رواية وخضعت للحب الجزء الأول للكاتبة أروى الشرقاوي الفصل الحادي عشر
ذهبت ميرال إلى عصام عصام: كله تمام وخلصت من بنت المجنونه دى ميرال: كله تمام فلاش باك قامت ميرال بالذهاب إلى شركة عصام الجيار ورحب بها كثيرا وظن أنها سوف تعاتبه على مافعلته أبنته ولكن حدث العكس ميرال: إزى حضرتك عصام: والله أنا محرج منكم من إمبارح بسبب الى بنتى عملته ميرال: أنا جايه أطلب منك اسماء لمازن عصام: ماهى بنتى نيلة الدنيا إمبارح ورفضته.
ميرال: انا إلى قولتلها تعمل كده أسماء هتتجوز مازن بس من غير ماحد يعرف هنقول أنها راحت تغير جو في أى بلد وأنا هقول إن مازن سافر لندن يمسك الشغل هناك عصام بتعجب: ليه كل ده ميرال: وافق بس ياعصام باشا عصام: انا موافق طبعا علشان أسماء هتبقى سعيده ميرال: كده تمام تخلى بقا طنط صفيه تجهز شنطة أسماء بعد ماتروح الجامعه أنا عمللها الجواز مفاجأه عصام: متأكد أن بنتى هتبقى سعيده في وسطكم بنتى حبت الشخص الصح.
تبسمت له ميرال وتحدثت معه لفترخ وبعد ذلك رحلت باك ميرال: أنا صورت أسماء وقت ماقولنا ليه على الجواز حسيت إنك لازم تشوف فرحت بنتك عصام بإمتنان: بجد إلى أنتى فيه ده مش من فراغ بجد ليهم حق يعتمدوا عليكى في كل حاجه لأن ده ثقه إنك دايما بتختارى ليهم الصح ولو على مصلحتك انتى بجد أنتى حاجه كبيره والكل يتمنى يبقى عنده بنت زيك.
ميرال بحب: وأنا دايما مع الكل وعيلتى اهم حاجه في حياتى ومش هسمح لحد يإذيهم مهما حصل أسيبك بقا ياحاج عندى شغل سلام وتركته ورحلت ميرال لنفسها: كده مشكلتك إتحلت يامازن فاضل باقى العيله يارب قدرنى.
عند أسماء ومازن مازن: إنتى يابت أنتى هبله مش مصدقه إيه أسماء ببلاهه: مش مصدقه كل ده هو انا إتجوزتك بجد يالهوى هيغمى عليا ياناس مازن بضحك: مجنونه والله ماقولنا خلاص إتجوزنا خلاص بقيتى حرم مازن الجمال أسماءبغرور: طب بس متتنفخش أوى كده دانتا متجوز أسماء الجيار إحنا مش شويه يعنى مازن بحب: احلى سوسو في الكون كله.
أسماء: بص يامازن ياخويا أنا لسه متعودتش على الحاجات دى متدنيش الصدمات مره واحده أصبر عليا كده واحده واحده مازن بتعجب وإستنكار: أخويا في يوم زى ده والله أنا قولت الجوازه دى مش جايبه همها محدش صدقنى أسماء: وماله اليوم ده ومالها الجوازه ديه ياخويا مازن: كلمة اخويا بتطلع كتير منك وكده منظرى بقا وحش بقولك ياسوسو مفيش حاجه كده دنا جوزك يعنى أسماء بخجل: مازن بس بقا علشان بتكسف.
مازن بصدمه: دانتى بتتكسفى زى البنات أهوه أسماء: طبعا هو انا مش بنت زيهم ولا إيه متحسن ملافظك ياعمونا مازن: هو إيه فاقده الذاكره يخربيت فصلانك الواحده تقول حبيبى روحى وإنتى أخويا وعمونا أسماء: حبيبى هو إنتا شيفنى قدامك واحده مايصه ولا حاجه متنشف كده ياخويا مازن بزهق: أنا بقول نرجع مصر ونلغى الجوازه أسماء: تلغى ايه دنا كنت نطيت في كرشك ياراجل مازن بص الناحيه التانيه: والله مافى فايده فيكى.
أسماء: هو أنا زودتها معاك ولا إيه مازن: لا بس في إختراع اسمه الرومانسيه معداش عليكى تقريبا ولا جيه عندك أسماء: بحبك علفكره مازن بفرحه: طب مانتا حلو وبتقول كلام رومانسى أهوه يابرعى أسماء: صدق والله غلطانه مازن شدها نامت على كتفه وباسها من راسها: بحبك ياكارثه عمرى كله أسماء بحب: بعشقك ياعمرى كله وبعد فتره هبطت الطائره وأعلنت عن بدأ رحله جديده في حيات هؤلاء العشاق رحله يملأها الحب والسعاده.
اخذها مازن في السياره الخاصه بهم وذهبو ألى الفندق واخذو مفاتيح الجناح الخاص بهم اسماء بإنبهار: الله جميله اووى شكراا ليك بجد كل حاجه بشوفها معاك ليها طعم تانى مازن بحب: انا من النهارده هعيش بس علشان أسعدك أسماء: بجد ربنا ده بيحبنى لأنه رزقنى بزوج زيك يحبنى ربنا استجاب لدعيا وبقيت من نصيبى بحبك يامازن وبعد ذلك اقترب منها أسماء بتلبك: مازن إبعد مازن بخبث: هو أنا لسه قربت وبعدين دنا جوزك بردك ياسوسو.
إقترب منها مازن وعبر لها عن حبه الذى يكتمه داخل قلبه منذ سنوات هذا الحب الذى إنتهى بالزواج وذهب بها إلى عالمهم الخاص.
في المساء ذهبو الى منزل حسن لخطبة أميره إلى معاذ كانت فرحة اميره لاتوصف كانت تجلس في غرفتها هى ورفيف تستعد لمقابلة مازن أميره لرفيف: فرحانه اوى يارفيف هبقى معاكى في بيت واحد رفيف بخبث: يابت على رفيف بردك ده الواد عجبك من أول يوم شوفتيه فيه اميره: بطلى بقا يارتنى ماقولتلك دانتى فضيحه.
رفيف: ربنا يديم السعاده على قلبك يارب ياأميره معاذ مش هيلاقى زيك ياله ياختى نطلع بره ميرال هتعلقنى هى ومعاذ لو إتأخرت أكتر من كده وبالفعل خرجت كل من رفيف وأميره جلسو بجانب بيسان بيسان: أعرفك بنفسى عمتك المستقبليه بيسان الجمال اميره بخجل: اهلا بيكى بيسان: إيه البت الكيوت دى فينك ياأسماء كنت أقولها إزيك ترد تقولى أهلا ياشبح شادى: بنت بيئه شحيبر شحبير يعنى مفيش كلام.
رفيف بصدمه: يعنى قصدك إنى انا جعفر يادى النيله كان عندى امل أبقى شحيبر ميرال بصرامه: مش ملاحظين إننا مش في القصر رفيف: أسفين ياريس ووجهت حديثها إلى بيسان وشادى، علطول كده كسفنا في كل حته كملى ياميرال أنا حظرتهم أهوه كملى سمعينك كامل: بغض النظر عن الى ولادى عملوه انا جاى طالب بنتك لأبنى معاذ حسن: ده شى يشرفنا طبعا أميره بنتكم وطبعا مش هلاقى احسن من معاذ ليها بس اخد راى أميره.
رفيف: وأنا بالنيابه عن أميره ومن موقعى هذا بقولكم أميره موافقه ياله نقرأ الفاتحه ميرال: رفيف ياحبيبتى بقول نسكت رفيف: صدقو غلطانه بوفر عليكم وقت البت دى هتقعد تعمل مكسوفه وكده وبعدين تهز دماغها بمعنى أنها موافقه وليه كده ده انا قولتلكم وخلاص ولا إيه ياعم حسن غلط انا في كده حسن: لا طبعا ياست البنات رفيف: شالله يخليك روح ياراجل ياكومل إنتا ضحك الجميع على رفيف حسن: إيه ياأميره موافقه.
هزت أميره رأسها بمعنى موافقه رفيف بهمس لبيسان: والله قولتلهم هتعمل كده مصدقونيش عقدت الخواجه بقا بيسان بهمس: يخربيت كده ميرال هتشلوحنا حالا إخرسى هى أسماء سافرت وسابت لسانها هنا رفيف: بنت المحظوظه زمانها عايشه ومتروقه بيسان: البت هتولع يخربيتك قراره درجه أولى رفيف بصوت عالى: انا مش بقر أنا بحسد علطول بيسان: جالك الموت ياتارك الصلاه ميرال هو أنا لوقولتلك إن رفيف ألى جرجرتنى للرزيله هتصدقينى صح.
ميرال: لو سمعتك أنتى وهى هعلقكم في الشجر الى في الجنينه رفيف: لا إذا كان كده نحط لزق ولا تزعلى ياكبيره الله يخربيت إلى يزعلك ياشيخه شادى: ماتخرسى بقا يابت كامل: نقرا الفاتحه ياجماعه والخطوبه بكره عايزين نفرح ومعاذ مستعجل والجواز بعد الأمتحانات حسن: طبعا موافقين رايك إيه يااميره أميره بكسوف: موافقه قامو بقراة الفاتحه وتحديد الخطوبه والفرح وكانت أميره في سعاده لاتوصف.
معاذ وهو ينظر إليها: أفرحى ياحلوه براحتك بكره أعرفك لسانك بيطول على مين بس هانت وبكره أعرفك تتكلمى كده مع مين واعرفك مين معاذ الجمال انا إلى البنات بتترمى تحت رجلى حتت بت زيك تطول لسانها عليكى وأنتهو وبعد فتره رحلو أتى احمد بعد رحيلهم حسن بعتاب: ليه كده يابنى مش قولتلك تيجى بدرى احمد بتأفف: مش خلصتم خلاص انا قولتلك مش مرتاح للجوازه دى اميره بحزن: ليه كده يااحمد.
كانت تجلس مع مليكه في غرفتها تتحدث معها وفرحت بشده من هذه النتيجه المبهره ميرال: انا مش مصدقه مليكه: صدقى انا هرجع واقوى كمان ومش هبص للماضى هرميه ورايا ميرال: بجد مش مصدقه والله وهفضل مش مصدقه كده كتير الدكتوره روان دى ممتازه بجد متفوقه مليكه: انا مش هقع وهقف وغسق ياميرال نفسى تعرف أنى أمها وتقعد معايا وأفرح بيها انا تعبانه ياميرال ميرال: وانا معاكى هساعدك ومش هسمح لحد يإذيكى يامليكه.
مليكه قامت بإحتضانها: بحبك ياميرال ميرال: لا انا مش متعوده على كده بحبك ياميرال وكده مشاعرى بتنهار ياجدع مليكه: هههههههه ميرال: يابنتى والله كل في يوم واحد مليكه ملوكه تتكلم وتضحك بس البت غسق كانت مصبرانى الأيام إلى فاتت مليكه: والله ابغى اقولك إنى بدى شوفها لكن أستحى ونتركهم ليكملو حديثهم.
في الفيلا كانت تجلس رفيف مع بيسان في الحديقه الملحقه بالقصر رفيف: هو إحنا هنتنيل ونتحب إمته ونلاقى حد يأعجب بينا يابت يابيسان بيسان بوجع: عارفه يارفيف بالرغم من أننا من عيلة الجمال اكبر عائلات البلد بس مش لاقين الحب رفيف بتأثر: هو إحنا وحشين قوى كده يابيسان بيسان بسخريه: والله ماعرفه العيب فينا ولا في الناس أت صوت من خلفهم: أكيد العيب مش فيكم رفيف: معاذ امال العيب في مين.
معاذ: العيب في عيونهم مش شايفين القمرات دول ات من خلفهم صوت شادى: طبعا احلى قمرات في العالم كله مش بنات الجمال رفيف: إتوكس ألا مافى برص عبرنا تقولش عندنا جرب بيسان: عندم حق ياأوختشى رفيف: انا عندى فكره حلوه اول واحد يقابلنا في الجامعه يقولنا صباح الخير ويبقى موزز نقولوه أنتا مرتبط ولا لأ لو مش مرتبط نرتبط معاه بيسان: فكره واو انا هعمل كده.
كل واحد فيهم مسك اخته من قفاها: صدقو ميرال عندها حق تستاهلو التعليقه بتاعت الشجره بيسان: تسلم أيدك ياسيد المعلمين رفيف: ياراجل متزعلش نفسك عيله وغلطت هتعمل عقلك بعقلنا شادى: تستاهلو معدش أل تصطادو عرسان كمان بيسان بمكر: السوق مش متوافر فيه الحب دلوقتى شاحح ياعمونا شادى بغيظ: بيسان خدى رفيف وعلى فوق لحسن الشجره بتنادى عليكم رفيف جرت بيسان خلفها ورحلت من امامهم مسرعه جلسو سويا وكل منهم شارد في حياته.
شادى يفكر في بيسان كم هو مؤلم شعورك بالضغف ليس بالضعف الجسدى ولكن ضعف ليس بيدك ضعف يجبرك على ترك حبيبتك والرحيل ولكن هل قوته في البعد عنها ستددوم ام سيحل مكانها ضعف يجبره على الأقتراب منها وترك هذا الضعف خلفه معاذ يفكر في حكايته مع اميره.
هل مافعلته بسب الأنتقام ام لسبب اخر سبب حبي ليكى لذلك فعلت هذا الأمر لكى أثبت لشخصيتى المغروره الرافضه للحب أننى لم أحبك يوما ما ولكن هل سأستطيع أثبت لنفسى طوال الوقت ام ان الحب سيهزم هذا المغرور.
ومر الليل على هذا النحو بين ابطالنا.
في هذا المكان المهجور الذى يتقابل فيه هؤلاء المافيا ورئيسهم البوص الذى لم يعرفه احد حتى الان ضاحى: فين اختك ياعمار عمار: عايز من اختى أيه ضاحى: بس إنتا الراجل بتاعنا لازم نهتم بيك وبعيلتك عمار: بعد ماحكيتلها على إلى مازن عملها ورفضته اعصابها تعبت وراحت تغير جو بس فين محدش يعرف ضاحى: ماشى ياعمار تقدر تمشى دلوقتى وبالفعل رحل عمار وترك ضاحى ليذهب ألى البوص لكى يخبره البوص: قالك ايه.
ضاحى: قالى سافرت تغير جو البوص: عمار مينفعش في حاجه انا مش معتمد عليه انا بس عايزه تحت أيدى يوم ماهزهق منه هشيله قضيه ونخلص ضاحى: طب هتعمل ايه ياباشا البوص: انا حاليا بعمل رجالتى بيدورو عليها وهنعرف هيا فين ولو إلى في بالى حصل ميرال هتشوف وش تانى ضاحى: طب ننزل بالخطه الجديده ولا نستنى البوص: لا نفذ عايز ألخبط ميرال الفتره ديه ضاحى: البنت جاهزه ياباشا.
البوص: أبدا ياضاحى وبلغنى بكل خطوه وانا هبقا متابع كل حاجه وبالفعل رحل ضاحى لتنفيذ الخطط الدنيئه وظل هذا الشخص الذى لم يعرفه احد حتى الان يخطط لدمار من حوله.
كان يقوم بقيادة سيارته وهو شارد الذهن يفكر هل مايفعله هو الصواب ام خطا وفى هذا الوقت صدم إحدى السيارات ولكن صدمه بسيطه نزل من السياره كانت الفتاه التي صدمه سيارته تقوم بمعاينت السياره وماذا حدث بسيارتها عمار بأسف ولم يرى الفتاه: أنا أسف يافندم مكنتش مركز انا هتحمل كل الخسائر روان وهى لم ترى من هذا الشخص: انا هوديك في ستين داهيه انتا بنى اد ولم تكمل حديثها عندما راته.
عمار بتوهان: انا قولتلك اسف وهتحمل الخساير ولو عايه تعملى محضر انا موافق روان بحسره على ماوصل أليه: لا مفيش حاجه ممكن حضرتك تتفضل تمشى انا الى كنت سرحانه شويه عمار: وانا كمان كنت سرحان يبقى أحنا الإتنين غلطانين تعالى اوصلك روان بنفى: لا متتعبش نفسك عمار: يعنى مش من الرجوله أسيب بنت زيك في مكان زى ده روان: صدق عندك حق.
عمار: شوفتى ياله وانا هتصل بالمكانيكى هيجى ياخد العربيه وأدينى عنوانك ادهوله يبعتهالك عليه ركبت روان سياره عمار عمار: هو انا ليه حاسس إنى شوفتك قبل كده هى إحنا نعرف بعض روان بشرود: من زمان عمار: زمان روان وعادت ألى الواقع: شوفتك في مكتب ميرال الجمال عمار: أه طب ممكن رقم حضرتك علشان العربيه اعطته روان الرقم ولم يعلم عمار لماذا يشعر بأنه يعرف هذه الفتاه منذ فتره.
طويله لم ينجذب لفتاه منذ وفاة حبيبته ساندى ولكن عيون هذه الفتاه تجبره على النظر اليها فعيونها مثل بحور أذا اراد معرفة هذه الفتاه لابد من الأبحار طويلا فيهم.
كان في مكتبها يخبرها بأنهم حصلو على المناقصه ميرال: كنت متاكده وخصوصا بعد إنسحاب عصام الجيار ادهم: موقفه حيرنى جدااا انا متوقعتش منه كده ميرال: عصام الجيار كويس بس عمار الأنتقام عامى قلبه ادهم: عمار الشر ملى قلبه ياريته يرجع زى الاول ميرال بغموض: بكره يرجع زى الاول ادهم: هستأذن انا عندى شغل ميرال: إنتا بدات شغل من فتره بسيطه بس اسمك اتعرف بسرعه ادهم: طب مشهوره اهوه وشاطر متخلى قلبك كويس كده ويحس بيا.
ميرال: مبتزهقش من الموضوع ده ادهم: لا مش بزهق بس في ملف محتاجه فيه الأرقام وكل حاجه مهمه ميرال: الملف ده حطاه في مكان محدش يعرفه هجيبهولك بس حظارى تديه لحد ده ملف مهم وبالفعل ذهبت ميرال لجلب هذا الملف وضعت كرسى وطلعت عليه لجلب هذا الملف وبالفعل جلبته ولكن عند نزولها وضعت يديها في المكان الخطأ كانت ستقع ولكن قام ادهم بأنقاذها ووقعت بين أحضانه.
مر وقت طويل وهى بين احضانه ينظر كل منهم إلى اعين الاخر يبحث عن اجابات لأسئله لم يستطيع الكلام الإجابه عنها انتهبت ميرال الى وضعها قدمت بأبعاده عنها أدهم: بحبك والله ياميرال وإنتى عيونك بتقول إنى جوه قلبك ليه الجفا ميرال: بره ياأدهم بره ادهم: مش هتنازل عنك ياميرال انا مصدقت لقيت الحب مش هتنازل عنه بسهوله وتركها ورحل.
رواية وخضعت للحب الجزء الأول للكاتبة أروى الشرقاوي الفصل الثاني عشر
كانو يقومون بتجهيز الحفله في القصر هذه خطبة معاذ الجمال سوف تقام الحفله كما ينبغى لكى تليق بعائلات الجمال وقامت ميرال بدعوة رجال الأعمال والجميع ستكون خطوبه أسطوريه وقامت ميرال بالاتفاق مع إحدى دور الأزياء لعمل فساتين للفتيات وتولى شادى هذه التحضيرات في غرفة الفتيات بيسان: فستانى تحفه يالهوى جميل رفيف: أنا فستانى احلا علفكره بس أنتى مش واخده بالك بيسان: لا انا فستانى أحلا ماليش فيه.
اميره بضحك: لا انا فستانى أحلا أنا العروسه ولا أنتو مش واخدين بالكم بيسان: إيه ده مين إلى بيتكلم ده رفيف: ديه بتشتمنا ياكبيره بيسان: يومها مطلعتش ليه شمس.
هيا بنا ياشباب وأنطلقو مسرعين خلفها فرت اميره من أمامهم وفتحت باب الغرفه وظلت تجرى وهوم خلفها وظهر معاذ من العدم أمامهم أنصدمت بيه أميره ووقعت بين أحضانه فرت كل من بيسان ورفيف الى غرفتهم مرت لحظات وهوما بنفس الوضع إنتبهت أميره إلى الوضع أميره بإحراج وهى تبتعد عن معاذ: أسفه جدا معاذ وهو يحك على رأسه من الخلف: لا مفيش حاجه بس كنتو بتجرو ورا بعض ليه.
أميره بتسرع: بيقولو أن فساتينهم أحلى من فستانى يرضيك كده ولما قولتلهم أن العروسه وفستانى أحلا عايزين يضربونى معاذ بصدمه: نعم كنتى بتجرى علشان كده طب لو حد من الخدم موجود في الوقت ده كان يبقى منظرك إيه اميره: زى الفل والله وبعدين عادى معاذ ببرود وأيقن أنها لاتعلم: عادى تطلعى من غير حجاب قدام الناس كده أميره بصدمه وهى تضع يديها على رأسها لتتأكد: يالهوى ده بجد فرت من أمامه مسرعه وذهبت إلى الغرفه.
رفيف بضحك: ههههههههه والله شكلك كان عسل وإنتى في حضن معاذ بيسان: معاذ ده مرزق من يومه والله وكمان من غير حجاب مرزق ياسلكاوى اميره: اسكتو بقا علشان انا مش عارفه هبص في وشه أزاى دلوقتى وأيه ألى جابه دلوقتى وبعدين سؤال مش ممنوع حد يدخل الدور ده من الشباب جاى ليه هو تكلم الذى يقف خلفها معاذ: والله غريبه ياجدع جايه تتكلم كمان وهى إلى غلطانه أنا جاى اقولكم إن الميك اب أرتست وصلت خيرا تعمل شرا تلقى.
رفيف: يخربيت كده هعيط بيسان: الواد ده حساس اووى ونظرت ألى اميره واكملت كلامها بالنسبه للى كانت مكسوفه علشان الحجاب إيه مانتى قاعده من غيره أهوه إنتبهت اميره لنفسها هى بالفعل لم ترتدى الحجاب فرت أميره من أمامهم مسرعه دخلت الحمام رفيف: مش قولت ياله يابابا من هنا هنرش مايه أما ادخل اشوف البونيه دى بيسان: البت دى نصيبه رحل معاذ وهو يفكر في أميره وعفويتها.
ومرت على شفتيها إبتسامه عندما تذكر شكلها وهى من غير حجاب كانت جميله بالفعل وعندما تذكر إحساسه وهى بين أحضانه ماهذا الشعور جعله يفقد التفكير وينظر فقط إليها.
فاقت قبله من النوم كانت تنظر إليه بحب وسعاده والفرحه تملى أعيونها لاتصدق حالها نعم هى تزوجته بالفعل ودعت ربها بأن تددوم السعاده في حياتها وقامت بطبع قبله على خديه فاق مازن في هذا الوقت مازن: خيانه بتوبسينى وانا نايم معندكيش إخوات صبيان تخافى عليهم أسماء ببلاهه: نعم مازن: بتستفردى بيا وانا نايم أسماء: مازن ياحبيبى حصلك حاجه وأنتا نايم مازن: اهوه حاجه مين الى بتعمليه فينا وأكمل بحب صباح الخير ياجميل.
أسماء: صباح الهنا على حبيب قلبى أنا مازن: حبيبى رومانسى ياناس أسماء: طب كده تمام كلام رومانسى وقولنا مش ناكل بقا أنا جوعت ياعمونا والله مازن: يخربيت فصلانك في حد يبقى في اللحظات الرومانسيه دى ويطلب اكل أسماء: هو الكلام الرومانسى بيشبع اول مره أعرف ياخويا مازن وهو يغمز لها: أخوكى إيه بقا باإلى حصل إمبارح أسماء بحرج: مازن بس بقا انا جعانه بجد مازن: مش في اكل يابنتى وحاجات في التلاجه.
أسماء بنفى: لا مهو معدش فيه مازن: بصدمه كلتيهم كلهم أسماء: ماتقول بسم الله ماشاء الله ولا حاجه هتحسد ولا إيه مازن: بالهنا ياحبيبتى ياله إلبسى وننزل ناكل ونحلى كمان ونلف شويه اسماء قامت مسرعه: هيهيهيهيه ثوانى وأكون جاهزه مازن وهو بيضرب كف على كف: متجوز بنتى أختى وقام هو الأخر .. في الشركه كانت ميرال تتحدث في هاتفها مع الشخص الذى يعمل مع البوص لحسابها الشخص: ناس معندهاش ضمير كل شغلهم مشبوه مافيا عالميه.
ميرال: ولاد الكلب صفقات اسلحه لبلاد فيها حروب اهليه صفقات أطعمه فاسده مخدرات تدمير أجيال ميرال: الناس دى لازم تقع الشخص: إلى جننه إختفاء أسماء ومازن ميرل: ومقلش هيعمل ايه الخطوه الجايه ايه الشخص: مش مرتاح للهدوء ده ميرال بسخريه: هدوء ماقبل العاصفه حاسه مش مصدق حكاية أسماء الشخص: انا نفسى اعرف الشخص ده هموته وأرتاح منه ميرال: هيتعرف ووقتها هخليه يشوف نار جهنم على الارض بس انا مش مرتاحه مش هيسكت.
الشخص: حاسس انه مجهز لخبطه جديده ميرال: جاهزه لأى خبطه منه بس مره تانيه بقولك لو الحكايه دى خطر ابعد عن كل ده الشخص: انا كنت ممكن ابعد بس بعد ألى عرفته ده لايمكن ابعد لازم نحمى الناس من المافيا ديه ميرال: بالتوفيق واغلقت معه الهاتف بعد ذلك.
كان يجلس في مكتبه شارد في حبه الذى ينتظر على احر من الجمر للقاء محبوبته قام بالأتصال بمازن ادم: احلى عريس في الدنيا كلها مازن: حبيبى يادومى ادم: مش هتحس على دمك وتيجى تشيل الشغل هنا وأنزل مصر بقا وأتجوز واشوف العيله مازن: يخربيت نحسك دنا لسه متجوز إمبارح ياراجل أدم بضحك: كفايه عليك كده مازن: يابنى إهدى مش هتطير والله.
ادم: والله ماعندك دم عيل رخم مانتا متجوز حبيبتك وجمبها وانا بقالى ٣ سنين لاشوفتها ولا سمعت صوتها مازن: خلاص نخليه اسبوعين صعبت عليا أدم: ماشى يامازن خلص الأسبوعين مستنيك واغلق معه مازن اسماء: مين يامازن مازن: ادم ياستى هيخلينا نقتصر شهر العسل على أسبوعين بس اسماء: ادم مين مازن: ادم أبن عمى بس ميرال عملاله نفى في لندن ومنزلش مصر من ٣ سنين اسماء: يالهوى تلت سنين مازن: جباره تقولى أيه الواد البلد وحشته.
أسماء: طب فكره حلوه أنا نفسى اروح لندن ياله بينا مازن: ياله بينا فين يامجنونه اسماء: لندن بالله عليك ياله نفسى اروحها ياله بينا مازن: وانتى مفكره لو روحنا لندن هبقى فاضى ليكى مثلا ادم هيشيلنى الشغل وينزل ومش هشوفه غير بعد مايتجوز اسماء: هو خاطب وبيحب مازن: تقريبا وبعدين ده شهر عسل ماليش فيه اسماء: شهر وهذاكر إمته انا بقا مازن: اه صحيح نسيت أسماء: لا إفتكر علشان هتشرحلى الى ناقصنى في المواد ياحلو.
في المساء كانت الحفله جميله أنبهر الحضور بيها وبجمالها وبالفعل هذه الحفله تليق بعائلات الجمال كانت الفتيات جميله بمعنى الكلمه بهذه الثياب المخصصه لهم فقط قدم معاذ خاتم من الالماس ألى اميره كان كل شى خيالى بالنسبه لها.
كان شادى ينظر ألى بيسان بحب فحقا كانت جميله وتخطف الأنظار تبهر من حولها وكذلك رفيف هؤلاء هن بنات الجمال وبالرغم من بساطة ثياب ميرال وعدم وضع اى من مساحيق التجميل كانت تخطف الأنظار تجبر من حولها للنظر إليها.
شادى لرفيف وبيسان: بت أنتى وهى الروج ده يتشال حالا بنات الجمال ميحطوش الحاجات دى بيسان بخبث: ليه بقا ده الحفله حلوه وفيها ناس كتير وشكلنا هنطلع بعرسان فله انهارده شادى: والله لو مكوناش في حفله كان هيبقى ليا تصرف تانى معاكى رفيف: شادى في بنات كتير هناك روح لقط رزقك وسيبك مننا شادى: الروج يتشال حالا ياله انتى وهيا لمفيش حفلات بيسان بهمس: ربنا على المفترى شادى: بتقولى حاجه يابيسان بيسان بزهق: بقول حاضر.
اميره: ماهى المشكله في كده مش عارفه انا خايفه من إيه بعد مده أنتهت الحفله وكانت السعاده تغمر الجميع.
في القصر بعد انتهاء الحفله اخذت ميرال الجميع ودخلو الغرفه المخصصه لتجمع العائله شادى بصدمه: إنتى بتعملى إيه ميرال: يعنى تعرفها شادى بتلبك: اه اعرفها ميرال بزعيق: طول عمرك وسخ ياشادى كنت هتفضحنا انهارده لو مكنوش رجالتى شكو فيها كانت فضحتنا قدام الكل والصحافه شادى بعدم فهم: ليه دى واحده عرفتها وخلص الموضوع ميرال: اتكلمى قولى بيرو: أنا حامل من شادى.
شادى بصدمه: نعم حامل اتهبلتى وده امته بقا انا اصلا ملمستكيش بيرو: لا لمستنى ولا إنتا من كتر البنات نسيت ميرال: اخرصى ها قولت ايه ياشادى شادى: انا متاكد مليون في الميه إنها مش حامل مينى كامل: وإيه الى يخليك متأكد كده ميرال: هتفضل وسخ كده علطول انا نصحتك تبعد عن القرف ده مسمعتش كلامى وأهى النهايه مش هرحمك ياشادى.
شادى بزعيق: كفايه بقا كلكم دايما كده ظلمنى انا عمرى مالمست اى ست كنت بعمل كده علشان بيسان تكرهنى وتبعد عنى بيسان بدموع: ليه ياشادى شادى بوجع: علشان انا عقيم مبخلفش يابيسان وكانت الصدمه من نصيب العائله بأجمعها ميرال: ايه مبتخلفش أزاى.
شادى: زمان حصلتلى حادثه لو فاكره والدكتور وقتها قال على تحاليل وأشعات أعملها لما اكبر وفعلا عملتها وطلع عندى عقم ولما سألت الدكتور قالى عمليه ونسبه النجاح ٦٠%يعنى نسبه ضعيفه بيسان: طب والبنات إلى بتكون معاهم كل يوم شادى: بدلهم منوم وملمستش واحده منهم كنت عايزك تكرهينى بيسان بوجع: ليه شادى: علشان متحطش في موقف أنك تختارى بين إنك تبقى أم او حبك ليا بيسان: وليه تختار مكانى سيبنى أختار ليه بتختار مكانى.
شادى ؛مش هستحمل إنى أكون السبب في إنك متكونيش أم انا مش أنانى بيسان: لا أنانى ياشادى لما توجعنى تبقى انانى لما تبقا عارف إنى بحبك وبتوجع وتعمل فيا كده تبقى أنانى شادى: أنا كمان بحبك بس عايز أظلمك بيسان: وأنا بحبك وموافقه أعيش معاك وتبقى إنتا دنيتى كلها شادى: إفهمى بيسان: إفهم انتا أنا بحبك وعايزه أكمل معاك ميرال قامت بإستدعاء أحد رجال الأمن ميرال: البنت دى تختفى لحد ماعرف مين وراها.
رجل الأمن: تحت امرك يافندم وبالفعل ذهب رجل الأمن بهذه الفتاه حتما ستجعلها ميرال تتمنى الموت ولن ترحمها ميرال: شادى هتعمل إيه هتتجوز بيسان ولا هتعمل إيه نظر شادى الى بيسان تذكر انه لو رفضها في هذا الوقت لن تعود إليه مره ثانيه شادى: هتجوز بيسان بيسان بفرح وطلعت على الكرسى : لولولولى ياام محمود صحى محمود قوليله بيسان هتتجوز شادى ياام نيازى صحى نيازى قوليله بيسان هتتجوز شادى.
معاذ بهمس لشادى: منك لله هبلت البت إلى حيلتنا ميرال: إنزلى يابيسان بسرعه بيسان نزلت محرجه من على الكرسى رفيف بهمس ليها: كسفتينا ينفع كده بيسان بهمس: هتجوزه ده المهم ميرال: فرح بيسان وشادى مع معاذ وأميره ياله كل واحد على أوضته.
رواية وخضعت للحب الجزء الأول للكاتبة أروى الشرقاوي الفصل الثالث عشر
كانو يجلسون عائله متماسكه حول مائدة الطعام لايكنون في داخلهم لبعض ألا الحب وهناك من ينظر لحبيبته ويتمنى ان يصيرو كيان واحد ولكن ميرال حكمت بأن الزواج بعد شهر كان ينظر لهم بفرح وبعلم أن ميرال لن تسمح بتفكك هذه العائله مهما حدث فقوتهم في وحدتهم لاطلما حلم بأن يرجع أخوه وزوجته وان يعيشو معا عائله واحده ولكن ليس كل مايتمناه الفرد يلقاه.
كانت تنظر لهم جميعا وتدعى ربها ان تستطيع حمايتهم من المخاطر والوقوف امام من يريد تدمير عائلتها وتفكر في حالها هل تستطيع العيش مثل أى فتاه هل ستخضع يوما للحب أم لقوتها وسيطرتها رأى أخر كانت تنظر أليهم وتتمنى ان تصير مثلهم ويعود اليها حبها هل ستعيش معه ام لوجوده هناك وجد فتاه وملئت له حياته كل شخص كان يفكر في حياته شادى: بابا انا عايز اكتب كتابى دلوقتى والفرح في ميعاده كامل: نشوف رأى بيسان الاول.
ميرال بضحك: وهى بعد حركة الكرسى بتاعت إمبارح دى هتعترض بيسان بهمس لمعاذ: أنا شكلى بقا نيله ياجدع معاذ بضحك: ههههههههه أنا مش عايز أقولك كده كامل: خلاص كتب كتاب شادى وبيسان ومعاذ وأميره انهارده رفيف: لولولولى كتبو كتابك يانقاوة عينى العيله بضحك: مجانين نزلت في هذا الوقت مليكه تفاجأ الجميع بوحودها كامل بصدمه وفرحه: مليكه بنتى وقام بإحتضانها واكمل حديثه: حبيبتى الحمدالله على سلامتك.
مليكه بمرح: هو إنتا مبتكبرش ابدأ هتفضل صغير كده علطول شادى: ملوكه رجعت ياناس مليكه: بس ياله مش عايزه كلام بيسان: أحبك ياحمش أنتا هحتاجك قدام كتير شادى: بتقول حاجه يابيسو بيسان بنفى: انا ولا نطقت دى تهيؤات رفيف: مليكه رجعت ياناس ياخلق ياهو لم مليكه وصلت خربت ولعت ميرال: رفيف اخرصى خالص رفيف بحزن مصطنع: كل ماأتكلم تقولولى إخرصى خرصنا خلاص أتكلمى ياست الناس كلها.
مليكه: وحشتينى يابت يارفيف بس من أمته وأنتى بتتكلمى كده بيسان: دى بركات اسماء مرات مازن اخوكى خلت رفيف إنحرفت زى مانتى شايفه مليكه: اه ميرال حكتلى عنها وحشتونى كلكم وبصراحه نفسى اتعرف عليها هى وخطيبة معاذ معاذ بنفى وزعيق وشكل مضحك: بلاش لأ إحنا مش حمل واحده كمان دول مجانين رفيف: دى خطيبتك حبيبتشى حبيبتشى خمسه حبيبتى وهقولها في الجامعه إبن ناس وتستاهل كل خير معاذ: رفيف ياقمر لو ده حصل الشجره مستنياكى.
رفيف: انا بقول اروح الجامعه ببقيت كرامتى علشان كده أتبعترت خالص سلام ياحبيبى وفرت من أمامهم ميرال: أنا رايحه الشركه الدكتوره روان هتجيلك وغسق في الحضانه والداده معاها وفى حرس على الفيلا ماشى يعنى حاولى متخافيش مليكه ببعض الخوف: حاضر وتركوها ورحلو ظلت مليكه خائفه في القصر بعد رحيلهم.
عند مازن وأسماء كانت تقوم بتجهيز الشنط ونزل مازن لينهى حجز الفندق للذهاب ألى لندن أسماء لنفسها: أحلى شهر عسل أحيييه من باريس للندن ايوا بقا هلف العالم ياناس مازن وهو يدخل للغرفه: أنا لما قولت مجنونه قالو إطلع من البلد أسماء وهى تتجه أليه وقامت بمسك ياقه قميصه وتحدثة بدلع: مجنونه بحبك ياميزو مازن بحب: قلب ميزو من جوه ياناس والله إنتى بتحلو كل شويه أسماء بدلع ؛ميزو حبيبى ممكن اطلب منك طلب.
مازن بفرح: أطلب ياجميل اسماء بحب ودلع: تجهز معايا الشنط ياحبيبى مازن بإستنكار: نعم أجهز الشنط وانا فكرت بقيتى رومانسيه وهتطلبى حاجه تانيه أسماء: اطلب إيه إيدك معايا ياخويا نجهز الشنط هو انا زنوبه الجاريه إلى جايبها من البلد ياله ياخويا مازن بتأفف: لا كده كتير والله دحنا في شهر العسل اسماء بحزن: مازن هو إنتا زهقت مينى.
مازن وهو يمسك يديها: أنا عمرى مازهق منك ياأسماء بس انا بحبك ونفسى نعيش كل حاجه مع بعض بس إنتى دايما بتفصلينى هو إنتى مش بتحبينى يااسماء أسماء: بحبك طبعا مازن: طب ليه بتتعاملى معايا كده أسماء: كده إلى هو إزاى مازن: بتتعاملى معايا من غير رومانسيه بحس بتتكلمى مع واحده صحبتك انا جوزك متتكسفيش مينى ياسوسو دنا ميزو هارت الهارت اسماء: هارتى من جوه ياناس بطل بقا وقوم جهز الشنط معايا ياله ياخويا.
مازن بزهق: تعالى معايا نودع الفندق والاوضه دى تعالى بس وذهب بيها إلى عالمهم الخاص.
كانت تنتظر تاكسى ذاهبه ألى قصر الجمال وتوقفت عندما قام عمار بالأتصال بها روان: مين شعر بشى غريب لسماع صوتها: عمار الجيار خفق قلبها لسماع صوته: أزيك ياأستاذ عمار عمار: الحمدلله العربيه أتصلحت المكانيكى يوديها فين روان بإمتنان: شكرا لحضرتك طب ممكن تقولى عنوان الميكانيكى فين وأنا أروح أجيبها لان انا اتمرمط الفتره ديه من ركوب التاكسى.
عمار بنفى: حضرتك قولى العنوان وهو يوديها ولو محتاجه تروحى مشوار دلوقتى أجى اوصلك روان بنفى: لا هعطل حضرتك أنا هتصرف عمار: لا مفيش عطله إنتى فين روان: في شارع عمار: دقايق واكون عندك.
كانت تجلس في مكتبها تفكر ماذا ستفعل ماذا ستواجه كل هذا وتفكر في ادهم لماذا لم تأخر إلى هذا الوقت ماذا حدث وتعجبت من تفكيرها فيه أصبحت تفكر فيه بشده نعم هى تحبه ولكن هذا ليس وقت الحب فهناك من هو اهم قاطع تفكيرها دخول أدهم فقد امرتها ميرال بأن ادهم يدخل وقت وصولوه ادهم: يارب تكونى بتفكرى فيا ميرال: مبتزهقش ادهم: إنتى تستاهلى إنى متنازلش عنك ميرال بتساؤل: ليه ياأدهم.
أدهم بحب: لما تفضلى عمرك كله تدورى على حاجه وفجأه تلاقيها ممكن تسبيها بسهوله ولاتحربى علشانها ميرال بشرود: للدرجه دى أدهم: واكتر من كده ياميرال ومس هيأس لو فضلت عمرى كله أستنى ميرال: هتتعب ادهم: ألى يحب لازم يتعب ميرال: المفروض عندنا شغل ياله نكمله ادهم: غيرى الكلام وفى وقت هتعترفى بالحب ياميرال.
أدهم: طب ياله بينا نشوف الأرض ميرال: وهو كذالك وبالفعل نزلت ميرال وادهم الذى فرح بشده لظهور شعاع امل لحبه الذى كان ميؤس منه وتأكد ان ميرال تحبه ولكنها تريد الأنتهاء من مشاكلها اولا أدهم: ماتخليكى جدعه وتاخدنى معاكى في العربيه بتاعتك ميرال: وده أسمه أيه ادهم: بوفر في البنزين ميرال بضحك: ياله إركب ووفر براحتك قادت ميرال السياره وهى في طريقها كانت تسير وراءها سياره.
ميرال بغموض: العربيه السودا إلى ورانا دى ماشيه ورانا من وقت ماطلعنا أدهم: أنا لحظت كده وقولت يمكن حاجه عاديه ميرال: لا مش حاجه عاديه اصل انا متعوده على كده أدهم بتعجب: متعوده ميرال: كل يوم ناس تمشى ورايا وأضربهم ومبيزهقوش بس النهارده ماليش مزاج أضرب هتوه منهم وخلاص ادهم بتعجب وصدمه: وبتضربيهم كلهم ميرال: اكيد بس النهارده مش فاضيه.
قامت ميرال بالدخول في بعض الشوارع وتنقلت من شارع لأخر وإستطاعت الهروب منهم ووصلت الى المكان الذى تقصده هى وأدهم دون أن تتحدث مع أدهم اخرجت هاتفها وقامت بلأتصال باحدهم ميرال: والله عيب عليك كل شويه تبعت رجاله ورق ويرجعو من غيرى مش ميرال الجمال إلى تقع كده ضاحى: هتقعى قريب.
ميرال بضحكة أستفزاز: والله أنتا بتضيع وقتك ووقتى على الفاضى اه وبخصوص البنت إلى كنت باعتها تبوظ الحفله وتفضحنى البنت عندى إنتا عارف مشكلتك ايه إنى دايما سبقاك بكتير ومش ميرال إلى تقع بحاجات زى ديه ضاحى: هتقعى يابنت الجمال في يوم من الأيام متستعجليش ميرال: صدق مستعجله عايزه أشوف هتعمل ايه تانى واغلقت في وجهه الهاتفى أدهم بتسأول: مين ده ميرال بشرود: واحد بيكرهنى وبيحاول يدمرنى انا وعيلتى.
أدهم: ومتعرفيش مين ميرال: لا معرفش مين ولا أعرف انا أذيته في ايه ياله نشوف شغلنا.
وصل عمار الى المكان الذى توجد فيه روان فتح عمار باب السياره ونزل منها عمار: إتأخرت عليكى روان بنفى: لا متأخرتش ولاحاجه لسه شويه على ميعادى عمار: طب انا مشربتش قهوتى تعالى نقعد في أى مطعم نشرب اى حاجه روان: ياله بينا وبالفعل ذهبو سويا إلى اقرب مطعم أتى أليهم الجرسون عمار: تشربى أيه روان بعفويه: عصير فرواله بالموز باللبن شرد عمار قليلا في حبيبته المتوفيه فلاش باك كانو يجلسون أحدى المطاعم.
عمار: انا عايز قهوه وأنتى ساندى بزعل: لا انا كده ازعل نسيت العصير بتاعى فرواله وموز باللبن عمار بضحك: مش عارف عشقك إيه في العصير ده ساندى: بحبه بعشق الفرواله مع الموز مع اللبن عمار بزعل: بتحبيه وبتعشقيه امال انا بعمل ايه ياهانم ساندى وهى بتخبط على جبهتها: أوبس بحبكم زى بعض عمار: بتحبى العصير قدى ساندى بضحك احمد ربنا ياجدع باك اخرجته من شروده روان: عمار عمار عمار.
عمار أفاق من شروده: أسف جداا سرحت شويه فين الجرسون انا مطلبتش قهوتى روان بتلقائيه: مشى وطلبتك قهوه مظبوطه عمار بتعجب: وعرفتى منين أنى بحب القهوه مظبوطه روان بتلبك: هو انا مقولتلكش إنى دكتور نفسانيه وعرفت كده من تحليل شخصيتك عمار: دكتوره نفسيه روان: اه عمار: طب وشغلك إيه مع ميرال الجمال روان: دى اسرار شغل ياله أشرب القهوه جات اهيه أنا عندى شغل مش فاضيه.
وبالفعل قامو بتناول الاشياء وبعد قليل رحلو قام عمار بتوصيلها ألى فيلا الجمال عمار: هتخلصى إمته أجى اخدك روان بضحك: لا أنا هتصرف اقولك خلى المكانيكى يجيبلى العربيه هنا عمار: قشطه روان بتلقائيه: بالعسل عمار بحيره: إنتى متأكده إننا منعرفش بعض قبل كده روان بتلبك: لا طبعا رحل وتركها وهو غارق في تفكيره فكلمات روان وصوتها يذكره بيها كانت تتابعهم من فوق وتعجبت من وجودهم سويا.
دخلت القصر وذهبت مباشره ألى غرفت مليكه سمحت لها مليكه بالدخول روان: مليكه ملوكه اخبارك أيه مليكه: كنتى بتعملى أيه مع عمار الجيار روان: معرفهوش بس خبط عربيتى من كام يوم كده وانهارده اتصل بيا قالى أنها أتصلحت وأصر يوصلنى مليكه: وأنتى وافقتى ليه روان بضحك تحاول إخفاذ الأمر: توصيله ببلاش حد لقى يعنى يالوكه مليكه: عمار كويس ياريت ترجعى ليه تانى روان بتلبك وصدمه: أيه ارجع انا معرفهوش اصلا.
مليكه: ساندى دحنا كنا أصحاب عيب عليكى محدش يعرفك قدى عمار لسه بيحبك روان بدموع: معدش ينفع يالوكه مليكه: لا ينفع ياساندى روان: مينفعش بس عرفتينى إزاى مليكه: أنتى صحبتى ياساندى ناسيه ومحدش يعرف حياتى غيرك وعمار عرفك في القصر عندنا روان: لازم ابعد الفتره دى يامليكه مليكه: أن انهارده الدكتوره بتاعتك ياله إحكيلى ألى حصل بالتفصيل انا فرحانه إنك عايشه.
جلست روان وقصت على مليكه كل ماحدث وتعجبت مليكه من تحمل روان كل هذه الأشياء وحزنت على مامرت بيه هى وصديقتها هذه هى الحياه لايمكن تغيرها روان ببكاء: شوفتى انا أتبهدلت اووى يامليكه مليكه: ياه كلنا اتبهدلنا ياروان بس لازم نقف على رجلنا من جديد روان: حصلك كده إمته وليه عمل فيكى كده.
مليكه بحزن: انا بكرهه ياروان ونفسى اشوفوه تانى هموته لو شوفته بس معرفش هو مين واحد شوفته حبيته وبعدها بسنتين ألاقيه مغتصبني شوفتي المهزله روان: الكلب دمرك بس غسق بنتك جميله عسوله حبيتها قوى مليكه: غسق دى مشكله وظلو كهذا لفتره يتحدثون سويا.
وصل مازن وأسماء لندن وجدو سياره في أنتظارهم وذهبو إلى شركه الجمال في لندن فورا نزلت من السياره وإنبهرت بالشركه وتصميمها فهى تفوق شركة مصر جمالا اسماء: ايوا بقا انا هشتغل معاك في الشركه دى مازن: جنان مش عايز هو إنتى فاضيه اسماء: جحا اول بلحم طوروه مازن: نعم أيه طوروه ديه أسماء: ياعمنا انا طوروه إرتحت تعالى نشوف الشركه من جوه تعالى دخل مازن ومعه اسماء الشركه وذهبو إلى مكتب أدم.
ادم: مازن ولد العم بالحضن وحشتنى ياراجل مازن: ماتنشف ياواد الناس تقول عننا كلام بطال ادم: صدق صح متقولش القمر ده تبقى مراتك قام مازن بلكمه في بطنه بكوعه: ياحزنك ياادم يعنى الواحد ميعرفش يعبر عن إعجابه اسماء: بعبر ياخويا براحتك ادم: يكرمك ربنا ياختى مازن: ماتخف ياخويا شويه ولا ارجع في كلامى ومفيش نزول مصر ولاحاجه ادم: لا انا قتيل النزول ياله اتعلم الشغل بقا مازن: إنتا اهبل يالا انا لسه في شهر العسل.
أدم: والله مايحصل طلاما وصلت لازم تشتغل انا قررت هنزل مصر بعد أسبوع مازن: طب ياله يااسماء نشوف مصالحنا والواد ده يكمل في المنفى هنا ياميرال تروقه اسماء: لا ياعم صعب عليا سافر ياخويا مصر ومتقلقش وراك هناك رجاله هنقوم بالليله وياسلام بقا لما تسافر تبعتلى البت رفيف تبقى كده فله ادم بإندفاع: لا رفيف لا ماتخليكى في جوزك امال انا هسافر ليه مازن وهو يضع يده على كتفه: علطول كده فاضحنا.
اسماء بضحك: لا انا معرفش اقعد من غير رفيف دى هى النص الحلو وانا النص التانى ادم: والله ابغى ابكى لكن أستحى مازن: وأنتى مفكره ادم مسافر علشان إحنا وحشناه وكده ابسنيوتلى ده خلاص مبقاش عارف يعيش من غير حب الطفوله اسماء: ياه اخيرا هشوف رفيف الجمال بتحب وبتتحاب قبل ماموت ادم بإستنكار: هى مراتك دى مجنونه مازن: اه مجنونه وبشهادة الاطباء اسماء: يخربيت الخفه منك ليه.
وفى هذا الوقت أتت موظفه لكى يمضى ادم على بعض الاوراق وأنتهى عملها ورحلت مازن: يخربيت كده ياجدع هو انا هشتغل مع الحاجات دى دنتا نحس وفقرى هتسيب الحاجات دى وتسافر مصر أدم بضحك: بالهنا والشفا مراتك هتاكلك اسماء: مازن ياحبيبى بتقول حاجه أصل انا سمعه كلام كده مش عجبنى يكونش إنتا ألى قايله مازن وهو يرفع يده: لا أنا متكلمتش وبعدين تيجى فيك ايه ديه ياسوسو إنتى الاصل ياحبيبتى أدم: رافع راية الرجاله مازن: من يومى.
رواية وخضعت للحب
