رواية إمرأة في عصمة صعيدي للكاتبة سلسبيل كوبك الفصل العشرون
ديما(بدموع): جاسر هو ده اللي كان خاطفني يا جاسر.. جاسر قرب من الشخص اللي قدامه و ضربه بوكس.. عامر(بابتسامة استفزاز): ايه ده وجعتني؟ جاسر مسكه من قميصه بغضب.. جاسر(بغضب): ايه اللي جابك يا عامر؟حسابك لسة مجاش بس صدقني حق مراتي مش هيروح كدة، فاهم؟ حسن: سيبه يا جاسر.. حسن(بحدة): قولت سيبه يا جاسر... جاسر زق عامر بغضب.. خالد: جاي ليه؟
عامر(ببرود): تصدق عرفت تختار يا جاسر، جمال اناقة رقي فلوس و طلعت اصيلة اوي... حسن: كلامي مع ابوك يا عامر امشي من قدامي.. عامر: ماشي، بس هأخد حق اخويا دم اخويا مش رخيص يا حاج حسن.. عامر كان هيمشي بس رجع تاني.. عامر: ناقصها القوة، و لما نيجي نذكرك في الموضوع ده مش هنلاحق صح يا جاسر.. عامر رمي بوكيه الورد اللي كان في ايده في وش ديما و سابهم و مشي بكل برود و استفزاز... ديما(بعياط): هو هيرجع تاني؟
جاسر قرب من ديما و خدها في حضنه تحت نظرات سارة اللي لو كانت بتقتل كان زمان ديما و جاسر ميتين.. جاسر: يلا يا جماعة هنروح... دنيا: هو فعلا ممكن يخطف ديما تاني؟ خالد(بعصبية): يعني احنا مش عايزين نخوفها انتي ايه نظامك.. دنيا: خلاص اسفة.. دعاء: ما احنا مجبناش هدوم ليها... ديما: عايزة اشوف حازم... خالد: هبات معاه النهاردة متخافيش.. فتحية: خلاص يا دعاء باتي مع خالد.. حسن: ليه؟ فتحية: برضو لو احتاجوا اي حاجة..
حسن: ماشي.. دعاء بصت بغيظ لمامتها، ديما قعدت على السرير.. فيروز: طب و التحاليل مين هيشلها؟ على: نادي الدكتور يا خالد.. ديما: لا لا هشيلها انا.. ديما بدأت تفك المحاليل من ايديها و نزلت دم.. ديما: هات مناديل.. جاسر مسح ليها الدم اللي على ايديها، و ديما لسة هتمشي.. جاسر: استني.. ديما: ايه؟ جاسر قلع الجاكت بتاعه لبسه لديما و حط ايده على خصرها و مسك ايديها و مشاها جمبه... اسماء: حاسبي لتقعي يا بنتي..
جاسر: انا معاها... على: هنسبق احنا، يلا يا ايمن.. و الكبار مشيوا قدام جاسر و ديما، و جمبهم فيروز و دنيا.. اما خالد و دعاء راحوا اوضة حازم و قعدوا جمبه.. جاسر: قادرة تمشي؟ ديما: اه الحمد لله.. جاسر: الزفت ده عملك حاجة؟ ديما(بعدم فهم): قصدك مين؟ جاسر: هيكون مين اللي خطفك، عامر.. ديما: اه اه فهمت، لا معمليش حاجة.. جاسر: احكيلي ايه اللي حصل؟ ديما: و النبي يا جاسر مش قادرة اتكلم.. جاسر: طيب..
الكل ركب العربيات و وصلوا للبيت... جملات: يلا يا جاسر خد مراتك و اطلعوا على فوق... جاسر: ماشي.. سارة طلعت بكل غضب من قدامهم، و وراها عبير.. ايمن: بعتذر هتلاقيهم تعبانين بس.. حسن: مفيش حاجة.. على: عن اذنك يا كبير، يلا يا اسماء.. اسماء: يلا يا حاج.. و الكل ابتدئ يطلع لاوضته.. فيروز: عايز حاجة يا جاسر؟ جاسر: لا شكرا.. دنيا: باي يا ديما لو عوزتي حاجة اتصلي بيا.. ديما: تليفوني مش معايا وقع مني للاسف..
جاسر: هبقي اجبهولك، يلا بقي.. و الكل طلع لاوضته و هو تعبان و مجهد.. عند جاسر و ديما... جاسر: اطلعلك هدوم؟ ديما: تمام شكرا معلش هتعبك معايا... جاسر دخل و دور في هدوم ديما و مش عارف يجيب ايه، لقي ديما واقفة جمبه.. جاسر: ايه؟ ديما: مش هتعرف تختار ليا لبسي اخرج عقبال ما اختار هدوم... جاسر: تمام.. ديما اختارت ليها ترنج، و قلعت الصندل و قلعت الحلقين و الدبلة و السلسة، و خدت هدومها و دخلت الحمام...
جاسر غير هدومه و لبس بنطلون و تي شيرت بيتي... ديما خدت دوش و خرجت لابسة ترنج شتوي و لكلوك.. جاسر(برفعة حاجب): هو الشتاء جه و انا معرفش؟ ديما(باحراج): لا انا بس سقعانة اوي.. ديما جريت على السرير و نزلت تحت البطانية و انكمشت على نفسها و ودت ضهرها لجاسر.. ديما: بليز متنساش تطفي النور... بعد دقيقتين لقت النور اطفي و جاسر بدأ يطلع على السرير علشان ينام، و لقته حضنها و قربها منه.. ديما: ايه ده؟
جاسر: علشان تدفئ و انجزي نامي.. ديما لفت وشها لجاسر و خبت وشها فيه و حضنته لانها فعلا كانت سقعانة... جاسر اتفأجئ من حركتها، و حضنها لغاية ما نامت... جاسر(لنفسه): يا رب فكها من عندك...
-في الصباح الباكر... في المستشفي.. حازم كان بيبدأ يفوق و يفتح عينه.. حازم: في حد هنا؟ حازم: مين يعني هيعبرني؟ دعاء: بتكلم نفسك؟ حازم(بصدمة): انتي هنا؟ دعاء: اه.. حازم: لوحدك؟ دعاء: لا خالد اهو نايم على الكنبة اهو، و انا كنت نايمة على السرير التاني... حازم(بفرحة): و الله انتوا اجدع من ناس انا اعرفها... حازم: ديما اخبارها ايه؟
دعاء: اللي خطفها جه هنا و اتخانق مع جاسر، و ديما يعني شبه كويسة و جاسر خذها و روحها.. دعاء: انت عايزني اعملك حاجة؟ حازم: لا شكرا.. دعاء: طيب هصحي خالد.. دعاء: خالد خالد خالد.. خالد(بنوم): ايه يا دعاء؟ دعاء: حازم فاق.. خالد قام و اتعدل و قرب من حازم... خالد: اخبارك يا بطل؟ حازم: الحمد لله بخير، متشكر جدا ليكوا.. خالد: هغسل بس وشي و اروح انادي الدكتور... حازم: و لا يهمك.. خالد غسل وشه و خرج من الاوضة..
حازم: انتي منمتيش من امبارح؟ دعاء: مبعرفش اتعود على اي مكان بسرعة.. حازم: اسف خليتك صاحية.. دعاء: و لا يهمك انت زي اخويا... الدكتور: صباح الخير.. حازم: صباح النور.. الدكتور: لا احسن من امبارح بكتير الحمد لله، تقدر تروح النهاردة.. خالد: شكرا يا دكتور.. حازم: متشكر لحضرتك.. الدكتور: على ايه بس؟ دعاء: طب يلا... و الكل جهز و خالد سند حازم.. حازم: هي رجلي اللي اتصابت و لا ايه؟
خالد: تصدق ياض انت مبيطمرش فيك اي حاجة، غور.. حازم(بضحك): ليه قفوش يا بيبي؟ خالد: بيبي! انشف ياض.. و ركبوا العربية و وصلوا للبيت بعد فترة... خالد: انزلي يا دعاء يلا خشي.. دعاء: تمام.. خالد: يلا يا ابني.. و دعاء اول حاجة نزلت و دخلت البيت... حازم: اه اسندني يا خالد.. خالد: ياض بطل هزار شوية و خليك جد.. حازم: تعالي ليا بس و انا متعصب و لا و انا في شغلي، لا هعجبك على فكرة.. خالد: طب يلا..
خالد و حازم دخلوا للبيت.. فيروز: حمد لله بالسلامة.. حازم: الله يسلمك... جملات: نورت يا ابني.. حازم: بنورك يا طنط.. فتحية: يلا تعالوا ده احنا مكلناش بقالنا يومين.. حازم: اه و الله جعان.. اسماء: طب يلا حد يطلع يصحي جاسر و ديما.. سارة: هطلع انا.. سارة طلعت لاوضة جاسر و ديما، و خبطت الباب مرة اتنين تلاتة.. سارة(بغيظ): نوم الهناء منك ليها.. سارة خبطت تاني... جاسر(بصوت نوم): حاضر ثانية..
جاسر لسة هيقوم لقي ديما مكساه و مش عايزة تسيبه، جاسر شال ايديها لقاها حضنته من خصره و نامت.. جاسر: ديما اصحي يلا، وسعي.. جاسر: مين؟ سارة(بغيظ): انا يا عرايس.. جاسر: طيب يا سارة جاي... سارة: طيب.. جاسر: يا ديما قومي بقي... ديما فتحت عين و قافلة التانية.. ديما: في ايه؟ جاسر: قومي مش عارف اقوم منك.. ديما(بوعي): ايه ده؟اسفة و الله اسفة لما بحضن حد و انا نايمة مبسبهوش اسفة... ديما بعدت عن جاسر و نامت هي المخدة..
جاسر: ناوية تكملي نوم قومي.. ديما: طيب انزل انت و انا وراك.. جاسر: مش ضامنك.. جاسر قام غير هدومه، لقي ديما لسة على السرير بس قاعدة عليه.. جاسر سابها و نزل... جاسر: صباح الخير.. الكل: صباح النور.. جاسر: حمد لله بالسلامة.. فتحية: ايه ده يا ديما؟ ديما(بنوم): ها ايه؟ ديما راحت قعدت على الكرسي اللي جمب جاسر و هي نايمة... اسماء: حد يلبس شتوي في الصيف؟ دنيا: لا هي ديما ساعات بتسقع فجأة و من غير سبب..
ديما شاورت على دنيا بمعني جيد Good.. حازم: الهبلة اهي.. ديما: ايه ده انت رجعت؟حمد لله السلامة اسفة لانك كدة بسببي... حازم: و لا يهمك يا حبيبتي.. ديما بدأت تأكل و الكل بدأ يأكل.. تهاني(بتوتر): علاء بيه بره يا حاج... حسن: فهمته يا ايمن؟ ايمن: اه يا كبير.. حسن: دخليه.. اول ما علاء دخل عبير جريت عليه حضنته... عبير: حبيبي اخبارك بتأكل عامل ايه طمنني عليك يا حبيبي.. علاء: انا كويس يا اما امي.. ايمن: علاء..
علاء قرب من جاسر و ديما و وطي رأسه في الارض.. علاء: انا اسف يا ابن عمي، اسف يا بنت عمي.. علاء: يا ريت تقبلوا اعتذاري بعد اذنكوا.. ديما: و لا يهمك... جاسر: تمام... حسن: روح اقعد مكانك.. علاء راح و بدأ يأكل... ديما: لقيت تليفوني يا جاسر؟ جاسر: تليفونك فوق... دنيا: انا كان عندي اقتراح ليك يا عمو حسن... حسن: قولي...
دنيا: ايه رأيك حضرتك انت و طنط فتحية و عمو على و طنط اسماء و عمو ايمن و طنط عبير تخرجوا تتفسحوا تسافروا بلاد العالم.. ديما(بفرحة): الله فكرة حلوة اوي.. فتحية: لا طبعا احنا كبرنا، لا لا.. حازم: ليه بس؟بلاد برة حلوة اوي و خصوصا لو سافرت سويسرا هظبطك انا بقي.. دعاء: فكرة حلوة اوي يا بابا.. فيروز: ايوه ايه رأيك يا بابا؟ حسن: هنبقي نفكر.. ديما(بفرحة): Yes... جاسر: هما كانوا وافقوا؟
ديما: معني انه هيفكر يبقي الموضع في دماغه، و ممكن يوافق.. على: هبلة انتي و الله.. ديما: بس طيوبة.. جملات: هخاف منك كدة.. ديما(بضحك): ليه بس؟ جملات: طيبة اه بس لما تقلبي هتقلبي.. ديما(بضحك): لا متخافيش و هقلب ليه... حسن: تعالوا ورايا.. جاسر و خالد: حاضر يا حاج.. حازم: و انا كمان؟ حسن: اه، يلا.. كل الرجالة راحت على اوضة المجلس.. اسماء: انا مش متفائلة خير... سارة: انا هروح اجيب طلب.. عبير: راحة فين؟
سارة: مشوار مهم البت سعاد كانت محتجاني هروح ليها.. عبير: ماشي.. سارة طلعت لبست هدومها و خرجت من البيت.. سارة راحت للكوخ المهجور القريب من البيت، و كان فيه مازن.. مازن: اتأخرتي يا سارة؟ سارة: اسفة يا حبيبي، وحشتني اوي.. مازن خدها في حضنه و باس رأسها.. مازن: و انتي اكتر، اخبارك؟ سارة: مش بخير، بكدب على جاسر و انا مش بحبه.. مازن: معلش يا حبيبتي علشان نعرف نكون مع بعض.. سارة: ماشي يا حبيبي.. مازن: علاء رجع؟
سارة: اه و انا و اما امي فكرنا في حاجة حلوة.. مازن: ايه؟ سارة: هنخلي ديما تخون جاسر مع علاء و جاسر يطلقها و علاء يتجوزها و نأخد فلوسها... مازن: عفارم عليكي يا بنت جلبي.. سارة: هنتقم من ديما، الكل بيحبها و مش بيحبني.. مازن: و انا معاكي يا حبيبتي... و بعد فترة رجعت سارة البيت و اتصدمت... ديما(بمكر): تعالي يا سارة مش سعاد جت تزورنا... سارة(بتوتر و ارتباك): بجد ده انا ملقتهاش هناك، كويس انها جت..
سارة(بابتسامة مصطنعة): وحشتيني يا سعاد يا حبيبتي... سارة: هطلع و جاية تاني اوعي تمشي ها اوعي.. سارة سابتهم و مشيت... دنيا: مالها البت دي؟ فيروز: مش عارفة مرة كويسة و مرة مش كويسة مبقتش فهماها... ديما: ثانية و جاية... ديما سابتهم و طلعت على اوضة سارة فتحت الباب من غير ما تخبط... سارة(بغضب): انتي مجنونة ازاي تخشي كدة؟ ديما دخلت و قفلت الباب وراها و قربت من سارة اللي كانت بتموت من الرعب..
ديما: مالك يا سارة عرقتي و الخوف طالع من عنيكي و بترتعشي يعني لا انا اخاف عليكي كدة... سارة: متخافيش انا مجهدة شوية.. ديما(بمكر): شوفتي ده سعاد لما جت قولنا ليها انك رايحة ليها بس هي قالت انك مقولتيش.. ديما: عيب برضو نروح للناس من غير استأذان يا سارة و لا ايه؟ ديما كانت هتمشي بس قربت من سارة.. ديما: بس اقولك حاجة كل الكلام ده انا مش مقتنعة بيه، مش هكدب عليكي خلي بالك من نفسك بقي..
ديما سابت سارة و خرجت، سارة كانت عرقانة و ميته من الخوف.. سارة(بغضب): هوريكي يا ديما، و ربنا هوريكي.. عند الرجالة... حسن(بضحك): لا و البت عايزانا نروح نسافر بره.. حازم: مش هتندموا صدقوني.. على: و الله فكرة ليه لا؟ علاء: هتنبسوطوا علفكرة... جاسر: اللي تشوفه انت يا حاج.. ايمن: طب لو سافرنا سويسرا هنتكلم ازاي؟ حازم: سيبها عليا بس.. حسن: امان يعني و لا؟ حازم: عيب عليك... خالد: انتوا ناويين تروحوا بجد؟
على: ليه لا عيب مثلا؟ خالد: طيب، شوفوا امتي؟ حازم: متشغلوش بالكوا بطيارتي الخاصة هتوديكوا و هتجيبكوا... حسن(بضحك): الواد ده عايز يطردنا... حازم: عيب عليك يا عمي.. على: طيب هنفكر و نقولكوا... جاسر: براحتكوا... عند البنات... دنيا: اه شغلي التلفزيون بقي يا زفتة.. ديما: يا بت احترمي نفسك انتي في اوضتي.. دعاء: سيبووووووووني انام حرام عليكوا صحتوني من احلي نومة... فيروز: اتخمدي على عينك...
سعاد: انا كدة هتأخر و عبده بيغير.. ديما: ب ايه يا اختي؟ دنيا(بضحك): بيغير.. ديما: يتولع بجاز يا روحي... سعاد: بس بقي... فيروز: البت اتكسفت... سعاد: انتي غرييييييييبة اوي.. ديما: عارفة يا روحي.. دعاء: بطلوا دوشة.. و بعدين دعاء فجأة لقت الصوت سكت طلعت رأسها من البطانية، لقت الكل نط على السرير و بيضربها بالمخدة.. دعاء: يا ابييييييه... فيروز(بضحك): اعلي لسة مسمعش على صوتك على... ديما: هجوم على البطن...
و الكل نزل في دعاء زغزغة و الكل بيضحك مش قاادر... جاسر: ايه اللي بيحصل في اوضتي هنا؟ الكل اتعدل باصين لديما و لجاسر.. دعاء: ديما.. دنيا: ديما.. سعاد: ديما.. فيروز: ديما.. ديما: متصدقهمش دول بيرموا كل البلاوي عليا... جاسر: كله بره يلا... البنات مشيوا طابور و ديما كانت اخر واحدة و كلهم بيخرجوا من الباب، بس ديما لقت اللي بيشدها من التي شيرت بتاعها..
ديما: و الله انا كل اللي عملته اقترحت عليهم بس، هما وافقوا فاتكسفت ارفض كنت بعزم عزومة مركبية هما بقي اللي معندهمش دم... جاسر: و الله؟! ديما: هكدب ليه يعني؟ جاسر: طيب، امشي و انتي عاملة زي الفأر... ديما: متشكرين يا مصر يا ام الدنيا... جاسر كان لسه هيروح على اوضة الرياضة لقي اللي بتزغزه.. جاسر: انتي مجنونة يا بت؟ ديما: في ايه انت مبتغرش؟ جاسر: لا.. ديما قعدت تزغزغ في جاسر كتير و هو مش بيضحك..
ديما(بحزن): اوف عيل رزل.. و بعدين لقت اللي بيزغزها في بطنها و ايديها و رقبتها... ديما(بضحك): لا لا، بغير ابعد.. جاسر فضل يزغزغ فيها لغاية ما ديما مبقتش قادرة و كان صوت ضحكهم عالي حدا للي بره و بالذات ديما.. ديما(بضحك و تعب): و النبي خلاص بغير، مش قادرة.. جاسر: حرمتي يعني؟. ديما(بضحك): لا.. جاسر(برفعة حاجب): و الله؟ ديما: خلاص اسفة..
ديما قعدت تجري في الاوضة و جاسر وراها، لغاية ما جاسر مسكها و وقعوا هما الاتنين على السرير.. جاسر: انتي مسخرة يا ديما.. ديما: شكرا، كنت فكراك من الرجالة القفوشة... جاسر: على حسب بقي.. ديما: طيب.. ديما قربت من جاسر و باست عينيه و هو مستغرب من اللي هي عملته.. ديما: متستغربش كان نفسي نبقي كدة انا و جوزي و ممكن متجوزش تاني بعدك بس.. جاسر: فقولت اجرب في الواد الغلبان اللي قدامي..
ديما(بضحك): جت من نصيبك بقي معلش.. جاسر: ماشي يا ستي مقبولة... -و عدي اليوم بدون احداث تُذكر...
-في الصباح الباكر... ديما قامت بكل نشاط من جمب جاسر و دخلت طلعت هدوم ليها هي و جاسر و دخلت خدت دوش، و خرجت.. ديما لبست جيبة طويلة منفوشة نسبيا باللون الاخضر الغامق و قميص باللون الاسود و صندل بكعب اسود، و لقت دبلة جاسر لبستها و حطت روچ باللون الاحمر الغامق و سيبت شعرها.. ديما: جاسر جاسر، يا جاسر.. جاسر(بنوم): ايه؟ ديما: يلا قوم.. جاسر(بصدمة): انتي؟! ديما: هو في حد غيري؟
جاسر: انتي صاحية دلوقتي و لابسة كمان و بتصحيني القيامة قامت و لا ايه؟ ديما: هدومك جاهزة و بلاش كلام كتير.. جاسر: انتي سخنة يا بنتي؟ ديما: مستفز... ديما سابته و نزلت، و جاسر قام باستغراب و لبس هدومه و نزل لتحت... ديما: اساعدكوا في ايه؟ فتحية: ايه الهمة و النشاط ده؟ ديما: قلبي يا توحة.. فتحية: توحة! ديما: بدلعك يا قلبي.. خالد: صباح الخير.. ديما: صباح النور.. و ديما بدأت تحضر الفطار معاهم و الكل مبسوط..
سارة: خدي قطعي البصل ده يا ديما.. ديما: هاتي.. ديما بدأت تقطع بصل و بتعيط... اسماء: مين اداها البصل؟ سارة: دي هي اللي قالت عايزة اعمله.. اسماء: صح يا ديما؟ ديما: اه يا طنط، بس مكنتش اعرف انه بيحرق كدة.. اسماء: طب هاتي عنك يا حبيبتي.. ديما: شكرا يا طنط.. ديما غسلت ايديها و بدأت تمسح دموعها، و كانت انفها مرخيرها محمرة و عيونها باين انها كانت معيطة... دنيا: بخ.. ديما: خير يا جلابة المصايب..
دنيا: بخير يا حلالة المصايب... ديما: ظريفة.. دعاء: ديما ديما عايزاكي في خدمة.. ديما: اتفضلي.. دعاء: دلوقتي كان واقف قدامي سؤال و استاذ حازم جابلي حاجات كدة من على النت ممكن تسأليه ايه هي بس بعد اذنك، علشان في حاجات واقفة قدامي.. ديما: تعالي معايا... ديما: فيروز فين حازم؟ فيروز: على ما اعتقد في الجنينة.. ديما: تمام شكرا... ديما: صباحو يا معلمين... جاسر: خير.. ديما: مش جيالك...
ديما: حازم ايه هي الحاجات اللي انت ورتها لدعاء قبل كدة؟ حازم: شرح على النت.. دعاء: ممكن تجيبه تاني؟ حازم: اه اكيد.. جاسر: هو في ايه؟ ديما: دعاء مكنتش فاهمة حاجة بس حازم عرض عليها يساعدها و كدة متكبرش الموضوع.. حازم: اتفضلي لما تخلصي جيبي التليفون.. دعاء: تمام شكرا معلش تعبتك.. دعاء راحت طلعت اوضتها.. حازم: من امتي بتصحي بدري؟ ديما: من ساعة ما مأجوج ظهر.. حازم(بخوف): ايه؟ ديما: كتت بتكلم عليك انت يا عُمري...
حازم(بعصبية): امشي يا ديما... ديما: عيوني.. ديما طلعت اوضتها و خدت تليفونها و اتصلت بتسنيم... تسنيم: اه يا اللي مش معبراني... ديما: اسفة يا ماما كنت تعبانة شوية.. تسنيم(بقلق): ليه يا حبيبتي مالك؟ ديما: بعدين بعدين... ديما: مين عندك؟ تسنيم: الكل نايم لسة راجعين من عند الدكتور و ناموا.. ديما: و انتي منمتيش ليه؟ تسنيم: حسيت هتتصلي بيا حلمت بيكي... ديما: قلبي يا زميلي، عاملة ايه و اخبار بابا و العملية؟
تسنيم: بخير و نسبة النجاح كبيرة... ديما: طيب الحمد لله.. تسنيم: انتي بقي اخبارك ايه و جاسر عامل معاكي ايه؟ ديما: تمام الحمد لله، ماما عايزة اقولك حاجة.. تسنيم: قولي يا حبيبتي.. ديما: بس مش هتقولي لحد... تسنيم: لا طبعا يا روحي.. ديما: انا و جاسر مش متجوزين زي اي زوجين طبيعين.. تسنيم: قصدك ايه؟ ديما: يعني انا و جاسر المفروض اننا مش طايقين بعض.. تسنيم: مفهمتش برضو..
ديما: يا رب، يعني يا ماما جاسر ملمسنيش وانا رافضة ده.. تسنيم(بصدمة): نعم يا اختي! ديما: اللي بقوله ليكي، احنا اتفقنا نطلق بعد كام شهر.. تسنيم: طب ليه كدة يا ديما حاولي تتقبليه يا حبيبتي هتلاقيه مش عايز يغصبك على حاجة... ديما: في حاجة تانية؟ تسنيم: قولي.. ديما: انتي مش هتقولي اي حاجة لحد مهما حصل.. تسنيم: اكيد يا ديما احنا صحاب... ديما: انا انا.. تسنيم: ايه؟ ديما: انا حاسة اني بحب جاسر...
و بعدين لقت الباب بيتفتح و قفلت التليفون و خبت التليفون بسرعة...
رواية إمرأة في عصمة صعيدي للكاتبة سلسبيل كوبك الفصل الحادي والعشرون
جاسر(برفعة حاجب): خبيتي ايه؟ ديما(بارتباك): مفيش حاجة، عن اذنك.. ديما لسة هتخرج لقت جاسر شدها و مسك منها التليفون.. جاسر: من غير ما افتحه يا ديما، كنتي بتكلمي مين؟ ديما: كنت بكلم ماما... جاسر: و خبتيه ليه اول ما انا دخلت؟ ديما: انا بتحرج يعني بص مدوقش فيها بقي يا جاسر.. جاسر: طيب يا ديما، انزلي.. ديما سابته و نزلت و هي مبسوطة... دعاء(بضحك): الحقي يا ديما.. ديما: ايه في ايه؟
دعاء: شكل بابا ناوي يروح يسافر سويسرا.. ديما: طب بتضحكي على ايه يا جذمة؟ دعاء: نفسي اعرف هيتكلموا ازاي؟ ديما: حازم هيظبط ليهم مترجم.. دعاء: حازم جدع اوي.. ديما: اه ما انا عارفة، قدامي يا اختي قدامي.. فيروز: بتعملوا ايه يا بت منك ليها؟ ديما: بنضحك عندك مانع... فيروز(بحزن): انتي مش بتحبيني؟ ديما: يا بت انتي مجنونة بحبك طبعا، بس ده ميمنعش اني انتقم منكوا بتسلموني تسليمة اهالي.. فيروز: قلبك ابيض.. حازم: ديما..
ديما: خير؟ حازم: لا بجرب الاسم.. ديما(بعصبية): يا رب الصبر من المعتوه ده و دي و دي... ديما سابتهم و نزلت، و هما بصوا لبعض و ضحكوا.. دعاء: انا طالعة لقدري.. حازم و فيروز: ربنا معاكي.. فيروز: عن اذنك.. حازم: اتفضلي.. فتحية: ديما ديما.. ديما: ايوه مين بينده؟ اسماء: في مية شخص، تعالي.. ديما: نعم يا جمر انتي.. فتحية: احنا مش عارفين نعمل ايه و لا نلبس ايه؟سقعة و لا حر و لا ايه؟
ديما: بصوا توقعوا اي حاجة، يعني انتوا ممكن تسقعوا فجأة تلبسوا تقيل ممكن تتحروا تلبسوا خفيف حسب طبيعة جسمكوا.. اسماء: طيب.. ديما: هتنبسطوا اوي متخافوش.. فتحية: يا رب، ان شاء الله تبقي رحلة سعيدة.. ديما(بهمس): اومال طنط عبير مش هتروح؟ اسماء: لا، انا و فتحية بس.. ديما: طيب، ايه ده الجميل ماشي كدة من غير ما يسلم عليا.. جملات(بضحك): يا بت بطلي شوية.. ديما: ما هو حرام يبقي موجود القمر جمبي و مكلمهوش..
خالد: عايزة ايه من امي يا بت انتي؟ ديما: اهو ابن القمر جه.. خالد(بضحك): هو انتي اضربتي على نفوخك و لا ايه يا بت؟ ديما: لا لا انا اعجبك علفكرة... و قعدوا يضحكوا و يهزروا.. دنيا: مساء النور.. ديما: و تقولوا عليا انا اللي بنام و بس.. دنيا: امشي يا بت.. دنيا: مالك الفرحة بتنط من عنيكي يعني؟ ديما: مهدمة اللذات اهي يلا اقلب نكد شغل المحطة التانية يا ابني نكد يلا... دنيا: رزلة تعالي..
دنيا خدت ديما و قعدوا في الجنينة.. دنيا: ها يا ستي ايه اللي مخليكي مبسوطة؟ ديما: معرفش.. دنيا: ديما.. ديما: خلاص خلاص هقولك بس متقوليش لحد... دنيا: اكيد يا روحي.. ديما(باحراج و كسوف): انا حبيت.. دنيا(بصدمة): يا نهارك اسود.! ديما(بدهشة): في ايه؟ دنيا: انتي متجوزة يا بت ازاي تحبي؟ ديما: الله يخرب بيتك دماغك يا شيخة، انتي نسيتي اني اتجوزت جاسر بس لاننا ولاد عم، لكن انا حاليا بحبه.. دنيا: و وقعتي ازاي يا شاطرة؟
ديما: بصي معرفش، بس هو طويل و man كدة في نفسه و جميل و بيبقي شكله حلو في كل حاجة و جدع و شهم و بيخاف على اهل بيته و بيراعي ربنا فيا و بيحترم رغبتي و مش زي الرجالة القفوشة يعني و لنا بشوفه بفرح و لما بيحضني بحس باني مش خايفة و بحس اني مش عايزة ابعد عنه خالص لما بيتكلم بحس اني مش مركزة غبر في تعبيرات وشه، بصي معرفش امتي و فين بس اللي انا متأكدة منه اني حبيته...
دنيا: حبيتيه بس!ده انتي عشقاه يا ماما... ديما(باحراج): بس بقي.. دنيا: طيب و هو عارف؟ ديما: لا لا طبعا... دنيا: و الله اومال هتقوليله ازاي؟ ديما: معرفش.. دنيا: بصي انتي تجهزي عشاء حلو في الاوضة و ورد و شموع و هدية و فستان شيك كدة بتوع الاغراء و اعترفي... ديما: تصدقي انك زبالة يا بت انتي، فستان اغراء انا البس فستان اغراء ليه بنت ليل انا و لا بنت ليل..
دنيا: وجعتك الكلمة؟خلاص يا حبيبتي البسي اسدال صلاة ارتاحتي.. ديما: بت امشي من قدامي بدل ما اشتمك و اهزأك.. دنيا: حبيب قلبك رجع.. ديما(بعصبية): دنيا و ربي ما هحكيلك حاجة تاني.. جاسر: مالكوا بتتخانقوا ليه؟ دنيا(بضحك): مفيش مفيش، هسيبك مع مراتك اقعد ارتاح... دنيا قامت و سابتهم و جاسر قعد جمب ديما.. جاسر: مالك؟ ديما: لا بص بقي ممكن تبطل طريقتك دي شوية.. جاسر(باستغراب): طريقة ايه؟
ديما(لنفسها): بطل كلام اوف يا شيخ... جاسر: ما تردي.. ديما: بكرة بليل هقولك، باي... ديما سابته و مشيت، و جاسر بصلها باستغراب و ذهول سيطر عليه... حازم: ايه مالك؟ جاسر: لا مفيش اخبار ايدك ايه؟ حازم: بأخد برشام يسكن الالم يلا كله رايح.. جاسر: ياض اتكلم جد مرة واحدة.. حازم: امشي يا ابني من هنا هتنكد مش ناقصة هي، هي متندكة لوحدها.. جاسر: انا ماشي يا عم هسيبهالك و ماشي..
جاسر قام مشي و دخل البيت لقي الستات قاعدة بتتكلم و صوت ضحك الرجالة طالع من اوضة الجلوس... جملات: جيت اعملك تأكل؟ جاسر: اه معلش هتعبك يا مرات عمي.. سارة: هعمل انا.. ديما(بغيظ): ليه ليكون متجوز معاقة مثلا ولا حاجة؟ عبير: بنت عمه.. ديما: و انا مراته يا طنط.. ديما قامت و دخلت المطبخ و حضرت الاكل لجاسر... ديما: اتفضل.. جاسر: شكرا.. فتحية: هو الحاج قال السفر امتي؟ فيروز: بتنسي ليه؟النهاردة بليل بليل...
اسماء: بتزعقي ليه يا بت انتي؟ خالد: انتوا لحقتوا؟ دنيا: عمو حسن قال لحازم خليها في اقرب وقت، حازم ما صدق قاله الطيارة هتبقي جاهزة بليل.. خالد: طيب.. دنيا قامت و دخلت المطبخ لقت خالد وراها... دنيا: خير؟ خالد: بصي يا بنت الناس، انا راجل صعيدي و ليا تقليدي و عاداتي و مليش في الرومانسية و الجو ده، و انا حاسس ناحيتك بقبول تمام، انا طالب ايدك فكري و اديني رأيك قبل ما اكلم حد...
خالد ساب دنيا في صدمتها، و بعدها دنيا بدأت تبتسم تدريجيا... دعاء: في ايه يا بت يا هبلة؟ دنيا(بارتباك): ها لا مفيش حاجة.. دعاء: ايه البيت الاهبل ده؟ دعاء لسة هتمشي خبطت في حازم.. دعاء: مش قولت بيت اهبل و اهطل كمان.. دعاء سابته و مشيت، و حازم باصص ليها بصدمة... -بعد فترة... حسن: احم طبعا زي ما انتوا عارفين هنسافر سوي.. ديما: سويسرا يا عمو.. حسن: ايوه هي دي، انا عايز كل حاجة تبقي في البيت زي ما هي..
حسن: جاسر هيبق كبير العائلة و بعدها ايمن، عايز انضباط احنا اخرنا شهر و راجعين.. حازم: لا انا حاسس انك هطول صدقني.. على: اخرس يا حازم.. ايمن: تروحوا و ترجعوا بالسلامة... جملات: خلوا بالكوا من نفسكوا.. حازم: لا في حراسة هتبقي وراهم اربعة و عشرين ساعة.. حازم: الطيارة فاضل ليها عشر دقايق و توصل.. فتحية: هتوحشيني يا جملات.. جملات: و انتي و الله.. فتحية: هتوحشوني يا بنات..
ديما(و هي بتحضنها): و انتي اكتر يا طنط.. فتحية: خلي بالك من جاسر يا ديما.. ديما: حاضر.. فتيحة: ربنا يخليكوا لبعض يا بنات.. دنيا: انا عايزة حضن.. فتحية: تعالي يا بنتي.. ديما راحت حضنت اسماء و الكل بيحضن كله... جاسر: تروحوا و ترجعوا بالسلامة... حسن(بهمس): جاسر ديما امانة في رقبتك يا ابني.. جاسر: حاضر يا حاج... دنيا: الطيارة جت اهي.. دعاء: نفسي اركبها اوي بس يلا... اسماء: باي..
فتحية و حسن و اسماء و على ركبوا الطيارة و سافروا... عبير(بحدة): يلا كل البنات على النوم... دنيا(بهمس): الصبر يا رب.. ديما(بهمس): قال هتمشي كلامها علينا مثلا.. سارة: يلا ما تسمعوا الكلام... دعاء(بهمس): تعالوا نطلع.. فيروز(بهمس): هنعمل ايه؟ ديما: و اللي مش عايز ينام؟ عبير: يضرب نفسه بالجذمة و يطلع ينام.. دعاء: طيب... البنات طلعوا كلهم يقعدوا في اوضة دنيا.. جملات: مش كدة يا عبير...
جاسر: يا ريت يبقي في نظام بعد كدة.. عبير: انا بعمل كدة يا ابني.. خالد: انا طالع انام... حازم: و انا... جاسر طلع اوضته ملقاش ديما في الاوضة... عند البنات... ديما: و هيصه عند العريس هيصه... ديما(بفرحة): انا عايزة ارقص اوي.. دنيا(بمكر): ليه يا ديما؟ ديما: يا بت هضربك.. دعاء: في ايه؟ ديما: الزفتة دي رزلة اوي.. دنيا(بضحك): العب البت بتتكسف.. فيروز: عيال هبلة... فيروز: انا راحة انام، باي.. دعاء: و انا خديني في ايدك..
ديما اتعدلت في قعدتها و قعد على السرير و ربعت رجليها.. ديما: تفتكري هيحبني؟. دنيا: ليه لا ده انتي تتعشقي.. ديما: ممكن يكون لسة مجبور على جوازه مني.. دنيا: يا بنتي لا خدي انتي بس خطوة لقدام.. ديما: تمام، و انتي كان مالك النهاردة مرتبكة يعني؟ دنيا: ها؟ ديما: انا قولتلك قولي.. دنيا: خالد اخوكي طلب ايدي.. ديما(بصدمة): حقيقي.. دنيا: اه و الله.. ديما: قالك ايه احكي احكي.. دنيا قالت بالظبط كل اللي خالد قاله ليها..
ديما: واو، طب و انتي رأيك ايه؟ دنيا: مش هنكر انا معجبة بشخصيته الغامضة دي.. ديما(بفرحة): هيصه، يعني مش هنبعد عن بعض ابدا.. دنيا: بس ممكن يتحكم فيا زي ما جاسر بيتحكم فيكي.. ديما: لا جاسر مش متحكم فيا اوي بدليل اهو لابسة اللي انا عايزاه... دنيا: معرفش.. ديما: فكري و اهدي كدة.. دنيا: طيب، و انتي هتعملي ايه؟ ديما: هعترفله بكرة بس خايفة من ردة فعله.. دنيا: لا متخافيش.. ديما: طب لو رفض حبي؟
دنيا: ايه التفاؤل ده يا حبيبتي؟اتفائلي يا روحي.. ديما: طيب، باي.. ديما سابتها و مشيت و دخلت اوضتها.. ديما غيرت هدومها و نامت جمب جاسر و حضنته...
-في الصباح الباكر... عبير: يلا قطعي يا اختي قطعي.. دنيا: البصل بيحرق ايه ده؟ سارة: اتعودي.. جملات: انتوا بتعملوا ايه في البت انتوا مجانين؟ خالد(بقلق): في ايه بتعيطي ليه؟ دنيا: خلوني اقطع البصل و انا عيني بتحرقني.. دعاء: دول مش سايبنا في حالنا بيعذبونا.. عبير: لا علشان تشيلوا مسئولية بيتكوا لما تتجوزوا.. فيروز: طب و سارة على رجليها نقش الحنة؟ عبير: لا سارة بتعمل حاجات تانية... علاء: صباح الخير..
عبير: صباح النور يا حبيبي.. الكل بص لبعضه و هو مضايق... جملات: تهاني يا تهاني.. تهاني: ايوه يا ستي... جملات: تعالي حضري انتي الفطار... تهاني: حاضر يا ستي.. جملات: يلا كله بره المطبخ.. دنيا: تسلميلي هالعيون.. فيروز: شكرا يا مرات عمي.. عند ديما و جاسر... جاسر كان بيتقلب و فتح عينه في اللحظة دي ديما غمضت عيونها بسرعة... جاسر: مش قولنا الكدب غلط و انتي في السن ده؟ ديما: اوف خلاص محدش بيعرف يهزر معاك...
جاسر: طيب.. جاسر قام و خد دوش و دخل اوضة الملابس.. جاسر لبس بنطلون اسود و تي شيرت ابيض و جاكد جلد اسود و كوتشي ابيض و لبس ساعته و حط البرفيوم بتاعه.. ديما قامت و دخلت الحمام خدت دوش سريع و خرجت بالبشكير... جاسر: من امتي؟ ديما: عادي، انا اساسا علطول كدة مبحبش اساسا البس في الحمام.. جاسر: شكلك بدأتي تتعودي على العيشة هنا.. ديما: ليه لا؟وسع.. ديما دخلت اوضة الملابس..
ديما لبست جيبة قصيرة لغاية الركبة باللون الابيض و الاسود و تي شيرت بنص كم باللون الابيض و جاكت جلد اسود بكم و لبست كوتشي ابيض و حطت روچ خفيف و كحل و سيبت شعرها.. ديما خرجت لقت جاسر قاعد على الكنبة.. جاسر: ده انتي قاصدة بقي؟ ديما: انا بحب الطقم ده اساسا.. جاسر: طب قدامي يا آخرة صبري يلا.. ديما: انزل انت و انا هظبط السرير و اجي وراك.. جاسر: ماشي.. ديما بدأت تظبط الاوضة و ترتبها.. جاسر و هو نازل قابل سارة..
سارة: شيفاك بقيت متعود، ما تتجوزها فعلا بقي.. جاسر: مش كدة يا سارة بس هي.. سارة: هي عجباك صح؟ جاسر: لا طبعا انتي حبي الاول.. سارة: لكن مش الاخير... جاسر: متقوليش كدة تاني انا بحبك انتي و بس.. سارة: توعدني انك هتتجوزني؟ جاسر: اوعدك.. ديما: انت لسة منزلتش.. و بعدين ديما لما شافت سارة اتعصبت... ديما: خير يا سارة مش عارفة تطلعي السلم فبتطلبي من جاسر انه يساعدك مثلا و لا ايه؟ سارة: انا كنت طالعة اوضتي..
ديما: يلا يا جاسر.. ديما مسكت ايد جاسر و نزلت على السلالم تحت نظرات جاسر و سارة.. جاسر: في ايه يا بنتي؟ ديما: بص اينعم يعني ممكن ممكن منكنش بنحب بعض بس برضو لازم نحترم بعض... جاسر: طيب.. دنيا(بابتسامة): اهلين، يلا تعالوا الاكل حلو اوي.. ديما: طيب، يلا.. و راحوا قعدوا على السفرة... ديما: الله مين اللي عامل الفول ده؟. جملات: البت تهاني... ديما: تسلم ايديها.. دنيا: اه و الله الاكل حلو.. تهاني: تسلموا...
جاسر: خالد هتروح الارض و انا و علاء هنروح المصنع.. حازم: طب و انا؟ جاسر: لو عايز تروح مع خالد روح... حازم: طيب... ايمن: انا رايح اقعد مع الناس الكبيرة بقي.. جاسر: براحتك يا عمي و انت طبعا الكبير هنا قبلي... ايمن: طول عمرك صاحب واجب و كرم.. جاسر: عن اذنكوا، يلا يا علاء.. و كل الرجالة خرجوا و كل واحد راح لمكان شغله.. جملات: فين ام سعد بتاعت القماش؟ ديما: مين دي؟
دعاء: دي واحدة بتبيع كل حاجة لبس قماش قمصان عبايات... دنيا: حلو ده.. فيروز: طيبة اوي الست دي... تهاني: ام سعد جت يا ستي... جملات: دخليها.. ام سعد: اهلا اهلا.. ديما: هاي.. ام سعد: انتي ديما؟ ديما: اه حضرتك تعرفيني؟ ام سعد: طبعا يا حبيبتي.. جملات: تعالي اقعدي... دنيا: ورينا كدة معاكي ايه؟ ام سعد بدأت توريلهم حاجتها و مركزة مع ديما اللي خايفة من نظراتها.. ديما: حلوة اوي دي، انا بحب النوع ده من العبايات..
ديما: عندك الوان منها ايه؟ ام سعد: كل حاجة.. ديما: ممكن الاسود و الابيض.. ام سعد: حاضر.. ام سعد طلعت اللونين دول لديما، و ديما خدتهم.. دنيا: طب و انا و انا.. دعاء: جبتي طلبي يا خالتي ام سعد؟ ام سعد: اه خدي اهو... دعاء: تسلميلي... سارة: وريني عندك ايه؟ ام سعد: خدي و اتفرجي.. سارة: لا وريني انتي.. ديما: لا طنط مشغولة معايا دوري انتي بقي.. سارة(بغيظ): ماشي.. ديما: دول حسابهم كام يا طنط؟
ام سعد: دي اول مرة تشتري هد مني ليكي... دنيا: طب و انا... ام سعد: زيها يا قمر.. ديما: لا يا طنط مينفعش قولي كام بعد اذنك.. جملات: خلاص يا ديما سيبيني انا هتصرف... ديما: ماشي، شكرا يا طنط.. دعاء: الفساتين حلوة اوي.. دنيا: اه اوي... فيروز: هو ايه اللي هناك ده؟ ام سعد: دي قمصان.. ديما: عندك قميص من اللي هو بزارير رجالي ده... الكل ضحك عليها... ديما: في ايه؟ جملات: دي مش من القمصان العادية...
دنيا(بهمس): يا هبلة دي فساتين اغراء بالنسبة ليكي.. ديما(بكسوف): اسفة مكنتش اعرف... ام سعد: و لا يهمك... ديما: طيب انا هروح لجاسر.. جملات: ليه؟ ديما: هخليه يفسحني شوية.. دنيا: طب خديني معاكي.. ديما: خلي خالد يفسحك انا مالي.. ديما طلعت جابت شنطتها و حطت الفساتين بتاعتها.. ديما: حد عايز حاجة؟ دعاء: هتعرفي تروحي؟ ديما: اه... ديما: باي.. ديما كانت لسة هتمشي... ام سعد: ديما.. ديما: نعم..
ام سعد: خلي بالك الطريق واعر اوي.. ديما: مش فاهمة.. جملات: قصدك ايه يا ام سعد؟ ام سعد: الطريق مليان حاجات وحشة كتير خلي بالك... ديما(بتوتر): تمام شكرا... فيروز و دعاء بصوا لبعض بتوتر... دنيا: في ايه؟ جملات: انتي قاصدة كلامك ده يا ام سعد؟ ام سعد: هتتعب يا جملات في الاول.. ام سعد: مش عايزين يسيبوها في حالها.. دنيا: قصدك مين؟ ام سعد: الله اعلم... جملات: ربنا يستر...
-عند ديما... ديما بدأت تتمشي في البلد و تأخد ليها صور كتير و مبسوطة و بتضحك.. ديما: لو سمحت... طفل: نعم.. ديما: فين مصنع جاسر القاضي؟ طفل: اخر الشارع ده.. ديما: تمام شكرا... ديما فضلت ماشية و وصلت للمصنع... حارس: حضرتك جاية لمين؟ ديما: انا جاية لجاسر بيه.. حارس: اقوله؟ ديما: لا لا انا هدخله.. علاء: ايه ده ديما؟! ديما(لنفسها): اهدي ديما اهدي.. ديما: اه اهلا يا علاء.. علاء: جاية ليه هنا؟ ديما: جاية لجوزي..
علاء: تعالي اوصلك.. ديما: تمام شكرا. علاء: (لنفسه): جيتي لقدرك يا ديما، استعجلتي.. علاء و ديما كانوا ماشين و بعدين علاء بص في ساعته، و بص وراه و بص على ديما... علاء(بوجع): آآآآآه.. ديما(بخضة): مالك؟ علاء: تعبان تعبان اوي يا ديما... ديما: طب استني هناديلك جاسر.. علاء مسك ايديها و قربها منه.. علاء: لا بلاش هيزعل كدة.. ديما: طيب اعمل ايه؟ علاء: حرارتي عالية.. ديما كانت قريبة من علاء و بتتحسس حرارته..
ديما: لا يا ابني عادية.. علاء: بس ضربات قلبي سريعة.. ديما حطت ايديها على قلبه تشوف النبض.. علاء: لا يا ديما لا... ديما: طب اهدي طيب خد نفس عميق.. جاسر(بغضب): ديمااااااا... -يا تري ردة فعل جاسر هتبقي ايه؟
رواية إمرأة في عصمة صعيدي للكاتبة سلسبيل كوبك الفصل الثاني والعشرون
ديما بعدت عن علاء بسرعة، علاء ابتسم بانتصار.. علاء: عيب يا ديما مش قولتلك متقربيش مني انتي مرات ابن عمي يعني اختي بالظبط... ديما بصت ليه بصدمة و بصت لجاسر منتظره ردة فعله، جاسر قرب منهم ببطئ كان في كل خطوة نفس ديما يقل و ضربات قلبها تزيد.. جاسر(بغضب): في عندك تفسير يا هانم و لا ايه؟
علاء: يا جاسر هي اللي جت و قعدت تكلمني و اقولها ابعدي عني انتي بنت عمي و مرات جاسر اخويا مينفعش كدة و زي ما انت شوفتها كانت قريبة مني ازاي... ديما كانت ساكتة و مش قادرة تنطق بكلمة و مصدومة، و بعدين لقت اللي بيمسكها من شعرها.. جاسر(بغضب): كان لازم اعرف انك هتفضلي زي ما انتي... ديما كل اللي عملته عيطت بصمت و دموعها نازلة زي الشلال على خدودها، و جاسر ماسكها من شعرها و ماشي بيها...
ديما(بخفوت و عياط): كدب.. جاسر وقف و بص ليها و هو ماسك شعرها في ايده ضربها قلم على وشها.. جاسر(بغضب): لا و كمان كدابة.. جاسر ركب ديما العربية بتاعته و قفل الباب بغضب، و ركب و بدأ يسوق بسرعة كبيرة و ديما خايفة و بتعيط و جاسر كل شوية يتكرر كلام علاء في ودانه و يفتكر لما ديما كانت قريبة من علاء.. و بعد فترة جاسر نزل من عربيته و مسكها من دراعها بغضب و دخل بيها البيت قدام الكل..
جملات: في ايه ماسك ديما كدة ليه؟ دنيا: بتعيطي ليه يا ديما؟ جاسر كمل طريقه و طلع على اوضته رمي ديما في الارض... ديما انكمشت على نفسها و هي بتعيط و خايفة... اما جاسر كان غضبان مسك دقنها جامد و ديما كانت موجوعة.. جاسر(بغضب): سبب واحد يخليني مصدقش؟ ديما(بعياط و خفوت): اني بحبك.. جاسر زق ديما و رأسها اتخبطت في الحيطة.. جاسر(بغضب): كدابة بطلعي نفسك من مشكلة و خلاص..
جاسر(بغضب): الحاجة الوحيدة اللي هتخليني اخليكي على ذمتي هي وصية الحاج حسن و اول ما يرجع هطلقك و هرميكي زي الكلاب و محدش هيعبرك لان محدش هيتشرف بانه يعرف واحدة زيك، انتي عار عليا و على كل العائلة، علاء راجل مش هيتحاسب.. جاسر ضرب ديما برجله، و سابها و قفل الباب عليها بكل غضب و نزل و خرج... ديما مكنتش قادرة تقوم و لا قادرة تعمل اي حاجة كل اللي كانت بتعمله كانت بتعيط و بس...
دنيا طلعت و قعدت تخبط على الباب.. دنيا: ديما حبيبتي ردي عليا مالك؟حصل ايه؟طيب عملك حاجة؟ديما متعيطيش و تسكتي و بس اتكلمي يا ديما انا جمبك.. دعاء: ديما ارجوكي متقلقيناش عليكي.. دعاء: حصل ايه؟ جملات: يا بنتي طيب افتحي الباب.. فيروز: طب طب انتي كويسة؟ فيروز: جاسر عملك حاجة؟ جملات: طب احنا هنسيبك تهدي و هنطلعلك تاني يا ديما احنا جمبك ياحبيبتي.. دنيا: لا مش هسيبها لا.. جملات: هتهدي بس يا دنيا و هنطلعلها تاني..
و الكل نزل قاعد على اعصابه، علاء دخل و هو بيصفر... جملات: علاء متعرفش حصل ايه بين ديما و جاسر؟ علاء(بدهشة): هما اتخانقوا؟ دنيا: انت متعرفش؟ علاء: لا حصل ايه؟ دعاء: خلاص روح شوف رايح فين... علاء طلع و كمل طريقه و راح لاوضة سارة... سارة: ادخل.. علاء(بفرحة): عندي ليكوا خبر بمليون جنيه.. عبير: قول قول.. علاء حكي ليهم كل حاجة حصلت و اللي هو عمله.. سارة: برافو عليك يا علاء اخيرا هنخلص منها.. عبير: و نعمة تربيتي..
علاء: علشان تعرفي بس، المهم دلوقتي هنشوف جاسر هيعمل ايه.. سارة: دي انا هعرفها متقلقوش.. عبير: ربنا يخليكوا ليا.. علاء: ياااااه اخيرا هنتقم من جاسر، و هتجوز ديما.. سارة: و انا هتجوز جاسر و هأخد فلوسه... عبير: يلا امشوا علشان محدش يحس بينا... تحت... حازم و خالد دخلوا من باب البيت.. دنيا(بدموع): الحقنا يا خالد.. خالد(بقلق): في ايه؟
دنيا(بدموع): من شوية جاسر جه و كان ماسك ديما و ديما بتعيط و طلع فوق و نزل بغضب و طلعنا كلمنا ديما بس مش بترد علينا.. خالد سابهم و طلع جري على اوضة ديما و هما وراه.. خالد: ديما افتحي الباب، جاسر عملك حاجة؟ خالد: علشان خاطر اخوكي افتحي الباب.. خالد: لو مفتحتيش هكسر الباب.. ديما(بخفوت): لااا لا ان اا ببخ ير ممت قلق وش على ااا{لا لا انا بخير متقلقوش عليا}.. دنيا: طب عملك حاجة الحيوان ده؟ ديما(بخفوت): لاا...
خالد: ديما احنا هنكون تحت لو حصل حاجة نادينا و هتلاقينا جمبك و قمسا بالله لو جاسر عملك حاجة لاكون قاتله النهاردة... ديما(بخفوت): شش كرا{شكرا}.. و الكل نزل و هو مش عارف يعمل ايه... حازم: طب ممكن يكون حصل ايه؟ خالد(بعصبية): ماشي يا جاسر متردش على التليفون براحتك هلاقيك.. خالد سابهم و مشي... عبير: هو في ايه؟ سارة: مالكوا مش على بعضكوا ليه؟ الكل سابوهم و مشيوا، و هي بصوا ليهم بغيظ... عند جاسر...
جاسر كان بيتمشي في مكانه الهادئ و هو متعصب و كل ما يفتكر الموقف يتعصب اكتر.. خالد(بعصبية): اهلا بالباشا اللي ما بيصدق يجي على البت الغلبانة.. جاسر(بغضب): عايز ايه يا خالد مش فايق ليك... خالد(بعصبية): ايه اللي حصل بينك انت و ديما؟ جاسر: حاجة بيني و بين مراتي محدش يتدخل.. خالد(بعصبية): و هي مش بترد علينا ليه؟و كانت داخلة معاك معيطة.. جاسر(ببرود): معرفش.. خالد(بعصبية): انت متخصص بقي علشان تعصبني..
جاسر سابه و مشي، و خالد كانت متعصب و مش عارف يعمل ايه... جاسر وصل البيت و طلع اوضته... جاسر دخل لقي ديما قاعدة مكان ما هو سابها... جاسر قفل الباب وراه و راح قعد على السرير.. جاسر: تعالي.. ديما قامت بصعوبة و بخوف و بدموعها اللي مخلصتش و قربت منه.. جاسر: روحي جيبي ماية و اغسلي رجلي... ديما(بخوف): انا مبعرفش اعمل كدة.. جاسر(بحدة): اتعلمي، و من هنا لغاية ما يجي الحاج استعدي لايام سوداء..
ديما قربت منه و مسكت ايده.. ديما(بدموع): جاسر بليز انا بحبك بلاش تبقي علاقتنا كدة.. جاسر شال ايديه من ايديها بعنف و ديما عيطت.. جاسر: يوم ما هتجوز هتجوز واحدة تقدر تشيل اسمي و تحافظ عليه و ابقي ماشي و انا مطمن انها مش هتخوني ابدا، بس انتي عكس كدة خالص... ديما(بعياط): و الله اديني فرصة واحدة بس.. جاسر: لا.. جاسر سابها و دخل خد دوش و خرج غير هدومه و خرج نام على السرير...
ديما سابته و دخلت خدت دوش و خرجت و دخلت اوضة الملابس.. ديما لبست بنطلون اسود و تي شيرت بكم باللون الاسود في ابيض.. ديما خرجت لسة هتنام على السرير.. جاسر: مكانك على الارض.. ديما: مش متعودة على كدة.. جاسر: اتعودي لغاية ما نطلق... ديما راحت نامت على الارض و قعدت تعيط بصمت منامتش خالص..
-في الصباح الباكر... جملات: صباح الخير.. خالد: صباح النور يا امي، فين ديما؟ دنيا: منزلتش و لا هي و لا جاسر.. خالد: طيب.. حازم: يا تالين مش هعرف ارجع دلوقتي انزلي انتي مصر.. حازم: يعني ايه مش بتحبي مصر؟براحتك يا تالين قولت اللي عندي... حازم: معنديش الكلام ده، فاهمة؟ حازم: يعني ايه براحتك؟ حازم: تالين انا اول ما ارجع هصفي شغلي كله و هنزل مصر تاني عايزة ترجعي معايا اهلا وسهلا مش عايزة عنك ما جيتي خلاص..
دنيا: اهدي يا ابني في ايه؟ حازم: مفيش.. دعاء: دي مراتك؟ حازم: لا خطيبتي.. دعاء: طيب.. علاء(بابتسامة): صباح الخير.. عبير: صباح النور يا حبيبي.. ايمن: اومال فين جاسر و ديما مشفتهمش من امبارح؟ خالد: لسة هينزلوا.. ايمن: طيب.. حازم: هتصل بعمو حسن نطمن عليه... حازم اتصل بحسن، الخط اتفتح... حازم: طبعا مكنتش عايز ترد.. حسن(بضحك): عندك حق يا واد يا حازم.. حازم: يا رب تكون الخدمة حلوة.. حسن: اه... حازم: محتاج اي حاجة؟
حسن: لا لا، اخبار جاسر و ديما و الكل ايه؟ حازم: كلنا بخير.. حسن: طيب الحمد لله.. حازم: هقفل انا بقي.. حسن: ماشي، باي.. عند ديما و جاسر... جاسر(بزعيق): انتي يا زفتة؟ ديما: خير؟ جاسر: مجهزتيش هدومي ليه؟ ديما: مكنتش اعرف.. جاسر: لا بعد كدة اعرفي يا اختي.. ديما(بعصبية خفيفة): انت محسسني اني عملت جريمة، ما تفهم الاول و بعدها تحكم شخص غبي و هتفضل تحكم من وجهة نظرك بس...
جاسر: لو شفت غير كدة كنت اتعاملت غير كدة، و مهما تقولي مش هصدقك انا لسة عارفك من شهر مش هثق فيكي بسهولة و مش هتعلق بيكي اساسا.. ديما سابته و دخلت اوضة الملابس، جاسر دخل الحمام... ديما قعدت تعيط كتير و بعدها مسحت دموعها.. ديما(لنفسها): مهما يحصل هفضل ديما مفيش اي حاجة هتأثر فيا انا ديما و مش هتغير..
- ديما طلعت فستان طويل و مفتوح من الجمبين فتحة بسيطة و بكم و لبسته و رفعت شعرها لفوق و لبست جذمة و حطت مكياج خفيف ديما نزلت لتحت، و جاسر خرج لبس هدومه و نزل... جملات(بفرحة): ايه الجمال ده؟ ديما(بابتسامة): شكرا يا طنط.. خالد قام و حضنها و باس رأسها.. ديما: شكرا. خالد: انتي كويسة؟ ديما: متقلقوش كان مجرد سوء تفاهم بيني و بين جاسر و حلناه... فيروز: الحمد لله.. ديما: يلا انا جعانة.. جاسر: الاكل جاهز؟ جملات: اه..
و جاسر راح و بدأ يترأس السفرة و الكل بدأ يأكل في جو توتر و صمت... جاسر: كله على شغله... جاسر: ديما هتنزلي الارض تشتغلي مع الستات اللي هناك.. ايمن: ازاي يعني يا جاسر؟ خالد: انت اتجننت؟ جملات: ديما مش هتعرف يا جاسر.. دنيا: يعني ايه تشتغل في الارض؟ دعاء: هيبقي صعب عليها... فيروز: ايوه و ممكن تتعب.. جاسر: اعتقد كلكوا اتكلمتوا و انا موجهتش ليكوا كلام، انا وجهت كلامي لديما.. ديما: و انا موافقة..
الكل اتفأجي من ردة فعل ديما و بالاخص جاسر.. جاسر: طيب، قدامي.. ديما قامت و مشيت مع جاسر، و جاسر كان مستنيها ترفض او تقاومه... خالد: دي اتجننت البت دي.. عبير: سيبها تتعلم علشان تعرف تعيش هنا.. سارة: ايوه، خليها تعرف تشتغل هنا هي مش متجوزة دي بت مدلعة و جاسر اللي بيعمله صح.. ايمن: في حاجة حصلت بينهم؟ دنيا: منعرفش.. دعاء: ربنا يستر.. فيروز: يا رب، اهديهم يا رب و ابعد عنهم كل عين وحشة.. جملات: يا رب يا فيروز..
عند ديما و جاسر.. ديما: المفروض اعمل ايه؟ جاسر: تشوفي الستات بتعمل ايه و تعملي زيهم... جاسر: لو رجعت و لقيت الكل بيشتغل و انتي لا هتتحاسبي.. ديما: لو ده عقابك انا موافقة بس تكون فعلا مصدقني.. جاسر: ده مش عقاب انا بربيكي علشان لما تتجوزي حد تاني تعرفي تشيلي مسئولية بيتك يعني تعتبر دي خدمة مني ليكي... ديما: هتندم يا جاسر.. جاسر: بحب الندم و الحاجة الوحيدة اللي ندمان عليها هي اني وافقت اتجوزك..
ديما سابته و مكنتش عارفة تعمل ايه و دخلت الارض.. سعاد: ايه ده ديما انتي بتعملي ايه هنا؟ ديما: بصي و النبي متسيحيش ليا... سعاد: مالك؟ ديما: انتوا بتعملوا ايه هنا؟ سعاد: هنشيل البرسيم... ديما: طب ازاي ممكن تعلميني؟ سعاد: متأكدة؟ ديما: اه.. سعاد بدأت تعلم ديما ازاي تقطع البرسيم، و ديما بدأت تعمل زيها و تعبانة.. سعاد: مالك عرقانة كدة ليه؟ ديما: الشمس قوية اوي.. سعاد: معلش ما انتي مش متعودة..
بنت(بهمس): هي دي مرات جاسر بيه؟ بنت: على ما اظن هي... بنت: تعالي نشوف.. بنت: انتي يا بت انتي؟ ديما: حضرتك بتناديني انا؟ بنت: حضرتك! ديما: في ايه؟ سعاد: عايزين ايه منك ليها؟ بنت: هي مين دي يا سعاد؟ سعاد: واحدة بتشتغل عادي.. بنت: طيب، اهلا بيكي.. ديما: آه لا مش قادرة يا سعاد.. سعاد: طب روحي ارتاحي شوية.. ديما: لا لا، هو انتوا بتمشوا امتي؟ سعاد: فاضل حاجات بسيطة.. ديما: طيب.. و بعد فترة، الكل خلص اللي وراه..
سعاد: هنأخد فلوسنا من جاسر بيه.. ديما(بتوتر): اه طيب انا هخلع بقي.. سعاد: ليه تعالي بس.. ديما: ابدا، همشي انا بصي لا هستناكي هناك عند الشجرة دي.. سعاد: طيب.. و الكل بدأ يروح يأخد فلوس يوميته من جاسر، و جاسر كان بيبص بعينه على ديما بس ملقهاش.. سعاد(بهمس): حضرتك يا بيه بدور على ديما؟ جاسر: مش فاهم.. سعاد(بهمس): انا معرفش هي لما عرفت ان حضرتك هتودينا فلوس قالتلي هستناكي هناك كدة.. جاسر: طيب..
ديما كانت واقفة عرقانة و تعبانة و مش قادرة تقف.. سعاد: ديما.. ديما(بدموع): سعاد انا مش قادرة امشي و حاسة اني بموت... ديما(بدموع): حاسة ان نفسي بيقل، حاسة اني مخنوقة، حاسة اني عايزة اروح بس مش قادرة... سعاد: طيب تعالي معايا.. ديما لسة هتمشي اتكعبلت و ملحقتش تمسك في حاجة، بس جاسر كان واقف وراها و سامع كل حاجة و مسكها بسرعة.. ديما(بدموع): انت ايه اللي جابك؟ ديما زقت جاسر بعيد عنها... ديما: يلا يا سعاد..
جاسر: انجزي روحي اركبي العربية... ديما: لا، انا زيي زي الكل، عن اذنك يا.. ديما(بسخرية): يا جاسر بيه.. ديما سابته و مشيت و سعاد جمبها..
-بعد فترة.. ديما وصلت و طلعت خدت دوش و اترمت على السرير.. ديما(بتعب): ربنا يأخدك يا جاسر.. ديما(لنفسها): بعد الشر.. ديما: شخص رزل... تحت.. خالد: دنيا.. دنيا(باحراج): نعم.. خالد: قولتي ايه؟ دنيا: قولت ايه؟ خالد: انتي غبية؟ دنيا: انا قولت كدة؟ خالد: في اللي قولته ليكي يا دنيا.. دنيا: اه فهمتك، بص انت راجل شجاع و شهم يعني بس انا اخاف تعاملني زي ما جاسر بيعامل ديما.. خالد: اوعدك لا.. دنيا: وعد شرف؟
خالد: وعد شرف يا دنيا.. دنيا: كلم بابا و ساعتها هقول رأيي، باي.. دنيا سابته و جريت، و خالد بص باستغراب من ردة فعلها... دعاء: مالك يا بت طالعة مبسوطة؟ دنيا: لا مفيش.. دعاء: طيب.. دنيا: راحة فين؟ دعاء: راحة لديما.. دنيا: و انا يلا.. -و بعدين ديما كانت غمضت عنيها صحيت مفزوعة.. دنيا و دعاء(بصريخ): ديماااااا.. ديما(بخضة): ايه مين حصل ايه؟ دنيا(بضحك): يااااه لو تشوفي شكلك... ديما(بتعب): حرام عليكوا..
دعاء(بضحك): مالك يا بطة؟ ديما: اه اليوم كان متعب اوي و الحرارة كانت مرتفعة و الشغل جديد عليا يلا الحمد لله... دنيا: طب انتي عاملة ايه؟ ديما: لا متخافوش انا بخير.. دعاء: حاضر يا فيروز جاية.. دعاء: ثانية و جاية.. دنيا: ها يا ستي احكيلي مالك؟ ديما: مفيش حاجة خالص، انا بس الحياة جديدة مش متعودة عليها.. دنيا: من امتي و ديما مش بتتعود على حياتها الجديدة؟ ديما: احكيلي عملتي ايه مع خالد؟
دنيا: بصي قولتله اتكلم مع بابا و ساعتها هبقي اقول رأيي و سبته و مشيت.. ديما(بضحك): يعني موافقة بس بعد ما اعذبك.. دنيا: بصي انتي عارفة اني مكنش فارق اتجوز عن حب و لا لا المهم التفاهم و خالد اكيد مش بيحبني هو هيتجوزني مثلا علشان خاطرك... ديما: انتي هبلة يا بت لا طبعا، هو ممكن شافك زوجة مثالية ليه بس هو اختارك علشانك علشان دنيا.. دنيا: تفتكري؟ ديما: اكيد.. دنيا: ها قوليلي هتلبسي ايه النهاردة؟
ديما: هلبس ليه اساسا؟ دنيا: مش انهاردة هتعترفي ب حبك لجاسر.. ديما: لا مش دلوقتي، يعني الامور تهدي شوية.. دنيا: يعني انتي كويسة؟ ديما: اه، يلا ننزل تحت.. دنيا: يلا...
-في مكان تاني.. في ألمانيا.. محمد: كدة ميعاد العملية كمان شهر و نص.. محسن: ربنا يستر.. تسنيم: ان شاء الله... اولفت: هتعدي ان شاء الله... محسن: اخبار ديما ايه بقالي كتير مبكلمهاش.. تسنيم: لا دي مبسوطة و سعيدة خالص.. محسن: بجد؟طب الحمد لله.. محمد: الحمد لله على كل شئ.. محسن: حسن خد فتحية و على خد اسماء و سافروا سويسرا.. اولفت(بصدمة): ازاي؟ محسن: بنتك يا اختي.. الكل قعد يضحك... محسن: يا رب عدلها من عندك...
تسنيم: الامور كلها هتبقي بخير.. محمد: يا رب ان شاء الله.. محسن: تعالوا نتفرج على فيلم.. اولفت: فكرة حلوة... تسنيم: اختاروا انتوا الفيلم و احنا هنعمل الفشار يلا... تسنيم و اولفت قاموا يعملوا الفشار و بيضحكوا و بيتكلموا.. محمد: ايه رأيك في ده؟ محسن: انا عايز عربي.. محمد: طب اشغل ايه استني اشوف في ايه.. محسن: عندك الشموع السوداء؟حلو الفيلم ده... محمد: على ما اعتقد اه... محسن: طيب...
تسنيم: احنا جينا يلا وسعوا... محسن: طيب طيب... محمد: دول زي التتار... اولفت: بتقول حاجة يا سي محمد؟ محمد: انا اقدر.. و قعدوا و بدأوا يتفرجوا و مبسوطين...
-في مكان تاني.. في سويسرا.. فتحية: المكان هنا حلو اوي.. حسن: اه، و كل حاجة جميلة.. فتحية: بس يا تري مين ممشي البيت هناك؟ حسن: مش قولنا منفكرش في اي حاجة.. فتحية: محسسني انك شاب عندك 20 سنة.. حسن: و ليه لا؟ فتحية: لا ده حازم غيرك اوي.. حسن(بضحك): يا ستي.. عند على و اسماء.. اسماء: نفسي اطمن على فيروز قبل ما اموت... على: يا حبيبتي احنا جايين هنا ننبسط.. اسماء: ايه ده انت بتعرف تقول حبيبتي اهو..
على: اكيد بس مكنتش بقول هناك في البلد.. اسماء: ايوه.. على: لما سافرت مصر علشان اكمل التعليم، حبيت مرتين.. اسماء: ايه ده و مقولتليش.. على: كان حب مراهقة زي ما بيقولوا... اسماء: اه فهمتك...
-في مكان تاني... في الصعيد.. ديما: بس بقي تعبتوني.. عبير(بشماتة): اخبار يومك ايه يا ديما؟ ديما: كان حلو اوي هبقي اخدك مرة تجربيه.. جملات: ابعدي عن ديما يا عبير.. ديما: ما احلي وجودي جمبك يا طنط انتي يا عسل... دعاء: ما تقومي العبي استغماية.. ديما: لا، انا هبلة بتخبط في اي حاجة... دنيا: طب حد يتكلم علشان امسكه طب.. فيروز: دنيا.. دعاء: دنيا.. دنيا: و ربي اللي هيزغزني هضربه.. حازم(بضحك): اوعي..
دنيا(بعصبية): حازم.. حازم: قلبه.. خالد(بحدة): ايه اللي بيحصل هنا؟ ديما: دول بيلعبوا... خالد: حازم ده بيلعب.. دنيا: هو احنا كدة في اللعبة و لا لا.. خالد قرب من دنيا و شال من على عنيها الطرحة.. دنيا: اه كدة احنا في جهنم بس.. دنيا جريت قعدت جمب ديما.. دنيا: انا مكنتش بلعب علفكرة.. دعاء: دي بتسلمنا... فيروز: احم احم في ايه يا خالد يا حبيبي؟ خالد: مين بوظك يا بت منك ليها؟ده انتوا كنتوا زي الالف...
جملات(بضحك): من ساعة ما الهبلتين دول جم اتغيروا.. ديما: متشكرين يا مصر يا ام الدنيا.. دنيا: انا هبلة و افتخر علفكرة.. خالد: اه طبعا طبعا دي بطولات.. و الكل قعد يتكلم و يضحك... عند جاسر.. جاسر كان لسة راجع و قاعد في الجننية، لقي حد بيحط ايده على عنيه.. جاسر: ديما؟! سارة(بغضب): ديما! جاسر: اسف يا حبيبتي، معلش.. سارة: لا واضح ان الهانم واكلة عقلك خالص، حتى بعد اللي حصل النهاردة..
جاسر(بغضب): و انتي مين حكالك اللي حصل؟ سارة: علاء و كمان دي مش اول مرة، دي علطول كانت بتروح لعلاء في اوضته و انا بشوف علاء بيطردها من اوضته... جاسر: متأكدة من الكلام ده؟ سارة: اه، من امتي بكدب؟ سارة راحت قعدت جمب جاسر و باست خده.. سارة: ناوي تعمل ايه يا حبيبي؟ جاسر: هطلقها بس لما الحاج يرجع.. سارة: و ليه مطلقهاش دلوقتي؟ جاسر: علشان الاول اربيها و اذلها، و بعدين ارميها في الشارع لانها هتبقي خاينة...
سارة: ماشي يا حبيبي.. جاسر: قال بتقولي بحبك.. سارة(بصدمة): و انت عملت ايه؟ جاسر: طبعا مصدقتهاش، انا مستحيل اقبل ان دي تبقي مراتي وام عيالي و مستحيل اعتبرها حبيبتي و مستحيل اثق فيها و كمان دي متقدرش تشيل و لا بيت و لا عيال و لا زوج و لا اي حاجة و كمان مش دي اللي ابقي رايح شغلي و مطمن على شرفي و عرضي، انا بحبك انتي يا سارة.. سارة: و انا كمان يا حبيبي.. سارة حضنت جاسر...
-و سارة قامت مشيت و بعد فترة جاسر دخل البيت.. جاسر: مساء النور.. الكل: مساء الخير.. سارة: ايه ده هي فين ديما؟كانت هنا.. دنيا: طلعت اوضتها من شوية.. جاسر: انا طالع انام، بكرة اجازة.. خالد: طيب.. جاسر طلع اوضته و فتح الباب و دخل.. ديما(بابتسامة): هاي، مساء النور.. جاسر اتجاهلها و دخل غير هدومه و خرج.. ديما: ممكن نتكلم شوية؟ جاسر بص في عيونها لقي نظرة غريبة نظرة جديدة عليه... جاسر(بلامبالاة): خير؟
ديما خدت نفس عميق و غمضت عنيها و فتحتهم ببطء ده كله تحت نظرات جاسر... ديما: انا عايزة اطلق يا جاسر..
رواية إمرأة في عصمة صعيدي
