رواية صدفة أم قدر للكاتبة سلسبيل كوبك الفصل الرابع عشر
ان تشارلي قرب من اسيل اوي و حاوطها بايده... اسيل لسة هتبعده أدهم دخل... اسيل(بصدمة): ادهم! ادهم كان مصدوم اضعاف صدمة اسيل بيه... ادهم(بصدمة): كمان جايباه اوضتي يا اسيل؟ اسيل زقت تشارلي بعيد عنها... اسيل: اطلع بره يا تشارلي... تشارلي: تمام. و لكن اعلمي انك ستكونين لي... تشارلي لسة بيخرج ادهم ضربه بوكس... اسيل جريت علي ادهم و مسكته... اسيل(بحدة): اطلع بره يا تشارلي...
تشارلي طلع من الاوضة، اما ادهم كان بيبص لاسيل بمعاني كتير كان بيبص ليها بخذلان و غضب و كره و حزن و حاجات كتيرة... اسيل: عارفة انك اكيد فاكرني خاينة... ادهم سابها و كان هيدخل اوضة المكتب... اسيل: مش عايز تعرف قصتي يا ادهم... ادهم لسة بيفتح باب المكتب... اسيل: قصتي بنت برئية عايشة في سعادة مع مامتها و باباها و جدتها و جدها و اخواتها، بنت بتحب الضحك و الفرفشة و الهيصة و اللمة...
اسيل(و الدموع بدأت تتجمع): تخيل بقي مرات ابوكي تكون بتكرهك كره العمي، و انت تكون بتحبها. تحبها بس علشان هي ام اخوك و اختك و مرات ابوك... اسيل(بدموع): حبيتها و وثقت فيها و كنت شايفة عائلتي كاملة متكاملة... اسيل(بدموع): لكن في يوم و ليلة كنت هخسر اغلي حاجة بالنسبة للبنت، اكتشفت في اليوم ده قد ايه كنت ساذجة و طيبة... ادهم واقف و مديها ضهره و بيحاول يستوعب كلامها...
اسيل(بدموع): في يوم مرات بابا خلت بابا يقنع تيتة و جدو و ماما و باسم و رحيق يروحوا مشوار، و مرات بابا اتصنعت التعب و قالت خلي اسيل معايا، و انا طبعا بكل سذاجة وافقت لاني كنت بحبها، و بعدين بعد ما ودعت عائلتي، قولت لمرات بابا اني هطلع اريح شوية، و بعدين جم سارة و تشارلي، مدام سالي خلت الخدامة تناديني و نزلت بس حبا فيها، و بعد ما نزلت و سلمت و بابا جه و قعد، لقيت بابا بيبص ليا بحزن و قام، و بعدين لقيت مدام سالي بتقول تعرفي يا اسيل ان البنت اللي تفضل عذراء في امريكا تبقي بنت مش محترمة...
ادهم لف بجسمه بسرعة و باصص لاسيل بصدمة و اسيل بصت ليه بابتسامة باهتة... اسيل(بدموع): انا خدت ثانية اتنين تلاتة علشان استوعب و بعدين قولت ليها مستحيل انا مسلمة و اعرف ديني مش معني لبسي و تقاليدي مختلفة شوية يبقي اخالف ديني، سارة قالت ليا يا بنتي لازم نطمن عليكي علشان سمعتنا، انا بصيت ليهم و قولت مستحيل يعني مستحيل، و بعدين لقيت تشارلي بيقول ايه رأيك طيب نطلع نلعب، قولتله بكل طيبة ماشي...
اسيل سكتت و خدت نفس عميق، و بعدين كملت... اسيل(بدموع): كنت طيبة اوي و انا طالعة معاه شفت بابا بيشرب كحول نزلتله بسرعة. و قولتله يا بابا غلط بصلي بحزن و قال غصب عني يا اسيل اسف، و بعدين لقيت تشارلي شالني و ده كله تحت صريخي و بطلب النجدة من والدي علشان يلحقني لكن مبصش ليا ودي وشه الناحية التانية، و تشارلي رماني علي السرير و كان بيحاول... وقعدت تعيط كتير و ادهم باصص ليها و مصدوم...
اسيل(بعياط): و بعدين اغمي عليا من الخوف و العياط، و فوقت لقيت نفسي في المستشفي، و اللي عرفته بعد ما فوقت من صدمتي، اه اصل انا فضلت تحت صدمة في حدود 3 شهور مبتكلمش مببديش بأي ريأكشن، الللي عرفته ان جدو مكنش مرتاح لنظرات مرات بابا و رجع و كان سامع صريخي و في اخر لحظة لحقوني، بعد ما فوقت من صدمتي مرضتش حد يجي معايا و انا بتأكد اذا كنت زي ما انا و لا لا، و لولا ستر ربنا الحمد لله، محصلش حاجة...
اسيل(بدموع): تعرف كان عندي كام سنة؟! اسيل(بدموع): كان عندي 17 سنة و كان تشارلي عنده 20 سنة...
اسيل(بدموع): و بعدين من ساعتها و انا تحولت من اسيل اللي بتضحك و بتفرفش علطول لاسيل الباردة المستفزة، و عارف كنت ممكن اشمت في مرات بابا لان جدو امر بابا بانه يطلقها، و بابا كان هيعمل كدة، بس انا ساعتها مكنتش ارضي ان واحدة زي رحيق او زي باسم يعيشوا من غير ام، مقبلهاش عليا فمقبلتهاش علي اخواتي، و رفضت انه يطلقها و الكل استمع لرغبتي عارف ليه علشان عارفين اني انا اكتر واحدة مظلومة...
اسيل(بدموع): و من ساعتها مبقولش للاستاذ سامر بابا، و بكره مدام سالي... اسيل(بدموع): تعرف ليه الاستاذ سامر عمل كدة؟! اسيل: علشان خاطر شوية فيديوهات المدام سالي كانت مسكاها عليه ذلة، شوفت اب كدة... اسيل(بدموع): دي قصتي يا ادهم... ادهم قرب منها و كان حاسس كأن الزمن واقف حواليه، و كان حزين عليها و غضبان و كل المشاعر جواه عكس بعضها... ادهم حضنها و هي مسكت فيه جامد و بتعيط...
اسيل(بعياط): عرفت حكايتي يا ادهم... ادهم باس رأسها و شدد عليها و هي في حضنه... ادهم: اسف اسف يا اسيل... ادهم(بغضب): اوعدك هخدلك حقك من تشارلي الكلب ده... ادهم فضل حاضن اسيل لغاية ما نامت في ايده... ادهم شالها و نيمها في السرير و هو نام جمبها، و خدها في حضنه... ادهم(لنفسه): اوعدك اني هجبلك حقك يا اسيل... ادهم(لنفسه): انا آسف...
ادهم بص عليها لقاها نايمة زي الملايكة و انفها محمر و خدودها محمرين من كتر العياط، كانت هادية و جميلة و قمر و هي نايمة... ادهم باسها من جبينها و نام بهدومه...
-في الصباح الباكر... -في اوضة باسم و غزل... باسم: غزل... غزل(بكره): خير... باسم(و هو بيلبس الساعة): حد ضايقك في الكلية؟ غزل: ملكش فيه... باسم بصلها بحدة و قرب منها و مسك ايديها جامد... باسم(بحدة): لما اسألك سؤال تجاوبي... غزل: طب ما انا رديت علي سؤالك ملكش فيه... باسم: غزل احترمي نفسك... غزل: انا معملتش حاجة... رحيق: يا عيني يا عيني... باسم(بابتسامة): اهلا يا رحيق... غزل: عاملة ايه؟
رحيق: عاملة صنية بطاطس... باسم ضحك و استغل الموقف و حضن غزل... باسم: حبيبتي بتحبها صح؟ غزل بصتله بصدمة، و رحيق بصالهم بحب... غزل(باحراج): احم اه بحبها... باسم: ماشي يا حبيبتي... باسم: يلا ننزل... باسم و غزل و رحيق لسة هينزلوا... عدي: رحيق... رحيق: نعم... باسم: عايز ايه ياض يا رخم من اختي؟ عدي: خليك في مراتك... باسم: بتنقط سكر... باسم و غزل نزلوا... رحيق: عايز ايه؟ عدي: انا فكرت في حاجة... رحيق: ايه؟
عدي: مش انتي بتدرسي ادارة اعمال فانا هاخدك تشتغلي معايا علشان السكرتيرة هتتجوز و كمان يبقي بتدربي، ايه رأيك؟ رحيق: تمام هفكر... عدي: يعني موافقة تمام... رحيق: هفكر يا عدي... عدي: تمام يا كبير يلا بينا... رحيق و عدي نزلوا... عدي: صباح الفل عليكوا يا جدعان... تشارلي: اهلا عدي، اين ادهم و اسيل؟ رحيق(بقرف): اتنين متجوزين و في اوضتهم متدخلش في حياتهم... سالي: رحيق تكلمي بأدب... سامر: خلاص خلاص...
عبدالرحيم(بهمس): طلعوا زي ما انت حكتلي يا محمد... محمد(بهمس): انا خايف علي اسيل... احمد(بهمس): ادهم مش هيسبها... صفية: بتتكلموا في ايه؟ فردوس: كلام رجالة يا صفية... سوزان: انا ماشية... عدي: راحة فين يا امي؟ سوزان: النادي... سالي: تعالي نأخد سارة و نروح... سارة: انها فكرة جيدة... صفية: هطلع اصحي ادهم، و انزل البس علشان نروح مع بعض... سامر: اه اه اتفضلوا يلا...
تشارلي: عايز مدام سالي تمشي علشان تستفرد بمدام نيرة... نيرة: ملكش فيه يا تشارلي... -في اوضة ادهم و اسيل... ادهم نايم و حاضن اسيل و اسيل ماسكة فيه، و تأتي هادمة اللذات... صفية فتحت الباب و دخلت... صفية(بصوت عالي نسبيا): الله الله نايمين في العسل. صفية(بصوت عالي): ادهم... ادهم فتح عيونه و بص لقي امه و بص جمبه لقي اسيل ماسكة فيه... ادهم: خير يا امي؟ صفية: مش هتقوم تكلمني...
ادهم: اسيل نايمة علي كتفي، في ايه؟ صفية: ست الحسن و الجمال نايمة اه، طب مش ناويين تقوموا. ادهم: تمام، هنقوم اهو... صفية: و نايمين بهدومكوا... ادهم: عادي واحد و مراته... صفية: ماشي يا ادهم، هتندم... صفية خرجت بغضب، و ادهم بص علي اسيل... ادهم(بحنية): اسيل اسيل... ادهم: اسيل يلا قومي... اسيل لفت وشها الناحية التانية... ادهم: اسيل قومي... ادهم قرب من ودانها... ادهم(بهمس): اسيل قومي... اسيل(بنوم): في ايه؟
ادهم: اتأخرتي اوي... اسيل(بنوم): سيبني طيب خمس دقايق... ادهم: لا قومي دلوقتي... اسيل: طيب يا ادهم امشي بس... ادهم: لا قومي... ادهم: مفيش فايدة... ادهم قام و شال اسيل، اسيل حست انها في الهواء... اسيل فتحت عنيها و لقت ادهم باصص ليها... اسيل: في ايه؟ نزلني... ادهم نزل اسيل... ادهم: يلا يا كسولية... اسيل: تمام... ادهم لسة هيمشي يدخل الحمام... اسيل: مش محتاجة شفقة منك يا ادهم... ادهم لف و قرب منها تاني...
ادهم: حقك عليا كزوجة اني اردلك حقك يا اسيل مش شفقة و لا حاجة... ادهم: و لما تعرفيني علي حقيقتي هتعرفي اني مش بشفق عليكي... اسيل: ايه هي حكايتك؟ ادهم: في الوقت المناسب... اسيل: اللي هو يعني مش هتقول خالص صح... ادهم: لا هتعرفي، او انتي بقي وريني شطارتك كصحفية و اعرفي... اسيل: تمام... ادهم: خشي خدي دوش... اسيل لسة هتمشي... ادهم: قدام تشارلي احنا متخانقين... اسيل: ليه؟
ادهم: هتشوفي، بس قدام تشارلي احنا متخانقين و قدام الباقي في توتر بينا، تمام... اسيل: اوكي... اسيل دخلت خدت دوش و خرجت دخلت اوضة الملابس و ادهم دخل الحمام... - اسيل لبست فستان شيك ضيق بحمالة عريضة باللون البنفسجي و محدد جسمها، و لبست صندل بكعب بسيط باللون الاسود، و شعرها ضفيرة جميلة و طويلة، و طلعت شنطة سوداء... ادهم خرج من الحمام و هو خارج بالفوطة بس حوالين خصره... ادهم: ده ايه ده ان شاء الله؟
اسيل: ايه؟ ادهم: انتي مش شايفة الفستان محددك ازاي؟ اسيل بصت علي فستانها و لفت بجسمها... اسيل: ماله يا ادهم؟ ده استايل لبسي... ادهم(بغضب): اسيل ده تلبسيه في امريكا هناك هنا انتي شايلة اسمي فحافظي عليه و البسي حاجة محترمة و واسعة... اسيل قربت منه و كانت علي بعد بسيط منه... اسيل: ادهم اعتقد دي حريتي و(لخيالكوا)... ادهم: يعني ممكن انا اعمل كدة و اقولك دي حريتي مثلا...
ادهم ساب اسيل و دخل اوضة الملابس و بيغير هدومه... اسيل: غبي و رزل و حيوان... اسيل دخلت الاوضة بسرعة و كان ادهم لبس بنطلونه بس... ادهم: في حد يدخل كدة؟ اسيل(ببرود): انا ممكن ادخل كدة و اقولك دي حريتي مثلا... ادهم(بخبث و هو بيقرب منها): انتي تدخلي في اي حتة بدون استاذان انت يا جميل... اسيل: احم ادهم روح كمل لبس... ادهم: لا... اسيل: يا بني وسع... ادهم: لا... ادهم لسة هيقرب منها، تليفونه رن...
ادهم(لنفسه): و ربي لاقتلك مكانك ياللي بتتصل... اسيل(بضحك): روح رد يا باشا... ادهم: ليكي يوم يا اسيل... اسيل: قولتلك مش هقع في بلاعة مجاري... ادهم مسك التليفون و شاف الاسم و اتعصب. الخط اتفتح... ادهم: الو... مها: وحشتني يا ادهم... ادهم: بعدين... ادهم قفل الخط في وشها... ادهم: اخرجي يا اسيل اغير... اسيل لاحظت تغيره و عصبيته... اسيل: تمام... اسيل نزلت قبل ادهم... اسيل: صباح الخير...
عبدالرحيم: صباح النور يا قلبي... نيرة: صباحك عسل... عدي: يلا يا رحيق، يلا يا ليلي. ليلي: فين كريم؟ عدي: تعبان شوية مش هيقدر يجي... ليلي(بخوف): طب طب هو كويس؟ عدي: اه متخافيش... رحيق: اسيل عايزاكي في موضوع... اسيل: تعالي يا روحي... تشارلي: اخبارك يا اسيل... اسيل: بخير تشارلي... ادهم نزل علي السلالم جري... ادهم: اهلا يا جماعة. سامر: اهلا يا ابني... ادهم: اهلا تشارلي... تشارلي: اهلا ادهم...
ادهم: مش يلا علي الشغل... تشارلي: اه اه طبعا... ادهم(ببرود لاحظه الجميع): يلا اسيل... اسيل: تمام... فردوس(بهمس): شكل العلاقة توترت تاني... اسيل: في ايه يا رحيق؟ رحيق: بليل طيب... اسيل: تمام... رحيق(بدموع): انتي مبقتيش تحبيني... اسيل: ايه الكلام ده يا رحيق، انتي عارفة غلاوتك عندي... رحيق: لا من ساعة ما اتجوزتي و انتي مش مركزة معايا... اسيل: يا روحي بس شوية ضغوطات، بس اوعدك هنتكلم النهاردة... رحيق: تمام...
اسيل حضنت رحيق و نزلت لادهم... ادهم: يلا... ادهم و اسيل و تشارلي خرجوا... تشارلي: اقابلك في الشركة باي... تشارلي مشي، و ادهم و اسيل ركبوا عربية ادهم... باسم: يلا يا غزل... غزل: تمام... باسم خد غزل و راح وصلها للكلية... باسم: خلي بالك من نفسك... غزل: لا... غرل سابته و نزلت و باسم ضحك... باسم لسة هيتحرك لقي كتاب لغزل... باسم: التايهة... باسم نزل و دخل الكلية... شخص: ايه يا بنتي مش عايزة تتكلمي معايا ليه؟
غزل: لو سمحت انا بنت متجوزة يا ريت تبعد... شخص: لا و مش هبعد... باسم: طب قرب... باسم ضربه و خرشمله وشه... باسم(بعصبية): من هنا و رايح مفيش جامعة و انا هذاكرلك في البيت، و الامتحانات انا اللي هوديكي فاهمة؟ غزل(بخوف): فاهمة... باسم مسك ايديها و ركبها عربيته... -عند عدي... عدي: يلا يا بنانيت انزلوا و هيبقي في حارسين وراكوا... رحيق: يا عدي مبحبش الحراس انا... عدي: يلا يا ليلي، اسمعي الكلام يا رحيق...
رحيق(بهمس): رزل... رحيق وليلي نزلوا... رحيق: مالك يا بنتي مش معايا ليه؟ ليلي: ها لا مفيش... رحيق: واضح واضح، شكله حبيب القلب... ليلي: ها لا قصدك مين؟ رحيق: علي بابا يالا... -عند ادهم و اسيل في العربية... ادهم: انا اللي هاجي اخدك يا اسيل، و متمشيش مع الواد اللي اسمه طارق و لا تتكلمي معاه سواء شغل او اي حاجة... اسيل(بلامبالاة): هشوف... ادهم: لا مش هتشوفي انتي تنفذي... اسيل: لا يا ادهم انا عارفة حدودي كويس...
ادهم: تمام يا اسيل... ادهم نزل و نزل اسيل معاه... اسيل: انت رايح فين؟ ادهم: ملكيش فيه... ادهم مسك اسيل و دخل الجريدة... ادهم: فين مكتبك؟ اسيل شاورت عليه... ادهم دخل هو و اسيل... زينات: ادهم بيه المكتب زاد شرف... المدير لما عرف الخبر جه علطول... المدير: اهلا اهلا... ادهم: تمام... ادهم: روحي اقعدي... طارق: في ايه؟ اسيل(باستغراب): انا مش فاهمة حاجة... ادهم: عن اذنكوا... ادهم راح مع المدير علي مكتبه...
المدير: احم اهلا بحضرتك... ادهم: عايز اشتري الجريدة... المدير: سيبني افكر... ادهم: لا، 3 مليون كويس؟ المدير(بصدمة): 3 مليون... المدير: اه اه كويس... ادهم: انت هتفضل المدير هنا، و محدش يعرف انها بتاعتي، فهمت؟! المدير: طبعا... ادهم: هيجيلك مدير اعمالي و معاه العقود... المدير: تمام يا بيه... ادهم راح علي مكتب اسيل و وقف قدامها... ادهم: اسيل... اسيل: نعم... ادهم(بهمس): هتوديني البوسة هنا و لا بره احسن...
اسيل: روح احلم يا استاذ ادهم الشافعي... ادهم(بهمس): عندك حق انتي اللي اتبترتي المرة اللي فاتت، و كان اخرها انه اغمي عليكي... اسيل قامت بسرعة و مسكت ايد ادهم و راحت عند الحمام... اسيل: شخص رزل... ادهم ربع ايده و باصص لاسيل باستمتاع و تسلية... اسيل: باااااااارد... اسيل قربت من ادهم و باسته علي خده و طلعت تجري... ادهم ضحك علي جنونها، و طلع علي شركته... -ادهم وصل للشركة... و دخل و قعد في مكتبه...
دانا: مدام مها عايزة حضرتك يا ادهم بيه... ادهم(بزهق): دخليها يا دانا... مها دخلت، و دانا خرجت... ادهم(ببرود): خير... مها قربت منه و مشيت بدلع... مها: وحشتني... ادهم: مها انتي جيتي علشان احللك مشكلة و انا لسة بدرسها... مها قربت منه و قعدت علي رجله... ادهم: قومي يا مها... مها قربت منه و... عدي دخل فجأة... عدي(بصدمة): ادهم... مها قامت بسرعة من علي رجل ادهم... مها خدت شنطتها و مشيت... عدي: ايه ده يا ادهم؟
ادهم(بلامبالاة): ايه؟ عدي: هي مش دي كانت، و انت مبتحبش الشبهات في شركتك... ادهم: عدي مش اللي في بالك... عدي: انت نسيت انك متجوز، نسيت اسيل... عدي: و احنا اللي فرحنا لانك بقيت بتضحك معاها، و لاحظنا تغير في شخصيتك... ادهم: متدخلش في اللي ملكش فيه يا عدي... عدي: لا ليا فيك يا ادهم، انت اخوبا قبل ما تكون ابن عمي و صاحبي... عدي: نسيت كل حاجة، نسيت هي عملت ايه؟ ادهم: بره يا عدي، و روح شغلك...
عدي: انا هخرج بره يا ادهم هخرج من كل الشركة كلها، اشبع بيها... عدي خرج و هو في قمة غضبه، و ادهم قعد يكسر اوضة مكتبه... -عمد باسم و غزل... غزل: انت موديني فين؟ باسم: شركتي... غزل: ليه؟ باسم: كدة... غزل: انا عايزة اروح... باسم: لا هتروحي معايا... باسم خد غزل و طلع بيها علي شركته... باسم دخل بكل وقار و هو ماسك في ايد غزل و غزل متوترة... باسم دخل اوضة مكتبه... باسم: خليكي قاعدة هنا عندي اجتماع و جايلك...
غزل: طب ما تروحني... باسم: لا... باسم راح اوضة الاجتماع و غزل فضلت قاعدة في المكتب حاسة بملل... -عند اسيل... اسيل: في حد لازم يروح هناك... طارق(بتوتر): انا انا هروح... زينات: انا عندي عيال يا اسيل... اسيل(بابتسامة): و مين قال انكم هتروحوا، انا اللي هروح... طارق: لا يا اسيل، المنطقة عشوائية و فيها بلطجة كتير... اسيل: لا متقلقوش انا بحب كدة طارق: هاجي معاكي... اسيل: لا... زينات: ابلغ المدير... اسيل: لا...
طارق: ازاي؟ اسيل: انا ممكن اروح هناك و ملقيش حاجة قيمة، نبلغ المدير لما نلاقي الموضوع و الاثباتات... طارق: انا خايف عليكي... اسيل: اسد ياض في ايه؟ و قعدوا يضحكوا... زينات: هتعرفي تروحي بالفستان ده؟ اسيل: لا و كمان لابسة كعب... اسيل: بس هتصرف عادي... اسيل خدت شنطتها... اسيل: انا هروح الحمام... اسيل راحت الحمام فتحت شنطتها و طلعت كيس صغير فيه هدوم، كانت مطبقة الهدوم بطريقة احترافية علشان ميخدوش مكان كبير.
اسيل قلعت فستانها و لبست شورت قصير باللون الابيض و تي شيرت بنص كم باللون الاسود و مبين جزء بسيط من بطنها، و لمت شعرها علي شكل كحكة... و طلعت من الحمام... زينات(بانبهار): لا ازاي؟ طارق: ازاي عملتي كدة؟ اسيل: مش مهم... و بعدين اسيل راحت ناحية المكتب و طلعت من تحته كوتشي ابيض عالي، و بدأت تلبسه... زينات: ليكي حق يبقي اسمك الصحفية المشهورة اسيل الجارحي... اسيل: شكرا ليكي يا زينات...
اسيل خدت شنطة صغيرة جدا، حطت فيه فلوس و موبايلها بس... اسيل: باي يا جماعة، خلوا بالكوا من حاجتي... طارق: تمام... اسيل خرجت من باب الجريدة و خدت الكاميرا معاها و التسجيل و الحارس اللي متابعها، لقاها بتركب عربية اجرة، و ركب عربيته هو و زميله و راحوا وراها... الحارس طلع تليفونه و اتصل بادهم... ادهم كان تعبان و حاسس بارهاق... الخط اتفتح... ادهم: ايه؟
حارس: المدام يا بيه طلعت بلبس غير اللي هي دخلت بيه، و ركبت عربية اجرة و مشيت يا باشا و احنا وراها... ادهم اتعصب جدا و كان بيطلع نار من كل حتة كانت كفيلة تحرق الكوكب كله... ادهم(بعصبية): ابعتلي العنوان فورا... ادهم(بتوعد): ماشي يا اسيل، انا جبت اخري معاكي، استحملي بقي... ادهم نزل بسرعة و ركب عربيته و راح للعنوان اللي الحارس بعته... -عند عدي... عدي كان متعصب جدا و راح عند كريم...
كريم: خير يا ابني حصل ايه؟ عدي حكاله كل حاجة... كريم: كنت تتكلم معاه براحة يا عدي... عدي(بعصبية): نعم يا كريم هو ده يجي براحة... كريم: برضو مكنش ينفع تسيبه... عدي: لا خليه يتعلم بقي... كريم: مين جاب البنات؟ عدي: الحراس... كريم: تمام... -عند غزل و باسم... باسم خلص اجتماعه و دخل ليها... باسم: عجبك المكتب؟ غزل: عايز ايه يا باسم؟ باسم: تمام، بصي يا غزل عارف اني غلطت، و انا بعتذر بس كنت سكران، ممكن تسامحيني؟
غزل بصتله و لقت عيونه صادقة و كلامه صادق... غزل: عايزة اروح يا باسم... باسم: بس... غزل: تعرف انك حب حياتي... باسم بصلها بصدمة...
غزل: ايوه مرة انت نزلت هنا في مصر و اتقابلنا صدفة، كنت مبسوطة بيك لانك كنت مثلي الاعلي المهندس المشهور باسم الجارحي، كنت بحب شغلك و اتعلقت بيك، و لما انقابلنا انت انقذتني من شوية ناس كانوا بيعاكسوني و حاولت اقابلك و انت في مصر بس معرفتش، لان جدولك دايما مشغول، و اعجبت بيك، و لما اتصدمت بيك انك هتتجوزني كنت طايرة من الفرحة، و اتعلقت بيك اكتر، بس باللي انت عملته قتلت جزء كبير اوي من المشاعر دي يا باسم...
باسم كان مصدوم منها و من كلامها، و عاد بذكرياته و افتكرها فعلا... باسم قعد باصص ليها كتير... باسم: يلا اروحك... باسم خد غزل و وصلها لباب القصر و طول الطريق محدش اتكلم... -عند اسيل... اسيل: اقف هنا حضرتك... السواق: انتي راحة فين يا بنتي؟ اسيل: مكان قريب هنا هروح ليه... السواق: المكان ده مفهوش اي حد يا بنتي، غير المنطقة دي، و كل اللي هنا عشوائيات مشبوهة مقفولة علي سكانها، و انتي باين عليكي بنت ناس...
اسيل: انا صحفية يا عمو. السواق: انتي بتخاطري بحياتك... اسيل: اكيد بخاطر بحياتي علشان خاطر نقدر نقبض علي الناس الزبالة دي... السواق: ربنا يحميكي انتي و اللي زيك يا بنتي. خلي بالك... اسيل: حاضر، شكرا لحضرتك... السواق: هستناكي هنا... اسيل: ملهوش لزوم... السواق: سيبيني اساعدك يا بنتي... اسيل: شكرا يا عمو... اسيل نزلت و في حارس نزل وراها و حارس مستني في العربية...
اسيل دخلت المناطق دي، و لقت مناظر صعبة جدا. اطفال قاعدة و عليها ذباب كتير... اسيل خدت صور ليهم... و بعدها لقت في ناس كتير زي سوق كدة... اسيل: لو سمحت... ست(بقرف): افندم... اسيل: لو سمحت فين هنا ابراهيم برشامة؟ ست(بقرف): و انتي جاية ليه لبرشامة؟ اسيل كانت بتسجل من غير ما حد يأخد باله... اسيل: ممكن توريني مكانه... ست: واد يا بلية. اسيل(باستغراب): بلية! ست: اه بلية عندك مانع... اسيل: لا لا، فين الاستاذ بلية؟
شاب: مين الصاروخ؟ اسيل(لنفسها): ادهم ارحم و ربنا... اسيل: لو سمحت ممكن توريني فين ابراهيم برشامة. شاب: طب مينفعش بلية... اسيل(ببرود): لا عايزة الاستاذ ابراهيم برشامة... بلية: ماشي يا صاروخ... اسيل(بعصبية): احترم نفسك... بلية: قدامي يا صاروخ... بلية مشي قدامها و اسيل وراه... -عند ادهم... ادهم وصل للمكان اللي الحارس بعته... حارس: ادهم بيه... ادهم: فين اسيل؟ حارس(بخوف): دخلت جوا. ادهم(بغضب): انت مجنون...
ادهم دخل بكل غضب... حارس: اهو ده صاحبي يا باشا... ادهم راح علي الحارس التاني... ادهم: فين مراتي؟ حارس: مشيت مع واحد من هنا يا باشا... ادهم: حسابكوا معايا بعدين... ادهم مشي ناحية ما الحارس شاور... حارس1: نمشي و لا ايه؟ حارس2: لو قعدنا هنموت، يلا... الحارسين مشيوا. ادهم لاحظ اسيل، و فضل ماشي وراها... بلية: هيما في اخر الشارع خلي بالك المنطقة هادية هادية اوي... اسيل: تمام متشكرة...
بلية: انا تحت الخدمة يا صاروخ... اسيل بصتله بقرف و كملت مشي، و راحت لاخر الشارع و ادهم وراها بيبصلها بكل غضب... اسيل دخلت منطقة هادية مفهاش اي شخص... و بعدين اسيل سمعت صوت... شخص: جبتوا البودرة... طفل: ايوه يا كبير... شخص: عفارم عليك يا واد يا ظلتة... ظلتة: و لا يهمك يا معلم... شخص: تمام، جيبوا الواد اللي كان مريض امبارح... اسيل كانت سامعة ده كله، و بصت لقت شباك و لقت صناديق خشب...
ادهم كان باصص ليها باستغراب جدا... اسيل طلعت علي الصناديق الخشب و بدأت تصور بالكاميرا بتاعتها، و شافت منظر و الراجل ده و هو بيقتل الطفل... اسيل شهقت... الكل بصوا ناحية الصوت... شخص: هاتوها... اسيل بصت بصدمة... ادهم(بحدة): انتي لسة هتتصدمي... اسيل صدمتها بقت اضعاف لما سمعت صوت ادهم... ادهم شالها و نزلها من علي الصناديق و مسك ايديها و بدأوا يجروا... و الباقي بيجروا وراهم... اسيل: ايه اللي جابك؟
ادهم: ده وقته... اسيل: عرفت منين اني هنا؟ ادهم: اوعدك اننا لو فضلنا عايشين هجاوبك و هعاقبك، تمام... ادهم و اسيل جريوا كتير، و الناس بتجري وراهم... ادهم و اسيل وصلوا لبوابة مقفولة... ادهم حاول يفتحها... ادهم: معاكي اي حاجة للشعر... اسيل: اه اه معايا بنستي... اسيل شالت البنسة من شعرها، و شعرها نزل حرير علي وشها... ادهم: هاتي... ادهم حاول يفتح القفل... ظلتة: اهم يا كبير... اسيل(بخوف): ادهم...
رواية صدفة أم قدر للكاتبة سلسبيل كوبك الفصل الخامس عشر
ظلتة: اهم يا كبير... اسيل(بخوف): ادهم... ادهم لقي حد موجه مطوة علي رقبة اسيل... ادهم: سيبها... شخص: بعد ما صورتني و كمان دي هتموت و انت اكيد هموتك وراها... اسيل: سوري بقي يا ادهم... اسيل داست علي رجل الراجل جامد و ضربته بكوعها في بطنه و ضربته برأسها، و راحت علي ادهم... ادهم: اجري. ادهم و اسيل جريوا لغاية ما وصلوا للشارع الرئيسي... اسيل(و هي بتنهج): لا مش قادرة...
ادهم(بعصبية): انتي ازاي تيجي هنا لوحدك؟ انتي غبية و لا مجنونة... اسيل: انت عرفت منين؟ ادهم(بصوت عالي): ده كل اللي همك، انتي غبية... اسيل(بحدة): ادهم بعد اذنك متشتمنيش... ادهم(بسخرية): ده كل اللي همك، و انك كنتي هتموتي مش همك. اسيل: ده شغلي يا ادهم... ادهم: بس انتي مراتي و مسئولة مني... اسيل(بعصبية): ادهم متقولش كدة تمام، انا مسئولة من نفسي و بس. ادهم: اه و غيرتي كمان لبسك في مكان بره البيت...
اسيل: ملكش دعوة... ادهم(بصوت عالي): انتي مبتفهميش و لا ايه؟ هو مش انا قولتلك ممنوع تغيري بره البيت... اسيل: ادهم بعد اذنك وطي صوتك اولا، ثانيا احنا مش متجوزين جواز حقيقي علشان كل تحكماتك دي... ادهم(بغضب): اه فعلا و انا متشرفش انك تكوني مراتي و انا معرفش اذا زي ما انتي او لا، انتي سلعة رخيصة للكل، و انتي... اسيل وقفته بقلم علي وشه... اسيل(ببرود): انت فعلا اكدت ليا انك مش راجل ينفع يعتمد عليه...
اسيل سابته و مشيت، و ادهم كان بيبص في اثرها بغضب و عصبية لانها رفعت ايديها عليه... ادهم طلب عربية ليه و جت و وصلته للقصر... اما اسيل كانت ماشية تايهة مش عارفة تروح فين و لا تعمل ايه كان بتزعق لنفسها لانها اتكلمت و بررت موقفها و ندمانة انها حكت ليه عن قصتها... اسيل ركبت عربية و وصلت للقصر... اسيل وصلت قبل ادهم و دخلت القصر... نيرة(بخضة): اسيل مالك؟ اسيل: مالي يا ماما انا كويسة...
ليلي: مالك يا بنتي حصل ايه وشك محمر؟ اسيل: اصل اليوم كان صعب... نيرة: عندي خبر حلو ليكي... اسيل: خير... نيرة(بفرحة): سارة و تشارلي مشيوا... اسيل(بابتسامة مصطنعة): طب كويس... اسيل: هطلع اخد شاور... - اسيل طلعت خدت دوش و خرجت لبست ترنج من قطعة واحدة زي قماشة الحرير و و بحمالة رفيعة. و لبست سلسلة خفيفة و شيك و قصيرة، و لمت شعرها و خرجت قعدت علي التلفزيون...
ادهم دخل و مودهاش اي اهتمام و خد دوش و لبس بنطلون و تي شيرت و خرج دخل اوضة المكتب...
-عند الباقي... رحيق: هو اسيل جت؟ نيرة: اه يا روحي... صفية(بشماتة): و ادهم مجاش معاها شكلهم متخانقين الحمد لله... فردوس: صفية احترمي نفسك، متشمتيش في حد. احمد: و الله يا سامر انت مسخرة بجد... سامر: لا انت بس اللي كبرت و مش لسة شباب... نيرة: حبيبي اتغديت؟ سامر: اه يا روحي اتغديت مع احمد... سالي: كده يا حبيبي ده انا مستنياك... سامر(بقرف): شكرا يا سالي... باسم: اهلين يا جدعان... رحيق: اهلا...
باسم: عاملة ايه؟ رحيق: تمام... باسم: اخبار الجامعة؟ رحيق: بتسلم عليك. باسم: يا خرابي علي القرف... كريم: مساء النور يا جماعة... ليلي: اهلا اخبارك، عدي قال انك تعبان عامل ايه؟ كريم: الحمد لله... ليلي: الف سلامة... كريم: الله يسلمك... عدي و رحيق: احم احم. ليلي: انتي كنتي عايزة اسيل صح؟ رحيق: اه فعلا هطلعلها... -عند اسيل، الباب خبط... اسيل: ادخل... رحيق(بفرحة): ها بقي اخبارك يا ست البنات ايه؟ اسيل: بخير يا روحي...
رحيق: تعرفي انك وحشاني موت... اسيل: و انتي اكتر، اسفة ياروحي كنت مشغولة عنك. رحيق(بتمثيل): عادي عادي ما انت مش بتحبني... اسيل(بضحك): يا مجنونتي... اسيل: كنتي عاوزة ايه الصبح يا روحي؟ رحيق: بصي يا ستي عدي عرض عليا اني اشتغل او بمعني اصح اتدرب معاه في شركته. علشان السكرتيرة بتاعته بتتجوز، ايه رأيك؟ اسيل: بصي ده اختيارك، بس هتوفقي ازاي بين الشغل و الجامعة؟
رحيق: هروح الجامعة الصبح، الضهر اروح علي الشغل اتدرب و اشتغل و بعدين ارجع اذاكر و انام... اسيل: ارهاق عليكي يارحيق... رحيق: طب ما انتي كنتي بتعملي كدة... اسيل: مش عايزاكي تتعبي... رحيق: يعني انتي كنتي بتتعبي. و لما نسألك تعبانة تقولي لا... اسيل: انتي لسة فاكرة... رحيق: عموما اعمل ايه؟ اسيل: انتي قلبك بيقولك ايه؟ رحيق: اوافق... اسيل: و عقلك؟ رحيق: اوافق... اسيل(بخبث): طب و عدي؟ رحيق(بعفوية): اوافق...
اسيل مقدرتش تمسك ضحكها و قعدت تضحك بصوت عالي وصل لادهم في المكتب و كان مضايق اوي... رحيق(بكسوف): لا مش اللي في بالك... اسيل: عارفة عارفة... اسيل: شوفي راحتك فين، و حطي في المقام الاول مستقبلك تمام... رحيق حضنت اسيل اوي و اسيل ضمتها لحضنها... رحيق: بحبك يا احلي اخت... رحيق: بموت فيكي يا مجنونتي... رحيق(بغمزة): طب ايه رأيك؟ اسيل: لا مش قادرة... رحيق: طب ايه رأيك نقعد كلنا في الجنينة؟
اسيل: تمام روحي قولي لغزل و ل ليلي... رحيق(بفرحة): اشطا يا معلم... رحيق سابت اسيل و راحت لغزل... رحيق: ايه يا معلم ناسيني ليه؟ غزل(بابتسامة مجاملة): لا خالص... رحيق: طب ايه رأيك نصيع؟ غزل(بخضة): ايه لا؟ رحيق ضحكت علي منظرها... رحيق(بضحك): لا متخافيش، انا و انتي و ليلي و اسيل هننزل الجنينة نتكلم قاعدة بنات يعني... غزل: اه ماشي... رحيق: يلا بنا يا معلم...
رحيق خدت غزل و نزلت بيها جري علي السلالم و كانت هتقع، عدي لحقها في اخر لحظة و غزل مسكت في سور السلم... باسم(بخضة): انتي كويسة يا غزل؟ غزل(بجمود): اه... باسم(بعصبية): مش تحاسبي يا رحيق. عدي: خلاص خلاص حصل خير... رحيق(بدموع): اسفة يا غزل... غزل: مفيش حاجة يا روحي... ليلي: عموما كنتي نازلة بسرعة ليه؟ رحيق: هقولك تعالي انتي و غزل و اسيل نازلة... ليلي و غزل و رحيق خرجوا للجنينة...
رحيق: اسيل هتنزل و نقعد نتكلم. قعدة بنات يعني... ليلي(بفرحة): بجد، انا كان نفسي في قعدة اخوات و نتكلم... غزل: و انا و الله... اسيل لبست شال بسيط علي كتفها و نزلت ليهم... اسيل: اهلا يا قمرات... رحيق: يلا نقعد بقي، ده انا خلتهم يعملوا فشار و عصاير هنستمتع... البنات الاربعة و قعدوا يتكلموا في مواضيع مختلفة و يضحكوا، و صوت ضحكهم عالي اوي... اسيل(بضحك): لا بجد انتوا ملكوش حل...
رحيق(بضحك): لا و ايه بيقولك مرة... غزل(بضحك): حبيبتي حبيبتي مين اللي بيقولوا؟ رحيق: الناس... ليلي: و انتي مقتنعة... رحيق: بتنقطوا سكر... و قعدوا يضحكوا... فردوس: صوت البنات عالي اوي... باسم(بغيظ): اه ده حتى ضحك غزل خرم ودني... كريم(بغيظ): و الانسة ليلي ماسكة بطنها من كتر الضحك... عدي(بغيظ): احنا بنتفرج عليهم ليه؟ باسم(بغيظ): هي اسيل السبب، نادوا جوزها يسكتها. عدي: عندك حق... باسم و عدي و كريم طلعوا لادهم...
ادهم: ادخل... و دخلوا ليه اوضة المكتب... ادهم: ايه في ايه؟ باسم: انزل لم مراتك يا ادهم... ادهم(ببرود): في ايه؟ عدي: اسيل لمت البنات و قعدوا في الجنينة... ادهم(ببرود): برضو اسيل مالها؟ كريم: اسيل و البنات بيضحكوا بصوت عالي اوي و كل الحراس سامعينهم و مركزين معاهم... ادهم اتعصب من الفكرة دي جدا... ادهم(ببرود): انزلوا كلموهم براحة انا مالي، و اكيد مش للدرجة دي يعني بلاش اوفر باسم: طب هنوريك...
باسم و كريم و عدي مسكوا ادهم و قوموه و راحوا عند البلكونة، ادهم سمع صوت اسيل عالي جدا، و في حراس مركزين معاها و مع الباقي و هو كراجل فهم نظراتهم... ادهم(بعصبية): اسيل... اسيل سمعته لكن طنشته... غزل: يا بنتي جوزك بينده عليكي... اسيل(ببرود): انتوا سمعتوا انا لا... ليلي: اسيل بليز ردي عليه، ده مجنون و عصبي... اسيل(ببرود): خليه يعمل ليا اي حاجة... رحيق: اسيل بلاش ممكن يعملك حاجة...
اسيل(ببرود): تعرفوا تسكتوا... نيرة(بحنية): اسيل حبيبتي وطوا صوتكوا شوية... اسيل بصتلها بحنان و قامت حضنتها و باستها... اسيل(بحنان): علشان خاطرك يا قمر انت... نيرة: ربنا يخليكي... رحيق: طب و انا و انا... نيرة: قلبي انتي... غزل: كدة نستيني يا ماما... نيرة: مقدرش، انتوا كلكوا عندي واحد حتى ليلي... ليلي: شكرا يا طنط... نيرة مشيت، و الشباب فوق باصين للبنات بغيظ... اسيل: تعرفوا نفسي في ايه؟
رحيق: نفس اللي نفسي فيه... ليلي: يا بت اتهدي انتي مسخرة... اسيل: و يا تري نفسي في ايه يا ست رحيق؟ رحيق: لا معرفش... غزل: مجنونة... اسيل: نفسي اشغل اغاني و ارقص... رحيق: و في مقولة بتقول نفذ رغباتك صح... ليلي: لا طبعا انتوا اتجننتوا في حراس هنا، و ادهم لو لمحنا بنعمل كدة هينفخنا و يعلقنا... غزل: طب ما نمشي الحرس... ليلي: لازم امر جدو او بابا او ادهم او عدي او كريم بس... اسيل(بمكر): يبقي نروح لجدو...
ادهم لاحظ نظرة المكر و ابتسامة اسيل... ادهم(في نفسه): هتعملي ايه يا اسيل؟ البنات قاموا و راحوا لاوضة جدهم... اسيل: جدو جدو حبيبي... رحيق: يا احلي جد في الدنيا... غزل: يا اطيب قلب... ليلي: مهما اقول فيك شعر مش نقدر اوصف طيبة قلبك... عبدالرحيم(بضحك): عايزين ايه يا مجانين؟ اسيل: يعني بص لو مش هتقدر براحتك... رحيق: هنكتم في قلبنا و نسكت... عبدالرحيم مكنش قادر يبطل ضحك من لماضتهم... عبدالرحيم: قولوا يا مجانين...
غزل: عايزين تخلي الحراس يخرجوا بره الجنينة... عبدالرحيم: ليه؟ ليلي: عايزين نهيص و نشغل اغاني... عبدالرحيم: طب ما تعملوا كدة جوا القصر... اسيل: اصل يعني الفرفشة بتحب منها للهواء علطول... رحيق: بليز بليز بليز يا جدو... و قعدوا يتحايلوا علي عبدالرحيم... عبدالرحيم: ماشي بس لو جوزك يا اسيل زعق مليش فيه... اسيل: فكك منه، يلا بقي... -عند الشباب... كريم: شكل مدام نيرة عملت سحر ليهم...
باسم: مدام نيرة قلبي و ربنا، دول كانوا سايقين فيها اوي... عدي: انا ماشي يا صاحبي... ادهم: انت ما بتصدق تعالي يا مجنون... و حضنوا بعض... كريم: ندخل بقي علشان الجوا بقي سقعة... و لسة بيلفوا علشان يدخلوا، سمعوا صوت اغاني عالية، و البنات بتتمايل علي كلمات الاغاني... -كريم كان مصدوم من ليلي لقاها بترقص بكل حماس و ضحكتها اللي واصلة بودانها...
-باسم كان مصدوم من غزل اللي كانت بترقص شرقي حلو اوي، و كانت بترقص حلو اوي... -عدي اتصدم من رحيق كانت بترقص شعبي و لا اي ولد محترف، و مبسوطة اوي... -ادهم اتعصب جدا و اتصدم من اسيل اللي كانت بتتمايل مع الاغاني و كانت بترقص كأنها في بار(اسيل مبتعرفش ترقص شرقي)... ادهم سابهم و نزل لتحت بسرعة و هو في قمة غضبه... عبدالرحيم: العب... عبدالرحيم: الحقوا بناتكوا... و باسم و كريم و عدي نزلوا ورا ادهم...
احمد و سامر طلعوا وراهم بسرعة... البنات لاحظوا ان الاغاني وقفت... اسيل: مين اللي قفل الاغاني؟ ليلي(بخوف): ااا ده مم(ادهم)... اسيل لفت بجسمها لقت ادهم باصص ليها بكل غضب، (عارف لما تكون عامل عملة و والدتك قالت لوالدك. بتكون ميت من الخوف. شعور اسيل مماثل بالظبط، لان ملامح ادهم كانت باين غليها الغضب. و عيونه كفيلة تقتل الناس)... عدي(بغضب): ايه المسخرة اللي كنتوا عاملينها دي...
احمد: ادهم ادهم انتوا لسة متجوزين فهي مش عارفة اكيد تقالدينا و كمان هي كانت عايشة في امريكا... كريم(بعصبية): و الانسة ليلي هي كمان جاية من امريكا... باسم(بغضب): و انتي يا غزل ايه بقيتي قليلة ادب فجأة، و لا انتي خبرة؟ رحيق استخبت ورا ضهر اسيل، و غزل و ليلي عملوا زيها...
اسيل(و هي بتمثل الشجاعة): احنا استأذنا من جدو و كمان خلينا الحراس يخرجوا من الجنينة، و احنا يعتبر ده بيتنا فرقصنا بحرية عادي معملناش حاجة غلط و محدش كان بيبص علينا... ادهم مسك اسيل من شعرها و مسك دقنها و رفع وشها... ادهم(بغضب): و بالنسبة للشباب دي ايه؟ اسيل اتصدمت جدا لان كان في شباب في الفيلا اللي جمبهم بتتفرج عليهم... ادهم: ما تفهميني يا هانم...
ادهم(بصوت عالي): دلوقتي هتنبسطتي لما صورك تبقي علي تليفونتهم، ردي؟ ليلي(بخوف): ادهم... ادهم(بعصبية): اخرسي... ادهم(بعصبية): مقولتيش ليهم ليه؟ كريم(بعصبية): الموضوع كان جاي علي هواها... غزل و رحيق و ليلي كانوا بيعيطوا، اما اسيل كانت باصة لادهم بهدوء، و ده معصب ادهم اكتر... محمد(بحدة): ادهم نزل ايدك... ادهم(بغضب): هي مراتي يعني ملكي انا... محمد راح ناحية ادهم و شال ايده من شعر اسيل، و حط اسيل ورا ضهره...
محمد(بحدة): لا اسيل مش ملك ليك... محمد(بحدة): و بدل ما تحاسبوهم بالطريقة دي علموهم الاول، ايه محدش علمكوا تعاملوا مراتتكم ازاي؟ فردوس راحت حضنت اسيل و نيرة حضنت غزل و رحيق و ليلي، اسيل كانت باصة لادهم بهدوء... ادهم مشي و طلع علي اوضته، و كريم و باسم و عدي طلعوا لاوضتهم... محمد: اسيل انتي غلطانة... محمد: مكنش ينفع تعملي كدة، ادهم راجل يا اسيل و مش هيقبل كدة علي مراته حتى لو متخانقين...
محمد: و كريم و عدي بيخافوا عليكوا كأخواتهم يا ليلي انتي و رحيق... محمد: و انتي يا غزل يا حبيبتي اه انتي و باسم متجوزين علشان يحميكي. بس لو مكنش عمل اللي عمله النهاردة و مكنش اتعصب مكنش يتساهل يكون راجل... فردوس: اسمعوا الكلام يا بنات... فردوس: حاولوا تصالحوهم... اسيل(ببرود): ميهمنيش في حاجة... نيرة: اسيل عيب ده جوزك... اسيل: طالعة انام... سامر: اطلعي ورا جوزك يا غزل... غزل سمعت الكلام و طلعت...
نيرة: يلا يا حبايبي اطلعوا انتوا... ليلي و رحيق طلعوا... محمد: ادهم ده ايه كل حاجة عنف و غضب... احمد: اللي شافه مش هين... فردوس: لا يا احمد بس هو زودها علفكرة... نيرة: اه الصراحة... عبدالرحيم: هنعمل ايه؟ عقلية ادهم غير عقلية اسيل بس قلوبهم زي بعض... فردوس: بقولك يا عبدالرحيم احنا هنروح فيلا تانية... عبدالرحيم: بس... محمد: لازم نقلل العدد علشان نعرف نتعامل مع الموقف... احمد: بس انتوا هنا احسن... محمد: لا...
سامر: يلا نطلع نرتاح... -عند اسيل... اسيل طلعت لاوضتها بهدوء و فتحت الباب لقت الدنيا ضلمة و ادهم نايم علي السرير علي ضهره و حاطط ايده علي عينه... اسيل بكل هدوء خدت مخدة و راحت للكنبة و نامت عليها، نامت او بمعني اصح حاولت تنام... ادهم كان صاحي و حاسس بتحركاتها، و اسيل فضلت صاحية مش عارفة تنام... -عند غزل... غزل(لنفسها): غزل متنسيش نفسك انتي قوية... غزل(لنفسها): متنسيش عملك ايه...
غزل بشئ من الشجاعة فتحت باب الاوضة لقت باسم قاعد علي الكنبة و ماسك في ايده كاس كحول... غزل حاولت متضعفش و راحت غيرت هدومها و راحت نامت علي السرير و هي خايفة، باسم متعصب جدا من تجاهلها و انها مبررتش موقفها... باسم راح نام جمبها و لف ضهره ليها... -في الصباح الباكر... علي السفرة... رحيق: باسم... باسم مردش عليها... رحيق: عدي... عدي بصلها بغضب و متكلمش... ليلي(بهمس): كريم... كريم بصلها و بعد عنها...
غزل(بخفوت): صباح الخير... محمد: تعالي يا حبيبتي افطري... غزل: لا هروح الكلية، باي... باسم(بجمود): قولت كلمة امبارح تسمعيها دي الزوجة المحترمة و اتفضلي غيري و مفيش مرواح للجامعة و المذاكرة في البيت... رحيق: بس... باسم(بحدة): بكلم مراتي ملكيش فيه... باسم(بغضب): سمعتي يا غزل... نيرة: تعالى يا حبيبتي اقعدي افطري... غزل: لا هطلع اوضتي... سالي: هو حصل ايه؟ محمد: اسمعي كلام نيرة يا غزل... -في اوضة اسيل و ادهم...
ادهم قام و خد دوش و لبس بدلة من اللون الرصاصي و لبس جذمته و ساعته... و اسيل كانت بتبدأ تفوق... اسيل(بوجع): آآآآآآآآآه يا ضهري... اسيل قامت من علي الكنبة لقت ادهم قاعد علي السرير بيدور في شنطتها... اسيل(بعصبية): بتعمل ايه في شنطتي؟.. اسيل حاولت تأخد منه الشنطة لكنه مرضيش يوديها ليها... اسيل(بعصبية): ادهم ابعد عن شنطتي... و بعدين اسيل لقت ادهم بيطلع الباسبور بتاعها و بيحطه في جيب جاكت البدلة...
اسيل: انت بتعمل ايه؟ خدت الباسبور ليه؟ ادهم(بجمود): لما مراتي تروح مكان من غير اذني، يبقي مثقش فيها انها ممكن تسافر بره مصر من غير اذني برضو... ادهم لسة هيمشي... اسيل مسكت الاباجورة و كسرتها، و ادهم وقف و وداها ضهره... اسيل(بعصبية): ادهم متخلنيش اوريك عصبيتي... اسيل(بعصبية): ملكش حق تأخد الباسبور بتاعي... ادهم كمل مشيه، اسيل زقت الترابيزة برجليها و رمت المخدات علي ادهم، و ادهم مودهاش اي اهتمام و نزل...
اسيل(بعصبية و صوت عالي): هتشوف يا ادهم و ربنا لاوريك مين هي اسيل الجارحي، هوريك... اسيل قعدت علي السرير بتعب و حطت وشها بين ايدها... عبدالرحيم: في ايه يا ابني ايه الصوت ده؟ نيرة: اسيل حصلها حاجة؟ فردوس: ما تتكلم... صفية: لو خانتك طلقها يا ادهم... ادهم(ببرود): خلصتوا؟ ادهم سابهم و مشي و خرجوا وراه عدي و كريم و باسم... رحيق: هو في ايه حصل ايه لده كله؟ ليلي: هما علطول كدة... فردوس: حاولوا تصالحوهم...
اسيل نزلت جري ليهم... اسيل: ادهم فين؟ صفية: عملتي ايه لابني؟ اسيل: انا اللي عملت... اسيل(بعصبية): الحيوان خد الباسبور الامريكي و المصري... احمد(بضحك و همس): ليه حق... اسيل: عمو حضرتك بتضحك علي ايه؟ حارس(بسرعة): ادهم بيه و عدي بيه و كريم بيه و باسم بيه بيتخانقوا مع شباب في الفيلا اللي جمبنا. سوزان: ابني... و الكل خرج بسرعة لناحية الفيلا. لقوا... -ادهم دايس برجله علي وش شاب و موجه مسدس ناحيته...
ادهم(بغضب): لاخر مرة هسألك الصور فين؟ -باسم لوي دراع الشاب و ضاغط عليه جامد... باسم(بعصبية): انطق ياض فين الموبايل اللي عليه الصور؟ -كريم كان بيضرب شاب بالبوكس كتير لغاية ما وشه اتخرشم... كريم(بغضب): ابقي قابلني لو سيبتك عايش... -عدي كان موجه مسدس ناحية شابين... عدي(بغضب): ما تنطق ياض منك ليه... اسيل: انتوا اتجننتوا... محمد: يا جماعة سيبوهم...
حارس: ادهم بيه لقينا لاب توب و موبايلين و تابلت كانوا متخبين في الهدوم... ادهم شال رجله من علي رأس الراجل اللي اغمي عليه اسااسا... و كريم و عدي و باسم سابوا اللي كانوا ماسكينهم و الحراس مسكوهم مكانهم... ادهم فتح اللاب توب و مكنش بباسورد... رحيق: فهمونا في ايه؟ سوزان: عدي انت فهمنا... ادهم قعد يدور في اللاب لغاية ما شاف صور اسيل و لقي فيديو و فتحه. لقي فيه رقص اسيل و البنات كلهم، ادهم قفل اللاب بغضب...
ادهم(بغضب): عدي جيبهم علي المكتب اتصرف فيهم. عدي: ماشي... عبدالرحيم: ما تفهومنا هو احنا حمير... ادهم مشي بكل غضب من جمب اسيل و لاحظ ضحكها اللي بتحاول تكتمه، و بصلها بغضب و استغراب في نفس الوقت... رحيق: عدي هو في ايه لده كله؟ عدي مبصلهاش و مشي، و عمل زيه كلا من كريم و باسم... اسيل(بضحك): منظر ادهم كان مضحك اوي، مكنتش قادرة الصراحة... نيرة: يا بت هتجنن منك ده بدل ما تحاولي تصالحيه...
اسيل(ببرود): مش اسيل الجارحي اللي تصالح حد. و الباسبور هجيبه يعني هجيبه... و الكل رجع البيت... محمد: اسيل. اسيل: نعم... محمد: انا و جدتك و ابوكي و ومامتك و مرات ابوكي و اخواتك و غزل هنمشي من هنا... اسيل(بصدمة): لا طبعا، يبقي امشي معاكوا... فرودس: انتي مجنونة انتي متجوزة ادهم يبقي تعيشي معاه مكان ما هو عايش... اسيل: و انا مش هسيب رحيق و لا هسيبكوا... فردوس: شايفة الفيلا اللي قصاد القصر ده بيتنا...
اسيل: و لو برضو. نيرة: يا حبيبتي خلاص بقي... اسيل: خلاص يبقي رحيق تيجي هنا... رحيق: اه... غزل: هتسبيني... ليلي: هنعمل ايه؟ اسيل: خلاص رحيق مع غزل و انا و ليلي... اسيل: و نتكلم مع بعض علطول... و خلاص الكل بدأ يجهز الشنط و راحوا علي الفيلا... و في قصر ادهم الشافعي... اتبقي عبدالرحيم و احمد و صفية و سوزان و اسيل و ليلي... ليلي: هروح اذاكر... اسيل طلعت اوضتها و قعدت تقرأ رواية شوية و تقعد علي تليفونها شوية...
تسريع احداث... باسم عرف بخبر النقل و رجع علي الفيلا الجديدة. و كريم راح علي فيلته، و عدي طلع علي اوضته... ادهم طلع لاوضته... اسيل كانت بتتكلم في التليفون... اسيل: لا يا حبيبي متخافش... اسيل: لا لا هنتقابل انا عندي كام جاسر... اسيل(بضحك): لا لا اوعدك هنتقابل، و هحضنك و هنعمل كل حاجة... اسيل: و انا كمان بعشقك... اسيل: حاضر يا عم هتصور و ابعتلك صورتي... اسيل: بحبك، باي...
رواية صدفة أم قدر للكاتبة سلسبيل كوبك الفصل السادس عشر
باسم عرف بخبر النقل و رجع علي الفيلا الجديدة. و كريم راح علي فيلته، و عدي طلع علي اوضته... ادهم طلع لاوضته... اسيل كانت بتتكلم في التليفون... اسيل: لا يا حبيبي متخافش... اسيل: لا لا هنتقابل انا عندي كام جاسر... اسيل(بضحك): لا لا اوعدك هنتقابل، و هحضنك و هنعمل كل حاجة... اسيل: و انا كمان بعشقك... اسيل: حاضر يا عم هتصور و ابعتلك صورتي... اسيل: بحبك، باي... اسيل قفلت التليفون و لفت بجسمها لقت ادهم...
اسيل قامت من علي السرير و كانت هتخرج من الاوضة، ادهم مسك دراعها و لواه ورا ضهرها... ادهم(بغضب): مين جاسر يا اسيل؟ اسيل(ببرود): انت مالك؟ وسع... ادهم(بغضب): ردي يا اسيل... اسيل: سيب ايدي... ادهم زق اسيل جامد و وقعت في الارض... اسيل: يا غبي... ادهم نزل لمستواها و ضربها قلم... ادهم(بحدة): مين جاسر يا اسيل؟ اسيل مسحت الدم اللي في شفايفها بإيديها...
اسيل(ببرود): بلاش تعمل دور الراجل الشرقي اللي دمه حامي، مش لايق عليك الدور ده... ادهم خد موبايلها و دخل اوضة المكتب... اسيل قامت غسلت وشها و دخلت غيرت هدومها لبيجامة من نفس النوع بس باللون الاسود و عملت شعرها ضفيرة... -عند ادهم. ادهم طلع تليفونه و اتصل بحد، الخط اتفتح... ادهم: عايزاك تجبلي كل المعلومات عن الرقم ده... شخص: قول... ادهم: اكتب عندك(، )... شخص: اقل من ساعة هتكون المعلومات عندك... ادهم: انجز...
ادهم قعد في مكتبه علشان لو خرج و شاف اسيل ممكن يتهور عليها... -عند باسم و غزل... باسم دخل اوضته... غزل(بجمود): دلوقتي انا عايزة اذاكر و مش فاهمة حاجة و انت مانعني اني اروح الكلية اعمل ايه؟ باسم(ببرود): مش دلوقتي بعدين... غزل: انت شخصية باردة و مستفزة... باسم(بحدة): احترمي نفسك، و اعرفي انك بتتكلمي مع جوزك... غزل(بسخرية): اه عندك حق فعلا...
غزل سابته و شغلت التلفزيون و موجهتش ليه اي كلام، باسم دخل خد دوش و خرج قعد علي موبايله.
-عند رحيق... رحيق: ده مش بيرد عليا الحيوان... رحيق: السافل الحقير، احنا عملنا ايه لده كله؟ و بعدين اتصلت بيه تاني، الخط اتفتح... عدي(ببرود): خير عايزة ايه؟ رحيق(بتوتر): عدي انت... عدي(ببرود): انجزي مش فاضيلك... رحيق قفلت الخط في وشه، و قعدت تعيط... -عند ادهم في المكتب... ادهم: ها مين؟ شخص: ده طفل اسمه جاسر و عنده في حدود 9 سنين و موجود في ميتم و المتيم اسمه(، ). ادهم: في مصر؟ شخص: اه...
ادهم: تمام، شكرا... الباب خبط... ادهم: ادخل... اسيل دخلت و وقفت قدام المكتب... اسيل: التليفون... ادهم وداه ليها من غير ما يتكلم... اسيل خرجت و ادهم خرج وراها خد دوش و غير هدومه و خرج قعد علي التلفزيون و مودهاش اهتمام... اسيل: ممكن توطي الصوت علشان انا بشتغل... ادهم مسك الريموت و علي الصوت اكتر... اسيل(بعصبية): ادهم وطي الصوت... ادهم(بهدوء مستفز): العصبية غلط عليكي يا كتكوتة... اسيل: متقولش كتكوتة...
ادهم(باستفزاز): كتكوتة كتكوتة كتكوتة... اسيل(و هي بتحاول تكون هادية): ادهم لو سمحت وطي الصوت... ادهم وطي الصوت... اسيل: شكرا... اسيل(لنفسها): غليظ... و بعدين لقت ادهم علي الصوت اوي و بعدين وطاه اوي و بعدين علاه اوي و بعدين وطاه و في الاخر علاه خالص... اسيل: ايه شغل العيال ده؟ اسيل قامت من الكنبة و راحت عنده... اسيل: هات الريموت يا ادهم... ادهم(ببرود): لا... اسيل راحت عند التلفزيون و شالت فيشته...
اسيل(ببرود): متحاولش تعصبني يا ادهم... ادهم(بهدوء): تصدقي كنت عايز اشرب هاتيلي بقي الماية اللي جمب التلفزيون دي... اسيل(ببرود): متشلتش حضرتك... ادهم: خلاص شكرا... اسيل: ادهم فين الباسبور؟ ادهم(ببرود): خير؟ اسيل: المفروض يبقي معايا باسبور... ادهم: طبعا علشان اعرف اسافر من غير أذن جوزي. اسيل: ادهم بعد اذنك هات الباسبور... ادهم: لا... اسيل: ادهم خلينا نتعامل برقي. فين الباسبور؟ ادهم: تعالي خديه من الدرج...
اسيل قامت و لسة بتفتح الدرج ادهم زقها علي السرير... اسيل(بخضة): ايه؟ ادهم(بتسلية): لا مفيش... اسيل: وسع يا ادهم... ادهم: لا... اسيل: ادهم انا مش فايقة ورايا شغل... ادهم: في واحدة مش فاضية لجوزها... اسيل: انت ليه مقتنع اننا متجوزين حقيقي؟ ادهم: هشششششش... ادهم قرب من اسيل، و الباب اتفتح و موبايله رن... ادهم(بهمس سمعته اسيل): ايه الحظ الزبالة ده؟ صفية: ايه شكلي قطعت اللحظة... ادهم: لا يا امي تيجي في اي وقت...
ادهم مسك تليفونه و قفل الخط... صفية: عايزاكي يا اسيل... اسيل: انا! صفية: في حد غيرك هنا؟! اسيل: بس انا مش عايزة اتخانق كفاية ابنك يعني. صفية: شايف يا ادهم بتقول ايه؟ ادهم: خلاص خلاص، اولعوا ايه ده؟ ادهم سابهم و نزل لتحت... اسيل: خير؟ صفية: انا كنت عايزاكي تروحي معايا النادي... اسيل: ليه؟ صفية: صحباتي عايزين يقابلوكي، و ممكن نفتح صفحة مع بعض... اسيل: تمام هشوف... صفية(بخبث): ماشي يا روحي...
اسيل(لنفسه): الست دي مجنونة... صفية: باي... اسيل: باي... صفية نزلت، و اسيل قاعدة مستغرباها... -عند الباقي تحت... عبدالرحيم: ها صالحت مراتك يا ادهم؟ ادهم: و المفروض مين يصالح مين حضرتك؟ احمد: يا بني برضو، خدها و روحوا اي مطعم راقي... ادهم: ليه يعني؟ ليلي: ادهم... ادهم(ببرود): خير يا ليلي. ليلي(بدموع): اسفة و الله اسفة يا ادهم، مكنش قصدي اسفة و الله... ادهم قام و حضنها...
ادهم(بحنية): خلاص يا ليلي بس متكررهاش تاني. ليلي(بدموع): انا اسفة انا بحبك اوي... عدي: و انا مليش نصيب... ليلي(بدموع): اسفة يا عدي... عدي(بحنية مماثلة لادهم): يا بنتي احنا خايفين عليكوا... و بعدين فردوس و محمد و الباقي جم... سوزان(بهمس): كنا ما صدقنا خلصنا منكوا... رحيق(بتوتر): فين اسيل؟ غزل: اه صح فين اسيل؟ احمد: فوق يا حبايبي اطلعوا ليها... رحيق و غزل طلعوا لاسيل... باسم: ادهم عايزك... ادهم: تعالي...
باسم و ادهم دخلوا اوضة المكتب اللي في الطابق الاول... ادهم: ها عايز ايه؟ باسم: بخصوص اسيل... ادهم: مالها. باسم: مش عايزك تقسي عليها يا ادهم... ادهم: بمعني يا باسم؟ باسم: اسيل اتظلمت في حياتها و كمان من النوع الحساس جدا ميغركش البرود و الجمود اللي هي فيه ده... ادهم: تمام يا باسم... -عند اسيل... اسيل: وحشتوووووني... غزل: و انتي... رحيق: اسيل عدي مش عايز يكلمني... اسيل: متكلمهوش... رحيق: يا اسيل افهميني...
اسيل: مش انتي اتصلتي بيه و هو عاملك ببرود... رحيق(بصدمة): عرفتي منين؟ اسيل: تخمين... غزل: انا بقي مش عارفة اذاكر، و هو قال انا هذاكرلك... اسيل: حطيه قدام الامر الواقع قدام الكل... غزل: ازاي؟ اسيل: روحي جيبي كتبك و قولي يا باسم مش فاهمة دي و دي و الكلام ده يبقي قدام الكل... رحيق: اشطا فكرة حلوة دي... غزل: متأكدين؟ اسيل: عيب عليكي اخويا و انا عارفاه... الباب خبط... اسيل: ادخل... خدامة: العشاء جاهز يا هانم...
اسيل: تمام... اسيل و رحيق و غزل نزلوا لقوا الكل علي السفرة... و الكل كان بيأكل بصمت... غزل(بشجاعة): باسم عايزاك تشرحلي بمعني التشريح اسيل(بهمس): الله يخرب بيتك عايزاه يشرحك... باسم: و دي اعملها ازاي بقي اشرحك؟ غزل(بتوتر): اقصد تشرحلي... باسم: بعدين... غزل: لا دلوقتي... الكل بيتفرج عليهم... باسم: مش دلوقتي يا غزل... غزل: اسيل مش انتي قولتي احطه تحت الامر الواقع... اسيل(بهمس): و ربي ما هسيب حتة فيكي سليمة.
ادهم(بهمس): استلمي... باسم: يعني اسيل ورا كل مشكلة... اسيل(ببرائة اطفال): انا برئية... فردوس: قسما بربي زي الاطفال... حارس: ادهم بيه ممكن تيجي ثانية؟ ادهم: في ايه؟ حارس(بهمس): مدام مها بره... ادهم: عن اذنكوا يا جماعة... ادهم خرج و هو في قمة عصبيته... ادهم(بعصبية): انتي اتجننتي ازاي تيجي لغاية هنا؟ مها: الحقني يا ادهم هيموتني... ادهم(بقلق بسيط عليها): هو عرف منين؟ مها: معرفش يا حبيبي...
ادهم مسك مها و راح علي العربية و تحرك بيها... عدي: ادهم اتأخر اوي... اسيل: هطلع انام علشان شغلي بكرة... اسيل طلعت اوضتها... رحيق(بخفوت): انا موافقة علي الشغل... رحيق طلعت تجري علي الفيلا بتاعتها، فردوس و محمد و سامر و نيرة روحوا... باسم خد غزل و طلع علي اوضتهم... باسم(ببرود): عايزة تفهمي ايه؟ غزل: هتشرحلي... باسم: اه... غرل جابت الكتب، و باسم بدأ يشرح ليها و هي كانت فاهمة من طريقة شرحه...
غزل(لنفسها): تيجي تدرس لينا في الكلية و النبي... -الكل نام و الانوار اطفت... اسيل: ادهم شكله مش جاي، هنام علي السرير بقي. اسيل لسة هتنام، لقت صوت... اسيل(لنفسها): ايه الصوت ده؟ و بعدين لقت حد بيحط منديل علي انفها و حد مسك رجليها و حد ماسك ايديها، اسيل حاولت تقاوم بس اغمي عليها... شخص1(بهمس): يلا بينا بسرعة... و شخص شال اسيل علي كتفه و نزلوا براحة خالص... شخص2(بهمس): هنخرج ازاي؟
شخص1(بهمس): متفق مع حراس هنا... و الاشخاص دي خدت اسيل و ركبوها العربية و مشيوا... لكن كبير الحراس لاحظهم... كبير الحراس: امسكوهم... -عند ادهم... ادهم خد مها لشقته و طلع معاها... ادهم: انتي هنا بامان يا مها... مها: مكان ما انت موجود انا بامان. ادهم: انا ماشي... مها: استني... ادهم: ايه؟ مها: خليك بليز يا ادهم... ادهم قرب منها و بعدين تليفونه رن... مها: انساه يا ادهم... ادهم: مينفعش... ادهم فتح الخط... ادهم: الو...
حارس: حد اتخطف من القصر... ادهم: انتوا مجانين؟ ادهم خد حاجته و نزل جري... ادهم: طب اعرفوا مين بسرعة... مها: هرجعك يا ادهم هتكون ليا ليا انا و بس... الحارس دخل و خبط الباب... و الكل صحي... كبير الحراس: في حد ناقص... عبدالرحيم: في ايه؟ كبير الحراس: انا لاحظت عربية جت و في ناس كانوا ماسكين حد... عدي: ازاي يعني؟ كبير الحراس: اتأكدوا بس... و الكل اتأكد ان مفيش حد ناقص... ادهم دخل بسرعة... ادهم: حاجة حصلت؟
كبير الحراس: لا يا بيه كلهم كاملين... عدي: الكل صحي و ليلي و اسيل نايمين... ادهم: شفتوهم... ليلي(بنوم): هو في ايه؟ ادهم: اسيل... ادهم طلع جري علي اوضته و ملقاش اسيل... ادهم(بغضب): قصر مليان حراس كتير و محدش قدر يمسكهم... عبدالرحيم: اهدي بس يا ابني. صفية: ممكن تكون عاملة فيلم علشان تضحك عليك. سوزان: طبيعي جدا... ادهم(بعصبية): اخرسوا... احمد: اهدي يا بني و نفكر كويس... ادهم: مين يعني اللي هيعمل كدة؟
عدي: و كمان محدش يعرف بجوازكم الا عدد بسيط و موثوق منهم... عبدالرحيم: حد من اعدائها كصحفية... ادهم: ممكن... عدي: طب ما ممكن يكون سايب حاجة فوق ليك... ادهم طلع جري علي الاوضة و دور لقي ورقة صغيرة علي الكمودينو... مضمونها انا راجل و قد كلمتي و هخليك تشوف مراتك في حضني ادهم(بغضب): يا ابن ال... ادهم(بغضب): يا رؤوف الكلب... ادهم خد مسدسه و نزل و هو في قمة عصبيته... عدي: انت هتعمل ايه انت مجنون؟
عدي راح واه و ركب معاه... -عند اسيل... الناس اللي خدوها ودوها فيلا رؤوف... رؤوف: حطوها فوق في اوضتي، و امشوا... رؤوف: و اخيرا هنتقم منك و من ادهم يا اسيل... رؤوف: هتشوفي عذاب علي ايدي... و بعدها وداها حقنة في ايديها، اسيل بدأت تفوق... اسيل(و هي لسة بتفوق): آآآآآه، انا فين؟ رؤوف: في فيلتي... اسيل(فاقت): انت! رؤوف: اه انا، انا اللي انتي سجنتي ابني... اسيل: انا سجنته لانه يستحق...
رؤوف مسكها من شعرها و وقفها قدامه... رؤوف: و ربي لاعيد تربيتك من اول و جديد... اسيل(ببرود): مش هخاف منك، لانك لا تمس بالرجولة بشئ... رؤوف: اه يا بنت ال... خدامة: رؤوف بيه ادهم الشافعي هنا... رؤوف: جه لموته... رؤوف: لو طلعتي همس بس اعتبري نفسك في عداد الموت... اسيل: مش هخاف... رؤوف نزل بكل ثقة و هو متأكد من ان اسيل خايفة و مش هتتكلم... رؤوف: اهلا اهلا ادهم بيه، اخبارك؟ ادهم(بغضب): فين اسيل؟
رؤوف(بدهشة مصطنعة): ايه ده هي مش المفروض تبقي في بيت جوزها... ادهم قام و مسكه من القميص... ادهم(بعصبية): قسما بربي لو مجبتهاش حالا لكون قاتلك... عدي: اهدي يا ادهم... اسيل(بصريخ و صوت عالي): ادهم... اسيل: ادهم... ادهم اول ما سمع صوتها طلع جري، و عدي مسك رؤوف... رؤوف: انت فاكر كدة انا هخاف... عدي: انت تبقي عبيط لو افتكرت ان ادهم هيسيبك... ادهم طلع لمصدر الصوت... اسيل: ادهم... ادهم: اسيل انتي كويسة؟ اسيل: اه...
ادهم حاول يفتح الباب لقاه مقفول... ادهم: وسعي من جمب الباب... اسيل بعدت عن الباب، ادهم حاول مرة اتنين اتفتح الباب... ادهم اول ما شافها حضنها... ادهم: عملك حاجة؟ اسيل: لا... ادهم كان لسة هيخرج بيها... ادهم(بحدة): هو شافك كدة؟ اسيل: انت شايف ايه؟ ادهم قلع الجاكت بتاعه و لبسه ليها... - اسيل كانت لابسة بيجامة قصيرة لقبل الركبة و ضيقة و بحمالة رفيعة و كل دراعها باين و مفتوحة من قدام و من الضهر.
ادهم خد اسيل و نزل بيها... ادهم(بتوعد): و ربنا يا رؤوف ما هعديهالك... رؤوف: و انا طول ما فيا نفس مش هسيبكوا تتهنوا... ادهم: يبقي انا هقطعلك نفسك... ادهم: يلا يا عدي... ادهم خد اسيل و عدي ماشي وراهم... رؤوف: ادهم... الكل بصوله لقوه موجه مسدس ناحية ادهم... ادهم: اضرب... اسيل: رؤوف نزل سلاحك... ادهم: اضرب... رؤوف فعلا ضغط علي الزناد بس طلع المسدس فاضي... عدي: متستهونش بعائلة الشافعي...
ادهم: شكلك استعجلت علي اللعب، و مسك دراع رؤوف كسره، و خد اسيل و مشي. اسيل: الحراس... اسيل خرجت لقت كل الحراس مضروبين... كريم: حاجة تاني يا صاحبي... ادهم: تسلم... ادهم ركب اسيل العربية و مشي بيها... كريم و عدي وراه... ادهم: انتي كويسة؟ اسيل: سألت السؤال ده مرة... ادهم(بهمس): مستفزة و باردة... اسيل: متتكلمش عن الاستفزاز لانك رقم واحد فيه و لا البرود كمان...
اسيل(بعصبية): لا و كمان ايه معملتش حاجة للراجل خطف مراتك و مقربتش منه ضربته بس لما رفع المسدس عليك لكن اتصرفت و عملت حاجة لا لانك شخص اساسا خليني ساكتة انا مرارتي اتفقعت و زهقت منك الصراحة انت... ادهم شدها ناحيته و (لخيالكوا)... اسيل ضربته علي صدره... اسيل: و نعمل حادثة و نموت انت شخص مستهتر بدرجة فظيعة مش خايف تموت هو انت راضي عن حياتك هو انت مستعد تموت ها رد، و كمان انت. ادهم: بحبك...
اسيل اتصدمت جدا و سكتت خالص و بصاله بصدمة، و فاتحة بوقها... ادهم ضحك علي منظرها... ادهم(بضحك): اومال لو كنت قولتها حقيقي كنتي هتعملي ايه؟ اسيل: ظريف... ادهم: صدقتي صح؟ اسيل: بارع في التمثيل بجد شابوووه... ادهم: متشكر... ادهم: و كمان فاكرة لما قولتي انا حامل... اسيل: ده علشان اخليك تبطل ضحك... ادهم: و ده علشان اخليكي تبطلي كلام، كل الستات رغايين... اسيل: لا مسمحلكش احترم نفسك... ادهم: اهو اكبر دليل...
و بعدين ادهم كان باصص لاسيل ملاحظش العمود فخبط فيه، و عمل حادثة...
رواية صدفة أم قدر
