رواية قلعة أمل بقلم اسماء عبد العظيم الفصل الرابع عشرمصطفى فتح الباب لقى امل قدامه( مصطفى متفاجىء) خير ياامل فى حاجة ؟( امل ) انا آسفه اوى يامصطفى بس لمبة الحمام عندى اتحرقت ... وانا محتاجة لمبه ... ومش عارفه اعمل إيه( مصطفى ) ولايهمك ... حالا هروح اشترى لك لمبه وآجى اركبها ..( امل ) طب انا هستناك هنا ..( مصطفى ) ماشىخرج مصطفى علشان يجيب لمبه لأمل ... فى الوقت ده نجوى دخلت لجوزها وحكت له الكلام اللى الست هدى قالته ليها ... وعن رجوع امل ومصطفى مع بعض للبيت( نجوى ) زى مابقولك كده ... هو ده كل الكلام اللى هدى قالته( الحاج فتحى ) ياشيخه حرام عليكى انتى وهى الشاب امه لسه ميته من اسبوع وانتم قاعدين تجيبوا فى سيرته وسيرة البنت اللى من يوم ماجت وعاشت هنا مسمعناش صوتها ولاشوفنا منها حاجة وحشه( نجوى ) انت بتزعق ليا ليه انا بقولك الكلام اللى هدى قالته .. وانت عارف هدى لسانها سايب وممكن تعيد وتزيد فى الكلام ده مع كل الجيران ... وتسوء سمعة امل ومصطفى( الحاج فتحى ) لا حول ولاقوة الا بالله .. ربنا بيقول فى كتابهبسم الله الرحمن الرحيميَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَصدق الله العظيمعموما انا لازم اقابل مصطفى واتكلم معاه ...( نجوى ) هتتكلم معاه فى إيه( الحاج فتحى ) لازم افهم منه ليه الست هدى بتتكلم عليه بالشكل ده ... وكمان اعرفه ان لازم تكون فى حدود بينه وبين امل ... خاصة لو هتفضل ساكنه فى البيت ده .. يعنى مينفعش يروحوا ويجوا مع بعض وهم اغراب عن بعض ومفيش بينهم اى رباط شرعى ..انا بعتبر مصطفى زى إبنى وهتكلم معاه وبعدين اللى فيه الخير يقدمه ربنا ..- رجع مصطفى على البيت وطلع خبط على امل علشان يركب لها اللمبة ..( امل ) مين( مصطفى ) انا مصطفى ياامل .. جبت اللمبة( امل وهى بتفتح الباب ) شكرا يامصطفى تعبتك معايا .. وانت اللى كنت راجع علشان تستريح من الشغل ...( مصطفى بإحراج ) مفيش تعب ولاحاجة هاااا ... ممكن بس تستنى على السلم لغاية ما اركب اللمبه( امل بحسن نيه) ليه ؟( مصطفى واضح على وشه توتر ) يعنى!..( امل وقد فهمت ما اراده مصطفى ) ماااشى حاضر .. اتفضل انت ادخل .. وانا هستناك على السلم ...دخل مصطفى وركب اللمبه وخرج .. امل شكرته ... ونزل ... وهو نازل على السلم لقى الحاج فتحى بيخبط على باب شقته ...( مصطفى ) حاج فتحى ... اهلا وسهلا .. فتح مصطفى الباب ودخلوا( الحاج فتحى وهو يلتفت لمصطفى بتعجب ) انت كنت فين ؟( مصطفى ) كنت فوق بركب لمبه للحمام( الحاج مصطفى بضيق ) ازاى يعنى تطلع فوق وامل عايشه لواحدها ... ميصحش كده يامصطفى ...( مصطفى ) إيه ياحاج فتحى اللى انت بتقوله ده ... امل عايشه لواحدها فعلا بس انا اول مرة اطلع فوق وهى لوحدها ... علشان هى طلبت منى لمبه للحمام ... اشتريت لها اللمبة وطلعت اركبها .. وبعدين هى كانت واقفه على السلم وانا دخلت الشقه لوحدى ...( الحاج فتحى بحده ) ومين اللى شاف اللى انت بتقوله ده يامصطفى .. ولا مين اللى يعرف الكلام ده ... افرض ان حد تانى كان هو اللى بيخبط عليك ... تفتكر كان هيقول عليك وعلى والبنت دى إيه ...( مصطفى ) ربنا اللى شايف وعارف ... وبعدين احنا معملناش حاجة غلط علشان تزعق لى كده ...حضرتك زى والدى بس انا معملتش حاجة غلط ..( الحاج فتحى ) تعرف انا جاى النهارده ليك ليه يامصطفى( مصطفى ) انت تشرفنى فى اى وقت ياحاج فتحى ..( الحاج فتحى ) بس مجيئى ليك النهارده بسبب يامصطفى( مصطفى ) خير ياعمى الحاج( الحاج فتحى ) فى كلام بيتقال عليك انت وامل يامصطفى( مصطفى بتعجب ) كلام .. كلام إيه( الحاج فتحى ) الكلام اللى سمعته ان فى علاقه بينك وبين امل وخصوصا ان الظروف مساعده ان الكلام ده يتقال عليكم انك عايش لوحدك وهى عايشه لوحدها ...( مصطفى بغضب ) ومين اللى قالك الكلام ده ياعم الحاج ...( الحاج مصطفى ) مش معنى انى بقولك الكلام اللى اتقالى انى مصدقه يامصطفى ... مصطفى انت زى ابنى وواجب عليا ان انصحك ولو شفتك بتتصرف غلط لازم اعرفك غلطك ..( مصطفى بعدم فهم ) غلط إيه اللى بتقول عليه .. انا مش فاهم حاجة( الحاج فتحى ) خروجك مع امل من غير ماتقرب لك ده مش غلط يامصطفى ... وعلشان اكون واضح معاك اكثر قعاد امل معاك فى نفس البيت وانت عازب وهى مش متجوزة ده كمان غلط ... ولازم يتصلح ...( مصطفى ) بالنسبه لخروجى مع امل الموضوع محصلش غير مرة او اثنين من يوم ما امل جت وسكنت هنا ... وكان بالصدفة وشىء مش مقصود واوعدك انه مش هيتكرر ..انما كون انها مش متجوزة وانا عازب فأحب اعرفك ان امل سكنت هنا وكانت والدتى واختى معايا فى البيت ... يعنى الامور اتغيرت بس بعد فترة من وجود امل هنا ...( الحاج فتحى ) الكلام اللى انت بتقوله ده انا عارفه .. انما انا بكلمك دلوقتى انه الوضع ده لازم يتغير ... يامصطفى انا خايف عليك من كلام الناس ... انت طول عمرك اخلاقك كويسه والكل بيشهد لك بكده ... مش معقول تخسر كل ده بسبب وضع ممكن يتغير( مصطفى ) والوضع ده انا اغيره ازاى ..؟( الحاج فتحى ) انك تشوف سكن ثانى لأمل .. بدل هنا( مصطفى بصدمه ) إيه ... انا مش من حقى انى اخرجها من الشقه وبعدين احنا كاتبين عقد ولسه فى مدة طويله ...يعنى مش من حقى قانونا انى اخرجها من الشقه( الحاج فتحى ) بس ممكن تتفاهم معاها وتعرفها الوضع وهى توافق انها تخرج وتشوف سكن تانى ..( مصطفى ) لأ انا مش ممكن اطلب منها كده .. وليه علشان كلام الناس ..لأ مش ممكن( الحاج فتحى ) واضح انك انت اللى مش عاوزها تمشى ... عموما فى حلين تانين ..( مصطفى بلهفه ) إيه هما ؟( الحاج فتحى ) انك تتجوزها .. طبعا لو هى وافقت ومن غير ضغط .. ولو موافقتش يبقى الحل الثانى .. انك بردوا تتجوز اى واحده واهى هتبقى كده انت متجوز وعندك عيله ومش هتفرق بقا مين اللى ساكن عندك مادام انت متجوز ... ومفيش حد هيقدر يفتح بقهفكر فى الكلام اللى انا قلته ده يامصطفى كويس ... وحط فى اعتبارك سمعتك وسمعة البنت دى ... وكمان لو الكلام اللى وصلنى ده وصل للبنت دى ياترى هيكون رد فعلها ايه ...فكر براحتك وابقى عرفنى قراراك ... وانا فى الاول وفى الآخر خايف على مصلحتك ... هااا السلاام عليكم( مصطفى ) وعليكم السلامبعد ماخرج الحاج فتحى قعد مصطفى يفكر فى كلامه ... وثانى يوم الصبح خرج راح على شغله وقابل محمود وحكى له على الكلام اللى الحاج فتحى قاله له ...( محمود ) انا شايف ان احسن حل لقطع لسان اى حد انك تتقدم لأمل وخصوصا انك اصلا بتحبها ...( مصطفى ) بس الوقت مش مناسب يامحمود .. امى لسه متوفية من اسبوع وانا اروح اخطب واتجوز( محمود ) انا مقولتش اتجوز ... انا بقولك اتقدم لها وتعرف رايها ... ان وافقت وان شاء الله توافق يبقى خير وبركه ... وان موافقتش يبقى تشوف نفسك مع واحده تانية .. وفى نفس الوقت مش هتخرجها من الشقه وتعفى نفسك من اى احراج( مصطفى ) ده رايك ... انا مش عارف اتصرف ازاى

رواية قلعة أمل بقلم اسماء عبد العظيم الفصل الخامس عشرمصطفى فى اوضته بيفكر فى كلام الحاج فتحى ... وكمان بيفكر فى كلام محمود ... هو جواه عاوز يتقدم لأمل بس شايف ان الظروف مش مناسبه وخاصة اموره المادية وظروف وفاة والدته ...بس قلقان من الكلام اللى اتقال عليه هو وامل وان استمرار الوضع كده هيخلى الناس تتكلم اكثر ... وكل خوفه على امل وان الكلام ده يوصل لها ..ثانى يوم الصبح .. خرج مصطفى راح على شغله واتعمد انه يخرج فى ميعاد متأخر عن ميعاد خروج امل لشغلها ... علشان مش يخروجوا سوا ويزيد الكلام عليهم ...امل خرجت من شغلها حبت انها تروح على الشط وخاصة ان مفيش حد بقا موجود معاها فى البيت ... وكمان علشان تشوف مصطفى وتطمن على احوالهعلى الشط محمود ) فكرت فى الكلام بتاع امبارح( مصطفى ) فكرت كثير ودماغى هتنفجر من كثر التفكير( محمود ) ووصلت لإيه( مصطفى ) موصلتش لأى حاجة( محمود ) يعنى هتسيب الامور متعلقه كده ... والكلام يزيد عليك انت وامل .. انت كده هتبقى مبسوط ...( مصطفى بحده ) لأ طبعا مش مبسوط ... يامحمود افهمنى ... انا بحب امل والله بحبها بس نفسى لما اتقدم لها اكون متأكد انها هتوافق عليا ... وكمان ظروفى تسمح بكده ... انا مش عاوز اخسرها ... وفى نفس الوقت خايف عليها من كلام الناس انا مش خايف على نفسى ولا على سمعتى على اد ماانا خايف عليها ... ياريت تقدر حيرتى( محمود ) انا مقدر كويس اللى انت فيه يامصطفى بس صدقنى افضل حل ليك وليها انك تتقدم لها علشان سببين الاول انك بتحبها والثانى انك تخرس اى حد يتكلم عنكم وحش ..( مصطفى ) خلاص يامحمود ... اوعدك انى هفكر فى كلامك ده كويس ...( محمود ) جبنا سيرة القط جه ينط( مصطفى ) تقصد ايه ؟( محمود ) امل جايه هناك اهى( مصطفى بإرتباك) طب انا ماشى( محمود ) ليه( مصطفى ) هقولك بعدينمشى مصطفى ... ووصلت امل عند محمود وهى بتبص على مصطفى اللى بعد بسرعه( امل ) ازيك يامحمود ... هو مصطفى راح فين( محمود ) انا الحمد لله كويس ... انتى عامله ايه ...( امل )انا الحمد لله هو مصطفى راح فين( محمود وهو بيهرش فى راسه ) مش عارف ...( امل ) طب هو عامل إيه ؟( محمود ) عامل إيه فى إيه( امل ) يعنى اخباره ايه انا بقالى يومين مشفتوش..( محمود ) هو كويس الحمد لله .. هاتشربى إيه( امل ) اى حاجة ...فى منزل ليلى:-جرررس الباب بيررن .. بيقوم مجدى علشان يفتح ... بيتفاجىء بخروج ليلى من اوضتها ..( مجدى ) ليلى ... ايوه كده ... حاولى تمشى كثير .. علشان ترجعى زى الاول ياليلى( ليلى ) ساكته .. ومردتش عليه ... واتجهت نحو الباب .. فتحته... اهلا ياست فايزة اتفضلى ...( فايزة بفرحة ) ليلى ياحبيبتى حمد الله على سلامتك .. ايوه كده قومى واتحركى وارجعى زى الاول احسن ...( ليلى ) ان شاء الله هرجع احسن من الاول ... ادعيلى انتى بس ...مصطفى رجع البيت ... وقعد يفكر فى كلام محمود ... امل قعدت شويه على الشط وبعدين روحت على البيت .. فكرت تخبط على مصطفى علشان تطمن عليه ... وبعد ماقربت من الباب ولسه هتخبط ...رجعت فى كلامها وطلعت على شقتها ...ثانى يوم الصبح ... خرجت امل على شغلها ... ومصطفى راح على شغله قابل الحاج فتحى( الحاج فتحى ) مصطفى ... عملت ايه يابنى فى الموضوع اللى كلمتك فيه( مصطفى ) كل خير ياحاج ... ان شاء الله قريب تسمع اللى يريحك .. معلش انا مستعجل ورايا شغل ... عن إذنكراح مصطفى على شغله وكمل اليوم بشكل عادى ... امل خارجة من المدرسة وهى فى طريقها للشط بتسمع تليفونها بيرررن ...( امل ) الو ... خالد ازيك واحشنى( خالد ) وانتى كمان .. بس لو كنت واحشك صحيح كنتى تسألى عليا ..(امل ) معلش ياخالد والله ... حقك عليا( خالد ) عموما انا عاملك مفاجأة بس مش عارف هتعجبك ولا ...( امل ) مفاجأة ! مفاجأة إيه( خالد ) انا هنا فى اسكندرية ... جيت اقعد عندك اسبوع ... إيه رأيك( امل ) بجد ... دى احلى مفاجأة .. طب انت فين دلوقتى( خالد ) انا راكب تاكسى ورايح على البيت ... انتى فى البيت ولا فين( امل ) ايوه انا خرجت من المدرسة وراجعة على البيت اهو ... هستناك( خالد ) طب جهزى الغدا على مااجيلك اصلى جعاااااان( امل بإبتسامه ) حاضرمن عنيا ...غيرت امل طريقها بدل ماتروح على الشط رجعت على البيت علشان تستنى خالد ...على الشط مصطفى ) محمود .. انا خلاص قررت هفاتح امل فى الموضوع ...( محمود بفرحة ) ربنا يوفقك ياصاحبى .. وان شاء الله امل توافق- رجعت امل على البيت وبعد شويه جررس الباب بيررن ... وبسرعه فتحت لقت خالد ...( امل وهى بتفتح الباب ) بجد احلى مفاجأه( خالد ) وانتى احلى اخت فى الدنيا .. هاااا عاملة ايه .. وحشانى مووت( امل ) انا الحمد لله كويسه وانت كمان .. ماما عامله إيه وازى صحتها .. وهند ..( خالد ) كلهم كويسين وبيسلموا عليكى ...( امل ) طب يالا قوم غير هدومك .. علشان نتغدى ..( خالد ) اوك ... بالحق مصطفى عامل إيه( امل ) كويس( خالد ) عامل ايه معاكى ..( امل ) يعنى ايه عامل ايه معايا ... عادى يعنى( خالد ) بيسأل عليكى ... وكده يعنى ..( امل ) اه بيسأل عليها .. قوم بس غير هدومك وبعدين نتكلموبعد ما تغدت امل وخالد ...( خالد ) هااا قولى بقا فى إيه( امل ) مصطفى والدته اتوفت من فترة ... وكانت حالته النفسية سيئة( خالد بحزن) انا لله وانا اليه راجعون ... ربنا يصبره .. انا لازم اعزيه ... وهو بيرجع من شغله امتى( امل وهى بتبص فى الساعه ) ممكن يكون رجع دلوقتى ...مصطفى قاعد فى اوضته وبيفكر يكلم امل ازاى يتصل عليها ... ولا يطلع لها ... ولا يطلب منها انهم يتقابلوا على البحر ...شويه وبيسمع جرررس الباب بيرررن .. بيقوم يفتح ... بيلاقى خالد قدامه( مصطفى متفاجىء ) خالد !( خالد ) ازيك يامصطفى ...( مصطفى ) الله يسلمك ياخالد ... حمد الله على السلامة ... جيت امتى( خالد ) الله يسلمك جيت من ساعتين كده ...( مصطفى ) اتفضل ادخل ..( خالد ) البقاء لله يامصطفى .. الحقيقة اول ما امل قالتلى الخبرده قولت لازم انزل واعزيك ... ربنا يصبرك( مصطفى ) البقاء والدوام لله وحده .. شكرا ليك ياخالد ...( خالد ) بتشكرنى على ايه يامصطفى ... انت راجل جدع وانا حبيتك زى ماتكون اخويا ...( مصطفى بإحراج ) ربنا يخليك ياخالد .. بس انت بصراحة جيت فى وقتك ... انا عاوزك فى موضوع ...( خالد ) موضوع إيه ؟( مصطفى ) انا طالب منك ايد امل ...

رواية قلعة أمل بقلم اسماء عبد العظيم الفصل السادس عشرفى شقة امل .. جررس الباب بيررن ... امل بتفتح الباب( امل ) خالد ... إيه اللى اخرك كده ... كل ده بتعزى مصطفى( خالد ) كنا بنتكلم شويه ومحستش بالوقت( امل ) مالك شكلك متغير كده( خالد وهو بيقعد على اقرب كرسى ) ابدا ... بفكر( امل ) بتفكر فى إيه ؟( خالد ) روحى اعملى لنا كوبيتين شاى وبعدين نتكلم( امل ) انت قلقتنى فيه ايه فى حاجة حصلت ...( خالد ) متقلقيش خير ... بس اعملى الشاى وبعدين نتكلمدخلت امل تعمل الشاى وهى بالها مشغول ... ياترى ايه اللى حصل تحت عند مصطفى يخلى خالد شكله متغير كده ... عملت الشاى بسرعه وخرجت( امل ) آدى الشاى اتعمل ... اتفضل .. قول بقا فى إيه .. قلقتنى( خالد ) مصطفى( امل مقاطعه خالد ) ماله( خالد ) طلب ايدك منى ... عاوز يتجوزك( امل متفاجئة ) إيه ...( خالد ) زى ماسمعتى ... هاااا رأيك إيه( امل ) يعنى هو قالك ايه وانت قولتله ايه( خالد ) انا هقولك ... انا نزلت عزيته وبعدين لقيته بيقولى انى جيت فى الوقت المناسب وانه محتاجنى فى موضوع .. دخلت وقعدنا مع بعض وقالى كده انا طالب إيد امل منك ..( امل ) وانت قولتله ايه( خالد ) قولتله ان القرار قرارك وانى هعرض عليكى الموضوع واعرف رايك وابلغه ... هااا رأيك إيه بقا ...فى الكافيتريا محمود ) كلمتها زى ماقولت( مصطفى ) لأ( محمود ) لأ ليه( مصطفى ) لإنى طلبت ايدها من اخوها( محمود ) وانت شفت اخوها فين( مصطفى ) جاى يزور اخته وعرف من امل ان والدتى اتوفت ... نزل يعزينى ... طلبت منه ايدها( محمود بإبتسامه ) هههههههه ... كده من غير مقدمات ... بس تصدق كده احسن ... يعنى نقول مبرووك(مصطفى ) لأ طبعا لسه بدرى مش لما اعرف رأيهم الاول( محمود ) موافقون بإذن الله ...- فى شقة امل خالد ) سكتى يعنى ... انا بسألك عن رأيك ...وانتى مردتيش ... افهم من كده انك بتفكرى( امل بخجل) مش عارفه( خالد ) يعنى ايه ... موافقه ولا مش موافقه( امل ) طب انت ايه رأيك( خالد ) هو انا اللى هتجوز ياامل ... عموما انا هقولك رأيى وانتى حرة بقا ... انا شايف ان مصطفى.. راجل .. راجل بجد .. استجدعته اوى يوم مااتخانق معايا علشانك ... كان واضح جدا من موقفه ده انه خايف عليكى ... وشايف انه اكثر حد هبقى مطمن عليكى وانتى معاه ... اما بقا عن شغله او تعليمه فده انتى اللى تفكرى فيه وتشوفى اذا كان مناسب ليكى ولا لأ ... انما مصطفى كشخص ... هو حد كويس ..( امل وهى فرحانه بكلام خالد عن مصطفى ) طب انا هفكر معاك بصوت عالى ... مصطفى شخص كويس واخلاقه كويسه ... وفعلا طول ماهو موجود فى البيت انا بحس بالامان ... اما بقا بالنسبه لتعليمه فأنا عارفه ان ظروفه مكنتش تسمح له بأحسن من كده .. والظروف دى هو مكنش له ذنب فيها ... اما شغله فأظن ده المتاح قدامه ... فموضوع الشغل والتعليم مش شاغل تفكيرى ...( خالد ) اومال ايه اللى شاغل تفكيرك ؟( امل ) السن( خالد بعد فهم ) سن إيه ؟( امل ) انا اكبر من مصطفى ب 3 سنين( خالد ) وإيه المشكلة ...( امل ) المشكلة انه مصطفى ميكنش عارف سنى ...( خالد ) وانتى عرفتى سنه منين .. انتى سألتيه( امل ) لأ ... انا عرفت من رقم بطاقته اللى فى عقد الشقه( خالد ) آآه ... طب ماهو ممكن يكون هو كمان عارف سنك وموافق .. ومش فارق معاه(امل ) وممكن ميكنش عارف( خالد ) المهم دلوقتى انتى موافقة على مصطفى ...( امل بخجل ) ايوه .. بس( خالد ) من غير بس انا هعرفه موضوع السن ده قبل مااقوله رأيك ... ولو لقيت ان الموضوع فارق معاه مش هقوله انك موافقه ... ماشى( امل ) ماشى ... بس هتقوله امتى( خالد ) اكيد مش النهارده ... ممكن بكره او بعده ...( امل ) وماما( خالد ) ماما مش هتمانع مادام انتى موافقه وبعدين انا حكيت لها عن مصطفى .. وانى مطمن وانتى ساكنه عنده وكانت فرحانه ومطمنه عليكى .. مابالك بقا لو قولتلها انك هتتجوزيه ... عموما سيبى موضوع ماما عليا …بعد مرور يومينمحمود ) هااا وصلك الرد ولا لسه( مصطفى ) لأ ... اخوها مردش عليا ... انا قلقان لتكون امل موافقتش( محمود ) يعنى انت مشوفتش امل ولا اخوها من اليوم ده( مصطفى بقلق ) لأ ... انا بخرج الصبح آجى على الشغل ولما بروح مش بشوفها ... وكمان هى بقالها يومين مجتش على الشط( محمود ) ان شاء الله خير ... يمكن بتدى لنفسها فرصه تفكر كويس .. وبعدين هى لو مش موافقه كان وصلك ردها فى نفس اليوم ... مش هتستنى يومين وبعدين ترفضك ...( مصطفى ) تفتكر انها بتفكر ... يعنى فى امل انها توافق( محمود بإبتسامه ) ان شاء الله فى " امل "رجع مصطفى على البيت ...سمع خبط على الباب .. راح يفتح .. لقى خالد( مصطفى بإبتسامه ) اهلا ياخالد اتفضل( خالد )يزيد فضلك ياعم مصطفى ... بصراحة انا كنت جاى اسألك على حاجة( مصطفى ) حاجة إيه ... خير( خالد ) انت تعرف ان امل اكبر منك ب3 سنين( مصطفى ) ايوه عارف( خالد ) وموضوع السن ده مش فارق معاك( مصطفى ) لأ ... وبعدين انا مش بحس بالفرق ده .. يعنى امل شكلها اصغر من سنها ... وحتى لو واضح الفرق ده انا مش شايفه مشكله المهم التفاهم والقبول .. هى امل فارق معاها موضوع السن( خالد ) هى كانت خايفه تكون انت متعرفش ... فحبت تعرفك ...( مصطفى بلهفه ) طب هى رأيها إيه فى الموضوع( خالد ) مستعجل تعرف( مصطفى ) اكيد( خالد ) امل موافقه ... مبروك( مصطفى بإبتسامه وقام يحضن خالد ) الله يبارك فيك ...( خالد ) بس فى تفاصيل لازم تتكلم فيها انت وامل( مصطفى ) انا تحت امر امل ... حدد معاها الميعاد المناسب وانا هكون جاهزبعد يومين فى شقة امل:امل قاعده مكسوفه ... مصطفى متوتر ... خالد بيحاول يخفف الجو( خالد ) هتفضلوا ساكتين كده كثير ... انا هقوم اعمل لكم شاى ...( مصطفى ) هههه كلك زوقامل حاسة بخجل شديد وكإنها اول مرة تقعد مع مصطفى او تتكلم معاه ...( مصطفى ) ازيك ياامل( امل بكسوف ) الحمد لله ... ازيك انت( مصطفى ) كويس طبعا هو فى حد ادى ... اتقدمت لأحلى عروسه وهى وافقت عليا( امل بإبتسامه ) مش اوى كده(مصطفى ) لأ اوى ...بالنسبه ليا على الاقل انتى كنتى حلم ...( امل ) اشمعنى انا ؟( مصطفى ) ممكن تأجلى الرد على السؤال ده بعد كتب الكتاب( امل بإبتسامه ) حاضر( مصطفى ) دلوقتى انااا... عاوز اتكلم معاكى فى امور الشبكة والمهر والفرش وكده( امل مقاطعه مصطفى ) كل ده مش فارق معايا ... اللى تقدر عليه يامصطفى( مصطفى بخجل ) بس ... انتى من حقك ان يكون لكى شبكه واحلى فرش(امل ) بس انا حقى ان احسن معاك بالامان ... ده كل اللى نفسى انك تحققه ليا .. اما بقا موضوع الفرش ..فالشقه هنا زى ما انت عارف مفروشه ومش ناقصها الا حاجات بسيطة ممكن نكملها سوا ... وبالنسبة للشبكة انا مش عاوزة شبكه كفاية عليا دبله دى اهم من اى حاجة ثانية ...( مصطفى بإبتسامه ) كلامك ده بيخليكى غاليه عندى اوى ياامل ... يخلينى لو اقدر افرش قلبى تحت رجلك مش اتأخر ...( امل بإبتسامه ) سلامة قلبك( مصطفى ) طب إيه رايك ان الخطوبه وكتب الكتاب يكونوا فى نفس اليوم .. وبعدها بأسبوع يكون الفرح بس انتى عارفه طبعا ظروف وفاة والدتى وانى مش ...( امل مقاطعة ) متكملش يامصطفى طبعا مش هنعمل فرح ... الحزن اللى جواك على والدتك ميقلش ابدا عن الحزن اللى جوايا على والدتك ...خرج خالد من المطبخ وهو شايل الشاى ... هااا اتفضلوا( مصطفى ) طب ممكن تغير الشاى ده وتجيب شربات( خالد ) يعنى الحمد لله اتفكت عقدة لسانكم .. يعنى اقول مبرووكمصطفى وامل فى نفس واحد ... ايوه