فتاة صغير تسافر مع جدتها وجدها من الصعيد الى السكندريه وتكبر هناك وتتعلم وبعد اعوام ترجع الى الصعيد بسبب بعض المشاكل هناك وتتزوج فتى صعيدي.
اقتباس من الرواية
رأفت الدمنهورى وهو الاخ الاكبر للعائله قبل فاروق:وه عليك يا فاروق يا خوي سيبنى اجتلو هوه فاكر نفسو مين ده البهيمه عندينا تسوى عنو اكتر بكتير
فاروق بغضب:اهدى يا رأفت مش اكده الراجل مجلش حاجه غلط
رأفت بغضب:فاروق انتا معايا ولا معاه
فاروق باهتمام:معاك يا خوي معاك بس الراجل ملهوش ذنب هوه بيطالب بحجو خلص الشهر والراتب مدفعش وده طبيعى وكمان الرجل عندو عيال اهدى اكده وفكر يا خوي.
رأفت بغضب:وه عليك يا فاروق يعنى انا معنديش مخ جصدج اكده يا فاروق مش صوح
فاروق بخوف من غضب اخيه:لاء لاء يا خوي مش قصدى اكده خالص انا بجو...
رأفت بغضب:اسكت يا فاروق مش عايز ولا كلمه وامشى جدامى واحسن اطربق المصنع ده فوج دماغك دى.
نظر فاروق الى الارض خذى من اخيه وسار معه في صمت حتى وصلا الأثنين الى البيت وصعد رأفت الى غرفته وهو يفكر كيف ينتقم من هذا الرجل
اما فاروق فكان يفكر في غضب اخيه وهو يعرف انه لن يترك هذا الرجل فكان يفكر كيف يخلص الرجل من غضب وشرور اخيه فهو يعرفه حق المعرفه اذا غضب من احد لا يسكت حتى ينتقم منه شر انتقام هذا اذا لم يقتله هذه هي قوانين اخيه من لايسمع كلامه مره او يعارضه في اى شئ ولو كان شيء لا يذكر حكمه هو الموت ولذلك كتب والد فاروق كل شيء له لانه يعرف انه الاذكى ولن يظلم اخوته في شيء نعم هو اصغر من رأفت ولكن عقلنيته اكبر ولكى يتلاشى غضب اخيه قال له ان له النصف والنصف الاخر له ولاخوته وكان فاروق يدير كل شيء من وراء اخيه لكيلا يغضب لانه اذا غضب كل شيء يتحول إلى رماد..
فصول رواية عشق الصعيدي الجزء الأول
رواية عشق الصعيدي الجزء الأول للكاتبة جهاد خليفة الفصل الأول
في صباح يوم من الايام في شقه تبدو عليها الرقى في الالوان والاساس في الاسكندريه
الجده فايزه: تالياااااااااا.
وهي فتاة في منتصف العشرينات وكانت مرحه بشكل لا يوصف وكانت رقيقه جدا رغم مشاغبها الكثيره التي لا تنتهى وهي ايضا تحب جديها كثيرا ولان تاليا ليس لها غيرهما ولكن جدتها تمنعها من بعض الامور التي تراها هي سيئه مثلا ان تاليا ليست محجبه وتتبع الموضا وهذا ما تعارضه الجده كثيرا ولكن جدها لم يكن ليمنعها ابدا من شئ هي تريده ولذلك تتواصل الشجارات بين تاليا وجدتها
تاليا: نعم ايوه مين خلاص صحيت اهو.
الجده فايزه: يا بنتى بقالى اد ايه مصحياكى علشان تكلى تقوليلى ماشى خلاص صحيت وتنامى تانى هه
تاليا بنعاس: ماشى ماشى خلاص صحيت روحى إنتي وانا هغسل واجى
الجده فايزه بنفاز صبر: ماشى يا تاليا اما نشوف اخرتها معاكى ايه شكلنا هنصوم النهرده
تاليا بمزاح: يا شيخه اهى كفرات ذنوب
فايزه: بتقولى ايه ياتاليا
تاليا بخوف: بقول الحمام
واسرعه تاليا الى الحمام خوف من جدتها.
وبعد قليل كانت تاليا تجلس مع جدها وجدتها يتناولون طعام الافطار
الجد سامر: كل يوم ياتاليا لزمن تتعبى ستك كده
تاليا: معلش بقى ياحج مهو انا بنام متاخر علشان كده ببقى عوزه اصحى متاخر
الجد سامر: مهو ستك بتكون عوزاكى تصحى بدرى علشان تكلى بدرى مش كده ياحجه
الجده فايزه: ايوه والله يا حج هوه انا هعوز منها ايه يعنى
الجد سامر: شوفتى يا تاليا ستك عوزه مصلحتك
تاليا: ماشى ياجدو حاضر هبقى اسمع الكلام.
الجده فايزه: بطلى إنتي بس لعب في النت والارف اللى بتجبيه ده والرويات وانتى هتنامى بدرى وتصحى بدرى وتكونى زي العسل
نظرت تاليا الى جدها بعطف لكى ينقذها من هذا الموقف
الجد سامر: خلاص بقى يا فايزه سيبى البت تفطر وبعدين فهميها في الاصول
الجده بنفاز صبر: يا حج انتا كده...
الجد بغضب: خلاص بقى يا حاجه سبينا ناكل
فجأة وجدت تاليا ان الجو قد تعكر بين جديها مره اخرى بسببها.
تاليا وهي تحتضن جدتها: متزعليش بقى يا نينا احنا بنهزر
الجده بحزن: ربنا يهديكى يا بنتى ويربيكى
تاليا بدعاء: يا رب يا نينا بس هوه ينفع اخرج مع سمر
الجده باهتمام: مبلاش سمر دى يا تاليا
تاليا بحزن: ليه يا نينا بس انا بحب سمر خالص
سمر هي فتاة من نفس عمر تاليا وهي تشبه تاليا في اشياء كثيره الا انها محجبه ليس حجابا شرعيا ولكنه يافى بالغرض
الجده بتنهيده: طيب يا تاليا اعملى اللى إنتي عاوزاه بس خدى بالك من نفسك.
تاليا بفرح: Thanks نينا
الجده ببتسامه: ماشى يا حببتى خدى بالك من نفسك
وبعد مغدره تاليا المكان
الجد ببتسامه: البنت بتحبك يا فايزه
الجده بحب عميق: وانا بعشقها والله ومش عايزة الا مصلحتها
الجد باهتمام: عارف والله يا فايزه بس انا خايف تقول ان احنا منعناها من حاجه هي عوزاها
الجده بتنهيده: بس بحدود يا حج مش كده
الجد بتفهم: بكره تفهم وتعقل يا فايزه
الجده بتنهيده: قول يا رب يا حج، اما اقوم اشوف اللى ورايا.
احدى صديقات تاليا
←ايه يا بنتى اتأخرتى كده ليه
تاليا: معلش يا سمر الموصلات كانت ذحمه اوى
سمر بضحك: ايه يا بنتى مش فضلطى تقولى هشترى عربيه فين العربيه
تاليا بحزن: مهو جدو ونينا مرضيوش وبيقولولى إنتي لسه صغيره احسن تعملى حدسه بيها شوفتى غم اكتر من كده
سمر بضحك: إنتي وجدك وجدتك لما تتلموا على بعض بتغلبوا العيال كبرت في المسرحيه
تاليا: سمر متتكلميش على جدو ونينا كده همه عوزين مصلحتى مش اكتر.
سمر: ok sorry
تاليا بثقه: ok مقبول منك بس انا عايزه اخرج عندك مكان حلو
سمر بثقه: sure (بالطبع)
تاليا: ايه هوه
سمر: مطعم تحفه
تاليا بحماسه: ok lt s go (هيا بنا)
(وبعد قليل وصلت تاليا وسمر الى المطعم).
تاليا باهتمام: هوه ده
سمر بفرح: ايوه هوه ده
تاليا: ok يالا نخش نشوف
دخلت تاليا هي وسمر المطعم واعجبت تاليا كثيرا بالمطعم وديكوراته
سمر: ايه رايك مش المطعم تحفه
تاليا: لاء بجد المرادى تفوقتى على نفسك واخيرا جبتينى في مطعم عدل
سمر بفرح: مش قولتلك
تاليا بضحك: متفرحيش اوى لسه اما نشوف الاكل عامل ازاى
سمر بضحك: لاء الاكل هيكون حلو كمان.
تاليا: اما نشوف ونادت تاليا على النادل وطلبت بعض الاكل لها وسمر كذالك وظلوا يتحدثو الى ان جاء الطعام واعجبت به كل من تاليا وسمر وتناولو التحليه ثم خرجوا من هذا المكان
سمر: انا فرحانه اوى
تاليا ببتسامه: وانا كمان بس التحليه مكنتش اد كده على فكره
سمر: مش مهم المهم كلنا
تاليا ولم تزول الابتسامه: نروح فين تانى انا قدامى ساعتان وستى تشعلقنى فقبل ما اشعلق عايزه اروح حته حلوه العب فيها.
سمر ببتسامه: على فكره في ملاهى لسه فتحه جديد تعالى نجربها
تاليا: لاء انا عايزه اروح حته مضمونه
سمر: ياستى مش هتخصرى حاجه تعالى نجرب
تاليا: ماشى ياسمر هسمع كلامك وربنا يستر
وذهبت الفتاةان الى مدينه الملاهى واستمتعا كثيرا ولعبو كثيرا حتى مالتا وذهب كل منهم الى منزله.
دخلت تاليا البيت وكانت تتسحب كاللصوص لكى لا تسمعها جدتها فتفتعل معها مشكله بسبب تأخرها على المنزل اقتربت تاليا من باب الغرفه وكانت على وشك الدخول وفجأه وجدت يد على كتفها
تاليا: تيتا بجد انا اسفه والله كنت هرجع بدرى بس سمر قالتلى ان في ملاهى لسه فتحه جديد فرحت الملاهى ونسيت نفسى خالص، اسفه
الجده فايزه: تعالى ياتاليا عاوزه اكلمك جوه
دخلت تاليا والجده الى الغرفه.
الجده: تاليا يابنتى انا والله انا عوزه مصلحتك
تاليا بتنهيده: والله وانا عرفه يا تيتا بس إنتي عرفانى مش بحب اقعد في البيت وبليل مش بيجيلى نوم علشان كده بنام متأخر بس والله انا مش بلعب في النت انا ايوه بقرأ روايات علشان مش لقيه غرها
الجده: وانا يا تاليا مش عاوزه ازعلك بس كل حاجه ليها حدود
تاليا وهي تحتضن جدتها: حاضر يا تيته هعمل اللى إنتي عوزاه وهحاول اجيب روايات كتب واقفل التلفون ده خالص ماشى يا تيته.
الجده بحنو اموى: ماشى ياحببتى ربنا يهديكى ويربيكى ويرزقق ببن الحلال اللى يهنيكى
تاليا ببتسامه: ايوه وحياه ابوكى يا شيخه تركز على الكلمه الاخيره دى
الجده بخبث: اه يربيكى
تاليا: لاء اللى بعدها
الجده وهي تقرص تاليا من خدها: إنتي بقيتى لقيمه
تاليا وتقرص جدتها: متعلمه منك يا سوسو
الجده: هههههههههه ماشى تكلى اجبلك اكل
تاليا: لاء يا تيته انا بس جعانه نووووووم.
الجده: ماشى نامى بس استحمى قبل ماتنامى علشان متعييش وانتى عباكى وحش
تاليا: ماشى يا تيته سلاااااام.
خرجت الجده من الغرفه نظرت تاليا الى الباب ثم ابتسمه ابتسامه صافيه وذهبت الى الدولاب واخرجت منه منامه حريريه واخذتها وذهبت الى الحمام لكى تستحم، وبعد فتره وجيزه خرجه تاليا من الحمام وهي تجفف شعرها الحريرى ذات الخصال الكرستاليه الطويله جففته ونامت على سريرها تقرا احدى الروايات المشهوره حتى راحت في سبات عميق.
في صباح يوم جديد في مكان آخرفى احدى قرى الصعيد القديمه كانت هناك عائله كبيره وكانت تدعى عائله الدمنهورى وكانت تلك العائله معها من المال يكفى لشراء 4 قرى سياحه مجهزه ولاكن مجال تلك العائله ليس من هذا النوع فهى تشتهر ببيع وتصنيع وتصليح وتصدير السيارات مع قطع الغيارات التي تلزمها وتعد هذه الشركه من اهم الشركات العالميه ومنافسه لجميع الشريكات من نفس التقنيه وكان الجميع يود مشاركتها ولكن لا يحب منافستها.
فاروق: بت يا نعمه، بت يا نعمه
نعمه: ايوه يا بيه، ايوه يا بيه
فاروق: فين الوكل يا بت
نعمه: جاهز والله يا بيه همه 5 دجايج والوكل يكون جاهز
فاروق بغضب: بجالك ساعه تجوليلى نفس الكلام مش صوح يا بت
نعمه بخوف: لاء خلاص يا بيه همه 5 دجايج
فاروق بغضب: غورى من جدامى واما نشوف اخرت الخمس دجايج بتوعك
فردوس مقاطعه وهي زوجة فاروق الدمنهورى: مبراحه يا حج البنيه جالتلك ان هتجيب الوكل.
فاروق بغضب: بجولك ايه يا فردوس حلى عن دماغى السعادى
فردوس: وه مالك يا حج جالب الوش الخشب كده ليه
فاروق بغضب اكثر: بجولك ايه يا فردوس هتتكتمى ولا اجى احط الجزمه في حنكك
فردوس: وليه منا اتكتمت اهو
( فاجاهم صوت نضال وهو يقول )
نضال: وه مالك على الصبح اكده يا بوى
فاروق: ابدا يا ولدى محصلش حاجه بس فيه اكده خبر يسد النفس
نضال باهتمام: بخصوص الشغل يابه
فاروق: يعنى هوه في غيره.
نضال باهتمام: ولا ياكل بالك حاجه يا بوى انا اهنه وراح اضبط كل حاجه
فاروق بامتنان: تسلم يا ولدى تسلم بس خابر الواد زنهم جامد جوى وحاسس ان الصفقه دى راح تروح منا
نضال: وه يا بوى بتشك فيا وانا بجالى 10 سنين في المجال ده
فاروق: لاء يا ولدى مش بشك بس انتا خابر، لم يكمل فلقد قاطعه نضال
نضال: خابر وبس انتا كمان خابر زين انى ولا في يوم راحت منى صفقه وانا ليا النص في في عائله الدمنهورى
فاروق: خابر يا ولدى خابر.
لم يستمع نضال الى باقى الكلام لان ابوه ازعجه بكلامه لذالك خرج مسرعا ولم يسمع بقيه الكلام
ذهب نضال الى المصنع بفرسته وبعد وصل نضال الى المصنع
نضال: واد يا بورعى، واد يا برعى
برعى: ايوه يا بيه
نضال: خد الفرسه اربطها واعملى فنجان قهوه
برعى مطيعا لاوامر سيده ←حاضر يا بيه.
( دخل نضال الى المصنع وهو يتفقد كل شيء الصغيره و الكبيره فنضال مشهور بالدقه في العمل وظل نضال يتفقد موقع التصليح ويتاكد من السيارات التي تم تصليحها وقطع الغيرات ان كانت هي وان تم تركيبها صحيح او لا والملفات وما الذي دخل وما الذي خرج وكم عدد المكاسب والخسائر وكل شيء متعلق بالمصنع معندما كان يفعل ذلك وجد عامل من العمال يحاول ان يرفع الصندوق ولم يستطع فذهب إليه نضال)
نضال: فيه ايه الصندوج ده.
العامل برعب: هه لاء يا بيه...
نضال مقاطعا: جولت الصندوج ده فيه ايه
العامل بخزى: فيه 2مطور عربيه
نضال باهتمام: طيب وسع اكده وهو يحاول رفعه
العامل: لاء يابيه ميصحش
نظر له نضال نظره اخرسته
العامل: حاضر يابيه
نظر له العامل وهو يرفع الصندوق وكانه يرفع كوب ماء ليشرب نظر له العامل بانبهار لما فعله وهويحاول ان يزحزحه فقط لا ليرفعه ولم يستطع!
وضع نضال الصندوق وكانه واكمل التكلم في التلفون ويباشر الشركه منه ويتاكد من المصنع
وفي المساء عاد نضال الى المنزل منهك القوى وكان يشعر بان عظام جسده تتكسر دخل نضال البيت راى امه تقبل علبه
فردوس: حمد لله على سلامتك يا حبيبى
نضال بدون اهتمام؛ الله يسلمك يا امه
فردوس: جعان يا ولدى اجبلك وكل
نضال بدون اهتمام: لاء ياامه انا عاوز بس منكى فنجان قهوه.
فردوس: عيونى وذهبت لتعد لابنها القهوه التي طلبها وعندما عادت وجدته قد غطى في سبات عميق على الكنبه ولذلك لم تحاول إيقاظه لانها تعلم إن ايقظته سوف يصب عليها تعب وعناء اليوم ولذلك تركته نائم وذهبت هي الاخرى لتنام
دخلت فردوس الغرفه
فردوس: يا حج متخف الشغل على نضال
فاروق: ليه الواد اشتكالك (وهو يعلم انه لم يفعل ).
فردوس: لاء بس الواد كل يوم بيجى تعبان وهلكان وهوه مصنع اشحال لما بيروح برا البلد وشركات بيكون عامل ازاى وانت خابر ابنك زين مبيحبش حد يخدمه وبيكوى وبيعمل كل شيء لنفسه.
فاروق: بجولك ايه يافردوس حلى عن دماغى لما نضال هيتعب هيجولى مش مهتاجك تجوليلى وكمان إنتي عارفه ان ابنك عاشج الموضوع وهو بيحب يصلح وهوه اللى عمل الشريكات بسبب حبو في العربيات والتصليح مش لما بدا يحجج حلمو تقولى تعبان واسكوتى لحسن اسد حنكك باطين
فردوس بغضب: ومالو يا حج انتوا احراراما اسد حنكى تصبو على خير يا حج
فاروق بغضب: ايوه أحنا احرار، جال تصبحو جال.
تاااااابع اسفل
رواية عشق الصعيدي