رواية صدفة أم قدر للكاتبة سلسبيل كوبك الفصل الثامن والثلاثون
بعد فترة في حدود الساعة 1 بليل. صفية: اتأخروا اوي و تليفوناتهم مغلقة... عبدالرحيم: هتلاقهيم خرجوا انا مش عايز اقلق نفسي. سوزان: متقلقيش يا سوزان. احمد: طب حاولي تاني. عبدالرحيم: اهدوا بس. و بعدين لقوا الباب فتح... صفية(بدموع): الحمد لله الحمد لله. ادهم(باستغراب): في ايه يا ماما؟ سوزان: كانت خايفة لما لقتك انت و اسيل اتأخرتوا و مش بتردوا. ادهم(بصدمة): هي اسيل مش هنا! احمد: قصدك ايه هي مش معاك؟
ادهم(بعصبية): انتوا ازاي تسمحوا انها تخرج و متتصلوش بيا. صفية(بخوف): هو باسم جه و قالها تعالي نروح نكشف قالت هتتصل بيك اتصلت بيك و انت مردتش و قالت خلاص هروحله. و طلعت لبست و نزلت. ادهم حط ايده في شعره بغضب... ادهم(بغضب): و ربنا لو ملقتهاش لاشيلكوا انتوا المسؤولية. سوزان: طب انت مردتش ليه؟ ادهم(بعصبية): اسااسا اسيل متصلتش بيا. عبدالرحيم: اهدي يا ابني. ادهم: انا هروح ادور عليها.
احمد: استني هغير هدومي و اجي. ادهم: لا. ادهم سابهم و ركب عربيته و بدأ يلف في الشوارع و اتصل بكل معارفه و دور عليها في كل مكان... و بعدين راح مكان هادئ و هو تعبان و مخنوق و شبه هيعيط... ادهم وقف و قعد يصرخ... ادهم(بصوت عالي): يا رب... ادهم(بدموع): ليه بتوجع قلبي ليه كل مرة بتخليني اخسر اعز ناس ليا... ادهم: ليه بتوجعني بيها؟ هي كل حياتي. اسيل(بهمس): ادهم.
ادهم اول ما سمع صوتها اتصدم جدا و بعدين لف لقي اسيل واقفة وراه، من غير اي مقدمات حضنها جامد و دفن رأسه في رقبتها. و قعد يعيط بصمت. ادهم(بعياط): ليه بعدتي عني؟ اسيل حضنته جامد و فضلت ماسكة فيه. اسيل(بهدوء): كنت مخنوقة شوية... ادهم(بعياط): متعرفيش انا كنت خايف قد ايه ليه بعدتي عني يا اسيل. كنت خايف لافقدك. اسيل(بهدوء): المهم انك دلوقتي كويس... ادهم بعد عن اسيل.
ادهم(بحدة): انتي بتعملي ايه هنا ومش بتردي عليه علي التليفون. و كدبتي ليه و قولتي انك جاية عندي و مجتيش. ردي. اسيل(بهدوء): كنت عايزة ابعد عن الكل لفترة. ادهم(بحدة): اسيل ردي ايه اللي حصل لده كله؟ اسيل(بهدوء): مفيش اتصلت بيك مردتش، بعتلك ماسدجات مردتش و كنت شوفتها. جيتلك الشركة لقيت في بنت قاعدة علي رجلك... اسيل(بسخرية): فمرضتش اعطلك عن شغلك. ادهم قرب من اسيل بغضب و مسك ايديها.
ادهم(بغضب): ايه اللي انت بتقوليه ده؟ انتي متصلتيش و لا مرة و لا رسالة اتبعتت ليا. اسيل: كداب يا ادهم... اسيل طلعت التليفون من شنطتها و ورتله الماسدجات... ادهم(بصدمة): انا مفيش و لا رسالة من دي وصلتلي... ادهم طلع تليفونه و وري لاسيل... اسيل(بصدمة): ازاي؟ ادهم: مش فاهم... اسيل: انا عملت كدة قدام طنط صفية و طنط سوزان. ادهم(بتفكير): تليفوني كان مع مين النهاردة؟ اسيل: انت بتسيب تليفونك لاي حد.
ادهم(بتذكر): افتكرت، يا بنت اللعيبة يا ناني. اسيل(بعصبية): ناني مين؟ ادهم: البت دي هي المدير المالي في الشركة و كنا في اجتماع. و كنت لسة بفتح تليفون علشان اكلمك عقبال ما الاجتماع يبدأ الكل دخل و حطيت التليفون و نسيت اقفله. هتلاقيها مسكته و مسحت المكالمات و الماسدجات... اسيل: و لو برضو، انا جيت للشركة و لقيت بنت قاعدة علي رجلك. ادهم: انتي مشيتي علطول اكيد، لاني طردت البنت دي من الشركة. اسيل: بس برضو.
ادهم(بعصبية): بس انتي ازاي تقعدي لغاية الساعة واحدة بره البيت ايه متجوزة سوسن. اسيل(باحراج و توتر): ها لا اكيد يعني بس هو اصله. ادهم(بعصبية): ما تردي. اسيل(بخوف): مكنتش ناوية ارجع البيت تاني. -ادهم بصلها بكل غضب و لو كانت النظرات بتقتل كانت اسيل في عداد الموت دلوقتي. و بدأ يقرب من اسيل و اسيل تبعد لغاية ما اسيل قعدت علي الكرسي و ادهم قرب منها اكتر و هي مالت بجسمها لورا...
ادهم(بهدوء): ممكن افهم معني جملتك ايه؟ اسيل(بتوتر): كنت بقول اني مقد ر ش اعيش من غيرك ف ف فكنت هرجع بس ا لوق ت خد ددني. و و يعني اللي هو هو ايه بقي يعني نسيت اقصد يعني(كنت بقول اني مقدرش اعيش من غيرك فكنت هرجع بس الوقت خدني و يعني اللي هو ايه بقي يعني نسيت اقصد). ادهم قطع كلام اسيل بطريقته... ادهم: دي حاجة بسيطة علشان تندمي علي اللي انتي قولتيه... اسيل: يعني مش هتعملي حاجة تاني؟
ادهم: انتي و سلوكك بقي. اسيل: تمام... شاب(سكران1): لو مش عجباك في انا ممكن نقضي ليلة حلوة مع بعض. ادهم: اركبي العربية. اسيل: بس. ادهم(بهدوء): اسيل ركبي العربية. شاب2: ما تسيبها يا عم هي تخصك في ايه؟ شاب3: حبيبته. اسيل قامت بسرعة و ركبت عربية ادهم، و ادهم قرب من الشباب. شاب4: ايه ناوي تعمل ايه؟ ادهم: احسن تسحبوا كلامكوا و تشيلوا نظراتكوا من عليها علشان مخلكوش رجالة في البطاقة بس.
في شاب حاول يضرب ادهم بس ادهم مسك ايده و لواها ورا ضهره... ادهم: انتوا مش قدي. ادهم زق الشاب ده، و حصلت خناقة بين الاربع شباب و ادهم... ادهم كان بيضرب و يضرب بس بسيط. و في الاخر الاربع شباب جريوا، ادهم راح ركب العربية. اسيل(بخضة): ادهم انت متعور... ادهم: كله بسببك يا هانم. ادهم طلع بالعربية و كان سايق بسرعة. و كل شوية يبطئ و فجأة يسرع. اسيل: في ايه اثبت علي سرعة الله.
ادهم(بعصبية): ببطئ علشانك حامل بس كل ما افتكر انه كان ممكن يحصلك حاجة بسرع... اسيل: يبقي خلي الابوة هي اللي تتغلب. ادهم مشي بسرعة متوسطة. و وصلوا للقصر. ادهم مسك ايد اسيل و دخلوا القصر. و العائلة كانت قاعدة قلقانة... صفية(بدموع): اخيرا رجعتي. قلقتيني عليكي. اسيل: متخافيش يا طنط انا بخير... سوزان: كنتي فين؟ احمد: اه يا بنتي روحتي فين حصلك حاجة؟ اسيل بصت لادهم و جدها برجاء انها مش عايزة تتكلم.
عبدالرحيم: خلاص هما زمانهم تعبانين. بكرة نشوف الموضوع ده. و كفاية ان ادهم جوزها عارف بس. ادهم: عن اذنكوا. ادهم خد اسيل و طلع علي اوضتهم. و باقي العائلة راحت تنام بعد ما اطمنوا علي اسيل و ادهم.
-عند ادهم و اسيل... ادهم(بحدة): مش قولتلك لما تبقي متزفتة زعلانة تتنيلي و تيجي تتكلمي معايا... اسيل سابته و دخلت الحمام و خرجت بعلبة الاسعافات الاولية... اسيل(بهدوء): يلا علشان اعقملك الجرح. ادهم: لا متشكر لخدماتك. ادهم سابها و دخل غير هدومه و خرج كان هينام. اسيل: ادهم لو مش عايزني اعقملك الجرح عمقه انت كدة هيتلوث. ادهم: شكرا للمعلومة. اسيل: الصبر من عندك يا رب. براحتك الله هتحايل عليك طفل انت مثلا.
اسيل دخلت و غيرت هدومها لبنطلون و تي شيرت قصير بيتي و بعدين لقت ادهم خد علبة المعقمات و راح اوضة الملابس واقف قدام المراية و بيعقم لنفسه. اسيل راحت و مسكت من القطن و اللصق الطبي و بدأت تعقمله الجرح لغاية ما خلصت. -الجروح مكنتش عميقة او خطيرة كان جرح عند الحاجب و جرح جمب شفايفه و رقبته في خربوش. ادهم: شكرا... ادهم سابها و راح ينام. و اسيل راحت نامت جمبه.
و بعدين دقيقة اتنين تلاتة اربعة عدوا، اسيل قامت بسرعة و شغلت النور... ادهم: اطفي النور يا اسيل عايز انام... اسيل: ادهم انا محتاجاك. ادهم(باستغراب): دلوقتي؟! في حد يطلب من حد حاجة دلوقتي... اسيل: انا جعانة. ادهم(لنفسه): و ربنا مجنونة. ادهم: طب ما تنزلي المطبخ و شوفي تأكلي ايه و متوجعيش رأسي... اسيل(بخوف): عايزة اكل كباب و كفتة... ادهم(باستغراب شديد): نعم ده اللي هو اعملها ازاي دي ساحر انا...
اسيل: معرفش بقي انا عايزة اكل كباب و كفتة. ادهم: طب نامي دلوقتي و بكرة هاكلك كل حاجة... اسيل: بس. ادهم شد اسيل لحضنه وطفي النور. ادهم(بتعب): اسيل انا تعبان و النهاردة اشتغلت مكاني و مكان عدي و كريم و غير اني لما جيت دورت عليكي و كنت قلقان فارجوكي سيبيني انام... -ادهم نام في حضن اسيل و اسيل فضلت صاحية مش عارفة تنام و جعانة. و بعد فترة اسيل قعدت تتقلب علي السرير نامت بكل الوضعيات و مش عارفة تعمل ايه.
اسيل(لنفسها): انا جعانة اوي بطني وجعاني الله. ادهم قلق من نومته و هي بتتقلب كتير. و شغل النور ادهم(بضيق): قومي يا اسيل اكلك اي حاجة. اسيل(بفرحة): بجد!؟ اسيل(باحراج): لا بقي انت تعبان و كدة لا انا مش جعانة. ادهم شال اسيل و نزل لتحت في المطبخ... ادهم: شوفي عايزة تأكلي ايه؟ اسيل: سندوتشات. ادهم: تمام... ادهم قعد اسيل علي الترابيزة اللي في المطبخ. و بدأ يعمل ليها سندوتشات و يوديها و هي تأكل.
ادهم: تاني يا اسيل؟ اسيل(باحراج): لو مش هضايقك. ادهم: لا عادي واحدة واكلة لغاية دلوقتي 15 سندوتش مش مستغرب خالص. اسيل(بحزن): قصدك ايه؟ ادهم: يا بنتي انا اه عارف ان في فترة الحمل انتي المفروض تاكلي كتير بس مش للدرجة دي انتي كدة بدمري نفسك... اسيل(بحزن): اومال اعمل ايه انا جعانة؟ ادهم: هعملك حاضر يا اسيل.
اسيل: انا اسفة عارفة اني مصحياك من نومك و انت تعبان و كمان انت اللي بتعمل السندوتشات و وراك شغل اسفة... ادهم حط وشها بين ايده و باس رأيها. ادهم: اياكي تعتذري، انا مستحيل اضايق اني بعملك حاجة لاني بحبك. بس يا ريت بس تقدري يا اسيل. اسيل: شكرا، اسيل قربت منه و باسته علي خده. ادهم: تمام. ادهم بدأ يعمل سندوتشات لاسيل و هي تاكل و هي مستمتعة و ادهم شاركها في الاكل و كانوا مبسوطين و بيتكلموا...
اسيل: اوف افتكرت. ادهم: ايه؟ اسيل: احم طارق عازمني انا و انت علي خطوبته بكرة. ادهم: لا. اسيل: بس انا قولت ليه اننا هنيجي. ادهم: انا ورايا شغل مش فاضي للتفاهة دي. اسيل(بحزن): تمام، هتنام؟ ادهم: خلصتي؟ اسيل: اه. ادهم: تمام. هرجع كل حاجة و طالع وراكي اطلعي انتي... اسيل: تمام. اسيل مشيت قدامه و طلعت و ادهم بص في اثرها و هو محتار... ادهم: ناوية تعملي ايه تاني يا اسيل؟ بجد ده ظلم ليه بضعف اوف...
ادهم ظبط كل حاجة و طلع ورا اسيل و ناموا نوم عميق...
-في الصباح الباكر... في مكان تاني... في الفندق... -عند عدي و رحيق... رحيق: ليه بس يا عدي؟ عدي: هو كدة يا رحيق. رحيق: طب انا مالي انا الراجل سافل. عدي: هو بقي مزاجي... رحيق(بضيق): ماشي يا عدي براحتك. عدي: رحيق يا ريت تلاحظي اني بحبك و بغير عليكي. رحيق: يا عدي عارفة و فاهمة. بس انا ايه ذنبي ان الراجل لما شافني عاكسني. عدي: ذنبك انك جميلة. رحيق(باستغراب): انت مقتنع؟! عدي: ايوه. رحيق: طيب.
عدي: يلا البسي حاجة محترمة و طويلة و واسعة. رحيق: اهو ما انا لابسة اهو. عدي: نعم يا اختي... رحيق: ايه؟ عدي: روحي غيري. رحيق: ليه؟ عدي: الجيبة ضيقة و القميص شفاف و شعرك باين لا لا مينفعش معايا الكلام ده. رحيق: القميص مش شفاف. و كمان لسة هلف الطرحة. عدي: انا قولت شفاف يبقي شفاف. رحيق مشيت تدبدب في الارض و هي بتشتم عدي بشتايم مش مفهومة...
- رحيق لبست فستان احمر طويل و لبست طرحة باللون الاوفويت و صندل بكعب بسيط باللون الاسود و شنطة سوداء.... رحيق: كدة كويس راضي. عدي: يعني مش بطال. رحيق قربت من طبق الفاكهة و خدت السكينة من عليه و قربت من رقبة عدي. رحيق: لا بص هتفضل تزهقني و تقرفني فايه بقي كل واحد يروح لطريقه يا ابن الناس علشان حقيقي جبت اخري كانت جوازة سوداء و منيلة. عدي مسك ايدها و لواها ورا ضهرها و السكينة وقعت.
عدي: انتي مش قدي يا رحيق. رحيق: ظريف. عدي: هتصل بكريم اشوفه فين. عدي طلع تليفون و اتصل بكريم، الخط اتفتح. عدي: ايوه يا ابني انت فين؟ ليلي: نايم الباشا نايم... ليلي: هو انتوا مكنتوش بتنيموه و هو بيعوض في الجواز و لا ايه بس علشان افهم. عدي(بضحك): لا مش قادر صعبانة عليا اوي يا بنتي. ليلي: يا شيخ مش مهم انت المهم انا اصعب عليه هو. ده مبيعملش اي حاجة غير النوم... عدي: خلاص صحيه و انا و رحيق هنيجي نساعدك.
ليلي: مستنياك... عدي: يلا نروح نصحي كريم. رحيق: عندكوا جيتار؟ عدي: ليه؟ رحيق: هات بس. عدي طلب من دير الفندق انه يجبله جيتار و وداه لرحيق، و راحوا لاوضة كريم تحت استغراب عدي. ليلي: ايه الجيتار ده؟ رحيق: لما اسيل بتبقي نايمة كنت بلعب جيتار فوق رأسها. عدي(بتريقة): و يا تري بتعرفي. رحيق بدأت تعزف علي الجيتار بطريقة جميلة و كريم كان مستمتع بالعزف. و عدي مصدوم و ليلي فرحانة...
كريم(بصوت عالي نسبيا): ايه العزف الجميل ده؟ عدي: اخيرا صحيت. كريم: انتوا بتعملوا ده كله علشان اصحي. ليلي: طبعا ما انت مقضيها نوم بس. كريم: كدابة. رحيق: قوم يا ابني عايزين نتفسح. كريم: اوف ماشي ماشي. الكل استنااه هو لبس و خرج و بدأوا يكتشفوا المكان...
-في الفيلا... باسم: كلي. غزل: ما انا بأكل اهو. باسم: الدكتورة قالت محتاجة تغذية. نيرة: اسمعي كلام جوزك يا حبيبتي. غزل: حاضر حاضر. سامر: لازم تهتمي بنفسك الاول و بعدين الطفل. غزل: حاضر حاضر. هو انا طفلة؟ باسم: ايوه. انتي مهملة. باسم: هروح الشغل حد عايز حاجة؟ غزل: هبقي اروح القصر اقعد مع اسيل. باسم: تمام. خلي بالك من نفسك. سامر: طب بذمتك انا و لا اسيل. غزل: اكيد حضرتك يا عمو. اسيل مين دي؟ نيرة: بكاشة...
غزل: السن ده لازم مراعاة. سامر: قصدك ايه يا غزل؟ غزل: سن الشباب طبعا يا عمو. و قعدوا يتكلموا و يهزروا...
-في القصر... عبدالرحيم: حد ينادي ادهم و اسيل. سوزن: سيبهم دول نايمين متأخر. احمد: و انتي ايه اللي عرفك؟ سوزان: كنت نازلة اشرب لقيتهم في المطبخ بيعملوا سندوتشات و كلوا... صفية: ربنا يحفظهم. عبدالرحيم: ربنا يعين اسيل و غزل. الكل: آمين... عبدالرحيم: ايه الاخبار النهاردة؟ احمد: تمام احسن...
-بعد فترة، في اوضة اسيل و ادهم. ادهم قام قبل اسيل و دخل خد دوش و خرج... ادهم: اسيل اسيل... ادهم: يا بنتي قومي يلا. ادهم ساب اسيل و دخل اوضة الملابس اختار هدومه اللي كانت عبارة عن بدلة باللون الكحلي الغامق و قميص ابيض فاتح اول زرارين. و لبس جذمته و حط البرفيوم بتاعه و سرح شعره و لبس ساعته الماركة.... ادهم: يا بت قومي. ادهم: يا اسيل ردي بقي. و بعدين لقي اسيل شدت ايده و قعدته جمبها علي السرير و حضنته.
ادهم: افهم ايه بقي؟ اسيل(بنوم): هششششششس سيبني اكمل نومي. ادهم: يا بنتي قومي بقي علشان نروح للدكتورة. اسيل(بنوم): هتخليني اروح خطوبة طارق؟ ادهم: لا يا اسيل. اسيل: تمام و انا مش راحة لدكاترة. ادهم: متبوخيش يا اسيل. اسيل: هبوخ. ادهم: تمام موافق حلو كدة. اسيل قامت بسرعة و حضنته جامد و باسته... اسيل(بفرحة): شكرا يا دومي. ادهم(باستغراب): دومي! اسيل: اه اصل دلع ادم دومي و مفيش دلع لادهم فهقولك دومي.
ادهم: لا متقوليش الكلمة دي فاهمة... اسيل: تمام يا ريس... اسيل قامت جري خدت دوش و دخلت اوضة الملابس. - اسيل لبست جيبة قصيرة باللون الابيض و الاسود واسعة و تي شيرت باللون الاسود بنص كم، و سيبت شعرها و خلته علي ضهرها. و حطت روچ باللون الاحمر الغامق و كحل. و لبست صندل بكعب اسود. اسيل: انا جاهزة... ادهم(بضيق): ده كله علشان هتروحي حفلة خطوبة الزفت طارق ده... اسيل(بدلع): يا ادهم انت لسة بتغير متغرش يا حبيبي.
ادهم: طب لمي نفسك و بطلي دلع... اسيل(بدلع): ليه بس يا حبيبي؟ ادهم زقها براحة علي الحيطة و حاوطها بإيده... اسيل(بتوتر): عايز ايه؟ ادهم: مفيش. اسيل: طب عديني. ادهم: لا. اسيل: ليه يا رزل؟ ادهم: علشان. ادهم بدأ يقرب من اسيل و بقي قريب منها اوي. صفية(بخضة): انتوا بتعملوا ايه؟ اسيل زقت ادهم بعيد عنها بسرعة و بصت لصفية بتوتر... اسيل(بتوتر): ده ده هو هو اللي عمل كدة. ادهم: بتلبسيني في الحيطة.
صفية: ليكوا اوضة تلمكوا متعملوش كدة تاني في الممر او اي حتة بره اوضتكوا... ادهم: طب و اوضة الفندق ايه نظامها؟ اسيل: مستفز... اسيل سابت ادهم و نزلت و ادهم نزل وراها... اسيل(بغناء): جعاااااااا نة جعاااانة يا ناس يا اهلي. ادهم: بس بطلي صوتك وحش و كمان الاكل في اوضة السفرة روحي كلي بصمت. اسيل: مهدم اللذات... اسيل راحت كلت هي و ادهم. و ادهم خدها و راحوا للدكتورة. الممرضة: مدام ادهم الشافعي... اسيل: ايوه انا...
اسيل و ادهم قاموا و هما الاتنين كانوا متوترين. الدكتورة: اتفضلوا. اسيل(باحراج): احم يعني هو انا عرفت من فترة بسيطة اني حامل فكنت عايزة اتابع مع حضرتك. الدكتورة: تمام اتفضلي و متتحرجيش عادي. اسيل نامت علي السرير و الدكتورة بدأت تفحصها. الدكتورة: شايفين النقطة دي. ادهم و اسيل: اه. الدكتورة: ده البيبي. اسيل(بدموع): بجد! الدكتورة: اه. الدكتورة: خلاص اتفضلي... ادهم عدل لاسيل هدومها و قعدوا قدام الدكتورة تاني.
الدكتورة: المتابعة هتبقي كل شهر و لو حسيتي بأي وجع هتاخدي الدواء اللي انا هكتبهولك و لو الوجع زاد لازم تيجي. ادهم: تمام شكرا لحضرتك... ادهم خد اسيل و ركبوا العربية... ادهم: مبسوطة؟ اسيل: اوي. ادهم: بحبك. اسيل: و انا كمان... ادهم خد اسيل و راحوا الخطوبة و كانوا مبسوطين. و ايام ادهم و اسيل مكنتش بتخلوا من الهزار و النكد و الوحم و كان ادهم بيتعب جداا مع اسيل.
-تسريع احداث... عدي خمس شهور، عدي و رحيق و كريم و ليلي رجعوا مصر بعد شهر من ذهابهم... و اسيل كانت في اواخر الشهر السادس و غزل في نص الشهر الثامن... كانت الايام مش بتعدي من غير عناد كل الابطال و هزارهم و رومانسيتهم... و الكبار كانوا بيتجمعوا مع بعض بيقعدوا مع بعض. -في يوم... الكل كان قاعد متجمع... ادهم: يا جماعة انا قررت قرار انا و اسيل... الكل: قول... ادهم: انا و اسيل هنعيش في فيلا لوحدنا...
نيرة: ليه بس كدة يا ابني؟ ادهم: علشان راحتنا يعني... سامر: هتعيشوا فين؟ ادهم: في فيلا قريبة من هنا، جمبكوا بخمس فيلل. صفية: و مين هيراعيها و هي في الظروف دي؟ اسيل: ممكن نجيب خدامة او عادي يعني ده احنا فردين بس... عبدالرحيم: لو انتوا مقتنعين و هتكونوا مرتاحين يبقي خلاص براحتكوا. رحيق: اومال هتخانق مع مين و اضايقها و هي حامل؟ غزل: مين هيشجعني علي الاكل؟
اسيل: حبيبتي الفيلا في اخر الشارع تمام يعني ممكن نروح و نقابل بعض كتير اوي... عبدالرحيم: هطلع انا ارتاح... اسيل: تمام يا جدو. احمد: انت كويس يا بابا؟ عبدالرحيم: اه. الحمد لله. عبدالرحيم طلع ينام و بدأوا كبار العيلة يروحوا... باسم: تعالوا نلعب صراحة... اسيل: تمام. غزل: لا... عدي: ليه؟ غزل: اصل اللعبة فيها برضو جرائة و انا مش بثق في تفكير المنحرف ده... باسم: ليه بس ده انا طيب... رحيق: من اي جهة...
كريم: بطلوا خناق شوية... ليلي: يلا بقي نلعب. -و بدأوا يلعبوا و جه الدور لباسم و رحيق بحيث باسم يسأل رحيق. باسم: عمرك ما نفسنتي من اسيل و انتوا صغيرين. رحيق: عايزين الصراحة... الكل: اكيد. رحيق: مرة واحدة بس. لما كانت بتبقي المفضلة من الكل بقيت اكرهها و بحاول اقلدها بس لقيتها بتساعدني اني اطور من نفسي نهيت الفكرة نهائي. اسيل: حبيبتي. ليلي: الحب الحب. غزل: الشوق الشوق. -لعبوا و ادهم هيسأل اسيل...
اسيل: لا خليك حنين. ادهم: مبسوطة بحياتك معايا و ايه الموقف اللي مش قادرة تنسيه ليا. اسيل: موقف حلو و لا وحش. ادهم: موقف وحش. اسيل: حاليا اه مبسوطة معاك، موقف وحش بقي مش قادرة انساه لما طلقتني و ضربتني و مرة لما حاولت يعني في امريكا فاكر صح. و لما كنت بتعاقبني و اغمي عليا، و لما ضربتني قلم... ادهم قرب اسيل منه وباس رأسها... ادهم: اسف... غزل: هنقلبها دراما... -لعبوا اسيل هتسأل غزل...
اسيل: موقف مش قادرة تنسيه لباسم و لسة مأثر فيكي... غزل العيون اتجمعت في عنيها. و الكل لاحظ. باسم: خلاص يا جماعة... باسم حضن غزل و قعد يطبطب عليها... باسم: اسف. غزل: و لا يهمك... -لعبوا و كريم هيسأل عدي... كريم: بتحب رحيق... عدي: لا. لاني وصلت لدرجات العشق من زمان. الكل ضحك عليه... -لعبوا ليلي هتسأل ادهم... ليلي: هسأل نفس سؤالك لاسيل...
ادهم: طبعا مبسوط بحياتي معاها. و الموقف اللي محزني منها لما رفضت حبي و احنا في المطعم... اسيل: بس و ربنا بحبك الله. و بعدين بدأوا يكملوا لعب. ادهم: يلا علي النوم انا واسيل هننتقل بكرة. الكل قام نام، تاني يوم الصبح... نقلوا لبس اسيل و ادهم. و نقلوا الحاجات اللي هيحتاجوها و راحوا للفيلا. اسيل: اخيرا هبقي في فيلا لوحدي و البس براحتي... ادهم: ده اقصي طموحاتك... ادهم: اسيل انتي لية مش عايزة تقولي نوع الجنين؟
اسيل: عايزاها مفاجاة انا حتى معرفش... ادهم: اوف ماشي براحتك... -تسريع احداث عدي اسبوعين علي ابطالنا... -في الصباح الباكر... ادهم راح شغله و اسيل بدأت تتمشي في الفيلا و تتفرج علي التلفزيون... -عند ادهم في الشغل... ادهم(بغضب): ازاي ده يحصل؟ كريم: اهدي بس اهدي... عدي: انا مش فاهم ازاي نعلن افلاسنا كدة... الباب خبط و باسم دخل... باسم: ايه الكلام اللي وصلي ده؟ ادهم: مش عارف مش عارف.
عدي: تعالوا نروح نشوف حل براحة... و الكل راح علي القصر...
-عند اسيل... اسيل كانت حاسة بوجع حاولت تنساه... اسيل(بوجع): لا كدة كتير. آآآه. اسيل قامت بسرعة و هي مش قادرة... اسيل(بصريخ): ادهم. اسيل(بصريخ و وجع): ادهم الحقني... اسيل بدأت تعيط و تصرخ من الوجع... اسل خدت تليفونها اتصلت بادهم مبيردش... اسيل حاولت تمشي و وصلت لباب الفيلا و لسة هتفتحه وقعت علي الارض... اسيل(بصريخ و عياط): بليز حد يلحقني... اسيل طلعت تليفونها و اتصلت بالاسعاف.
اسيل(بوجع): ارجوك الحقني اسعاف بسرعة... و اسيل اغمي عليها و بدأت ماية تنزل منها...
-عند القصر كانوا موجودين في الجنينة و عائلة الشافعي و الجارحي... صفية: ازاي بس ده يحصل؟ عبدالرحيم: هتتحل... حارس: يا ادهم بيه في عربية اسعاف عند بيت حضرتك... ادهم سابهم و جري و راح علي الفيلا و باسم و رحيق و كريم و ليلي و عدي وراه، و الكل جم بعديهم... ادهم: بتعملوا ايه هنا؟ ممرض: جه اتصال من واحدة بتصرخ و بتطلب النجدة... ادهم فتح باب الفيلا بسرعة لقي اسيل مرمية علي الارض و حاوليها ماية و دم...
ادهم(بصريخ): اسيل... ادهم وطي و حط رأس بين ايده... ادهم(بعياط): مش هقدر علي غيابكوا انتوا الاتنين ارجوكي فوقي... رحيق: لازم ننقلها المستشفي... و ركبوا اسيل عربية الاسعاف و ادهم ركب معاها... و اول ما عربية الاسعاف مشيت رحيق اغمي عليها...
رواية صدفة أم قدر للكاتبة سلسبيل كوبك الفصل التاسع والثلاثون والأخير
خدوا اسيل في عربية الاسعاف و معاهم ادهم. و رحيق اغمي عليها... كريم: مش وقته خالص... عدي شال رحيق و ركبها العربية و الكل ركبوا عربياتهم و مشيوا ورا عربية الاسعاف... -في عربية الاسعاف... ادهم ماسك ايد اسيل و مدمع و بيبوس ايديها كل شوية... ادهم(بدموع): حبيبتي خليكي قوية. ادهم(بدموع): متسبنيش، مش هقدر اعيش من غيرك. و بعد فترة وصلوا للمستشفي. و نزلوا بسرعة... صفية: طب فين الدكتورة اللي هي متابعة معاها...
نيرة: هروح اناديها... و بعدين عدي دخل شايل رحيق بين ايده... باسم: دخلها بسرعة للطوارئ. -ادهم واقف تايه مش عارف يتصرف و خايف... الدكتورة: ايه اللي حصل؟ ادهم: اغمي عليها و لقينا حواليها ماية و دم. الدكتورة جريت بسرعة لاوضة اسيل... غزل(بتعب): باسم مش قادرة. باسم: طب اعمل ايه؟ عبدالرحيم: الكل يهدأ بقي... ادهم(بخوف): ايه؟ الدكتورة(بقلق): لازم نتدخل حاليا. ادهم: ازاي؟ الدكتورة: هنتدخل جراحي و هنولدها...
احمد: هي مش المفروض تولد في التاسع؟! الدكتورة: مفيش وقت للكلام. ادهم: اهم حاجة اسيل مش الطفل. الدكتورة: تمام... جهزوا اوضة العمليات و دخلوا اسيل و الدكتورة دخلت، و الكل واقف علي اعصابه. كريم: ايه يا عدي؟ عدي: رحيق حامل. نيرة(بدموع): الف مبروك يا روحي. رحيق: مش وقته. ادهم حضن عدي و طبطب علي ضهره. ادهم: الف مبروك... عدي: الله يبارك فيك. و الكل قعد متوتر و قلقان. و ادهم رايح جاي في الممر.
بعد فترة مش طويلة و لا قصيرة... الدكتورة(بتعب): الحمد لله... ادهم: ايه؟ الدكتورة: الطفل هيدخل الحضانة و مدام اسيل تحت تأثير البينج و هتفوق بكرة الصبح... ادهم: و هي كويسة؟ الدكتورة: يعني ممكن يحصل مضاعفات. هنشوف بكرة لما تفوق. ادهم: تمام. الدكتورة: هتسموا الولد ايه؟ باسم: مبروك يا عم ولد. ادهم(بابتسامة): مراد. الدكتورة: تمام اتفضل معايا املئ الاستمارة... عبدالرحيم: طب نكبر للولد يا بنتي.
الممرضة خرجت و هي شايلة طفل ضعيف شوية. سامر: كبر يا ابني. ادهم شال الطفل بخوف و فرحة و قعد يكبر في ودن الطفل و بيعيط... كريم: بتعيط علشان الطفل خد رزقه بقي. الكل: ايه؟ كريم: في صفقة لو اشتغلنا عليها هنكسب 4 مليار جنيه... عدي: اوبا بقي... ليلي: شوفتوا رزق الطفل. ادهم: هطمن علي اسيل الاول. الدكتورة: تمام. بعد اذنك هنودي الطفل للحضانة.
خدوا من ادهم الطفل. و ادهم راح مع الدكتورة. و كتب شهادة الميلاد و عمل كل الاجراءات... عبدالرحيم: طب يلا بقي الكل يروح. و ادهم هيفضل مع مراته و بنته... نيرة: بنتي. سامر: يلا يا جماعة. سوزان: مالك زعلانة ليه يا رحيق؟ رحيق: خايفة تحصل حاجة ليا زي اسيل. غزل: ما انا قدامك اهو. هي اسيل بس اللي مميزة عننا كلنا. ادهم: علشان كدة حبيتها... ليلي: قصدك ايه اننا مش حلوين. عدي: يلا يا هُبل... صفية: ابقي طمنا يا ابني.
ادهم: حاضر... عبدالرحيم: لو عوزت حاجة قولنا... ادهم: تمام. الكل روح لبيته... ادهم: لو سمحت المريضة اسيل فين؟ الممرضة: في غرفة رقم 306. ادهم: تمام شكرا... ادهم طلع جري و راح لاوضة اسيل. ادهم قرب منها و باس رأسها و قعد يحب فيها و هي نايمة...
-في الصباح الباكر... اسيل بدأت تغمض عنيها و تفتحهم. اسيل(بدون وعي): انا فين؟ ادهم. اسيل حطت ايدها علي بطنها ملقتش بطنها... اسيل(بعياط): ابني فين؟ ادهم. ادهم صحي علي صوت عياطها. اسيل(بصريخ و عياط): ابني ابني يا ادهم... ادهم(بحنية): مالك يا حبيبتي؟ اسيل(بعياط): ادهم ابني ابني. ادهم: هشششش اهدي، ابنك بخير. اسيل(بعياط): لا لا. ادهم: مش بكدب و الله ولدتي قيصري و الولد بخير. اسيل(بعياط): بجد.
ادهم(بابتسامة): اه يا روحي. اسيل حضنته و هو مسك فيها جامد. ادهم(بدموع): كنت خايف عليكي اوي خايف لتبعدي عني. اسيل(بعياط): ادهم انا حاسة بوجع شديد. ادهم(بقلق): ايه مالك؟ اسيل: بطني وجعاني اوي. ادهم: طب ارتاحي علشان الجرح هما ولدوكي قيصري. اسيل: طب طب فين ابني؟ ادهم: يعني كنتي عارفة انه ولد؟ اسيل: لا و الله... ادهم: طيب يا روحي. اسيل: طب فين حبيبي؟ ادهم: نعم يا اختي انتي معندكيش غير حبيب واحد انا و بس فاهمة...
اسيل حطت ايدها علي خد ادهم و قربته منه. اسيل: بلاش تبقي عيل يا ادهم بلاش غيرة يا حبيبي... ادهم: لا هغير و قسما بالله لو حبتيه اكتر مني هقتلك. فاهمة؟ اسيل: اوف حاضر هات بقي حبيبي قصدي ابني. ادهم: بلاش استعباط يا اسيل. ادهم: هروح اجيب البيبي و اجي. اسيل: ليه هو ليه مش جمبي؟ ادهم(بتوتر): عادي. اسيل(بدموع): ابني حصله ايه يا ادهم؟ ادهم: هش هش. ابنك كويس هو كمان ابني. اسيل(بدموع): لا الولد المفروض يبقي جمبي.
ادهم: في الحضانة يا اسيل علشان اتولد قبل ميعاده. اسيل(بدموع): يعني كويس؟ ادهم: انا كنت بستحملك علشان حامل دلوقتي لا فاتعدلي بقي. اسيل ربعت ايديها و مدت شفايفها للدلالة علي انها زعلانة... ادهم: بطلي دلع. ادهم سابها و مشي و راح طلب من الدكتورة انه يأخده بس هي رفضت... ادهم: طب علشان خاطر امه بس. ادهم: طب علشان خاطري. اي حاجة بقي يا ستي. الدكتورة: اوف ماشي... ادهم(بهمس): روحي و انتي شبه الدبدوب...
الدكتورة جابت الطفل و ودته لادهم... ادهم راح لاسيل. اسيل قامت بسرعة. اسيل(بفرحة): هات هات. ادهم: بطلي شوية. اسيل: انت اوفر مفيش حد بيغير من ابنه. هات بقي. ادهم ودي اسيل الطفل. و اسيل فضلت تحضنه و هي مبسوطة اوي... اسيل: شايف انفه شبهك. ادهم: انتوا يا ستات بتركزوا في حاجات... اسيل: غور غور. شايف ايده صغننة اوي. ادهم: حبيبتي ده لسة مولود. اسيل(بابتسامة): تعرف انه مهون عليا وجعي... ادهم: يعني انا مش مهون عليكي.
اسيل: اوف يا ادهم هتفضل تقارن نفسك بطفل و هو ابنك. اسيل(بفرحة): الله واخد لون عيوني. ادهم: هو مش انتي قولتي انه في الحلم خد لون عيوني انا. اسيل: انا مالي الله. الباب خبط. ادهم: ادخل. كل العائلة دخلت. و قعدوا و في اللي وقف. عبدالرحيم: اخبارك يا بنتي؟ اسيل: مبسوطة اوي. رحيق(بدموع): انا كنت خايفة عليكي اوي. اسيل: يا روحي انا مبسوطة اوي. عدي: يلا كلها 9 شهور و نخليكي خالة. اسيل(بفرحة): احلف. الله.
ادهم: طب يلا امشوا بقي. اسيل: عيل رزل. كريم: ايه ياض ما تصبر هو احنا جاين ليك اساسا. اسيل: خليكوا ده بيستعبط. اسيل: ايه يا جدعان ساكتين ليه؟ نيرة: هاتي اشيله. اسيل: خدي يا قلبي. صفية: طب ما انا جدته هاتيه ليا. اسيل: خلاص شيليه. احمد: هو راجل يبقي يروح للرجالة. سامر: ايوه عندك حق. ادهم: انا كدة اطمنت. باسم: من ايه؟ ادهم: هسيبه ليكوا و نتفرغ بقي للجديد. الكل ضحك عليه و اسيل بصت لادهم بغضب. ادهم(بحب): عندك مانع؟
اسيل: ده انا هطلع عينك انا و مراد بس اصبر... ادهم: مستني... -و عدوا اليوم و الكل مشي و اتبقي ادهم و اسيل. اسيل: يا ادهم ليه مخلتناش نمشي النهاردة؟ ادهم: كدة. اسيل: اوف ليه؟ ادهم: كدة. اسيل: عيل رزل. ادهم: متشكر... اسيل(بحب): يا حبيبي. ادهم: لا بلاش نبرة الحب دي. اسيل: غور من وشي يا ادهم. ادهم: طب ما انا غاير هدخل قلبك تاني علشان طلعت شوية اشم هواء... اسيل: اووووووووووفر... ادهم: بحبك. اسيل: اوف و انا كمان...
ادهم: خلاص هنمشي بكرة و هناخد مراد معاانا اتفقنا. اسيل: تمام. ادهم: يلا خديني جمبك. اسيل: ادهم انا بطني مفتوحة و تعبانة فسبني بقي و روح نام علي الكنبة. ادهم: ماشي اصبري عليا بس لما تخفي. ادهم: بس مش هعرف. اسيل: ليه جنابك هيبقي وراك ايه غير انك تنكد عليا. ادهم: ما انتي هتكوني حامل. اسيل بصتله بعصبية و غضب و دورت حواليها لغاية ما لقت مفاتيحه و رمتها عليه. اسيل: روح اتخمد.
اسيل نامت. و ادهم باس رأسها و راح نام علي الكنبة...
-في مكان تاني... -عند كريم و ليلي... كريم: مالك طول الطريق ساكتة؟ ليلي: انا مبخلفش يا كريم. كريم(بخضة): نعم و انتي عرفتي ازاي؟ ليلي: الكل حمل و اسيل خلفت و انا لسة زي ما انا... كريم(بضحك): يا تافهة. ليلي(بضيق): انت بتشتمني ليه؟ كريم: يا بنتي انتي تفكيرك تافه. ليلي: ليه بقي ان شاء الله؟
كريم(بحب): يا حبيبتي ربنا لو عايزنا نخلف هنخلف و لو مش عايزنا يبقي ليه حكمة في كدة، انتي بس ادعي و اطلبي منه يرزقك. و لو طلعتي مبتخلفيش يا ستي انا راضي لاني بحبك و مش هستغني عنك. ليلي(بدموع): انا بحبك اوي. كريم باس رأسها و حضنها. كريم: اياكي تخافي طول ما انا معاكي. ليلي: شكرا... كريم: يلا قومي غيري هدومك عايز انام يوم صعب. ليلي: تمام. كريم و ليلي ناموا للصبح.
-عند عدي و رحيق. رحيق: اوف. عدي: مالك؟ رحيق: انااااااااام و اكل. عدي: طيب تمام نامي و بكرة تاكلي. رحيق: لا اكل و بعدين انام... عدي: طب انزلي كلي. رحيق: طب ما تنزل معايا. عدي: يا رب صبر زي اللي كان عند ادهم... رحيق: ليه ان شاء الله قصدك ايه؟ عدي: رحيق يلا قدامي تأكلي. رحيق: طيب... عدي و رحيق نزلوا و رحيق كلت كتير. عدي: هو علشان كنت بتريق علي اسيل اهو ربنا انتقم مني. رحيق: هو انا كدة كلت.
عدي: لا لا. انجزي خلصتي؟ رحيق: اه... عدي خدها و طلعوا اوضة النوم و ناموا...
-عند باسم و غزل... باسم: غزل حاسة بوجع جعانة بتموتي متصحنيش فاهمة... غزل: نعم!.. باسم: اه انا رأسي وجعاني و لازم اشتغل مع عدي و كريم و ادهم مع اسيل و لازم نكسب الصفقة دي. سيبيني انام... غزل: اوف تمام غور نام مش محتاجاك... باسم: غاير... غزل: طب انا هنام انا كمان. غزل نامت و باسم راح نام جمبها.
-في الصباح الباكر... صفية: يلا انا جهزت... نيرة: و انا كمان جاهزة يلا بينا. عدي: احم كريم و ليلي راحوا يجيبوا اسيل و ادهم. احمد: نعم مفيش حد هيشيل حفيدي غيري. سامر: انتوا ليه مقولتوش لينا؟ رحيق: ادهم اللي قال. عبدالرحيم: خلاص متنسوش ان اسيل هتبقي تعبانة و احنا هنشيل ابنها و غزل في الشهر الاخير. غزل: ربنا يخليك يا جدو. باسم: طب نحضر اكل علشان خاطر اسيل و البيبي.
-في مكان تاني. -في المستشفي. الدكتورة: انتي الحمد لله بقيتي احسن. و مفيش مضاعفات. اسيل: و البيبي. الدكتورة: لا هو بخير و انتي كان ميعاد ولادتك السابع بس معرفش حصل ايه. اسيل: تمام شكرا. ادهم: يلا كريم و ليلي جايين. اسيل: تمام... ادهم حط الطفل علي السرير. و قوم اسيل و ساعدها تلبس... اسيل: هات الولد اشيله. ادهم: لا انتي بطنك مفتوحة امشي براحة. اسيل: ما هما موديني بينج مش حاسة بحاجة. ادهم: عارف... الباب خبط.
ادهم: ادخل. ليلي: اهلا اهلا. اسيل: حبيبتي. ليلي: هاتوا هاتوا البيبي... ادهم: خدي. ليلي: حبيب عمتو انت. كريم(بضحك): ده هيطلع بيكرهك كره العمي. اسيل: يا رزل. ادهم: طب يلا. كريم: هنسبقك. ليلي: يلا. اسيل: هاتوا البيبي. ليلي: لا ده مع عمته... ليلي و كريم خدوا الطفل و خرجوا... ادهم: مالك ضربتي بوز ليه؟ اسيل: ابني. ادهم: هو مع حد غريب الله. اسيل: طيب.
اسيل لسة هتقوم علشان تمشي. لقت ادهم شالها بين ايديه. و اسيل حاوطت رقبته و نامت علي كتفه... ادهم: وحشتيني. اسيل: يا ابني ما انا كنت معاك علطول. ادهم: لا انا عايز اسيل الرشيقة اللي بتأكل برزانة مش تأكل التلاجة في بوقها. اسيل: ده انت شايل بقي. ادهم: ده انا هطلع عليكي كل حاجة. اسيل: ده انا برئية.
ادهم: اه كنتي كل ما انام تصحيني ادهم عايزة اكل ادهم البيبي بيتحرك ادهم انا مش جايلي نوم ادهم عايزة اتمشي ادهم اتحرك شوية مش عارفة انام ادهم احكيلي حدوتة ادهم العبلي في شعري ادهم اعملي مساچ ادهم انزل اشتري ايس كريم ادهم انا زعلانة ادهم انا مبسوطة ادهم انا خايفة ادهم ادهم ادهم ادهم ادهم... اول ما ادهم خلص كلام اسيل نزلت ضحك و مبقتش قادرة و عيونها دمعت ماتت من الضحك... ادهم: اضحكي اضحكي...
اسيل: طب بذمتك مش علي قلبك زي العسل. ادهم: اخرسي. اسيل(بضحك): متبقاش قفوش يا بيبي. ادهم بصلها بطرف عيونه و اسيل ضحكت جامد. كريم: ايه يا وحش؟ ادهم: خليك في حالك. اسيل: عيل رزل. ليلي: اسيل الطفل قاعد عمال يعيط. اسيل: هاتيه. ادهم نزل اسيل و اسيل ركبت العربية و اول ما مسكت الطفل سكت، اسيل بصت لادهم بابتسامة. ليلي: هترضعيه؟ ادهم: لا الدكتورة قالت صناعي. اسيل(بحزن): بس هو ابني. ادهم: معلش يا روحي.
و بعد فترة وصلوا للقصر، و اول ما دخلوا لقوا الكل قاعد منتظرهم... صفية: حبايبي. نيرة: اخبارك دلوقتي؟ اسيل(بحزن): تمام... سامر: مالك يا روحي؟ اسيل: مفيش... ليلي: خلاص في الطفل التاني ابقي رضعيه. غزل: و هي ليه مترضعهوش؟ ادهم: خلاص اقفلوا علي الموضوع. ادهم: يلا يا حبيبتي هنروح. اسيل: تمام. اسيل: باي يا جماعة... عبدالرحيم: قربي يا اسيل. اسيل مشيت ببطء و راحت ناحية جدها.
عبدالرحيم(بهمس): خليكي عارفة ان ربنا مبيعملش غير الصالح لعباده. اسيل: حاضر. اسيل و ادهم و الطفل راحوا علي فيلتهم... اسيل: مين دول؟ ادهم: دول خدامين هنا و دي علشان البيبي. اسيل: تمام. ادهم: خدي الطفل. الدادة: حاضر. ادهم خد اسيل و غير ليها هدومها و نيمها و نام جمبها...
-بعد مرور شهر... في القصر... اسيل: شدي حيلك يا مزة. غزل: اه يا قلبي اخرسي. رحيق: اومال انا اعمل ايه؟ ليلي: اعملي صينية كفتة. كل البنات ضحكوا، و بعدين كل واحدة لقت جوزها حاضنها. ادهم(باس رأس اسيل): حبيبتي عاملة ايه؟ اسيل: بخير. كريم(باس رأس ليلي): اخبارك؟ ليلي: تمام يا حبيبي... عدي(باس رأس رحيق): الواد تاعبك. باسم(باس رأس غزل): البت عاملة ايه؟ اسيل: يا جدعان انا حاجزة البت ريناد لمراد اتفقنا.
باسم: لا طبعا روحي العبي بعيد. عدي: يبقي للواد ابني. رحيق: لا انا عايزة بنت. مش عايزة ولد و يطلع شبهك... عدي: و انا مالي ده انا وسيم و كل البنات بتحبني. كريم: لا هو يأخد لون عيونك بس يا عدي. رحيق: اه. اسيل(بهمس): اخبار الشغل ايه دلوقتي؟ ادهم(بهمس): بخير يا روحي و كسبنا الصفقة و اسم عائلة الشافعي مستحيل يختفي. اسيل: بحبك. باسم: انتي مش محترمة اخوكي بقي... ادهم: هي بتقولها لحد غريب.
باسم: اومال فين الواد مراد؟ اسيل: واد انت بتقول علي ابني انا واد. اسمه الدكتور مراد ادهم الشافعي. كريم: حتة الذبابة دي دكتور. اسيل(بغضب طفولي): شايف يا ادهم بيقول ايه علي ابني. ادهم: لا اظبط ياض. كريم: خلاص يا ابني ايه ده. ليلي: طب عملتوا ايه في الصفقة؟ عدي: عيب عليكي كسبناها. البنات هيصوا. اسيل(بضحك): ايه رأيكوا نرقص زي المرة اللي فاتت؟ ادهم: اه يا حبيبتي و ليه لا، يلا. اسيل: بتهزر و لا بتتكلم جد؟
ادهم(بعصبية): انتي بتستعبطي مثلا و لا ايه؟ نيرة: في ايه بس يا حبايبي؟ اسيل(بضحك): ادهم بيغير. نيرة: خلاص بقي. يلا علشان الغداء. ادهم(بضيق): علمي بنتك ازاي تتعامل مع جوزها... ادهم سابهم و مشي... رحيق: ده انتوا يا رجالة ناس غليظة. باسم: يعني تقولوا يلا نرقص و احنا المفروض نوافق. اسيل: انا كنت بهزر. ليلي: اه انتوا بتقفوا علي الواحدة. غزل: يلا يلا نروح ناكل. اسيل: يلا يا بنتي.
نيرة: يا بنتي ما تتكلمي عدل ما جوزك متعتبرهوش باسم او حد من صحابك. اسيل: يا ماما ما هو طول ما انا هتعامل معاه علي انه جوزي يبقي مش هيبقي في تعامل و لا كلام بانفتاح. و الكل دخل للقصر... اسيل: اهو مراد بيجننوكوا اهو. احمد: بس شاغل لينا وقتنا. عبدالرحيم: انا كدة اموت و انا مرتاح. الكل: بعد الشر عليك. اسيل(بهمس و هي بتضرب ادهم في جمبه بكوعها): مالك يا عم تقلان علينا كدة ليه؟ ادهم(بهمس و ضيق): خليكي في حالك.
اسيل(بهمس): انا غلطانة كنت هدلعك. ادهم(بهمس): خليكي في حالك برضو. اسيل(بعصبية خفيفة و همس): براحتك، ايه ده؟ سامر: مالكوا؟ ادهم: مفيش. صفية: حبيبي انت يا حبيب تيتة... غزل(بوجع): آآه. الحقني يا باسم. باسم(بقلق): مالك يا حبيبتي؟ غزل: حاسة اني بولد. اسيل: طب يلا نروح المستشفي. كريم: يلا يا ابني. غزل(بصريخ): الحقني يا باسم... نيرة: يلا يا ابني مستني ايه؟
باسم شال غزل و ركبها العربية و اسيل ركبت جمبها و باسم بيسوق و جمبه ادهم... و الباقي ركبوا العربيات... اسيل: خلاص يا حبيبتي اهدي. غزل(بصريخ): مش قادرة يا اسيل، بسرعة يا باسم. باسم: حاضر حاضر. و بعد فترة وصلوا للمستشفي و خدوا غزل و دخلوها اوضة العمليات علشان يولدوها... غزل: يا رب يا رب يا رب. اسيل(بهمس): نام. مريم(المربية): اه يا هانم. اسيل: تمام. اسيل(بهمس): طنط هو فين ادهم؟ صفية: هتلاقيه في الجنينة.
اسيل: تمام شكرا. اسيل خرجت و راحت للجنينة. اسيل: ادهم. ادهم: خرجت؟ اسيل: لا، انت زعلان؟ ادهم: لا. اسيل: يا ادهم انا كنت بهزر بليز خلاص متزعلش. ادهم: خلاص يا اسيل. اسيل: يا حبيبي. ادهم: خلاص بقي يا اسيل... اسيل حضنته و حطت رأسها علي صدره. اسيل: اسفة. ادهم(حاوطها بايده و باس رأسها): و لا يهمك. عدي: امسك حرامي. ادهم: عايز ايه يا رزل؟ رحيق: جايين نرخم. عدي: بس انت طلعت ايه بتيجي بحضن. اسيل: يا رخم اسكت بقي الله.
رحيق(بضحك): مكسوفة؟ اسيل: يا ربي بتنقطوا سكر. كريم: غزل ولدت. ادهم، طب يلا بينا. الكل رجع مكانه، و باركوا لباسم. اسيل: يا ابو ريناد... باسم: اه يا اختي. عبدالرحيم: الف مبروك. باسم: الله يبارك فيك. غزل(بتعب): باسم. باسم: نعم يا حبيبتي. غزل: ريناد. باسم: قمر شبهك. غزل: هات... باسم وداها البنت و قعدت تبوس فيها... صفية: بتكبروني و بتعجزوني. نيرة: ده احنا لسة شباب.
اسيل: انتوا ناس عجوزة اما بقي طنط سوزان دي قمر كدة حتة مهلبية. سوزان(بابتسامة خفيفة): تسلمي يا اسيل. رحيق: فرفشي يا حاجة. و الكل قعد يضحك و يتكلم و خدوا غزل و روحوا...
-بعد مرور 8 شهور... -في الصباح الباكر. اسيل: ادهم ادهم. ادهم: خير. اسيل: انجز قوم الحق الشغل. ادهم: هي الساعة كام؟ اسيل: 9 الصبح. ادهم(بخضة): نعم يا اختي؟ اسيل: ايه؟ ادهم: انا مش قايلك اني ورايا اجتماع مهم... اسيل: اوف اعملك ايه انا كنت سهرانة مع ابنك بليل ايه ده اعملك ايه الله؟ ادهم(بزعيق): انا مالي انا اذا كنتي مشيتي المربية. انا مالي انك كنتي سهرانة.
اسيل(بهدوء): ادهم انا طلعتلك هدومك بعد اذنك متعملش صوت و انت نازل علشان الواد. -اسيل مسكت الطفل اللي كان هيصحي علي صوت ادهم و خدته في حضنها و نامت علي السرير... ادهم قام بكل غضب و لبس هدومه و نزل راح شغله...
-في مكان تاني. عند باسم و غزل... باسم: غزل غزل. باسم: يا بنتي قومي. غزل: ايه يا باسم؟ باسم: ايه يا بنتي الساعة 9 ما تقومي... غزل: باسم فكك مني انا ما صدقت البت نامت. باسم: فكك! غزل كملت نوم تاني. باسم نزل من اوضته. نيرة: صباح الخير يا حبيبي. باسم: صباح النور... سامر: فين غزل؟ باسم: نايمة. نيرة: طب احنا قررنا قرار. باسم: خير...
سامر: ان شاء الله انا و نيرة و صفية و احمد و سوزان و جدك عبد الرحيم هنطلع في اجازة. باسم: تمام امتي؟ سامر: بعد بكرة. بس الاجازة هتبقي طويلة... باسم: المهم انكوا تبقوا مبسوطين. نيرة: ماشي يا حبيبي. باسم: عن اذنكوا رايح شغلي. سامر: تمام... باسم مشي و راح شغله...
-في مكان تاني... في القصر... الكل كان قاعد علي السفرة... عبدالرحيم: شدي حيلك يا رحيق. رحيق: اه يا جدو انا تعبانة اوي و يا ريت في ناس تحس. عدي: عايزاني اعملك ايه اكتر من اني اجبلك كبدة و سجق الساعة 3 بليل. رحيق: ده اللي ربنا قدرك عليه. سوزان: رحيق عندها حق. عدي: ما تهدوا انا غلطان اتقوا شر حواء. عدي قام و راح علي شغله... رحيق: شايفين علطول بيعمل كدة. صفية: معلش يا حبيبتي اعذريه... رحيق: اوف بحاول.
احمد: انا طالع انام. صفية: انت لسة صاحي. احمد: هتقي شركوا. عبدالرحيم: خدني يا ابني اقعد في الجنينة... احمد: اتفضل.
-في مكان تاني. عند كريم و ليلي. كريم: عايزة حاجة يا حبيبتي؟ ليلي: لا شكرا، المهم انك تكون بخير. كريم: تمام. باي. كريم باس رأسها و خرج راح علي الشركة... و ليلي قعدت تساوي اوضتها و قعدت تتفرج علي التلفزيون.
-بعد فترة، في وقت الليل... -في القصر... عدي: يا اهل الدار انا جيت. رحيق: وطي صوتك الكل نايم... عدي: و انتي صاحية ليه يا لمضة؟ رحيق: مش جايلي نوم. و مش جايلي مزاج اعمل اي حاجة. عدي: اه طبعا واضح اوي جمبك صنية مليانة سندوتشات و كوبيتين عصير و حلويات. واضح واضح. رحيق: انت بتتريق دي حاجات بسيطة. عدي: طيب. هتطلعي تنامي. رحيق: معرفش... عدي: عملتي ايه النهاردة؟
رحيق: روحت قعدت مع اسيل و لقتها زعلانة هي و ادهم. عدي: اه ادهم حكالي. رحيق: طبعا ادهم اللي غلطان. عدي: نعم انتي عارفة لو كان ادهم مجاش او كان اتأخر كنا هنخسر كام. رحيق(بسخرية): كام يعني؟ عدي: 2 مليار. رحيق(باحراج): عادي. عدي: واضح واضح. عدي: يلا يا بنتي عايز انام. رحيق: انت هتعمل معايا كدة لو صحيتك متأخر. عدي: هعمل اكتر من كدة... رحيق: رزل. عدي و رحيق طلعوا و ناموا...
-في مكان تاني... عند باسم و غزل. غزل: اخبارك؟ باسم: بخير و انتي و ريناد؟ غزل: بخير. باسم: هي فين؟ غزل: طنط اصرت تأخدها النهاردة. باسم: اه... باسم: تمام تصبحي علي خير. غرل: هتأكل؟ باسم: تمام انا جعان اساسا. غزل: العشاء تحت جاهز. باسم: و انتي كلتي؟ غزل: لا مستنياك. باسم: طب يلا... و باسم و غزل نزلوا كلوا... غزل: اليوم كان صعب. باسم: اه. غزل: تمام... باسم: في ايه؟ غزل: ليلي زعلانة و انا مش عارفك اراضيها ازاي.
باسم: زعلانة من ايه؟ غزل: علشان مخلفتش و كدة يعني. باسم: اه. طب و انتي في دماغك ايه؟ غزل: انا و اسيل و رحيق اتفقنا نعمل ليها حفلة. ايه رأيك؟ باسم: تمام شوفوا اللازم... غزل: شكرا... باسم و غزل طلعوا و ناموا...
-في مكان تاني. عند كريم و ليلي. كريم: مالك يا بنتي؟ ليلي: مفيش انا زعلانة شوية بس. كريم: ليه بس؟ ليلي: ان اسيل و غزل خلفوا و رحيق حامل و انا لسة. كريم: يا ليلي هنتكلم في الموضوع ده مية مرة. ليلي: يعني انت مش نفسك تكون اب. كريم: بس وجودك جمبي اهم... ليلي: شكرا. كريم: فكي بقي يا بنتي. ليلي: تمام، تأكل؟ كريم: لا... ليلي(برفعة حاجب): انت كلت؟ كريم: لا لا بلاش رفعة الحاجب اقصد انه مش هأكل الا لما تضحكي.
ليلي: اه بحسب... كريم: طب يلا عاملة عشاء ايه؟ ليلي: زي كل يوم. كريم: كله ضرب ضرب مفيش شتيمة... ليلي: بحبك... كريم: بموت فيكي... كريم و ليلي قعدوا يتكلموا و يضحكوا و بعدين طلعوا يناموا...
-في مكان تاني... عند ادهم و اسيل... ادهم فتح باب الفيلا و دخل لقي الفيلا فيها اضواء بسيطة... و بعدين لقي حد بيحضنه من ورا. اسيل: وحشتني. ادهم: بتعتذري بس بطريقة تانية صح. اسيل: لا يعني هو ايه. ادهم لف ليها و بص في عيونها... ادهم: اومال؟ اسيل: انا حاسة بيك يعني اللي هو انك عايز تقعد معايا نتكلم نأكل مع بعض زي زمان بس مش عارف من مراد. ادهم: اه فقولتي تعوضيني. اسيل: حاجة زي كدة.
ادهم: طيب يا ستي و اعتذارك عن الصبح مقبول. اسيل(برفعة حاجب): تقدر تقول غير كدة؟ ادهم: لا طبعا انا اسف مكنش ينفع انفعل عليكي... اسيل: تقبلتوا... ادهم: طب هطلع اغير و انزلك. اسيل: تمام... ادهم: بس ايه الشياكة دي؟ و غمز ليها. اسيل: وحشتني هدوم الخروج فقولت البسها في البيت... ادهم: اه تمام، انا طالع. -ادهم طلع بسرعة غير هدومه، و اسيل قعدت مستنياه علي الكنبة، و بعدين لقت ادهم بيقعد جمبها...
اسيل: عملت ايه في الشغل؟ ادهم: تمام وصلت قبل الميعاد ب 3 دقايق. اسيل: واو رقم قياسي... ادهم: بتتريقي. اسيل: لا و الله... ادهم: طيب، عاملة اكل ايه؟ اسيل: احم هو انت هتأكل؟ ادهم: مفيش عشاء و لا ايه؟ اسيل: لا طبعا يا روحي طلبت اكل من بره... ادهم: تمام... ادهم: انتي عملتي ايه النهاردة؟ اسيل: مفيش رحيق قعدت معايا شوية، و بنفكر في حفلة ل ليلي. ادهم: ليه؟ اسيل: حاجة تفرحها اصلها زعلانة علشان يعني لسة مخلفتش.
ادهم: اه تمام... اسيل: لو انا مكنتش بخلف كنت هتعمل ايه؟ ادهم: يعني اكيد اكيد. اسيل كانت باصة لادهم بابتسامة و ادهم بص ليها. ادهم: اكيد يعني كنت هتجوز تاني. اسيل: اه يا واطي يا زبا... ادهم قرب اسيل منه و(لخيالكوا). الباب خبط... اسيل: قوم افتح. ادهم(بضيق): تمام. ادهم قام و فتح الباب و دفع الحساب و دخل. ادهم: جايبة بيتزا... اسيل: اه... ادهم: تمام. اسيل و ادهم بدأوا يأكلوا... ادهم(بمكر): في حاجة جمب شفايفك.
اسيل: يا عم سييك كمل اكل. ادهم: هاتي اشيلها ليكي. اسيل بصتله بطرف عنيها و ابتسمت ببرود. اسيل: ادهم روح نام... ادهم: لا... اسيل: يبقي انسي انا عايزة انام. و مراد احمد ربك انه سايبك تتكلم و نايم... ادهم: طب انا مالي. اسيل: يا ادهم. ادهم قرب منها و(لخيالكوا)... و بعدين اسيل زقت ادهم بعيد عنها و قامت جري. ادهم: و ربنا ما وقته. ادهم طلع وراها... اسيل: بس بس خلاص يا حبيب ماما...
ادهم: حتة الحشرة دي مش مخليني اقرب منك... اسيل: روح نام بقي. مش اتكلمنا شوية. ادهم: لا... اسيل: ادهم خد مراد ثانية... ادهم: ليه مالك؟ اسيل ودت ادهم مراد و جريت علي الحمام و قعدت ترجع... ادهم: ايه؟ اسيل: اخرج لحظة... ادهم خرج و هو قلقان علي اسيل و شايل في ايده مراد بيحاول يسكته... و بعد عشر دقايق... ادهم: يا اسيل انتي كويسة متقلقنيش. و بعدين لقي اسيل فتحت باب الحمام و باصة لادهم بغضب.
ادهم: في ايه هو انا قتلت حد... اسيل(بصوت عالي نسبيا): انا حامل يا زفت... ادهم(بصدمة): نعم! اسيل(بدموع): انا كدة هتعب تاني انا بكرهك يا ادهم. بكرهك. ادهم راح قعد جمبها و حضنها و كان شايل الطفل علي رجله و باس رأسها... ادهم: اسيل ربنا عايز كدة مش هنعترض... اسيل(بدموع): انا خايفة اني اموت و مش هربي مراد و مش هشوفك تاني... ادهم: لا متخافيش. محدش هيربي مراد غيرك. اسيل: توعدني. ادهم: اكيد يا روحي.
اسيل: هخش اغير هدومي. ادهم: تمام. اسيل قامت و غيرت هدومها لبيجامة عبارة عن شورت و تي شيرت بحمالة رفيعة و رفعت شعرها علي شكل كحكة ادهم: انتي قولتي انك حامل صح؟ اسيل: اه روح نام... ادهم(بضحك): هنام هنام... اسيل: هتروح الشغل بكرة؟ ادهم: لا هقعد مع سي مراد و اسيل هانم... اسيل: تمام... ادهم: طب الحشرة ده بينام ازاي؟ اسيل: ادهم متقولش علي ابني حشرة فاهم... ادهم(بخوف مصطنع): حاضر حاضر. اسيل: رخم. بحبك.
اسيل باسته علي خده و خدت مراد منه... ادهم فرد جسمه علي السرير و اسيل جمبه و مراد علي بطنها. ادهم: كدة مش غلط عليكي. اسيل: لا متخافش. ادهم: متأكدة؟ اسيل: يا حبيبي متخافش بقي. ادهم: تمام، المهم راحتك. اسيل: اوف بدل ما انا عندي طفل عندي طفلين. ادهم: انا عملت حاجة؟ اسيل: لا خالص... -اسيل حاوطت ادهم بايد و ماسكة مراد بايد و نامت.
-في الصباح الباكر... -في القصر... احمد: جهزتي كل حاجة؟ صفية: اه... عبدالرحيم: الاجازة هتبقي طويلة... صفية: اه... عدي: هتسافروا من غيرنا ماشي ماشي. سوزان: حبيبي خلي بالك من رحيق خلاص قربت تولد. عدي: اه ما انا عارف... صفية: هي فين؟ عدي: نازلة. رحيق: انا جيت... سوزان: خلي بالك يا رحيق من نفسك. رحيق: عيوني. الباب خبط، الخدامة فتحت... عدي: ياااااااااه بقالي 12 ساعة مشوفتكش. ليلي(بضحك): ادهم اداهم اعفاء...
ادهم: حد جاب سيرتي... كريم: يا ريتنا كنا طلبنا مليون جنيه. اسيل: احترم نفسك. ليلي: حبيب عمتو. اسيل: خدي يا اختي. صفية: مالك وشك مصفر ليه؟ اسيل بصت لادهم بعصبية اللي قعد يضحك جامد. عبدالرحيم: في ايه؟ ادهم(بضحك): اصلها كانت ناوية تخبي كام شهر... اسيل: اه يا سافل يا حيوان... ادهم بدأ يجري و اسيل جريت وراه... ادهم(بخبث): اسيل اسيل خفي شوية علشان البيبي. اسيل(بصدمة): يا حيوان... الكل فتح عيونه علي اخرهم...
احمد: هي اسيل حامل؟ صفية: ازاي؟ عدي: انت عملتها ازاي يا ابني؟ كريم: لا فهمنا. اسيل: مش قولتلك هيتصدموا. ادهم(وهو بيحاوط اسيل): خلاص بقي المهم دلوقتي ان اسيل حامل... صفية: طب نأجل سفرنا. اسيل: انتوا كنتوا مسافرين؟ سوزان: اه. اسيل: لا لا روحوا ده احنا هنستمتع... عبدالرحيم(بضحك): واطية. اسيل: لو مش عجبك طلقني. الباب خبط، الخدامة فتحته... باسم: في ايه حاسسكوا انكوا مدهشوين او مصدومين... ادهم: مش هتصدق.
باسم: لا متخافش. ادهم(بضحك): اسيل حامل. غزل(بصدمة): ده حقيقي! اسيل: ما خلاص يا جدعان الله. نيرة: الف مبروك يا روحي. سامر: انا لسة في عز شبابي مبقتش جد لا انا... ادهم: طول عمرك يا عمي. الرجالة راحوا قعدوا في مكان. اسيل: بصوا لو جبت بنت هجوزها لابن رحيق ومراد هيتجوز ريناد... رحيق(بصريخ): آآآآه الحقوووووووني. اسيل: ايه حاسة بايه؟ ليلي: بتولدي؟ رحيق(بصريخ): عدي... عدي(بخوف): ايه مالك؟ غزل: بتولد.
عدي شال رحيق و ودوها المستشفي، الكل راح الا ادهم و اسيل... اسيل: انت ليه مخلتنيش اروح؟ ادهم: كدة... اسيل: عيل رزل. ادهم: شكرا... اسيل: اوف يا رب... ادهم: بحبك. اسيل: و مش انا كمان. ادهم: براحتك...
-في المستشفي... عدي: خير خير. صفية: ده احنا في السنة بنيجي نقف الواقفة دي مرتين علي الاقل. عبدالرحيم: المهم اننا بنفرح... سوزان: اه و الله يا عمو... الدكتور: مدام رحيق بخير. اتفضل الولد. عدي: اسمه هيبقي شريف... عدي قعد يكبر في ودنه و راح اطمن علي رحيق و رجعوا...
-بعد مرور خمس شهور... ادهم(بصوت عالي): اسيل فين الشراب؟ اسيل(بتعب): معرفش شوف مراد كان بيلعب بيه... ادهم: نعم يا اختي! ادهم: ادي اخرة اللي يخلف... اسيل: طيب قول لنفسك بقي و علي اساس انت اللي تعبان... اسيل(بابتسامة): حبيب ماما تعالي... مراد جه ليها يزحف و مبتسم، اسيل وطت شالته... اسيل: يا حبيبي انت... ادهم: ما تحترمي نفسك بقي.
اسيل: امسك يا ادهم اجبلك الشراب اللي انت بتدور عليه، ما انت عندك مية شراب ما تختار منهم الله... اسيل سابت ادهم و مراد و دخلت جابت لادهم الشراب. ادهم: خدي ابنك عايز يغير... اسيل(بدموع): لا بليز... ادهم: خديه يلا... اسيل: تعالي يا ابني... اسيل بدأت تغير لمراد. و خرجت من الاوضة و نزلت و راحت للسفرة... اسيل: كلت؟ ادهم: اه... اسيل: تمام خلي بالك من نفسك. ادهم: ياه و اخيرا شايفك ست بيت يا اسيل...
اسيل: ادهم انا كل ما افتكر ايام ما كنت سنجل و ايام دلوقتي اعيط فاخرس بقي... ادهم(بخبث): يعني و انتي سنجل احسن؟ اسيل(و هي يترجع لورا): ادهم انت رايح شغل امشي بقي. ادهم حاصرها بايده... ادهم: ملكيش فيه... اسيل: طب وسع مراد عايز يأكل و سيدرا عايزة تأكل. ادهم: لا برضو... اسيل: يا ادهم متنساش اني حامل بقي اوف... مراد: ب بابا ب باب ا بباببا... اسيل(بفرحة و دموع): قال بابا.
اسيل و ادهم راحوا لمراد و قعدوا يخلوه يتكلم... اسيل: يلا قول بابا. ادهم: ايوه متقولش ماما لان ماما وحشة... اسيل: يا رزل... ادهم: يلا قول ب ا ب ا... الباب خبط، اسيل فتحت... اسيل: يا روحي عاملة ايه؟ ليلي: بخير... كريم: ينفع ادخل؟ ادهم: ادخل يا كريم... كريم: ازيك يا صاحبي. ليلي: حبيب عمته... اسيل: ده لسة قايل بابا. ليلي(بفرحة): لا بجد... اسيل: اه و الله، عقبالك كمان ست شهور و تجيبي عيل كدة...
ليلي(بضحك): كرهتي انتي الجواز... اسيل: و مين بيحبه؟ ادهم: انا... اسيل: ظريف... كريم: انتوا العائلة دي محسساني اننا كنا خاطفينهم و ماصدقوا انهم هربوا... اسيل: يا ابني سيبهم يستمتعوا، كل شوية بيرحوا مكان شكل، براحتهم بقي. الباب خبط... ليلي: خليكي انا هفتح... باسم: ليلي اهلين... ليلي: هاي، يا هلا. غزل: خدي يا اختي ريناد بتفضل تقول ليلي ليلي. ليلي(بضحك): ريناد برضو. باسم: ما توسعي يا بت من وشي.
باسم: اهلا يا رجالة. اسيل: اهلا اهلا اهلا... باسم: امشي يا بطيخة. اسيل(بعصبية): شايف يا ادهم بيقول عليا ايه؟ ادهم: خلاص بقي يا باسم هي مش بطيخة هي حامل في بطيخة... اسيل: لك و اللعنة يا ادهم بكرهك... ادهم: بموت فيكي... و الكل قعد يضحك عليها... اسيل: اتصلوا بعدي و يجيب رحيق. كريم: خايف علي شريف علشان عنده برد... غزل: بصوا الرجالة بصوا... ادهم: مش كفاية اننا محافظين علي شكلنا العضلات و كدة مش زيكوا طخينتوا.
ليلي: لا مسمحلكش انا لسة زي ما انا... كريم: اه ما انتي كلها شهرين و بطنك تبقي زي بتاعت اسيل عادي يعني. مراد: ب با با بابا بببا با. اسيل: يا حبيب بابا. اسيل: خد يا ادهم امسكه... ادهم: هاتي الحشرة دي... الباب خبط... كريم: خليكوا ده هتلاقيه عدي. كريم: اهلا يا كبير. عدي: اهلا خشي يا رحيق... و اول ما البنات شافوا رحيق قعدوا يضحكوا... رحيق: اضحكوا اضحكوا انت شايف بسببك بيضحكوا عليا ازاي؟
ادهم: انت اوفر شوية يا عدي. يعني ده انت خفيت ملامح الواد بكل البطاطين دي... رحيق: قوله. و حتى مش بيساعد و يشيل... عدي: انا جبت اكل يلا نأكل... و الكل قعد يضحك و يتكلم و يأكل...
-بعد مرور 15 سنة... -في القصر... عدي: يا ابني قوم يا زفت الطين قوم... شريف: خير قايم اهو... شريف قام و خد دوش و لبس هدومه و نزل... عدي: بت يا مايا... مايا: نعم يا بابي... عدي: قومي يلا يا حبيبتي... مايا: حاضر يا بابي... عدي: رحيق انتي ليه محسساني انك طفلة ما تقومي كدة. رحيق: ايه يا بابي؟ عدي: مش هتتغيري، قومي... رحيق: اوف ماشي. و الكل جهز و نزل... رحيق: خلصت الاكل كله صح... شريف: انتوا اللي متأخرين...
مايا: عيل رزل... شريف: متنسيش اني اخوكي الكبير احترمي نفسك. مايا: شايف يا بابي بيعمل ايه؟ عدي: شريف اتعدل كدة... رحيق: سيب الطفل الله... عدي: دلعيه دلعيه...
-عند باسم و غزل... غزل: يلا يا ريناد يا كسولية. ريناد: نعم يا مامي... غزل: يلا علشان المدرسة... ريناد: مامي النهاردة الجمعة. غزل: اه نسيت برضو قومي... ريناد: في ايه بقي؟ غزل: قومي صحي اختك رودينا... ريناد: اوف ماشي ماشي. غزل نزلت قعدت علي السفرة. باسم: صحتيهم؟ غزل: خليت ريناد تقوم تصحي رودينا... باسم: تمام... غزل: اوف انا هاكل... باسم: لتكوني حامل؟ غرل: رزل... رودينا: صباح الخير علي احلي بابي و مامي.
غزل و باسم: صباح الفل... ريناد: انا طالعة انام... باسم: ريناد تعالي هنا يلا علشان تاكلي. ريناد: اوف حاضر يا بابي. غزل: نفسي اشوف مراد و هو بيسمعك و انتي بتقولي بابي و مامي... ريناد(بتوتر): طب ما سيدرا بتقول كدة... باسم: كلوا كلوا...
-عند كريم و ليلي... كريم: ايه النشاط ده؟ فرح: ايوه يا بابي. ايه رأيك؟ كريم: سكر يا روحي. فرح: بجد يا بابي. كريم: اكيد افضلي كدة علطول. فرح: انا بحبك يا بابي. ليلي: بتقولي ايه مسمعتش. كريم: يا بت بتغيري من حتة بت... فرح: ايوه علشان انا حبيبة بابي. كريم: اكيد يا روحي. ليلي: طب مش مكلماك. كريم: يا بنتي خشي اعملي الاكل جعان... ليلي: الاكل جاهز. فرح: طب يلا...
-عند ادهم و اسيل... اسيل: طبعا البيه مش هيصحي علشان يوم الاجازة... اسيل: يا رب... اسيل قامت و غسلت وشها و لبست بنطلون اسود و تي شيرت قصير ابيض و روچ احمر و كحل... اسيل خرجت من اوضتها. اسيل: مرااااااااااااااااد... مراد: مش لازم الدوشة انا صاحي. اسيل: طيب يا اخويا قوم يلا... مراد: متأمرنيش انا عارف هعمل ايه. اسيل: انت ياض انا اكبر منك يعني اظبط كدة. مراد: باين باين ده انا افتكرتك سيدرا.
اسيل: بتتريق يا جذمة. مراد: و لا بتريق و لا نيلة، ده انتي مش باين عليكي خالص... اسيل: طيب يلا خد دوش... اسيل: سيدرا حبيبة ماما... اسيل: يا بنتي. مراد: دي مش بتصحي كدة. اسيل: بلاش جنون يا مراد انت عارف ابوك... مراد مسك كوباية الماية و رماها في وشها... سيدرا(بصريخ): بااااااااااااااااابي... اسيل: هشششش مراد بيهزر اهدي، ابوكي نايم... سيدرا(بصريخ): بااااااااابي... ادهم(بقلق): في ايه؟ ادهم: مالك يا حبيبتي؟
سيدرا(بعياط): مراد رمي عليا كوباية الماية. ادهم(بعصبية): مش قولتلك ممنوع تدخل اوضة اختك و هي نايمة و لا ترشها بالماية. اسيل: كنت موجودة يا ادهم... ادهم(بعصبية): يعني مشاركاه في جريمته. اسيل: جريمة ايه يا ادهم ما احنا كل يوم كدة. سيدرا: بابي انا بكره مراد... مراد: لا و انا اللي واقع في دباديبك... سيدرا: بكرهك يا مراد بس. اسيل: خلاص بقي... ادهم: قدامي... اسيل: حاضر...
ادهم و اسيل خرجوا و سيدرا دخلت الحمام و خرجت لقت شيكولاتة قعدت تضحك و تأكلها... ادهم: يا اسيل حاولي تحافظي علي الهدوء شوية. سجي: بابي. ادهم: نعم يا سجي. سجي: نيمني. ادهم بص لاسيل بابتسامة... ادهم: نسخة منك... اسيل: اه. ادهم: تعالي يا روحي. ادهم و اسيل ناموا علي السرير و في النص سجي. اسيل: نامي بقي يا سجي. سجي: no. ادهم: و الله و عرفتي no يا بنت اسيل. اسيل: قصدك ايه؟ سجي: بابي مامي. اسيل و ادهم: نعم...
سجي: انتوا عرفتوا بعض ازاي؟ اسيل: صدفة. ادهم: قدر. سجي: مفهمتش. اسيل: صدفة يا ادهم. احنا اتقابلنا صدفة ساعة العربية... ادهم: ما هي لو كانت صدفة مكناش هنفضل مع بعض لغاية ما نخلف تلاتة بسم الله ما شاء الله. اسيل: يعني انت قدري يا الله. ادهم: ايه مش عجبك و لا ايه؟ اسيل: نام نام. ادهم: هنام يا اختي. اسيل: تصبح علي خير باي... ادهم و سجي ناموا، و اسيل نزلت تلعب مع مراد و سيدرا.
-النهاية...
-( مبدأيا في نوعيات من مها في اشخاص في الزمن ده بقوا بيلبسوا حجاب و هما اساسا مبيفهموش اي حاجة في الدين و في ناس ممكن تكون مش محجبة و تكون بتفهم في الدين اكتر منهم اينعم الحجاب مهم بس مش بالضرورة انه يكون علشان دي محجبة يبقي دي محترمة دي مش محجبة يبقي دي مش محترمة لازم نحكم علي الناس باخلاقها و تعاملنا معاهم الحجاب مش كل حاجة في الاخلاق بس الحجاب شئ ضروري و مهم طبعا، التسامح في الحب مسموح باننا نعدي لبعض غلطات مسموح اننا نسامح بعض و اللي بيحب حد بيحاول قدر الامكان انه يبسط الشخص اللي بيحبه الحب مش ضعف الحب مبيقتصرش علي حب الحبيب لا في حب اخوي و في حب ابوي و في انواع كتيرة للحب، و مش مستحب ان الست متسمعش كلام جوزها طالما مبيأمرهاش بمعصية بس لو يكون في تفاهم يبقي احسن لو في تفاهم بين الراجل و الست هتبقي الحياة افضل و العيشة اجمل لازم يبقي في تفاهم، و لازم في اي علاقة يبقي في احترام و تقدير لازم نحترم بعض و قرارات بعض لازم نقدر بعض و نرد غيبة الناس اللي نعرفهم في غيابهم، و لازم نسمع من كل الاطراف مش نسمع لطرف واحد بس مش نحكم من وجهة نظرنا احنا بس لازم يبقي في حكمة لازم نسمع من كل الاطراف و نحسبها بالعقل، الاعتذار مش غلط و مش بيقلل من شأن الانسان بالعكس ده قمة الرقي و الاحترام...
و اه يعني دي رواية يعني خيال مفيش راجل بيساعد مراته تمام، يعني مفيش واد زي ادهم كدة موجود في الطبيعة مفيش راجل بيساعد مراته في الطفل يعني طول ما الطفل ساكت يبقي حبيبه اول ما تبدأ حرب الطفل في الزن و العياط يقلب عليكي انتيدي الحقيقة المرة )...
-بحبكوا كلكوا و اتمني تكونوا انبسطتوا معايا و تكون الرواية نالت اعجابكم و بشكر كل اللي شجعني و بشكر كل اللي كان بيحمسني. بحبكوا. تمت نهاية الرواية أرجوا أن تكون نالت إعجابكم
رواية صدفة أم قدر
