رواية أحببت فاطمة الجزء الأول للكاتبة فاطمة حمدي الفصل التاسع والعشرون
ظلت فاطمه ناظره إلي كريم بأعجاب وتأمل حتى لاحظ كريم تلك النظرات فقال بهدوء ؛: بتبصيلي كده ليه فاطمه بأبتسامه: مكنتش اعرف انك متواضع كده كريم: ليه يعني فاطمه: الاول كنت فاكره انك زي بابا بيعامل الناس من فوق كريم: العظمه لله وحده ومن تواضع لله رفعه وانا بقا مش احسن من الناس في اي حاجه عشان اعاملهم من فوق وعم سيد وعم رضا عندي احسن من ناس كتير وبحبهم لله في لله فاطمه: اه وانا كمان حبيتهم اوي.
كريم بغيره: حبيتي مين؟ فاطمه: احم لا مش قصدي كريم: اها إتعدلي كده فاطمه: بس بجد عم سيد ده عسول خالص وأنا حبيته ضحك كريم قائلا: لحقتي تحبيه في الدقيقتين دول فاطمه: اه اصل هو الي خلاني اسمع كلمه مراتي كريم: عجبتك فاطمه: اه عجبتني اوي كريم: ماشي ممكن بقا تسبيني اشوف شغلي يابطتي عشان لو اندمجت معاكي مش هخلص في يومي ده فاطمه: ماشي بس انا زعلانه منك على فكره كريم ضاحكا: طيب ماشي اخلص الي في ايدي وبعدين اصالحك.
فاطمه: ماشي يلا خلص بسرعه.
كانت ساره تصعد درجات السلم فسمعت بعض من الجيران يتهامسون عليها ببعض الكلام الجارح أحست وكأن قلبها يعتصر من شده الألم أرادت أن لو تنشق الأرض وتبتلعها فأكملت صعود السلم وهي تكاد أن تتحطم كلياً دلفت من باب المنزل إلي الداخل وما ان دلفت حتى إنفجرت في البكاء ظلت تبكي وتشهق بمراره ومن بين دموعها تحدثت قائله:.
يارب انا تعبت من حياتي خلاص مبقتش قادره اتحمل اكتر من كده مكنتش اعرف ان كل ده هيحصل ولا كنت اعرف ان سمعتي هتبوظ ولا كان على بالي ان كل الناس هتتكلم عليا كده مكنتش اعرف حجم الغلطه الي غلطتها اه كنت عارفه اني بعمل حاجه غلط بس مكنتش اعرف انه بيضحك عليا وبيعشمني كنت فاكره اني بحب وبعدين هيجي يتقدملي كنت عايزه اخرج من سجن بابا بسرعه وامشي بعيد عنه بس للاسف الغلطه دي حكمت عليا بالسجن المؤبد يارب سامحيني انا مليش غيرك ربي اغفر لي وارحمني واعفو عني وارحمني من كلام الناس انا اسفه عمري ما هعمل كده تاني ابدا انا اتعملت وعرفت واتكسرت انا ندمانه ورجعالك يارب من قلبي وعارفه انك هتقبلني عارفه انك كريم وعفو وهتسامحني وهتبعد عني شر الناس وكلامهم الي بيقتلني سامحني عن كل ذنب وكل طاعه فرط فيها عشان خاطر حد ميستهلش بس انا كنت لوحدي ديما يعني بابا عمره ما نصحني ولا عمره قالي كلمه حلوه كان ديما يضربني انا واخواتي على اقل حاجه كان رعبني ده حتى عمره ما قالي تعالي صلي ولا اقرئي قرآن ولا خدي بالك من نفسك ولا. حذرني من الغلط كان ديما يعايرني انا واخواتي عشان احنا بنات كأن احنا عار ومصيبه اتبلي فيها انا مش هقول انه السبب ولا هبرر لنفسي الغلط انا عارفه ياربي اني غلطانه واستاهل كل الي انا فيه بس انا عمري ما حبيت بابا ولا عمري هحبه ويوم ما قولتله بكرهك كانت طالعه من قلبي انا مسمحاه على الي عمله فينا لاني بتمني عفوك دلوقتي وعارفه انك عفو تحب العفو فاعفو عني ياالله وخليلي اخواتي واسعدهم في حياتهم ووفقني في دراستي وكن معي دائما:.
أنهت ساره دعائها وتضرعها إلي الله ومن ثم قامت لتتوضأ وتصلي ركعتان لكي تزيل عن صدرها تلك الهموم التي أثقلت وتبدأ مع خالقها صفحه جديده ليتوب عليها ويغفر لها ما تقدم من ذنب فالله لا يخزل من لجأ إليه فالله يغفر الذنوب ولو بلغت عنان السماء الله يغفر ولا يبالي هو التواب الغفور فلنلجأ جميعا إلي المولي متضرعين إليه:.
في منزل ابراهيم ابراهيم: ها ياهاله وصلتي لايه هاله: ابراهيم: يابنتي متكسفيش كده دي حاجه طبيعيه خالص هاله: مش مكسوفه يابابا ابراهيم: مش مكسوفه ايه اومال وشك زي الطمطمايه كده ليه هاله: ها لا عادي ابراهيم: ههههه طيب صليتي استخاره ولا لسه هاله: صليت يابابا ابراهيم: ها وحسيتي بايه هاله: احم مبدئيا مرتاحه ابراهيم: متاكده ياهاله لو عايزه تفكري تاني فكري وخدي وقتك هاله: فكرت يا بابا وحاسه اني مرتاحه.
ابراهيم: طيب يابنتي على خيره الله ربنا يتمملك على خير واشوفك احلي عروسه هاله: ربنا يخليك ليا يابابا ابراهيم: ويخليكي ليا ياحبيبه بابا انا هبلغ احمد وعمتك انك وافقتي وربنا يتمم بخير هاله بخجل: ماشي يابابا.
وبعد مرور وقت طويل في الشركه تراجع كريم بظهره للخلف وأغمض عيناه بارهاق ثم أخذ نفسا عميقا وزفره على مهل نظرت له فاطمه بأشفاق فهو حقاً يشقي في عمله تحدثت قائله: إيه تعبت كريم بإرهاق: جدا فاطمه: طيب استريح شويه وبعدين كمل كريم: ماشي صحيح انا نسيت انتي من الصبح مش اكلتي حاجه مش تفكريني انا نسيت خالص فاطمه: لا مش عايزه كريم: يعني مش جعانه فاطمه: لا جعانه.
كريم: ده كلام برضو وقعده من الصبح ساكته مش تقوليلي انا انشغلت ونسيتك خالص فاطمه: اه طبعا لازم تنساني مهو انا مش في بالك اصلا كريم بابتسامه: طب بطلي لماضه وقوليلي هتاكلي ايه فاطمه: مش مشكله لما ابقي اروح بقا عشان مش تتعطل عن شغلك كريم: لا منا كمان جعان اوي يلا قولي تاكلي ايه فاطمه: ممم عاوزه شاورما كريم: ممم وانا كمان فاطمه: هو انت بتحبها زي غمز كريم لها ثم قال: بموت فيها فاطمه بارتباك: احم طيب.
كريم ضاحكا: . طيب انا هخرج اودي الشغل ده لعمي واطلب الاكل وراجع فاطمه: مش تتاخر كريم: حاضر ظلت فاطمه جالسه حتى سمعت صوت صياح وأصوات تعتلي من الخارج فنهضت وتوجهت الي مصدر الصوت وفتحت الباب وخرجت فوجدت نسرين تصيح بعم سيد الواقف أمامها بقله حيله نسرين بصياح: مش تفتح ياعم سيد ايه الي انت عملته ده عجبك كده عم سيد: انا آسف والله ما كان قصدي اعمل كده غصب عني وقعت مني الصينيه.
تدخلت فاطمه قائله بدفاع: اهدي ياعم سيد متزعلش انت مكنش قصدك نسرين بغيظ: لو سمحتي مش تتدخلي في شغلي فاطمه وقد تحولت ملامحها للقوه قائله: انتي بجد قليله الذوق ومعندكيش دم في حد يزعق لحد في السن ده بالطريقه دي انتي فاكره نفسك ايه نسرين ببرود: ياريت تخليكي في حالك عم سيد نضفلي الي عملته ده بسرعه وشيل الارف ده.
إنحني عم سيد بجسده وكاد أن ينحني أكثر ليلملم الذي وقع منه حتى أمسكت به فاطمه قائله برجاء: والله مانت شايل حاجه من على الارض ولا هتوطي لو سمحت متسمعش كلامها ياعم سيد نسرين بغل: لا انتي بجد مش طبيعيه وانتي مالك انتي فاطمه بعصبيه: احترمي نفسك المفروض لو عندك دم تنزلي انتي تشيلي الي وقع على الارض مش بتامري راجل قد ابوكي وفاكره نفسك صاحبه الشركه وعماله تشخطي وتنطري.
نسرين: طيب ايه رايك ان كلامك مش هيمشي وكلامي انا الي هيمشي وعم سيد هيشيل الي وقع على الارض فاطمه بتحدي: والله عم سيد ما هيشيل حاجه من على الارض ووريني هتعملي ايه جاء كريم من الخلف قائلا بصرامه: في ايه الي بيحصل هنا ده! فاطمه بقوه: الانسه المحترمه بتزعق لعم سيد عشان وقع صنيه القهوه دي على الارض معرفش فاكره نفسها ايه وهي اصلا ولا حاجه وقليله الادب.
كزت نسرين على أسنانها قائله: انا مش هتكلم ولا هغلط فيكي عشان خاطر استاذ كريم بس فاطمه بسخريه: لا ياشيخه اومال مين الي حسه كان مجلجل دلوقتي كريم بحزم: فاطمه ادخلي جوه المكتب بسرعه يلا! فاطمه: لا مش هدخل وعم سيد مش هيشيل حاجه من على الأرض إنفعل كريم قائلا بخشونه: ادخلي جوه يافاطمه واقفلي الباب خشيت فاطمه من ملامحه التي تتحول في لمح البصر إلي الغضب ودخلت بهدوء وأغلقت الباب خلفها.
نظر كريم الي عم سيد قائلا بجديه: اتفضل انت ياعم سيد شوف وراك إيه عم سيد: طيب هنضف الارض الاول كريم: لا سيب الارض متشلش حاجه ياعم سيد روح انت دلوقتي شوف شغلك: ثم انصرف عم سيد بهدوء نظر كريم الي نسرين ثم قال بصرامه: أستاذه نسرين الي حصل ده ميتكررش تاني صوت عالي في الشركه مينفعش حضرتك ملكيش أي حق تكلمي أي عامل في الشركه بالطريقه دي ولو ده اتكرر تاني هيبقالي رد فعل وحش اوي مش هيعجبك تمام!
نسرين: حضرتك انا... كريم: انا مش هسمع منك اي كلام اتفضلي شوفي شغلك واندهيلي عامل النظافه بينضف الارض دي بسرعه نسرين: اوك تحت امرك ثم دخل كريم المكتب وأغلق الباب خلفه وما أن دخل حتى أشاحت فاطمه بوجهها بعيدا عنه وعبست بوجهها إقترب كريم منها قائلا: يعني لازم تدخلي في كل حاجه كده وايه الي خرجك بره المكتب اصلا فاطمه بغضب: انت كمان هتزعقلي تاني هي الي المفروض تزعقلها وتمشيها من هنا دي معندهاش دم اصلا.
كريم: انا غلطان من الاول اني جبتك معايا يابطه فاطمه: وانا عملت ايه عم سيد صعب عليا وهي عماله تبهدله مقدرتش امسك نفسي وكان لازم ادافع عنه وبعدين انا ممكن اروح انا اصلا زهقت يلا روحني نظر كريم لها معجبا بانفعالها كالاطفال قائلا: وهتسبيني لوحدي فاطمه: آه خليك هنا لوحدك إنحني كريم بجسده وحاصرها في المقعد واضعا كلتي يديه على مسند المقعد متكئاً عليه قائلا بهمس: اهون عليكي يابطتي تسبيني لوحدي.
توترت فاطمه من إقترابه الشديد وقالت بتلعثم: ها كريم مكرراً بابتسامه: اهون عليكي تسبيني لوحدي يابطتي فاطمه بارتباك: . ليه ما نسرين موجوده خليها تعقد معاك كريم: يادي نسرين الي واكله عقلك دي سكرتيرتي انما انتي، إقترب وهمس في آذنها قائلا: انتي مراتي إبتلعت فاطمه ريقها بخجل شديد وتوترت بشده وزاغت أنظارها بعيدا عنه ضحك كريم قائلا: ايه اتبرجلتي ليه بس فاطمه بارتباك: ها لا انا كويسه اهون.
كريم: اهون! مش بقولك مجنونه فاطمه: انا مجنونه كريم: اوي اوي فاطمه: طيب ممكن اسالك سؤال؟ إنتصب كريم في وقفته وعاد الي مكتبه سريعا قائلا بنفاذ صبر: اسكتي يابطتي سبيني اشوف شغلي قبل ما اجنن زيك ضحكت فاطمه بشده عليه فضحك كريم قائلا: مجنونه وربنا ومرت الايام مرت عده أيام الي أن جاء اليوم المحدد لزياره أحمد إلي منزل خاله إبراهيم لخطبه هاله رسمياً من أبيها وأخيها...
كانت تجلس في غرفتها ومتوتره بشده ثم قالت: انا مكسوفه اوي يابطه ومش على بعضي فاطمه: ده احساس طبيعي يالولو اي بنت في الموقف ده لازم بتبقي كده انتي اهدي بس وخليها على الله ويلا يادوبك تلبسي وتجهزي قبل ما احمد يجي هاله: حاضر هقوم اهو فاطمه: تعالي هنا انتي عينك مدمعه كده ليه في ايه هاله بحزن: . كان نفسي ماما تكون معايا اوي في اليوم ده.
فاطمه بحنان: . حبيبتي يالولو الله يرحمها هي اكيد حاسه بيكي دلوقتي وفرحنالك إنهمرت الدموع من عيني هاله فمهما كان حولها من أناس يعوضونها عن ذاك الحنان الذي إفتقدته لن يستطيعوا فالأم واحده فقط وإن رحلت فلن تعوض أبدا مسحت فاطمه على شعرها قائله بحنان: خلاص بقا عشان خاطري يا لولتي افرحي واتبسطي هو احنا بنفرح كل يوم اقولك انا امك اعتبريني امك يلا قومي عشان ازوقك لعريسك ضحكت هاله من بين دموعها لمزاح فاطمه.
فاطمه: ايون كدهو اضحكي بقا ضحكتك حلوه جوي هاله: ههههه حبيبتي يابطوط عقبال فرحك انتي وكريم امتي بقا عايزه افرح فيكي فاطمه: تفرحي فيا دي اخرتها وانا عماله اقولك انا امك يادزمه هاله: ههههه الله يعينك ياكيمو ياخويا هتجننك البت دي فاطمه: ههههه مش ليكي دعوه يابت كريم ده حبيبي حبيبي هاله: ياسيدي على الحب ده انتي دوبتي يابطوط بتحبي اوي كده فاطمه: نعم كريم ده انا بموت فيه يابنتي ده حبيبي.
تحدث كريم الواقف عند باب الغرفه مبتسما قائلا: وانا كمان هبت فاطمه واقفه واتسعت عيناها بشدة ووضعت سريعا يدها على وجهها بخجل شديد ضحكت هاله بشده قائله: انت هنا من امتي ياكريم ضحك كريم قائلا: من أول كريم ده حبيبي هاله: ههههه طيب كنت عايز حاجه كريم: اه ياهاله جيت ازرر زرار القميص اتخلع في ايدي ينفع كده يلا تعالي خيطيه قبل العريس ما يجي بقا هاله: طيب ياكريم هجيب الخيط والابره وجايه وخرجت سريعا.
ركضت فاطمه خلفها ولكن أسرع كريم وأمسكها بكلتي يديه قائلا: راحه فين فاطمه بتوتر: ها هروح اشوف ساره بتعمل ايه إقترب كريم منها قائلا بهمس: مفيش خروج قبل ما تسمعيني كنتي بتقولي ايه عشان مسمعتش كويس إبتلعت فاطمه ريقها قائله: ها انا مقولتش حاجه نظر كريم الي عينيها وظل يقترب منها: إتسعت عيني فاطمه قائله: انت بتعمل ايه مش تبصلي كده كريم بهمس: طب هتقوليلي ولا... نظرت فاطمه الي الارض قائله: هقول هقول استني طيب.
تنهدت فاطمه بارتياح ثم قالت: اخيرا الحمدلله شرط ايه ده ابتسم كريم قائلا: تديني أطه يا: يابطه شهقت فاطمه وقالت متسعه العينين: إييييه كريم بنفاذ صبر: إخلصي قدامك حل من الاتنين يلا اختاري بسرعه عضت فاطمه على شفتيها وقالت: هقول وأمري لله بص أنا كنت بقول ان انت آآ بص انت ح ح حبيبي وتملصت من يديه سريعا متجها الي الخارج وظل كريم واقفا ومتنهدا بحراره مبتسما بحب.
وبعد مرور الوقت تمت قراءه الفاتحه لهاله وأحمد والجميع قلبه يخفق فرحا لهاله تلك الفتاه الحنونه التي لا تزعج أحد ابدا والجميع يحبها بصدق والأخص كريم الذي يعتبرها إبنته وليست أخته فقط جلس أحمد مع هاله وتحدثا الاثنان في أمور عديده وكل منهما قلبه يخفق للثاني بشده نزل الجميع متجهين الي بعض محلات الذهب لشراء الشبكه بعد أن اتفقا ان عقد القران سيكون في نفس اليوم الذي به الخطبه.
وقفت هاله تختار الذهب وكانت فاطمه وساره يتشاركا معها في الاختيار: حتى اقترب كريم من فاطمه وقال: تعالي يابطتي عايزك بصي نقي الي يعجبك من دول كانت مجموعه خواتم ومبحابس فاطمه بذهول: انا ليه تنهد كريم قائلا: انا عارف ان عندك الشبكه الي بابا كان جبهالك وانتي ملبستهاش لحد دلوقتي ومكنتيش راضيه عنها ولانا وهي مش مهمه بالنسبالي المهم عندي دلوقتي انك تختاري الي يعجبك يلا نقي.
فاطمه: لالا ملوش لزوم خلي هاله تنقي براحتها كريم: اسمعي الكلام ومتغلبنيش معاكي يلا نقي بحثت فاطمه بعيناه واختارت دبله رقيقه وقالت بخجل: دي حلوه كريم: عجبتك؟ ولا تنقي حاجه تاني فاطمه: لا عجبتني ومش عاوزه حاجه تاني كده كده الشبكه موجوده بلاش تكلف نفسك إختار لها كريم خاتم على ذوقه وسلسله رقيقه كما أنه لا ينسي أخته وأختار لها أيضا خاتم على ذوقه بجانب الشبكه.
ومرت الايام إلي أن جاء موعد حفل عقد القران والخطبه في الصباح أوصل كريم الفتيات إلي مركز التجميل وقبل أن تدخل فاطمه معهن: اقترب منها قائلا بجديه: مفيش مكياج هيتحط ولا سواريه ولا الكلام ده سمعاني فاطمه: بس ده فرح وهحط حاجات خفيفه وهلبس فستان عادي مش سواريه كريم: ولا اي حاجه لا خفيف ولا تقيل فاهمه يابطتي فاطمه بعصبية: طيب فاهمه فاهمه كريم ضاحكا: . ايوه كده شاطره هاله: يلا يابطه خلصي.
وفي المساء مني: يلا يابطه دورك عشان تتمكيجي فاطمه: لا انا مش عاوزه مني: ازاي ده لا مينفعش ده فرح يابنتي ساره: حطي حاجات خفيفه يابطه مش هتبان فاطمه: لا ياساره كريم هيزعقلي مني: يابنتي ده الفرح مليان بنات وكلهم هيبقو على سنجه عشره ازاي بقا انتي مش هتحطي حاجه فاطمه: ساره: هو لما هيلاقي الميكب خفيف مش هيتكلم يابطه متخافيش عايزاكي تبقي قمر هاله: عندهم حق يابطوط يلا بقا قبل ما يجوا فاطمه: ماشي ربنا يستر.
ووضعت فاطمه بعض مساحيق التجميل فبرزت جمال ملامحها وكانت مثل البدر في تمامه ثم جلست بجانب هاله وهي خائفه من رد فعل كريم وأخيرا وصل أحمد الذي كان يتألق في بدلته السمراء فأصبح أكثر وسامه وما أن وجد هاله حتى إنبهر بها حيث كانت ترتدي فستان من اللون الروز الهادي ومحتشم وترتدي طرحه ستان بنفس اللون وتضع تاجا فوق رأسها مع بعض مساحيق التجميل البسيطه للغايه فأصبحت كالملكه المتوجه.
إبتسم كريم لأخته وإقترب منها واحتضنها بحنان أخوي قائلا: ألف مبروك ياحبيبتي زي القمر ثم قبلها من جبينها تنهدت هاله برجفه قائله: الله يبارك فيك ياكيمو عقبال لما أشوفك منور في بدله العريس تقدم والدها واحتضنها بحنان وسعاده قائلا: ألف مبروك ياحبيبه بابا احتضنت هاله والدها بشده قائله: الله يبارك فيك يااغلي اب في الدنيا تقدم أحمد قائلا بمزاح: مش هينفع كده ياجماعه انا العريس والله.
ضحك كريم قائلا: اتفضل ياابو حميد خد راحتك ياعم بس مش أوي لسه مكتبناش ضحك الجميع بسعاده وتوجهوا ليركب الجميع وقف كريم يبحث عن فاطمه بعيناه حتى وجدها فأسرع إليها وأمسكها من ذراعها بقوه قائلا بصرامه: إيه الي في وشك ده؟ خشيت فاطمه منه وابتلعت ريقها قائله: آآ في ايه كريم بغضب: انا قولتلك ايه الصبح؟ فاطمه بخوف: أصل والله هما الي قالولي شد كريم على ذراعها قائلا: هما مين الي قالوا انا قولتلك ايه.
ظلت فاطمه صامته وانسابت الدموع من عينيها تنهد كريم قائلا بحزم: الي في وشك ده يتمسح حالا أقبلت ساره عليهما قائله: في ايه وبتعيطي ليه يافاطمه ثم نظرت لكريم الغاضب بشده قائله: معلش ياكريم ده فرح معلش الناس بتتفرج علينا أرخي كريم قبضته عن ذراعها قائلا بخشونه: ماشي اركبي وحسابك معايا بعدين يا فاطمة...
رواية أحببت فاطمة الجزء الأول للكاتبة فاطمة حمدي الفصل الثلاثون
إستقل كريم سيارته وجلست فاطمه بجانبه وهي تجفف دموعها وبالخلف كان أحمد وهاله يجلسان وقبل أن تغلق فاطمه باب السياره أمسكت مني به قائله: أنا هركب هنا جنب أخويا لو سمحتي يافاطمه تحدث أحمد بجديه وقال: خلاص مش مشكله يامني اركبي في عربيه تانيه مفيش مكان هنا مني بتصميم: المفروض اكون مكان فاطمه انا اخت العريس هاله بأستغراب: معلش يامني هي ركبت خلاص يعني هتقوميها من مكانها.
فاطمه بنفاذ صبر: خلاص انا هروح اركب جنب ساره وعمتي متزعليش أسرع كريم وأمسك يدها قائلا بصرامه: تنزلي فين؟ اقفلي الباب ده خلينا نمشي هنتأخر على القاعه احمد بنفاذ صبر: خلاص بقا يامني روحي اركبي جنب ماما وساره كزت مني على أسنانها وتحركت وهي تزفر بضيق متوعده لهما... أدار كريم محرك القياده وانطلق بالسياره متوجها الي القاعه التي سيقيم بها حفل الخطبة وعقد القران:.
احمد: احم متزعليش منها يافاطمه هي كده بتحب تتدلع وخلاص فاطمه بهدوء: لا عادي هي من حقها تقعد مكاني هي اخت العريس هاله بدفاع: اه بس انتي اخت العروسه يابطه ومن حقك اكتر منها احمد بمزاح: . اااه ابتدينا بقا شغل مرات الاخ واخت الجوز هاله: ههههه لا مني كمان اختي والله بس بطه على الاقل قعده جنب جوزها يعني مني كانت هتبقي محرجه تحدث كريم قائلا بتأكيد: ما أنا بقول كده برضو يالولو مش كده يابطتي.
أشاحت فاطمه بوجهها بعيدا عنه ولم تجيب عليه: أمسك كريم بكف يدها قائلا بهمس: أحبك وأنت مقموص خفق قلب فاطمه بشده أثر لمسته لها وقالت بخفوت: بص قدامك هنعمل حدثه رفع كريم حاجبه قائلا: حادثه وانتي معايا عيب عليكي يابطتي إبتسمت فاطمه رغماً عنها وحاولت أن تهدئ ذاك القلب الذي ينبض بشده.
وأخيرا وصلوا إلي القاعه وترجل الجميع متوجهين إلي الداخل وتم عقد القران وما أن قال المأذون بارك الله لكما وبارك عليكما وجمع بينكما في خير حتى نهض أحمد وإحتضن هاله بشده ثم قبلها من جبينها بشغف وكادت هاله أن تموت خجلا ومن بين هذا نظرت إلي أخيها الذي يتابع الموقف بابتسامه فأومأ لها برأسه وهو يدفع لها قبله في الهواء لتزداد هاله سعاده وبهجه لتتفاجئ بأحمد يحملها ويدور بسعاده وبعد لفه طويله أنزلها ناظرا الي عينيها قائلا: بحبگ.
نظرت هاله الي الارض وقد توردت وجنتيها خجلا ولتبدأ معه رقصه سلو برومانسيه أدمعت عينا فاطمه فرحا لابنه عمها وصديقتها بل وأختها ظلت تنظر لها بأعجاب حتى إقترب كريم منها قائلا: بكره في فرحنا هشيلك وهلف بيكي انا كمان ابتسمت فاطمه ونظرت الي الارض بخجل إقترب كريم منها هامسا: بس انا ممكن اشيلك دلوقتي عادي يعني فاطمه: لالا اعقل الله يخليك كريم ضاحكا: لا ما العقل انتي طيرتيه خلاص يلا تعالي أشيلك.
ابتعدت فاطمه خطوه للخلف قائله: كريم الناس رفع كريم حاجبه قائلا: تولع الناس فاطمه بتنهيده: خلاص بقي وبعدين ده فرح هاله وهي بس الي تتشال غمز كريم لها قائلا: حنين! فاطمه بخجل: احم احم بس بقا الناس بتتفرج علينا كريم: طب امسكي المنديل ده امسحي دموعك وامسحي وشك كله بالمره خلي الي على وشك ده يروح فاطمه بعند: لا مش همسحه وبعدين انا زعلانه منك اصلا أوعي كده اما اروح لهاله وسارت للامام وتركته.
رفع كريم حاجبه قائلا: ماشي يابطتي بس لما تقعي في ايدي كانت مني تقف بجانب صديقتها وتنظر إليهما بحقد وتكاد أن تحترق غيظاً تحدثت مها صديقتها قائله ؛؛ مها: بت يامني مين المز الي واقف هناك ده مني: ده كريم ابن خالي الي كنت بحكيلك عليه واخو العروسه مها: ياخبر ده قمر هو ده الي مش معبرك وانتي هتجنني عليه مني: احترمي نفسك ياجزمه ايوه هو مها: الله ما تعرفيني عليه يابت ده مز اوي.
مني: لا ده ملوش في الكلام ده ومش هيعبرك مها: ليه ياماما هو انا وحشه ولا وحشه بس تعرفي ده شكله مغرور اوي بس على مين دنا مها مني: ههههه كان غيرك اشطر مها: يعني ايه طب فين بنت عمه الي كنتي بتقوليلي عليها انه مجوزها غصب عنه مني: اهي هناك الي جنب العروسه مها: طب ماهي حلوه اهي مش عجباه ليه مني: انا احلي منها بكتير على فكره مها: ياشيخه اتنيلي احلي من مين بصراحه هي كمان قمر ولايقين على بعض اوي.
مني: اخرسي انا احلي مها: اسكتي بس وتعالي عرفيني عليه يمكن يقع في حبي ولا حاجه مني: ههههه يقع في حبك مره واحده اسكتي ده هيقع في حبي انا قريب ان شاء الله مها: لا معتقدش ده مبيبصش لحد ولا عنيه جت عليكي من اول الفرح انسي وفوقي ده انا الي ممكن اوقعو حالا فيا مني: لا ياشيخه طب ما تورينا كده مها: تدفعي كام مني: ولا مليم بس وريني شطارتك مها: اوك اتفرجي عليا بقا.
سارت مها في إتجاه كريم وتمايلت في خطواتها وتعمدت هي أن تتعثر قليلاً بقدميها حتى ترنح جسدها قليلاً عليه وإصطدمت به قائله بصوت أنثوي: آآ سوري مكنش قصدي أشاح كريم بوجه بعيدا عنها وتجاهلها تماما ثم تابعت مها بدلال: هو إنت أخو العروسه؟ تحدث كريم بخشونه قائلا: آه في حاجه؟ مهما بتوتر من أسلوبه الحاد: آآ لا أصل مني كانت بتشكر فيك أوي فأنا كنت حابه نتعرف ونبقي أصحاب.
نظر كريم لها بإشمئزاز وقال بحده: أنا مبتعرفش على حد! إرتبكت مها باحراج وقالت بتلعثم: آآ طيب عن إذنك وتحركت من أمامه متجها الي مني لاحظت فاطمه من بعيد الموقف فتحدثت في نفسها قائله: ينهارك اسود ياكريم ليلتك سوده وأسرعت في إتجاهه قائله: مين البت الي كانت واقفه معاك دي ها كريم بأبتسامه: . ابدا كانت عايزه تتعرف عليا فاطمه بغيره: . نعم وانت قولتلها ايه.
أراد كريم أن يراوغها فقال بهدوء: وانتي مالك مش انتي مبتكلمنيش ايه الي جابك دلوقتي فاطمه بعصبية: يووه رد عليا قولتلها ايه كريم ضاحكا: قولتلها ماشي اتسعت عيني فاطمه قائله: ماشي! كريم باستفزاز: اها واخدت رقمي كمان إنفعلت فاطمه قائله: ينهارك مش فايت ضحك كريم بشده عليها مما جعلها تغضب أكثر قائله: وكمان بتضحك انت بجد عملت كده وادتها رقمك تحدث كريم من بين ضحكاته قائلا: لا طبعا يامجنونه.
فاطمه: ياسلام وايه الي خلاها تكلمك اصلا ها كريم: معرفش اهي تلقيح جتت فاطمه: ماشي اما نشوف اخرتها ايه معاك إقترب كريم منها وقال هامساً: الحلو غيران عليا بقا فاطمه بتوتر: لا وهغير ليه اصلا كريم بمزاح: طيب يعني مش غيرانه اروح اخد رقمها دلوقتي رفعت فاطمه حاجبيها قائله: وربنا هقتلك ضحك كريم قائلا: وربنا مجنونه.
وقفت مها بجانب مني تهز ساقيها بتوتر وإحراج مني: ههههه شكلك يفطس من الضحك وانتي راجعه قفاكي يامر عيش مها: هاها ها ده مغرور اوي معرفش فاكر نفسه ايه مني: ههههه احسن تستاهلي قولتلك مش هيعبرك مسمعتيش كلامي مها: على اساس انه بيعبرك انتي يعني مني: اها مها: باماره التطنيش الي مطنشهولك صح مني: تحبي اخليه يرقص معايا سلو دلوقتي حالا مها: تبقي جدعه وريني شطارتك يلا.
مني: اتفرجي عليا وسارت عده خطوات حتى وصلت الي كريم وفاطمه فقالت بدلال: ايه الاخبار ياجماعه مالكو واقفين ليه كده تأففت فاطمه من رؤيتها فقالت ببرود: . عادي يعني هنعمل ايه مني: ماتيجي ترقصي شويه مع البنات يابطه فاطمه: لا مش ليا في الرقص مني: انا بقا نفسي ارقص سلو اوي ممكن ياكريم ترقص معايا صُدمت فاطمه من وقاحتها وجرائتها ونظرت لها قائله: نعم!
نظر لها كريم باستحقار وقال بصرامه: ترقصي معايا أنا! إنتي شكلك مبتشوفيش لاني لو هرقص هيبقي مع مراتي الي واقفه قدامك دي ولا إنتي اتعميتي؟ صُدمت مني من رد فعله وكزت على أسنانها بغل وإنصرفت دون ان تتفوه بكلمه واحده إتسعت ابتسامه فاطمه وامسكت بيده قائله: حلوه اوي كلمه مراتي دي بحبها أوي ضغط كريم على يدها قائلا: وانا كمان فاطمه: انت كمان ايه كريم: بحبها فاطمه: هي مين؟ كريم: احم فاطمه: ها يلا قولها بقا.
كريم: اقول ايه فاطمه: اعترفلي بحبك دلوقتي كريم: هو انا لسه معترفتش فاطمه: لا لسه كريم: ممممممم لا مش دلوقتي فاطمه: اومال امتي كريم: هقولك بعدين فاطمه: لا دلوقتي كريم: تؤ تؤ فاطمه: طيب هسالك سؤال وجاوب بصراحه؟ كريم: ايه ده تصدقي انا متصورتش مع هاله اوعي بقا فاطمه: ماشي ماشي اهرب براحتك اصبر عليا بس عادت مني إلي صديقتها والحقد مسيطراً عليها بشده مها: ههههه مش قادره شكلك وحش اوي.
مني: بس ياغلسه ماشي ياسي كريم اصبر عليا بس مها: بس اقولك على حاجه شكله بيحبها اوي مش باين انه زي ما بتقولي مني: اه بس الاول مكنوش كده معرفش ايه الي شقلب حاله كده مها: لا مااصل البت مزه وتستاهل برضو مني: لازم ابعدهم عن بعض مها: لا حرام يابت عليكي دول عاملين زي العصافير مني: ششش اسكتي انتي ما تفكري معايا في حاجه اعملها دلوقتي اخليهم يتخانقو عشان استريح مها: ياساتر على قلبك الاسود فاضلك قرنين وتبقي شطان.
مني: اخرسي وفكري معايا مها: مش عارفه مني: تعالي نقوم العروسه عشان ترقص طيب يلا مها: يلا إتجهتا ٱلي هاله الجالسه في الكوشه فقالت مني مني: لولو انزلي يلا خلينا نرقص مع بعض هاله: لا انا مكسوفه مني: مكسوفه ايه يلا بس ما احمد بيرقص مع اصحابه اهو اشمعنا انتي.
ساره: يلا يالولو بقا انا هروح انده على بطه ترقص معانا واتجهت سريعا الي فاطمه واخذتها من يدها تمسكت ساره وفاطمه بيد هاله لترقصا معها وكانت مني تريد أن يراها كريم حتى يتشاجرا مع بعضهما وسرعان ما وجدها كريم فتملكه الغضب وظل ناظرا اليها حتى رفعت فاطمه عينيها وجدته ينظر لها بتحذير فتراجعت للخلف فوراً ولكن مني تعمدت أن تجذبها مره أخري ولكن سرعان ما تحدثت ساره لعدم حدوث مشكله لأختها: خلاص يامني سبيها لو سمحتي هي ملهاش في الرقص.
مني: يابنتي ده فرح وايه يعني ساره متجاهله لحديثها: روحي اقعدي يافاطمه كريم بقا على اخره نظرت فاطمه الي كريم فأشار لها بأن تأتي إليه فتملكها الخوف وقالت: إلحقيني ياساره أهو بينهدلي أعمل ايه انا مكنتش عايزه أرقص منكوا لله ضحكت ساره قائله: قوليلوا معلش وخلاص يابطه متخافيش فاطمه: لا انا هعمل نفسي مش شيفاه ومش هروحله ساره: كده هيتنرفز عليكي اكتر يلا روح وجمد قلبك يا وحش.
فاطمه: إتلهي ياساره ديما جيبنلي الكلام ضحكت ساره قائله: طب يلا يامجنونه روحي شوفي عايز ايه فاطمه: هيزعقلي طبعا انتي لسه بتسألي يلا انا اصلا مبخافش، وتحركت في اتجاهه وظلت ساره تضحك عليها وقفت فاطمه امام كريم قائله بخفوت: نعم تحدث كريم بحزم قائلا: شايفه الشباب دي كلها كانت بتبص عليكي دلوقتي تنهدت فاطمه وظلت صامته ناظره إليه تابع كريم بعصبيه: مين قالك ترقصي وتقومي من مكانك اصلا وهاله كمان ايه الي قومها؟
سحبها كريم معه خارج القاعه حيث كانت توجد حديقه في الخارج خاليه من الناس سار بها كريم حتى وقف أمام شجره ما نظرت له فاطمه قائله: في إيه نظر كريم في عينيها مباشرة واقترب منها فتراجعت فاطمه للخلف بقلق وظلت تتراجع حتى اصطدمت بظهرها في الشجره ثم حاصرها كريم بكلتي يديه قائلا: متخافيش مني يابطتي معقوله خايفه مني؟ إبتلعت فاطمه ريقها قائله: ها لا هو في ايه ضحك كريم قائلا: كنت عايز أقولك على سر.
خفق قلب فاطمه وحدثت نفسها قائله: ممم أكيد هيعترفلي بحبه دلوقتي ظل كريم يتأملها وهي شارده فقال بهمس: ايه روحتي فين يابطتي؟! انتبهت فاطمه وقالت بارتباك: مرحتش منا موجوده اهو انت كنت عايز تقول ايه؟ كريم بهمس: كنت عايز اقولك انك حلوه أوي النهارده ارتجفت فاطمه قائله: هو ده الي عايز تقولوه أومأ كريم برأسه قائلا: آه.
نظرت فاطمه الي الارض وقد توردت وجنتيها بحمره الخجل تنهد كريم بحراره ورفع أنامله ليتحسس تلك الحمره قائلا بحب: وكنت عايز اقولك حاجه تاني بدأ صدرها يعلو ويهبط بارتباك واضح وقالت بتلعثم: آآ ايه هي أراد كريم أن يراوغها فقال: ناوليني إيدك كده عشان ألبسك الدبله رفعت فاطمه حاجبيها قائله: هو ده الي عايز تقولوه؟ كتم كريم ضحكاته وأومأ برأسه قائلا: آه هاتي ايدك بقا رفعت فاطمه يداها اليمني قائله بنفاذ صبر: اتفضل.
رفع كريم حاجبه قائلا: مش دي الشمال ياوزه فاطمه: لا انا عايزه في اليمين كريم: ششش انتي مراتي يعني الدبله في الشمال يابطتي ثم أمسك يدها وألبسها الدبله برفق ثم رفع يدها الي فمه وقبلها برفق خفق قلب فاطمه بشده وقالت: آآ كريم إنت... كتم كريم فمها بيده ثم قال بحب جارف: أنا بموت فيكي أنا بعشقك أنا عديت مرحله الحب دي انا بعشقك بجنون!
كادت فاطمه أن يغشي عليها فها هو فارسها يعترف لها بحبه ولأول مره قال أعشقك وبصراحةً... أمسك كريم وجهها بكلتي يديه وقبلها من جبينها بحنان ثم همس في آذنيها قائلا: بعشقك بجنون يابطتي.
أغمضت فاطمه عيناها وبدأت تتنفس سريعا وتلقائيا إنسابت دموعها لاتعرف لماذا من الممكن ان تكون دموع الفرح أم لانها لأول مره تشعر بالحنان: الحنان الذي إفتقده منذ أن إتوجدت فهذه الدنيا أم من دفئ حضنه أم من حبه الصادق لها، حاولت أن تتمالك ولكنها لم تجرأ ان تنظر في عينيه المحدقه بها بعشق.
تنهد كريم بحب وأخذ يمسح لها تلك الدموع بتفهم ثم قال: مش عايز اشوف دموعك دي أبدا يابطتي انا عايز اشوف ضحكتك وبس ضحكتك الي نورتلي قلبي وحياتي ضحكتك الي خلتني احس اني عايش انتي حياتي وقلبي من جوه يابطتي.
ٱحتضنته فاطمه بعوفيه ودفنت وجهها في صدره حتى تفاجئ كريم وكأنها طفلته الصغيره فلقد أعلن قلبه أنه يعشق تلك الفتاه التي حطمت جميع حصونه حاوطها كريم بذارعيه وإشتد عليها كأنه يريد أن يُدخلها في قلبه ثم يغلق عليها تحدثت فاطمه ببراءه قائله: متسبنيش أوعدني مش تسبني لوحدي لاي سبب حتى لو زعلتك عاقبني براحه بس متسبنيش انا مليش غيرك.
أغمض كريم عيناه وارتسمت ابتسامه عاشقه على شفتيه ثم قال: أوعدك عمري ما هسيبك ياحبيبتي أوعدك يابطتي هفضل احبك لاخر نفس فيا هكون ليكي لوحدك يابطتي رفعت فاطمه وجهها حاولت أن تبتعد عنه قليلا ولكنه كان محكم قبضته عليها نظر لها كريم بابتسامه قائلا: بموت فيكي كانت الدماء تجري في وجهها وتتركز في وجنتيها أثر خجلها الشديد فقالت بتلعثم: آآ وو أنا كمان ضحك كريم قائلا: ده الي هو ايه بقا وضحي اكتر.
ضربته في صدره بخفه قائله: ما تسكت بقي ضحك كريم قائلا: أموت انا ابتسمت فاطمه قائله: طب يلا نرجع الفرح بقا رفع كريم حاجبه قائلا وهو يدخل يده في جيب بنطاله: إستني يابطتي نظرت له فاطمه: في ايه اخرج كريم منديلا ومسح دموعها وجهها سريعا ليزيل تلك المساحيق الموضوعه عليه فاطمه بعصبيه: ايه ده ياكريم وشي باظ كريم بجديه: ايوه كده قمر يابطتي فاطمه بطفوله: قمر ايه بس بالي انت عملته ده.
ضحك كريم ثم قال بلا مبالاه: بقولك ايه يابطتي ما تجيبي أطه كده على السريع؟ شهقت فاطمه قائله وهي ترجع للخلف: كريم عيب كده ابتسم كريم رافعا حاجبه: عيب ايه بس ثم أمسك بيدها قائلا: تعالي نرجع الفرح ده احنا ايامنا عسل ضحكت فاطمه وسارت معه متجهان الي القاعه مره أخري وما أن دخلا الي القاعه سارت فاطمه وجلست بجانب ساره ساره: كنتي فين يابطه فاطمه: هقولك بعدين.
ساره: الله حلوه اوي الدبله دي هو كريم كان بيقولك ايه بره يابت فاطمه: اسكتي بقا بكثف والله ساره: ههههه حبيبتي ربنا يسعدك يابطوطه فاطمه: ويسعدك ياسوسو ياحبيبتي واشوفك احلي عروسه مع الي يستاهلك ويعوضك خير ساره: ان شاء الله أحست فاطمه بنبره الحزن في حديث ساره فقالت: ان شاء الله مش عايزاكي تياسي من رحمه ربنا وفرجه وخديني انا مثال حد كان يصدق ان انا وكريم نبقي كده دلوقتي ساره: لا.
فاطمه: شوفتي بقا يعني احنا منعرفش بكره في ايه ولازم نتفائل ويبقي عندنا ثقه في الله ساره: ونعم بالله فاطمه: يلا بقا وريني الضحكه الحلوه ابتسمت ساره قائله: ربنا يخليكي ليا فاطمه: ويخليكي ليا ياسوسو.
انتهي الحفل ومرت الايام وفي ذات يوم كانت ساره تصعد السلم ولكنها سمعت صوت مني تتحدث وهي تصعد هي الاخري فاختبئت في زاويه ما حتى تسمع ما تقوله فكان الحديث كالتالي: ايوه يا مها كله تمام وبعت لكريم الصور من رقم غريب وبعدين رميت الخط عشان محدش يعرف اني انا الي عملت كده وزمانه قايد نار دلوقتي... صُدمت ساره وحاولت أن تجمع على من تتحدث!
كان كريم يتابع أعماله فتفاجئ بهاتفه يعلن عن وصول رساله فأمسك به وفتح الرسائل فكان محتواها صور لفاطمه وكلام يدل على أنها خائنه نظر كريم بعدم تصديق وكاد ان ينكسر الهاتف في يده من شده الغضب حدث نفسه قائلا: مستحيل لا مش ممكن ثم نهض سريعا وأخذ متعلقاته ونزل ركضاً وركب سيارته متجها الي البيت.
في نفس الحين ساره بتفكر: ياتري دي بتعمل ايه وصور مين الي بعتتها لكريم تذكرت ساره ذلك اليوم الذي أخذت مني الصور منها فقالت بذهول: لالا معقول تكون كان قصدها توقع بين كريم وفاطمه لدرجه دي قلبها اسود ياخبر انا لازم اتصرف بسرعه لازم اعمل حاجه: وبعد قليل طرق كريم الباب فركضت مني سريعا وفتحت الباب قائله: . كريم خير في حاجه كريم: اندهيلي فاطمه مني: ظهرت على وجهها علامات الفرحه، ليه في حاجه.
كريم: ميخصكيش اندهالي بسرعه ركضت فاطمه الي كريم بخضه من تلك الملامح الغاضبه فقالت: في ايه ياكريم نظر لها كريم ورفع الهاتف امام وجهها قائلا: قوليلي ايه رايك في الرسايل والصور دي؟!
رواية أحببت فاطمة الجزء الأول للكاتبة فاطمة حمدي الفصل الحادي والثلاثون
نظرت فاطمه إلي شاشه الهاتف حتى فغرت شفاها بصدمه وإتسعت عيناها بذهول قائله: إيه ده؟ تنهد كريم قائلا: أنا الي بسألك ايه ده! نظرت له فاطمه قائله: أنا معرفش ايه ده دي صوري ايه الي جابها عندك كريم بجديه: إقري باقي الرسايل كده وانتي تعرفي ايه الي جابها عندي ثم إخطتف نظره سريعه ل مني الواقفه وعلامات الشماته على وجهها.
صُدمت فاطمه من تلك الرسائل وقالت بدفاع: معرفش انا مش قادره اصدق عنيا ايه ده والله العظيم مااعرف حاجه من الكلام ده تحدثت مني بتشفي قائله: هو في ايه وريني كده: ايه ده معقوله ياخبر بس بطه لا يمكن تعمل كده: نظرت فاطمه الي كريم الواقف يتابعها بوجه خالي من أي تعبير ثم قالت بتوسل: كريم انا معرفش ايه ده والله صدقني.
ظل كريم صامت وبنظرات غامضه كان يتابع حديثها مما جعل فاطمه تدمع خوفاً من أن يكون صدق عليها هذه الأدعأت مني ويكاد قلبها يرقص فرحا: ياربي معقوله انتي تعملي كده يابطه مش ممكن استهدي بالله ياكريم اكيد في سوء تفاهم تحدثت فاطمه بدموع وتوسل قائله: انا مش ممكن اعمل كده اكيد في حاجه غلط وحد عايز يفرقنا كريم بهدوء: ومين بقا من مصلحته يعمل كده وعشان ايه بيعمل كده!
مني بحقد: . يعني مين يابطه الي ممكن يعمل كده مفيش حد عايز يفرقكو عن بعض ليه بتقولي كده فاطمه بحزن والدموع تنساب من عينيها: ياكريم والله انا عمري ما عرفت حد غيرك اوعي تصدق الله يخليك والله مااعرف حاجه عن الكلام ده إقترب كريم منها ناظرا الي عينيها ثم أمسك وجهها بكلتي يديه قائلا: انا عارف ياقلب كريم وتفتكري ان انا ممكن اصدق حاجه زي كده وادي فرصه لحد قذر يفرح ويشمت فينا.
صُدمت مني ووقع حديثه عليها كالصاعقه إتسعت عيناها بذهول وارتبكت بشده تنهدت فاطمه بارتياح قائله: يعني انت مش مصدق الكلام ده إبتسم كريم ومسح دموعها بأنامله وقال: لا طبعا ياحبيبتي ده حد واطي حب يبعدك عني بس ده بعده ونجوم السما اقربله ولا ايه يامني؟ مني بتوتر: نعم اه اكيد ربنا يسعدكو كريم: . تفتكري مين ممكن يكون بعتلي الصور دي وياتري جابها منين وليه بيعمل كده مني: مش عارفه.
كريم بسخريه: ازاي بقا اومال مين الي يعرف ومين معاه صور فاطمه غيرك انتي وساره وهاله وجميله وطبعا محدش منهم ممكن يعمل كده ابدا مني: يعني ايه تقصد ان انا الي عملت كده كريم: عليكي نور مني: لا على فكره انا مسمحلكش وانا ايه مصلحتي في كده كريم: مش عارف اسالي نفسك او اسالي ساره الي اخدتي منها الصور على اساس انك تحتفظي بيها وقفت رجاء مذهوله وهي تستمع لذلك الحوار الدائر بعدم تصديق.
ابتلعت مني ريقها بتوتر وقالت: لا انا معملتش كده وهعمل كده ليه رفع كريم حاجبه قائلا بقوه: عشان فاطمه احسن منك ومن الف زيك وانتي بقا لازم تجبيها الارض عشان تستريحي بس سبحان الله ربنا مبيرضاش بالظلم ابدا وبينك على حقيقتك مني بانفعال: انا لا انت كذاب ابتسم كريم بسخريه وقال: وساره كمان كذابه الي سمعتك وانتي طالعه وبتكلمي صحبتك؟ إتسعت عينا مني قائله: ساره!
تحدثت ساره قائله: اه انا سمعتك بوداني دي وانتي بتتفقي مع صحبتك انك بعتي الصور لكريم مني بصياح: محصلش انتي كذابه ساره بهدوء: الكذابه دي انتي: الحمدلله ان ربنا كشفك على حقيقتك هزت فاطمه رأسها غير مستوعبه ما يقال فقالت: انا مش فاهمه حاجه ايه الي حصل؟! تنهد كريم قائلا: انا هقولك ايه الي حصل (فلاش باگ).
كان كريم يقود السياره بجنون وعصبيه متذكراً لذلك الماضي الأليم كان يرجع بذاكرته حين إنجرح منذ سنوات وكأن الجرح كان على وشك أن ينفتح من جديد وينزف ولكن سرعان ما آفاق من شروده على صوت هاتفه وهو يرن فأجاب عليه قائلا: ألو تحدثت ساره سريعا: كريم هو في رسايل دلوقتي جتلك بخصوص فاطمه أختي عقد كريم حاجبيه قائلا: أه وانتي عرفتي منين؟
ساره: كريم أوعي تصدق أنا سمعت مني وهي بتكلم صاحبتها وبتقولها إن هي بعتتلك صور وزمانك على نار ضيق كريم عيناه قائلا: مني! ودي ايه دخلها في الحوار ساره: عايزه توقع بينك انت وفاطمه هي من مده اخدت مني صور لفاطمه وقالتلي هتحتفظ بيها وانا بعتهلها ومكنتش أعرف انها ناويه تعمل كده صدقني ياكريم اختي لا يمكن تعمل كده أغمض كريم عيناه بألم وقال: يابنت المؤذيه ايه الحقد ده.
تنهدت ساره بارتياح: منها لله المهم دلوقتي اني لحقتك قبل ما تتصرف اي تصرف تندم عليه تنهد كريم قائلا: متشكر جدا ياساره كويس اوي انك كلمتيني دلوقتي ساره: الحمدلله انا هقفل بقا ومش هجيب سيره اني كلمتك كريم: تمام يلا سلام وأغلق الخط باگ: إتسعت عيني فاطمه ونظرت الي مني قائله: طب ليه انا عملتلك ايه؟ اذيتك في ايه! مني بتلعثم: دول كذابين انا معملتش كده.
إقتربت رجاء من إبنتها ثم قالت بنفاذ صبر والغضب يتملكها: الكلام ده صح؟ انتي فعلا عملتي كده لقد أحست مني انها تحاصرت من جميع الاتجاهات فلا مفر فقد انكشفت امامهم فظلت صامته لايجاد حواراً ولكنها عجزت كزت رجاء على اسنانها وقالت بعصبيه: انطقي انتي عملتي كده ساكته ليه ما تدافعي عن نفسك اتكلمي.
لم يأتيها رد من ابنتها فعلمت انها فعلت ما يقوله فخرجت عن شعورها تماما ورفعت يدها للاعلى لتهبط على وجهها بصفعه جعلتها تتراجع للخلف ثم انهالت والدتها عليها بالصفعات المتتاليه وجذبتها من شعرها قائله بخيبه امل: ليه كده لييه بتعملي فيا كده منك لله منك لله ياشيخه تقدمت هاله حتى تخلصها من يديها قائله: اهدي ياعمتو اهدي تدخلت ساره وحاولت ان تهدئ عمتها قائله: صلي على النبي ياعمتو واستهدي بالله.
تركتها رجاء وهي تلهث بشده قائله: اعتذري، يلا دلوقتي حالا تعتذري لكريم وفاطمه ظلت مني تبكي بحرقه وهي ممسكه بخصلات شعرها التي ألمتها بشده انفعلت رجاء مره ثانيه وكادت ان تصفعها ولكن سرعان ما تدخلت هاله لابعادها قائله: كفايه ياعمتو الله يخليكي كفايه تحدثت رجاء بعصبيه: انطقي واعتذري قبل مااقطعك بسناني تحدث كريم بجديه قائلا: مفيش داعي ياعمتي خلاص رجاء بتصميم: مش ممكن هتعتذر يعني هتعتذر انطقي يابت.
مني من وسط شهاقتها: آآ انا اس اسفه يافاطمه انا اس اسفه ياكريم تنهدت رجاء قائله: خشي بسرعه البسي يلا عشان هنمشي ركضت مني الي الداخل وهي تتمني ان الارض تنشق وتبتلعها ظلت تبكي بحرقه فلقد انكشفت واصبحت غير قادره على ان ترفع وجهها فيهم جميعاً تحدثت فاطمه قائله: متمشيش ياعمتو ليه هتسبينا رجاء بتنهيده: خلاص انا مبقاش ليا وش اقعد هنا انا اسفه على الي بنتي عملته لحد هنا وكفايه.
فاطمه بتفهم: انتي ملكيش ذنب ياعمتو رجاء بتصميم: لا معلش انا لازم امشي واسفه ياكريم على الي حصل كريم بهدوء: لا ياعمتي انتي ملكيش ذنب متتأسفيش أومأت رجاء برأسها قائله: عن اذنكم ودخلت الي الغرفه وبدلت ثيابها سريعا واخذت متعلقاتها وانصرفت هي وابنتها... ساره: انا هدخل اذاكر هاله: خديني معاكي ياسوسو ٱقترب كريم من فاطمه وأمسك بيدها ثم قال: بحبك أشاحت فاطمه بوجهها بعيدا وقالت: انا زعلانه منك.
تنهد كريم قائلا: ليه يابطتي عملت انا ايه بقا دلوقتي فاطمه: لو ساره مش كانت كلمتك كان زمانك صدقت الكلام ده والله أعلم كنت عملت فيا ايه أمسك كريم وجهها بكلتي يديه قائلا: ممكن متفكريش في الي حصل ياحبيبي وسيبك من ده كله الحمدلله ان ربنا أظهر الحقيقه فاطمه بتصميم: قولي بصراحه لو ساره مكنتش كلمتك وقالتلك على الي حصل كان زمانك صدقت وشكيت فيا؟ كريم وهو ينظر في عينيها: لا.
فاطمه: لا انت مش بتقول الحقيقه اكيد كنت هتشك فيا تنهد كريم قائلا: . انا انسان طبيعي يابطتي ومكدبش عليكي اول ما شفت الصور والرسايل حسيت بنهيار بس برضو مكنتش قادر اصدق وكنت جاي عشان اسالك بس ساره اتصلت بيا بقا وريحتني فاطمه ببراءه: يعني انت مكنتش هتسبني وتتخلي عني من غير ماتسمعني كريم بابتسامه: لا يابطتي المهم ان الحقيقه بانت قبل اي حاجه تنهدت فاطمه قائله: طيب انا عاوزه اسالك سؤال تاني.
كريم بمزاح: لا كده كتير عليا انا هنزل انام ضحكت فاطمه قائله: لا عشان خاطري كريم: اسالي تنهدت فاطمه ناظره إلي عيناه: انا عرفت من هاله انك كنت بتحب زمان وبعدين انت كرهت البنات كلها من ساعتها تحولت ملامح كريم للغضب سريعا وقال: لا ارجوكي متفكرنيش يافاطمه ومتفتحيش الموضوع ده تاني خالص فاطمه بخفوت: انا عايزه اعرف ايه الي حصل.
كريم بنفاذ صبر: . لا كل الي اقدر اقولهولك اني اتوجعت واتجرحت جرح عشت بي بينزف لحد ما جيتي انتي وداويتي الجرح وابتدي يخف على ايدك ورجعت احسن من الاول فاطمه بغيره: كنت بتحبها؟ ابتسم كريم ثم احتضنها بشده قائلا بهمس: بحبك انتي: انتي وبس حبيبتي أغمضت فاطمه عيناها بقشعريره وقالت بهمس: وانت كمان حبيبي انا وبس ابعدها كريم قليلا ثم غمز لها قائلا: حاف كده؟ نظرت فاطمه الي الارض بخجل قائله: يووه بطل بقي.
تحسس كريم وجنتيها قائلا: اتدلع براحتك بكره يتقفل علينا باب واحد وساعتها بقا ه... وضعت فاطمه يديها على فمه قائله: انت قليل الادب ياكيمو ضحك كريم قائلا: وانتي قلب كيمو ثم تابع بابتسامه انا هنزل بقا عايزه حاجه فاطمه: لا انا هذاكر بقا امتحاناتي قربت وانا خايفه اوي ومش مذاكره كويس بسبب الفتره الي فاتت كريم: متخافيش طول مانا معاكي وذاكري كويس وان شاء الله هتنجحي بامتياز.
فاطمه: ماشي بس انا ممكن اسالك سؤال تاني؟ كز كريم على اسنانه بنفاذ صبر ثم قال بصوت عالي: هاله انا نازل هتيجي معايا هاله من الداخل: . جايه ياكيمو ضحكت فاطمه بشده عليه فضحك كريم قائلا: مجنونه أقبلت عليهما هاله قائله: يلا ياكيمو لف كريم ذراعه حول كتف أخته ثم قال: يلا يالولو هاله وهي تغمز لفاطمه: سلام يابطوط ضحكت فاطمه قائله: سلام يالولو غمز كريم لها ثم دفع لها قبله في الهواء قائلا: ذاكري كويس.
توردت وجنتي فاطمه بشده وقالت بخفوت حاضر مرت الأيام على أبطالنا فقد إجتهدت ساره أشد اجتهاد وعزمت على أنها لابد من أن تحقق ذاتها عزمت على أن تسير دون ان تلتف خلفها مره ثانيه ولن تنظر لتلك المحاولات في توقيعها مره ثانيه ولن تدخل عليها أي كذبه مره أخري بأسم الحب فالحب ليس هكذا! قال تعالي(وليس البر بأن تأتوا البيوت من ظهورها ولكن البر من أتقي وأتوا البيوت من أبوابها وأتقوا الله لعلكم تفلحون).
الرجل ياعزيزتي سيفعل كما أمر الله ويأتي اليكي ويتقدم لخطبتك رسمياً أما غير ذلك فلتعلمي أنه كاذب... كانت فاطمه تجتهد هي الاخري وتتابع مذاكرتها بتشجيع كريم الذي كان معها خطوه بخطوه ويوميا مما جعلها أكثر اشراق فلقد ملاء عليها حياتها وأصبح لها الحياه وما فيها... في ذات يوم كان الباب يطرق بشده فأسرعت فاطمه وفتحت لتري المفاجآه وتقول بفرحه: جميله.
جميله: راح يشوف اهله كان عايزني اروح معاه لكن مقدرتش اصبر وصلني ومشي نظرت فاطمه الي بطنها قائله: ما شاء الله حبيب خالتو ضحكت جميله: حبيبه خالتو بقا عشان هي بنوته فاطمه: ما شاء الله حبيبتي ربنا يقومك بالسلامه يارب جميله: عقبالك يابطوطه قوليلي صحيح عامله ايه مع كريم فاطمه: احم كله تمام جميله: ده تمام التمام باين اوي عليكي ضحكت فاطمه قائله: بس بقا ياجوجو بكثف والله.
ضحكت جميله قائله: فين البت ساره ده انا هموت واشوفها فاطمه: راحت تشوف النتيجه زمانها جايه ربنا معاها يارب جميله: بالنجاح يارب طب فين هاله وعمي وابوكي فاطمه: هاله تحت دي هتفرح اوي لما تشوفك والباقي في الشغل جميله: وعمتي فين؟ فاطمه: اسكتي اسكتي مش حصل، وقصت لها ما حدث مما جعل جميله تشهق قائله: ليه كده يخربيتها معقوله فاطمه: اه والله يلا الله يسامحها بقي جميله: الحقد يعمل اكتر من كده.
خفق قلب فاطمه وجميله بشده وتحدثتا الاثنان بفرحه: اييييه ٩٩٪ ضحكت ساره قائله: والله مش مصدقه نفسي فاطمه: الف حمد وشكر ليك يارب لولولولولولي ضحكتا جميله وساره بشده على أختهما صعدت هاله درجات السلم سريعا بفرحه وما ان رأت جميله أقبلت عليها واحتضنتها قائله: حمدلله على السلامه ياجوجو وحشتيني اوي جميله: وانتي كمان ياحبيبتي وحشتيني موت والله طمنيني عليكي.
هاله: الحمدلله تمام ربنا يقومك بالسلامه ونفرح بالنونو بقا جميله: يارب حبيبتي عقبالك ومبروك على الخطوبه وكتب الكتاب ربنا يسعدك يالولو هاله: ويسعدك يارب ياجوجو فاطمه: ساره جابت ٩٩٪ يالولو مش مصدقه هاله: لا مش معقوله الف مليون مبروك ياسوسو ياحبيبتي مجموع يشرف بجد ما شاء الله ساره: الله يبارك فيكي يالولو انا هموت من الفرحه الف شكر ليك يارب هاله: ربنا يديمها فرحه عليكي ياحبيبتي.
فاطمه: لالا لازم كمان زغروطه لولولولولولي ضحكن ثلاثتهن على فاطمه بشده حتى قالت جميله: يخربيت جنانك ضحكتيني اوي هاله: عقبال نتيجتك يابطوط فاطمه: ربنا يستر عليا بس مش مشكله مهما كانت انا فرحتي بساره متتقدرش والله ساره: ربنا يخليكي ليا يابطوط فاطمه: انا هروح اتصل بكريم وافرحو معانا بقا جميله: ايوه ياعم حدش قدك روح يا عم فاطمه: ههههه عن اذنكو بقا وإتجهت فاطمه الي الداخل وإتصلت عليه فأجاب عليها قائلا: حبيبي.
فاطمه: كيمو كريم: قلب كيمو فاطمه: عندي ليك خبر حلو اوي كريم: خير يابطتي فاطمه: ساره نجحت وجابت ٩٩٪ كريم: لا والله الف مبروك برافو عليها بجد شطوره وتستاهل فاطمه: انا فرحانه اوي ياكريم بجد ومش مصدقه كريم: عقبالك حبيبتي عايز مجموع يشرف زي ده ها فاطمه: لا زي ده متحلمش انا لو عديت بمقبول يبقي كويس كريم: ههههه فاشله يابطتي فاطمه: لع انت الي شغلتني عن المذاكره ونستني كل حاجه ده انا حتى نسيت اسمي بسببك.
كريم: ههههه حبيب قلبي مش مهم اي كانت النتيجه المهم ان دي اخر سنه وهتتخرجي وبعدين بقا هتبقي ملكي انا وبس فاطمه: احم احم بس بقا بكسف كريم: بحبك بقا فاطمه: وانا كمان كريم: ايه يابطتي مش بسمع كويس بتقولي ايه فاطمه: ههههه بقولك بحبك اوي كريم: وانا بموت فيكي فاطمه: طب انا هقفل بقا صحيح جميله جت كريم: طب كويس يابطتي سلميلي عليها فاطمه: حاضر يلا سلام بقا كريم: سلام يابطتي.
جميله: ها قولتي لكريم فاطمه: ايون وفرح اوي جميله: ياجمالو ياخراشي على الرقه صحيح الحب بهدله هاله: هههههههههههه فاطمه: متكسفونيش بقا الله جميله: ههههه انا مش مصدقه ان انتي وكريم بقيتو كده وربنا هاله: ههههه ولا انا والله ده كريم حاله اتغير خالص والبت بطه شقلبت كيانه وكعبلته في حبها فاطمه: لا هو الي كعبلني ياختي انا مكعبلتش حد جميله: المهم انكو وقعتو انتو الاتنين دي معجزه اصلا سبحان الله قادر على كل شئ.
هاله: فعلا ونعم بالله قوليلي بقا ياسوسو ناويه تدخلي كليه ايه ساره: والله ما كان على بالي حاجه بس لما جبت المجموع ده قررت ادخل طب هاله: ايوه بقا هيبقي في عليتنا دكتوره وكده جميله: ربنا يوفقك ياسوسو بس فكري كويس عشان متبقاش صعبه عليكي ساره: ان شاء مفيش حاجه صعبه ومفيش مستحيل طول ما ربنا موجود فاطمه: برافو عليكي ياسوسو هو ده الكلام ربنا يوفقك يارب.
مرت عده أيام وفي ذات يوم كانت نتيجه فاطمه وهي الآن في طريقها مع كريم والخوف والقلق يتملكانها بشدة... كريم: متخافيش يابطتي خير ان شاء الله فاطمه: خايفه اوي ياتري مكتوبلي ايه كريم: كل خير ان شاء الله فاطمه: بس انا خايفه كريم: يووه متخافيش بقا قولنا فاطمه: لا انا خايفه اوي والله كريم: لا انا كده هقلب على الوش التاني قولنا متخافيش الله فاطمه: مش تزعقلي كده مخمصاك.
كريم: ههههه مجنونه في حد يهزر وهو رايح يشوف النتيجه فاطمه: اعمل ايه منا خايفه كريم: انتي علقتي على كلمه خايفه وربنا زهقتيني فاطمه: ههههه ادعيلي طيب منا خايفه اعمل ايه كريم: يخربيت الخوف ربنا معاكي حبيبتي ان شاء الله ناجحه ها يلا وصلنا فاطمه: يلا ربنا يستر استني انت هنا مش تنزل من العربيه كريم: ليه بس فاطمه: لا تنزل فين في بنات كتير بتشوف النتيجه ويعدو يعاكسوك بقا عشان اقتلك.
كريم: ههههه انتي في ايه ولا ايه يامجنونه فاطمه: استناني هنا لو جيت مكشره يبقي سقط ماشي كريم: بعد الشر امشي يلا انا مستني اهو تحركت فاطمه ودلفت من باب الجامعه وظل كريم منتظرها في السياره وبعد مرور الوقت خرجت وهي تطصنع التكشيره وما ان وجدها كريم ترجل من السياره قائلا: في ايه يابطتي فاطمه: اهئ اهئ كتم كريم ضحكاته على مزاحها الطفولي وقال: يابنتي خلصي فاطمه بهدوء: . كريم كريم: تصدقي هضربك اخلصي وبطلي تمثيل.
فاطمه: هيييه نجحت ياكيمو وببراءه احتضنته بشده نجحت نجحت ضحك كريم واحتضنها قائلا: مبروك ياروح قلبي ابتعدت فاطمه عنه قائله: يلا بقا خرجني بمناسبه النجاح كريم: لاااا عندي شغل لما اخلص اخرجك فاطمه بتصميم: لاااا مش ليا دعوه عشان خاطري الله يخليك ياكيمو والله هعيط بس ضحك كريم قائلا: اركبي طيب يامجنونه فاطمه: لا مش هركب الا لما توعدني هتفسحني ولا لا كريم: افسحك فين بس يابطتي تعالي اشربك عصير قصب واروحك يلا.
فاطمه: عصير قصب دي اخرتها طب وايس كريم كمان ووديني الكورنيش يلا بقا اوعي تتكلم يلا كريم: ههههه طب اركبي ركبا الاثنان وانطلق كريم بالسياره فاطمه: هيييه فرحانه اوي بقا كريم: تعالي هنا قوليلي تقديرك ايه فاطمه: جيد جدا بلا فخر كريم: بس كده فاطمه: ايه مش عاجبك كريم: لا كنت عايز امتياز مع مرتبه الشرف فاطمه: لا كده رضا اوي المهم اني عديت اصلا كريم: ماشي عقبال الفستان الابيض بقا فاطمه: احم احم.
كريم: ياجمالو وهو مكسوف أموت انا فاطمه: بس بقا ياكيمو كريم: ههههه طب يلا الكورنيش اهو صف سيارته وترجل منها فأمسكت فاطمه بيده وسارت معه بسعاده فاطمه: هيييه البحر اهو ياكيمو اول مره اشوفه وش لوش كده كريم: اول مره تشوفي كورنيش النيل قولي وربنا فاطمه: ههههه اه وربنا دي اول مره اخرج فيها في حياتي كريم: ومش هتبقي اخر مره وربنا يقدرني واسعدك ديما ياحبيبي فاطمه: ربنا يخليك ليا ياكيمو كريم: ويخليكي ليا ياقلب كيمو.
رواية أحببت فاطمة
