رواية الشقيقتان الجزء الأول للكاتبة داليا صحصاح الفصل العشرون
مع ضغط اميرة على سيلا انهارت من البكاء واعترفت سيلا بحبها لأمير سيلا: ايوة بحبة بحبة كثير كمان بس ايه الفايدة من الحب ده بحب شخص مش ملكي ولاهيكون لي اميرة: لا انت غلطانة ياسيلا امير من حقك انت انا اللي بعرفة ان امير بيحبك كل تصرفاتة بتدل على كده سيلا: لا امير من حق منى مش من حقي هما مخطوبين ولا نسيتي.
اميرة: لا مانسيتش بس دي مش خطوبة رسمية مجرد كلام وسبب الخطوبه انه ماحبش يجرحها ولا يجرح مشاعرها لأنه يعلم انها بتحبه: لكن هو مش بيحبها سيلا: مش بيحبها ويجرحها ليه ده كله وايه سبب ده كله ليه وافق على خطوبه وهو مش حاببها.
اميرة: هي دايرة تقول في كل مكان انه بيحبها وهي بتحبه عشان ما تخليش اي بنت ثانية تقرب منه فهمتي: ويوم عيد ميلادها فوجئ بكلامها امام الجميع وبتقدموا للأقاربها على انه خطيبها وهو مارضيش يجرحها مش اكثر سيلا: يعني هي هي وانهارت من البكاء وأخذتها اميرة في حضنها حتى نامت ولم تشعر بشئ حتى جاء الصباح.
وصحي الجميع من نومهم ليبدأ يوم جديد واجتمع الجميع لتناول طعام الفطور في المطعم التابع للفندق وجلسوا الجميع كل ثنائي بجوار بعض وجلست سيلا بجوار منى: وتحدثت منى قائلة منى بمكر كبير: تعرفي ياسيلا انا ارتحتلك جدا وحبة اتكلم معك وأحكيلك على اللي جواية سيلا: حبيبتي وانا كمان احنا اخوات ويكون لي الشرف انك تثقي فيني.
منى: انا بحب امير قوي لدرجة اني ماقدرش اعيش من غيرة لدرجة انه لو بعد عني شوية بتجنن: ومش هضحك عليكي انا لما اتعصبت عليكي ساعة ما كنا في البحر كان من غيرتي عليه سيلا بحزن شديد: اه فعلا انا حسيت بهيك شي وعشان هيك مازعلت منك ربنا يسعدكم. وحزنت سيلا على ماسمعت من منى وكلامها على امير وعندما قالت منى لها عن مدى حبها لأمير وتعلقها بيه ولاتعلم نوايا منى من هذا الحديث.
وكانت نوايا منى باينة انها تبعد سيلا عن طريق امير بأي طريقة ولاتدع سيلا تفكر انها تحبة. انها الأنانية وحب تملك الذات: ربي لاتجعل ذرة حقد وغل في قلوبنا يارب العالمين وبعد ما سمعت سيلا كلام منى لها اتخذت قرارها وهو انها تبعد عن امير ولم تعترف بحبها له مهما حصل لأنه مش من حقها من حق واحدة ثانية غيرها وعقدت على انها لم تفرق بينهما مهما حصل حتى تحدثت اميرة مع سيلا.
اميرة: مالك ياسيلا في اية اتغيرتي مرة واحدة هي منى كلمتك في حاجة سيلا: لا أبدا انا مافي شي نهائي اميرة: بحيرة طيب يلا بقى عشان نروح نلحق اليوم من اوله نشتري شوية طلبات للفرح انت ناسية ان فرحي بعد رجوعنا بأسبوعين سيلا: لا مانسيت ربنا يسعدك ويهنيكي ياحياتي وذهبوا سويا لكي يشتروا كل شئ يلزم اميرة بخصوص فرحها وعندما رجعوا كان ينتظرهم امير واحمد امير: حمدلله على السلامه.
سيلا: يسلمو يارب ويسكتون بينما يتحدثون سويا عن طريق العيون انها لغة العيون احمد: عملتي ايه ياحبيبتي اشتري كل شئ انت عايزاه اميرة: ايوة ياحبي كل حاجه ربي مايحرمني منك يارب بقولك ايه هو امير بيحب سيلا ولا انا حكمت غلط احمد: امير بيحب سيلا وخايف يعبر لها عن حبه تصده ويخسرها اميرة: لا مش هتصده سيلا بتحبه وخليه يعترف لها قبل فوات الأوان. انت عارف يوم ماكنا سهرانين في الديسكو بعد ما شربت وسكرت.
احمد: ايوه فاكر انا شوفتهم كمان وهما بيرقصوا مع بعض كانو منسجمين سوا وكانوا في عالم تاني وهي كانت بتغني زي ماتقولي كانت بتحاول تقوله انها بتحبه كل واحد منهم جواه كتلة حب للثاني والحب ده عايز يظهر للنور اميرة: ماهو ده اللي انا عايزاة انهم يعترفو لبعض بحبهم بدل العذاب اللي هما فيه ده احمد: يعني سيلا بتحب امير فعلا.
اميرة: ايوة وبجنون كمان هي كل ليلة بتنام والدموع على خدها وحزينه: وانا استدرجتها في الكلام وهي سكرانه وخليتها تطلع كل اللي جواها واعترفت بحبها لأمير احمد: فالحة وهي سكرانه يعني كل حاجه اتنست مجرد مانامت وصحيت من النوم.
اميرة: لاما هوانت عارف كل واحد وهو سكران كل اللي جواه بيطلع ساعتها من غير مايحس ولما واجهتها بحبها لأمير كابرت في الاول بس اعترفت في النهايةانها بتحبه وكانت فاكرة ان امير بيحب منى ولكن انا شرحتلها وضحت لها كل حاجة ان امير عمرة ماحب منى وعرفتها السبب الخطوبه كمان احمد: وهي اقتنعت بكلامك بقى اميرة: ايوة ياسيدي ماهو انا بقولك ليه خلي امير يصارحها بحبة احمد سمع كلام اميره له من هنا وطلع جري على امير.
احمد: امير عندي لك خبر بمليون جنيه وهيفرح قلبك كمان امير: خير قول في ايه اما اشوف ايه اخرتها معاك احمد: سيلا بتحبك وبجنون كمان: وخبرة بكل الكلام الذي دار بينه وبين اميرة فرح امير بهذا الخبر جدا وعزم على ان يصارح سيلا عن مشاعرة وحبه لها. وكانت سيلا تتمشى على البحر لوحدها حزينه وشارده الذهن.
كيف لها انها تحب شخص ليس ملكها بينما انها لم تشعر بالشعور هذا من قبل رغم انها كانت عايشه في قصة حب من قبل ولكن قصة حبها هي وجاسر كانت مختلفة انه كان لها حبيب واخ ورفيق يعنى حبهم كان من نوع اخر فيه حب العشرة وحب الصداقة والعشق. لكن حبها لأمير كان الحب الحقيقي وانها اكتشفت نفسها معه ولكن ايه فايدة حبها له.
انه يحب امرأة اخرى وليس هي حتى لو ما كانش بيحبها يكفي انهم مرتبطين وانها لم تسطيع ان تسرقه من خطيبته ثم نظرت الى السماء وتنهدت تنهيده تعبر عن كمية الوجع اللي داخلها: وفجأة سمعت صوت امير يحدثها امير: ياه دي كلها تنهيده ومش اي تنهيدة فيها كمية وجع ايه مالك وسرحانة في ايه؟ سيلا: أبدا مافي شي بس بحب منظر السماء والبحر في لحظة الغروب بتكون روعة امير: فعلا وانا كمان بحب لحظة الغروب وانت تكوني معايا.
سيلا يتعجب: شو كيف وانا معاك ولم تكمل وسرحوا سويا في عالم ثاني وتحدثت عيونهم بس المرة دي قرب منها وقربها منه لدرجة ان اختلطت انفاسهم وقد تسارعت دقات قلبها وانفاسها بقرب حبيبها منها وكاد ان يقبلها وبالفعل قبلها ولكن افاقت ودفعته وطلعت تجري هروب منه لكي لاتضعف امامة: ولكن جري امير خلفها وامسك بيدها وقال لها امير: سيلا استني ليه بتهربي مني ليه سيلا انا بحبك والله العظيم بحبك.
سيلا بفرح: شو بتحبني انا انت بتقول ايه امير: انا من اول ماشوفتك وانت سكنتي قلبي ومستحيل اقدر ابعد عنك بجد بحبك ونفسي اقضي حياتي كلها معاكي وانا عارف انك انت كمان بتبادليني نفس الشعور سيلا: انا لا ابدا ما بحبكش انت مجرد اخ وصديق لي مو اكثر من هيك امير: ازاي عايزة تفهميني اللي بشوفه في عيونك ده مش حب واللي حصل من شويه ده تسميه ايه ممكن اعرف مش حب.
سيلا: لا مش حب مستحيل وبلاش تكدب على حالك وعليه انت ازاي بتحبني وانت بتحب وخاطب منى امير: صدقيني انا بحبك انت منى بالنسبة لي اخت وصديقة مش اكثر من كده سيلا: وكلامها معاك وعنك لاء مستحيل. امير: ما انا حكيت لك على حياتي في الأول كانت ازاي: انت دخلتي حياتي غيرتيها علمتيني ازاي احب واعرف معنى الحب سيلا انت اول واخر حب لي في حياتي. سيلا: والدموع في عيونها لا يا امير صعب انا مش بحبك ولا بحب حد.
وكذبت عليه بالكلام وقالت: انا لسة بحب جاسر وعمري ما هحب حدا غيرة امير بصدمة: يعني ايه انت لسه بتحبيه وبتفكري فيه حتى بعد ما مات سيلا والدموع تزدادفي عيونها وتكابر وتقول: ايوه لسه بحبة ومستحيل انساه مهما حصل: ثم تركته وذهبت وهي تبكي على حبها اللي انتهى قبل ما يبتدي وقد لمحتها اميرة وهي تركض ومنهارة من البكاء الى غرفتها وطلعت وراها لكي تطمئن عليها وتعرف مابها بينما كان امير مصدوم من كلام سيلا معه.
وذهب اليه احمد لكي يتحدث معه. احمد: خير يا امير مالك في ايه اللي حصل اللي خلى سيلا تجري بالمنظر ده وهي منهارة انت قولتلها ايه امير: لسه بتحبه يا احمد لسه عايش جواها: انا خلاص خسرت حبي ومش عارف اعمل ايه انا خلاص ادمرت احمد: انت مش صرحت لها بحبك لها وهي صارحتك هي كمان.
امير: انا اه هي لاء مش بتحبني وهي لسه بتحب جاسر خطيبها وعايشه على ذكرى حبه لها ومستحيل تنساه: انا تعبان ومش عارف اعمل ايه انا بحبها ومش قادر اتخيل حياتي من غيرها احمد: ازاي هي اعترفت لأميرة انها بتحبك: يبقى اكيد حصل حاجه خلاها ترفض حبك لها: استنى هي مفكرة انها بكده هتفرق بينك وبين منى انت مش وضحت لها حقيقة علاقتك بمنى بدأت ازاي وهي بالنسبة لك ايه ولا ماقولتش حاجه رغم ان اميرة شرحت لها قبل كده.
امير: ايوة شرحت لها كل حاجه بس ما صدقيتش. احمد: طيب تعالى نرجع ونشوف هنعمل ايه زمان الكل بيسأل عننا لكن امير قد حسم قرارة في لحظة يأس بأن يعلن خطوبته على منى منى: امير حبيبي كنت فين كده سايبني هنا وتروح انت واحمد تتمشوا على البحر وبعدين معاك ياعم احمد انت مش عندك عروستك خدها واتمشى معها وسيب لي انا حبيبي.
احمد: معلش يامنى ماهو انت كنتي نائمه وهو حب يتمشى شويه ماحبيتش اخليه لوحده: ويضحكون سويا وكان الجميع مجتمعين لكي يسهرون سويا.
في غرفة سيلا واميرة كانت سيلا تبكي وحزينه على اللي صار وازاي عملت كده ورفضت حبه لها وكسرت قلبها وقلبه ليه: تحدثها اميره: في ايه ياسيلا وتراها تبكي تضمها في حضنها وتواسيها اميرة: في ايه اللي حصل بينك وبين امير طمنيني سيلا: اعترف لي بحبه وقالي انه بيحبني اميرة: وانت قولتيله ايه سيلا: قولتله اني لسه بحب جاسروعمري ماهنساه.
اميرة: ايه ليه عملتي كده انت اعارفة بعملتك دي وصلتي لإيه هتخسريه وتكسري قلبك ليه كده حرام عليكي سيلا: ماقدرش اجرح قلب منى ولا اسرق منها حبيبها مش انا اللي اسرق واحد من خطيبته اميرة: الكلام ده لو كان هو بيحبها لكن هو بيحبك انت والخطوبه مش رسمي طيب تعالي ننزل الحين وبعدها نتكلم عشان مافيش حد يلاحظ حاجه ونزلو سويا الى تحت حيث ماكان الجميع مجتمعين.
ويتحدث محمود ويعلن عن حبه لسهير وقرروا ان يحددوا معاد جطبتهم مجرد رجوعهم من الرحلة وفرح الجميع وباركو لهم وهنئوهم بمناسبة الخبر السعيد وزي ما احنا عارفين ان احمد واميرة فرحهم بعد رجوعهم من الرحله بأسبوعين وكان امير يراقب سيلا من بعيد وقرر ان يعلن خطوبته على منى يحاول الهروب من حبه لسيلا بهذا القرار امير: مش تباركولنا ياجماعة. احمد: على ايه يا امير هو حصل حاجه.
امير: انا ومنى خلاص اتفقنا على تحديد معاد الخطوبه ايه رأيكم وبيكون مع فرحك يا احمد ايه رأيكم فرح الجميع بهذا الخبر ماعدا احمد واميرة كانوا في ذهول تام لأنهم عارفين حقيقة الواقع الذي يعيشه امير وسيلا وهنا تقع الصدمة الكبرى على سيلا عندما سمعت الخبر ولكن تمالكت نفسها وباركت لهما سيلا: مبروك يامنى وتضمها وتقول لها عن جد فرحتلك من قلبي ربي يسعدكم يارب.
منى: الله يباركلك يارب ياحبيبتي: وكانت من داخلها تسخر منها وتقول لنفسها مش هتيجي واحده زيك تأخده مني لازم تعرفي ان منى الشهاوي لما تحب تأخذ حاجه بتأخذها مهما حصل: وتضحك لها وتقول لها عقبالك سيلا: مبروك يا امير على الخبر الحلو ده عن جد فرحتلك امير: اه ما انا عارف انك اكيد هتفرحيلي وكان احمد واميرة يشعرون بالحزن والألم الشديد على سيلا وامير واللي بيعملوه في نفسهم وذهب كلامنهم على غرفتهم لكي يناموا.
رواية الشقيقتان الجزء الأول للكاتبة داليا صحصاح الفصل الحادي والعشرون
كان احمد واميرة يشعرون بالحزن والألم الشديد على سيلا وامير واللي بيعملوه في نفسهم وذهب كل منهم على غرفتهم لكي يذهبوا للنوم ولكن اميرة لم تسكت لسيلا مجرد ماصاروا لوحدهم في الغرفة اميرة: ليه ياسيلا عملتي كده نكرتي حبك لأمير ليه اهو خسرتيه سيلا: ليه عشان مش انا اللي اخون اصحابي اميرة: خيانة ايه يابنتي انا مش فهمتك وعرفتك الحقيقة ده غير ان امير شرحلك حقيقة الامر.
سيلا: لاء خيانة منى رفيقتي وانا مستحيل اخونها هي صرحت لي بحبها لأمير وقالت انها مستحيل تعيش من غيرة وانها بتحبة لدرجة لو بعد عنها هي ممكن تموت من غيرة وانا جربت من قبل هذا الاحساس مستحيل اخليها تجربه هي كمان يبقى ازاي عايزاني اسرق منها حبيبها اميرة: انا ماكنتش مرتاحه لكلامها معاكي حسيت ان تغيرك ساعتها ان هي السبب.
صدقيني امير بيحبك انت مش بيحبها هي: وافهم من كده انك ضحيتي بحبك وسعادتك عشان واحده ثانيه صح رغم علمك ان هو مش بيحبها سيلا: حتى لو هي اللي بتحبة مستحيل اكون سبب ان قلبها ينكسر اميرة: حتى لو كان حبها له مش حب بيكون انانيه وحب امتلاك للشئ سيلا: منى بتحب امير وهو وعدها من قبل انهم لبعض ايا كان السبب ايه خلاص لحد هون وكفاية كل واحد منا لازم يرضى بالمكتوب له.
وتترك اميرة وتقول لها تصبحي على خير انا هنام بدك مني شي اميرة: لا وانت بخير ياحبيبتي وهنا تنام اميره على اعتقدها ان سيلا نامت ولكن سيلا لم تنام بعد وانها مجرد ما إتأكدت ان اميرة نامت تسحبت وبدلت ملابسها ونزلت الى الاستراحة وسألت الإستعلامات ألا يوجد بالفندق اي مكان للترفيه مثل الديسكو اي طلبت معها تشرب وتسكر لكي تنسى ألمها ووجعها.
دلها موظف الإستعلامات على الملهى الخاص بالفندق: وذهبت سيلا اليه لكي تحاول ان تتناسى الوجع الذي بداخلها وطلبت من الجرسون ان يحضر لها الوسكي او الكونياك بل طلبت كوكتيل من الخمرة وشربت الكثير لدرجة انها اصبحت في عالم اخر بمعنى صحيح سكرت واصبحت ترقص لكن دون وعي بذلك.
وقد قلقت اميرة من نومها ونظرت على سيلا لتطمئن عليها فلم تجدها بمكانها فقلقت وتسألت اين هي واين ذهبت بحثت عنها لم تجدها: اتصلت على احمد لكي تسأله عنها وانا ليست موجوده بالغرفة وانها لاتعرف اين هي ولا فين راحت: ومجرد ماسمع امير انها لم تجدها قلق وخاف عليها جدا ونزل مثل المجنون وخلفة احمد واميرة لكي يبحثوا عنها.
وسألوا موظف الإستعلامات عنها ان رأها او يعرف عنها حاجه: أخبرهم موظف الإستعلامات انها موجوده بالملهى الليلي التابع للفندق وذهبوا الى الملهى وجدها هناك ولكن صدم من المنظر الذي كانت هي فيه كانت ثملة للغاية وترقص مع الشباب الذين كانوا بالملهى وذهب اليها وشدها من وسطهم في ذهول الجميع وكان الشباب هيتجمعوا عليه ولكن احمد تدخل وقال لهم بأنه خطيبها وذهبوا لحالهم بعد ما تفهموا الأمر.
سيلا مجرد ماشافت امير انهارت من البكاء وذهبت وأمسكت بالمايك وغنت من غير ماتدري وأخرجت كل مشاعرها له في اغنية تعبر له عن حبها له. اه من هواك ياحبيبي قلي كيف كيف بينساني هواك عمري صار صيف وخريف مابيعيش لحظة بلاك ياحبيبي من زمان زايد علي قساك حيرانه وقلبي حيران لحظة مش قادر ينساك انا مين عندي بعدك لمين قلبي بيكون من هواك اه من هواك اه من قلبي اللي ماجفاك شو صار بحبك شوصار ياللي حياتي سنين سنين ضياع.
ياحبيبي لا لاتغيب روحي مابتحمل غياب انت بعمري الحبيب عمري من غيرك سراب ياحبيبي حدي كون لا ملام ولا عتاب بين غرامي والجنون وبغرق ببحر العذاب.
ومجرد ما انتهت من اغنيتها له اسرعت واترمت في حضنه وبكيت وقالت له وهي لم تدرك ماتقول انه ليه بيتركها ويخطب منى وصرحت بكل مشاعرها المكنونه داخلها له وهي لم تعي لذلك وضمها امير وقال انه مستحيل يخطب منى وهو مستحيل يتركها ويبعد عنها مهما حصل وقال لها انها هي حب حياته ومستحيل يتخلى عنه مهما حصل ونامت على كتفه ثم حملها وطلع بيها الى الغرفة ووضعها على التخت لكي تنام وقال.
امير: اميره خلي بالك منها واوعي تسهيكي وتنزل تاني مجنونه وتعملها اميرة: اكيد بس انت بكده اتأكدت انها بتحبك صح امير: اكيد وانا عمري مابتركها ولا هتخلى عنها ابدا وذهب امير وهو بكامل فرحته بإعتراف سيلا له وعرف انها تحبه مثل ماهو بيحبها احمد: هتعمل ايه مجرد ما هتصحى مش هتكون فاكرة اي كلمة قالتها امير: يكفي اني عرفت حقيقة مشاعرها احمد: طيب ومنى هتعمل معها ايه دي ممكن تصور فيها قتيل.
امير: منى كده كده انا كنت ناوي اعترف لها بأنها مجرد صديقة واخت عزيزة لي مش اكثر من كده وكنت ناوي اعتذر لها عن الخطوبه لأني ماكنتش ناوي ولا حابب اظلمها معي وارتبط بيها وانا مش بحبها احمد: ربنا يسترها وما يحصلش حاجة وفي صباح اليوم التالي افاق الجميع من نومهم ونزلزا الجميع لكي يتناولوا طعام الفطور وكانت سيلا افاقت قبل الجميع وذهبت الى البحر وجلست على الشاطئ.
تتأمل المنظر الشمس وهي بتشرق وعلم امير بذلك وذهب اليها امير: سيلا انت هنا وحشتيني تنظر له ونفسها تقوله انه هو كمان وحشها جدا وكم تحبه ولكن لم تتحدث امير: ايه مش هتقولي وانت كمان: سيلاانا بحبك ومش قادر انسى حبك وانت كمان بتحبيني واعترفتي لي بحبك ليلة امس. وقد حكى لها كل شئ حصل امس واعترفت له بحبها سيلا: شو: انا اعترفت لك انا كنت سكرانة ومش عارفة كنت بقول ايه اهو كلام وخلاص.
امير: الكلام ده كان هو الحقيقة اللي انت بتحاولي تخبيها سيلا: حتى لو هيك ايه اللي هيتغير مافي شئ بيتغير امير: هيتغير كثير اننا هنعيش مع بعض طول العمر ونعيش كل لحظة حب بينا في سعاده سيلا: ومنى شو بتسوي معها انا مستحيل ابني سعادتي على حساب سعادتها امير: بالنسبة لمنى سواء انت اعترفتي لي ام لا كنت بخبرها الحقيقة اني مستحيل اظلمها معايا واعيش معها وانا بحبك انت. وساعتها ضعفت سيلا وارتمت في حضنه وتقول له.
سيلا: ايوه بحبك وما بقدر اعيش لحظة بلاك وكل كلمة قولتها لك كانت من ورا قلبي، وعن جد انا بحبك قوي واخذها امير في حضنه ولف بيها من كتر ماهو فرحان انها اخيرا اعترفت له واخيرا حلم حياته اتحقق ااااااه ياقلبي اخيرا حققت حلم حياتي ومن ملكت فؤادي معي واعترفت لي بحبها اه بحبك يامن ملكتي حياتي وسكنتي القلب ولاغيرك في قلبي يامنى النفس والروح.
وكانت سيلا سعيده جدا واخيرا نالت حبها وحست انها ملكت الدنيا ومافيها اااااه باقلبي عن جد الدنيا رجعت تضحك لي من جديد وحبيبي هون معي مش مصدقة حالي ااه ياقلبي بحبه كثير يارب ماتحرمنيش من هالحب ياربي وفرحو وانطلقوا سويا في حبهم.
رواية الشقيقتان الجزء الأول للكاتبة داليا صحصاح الفصل الثاني والعشرون
ضعفت سيلا وإرتمت في حضنه وتقول له. سيلا: ايوه بحبك ومابقدر اعيش من دونك لحظة واحدة وكل كلمة قولتها لك كانت من وراء قلبي. وضلو طول اليوم سويا ونسوا نفسهمم والدنيا كلها وضلو هما الإثنين فقط على شاطئ البحر وقضوا احلى يوم في حياتهم سوا وضلو لثاني يوم الفجر. وكان احمد يعلم انهم سويا واخذ اميرة في جولة لكي يقضوا هما ايضا حياتهم ويسرقوا لحظات السعادة سويا وايضا محمود وسهير.
وكانت منى نائمة: هل يعقل ذلك منى تنام وتترك امير؟
فلاش باك. احمد: بقولك ايه يا اميرة انا عايزك تعطي كوب العصير ده لمنى تشربه اميرة: ليه خير في حاجه يعني احمد: اليوم انا عايز امير يقضي كل اليوم مع سيلا خلاص الرحله مابقى فيها شئ يرضيكي منى تكون عزول بينهم اميرة: لاء اكيد افهم من كده ان العصير فيه منوم احمد: ايوه يلا بسرعة واطلعي خليها تشربه قبل ماتنزل اميره: اه منك افكارك كلها جهنميه.
وبالفعل طلعت اميرة واعطت منى العصير وكان معها هي كمان كوب من العصير لكي منى لاتشك في حاجه وشربت منى العصير ونامت وذهبوا هما كمان لكي يعيشوا لحظات السعادة الخاصة بيهم باك.
امير: تعرفي انا ماكنتش بؤمن بالحب إلا لما شوفتك ساعتها انت غيرتي لي حياتي كلها ودخلتي السعادة لحياتي وانت اول حب لي واخر حب لي ياعمري سيلا: وانا كمان مانكرش اني انجذبت ليك في الأول لدرجة اني ماكنتش متوقعه اني افتح قلبي لحد: وقدرت انت تخلي قلبي يحب من جديد لأني لاقيت نفسي معاك انت كملت الناقص في حياتي واكتشفت اني بحبك واتمنى من ربنا انه مايحرمني منك ياحبيبي.
امير: اه ياحب عمري لو تعرفي اني حاسس اني ملكت الدنيا كلها في ايدي عشان انت معايا سيلا: عن جد هيك كثير عليه ومش مصدقة حالي ان خلاص السعاده هترجع لحياتي تاني اااااااااه ياقلبي بحبك وبموت فيك ياروحي انت. ومر اليوم بسرعة كبيره هو كده وقت الفرح بيمر بسرعة. امير: ياه الصبح طلع واحنا مش حاسين بحاجه وانا معاكي بنسى روحي ودنيتي وعمري كله.
سيلا: وانا كمان ياقلبي نفسي اخدك ونبعد عن عيون الناس ومايكونش في غيرنا انا وانت وبس ياروحي انت بس لازم نرجع بقى زمان الكل قلقانين علينا. امير: سيبك منهم وخلينا شويه مع بعض سيلا: كيف مابيصير يلا بقى عشان كمان انا جوعت كتير ونبدل ملابسنا امير: عيوني ياروح الروح يلا بينا.
ورجعوا على الفندق وكان احمد واميرة في انتظارهم وكانو فرحانين عشان اخيرا بقوا الاثنين سيلا وامير مع بعض بس يخسارة الحلو مابيكملش تحضر وتعكر مزاجهم منى تجري وترمي نفسها في حضن امير قائلة منى: كده تسيبني نايمه وتمشي ياحبيبي هو انا مش في بالك ولا ايه وكانت سيلا تحترق من داخلها على منى مش غيرة لاء خوف على جرح مشاعر منى وكان امير لايعلم كيف يتصرف معها لكي لايجرحها ثم يبعدها عنه ويقولها.
امير: منى انت اللي نمتي وماجتيش قولت اكيد انت عايزة ترتاحي شويه يعني ماحصلش حاجه وقد مرالشهر سريعا ومابقى منه الا يوم واحد فقط وتنتهى الرحلة منى: اوك ياحبيبي بس انت عارف ان اليوم هو اخر يوم لنا في الرحله وعشان كده هتقضيه كله معايا اوك امير بحيرة: اوك بس سيلا بتكون معنا اكيد تمام منى بغيظ: تمام وماله المهم تكون معي ياحبيبي.
فكر امير بفكرة بحيث ان يهرب من منى في اليوم ده اقترح ان اليوم ده يقضوه كلهم سوا بحجة انه اخر يوم لهم في الرحلة ووافق الجميع على الفكرة دي احمد: بجد فكرة حلوه يعالم هنتجمع من تاني مع بعض من جديد امتى وقضوا الكل سويا في فرح وسعاده وانتهى اليوم على خير وحل المساء ورجعوا الى الفندق لكي يستعدوا ويجهزوا الشنط للسفر والعوده الى القاهرة في صباح اليوم التالي وكانت منى تشعر بحاجة غريبة بتحصل وهي لاتعلم بيه.
ونام الجميع بعد تجهيز امتعتهم للسفر.
في صباح اليوم التالي كان الجميع يستعدون بتجهيز الشنط وتنزيلها الى الباص. وكان امير حابب ينهي كل شئ مع منى قبل عودتهم من الرحله وذهب يتحدث مع منى امير: منى انا حابب اعترف لك بحاجه منى: عارفة هو ايه انك بتحبني صح امير: بلاش تصعبي علية الموضوع ارجوكي منى بتعجب: اصعب ايه يا امير مالك في ايه طمني في حاجه حصلت قولي امير: بصي انت عارفاني اني مش بحب اللف ولا الدوران: موضوع خطوبتنا.
امير: لاء أبدا بس انا مش هقدر اكمل واظلمك معايا انت يامنى عندي حد غالي جدا ومش حابب اخسرك عشان كده بقولك خلينا اصدقاء احسن منى: اصدقاء بعد حبي ليك وعدك لي انك بتكون لي تقولي خلينا اصدقاء ليه ايه السبب امير: بصراحه لو انا ارتبط بيكي بكون بظلمك معايا وانا مستحيل ارضى لك بكده انا عايزك تفهميني. منى: جاوبني بصراحة مين هي اللي غيرتك من نحيتي: سيلا صح.
امير: بصراحة ايوه سيلا، لأني بحبها وماقدرش اعيش من غيرها وعشان كده مش حابب ارتبط بيكي وانا بحب واحده ثانيه وتسكت منى قليلا ثم تتحدث. منى: ولايهمك ياحبيبي انا اه بحبك بس عمري مارضى ارتبط بيك وانت مش بتحبني وهضحي بحبي لك في سبيل سعادتك. واه خسرتك حبيب بس مستحيل اخسرك كصديق امير بفرحة وكأن جبل انزاح من على كتفه: وده كان عشمي فيكي وعارف انك هتفهميني بجد انا مش عارف اقولك ايه.
منى: ولا حاجه ويلا عشان الباص وصل. وكانت منى تشتعل بالنار من داخلها وكانت تتوعد لسيلا لكن تمالكت نفسها لكي لايلاحظها امير بجد انسانه ماكرة وصعد الجميع الى الباص وانطلق بهم الباص في طريق العوده لبيوتهم ورجع الجميع من الرحلة بالسلامه على بيوتهم ووصلوا احمد واميروسيلا بعد ان وصلوا اميرة الى منزلها الى الفيلا: وكانوا الكل ابراهيم وامينه وميسون في انتظارهم.
سيلا: ماما حبيبتي وحشتيني عاملة ايه ياست الكل طمنيني عليكي ميسون: الحمدلله ياحبيبتي وانت كمان وحشتيني كثير الحمدلله اني شفت سيلا بتاعت زمان رجعت تاني يارب يسعدك ياقلبي سيلا: كيفك عمو شواخبارك وحشني كثير ياعمو كيفك ياطنط شو اخبارك وحشتوني كثير ابراهيم: الحمدلله يابنتي: اخيرا شوفت البسمة منوره وجهك من جديد يارب تضل هالبسمة ياقلبي سيلا: يسلمو ياحلى عمو في الدنيا كلها.
احمد وامير في نفس واحد: بجد وحشنا يا أحن اب في العالم ابراهيم: وانتم كمان يحبايبي وحشتوني قوي روحتوا وقولتم عدولي انتم رحتوا من هنا تتفسحوا وانا هنا لايص في الشركه لوحدي امير: ياحبيبي خلاص احنا رجعنا ومش هنسيبك تاني لوحدك خالص مرضي كده ابراهيم: ياحبيبي انا اهم شئ عندي هس سعادتكم ناوي على ايه يا احمد ياحبيبي انت واميرة. احمد: خلاص بعد اسبوعين ياعمي ده بعد اذنك كل شئ جاهز ماعدا موافقتك.
ابراهيم: اول شئ انا عايزك تقولي يابابا وثاني شئ على بركة الله الف مبروك ياحبيبي احمد: الله يبارك فيك يابابا ربنا مايحرمنيش منكم يارب العالمين ابراهيم: ولامنك ياحبيبي وعقبال ما افرح بيك انت كمان يا امير ياحبيبي امير: هيحصل يابابا ماهي دي المفجأة الي محضرها لكم امينه: مفاجأه خطوبتك انت ومنى صح امير: لا ياست الكل ياقمر انت وحشتيني ياست الكل امينه: اه ماهو انت لسه فاكر ماهو انت ابن ابوك.
ابراهيم: وفيها ايه بقى لما يكون ابن ابوة: مش ابوه ده اللي بيموت في حبك برضه ولا ايه امينه: تتكسف وتقوله وبعدين معاك الولاد هنا وتحمر خدودها وتسكت امير، احم احم نحن هنا ايوه ياعم علمني شويه عشان خاطر ابنك غلبان قوي ابراهيم: ماقولتش ايه هي المفاجأة. امير: انا وسيلا اتفقنا وقررنا اننا بعد موافقتكم طبعا اننا نتزوج ايه رأيكم ابراهيم: ده يوم المنى ياحبيبي ده احلى خبر سمعته في حياتي مبروك ياحبيبي.
وفرحت الأم بذلك الخبر لأنها كانت تتمنى ان ابنها يتزوج من سيلا وقد اتحقق حلمها امينه: احلى خبر سمعته ياقلبي يازين ما اخترت يا حبيبي. وباركوا لهم واخذوا سيلا في حضنهم وباركولها وكانو سعداء بهذا الخبر واخذت سيلا والدتها وطلعت الى الطابق الثاني لكي ترتاح من تعب الطريق وانها محتاجة تتحدث مع والدتها كثيرا سيلا: قوليلي ياماما هي اسيل اخبارها ايه بتتصل ولا لاء ميسون: ايوة ياقلبي بتتصل وسألت عليكي كثير.
سيلا: يعني ماهانش عليها تتصل فيني ولو مرة واحده ميسون: انت عارفة اختك وغير ان البطوله خلاص على وشك انها تبدأ سيلا: ربي يحقق كل امالها يارب العالمين: احكيلي بقى عملتي ايه من غيري ميسون: بصراحة عمك ابراهيم وخالتك امينه ماتركوني لحالي لدرجة اني نزلت تحت معهم عشان ماضل وحدي هون سيلا: الحمدلله لولا هما بعد ربنا ماكنت اطمنت عليكي.
ميسون: تعالي بقى احكيلي عن رحلتك وايه الخبر الحلو اللي سمعته ده عن جد حقيقي هتجوزي انت وامير. سيلا: ايوة ياماما امير بيحبني وانا بحبه كثير تصدقي ياماما انا كنت فاقده الأمل اني ممكن افتح قلبي من جديد: لكن امير غير لي حياتي وخلاني احبه كثيرواتفقنا على اننا نتزوج ميسون: فرحتيي قلبي ياحبيبتي عن جد الحمدلله انى شفتك سعيده من جديد.
ولكن سيلا شعرت بالخوف ولا تعلم لما شعرت بهذا الخوف ولكن تناست هذا الشعور لأنها لم تحب ان تفسد فرحتها.
في الطابق الثاني ابراهيم: امير تعرف لو ما كنتش انت اللي طلبت انك تتزوج من سيلا كنت انا طلبت منك الطلب ده لأني مستحيل الاقي مثلها عروسة تكون مناسبة لك مثلها امير: ربي مايحرمنيش منك يارب ياغالي لولا وجودك معي ماكنتش هكون سعيد كده ابراهيم: ربنا يسعدك ياحبيبي واشوفك احلى عريس انت واخوك احمد وفجأة رن موبيل ابراهيم وكان الإتصال من لبنان: وبان عليه التوتر كثير لدرجة ان امير لاحظ عليه انه متوتر.
امير: مالك يابابا خير متوتر ليه ساعة الموبيل رن وانت اتوترت خير ابراهيم: ابدا ولاشئ يلا خذ صحبك واطلعوا عشان ترتاحوا اكيد انتم تعبانين من طول الطريق وتعبه امير: ماشي ياغالي انت تؤمر واحنا نفذ على الفور ويضحكان سوا وطلعوا لكي يرتاحوا ودخل ابراهيم غرفة المكتب وامر زوجته امينه ان تعمل له فنجان من القهوة وترسله له ومافيش حد يدخل عليه المكتب نهائي.
رواية الشقيقتان
