خلص الفصل اللي فات على انا يونس قال.. يونس: هو معاذ ده شيخ و لا ايه ما احنا زينا زيه.. الكل فضل ساكت و عدوها.. معاذ خرج من مكان شغله، و تليفونه رن.. الخط اتفتح.. معاذ: الو مين؟ الشخص: لحقت نسيتني! معاذ: فهد لا طبعا انت عارف اني غير الرقم بتاعي معلش.. فهد: و لا يهمك.. معاذ: عامل ايه؟واحشني و فارس و جاسر عاملين ايه؟ فهد: كلنا تمام انت اخبارك ايه؟ معاذ: تمام.. فهد: طب ما تيجي... معاذ: انت فين؟
فهد: انا في الشركة و معايا جاسر و فارس... معاذ: اوك جايلك... معاذ: ثانية... فهد: ايه؟ معاذ: اي شركة... فهد: شركة الفهد... معاذ: كنت حاسس.. فهد: طب اخلص... معاذ ركب عربيته وراح على شركة فهد... -(معاذ ده صديق فهد و جاسر و فارس و بيحبوا بعض كالأخوات اوي)... في مكان تاني... حيث فيلا ادم الشاذلي، في غرفة حور... حور قاعدة قدام التليفزيون و منسجمة طبعا لان ده مسلسل تركي(حب ابيض و اسود)؟ تليفونها رن... الخط اتفتح...
حور: الو.. حبيبة: الو ايه يا بنتي مبتسأليش... حور: معلش اصلي مطحونة في الشغل و ما صدقت اخد اجازة... حور: انتي اخبار رجلك ايه؟ حبيبة: تمام، قررنا نسهر... حور: اوك معنديش مانع... حبيبة: بس مش عايزين مكان تقليدي، يعني مش مطعم، ولا حديقة كدة يعني... حور: امال ايه؟ حبيبة: احم ديسكو... حور: نعممممم! انتي بتهزري.. حبيبة: لا يعني حاجة جديدة من نوع المغامرة... حور بتفكر... حبيبة: هاا؟ حور: ماشي بس مش هنتأخر...
حبيبة: ماشي.. حبيبة: بس في مشكلة... حور: ايه؟ حبيبة: هنلبس ايه؟ حور: مفيش مشكلة انا عندي كام تشكيلة فستان حلوين... حبيبة: اوك... حور: اعتقد كلنا نفس الوزن.. حبيبة: اه.. حور: طب اقفلي انا جاية باي.. حبيبة: باي.. حور قامت لبست و خدت الفساتين و نادت على الخدامة... حور: لو سمحت حطيلي دول في العربية... الخدامة: حاضر يا حور هانم.. حور: لا انا اسمي حور بس مبحبش هانم.. الخدامة: حاضر يا ست حور...
حور: تاني! انا كدة هزعل مبحبش كدة.. الخدامة: لا خلاص يا حور.. حور: ايوة كدة، باي.. حور: مامااااااااا نوران: ايه في ايه؟ صوتك عالي... حور: معلش بقولك انا خارجة مع البنات... نوران: فين؟ حور: لسة مش متأكدين... نوران: طب متتأخريش و خلي بالك من نفسك... حور: ماشي هحاول و لو إتأخرت هبات مع البنات... نوران: طب قولي لابوكي... حور: ماشي.. حور: اه صح فين يوسف.. نوران: في اوضته.. حور: ماشي.. عند غرفة يوسف... البا خبط..
يوسف: ادخل.. حور: ازيك يا عم... يوسف: تمام و انتي.. حور: تمام مطحونة في الشغل.. يوسف: معلش اومال لما تمسكي شركة هتعملي ايه؟ حور: هعمل صنية بطاطس... حور و يوسف هههههه يوسف: دمك يلطش.. حور: ماشي لما ارجع.. يوسف: راحة فين؟ حور: خارجة مع البنات... يوسف: ماشي خلي بالك من نفسك... حور: اوك باي.. حور راحت عند غرفة مكتب والدها... الباب خبط... ادم: ادخل.. حور: مساء الخير.. ادم: مساء النور... ادم: شكلك لابسة و خارجة..
حور: اه هخرج مع البنات و احتمال ابات معاهم... ادم: ماشي بس مطوليش و خلي بالك من نفسك.. ادم: و اه متنسيش شغلك... حور: اولا اوك هخلي بالي من نفسي ثانيا هحاول مطولش ثالثا انا مبنساش شغلي... ادم: يا خوفي يا بدران... حور: الله يسامحك.. حور: باي.. ادم: باي.. حور ركبت عربيتها، و وصلت لشقة البنات، و فتحت الباب... ندى: ها وريني بسرعة الفساتين... حور: ايه يا بنتي اهدي...
منة: معلش اصلها مقتنعة انها هتلاقي فارس احلامها... حبيبة: ههههه معلش عبيطة... حور: لا دي هبلة، هههههه.. ندى: ماشي هوريكوا... وضحكوا كلهم... و قعدوا يتفرجوا لغاية ما اختاروا، و كل واحدة قامت تلبس... في مكان تاني.. عند شركة فهد، باب مكتب فهد بيخبط... فهد: ادخل... معاذ بيدخل.. معاذ: اهلا يا شباب و حشتوني... فهد: و انت كمان.. و فهد قام حضنه و معاذ حضن جاسر و فارس.. فارس: كنت مختفي فين يا عم؟
معاذ: مطحون في الشغل يا اخويا... جاسر: ربنا معاك.. معاذ: انت العاقل و الله.. جاسر: احم احم مبحبش اتكلم عن نفسي كتير... ضحكوا كلهم... فهد: لازم نحتفل.. فارس: في ديسكوا لسة فاتح تعالوا نروحه... فهد: ماشي يلا.. معاذ: لا انا بطلت.. بصوا ليه بإستغراب.. معاذ: بس عادي ممكن ارجع... جاسر و فارس ضحكوا... فهد: طب يلا... كلهم: يلا.. و هما في الطريق كانوا بيتكلموا... فارس: مش هتصدق حصل ايه في غيابك... معاذ: ايه؟
فارس حكاله على اللي حور عملته مع فهد و كان فهد في قمة عصبيته... معاذ و فارس و جاسر قعدوا يضحكوا... معاذ: هههههههه مين الشجاعة دي... فارس: اسمها حور.. معاذ: اسم جميل.. جاسر: نسيت تقوله حبيبة قالتلك ايه... فارس: هاااا معاذ: مين حبيبة؟ فارس: لا مفيش متأخدش في بالك... جاسر: لا خد... و قاله كل القصة... معاذ قعد يضحك عليهم هما الاتنين... فهد: خلاص اسكتوا بقي...
كلهم سكتوا، و وصلوا لغاية الديسكو، و دخلوا و قعدوا، و اتكلموا مع بعض... في مكان تاني... عند حور و البنات، لبسوا كلهم... ندى و منة و حبيبة و حور لبسوا... -(معلش يا جماعة شكل الفساتين هيبقي في فصل لوحدهم بعد الفصل ده علطول) كانوا في قمة الجمال و الرقة... نزلوا و ركبوا عربية حور و راحوا على الديسكو... نزلوا و دخلوا الديسكوا، و اول ما دخلوا لفتوا انتباه كل اللي موجودين، حتى فهد و جاسر و فارس ومعاذ..
-فهد اعجب جدا ب حور... -جاسر اعجب ب ندى و افتكرها... -معاذ اعجب ب منة... -فارس اعجب ب حبيبة و افتكرها... منة و حور و ندى و حبيبة راحوا قعدوا في مكان كان قريب منهم... ندى خدت بالها من جاسر و قالت... ندى: اهو يا جماعة اللي حكيتلكوا عنه اللي قابلته... كله بصوا، و حور اول ما عنيها جت على فهد لفت وشها بسرعة... حور: ينهاري... منة: في ايه؟ حور: ده ده الشخص اللي ضربته بالقلم...
و حبيبة بصت على فارس و بصتله بنظرة انتصار... حبيبة: ايه يا حور انتي خايفة ليه؟ حور: اه صح عادي مفيش حاجة... فهد كان مركز مع حور جدا.. و جاسر كان بيبص على ندى كل شوية... و فارس كان بيبص على حبيبة و مركز معاها... معاذ هو اللي كان مشدود من ناحية منة... و بعدين انتبه لحالة صحابه... معاذ: في ايه؟ فارس: دي البنت اللي ضربت فهد، و دي البنت اللي خبطتها... جاسر: و دي انا قابلتها قبل كدة... معاذ: اه علشان كدة...
فجأة اغنية لمبادا اشتغلت... فحور صرخت بحماس و جذبت انتباه الرجالة حولها... حور: يلا نرقص انا بحبها اوي... حبيبة: يلا.. و قامت حبيبة و حور و قاموا رقصوا.. و منة و ندى بيتكلموا... جاسر قام.. معاذ: رايح فين... جاسر: رايح اخد حقي... جاسر راح على ندى... جاسر: ممكن نتكلم؟ منة: مين حضرتك؟ جاسر: اكيد الانسة عارفاني... ندى لسة هتتكلم... معاذ جه.. معاذ: لو سمحت يا انسة ممكن لحظة (قصده منة).. منة بصتله...
منة: اوك، سابت ندى و جاسر.. و معاذ خد منة على مكان تاني قريب منهم... منة: افندم... معاذ: انا قولت نسيبهم شوية.. معاذ: و كمان ممكن نتعرف... منة كانت متوترة... عند جاسر و ندى... جاسر: اعتقد ان احنا مكملناش كلامنا... ندى: كلام ايه، و كمان انا معرفكش... جاسر: ممكن نتعرف، انا جاسر... ندى: و انا ندى هانم... جاسر ضحك و قال.. جاسر: ماشي يا ندى هانم... و قعد معاها... حور و حبيبة خلصوا رقص و راحوا...
لقوا ندى بتتكلم مع واحد غريب... حور: انت مين و بتعمل ايه؟ ندى: ده الشخص اللي حكيتلك عنه يا حبيية... حور: و لو، قوم يلا... حبيبة: فين منة؟ ندى شاورت على منة... حور و حبيبة بصوا لبعض... حبيبة راحت على منة.. حبيبة: بتعملي ايه يا هانم؟ منة: ها مبعملش.. حور: ندى يلا نمشي.. و فجأة حور لقت ايد بتتلف على وسطها... فبصت للشخص ده لقته فهد... فهد: جاسر كمل، و سحب حور معاه لبرا المكان...
و فارس قام برضو من مكانه و راح على حبيبة و قال... فارس: ما تسبيهم يستمتعوا... حبيبة: انت مالك اصلا انت غبي... فارس شدها من ايديها و راح بيها على مكان تاني جمبهم... فارس: اهدي و اقعدي، شكلك مبتحبيش لصحابك خير... حبيبة جاية تتكلم... فارس: خلااااص نتعرف من الاول انا فارس.. حبيبة: و انت اكيد عارف اسمي.. فارس: مغرورة... عند فهد و حور، فهد اول ما سبها...
حور رفعت ايديها علشان تضربه، مسك ايديها و لواها ورا ضهرها... فهد: ايديك طويلة و عايزة تتقطع... حور: هي بتبقي طويلة على اللي مش متربي و قليل الادب... فهد(بخبث): بحب انا قلة الادب... حور(في سرها): حيوان و غبي... فهد: متشتميش... حور اتصدمت.. حور: انت عرفت منين! فهد: خمنت... حور حست بإن ايديها بدأت توجعها و لاحظت انها قريبة منه... حور بعدت بسرعة و سابته و مشيت بسرعة، و دخلت على الديسكو..
حور راحت على ندى و قالتلها بعصبية... حور(بعصبية): ندى يلا بسرعة من غير نقاش.. ندى لاحظت تعصبها و عرفت انه حصل حاجة.. ندى: ماشي.. ندى ل جاسر: فرصة سعيدة... جاسر: انا أسعد... و حور راحت على منة، و شدتها من ايديها و قالتلها... حور(بغيظ-و هي شايفة فهد واقف مبتسم باستفزاز): قدامك ثانتين و تجيب حاجتك و تيجي يا منة بسرعة... منة: اه ماشي.. منة: باي يا استاذ معاذ... معاذ: فرصة سعيدة...
حور راحت لحبيبة و شدتها من ايديها... حور: يلا بسرعة.. حبيبة: آآه براحة يا حور... و خدتهم و راحت على عربيتها و ساقت بسرعة غريبة لغاية ما وصلت شقتهم و فتحت الباب و رزعته... و البنات مستغربين... حور: انا داخلة انام هنتكلم بكرة... عند فهد و جاسر و معاذ و فارس، الابتسامة مفارقتش فهد... جاسر. : بس انت عملت ايه للبت خليتها متعصبة كدة... فهد: و لا حاجة... معاذ: شكلك سيطرت... فارس: الله يسامحك منك لله...
جاسر و معاذ استغربوا... جاسر: ليه طيب... فارس: ملحقتش اخد رقمها... معاذ: انا اخدت رقمها... فارس: يبختك... فهد: يلا هتباتوا معايا في شقتي... كلهم وافقوا... فارس: بس جودي هنسيبها لوحدها... فهد: في حراسة... وصلوا كلهم شقة فهد... عند حور... حور مش عارفة تنام كويس و بتتقلب يمين و شمال.. و فجإة جالها رسالة، فتحتها، لقت مضمونها.. الرسالة: كان شكلك حلو انهاردة.. حور اتصدمت و بعتت تقول.. حور: مين؟! الراسل: مش لازم...
الراسل: نامي و نتكلم بعدين... حور(اتعصبت): هتقول مين و لا؟ الراسل: و لا... ندى لقت رسالة على تليفونها مضمونها... الرسالة وحشتيني.. ندى اتصدمت.. ندى: مين؟ الراسل: جاسر... ندى: اه اوك طب تصبح على خير... جاسر: بالسرعة دي... ندى: اه... جاسر: طب خلي بالك على نفسك... ندى: ليه هو انا نايمة على الدائري... جاسر: مجنونة... جاسر: باي... منة لقت رسالة على تليفونها، مضمونها.. الرسالة ازيك.. منة: مين؟! الراسل: معاذ..
منة: اه اهلا... منة: معلش هنام عليا شغل... معاذ: طيب تصبحي على خير... منة: و انت من اهله. معاذ: باي... عنذ حبيبة كانت هتموت من الغيظ و مضايقة علشان حور خدتها قبل ما تاخد رقمها و بعدين... حبيبة(بتكلم نفسها): هو مين ده علشان افكر فيه... -انا هنام محدش يستحق افكر فيه.. حاولت تنام معرفتش، قامت حبيبة: اووووف انا هنام بقي لازم... و ناموا كلهم... في مكان تاني.. في فيلا عبد الحميد والد فهد، في غرفة جودي...
جودي كانت نايمة و فجأة حست بحركة في الاوضة قامت لقت قدامها...
جودي قامت من نومها و حست بخيال قدامها فتحت النور لقت قدامها شخص ملثم و قبل ما جودي تصرخ الشخص رش حاجة في وشها و اغمي عليها، و خدها و هرب من ال؟يلا...
في الصباح الباكر.. عند شقة البنات... حبيبة قامت و بتصحي ندى... حبيبة: ندى قومي انتي بقيتي مهملة في شغلك.. ندى: سيبيني انا بحب النوم... حبيبة: و مين سمعك بس بلا قومي... ندى: صحي حور مش عليها شغل؟ حبيبة: اه صح هصحيها... حبيبة: حور.. حور مش بترد.. حبيبة: حووووووووووور... حور: ايه في ايه حصل ايه؟ حبيبة: ابدا عليكي شغل بس... حور(و هي بتقوم): اه صح.. و بعدين حور قعدت تاني و قالت... حور: لا مش هروح...
حبيبة: ليه في إيه؟ حور: اصل عندنا اجتماع مع شركة فهد... حبيبة: فهد مين؟ حور: اللي ضربته بالقلم و اللي قابلته امبارح... حبيبة: اه صح حصل ايه امبارح؟ حور حكت كل اللي حصل لحبيبة... حبيبة: ماشية معاك يا عم... حور: غوري مفكراني مبسوطة... حور: ده انا كنت هموت من كتر الاحراج، بس مبينتش.. حور: انا هتصل ببابا اعتذر.. حبيبة: هيعرف انك مش عايزة تواجهي.. حور: تفتكري؟ حبيبة: ممكن... حور: خلاص هروح عادي يعني هو مين...
حبيبة: انا هروح اصحي منة و ندى علشان كدة بيستعبطوا... حور: لقيتي شغل و لا لسة؟ حبيبة: لسة مدورتش... حور: اوك ربنا معاكي... حبيبة: شكرا.. حور دخلت خدت دوش و خرجت لبست كدة:.
و سيبت شعرها و حطت روچ باللون الاحمر القاتم، و خرجت.. و نزلت و ركبت عربيتها، و وصلت للشركة.. في نفس ذات اللحظة اللي وصل فيها فهد و فارس و جاسر وصلوا... كان فهد نزل، و بعدين حور نزلت من العربية، و لقته قدامها، حور قالت... حور(في نفسها): استغفر الله العظيم يوم ما ابدأ شغل ابدأه مع ده يا ربي... فهد: مالك مش بتتكلمي ليه، و كمان لابسة نضارة ليه؟ فهد جاي يشيل النضارة حور بعدت..
حور: أستاذ فهد اعتقد ان كل إلى بينا مجرد business يا ريت حضرتك متتعداش حدودك معايا... حور سابته و مشيت، فهد كان مستغرب ازاي ماسكه نفسها كدة... و بعدين جاسر قرب منه و قال... جاسر: في حاجة ي فهد؟ فهد: لا مفيش يلا بينا... حور لما مشيت حمدت ربنا على انها خلصت منه، و بعدين في حد من الموظفين وقفها... الموظف: آنسة حور... حور لفتله و قالت.. حور: نعم حضرتك... الموظف: كنت عايز استفسر من حضرتك مجرد استفسار..
حور: بخصوص؟ الموظف: بخصوص الشغل كنت عايز استفيد من حضرتك... حور: اوك، انت اسمك ايه؟ الموظف: مصطفى.. حور: اوك يا استاذ مصطفي، ممكن نتقابل بعد فترة الغداء علشان عندي اجتماع باي... حور كانت لسة هتطلع على السلم، و فهد هيركب الاسانسير، فهد شافها هتطلع على السلم نادي عليه... فهد: حور... حور بصتله و قالت... حور: نعم في حاجة... فهد: تعالي اركبي في الاسانسير... حور: لا شكرا... فهد: ايه خايفة...
حور(عاندت مع نفسها): لا طبعا مش خايفة... و راحت ركبت معاهم و طول الوقت متوترة و خايفة و عمالة تفرك في إيديها... فهد لاحظ فقال.. فهد: شكلك خايفة.. حور(حاولت تجمع صوتها): لا خالص انا بس مش عايزة اتأخر... فهد: اوك.. فارس: انسه حور.. حور: نعم.. فارس: هو ممكن رقم الانسة حبيبة... حور: لا مش ممكن... و فضلو ساكتين و في اقل من ثانية، الاسانسير اتعطل و وقف... حور: هو وقف ليه؟ جاسر: هتلاقيه اتعطل...
حور: نعم اتصرفوا افتحوه فورا... فارس: شوية و هيتفتح... حور: لا لا مش هستني ارجوكوا حاولوا تفتحوه... فهد: في ايه؟ حور(مش عايزة تبان ضعيفة): ها لا مفيش... نسيبهم شوية و نروح لمكان تاني... في مكان تاني... حيث مكان مهجور فيه بيت و في 5 رجالة حراس و جوا البيت في جودي مربوطة و متكتفة... جودي بدأت تفوق.. جودي: آه انا فين ايه اللي حصل؟ شخص مجهول: اهلا بالقطة.. جودي: انت مين؟
الشخص: انا اللي هنتقم منك و من اخوكي فهد.. جودي: طب طب انا عملت ايه انا معملتش حاجة... الشخص: هنشوف بعدين... جودي: طب ايه اللي هيحصل.. الشخص: مسمعش ليكي حس... الشخص: فااااهمة... جودي(بدموع): فاهمة... نرجع لحور في الاسانسير، عدي ربع ساعة و لسة الاسانسير مشتغلش، حور خلاص مكنتش قادرة تستحمل... حور طلعت تليفونها، و اتصلت ب حبيبة و منة و ندى مكالمة جماعية... حور(بصوت مختنق): الو...
حبيبة: الو مالك يا حور صوتك في ايه؟ حور: الاسانسير اتعطل... ندى: ايه؟و انتي ايه اللي ركبك اسانسير... -(ملحوظة: المكالمة الجماعية بيبقي فيها الصوت عالي، ف فهد و جاسر و فارس كانوا سامعين، ) منة: هو مش انتي بتتخنقي؟ حور: انا بكلمكوا علشان متخنقش مش علشان تفضلوا تسألوا... حبيبة: خلاص معلش، اهدي.. ندى: طب انتي معاكي البخاخة؟ حور: معرفش استني هشوف... منة: هو مش انا قولتلك مية مرة متنسهاش علشان لو حصل حاجة...
حور: ملقتهاش... حبيبة: طب اهدي... ندى: طب معاكي حد في الاسانسير؟ حور: اه... منة: تعرفيهم؟ حور: اه.. حبيبة: انتي ليه مش عارفة تتكلمي بانفتاح كدة يا بنتي اتكلمي... حور: احم اصل اللي معايا استاذ فهد و اخوه الاستاذ فارس و استاذ جاسر... منة: طب و معاذ... حور: منة حبيبتي الاسبيكر مفتوح... منة: ها انا اقصد معاذ ابن عمتك فاكراه ده... حور: اه فكراه طبعا، مش المهم انتي فكراه... ندى: انا هنسحب علشان جالي زبائن...
حور: اوك... منة: و انا هروح علشان المدير ابن اللظينة عايزني... حور: ههه ماشي... حور: خلاص يا حبيبة روحي... حبيبة: لا اهم حاجة انتي كويسة؟ حور: اه دلوقتي احسن.. حور: لقيتي شغل.. حبيبة: اه في جريدة اسمها الفرس نسبة لصاحب المكتب هروح و اشوف... حور: اوك ربنا معاكي... حبيبة: طيب هروح افطر... حور: اوك، باي حبيبة: باي... حور هديت شوية عن الأول... حور: هو محدش هيتصرف... جاسر: قريب متخافيش... حور: اوك.. تليفون حور رن...
الخط اتفتح... ادم: انتي تليفونك مشغول ليه ها؟و انتي فين؟ حور: يا بابا انا في الشركة بس الاسانسير معلق و انا كنت بكلم البنات علشان انت عارف اني بتخنق... ادم: طب انا جايلك حالا.. حور: ماشي يا بابا... حور: هو انتوا مش خايفين او متوترين... فهد: خالص احنا مش ناس جبانة... حور فهمت قصده بس عملت نفسها مش فاهمة.. حور: ممكن(بابتسامة سخرية)...
الاسانسير اتفتح، و حور و فهد و جاسر و فارس خرجوا و دخلوا ياخدوا راحتهم و بعدين يبدأوا الاجتماع.. في مكان تاني.. حيث؟يلا عبد الحميد.. إيناس و عبد الحميد رجعوا... إيناس: الولاد وحشوني... عبد الحميد: خلاص هنشوفهم... عبدالحميد نادي على الخدامة.. عبدالحميد: يا اولفت اولفت... اولفت: نعم يا بيه.. إيناس: فين الولاد... اولفت: فهد بيه و فارس بيه مجوش من يومين و انسة جودي فوق...
عبدالحميد: ازاي ميجوش و يسيبوا اختهم لوحدها... إيناس: طب اطلعي نادي لجودي... اولف: حاضر يا هانم... اولفت طلعت علشان تنادي على جودي، ملقتهاش، اولفت (بصريخ): يا لهوووووووي... ايناس و عبد الحميد طلعوا ليها بسرعة... إيناس: في ايه؟ اولفت: جودي هانم مش هنا... عبد الحميد: يعني ايه، راح شاف ورقة مضمونها الرسالة بنتك في الحفظ والصون... عبدالحميد: جودي اتخطفت! إيناس(بدموع): بنتي... عبد الحميد اتصل بفهد.. الخط فتح...
عبد الحميد: فهد جودي اتخطفت... فهد قام من مكانه... فهد: نعم ازاي؟ فارس: في ايه؟ جاسر: فهمنا.. فهد: جودي اتخطفت... فارس: ايه؟ فهد و فارس خرجوا بسرعة، و جاسر قال.. جاسر: احنا آسفين مضطرين نمشي نعوض مرة تانية... ادم: ولا يهمك يا رب تلاقوها... حور: ممكن تطمنا بعد اذنك... جاسر: اوك... في فيلا ادم الشاذلي... يوسف نازل على السلالم و بيقول.. يوسف: ماما... نوران: انا هنا تعالي... يوسف: اوك. يوسف: انا رايح مشوار و جاي..
نوران: رايح فين؟ يوسف: لما ارجع.. نوران: خلي بالك على نفسك... يوسف: حاضر.. يوسف خرج و ركب عربيته، و راح مشواره... في مكان تاني.. عند حبيبة.. قبلوها في الجريدة و اشتغلت فيها و كتبت مقال حلو، و عجب المدير... في مكان تاني... عند ندى.. كانت بتشتغل باهتمام و منسجمة و بتصور بإحتراف.. في مكان تاني.. عند منة...
صممت designer رائع الكل شكر فيه، و عجبت مديرها جدا، و بعديها بشوية لاحظوا إختفاء إحدي التصاميم المهمة و المشهورة والشركة اتقلبت... و منة بقت متهمة، و جه ظابط علشان يحقق في الموضوع... الظابط: انا لازم احقق مع كل واحد فيكوا هنا... المدير: اتفضل يا استاذ... الظابط: سيف.. المدير: اتفضل حضرتك... في مكان تاني... عند حور.. ادم: حور انتي تعبتي علشان الاسانسير خدي إجازة... حور: بجد اموت في الجميل انا..
ادم: خلي بالك من نفسك... حور: حاضر يا جميل... حور ركبت عربيتها و راحت النادي و غيرت هدومها في غرفة تبديل الملابس... -(حور عضو في النادي ف سايبة هدوم للتمارين في النادي احتياطي).. حور لبست بنطلون لحد الركبة و تي شيرت قصير مبين البطن.. حور دخلت غرفة الملاكمة.. الكابتن: بقالك زمن مبتجيش.. حور: معلش يا كابتن شغل كتير... الكابتن: ماشي يا حور يلا اتدربي... حور: شكرا ياكابتن... في؟يلا عبد الحميد...
عبد الحميد: إنتوا السبب إنتوا اللي ضيعتوا اختكوا.. فارس: يا بابا. عبد الحميد: و لا كلمة قدامك 24 ساعة يا فهد تجيب اختك... إيناس(ببكاء): بنتي يا فهد ارجوك... و بعدين اغمي عليها و شالوها و جابولها دكتور في البيت و كشف عليها... الدكتور: عندها nervous break down (انهيار عصبي)، يستحسن تبعدوها عن اي حاجة تزعجها. او تضايقها. عبد الحميد: ماشي يا دكتور.. جاسر: اتفضل معايا يا دكتور...
جاسر وصل الدكتور لباب البيت... و بعدين رجع لقي فهد و فارس مجتمعين في المكتب... جاسر: هنعمل ايه؟ فهد: لازم اختي ترجع قبل ما النهار يطلع... كلهم سكتوا... فهد (بصريخ): فاااااهمين، اختي ترجع قبل طلوع الشمس.. فهد: مش اخت الفهد اللي تتخطف.. في مكان تاني.. عند يوسف... كان راجع بليل و بعدين عربيته عطلت في مكان مهجور، فضل ماشي ممكن يلاقي حد و بالفعل لقي بيت مهجور، و لقي خمس اشخاص و واقفين، فراح ليهم...
يوسف: لو سمحت... واحد من اللي واقفين: اي خدمة... يوسف: عربيتي عطلانة و بيتي بعيد ممكن تساعدوني.. واحد تاني: ماشي انا هروح اصلحها، وخد معاه واحد تاني... يبقي اتبقي تلاتة... واحد من الرجالة: ارتاح عقبال ما يجيوا.. يوسف: امال انتوا بتعملوا ايه هنا؟ واحد من الرجالة: مبنعملش... يوسف حس بحاجة غريبة بس مبينش.. -طب هو في حمام؟ واحد من الرجالة بص لواحد صاحبه و بعدين بص ليوسف و قال... واحد من الرجالة: اه في..
يوسف: طب ممكن استعمله.. واحد من الرجالة: اتفضل.. يوسف دخل البيت و معاه واحد من الرجالة.. يوسف كان بيشوف البيت و يدقق فيه ممكن يلاقي حاجة لانه حاسس بحاجة غريبة من وقوف الرجالة دي هنا.. يوسف بعد ما خلص سمع صوت انثي... الانثي: آآه.. يوسف: ايه ده؟
اخر حاجة وقفنا عندها ان يوسف سمع صوت بنت تاني... يوسف: ايه الصوت ده؟ الراجل اللي كان معاه: صوت ايه؟انا مسمعتش حاجة... و بعدين واحد من اللي برا نادي على صاحبه... الراجل اللي مع يوسف: يلا نخرج.. يوسف: ماشي.. الراجل راح لصاحبه، و يوسف قعد يدور على الصوت لغاية ما فتح باب لقي في جودي... يوسف: انتي ايه اللي جابك هنا و بتعملي ايه؟ جودي: بعمل سياحة هكون بعمل ايه مخطوفة..
يوسف: حتى و انتي مخطوفة كدة يا شيخة، اصبري. يوسف خرج و لقي عربيته اتصلحت و الرجالة جابوها لغاية البيت المهجور... يوسف: شكرا يا رجالة... و بعدين راح على عربيته و فتحها و طلع مسدسه(مسدس مرخص)و وجهه ناحية واحد من الرجالة... يوسف: احسنلك طلع البنت اللي جوا... واحد منهم: انت بتقول اي كلام... يوسف ضرب رصاصة على رجل الراجل... يوسف: احسنلك تجيب البنت اللي جوا...
واحد دخل و جاب جودي و زقها على يوسف، يوسف مسكها و ركبها العربية و ركب و مشي بالعربية... يوسف: انتي ليه كنتي مخطوفة و انتي مين؟ جودي: انا جودي، و معرفش ليه كنت مخطوفة... يوسف: خلاص ارتاحي.. يوسف وصل لبيته و كانت جودي نايمة فشالها و دخل بيها البيت، حور كانت صاحية و واقفة في البلكونة وشافت المنظر ده، فنزلت ليه... حور: مين دي؟ يوسف: بعدين.. و طلع بيها و كان داخل على اوضته... حور: استني استني رايح فين؟
يوسف: داخل الاوضة... حور: على اوضتي انجز... يوسف: ماشي... راح على اوضة حور و حطها على السرير... و كأي ام مصرية بتفضل مستنية ابنها لغاية ما يرجع فنوران حست بحركة برة، فخرجت لقت اوضة حور مفتوحة فراحت... نوران: ايه ده؟ نوران: جايب نسوان البيت... يوسف: ماما اهدي... نوران: اهدي ايه دي اخرة تربيتي فيك و انتي يا حور... حور: ماما ايه؟ و خرجت و راحت على اوضتها و صحت ادم... حور و يوسف راحوا ليها.. ادم: ايه في ايه؟
نوران: مصيبة... ادم: خير.. نوران: ابنك جايب واحدة البيت.. ادم: الكلام ده صحيح... يوسف: يا بابا اهدي علشان اشرح و خلي ماما تسكت... ادم: احكي و نوران متتكلميش... يوسف حكي كل اللي حصل و ان اسمها جودي و كدة... حور: بابا مش ممكن جودي دي تبقي اخت فهد... ادم: تصدقي ممكن... ادم: خلاص ابقي اتصلي بكرة بفهد و قوليله... حور: ابقي قوله انت بكرة... اذم: هي كلمة خلاص... حور: اوف حاضر ماشي... يوسف: فهد مين؟
حور: ده شخص بينا business مع بعض... يوسف: اه.. ادم: طب يلا علشان هنصحي بدري هنزور عائلتي... حور: ماشي يا بابا، تصبح على خير... ادم: و انتي من اهله... حور ويوسف خرجوا... ادم: إن بعض الظن إثم... نوران: و لو كنت مكاني... ادم: نامي يا نوران... عند يوسف و حور... يوسف: حور.. حور: اممممم... يوسف: دي نفس البنت... حور: بجد، مبروك يا جو... يوسف: الله يبارك فيكي... يوسف: حور.. حور: ها ايه تاني؟
يوسف: يعني لو مش هتعرفي تنامي جمب جودي ممكن تأخدي اوضتي و انا انام جمبها... حور: يا سافل... يوسف: انا ده انا برئ... حور: يا حرام ظلماك... يوسف: يلا تصبحي على خير... حور: و انت من اهله... حور راحت على اوضتها حور مبتعرفش تنام جمب حد غريب، فحاولت تنام لغاية ما نامت...
في مكان تاني.. حيث؟يلا عبد الحميد... محدش في البيت نام لغاية دلوقتي... عند فهد و فارس و جاسر... فهد: ازاي اختي تتخطف... فارس: مش عارف، هتجننن... جاسر: ممكن يحصلها حاجة... فهد: اخرس... فهد: بس اللي عمل كدة ميعرفش مين هو الفهد... جاسر: هتعمل ايه؟ فهد: هندمه في اليوم اللي فكر حتى انه يبصلها... رجالة فهد بتدور في كل مكان و كمان اتصلوا بمعاذ علشان مخابرات و كدة ممكن يلاقوها في وقت اسرع...
في الصباح الباكر... فهد و جاسر راحوا على الشركة علشان الشغل... فهد و جاسر بيشتغلوا بس فهد عقله مشغول بأخته... جاسر: فهد فهد يا فهد... فهد: ايه؟ جاسر: انت معايا؟ فهد: اه.. جاسر: بقولك اعتذرت لشركة ادم الشاذلي.. فهد: ماشي كويس... عند حبيبة قامت و لبست و نزلت راحت الشغل... حبيبة راحت الجريدة و كتبت مقال عن الشركات اللي كبرت عن طريق اعمال غير قانونية و كتبت اسم كام شركة و من ضمنهم شركة الفهد...
و قدمته للمديره و كان اسمه(احمد)... احمد: ايه اللي انتي كتباه ده؟ حبيبة: ايه يا فندم ده مجرد مقال... احمد: انتي كاتبه بالسوء عن رب عملك... حبيبة: ايه يعني ايه فندم؟ حبيبة: و كمان اللي معترض يقدر يعمل مؤتمر و ينفي الكلام ده... في اللحظة دي دخل فارس.. (فارس كان عارف ان حبيبة بتشتغل هنا لما حور كلمت حبيبة في الاسانسير)... فارس: في ايه؟ احمد: اتفضل يا فارس بيه...
حبيبة ربطت كلام المدير و انها تشوف فارس فاستنتجت ان فارس هو صاحب الجريدة... فارس راح و قرأ المقال و بعدين بص لحبيبة و بص للمدير. قال.. فارس: انشره... احمد: نعم ازاي يا فندم... فارس: زي ما سمعت انشره... و بعدين سابهم و مشي... حبيبة استغربت انه ازاي قبل بكدة... احمد: انتي محظوظة... حبيبة سابته و مشيت... في مكان تاني... في؟يلا ادم الشاذلي... ادم و نوران و يوسف صاحين... ادم: يلا يا نوران هنتأخر...
نوران: ماشي خلاص اهو... نوران: يوسف خلي بالك من اختك و اياك تقرب من البت اللي فوق... يوسف: في ايه يا ماما هعملها ايه يعني... ادم: يوسف انت راجل البيت و تخلي بالك من اختك فاهم... يوسف: حاضر يا بابا. نوران: كنت عايزة اسلم على حور... حور في الوقت ده كانت نازلة على السلالم... حور: كدة كنتوا هتمشوا من غير ما تسلموا... ادم: احنا نقدر... حور: ماهو واضح... نوران: يا قلبي خلي بالك من نفسك...
ادم: حور انا هتأخر خلي بالك من نفسك... ادم: و اه الشركة في امانتك و متنسيش تكلمي فهد علشان اخته و كمان لو عرفتي تتمي الصفقة تميمها... حور: حاضر يا بابا... يوسف و حور: بااااااي... نوران و ادم: باي... و بعدين نوران و ادم مشيوا... حور: دادة إحساااان... إحسان: إيه في ايه؟ حور: لامفيش بستعبط هههههه... إحسان: و حياة امك... حور: في ايه ما تخليكي لارچ... يوسف: خليكي منفتحة...
إحسان: انا عندي انفتاح واحد هو الشبشب فاهمين... يوسف و حور(بخوف مصطنع): خلاص خلاص... إحسان: هههههههه. خوافين... و بعدين جودي صحيت و إتفأجات انها في مكان متعرفهوش، و بعدين خرجت من اوضتها... جودي لقت حور و يوسف... جودي: إنتوا مين؟ حور بصتلها... جودي: هو انتي و انت! حور: اه انا و اه هو و علفكرة هو اللي انقذك من الرجالة... جودي: اوك شكرا... يوسف: من امتي؟ جودي: نعم ماتحترم نفسك... يوسف: هبلة...
جودي: بتقول حاجة... يوسف: لا... جودي: انا عايزة اروح... حور: حضرتك اخت فهد و انا هعمل اتصال مع فهد و هتروحي بيتك... جودي: انتي تعرفي فهد منين؟ حور: في business بينا.. جودي: اوك... حور: انا هروح الشركة و يوسف رايح مشوار و... يوسف: استني مين ده اللي رايح مشوار انا قاعد... حور: مينفعش تقعد معاها لوحدكوا... يوسف: دادة إحسان معانا... حور: اوف اوك... حور: و دادة إحسان ممكن تعتبريها مامتك...
جودي: الخدامة دي مامتي... حور(بتعصب): اولا الخدامة دي افضل من ناس كتير و بالنسبة لينا هي حياتنا، فاهمة... يوسف: خلاص يا حور... دادة احسان اتكسفت... حور: بقولك ايه يا جميل ممكن تتجوزني... يوسف: لا دي مراتي انا... حور: لا انا.. يوسف: بنت انتي اسكتي... حور: لا انت.. دادة إحسان: بس انتي و هو اسكتوا.
جودي كانت مبسوطة من علاقتهم، و اتمنت لو عندها علاقة زي دي اخواتها مشغولين و مفيش حد بيعبرها غير مامتها، فراجعت نفسها... جودي: انا آسفة.. حور: عادي و لايهمك... حور: تعالي معايا بقي علشان خاطر اجبلك حاجة تلبسيها... جودي: شكرا هتعبك.. حور: لا عادي.. حور ودت هدوم لجودي و جودي لبست و نزلت و حور دخلت تلبس علشان تروح الشركة، حور لبست كدة..
و نزلت راحت الشغل و ركبت عربيتها... في مكان تاني... حيث في شقة البنات... ندى و منة قاعدين بيتكلموا... منة: يعني انا كدة متهمة اوف... ندى: طب ما تكلمي معاذ.. منة: لا و اساسا من ساعة ما كلمني متكلمش تاني... ندى: و برضو جاسر انا بكرهه... منة: هههه على اساس بتحبيه... ندى: عندك حق... ندى: طب انا هقوم علشان اروح الشغل... منة: هتسبيني لوحدي؟ ندى: تعالي اعديكي على حور اوك... منة: اوك..
و قاموا لبسوا و نزلوا ركبوا عربية ندى.. في مكان تاني... عند حور... حور طلبت السكرتيرة... حور: رودينا بصي انا عايزة رقم استاذ فهد، و اه ابعتيلي واحد كان اسمه مصطفي و كان عايزني في حاجة كدة... رودينا: تمام يا فندم... حور: تاني... رودينا: خلاص اسفة تمام يا حور... الباب خبط.. حور: ادخل... منة: مفاجأة... حور: احلي مفاجأة، و قامت حضنتها... الباب خبط.. حور: ادخل... دخل مصطفي...
حور: اهلا مصطفي انا بعتذر معرفتش اتكلم معاك، انت كنت عاوز تستفسر عن حاجة بخصوص الشغل ايه بقي؟ مصطفي: كنت عاوز اكتسب من خبرة حضرتك علشان حضرتك سافرتي لندن و باريس.. حور: اه اوك هبقي اتفق مع حضرتك على يوم و نتكلم فيه.. مصطفي: تمام يا فندم... الباب خبط... حور: ادخل، هو يوم الخبط العالمي.. رودينا: اهو يا حور رقم استاذ فهد... حور: اوك شكرا.. حور: تقدروا تروحوا... منة: عاوزاه ليه ها؟ حور: دماغك شمال...
منة: امال في ايه... حور حكت لمنة على جودي و قصتها.. منة: اه علشان كدة اوك... حور اتصلت بفهد... فهد شاف الرقم... فهد(فهم اتصال حور غلط): انا مش فايق وقت تاني... حور: مبيردش ابن ال استغفر الله العظيم... منة: معلش جربي تاني... في مكان تاني... حيث عند ندى.. ندى و هي راكبة العربية اتعطلت... و في نفس اللحظة جاسر بيعدي من نفس الشارع... جاسر شافها واقفة و استنتج ان العربية عطلانة... جاسر نزل و راحلها...
جاسر: اساعدك... ندى: لا شكرا.. جاسر: لا عادي... ندى: ما قولنا شكرا و كمان احنا نعرف بعض... جاسر بصلها بإستغراب، و بعدين راح على عربيته و جاب الحاجات الضرورية اللي بتبقي في العربية لاي مشكلة او كدة... و راح يصلح العربية، جاسر حب يستعبط فقال... جاسر: العربية لازم تروح للمكانيكي.. ندى: طب هروح الشغل ازاي؟ جاسر: ممكن أوصلك... ندى: لا شكرا خلاص... جاسر قرب منها وقال... جاسر: اركبي احسنلك... ندى: ماشي خلاص الله..
حور: اوف... منة: المفروض تروحيله انتي بتعملي خير... حور: اوف ماشي... حور: هناديلك رودينا تقعد معاكي... منة: اوك.. حور: بطلي لعب games... منة: ملكيش فيه... حور: زبالة... منة: شكرا... حور خرجت و قالت لرودينا... حور: رودينا روحي اقعدي مع منة عقبال ما اجي اوك... رودينا: اوك... حور نزلت ركبت العربية و راحت على شركة فهد.. في مكان تاني... في ارجاء الصعيد.. (انا مبعرفش اتكلم صعيدي فهكتب اللي اعرفه)...
في بيت عائلة الشاذلي... مجدي: كيفك يا ولدي عامل ايه... ادم: تمام يا بوي عامل ايه... مجدي: تمام.. مجدي: كيفها بتك... ادم: تمام يا بوي... مجدي: و ولدك... ادم: بخير... مجدي: طب بما ان بنتك كبرت و بجت (بقت)كيف الورد، فالبت ملهاش غير ابن عمها، صوح.. ادم: بس حور مش هترضي... مجدي: و من ميته(امتي)حرمه بتمشي كلامها علينا... ادم: بس يا بوي... مجدي: مفيش بس... مجدي: و لا عاوز تخسرني يا ولدي... عند الستات...
نوران: ازيك يا حماتي... سعديه(حماتها): برضو مش هتتكلمي صعيدي.. نوران: معرفش.. واحدة من الستات و اسمها(فيروز): كيف معرفاش.. نوران: معلش بقي... فيروز: مش هتجومي تسوي العجين معنا(مش هتقومي تعملي العجين معانا)... نوران: اه اوك... فيروز: ده اللي خدناه من المدارس... نرجع لحور... حور وصلت عند شركة فهد، و نزلت من عربيتها... و طلعت لمكتبه... حور للسكرتيره... حور: لو سمحت عايزة استاذ فهد... السكرتيرة: مين؟
حور: قوليله حور... السكرتيرة: ماشي، و كانت لابسه لبس فاضح ودخلت لفهد... السكرتيرة: استاذ فهد في واحدة اسمها حور برا... فهد(في نفسه): للدرجة دي مش قادرة تستحملي؟.. فهد: بعد ربع ساعة دخليها... السكرتيرة: تمام يا فندم... السكرتيرة خرجت... السكرتيرة: الاستاذ فهد مشغول كمان شوية هدخلك... حور: طب انا مش هستني... و دخلت على المكتب علطول... حور: اعتقد دي العاب عيال يا فهد... فهد شاور للسكرتيرة انها تخرج...
فهد: اعتقد انه مش من الادب تدخلي مكتبي بالشكل ده... حور: انت اللي محتاجني، وكمان انا اتصلت بيك... فهد: و يا ترى بقي محتاجك في ايه؟ حور: اختك جودي... فهد قرب منها لدرجة ان حور خافت بس مبينتش.. فهد(بصوت كفحيح الافعي): انتي مالك بأختي يا حور... حور بعدت شوية و قالت.. حور: هحكيلك... حور حكت لفهد على اللي يوسف عمله و على ان جودي في البيت عندهم... فهد مسك ايد حور و قال.. فهد: يلا نروح ليها بسرعة.. حور: اوك...
و خرجوا من الشركة... عند ندى و جاسر... ندى: لا ده انت مسخرة بجد هههههههه... جاسر: هههههههه جاسر: تعرفي ان ضحكتك حلوة... ندى: بيقولوا... جاسر: طب ايه رأيك نخرج؟ ندى: فكرة يلا... عند حبيبة... حبيبة حست بدوخة و عايزة ترجع و تروح... حبيبة راحت على اوضة فارس علشان تستأذن تروح... الباب خبط.. فارس: ادخل... حبيبة دخلت... حبيبة: لو سمحت كنت عايزة اخد اجازة... فارس: السبب؟ حبيبة: تعبانة...
فارس قام من مكانه و راحلها و قال... فارس: حاسه بأيه؟ اول ما خلص كلمته حبيبة خرجت بشلال ترجيع على على هدوم فارس، و اغمي عليها... فارس: ياااااا ربي! شالها و راح على المستشفي... عند حور و فهد... و صلوا البيت حور دخلت البيت و لقت...
رواية للفهد عرين
