رواية قلعة أمل بقلم اسماء عبد العظيم الفصل الثانيفى كافيتريا على شط اسكندرية:-( محمود ) يالا بقا يامصطفى ورانا شغل كثير النهارده ... وكفايه سرحان بقا ...انت كل ما تبص للبحر تنسى نفسك ...( مصطفى ) تصدق انك رخم .. ارخم صاحب فى الدنيا ..( محمود ) لا ياشيخ ... كل ده علشان قطعت سرحانك .. طب كنت سرحان فى إيه .. حب جديد..( مصطفى ) انت هتستعبط يامحمود .. هو اللى زينا يعرف يحب ..( محمود ) ليه ياعنى يادرش .. ملناش قلوب علشان نحب ونتحب( مصطفى ) لأ لينا قلوب .. بس معندناش فلوس علشان بعد مانحب نقدر نتجوز ونفتح بيت وبعد مانتجوز نجيب عيال وبعد مانجيب عيال نصرف عليهم .. وكل ده محتاج فلوس ... عرفت بقا اللى زينا مينفعش يحب ليه ..!( محمود ) الله يسامحك ياصاحبى .. قفلتها فى وشى على الصبح ... وانا اللى كنت فاكرك بتحب .. طب كنت سرحان فى إيه ..( مصطفى ) سرحان فى الدنيا يامحمود .. ناس عندها فلوس بزيادة وناس عندها الشقى بزيادة ... وإحنا بقا من النص الثانى .. اللى شقيان فى الدنيا ومش بيلاقى غير فتافيت ... دنيااااا وفيها تايهين ...( محمود ) ماتصلى على النبى يامصطفى .. انا اول مرة اشوفك مهموم كده .. وعمال تحسد فى الناس ولاد الاغنيا .. اول مرة اشوفك بتحسبها بالشكل ده .. طول عمرك راضى ايه اللى جد ...( مصطفى ) ياعم انا مش بحسد والله مش بحسد ... بس انا تعبان اوى يامحمود ..اللى جد بقا ... إن امى تعبانه ومحتاجه مصاريف علاج .. واختى على وش جواز ومحتاجه مصاريف جهاز .. كل ده على دماغى لوحدى ده غيرى انا بقا ... محتاج كل حاجة .. محتاج لبس ..محتاج اتجوز .. واخلف وافتح بيت زى بقيت البنى آدمين .. حتى التعليم معرفتش اتعلم زى بقيت الخلق واخرتها ايه خدت دبلوم تعرف يامحمود انا كنت بحلم اكون ايه ... كنت بحلم اكون مهندس .. كان نفسى اوى ياجدع ابقى مهندس .. بس للأسف مقدرتش علشان ايه ...علشان الفلوس ..واخرتها بقيت جارسون فى كافيتريا ..( محمود ) مهندس حته واحدة ...ههههههه مانا بردوا كنت عاوز ابقى دكتور هههههههه( مصطفى ) ههههه تصدق ضحكتنى .. ده انت حتى شهادة الدبلوم معرفتش تاخدها .. لاكنت بتذاكر ولا كنت بتروح المدرسة وتقولى كنت عاوز تبقى دكتور .!...( محمود )ههههههه ياعم بهزر معاك .. بقولك ايه استهدى بالله يامصطفى وكل مشكله وليها حل وربنا قادر يفرجها علينا ياصاحبى وإحنا بنسعى وربنا معانا إن شاء الله ييسر لنا امورنا وقادر ربك يبدل الاحوال .. إستغفر ربنا كده .. وقوم بينا نشوف شغلنا ..( مصطفى ) استغفر الله العظيم .. يالا بينا ..فى المدرسة امل ) انا متشكرة اوى يااستاذ عبد الحميد انك قدرت ظروفى وقبلت النقل بتاعى هنا شكرا لحضرتك .. واتمنى اكون عند حسن ظنك( عبد الحميد ) متشكرنيش ياأستاذه امل انتى زى بنتى .. ان شاء الله من بكره تقدرى تستلمى فصلك وجدولك ونشوف بقا همتك معانا ..( امل ) إن شاء الله ...تليفون امل بيررن ..( امل ) بعد ازنك ياستاذ عبد الحميد ارد على التليفون( امل ) الو .. ازيك ياخالد( خالد ) وحشانى ياامل .. عامله ايه .. استلمتى شغلك( امل ) آه انا فى المدرسة دلوقتى لما اخلص واخرج هبقا اكلمك( خالد ) طب استنى ماما عاوزة تكلمك( امل ) مش هينفع دلوقتى ياخالد لما اروح( خالد ) علشان خاطرى ياامل .. ماما زعلانه اوى من امبارح ونفسها تكلمك ..( امل ) طب اديهانى ..( سناء ) امل ازيك ياحبيبتى .. وحشتينى ياامل .. كده قدرتى تبعدى عنى ..( امل ) انا الحمد لله كويسه ..كده احسن ليا وليكم ياماما .. اطمنى عليا واناهكلمك كل يوم علشان اطمن عليكى ..( سناء ) ماشى ياحبيبتى .. بس عاوزاكى تعرفى حاجة .. انا مكنتش راضيه على انك تعيشى فى بلد تانية وبعيد عنى ياامل .. بس طالما دى رغبتك انا مش هقدر امنعك .. هدعيلك يابنتى ربنا يسترها معاكى ويكفيكى شر المستخبى ..( امل ) كفاية دعاكى ليا ياماما ..وصدقينى هنا هكون مرتاحه اكثر ..مع السلامة دلوقتى علشان انا فى المدرسة وهبقى اكلمكم ثانى لما اروح ..( سناء ) ماشى ياحبيبتى .. خلى بالك من نفسك ياامل ..( امل ) حاضر ياماما ..مع السلامة( امل ) آسفه اوى يااستاذ عبد الحميد بس اهلى بيطمنوا عليا ..( عبد الحميد ) اهلك؟! هو انتى اتنقلتى هنا لوحدك واهلك فى القاهرة ؟!( امل ) ايوه .. فى ظروف معينة فمكنش ينفع انهم ينتقلوا معايا هنا( عبد الحميد ) يعنى انتى قاعده لوحدك هنا ..( امل ) انا قاعده عند واحدة صاحبتى لحد مالاقى سكن قريب من المدرسة( عبد الحميد ) يعنى انتى لسه مستقرتيش فى سكن( امل ) ايوه .. لسه .. جوز صاحبتى بيدور ليا على سكن( عبد الحميد ) طب يابنتى .. انا هحاول اشوف لك سكن قريب ..( امل بإبتسامه ) ده يبقى جميل مقدرش انساه لحضرتك .. ياريت فى اقرب وقت( عبد الحميد ) جميل ايه ياامل .. انتى زى بنتى وعاوز اطمن عليكى فى سكن قريب من المدرسة بدل بهدلة المواصلات .. سيبى الموضوع ده عليا وان شاء الله قريب هيكون سكنك هنا .. اطمنى ..( امل ) انا متشكرة جدا .. بعد إذنك ..وان شاء الله من بكرة هكون موجوده فى الطابور- خرجت امل من باب المدرسة .. وفكرت تروح على البحر تتمشى شويه بما إنها خرجت بدرى .. وإتجهت نحو الشاطىء ... كانت سعيده جدا بمنظر البحر ..قعدت على الشط وافتكرت حاجة خلت دموعها تنزل ...( امل ) ماما عمى رجب مصمم انى اتجوز عصام .. انتى ساكته ليه .. ليه مش بتقوليله لأ .. انتى راضيه انى اتجوز عصام .. ماما ردى عليا ...( سناء ) ياامل .. الظروف صعبه يابنتى .. وانتى عارفه عمك رجب لما بيصمم على حاجة يبقى لازم تحصل .. فعلشان كده ياامل فكرى يابنتى فى الموضوع قبل ماتقولى لأ .. وفكرى فى رد فعل عمك رجب لو انتى اصريتى على رأيك ...( امل ) يعنى إيه ياماما .. انتى شايفه ان مش من حقى اقول لأ .. مش من حقى اختار اللى يناسبنى .. كل ده ليه .. علشان قاعده فى بيته وهو اللى صرف عليا،، انتى اللى عملتى فيا كده ... انتى اللى اتجوزتيه بعد بابا الله يرحمه .. لوكان بابا عايش كان يستحيل حد يقدر يغصبنى على حاجة ..( سناء ) هو انا يعنى اتجوزته ليه ياامل .. مش علشان يصرف علينا انتى عارفه ان ابوكى كان شغال معاه فى الورشه .. ومن بعد موت ابوكى مكنش لينا اى دخل نقدر نصرف منه .. وانتى كنتى صغيرة ياامل .. يعنى كنتى عاوزانى اعمل ايه ..( امل بحده) متعمليش حاجة بس متظلمنيش زى ماهو بيظلمنى .. اوقفى معايا .. وإمنعيه انه يجبرنى على حاجة انا مش عاوزاها .. ان كان هو مش ابويا .. فإنتى امى .. على الاقل متسمحيش له ان يستمر فى ظلمى كفايه معاملته ليا طول السنين اللى فاتت وانا شايفاه بيعامل خالد وهند احسن معامله وبيعاملنى انا كإنى عاله عليه .. حتى انتى فرقتى فى معاملتك معايا بينى وبين اخواتى .. حرام تظلمونى اكثر من كده ...انا مش هستحمل ظلم اكثر من كده .. وإن لزم الامر هسيب البيت ومش هرجع هنا ثانى ..( سناء ) إيه .. انتى بتقولى ايه ياامل .. تسيبى البيت وتروحى فين لوحدك ..( امل ) لو اصر على رأيه .. انا هطلب نقلى لإسكندرية ..( سناء ) وإشمعنى اسكندريه ؟!( امل ) انتى عارفه ان ليلى صاحبتى متجوزه هناك .. وانا هروح عندها لحد ماتلاقي لى سكن وهعيش هناك وهشتغل هناك .. واعتمد على نفسى ..واريح عمى رجب منى ومن حملى ..( سناء ) خلاص ياامل انا هحاول اتكلم معاه .. واخليه يصرف نظر عن الموضوع ده ..بس بلاش تسافرى وتبعدى عنى ..فاقت امل من سرحانها على صوت رجولى بيقولها .. تشربى حاجة ياابله ...( امل بخضه ) إيه .. لأ متشكرة .. انا قايمه .. مرة ثانية( محمود ) آسف ياابله يظهر انك كنتى سرحانه .. ماهو باينه يوم السرحان العالمى النهارده ..( امل ) افندم بتقول ايه ..!( محمود ) لأ ابدا .. عن إذنكمشى محمود وهو بيضرب كف على كف وعلى وشه إبتسامه ...( مصطفى ) بتضحك على ايه ؟!( محمود ) لأ ابداههههههههههه اصل النهارده يوم السرحان العالمى ..( مصطفى ) انت بتقول ايه .. انت اتجننت ياصاحبى( محمود ) حتة موزه ... انما ايه .. سرحانه زيك بردوا وانا قطعت السرحان ده( مصطفى بتعجب ) موزة ايه وسرحان إيه ...( محمود ) ياعم بقولك كان هناك موزه .. وكانت سرحانه .. وانا قطعت السرحان بتاعها( مصطفى ) وهو ده اللى بيضحكك ..( محمود ) لأ انا بضحك على منظرها وهى مخضوضه ...( مصطفى ) هو انا مش قايلك الصبح انك رخم ..(محمود )اه قولتلى ...( مصطفى ) طب دلوقتى انا بأكد لك انك رخم اوى اوى .. انت مالك ومالها .. ما تسيب الناس فى حالها ... وبعدين هى فين دى .؟ !( محمود ) لا ماهى مشيت ...( مصطفى ) طب يالا على شغلك ...رجعت امل على بيت ليلى .. وبتضرب الجرس .. فتح مجدى الباب(مجدى ) حمد الله على السلامة .. اتفضلى ...مش كنتى خلتينى اجيبك بالعربية بدل البهدلة فى المواصلات ..( امل ) مفيش بهدلة ولا حاجة .. انا خرجت من المدرسة قعدت على البحر شويه .. وبعدين جيت .. اومال ليلى فين ؟( مجدى ) ليلى حست بصداع فى دماغها فدخلت تنام شويه على ماانتى تيجى .. تحبى اصحيها ...( امل ) لأ خليها مرتاحه .. وانا هدخل استريح فى الاوضه شويه ..( مجدى بلؤم ) ليه ماتخليكى قاعدة معايا اهو نتسلى على ما ليلى تصحى ..( امل وهى واقفه ) لأ معلش .. انا تعبانه وعاوزة استريح بعد إذنك ...وقف مجدى بسرعه.. ومسك ايدها .. استنى بس ..( امل متفاجئه ) فى ايه ...لو سمحت سيب ايدى ...( مجدى ) آسف انا بس عاوز اقولك .. متزعليش منى على أسئلتى بتاعت الصبح .. انا مقصدش حاجة وحشه لا سمح الله .. انا كل الحكاية عاوز اطمن عليكى ..ده انتى غاليه عندنا اوى ..( امل ) شكرا عن إذنك ..- ودخلت امل اوضتها ... وقعدت على السرير وبتكلم نفسها .. إيه ده هو إزاى كده ... انا مش مطمنه للراجل ده لا لكلامه ولا لنظراته .. انا لازم اخرج من البيت ده بأسرع وقت .. بس اروح فين .. انا معرفش حد هنا غير ليلى .. ولسه مش لاقيه سكن .. طب وبعدين اعمل ايه ياربى .. طب وليلى ياترى اقولها ولا اسكت .. ده جوزها وابو ولادها يعنى هى هتصدقنى انا ولاهتصدق جوزها .. وبعدين بيتها كده ممكن يتخرب بسببى ..فاقت امل على صوت ليلى ليلى ) اموله .. حمد الله على السلامة .. هااا عملتى ايه النهارده .. ومال وشك مخضوض كده .. هو فى حاجة حصلت ولا إيه ؟!( امل ) لا ابدا بس كنت سرحانه شويه وانتى خضتينى ..( ليلى ) آسفه ياحبيبتى .. هااااااااا تحكيلى بقا عملتى ايه النهارده( امل ) مفيش روحت المدرسة واستلمت الشغل والمدير راجل محترم جدا ووعدنى كمان انه ممكن يلاقى لى سكن قريب من المدرسة ..وبعدين خرجت اتمشى شويه على البحر وبعدين جيت وهستلم بقا الشغل رسمى من بكره ..( ليلى ) تمام ... طب يالا بقا علشان نتغدى ..( امل ) بقولك ايه ياليلى .. هو الاستاذ مجدى / مقلكيش انه لاقى سكن ليا ولا حاجة( ليلى ) لا انا مسألتوش .. علشان عاوزاكى تفضلى معايا هنا ..( امل ) طب علشان خاطرى ياليلى .. إسأليه( ليلى ) حاضر هسأله قدامك على الغدا .. ياله غيرى هدومك وحصلينىبعد ماليلى خرجت من الاوضه ...امل بتكلم نفسها وبتقول ياااه ياليلى انتى طيبه اوى .. انتى تستاهلى واحد احسن من مجدى ده ...يارب الاقى سكن واتنقل من هنا .. انا مش عاوزة ليلى تكرهنى ...على الغدا ليلى ) بقولك ايه يامجدى .. مشوفتش سكن لأمل ..( مجدى ) انتى زهقتى من صاحبتك ولا ايه ياليلى ...عاوزها تمشى( ليلى ) انا ... ابدا والله ... ده امل دى اختى وحبيبتى .. بس هى عاوزة سكن قريب من المدرسة ..( مجدى وهو ينظر لأمل ) انا مش ناسى الموضوع ياآنسه امل .. وبسأل كل معارفى على سكن قريب من المدرسة .. متقلقيش اطمنى .. وبعدين اديكى منورانا ياستى ... ولا فى حد زعلك وعلشان كده مستعجلة وعاوزة تسبينا ...( امل بإضطراب ) لأ ابدا ...فى منزل مصطفى مصطفى ) السلام عليكم( سميرة ) وعليكم السلام ياحبيبى .. عامل ايه( مصطفى ) الحمد لله ياامى .. بخير .. انتى عامله ايه النهارده ..واخبار صحتك ايه( سميرة ) الحمد لله ياحبيبى .. كويسه طول ما اناشيفاك بخير انت واختك( مصطفى ) اومال مها فين ؟!( سميرة ) خرجت مع خطيبها .. هى استأذنت منى انها تخرج معاه ويروحوا يشتروا شوية حاجات( مصطفى ) خرجت معاه لواحدها ؟!( سميرة ) لأ ياحبيبى ام سعيد معاهم .. مش بقولك رايحين يشتروا شوية حاجات للشقه( مصطفى ) آآآآه طمنتينى ..( سميرة ) اقوم احضر لك الغدا( مصطفى ) لاياحبيبتى انا إتغديت مع محمود فى الكافيتريا ..( سميرة ) بقولك يامصطفى ..هنعمل ايه يابنى فى مصاريف جهاز اختك .. ناقصها حاجات لسه مجبنهاش .. والنهارده سعيد خطيبها طلب انه يقابلك علشان يحدد معاك ميعاد الفرح( مصطفى ) ربنا يسهل ياما ...متشليش انتى هم .. بس بقولك ايه ... احنا هننقل من الشقه دى( سميرة ) ليه يابنى ؟هنروح فين ؟( مصطفى ) متقلقيش ياما .. هننزل فى الشقه اللى فى الدور الارضى ... ونأجر الشقة دى( سميرة ) ليه ؟( مصطفى ) اهو قرش زيادة ينفع فى مصاريف علاجك ولا فى مصاريف مها( سميرة ) طب ما تأجر الشقه اللى تحت وخلاص ..( مصطفى ) مش هينفع ياما .. الشقه اللى تحت محتاجة توضيب يعنى هتحتاج فلوس كثير وانا عاوز اوفر مش عاوز اصرف انما الشقه دى معقوله ممكن تتأجر بسهوله ..( سميرة ) اللى تشوفه يابنى .. وانت لقيت مستأجر على كده ؟!( مصطفى ) لأ مش لما ننقل الاول ونفضى الشقه ... عموما ربنا يسهل( سميرة ) ربنا يعينك على مصاريفنا يامصطفى انا عارفه الحمل تقيل اوى عليك .. بس احنا ملناش غيرك بعد ربنا يابنى( مصطفى ) متقوليش كده ياما .. انتى او مها مش حمل عليا انتم مسئوليتى .. وانا لو بإيديا مأخرش عنكم اى حاجة ...( سميرة ) ربنا يكرمك ويرضى عليك يامصطفى برضايا عليك يابنى .- فى القاهرة:-( خالد ) هند انتى اتصلتى على امل النهارده ؟( هند ) لأ... ليه ؟!( خالد ) يعنى ايه ليه... هى مش اختك الكبيرة والمفروض تسألى عليها خاصة بعد المشكلة اللى حصلت ؟( هند ) انا مش متصلة على حد .. مش هى اللى سابت البيت بمزاجها .. خلاص هى حرة( خالد ) يعنى انتى مش زعلانه انها مشيت وهى زعلانه كمان ...( هند ) لأ مش زعلانه علشانها .. انا زعلانه انها زعلت ابونا .. لإنه عندى اهم من الست امل ..(خالد ) لأ مش ممكن .. انا مكنتش اتصور ان قلبك جامد بالشكل ده ..(هند ) شكرا ياأبو قلب حنين .. ممكن تسيبنى بقا اكمل مذاكرتى ..فى غرفة امل:-( ليلى ) هاااااااا يالا بقا احكيلى ايه حصل معاكى فى القاهرة وخلاكى تغيرى رأيك وتنقلى على إسكندرية .. بس بالتفصيل( امل ) عمى رجب الله يسامحه……..( وحكتلها على العريس اللى مصمم انه يجوزه ليها ورفضها انها تتجوز واحد مش عاوزاه وموقف والدتها اللى خذلها وانها بعد كلامها مع امها فكرت تطلب نقلها لإسكندرية سواء الحاج رجب غير رأيه او اصر على رأيه وانها تبعد خالص وبالفعل قدمت طلب النقل وبعد بكام يوم جت الموافقة )( امل ) فى اليوم اللى اتصلت عليكى وقلت لك انا هجيلك بكره فى اليوم ده بعد مارجعت من المدرسة لقيت عمى رجب مستنينى وعاوز رأى نهائى منى يإما اوافق على عصام او مليش قعاد فى البيت فى الوقت ده قلت له لأ انا مش هتجوز عصام وهسيب البيتطبعا هو اتفاجىء بموقفى وخصوصا ان شغلى فى القاهرة ... بس زى ماقولت لك انى عارفه عمى رجب كويس وكان يستحيل يغير رأيه فعلشان كده قبلها بكام يوم كنت قدمت طلب النقل فعلا بس كنت منتظرة شويه على اساس اكلمك وتشوفى لى سكن مناسب بس وقتها انا كلمتك وقولت لك انى هاجى اسكندرية ومحتاجه سكن وإنتى قولتلى تعالى اقعدى عندى لحد ماتلاقى سكن مناسببس هو ده اللى اضطرنى آجى فجأة حتى من غير مااكون مدبرة سكن هنا ...( ليلى ) طب ومامتك .. معترضتش انك هتسيبى البيت( امل ) لو اعترضت .. كانت هتسيبه هى كمان بس مش بإرادتها كانت هتسيبه غصب عنها وكمان مش هتشوف اخواتى ثانى ...( ليلى ) ياااه انا مكنتش اعرف ان عمك رجب ده وحش كده ... عموما احسن انك جيتى هنا .. على الاقل انتى جنبى( امل ) هاااااااااااا قوليلى انتى بقا جوزك عامل معاكى ايه ؟( ليلى ) ياااااااااه ياامل مفيش فى الدنيا دى احن من مجدى عليا وعلى الولاد .. مش مخلينا محتاجين اى حاجة .. زى مابيقولو بيتمنى لى الرضاعلشان ارضى .. ولا إحترامه واخلاقه .. بصراحة انا كنت قلقانه اول مااتقدملى وخصوصا ان هتنقل واعيش فى إسكندرية يعنى فى بلد ثانية بعيد عن اهلى وكمان مع راجل معرفهوش كويس .. بس الحمد لله مخاوفى دى ولا كان ليها اى لازمه ... يااااه انا مكنتش عارفه انى ممكن احبه بالشكل ده ..( امل بحزن من جواها على ان ليلى انها مخدوعه فى مجدى )( امل ) والله ... ربنا يخليهولك ...( ليلى ) يالا بقا انا سهرتك النهارده وانتى عندك مدرسة الصبح بدرى يالا تصبحى على خير( امل ) وانتى من اهله ...

رواية قلعة أمل بقلم اسماء عبد العظيم الفصل الثالثثانى يوم الصبح بدرى خرجت امل من اوضتها علشان تلحق تحضر الطابور فوجئت بوجود مجدى منتظرها علشان يوصلها ...( مجدى ) هااااااااا جاهزة( امل ) جاهزة على ايه( مجدى ) علشان اوصلك ..( امل ) لأ مفيش داعى .. انا هركب تاكسى ..(مجدى ) لأ ازاى طول ماانتى هنا انا مش هسمح لك تركبى تاكسى مع راجل غريب ولا إيه ياليلى ...( ليلى ) في ايه ياامل .. ماتخلى مجدى يوصلك ..فى طريقه( امل ) مفيش داعى اتعبه معايا ياليلى .. انا مش صغيرة( ليلى ) ما انا عارفه انك مش صغيرة ... انتى كبيرة وحلوة ومجدى زى اخوكى وخايف عليكى فيها ايه بقا لما يوصلك .. يالا بقا وبطلى كسوفك ده( امل بخجل من ليلى ومن غير ما تبص لمجدى ) يالا انا جاهزة ..- خرجت امل وهى مضايقه جدا وحاولت تتجاهل مجدى ونظراته ليها اللى كانت حاسه انها بتخترقها ..وركبت العربيه وبعد مسافه صغيرة لقت مجدى بيمد ايده ناحيتها لدرجة انه لمسها وامل اتفزعت بلمسته دى ..( امل بغضب ) في ايه ؟( مجدى ) ابدا .. انا بس بعدل المرايا اللى جنبك علشان اعرف اسوق( امل بشك ) كان ممكن تقولى وان اظبطها ...( مجدى بنظره عميقه لأمل ) لأ انتى متعرفيش تظبطيها ...( امل ) وبعدين بقا يااستاذ مجدى ؟( مجدى بعدم فهم ) وبعدين ايه ؟ !( امل ) لو سمحت انا دى اخر مرة هركب معاك فيها العربية ولو سمحت متحاولش تخلى ليلى تضغط عليا علشان انت توصلنى ... وإلا هقول ليلى انك بتحاول ...( مجدى ) بحاول إيه ... هاااا... بحاول إيه( امل ) لو سمحتى نزلنى هناااااااا( مجدى ) لأ مش ممكن .. هوصلك لحد المدرسة( امل بغضب وبصوت عالى ) لو سمحتى نزلنى ...( مجدى ) خلاص انتى حرة .. انا عاوز اخدمك بس انتى مش عاوزة ...- ونزلت امل من العربيه وهى فى قمة غضبها ... واخدت تاكسى وراحت على المدرسة..(امل ) السلام عليكم( عبد الحميد ) وعليكم السلام يااستاذه امل .. ليه اتأخرتى .. مش المفروض تحضرى الطابور( امل ) انا آسفه ياأستاذ عبد الحميد .. ظروف والله هى اللى اخرتنى( عبد الحمد ) اكيد المواصلات .. معلش انا النهارده هكلم واحد صاحبى على سكن ليكى وربنا يسهل( امل ) ياريت .. بأسرع وقت ممكن ..( عبد الحميد ) انتى مش مستريحه عند الجماعه اللى انتى قاعده عندهم ولا ايه( امل ) لا ابدا بس انا محتاجة استقر فى مكان خاص بيا لوحدى .. يعنى افضل وكمان علشان المواصلات ...( عبد الحميد ) طب اتفضلى على فصلك .. وان شاء الله على بكره يكون فى جديد فى موضوع السكن ده ..دخلت امل الفصل وابتدت اول يوم دراسى ليها .. فى اسكندرية وكملت يومها بشكل عادى وخرجت من المدرسة فكرت تتمشى شويه وتروح على البحر وكمان علشان متقعدش فى البيت اودام مجدى كثير .. وتجنبا لمحاولاته المتسفزة معاها ...فى منزل ليلى:-( مجدى ) هى امل مجاتش ولا إيه ؟!( ليلى ) لأ لسه ... انا متهيقلى انها اتأخرت كان المفروض تبقى هنا على الساعة 2 دلوقتى الساعة داخله على 3.30 .. انا هتصل اطمن عليها ..( امل ) الو ...( ليلى ) إيه ياامل انتى فين .. اتأخرتى ليه( امل )ابدا ياليلى بس حبيت اطلع اتمشى على البحر شويه ..( ليلى ) يعنى انتى كويسه .. اصل انا قلقت عليكى( امل ) ايوه انا كويسه ... هقعد شويه على البحر وبعدين هاجى ..(ليلى ) ماشى مع السلامة بس متتأخريش لبليل ..( امل ) حاضر .. مش هتأخر( مجدى ) هى فين ؟( ليلى ) خرجت من المدرسة وراحت تتمشى شويه على البحر( مجدى ) طب ماقولتلهاش ليه اروح اجيبها ...( ليلى ) لأ سيبها براحتها ... هى شويه كده وهتيجى ... قوم احنا نتغدى ولما هى تيجى تبقى تتغدى براحتها ..• على الشط:-امل قاعده وسرحانه فى طريقة معاملة مجدى ليها ومش عارفه تتصرف ازاى .. وتروح فين وازاى تصد مجدى وفى نفس الوقت متصدمش ليلى فى جوزها واللى هى شايفاه ملاك .. ومفيش منه .. وبتقول فى نفسها: ده مجدى ده لئيم بشكل مبين لليلى انه احسن زوج فى الدنيا ومن وراها .. مش مظبوط وياعالم مخبى عليها ايه ثانى .. بس انا خايفه منه اوى .. ده ممكن يوقع بينى وبين ليلى .. يارب اعمل إيه ..فى الكافيتريا:-( محمود ) مصطفى انت كنت فين ؟( مصطفى ) كنت عند الحاج هاشم بستأذن منه انى مش جاى بكره( محمود ) مش هتيجى بكره ليه ؟( مصطفى ) علشان بنقل العفش للشقة اللى تحت ...( محمود ) ليه يابنى بقا حد يسيب الشقه المتوضبه ويقعد فى الشقه دى .. انت اتجننت ...( مصطفى ) ياعم متجننتش ولا حاجة كل الحكاية انى هأجر الشقه اللى فوق واهو قرش يجى هينفع بردوا ...( محمود ) أااه قولتلى ..( مصطفى ) اخيرا فهمت حاجة ... الحمد لله ...( محمود ) أه بس ليه مأجرتش اللى فى الدور الارضى وخلاص ..( مصطفى ) دة انت لسه بتقول مش متوضبه .. مين هيرضى يسكن فى شقه مش متوضبه .. ياناصح ... يالا بقا روح على شغلك وبطل رغى ...( محمود ) رايح ياعم... بس متزقش ...راح محمود يشوف الزباين وكان من بينهم امل ... فاقت امل على صوت الجارسون تشربى حاجة ياابله ...( محمود ) انتى ثانى ... سرحانه( امل ) افندم فى حاجة ؟( محمود ) ابدا .. تشربى حاجة ..المرة اللى فاتت قولتى هتشربى المرة الجاية ... هاااااا تحبى تشربى ايه ...( امل بإبتسامه ) عصير ...(محمود ) أى نوع ولا تحبى حاجة معينة ؟( امل ) لأ شكرا .. اى حاجة( محمود ) ثوانى وهيكون عندك .. ممكن سؤال ؟( امل ) اتفضل ...( محمود وبيحاول يجر كلام مع امل ) انتى مش من اسكندرية .. واضح من لهجتك صح ولا انا غلطان ..( امل ) ايوه فعلا .. انا من القاهرة ... وانتقلت هنا وبشتغل هنا( محمود ) يااهلا بيكى ... وياترى بتشتغلى ايه بقا( امل ) انا مدرسة لغة انجليزية ...( محمود ) ياwelcome ... ياwelcome ... ثوانى وهيكون العصير عندك( امل بإبتسامه )ههههههههه ... شكرا ...رجع محمود علشان يجيب العصير من الكافيتريا مصطفى ) شايفك يعنى راكن هناك عند الزبونه دى وشغال رغى ..( محمود ) يعنى بلاش ارحب بالضيوف ..( مصطفى ) ضيوف مين ؟( محمود ) واحدة من القاهرة ولسه ناقله لإسكندرية فبرحب بيها ولا بلاش ...( مصطفى ) لأ رحب .. بس بلاش ترخم ...رجع محمود لأمل بالعصير( محمود ) اتفضلى ياأنسه ولا مدام( امل ) آنسه( محمود ) اتفضلى ياآنسه ...( امل ) امل( محمود) اتفضلى يا آنسه امل ... أه انا كنت عاوز اعتذرلك على المرة اللى فاتت لما كنتى سرحانه وان خضيتك انا آسف( امل ) مفيش داعى للأسف ... بس منظر البحر بيخلى الواحد يسرح فيه غصب عنه ...( محمود ) فعلا معاكى حق انا ليا واحد صاحبى دايما سرحان فى البحر.. حس محمود بالحرج وانه بيتكلم كثيروإستأذن منها( محمود وهو بيشاور لأمل على الكافيتريا ) لو عوزتى اى حاجة ياآنسه امل انا هناك فى الكافيتريا دىبصت امل فى إتجاه ايد محمود لقت شخص واقف بيبص عليهم ..( امل ) شكرا يا...( محمود ) محمود .. لو احتاجتى اى حاجة انا موجودوإنصرف محمود ورجعت امل تبص على البحر وبعد ما شربت العصير قامت علشان تروحوهى ماشيه شايله هم ازاى هتتعامل مع مجدى بعد اللى حصل الصبح ... رجعت على البيت ولحسن حظها ليلى اللى فتحت لها ... وكان مجدى نايم( ليلى ) تعالى ياامل ادخلى .. ايه اللى أخرك كده .. ومال شكلك مش عاجبنى( امل ) ابدا .. عاوزة استريح بس ..(ليلى ) طب ادخلى غير هدومك واستريحى شويه على ما احضر لك الغدا ..امل دخلت الاوضه وقعدت على السرير وخدت تقول فى نفسها الحمد لله انى مشفتهوش وإلا كان بان على وشى ان فى حاجة واكيد ليلى كانت هتاخد بالها ..انا احسن حاجة افضل قاعده فى الاوضة واتجنبه خالص والصبح انزل من غير مايشوفنى ..وبعد شويه دخلت ليلى على امل الاوضه وبتقولها( ليلى ) امل انا حضرتلك الغدا على السفرة تعالى علشان تاكلى( امل ) حاضر .. هقوم اهو .. معلش ياليلى تعباكى معايا( ليلى ) لا تعب ولاحاجة بقولك ايه عمر ساخن شويه انا هاخده واروح بيه للدكتور وهتعوزى حاجة اجبهالك وانا جاية ..( امل ) ماله عمر ..طب استنى هلبس وآجى معاكى( ليلى ) لأ طبعا انتى لسه جاية والمفروض تتغدى وتستريحى شويه .. وبعدين الدكتور قريب من هنا ... يالا سلام .. لو احتاجتى حاجة كلمينى فى التليفون ..( امل ) وأستاذ مجدى هيروح معاكى .. ؟!( ليلى ) ايوه انا قولتله قبل ماينام انه هيجى معايا عند الدكتور .. لما اروح اصحيه وهننزل على طول ..( امل ) ماشى وابقى طمنينى على عمر ..( ليلى ) حاضر ..دخلت ليلى على مجدى ليلى ) يالا يامجدى اصحى بقا علشان ناخد عمر ونروح بيه للدكتور( مجدى وهو بيتقلب الجهه الاخرى ) طب شويه كده( ليلى ) يالا يامجدى الساعة دلوقتى 5 يادوبك على ماتلبس وننزل .. قوم( مجدى ) خلاص روحى انتى .. انا عاوز انام( ليلى ) يووه يامجدى انت على طول كده نومك تقيل .. انا عارفه لو فضلت جانبك مش هتصحى ولا انا هروح للدكتور .. اوفشويه وتليفون امل بيرررن:-( امل ) الو .. خالد .. ازيك ياحبيبى عامل إيه( خالد ) كويس ياامل مش ناقصنى غيرك ...( امل ) ربنا يخليك ليا ياخالد هااااااا ماما عاملة ايه وازاى صحتها( خالد ) الحمد لله كويسه وبتسلم عليكى ... وهند كمان( امل ) الله يسلمهم سلملى عليهم كثير ( وبتسمع امل صوت ليلى بتخبط على الباب وبتشاور لها ... لما سمعتها بتتكلم فى التليفون انها نازله .. امل فهمت وهزت راسها بس كانت فاكره ان ليلى ومجدى وعمر نزلوا مع بعض متعرفش ان مجدى نايم فى اوضته ... وبعد ما خلصت كلام مع خالد خرجت .. علشان تتغدا .. وبعد شويه سمعت صوت باب بيتفتح .. امل اتفزعت .. ووقفت فى مكانها ...ايه ده هو فى حد هنا ...( امل بصوت مرتعش ) مين هنا ... فوجئت بخروج مجدى من اوضة النوم ...( مجدى ) إيه مالك عامله كده ليه ...انتى شوفتى عفريت ؟!( امل ) انا معرفش انك هنا وإلا مكنتش خرجت من الاوضه .. وبعدين انا بحسبك نزلت مع ليلى للدكتور ...( مجدى ) لا ماانا مليش مزاج اخرج ... وبعدين مايهونش عليا اسيبك تقعدى لوحدك .. ولاحظ مجدى ان امل واقفه قدامه من غير حجابها ... بس انا مكنتش اعرف ان شعرك حلو وطويل كده ...( امل بفزع قامت ودخلت بسرعه الاوضه وقفلت على نفسها ) وبعد شويه سمعت خبط على الباب ... مين( مجدى ) انا .. هو فى حد غيرى معاكى ياجمييل ...( امل بخوف ) لو سمحت يااستاذ مجدى ... بلاش الكلام ده .. ولو سمحتى سيبنى فى حالى( مجدى ) ليه بس انا زعلتك فى حاجة ... طب افتحى عاوز اقولك كلمتين ...( امل بحده ) لأ مش هفتح ... ولو سمحت ابعد عن الباب ...( مجدى ) انتى خايفه منى كده ليه هوانا هكلك ... انا كل اللى عاوزة نقعد نتكلم مع بعض واهو نسلى بعض على ما ليلى تيجى ...( امل ) يااستاذ مجدى اللى انت بتطلبه ده ميصحش .. بعد اذنك بقا سيبنى فى حالى ...( مجدى ) ياامل انا معجب بيكى .. وعاوزك( امل مش مصدقه اللى بتسمعه قعدت على السرير وفضلت تبكى وتبكى بحرقه مش عارفه تعمل إيه وتتصرف إزاى ... مجدى يئس ان امل ممكن تفتح الباب وتخرج .. بعد شويه عن الباب وسمع تليفونه بيرن ... خرج بالتليفون على البلكونه .. ولحظ امل ان البلكونه دى ملاصقه لشباك الاوضه اللى هى فيها ... وسمعته بيتكلم:امل فى نفسها ياترى بيكلم مين .. مصيبه ليكون بيكلم ليلى ويوقع بينى وبينها .. قربت شويه من شباك الاوضه وسمعته مجدى ) ههههههه انتى يابت انتى انا مش قايلك متتصليش عليا وانا لما اعوزك هتصل عليكى ... هههههههه انتى مجنونه .. طب افرضى بقا ان مراتى كانت هنا وهى اللى ردت عليكى ... كنتى بوظتيلى الدنيا ... هههه وحشتك .. ما انتى كمان وحشتينى ... خلاص انا نازلك دلوقتى ... نتقابل فى المكان بتاعنا .. سلام ياقمر ..دخل مجدى اوضته .. وغير هدومه وراح عند باب اوضة امل ..( مجدى ) انا نازل ياجميل واوعى تفتكرى انك ممكن تفلتى منى ... انا سيبك بمزاجى ... واوعى تفتكرى تهددينى انك ممكن تقولى ل ليلى .. لإن انتى لو بتحبى صاحبتك صحيح بلاش تقوليلها حاجة .. لإن ممكن اطلقها وارميها فى الشارع زيك كده ما انتى مش لاقيه مكان تقعدى فيه ... سلام ياحلوه ..امل مردتش عليه وفضلت تبكى وتبكى .. مش عارفه تلاقيها منين ولا منين .. انا خلاص معدش ينفع اقعد فى البيت ده انا لازم اسيب البيت ده .. قبل ما اخسر ليلى او هى تخسر جوزها ... ايوه بس من اللى سمعته هو بيعرف عليها ستات ثانية يعنى بيخدعها ... انا مش عارفه اعمل إيه ... اقولها ولا اسكت ...

رواية قلعة أمل بقلم اسماء عبد العظيم الفصل الرابعرجعت ليلى من عند الدكتور خبطت على امل ليلى ) إيه ياامل قافله على نفسك بالمفتاح ليه ...( امل ) ابدا ... انا بس علشان لو نمت قبل ماانتى تيجى احس بيكى واصحى علشان اطمن على عمر .. عمر عامل ايه .. الدكتور قالك ايه( ليلى ) عنده نزلة برد .. وهى اللى مسببه له السخونيه ...اومال مجدى فين مش فى الاوضه انتى مشوفتيهوش ..( امل بتردد) لأ انا .. انا مشفتوش .. انا فضلت قاعده فى الاوضه .. ومعرفش هو فين( ليلى ) يبقى تلاقيه صحى من النوم وخرج ... انتى هتنامى دلوقتى( امل ) ايوه تصبحى على خير( ليلى ) وانتى من اهله ياحبيبتى .على الشط بليل مصطفى ) انا مروح يامحمود موصكش بقا خد بالك من الشغل بكره وبلاش رغى كثير مع الزباين .. ليطفشوا من وشك( محمود ) ياعم يطفشوا إيه .. طب تعرف بقا ان اغلبهم بيحبوا يتكلموا معايا مش زيك مقفل ... وخصوصا البنات ... ومش اى بنات.. البنات الحلوة بس ..( مصطفى ) ههههههههههه ليه يعنى روميو .. ومنهم بقا اللى كنت لازق لها النهارده( محمود ) تقصد مين بالظبط .. اصل انا بلزق لكثير .. فحدد مين كده( مصطفى ) معرفش اهى واحدة كنت واقف جنبها ومعرفش كنت بتشاور لها على الكافيتريا ليه ..( محمود ) آآآه تقصد امل ... الأنسه امل .. لا ياعم دى شكلها محترم وكان كلامها معايا محترم ..( مصطفى ) مش دى اللى انت قايلى انها من القاهرة( محمود ) ايوه وبتشتغل هنا مدرسة .. فى مدرسة قريبه من هنا( مصطفى ) طب يالا تصبح على خير انا مروح .. ومش جاى بكره .. سلام( محمود ) سلام يادرش ...ثانى يوم:خرجت امل بدرى عن ميعادها علشان تتجنب مجدى وبالفعل خرجت وتوجهت للمدرسةفى داخل المدرسة:الاستاذ / عبد الحميد: امل تعالى ... عاوزك( امل ) خير يااستاذ عبد الحميد( عبد الحميد ) انا كلمت واحد صاحبى على سكن وهو ادالى عنوان السكن.. وممكن أخدك النهارده بعد المدرسة علشان نشوفه ..( امل ) بجد .. يااه الحمد لله ... بعد المدرسة هستنى حضرتك ..فى منزل مصطفى:-( مها ) مصطفى خلينى أساعدك ...( مصطفى ) لا يامها متتعبيش نفسك ... انا هنقله كله ... وبعدين الحاجات الثقيله اللى مش هعرف انقلها لوحدى هبقى اخلى محمود يجى ينقلها معايا ..( مها ) مصطفى انا عارفه انك شايل هم جهازى ...( مصطفى ) كل حاجة هتتدبر يامها متقلقيش وفرحك هيتم فى ميعاده ..( مها ) ربنا يخليك ليا يامصطفى .. بس انت كده لما تأجر الشقه دى انت هتتجوز فين .. دى المفروض انها شقتك اللى هتتجوز فيها ..( مصطفى بضحكة ساخرة ) ههههههههههههه اتجوز مش باين لها جواز يامها ...( مها ) ليه يعنى ده انت مفيش زيك ... والله انا اتمنى ان سعيد خطيبى يبقى زيك .. بس انت مصطفى واحد اللى مفيش منه اثنين ...( مصطفى ) القرد فى عين اخته غزال ...( مها ) قرد ايه ده انت قمر ... وانا مش بقول كده علشان انت اخويا .. لأ والله انت اجدع واحن منك مفيش ..( مصطفى ) خلاص ياسيتى انا مصدقك .. ياله بقا روحى اعمليلى كوباية شاى على مخلص .. فك فى السراير دى ...( مها ) بس كده من عنيا ...بعد إنتهاء اليوم الدراسى:-( امل ) انا جاهزة يا استاذ عبد الحميد( عبد الحميد ) يالا بينا ياامل .. ويارب السكن يكون مناسب ليكى( امل ) إن شاء الله يكون مناسب ..توجه الاستاذ عبد الحميد ومعه امل الى مكان السكن عبد الحميد ) السلام عليكم .. ازيك ياحاجة( السيده ) وعليكم السلام( عبد الحميد ) احنا اللى الاستاذ صابر كلمك عننا اننا هنيجى النهارده علشان الشقه( السيده ) اهلا وسهلا .. اتفضلوا اتفرجوا على الشقةدخلت امل ومعها الاستاذ عبد الحميد وصاحبة المنزل لرؤية هذه الشقه ...( الاستاذ عبد الحميد ) هاااا رأيك ايه ياامل ..( امل ) حلوة .. بس ياترى ايجارها كام( السيده ) هو ايجار الشقه 750 جنيه( امل ) يااه بس ده مش كثير ..( السيده ) لأ ده اقل حاجة هنا ... وبعدين حضرتك شايفه الشقه متوضبه لوكس .. وكبيرة وواسعه ...( امل ) ايوه بس انا مش محتاجة شقة كبيرة كده ... مفيش هنا شقة اقل فى المساحة وفى السعر ... بس مادام مفيش غيرها .. اخدها ولو بشكل مؤقت ...( السيده ) لأ مفيش وبعدين هو مش انتى وعيلتك اللى هتسكنوا يعنى الشقه يدوب تكفى( امل ) لأ انا بس اللى هسكن فيها ..( السيده بتعجب ) انتى بس !... وانتى بقا متجوزة ولا مطلقة ولا ظروفك إيه ؟!( امل ) لأ انا آنسه ... وهسكن فى الشقه لوحدى .( السيده ) طب بعد إذنك كده لحظة يااستاذ عبد الحميد عاوزاك فى كلمتين على انفراد( الاستاذ عبد الحميد ) خير ياحاجة .. فى إيه( السيده ) احنا متفقناش على كده صابر لما كلمنى على الشقه قالى ان اللى هيسكنها ناس محترمه وانك شخصيا تعرفهم انما مقاليش انه واحده مش متجوزة وكمان صغيرة هتسكن فى الشقه لوحدها ..( عبد الحميد ) وإيه المشكلة فى كده ؟( السيده ) لمؤاخذه يعنى يااستاذ عبد الحميد انا عندى ثلاث شباب اصغرهم فى ثالثة كليه وبعدين انا اخاف على ولادى .. ومبحبش اسكن فى العمارة غير العائلات يعنى انا مش هقدر اسكن واحدة عاذبة فى الشقة ...( عبد الحميد ) ياحاجة الاستاذه امل إنسانه محترمه .. وانا اضمنها لك وهى محتاجة السكن ضرورى ..( السيده ) معلش يااستاذ عبد الحميد بجد مش هينفع وانت حتى لو ضامنها انا مضمنش طيش الشباب ... وبعدين مينفعش نحط النار جنب البنزين ونقول ان مش هيحصل حريقه .. معلش .. شوف لها سكن ثانى ...( عبد الحميد بغيظ ) يالا ياأمل ..( امل ) على فين يااستاذ عبد الحميد مش لما نتفق على الشقه ...( عبد الحميد ) لأ ... السكن هنا مش مناسب .. يالا يابنتى ...( امل ) فى إيه بس يا استاذ عبد الحميد فهمنى ايه اللى حصل ...( عبد الحميد ) الست دى مش عاوزة تأجر ليكى الشقه ياامل علشان انتى آنسة وهتعيشى فيها لوحدك .. وهى عندها شباب قال ايه خايفه عليهم ...( امل بحزن ) وانا ايه دخلى بأولادها ...( عبد الحميد ) متزعليش ياامل .. فى ناس كده عقلهم على قدهم ... وان شاء الله بكره نلاقى سكن تانى ..( امل ) يظهر مفيش فايده ... عن إذنك يااستاذ عبد الحميد وآسفه على تعبك معاياوانصرفت امل وهى حاسه بخنقه والدموع ماليه عنيها ... يارب مليش غيرك اعمل ايه ..واتجهت نحو الشاطىء ...قعدت امل فى المكان اللى دايما بتقعد فيه على الشط وفضلت تبص للبحر ودموعها نازله من عنيها مش عارفه تتصرف إزاى وكمان الإهانه الغير مباشرة اللى الست دى وجهتها ليها كانت قاسيه جدا ... فى اللحظة دى لمحها محمود وراح ليها ...( محمود ) آنسه امل .. ازيك .. إيه ده انتى بتعيطى ؟! فى حد ضايقك ؟( امل ) لأ مفيش حد ضايقنى ...( محمود ) اومال بتعيطى ليه .. انتى تعبانه ولا حاجة .. اعتبرينى زى اخوكى ولو محتاجة حاجة قوليلى .. والله ماهتأخرعليكى ...( امل ) لأ ... بس انا عندى مشكله .. ومش لاقيه لها حل( محمود بمزح ) طب لو فيها رخامه وانا عارف انى رخم ...ممكن اعرف مشكلة ايه ...يمكن حلها يكون عند العبد الضعيف ده ... اللى هو انا...( امل بإبتسامه حزينة ) انا محتاجة سكن قريب من المدرسة وبأسرع وقت لإنى مش هينفع افضل قاعدة عند معارفى اللى هنا اكثر من كده ..( محمود ) وإيه المشكلة ما الشقق كثير ولو تحبى انا ادور لك على سكن قريب( امل ) انا زيك ماكنتش شايفها مشكلة من ساعة .. بس دلوقتى بقت مشكلة ..( محمود ) مشكلة ليه فهمينى ؟..( امل ) انا كنت من شويه بشوف شقه وبعد ما اتفقت تقريبا مع صاحبة البيت لما عرفت انى هعيش فيها لوحدى رفضت ..( محمود ) رفضت ليه .. وإيه المشكلة ؟( امل بخجل) قالت انها خايفه على اولادها الشباب منى ...وخصوصا لما عرفت انى آنسه( محمود ) دى ست معندهاش دم صحيح .. ولا يهمك .. مشكلتك محلوله عندى بإذن الله( امل ) بجد .. يعنى انت تعرف تدلنى على سكن قريب من هنا ..( محمود ) ايوه طبعا .. استنى هنا ساعة واحدة بس وانا راجعلك( امل ) رايح فين مش تفهمنى ؟!( محمود ) استنى بس ... راجعلك متمشيش ...مشى محمود وطبعا كان اول حد جه فى دماغه الشقه اللى مصطفى صاحبه عاوز يأجرها وبسرعه راح على مصطفى ..( محمود ) السلام عليكم .. ازيك يامها... مصطفى موجود ؟( مها ) ايوه موجود .. هو فى الشقه اللى فوق اطلعله لو عايز( محمود) اوك شكرا يامها .. وبسرعه طلع على فوق ومن غير ما يخبط على الباب لقاه مفتوح دخل بيتسحب لقى مصطفى قاعد على الارض وعمال يفك فى سرير ..( محمود ) بخ هههههههههههه( مصطفى ) الله يخربيتك ... خضتنى .. حرام عليك هقطع الخلف من قبل مااتجوز ...( محمود ) هههههههههههههه مستمر فى الضحك قولتلك قبل كده شكلك حلو وانت مخضوض ...( مصطفى ) إيه اللى جابك ..؟( محمود ) جبت لك حد يأجر الشقه ... اوعى تكون اتفقت مع حد عليها ...( مصطفى ) لأ طبعا .. متفقتش مع حد ...هو انا لسه خلصت نقل للعفش ... يعنى انت لقيت المستأجر ده فين ؟( محمود ) قصدك مستأجرة ...( مصطفى ) نعم .. مستأجرة .. تقصد ايه .. مش فاهم( محمود ) بص ياصاحبى .. انا هحكيلك ...وبعد شويه رجع محمود لأمل وقالها ..( محمود ) إتأخرت عليكى ..( امل ) يعنى شويه ..هاااا( محمود ) بصى ياستى انا ليا واحد صاحبى عنده شقه وعايز يأجرها وهو موافق انك تأجريها .. حتى لو هتسكنى فيها لوحدك هو معندوش إعتراض ..( امل ) طب الإيجار هيكون كام .. علشان اعرف هيكون مناسب ليا ولا لأ ؟( محمود ) الكلام ده بقا ممكن تسأليه له بكرة .. هو هيكون هنا بكره وانتى تقابليه وتتكلموا فى التفاصيل دى .. وكمان علشان تروحى وتشوفى الشقه...( امل ) انا متشكرة ليك اوى يامحمود يارب يكون حل مشكلتى على ايدك ...( محمود ) ان شاء الله ..( امل ) يعنى انا ممكن اشوفه هنا بعد ما ارجع من المدرسة( محمود ) ايوه طبعا... قومى بقا علشان الوقت إتأخر .. وانا هروح على شغلى .. عاوزة حاجة تانية ...( امل بإبتسامه ) شكرااا ...فى منزل مصطفى مها ) محمود كان عاوزك ليه ...( مصطفى ) جايب مستأجرة للشقه .. وممكن تيجى بكره علشان تشوفها .. علشان كده حاولى تساعدينى ننزل بقيت الحاجات دى علشان نفضى الشقه وميكنش فيها اى حاجة ..( مها ) حاضر ...رجعت امل على بيت ليلى وكانت لأول مرة حاسة انها سعيده .. وانها هتخلص من رزالة مجدى ...رنت الجرس .. اتفتح الباب لقت مجدى فى وشها ..( مجدى بإبتسامه صفرا ) اتفضلى ... ويهمس بصوت واطى ( ليكى وحشه )( امل بضيق ) ليلى هنا ؟( مجدى ) فى المطبخ .. ادخلى ولا هتفضلى واقفة على الباب ..مجدى واقف وسادد نص الباب بجسمه وسايب مكان صغير جدا لأمل علشان تعدى منه( امل ) طب لوسمحت ابعد شويه !( مجدى ) حاضر .. بعد عنها خطوة واول ما امل دخلت من الباب قام رجعها ثانى لدرجة انه لزق فيها ... زقته امل بكل قوتها وبعدت عنه ودخلت مسرعه على اوضتها ...امل دخلت اوضتها وهى حاسه برعشه فى جسمها ..وبتقول فى نفسها ... الله يخربيتك يامجدى .. افرض ان ليلى شافتك وانت كده كان هيبقى موقفى منها ايه ... يارب تكون دى آخر ليله ليا هنا ... دخلت ليلى على امل الاوضه ..(ليلى ) حمد الله على السلامة يااموله .. اتأخرتى ليه النهارده .. بردوا روحتى تتمشى على الشط ...( امل ) الله يسلمك ياليلى .. آه ...( ليلى ) مالك ياامل شكلك متغير .. وعنيكى وارمه ليه كده ..( امل ) ابدا ..انا بس افتكرت امى واخواتى وحشونى اوى ..(ليلى ) طالما وحشينك اوى كده .. طب ماتتصلى عليهم واطمنى عليهم ...( امل ) هغير هدومى وبعدين هتصل ...( ليلى ) طيب ياحبيبتى انا هحضر العشا على ما تكلميهموشويه ودخل عليهم مجدى بعد ما خبط على الباب كنوع من الاحترام اللى بيظهره خاصة فى وجود ليلى ...( مجدى ) انا آسف .. بس “ عمر “وقع العصير على هدومه وعلى السجاده قومى ياليلى علشان تغيرى له وتنضفى الارض ..( ليلى ) اخص عليك ياعمر دى عامله ... وخرجت ليلى مسرعه ..( مجدى ) ليلى ... اوعى تضريبه وقع منه غصب عنه …وقف مجدى قدام باب الاوضه وباصص على امل اللى قامت وحاولت تقفل باب الاوضه ومسكها من ايدها وحاول يقربها ليه واللى كان متأكد انها مش هتقدر تطلع صوت علشان ليلى ... بصعوبة قدرت تفك ايدها من قبضته وزقت الباب جامد لدرجة ان الباب قفل على ايد مجدى ... وهنا مجدى طلع منه صوت (آآآآآه ) سمعته ليلى ...فى حاجة يامجدى...!( مجدى بصوت مكتوم من شدة الالم ) لأ مفيش ... صابعى اتخبط فى رجل الكرسى ...( ليلى ) معلش ياحبيبى .. مش تاخد بالك يامجدى..امل سمعته وهى فى الاوضه من جواها كانت سعيده انها قدرت توجعه ولو بحاجة بسيطة وقالت فى نفسها تستاهل ... يارب تكون دى آخر مرة اشوفك فيها يامجدى واخرج من بيتك ده ومرجعلوش تانى ..