فين؟ رحيق: تشارلي خدها بعيد عن البيت المهجور اللي هناك و هي قالت اننا نقولك انها في خيمة... ادهم: مش فاهم... غزل: الحقها...
ادهم ركب العربية و ساق بسرعة، وصل للبيت و كمل طريقه لغاية ما كان في صحراء، ادهم نزل من العربية... ادهم(بصوت عالي): اسييييييييل... تشارلي(بعصبية): انتي جبتيه يا بنت ال... اسيل(بصريخ): ادهم... تشارلي مسك اسيل و حط مسدس علي دماغها و وقف قدام ادهم... ادهم(بعصبية): نزل ايدك عنها... تشارلي: هي اللي جابتك لعندي علشان انتقم منك...
اسيل بصت لادهم بصه هو فهمها. و بعدين اسيل داست علي رجل تشارلي و ضربته بكوعها و ادهم خد منه المسدس... ادهم حضن اسيل و موجه مسدس ناحية تشارلي... ادهم(بغضب): عملك حاجة؟ اسيل: لا... ادهم ضرب رصاصة علي رجل تشارلي، و بعدين حراس ادهم جم و الباقي... غزل: انتي كويسة؟ اسيل: اه... عدي: خدوه... الحراس شالت تشارلي و حطوه في شنطة العربية... ادهم شال اسيل و قعد في العربية من ورا... باسم شال غزل و قعد جمب اسيل و ادهم...
عدي: احم للاسف مفيش مكان هضطري تقعدي علي رجلي... رحيق: تمام... عدي ركب و رحيق علي رجله... كريم قعد ساق... ادهم(بهمس): حد قرب منك؟ اسيل حضنته و نامت علي كتفه... اسيل(بهمس): تشارلي ضربني قلم... ادهم حاول يمتص غضبه و داس علي ايده جامد. اسيل(بهمس): لاني قولت انه مينفعش ذكر يقارن نفسه براجل لانه قارن نفسه بيك... ادهم(بهمس): افهم من كدة انك سامحتيني؟
اسيل(بنفس الهمس و هي خلاص بتنام): لسه فاضل اسبوعين و ست ايام يا ادهم... اسيل نامت علي كتف ادهم و هو شايلها... باسم(بهمس): انتي كويسة؟ غزل(بهمس): اه اسيل دافعت عني انا و رحيق و البيبي... باسم(بهمس): اسف لاني مكنتش معاكي... غزل(بهمس): اسيل كانت مكانك كانت زي الجبل... باسم(بهمس): البيبي عامل ايه؟ غزل(بهمس): تمام... رحيق(بدموع و همس): انا كنت خايفة اوي... عدي: خلاص اسف اني مكنتش جمبك...
رحيق(بهمس): مسكني من شعري و مسح بيا الاوضة يا عدي... عدي(و هو بيحاول يهدي نفسه لانه شافها بشعرها بعد ما اتحجبت): متخافيش هجبلك حقك آسف... -بعد فترة... كريم: وصلنا... ادهم نزل بأسيل و دخل القصر، و عدي خد رحيق و دخل معاه القصر، باسم خد غزل و راح علي الفيلا. نيرة(بلهفة): هما كويسين؟ ادهم: اه... ادهم طلع بأسيل لاوضته و عالج جرحها، عدي خد رحيق لاوضته... نيرة و سامر رجعوا للفيلا، و كل واحد نام...
-في الصباح الباكر... -في قصر عائلة الشافعي... صفية: آآه يا دماغي منمتش غير ساعتين. سوزان: انا كنت قلقانة علي عدي اوي... عبدالرحيم: انا عايز افصل من الشغل بقي شوية... احمد: براحتك يا بابا... عبدالرحيم: الولاد مصحيوش... ليلي: صباح الخير... احمد: صباح النور... صفية: صباح الفل يا روحي... ليلي: اه انا ورايا مشاوير قد الدنيا... ليلي: كريم مصحيش لسة. احمد: لا... صفية: روحي صحيه...
ليلي: تمام، هنشوف كام حاجة للفرح... احمد: تمام يا روحي... ليلي راحت لكريم في فيلته... -عند رحيق و عدي... رحيق: صباح الخير... عدي(بابتسامة): صباح النور، عاملة ايه دلوقتي؟ رحيق: تمااااام الحمد لله، و انت؟ عدي: انا بخير... عدي: هنا في طقم نسيتي تأخديه معاكي قومي البسيه تمام... رحيق: تمام شكرا... عدي: انت مراتي... رحيق: شكرا... عدي: بت متشكرنيش انتي مراتي الله... رحيق: ولد متتعصبش عليا الله...
عدي(بضحك): طب قومي يا بت... رحيق قامت استحمت و لبست الطقم بتاعها، و عدي استحمي و لبس بدلة، و نزلوا... سوزان: بدر منور يا عدي... عدي: شكرا يا امي... رحيق: صباح الخير... احمد: صباح النور... عبدالرحيم: افطروا يلا... -عند ادهم و اسيل... ادهم قام و قعد يبص لاسيل كتير. و اسيل كانت بتتحرك في نومها كتير و هو كان بيبتسم علي تصرفاتها... اسيل(بنوم و هي مغمضة عنيها): ادهم... ادهم: نعم... اسيل(بنوم): انا سقعانة...
ادهم غطاها كويس و حضنها... اسيل(بنوم): حضنك دافئ... ادهم: انتي واعية لكلامك؟ اسيل حضنت ادهم اوي و كملت نوم... ادهم: طب قومي بقي الوقت اتأخر اوي... ادهم: مفيش فايدة... ادهم حضنها و كمل نوم تاني هو كمان...
-في الفيلا... باسم قام و نزل و ساب غزل تكمل نوم براحتها... باسم: انتوا صاحين؟ سامر: اه رأسي هتنفجر يا ابني... باسم: ليه مالك؟ سامر: منمتش غير ساعتين و نيرة صحتني علشان ايه عايزة تنزل تشترتي حاجات لرحيق... باسم: رحيق عروسة بقي معلش... نيرة: اعمل ايه يعني بنتي مجهزهاش... باسم: و ربنا تستاهلي يتقال عليكي امي... نيرة: حبيبي، غزل نايمة؟ باسم: اه.
نيرة: طب خلي بالك بقي منها و خليها تأكل كتير كدة علشان البيبي يكبر بصحة حلوة... باسم: حاضر يا امي... سامر: يلا بقي هنمشي... باسم: ماشي... باسم: صوفيا... صوفيا: نعم يا باسم بيه؟ باسم: انتي بتتكلمي عربي... صوفيا(بتوتر): اه اسيل هانم علمتني. بايم: تمام، اعملي ليا فطار انا و غزل... صوفيا: حاضر... - صوفيا جت من امريكا و اشتغلت هنا...
-في فيلا كريم... ليلي دخلت بالمفتاح بتاعها كريم وداها نسخة... ليلي طلعت علي السلالم و دخلت اوضته لقته نايم... ليلي: كريم كريم... ليلي: يا كريم... ليلي: كريييييييييم... كريم(بخضة): ايه في ايه؟ ليلي: نايم في العسل... كريم: حرام عليكي اخوكي مسابنيش امبارح... ليلي: طب قوم علشان هعمل شوبينج. كريم: انا مالي روحي مع صحابك. ليلي: كريم بليز... كريم: لا انا عايز انام. ليلي: بس... كريم شد ليلي جمبه و حضنها...
كريم: و لا كلمة نامي بهدوء... ليلي: بس... كريم: اسمعي الكلام يا ليلي...
-في قصر عائلة الشافعي... عبدالرحيم: هما مقاموش ليه؟ صفية: هطلع اصحيهم... سوزان: شكلها ماتت... رحيق: لا هي اسيل نومها تقيل و خاصة لو تعبانة... صفية طلعت لاوضة ادهم و خبطت و دخلت... صفية: اسيل اسيل. ادهم قوموا يلا... صفية: يا ولاد... اسيل: اممممممممممم... صفية: اسيل انتي اتأخرتي اوي... ادهم: ماما، هو في ايه؟ صفية: احنا بقينا العصر يا ابني... ادهم: طيب انا هصحيها تمام. صفية مشيت و ادهم لف اسيل ناحيته...
ادهم: اسيل اسيل... اسيل: خير اوف... ادهم: يلا يا حبيبتي الوقت اتأخر... اسيل فتحت عنيها و بصت لادهم... اسيل: يعني هو ورانا ايه مثلا رد عليا انا ورايا ايه انا واحدة كنت مخطوفة و كنت هموت سيبوني انام بقي حرام الله... ادهم: سيبوني هو احنا كتير... اسيل: رزل اوف... ادهم: بحبك... اسيل: بكرهك... ادهم: بموت فيكي. اسيل: مبحبكش... ادهم: اه بإمارة اللي انتي عملتيه الصبح. اسيل: عملت ايه؟ ادهم: لا بلاش احسن تتحرجي.
اسيل: عملت ايه؟ ادهم: مصرة يعني؟ اسيل(بتوتر): اه... ادهم: قربتي مني قوي و مسكتيني من رقبتي و قعدتي تقولي انا مليش غيرك انا بحبك انا بعشقك انت زوجي و ملكي و كل حاجة انت حضنك حلو انا بحبك و بوستيني و حضنتيني... اسيل(بكسوف): لا مستحيل اقول كدة او اعمل كدة. انت كداب اساسا... ادهم: ابدا و الله... اسيل خبت وشها تحت البطنية... ادهم: مش مصدقاني... اسيل: ادهم قوم... ادهم: لا...
ادهم شال من عليها البطنية و قومها من علي السرير و هو قام... اسيل: خير؟ ادهم: قومي يلا خدي دوش. اسيل: اوف تمام... ادهم(بغيرة): هو انتي كنتي كدة قدام تشارلي... اسيل: اه. ادهم: طب بعد كدة لما تيجي تنامي نامي بحاجة طويلة و محترمة... اسيل: هحاول... اسيل دخلت استحمت و خرجت راحت علي اوضة الملابس و ادهم دخل الحمام... اسيل(بحيرة): البس ايه البس ايه؟ اسيل: انا هخليك تتجنن بس برضو البس ايه؟
- اسيل طلعت فستان قصير لغاية الركبة و مجسمها و بكم بس مايلين علي الاكتاف، كان الفستان باللون الاسود. و حطت روچ دم الغزال و لبست صندل اسود و حطت كحل حدد عنيها الزرقاء. ادهم(بشرود): ايه اللي انتي لابساه ده؟ اسيل(بمكر): ايه وحش؟ ادهم(بشرود): لا ده تحفة... اسيل قربت منه و حط ايدها علي رقبته... اسيل: شكرا يا ادهم، ده من ذوقك. عن اذنك... ادهم: ايه ده ده وحش جدا... اسيل لفت حواليه و هو باصص ليها...
اسيل: بس انا شايفاه حلو. ادهم: غيريه فورا يا اسيل. اسيل: لا... اسيل نزلت جري من الاوضة علي تحت... ادهم(بصوت عالي): و ربي لاربيكي يا اسيل... اسيل: شايفين بيعلي صوته عليا ازاي يرضيك يا جدو و قال بيقول سامحيني. عبدالرحيم: انتي مش سهلة يا اسيل. اسيل(ببرائة): انا ده انا طيوبة... احمد: عملتيله ايه يا مجنونة؟ اسيل: هو مش عاجبه الفستان و انا عاجبني الفستان بس... رحيق: الفستان خرافة عليكي يا روحي.
اسيل(بغرور): عارفة. ادهم مسكها من شعرها و قربها منه... اسيل: شايف يا جدو ماسكني ازاي؟ اسامحه بقي انا ازاي؟ ادهم: اسيل كلمة واحدة اطلعي غيري الفستان. اسيل: ابدا... ادهم: متأكدة؟ اسيل: اه. ادهم شال اسيل علي كتفه و طلع علي اوضته تحت صريخ اسيل... اسيل: يا حيوان نزلني، بكرهك يا ادهم نزلني... ادهم رماها علي السرير... اسيل: حيوان زبالة مقرف... ادهم: اسيل لتخشي حالا تغيري الفستان لاما مفيش نزول من هنا...
اسيل قامت و زقته... اسيل: هنزل و مش هغير الفستان... ادهم: جنيتي علي نفسك... ادهم قطع لاسيل الفستان. تحت صدمتها الكبيرة... اسيل جريت علي اوضة الملابس تغير هدومها... اسيل(بزعيق): و ربي يا ادهم لما اطلع لاوريك مين هي اسيل الجارحي... ادهم(بضحك): مستني... - اسيل لبست فستان طويل مفتوح من الجمب باللون الاحمر و فيه زراير دهبي. و لبست صندل دهبي بكعب و حطت روچ بنفس لون الفستان... ادهم: ينهارك اسود... اسيل: ايه؟
ادهم: البسي الفستان الاول... اسيل: مش اتبترت عليه... ادهم: روحي غيري ده... اسيل: لا مش هغيره و ده مش هتعرف تقطعه يا ادهم. اسيل: انا هلبس بمزاجي انا مش بمزاجك انت... ادهم: ما انتي اللي جميلة، طب بصي بنطلون و تي شيرت ارحم... اسيل: ابدا هلبس ده... ادهم رجع شعره لورا... ادهم: بصي يا اسيل انتي مش نازلة من هنا اساسا... اسيل: لا طبعا هخرج... ادهم رب من اسيل و حط وشها بين ايده و لسة هيقرب منها...
رحيق(بصريخ): قفشتكوا... ادهم(بزعيق): الله يخرب بيتك يا شيخة مش عارف اقرب من البت... اسيل: تسلمي يا رحيق يا عسل انتي، اصله مكنش عارف ايه اللي كان هيحصله... اسيل سابته و نزلت، و رحيق فضلت تضحك... ادهم: هي قصدها ايه؟ رحيق: اسيل اللي بيضايقها بيأخد علقة مخدهاش حرامي في مطلع... ادهم: اختك جميلة ياشيخة ينعل ابو جمالها... رحيق: و انا مش حلوة بقي و لا ايه؟ ادهم: يلا يا اختي ده انتي القمر...
ادهم و رحيق نزلوا و قعدوا و بيتكلموا و بيضحكوا... الباب خبط... مها(بعياط): ادهم الحقني... الكل اتصدم...
رواية صدفة أم قدر
