رواية أسير عينيها الجزء الثاني (جنون عاشق) للكاتبة دينا جمال الفصل الخامس عشر
خالد: بص يا عم طه من غير كلام كتير، الست سعاد والدة بدور كانت عايزة تعمل عملية ختان لبدور جحظت عيني إسلام وطه ينظران لبعضهما بذهول، صدمة، فزع، تحدث إسلام بصدمة: مستحيل طبعا ان امي تعمل حاجة زي كدا في بدور نظر طه لخالد يهتف بجد: الست إلى اسمها قبضة هي السبب صح نظر إسلام لوالده بذهول: بابا انت عارف.
هز طه رأسه إيجابا بهدوء: الست دي جات ليها كام مرة قبل كدة تقنعها بالعملة السودا دي، طبعا عشان الفلوس، فامك قالتلي ساعتها انا اقسمت انها لو عملت كدة هطلقها، نظر ناحية خالد يهتف باستفهام: بس انت عرفت الكلام دا ازاي خالد: من بدور نفسها، بدور يا بدور تعالي يا حبيبتي تقدمت بدور بخطي مترددة من الغرفة.
ما ان وقعت عيني إسلام عليها حتى ركض ناحيتها ونزل امامها يعانقها بقوة، تنهد بألم يهتف براحة: الحمد لله، الحمد لله يا رب انك بخير، كدة يا بدور تعملي في سيمو كدة، دا انا كنت هموت من الخوف عليكي بكت في صدره بخوف: سيمو، ماما والست الوحشة هيدبحوا بدور هز رأسه نفيا بعنف: ابدا يا حبيبتي، سيمو مش هيخلي حد يأذي بدور ابدا رفعت بدور رأسها عن صدره تبتسم ببراءة: بجد يا سيمو.
ابتسم يداعب خصلات شعرها بحنان: بجد يا حبيبتي، يلا روحي لبابا فتح طه ذراعيه فارتمت بدور في صدره طه: كدة يا بدور، انا زعلان منك بدور باكية: بابا انا كنت خايفة اوي طه: ما تخافيش يا حبيبتي بابا مش هيخلي حد ابدا يخوف بدور، رفع نظره لخالد صحيح انت لاقيتها فين يا ابني قص عليه خالد ما حدث بالأمس سأله إسلام بتعجب: طب ليه لما اتصلت بحضرتك قولت ما تعرفش هي فين.
خالد: كنتوا عايزكوا تجربوا احساس يعني تضيع منك بنتك ومتبقاش عارف هتشوفها تاني ولا لاء، مش دا بالظبط إلى والدتك عايزة تعملوا فيها، معظم إلى بيخضعوا للعملية دي بيكون نهايتهم الموت، ارجو ان تفهم والدتك الكلام دا اسلام: اكيد طبعا، يلا تعالي معايا يا بدور خالد: لاء خلي بدور هنا، ويلا بينا احنا ننزل اعتقد ان لينا عايزة تتكلم مع والدتك شوية.
وافق الجميع على اقتراحه، خرج طه وإسلام وذهبا إلى منزلهم بينما، دخل خالد إلى غرفة لينا خالد: حبيبتي انا نازل الورشة، وام اسلام هتيجلك دلوقتي انتي عارفة طبعا انتي هتقوليلها ايه هزت رأسها إيجابا بتفهم، فقبل جبينها بدل ملابسه ونزل سريعا.
في شقة اسلام دخل طه يصيح بغضب: سعاد انتي يا هانم اسلام: أهدأ بس يا بابا هرولت سعاد اليهم تهتف بلهفة باكية: ها يا طه لقيتوا بدور نظر لها طه بقسوة ملامحه متجهمة غاضبة هتف بحدة: قبضة كانت بتعمل ايه هنا يا سعاد بلعت ريقها بذعر تهتف بتلجلج: هاااا، مااا فيش.
قبض على مرفقها يهتف بحدة: انت ليه مصرة تضيعي بدور منك، بدور سمعتك وانتي بتتفقي مع قابضة عشان تدبحوها من ورايا عشان كدة هربت من الخوف، تفتكري بنتك هترجع تثق فيكي تاني لطمت خديها تصيح باكية: هي السبب منها لله فضلت تزن على وداني، وتقولي كدة بتحميها وتحافظي عليها، وولاد الحرام مش هيسبوها في حالها.
رمقها بازدراء يصيح بحدة: فانتي ببساطة قررتي تدبحي براءة بنتك عشان كلام مالوش لازمة، التربية الصح هي إلى هتحافظ على بدور لما تفهميها ايه الحلال اللي ربنا هيجزيها عنه خير وايه الحرام اللي رينا هيعاقبها لو عملته، بدل ما تصاحبيها قررتي تقتليهت بدل تعرفيها امهات المؤمنين كانوا بيعملوا ايه، تحببيها في الحجاب والصلاة والقرب من ربنا لاء قررتي تضحي بيها عشان شوية افكار زبالة زرعتهم الولية اللي اسمها قبضة في دماغك.
اطرقت رأسها بخزي تنتحب ندما: انا اسفة يا طه والله ما هعمل حاجة، بس ابوس ايدك ورجلك رجعلي بنتي، رجعلي بنتي يا طه، وحياة اغلي حاجة عندك تدخل اسلام يهتف سريعا حتى يخفف عن والدته: بدور عند خالد باشا، لولا انه شافها امبارح بالصدفة وهي خارجة من العمارة كان زمانها ضاعت هرولت سعاد خارج شقتها تدق على باب الشقة المقابلة بلهفة.
فتحت رحمة سريعا فاندفعت سعاد للداخل تنادي على ابنتها بلهفة: بدور انتي فين يا بنتي، يا بدور، انتي فين يا قلب أمك خرجت لينا وخلفها بدور المتشبثة بيدها، تنظر إلى والدتها بخوف سعاد باكية: بدور يا قلب أمك تعالي يا بنتي في حضني هزت بدور رأسها نفيا بخوف: لاء انتي هتوديني للست الشريرة إلى لابسه أسود سعاد سريعا: لاء يا بنتي والله مش هوديكي لحد ما تخافيش.
هزت بدور رأسها نفيا مرة اخري رفعت نظرها للينا تتحدث بخوف: هو بابا خالد فين بابا خالد اهو التفتا لمصدر الصوت فوجودا خالد يدخل إلى المنزل ابتسم باحراج: معلش ازعجتكوا بس اصلي نسيت الموبايل، لينا هتلاقيه على السرير هزت لينا رأسها إيجابا ودخلت إلى الغرفة وجه حديثه لبدور ابتسم برفق يصفق بيديه ببطئ: بدور اجري يلا على حضن ماما ابتسمت له ببراءة لتركض تختبئ داخل صدر والدتها.
سعاد باكية: أنا آسفة يا بنتي والله مش هخلي حد يأذيكي ابدا ابدا احضرت لينا الهاتف لخالد فأخذه ونزل وتركهم واغلق الباب خلفه وقفت تنظر لهم بصمت بضع دقائق، قبل ان تحمحم بحرج لينا مبتسمة: احم، حمد لله على سلامة بدور رفعت سعاد وجهها اليها وقالت بابتسامة من بين دموعها: ربنا يخليكوا يا بنتي، انا مش عارفة اشكركوا ازاي لولا جوزك شافها بالصدفة كان زمانها ضاعت مني.
لينا مبتسمة: الحمد لله جت سليمة، ممكن نتكلم انا وحضرتك شوية، نادت بصوت عالي، دادة، يا دادة جاءت رحمة اليها: ايوة يا بنتي لينا مبتسمة: خدي يدور معلش تلعب مع لوليتا شوية رحمة مبتسمة: تعالي يا ست بدور ظلت لينا تنظر اليهم إلى ان ابتعدا للداخل فذهبت وجلست بجوار سعاد على الأريكة لينا مبتسمة: طنط سعاد هو حضرتك عارفة انا بشتغل ايه سعاد: لاء والله يا بنتي ما اعرف.
لينا مبتسمة: حضرتك، انا الدكتورة لينا الشريف معايا ماجيستير في الجراحة العامة اتسعت عيني سعاد بدهشة: بسم الله ما شاء الله، يعني انتي دكتورة لينا: ايوة يا افندم، فعشان كدة عايزة حضرتك تسمعيني بدأت لينا تشرح لها اضرار تلك العملية، وما يتبعها بعد ذلك ان نجت الضحية من الموت من اضرار نفسية وجسدية بشعة بعض، واخدين بالكوا من كلمة بعض، اضرار عملية الختان.
1. خلل بأحد أهم وظائف العضو التناسلى للفتاة، وهى الحماية من الميكروبات والجراثيم. 2. حجب إفرازات الغدد الدهنية والتى تعمل على حماية الجلد من ملامسته للبول والإفرازات الحمضية للمهبل. 3. حدوث نزيف للفتاة بعد عملية الختان قد يؤدى إلى وفاتهن إن لم يستطع أحد وقفه. 4. ألم شديد فى أدق منطقة حساسة بجسم الفتاة 5. حدوث تلوث وعدوى والتهابات حادة نتيجة الآلات غير المعقمة والمستخدمة فى العملية.
6. صدمة عصبية ونفسية لأن غالبية هذه العمليات تتم للفتيات وهى مستيقظة لا يستخدم فيها البنج. 7. القلق المستمر بسبب الفزع الذى تكون بداخلها وهناك فتيات يحلمن بهذا المشهد فيما بعد. 8. الخوف من الزواج نتيجة ما حدث لها أثناء العملية. انصتت لها سعاد جيدا كانت تهز رأسها علامة على تفهما ما تقول لطمت سعاد بيدها على صدرها بعدما انتهت لينا كلامها سعاد بصدمة: يا نهار اسوح، معقولة كل دا بيحصل.
لينا: وأكتر من كدة كمان فياريت حضرتك تشيلي الفكرة دي خالص من دماغك لسببين الاول انا لسه شرحاه لحضرتك والتاني أن خالد مش هيسمحلك تعملي كدة خالد بيعتبر بدور بنته ومش هيسمحلك تأذيها ابدا هزت رأسها نفيا سريعا: خلاص يا بنتي انا عمري ما اقصد آذي بنتي ابدا، بس الولية الحرباية دي هي السبب منها لله عارفة لو شوفتها تاني هديها بالي في رجلي لينا: اكيد الست دي ساكنة بعيد عن المكان هنا صح.
سعاد: لاء ولا ساكنة بعيد ولا حاجة دي ساكنة على اخر الشارع قدام الجزار في بيت رقم، في الدور الارضي ابتسمت لينا بهدوء قبل ان تتذكر كلام خالد.
Flash back خالد: لينا، ام اسلام هتيجلك دلوقتي انتي عارفة انتي هتقوليلها ايه صح هزت رأسها إيجابا بتفهم خالد: صحيح عايزك تعرفي منها الست دي ساكنة فين عقدت حاجبيها باستفهام: ليه يا خالد خالد: هقولك بعدين، ما تنسيش اعرفي منها العنوان وابعتهولي في رسالة اول ما تعرفيه لينا: حاضر غمز بعبث: أحبك وأنت مطيع، بقولك ايه ما تجيبي واحدة مشبك نظرت له بدهشة: انت عايز مشبك، هتلاقيه على الحبل دادة رحمة بتحطهم هناك.
خالد ضاحكا: ما شوفتش في هبلك انا مش عايز مشبك من دا لينا: اومال ايه المشبك دا خالد مبتسما بخبث: دا بدور غاضبة: تاني يا بابا تاني، يا بابا عيب، عيب ولد يبوس بنت، عيب كل شوية اقولك عيب، عيب هتف بدهشة: أنا آسف يا بدور، اعتبريني عيل وغلط بدور غاضبة: بس انت مش عيل انت كبير وطويل، مامتك مش قالتلك عيب تبوس بنت همس بصوت منخفض: البت دي جاية تربيني خالد: لاء طبعا قالتلي ومش هعمل كدة تاني وهبقي شاطر واشرب اللبن.
اما لينا فكانت تقف تكبح ضحكاتها بصعوبة على هذا المشهد الكوميدي بين خالد وبدور خالد: احم طب اخلع، بس لما ارجع هاخد المشبك بتاعي سلام فاقت لينا من شرودها على صوت سعاد تنادي عليها لينا: هااا سعاد مبتسمة بخبث: اللي واخد عقلك ابتسمت بارتباك: لاء ابدا ما فيش حاجة انا ثواني هعمل حاجة وجاية اسرعت إلى غرفتها وامسكت هاتفها وكتبت العنوان في رسالة قبل ان تنساه وارسلته إلى رقم خالد الذي دونته باسم (حبيبي).
في الأسفل، شكر طه خالد كثيرا عليما فعل ثم تركه وذهب إلى دكانه وبدأ خالد وإسلام عملهم إلى ان قاطعهم محمد: سلام عليكم خالد مبتسما: وعليكم السلام ورحمه الله وبركاته، جاي في ميعادك مظبوط محمد بقلق: قلقتني عليك افتكرت ان في حاجة حصلتلكوا لما قولتي تعالا ضروري، خير يا ابني انت كويس خالد ضاحكا: ممكن تبطل دور أمي إلى انت متقمسة، شوية كدة هتقولي شاكلك خاسس محمد ضاحكا: تصدق شكلك خاسس.
تعالت ضحكات الأخوين على سخافتهم المعتادة محمد: والله وحشتني يا خالد فتح خالد ذراعيه واردف بمرح: خش في لحم أخوك يا فواز عانق الصديقان بعضهما بود، جلسا يتحدثان محمد: خير يا خالد في ايه خالد: هقولك ثم بدأ يقص له كل ما حدث منذ ان رأي بدور تخرج من المنزل إلى ما حدث صباحا محمد بصدمة: هما لسه بيفكروا بالعقلية المتخلفة دي.
خالد: أنت عارف ان احنا في حارة شعبية معظم الستات إلى فيها مش متعلمات والست دي بتلعب على نقطة الشرف إلى هو أغلي حاجة عند اي حد محمد غاضبا: وحياة امها لوريها النجوم في عز الضهر، ما تعرفش اسمها ايه خالد: اسمها قبضة اتسعت عيني محمد بفزع: سلام قولا من رب رحيم دا اسم بني آدمه، طب انا هدور عليها لحد ما اعرف هي ساكنة فين خالد: انت لسه هتدور يا اخويا العنوان معايا محمد: طول عمرك برنس، جبته ازاي بقي.
خالد بثقة: مصادري الخاصة يا ابني، انا هبعتلك العنوان في رسالة ومش عايز اشوفها تاني تمام محمد: ما تقلقش خالص خالد: عايزها تخرج بزفة محمد: ومزمار لو عايز وحياتك خالد: كدة تمام، متشكر يا صاحبي محمد مبتسما: على ايه يا ابني خالد: هو لسه مسافر محمد: آه والله العظيم يا خالد لسه، لما قولتي اتصل على سراج قلبت الدنيا عليه لحد ما عرفت أنه واخد اجازته السنوية ومسافر عند بنته في النمسا، هيجي امتي بقي مش عارف.
هز رأسه إيجابا بشرود ليستأذن محمد بعد قليل ذاهبا إلى عمله.
في الأعلي، بعدما أصبح كل شيء على ما يرام جلسوا جميعا في منزل لينا يتناولون الإفطار سعاد: صحيح، عارفة المستوصف إلى في آخر الشارع هزت لينا رأسها نفيا سعاد: ما علينا انا هبقي اوريهولك المهم يا ستي انا كنت في المستوصف دا من يومين كدة، احسن بعيد عنك ركبي نائحة عليا خالص، المهم يا ستي وانا هناك سمعت بالصدفة ان المستوصف ما فيهوش دكاترة وعايزين دكاترة يشتغلوا فيه لينا: تمام بس انا ايه علاقتي بالموضوع دا.
سعاد: انتي مش دكتورة، روحي قدمي واكيد هيقبلوكي اهو تساعدي جوزك في المصاريف نظرت لينا إلى رحمة لينفجرا في الضحك حتي ادمعت عيني لينا لينا ضاحكة: والله يا طنط حضرتك دمك خفيف خالص سعاد بضيق: انت بتضحكي ليه، انا قولت حاجة تضحك رحمة ضاحكة: انتي عايزة لينا، تروح تقول لخالد باشا انها عايزة تشتغل مصت سعاد شفتيها بضيب: آه يا اختي وماله.
بصعوبة سيطرت لينا على نوبة ضحكها امسكت هاتفها وفتحت البومات الصور عليه واعطت الهاتف لوالده اسلام لينا: شايفة المستشفى إلى قدامك دي سعاد بدهشة: آه دي حاجة عليوي خالص لينا: المستشفى دي بتاعتي اتسعت عيني سعاد بصدمة: بتتاعتك بجد لينا: آه بتاعتي، بابا لما رجعت من السفر كان بنهالي، كهدية وعشان ارجع واستقر هنا وما اسفرش تاني سعاد: ودي بردوا اتقفلت هزت لينا رأسها نفيا: لاء دي ملكي أنا.
سعاد: طب ما تشتغليش فيها ليه لينا: من قبل ما ممتلكات خالد يتحجز عليها بكتير كنا على طول انت وهو بنتخانق بسبب موضوع شغلي، كان دايما رافض وبيقولي نفس الجملة، لما ما ابقاش قادر اصرف عليكي ابقي انزلي اشتغلي، فلو قولته دلوقتي اني عايزة ارجع اشتغل في المستشفى، هيحس ان انا بعيروا و لا بعجزوا فبلاش أحسن.
سعاد: طب ما المستوصف دا مالوش علاقة بالمستشفي، يعني هو لو هيضايق من شغلك في المستشفى خلاص قوليله على الشغل في المستوصف واهو جنبنا اهو، بردوا تخفي عنه حمل المصاريف شوية عقدت حاجبيها تفكر: لما يجي من الورشة هقوله.
بعد عناء كبير في الورشة اخيرا انتهيا في العمل في مقابل القليل من المال، صعد خالد إلي شقته، ليقابل وجهها المبتسم لينا مبتسمة: حمد لله على سلامتك يا حبيبي خالد بابتسامة متعبة: الله يسلمك يا حبيبتي تهاوي بجسده على الاريكة بتعب لينا: شكلك تعبان اوي ابتسم بارهاق: شوية لينا: احم، انا كنت عايزة اتكلم معاك في موضوع مهم خالد: قولي يا حبيبتي لينا: بعد الغدا، يلا اكيد انت واقع من الجوع.
اخذت يده وجلسا على الطاولة، بدأت ترتب في عقلها الكلام الذي يجب ان تقوله له حتى يقتنع بفكرة نزولها للعمل، نظرت إلى رحمة لتهز الاخيرة رأسها نفيا من هذه الفكرة انتهوا من الغدا فحملت لينا ورحمة الاطباق ووضعتها في حوض الغسيل صنعت له لخالد الشاي وعادت فوجدته جالس يداعب الصغيرة لينا مبتسمة: ايوة يا ست لوليتا، الدلع كله ليكي لوحدك، الشاي خالد مبتسما: تسلم ايديكي لينا: ممكن بقي تجيب ست لوليتا عشان تأكل.
اعطاها الصغيرة فأخذتها ودخلت إلى غرفتها واطعمتها وظلت تداعبها إلى ان نامت الصغيرة فوضعتها في مهدها، اخذت نفسا عميقا وخرجت إلى حيث يجلس خالد خالد: لوليتا نامت هزت رأسها إيجابا خالد: تعالي ذهبت وجلست بجانبه تفرك يديها بتوتر خالد: مالك يا حبيبتي همست بارتباك: خالد، انا أنا خالد: انتي ايه لينا: صحيح، انا سعيدة ان مشكلة بدور اتحلت خالد مبتسما: وانا كمان.
لينا: عارف طنط سعاد ما كنتش تعرف ان انا دكتورة، عارف بقي لما عرفت اندهشت جدا خالد مبتسما: وايه كمان لينا: عارف بقي قالتلي ان في مستوصف على أخر الشارع هنا، وبالصدفة عرفت منه انه محتاج دكاترة خالد مبتسما: طب واحنا مالنا لينا بارتباك: بس من غير ما تزعل ولا تضايق انت يعني بتيجي من الشغل تعبان خالص بتشتغل كل يوم حتى يوم الجمعة خالد مبتسما: التعب كله بيروح أول ما بشوف عنيكي الحلوة دي.
لينا: بس انا عارفة انك بتتعب اوي يا خالد، وانا عايزة اساعدك شوية، فايه رايك لو روحت اشتغلت في المستوصف دا اختفت الابتسامة من على وجهه لتبلع ريقها بخوف همست بتلعثم: صدقني يا خالد أنا بس عايزة اساعدك، مش عايزة ابقي حمل عليك مسح وجهه بكف يده حتى يتفادي نوبة الغضب التي على وشك الدخول فيها خالد بجمود: لاء امسكت يده برجاء: بليز يا خالد وافق خالد بجمود: انا قولت لاء يعني لاء.
لينا بضيق: يوووه بقي يا خالد كل شوية لاء لاء، كل حاجة لاء نزول الشارع لاء، بص من الشباك لاء، فتح الباب لاء، حتى الشعل لاء انا زهقت من العيشة دي، انا مش أمينة يا سي السيد هتف بحدة: صوتك ما يعلاش والآخر مرة يا لينا ما فيش شغل فاهمة ولا لاء لينا غاضبة: لاء مش فاهمة ثم تركته ودخلت إلى غرفتها غاضبة واغلقت الباب خلفها خالد: استغفر الله العظيم يا رب جاءت رحمة اليه من الداخل.
رحمة: براحة عليها يا ابني، هي والله مش قصدها حاجة هي بس عايزة تساعدك، والي كبرت الحكاية دي في دماغها بصراحة أم إسلام هز رأسه إيجابا يزفر بضيق ثم تركها ودخل إلى غرفته فوجدها نائمة على الفراش وتخبئ وجهها تحت الوسادة فابتسم على تلك الحركة التي كانت تفعلها وهي صغيرة عندما تغضب منه د ذهب واستقلي بجانبها يحتضنها فبدأت تتحرك بغضب لتخلص نفسها منه ابتسم بمشاكسة: ما تحاوليش عشان مش هتقدري.
أزاح الوسادة من على رأسها خالد مبتسما: البني آدمين الطبيعين بيناموا والمخدة تحت رأسهم مش فوقها لينا غاضبة: قصدك ان انا مش طبيعية خالد مبتسما: أحلي مجنونة شوفتها في عمري كبحت ابتسامتها تهتف بغيظ لينا: طب اوعي بقي عشان عايزة أنام خالد: طب ما تنامي هو انا حوشتك لينا بضيق: اوعي بقي، انا مش عايزة انام في حضنك خالد: ماشي يا ستي ابتعد عنها أولاها ظهره، اغمض عينيه يبتسم بخبث وبدأ يردد مع نفسه: 1، 2، 3 لينا: خالد.
اتسعت ابتسامته الخبيثة ولكنه اخفاها سريعا وتظاهر بالنوم فبدأت لينا تهزه برفق: خالد، يا خالد اصحي خالد خالد بنعاس: امممم، عايزة ايه لينا بارتباك: هاااا، عايزة انام خالد بنعاس: طب وانا مالي ما تنامي لينا بضيق: يوووه بقي يا خالد عايزة انام في حضنك التفت اليها يرفع حاجبه بمكر: لا يا شيخة مش انتي لسه قايلة مش عايزة انام في حضنك اندثت بين ذراعيه وقالت ببراءة: انا قولت كدة مش فاكرة الحقيقة.
ضحك عاليا على طفلته المشاكسة لينا: وطي صوتك لوليتا هتصحي خالد بصوت منخفض: تصبحي على خير لينا: وانت من اهله، خالد خالد: امممم لينا: ينفع انزل الشغل خالد: لاء، يلا بقي نامي وبطلي فرك لينا بصوت منخفض: رخم في صباح اليوم التالي تناول خالد افطاره ونزل إلى ورشته، ما أن نزلها حتى وجد سيارة شرطة كبيرة ( بوكس) تقف على مدخل الحارة، نزل منها محمد ومن بعده بعض العساكر، اشار محمد بيده إلى خالد علامة التأكيد.
ثم اشار الى العساكر فصعدوا خلفه إلى الشقة المطلوبة والقوا القبض على تلك السيدة الملعونة لينتهي كابوس الفتيات المرعب في المنطقة ولكن مع الأسف لازالت تلك الظاهرة موجودة في بعض المجتمعات حتى ولو بنسبة قليلة يذهب ضحياها العديد من الفتيات ذنبهن الوحيد انهن فتيات رغم وجود الكثير من القوانين الصارمة التي تجرم تلك العادة الإجرامية.
رواية أسير عينيها الجزء الثاني (جنون عاشق) للكاتبة دينا جمال الفصل السادس عشر
في تلك الجريدة، جلست لبنى مع صديقتها في غرفة مكتبها الجديد نائب رئيس التحرير ينفشان القضية الجديدة التي ستنشر في الجريدة بعد أيام، من المفترض أنها تراجع معها ولكنها في الحقيقة كانت شاردة في علاقتها مع على، لم تخبره بشأن تلك الاقراص التي تتناولها وهو منذ أن ذهبوا إلى تلك الطبيبة لم يتحدث في ذلك الموضوع مرة اخري ولكنها تشعر بتأنيب ضميرها لحرمانه من حقه في الإنجاب.
فاقت على صوت صديقتها تهتف بجد: كدة كل حاجة تمام هزت رأسها تهتف بجد: تمام وديها للمطبعة عشان تبقي جاهزة لعدد بكرة هزت زميلتها رأسها ايجابا بجد: تمام، سمعا دقا على باب الغرفة لتهتف لبنى بجد: ادخل دخل ذلك الرجل مبتسما بسماجة لتهمس لها صديقتها بتأفف: اووووف دا كريم السمج متعين بقاله أسبوع واحد بني آدم رزل وسخيف طول النهار عمال يعاكس في الموظفات.
هزت لبنى رأسها ايجابا بتفهم، لتنظر ناحية ذلك الرجل تهتف بحزم: خير يا استاذ كريم في حاجة ابتسم كريم بسماجة يهتف بحالمية: في قضية مستعجلة ولازم تحققي فيها اشارت لبنى لصديقتها بأن تخرج من الغرفة: طب روحي انتي يا الاء وانا هشوف القضية بتاعت الاستاذ خرجت الاء لتنظر لبنى لذلك السمج تهتف بابتسامة متوعدة: هااا يا استاذ كريم خير ايه هي القضية المهمة.
جلست على الكرسي المقابل لمكتبها يهتف بسهتنة وهو يضع يده على موضع قلبه: قضية قلبي، بصراحة كدة يا استاذة لبنى أنا من ساعة ما شوفتك وأنا مش قادر، على رأي الاستاذ فؤاد المهندس بفكر فيكي وأنا صاحي وأنا نايم وأنا بجري وأنا بمشي وأنا بحلم بقيتي مسيطرة على تفكيري كله.
ابتسمت بخبث تنظر لمطفاءة السجائر الزجاجية على مكتبها اخيرا وجدت فائدة لها قامت من مكانها تمشي ببطئ تبتسم له بغموض، يتابعها بعينيه وهي تتحرك وقفت أمامه مباشرة تنظر له بابتسامة واسعة تبحث يديها عن تلك المطفاءة إلى ان التقطها تقبض عليها بأحكام لبني مبتسمة بخبث: أنا عارفة أنت عايز ايه ابتسم بسماجة يهتف بستنة: بجد ايه.
أمسكت مطفاءة السجائر تصطدمها برأسه بقوة تهتف بتشفي: عايز عايز على دماغك بالجزمة بس خسارة اوسخ جزمتي عليكي صرخ كريم بألم: ااااااااه الحقوني يا ناس يا بنت المجنونة تجمع موظفي الجريدة في مكتب لبنى ليروها تقف امامهم تعقد ذراعيها بجمود تنظر للواقف يصرخ من الألم أمامها بتهكم، اخذ البعض كريم متجهين إلى المستشفي ليدخل رئيس التحرير يصرخ بغضب: ايه اللي انتي عملتيه دا يا ست هانم بتتهجمي على زميلك.
لبني: والله هو اللي غلط وأنا كنت برد عليه رئيس التحرير بحدة: كنت تيجي تقولي لي تقدمي شكوي فيه مش تضربيه، مخصوملك شهرين، لولا مركزك ونشاطك في الجرنان أنا كنت رفدتك خرج المدير غاضبا صافعا الباب خلفه لتخلع حذائه تقذفه في الباب المغلق تهتف بحنق: عبوشكلك مدير غتت.
جلست على فراشها تتحدث في الهاتف زينب بضيق: وبعدين معاكي يا لينا بقالك أسبوعين كل يوم تقوليلي هقوله بكرة يا ماما، هقوله النهاردة يا ماما ولا بتقولي ولا بتعملي أنا عايزة ابني جنبي بدل البهدلة اللي هو فيها دي همست بارتباك: يا ماما صدقيني خالد مش هيوافق وهيعتربها إهانة أو هيفتكرني بضغط عليه زينب بضيق: قوليله انتي بس ومالكيش دعوة، هو ان شاء الله هيوافق لينا: حاضر يا ماما هقوله النهاردة.
لوت شفتيها بضيق: أما نشوف، سلام اغلفت الخط تنظر أمامها بشرود، والدة زوجها محقة في قلقها عليه، هي نفسها تشفق عليه يعمل دون توقف، حتي أنه يغط في نوم عميق ما أن رأسه الوسادة من تعبه، تنهدت بحزن لتقم من مكانها خرجت من غرفتها تبحث عن رحمة فهي لم تراها منذ الصباح لينا: دادة رحمة، يا دادة جاءها صوتها من داخل غرفتها الصغيرة.
فذهبت اليها ودخلت الغرفة لتجدها تجلس على الفراش تمسك بركبتيها وتمسدها يرتسم الألم على قسمات وجهها لينا بلهفة: مالك يا دادة انتي كويسة ابتسمت بتعب: آه يا بنتي، بس ركبي وجعاني شوية لينا: طب ارتاحي انتي يا دادة بلاش تتحركي خالص رحمة: يا بنتي انا كويسة ما تقلقيش انا هقوم عشان الحق اجيب الحاجة من السوق.
هزت رأسها نفيا بعنف: لا يعني لاء يا دادة انتي مش هتترحكي من السرير خالص انا هتصل بخالد وهو هيجيب إلى احنا عايزينه من تحت بس قوليلي ايه المطلوب رحمة: بصي انا النهاردة كنت ناوية اعمل كشري اتسعت عينيها بدهشة: كشري!تصدقي انا ما كلتوش من ساعة ما رجعت طيب يعني هو محتاج ايه اخبرت رحمة لينا بمتطلبات تلك الأكلة فأمسكت لينا هاتفها واتصلت بخالد عدة مرات ولكن دون فائدة لم يجب زفرت بضيق: اووووف خالد موبيله مقفول.
رحمة: خلاص يا بنتي انا هنزل انا قطبت جبينها بضيق تهتف بحزم: لاء طبعا انتي تعبانة يا دادة، لتبتسم بحماس: أنا عندي حل حلو انزل انا اتسعت عيني رحمة بذعر: يا نهار ابيض انتي عايزة خالد باشا يدبحني أنا وانتي ابتسم بثقة: ايه يا دادة الاوفر دا خالد بيقول كدة من خوفه عليا مش أكتر ولما يعرف ان انتي تعبانة مش هيعمل حاجة وبعدين خالد مستحيل يأذي لوليتا أبدا هتفت برجاء: عشان خاطري يا بنتي بلاش.
اسندتها للفراش تبتسم بعذوبة: عشان خاطري انا يا دادة خليكي مرتاحة وانا هجيب كل إلى انتي عيزاه ذهبت إلى غرفتها وبدلت ملابسها بفستان بني غامق وطرحة بيضاء وحذاء ارضي بني اللون اخذت النقود وحقيبة السوق، بعدما حفظت الطلبات جيدا ودلتها رحمة على مكان البقال والسوق لينا مبتسمة: ماشي يا دادة خلي بالك من لوليتا على ما أجي رحمة بخوف: ما بلاش يا بنتي لينا: يوووه بقي يا دادة انا نازلة سلام.
خرجت من الشقة واغلقت الباب خلفها فوجدت باب الشقة المجاورة يفتح لينا مبتسمة: صباح الخير يا طنط سعاد مبتسمة: صباح النور يا حبيبتي، خالد وافق انك تنزلي تشتغلي مطت شفتيها بضيق: لاء رفض وزعق وقالي ما تفتحيش الموضوع دا تاني سعاد: اومال انتي راحة فين لينا: نازلة السوق اشتري حاجات، أصل دادة رحمة رجليها وجعاها سعاد: سلامتها ألف سلامة، انا كمان نازلة السوق، تعالي معايا ولما نرجع ابقي اجي اطمن عليها.
هزت رأسها ايجابا تبتسم بحماس في الاسفل، كان خالد مسطح أسفل تلك السيارة يعمل على تصليحها جيدا وإسلام بجانبه يناوله ما يريد نزلت لينا ومعها رحمة ليراهم رشدي فاطلق صفيرا يهتف بوقاحة: لو بس تحن يا جميل التفتت سعاد له لتوبخه او بمعني اصح ( تمسح بكرامته الأرض) لتجذب لينا يدها سريعا تهمس بارتجاف: طنط سعاد مالناش دعوة بيه خالد لو سمعه هيجي يقتله عشان خاطري نمشي كانت خائفة بشدة ان يسمعهم خالد.
وهي تعلم غضبه لن يهدأ حتى يقتله ففضلت الصمت والرحيل ولكن مغازله رشدي كانت فقط البداية كانت تمشي هي ورحمة عندما فجاءة تجد أحد الا شخاص يمشي خلفها ويتغزل بجمالها الشاب بوقاحة: يا لهوي على الجمال ما تيجي ونجيب مليجي، تقلان ليه يا جميل سعاد بحدة: ما تتلم ياض بدل ما اخلي شبشبي يعلم على وشك الشاب: جري ايه يا ولية انتي مالك انتي، انا بتكلم معاها هتقت بغضب: أنت قليل الادب اتفضل أمشي.
الشاب: يالهوي على أنت قليل الادب دي ما تيجي واديكي إلى انت عيزاه وليزيد الطين بلة وجدت شاب آخر يقف جواره، كانت أعينهم تجردها من ملابسها تلتهم جسدها بوحشية سعاد غاضبة: قسما بالله لو ما مشيتوا لألم عليكوا رجالة الحارة يمسحوا بيكوا الارض الشاب الآخر: بقولك ايه يا ولية انتي، حطي لسانك جوة ومالكيش دعوة، وانتي بقي يا حلوة تعالي معانا عند الورشة خالد: ايه صوت الخناق دا.
اسلام: أكيد شوية عيال صيع من إلى في الحارة بيعكسوا في واحدة خالد في نفسه: عشان كدة ما بخليش لينا تنزل، الحمد لله انها فوق في الشقة خالد: طب تعالا نشوف في ايه يمكن حد عايز مساعدة خرج خالد وإسلام من الورشة متجهين ناحية ذلك الصوت لتشخص عينيه بصدمة اسرع في خطوته ليتأكد مما يري ليزمجر بغضب صارخا بحدة: ليييييينا.
كانت تقف ترتجف ذعرا العديد من الأصوات المتداخلة تهاجمها، هؤلاء الشبان وكلامهم الوقح وبعض الرجال يعنفون هؤلاء الشباب بحدة على أفعالهم، كادت تبكي لا تعرف ما تفعل هي فقط تقبض على يد سعاد بقوة، لينتفض جسدها بذعر حينما سمعته يزمجر بتلك الطريقة لتترك يد سعاد تركض ناحيتها على الرغم من ذعرها مما سيفعله بها ولكنه كان الأمان الوحيد في تلك اللحظات التي كادت تموت فيها من الرعب ارتمت في صدره تبكي بخوف: ابعدهم عني يا خالد.
دفعها عنه بغضب يهتف بتوعد: على فوق يلاااااا إسلام بحدة: وراها يا أمي لو سمحتي اسرعت الاثنتين إلى اعلي ودخلت كل منها شقتها، كل منهن بحال مختلف سعاد متضايقة مما حدث ومشفقة على تلك المسكينة اما لينا فكانت ترتجف خوفا اسرعت إلى غرفتها توصدها جيدا بالمفتاح جلست في احد أركان الغرفة ضامة ركبتيها لصدرها تنتفض خوفا.
في الاسفل شمر عن ساعديه ينظر لهذين الشابين، تلك النظرة السوداء القاتمة التي تكن في عيني الأسد حينما يستعد للانقضاض على فريسته، وبدون سابق انذار اندفع يحطم عظامهم، وقف يتنفس بعنف ينظر لبقايا الشابين أمامهم بتوعد، ليوجه نظره تجاه شقته، تركهم يتجه بخطي واسعة متوعدة يكاد يحرق الأرض تحت قدميه وقف امام باب الشقة يطرق الباب بعنف يصرخ بغضب: افتحي يا لينا.
فتحت رحمة الباب ليندفع إلى داخل المنزل متجها إلى غرفتهم حاول فتح الباب فوجده مغلق فدفع الباب بقدمه عدة مرات إلى ان انكسر لتشهق تلك المسكينة بذعر وتزداد دموعها وهي تراه بتلك الحالة المفزعة وقفت بعيدا تهز رأسها نفيا تبكي خوفا.
شرارات الجحيم تتسابق في الخروج من عينيه التي أصبحت حمراء كالجمر من شدة غضبه عروق رقبته ويديه نافرة تصرخ بغضب ملامحه مكفرة صارخة غاضبة صرخ بغضب: بتكسري كلامي يا لينا، هزت رأسها نفيا تبكي فقط حاولت الحديث ولكن عذرا هربت الكلمات خوفا منه، لتجده يتقدم ناحيتها في لحظة قبض على احد ذراعيها يلويه خلف ظهرها بعنف لتصرخ من الألم: حرررام عليك يا خالد، دراعي.
زمجر بحدة وهو مازال يقبض على ذراعها: انا قولتلك ما تخرجيش برة باب الشقة صح ولا لاء هزت رأسها ايجابا سريعا عله يترك ذراعها تشعر به يكاد أن يتفتت: انا اسفة مش هعمل كدة تاني، سيب دراعي يا خالد هيتكسر ضغط على ذراعها بقسوة فضرخت بألم وازداد بكائها وشهقاتها: عارفة لو عملتي كدة تاني هقتلك انتي فاهمة صرخت باكية: فاهمة والله فاهمة والله مش هعمل كدة تاني، بس أبوس ايدك دراعي هيتكسر.
دفعها على الفراش بعنف ليخرج من الغرفة صافعا الباب خلفه ضمت ذراعها لجسدها تتحسه بألم ودموعها لا تتوقف، تأن بألم من ضغطه الشديد على ذراعها، تكورت على نفسها تضم ركبتيها لصدرها تبكي بصمت.
كان جالسا على مكتبه يعمل بجد على القضية امامه ليجد هاتفه يرن برقم اخيه محمد مبتسما: السلام عليكم يا أبو على على بلهفة: وعليكم السلام، محمد الحقني لبنى مقبوض عليها انتفض من على كرسيه يهتف بدهشة؛ ايه، ليه على سريعا: ضربت واحد زميلها في الجرنان فتحت دماغه الواحد راح عملها محضر في القسم محمد: طب اهدي وأنا جيلك، هي في قسم ايه... على سريعا: في قسم...
اغلق محمد الخط متجها إلى سيارته انطلق مسرعا إلى قسم الشرطة ليجد لبنى تجلس معها على وذلك الشاب الذي يلف رباط ابيض حول رأسه محمد لعلي: خير يا ابني ايه اللي حصل الظابط: اقعد يا محمد باشا، الاستاذة لبنى اتهجمت على زميلها وضربته بطافية سجاير على رأسه وبسببها راح المستشفى فجه يقدم فيها محضر نظر محمد للبني بدهشة: انتي فعلا عملتي كدة هزت رأسها ايجابا دون تردد تهتف بحدة: كان بيعاكسني المفروض اعمل ايه يعني.
على بفخر: جدعة والله، أنت عارف لولا أن احنا في القسم كنت سويتك بالاسفلت كريم بألم: شايف يا باشا أنا عايز اعمله محضر عدم تعرض.
هب على غاضبا يحاول الوصول اليه ليمسك محمد به سريعا يهمس بحدة: اثبت الله يخربيتك، دفعه للكرسي لينظر لكريم قائلا دبلوماسية: استاذة لبنى بتقول انك عاكستها وبما انها شغالة في جرنان فاكيد كل الاوض فيها كاميرات مراقبة احنا بقي نجيب كاميرات المراقبة ونعرف أن كنت عاكستها فعلا ولا لاء، لو طلعت عاكستها دا اسمه في القانون تحرش لفظي يعني هي كانت في حالة دفاع عن نفسها ومن حقنا نرفع قضية تحرش وقضية رد شرف ما تنساهش انها صحفية وأنت بتحاول تشوه سمعتها ونطلب التعويض اللي احنا عايزينه، ها قولت ايه تتنازل ولا نمشيها رسمي أنا عن نفسي افضل نمشيها رسمي.
بلع كريم ريقه بذعر نظر ناحية الظابط يهتف بتلجلج: أنا منتازل عن المحضر ابتسم محمد بثقة لياخذ على ولبني ويغادارا على ضاحكا: برنس إنت يا محمد، يا رب ربع هدوئك يا رب ابتسم بهدوء: أنت وخالد دايما دراعك سابق عقلك، نظر محمد للبني يهتف بجد: معلش يا لبنى ممكن تستني على في العربية عايز اتكلم مع اخويا كلمتين.
هزت رأسها ايجابا لتتركهم وترحل، نظر محمد لعلي يهتف بجد: كفاية بقي تنطيط مش كل يومين واحد فينا يروح يجبها من قسم مرة مخدرات ومرة ضرب، كفاية شغل عليها لحد كدة على بجد: معلش يا محمد لبنى بتحب شغلها وانا ما اقدرش امنعها عنه، وبعدين هي ما غلطتش كانت بتدافع عن نفسها هو اللي ابن، زبالة تنهد بضيق: انت حر اعمل اللي تعمله، صحيح عامل ايه في شغلك الجديد.
ابتسم بحزن: ماشي الحال، اهو شغال مهندس في شركة واحد معرفة وعمر شغال مع عمي محمود في المصنع، ما فيش غير خالد أنا مش فاهم ازاي يعمل في نفسه كدة محمد بضيق: ابوك هو اللي عمل فينا كلنا كدة جز على أسنانه بغيظ: ما تفكرنيش يا محمد لولا انه ابويا كنت رحت، استغفر الله العظيم، ولا الصايعة التانية اللي سايبها تتنطط من هنا هنا، أنا عرفت انها كل يوم فب ديسكو شكل، أنت عارف لولا انها مش اختي كنت قطعت رقبتها.
هز محمد رأسه إيجابا بشرود: هانت بإذن الله، روح يلا لمراتك وخلي بالك منها وعقلها شوية ابتسم بخبث: يا عم أنا بعشق جنانها محمد ضاحكا: طب يلا يا اهبل من هنا ما هي المجنونة لازم تتجوز اهبل.
في الخارج جلس على مقعد صغير في الصالة واضعا وجهه بين كفيه يشعر بالغضب والعجز ربت احدهم على كتفه رفع وجهه ينظر اليه ليجدها رحمة تحمل الصغيرة رحمة: ليه كدة يا ابني، مراتك ماغلطتش لكل دا هتف بحدة: انا قولت ما تخرجش من البيت وبردوا ما سمعتش الكلام رحمة: مراتك مظلومة انا السبب رجليا كانت وجعاني أوي، فهي أصرت ان انا أفضل في السرير وما انزلش وتنزل هي عقد حاجبيه بضيق كان المفروض تتصل بيا.
رحمة: على فكرة هي اتصلت بيك كتير وما كنتش بترد خالص وبعدين يا ابني ما هي دايما بتغلط وانت بتصلح وراها انت سندها يا ابني، ضهرها وحمايتها، ما تخوفهاش منك دي بتحبك اوي يا ابني تنهد بتعب ارجع رأسه في الكرسي اغمض عينيه، ليمر امامه مشهدها وهي تصرخ بألم عندما ثني ذراعها بقسوة دخل قلبه وعقله في صراع قلبه: ليه بتعمل فيها كدة عقله: انا تعبان وماحدش حاسس بيا.
قلبه: هي دايما حاسة بيك، دي سابت كل حاجة وجت معاك، مع انها ما خسرتش اي حاجة عقله: بس هي غلطت قلبه: دا مش مبرر، من امتي وانت بستقوي عليها بدراعك، دي الرجولة يا خالد، قوم يلا صالحها فتح عينيه قام من على الكرسي متجها لغرفتها فتح الباب بهدوء ليراها تجلس على الفراش ضامة ركبتيها لصدرها وتدفن وجهها بين ركبتيها.
دخل بهدوء، جلس بجانبها على الفراش فسمعها تتكلم وهي على تلك الحالة خرج صوتها ضعيفا مبحوحا من البكاء: دراعي واجعني لو عايز تتخانق استني لما يخف شوية فرت دمعه هاربة من عينيه مسحها سريعا ليهمس بندم: لينا رفعت وجهها ليري ما جعل قلبه ينتفض كالعصفور الذبيح، وجهها النضر اصبح شاحب شفتيها ترتجفان، عينيها حمراء من كثرة البكاء يطل منهما الذعر.
مد يده يتحسس ذراعها برفق فأغمضت عينيها، تأن بألم مدت يدها تبعد ذراعه عنها تركها وخرج من الغرفة ليعود بعد قليل ومعه اناء به ماء دافئ وقطعه قماشة قطنية وعلبة مرهم للكدمات جلس بجانبها على الفراش هتف بمرخ: اتاخري شوية واخدة السرير كله لم تتحرك قيد أنملة بل عادت ودفنت وجهها بين ركبتيها من جديد ثم بدا يمسح ذراعها برفق بقطعة القماش.
رفعت وجهها تنظر اليه بخواء ابتسمت ساخرة وهي تنظر لتقاسيم وجهه الخائفة، خائف عليها بعد أن اذاها، هو الداء والدواء رأت الحزن في عينيه حينما نظر إلى رسغ يدها ليجد اصابع يده محفورة عليها فتح علبة الدهان يضع منه على ذراعها يدلكه برفق، وهي تأن بصوت منخفض تنساب دموعها رغما عنها ليهتف بقلق: بيوجعك اوي كدة، طب قومي نروح لدكتور.
سحبت يدها من يده تنظر امامها بخواء تحاول السيطرة على دموعها دون فائدة، همس بندم: أنا آسف وكانت إشارة هطول سيول الدموع من عينيها احمر وجهها بأكملها بدأت تتنفس بصعوبة من عنف شهقاتها ليخبئها داخل يهدهدها كطفلة صغيرة: طب بس اهدي اهدي هششش هشششش أنا آسف والله آسف والله ما هعمل كدة تاني قبضت على قميصه تشهق في بكاء حارق لتهمس من بين شهقاتها: ليه يا خالد، ليه حرام عليك.
مسد على شعرها برفق يهمس باسئ: آخر مرة وحياتك عندي عمري ما همد ايدي عليكي تاني أبدا لينا باكية: دراعي واجعني اوي ابعدها عنه يسمح على ذراعها برفق رفع نظره يهتف بندم: لسه زعلانة مني هزت رأسها نفيا تهمس بصوت مرتجف: أنا خايفة منك.
احتضن وجهها بين كفيه يتحدث بصوت خفيض: ما ينفعش لوليتا تخاف من خالد، أنا آمنك ما ينفعش تخافي مني، انا بخاف عليكي من الهوا الطاير، ما تخلنيش اعمل كدة فيكي اسمعي الكلام، انتي عارفة أنا ما بعرفش اتحكم في نفسي، ولا ايه يا قلب خالد هزت رأسها ايجابا باستسلام ليبتسم برفق: خليكي انتي بقي مرتاحة وأنا هحضرلك الغدا بنفسي لينا: طب والورشة خالد: تتحرق الورشة إسلام هياخد باله منها.
خرج من الغرفة وعاد معه كيس من الثلج خالد: حطي دا على دراعك عشان ما يورمش اخذت منه الكيس خالد: قوليلي بقي يا ستي تحبي تتغدي ايه لينا: دادة رحمة قالتلي ان اننا هنعمل النهاردة كشري، وانا جبت الحاجة بتاعته رفع حاجبيه باندهاش: كشري، احم طب هحاول ونشوف هيطلع معايا ايه، بس ابقي جهزي رقم الإسعاف احتياطي ضحكت من مزاحه، نظر لضحكتها البريئة بابتسامة حزينة ثم تركها وخرج من الغرفة ذهب ناحية المطبخ، وشمر عن ساعديه.
خالد: استعنا على الشقي بالله، مفروض أعمل ايه بقي، انا هروح اسأل رحمة وخلاص خرج خالد من المطبخ فوجد رحمة تطعم الصغيرة بزجاجة الحليب خالد: معلش يا دادة هو الكشري بيتعمل ازاي رحمة: يا ابني خليك وانا هقوم اعمله خالد: لاء انا إلى هعمله وعلي فكرة احنا هنروح بكرة المستشفى عشان تكشفي على رجلك رحمة سريعا: صدقني يا ابني انا كويسة، ما فيش داعي المستشفى خالد: دا أخر كلام عندي يا دادة ها بقي البتاع دا بيتعمل ازاي.
اخبرت رحمة خالد الطريقة بالتفصيل خالد: طب هحاول ربنا يستر دخل إلى المطبخ واخذ احدي السكاكين الكبيرة ليقطع البصل، فرن جرس باب المنزل، فخرج من المطبخ مرة اخري متجها إلى باب الشقة وفتحه وهو ممسكا بالسكين خالد بضيق: طيب، طيب جاي فتح الباب لتشهق سعاد بخوف سعاد غاضبة: أنت عملت ايه فى البت نظر لها بدهشة يعقد حاجبيه باستفهام: افندم، انتي بتقولي ايه دخلت سعاد كالاعصار إلى الشقة.
سعاد غاضبة: انطق عملت ايه في البت انا سمعه صريخها واصل لحد عندي انطق وماسك السكينة دي ليه خرجت لينا على صوت الصراخ لينا: في ايه يا خالد سعاد بلهفة: انتي كويسة يا حبيبتي، عاملك ايه الحيوان اتسعت عينيه بذهول: انتي بتشتميني لينا سريعا: خالد، طنط ما تقصدش هي بس...
سعاد مقاطعة بغضب: لاء أقصد، ايه يا اخويا بتفتري على البت الغلبانة ليه ومزرق دراعها من الضرب كتر خيرها، الست رحمة كانت تعبانة قالت تنزل هي، هي عملت ايه يعني اجرمت ولا تكونشي كفرت استغفر الله العظيم نظر لها الجميع بدهشة، أما خالد فالتقط هاتفه خالد: ايوة يا اسلام، اطلع خد والدتك دلوقتي حالا قبل ما افقد اعصابي عليها إسلام: انا آسف يا خالد باشا، انا طالع حالا اغلق الخط ثم تركهم ودخل إلى المطبخ مرة اخري.
سعاد بلهفة: انتي كويسة يا بنتي دراعك مزرق اوي لينا مبتسمة: ما تقلقيش يا طنط انا الحمد لله كويسة دق اسلام باب الشقة فخرج خالد وقبل ان يفتح له وجه كلامه لينا خالد: علی جوة لينا: حاضر، عن اذنك يا طنط سعاد: يا عيني يا بنتي مربيلك الرعب، ادخلي يا بنتي ليضربك تاني رمق خالد سعاد بغضب ثم ذهب ناحية الباب وفتحه خالد: ادخل خد والدتك إسلام: أنا آسف يا باشا، صدقني أمي ما تقصدش، وأي غلط حصل امسحه فيا.
هز خالد رأسه إيجابا، فدلف إسلام إلى الداخل إسلام: يلا يا أمي لو سمحتي سعاد: جاية أهو خرج اسلام وهي خلفه إلى ان وقفت امام خالد سعاد بضيق: كل قوي في الأقوى منه.
رواية أسير عينيها الجزء الثاني (جنون عاشق) للكاتبة دينا جمال الفصل السابع عشر
وقفت سعاد امامه تنظر له بغضب تهتف بضيق: كل قوي في الاقوي منه تركته وخرجت صافعة الباب خلفها ليوجهه هو نظره إلى رحمة عينيه متسعتين بدهشة لتضحك رحمة رغما عنها تهتف من بين ضحكاتها معلش يا ابني اصل بتحب مراتك وبتعتبرها زي بنتها، يعني ممكن تعتبرها حماتك التانية ارتسمت ابتسامة صغيرة على شفتيه صغيرته دائما تحظي بحب الجميع يكفي قلبها البرئ سجيتها النقية، اتجه ناحية المطبخ ليكمل.
إعداد الغداء وضعه على الطاولة ليدخل إلى غرفتها، قطب جبينه بقلق حينما وجدها تبدل الملابس للصغيرة بيد واحدة، هتف فجاءة بقلق: هي ايديكي التانية وجعاكي اوي كدة شهقت بخوف: هااااااا، حرام عليك يا خالد خضتني هتف بحدة: ردي عليا ايديكي التانية وجعاكي اوي كدة هزت رأسها نفيا بابتسامة شاحبة: لاء يا حبيبي هي بس شادة عليا شوية، تعالا لو سمحت غير للوليتا معايا.
تقدم منها يأخذ الصغيرة بدل يبدل لها ملابسها برفق حملها على ذراعه ليأخذ لينا متجهين إلى طاولة الطعام خالد مبتسما: ها يا ستي دوقي وقوليلي ايه رأيك امسكت المعلقة تأكل القليل لتتسع ابتسامتها: تحفة بجد ابتسم بفخر كأنه صنع انجازا عظيما: الحمد لله انه عجبك نظرت رحمة لهم بسعادة تهتف في نفسها برجاء: ربنا يهدي سركوا يا رب انتهيا من تناول الطعام فوضعت رحمة الاطباق في حوض الغسيل.
وفي المساء صعد إسلام وأعطي لخالد مفاتيح الورشة.
في صباح اليوم التالي بدأ يستيقظ على صوت آنات منخفضة وصوت بكاء ضعيف قاوم شعوره بالنوم فتح عينيه بصعوبة ينظر حوله باستفهام ليجد أن الصوت قادما من جانبه نظر ناحيتها ليجد الدموع تغرق وجهها تقبض بيدها على ذراعها الاخر انتفض بفزع يوقظها بلهفة: لينا، لينا، اصحي يا لينا، لينا مالك يا حبيبتي فتحت عينيها الملتهبة من البكاء تحدثت بصوت مختنق مبحوح من شدة البكاء: دراعي بيوجعني أوي.
هتف سريعا: طب قومي يلا هنروح للمستشفى ولا للدكتور اسندها إلى ان جلست على الفراش احضر لها احد فساتينها يلبساه اياه فوق ملابسها لف حجابها بعشوائية يتحرك بجنون وهز يصيح بحدة: رحمة يا دادة، يا رحمة دخلت تهرول بلهفة: خير يا ابني خالد: بسرعة لبسي لوليتا والبسي هنروح المستشفي رحمة بلهفة: ليه في ايه مالك يا بنتي هتف بحدة من خوفه: انتي لسه هترغي يلا رحمة: حاضر، حاضر.
اخذت رحمة الصغيرة تبدل لها ملابسها، بينما ذهب خالد يبدل ملابسه سريعا خالد: يلا يا حبيبتي هزت رأسها إيجابا، امسك يدها جذبها برفق حتى وقفت ليحاوط جسدها بذراعه يسند رأسها على صدره يتحرك بها بلهفة، خرج من الغرفة يهتف سريعا: خلصتي يا دادة خرجت رحمة تحمل الصغيرة رحمة: ايوة يا ابني خلاص خالد: طب يلا بينا فتحا باب الشقة ليجدا إسلام كاد أن يدق الباب هتف بقلق ما أن رآها: خالد باشا، مالها كفا الله الشر.
دس يده في جيبه يخرج ميدالية المفاتيح يهتف سريعا: مش وقته خالص، خد افتح واشتغل على ما اجي قاطعهم صوت سعاد وهي تفتح الباب تهتف سريعا: واد يا اسلام ما تنساش، بترت جملتها حينما رأت لينا في تلك الحالة لتلطم بيدها على صدرها شاهقة بخوف: يالهوي مالك يا بنتي، نظرت ناحية خالد تصيح بحدة: أنت عملت ايه في البت تجاهلها ليتحرك معها لينزل همس برفق: يلا يا حبيبتي.
سمع صوت سعاد تهتف من خلفه سريعا: يلا فين أنا جاية معاكوا، بت يا بدور ناوليني العباية السمرا من جوا دخلت سعاد سريعا وارتدت عباءة السوق السوداء ولفت طرحتها بإهمال ثم لحقتهم سريعا فتح الباب الخلفي اجلسها ليجلس بجانبه ليجد من يدفعه بعنف يهتف بحدة: اوعي يا بابا من طريقي نظر لها شرزا يتوعد لاسلام بداخله ليتجه يركب جوار السائق بينما جلست سعاد بين لينا ورحمة التي تحمل الصغيرة.
رآهم ذلك الرجل اللذي كان يجلس في قهوة رشدي ليخرج هاتفه سريعا الرجل: ايوة يا باشا، خالد باشا نزل ومعاه لينا هانم، والهانم كان شكلها معيط جاسم بحدة: كنت فين كل دا يا زفت الرجل: يا باشا انا طلع عيني على ما عرفت العنوان بتاعهم جاسم غاضبا: طب أطلع وراهم واعرفلي هما راحوا فين وتبلغني على طول الرجل: حاضر يا باشا اوقف ذلك الرجل سيارة أجرة وأخبر السائق أن ينطلق خلف تلك السيارة في سيارة الاجرة.
احتضنت سعاد لينا تربت على ظهرها بحنان سعاد: بس يا قلب أمك بس يا حبيبتي، لتنظر ناحية خالد بضيق تهتف برجاء، منه لله إلى كان السبب لتوجه كلامها للسائق، اطلع يا اسطي على مستوصف... انطلق السائق إلى حيث وجهتهم بعد قليل وقف امام مستشفي صغيرة، قديمة سعاد: ايوة هنا اقف يا اسطي نزل خالد وحاسب السائق لينزل البقية من بعده ذهب ناحية لينا ليسندها فوجد سعاد تدفعه بحدة تهتف بضيق: اوعي يا اخويا.
اخذ نفسا عميقا يهتف في نفسه بغيظ: اهدي أهدي اهدي، ست كبيرة قد والدتك معقول هتمد ايدك على ست كبيرة دخلوا جميعا إلى تلك المستشفي فاوقفت سعاد احدي الممرضات سعاد: والنبي يا اختي، كشف العضم فين أحسن يا حبة عيني البت دراعها ورام خالص، لتنظر ناحية خالد شرزا مرة اخري، منه لله إلى كان السبب خالد في نفسه: ماشي يا اسلام والله لطلع عليك إلى امك بتعمله فيا.
الممرضة: الف سلامة يا حجة، هتلاقيها عندك تالت اوضة على اليمين سعاد: توشكري يا اختي وصلوا إلى الغرفة ليحجز كشفين واحد للينا وواحد لرحمة جلسوا على تلك الكراسي القديمة امام حجرة الكشف وسعاد مازالت محتضنة لينا التي تبكي من الألم خرجت احدي الممرضات من الغرفة الممرضة: يلا الكشف اللي بعده ابتسم باصفرار: يا ريت حضرتك تخليكي وانا هدخل معاها مصت شفتيها بضيق: لا اخويا انا مش هسيب بنتي خليك أنت لو عايز.
اسنتدت لينا ودخلت إلى الغرفة ليدخل فوجد طبيب شاب يبدو في منتصف العشرينات رآه يقترب منها حتى يفحص ذراعها فزمجر بغضب: عارف لو لمست ايدها هقطع ايدك نظر له الطبيب بذهول يبلع لعابه بخوف من صوته الغاضب، ليهتف بضيق: أنت ازاي تكلمني بالطريقة دي انت مجنون ابتسم بشر: لو عايز تشوف الجنان اللي على أصوله قرب ناحيتها، نظر للممرضة يهتف بحدة: انا عايزة دكتورة ست الممرضة: ما فيش هنا غير دكتور حاتم.
هتف بحدة: مش شغلي تغطسي تحت سابع ارض وتجبيلي دكتورة ست حاتم بضيق: انت بتتنك على ايه يا بتاع انت تبقي مين أنت عشان تتكلم معانا كدة اخرج خالد محفظته واخرج منه شئ ليضعه على المكتب امام حاتم التقط الطبيب الكارت لتجحظ عينيه بخوف بلغ ريقه بخوف: العقيد خالد السويسي، أنا آسف جدا جدا يا افندم خالد غاضبا: خمس دقايق والاقي دكتورة ست قدامي فهمين حاتم سريعا: حاضر يا افندم حاضر.
وجه كلامه للمرضة بسرعة شوفي دكتورة سناء جت ولا لسه الممرضة سريعا: حاضر يا دكتور خرجت تهرول من الغرفة نظر خالد لحاتم يهتف ببرود؛ اطلع برة حاتم: حااضر يا افندم خرج الطبيب من الغرفة مسرعا تقدم من فراشها الطبي جثي على ركبتيه بحانبها يلتقط كف يدها السليم يقبل باطنه بحنان: أنا آسف، انتي عارفة اني بحبك اوي وما كنتش اقصد آذيكي ابتسمت ابتسامة شاحبة لتهتف بضعف: عارفة يا حبيبي انا كمان بحبك اوي.
مالت سعاد على اذن رحمة تمص شفتيها بضيق: مسم، شايفة يا اختي الواد وجبروته عرف يأكل بعقل البت الغلبانة حلاوة همست رحمة بصوت خفيض: صدقيني لو لفيتي الدنيا كلها مش هتلاقي حد يحب لينا ولا يخاف عليها قد خالد باشا لوت سعاد شفتيها بتهكم: اه وماله يا اختي بأمارة ما هو مورم دراعها من الضرب التفتوا جميعا ناحية الباب حينما دخلت تلك الطبيبة، تهتف بابتسامة ودودة: السلام عليكم رد الجميع: وعليكم السلام.
كاد أن يتكلم ولكن سبقته سعاد كالعادة تهتف بلهفة: والنبي يا دكتورة تشوفي البنية أحسن يا حبة عيني دراعها وارم خالص لتنظر ناحية خالد بضيق للمرة الثالة تمص شفتيها بتهكم لله إلى كان السبب هتف بسخرية: في اتنين واقفين برة لسه ما قولتهمش منه لله إلى كان السبب اقتربت سناء من لينا وبدأت بفحص ذراعها، اجرت أشعة على ذراعها.
نظرت للأشعة تهتف بجد: التواء بس شديد شوية، الحمد لله انها جت على اد كدة لو الضغط كان زاد شوية كمان كان حصل كسر حاليا لازم ما تحركش دراعها خالص لمدة أسبوع وبعد كدة لو هتحركه تبقي حركة خفيفة خالص، وأنا هكتبلها مسكنات ومضاد حيوي واشوفها تاني بعد أسبوع ما أن أنهت الطبيبة كلامها وجدوا باب الغرفة ينفتح بعنف ليدخل ذلك الرجل سريعا هتفت بصدمة: بابا.
أسرع جاسم يعانق ابنته بشوق لتتململ بين ذراعيه بألم: دراعي يا بابا ابتعد عنها سريعا ينظر لها بقلق: ماله دراعك يا حبيبتي، ايه إلى حصل ابتسما بارتباك: ابدا يا بابا دا انا اتخبطت في الباب جاسم بحدة: بقي دي خبطة باب بتكذبي عليا يا لينا، انطقي ايه إلى حصل كاد أن يرد ولكن كالعادة سبقته سعاد تهتف بضيق: اسأل جوز بنتك، إلى كان مخلي صريخها واصل لآخر الشارع.
احمرت عيني جاسم بغضب ليهب ناحية خالد يمسكه من تلابيب ملابسه يصرخ فيه بغضب: عملت ايه في بنتي يا حيوان هبت من على الفراش تهرول ناحيتهم تهتف بلهفة: بابا صدقني خالد مالوش دعوة اسمعني بس، أرجوك عشان خاطري ابعد عنه ابتعد جاسم عنه يرمقه بغضب ليتوجه ناحيه لينا يحملها بين ذراعيه متجها إلى باب الغرفة ليستوقفه خالد هاتفا بحدة: أنت واخدها ورايح على فين.
نظر له بازدراء يهتف بتهكم: هوديها مستشفي عدلة بدل المستشفى الزبالة اللي انت جايبها فيها دي وبدون كلمة اخري اخذها وغادر، كانت تنظر له برجاء الا يتركها ليشيح بوجهه بعيدا حتى لا تري نظرة الانكسار التي كست عينيه نظرت ناحية والدها تهتف برجاء: بابا... قاطعها يهتف بحدة: ولا كلمة يا بنت، انا وافقت على كل الجنان إلى بتعمليه، لكن ما توصلش لدرجة انه يضربك، وكمان جايبك مستشفي معفنة.
وضعها في سيارته ليستقل كرسي القيادة منطلقا إلى احدي المستشفيات الكبري في المستوصف خالد: يلا يا رحمة، خلي الدكتورة تكشف على رجلك عشان نمشي رحمة: مافيش داعي يا ابني... قاطعها هاتفا بحدة: انا قولت يلا فزعت الصغيرة من صوت والدها الغاضب فأخذها من رحمة متجها للخارج: هستناكوا برة على ما تخلصوا تركهم وخرج من الغرفة جلس على احد الكراسي وأجلس صغيرته على قدمه يكلمها بشرود.
خالد: تفتكري ماما هترجع تاني انا عارف اني اذيتها جامد اوى بس غصب عني يا لوليتا والله انا ما بعرفش اسيطر على نفسي ظل يتحدث مع صغيرته إلى ان خرجت رحمة وسعاد من الغرفة سعاد: احنا هنروح نجيب الدوا من صيدلية المستشفي، وقفلنا انت تاكسي هز رأسه إيجابا ليتركهم ويخرج من المستشفي في سيارة جاسم هتفت بضيق بابا انا عايزة أرجع لخالد زفر بحدة: بردوا عايزاه بعد إلى عملوا فيكي دا كان هيكسر دراعك.
ردت بتلقائية: انا السبب انا إلى غلطت وهو اتعصب وأنت عارفه لما بيتعصب هتف بذهول: وايه إلى جابرك على كدة لينا: عشان بحبه صرخ بغضب: يا ادي بحبه يبهدل ويمرمط فيكي وبردوا بحبه هو ساحرلك اشاحت بوجهها بعيدا ناحية النافذة تهتف بعند: ماليش دعوة انا عايزة أرجع لخالد ولوليتا تنهد بيأس: ماشي يا لينا نروح لدكتور الأول وبعدين ارجعك ليهم.
أوقف السيارة امام احدي المستشفيات الكبري نزل منها وانزل لينا برفق ما ان دخلا وجدت طاقم طبي كامل في انتظارها كان قد تعاقد جاسم معه لعمل فحص شامل للينا كم رغبت وجوده في تلك اللحظات حتى تقبض على يده، حتى تسمعه وهو يصيح بغضب في الاطباء طالبا كعادته بطبيبة لا طبيب قضوا حوالي ثلاث ساعات بين الفحص والاشاعات دخل جاسم مكتب كبير الأطباء المسؤول عن الحالة جاسم بقلق: ها يا مختار طمني حالتها عاملة ايه.
خلع ذلك الطبيب ذو الخامسة والخمسون عاما نظارته الطبية يهتق بهدوء: بصراحة يا جاسم الحالة مش مطمئنة ابدا التقرير بيقول ان عندها التواء في دراعها دا أمره بسيط وعلاجه سهل لكن الصعب ان لينا عندها حالة ضعف شامل جسمها ما بيستفدش من الاكل اصلا والفيتامينات بتعمل معها مفعول بسيط لازم تاخد بالك لازم تغذية كويسة وانا هكتبلها فيتامينات اقوي من إلى بتاخدها بس لازم تاخدها بانتظام.
جاسم بحزن: ماشي يا مختار، عن اذنك مختار: اتفضل وما تنساش يا جاسم الحمل غلط عليها جدا الفترة دي ممكن بعد الشر يموتها هز جاسم رأسه إيجابا بحزن ليخرج من الغرفة متجها إليها لينا بضيق: بابا انا عايزة امشي جاسم بحزم: لينا انتي هترجعي معايا الفيلا لينا سريعا: لا يا بابا عشان خاطري بلاش انا مقدرش اعيش بعيد عن خالد ولوليتا جاسم غاضبا: انسي خالد بقي شوية وفكري في نفسك وفي صحتك إلى بتروح.
لينا بعند: بابا انا كويسة وهمشي من هنا وهرجع لخالد تاني، عشان خاطري يا بابا مسد على حجابها بحنان: يا لينا يا حبيبتي انتي تعبانة وجسمك ضعيف مش هتقدري على العيشة إلى انتي عايشة فيها دي امسكت يده تهتف برجاء: عشان خاطري يا بابا أنا ما اقدرش اعيش من غير خالد جز على اسنانه بغيظ زفر بضيق يهتف بهدوء: حبيبتي جسمك ضعيف أوي ومحتاجه رعاية وتغذية لينا بعند: انا محتاجة خالد وبس.
اغمض جاسم عينيه دقائق يفكر ليبتسم بخبث يهتف في نفسه: ماشي يا لينا أنا هخليه هو اللي يقولك امشي مش عايزك جاسم مبتسما: ماشي، يا ستي قومي هرجعك لخالد خرجت معه من المستشفي متجهين إلى تلك الحارة على صعيد آخر وصل خالد مع البقية إلى المنزل دخلت سعاد إلى شقتها، بينما دخل هو ورحمة والصغيرة إلى شقته خالد: دادة، لوليتا شكلها جعانة رحمة: طب هاتها يا ابني، وانا هأكلها خالد بشرود: تفتكري هترجع.
رحمة مبتسمة: هترجع انا عارفة بنتي كويس ابتسم بحزن، اخذت رحمة الصغيرة وذهبت إلى الداخل بينما ظل يجوب صالة المنزل الصغيرة ذهابا وايابا إلى ان رن هاتفه فوجده اسلام خالد بضيق: عايز ايه يا اسلام إسلام بارتباك: هو حضرتك مش هتيجي الورشة خالد بضيق: شوية وجاي، عشان هطلع اللي الست والدتك عملته فيا عليك اغلق الخط يتجول في شقته حوله كالليث الحبيس.
خالد في نفسه بقلق: مش هتيجي، لالا مش معقول لينا مش ممكن تبعد عني، انا عارف اني اذيتها ارجعيلي يا حبيبتي وانا اوعدك اني عمري ما همد ايدي عليكي تاني ابدا، يارب رجعهالي يا رب.
ظل على تلك الحالة إلى أن سمع دقات على باب المنزل فذهب ناحية الباب سريعا وفتحه فاستطاع اخيرا ان يتنفس من جديد عندما رآها تقف امام الباب وابتسامتها تزين شفتيها ولكن ما جعل تلك الغصة تنقبض في قلبه عندما وجد ذراعها الأيسر معلق على حمالة الذراع ابتسمت بمرح مش هتدخلني ولا ايه خالد مبتسما: يا خبر دا انتي تدخلي وانا اغور في ستين داهية لينا مبتسمة: بعد الشر، على فكرة انا زعلانة منك.
غمزها بوقاحة: طب ادخلي وانا هصالحك لينا بغيظ: قليل الادب تجاوزته ودخلت إلى المنزل كاد أن يغلق الباب عندما سمع ذلك الصوت يهتف: ايه يا جوز بنتي مش هتدخلني ولا ايه خالد: لا ازاي اتفضل يا حمايا دلف جاسم إلى يتطلع حوله باشمئزاز ليهتف بقرف: ايه القرف دا، بقي بنتي انا عايشة في الارف دا هتفت تبرر سريعا: مالها بس يا بابا الشقة هي بس صغيرة شوية لكن...
جاسم مقاطعا بغضب: لكن ايه وزفت ايه دي خرابة مش شقة بقي لينا جاسم الشريف تعيش في المكان الزبالة دا، وأنت ازاي تجيبهم المكان دا آخرة عندك دا ايه أنا عايز اعرف هستني لما بنتي ترجعلي جثة من اهمالك والظروف الزفت إلى انت معيشها فيها خالد غاضبا: جاسم باشا خد بالك من كلامك ما تنساش انك بتتكلم مع العقيد...
جاسم مقاطعا بغضب: سابقا، العقيد خالد السويسي سابقا أنت مش واخد بالك انك موقوف عن العمل ولا ايه، ودلوقتي انت مجرد ميكانيكي ساكن في حارة شعبية يعني ما تلقش ببنتي لينا مقاطعة بغضب: بابا لو سمحت كفاية جاسم غاضبا: لاء مش كفاية خليه يقوف لنفسه من جنون العظمة إلى راكبه، ويعرف انك مستحمله القرف والهم دا عشانه وفي الاخر البيه بيمد ايده عليكي وكان هيكسرلك دراعك.
لينا غاضبة: لو سمحت يا بابا ما تدخلش بيني وبين جوزي خالد بحدة: لينا ما تنسيش انك بتتكلمي مع والدك ثم نظر ناحية جاسم يهتف يخفي خلفه طيات من الحزن والانكسار، أنت عايز ايه يا عمي من الآخر جاسم: هقولك، ادخلي يا لينا ارتاحي شوية لينا: حاضر بس ما تتخانقوش تاني جاسم: ماشي يا ستي مش هنتخانق تاني هزت رأسها إيجابا ثم تركتهم ودخلت إلى غرفتها خالد: عايز ايه يا حمايا اعطي جاسم ملف الفحوصات الخاص بلينا جاسم: اقرا.
اخذ منه الملف وفتحه يتفحصه بعينه لتتسارع انفاسه بخوف، نظر لجاسم بخوف: مش حقيقي جاسم بمسكنة مصطنعة: لا حقيقي، لينا تعبانة اوي يا خالد، ابوس ايدك يا ابني انت الوحيد إلى تقدر تقنعها تيجي معايا، سيب لوليتا الصغيرة تيجي معانا عشان لينا توافق انها تيجي معايا، لينا محتاجة رعاية يا خالد مش انت دايما بتقول انك بتحبها وبتخاف عليها سيبهالي يا ابني لو بتحبها سيبهالي.
ازدرد غصه مريرة في حلقه اغمض عينيه يحاول التقاط انفاسه السيطرة على دموعه فهو لن يسمح لها بالانحدار امامه ابدا هز رأسه إيجابا ترك جاسم ودخل إلى غرفته فوجد لينا متسطحة على الفراش خالد بضيق: انتي قاعدة عندك بتعملي ايه عقدت حاجبيها باستفهام: قصدك ايه يا خالد اولاها ظهره يهتف بجمود: قصدي تمشي انا مش عايزك اتسعت عينيها بذهول: خالد انت بتهزر صح خالد: شكلي دلوقتي بيهزر، امشي يا لينا انا مش عايزك.
ادمعت عينيها بحزن: بس انا عيزاك، انا بحبك مسح تلك الدمعة الهاربة قبل ان تراها يهتف بسخرية: حب، اغبي كلمة سمعتها في حياتي شعارات هبلة اتمسكت بيها والنتيجة اهي من العقيد خالد السويسي لحتة ميكانيكي كل دا بسببك لو كنت اتجوزت مايا ما كنش كل دا حصل، امشي يا لينا ابعدي عني بقي ولو عايزة بنتك خديها.
قامت من فراشها متجهه اليه وقفت امامه مباشرة تنظر له بذهول ليتهرب بعينيه، لحظات لتتسع عينيه بذهول حينما سمعها تضحك بقوة وكأنها قد جنت..
رواية أسير عينيها
