حور و فهد دخلوا و لقوا جودي و يوسف و دادة إحسان بيلعبوا استغماية، فهد إستغرب جدا لما لقي جودي مستمتعة كدة... جودي انتبهت ليهم... جودي: فهد، و جريت عليه حضنته.. فهد: وحشتيني، حد عملك حاجة؟ يوسف كان هيموت من الغيرة... يوسف: مين ده يا حور؟ حور: استاذ فهد أخو آنسة جودي... يوسف: اه اوك، اتفضل اتفضل... حور بصت ليوسف بصة غضب و بعدين بصت لفهد و قالت... حور(بغيظ): اه طبعا اتفضل... فهد دخل و قعد و جمبه اخته...
حور: دادة إحسان... إحسان: إيه يا حبيبتي... حور(بهمس): في غداء؟ إحسان: اه... حور: اوك اتصرفي بقي... إحسان: ماشي.. فهد: شكرا ليك يا استاذ يوسف... يوسف: لا عادي و لا يهمك... جودي: وكمان حور يا فهد هي جابت ليا لبس و نيمتني في اوضتها... حور: متبالغيش يا جودي... فهد: اوك... حور كانت هتموت من الغيظ ده مفكرش يشكرني إشمعنا شكر يوسف و انا لا اه يا حيوان يا قليل الذوق..
في مكان تاني... حيث في المستشفي، فارس و حبيبة... الدكتور: مجرد ارهاق و برد في المعدة... فارس: اوك شكرا يا دكتور، ممكن اشوفها؟ الدكتور: اه طبعا.. فارس دخل الاوضة بتاعت حبيبة كانت حبيبة قاعدة نص قاعدة(عارفينها دي)و لا انا؟ فارس: حمد لله على سلامتك، عاملة ايه دلوقتي؟ حبيبة(بإحراج بعد ما رجعت على هدومه): احم انا تمام، و اسفة على الترجيع... فارس: و لا يهمك، اهم حاجة سلامتك... حبيبة: شكرا...
فارس: طب تحبي اوصلك اي مكان؟ حبيبة: لا شكرا مش هتعب حضرتك.. فارس: طب يلا حبيبة قدامي احسنلك... حبيبة: لا يعني لا، هتعمل ايه يعني، مش هتعمل اي حاجة مجرد كلام.. فارس عيونه احمرت و بدأ يقرب منها براحة جدا لغاية ما وصل ليها، و حبيبة كانت هتموت من الرعب بس بتحاول متبينش... فارس: هعمل كدة مثلا، و فجأة شالها و خرج بيها من الاوضة... حبيبة: انت مجنون نزلني فاهم نزلني...
فارس: انتي كنتي بتسألي هعمل ايه و اديني بعرفك... حبيبة: انت غبي و حيوان و بهيمة و و زبالة و... فارس: و طيب و لذيذ و كل البنات بتحبني... حبيبة: و مغرور؟ فارس: و مش عجبك.. و بعدين فارس وصل للعربية و نزلها و ركبت و هو ركب.. فارس: هتروحي فين؟ حبيبة: على؟يلا حور... حبيبة: عارف مكانها؟ فارس: اوصفيلي... حبيبة: اوك... في مكان تاني... نروح لندي و جاسر... جاسر قالها يلا نخرج قالتله ليه لا يلا... جاسر: هنروح فين؟
نوران: هنعمل ايه؟ ادم: مش عارف، لو موافقتش هخسر ابوي... نوران: و لو واقفت هتخسر حور... ادم بصلها بحزن شديد، راحت هي حضنته و قالت... نوران: كله هيعدي اهدي متخافش... الباب خبط... ادم: ادخل، دخلت فيروز... فيروز: الوكل(الاكل)يا اخو جوزي... نوران: اوك نازلين... نزلوا و قعدوا... مجدي(والد ادم): ها جولت(قولت) ايه يا ولدي؟ ادم بص لنوران علشان يستمد منها القوة...
ادم: هعاود(هرجع)القاهرة الاول و هكلم حور و اجولك(اقولك) يا بوي.. خالد(ابن عم حور): و من ميته(امتي)بنأخد رأي حريمنا؟ مجدي: سيبه يا خالد... مجدي: متعوجش (متتأخرش)يا ادم... ادم: حاضر يا بوي... نرجع لحور و فهد في؟يلا ادم الشاذلي... كانوا يوسف و فهد بيتكلموا و حور و جودي برضو... و بعدين حور انتفضت و هي بتصرخ... حور: عاااااااااااااا... الكل اتخض حتى دادة إحسان. يوسف: ايه في ايه؟ إحسان: في ايه يا حور مالك؟
حور: منة في الشركة و قولتلها هأجي اخدك... إحسان: ده انا اللي هأخد روحك يا بعيدة، و قلعت شبشبها و كانت هتنزل بيه على حور... حور: خلاص خلاص و الله سماح المرة دي... إحسان: ماشي يا مجنونة... ده كله كان وسط دهشة فهد و جودي لانهم ملقوش حب زي كدة... يوسف: جتك نصيبة في شكلك يا شيخة... حور: اتلم... حور اتصلت على منة... الخط اتفتح... منة: إنتي فين يا زبالة؟ حور: و الله اسفة اخر مرة روحت على البيت و كدة...
منة: و انا اروح ازاي؟ حور: هبعتلك يوسف... يوسف(بهمس): مش نازل فاهمة... حور بصتله بغيظ و قامت تضربه و هي بتكلم منة... حور: اه يا حبيبتي لا متقلقيش هبعتلك عربية بسواق... حور: مستنياكي، هخلص مهمة عقبال ما تيجي... حور: خلي بالك من نفسك... منة: اوك يا حبيبتي باي... حور: باي... حور: يا واطي دي صاحبتي و اختي مش قادر تجيبها... يوسف: هي معندهاش صاحب اعمل ايه انا مالي... حور: ذنبها انها محترمة...
حور: دادة قولي للسواق يروح يجيب منة من الشركة و اه و يجيب رودينا معاه... حور اتصلت برودينا... الخط اتفتح... حور: الو يا رودي بقولك... رودينا: ايه؟ حور: هبعتلك السواق هيجيبك انتي و منة... رودينا: بس.. حور: مفيش بس و اه ادي اجازة للموظفين... رودينا: اوك حاضر... يوسف: ابوكي لو عرف هيعمل منك صوابع كفتة... حور: و انا ممكن اقول لماما على مين اللي بوظ العربية و عمل بيها حادثة...
يوسف: احم في ايه يا قلبي مالك قفوشة ليه... حور: ايوه كدة اتعدل... فهد: طب نستأذن احنا. يوسف: لا ابدا لازم تتغدي، و بعد محاولات فهد و جودي قعدوا... باب الفيلا خبط... حور راحت فتحت... فتت لقت.. ندى و جاسر حبيبة و فارس... حور: انتوا متقفين؟ حبيبة: لا وسعي... دخلوا و راحوا مكان فهد فارس اول ما شاف اخته راح حضنها و شالها... حبيبة كانت بتولع و قاعدة عمال تسأل مين دي... قعدوا و سلموا... حور: طبعا الكل مستغرب...
حور حكت كل حاجة حصلت و فارس و جاسر شكروا يوسف و حور... ندى: إحنا لو متقفين مش هنعملها... حبيبة: عندك حق، هههههه حور: بس انتوا كنتوا فين وبتعملوا ايه؟ حبيبة: ها كنا بنعمل ايه؟ ندى: مكناش بنعمل حاجة... حور: اه ما انا عارفة... جاسر: طب ما نتصل بمعاذ... حور: عندك حق يلا و نتجمع... يوسف: بس ثانية انتوا تعرفوا بعض منين و مين معاذ؟ حور: روق يا چو هبقي احكيلك... يوسف قام و مسك حور و قالها.. يوسف: قدامي يا روح چو...
حبيبة و ندى قعدوا يضحكوا... حور: طب و ربنا لوريكوا... حور: ياااااااا دادة.. إحسان: في ايه تاني؟ شافت يوسف ماسكها من شعرها.. إحسان: نزل ايدك يا ولد... يوسف: شكلك وحشتك ايام زمان... حور و حبيبة و ندى ضحكوا من قلبهم جدا كانوا بيشرقوا من كتر الضحك، لدرجة ان الخدامات جابت ليهم مايه... حور: ههههههههه لا مش قادرة لسة فاكرة منظرك... حبيبة: و انا لما كنتي بتحكيلي كنت بموت من الضحك..
ندى: و انا مرة شفته و مكنتش قادرة... جودي: هو ايه اللي كان بيحصل زمان؟ يوسف: لما تكبري احسن... جودي: انا كبيرة فاهم... فهد: خلاص يا جودي... عند منة و هي في العربية هي و رودينا... كانت في لجنة و في ظابط أمور حليوة، واقف بيسأل على الرخص... جت عربية حور... الظابط: الرخص... السواق: دي عربية سيدة الاعمال حور، و الرخص خلصانة.. الظابط(بعصبية): انا مالي انزلي.. منة اتعصبت ازاي يعلي صوته على راجل كبير.. منة نزلت...
منة: انت ازاي تكلمه كدة انت غبي... السواق و كان اسمه(عبد الرحيم)... عبد الرحيم: اركبي انتي يا ست هانم... منة: ده شخص عديم الذوق و التربية، و مش محترم و مش متربي و اللي لبسه بدلته دي يبقي غلطان، شخص حقير وو منة لقت قلم نزل على وشها... منة(بصدمة): انت انت عملت ايه؟ الظابط: انا عملت اللي واحدة زيك تستحقه؟ رودينا نزلت و قالت... رودينا: آسفين يا فندم و منة ارجوكي يلا... منة: انا مستحيل اسيب حقي...
الظابط: هتعملي ايه يعني؟ منة جاية تتكلم، جه واحد شكله زميل الظابط اسمه (وليد)... وليد: خلاص يا مالك عديهم... مالك: و لو شغلنا الحفاظ على البلد من اشكالهم... رودينا سحبت منة و ركبتها في العربية.. وليد: خلاص امشي بس متكررهاش... عبد الرحيم: شكرا يا باشا... عبد الرحيم مشي و منة مصدومة و راحوا على بيت حور و نزلوا، و الخدامة فتحت و منة راحت على مكانهم... منة اول ما شافت حور حضنتها جامد...
منة(بدموع): حور انا انا مش غلطانة صح؟ حور(بقلق): اهدي في ايه يا منة فهميني؟ ندى و حبيبة قاموا ليهم... ندى: منة في ايه طمنينا؟ حبيبة: لو في حد عملك حاجة قوليلنا و احنا نعلمه الادب... حور: في ايه يا منة هو في حد يزعل القمر ده قمر في السماء... ندى: صح ده اللي يعمل كدة يبقي حمار... حبيبة: و اعمي مبيشوفش.. حور: طب ما هي هي ايه الغباء ده... فضلوا وراها لغاية ما ضحكت و رحبوا برودينا...
و معاذ كانت عينه على رودينا طول الوقت لغاية ما رودينا لاحظت، و اتحرجت.. حور: طب يلا على الغداء... حور: استاذ فارس روح مع يوسف هيجيب لحضرتك غيار علشان الترجيع و كدة... فارس بص لحبيبة فحبيبة اتحرجت لانها السبب... فارس ضحك على احراجها... يوسف: هو انتي زنقاني في اي مشوار... حور: اعتقد ان بابا قال انك راجل البيت ده المفروض... يوسف(بغيظ): اتفضل معايا يا استاذ فارس..
و راحوا كلهم على السفرة و فارس و هو بيغير بلغ والده انهم لقوا جودي و هما شوية وراجعين... و والدة جودي فرحت جدا... عند السفرة بقي... قعدوا كلهم... حور: دادة يلا اقعدي.. إحسان: لا يا بنتي مينفعش... حور: اوك مش هأكل انا قايمة... حبيبة: و انا... ندى و منة: و احنا... إحسان: انتوا هتعملوا اضطراب، خلاص هأكل... حور: اموت في اللي بيسمع الكلام... إحسان: فين الشبشب؟ حور: خلاص يا حاجة... و قعدوا يضحكوا و يهزروا...
وفجأة... واحد من الخدم اسمه(شفيق)جاي بيجري بسرعة ناحية حور، الكل اتخض... شفيق: ست حور ست حور الحقي...
وقفنا آخر حاجة في الفصل التامن على.. شفيق جري ناحية حور و هو بيقول... شفيق: ست حور ست حور الحقي... حور(بفزغ): في ايه؟ الكل اتخض... شفيق(هو بيحاول يأخد نفسه): رامي بيه هنا و مضروب بالنار... حور(بشهقة): راااامي، و قامت تجري على برا... يوسف: ازاي مستحيل! مستحيل... حبيبة: ده لو حصله حاجة حور مش هتسامح نفسها... ندى: ادعي بس ربنا يصبرها و يصبر يوسف... منة: يلا نقوم... فارس: هو مين ده؟
حبيبة: ده يبقي اخو يوسف في الرضاعة و حور بتحبه اوي... ندى: احنا بنتكلم يلا على بره... كلهم خرجوا لقوا حور حاضنة رامي و بتعيط و يوسف راكع و قاعد جمبه و بيعيط بصمت... حور: انتوا مستنين ايه؟اتصلوا بالاسعاف... جاسر اتصل بالاسعاف و عدا وقت بسيط على ما الاسعاف جت... دخلوا رامي اوضة العمليات... جاسر كان واقف مع ندى، فارس واقف مع حبيبة...
معاذ قاعد جمب رودينا و منة، جودي راحت تواسي يوسف و فهد بيبص على حور و مستغرب انها ضعفت للدرجة دي... جودي: متقلقش خير... يوسف: ان شاء الله خير، شكرا... جاسر: طب انتي ايه النظام؟ ندى(بإستغراب): ايه؟ جاسر: زعلانة و لا... ندى: انا زعلانة على حور بس... جاسر: الحمد لله... ندى: قصدك ايه؟ جاسر: لا مفيش... فارس: هو انتي زعلانة عليه؟ حبيبة: اه طبعا... فارس(بعصبية خفيفة): نعم هو يبقي اخت صاحبتك تزعلي عليه ليه...
حبيبة: اعتقد ده مش وقته... فارس: ليكي روقة... الدكتور طلع حور جريت عليه... حور: ايه؟ الدكتور: دخل غيبوبة... حور: نعم ازاي؟ الدكتور: بس هو كل شوية و هو تحت تأثير البنج كان بيذكر اسم حور كتير و كلمة خطر... يوسف: ده معناه انك في خطر يا حور... حور: مش مهم المهم رامي... طلعوا رامي على حمالة و ودوه على العناية المركزة... حور(بعياط): رامي ارجوك متخلنيش اضعف اكتر من كدة...
و بعدين افتكرت حاجة و قامت فجأة و مسحت دموعها و قالت... حور(بكره): مش بنت حواء اللي تتكسر يا ابن ادم.. الجملة دي كان رامي بيقولها لحور علطول... حور: شكرا ليك يا استاذ فهد و لحضرتك يا فارس و استاذ جاسر و استاذ معاذ معلش تعبناكوا معانا و شكرا ليكي يا جودي... فهد: إحنا هنفضل هنا... فارس: إحنا يعتبر بقينا اخوات... جاسر: طبعا... جودي: و انا اعتبرتك يا حور انتي و منة و ندى و حبيبة اخواتي...
حور: شكرا ليكوا بس مش عايزة اتعبكوا... و بعدين جه الظابط اللي هيحقق مع الناس اللي تعرف المريض... منة اول ما شافته... منة: انت!ايه اللي جابك هنا بره... مالك(ببرود): ملكيش فيه احسنلك... حور: منة ده مش وقته... منة: بس ده اللي ضربني بالقلم... حور(اتعصبت لما استنتجت ان منة كانت بتعيط بسببه)... حبيبة: خلاص يا منة بعدين حور مش فايقة... ندى: نسيب حق صاحبتنا كدة يعني... حور: اسكتوااااا كلكوا... حور: حضرتك جاي ليه؟
مالك: علشان احقق في قضية الاستاذ رامي... حور: اتفضل حضرتك... بعد ما مالك خد اقوال كل اللي يعرفوا رامي و خلاص هيمشي... حور: بس ثانية... مالك: اتفضلي... حور ضربته قلم نزل يرزع على خده... حور: ده علشان إتجرأت و مديت إيديك عليها... حور: منة تعالي خدي حقك... منة: خلاص يا حور، و خرجت.. مالك كان هيمد إيديه على حور... فهد مسك إيديه... فهد: تتقطع قبل ما تفكر، و احسنلك تمشي من هنا... مالك خرج و كان متعصب...
مالك خرج لقي منة واقفة قرب منها.. مالك: هتندمي... منة(اتخضت بس مبينتش): بعشق الندم؟ مالك مشي... منة رجعت ليهم... حور: خلاص يلا كل واحد على شغله... حور: حبيبة بما إنك تعبانة روحي على الفيلا بتاعتي، و انتي يا ندى مفيش شغل لمدة يومين كدة... ندى: بس يا حور... حور: ارجوكي ده لسلامتنا كلنا... حور: و بما إنك يا منة موقوفة لفترة يبقي كلكوا هتروحوا على؟يلتي، لسلامتكوا... حبيبة محبتش تعارض علشان صاحبتها، و نفسيتها..
حبيبة: خلاص ماشي... حور: و بعد إذنك يا أستاذ فارس حبيبة هتأخد إجازة... فارس: اوك ماشي... فهد كان مندهش ازاي قادرة تمسك نفسها... حور: و يوسف هنقسم الشركات عليا انا و انت، لغاية ما بابا يجي... يوسف: ماشي... حور: و اتصل على قاسم، عايزة اقابله في الشركة كمان ساعتين، يأخد طيارة خاصة و يجيلي من باريس، فاهم... يوسف: خلاص يا بنتي اهدي هعملك كل اللي انتي عايزاه...
حور: و حضرتك يا استاذ فهد بما ان اختك رجعت بالسلامة يا ريت نحدد ميعاد قريب علشان الصفقة... فهد: كمان يومين ينفع؟ حور: اه اوك... حور: شكرا تعبتكوا معايا كلكوا... و فهد و جاسر و فارس و جودي و معاذ مشيوا... حبيبة: هتعملي ايه يا رودينا؟ رودينا: هرجع على الشركة... حور: انتي هتيجي معايا في الفيلا... حور: هو هيدمر كل اللي اعرفهم... يوسف: قصدك إيه و هو مين؟ حور(انتبهت للي قالته): لا مفيش...
حور: يوسف خد حبيبة و منة و ندى و رودينا معاك... حبيبة و ندى و منة عرفوا قصدها إيه... بعد ما الكل ما مشي... حور طلبت من الدكتور انها تدخل تشوف رامي و تتكلم معاه، الدكتور وافق لان ده ممكن يساعد الإنسان على انه يفوق من الغيبوبة او يديله دافع للحياة... حور دخلت... حور: انت الوحيد اللي عارف قد ايه انا ضعيفة... حور: انت اللي لما كنت بضعف تقويني...
حور: دلوقتي انا ضعيفة اوي محتجاك ارجوك، قوم علشان خاطري، انت اللي بتقويني، هو قاصد يحرق قلبي هو قاصد يخليني وحيدة و اخسر كل اللي بحبهم... و بعدين حور قامت و راحت على الشركة... و بعدين قاسم جه من باريس و راح على الشركة... الباب خبط... حور: ادخل، قاسم دخل.. حور: ازيك يا قاسم... قاسم: بخير و اخبار رامي ايه؟ حور: مش محتاجة اقولك رامي فين او حصله ايه صح؟ حور: قاسم انا عايزة اعرف كل اللي حصل.. قاسم: هحكيلك...
Stop... طب يا جماعة دلوقتي احنا عايزين نعرف مين اللي حور تقصده و رامي ليه اضرب بالنار... -من 3 سنين، كانت حور عندها 21 سنة، في مرة كانت في رحلة مع والدها و والدتها و حبيبة و منة و ندى، كان يوسف مسافر لشغل... و كانت حور بتتمشي على البحر.. شخص: لو سمحت... حور: نعم اتفضل... الشخص: شوفتك ماشية لوحدك قولت اجي و نتكلم... حور: لا شكرا ليك انا مش لوحدي... الشخص: الصبر يا حلوة...
حور بصتله و جاية تمشي لقت حراس الراجل ده محاوطينها، الناس كلها كانت خايفة تقرب لان الناس عارفة مين هو فتحي الشناوي... فتحي: ها ايه رايك؟ حور: انت مين و عايز ايه؟ فتحي: انا مين فأنا فتحي الشناوي، عايز ايه فانا عايزك انتي يا حور... حور: انت تعرفني! فتحي: هسيبك تفتكريني، بس احسنلك متقوليش لادم... فتحي سابها و مشي و حور بتحاول تفتكر الاسم ده...
و بعدين حور افتكرت، ان لما حور كانت بتتدرب في شركة والدها، كان في صفقة و هي اللي كسبتها و خسرت الطرف التاني اكتر من 2 مليار جنيه... حور(في نفسها): يعني هو عايز ايه بقي؟و قصده ايه بإنه عايزني... حور محطتش في دماغها و روحت نامت... تاني يوم، حور حكت لحبيبة و منة و ندى.. ندى: يا ستي كبري اعتبريه شخص عابر و خلاص.. حبيبة: ندى عندها حق متشغليش نفسك... منة: يا ستي فكك هيعمل ايه...
حور: صح فعلا هيعمل ايه يلا نستمتع... حور شالت من تفكيرها الكلام ده، و بعدين رامي جالهم على مكانهم و رحبوا بيه... و كانوا مرة حور خرجت، و اتأخرت.. حور: يا ربي انا ايه اللي خلاني الف لوحدي و كمان الفون فصل اوف... حورلاحظت ان في ناس مراقباها... حور حاولت تهرب و جريت برضو جريوا وراها... لغاية ما وصلوا ليها و رشوا في وشها رشاش اغمي عليها... الدنيا كلها اتقلبت لان حور مختفية... حور في مكان تاني صحيت...
حور: آه ايه اللي حصل؟ وبعدين حور افتكرت، و لقت ايديها مربوطة، قامت و حاول تفك ايديها لغاية ما بابا الاوضة اتفتح... حور: مين؟ فتحي: اهلا بالقطة... حور: هو انت! فتحي: شوفتي السرعة... فتحي لرجالته: جبوها على السرير... في اللحظة اللي خدوها حور شغلت نظام التتبع، رامي دايما بيخليها هي و ندى و منة و حبيبة يلبسوه، بس حور مكنتش بتحبه فمبتشغلهوش...
كانوا بيدورا على حور في مكان قريب من مكانها الاصلي لغاية ما وصلت إشارة لرامي... رامي: قريبة من هنا... و راحوا كلهم ناحيتها... حور فتحي كان بيحاول يغتصبها و لكن هي كانت بتقاوم و ضربته في بطنه برجليها... و بسرعة رامي اول واحد وصل للمكان... و بعدين الكل وصل و رامي دور على حور لغاية ما دخل الاوضة لقي فتحي بيحاول اكتر و حور بتقاومه... رامي ضرب فتحي كتير.. و بعدين اتقبض على فتحي و اتحكم عليه ب بسنتين...
فتحي: هتندمي هتندمي، راجع يا حور راجعلك... كلهم قفلوا على الموضوع، و قالوا انهم مش هيقولوا لحد و لا صحافة و لا اي حد حتى يوسف...
نرجع بقي لقاسم و حور... قاسم: هحكيلك... قاسم: انا و رامي كنا في مرة بنشتغل و جه جواب لرامي رامي فتحه لقي مضمونه... الجواب هتندم يا رامي انت و حور رامي محطش في دماغه و قعد 6 شهور و محصلش حاجة و بعدين مرة رامي كان سايق و اتفأجي ان مفيش فرامل و اضطر انه ينط من العربية و الحمد لله بقي بخير و بعدين جاتله رسالة... الرسالة قربت النهاية قربت اوي.
رامي قرر يعرف مين هو و كدة لغاية ما عرف مين و اكتشف ان ده شخص اسمه فتحي الشناوي و عضو من اعضاء المافيا، و اول ما عرف قرر ينزلك و يشوفك و بعدين حصل اللي حصل... حور: خلاص يا قاسم شكرا... حور: قاسم انا بثق فيك انت هتكون مكان رامي هناك... قاسم: امرك يا حور.. حور: شكرا، تقدر تمشي... حور روحت بيتها... حور: اهلا يا جماعة... يوسف: تمام، ابوكي و امك اتصلوا و قولتلهم انك في الشغل... حور: اوك، اتعشيتوا؟
حبيبة: لا مليش نفس... حور: ليه منك ليها؟ حور: دادةاحسان... إحسان: نعم يا بنتي.. حور: جهزي العشاء... ندى: مفيش داعي... حور: ده حتى عندنا رودينا حسوا.. حور: معلش يا رودينا تعبينك... رودينا: لا عادي و لا يهمك.. حور: يلا قوموا، و فرفشوا محصلش حاجة، فترة و هتعدي، انا طالعة اغير... حور طلعت و غيرت و لسة هتنزل جاتلها رسالة... الرسالة متقلقيش كل حاجة هتبقي بخير حور: انت تاني! حور: انت مين و عارفني من فين؟
الشخص: مش مهم المهم انك تبقي قوية و متخليش حاجة تأثر فيكي... حور: و انا بقي المفروض استمع لنصايحك يا مجهول... الشخص: المفروض... حور: المفروض عند المكواجي... و قفلت حور، و نزلت و اتعشوا كلهم... كل واحد طلع على اوضته، كانت الساعة لسة9.. حور: هتصل ببابا... حور بتتصل على والدها... الخط اتفتح... حور: ازيك يا معلم عامل ايه... خالد(ابن عمها): كيفيك يا حور؟ حور: مين معايا؟ خالد: انا ابن عمك...
حور: حور اه تشرفت، فين بابا؟ خالد: مع جدي علشان يتحددوا(يتكلموا) في العرس(الفرح).. حور(بإستغراب): عرس ايه و لا عرس مين؟ خالد: عرسنا... حور: نعمممممم! حور: وديني بابا فورا... حور: او ماما انجز... خالد: ما تهدي اومال... حور: اسكت انت خالص، وديني ماما... نوران سمعت صوت حور شدت التليفون منه... نوران: الو يا حبيبتي... حور: ماما ايه اللي الجدع ده بيقوله؟ نوران: متخافيش يا حور احنا جايين كمان يومين...
حور: ماشي يا ماما لكن لو اللي قاله صح متزعلوش مني... حور حاولت تنام و كل ما تنام تفتكر فتحي و اللي كان بيعمله، قامت و راحت على اوضة حبيبة... حور: حبيبة حبيبة... حبيبة: اممممم حور: نيميني جمبك... حبيبة: ليه؟ حور: علشان مبحبش انام لوحدي وسعي يلا... حور نامت جمب حبيبة و اليوم بالنسبة لعائلة الشاذلي خلص... نروح لمكان تاني... عند فهد... معاذ: ايه من ساعة ما حور و ندى و حبيبة ظهروا مبقتوش زي الاول ليه؟
فارس: نعمل ايه يعني.؟ معاذ: مززز خمرة ديسكوا، كدة يعني... جاسر: اتلهي... جاسر: انا قررت ارتبط بندي... جاسر: و هتقدملها بكرة... جاسر: باي احنا صحاب اه لكن انا بعتزل من الدنيا دي.. فارس: مش عارف بحس ان حبيبة فيها شخصية بنت كيوت و عسل و بعدين بتقلب اعوذ بالله واحدة شرسة و مجنونة... معاذ: و الله و وقعتوا انتوا الاتنين... جاسر: الصراحة اه... فارس: مش عارف... فارس: مالك يا فهد ساكت ليه... جاسر: بيفكر في حوريته...
معاذ: مين بالظبط؟ فارس: اه حور... فهد: ما تسكتوا انتوا التلاتة... فهد: انا لو بفكر في حور فبفكر ازاي اكسرها بس مش اكتر... معاذ: و انا كنت فاكرك واقع... فهد: مش الفهد اللي يقع... جاسر: هتندم... فهد: مش برضو الفهد اللي بيندم على حد... فارس: ده انت اول حد هتقع... فهد: المهم مين اللي إتجرأ و خطف اخت الفهد... جاسر: تبقي امه داعية عليه... فهد: معاذ دي مهمتك... معاذ: عيوني... عبد الحميد دخل عليهم، و قال..
عبد الحميد: احكولي ايه اللي حصل... فارس حكي اللي يعرفه و فهد حكي و جاسر يعتبروا كلهم حكوا اللي يعرفوه... عبد الحميد: قولتوا عيلة مين؟ فهد: ادم الشاذلي... عبد الحميد: وبنته حور صح؟ فهد: اه هو في ايه؟ عبد الحميد: اخرجوا كلكوا... كلهم كانوا مستغربين... عبد الحميد: ما عدا فهد... فارس: بس ليه؟ عبد الحميد: ملكش فيه... جاسر: هو في حاجة؟ معاذ: يلا يا رجالة يلا، سلام.. اول ما خرجوا.. فهد مستني والده يتكلم...
عبد الحميد: تتجوز حور؟ فهد الصدمة أثرت عليه... فهد: نعم!
عبد الحميد: تتجوز حور؟ فهد و الصدمة أثرت عليه... فهد: نعم! فهد: و ليه و تعرفها منين؟ عبد الحميد: مبدأيا خليك عارف لو انت معملتش هخلي أخوك يعمل... فهد: هو المهم انها تتجوز حد من العيلة؟ عبد الحميد: اه لازم... عبد الحميد: انا هحكيلك... فهد: و انا سامع...
عبد الحميد(بكدب): انا كنت متجوز على امك و الست اللي انا اتجوزتها خلفت بنت اسمها جوليا بس الحلو مبيكملش، حور دي خبطتها بالعربية و هي كان عندها 20 سنة، و دلوقتي اختك اتشلت و بقت قعيدة، (و بيكمل بدموع و كذب) انا رفعت قضية بس هما جم و عرضوا عليا فلوس و كانوا في قمة البرود خلوا بنتي تبقي مشلولة و قالوا ليا معلش، انا عايز حق بنتي يرجع... فهد: يعني ايه يعني انا ليا اخت و مشلولة و حور السبب!
عبد الحميد: اه و كمان لو عايز تشوفها هوريهالك... فهد: طبعا هشوفها... عبد الحميد: بكرة نروحلها... عبد الحميد: هتتجوز حور؟ فهد: هقولك... عبد الحميد مشي و فهد فضل لوحده... فهد(بيكلم نفسه): ازاي ازاي ده مش باين عليها... (عقله): كل بنات حواء صنف واحد... (قلبه): متصدقش و متحكمش حاجة غير لما تعرف بنفسك... (عقله): لا اكيد هي بنت شمال بس عاملة نفسها محترمة... (قلبه): متحكمش غلط... (عقله): لازم تتجوزها و تعذبها...
فهد قام علطول و راح على اوضته علشان ينام، و نام... في الصباح الباكر... حور صحيت من نومها، قامت راحت على اوضتها و لبست، قميص ابيض و بنطلون اسود و لمت شعرها على شكل كحكة و حطت روچ باللون الاحمر القاتم... و لبست صندل بكعب، و خدت شنتطتها... حور راحت و صحت حبيبة و منة و ندى و رودينا.. و نزلت كلهم فطروا، و يوسف لسة نايم.. حور: لو عايزين تخرجوا اخرجوا بس بشرط يبقي في حراسة...
ندى: بس انا مبحبش ان حد يبقي ماشي ورايا... حور: ده لمصلحتك و كمان مش هيبقي ملازمينك هيبقوا بعيد... حبيبة: ده لسلامتنا يا ندى... منة: اه كان نفسي اضربه امبارح.. حبيبة: اه علشان كدة جريتي... ندى: عندك حق، ههههه رودينا: بس الصراحة الواد مز... حور: متنخدعيش بالمظاهر... رودينا: بس مش كلهم... حور: ممكن، عند حبيب؟ رودينا: لا... حور: طب خلي بالك من نفسك... حبيبة: طب انا مبحبش قعدة البيت...
حور: روحي شغلك، و اه سلميلي على فارس(بخبث). حبيبة: و انا مالي الله... ندى و منة فهموا خطتها... ندى: هو مش انتي كمان رجعتي عليه لازم تجبيله هدية... منة: صح انتي غلطانة... حبيبة: انتوا معاه الله انتوا متفقين... حور: خالص... حور: احنا بنقول الاصول... ندى: هي مبتفهمش في الأصول... منة: و كمان وصلك لغاية هنا... حبيبة(بعصبية): ده كان غصب عني... حور ضحكت لانها وصلت لمرادها... حور: ازاي بقي غصب عنك؟
حبيبة: انا قولت غصب عني! منة: حبيبة متحوريش... ندى: البت بقت بتخبي علينا... حبيبة: اوف هحكي هحكي... حبيبة حكت كل حاجة حصلت... حور: واو! ندى: يا بختك... منة: بس ده بتاع ستات هو و صحابه... حور: عندك حق.. حور: يلا يا رودينا نروح الشركة... حور: خلوا بالكوا من نفسكوا... حور: رودينا معلش هروح لرامي و هجيلك تاني... رودينا: اوك براحتك... حور وصلت رودينا الشركة و راحت على المستشفي.. حور راحت على رامي...
حور: انا حاسة اني ضايعة بس بحاول مبينش... حور: اني اكتم احساسي اصعب من اني اكون حاسة بيه... حور: قوم بقي محتجاك... حور: انا همشي وجيالك تاني... حور راحت على الشركة و بدأت الشغل... في مكان تاني.. عند؟يلا عبد الحميد... كلهم بيفطروا على السفرة... فهد: زي ما اتفقنا يا بابا هنروح على الساعة3.. عبد الحميد: ماشي يا حبيبي... إيناس: هتروحوا فين؟ عبد الحميد: شغل يا إيناس شغل... فهد: فارس هتيجي الشركة؟
فارس: لا المجلة... فهد: ماشي... فهد: و انتي يا جودي؟ جودي: ممكن النادي او إنچي... فهد: تاني إنچي كفاية ابن عمها ده مش بطيقه... جاسر: احنا ازاي مفكرناش بكدة... فارس: ايه؟ جاسر: ابن عم إنچي هو السبب.. فهد: تفتكر... جودي: لا طبعا لا لا إنچي بتحبني... فهد: إياكي اعرف انك كلمتي إنچي فاهمة و تأخدي حراسة... جودي: ماشي ماشي... فهد: فارس تعالي على الشركة بليل... فارس: ماشي... في مكان تاني... عند ادم و نوران...
نوران: حور شكلها عرفت... ادم: هنعمل ايه؟ نوران: حور ممكن تنهار... ادم لسة هيتكلم... مجدي: واه واه خايفين على حرمة، (ايه ده انتوا خايفين على واحدة ست).. ادم: مش كدة يا بوي... خالد: اومال؟ نوران: يا حاج حور حساسة و مش هتعرف تتعايش هنا... محسن(اخو ادم و عم حور): و من ميته بتهمنا حرمة، (و من امتي بتهمنا واحدة ست)... فيروز: معرفش يا حاج... ادم: محسن بعد اذنك سكت مرتك(مراتك)...
مجدي: واه هتتخانق مع خوك علشان حرمة... نوران: مش كدة يا حاج... مجدي: اومال يا ام يوسف... ادم: بوي انا راجع القاهرة... مجدي: مفيش رجوع و خالد هيروح يجيب عروسته... نوران: بس مينفعش يا حاج.. مجدي: هتخسرني يا ادم؟ مجدي: قدامك الخيار... آدم: مش هقدر اكسر بنتي يا بوي... مجدي: كنت عارف، خالد... خالد: نعم يا جدي... مجدي: خد الرجالةو جيب عروستك... خالد: حاضر يا بوي... نوران: بنتي لا... في مكان تاني... عند ندى...
لبست و ركبت عربيتها و راحت على شغلها... ندى اشتغلت و هي بتشتغل تليفونها رن... الخط اتفتح... ندى: خير يا جاسر... جاسر: ممكن تطلعي من شغلك ثانية... ندى: ليه؟! جاسر: لما تخرجي هتعرفي... ندى: اوك... ندى خرجت و كانت لابسة:.
خرجت ندى لقت جاسر... جاسر واقف في قلب احمر محطوط بورورد و في ايديه بوكية ورد باللون الابيض اجود الانواع، و في بوستر مكتوب عليه بحبك... ندى اتصدمت... ندى: ايه ده؟ جاسر: بحبك... جاسر ركع و طلع خاتم سوليتير (نوع غالي)...
جاسر: الصراحة انا عرفت بنات كتير قبلك و خدعتهم و لكن انتي الوحيدة اللي لما شوفتك قلبي مطاوعنيش اني اخسرك او افقدك و لأول مرة يا ندى اقع في الحب بجد انتي غيرتيني من ساعة ما شوفتك امتنعت عن الشرب و الستات و بعدت عن كل حاجة وحشة، ندى تقبلي انك تكوني في حياتي... ندى كانت لسة مش مستوعبة و مصدومة... ندى: بس انا...
جاسر: عارف هتقولي مين الاهبل اللي لسة منعرفش بعض خالص ده بس و الله العظيم حبيتك، و انا هديكي فرصة ممكن نبقي اصدقاء بس و اكيد هتحبني بس لو مبادلتنيش نفس الشعور اوعدك هختفي خالص، بس ادي نفسك فرصة... ندى(بعد تفكير): موافقة بس بشرط متفتكرش اني كدة بحبك دي مجرد تجربة... جاسر: ماشي يا ستي، يلا.. ندى: على فين؟ جاسر: مفأجاة... في مكان تاني... عند منة...
منة من النوع اللي ساعات بتحب تمشي لوحدها في اماكن متعرفهاش، فكانت ماشية... منة ماشية و فجأة في 3 شبان طلعوا قدامها... الاول: في ايه يا مزة ما تيجي... الثاني: هتنبسطي اوي... الثالث: مش هتندمي... منة: لو سمحت منك ليه امشوا من هنا... الثاني: ليه بس ده احنا هننبسط... الثالث: متخافيش جربي... منة: هو مش انا قولت امشوا... الاول مسك ايديها و قال... الاول: في ايه يا حلوة ما تبقي فرفوشة علشان نحبك...
منة بدأت تخاف و خلاص هتعيط... و فجأة... مالك: طب نزل ايديك يا روح امك... الثاني: ده انتي طلعتي سوابق... مالك مسك ايد الاول و كسرها... التاني لسة جاي يضربه مالك ضربه بوكس و ضرب التالت و التلاتة جريوا خوف... مالك: انتي بخير؟ منة: لا شكرا تعبتك... مالك: عادي.. مالك: انتي هنا من المنطقة؟ منة: لا، و بعدين افتكرت انه هو اللي ضربها... منة: انت حيوان و زبالة و مقرف... مالك: بس بس ايه ده؟
مالك: عموما اسف على اللي عملته، مكانش ينفع امد ايدي عليكي، بعتذر... منة: و المفروض اعمل ايه بقي بأسفك... مالك: طب المفروض اعمل ايه علشان تقبلي اعتذاري.. منة(بتفكير): اممممم. اوك عايزة كريب و بيتزا و حواوشي اسكندراني و بطاطس و كفتة و لحمة و فراخ و عيش سوري و شيكولاتة و تورتة و عصير و قهوة و آيس كريم... مالك: بسسسسسسسسس... مالك: ده كله هتأكليه لوحدك...
منة: مش انت اللي عايزيني اقبل اعتذارلك، و كمان شكلك مش معاك فلوس... مالك: اوف يلا قدامي هجبلك اللي انتي عاوزاه... منة: و بيبسي و متنساش البيبسي دايت... مالك بصلها بإستغراب.. مالك: ده كله و بعدين بيبسي دايت... مالك: يا رب الرحمة.. مالك: يلا قدامي.. في مكان تاني... عند حبيبة.. حبيبة مشغولة بشغلها و مندمجة و ملاحظتش اللي واقف قدامها، و بعدين رفعت رأسها... حبيبة(بخضة): فارس... حبيبة: اقصد استاذ فارس..
فارس: استاذ ايه بقي بعد ما رجعتي عليا... حبيبة(بإحراج): اعمل ايه يعني... فارس: حتى و انتي غلطانة كدة، يا ربي... فارس: شكلي هتعب... فارس: حصليني على اوضة مكتبي... حبيبة: اوك... في مكتب فارس.. حبيبة: ها ايه؟ فارس: مش ملاحظة حاجة... حبيبة: ايه؟ فارس: يعني ان جاسر و ندى، فهد و حور... حبيبة: ايه فيها ايه يعني، فين المشكلة؟ فارس: حمارة مبتفهميش.. حبيبة: نعم! فارس: روحي شغلك... حبيبة: اوف اوك... حبيبة بعد ما خرجت...
حبيبة(في نفسها): انا حمارة يا بغل انت، بس هو كان قصده ايه، ليكون اللي فكرت فيه... حبيبة: مش هشغل نفسي... في مكان تاني... فهد و عبد الحميد قدام شقة في عمارة... فهد: هي دي الشقة؟ عبد الحميد: اه... خبطوا الباب و فتحت ليهم خدامة... الخدامة: اتفضل يا استاذ عبد الحميد، انسة جوليا منتظراك... دخلوا و استنوا في الصالون... دخلت عليهم واحدة قاعدة على كرسي متحرك... جوليا: مين ده يا بابا؟
عبد الحميد: ازيك يابنتي وحشاني، ده فهد اخوكي... جوليا: بجد.. جوليا: فهد صح وحشتني بجد كان نفسي اشوفك... فهد: إنتي تعرفيني! جوليا: اكيد هعرف اخويا... جوليا: تعالي في حضني.. فهد قام و حضنها... فهد: انا عايز اقعد ما جوليا لوحدنا... عبد الحميد: ماشي يا ابني انا عليا شغل باي... عبد الحميد باس جوليا و مشي... فهد: انا عايز اعرف ايه اللي حصلك... جوليا: هو بابا محكاش ليك؟ فهد: لا عايز اسمع منك...
جوليا حكتله نفس اللي عبد الحميد قاله بالظبط... جوليا(بدموع): انا عايزة حقي... فهد(صدقها): اوعدك هجبهولك... جوليا: بجد يا فهد... فهد: طبعا انتي اخت الفهد... فهد: انا عليا مشوار هأجي ازورك قريب... في مكان تاني... في النادي... جودي قاعدة لوحدها و سرحانة... يوسف مرة واحدة قعد قدامها... يوسف: الجميل بيفكر في مين؟ جودي: يوسف! انت ايه اللي جابك هنا؟ يوسف: جاي اشوف القمر ايه حرام... جودي: قصدك انا؟
يوسف: انتي تعرفي قمر تاني؟ جودي(بإحراج): يعني انت شايفني قمر... يوسف: طبعا... يوسف: جودي... جودي: نعم... يوسف: الصراحة انا معجب... جودي: قصدك ايه؟ يوسف: شبه بحبك... جودي: انا لسة صغيرة وكمان مينفعش... يوسف: ليه؟ جودي: لاني مش بحبك... يوسف(اتحرج): اه تمام عموما احنا صحاب لو عوزتي حاجة انا موجود... يوسف: عن اذنك... جودي: يوسف أستني... جودي: بص ان مش هكدب عليك انا مشدودة ناحيتك بس مش لدرجة الحب...
يوسف: مش لازم هخليكي تحبيني في وقت قليل متخافيش... جودي: و لو محصلش... يوسف: نبقي اصحاب... جودي: اوك.. يوسف: يلا نروح سينما... جودي: اوك يلا... في مكان تاني... فهد ركب عربيته و راح على شركة حور... و طلع و خبط... الباب خبط... حور: ادخل... فهد دخل... فهد: ازيك يا حور... حور اتفأجات بوجوده... حور: اه اهلا اتفضل.. حور: رودينا روحي اعملي اللي قولتلك عليه... رودينا: تمام يا فندم.. حور: و حضرتك هتشرب ايه يا فهد بيه؟
فهد: قهوة مظبوطة... حور: رودينا اعملي قهوة مظبوطة و عصير مانجا... رودينا: اوك... حور: سر الزيارة... فهد: بطمن... حور: بصفتك... فهد: لسة معرفش... حور: بس انا مش فاضية... فهد: كملي شغلك و انا قاعد... حور: اوف اوك... و بعد شوية رودينا دخلت بالقهوة المظبوطة و العصير و قدمتهم و خرجت... حور نسيت وجود فهد تماما و مندمجة بالشغل و بتشرب عصير و بعدين غنت شوية و بتعمل حاجات مجنونة... فهد: احم...
حور(بصتله و بعدين افتكرت انه كان موجود): آسفة.. في مكان تاني... خالد راح على الفيلا و سأل على حور قالوا ليه... إحسان: في الشركة... إحسان: أنت مين؟ خالد: ابن عمها و هبقي جوزها... إحسان: ايه! خالد سابها و سأل على شركتها و وصل لقي رودينا... رودينا: رايح فين يا فندم؟ خالد: لبت عمي... رودينا: طب هقولها الاول... خالد: مش محتاج اذن... حور: يعني حضرتك يا فهد جاي ليه؟ فهد لسة هيرد، الباب اتفتح...
خالد: وينها بت عمي؟(فين بنت عمي).. حور: ايه ده مين ده؟انت مين و عايز مين؟ حور: مين ده يا رودينا؟ رودينا: معرفش و الله... حور: انت مين؟ خالد: انا خالد و ابقي ابن عمك... خالد: و جدك بعتني علشان اجيبك... حور: مستحيل... خالد: ليه ده انتي هتبقي مراتي... فهد بصله جامد و استغرب... حور: نعم ازاي؟مستحيل بجد... حور: رودينا اطلبي الsecurity... رودينا: حاضر... خالد: مكانك يا حلوة خطوة واحدة و تبقي ميتة...
فهد: احسنلك تمشي... خالد: و انت مين؟انتي ازاي قاعدة مع واحد غريب... حور: ملكش دعوة... حور: بعد اذنك يا فهد امشي... فهد: امشي ازاي وانتي مراتي...
رواية للفهد عرين
