خرجت مريم من غرفتها وجدت شقيقها يجلس حزين اقتربت منه وقفت امامه مريم: انا عاوزه حقى فى الشقه وهمشى من هنا انتفض اخوها على سماعه ذلك بنت وتعيش وحدها وبمجتمع شرقى كيف هذا مستحيل لن يسمح لها الاخ: مريم اللى انتى بتقوليه غلط ميصحش مريم: الغلط ان افضل هنا تحت رحمتك وذل مراتك وتقطيمها فيا فى الرايح والجاى الاخ بغضب: وانا مش هسمحلك بكده وده اخر كلام مريم: يعنى ايه.
الاخ: يعنى يوم ما تخرجى ييكون على بيت زوجك يا اما على قبرك وتركها وذهبت فنزلت. اعتقدت انه سيضمها اليه ويعتذر عن كل شىء ويخبرها انه لن يسمح بذلك ليس خوفا من العادات والتقاليد وانما خوفا عليها هى ولكن لم يتغير وانما اخذته العصبيه الشرقيه دون ان يحاول معرفه اى شىء ولا ان يهون عنها كله فقط من اجل رجولته.
فى سياره صلاح صلاح: تمام اوى انا لازم اكتب الكتاب قبل نهايه الاسبوع يعنى ولو حابه فرح وكده شاهى. لا كتب كتاب بس وهقول انى مش عاوزه: هيصه ونعمل شهر عسل كويس صلاح: تمام واهلك شاهى. هنقول انى لما اشتغلت عندك اعجبت باخلاقى وقلتلى انك عاوز تيجى البيت وانا موافقه صلاح: مش هيستغربوا السرعه شاهى: عادى هتقول انك مستعجل ومفيش داعى للتاخير لان انت جاهز من كل حاجه صلاح: تمام: ومريم شاهى بعدم فهم: مالها.
صلاح: انتى عارفه انها عارفه مشكلتى هتقوليلها السبب الحقيقى لجوازنا ولا لا شاهى: مش عارفه صلاح: مفيش داعى شاهى: طيب صلاح: بلغى اهلك انى بكره هكون عندكم شاهى: طيب صلاح: تمام هوصلك وبالمره اعرف العنوان.
مرت عده ايام وحال الابطال على ماهو عليه ولكن بالنسبه الى صلاح وشاهى تغير كل شىء انقلبت حياتهم راسا على عقب تقدم صلاح بالفعل لخطبتها رغم ذهول الجميع ولكن مع تصميم شاهى رضخ اهلها اخيرا للموافقه على زواجهم السريع الذى يتم خلال ايام ولكن ليس باليد حيله ما جعلها تحزن اكثر الفرحه التى كانت بعيون امير لها ادركت انها لا تفرق معه بشىء وهاهو اليوم يوم كتب الكتاب الخاص بهم وحين الانتهاء تذهب شاهى معه.
كان الجميع موجود كرم وامير ومرام واهلها واهل شاهى ومريم لاحظت شاهى نظرات مريم التى لا تبتعد عن كرم فقررت ان تساعد صديقتها فهى لن تستطيع ان تراها هكذا اكثر من ذلك استئذنت من صلاح واقتربت من كرم كرم وهو يرى شاهى تقترب منه ابتسم بفرح كرم: اهلا بلاحلى عروسه شاهى باحراج: ربنا يخليك كرم: على فين ناويه تهربى شاهى وهى تبتسم ولكن تتحدث بجديه... شاهى: لا بس عاوزك فى موضوع كرم: اتفضلى.
اشارت شاهى باصبعها الى صديقتها التى تتحدث الى ملك ابنه صلاح بحب شاهى: عارف مريم صحبتى صح كرم: اه طبعا شاهى: مريم بتحبك من زمان يا كرم مش شايفه راجل غيرك وده عامل مشاكل ليها مع اخوها لانها بترفض اى حد بتحبك ومش شايفه غيرك انا عارفه انك مستغرب كلامى بس انا عاوزك تقرب منها وتدى لنفسك وليها فرصه تعرفوا بعض اكتر جايز تكون هى البنت اللى انت بتدور عليها كرم بتوتر: مش عارف اقولك ايه شاهى: متقولش بس ليا طلب.
كرم: ايه هو شاهى: مريم متعرفش اى حاجه عن كلامنا ده مهما حصل كرم: متقلقيش واوعدك هفكر فى كلامك شاهى: شكرا بعد ابتعاد شاهى كان كرم يتابع مريم بكل شىء حتى انهت لاحظت ذلك عده مرات وكان وجهها يحمر بقوه من الخجل والاحراج وهذا ما جعله يعجب بها الحياء الذى افتقده من سنين بالفتيات وتلك الفتاه تنحرج منه وبقوه حتى انها مره سقط كوب العصير منها حين نظر لها بعيونهت وابتسم.
على الجانب الاخر اقتربت مرام من شاهى وقامت باعطائها كارت ميمورى وكان فى بالها ان صلاح غير متابع ولكن كان صلاح يتابع كل شىء مثل الصقر مرام: كده خلصين ومش عاوزه احذرك تانى كانت تهم برد حين اقترب منها صلاح وتحدث بقوه صلاح: من انهارده اوعى تفكرى تهددى مراتى تانى فاهمه.
صلاح: من انهارده اوعى تفكرى تهددى مراتى تانى فاهمه انتفضت مرام خوفا من لهجه صلاح القويه كان رجل قوى غير لين كانت تعلم من نظراته المحذره ولهجته القويه ان يتحدث بكل جديه وانه يعلم بكل ما فعلته مع شاهى مرام: بتوتر: وانا مالى ومالها صلاح: واضح انك مفهمتيش كلامى وبكل رومانسيه ضم شاهى من كتفها الى صدره صلاح: وهو ينظر الى مرام بقرف واشمئزاز صلاح: هو انتى فاكره انى معرفش اللى عملتيه مع مراتى تبقى غلطانه.
مرام: انا انا... صلاح ببرود: هش مش عاوز اسمع صوتك انا حذرتك وانتى حره ومراتى احترامها من احترامى ولو حسيت انك قلتلى منها لو حتى بنظره صدقينى هتكونى خدتى خصم ليكى صعب اوى ودلوقتى اتفضلى من قدامى ابتعدت مرام برعب حقيقى هذا الرجل لا يقبل النقاش ولا الهزار انه يتحدث وبكل جديه يقصد كل كلمه قالها لها لهذا قررت ان تنسحب من الحفل سريعا وتبتعد عن طريقه نهائيا اقتربت من امير وهى تحاول التماسك مرام: امير.
مرام بحب كاذب: لا يا حبيبى انا همشى بئه امير: طيب هنزلك لتحت واوقف تاكسى مرام: اوك.
كانت شاهى تتابع حديث مرام وصلاح بكل دقه وشعرت بالفخر انها تزوجت من هذا الرجل الذى رغم زواجهما العجيب الا انه يدافع عنها بكل قوته وكان جزء لا يتجزا منه شعرت بالامان لاول مره منذ مقابله مرام لها شعرتها الان بحذيث زوجها علمت انه هو الرجل الذى سيكون بظهرها دائما ويكون الامان بين يديه لاحظ صلاح نظرات شاهى المدققه به صلاح: شاهى نظرت له شاهى بنظره غريبه شاهى: اول مره الاقى حد يدافع عنى كده.
صلاح بجديه: اكيد انتى. دلوقتى مراتى واى حد يفكر يقرب منك لازم يواجهنى الاول شاهى: انا حاسه كانى اول مره اشوفك صلاح بتعجب: وده حلو ولا وحش شاهى: صدقنى لو قلتلك متلخبطه صلاح: لما تبطلى لخبطه عاوز اعرف حلو ولا وحش شاهى: حاضر.
كانت مريم تلاحظ نظرات كرم المدققه لها والتى تتابعها لاول مره فقررت الخروح الى البلكونه لعلها تاخذ نفسها قليلا وتتماسك وتعود الى الداخل حين دخلت سحبت نفس عميق من الهواء وهى تضع يديها على وجهها الاحمر بقوه ولكنها لم تستطيع الفرار منه ووجدته خلفها يتحدث بمداعبه كرم: الجو حلو هنا صح.
التفت مريم بسرعه وكادت ان تبكى من الاحراج والتوتر وكانها عاريه امامه كانت تتمنى نظره منه كثيرا ما تمنت ان يتحدث اليها والان هاهو يحدث ما تمنته ولكن الشعور مختلف شعور غريب ملىء بالتوتر والخوف والاحراج والبكاء لاتعلم ماذا حدث لها مريم: انا كرم: انا كرم ابن خال امير وانتى مريم صح اشارت مريم براسها نعم ابتسم كرم بهدوء فتلك الفتاه تعشقه وبقوه كل شىء بها يخبره كم تحبه كرم: هو انا ضايقتك.
مريم بسرعه خوفا ان يتركها مريم: لا كرم وهو يعطيها كاس من العصير بيده الثانيه كرم: بدل اللى وقع مريم وهى تاخده بيد مرتعشه مريم: شكرا كرم: انتى صاحبه شاهى صح مريم وهى تنظر للكوب بيدها وتحمر بقوه مريم: اه كرم: صيدلانيه برده مريم: ايوه كرم: عندك اخوات مريم: اه كرم بضحك: هو كله اه مفيش اى حاجه تانى مريم بلهجه على وشك البكاء من التوتر مريم: لا كرم وهو ينظر لعيونها بقوه حين رفعتها اليه دقق النظر لها.
شعر وكان عيونها تخطفه الى بعيد لا يريد ان يزيح عيونه عنها وكانها سحرته تلك الفتاه انها هى من يبحث عنها هى من اخبرته والدته انها ستخطفه من النظره الاولى كرم ودون شعور منه كرم: تتجوزينى.
كرم: تتجوزينى نظرت له مريم ببلاهه وهو ينظر لها مبتسما وفجاه وجدها تنفجر فى بكاء غريب وتجرى من امامه وتهرب مثل الطفله انفجر كرم فى ضحك هستيرى على تلك المجنونه رفع كرم نظره الى السماء المزينه بالنجوم والقمر بدرا فى تمامه لا يعلم لماذا دائما كلما نظر الى القمر وجد عليه وجه والدته تبتسم له ابتسم وتحدث الى نفسه كرم. هى ممكن تكون فعلا البنت اللى بدور عليها.
ولا جايز من كلام شاهى عن حبها ليا حسيت انى انجذبت ليها مش عارف انا حاسس انى متلخبط حاسس كانى اتسرعت بس مش عارف ليه من جوايا حسيت انى لقيت الحل واخيرا بسرعه لمشكله الطفل.
انا لما سالت عمتى من شويه عنها عرفت انها عايشه مع اخوها ومش مرتاحه ونفسها تخلص منهم وكمان بتحبنى بجنون وواضح ده فمعتقدش هترفض تربى الطفل وتكون امه لانه هيكون حته منى وواضح ان هيكون ليا تاثير عليها جامد لو كان تسرع فى حكمى على نفسى انها اللى بدور عليها مش مهم المهم انى اوفر للطفل بيئه مناسبه وواضح ان مريم هتكون هى الوسيله لكده لازم اخلى عمتى تكلم اخوها وتحدد اقرب ميعاد علشان اقابله.
: على الجانب الاخر اخيرا وصل صلاح وشاهى الى الفيلا الخاصه به دخلت شاهى يتبعها صلاح واغلق الباب لاحظت شاهى الهدوء الذى يعم المكان شاهى وعى تلتفت الى صلاح بتساؤل شاهى: هو فين مامتك وملك والخدم واضح ان مفيش حد غيرنا هنا البيت هادى اوى صلاح وهو يخلع جاكت البدله ويحمله على كتفه صلاح: اه فعلا ماما وملك بايتن عند خالتى والخدم اجازه ماما ادتهم اجازه على اساس نكون براحتنا ما انهارده الدخله.
قالها صلاح بمكر جعل وجه شاهى يتلون باللون الاحمر الغامق كانت تشعر بصهد يخرج من وجهها من شده الاحراج والكسوف شاهى: هى فين الاوضه عاوزه اغير هدومى صلاح وهو يصعد سلالم الفيلا الداخليه وشاهى خلفه حتى وصل الى الجناح الخاص بهم دخلت شاهى الجناح واعجبت به بشده نظرت خلفها وجدت ان صلاح اختفى لابد انه تركها على حريتها اخرجت شاهى بيجامه برموده ورديه اللون كات وتركت شعرها واتجهت الى التخت.
دخلت تحت الغطاء وكانت تستعد للنوم حين دخل صلاح وجدته غير ملابسه ومرتدى بيجامه نوم اقترب صلاح منها ونام الى جانبها حينها فزعت شاهى وبشده وصدر عنها شهقه عميقه وجدت صلاح وبسرعه البرق يمسك بكتفيها ويقربها اليه حتى اختلطت انفاسهم صلاح وهو يكز على اسنانه من الغضب صلاح: انا جوزك صح اشارت له بنعم.
صلاح: واللى عملتيه ده يصح انا قلتلك جوازنا فعلى وابدى لكن مقولتش انى حيوان هقربلك وانتى مش عاوزه اللى حصل ميتكررش هنام سوا على سرير واحد يوم شهر سنه محدش يعرف حاجه بينا مينفعش تتخضى لو لمستك قدام حد يا شاهى ده غير ان دى اهانه ليا فاهمه شاهى بخجل وهمس: فاهمه حينها نظر صلاح لها طويلا اراد تقبيلها وبقوه ولكن تحكم بنفسه وتركها واعطاه ظهره صلاح: تصبحى على خير شاهى وهى تاخذ نفس عميق: وانت من اهل الجنه.
ابتسم صلاح لردها عليه واغلق عيونه ونام نوما عميقا.
وصلت مرام الى منزلها وكانت كلما تتذكر كلمات صلاح تخاف اكثر واكثر وجدته والدتها تستند الى الباب بوجه احمر الام: مالك يا بت مرام وهى تقترب منها وتضع يدها على بطنها بالم مرام: انتى لو تعرفى اللى حصل بطنك هتوجعك زيى الام: حصل ايه حكت لها مرام ما حدث فى الحفل وتهديد صلاح لها وقوه شخصيته فهو خصم لا يستهان به الام: يا نهار اسود ده شكله راجل واصل مرام بغيظ: وقعت واقفه بنت...
الام: سيبك منها خليكى فى خطيبك وانسيها خالص فاهمه مرام بحقد: طيب بس اكيد ليها يوم شاهى هانم.
وصلت مريم الى منزلها وفتحت الباب بهدوء ودخلت ولكن استوقفتها صوت ضحكات زوجه اخيها دون شعور منها اقتربت من الغرفه وسمعتها تتحدث ولكن مريم كادت ان تموت قهرا مما سمعته..
رواية حبيب الروح
