رواية أنت عشقي الوحيد للكاتبة فاطمة حمدي الفصل الثامن

ﻫﻨﺪﻣﺖ ﻣﺮﻳﻢ ﻣﻦ ﻣﻼﺑﺴﻬﺎ ﻭﺗﻮﺟﻬﺖ ﺧﺎﺭﺝ ﺍﻟﻤﺮﺣﺎﺽ ﻭﻣﻦ ﺛﻢ ﺇﺗﺠﻬﺖ ﺇﻟﻲ ﺍﻟﺒﻮﻓﻴﻪ ﺗﺒﺤﺚ ﻋﻦ ﻋﺸﻘﻬﺎ ﺍﻟﺨﺎﺹ ﻭﻫﻮ ﺍﻟﻄﻌﺎﻡ ﻭﻗﻔﺖ ﺗﺒﺘﺴﻢ ﻭﻗﺪ ﺇﻧﻔﺘﺤﺖ ﺷﻬﻴﺘﻬﺎ ﻟﺮﺅﻳﺘﻬﺎ ﺃﺻﻨﺎﻑ ﻃﻌﺎﻡ ﻋﻠﻲ ﻛﻞ ﺷﻜﻞ ﻭﻟﻮﻥ ﺣﺪﺛﺖ ﻧﻔﺴﻬﺎ ﻗﺎﺋﻠﻪ ﺑﺤﻴﺮﻩ:
ﻣﻤﻢ ﻃﺐ ﺃﻛﻞ ﺇﻳﻪ ﻭﻻ ﺇﻳﻪ ﺩﻩ ﺍﻷﻛﻞ ﻛﻠﻪ ﺃﻧﺎ ﺑﺤﺒﻪ ﻭﻳﺎﺳﻼﻡ ﻋﻠﻲ ﺍﻟﺘﻮﺭﺗﻪ ﺑﺎﻟﺸﻜﻮﻻﺗﻪ ﺩﻱ ﺑﻘﺎ ﻭﺍﻭ، ﺃﻧﺎ ﻫﺎﻛﻞ ﺗﻮﺭﺗﻪ ﺑﻘﻲ ﺩﻟﻮﻗﺘﻲ ﻭﺑﻌﺪﻳﻦ ﺃﺣﻠﻲ ﺑﺎﻟﻤﺤﺸﻲ ﺃﻩ ﻋﺎﺩﻱ ﺇﻳﻪ ﺍﻟﻤﺸﻜﻠﻪ ﻳﻌﻨﻲ ﺩﻩ ﻣﻔﻴﺶ ﺃﺣﻠﻲ ﻣﻦ ﺍﻟﺮﻣﺮﻣﻪ.

ﺃﻣﺴﻜﺖ ﻣﺮﻳﻢ ﺑﺎﻟﺴﻜﻴﻨﻪ ﺍﻟﺮﻓﻴﻌﻪ ﺍﻟﻤﻮﺿﻮﻋﻪ ﺑﺠﺎﻧﺐ ﻗﺎﻟﺐ ﺍﻟﻜﻴﻚ ﺍﻟﻤُﻐﺮﻕ ﺑﺎﻟﺸﻮﻛﻮﻻﺗﻪ ﻭﻣﻦ ﺛﻢ ﺷﺮﻋﺖ ﻓﻲ ﺗﻘﻄﻴﻌﻬﺎ ﻟﺘﺄﺧﺬ ﻣﻨﻬﺎ ﺃﻛﺒﺮ ﻗﺪﺭ ﻭﻣﻦ ﺛﻢ ﺃﺧﺬﺕ ﻛﻮﺏ ﻣﻦ ﻋﺼﻴﺮ ﺍﻟﻤﺎﻧﺠﻮ ﻭﺳﺎﺭﺕ ﺑﻪ ﻭﻫﻲ ﺗﺪﻧﺪﻥ ﻣﻊ ﻧﻔﺴﻬﺎ ﻛﺎﻧﺖ ﺗﺴﻴﺮ ﻭﻋﻴﻨﻴﻬﺎ ﻋﻠﻲ ﺍﻟﻜﻴﻚ ﺣﺘﻲ ﺇﺻﻄﺪﻣﺖ ﺑﻪ ﻓﺈﺗﺴﻌﺖ ﻋﻴﻨﺎﻫﺎ ﺑﺼﺪﻣﻪ ﺣﻴﻦ ﺭﺃﺕ ﻗﻤﻴﺼﻪ ﺍﻷﺑﻴﺾ ﺃﺻﺒﺢ ﺧﻠﻴﻂ ﻣﻦ ﺍﻟﺸﻮﻛﻮﻻﺗﻪ ﻭﺍﻟﻤﺎﻧﺠﻮ، ﻭﻗﻔﺖ ﻣﺰﻫﻮﻟﻪ ﻭﺍﺿﻌﻪ ﻛﻠﺘﻲ ﻳﺪﻳﻬﺎ ﻋﻠﻲ ﻓﻤﻬﺎ ﻛﺄﻧﻬﺎ ﻓﻘﺪﺕ ﺍﻟﻨﻄﻖ ﻓﺎﻟﺘﻮ.

ﻟﻢ ﺗﺨﺘﻠﻒ ﺣﺎﻟﺔ ﺃﺣﻤﺪ ﻋﻦ ﺣﺎﻟﺘﻬﺎ ﻓﻘﺪ ﻛﺎﻥ ﻣﺰﻫﻮﻝ ﻫﻮ ﺍﻵﺧﺮ ﻧﺎﻇﺮﺍ ﺇﻟﻲ ﻫﻴﺌﺘﻪ ﺑﺼﺪﻣﻪ ﻭﻋﺪﻡ ﺗﺼﺪﻳﻖ ﻓﻘﺪ ﻛﺎﻥ ﻓﻲ ﻛﺎﻣﻞ ﻭﺳﺎﻣﺘﻪ ﻭﺃﻧﺎﻗﺘﻪ ﻭﻓﺠﺄﻩ ﻭﺟﺪ ﻧﻔﺴﻪ ﻋﻠﻲ ﻫﺬﻩ ﺍﻟﺤﺎﻟﻪ ﺑﻤﻼﺑﺴﻪ ﺍﻟﻤﺘﺴﺨﻪ
ﺇﺑﺘﻠﻌﺖ ﻣﺮﻳﻢ ﺭﻳﻘﻬﺎ ﻭﻣﺎﺯﺍﻟﺖ ﺍﻟﺼﺪﻣﻪ ﻋﻠﻲ ﻣﻼﻣﺢ ﻭﺟﻬﻬﺎ ﻣﻦ ﻫﻮﻝ ﺍﻟﻤﻔﺎﺟﺄﻩ ﻓﻴﻤﺎ ﻗﺎﻝ ﺃﺣﻤﺪ ﺭﺍﻓﻌﺎً ﺣﺎﺟﺒﻴﻪ ﺑﺈﻧﺪﻫﺎﺵ:
- ﻫﻮ ﺃﻧﺎ ﻣﺶ ﺑﺎﻳﻦ ﻛﺪﻩ ﺃﻭﻱ ﻭﺃﻧﺎ ﻣﺎﺷﻲ؟
ﺭﻣﺸﺖ ﻣﺮﻳﻢ ﺑﻌﻴﻨﻴﻬﺎ ﻋﺪﺓ ﻣﺮﺍﺕ ﺛﻢ ﻗﺎﻟﺖ ﺑﺈﺭﺗﺒﺎﻙ:
- ﺁﺁ ﺃﻧﺎ ﺑﺠﺪ ﺁﺳﻔﻪ ﺃﻧﺎ ﻣﻌﺮﻓﺶ ﺇﻧﺖ ﻃﻠﻌﺘﻠﻲ ﻣﻨﻴﻦ.

ﻋﻘﺪ ﺃﺣﻤﺪ ﺣﺎﺟﺒﻴﻪ ﻟﻴﻘﻮﻝ ﺑﻌﺼﺒﻴﻪ: ﺃﻧﺎ ﺍﻟﻲ ﻃﻠﻌﺘﻠﻚ ﻣﻨﻴﻦ؟ ﺃﻧﺎ ﻣﺎﺷﻲ ﻓﻲ ﺃﻣﺎﻥ ﺍﻟﻠﻪ ﻣﺶ ﺗﻔﺘﺤﻲ ﺇﻧﺘﻲ ﺑﻘﺎ ﻭﻻ ﺗﺪﺧﻠﻲ ﺯﻱ ﺍﻟﻘﻄﺮ ﻛﺪﻩ ﻓﻲ ﺃﻱ ﺣﺪ
ﺯﺍﻝ ﺯﻫﻮﻟﻬﺎ ﻭﺗﻮﺗﺮﻫﺎ ﻓﻲ ﻟﻤﺢ ﺍﻟﺒﺼﺮ ﻟﺘﻘﻮﻝ ﺑﺠﺪﻳﻪ ﻭﻻ ﻣﺒﺎﻻﻩ:
- ﻋﻠﻲ ﻓﻜﺮﻩ ﺃﻧﺎ ﺇﺗﺄﺳﻔﺘﻠﻚ ﺃﻋﻤﻠﻚ ﺇﻳﻪ ﻳﻌﻨﻲ ﻣﺨﺪﺗﺶ ﺑﺎﻟﻲ ﻫﺘﻔﻀﻞ ﺗﺮﻏﻲ ﻛﺘﻴﺮ ﻭﺍﻟﻜﻼﻡ ﺩﻩ ﻻ ﻓﻜﻚ ﻫﺎ
ﺭﻓﻊ ﺃﺣﻤﺪ ﺃﺣﺪ ﺣﺎﺟﺒﻴﻪ ﺑﻴﻨﻤﺎ ﺿﻐﻂ ﻋﻠﻲ ﺷﻔﺘﻴﻪ ﻟﻴﻘﻮﻝ ﺑﺤﻨﻖ:
- ﺃﺳﻔﻪ ﺍﻳﻪ ﻭﺑﺘﺎﻉ ﺍﻳﻪ ﻳﺎﺷﻴﺨﻪ ﺍﻟﻠﻪ ﻳﺴﺎﻣﺤﻚ ﺃﻋﻤﻞ ﺍﻳﻪ ﺃﻧﺎ ﺩﻟﻮﻗﺘﻲ ﺑﻤﻨﻈﺮﻱ ﺩﻩ.

ﻫﺰﺕ ﻛﺘﻔﻴﻬﺎ ﻟﺘﻘﻮﻝ ﺑﺎﺳﺘﻔﺰﺍﺯ: ﻋﺎﺩﻱ ﺑﺨﺮﻃﻮﻡ ﺍﻟﻤﻴﻪ ﻭﺍﺩﻳﻠﻪ ﺍﺩﻱ ﻫﺘﺒﻘﻲ ﺯﻱ ﺍﻟﻔﻞ ﻭﻋﻤﻮﻣﺎ ﺗﻌﻴﺶ ﻭﺗﺎﺧﺪ ﻏﻴﺮﻫﺎ ﻋﺎﺩﻱ ﻳﻌﻨﻲ...
ﺻﺮ ﻋﻠﻲ ﺃﺳﻨﺎﻧﻪ ﻭﻣﻦ ﺛﻢ ﺭﻣﻘﻬﺎ ﺑﻐﻀﺐ ﻗﺎﺋﻼ ﺑﺎﻧﻔﻌﺎﻝ:
- ﺃﻧﺘﻲ ﺑﺘﻬﺰﺭﻱ؟ ﻭﻟﻴﻜﻲ ﻋﻴﻦ ﺗﻬﺰﺭﻱ! ﺃﻧﺎ ﻣﺶ ﻋﺎﺭﻑ ﺃﻗﻮﻟﻚ ﺍﻳﻪ ﺑﺠﺪ ﻋﺼﺒﺘﻴﻨﻲ ﻭﺧﺮﺟﺘﻴﻨﻲ ﻋﻦ ﺷﻌﻮﺭﻱ ﻳﺎﺷﻴﺨﻪ
ﻧﻈﺮﺕ ﻫﻨﺎ ﻣﻦ ﺑﻌﻴﺪ ﻟﺴﻤﺎﻋﻬﺎ ﺷﺠﺎﺭﻫﻤﺎ ﻓﻌﻘﺪﺕ ﺣﺎﺟﺒﻴﻬﺎ ﻭﻫﻲ ﺗﻘﻮﻝ ﻣﻮﺟﻬﻪ ﺣﺪﻳﺜﻬﺎ ﻟ ﺗﺎﻣﺮ:
- ﺗﺎﻣﺮ ﻣﺶ ﺩﻩ ﺃﺣﻤﺪ ﺻﺎﺣﺒﻚ ﺍﻟﻲ ﻭﺍﻗﻒ ﻣﻊ ﻣﺮﻳﻢ ﻫﻨﺎﻙ ﺩﻩ.

ﺩﻗﻖ ﺗﺎﻣﺮ ﺍﻟﻨﻈﺮ ﺛﻢ ﺭﻓﻊ ﺣﺎﺟﺒﻴﻪ ﺑﺎﻧﺪﻫﺎﺵ ﻭﻫﻮ ﻳﻘﻮﻝ:
- ﺍﻳﻪ ﺩﻩ ﻫﻤﺎ ﺑﻴﺘﺨﺎﻧﻘﻮﺍ ﻭﻻ ﺍﻳﻪ ﺃﻧﺎ ﺭﺍﻳﺤﻠﻬﻢ، ﻧﻬﺾ ﺗﺎﻣﺮ ﻣﺘﺠﻬﺎً ﺇﻟﻴﻬﻤﺎ ﻓﻲ ﺣﻴﻦ ﺃﺻﺒﺢ ﺃﺣﻤﺪ ﻛﺎﻟﻤﺠﻨﻮﻥ ﻣﻊ ﻫﺬﻩ ﺍﻟﻤﺠﻨﻮﻧﻪ ﺍﻟﺘﻲ ﺗﻘﻒ ﺃﻣﺎﻣﻪ ﺗﺠﺎﺩﻟﻪ ﻭﺗﺰﻳﺪ ﻣﻦ ﺇﺳﺘﻔﺰﺍﺯﻩ
- ﻓﻲ ﺍﻳﻪ ﻳﺎ ﺃﺣﻤﺪ ﺍﻳﻪ ﺍﻟﻲ ﺑﻴﺤﺼﻞ ﻫﻨﺎ ﺩﻩ؟
ﻗﺎﻟﻬﺎ ﺗﺎﻣﺮ ﺑﺠﺪﻳﻪ ﻭﺻﻮﺕ ﺭﺟﻮﻟﻲ ﺣﻴﺚ ﻧﻈﺮ ﺇﻟﻴﻪ ﺃﺣﻤﺪ ﻟﻴﻘﻮﻝ ﺳﺮﻳﻌﺎ: ﺗﻌﺎﻟﻲ ﻳﺎ ﺃﺳﺘﺎﺫ ﺇﺗﻔﺮﺝ ﻭﺷﻮﻑ ﺃﺧﺘﻚ ﻋﻤﻠﺖ ﺑﺺ ﺑﺺ ﻣﺘﻜﺴﻔﺶ!

ﻓﻐﺮ ﺗﺎﻣﺮ ﻓﺎﻩ ﻭﻫﻮ ﻳﻨﻈﺮ ﺇﻟﻲ ﻗﻤﻴﺼﻪ ﺍﻟﺬﻱ ﺃﺻﺒﺢ ﻛﺄﻟﻮﺍﻥ ﺍﻟﻄﻴﻒ ﻟﻴﻘﻮﻝ ﺑﺰﻫﻮﻝ:
- ﺍﻳﻪ ﺩﻩ؟
ﺻﺮ ﺃﺣﻤﺪ ﻋﻠﻲ ﺃﺳﻨﺎﻧﻪ ﻗﺎﺋﻼ: ﺩﻩ ﻃﺒﻖ ﻣﺤﺸﻲ! ﻫﻴﻜﻮﻥ ﺍﻳﻪ ﻳﻌﻨﻲ ﺷﻜﻮﻻﺗﻪ ﻭﻋﺼﻴﺮ ﻣﺎﻧﺠﻪ ﺍﻟﻬﺎﻧﻢ ﺃﺧﺘﻚ ﻟﺒﺴﺖ ﻓﻴﺎ ﺑﻴﻬﻢ
ﻧﻈﺮ ﺗﺎﻣﺮ ﺇﻟﻲ ﺷﻘﻴﻘﺘﻪ ﻣﺮﻳﻢ ﺛﻢ ﻗﺎﻝ ﺑﻌﺪﻡ ﺗﺼﺪﻳﻖ: ﻳﺨﺮﺑﻴﺘﻚ ﻳﺎﻣﺮﻳﻢ ﺍﻳﻪ ﺩﻩ
ﺗﺤﺪﺛﺖ ﻣﺮﻳﻢ ﻗﺎﺋﻠﻪ ﺑﺒﺮﻭﺩ: ﻣﻜﻨﺶ ﻗﺼﺪﻱ ﻭﺇﻋﺘﺬﺭﺕ ﺃﻋﻤﻞ ﺍﻳﻪ ﺗﺎﻧﻲ ﻳﻌﻨﻲ ﺩﻩ ﺃﻧﺖ ﺭﻏﺎﻱ ﺃﻭﻱ
ﺃﺣﻤﺪ ﺑﻐﻴﻆ: ﺇﺗﻔﺮﺝ ﻳﺎﻋﻢ ﺇﺗﻜﻠﻢ ﺃﻧﺖ ﺑﻘﺎ.

ﺗﺤﺪﺙ ﺗﺎﻣﺮ ﺑﺠﺪﻳﻪ ﻭﻫﻮ ﻳﻨﻈﺮ ﻟﺸﻘﻴﻘﺘﻪ ﻧﻈﺮﺍﺕ ﺫﺍﺕ ﻣﻌﻨﻲ ﻗﺎﺋﻼ:
- ﻣﺮﻳﻢ! ﺍﻳﻪ ﺍﻷﺳﻠﻮﺏ ﺍﻟﻲ ﺑﺘﻜﻠﻤﻲ ﺑﻴﻪ ﺩﻩ ﻟﻤﻲ ﻧﻔﺴﻚ ﻭﺇﻋﺘﺬﺭﻱ ﺑﺄﺳﻠﻮﺏ ﻛﻮﻳﺲ
ﺗﺄﻓﻔﺖ ﻣﺮﻳﻢ ﻭﻫﻲ ﺗﻘﻮﻝ: ﺃﻭﻭﻭﻑ ﺑﻘﻮﻟﻚ ﺃﻋﺘﺬﺭﺕ ﻓﻲ ﺍﻳﻪ!
ﺻﺮ ﺗﺎﻣﺮ ﻋﻠﻲ ﺃﺳﻨﺎﻧﻪ ﻟﻴﻘﻮﻝ ﺑﺼﺮﺍﻣﻪ: ﻣﺮﻳﻢ!
ﺗﻨﻬﺪﺕ ﻣﺮﻳﻢ ﻗﺎﺋﻠﻪ ﻭﻫﻲ ﺗﻨﻈﺮ ﺇﻟﻲ ﺃﺣﻤﺪ: ﺁﺳﻔﻪ ﻣﻜﻨﺘﺶ ﺃﻗﺼﺪ ﺃﻭﻗﻊ ﻋﻠﻲ ﺣﻀﺮﺗﻚ ﺍﻟﻌﺼﻴﺮ ﻭﺍﻟﺸﻮﻛﻠﺖ!
ﺭﻓﻊ ﺃﺣﻤﺪ ﺣﺎﺟﺒﻴﻪ ﻟﻴﻘﻮﻝ ﺳﺎﺧﺮﺍ: ﺷﻮﻛﻠﺖ! ﺍﻟﻠﻪ ﻳﺮﺣﻢ ﻳﻼ ﺃﻧﺎ ﻣﺶ ﻫﺘﻜﻠﻢ ﻛﺘﻴﺮ ﻣﻨﻚ ﻟﻠﻪ ﺃﻧﺘﻲ ﻭﺃﺧﻮﻛﻲ ﻓﻲ ﺳﺎﻋﻪ ﻭﺍﺣﺪﻩ.

ﺿﺤﻚ ﺗﺎﻣﺮ ﻗﺎﺋﻼ: ﻃﺐ ﻭﺃﺧﻮﻫﺎ ﻣﺎﻟﻪ ﻳﺎﺽ ﺇﻧﺖ!
ﻣﺴﺢ ﺃﺣﻤﺪ ﻋﻠﻲ ﺭﺃﺳﻪ ﻭﻫﻮ ﻳﻘﻮﻝ ﺑﺠﺪﻳﻪ: ﺃﻧﺎ ﻻﺯﻡ ﺃﻣﺸﻲ ﺩﻟﻮﻗﺘﻲ ﻳﺎ ﺗﺎﻣﺮ ﺑﻘﻲ ﻭﺃﻟﻒ ﻣﺒﺮﻭﻙ ﺃﻧﺎ ﻗﻮﻟﺘﻠﻚ ﻣﻠﻴﺶ ﻓﻲ ﺍﻷﻓﺮﺍﺡ ﻣﻦ ﺍﻷﻭﻝ ﻋﺎﺟﺒﻚ ﻛﺪﻩ؟
ﺗﻨﻬﺪ ﺗﺎﻣﺮ ﻗﺎﺋﻼ: ﻣﻌﻠﺶ ﻳﺎ ﺍﺣﻤﺪ ﺍﻣﺴﺤﻬﺎ ﻓﻴﺎ ﻭﺍﻟﻠﻪ ﻣﺎ ﻋﺎﺭﻑ ﺍﻗﻮﻟﻚ ﺍﻳﻪ
ﺃﺣﻤﺪ ﻭﻫﻮ ﻳﺮﻣﻖ ﻣﺮﻳﻢ ﺑﻨﻈﺮﺍﺕ ﻣﻐﺘﺎﻇﻪ: ﻣﺘﻘﻮﻟﺶ ﺩﻩ ﻣﺶ ﺫﻧﺒﻚ ﺃﺻﻼ ﺍﻟﻠﻪ ﻳﺴﺎﻣﺢ ﺍﻟﻲ ﻛﺎﻥ ﺍﻟﺴﺒﺐ! ﻳﻼ ﺑﻘﻲ ﻋﻦ ﺇﺫﻧﻚ ﻭﻣﺒﺮﻭﻙ ﻣﺮﻩ ﺗﺎﻧﻴﻪ
ﺗﺎﻣﺮ ﻭﻫﻮ ﻳﺼﺎﻓﺤﻪ: ﻃﺐ ﺃﻋﺪ ﺍﺷﺮﺏ ﺣﺎﺟﻪ ﻃﻴﺐ.

ﺃﺣﻤﺪ ﺑﺴﺨﺮﻳﻪ: ﻻ ﻣﻨﺎ ﺷﺮﺑﺖ ﺍﻟﺤﻤﺪﻟﻠﻪ ﻭﺣﺪ ﺍﻟﻠﻪ ﻣﺎ ﻫﻌﺘﺐ ﺃﻱ ﻓﺮﺡ ﺗﺎﻧﻲ ﺑﻌﺪ ﺍﻟﻨﻬﺎﺭﺩﻩ
ﺿﺤﻜﺖ ﻣﺮﻳﻢ ﺭﻏﻤﺎً ﻋﻨﻬﺎ ﻋﻠﻲ ﻫﻴﺌﺘﻪ ﻭﺣﺪﻳﺜﻪ ﺍﻟﺬﻱ ﺃﺿﺤﻜﻬﺎ ﺭﺑﻤﺎ ﺷﻌﺮﺕ ﺑﺨﻔﻪ ﻇﻠﻪ ﻓﻲ ﺍﻟﺤﺪﻳﺚ ﻇﻠﺖ ﺗﻀﺤﻚ ﺣﺘﻲ ﻗﺎﻝ ﻭﻫﻮ ﻳﺘﺠﻪ ﺑﻌﻴﺪﺍ ﻋﻨﻬﻤﺎ: ﺃﻧﺎ ﻣﺎﺷﻲ ﻗﺒﻞ ﻣﺎ ﺃﻧﻔﺠﺮ...
ﻓﻴﻤﺎ ﺇﻗﺘﺮﺏ ﺗﺎﻣﺮ ﻣﻦ ﺷﻘﻴﻘﺘﻪ ﻭﻫﻮ ﻳﻤﺴﻚ ﺑﻄﺮﻑ ﺁﺫﻧﻴﻬﺎ ﻗﺎﺋﻼ ﺑﻨﻔﺎﺫ ﺻﺒﺮ:
- ﺃﻋﻤﻞ ﻓﻴﻜﻲ ﺍﻳﻪ؟ ﻫﺎ ﻗﻮﻟﻴﻠﻲ ﺃﻋﻤﻞ ﻓﻴﻜﻲ ﺍﻳﻪ ﺩﻳﻤﺎ ﻛﺴﻔﺎﻧﻲ ﻭﺭﺑﻨﺎ ﻋﺎﻳﺰ ﺃﺩﻳﻜﻲ ﺣﺘﻪ ﻋﻠﻘﻪ!
ﺇﺑﺘﻠﻌﺖ ﻣﺮﻳﻢ ﺭﻳﻘﻬﺎ ﻭﻫﻲ ﺗﻘﻮﻝ:.

- ﺻﻞِ ﻋﻠﻲ ﺍﻟﻨﺒﻲ ﻳﺎﻋﻢ ﻣﻜﻨﺶ ﻗﺼﺪﻱ ﺍﻟﻠﻪ
ﺗﺮﻛﻬﺎ ﺗﺎﻣﺮ ﻭﻫﻮ ﻳﻘﻮﻝ ﺑﻐﻴﻆ: ﻛﺮﻭﻣﺒﻪ
ﻣﺮﻳﻢ ﺑﻤﺰﺍﺡ: ﺍﻟﻠﻪ ﺃﻧﺖ ﻫﺘﻐﻠﻂ ﻳﺎ ﺗﻴﻤﻮﺭ ﻭﻻ ﺍﻳﻪ ﻻ ﺩﻧﺎ...
ﻗﺎﻃﻌﻬﺎ ﺗﺎﻣﺮ ﻭﻫﻮ ﻳﺴﺤﺒﻬﺎ ﻭﻳﺪﻓﻌﻬﺎ ﺃﻣﺎﻣﻪ ﻗﺎﺋﻼ ﺑﻨﻔﺎﺫ ﺻﺒﺮ: ﺇﻣﺸﻲ ﻗﺪﺍﻣﻲ ﺃﻭﻋﻲ ﺗﻔﺘﺤﻲ ﺍﻹﺫﺍﻋﻪ
ﺳﺎﺭ ﺍﻷﺛﻨﺎﻥ ﻣﺘﺠﻬﺎﻥ ﺇﻟﻲ ﺍﻟﻜﻮﺷﻪ ﺣﻴﺚ ﺗﻮﺟﺪ ﻫﻨﺎ ﺟﻠﺲ ﺗﺎﻣﺮ ﺑﺠﺎﻧﺒﻬﺎ ﻓﻘﺎﻟﺖ ﻫﻨﺎ ﺑﺘﺴﺎﺅﻝ:
- ﻓﻲ ﺍﻳﻪ ﺍﻳﻪ ﺍﻟﻲ ﺣﺼﻞ.

ﻋﻘﺪﺕ ﻣﺮﻳﻢ ﺣﺎﺟﺒﻴﻬﺎ ﻟﺘﻘﻮﻝ ﺑﺒﺮﺍﺀﻩ ﻣﺼﻄﻨﻌﻪ: ﺃﺑﺪﺍ ﻳﺎ ﻫﻨﺎ ﺍﻟﻌﺼﻴﺮ ﻭﻗﻊ ﻋﻠﻲ ﺍﻟﻲ ﺍﺳﻤﻪ ﺍﺣﻤﺪ ﺩﻩ ﻭﺍﻟﺘﻮﺭﺗﻪ ﺑﺎﻟﺸﻜﻮﻻﺗﻪ ﺑﺰﻣﺘﻚ ﺩﻱ ﻓﻴﻬﺎ ﺣﺎﺟﻪ؟
ﺭﻓﻌﺖ ﻫﻨﺎ ﺣﺎﺟﺒﻴﻬﺎ ﻗﺎﺋﻠﻪ: ﻻ ﻣﻔﻴﺶ ﻳﺎﻣﺠﻨﻮﻧﻪ
ﻣﺮﻳﻢ ﺑﺰﻋﻞ ﻣﺼﻄﻨﻊ: ﺃﻧﺘﻲ ﻛﻤﺎﻥ ﻳﺎ ﻫﻨﺎ ﻫﻮ ﺃﻧﺘﻮﺍ ﻛﻠﻜﻮﺍ ﻋﻠﻴﺎ ﻭﻻ ﺍﻳﻪ! ﻃﺐ ﻣﺶ ﻫﻜﻠﻤﻜﻢ ﺗﺎﻧﻲ
ﻧﻈﺮ ﻟﻬﺎ ﺗﺎﻣﺮ ﻟﻴﻘﻮﻝ ﺑﻤﺰﺍﺡ: ﺃﺣﺴﻦ ﺑﺮﺿﻮ ﻭﻳﺴﺘﺤﺴﻦ ﺗﻘﻄﻌﻲ ﻋﻼﻗﺘﻚ ﺑﻴﺎ ﻭﻣﺘﻮﺭﻧﻴﺶ ﻭﺷﻚ ﺗﺎﻧﻲ
ﺿﺤﻜﺖ ﻫﻨﺎ ﻗﺎﺋﻠﻪ: ﻃﺐ ﺻﻠﻮﺍ ﻋﻠﻲ ﺍﻟﻨﺒﻲ ﺃﻧﺘﻮﺍ ﺍﻷﺗﻨﻴﻦ
ﺗﺎﻣﺮ ﺑﻬﺪﻭﺀ: ﻋﻠﻴﻪ ﺍﻟﺼﻼﻩ ﻭﺍﻟﺴﻼﻡ.

ﺑﻴﻨﻤﺎ ﻗﺎﻟﺖ ﻣﺮﻳﻢ ﺳﺮﻳﻌﺎً: ﻋﻠﻴﻪ ﺍﻟﺼﻼﻩ ﻭﺍﻟﺴﻼﻡ ﻳﺎﺳﺘﻲ ﺃﻧﺎ ﻫﺮﻭﺡ ﺃﺟﻴﺐ ﺗﻮﺭﺗﻪ ﻏﻴﺮ ﺍﻟﻲ ﻭﻗﻌﻬﺎﻟﻲ ﺍﻟﻠﻪ ﻳﺴﺎﻣﺤﻪ ﻳﻼ ﺃﺳﻴﺒﻜﻢ ﺑﻘﺎ ﻭﻣﻦ ﺛﻢ ﺇﺗﺠﻬﺖ ﺑﻌﻴﺪﺍ ﻋﻨﻬﻤﺎ ﻟﺘﺴﻴﺮ ﺇﻟﻲ ﺍﻟﺒﻮﻓﻴﻪ ﻣﺮﻩ ﺛﺎﻧﻴﻪ!
ﻓﻴﻤﺎ ﻗﺎﻝ ﺗﺎﻣﺮ ﻭﻫﻮ ﻳﻀﺮﺏ ﻛﻔﺎ ﻋﻠﻲ ﻛﻒ: ﻭﺭﺑﻨﺎ ﻫﺘﻔﺮﻗﻌﻲ ﻳﺎﻣﺮﻳﻢ ﻳﺨﺮﺑﻴﺖ ﻋﻘﻠﻚ ﻣﺠﻨﻮﻧﻪ
ﺿﺤﻜﺖ ﻫﻨﺎ ﻗﺎﺋﻠﻪ: ﻃﺐ ﻭﺃﺣﻤﺪ ﻋﻤﻞ ﺍﻳﻪ ﻳﺎ ﺗﻴﻤﻮ ﺑﻬﺪﻭﻣﻪ ﺍﻟﻲ ﺍﺗﺒﻬﺪﻟﺖ ﺩﻱ ﻳﺎﻋﻴﻨﻲ.

ﺗﻨﻬﺪ ﺗﺎﻣﺮ ﻗﺎﺋﻼ: ﻣﺸﻲ ﻭﺣﺮﻡ ﻳﺠﻲ ﺃﻓﺮﺍﺡ ﺗﺎﻧﻲ ﺃﻧﺎ ﻟﻮ ﻣﻜﺎﻧﻪ ﻣﺶ ﻋﺎﺭﻑ ﻛﻨﺖ ﻫﻌﻤﻞ ﺍﻳﻪ ﺍﻟﻠﻪ ﻳﻜﻮﻥ ﻓﻲ ﻋﻮﻧﻪ ﺩﻩ ﺍﺗﺸﻠﻔﻂ ﻋﻠﻲ ﺍﻵﺧﺮ
ﻫﻨﺎ ﺑﻬﺪﻭﺀ ﻭﺭﻗﻪ: ﻳﺎﻋﻴﻨﻲ ﻳﻼ ﺭﺑﻨﺎ ﻣﻌﺎﻩ ﺑﻘﻲ
ﺗﻨﻬﺪ ﺗﺎﻣﺮ ﺑﺤﺮﺍﺭﻩ ﻭﻫﻮ ﻳﻤﺴﻚ ﺑﻜﻒ ﻳﺪﻳﻬﺎ ﻗﺎﺋﻼ ﺑﻤﺰﺍﺡ: ﻭﻣﻌﺎﻳﺎ ﻳﺎﺭﺏ ﺩﻩ ﺃﻧﺎ ﺧﻼﺹ ﺟﺒﺖ ﺃﺧﺮﻱ
ﺃﻃﻠﻘﺖ ﻫﻨﺎ ﺿﺤﻜﻪ ﺧﺠﻠﻪ ﻭﻗﺪ ﺗﻮﺭﺩﺕ ﻭﺟﻨﺘﻴﻬﺎ ﺳﺮﻳﻌﺎ ﻓﻴﻤﺎ ﻗﺎﻝ ﺗﺎﻣﺮ ﻣﺘﻌﺰﻻً ﻓﻴﻬﺎ:
- ﻗﻤﺮ ﻳﺎﻧﻮﻧﺘﻲ ﺳﻜﺮ.

ﺇﺭﺗﺠﻔﺖ ﺃﺛﺮ ﻛﻠﻤﺎﺗﻪ ﻭﻋﻴﻨﺎﻩ ﺍﻟﻤﺤﺪﻗﻪ ﺑﻬﺎ ﻓﻨﻈﺮﺕ ﺇﻟﻲ ﺍﻟﺠﻬﻪ ﺍﻷﺧﺮﻱ ﺗﺘﺎﺑﻊ ﺍﻟﺤﺎﺿﺮﻳﻦ ﺑﺘﻮﺗﺮ ﻭﺇﺭﺗﺒﺎﻙ...
ﺑﻌﺪ ﻣﺎ ﻳﻘﺎﺭﺏ ﺍﻟﺴﺎﻋﻪ ﺃﻏﻠﻖ ﺗﺎﻣﺮ ﺑﺎﺏ ﻣﻨﺰﻟﻬﻤﺎ ﻭﺍﻟﺬﻱ ﻳﻜﻮﻥ ﺑﻨﻔﺲ ﺍﻟﺒﻨﺎﻳﻪ ﺍﻟﺨﺎﺻﻪ ﺑﻪ ﻟﻴﻜﻮﻥ ﺑﺠﺎﻧﺐ ﺷﻘﻴﻘﺘﻪ ﺩﻭﻣﺎ...
ﺇﺗﺠﻪ ﺇﻟﻲ ﺯﻭﺟﺘﻪُ ﻳﻨﻈﺮ ﻟﻬﺎ ﻧﻈﺮﺍﺕ ﺷﻐﻮﻓﻪ ﻋﺎﺷﻘﻪ ﻛﻢ ﺗﻤﻨﻲ ﺃﻥ ﺗﻜﻮﻥ ﻣﻌﻪ ﺑﻴﻦ ﻳﺪﻳﻪ ﻻ ﺗﻔﺎﺭﻗﻪ ﻭﺗﻜﻮﻥ ﻣﻼﺻﻘﻪ ﻟﻪ ﻷﺧﺮ ﺍﻟﻌﻤﺮ...

ﺭﻓﻊ ﻛﻔﻮﻓﻪ ﻟﻴﺤﺘﻀﻦ ﻭﺟﻬﻬﺎ ﺑﻴﻦ ﺭﺍﺣﺘﻲ ﻳﺪﻳﻪ ﻣﺎﻝ ﻋﻠﻴﻬﺎ ﺑﻮﺟﻪ يقبلها بحب ﺩﻓﻌﺘﻪ ﻳﺪﻳﻬﺎ ﺍﻟﺼﻐﻴﺮﻩ ﻓﻲ ﺻﺪﺭﻩ ﻭﻫﻲ ﺗﻘﻮﻝ ﺑﺈﺭﺗﺠﺎﻓﻪ: ﺗﺎﻣﺮ!
ﺃﻏﻤﺾ ﻋﻴﻨﺎﻩ ﻭﻗﺪ ﺃﺳﻨﺪ ﺟﺒﻴﻨﻪ ﻋﻠﻲ ﺟﺒﻴﻨﻬﺎ ﻭﻫﻮ ﻳﻘﻮﻝ ﺑﺸﻐﻒ: ﻋﻴﻮﻥ ﺗﺎﻣﺮ ﻭﻗﻠﺐ ﺗﺎﻣﺮ
ﺇﺑﺘﻠﻌﺖ ﺭﻳﻘﻬﺎ ﺑﺘﻮﺗﺮ ﺷﺪﻳﺪ ﻭﺍﻟﺨﺠﻞ ﻳﻜﺴﻮﻫﺎ ﻓﻴﻤﺎ ﻗﺎﻟﺖ ﺑﺼﻮﺕ ﻣﺮﺗﻌﺶ: ﺁﺁ ﺃﻧﺎ ﻫﺪﺧﻞ ﺃﺗﻮﺿﻲ ﻋﺸﺎﻥ ﻧﺼﻠﻲ ﺇﻧﺖ ﻧﺴﻴﺖ ﺇﻧﻨﺎ ﻻﺯﻡ ﻧﺼﻠﻲ
ﺿﺤﻚ ﺗﺎﻣﺮ ﻭﻗﺎﻝ ﻏﺎﻣﺰﺍً: ﻻ ﻳﺎﺣﺒﻴﺒﻲ ﻣﻨﺴﺘﺶ ﺃﻧﺎ ﻛﻨﺖ ﺑﺘﺼﺒﺮ ﺑﺲ ﻭ...

ﻗﺎﻃﻌﺘﻪ ﻫﻨﺎ ﻭﻫﻲ ﺗﻀﻊ ﻳﺪﻳﻬﺎ ﻋﻠﻲ ﻓﻤﻪ ﻗﺎﺋﻠﻪ: ﻃﻴﺐ ﻣﺘﻜﻤﻠﺶ ﻳﻼ ﻋﺸﺎﻥ ﻧﺘﻮﺿﻲ ﻭﻣﻦ ﺛﻢ ﺗﺮﻛﺘﻪ ﻟﺘﺮﻛﺾ ﻓﻲ ﺇﺗﺠﺎﻩ ﺍﻟﻐﺮﻓﻪ ﻓﻴﻤﺎ ﻗﻬﻘﻪ ﺗﺎﻣﺮ ﻋﻠﻴﻬﺎ ﻭﻫﻮ ﻳﺨﻠﻊ ﺳﺘﺮﺗﻪ ﻭﻳﻠﻘﻴﻬﺎ ﺩﻭﻥ ﺇﻛﺘﺮﺍﺙ.

ﻋﺎﺩ ﺃﺣﻤﺪ ﺇﻟﻲ ﻣﻨﺰﻟﻪ ﻭﻣﺎ ﺍﻥ ﺩﺧﻞ ﺣﺘﻲ ﻗﺎﻝ:
- ﺳﻼﻡ ﻋﻠﻴﻜﻢ ﻳﺎ ﻣﺎﻣﺎ
ﺗﺤﺪﺛﺖ ﺗﻠﻚ ﺍﻟﺴﻴﺪﻩ ﺍﻟﺘﻲ ﻳﻜﻮﻥ ﺑﻮﺟﻬﻬﺎ ﺗﺠﺎﻋﻴﺪ ﺗﺪﻝ ﻋﻠﻲ ﺗﻘﺪﻡ ﺳﻨﻬﺎ ﻭﻛﻤﺎ ﺃﻥ ﻟﻬﺎ ﺧﺼﻼﺕ ﺑﻴﻀﺎﺀ ﻣﺘﺪﺍﺧﻠﻪ ﻣﻊ ﺷﻌﺮﻫﺎ ﺍﻷﺳﻤﺮ ﺑﻤﻼﻣﺢ ﺣﻨﻮﻧﻪ ﻟﻠﻐﺎﻳﻪ ﺣﻴﺚ ﻗﺎﻟﺖ ﻭﻓﺎﺀ ﺑﺰﻫﻮﻝ:
- ﻭﻋﻠﻴﻜﻢ ﺍﻟﺴﻼﻡ ﻭﺭﺣﻤﻪ ﺍﻟﻠﻪ ﺍﻳﻪ ﺍﻟﻲ ﻋﻤﻞ ﻓﻴﻚ ﻛﺪﻩ ﻳﺎ ﺃﺣﻤﺪ.

ﺿﻐﻂ ﺃﺣﻤﺪ ﻋﻠﻲ ﺷﻔﺘﻴﻪ ﻭﺟﻠﺲ ﻗﺒﺎﻟﺔ ﻭﺍﻟﺪﺗﻪ ﻟﻴﻘﻮﻝ ﺑﻐﻴﻆ: ﻣﺘﻔﻜﺮﻧﻴﺶ ﻳﺎ ﻣﺎﻣﺎ ﺩﻩ ﺃﻧﺎ ﺩﻣﻲ ﻣﺤﺮﻭﻕ ﻳﺎ ﺩﻭﺑﻚ ﺩﺍﺧﻞ ﺍﻟﻔﺮﺡ ﻟﻘﻴﺖ ﺍﻟﻲ ﻫﻮﺑﺎ ﻟﺒﺴﺖ ﻓﻴﺎ ﺑﺸﻜﻮﻻﺗﻪ ﻭﻋﺼﻴﺮ ﻣﺎﻧﺠﻪ ﺯﻱ ﻣﺎﻧﺘﻲ ﺷﺎﻳﻔﻪ ﻛﺪﻩ!
ﻋﻘﺪ ﻭﻓﺎﺀ ﺣﺎﺟﺒﻴﻬﺎ ﻗﺎﺋﻠﻪ:
- ﻫﻲ ﻣﻴﻦ ﺩﻱ
ﺗﻨﻬﺪ ﺃﺣﻤﺪ ﻭﻗﺎﻝ:
- ﺗﺒﻘﻲ ﺃﺧﺖ ﺍﻟﻌﺮﻳﺲ ﺣﺎﺟﻪ ﻛﺪﻩ ﻣﺎ ﺷﺎﺀ ﺍﻟﻠﻪ ﻟﺴﺎﻧﻬﺎ ﺃﻃﻮﻝ ﻣﻨﻬﺎ ﻭﻣﻜﻌﺒﺮﻩ ﻛﻠﻬﺎ ﻓﻲ ﻗﻠﺐ ﺑﻌﻀﻬﺎ ﻛﺪﻩ
ﺿﺤﻜﺖ ﻭﻓﺎﺀ ﻗﺎﺋﻠﻪ ﻣﻦ ﺑﻴﻦ ﺿﺤﻜﺎﺗﻬﺎ:
- ﺇﻧﺖ ﻗﺼﺪﻙ ﻋﻠﻲ ﺍﻟﺒﺖ ﻣﺮﻳﻢ ﻳﺎﺧﺒﺮ ﻫﻲ ﺍﻟﻲ ﻋﻤﻠﺖ ﻓﻴﻚ ﻛﺪﻩ!

ﺃﻭﻣﺄ ﺃﺣﻤﺪ ﺑﺮﺃﺳﻪ ﻗﺎﺋﻼ: ﺃﻳﻮﻩ ﻭﻣﺘﻐﺎﻅ ﺃﻭﻱ ﺑﺼﺮﺍﺣﻪ
ﻭﻓﺎﺀ ﺑﻤﺰﺍﺡ: ﻳﻼ ﺗﻌﻴﺶ ﻭﺗﺎﺧﺪ ﻏﻴﺮﻫﺎ ﻳﺎﺣﺒﻴﺒﻲ ﻣﻌﻠﺶ ﺃﻛﻴﺪ ﻣﻜﻨﺶ ﻗﺼﺪﻫﺎ
ﺻﺮ ﺃﺣﻤﺪ ﻋﻠﻲ ﺃﺳﻨﺎﻧﻪ ﻭﻗﺎﻝ:
- ﺃﺧﺪ ﻏﻴﺮﻫﺎ؟ ﺑﻘﺎ ﻛﺪﻩ ﻳﺎ ﺃﻡ ﺃﺣﻤﺪ ﺩﻱ ﺃﻧﺎ ﺇﺗﺸﻠﻔﻂ ﻋﻠﻲ ﺍﻵﺧﺮ ﻭﺑﻌﺪﻳﻦ ﺁﻝ ﺇﻳﻪ ﺑﺘﻘﻮﻟﻲ ﻓﻜﻚ ﺇﻧﺖ ﻫﺘﺮﻏﻲ ﻛﺘﻴﺮ ﻭﻣﻘﻮﻟﻜﻴﺶ ﻋﻠﻲ ﻟﺴﺎﻧﻬﺎ ﻋﺎﻳﺰ ﻗﺼﻪ ﺑﺼﺮﺍﺣﻪ
ﻗﻬﻘﻪ ﻭﺍﻟﺪﺗﻪ ﺛﻢ ﻗﺎﻟﺖ:.

- ﻣﻦ ﻭﻫﻲ ﺻﻐﻴﺮﻩ ﻛﺪﻩ ﻭﺃﻣﻬﺎ ﺍﻟﻠﻪ ﻳﺮﺣﻤﻬﺎ ﻛﺎﻧﺖ ﺑﺘﻐﻠﺐ ﻓﻴﻬﺎ ﺩﻩ ﺃﻧﺎ ﺑﺤﺒﻬﺎ ﺃﻭﻱ ﻫﻲ ﻭﺃﺧﻮﻫﺎ ﺗﺎﻣﺮ ﺃﻣﻬﻢ ﻛﺎﻧﺖ ﺻﺤﺒﺘﻲ ﺍﻟﺮﻭﺡ ﺑﺎﻟﺮﻭﺡ ﺍﻟﻠﻪ ﻳﺮﺣﻤﻬﺎ ﻳﺎﺭﺏ
ﺗﻨﻬﺪ ﺃﺣﻤﺪ ﻗﺎﺋﻼ ﻭﻫﻮ ﻳﺴﺘﻨﺪ ﺑﻈﻬﺮﻩ ﻋﻠﻲ ﺍﻟﻤﻘﻌﺪ: ﺃﻣﻴﻦ
ﺗﺤﺪﺛﺖ ﻭﻓﺎﺀ ﻗﺎﺋﻠﻪ: ﻃﺐ ﻳﻼ ﻗﻮﻡ ﻏﻴﺮ ﻫﺪﻭﻣﻚ ﺩﻱ ﻋﻠﻲ ﻣﺎ ﺃﺣﻀﺮ ﺍﻟﻌﺸﺎ ﻭﻧﺘﻌﺸﻲ ﻣﻊ ﺑﻌﺾ ﻣﺎﺷﻲ
ﺇﺑﺘﺴﻢ ﺃﺣﻤﺪ ﻗﺎﺋﻼ: ﻣﺎﺷﻲ ﻳﺎ ﺃﻡ ﺃﺣﻤﺪ
ﻧﻬﻀﺖ ﻭﺍﻟﺪﺗﻪ ﻣﺘﺠﻬﻪ ﺇﻟﻲ ﺍﻟﻤﻄﺒﺦ ﻓﻲ ﺣﻴﻦ ﻧﻬﺾ ﺃﺣﻤﺪ ﻫﻮ ﺍﻷﺧﺮ ﻣﺤﺪﺛﺎ ﻟﻨﻔﺴﻪ ﻗﺎﺋﻼ: ﺑﻘﺎ ﺃﻧﺎ ﺃﺗﺸﻠﻔﻂ ﻛﺪﻩ ﻣﺎﺷﻲ ﻳﺎﺑﺸﺮ.

ﺗﻮﺗﺮﺕ ﻫﻨﺎ ﺑﺸﺪﻩ ﻭﺗﻘﻠﺺ ﺟﺴﺪﻫﺎ ﺃﺣﺴﺖ ﺑﺒﺮﻭﺩﻩ ﺗﺠﺘﺎﺣﻬﺎ ﻭﻛﺄﻥ ﺍﻟﺪﻣﻮﻳﻪ ﻗﺪ ﻫﺮﺑﺖ ﻣﻦ ﺟﺴﺪﻫﺎ ﻭﺍﻟﺨﻮﻑ ﺃﺻﺒﺢ ﺑﺎﺩﻱ ﻋﻠﻲ ﻣﻼﻣﺢ ﻭﺟﻬﻬﺎ
ﺇﻗﺘﺮﺏ ﺗﺎﻣﺮ ﻣﻨﻬﺎ ﻭﻣﻦ ﺛﻢ ﺃﻣﺴﻚ ﺑﻜﻒ ﻳﺪﻳﻬﺎ ﺍﻟﻤُﺮﺗﺠﻒ ﻭﺳﺎﺭ ﺑﻬﺎ ﺑﻬﺪﻭﺀ ﺇﻟﻲ ﺍﻟﻔﺮﺍﺵ ﻭﺟﻠﺲ ﻭﺟﻠﺴﺖ ﺑﺠﻮﺍﺭﻩ ﻟﺘﺰﺩﺍﺩ ﺩﻗﺎﺕ ﻗﻠﺒﻬﺎ ﺳﺮﻋﻪ ﻭﻳﺰﺩﺍﺩ ﺟﺴﺪﻫﺎ ﺇﻧﺘﻔﺎﺿﻪ ﺣﺘﻲ ﺷﻌﺮ ﺗﺎﻣﺮ ﺑﺨﻮﻓﻬﺎ ﺍﻟﺸﺪﻳﺪ ﻭﻟﻜﻨﻪ ﺗﻔﻬﻢ ﺍﻷﻣﺮ ﻭﺿﻐﻂ ﻋﻠﻲ ﻛﻒ ﻳﺪﻳﻬﺎ ﺑﺮﻓﻖ ﺛﻢ ﻗﺎﻝ ﺑﻬﺪﻭﺀ: ﻣﺎﻟﻚ ﻳﺎ ﻫﻨﺎ؟
ﺇﺑﺘﻠﻌﺖ ﺭﻳﻘﻬﺎ ﺛﻢ ﻧﻈﺮﺕ ﺇﻟﻴﻪ ﻣﺒﺘﺴﻤﻪ ﻟﺘﻘﻮﻝ ﺑﻨﺒﺮﻩ ﻣﺮﺗﻌﺸﻪ:.

- ﻣﻔﻴﺶ ﺣﺎﺟﻪ
ﺇﺑﺘﺴﻢ، ﻭﻣﻦ ﺛﻢ ﺭﻓﻊ ﺃﻧﺎﻣﻠﻪ ﻟﻴﺘﺤﺴﺲ ﺗﻠﻚ ﺍﻟﺤﻤﺮﻩ ﺑﺨﺪﻭﺩﻫﺎ ﻭﻗﺎﻝ ﻫﺎﻣﺴﺎً ﺑﺘﺴﺎﺅﻝ: ﺃﻧﺘﻲ ﺧﺎﻳﻔﻪ ﻣﻨﻲ ﻳﺎ ﻫﻨﺎ؟
ﺑﺪﺃ ﺻﺪﺭﻫﺎ ﻳﻌﻠﻮ ﻭﻳﻬﺒﻂ ﺑﺘﻮﺗﺮ ﻣﻠﺤﻮﻅ ﻟﺘﻘﻮﻝ ﺑﺨﻔﻮﺕ:
- ﻻ ﻡ ﻣﺶ ﺧﺎﻳﻔﻪ
ﺿﻴﻖ ﻋﻴﻨﻴﻪ ﻗﻠﻴﻼً ﻭﻣﻦ ﺛﻢ ﺃﺭﺩﻑ ﻗﺎﺋﻼ:.

- ﻻ ﺧﺎﻳﻔﻪ ﻳﺎ ﻫﻨﺎ ﻭﺑﺎﻳﻦ ﻋﻠﻴﻜﻲ ﺑﺲ ﻣﻴﻨﻔﻌﺶ ﺗﺨﺎﻓﻲ ﻣﻨﻲ ﻳﺎﺣﺒﻴﺒﺘﻲ ﻋﺸﺎﻥ ﺃﻧﺎ ﻻ ﻳﻤﻜﻦ ﺃﺫﻳﻜﻲ ﺃﺑﺪﺍ ﻋﺸﺎﻥ ﺃﻧﺘﻲ ﺣﺒﻴﺒﺘﻲ ﻭﺑﻨﺘﻲ ﻗﺒﻞ ﻣﺎ ﺗﻜﻮﻧﻲ ﻣﺮﺍﺗﻲ ﻭﺃﻧﺎ ﻣﺶ ﺑﺲ ﺑﺤﺒﻚ ﺃﻧﺎ ﺑﻌﺸﻘﻚ ﻭﻳﺎﻣﺎ ﺃﺗﻤﻨﻴﺖ ﺍﻟﻴﻮﻡ ﺩﻩ، ﺗﺎﺑﻊ ﻭﻫﻮ ﻳﻘﻮﻝ ﻣﺎﺯﺣﺎً: ﻭﻳﻮﻡ ﻣﺎ ﻳﺘﺤﻘﻖ ﺗﺨﺎﻓﻲ ﻣﻨﻲ ﻛﺪﻩ ﻳﺎﻧﻮﻧﺘﻲ؟

ﺗﻨﻬﺪﺕ ﺑﺎﺭﺗﻴﺎﺡ ﻗﻠﻴﻼً ﻟﺘﺮﺩﻑ ﻗﺎﺋﻠﻪ ﺑﺎﺑﺘﺴﺎﻣﻪ: ﻻ ﻣﺶ ﺑﺨﺎﻑ ﻣﻨﻚ ﺃﻧﺎ ﻟﻮ ﺧﻔﺖ ﻣﻦ ﺍﻟﺪﻧﻴﺎ ﻛﻠﻬﺎ ﻣﺶ ﻫﺨﺎﻑ ﻣﻨﻚ ﻋﺸﺎﻥ ﺃﻧﺎ ﻋﺎﺭﻓﻪ ﭐﻥ ﻣﺤﺪﺵ ﺑﻴﺤﺒﻨﻲ ﻗﺪﻙ ﻭﻻ ﺯﻳﻚ ﻭﺃﻧﺎ ﻋﺎﺭﻓﻪ ﺇﻧﻚ ﻣﺶ ﻫﺘﺄﺫﻳﻨﻲ ﻓﻲ ﺃﻱ ﻳﻮﻡ ﻣﻦ ﺍﻻﻳﺎﻡ ﺻﺢ؟
ﺃﻭﻣﺄ ﺑﺮﺃﺳﻪ ﻗﺎﺋﻼ ﻭﻫﻮ ﻳﻘﺘﺮﺏ ﻣﻨﻬﺎ ﺃﻛﺜﺮ:
ﺻﺢ ﺍﻟﺼﺢ ﻃﺒﻌﺎ ﻳﺎ ﺣﺒﻴﺒﻲ
ﺇﺑﺘﻠﻌﺖ ﺭﻳﻘﻬﺎ ﺑﺎﺭﺗﺒﺎﻙ ﻭﻗﺎﻟﺖ ﺑﺨﺠﻞ:
ﺁﺁ. ﺃﻧﺎ ﻋﺎﻳﺰﻩ ﺃﻗﻮﻟﻚ ﺣﺎﺟﻪ ﻳﺎ ﺗﻴﻤﻮ
ﺇﺑﺘﺴﻢ ﻟﻬﺎ ﻭﻗﺎﻝ ﺳﺮﻳﻌﺎ: ﺃﻳﻮﻩ ﻗﻮﻟﻲ ﻳﺎ ﻗﻠﺐ ﺗﻴﻤﻮ
ﺭﻣﺸﺖ ﺑﻌﻴﻨﺎﻫﺎ ﻋﺪﺓ ﻣﺮﺍﺕ ﻭﻣﻦ ﺛﻢ ﻗﺎﻟﺖ ﺑﺨﻔﻮﺕ:.

- ﻛﻨﺖ ﻋﺎﻳﺰﻩ ﺃﺳﺎﻟﻚ ﻳﺎ ﺗﻴﻤﻮ ﻫﻮ ﺃﻧﺖ ﻣﻤﻜﻦ ﻳﻌﻨﻲ ﻓﻲ ﺃﻱ ﻭﻗﺖ ﺗﺘﻌﺼﺐ ﻋﻠﻴﺎ ﻭﺗﻀﺮﺑﻨﻲ ﺃﻭ ﺗﻬﻨﻲ ﺯﻱ ﺑﺎﺑﺎ ﻣﺜﻼ ﺃﻭ ﺯﻱ ﻛﻞ ﺍﻟﻲ ﺑﺸﻮﻓﻬﻢ ﺑﻴﻀﺮﺑﻮﺍ ﻣﺮﺍﺗﺘﻬﻢ ﻭﻳﺸﺘﻤﻮﻫﻢ!
ﺗﻨﻬﺪ ﺗﺎﻣﺮ ﺛﻢ ﻧﻈﺮ ﻓﻲ ﻋﻴﻨﺎﻫﺎ ﻣﺒﺎﺷﺮﺓ ﻟﻴﻘﻮﻝ ﺑﺤﺐ:.

- ﻻ ﻳﺎ ﻫﻨﺎ ﻃﺒﻌﺎ ﺑﺲ ﺍﻧﺘﻲ ﻋﺮﻓﺎﻧﻲ ﻋﺼﺒﻲ ﺑﺰﻳﺎﺩﻩ ﺳﺎﻋﺎﺕ ﻣﺒﻌﺮﻓﺶ ﺃﺗﺤﻜﻢ ﻓﻲ ﻧﻔﺴﻲ ﻭﺳﻴﻄﺮ ﻋﻠﻲ ﻋﺼﺒﻴﺘﻲ ﺑﺲ ﺍﻟﻲ ﻣﺘﺄﻛﺪ ﻣﻨﻪ ﺇﻧﻲ ﻻ ﻳﻤﻜﻦ ﺃﺫﻳﻜﻲ ﻭﺣﺘﻲ ﻟﻮ ﺣﺼﻞ ﻭﺃﻭﻋﺪﻙ ﻣﺶ ﻫﻴﺤﺼﻞ ﻫﻌﺘﺬﺭ ﻋﻠﻲ ﻃﻮﻝ ﻭﻣﺶ ﻫﺮﺗﺎﺡ ﺍﻻ ﻟﻤﺎ ﺗﺴﺎﻣﺤﻴﻨﻲ ﺑﺲ ﻋﺎﻳﺰﻙ ﻳﺎ ﻫﻨﺎ ﺗﻘﻮﻟﻴﻠﻲ ﻋﻠﻲ ﻛﻞ ﺣﺎﺟﻪ ﻣﺘﻌﻤﻠﻴﺶ ﺣﺎﺟﻪ ﻣﻦ ﻭﺭﺍﻳﺎ ﻻﻥ ﺩﻱ ﺍﻛﺘﺮ ﺣﺎﺟﻪ ﺗﻌﺼﺒﻨﻲ ﻭﻛﻼﻣﻲ ﻳﺘﺴﻤﻊ ﻻﻧﻲ ﺑﺨﺎﻑ ﻋﻠﻴﻜﻲ ﺃﻛﺘﺮ ﻣﻦ ﺍﻱ ﺣﺪ ﻭﻛﻤﺎﻥ ﻟﻮ ﺣﺪ ﺯﻋﻠﻚ ﺗﻴﺠﻲ ﺗﺸﺘﻜﻴﻠﻲ ﻋﻠﻲ ﻃﻮﻝ ﺣﺘﻲ ﻟﻮ ﻛﻨﺖ ﺃﻧﺎ!

ﺭﻓﻌﺖ ﺣﺎﺟﺒﻴﻬﺎ ﻟﺘﻘﻮﻝ ﺑﺎﻧﺪﻫﺎﺵ: ﺣﺘﻲ ﻟﻮ ﻛﻨﺖ ﺃﻧﺖ!
ﺃﻭﻣﺄ ﺑﺮﺃﺳﻪ ﻗﺎﺋﻼ ﺑﺎﺑﺘﺴﺎﻣﻪ: ﺃﻳﻮﻩ ﺗﻴﺠﻲ ﺗﺸﺘﻜﻴﻠﻲ ﻣﻨﻲ ﻭﺃﻧﺎ ﻫﺨﺪﻟﻚ ﺣﻘﻚ ﻣﻨﻲ ﻭﺃﺻﺎﻟﺤﻚ ﻋﻠﻲ ﻃﻮﻝ
ﺿﺤﻜﺖ ﻫﻨﺎ ﺛﻢ ﺇﻗﺘﺮﺑﺖ ﻣﻨﻪ ﻟﺘﻌﺎﻧﻘﻪ ﺑﻘﻮﻩ ﻗﺎﺋﻠﻪ ﺑﺤﺐ ﺟﺎﺭﻑ:
- ﺃﻧﺎ ﺑﻌﺸﻘﻚ ﺃﻭﻱ ﻳﺎ ﺗﻴﻤﻮ ﺃﻧﺖ ﺣﻴﺎﺗﻲ ﻛﻠﻬﺎ ﻣﺶ ﻋﺎﻳﺰﻩ ﺃﻱ ﺣﺎﺟﻪ ﻣﻦ ﺍﻟﺪﻧﻴﺎ ﻃﻮﻝ ﻣﺎ ﺃﻧﺖ ﺟﻨﺒﻲ ﻭﻣﻌﺎﻳﺎ ﺭﺑﻨﺎ ﻳﺨﻠﻴﻚ ﻟﻴﺎ
ﺃﻏﻤﺾ ﻋﻴﻨﻴﻪ ﺑﺸﺪﻩ ﻣﺤﺘﻀﻨﻬﺎ ﺑﻘﻮﻩ ﺃﺷﺪ ﻗﺎﺋﻼ ﺑﻨﺒﺮﻩ ﻋﺎﺷﻘﻪ:
- ﻭﺃﻧﺎ ﺑﻤﻮﺕ ﻓﻴﻜﻲ ﻳﺎ ﻫﻨﺎ ﻭﺑﻌﺸﻖ ﻛﻞ ﺣﺎﺟﻪ ﻓﻴﻜﻲ ﻳﺎ ﻋﻤﺮﻱ ﺃﻧﺘﻲ.

ﺑﺪﻱ ﻗﻠﺒﻬﺎ ﻳﺪﻕ ﺑﻌﺸﻖ ﻣﺎﺯﺍﻝ ﺍﻟﺘﻮﺗﺮ ﻳﺠﺘﺎﺣﻬﺎ ﻭﻟﻜﻨﻪ ﺃﺧﻒ ﺗﺮﺍﺟﻌﺖ ﻟﻠﺨﻠﻒ ﺑﻬﺪﻭﺀ ﺑﻴﻨﻤﺎ ﻫﻮ ﺃﺯﺍﺡ ﻃﺮﺣﻪ ﺇﺳﺪﺍﻟﻬﺎ ﻟﻴﻈﻬﺮ ﺷﻌﺮﻫﺎ ﺍﻟﺒﻨﻲ ﺍﻟﻨﺎﻋﻢ ﺍﻟﺬﻱ ﻳﻜﻮﻥ ﺑﻪ ﺗﻤﻮﻳﺠﺎﺕ ﺗﺠﻌﻠﻪ ﺃﻛﺜﺮ ﺟﻤﺎﻻ
ﺧﻠﻞ ﻫﻮ ﺃﺻﺎﺑﻌﻪ ﺩﺍﺧﻞ ﺧﺼﻼﺕ ﺷﻌﺮﻫﺎ ﻳﺘﻠﻤﺴﻪ ﺑﺒﻄﺊ ﻣﺘﻨﻬﺪﺍً ﺑﺤﺮﺍﺭﻩ ﻓﻴﻤﺎ ﺃﺻﺒﺢ ﻭﺟﻬﻬﺎ ﻛﺤﺒﺔ ﺍﻟﺘﻔﺎﺡ ﺍﻟﺤﻤﺮﻩ ﻭﻫﻲ ﺗﻨﻈﺮ ﻟﻪ ﺑﺨﺠﻞ ﺷﺪﻳﺪ.

ﻧﻈﺮ ﺗﺎﻣﺮ ﻓﻲ ﻋﻴﻨﺎﻫﺎ ﺍﻟﺒﻨﺪﻗﻴﻪ ﺍﻟﺘﻲ ﺗﻠﻤﻊ ﻣﻦ ﺫﻟﻚ ﺍﻟﺤﺐ ﺍﻟﻜﺒﻴﺮ ﺍﻟﺬﻱ ﻳﺘﻤﻠﻚ ﻗﻠﺒﻬﺎ ﻟﻪ ﻫﻮ ﻭﺣﺪﻩ ﺇﻗﺘﺮﺏ ﻣﻨﻬﺎ ﺃﻛﺜﺮ، وأخذها في عالم آخر لا يخص أحد إلاه...

ﻭﻗﻔﺖ ﻧﻬﻲ ﻓﻲ ﺷﺮﻓﻪ ﻣﻨﺰﻟﻬﻢ ﺍﻟﻤُﻄﻠﻪ ﻋﻠﻲ ﺍﻟﺸﺎﺭﻉ ﺗﺘﺎﺑﻊ ﺍﻟﻤﺎﺭﻩ ﺣﺘﻲ ﺳﻤﻌﺖ ﺭﻧﻴﻦ ﻫﺎﺗﻔﻬﺎ ﻓﻨﻈﺮﺕ ﺇﻟﻲ ﺍﻟﺸﺎﺷﻪ ﻟﺘﺠﺪﻩ ﻳﻌﻠﻦ ﻋﻦ ﺇﺳﻢ ﺍﻟﻤﺘﺼﻞ ﻗﻠﺒﻲ
ﺇﺑﺘﺴﻤﺖ ﺇﺑﺘﺴﺎﻣﻪ ﻋﺮﻳﻀﻪ ﺛﻢ ﺃﺟﺎﺑﺖ ﻋﻠﻴﻪ ﻗﺎﺋﻼ: ﺃﻳﻮﻩ ﻳﺎ ﺣﺒﻴﺒﻲ
ﺇﺑﺘﺴﻢ ﺇﺳﻼﻡ ﻟﻴﻘﻮﻝ ﻣﺘﻐﺰﻻ ﻓﻴﻬﺎ:
ﻋﺎﻣﻠﻪ ﺍﻳﻪ ﻳﺎﻗﻠﺐ ﺣﺒﻴﺒﻚ
ﺗﺎﺑﻌﺖ ﻟﺘﻘﻮﻝ ﺑﺪﻻﻝ ﻭﺻﻮﺕ ﺃﻧﺜﻮﻱ ﻣﺎﺋﻞ ﻟﻠﻤﻴﻮﻋﻪ:
- ﻛﻮﻳﺴﻪ ﻳﺎﺣﺒﻴﺒﻲ
ﺗﻨﻬﺪ ﺑﺤﺮﺍﺭﻩ ﻭﻗﺎﻝ ﺑﻬﻤﺲ: ﻋﻘﺒﺎﻟﻨﺎ ﺑﻘﺎ ﺃﻣﺎ ﻧﺘﺠﻮﺯ ﺇﺣﻨﺎ ﻛﻤﺎﻥ ﺩﻩ ﺃﻧﺎ ﻧﻔﺴﻲ ﻓﻲ ﺍﻟﻴﻮﻡ ﺩﻩ ﺃﻭﻱ ﻳﺎﺑﺨﺘﻚ ﻳﺎﺗﺎﻣﺮ.

ﺿﺤﻜﺖ ﺿﺤﻜﺎﺕ ﺭﻧﺎﻧﻪ ﺟﻌﻠﺖ ﺍﻟﺮﻏﺒﻪ ﺗﺰﺩﺍﺩ ﺑﺪﺍﺧﻠﻪ ﺗﺠﺎﻫﻬﺎ ﻓﻘﺎﻝ ﻫﻮ ﺑﻤﺰﺍﺡ: ﺍﻟﻠﻬﻢ ﺻﻞ ﻋﻠﻲ ﺍﻟﻨﺒﻲ
ﺗﻨﺤﻨﺤﺖ ﺑﺤﺮﺝ ﻭﻗﺎﻟﺖ: ﺭﺑﻨﺎ ﻳﺴﻬﻞ ﻳﺎ ﺳﻮﻟﻲ
ﺿﻴﻖ ﻋﻴﻨﻴﻪ ﻟﻴﻘﻮﻝ ﺑﺠﺪﻳﻪ: ﺍﻥ ﺷﺎﺀ ﺍﻟﻠﻪ ﻫﻴﺴﻬﻞ ﻻﻧﻨﺎ ﻫﻨﻌﻴﺶ ﻣﻊ ﺍﻣﻲ ﻛﺪﻩ ﻛﺪﻩ ﻫﻲ ﻟﻮﺣﺪﻫﺎ ﻭﺍﺣﻨﺎ ﻻﺯﻡ ﻧﻜﻮﻥ ﻣﻌﺎﻫﺎ ﻭﺑﺪﻝ ﻣﺎ ﻧﻘﻌﺪ ﻛﺘﻴﺮ ﻭﻧﺄﺟﺮ ﺷﻘﻪ ﻭﻧﻀﻴﻊ ﻭﻗﺖ ﻋﻠﻲ ﺍﻟﻔﺎﺿﻲ ﺍﺣﻨﺎ ﻧﺘﺠﻮﺯ ﻭﻧﻌﻴﺶ ﻣﻊ ﺃﻣﻲ ﺃﺣﺴﻦ ﻭﻻ ﺍﻳﻪ ﺭﺃﻳﻚ؟

ﻋﺒﺲ ﻭﺟﻪ ﻧﻬﻲ ﻟﺘﺮﺩﻑ ﻗﺎﺋﻠﻪ ﺑﺤﻨﻖ: ﺑﺲ ﺃﻧﺎ ﻣﺶ ﻋﺎﻳﺰﻩ ﺃﺳﻜﻦ ﻣﻊ ﺃﻣﻚ ﻳﺎ ﺃﺳﻼﻡ ﺃﻧﺎ ﻋﺎﻳﺰﻩ ﺷﻘﻪ ﻟﻮﺣﺪﻱ ﻣﺤﺪﺵ ﻳﻘﺎﺳﻤﻨﻲ ﻓﻴﻬﺎ ﻋﺎﻳﺰﻩ ﺍﺑﻘﻲ ﺑﺮﺍﺣﺘﻲ
ﺗﺤﺪﺙ ﻗﺎﺋﻼ ﺑﺠﺪﻳﻪ: ﻭﻫﻮ ﺃﻣﻲ ﻫﺘﻘﻞ ﺭﺍﺣﺘﻚ ﻓﻲ ﺍﻳﻪ ﻳﺎ ﻧﻬﻲ؟ ﻫﻲ ﻫﻴﻜﻮﻥ ﻟﻴﻬﺎ ﺃﻭﺿﺘﻬﺎ ﺑﺲ ﻭﺑﺎﻗﻲ ﺍﻟﺸﻘﻪ ﻟﻴﻜﻲ ﺃﻧﺘﻲ ﻭﺍﺗﺼﺮﻓﻲ ﻓﻴﻬﺎ ﺑﺮﺍﺣﺘﻚ
ﺗﺄﻓﻔﺖ ﻭﻫﻲ ﺗﻘﻮﻝ:
- ﻣﺒﻼﺵ ﻳﺎ ﺍﺳﻼﻡ ﻫﻴﺤﺼﻞ ﻣﺸﺎﻛﻞ ﺍﺣﻨﺎ ﻓﻲ ﻏﻨﻲ ﻋﻨﻬﺎ
ﺣﺮﻙ ﺭﺃﺳﻪ ﺑﺎﻟﻨﻔﻲ ﻗﺎﺋﻼ: ﻻ ﻣﻔﻴﺶ ﻣﺸﺎﻛﻞ ﺃﻣﻲ ﻃﻴﺒﻪ ﻭ...
ﻗﺎﻃﻌﺘﻪ ﻭﻫﻲ ﺗﻘﻮﻝ ﺳﺎﺧﺮﻩ؛: ﻃﻴﺒﻪ ﺃﻭﻱ ﺻﺮﺍﺣﻪ.

ﻋﻘﺪ ﺣﺎﺟﺒﻴﻪ ﻗﺎﺋﻼ: ﺃﻧﺘﻲ ﺑﺘﺘﺮﻳﻘﻲ ﻭﻻ ﺍﻳﻪ ﻳﺎ ﻧﻬﻲ ﻣﺎ ﺗﻠﻤﻲ ﻧﻔﺴﻚ!
ﺗﻨﻬﺪﺕ ﻧﻬﻲ ﻗﺎﺋﻠﻪ: ﻣﺶ ﺑﺘﺮﻳﻖ ﻳﺎ ﺍﺳﻼﻡ ﺍﻋﻤﻞ ﺍﻟﻲ ﻳﻌﺠﺒﻚ ﺃﻧﺎ ﻣﻌﺎﻙ ﻓﻲ ﺃﻱ ﻣﻜﺎﻥ
ﺇﺑﺘﺴﻢ ﻭﺗﻨﻬﺪ ﺑﺎﺭﺗﻴﺎﺡ ﻗﺎﺋﻼ: ﺃﻫﻮ ﻛﺪﻩ، ﻗﺮﻳﺐ ﺃﻭﻱ ﻫﻨﺤﺪﺩ ﻣﻌﺎﺩ ﺍﻟﺪﺧﻠﻪ
ﻗﺸﻌﺮ ﺑﺪﻧﻬﺎ ﻭﻗﺎﻟﺖ ﺑﻬﺪﻭﺀ: ﺑﺤﺒﻚ
ﺑﺎﺩﻟﻬﺎ ﺑﻜﻠﻤﺎﺕ ﺃﻛﺜﺮ ﻏﺰﻻً ﻟﺘﺒﺘﺴﻢ ﻫﻲ ﻭﻳﺰﺩﺍﺩ ﻫﻮ ﺑﻜﻠﻤﺎﺗﻪ ﺍﻟﻤﻌﺴﻮﻟﻪ...

ﺃﺷﺮﻗﺖ ﺍﻟﺸﻤﺲ ﺗﻌﻠﻦ ﻋﻦ ﺑﺪﺀ ﻳﻮﻡ ﺟﺪﻳﺪ ﺗﺴﻠﻠﺖ ﺍﺷﻌﺘﻬﺎ ﺇﻟﻲ ﻏﺮﻓﺔ ﻣﺮﻳﻢ ﻟﺘﻔﺘﺢ ﻋﻴﻨﻴﻬﺎ ﺑﺒﻄﺊ ﻭﻫﻲ ﺗﺘﻤﻄﻊ ﺑﻜﺴﻞ ﻭﻣﻦ ﺛﻢ ﻧﻬﻀﺖ ﺟﺎﻟﺴﻪ ﻋﻠﻲ ﺍﻟﻔﺮﺍﺵ ﻟﺘﺤﻚ ﻓﺮﻭﺓ ﺭﺃﺳﻬﺎ ﻭﺗﺮﻣﺶ ﺑﻌﻴﻨﺎﻫﺎ ﻋﺪﺓ ﻣﺮﺍﺕ ﻗﺎﺋﻠﻪ: ﻳﺎ ﻓﺘﺎﺡ ﻳﺎﻋﻠﻴﻢ ﻳﺎﺭﺯﺍﻕ ﻳﺎﻛﺮﻳﻢ ﺃﻧﺎ ﻣﺎﻝ ﺟﺴﻤﻲ ﻣﺪﻏﺪﻍ ﻟﻴﻪ ﻛﺪﻩ ﻳﺎﺳﺘﺎﺭ ﻳﺎﺭﺏ، ﻟﻮﺕ ﻓﻤﻬﺎ ﻭﻫﻲ ﺗﺤﺪﻕ ﻓﻲ ﺍﻟﻔﺮﺍﻍ ﻟﺘﻀﺤﻚ ﺣﻴﻦ ﺗﺬﻛﺮﺕ ﺃﺣﻤﺪ ﻭﺍﻟﺬﻱ ﻓﻌﻠﺘﻪ ﺑﻪ ﺛﻢ ﻗﺎﻟﺖ ﺑﺨﻔﻮﺕ: ﻳﺎﺗﺮﻱ ﺇﺳﺘﺤﻤﻴﺖ ﻭﻻ ﻟﺴﻪ ﻳﻼ ﺗﻌﻴﺶ ﻭﺗﺎﺧﺪ ﻏﻴﺮﻫﺎ ﺣﺪ ﻗﺎﻟﻚ ﺗﺪﺧﻞ ﻓﻴﺎ ﺯﻱ ﺍﻟﻘﻄﺮ، ﺍﻩ ﻳﺎﺟﺴﻤﻲ ﻳﺎﻧﻲ ﺷﻜﻠﻲ ﺧﺪﺕ ﻋﻴﻦ ﺍﻣﺒﺎﺭﺡ ﺣﻘﻪ ﺩﻧﺎ ﻛﻨﺖ ﻗﻤﺮ ﺑﺪﺭ ﻛﺪﻩ ﺃﻋﻮﺫ ﺑﺎﻟﻠﻪ ﺗﻨﺸﻚ ﻳﺎﻟﻲ ﻧﻘﻴﺖ ﻋﻠﻴﺎ، ﺛﻮﺍﻧﻲ ﻭﺷﻬﻘﺖ ﺑﻔﺰﻉ ﺣﻴﻦ ﺭﺃﺕ ﻧﺴﻤﻪ ﻭﺍﻗﻔﻪ ﺃﻣﺎﻣﻬﺎ ﻗﺎﺋﻠﻪ:.

- ﺃﻧﺘﻲ ﺑﺘﻜﻠﻤﻲ ﻧﻔﺴﻚ ﻳﺎ ﻣﺮﻳﻢ؟
ﻭﺿﻌﺖ ﻳﺪﻳﻬﺎ ﻋﻠﻲ ﺻﺪﺭﻫﺎ ﻟﺘﻘﻮﻝ ﻭﻫﻲ ﺗﺄﺧﺬ ﺃﻧﻔﺎﺳﻬﺎ: ﺃﻧﺘﻲ ﻫﻨﺎ ﻳﺎﻟﻠﻲ ﺗﻨﺸﻜﻲ
ﻋﻘﺪﺕ ﻧﺴﻤﻪ ﺣﺎﺟﺒﻴﻬﺎ ﻟﺘﻘﻮﻝ ﺑﺎﺳﺘﻐﺮﺍﺏ: ﻧﻌﻢ؟
ﺗﻨﺤﻨﺤﺖ ﻣﺮﻳﻢ ﻗﺎﺋﻠﻪ: ﺁﺁ ﻗﺼﺪﻱ ﺇﻧﺘﻲ ﻫﻨﺎ ﻳﺎ ﻧﺴﻤﻪ ﺑﺲ ﺍﻳﻪ ﺍﻟﻲ ﺩﺧﻠﻚ ﻣﻦ ﻏﻴﺮ ﻣﺎ ﺗﺨﺒﻄﻲ ﻛﺪﻩ؟ ﻣﺶ ﺗﺨﻠﻲ ﻋﻨﺪﻙ ﺩﻡ ﺃﻗﺼﺪ ﺇﺗﻜﻴﺖ!
ﻟﻮﺕ ﻓﻤﻬﺎ ﻟﺘﻘﻮﻝ ﺑﻼ ﻣﺒﺎﻻﻩ: ﻋﺎﺩﻱ ﻳﻌﻨﻲ ﻣﺶ ﻻﺯﻡ ﺃﺧﺒﻂ ﺃﻧﺎ ﻛﻨﺖ ﺩﺍﺧﻠﻪ ﻋﺸﺎﻥ ﻣﺎﻣﺎ ﻋﺎﻳﺰﻩ ﺗﺪﺧﻞ ﻋﻨﺪ ﺗﺎﻣﺮ ﺗﺒﺎﺭﻛﻠﻬﻢ ﺍﻟﻨﻬﺎﺭﺩﻩ ﺍﻟﺼﺒﺎﺣﻴﻪ ﻳﻼ ﻗﻮﻣﻲ ﻋﺸﺎﻥ ﺗﺪﺧﻠﻲ ﻣﻌﺎﻧﺎ.

ﺭﻣﻘﺘﻬﺎ ﺑﺎﺳﺘﻐﺮﺍﺏ ﻭﺗﺎﺑﻌﺖ ﻟﺘﻘﻮﻝ: ﺩﻟﻮﻗﺘﻲ ﺩﻭﻝ ﺃﻛﻴﺪ ﻧﺎﻳﻤﻴﻦ!
ﻋﻘﺪﺕ ﺳﺎﻋﺪﻳﻬﺎ ﻗﺎﺋﻠﻪ ﺑﻼ ﻣﺒﺎﻻﻩ: ﻋﺎﺩﻱ ﻳﻌﻨﻲ ﻳﻼ ﻣﻀﻴﻌﻴﺶ ﻭﻗﺖ ﺍﺣﻨﺎ ﻣﺴﺘﺘﻴﻨﻚ ﺑﺮﻩ، ﺛﻢ ﺇﺗﺠﻬﺖ ﺇﻟﻲ ﺍﻟﺨﺎﺭﺝ ﻓﻴﻤﺎ ﻗﺎﻟﺖ ﻣﺮﻳﻢ ﻭﻫﻲ ﺗﺼﺮ ﻋﻠﻲ ﺃﺳﻨﺎﻧﻬﺎ:
- ﺩﺍﻫﻴﻪ ﻓﻲ ﺷﻜﻠﻚ ﺃﻧﺘﻲ ﻭﺃﻣﻚ ﺃﻭﻑ ﻳﺎﺭﺏ ﺃﺗﺠﻮﺯ ﻭﺍﻟﻨﺒﻲ ﻭﺃﺧﻠﺺ ﻣﻦ ﻭﺷﻬﻢ...

ﻇﻠﺖ ﺗﺘﺄﻣﻞ ﻣﻼﻣﺤﻪ ﺍﻟﺮﺟﻮﻟﻴﻪ ﺍﻟﺴﺎﻛﻨﻪ ﻭﻳﺮﺗﺴﻢ ﻋﻠﻴﻬﺎ ﺍﻟﺮﺿﺎ ﻭﺍﻹﺭﺗﻴﺎﺡ ﺷﻌﺮﺕ ﺑﺤﺮﻛﺘﻪ ﻭﺫﺭﺍﻋﻴﻪ ﺗﻘﺒﺾ ﻋﻠﻴﻬﺎ ﺃﻛﺜﺮ ﻭﻋﻴﻨﺎﻩ ﺗﺮﻣﺶ ﺗﻌﻠﻦ ﻋﻦ ﺇﻓﺎﻗﺘﻪ ﻓﺘﺮﺍﺟﻌﺖ ﺳﺮﻳﻌﺎ ﻛﻤﺎ ﻛﺎﻧﺖ ﻣﻦ ﻗﺒﻞ ﻟﻴﻔﺘﺢ ﻫﻮ ﻋﻴﻨﺎﻩ ﻭﻳﺒﺘﺴﻢ ﻟﺨﺠﻠﻬﺎ ﻓﻘﺪ ﺷﻌﺮ ﺑﺤﺮﻛﺘﻬﺎ ﻣﻨﺬ ﻗﻠﻴﻞ ﻭﻋﻠﻢ ﺃﻧﻬﺎ ﺗﺘﺄﻣﻠﻪ ﻓﻘﺎﻝ ﺑﻬﺪﻭﺀ:
ﺻﺒﺎﺡ ﺍﻟﺨﻴﺮ ﻳﺎﺣﺒﻴﺒﻲ
ﺇﺑﺘﻠﻌﺖ ﺭﻳﻘﻬﺎ ﻭﻗﺎﻟﺖ ﺑﺨﺠﻞ: ﺻﺒﺎﺡ ﺍﻟﻨﻮﺭ
ﻛﺎﺩ ﺃﻥ ﻳﺘﺤﺪﺙ ﻭﻟﻜﻦ ﻗﺎﻃﻌﻪ ﻃﺮﻗﺎﺕ ﺍﻟﺒﺎﺏ ﻓﻌﻘﺪ ﺣﺎﺟﻴﻪ ﻗﺎﺋﻼ ﺑﺘﺬﻣﺮ: ﺩﻩ ﻣﻴﻦ ﺍﻟﻐﻠﺲ ﺍﻟﻲ ﺑﻴﺨﺒﻂ ﺩﻩ.

ﻓﻴﻤﺎ ﻗﺎﻟﺖ ﻫﻨﺎ ﻭﻫﻲ ﺗﻨﻬﺾ: ﺩﻱ ﺃﻛﻴﺪ ﻣﺮﻳﻢ ﺃﻧﺎ ﻫﺮﻭﺡ ﺃﻓﺘﺢ ﻟﻬﺎ
ﻧﻬﺾ ﺗﺎﻣﺮ ﺳﺮﻳﻌﺎ ﻭﻫﻮ ﻳﻘﻮﻝ ﺑﺠﺪﻳﻪ: ﺇﺭﺟﻌﻲ ﻣﻜﺎﻧﻚ ﻳﺎ ﻫﻨﺎ ﺃﻧﺎ ﻫﻔﺘﺢ
ﻋﻘﺪﺕ ﻫﻨﺎ ﺣﺎﺟﺒﻴﻬﺎ ﻟﺘﻘﻮﻝ ﺑﺘﺴﺎﺅﻝ: ﻟﻴﻪ ﻣﺎﻫﻲ ﻣﺮﻳﻢ ﻫﻔﺘﺤﻠﻬﺎ ﺃﻧﺎ
ﻏﻤﺰ ﻟﻬﺎ ﻗﺎﺋﻼ ﻭﻫﻮ ﻳﺘﺠﻪ ﺇﻟﻲ ﺍﻟﺨﺎﺭﺝ: ﻃﺐ ﺇﻟﺒﺴﻲ ﻭﺣﺼﻠﻴﻨﻲ ﻳﺎﻧﻮﻧﺘﻲ...

رواية أنت عشقي الوحيد للكاتبة فاطمة حمدي الفصل التاسع

ﺗﻮﺟﻪ ﺗﺎﻣﺮ ﻟﻴﻔﺘﺢ ﺍﻟﺒﺎﺏ ﻭﻣﺎ ﺍﻥ ﻓﺘﺢ ﺣﺘﻲ ﻭﺟﺪ ﺷﻘﻴﻘﺘﻪ ﺑﺼﺤﺒﺔ ﺧﺎﻟﺘﻪُ ﻭﺇﺑﻨﺘﻬﺎ
ﺗﺤﺪﺛﺖ ﻣﺮﻳﻢ ﻗﺎﺋﻠﻪ ﺑﺼﻴﺎﺡ: ﻣﺒﺮﻭﻭﻭﻙ ﻳﺎﺗﻴﻤﻮﻭﻭﺭ
ﺿﺤﻚ ﺗﺎﻣﺮ ﻗﺎﺋﻼ: ﺇﺩﺧﻠﻲ ﻳﺎﻣﺠﻨﻮﻧﻪ، ﻭﻣﻦ ﺛﻢ ﺗﺎﺑﻊ ﺑﺠﺪﻳﻪ ﻭﻫﻮ ﻳﻘﻮﻝ ﻣﻮﺟﻬﺎً ﺣﺪﻳﺜﻪ ﻟﻨﺠﺎﺝ ﻭﺇﺑﻨﺘﻬﺎ:
- ﺇﺗﻔﻀﻠﻮﺍ
ﺩﻟﻒ ﺛﻼﺛﺘﻬﻢ ﻭﻣﻦ ﺛﻢ ﺟﻠﺴﻮﺍ ﻭﺟﻠﺲ ﻗﺒﺎﻟﺘﻬﻢ ﺗﺎﻣﺮ ﻓﻘﺎﻟﺖ ﻧﺠﺎﺡ ﺑﺎﺑﺘﺴﺎﻣﻪ ﺯﺍﺋﻔﻪ:
- ﺃﻟﻒ ﻣﺒﺮﻭﻙ ﻳﺎﺣﺒﻴﺒﻲ ﻭﺍﻟﻠﻪ ﻓﺮﺣﺘﻠﻜﻢ ﻣﻦ ﻗﻠﺒﻲ ﺃﻭﻣﺎﻝ ﻓﻴﻦ ﻋﺮﻭﺳﺘﻨﺎ
ﺃﺭﺩﻑ ﺗﺎﻣﺮ ﻗﺎﺋﻼ ﺑﺠﺪﻳﻪ: ﺍﻟﻠﻪ ﻳﺒﺎﺭﻙ ﻓﻴﻜﻲ، ﻫﻨﺎ ﺟﻮﻩ.

ﻓﻴﻤﺎ ﻗﺎﻟﺖ ﻧﺴﻤﻪ ﻭﻫﻲ ﺗﻨﻈﺮ ﻟﻪ ﺑﺘﻔﺤﺺ:
- ﻣﺒﺮﻭﻙ ﻳﺎ ﺗﺎﻣﺮ
ﺇﺑﺘﺴﻢ ﺇﺑﺘﺴﺎﻣﻪ ﻣﺠﺎﻣﻠﻪ ﺛﻢ ﻗﺎﻝ ﺑﻬﺪﻭﺀ:
- ﺍﻟﻠﻪ ﻳﺒﺎﺭﻙ ﻓﻴﻜﻲ ﻳﺎ ﻧﺴﻤﻪ ﻋﻘﺒﺎﻟﻚ
ﻭﻛﺄﻥ ﻫﺬﻩ ﺍﻟﺒﺴﻤﻪ ﻗﺪ ﺇﺧﺘﺮﻗﺖ ﻗﻠﺒﻬﺎ ﻣﻦ ﺍﻟﺪﺍﺧﻞ ﻭﺯﺍﺩﺕ ﻣﻦ ﺳﺮﻋﺎﺗﻪ ﻭﺩﺑﺖ ﻗﺸﻌﺮﻳﺮﻩ ﻓﻲ ﺟﺴﺪﻫﺎ ﺃﺛﺮ ﺗﻠﻚ ﺍﻹﺑﺘﺴﺎﻣﻪ ﺍﻟﺘﻲ ﻣﻦ ﺍﻟﻘﻠﻴﻞ ﺃﻥ ﺗﺮﺗﺴﻢ ﻋﻠﻲ ﺛﻐﺮﻩ ﻟﻐﻴﺮ ﺯﻭﺟﺘﻪ ﺃﻭ ﺷﻘﻴﻘﺘﻪ
ﺇﺳﺘﻐﺮﺏ ﺗﺎﻣﺮ ﻗﻠﻴﻼً ﻣﻦ ﺭﺩ ﻓﻌﻠﻬﺎ ﺍﻟﻐﺮﻳﺐ ﻭﻟﻜﻨﻬﺎ ﻟﻢ ﻳﺒﺎﻟﻲ ﻭﻧﻈﺮ ﺇﻟﻲ ﺷﻘﻴﻘﺘﻪ ﻗﺎﺋﻼ ﺑﻤﺰﺍﺡ: ﺃﺧﺒﺎﺭﻙ ﻳﺎﻛﺮﻭﻣﺒﻪ ﻋﺎﻣﻠﻪ ﺍﻳﻪ ﻣﻦ ﻏﻴﺮﻱ.

ﺇﻧﻌﻘﺪ ﻣﺎ ﺑﻴﻦ ﺣﺎﺟﺒﻴﻬﺎ ﺑﻐﻀﺐ ﻣﺼﻄﻨﻊ ﻭﻗﺎﻟﺖ:
- ﻫﺰﻋﻠﻚ ﻋﻠﻲ ﻓﻜﺮﻩ ﻳﺎ ﺗﻴﻤﻮﺭ ﻣﺘﺨﻠﻨﻴﺶ ﺃﻋﻤﻞ ﻣﻌﺎﻙ ﺍﻟﺠﻼﺷﻪ ﻭﺃﻧﺖ ﻋﺮﻳﺲ ﻓﻲ ﺃﻭﻝ ﻳﻮﻡ ﻫﺎ
ﻗﻬﻘﻪ ﺗﺎﻣﺮ ﻋﻠﻴﻬﺎ ﺛﻢ ﻗﺎﻝ ﻣﻦ ﺑﻴﻦ ﺿﺤﻜﺎﺗﻪ:
- ﺗﻌﻤﻠﻲ ﻣﻌﺎﻳﺎ ﺃﻧﺎ ﺍﻟﺠﻼﺷﻪ ﻭﺑﻌﺪﻳﻦ ﺍﻳﻪ ﻟﻐﺔ ﺍﻟﺘﺒﺎﻋﻴﻦ ﺩﻱ ﻣﻤﻢ ﺷﻜﻠﻲ ﻻﺯﻡ ﺃﺭﺑﻴﻜﻲ ﻣﻦ ﺃﻭﻝ ﻭﺟﺪﻳﺪ ﻭﺑﺎﻟﻤﺮﻩ ﺃﺧﺴﺴﻚ ﺷﻮﻳﻪ ﻋﺸﺎﻥ ﻛﺪﻩ ﺃﻭﻓﺮ ﺑﺠﺪ
ﻭﻛﺰﺗﻪ ﻣﺮﻳﻢ ﻓﻲ ﺫﺭﺍﻋﻪ ﻗﺎﺋﻠﻪ ﺑﺘﺬﻣﺮ: ﻭﺭﺑﻨﺎ ﺭﺧﻢ ﺃﻭﻱ ﻳﺎﺗﻴﻤﻮﺭ
ﺿﺤﻚ ﺗﺎﻣﺮ ﻗﺎﺋﻼ: ﺧﻼﺹ ﻣﺘﺰﻋﻠﻴﺶ ﻳﺎ ﺭﻭﻣﺎ ﺩﻩ ﺃﻧﺖ ﺣﺒﻴﺒﻲ ﺍﻟﺼﻐﻨﻦ.

ﺿﺤﻜﺖ ﻣﺮﻳﻢ ﻭﻗﺎﻟﺖ: ﺍﻳﻮﻥ ﺛﺒﺘﻨﻲ ﺛﺒﺖ
ﻗﺎﻃﻌﺘﻬﻢ ﻧﺠﺎﺡ ﺍﻟﺘﻲ ﻛﺎﻧﺖ ﺗﻤﻮﺕ ﻏﻴﻈﺎً ﻭﻫﻲ ﺗﻘﻮﻝ:
- ﺃﻭﻣﺎﻝ ﻓﻴﻦ ﺍﻟﻌﺮﻭﺳﻪ ﻣﺶ ﻋﺎﻳﺰﻩ ﺗﺸﻮﻓﻨﺎ ﻭﻻ ﺇﻳﻪ
ﻧﻬﺾ ﺗﺎﻣﺮ ﻗﺎﺋﻼ ﻭﻫﻮ ﻳﺘﺠﻪ ﺇﻟﻲ ﺍﻟﻐﺮﻓﻪ:
- ﻫﺸﻮﻓﻬﺎ
ﻭﻣﻦ ﺛﻢ ﻓﺘﺢ ﺍﻟﺒﺎﺏ ﻭﺩﻟﻒ ﻣﻐﻠﻘﺎً ﺍﻟﺒﺎﺏ ﺧﻠﻔﻪ ﻗﺎﺋﻼ:
- ﺇﻳﻪ ﻳﺎ ﻫﻨﺎ ﻣﺨﺮﺟﺘﻴﺶ ﻟﻴﻪ
ﻛﺎﻧﺖ ﺍﻟﺪﻣﻮﻳﻪ ﺗﺘﺮﻛﺰ ﻓﻲ ﻭﺟﻨﺘﻲ ﻫﻨﺎ ﻣﻦ ﺃﺛﺮ ﺍﻟﺨﺠﻞ ﺍﻟﻮﺍﺿﺢ ﻋﻠﻴﻬﺎ ﻓﻴﻤﺎ ﻗﺎﻟﺖ ﻭﻫﻲ ﺗﻔﺮﻙ ﻳﺪﻳﻬﺎ ﻓﻲ ﺑﻌﻀﻬﺎ:
- ﻣﻜﺴﻮﻓﻪ ﺃﻭﻱ ﻣﺶ ﻋﺎﺭﻓﻪ ﺃﺧﺮﺝ ﻳﺎ ﺗﻴﻤﻮ.

ﺇﺑﺘﺴﻢ ﺗﺎﻣﺮ ﻭﻫﻮ ﻳﻘﺘﺮﺏ ﻣﻨﻬﺎ ﻭﻣﻦ ﺛﻢ ﺇﺣﺘﻀﻦ ﻭﺟﻬﻬﺎ ﺑﻴﻦ ﻛﻔﻲ ﻳﺪﻳﻪ ﻟﻴﻘﻮﻝ:
ﻳﺎﺧﺮﺍﺷﻲ ﻋﻠﻲ ﺣﺒﻴﺒﻲ ﻣﻜﺴﻮﻓﻪ ﻣﻦ ﺍﻳﻪ ﻳﺎﻧﻮﻧﺘﻲ ﺩﻱ ﺭﻭﻣﺎ ﻭﻧﺴﻤﻪ ﻭﻧﺠﺎﺡ ﺍﻟﻲ ﻫﻲ ﺧﺎﻟﺘﻲ عادي يعني!
ﺗﻨﻬﺪﺕ ﺑﺘﻮﺗﺮ ﻭﻗﺎﻟﺖ ﺑﺨﻔﻮﺕ: ﻣﺶ ﻋﺎﺭﻓﻪ ﺧﺎﻳﻔﻪ ﻣﻨﻬﻢ ﻋﺸﺎﻥ ﻗﺒﻞ ﻛﺪﻩ ﻗﺎﻟﺖ ﻋﻨﻲ ﻣﺶ ﻛﻮﻳﺴﻪ ﻭﺯﻋﻘﺖ ﺳﺎﻋﻪ ﻣﺎ ﻛﻨﺖ ﻣﻌﺎﻙ
ﻋﻘﺪ ﺗﺎﻣﺮ ﺣﺎﺟﺒﻴﻪ ﻗﺎﺋﻼ ﺑﺘﺤﺬﻳﺮ: ﻫﻨﺎ ﺍﻳﺎﻛﻲ ﺗﺨﺎﻓﻲ ﻣﻦ ﺃﻱ ﺣﺪ ﻃﻮﻝ ﻣﺎ ﺍﻧﺎ ﻣﻮﺟﻮﺩ ﺷﻴﻠﻲ ﺍﻟﺨﻮﻑ ﺍﻟﻲ ﻋﻨﺪﻙ ﺩﻩ ﻭﺑﻄﻠﻲ ﺗﻘﻮﻟﻲ ﻛﻠﻤﻪ ﺧﺎﻳﻔﻪ ﺩﻱ ﺗﺎﻧﻲ.

ﺗﻨﻬﺪﺕ ﻫﻨﺎ ﻭﻫﻲ ﺗﻮﻣﺊ ﺑﺮﺃﺳﻬﺎ ﻗﺎﺋﻠﻪ: ﺣﺎﺿﺮ ﺑﺲ ﻣﺶ ﺗﻜﺸﺮ ﻛﺪﻩ ﻋﺸﺎﻥ ﺑﺨﺎﻑ
ﺇﺑﺘﺴﻢ ﺗﺎﻣﺮ ﻗﺎﺋﻼ: ﺑﺮﺿﻮ!
ﺇﺑﺘﺴﻤﺖ ﻟﻪ ﻟﺘﻘﻮﻝ ﺑﺪﻻﻝ: ﺃﻳﻮﻩ
ﺇﻗﺘﺮﺏ ﻟﻴﺄﺧﺬ ﻣﻨﻬﺎ ﻗﺒﻠﻪ ﺳﺮﻳﻌﻪ ﻭﻣﻦ ﺛﻢ ﻗﺎﻝ ﺑﻬﻤﺲ:
- ﻃﺐ ﻳﻼ ﺗﻌﺎﻟﻲ ﻣﻌﺎﻳﺎ
ﺗﻮﺗﺮﺕ ﻫﻨﺎ ﻣﺮﻩ ﺛﺎﻧﻴﻪ ﺛﻢ ﻗﺎﻟﺖ ﺑﺘﻠﻌﺜﻢ: ﺁﺁ ﻃﺐ ﺣﻠﻮ ﺷﻌﺮﻱ ﻛﺪﻩ ﻭﻻ ﺃﺳﻴﺒﻪ؟
ﺇﺑﺘﺴﻢ ﺗﺎﻣﺮ ﻗﺎﺋﻼ: ﻻ ﻛﺪﻩ ﻗﻤﺮ
ﺗﺎﺑﻌﺖ ﻭﻫﻲ ﺗﻘﻮﻝ: ﻃﺐ ﺃﺣﻂ ﻣﻜﻴﺎﺝ ﻭﻻ ﻛﺪﻩ ﻛﻮﻳﺲ
ﺗﻨﻬﺪ ﺗﺎﻣﺮ ﺑﻨﻔﺎﺫ ﺻﺒﺮ ﻭﻗﺎﻝ:
ﻻ ﻛﺪﻩ ﻛﻮﻳﺲ ﺃﻭﻱ ﻳﺎ ﻫﻨﺎ.

ﻭﻗﻔﺖ ﺗﻨﻈﺮ ﺇﻟﻲ ﻣﻼﺑﺴﻬﺎ ﻗﺎﺋﻠﻪ ﺑﺤﻴﺮﻩ: ﻃﺐ ﺍﻟﻌﺒﺎﻳﻪ ﺩﻱ ﺣﻠﻮﻩ ﻭﻻ ﺃﻟﺒﺲ ﺑﺠﺎﻣﻪ؟
ﺳﺤﺒﻬﺎ ﻣﻦ ﻳﺪﻳﻬﺎ ﻭﻫﻮ ﻳﺼﺮ ﻋﻠﻲ ﺃﺳﻨﺎﻧﻪ ﻗﺎﺋﻼ:
- ﻳﻼ ﻫﻨﺎ ﻳﺎﺣﺒﻴﺒﺘﻲ ﻛﺪﻩ ﺯﻱ ﺍﻟﻘﻤﺮ
ﺿﺤﻜﺖ ﻭﻫﻲ ﺗﻤﺴﻚ ﻳﺪﻩ ﻭﻣﻦ ﺛﻢ ﺧﺮﺝ ﺍﻷﺛﻨﺎﻥ ﻭﻣﺎ ﺍﻥ ﺧﺮﺟﺎ ﺣﺘﻲ ﺇﺷﺘﻌﻠﺖ ﺍﻟﻨﻴﺮﺍﻥ ﻓﻲ ﻗﻠﺐ ﻧﺴﻤﻪ ﺍﻟﺘﻲ ﻧﻈﺮﺕ ﻟﻬﻤﺎ ﺑﻐﻞ ﻭﺍﺿﺢ ﻋﻠﻲ ﻣﻼﻣﺢ ﻭﺟﻬﻬﺎ ﺑﻴﻨﻤﺎ ﻧﻬﻀﺖ ﻣﺮﻳﻢ ﻟﺘﻌﺎﻧﻖ ﺻﺪﻳﻘﺘﻬﺎ ﻗﺎﺋﻠﻪ:
ﻫﻨﻮﻥ ﺻﺒﺎﺣﻴﻪ ﻣﺒﺎﺭﻛﻪ ﺃﺣﺒﻲ
ﺿﺤﻜﺖ ﻫﻨﺎ ﻭﻫﻲ ﺗﺒﺎﺩﻟﻬﺎ ﺍﻟﻌﻨﺎﻕ ﻗﺎﺋﻠﻪ :
ﺣﺒﻴﺒﺘﻲ ﻳﺎﺭﻭﻣﺎ ﻋﻘﺒﺎﻟﻚ.

ﺇﺑﺘﻌﺪﺕ ﻋﻨﻬﺎ ﻗﻠﻴﻼ ﻭﻫﻲ ﺗﺮﻓﻊ ﻛﻔﻮﻓﻬﺎ ﻗﺎﺋﻠﻪ: ﺃﻣﻴﻦ ﻳﺎﺭﺏ
ﺿﺤﻚ ﺗﺎﻣﺮ ﻗﺎﺋﻼ: ﻋﺎﻳﺰﻩ ﺗﺘﺠﻮﺯﻱ ﻳﺎﻣﺮﻳﻢ
ﺇﺭﺗﺒﻜﺖ ﻣﺮﻳﻢ ﻭﻗﺎﻟﺖ ﺑﺨﺠﻞ: ﺁﺁ ﻻ ﻻ ﺃﺗﺠﻮﺯ ﺍﻳﻪ ﻳﺎ ﺗﻴﻤﻮﺭ ﺃﻧﺎ ﻣﺶ ﻓﻲ ﺩﻣﺎﻏﻲ ﺍﻟﻤﻮﺿﻮﻉ ﺩﻩ ﻣﻦ ﺃﺳﺎﺳﻪ ﺑﺲ ﻣﻴﻤﻨﻌﺶ ﺇﻧﻲ ﻣﻤﻜﻦ ﺃﻓﻜﺮ ﻭﻛﺪﻩ ﻭﺑﻌﺪﻳﻦ ﻣﺎ ﺗﺨﻠﻴﻚ ﻓﻲ ﺣﺎﻟﻚ ﺑﻘﺎ ﻋﺸﺎﻥ ﻣﺘﻐﺒﺎﺵ ﻋﻠﻴﻚ
ﻗﻬﻘﻪ ﺗﺎﻣﺮ ﻭﻣﻦ ﺛﻢ ﻗﺎﻝ ﻣﻦ ﺑﻴﻦ ﺿﺤﻜﺎﺗﻪ: ﻣﺎﺷﻲ ﻳﺎﺟﺰﻣﻪ
ﻓﻲ ﺣﻴﻦ ﺇﻗﺘﺮﺑﺖ ﻫﻨﺎ ﻣﻦ ﻧﺠﺎﺡ ﻟﺘﺼﺎﻓﺤﻬﺎ ﻭﻫﻲ ﺗﻘﻮﻝ: ﺇﺯﻱ ﺣﻀﺮﺗﻚ.

ﺇﺑﺘﺴﻤﺖ ﻧﺠﺎﺡ ﻭﻫﻲ ﺗﺼﺎﻓﺤﻬﺎ ﻭﺗﻘﺒﻠﻬﺎ ﻣﻦ ﻭﺟﻨﺘﻴﻬﺎ ﻗﺎﺋﻠﻪ: ﺍﻟﻠﻪ ﺃﻛﺒﺮ ﺯﻱ ﺍﻟﻘﻤﺮ
ﺇﺑﺘﺴﻤﺖ ﻫﻨﺎ ﻭﺗﻨﻬﺪﺕ ﺑﺎﺭﺗﻴﺎﺡ ﻣﻦ ﺫﻟﻚ ﺍﻟﺘﺮﺣﻴﺐ ﺍﻟﻤﺰﻳﻒ ﺛﻢ ﻗﺎﻟﺖ ﺑﺨﺠﻞ:
- ﺭﺑﻨﺎ ﻳﺨﻠﻴﻜﻲ ﺷﻜﺮﺍ، ﻭﻣﻦ ﺛﻢ ﻣﺪﺕ ﻳﺪﻫﺎ ﻟﺘﺼﺎﻓﺢ ﻧﺴﻤﻪ ﻭﻟﻜﻨﻬﺎ ﺻُﺪﻣﺖ ﺣﻴﻦ ﻗﺎﻟﺖ ﺑﺘﺄﻓﻒ:
- ﺁﺳﻔﻪ ﻣﺶ ﺑﺴﻠﻢ ﺃﺻﻞ ﻋﻨﺪﻱ ﺣﺴﺎﺳﻴﻪ ﻭﻣﺶ ﺑﻘﺪﺭ ﺍﺳﻠﻢ ﻋﻠﻲ ﺍﻱ ﺣﺪ ﺍﻻ ﺍﺫﺍ ﻛﺎﻥ ﻧﻀﻴﻒ
ﺇﺷﺘﻌﻠﺖ ﺍﻟﻨﻴﺮﺍﻥ ﺑﺪﺍﺧﻞ ﺗﺎﻣﺮ ﺍﻟﺬﻱ ﻫﺐ ﻭﺍﻗﻔﺎً ﻟﻴﻘﻮﻝ ﺑﺼﺮﺍﻣﻪ:
- ﻧﻌﻢ؟ ﻳﻌﻨﻲ ﺍﻳﻪ ﺍﻟﻜﻼﻡ ﺩﻩ! ﺃﻧﺘﻲ ﺑﺘﺴﺘﻬﺒﻠﻲ ﻭﻻ ﻧﺴﻴﺘﻲ ﻧﻔﺴﻚ ﻭﻻ ﺍﻳﻪ ﺑﺎﻟﻈﺒﻂ؟

ﺇﻧﺴﺎﺑﺖ ﺍﻟﺪﻣﻮﻉ ﻣﻦ ﻋﻴﻦ ﻫﻨﺎ ﻭﻗﺪ ﺗﺮﺍﺟﻌﺖ ﻟﻠﺨﻠﻒ ﻟﺘﻘﻒ ﺑﺠﺎﻧﺐ ﺯﻭﺟﻬﺎ ﺗﺒﻜﻲ ﺑﺼﻤﺖ ﻓﻴﻤﺎ ﻭﻛﺰﺕ ﻧﺠﺎﺡ ﺍﺑﻨﺘﻬﺎ ﻭﻫﻲ ﺗﻘﻮﻝ: ﺍﻳﻪ ﺍﻟﻲ ﻫﺒﺒﺘﻴﻪ ﺩﻩ ﻳﺎ ﻧﺴﻤﻪ!
ﺗﺤﺪﺛﺖ ﻧﺴﻤﻪ ﻗﺎﺋﻠﻪ ﺑﻼ ﻣﺒﺎﻻﻩ: ﺳﻮﺭﻱ ﻣﻜﻨﺶ ﻗﺼﺪﻱ ﺃﻧﺎ ﺑﻘﻮﻝ ﻳﻌﻨﻲ ﻟﺘﻜﻮﻥ ﻣﺶ ﻣﻄﻬﺮﻩ ﺍﻳﺪﻳﻬﺎ ﻻﻧﻬﺎ ﺃﻛﻴﺪ ﻣﺶ ﻣﺘﻌﻮﺩﻩ ﻋﻠﻲ ﺍﻟﻨﻀﺎﻓﻪ ﻭ...
ﻗﺎﻃﻌﻬﺎ ﺗﺎﻣﺮ ﻭﻫﻮ ﻳﻘﻮﻝ ﺑﺤﺰﻡ: ﻫﻮ ﻓﻲ ﺍﻟﺤﻘﻴﻘﻪ ﻛﻮﻳﺲ ﺍﻟﻲ ﻣﺴﻠﻤﺘﻴﺶ ﻷﻥ ﻟﻮ ﻛﻨﺘﻲ ﺳﻠﻤﺘﻲ ﻛﺎﻧﺖ ﺍﻳﺪﻳﻬﺎ ﻫﻲ ﺍﻟﻲ ﻫﺘﺘﻮﺳﺦ ﻣﻨﻚ!
ﺇﺗﺴﻌﺖ ﻋﻴﻦ ﻧﺴﻤﻪ ﻗﺎﺋﻠﻪ: ﻧﻌﻢ؟ ﺗﺘﻮﺳﺦ ﻣﻨﻲ ﺃﻧﺎ ﺃﻧﺖ..

ﻗﺎﻃﻌﺘﻬﺎ ﻣﺮﻳﻢ ﻭﻫﻲ ﺗﻘﻮﻝ ﺑﺠﺪﻳﻪ: ﻛﻔﺎﻳﻪ ﺑﻘﺎ ﻳﺎ ﻧﺴﻤﻪ ﺃﻧﺘﻲ ﺯﻭﺩﺗﻴﻬﺎ ﺃﻭﻱ ﺑﺠﺪ ﺣﺮﺍﻡ ﻋﻠﻴﻜﻲ
ﺃﻣﺴﻜﺘﻬﺎ ﻭﺍﻟﺪﺗﻬﺎ ﻣﻦ ﻳﺪﻳﻬﺎ ﻭﻗﺎﻟﺖ ﺑﻬﺪﻭﺀ: ﻣﻌﻠﺶ ﺇﺣﻨﺎ ﺃﺳﻔﻴﻦ ﻳﺎ ﻫﻨﺎ ﻫﻲ ﻣﺘﻘﺼﺪﺵ ﻫﻲ ﺑﺲ ﻣﺪﺏ ﻛﺪﻩ ﻋﻠﻲ ﻃﻮﻝ، ﺛﻢ ﺗﺎﺑﻌﺖ ﻭﻫﻲ ﺗﺮﻣﻖ ﺍﺑﻨﺘﻬﺎ ﺑﻐﻴﻆ:
- ﺇﻋﺘﺬﺭﻱ ﻣﻨﻬﺎ ﻳﺎ ﻧﺴﻤﻪ
ﻟﻮﺕ ﻧﺴﻤﻪ ﻓﻤﻬﺎ ﻭﻫﻲ ﺗﻘﻮﻝ ﺑﺈﺻﺮﺍﺭ: ﻻ ﻣﺶ ﻫﻌﺘﺬﺭ
ﺟﺬﺏ ﺗﺎﻣﺮ ﻫﻨﺎ ﺍﻟﺘﻲ ﺗﺒﻜﻲ ﻭﺍﻟﺪﻣﻮﻉ ﺗﺘﺴﺎﻗﻂ ﻣﻦ ﻋﻴﻨﺎﻫﺎ ﺇﻟﻲ ﺃﺣﻀﺎﻧﻪ ﻭﻣﻦ ﺛﻢ ﻗﺎﻝ ﻭﻫﻮ ﻳﺮﻣﻖ ﻧﺴﻤﻪ ﺑﻨﻈﺮﺍﺕ ﻧﺎﺭﻳﻪ:.

ﻻ ﺗﻌﺘﺬﺭ ﻭﻻ ﺣﺎﺟﻪ ﺇﺣﻨﺎ ﻓﻲ ﻏﻨﻲ ﻋﻦ ﺇﻋﺘﺬﺍﺭﻫﺎ ﻭﻳﺎﺭﻳﺖ ﺗﺘﻔﻀﻠﻮﺍ ﺑﻘﺎ ﻣﻊ ﺍﻟﺴﻼﻣﻪ
ﺻُﺪﻣﺖ ﻧﺠﺎﺡ ﻣﻦ ﺟﻤﻠﺘﻪ ﻓﻬﺎ ﻫﻮ ﻳﻄﺮﺩﻫﻤﺎ ﻭﺑﻜﻞ ﺛﺒﺎﺕ ﺑﻴﻨﻤﺎ ﺻﺮﺕ ﻋﻠﻲ ﺃﺳﻨﺎﻧﻬﺎ ﻭﻫﻲ ﺗﺘﺠﻪ ﺇﻟﻲ ﺍﻟﺨﺎﺭﺝ ﻭﻣﻦ ﻣﻌﻬﺎ ﺇﺑﻨﺘﻬﺎ ﺍﻟﺘﻲ ﺗﻮﺩ ﺃﻥ ﺗﻘﺘﻞ ﺗﻠﻚ ﺍﻟﺒﺮﻳﺌﻪ ﺍﻟﺘﻲ ﻟﻢ ﺗﻔﻌﻞ ﻟﻬﺎ ﺷﻴﺌﺎً ﻋﻠﻲ ﺍﻹﻃﻼﻕ...

ﺗﻨﻬﺪ ﺗﺎﻣﺮ ﻭﻫﻮ ﻳﺮﺑﺖ ﻋﻠﻲ ﻇﻬﺮ ﺯﻭﺟﺘﻪ ﺍﻟﺘﻲ ﻛﺎﻧﺖ ﻣﺘﺸﺒﺜﻪ ﺑﻪ ﻛﺎﻟﻄﻔﻠﻪ ﻓﻲ ﺃﺣﻀﺎﻥ ﺁﺑﺎﻫﺎ ﺑﻴﻨﻤﺎ ﻗﺎﻟﺖ ﻣﺮﻳﻢ ﺑﻤﺰﺍﺡ: ﺧﻼﺹ ﺑﻘﺎ ﻳﺎﻫﻨﻮﻥ ﻗﻠﺒﻚ ﺃﺑﻴﺾ ﻣﺘﺰﻋﻠﻴﺶ ﻭﺗﻌﺎﻟﻲ ﻧﻌﻤﻞ ﺯﻻﺑﻴﻪ ﻟﺤﺴﻦ ﻧﻔﺴﻲ ﻓﻴﻬﺎ ﺃﻭﻱ ﻭﺭﺑﻨﺎ
ﺿﻐﻂ ﺗﺎﻣﺮ ﻋﻠﻲ ﺷﻔﺘﻴﻪ ﻗﺎﺋﻼ ﺑﻐﻴﻆ: ﺯﻻﺑﻴﻪ ﻳﺎﻣﺮﻳﻢ!
ﺿﺤﻜﺖ ﻫﻨﺎ ﻣﻦ ﺑﻴﻦ ﺩﻣﻮﻋﻬﺎ ﻋﻠﻲ ﻣﺰﺍﺡ ﺻﺪﻳﻘﺘﻬﺎ ﺑﻴﻨﻤﺎ ﺃﺑﻌﺪﻫﺎ ﺗﺎﻣﺮ ﺑﺮﻓﻖ ﻟﻴﻤﺴﺢ ﺩﻣﻮﻋﻬﺎ ﺑﺄﻧﺎﻣﻠﻪ ﻭﻗﺎﻝ ﺑﺎﺑﺘﺴﺎﻣﻪ: ﻣﺘﺰﻋﻠﻴﺶ ﻳﺎﻧﻮﻧﺘﻲ ﻭﻻ ﺗﺤﻄﻴﻬﺎ ﻓﻲ ﺑﺎﻟﻚ ﻭﻣﺶ ﻋﺎﻳﺰ ﺃﺷﻮﻑ ﺍﻟﺪﻣﻮﻉ ﺩﻱ ﻣﺎﺷﻲ؟

ﺃﻭﻣﺄﺕ ﺑﺮﺃﺳﻬﺎ ﻭﻫﻲ ﺗﺮﻓﻊ ﻳﺪﻫﺎ ﻟﺘﻤﺴﻚ ﺑﻴﺪﻩ ﺍﻟﺘﻲ ﺗﻤﺴﺢ ﺩﻣﻮﻋﻬﺎ ﻭﺑﺤﺮﻛﻪ ﻣﻔﺎﺟﺌﻪ ﺑﺎﻟﻨﺴﺒﻪ ﻟﻪ ﻗﺒﻠﺖ ﻳﺪﻩ ﺑﻬﺪﻭﺀ ﻭﻣﻦ ﺛﻢ ﺇﺑﺘﺴﻤﺖ ﻟﻪ ﻗﺎﺋﻠﻪ: ﺣﺎﺿﺮ ﻣﺶ ﻫﻌﻴﻂ ﺭﺑﻨﺎ ﻳﺨﻠﻴﻚ ﻟﻴﺎ
ﺟﺬﺑﻬﺎ ﻣﺮﻩ ﺛﺎﻧﻴﻪ ﺇﻟﻲ ﺃﺣﻀﺎﻧﻪ ﻭﻗﺪ ﺇﺷﺘﺪ ﻋﻠﻴﻬﺎ ﺑﺬﺭﺍﻋﻴﻪ ﺍﻟﻘﻮﻳﺘﻴﻦ ﻣﺘﻨﻬﺪﺍً ﺑﻘﻮﻩ ﻗﺎﺋﻼ: ﺣﺒﻴﺒﺘﻲ
ﺳﻜﻨﺖ ﻫﻲ ﺑﻴﻦ ﺃﺣﻀﺎﻧﻪ ﺩﺍﻓﻨﻪ ﻭﺟﻬﻬﺎ ﻓﻲ ﺻﺪﺭﻩ ﻭﻟﻜﻦ ﺛﻮﺍﻥ ﻭﻗﻄﻌﺖ ﺫﻟﻚ ﺍﻟﺼﻤﺖ ﻣﺮﻳﻢ ﻭﻫﻲ ﺗﺼﻴﺢ ﻗﺎﺋﻠﻪ:
ﻋﺎﺍﺍﺍﺍﺍﺍﺍﺍﺍ
ﺇﻧﺘﻔﺾ ﺍﻹﺛﻨﺎﻥ ﻋﻠﻲ ﺃﺛﺮ ﺻﻮﺗﻬﺎ ﺑﻴﻨﻤﺎ ﻗﺎﻝ ﺗﺎﻣﺮ ﺭﺍﻓﻌﺎ ﺣﺎﺟﺒﻪ:.

ﻳﺨﺮﺑﻴﺘﻚ ﺃﻧﺘﻲ ﻟﺴﻪ ﻫﻨﺎ ﺩﻧﺎ ﻧﺴﻴﺘﻚ
ﻗﻬﻘﻬﺖ ﻫﻨﺎ ﻭﻫﻲ ﺗﻘﻮﻝ ؛: ﺧﻀﺘﻴﻨﻲ ﻳﺎ ﺭﻭﻣﺎ
ﺗﺎﺑﻌﺖ ﻣﺮﻳﻢ ﻭﻫﻲ ﺗﻘﻮﻝ ﺑﺒﻜﺎﺀ ﻣﺼﻄﻨﻊ: ﺃﻧﺎ ﻋﺎﻭﺯﻩ ﻣﻦ ﺩﻩ ﻣﻠﻴﺶ ﺩﻋﻮﻭﻭﻭﻩ
ﺿﺤﻚ ﺗﺎﻣﺮ ﻗﺎﺋﻼ: ﺑﺲ ﻳﺎﺑﺖ ﻋﻴﺐ
ﺗﺤﺪﺛﺖ ﻣﺮﻳﻢ ﺑﺠﺪﻳﻪ ﻗﺎﺋﻠﻪ: ﻫﻮ ﺃﻧﺘﻮﺍ ﻣﺶ ﻫﺘﻘﺪﻣﻮﻟﻲ ﺣﺎﺟﻪ ﻓﻲ ﺍﻟﻠﻴﻠﻪ ﺩﻱ ﻭﻻ ﺍﻳﻪ؟
ﺿﺤﻜﺖ ﻫﻨﺎ ﻭﻗﺪ ﺃﻣﺴﻜﺖ ﻳﺪﻫﺎ ﻗﺎﺋﻠﻪ: ﺗﻌﺎﻟﻲ ﻧﻌﻤﻞ ﺍﻟﺰﻻﺑﻴﻪ ﻣﻊ ﺑﻌﺾ ﻳﺎ ﻣﺮﻳﻮﻣﺘﻲ
ﻋﻘﺪ ﺗﺎﻣﺮ ﺣﺎﺟﺒﻴﻪ ﻟﻴﻘﻮﻝ ﻣﺎﺯﺣﺎً: ﻭﺃﻧﺎ ﻛﻤﺎﻥ ﻳﺎﻧﻮﻧﺘﻲ ﺇﻋﻤﻠﻴﻠﻲ ﺯﻻﺑﻴﻪ
ﺇﺑﺘﺴﻤﺖ ﻟﻪ ﻭﻫﻲ ﺗﻘﻮﻝ ﺑﺤﺐ: ﻣﻦ ﻋﻨﻴﺎ ﺍﻹﺗﻨﻴﻦ ﻳﺎﺣﺒﻴﺒﻲ.

ﻭﻣﻦ ﺛﻢ ﺇﺗﺠﻬﺖ ﺇﻟﻲ ﺍﻟﻤﻄﺒﺦ ﺑﺼﺤﺒﻪ ﻣﺮﻳﻢ...
ﺩﻟﻔﺖ ﻧﺠﺎﺡ ﺇﻟﻲ ﺷﻘﺘﻬﺎ ﻭﻣﺎ ﺍﻥ ﺩﺧﻠﺖ ﺣﺘﻲ ﺻﺎﺣﺖ ﺑﻬﺎ ﻗﺎﺋﻠﻪ:
ﺃﻧﺘﻲ ﻣﺠﻨﻮﻧﻪ ﻳﺎﺑﺖ؟ ﺍﺯﺍﻱ ﺗﻌﻤﻠﻲ ﻛﺪﻩ ﻋﺎﺟﺒﻚ ﺧﻠﺘﻲ ﺍﻟﻲ ﻣﺎ ﻳﺴﻤﻲ ﻳﻄﺮﺩﻧﺎ ﺑﻜﻞ ﺳﻬﻮﻟﻪ ﻭﺻﻐﺮﺗﻴﻨﻲ ﺍﻭﻱ
ﺗﺄﻓﻔﺖ ﻧﺴﻤﻪ ﻭﻫﻲ ﺗﻘﻮﻝ: ﺍﻋﻤﻞ ﺍﻳﻪ ﻣﺒﻘﺒﻠﻬﺎﺵ ﻣﺒﺤﺒﻬﺎﺵ ﺑﻜﺮﻫﺎ ﺑﻜﺮﻫﺎ ﻭﻧﻔﺴﻲ ﺃﻣﻮﺗﻬﺎ ﺑﺎﻳﺪﻳﺎ ﺩﻭﻝ.

ﺻﺮﺕ ﻧﺠﺎﺡ ﻋﻠﻲ ﺃﺳﻨﺎﻧﻬﺎ ﻭﻫﻲ ﺗﻘﻮﻝ ﺑﺤﻨﻖ: ﻭﻫﻮ ﺍﻧﺎ ﻳﻌﻨﻲ ﺍﻟﻲ ﻣﻴﺘﻪ ﻓﻴﻬﺎ ﺑﺲ ﻻﺯﻡ ﻧﻌﻤﻞ ﻛﺪﻩ ﻗﻮﻟﺘﻠﻚ ﻣﻴﺖ ﻣﺮﻩ ﻭﺍﺣﺪﻩ ﻭﺍﺣﺪﻩ ﻻﺯﻡ ﻧﻮﻗﻌﻪ ﻋﺸﺎﻥ ﻧﺴﺘﻮﻟﻲ ﺍﺣﻨﺎ ﻋﻠﻲ ﻛﻞ ﺣﺎﺟﻪ ﻭﻣﻦ ﻫﻨﺎ ﻟﺤﺪ ﻣﺎ ﻳﻘﻊ ﻻﺯﻡ ﻧﻌﺎﻣﻠﻬﺎ ﻛﻮﻳﺲ
ﺗﻨﻬﺪﺕ ﻧﺴﻤﻪ ﻗﺎﺋﻠﻪ: ﻣﻌﺮﻓﺶ ﺑﻘﻲ ﻣﺶ ﻫﻘﺪﺭ ﺃﻋﺎﻣﻠﻬﺎ ﺣﻠﻮ ﺑﻘﻮﻟﻚ ﺑﻜﺮﻫﺎ ﻭﻻﺯﻡ ﺍﺟﻴﺐ ﻣﻨﺎﺧﻴﺮﻫﺎ ﺍﻷﺭﺽ
ﺇﻗﺘﺮﺑﺖ ﻧﺠﺎﺡ ﻣﻨﻬﺎ ﻭﻗﺎﻟﺖ ﺑﺘﻮﻋﺪ: ﻫﻨﺠﺒﻬﺎ ﻭﻫﺎﺧﺪﻟﻚ ﺣﻘﻚ ﻣﻦ ﺍﻟﻲ ﺣﺼﻞ ﺍﻟﻨﻬﺎﺭﺩﻩ ﺩﻩ ﻭﺍﻟﻠﻪ ﻻﻭﺭﻳﻬﺎ...
ﺑﻌﺪ ﻣﺮﻭﺭ ﺳﺎﻋﻪ.

ﺇﻧﺘﻬﺖ ﻫﻨﺎ ﻣﻦ ﻋﻤﻞ ﺍﻟﺤﻠﻮﻱ ﻭﻗﺪ ﻭﺿﻌﺘﻬﺎ ﻓﻲ ﺍﻟﻌﺴﻞ ﻟﺘﻤﺘﺰﺝ ﻣﻌﻪ ﻭﻣﻦ ﺛﻢ ﺭﻓﻌﺘﻬﺎ ﻟﺘﻘﻮﻝ ﺑﺴﻌﺎﺩﻩ: ﺍﻳﻪ ﺭﺍﻳﻚ ﻳﺎﻣﺮﻳﻮﻣﻪ؟
ﺇﺑﺘﺴﻤﺖ ﻣﺮﻳﻢ ﻭﻗﺎﻟﺖ ﺑﺸﻬﻴﻪ:
ﺗﺤﻔﻪ ﻳﺎﻗﻠﺐ ﻣﺮﻳﻮﻣﻪ، ﺇﻟﺘﻘﺘﺖ ﻭﺍﺣﺪﻩ ﻭﺗﻨﺎﻭﻟﺘﻬﺎ ﻗﺎﺋﻠﻪ: ﻭﺍﺍﺍﻭ ﺟﻤﻴﻠﻪ ﺍﻭﻱ ﺩﻭﻗﻲ ﻛﺪﻩ
ﺗﻨﺎﻭﻟﺖ ﻫﻨﺎ ﻭﺍﺣﺪﻩ ﻣﻨﻬﺎ ﻭﻣﻦ ﺛﻢ ﺃﻣﺴﻚ ﺑﺎﻟﺼﺤﻦ ﻭﺧﺮﺟﺖ ﻣﺘﻮﺟﻬﻪ ﺇﻟﻲ ﺯﻭﺟﻬﺎ ﻗﺎﺋﻠﻪ ﺑﺎﺑﺘﺴﺎﻣﻪ: ﺗﻴﻤﻮ ﻋﻤﻠﺖ ﺍﻟﺰﻻﺑﻴﻪ.

ﺍﺑﺘﺴﻢ ﺗﺎﻣﺮ ﻭﻗﺪ ﺃﻃﻔﺊ ﺳﻴﺠﺎﺭﺗﻪ ﺍﻟﺘﻲ ﻛﺎﻥ ﻳﺪﺧﻨﻬﺎ ﺑﻴﻨﻤﺎ ﻗﺎﻟﺖ ﻫﻨﺎ ﺑﺠﺪﻳﻪ: ﻧﻔﺴﻲ ﺗﺒﻄﻞ ﺗﺪﺧﻴﻦ ﺑﻘﻲ ﻳﺎﺗﺎﻣﺮ ﺑﺠﺪ ﺣﺮﺍﻡ ﺻﺤﺘﻚ!
ﺗﻨﻬﺪ ﺗﺎﻣﺮ ﻭﻫﻮ ﻳﻠﺘﻘﻂ ﺇﺣﺪﻱ ﻭﺣﺪﺍﺕ ﺍﻟﺤﻠﻮﻱ ﻗﺎﺋﻼ: ﺭﺑﻨﺎ ﻳﺘﻮﺏ ﻋﻠﻴﺎ ﻳﺎ ﻫﻨﺎ ﻳﺎﻣﺴﻬﻞ
ﺟﻠﺴﺖ ﻫﻨﺎ ﺑﺠﻮﺍﺭﻩ ﻟﺘﻘﻮﻝ ﺑﺘﺴﺎﺅﻝ: ﻃﺐ ﺍﻳﻪ ﺭﺃﻳﻚ ﻓﻲ ﺍﻟﺰﻻﺑﻴﻪ؟
ﻭﺿﻊ ﺗﺎﻣﺮ ﻗﻄﻌﻪ ﻓﻲ ﻓﻤﻬا ﻭﻗﺎﻝ ﻣﺒﺘﺴﻤﺎ: ﺣﻠﻮﻩ ﺃﻭﻱ
ﺑﻴﻨﻤﺎ ﺇﻗﺘﺮﺑﺖ ﻣﺮﻳﻢ ﻣﻨﻬﻤﺎ ﻟﺘﻘﻮﻝ ﺑﺘﺬﻣﺮ ﻭﻗﺪ ﺃﻣﺴﻜﺖ ﺑﺎﻟﺼﺤﻦ:.

- ﻛﻔﺎﻳﻪ ﻋﻠﻴﻜﻢ ﻛﺪﻩ ﻳﺎ ﺣﻠﻮﻳﻦ ﺃﻧﺎ ﻫﻜﻤﻞ ﺃﻛﻠﻪ ﺑﺮﺍﺣﺘﻲ ﺑﻘﺎ ﻳﻼ ﺳﻼﻣﻮﺯ ﻭﻣﻦ ﺛﻢ ﺗﻮﺟﻬﺖ ﺍﻟﻲ ﺍﻟﺒﺎﺏ ﺑﻴﻨﻤﺎ ﻫﺘﻒ ﺗﺎﻣﺮ ﻭﻫﻮ ﻳﻘﻮﻝ ﺑﺤﺴﺮﻩ ﻋﻠﻲ ﺻﺤﻦ ﺍﻟﺤﻠﻮﻱ:
- ﻳﻨﻬﺎﺭ ﺍﺳﻮﺩ ﺍﻟﺰﻻﺑﻴﻪ ﻻﺍﺍﺍ ﺣﺮﺍﻡ ﻋﻠﻴﻜﻲ ﻳﺎ ﻣﻔﺘﺮﻳﻪ
ﻗﻬﻘﻬﺖ ﻣﺮﻳﻢ ﻭﻫﻲ ﺗﻔﺘﺢ ﺍﻟﺒﺎﺏ: ﺍﻧﺴﻲ ﻳﺎ ﺃﻣﻮﺭ ﺳﻼﻡ ﻭﻣﻦ ﺛﻢ ﺃﻏﻠﻘﺖ ﺍﻟﺒﺎﺏ ﺗﺎﺭﻛﺎ ﺗﺎﻣﺮ ﻳﺘﺤﺴﺮ ﻭﻫﻨﺎ ﺗﻀﺤﻚ ﺑﺸﺪﻩ ﻋﻠﻴﻬﻤﺎ ﻓﻲ ﺣﻴﻦ ﻗﺎﻝ ﺗﺎﻣﺮ:
- ﺑﺘﻀﺤﻜﻲ ﻋﻠﻲ ﺍﻳﻪ ﻳﺎ ﻫﻨﺎ ﻣﻠﺤﻘﺘﺶ ﺃﺗﻬﻨﻲ ﺑﺎﻟﺰﻻﺑﻴﻪ ﻋﺎﺟﺒﻚ ﻛﺪﻩ ﺍﻩ ﻳﺎ ﻣﻔﺘﺮﻳﻪ ﻳﺎﻣﺮﻳﻢ.

ﺃﻣﺴﻜﺖ ﻫﻨﺎ ﺑﻜﻒ ﻳﺪﻩ ﻭﻗﺎﻟﺖ ﺑﺮﻗﻪ: ﻣﻌﻠﺶ ﻳﺎﺣﺒﻴﺒﻲ ﻫﻌﻤﻠﻚ ﺃﺣﺴﻦ ﻣﻦ ﺍﻟﻲ ﺧﺪﺗﻪ ﻣﺘﺰﻋﻠﺶ
ﺗﻨﻬﺪﺕ ﺗﺎﻣﺮ ﺑﺤﺮﺍﺭﻩ وﻗﺎﻝ ﻫﺎﻣﺴﺎً: ﻣﻴﻨﻔﻌﺶ ﺃﺯﻋﻞ ﻃﻮﻝ ﻣﺎ ﺃﻧﺘﻲ ﺟﻨﺒﻲ ﻭﻣﻌﺎﻳﺎ.

ﻣﺮ ﺃﺳﺒﻮﻉ ﻋﻠﻲ ﺃﺑﻄﺎﻟﻨﺎ ﻛﺎﻧﺖ ﺍﻟﺤﻴﺎﻩ ﻣﺴﺘﻘﺮﻩ ﻟﻠﺠﻤﻴﻊ ﻭﺍﻷﺧﺺ ﺗﺎﻣﺮ ﻭﻫﻨﺎ ﻳﺴﻮﺩ ﺍﻟﺤﺐ ﺑﻴﻨﻬﻤﺎ، ﻳﺘﺸﺎﺟﺮﺍ ﻷﺑﺴﻂ ﺍﻷﺳﺒﺎﺏ ﺛﻢ ﻳﺘﺼﺎﻟﺤﺎ ﻓﻲ ﻟﻤﺢ ﺍﻟﺒﺼﺮ ﻟﻢ ﻳﺘﺤﻤﻞ ﺗﺎﻣﺮ ﺧﺼﺎﻣﻬﺎ ﻭﻻ ﻏﻀﺒﻬﺎ ﻓﻬﻲ ﻣﻦ ﺗﻨﻴﺮ ﺣﻴﺎﺗﻪ ﻭﺗﺠﻌﻞ ﻟﻬﺎ ﻟﻮﻥ ﻭﻛﺬﻟﻚ ﻫﻲ ﻟﻢ ﺗﻘﺪﺭ ﻋﻠﻲ ﺑﻌﺪﻩ ﻓﻬﻮ ﻗﺪ ﻳﻜﻮﻥ ﻟﻬﺎ ﺍﻷﺏ ﻭﺍﻟﺰﻭﺝ ﻭﺍﻟﺤﺒﻴﺐ ﺑﺈﺧﺘﺼﺎﺭ ﻫﻮ ﺍﻟﺪﻧﻴﺎ ﻭﻣﺎ ﻓﻴﻬﺎ...
ﺇﺳﺘﻴﻘﻆ ﻋﻠﻲ ﺻﻮﺗﻬﺎ ﺍﻟﻬﺎﻣﺲ ﺍﻟﺮﻗﻴﻖ ﻭﻫﻲ ﺗﺪﺍﻋﺐ ﺧﺼﻼﺕ ﺷﻌﺮﻩ ﻭﺗﻘﻮﻝ:
- ﺗﻴﻤﻮ ﺣﺒﻴﺒﻲ ﻳﻼ ﻗﻮﻡ.

ﺗﻤﻄﻊ ﺑﻜﺴﻞ ﻭﻓﺘﺢ ﻋﻴﻨﺎﻩ ﺑﺒﻄﺊ ﻟﻴﺒﺘﺴﻢ ﻟﻬﺎ ﻋﻠﻲ ﺍﻟﻔﻮﺭ ﻗﺎﺋﻼ:
- ﺻﺒﺎﺡ ﺍﻟﻬﻨﺎ ﻳﺎ ﺭﻭﺣﻲ ﺃﻧﺎ
ﺇﺣﻤﺮ ﻭﺟﻬﻬﺎ ﺧﺠﻼ ﻭﺗﺎﺑﻌﺖ ﺑﺮﻗﻪ:
- ﻫﺘﻨﺰﻝ ﺍﻟﺸﻐﻞ ﺍﻟﻨﻬﺎﺭﺩﻩ
ﺃﻭﻣﺄ ﺑﺮﺃﺳﻪ ﻗﺎﺋﻼ ﻭﻫﻮ ﻳﺤﺪﻕ ﺑﻌﻴﻨﻴﻬﺎ ﺍﻟﺒﻨﺪﻗﻴﻪ:
- ﺃﻳﻮﻩ ﻳﺎﻧﻮﻧﺘﻲ ﺧﻼﺹ ﻛﻔﺎﻳﻪ ﻛﺪﻩ
ﻋﻘﺪﺕ ﻣﺎ ﺑﻴﻦ ﺣﺎﺟﺒﻴﻬﺎ ﻗﺎﺋﻠﻪ ﺑﺘﺬﻣﺮ:
- ﻳﻌﻨﻲ ﻫﺘﺴﻴﺒﻨﻲ ﻭﺣﺪﻱ! ﺃﻧﺎ ﺃﺧﺪﺕ ﺇﻧﻚ ﺗﻌﺪ ﻣﻌﺎﻳﺎ ﻣﺶ ﻫﻌﺮﻑ ﺃﻋﺪ ﻟﻮﺣﺪﻱ
ﺇﺑﺘﺴﻢ ﻗﺎﺋﻼ ﻭﻫﻮ ﻳﻨﻬﺾ ﻋﻦ ﺍﻟﻔﺮﺍﺵ:
- ﺑﻘﺎﻟﻲ ﺃﺳﺒﻮﻉ ﻣﻌﺎﻛﻲ ﻳﺎ ﻫﻨﺎ ﻻﺯﻡ ﺃﺷﻮﻑ ﺷﻐﻠﻲ ﻭﺃﺗﺎﺑﻊ ﺍﻟﻌﻤﺎﻝ.

ﻧﻬﻀﺖ ﺧﻠﻔﻪ ﻟﺘﻘﻮﻝ ﺑﻬﺪﻭﺀ: ﻃﻴﺐ ﻳﺎﺗﻴﻤﻮ ﺃﻧﺎ ﻫﺤﻀﺮﻟﻚ ﺍﻟﻔﻄﺎﺭ ﻋﻠﻲ ﻣﺎ ﺗﻜﻮﻥ ﺧﻠﺼﺖ ﻭﺃﺧﺪﺕ ﺍﻟﺸﻮﺭ ﺑﺘﺎﻋﻚ ﻭﻛﺪﻩ
ﻭﻗﻔﺖ ﻧﺠﺎﺡ ﻓﻲ ﻣﻄﺒﺦ ﻣﻨﺰﻟﻬﺎ ﺗُﻌﺪ ﻭﺟﺒﻪ ﺍﻹﻓﻄﺎﺭ ﻓﻴﻤﺎ ﻗﺎﻟﺖ ﺑﻠﻬﺠﻪ ﺁﻣﺮﻩ ﻭﻫﻲ ﺗﺤﺪﻕ ﺑﻨﻈﺮﺍﺕ ﻧﺎﺭﻳﻪ ﻓﻲ ﺯﻭﺟﺔ ﺇﺑﻨﻬﺎ:
- ﺻﺤﻴﺘﻲ ﺟﻮﺯﻙ ﻋﺸﺎﻥ ﻳﻔﻄﺮ ﻣﻌﺎﻧﺎ؟
ﺗﺤﺪﺛﺖ ﻧﺪﻱ ﺑﻬﺪﻭﺀ ؛:
- ﻻ ﻟﺴﻪ ﻫﺼﺤﻴﻪ
ﺗﺤﺪﺛﺖ ﻧﺠﺎﺡ ﺑﺼﺮﺍﻣﻪ: ﻃﺐ ﺃﻣﺸﻲ ﺭﻭﺣﻲ ﺻﺤﻴﻪ ﻋﺸﺎﻥ ﻳﻌﺪ ﻣﻊ ﺍﺑﻦ ﺧﺎﻟﺘﻪ
ﻋﻘﺪﺕ ﺣﺎﺟﺒﻴﻬﺎ ﻟﺘﻘﻮﻝ ﺑ ﺇﺳﺘﻐﺮﺍﺏ:
ﺗﺎﻣﺮ؟ ﻫﻤﺎ ﺗﺎﻣﺮ ﻭﻫﻨﺎ ﻫﻴﻔﻄﺮﻭﺍ ﻣﻌﺎﻧﺎ.

ﻧﻬﺮﺗﻬﺎ ﻧﺠﺎﺡ ﻭﻫﻲ ﺗﻘﻮﻝ: ﺃﻧﺘﻲ ﻣﺎﻟﻚ ﺃﻧﺘﻲ ﺗﻌﻤﻠﻲ ﺍﻟﻲ ﺑﻘﻮﻟﻚ ﻋﻠﻴﻪ ﻭﺑﺲ ﻣﺘﺴﺄﻟﻴﺶ ﻓﻲ ﺃﻱ ﺣﺎﺟﻪ ﻓﺎﻫﻤﻪ
ﺗﻨﻬﺪﺕ ﻧﺪﻱ ﻭﺇﺑﺘﻠﻌﺖ ﺭﻳﻘﻬﺎ ﺑﻤﺮﺍﺭﻩ ﻟﺘﺒﻠﺘﻊ ﻣﻌﻪ ﺗﻠﻚ ﺍﻹﻫﺎﻧﻪ ﻣﻦ ﺗﻠﻚ ﺍﻟﻮﻗﺤﻪ ﺍﻟﺘﻲ ﺩﻭﻣﺎ ﺗُﻌﺎﻣﻠﻬﺎ ﺑﻔﻈﺎﻇﻪ ﻭﻣﻦ ﺛﻢ ﺇﺗﺠﻬﺖ ﺇﻟﻲ ﺍﻟﺨﺎﺭﺝ ﻣﺘﺠﻬﻪ ﺇﻟﻲ ﺷﻘﺘﻬﺎ ﻭﺩﻟﻔﺖ ﻭﺳﺎﺭﺕ ﺑﻬﺪﻭﺀ ﻭﻫﻲ ﺗﺤﺒﺲ ﺗﻠﻚ ﺍﻟﺪﻣﻮﻉ ﺍﻟﺘﻲ ﺃﺑﺖ ﻋﻠﻲ ﺍﻟﻨﺰﻭﻝ ﻓﻴﻤﺎ ﺩﻟﻔﺖ ﺇﻟﻲ ﺍﻟﻐﺮﻓﻪ ﻟﺘﻮﻗﻆ ﺯﻭﺟﻬﺎ ﺍﻟﻐﺎﺭﻕ ﻓﻲ ﻧﻮﻣﻪ ﺇﻗﺘﺮﺑﺖ ﺛﻢ ﺟﻠﺴﺖ ﺟﻮﺍﺭﻩ ﻟﺘﻘﻮﻝ:
ﻋﻤﺮﻭ ﻋﻤﺮﻭ ﻗﻮﻡ
ﻓﺘﺢ ﻋﻤﺮﻭ ﻋﻴﻨﺎﻩ ﺑﺒﻄﺊ ﺛﻢ ﻗﺎﻝ ﺑﻜﺴﻞ:.

- ﺃﻳﻮﻩ ﻳﺎﻧﺪﻱ ﺑﺘﺼﺤﻴﻨﻲ ﻟﻴﻪ ﺑﺲ
ﺗﺤﺪﺛﺖ ﻧﺪﻱ ﺑﻨﺒﺮﻩ ﺣﺰﻳﻨﻪ ﻭﻫﻲ ﺗﻘﻮﻝ:
- ﻣﺎﻣﺘﻚ ﻗﺎﻟﺘﻠﻲ ﺃﺻﺤﻴﻚ ﻋﺸﺎﻥ ﺗﻔﻄﺮ ﻣﻌﺎﻧﺎ
ﻧﻬﺾ ﻋﻤﺮﻭ ﺟﺎﻟﺴﺎً ﻋﻠﻲ ﺍﻟﻔﺮﺍﺵ ﻗﺎﺋﻼ ﺑﺤﻨﻖ: ﺃﻭﻭﻑ ﺣﺘﻲ ﻳﻮﻡ ﺍﻷﺟﺎﺯﻩ ﻣﺶ ﻣﺘﻬﻨﻲ ﻋﻠﻴﻪ ﻳﺎﺭﺑﻲ، ﺻﻤﺖ ﻟﺒﺮﻫﻪ ﻟﻴﻨﻈﺮ ﺇﻟﻲ ﺯﻭﺟﺘﻪ ﺍﻟﺘﻲ ﺗﻜﻮﻥ ﻣﻼﻣﺤﻬﺎ ﺣﺰﻳﻨﻪ ﺩﻭﻣﺎً ﻭﻻ ﺗﺸﻜﻲ ﺃﺑﺪﺍً ﺇﻗﺘﺮﺏ ﻟﻴﻘﻮﻝ ﺑﺘﺴﺎﺅﻝ: ﻣﺎﻟﻚ ﻳﺎﻧﺪﻱ ﻓﻲ ﺇﻳﻪ؟
ﺇﺑﺘﻠﻌﺖ ﺭﻳﻘﻬﺎ ﻛﻲ ﻻ ﺗﻨﻬﻤﺮ ﺩﻣﻮﻋﻬﺎ ﺑﻐﺰﺍﺭﻩ ﻭﻗﺎﻟﺖ ﺑﺘﻤﺎﺳﻚ: ﻣﻔﻴﺶ ﺣﺎﺟﻪ ﻳﺎ ﻋﻤﺮﻭ
ﻋﻘﺪ ﺣﺎﺟﺒﻴﻪ ﻭﺗﺎﺑﻊ ﻗﺎﺋﻼ: ﻫﻲ ﻣﺎﻣﺎ ﻋﻤﻠﺘﻠﻚ ﺣﺎﺟﻪ ﺗﺎﻧﻲ؟

ﺣﺮﻛﺖ ﺭﺃﺳﻬﺎ ﺑﺎﻟﻨﻔﻲ ﻗﺎﺋﻠﻪ: ﻻ ﺃﺑﺪﺍ ﺃﻧﺎ ﺑﺲ ﻣﺼﺪﻋﻪ ﺷﻮﻳﻪ ﺃﻧﺎ ﻫﻘﻮﻡ ﺃﺷﻮﻑ ﺯﻳﻨﻪ ﺑﺘﻌﻤﻞ ﺍﻳﻪ
ﺃﻣﺴﻚ ﻋﻤﺮﻭ ﺑﻜﻒ ﻳﺪﻫﺎ ﻭﻫﻮ ﻳﻘﻮﻝ ﺑﺄﺳﻒ:
- ﻧﺪﻱ ﺣﺒﻴﺒﺘﻲ ﻣﺘﺰﻋﻠﻴﺶ ﻣﻨﻬﺎ ﺃﻧﺘﻲ ﻋﺎﺭﻓﻪ ﺇﻧﻬﺎ ﺩﻳﻤﺎ ﻛﺪﻩ ﻭﺃﻧﺎ ﻣﺶ ﻋﺎﺭﻑ ﺃﻋﻤﻞ ﺣﺎﺟﻪ ﻣﻌﺎﻫﺎ ﻫﻲ ﺃﻣﻲ ﻭﺃﻧﺎ ﻣﻘﺪﺭﺵ ﺃﺗﻄﺎﻭﻝ ﻋﻠﻴﻬﺎ ﻟﻜﻦ ﺃﻧﺎ ﻋﺎﺭﻑ ﺇﻧﻬﺎ ﺑﺘﻌﺎﻣﻠﻚ ﻭﺣﺶ ﻭﺣﺎﺳﺲ ﺑﻴﻜﻲ ﻳﺎﺣﺒﻴﺒﺘﻲ ﻋﺸﺎﻥ ﺧﺎﻃﺮﻱ ﻣﺘﺰﻋﻠﻴﺶ
ﺇﺑﺘﺴﻤﺖ ﻟﻪ ﻗﺎﺋﻠﻪ: ﻻ ﻣﺶ ﺯﻋﻼﻧﻪ ﻳﺎﺣﺒﻴﺒﻲ ﻣﺘﺸﻐﻠﺶ ﺑﺎﻟﻚ ﺑﻴﺎ.

ﺭﻓﻊ ﻛﻒ ﻳﺪﻫﺎ ﺇﻟﻲ ﻓﻤﻪ ﻳﻘﺒﻠﻪ ﺑﻬﺪﻭﺀ ﻭﻗﺎﻝ: ﺃﻧﺘﻲ ﻃﻴﺒﻪ ﺃﻭﻱ ﻳﺎﻧﺪﻱ ﻭﺃﻧﺎ ﺑﻤﻮﺕ ﻓﻴﻜﻲ
ﺭﺑتﺖ ﻋﻠﻲ ﻳﺪﻩ ﻟﺘﻘﻮﻝ ﺑﺤﺐ: ﻭﺃﻧﺎ ﻛﻤﺎﻥ ﺑﻤﻮﺕ ﻓﻴﻚ...
ﺩﻟﻔﺖ ﻧﺴﻤﻪ ﺇﻟﻲ ﺍﻟﻤﻄﺒﺦ ﺛﻢ ﻗﺎﻟﺖ ﺑﺎﺳﺘﻐﺮﺍﺏ:
ﺍﻳﻪ ﻳﺎﻣﺎﻣﺎ ﺃﻧﺘﻲ ﺑﻨﻔﺴﻚ ﺑﺘﻌﻤﻠﻲ ﺍﻷﻛﻞ
ﺃﻭﻣﺄﺕ ﻧﺠﺎﺡ ﺑﺮﺃﺳﻬﺎ ﻗﺎﺋﻠﻪ: ﺃﻩ ﺃﺻﻞ ﻋﺎﺯﻣﻪ ﺍﻟﻤﺤﺮﻭﺱ ﻭﻣﺮﺍﺗﻪ ﻋﻠﻲ ﺍﻟﻔﻄﺎﺭ
ﻟﻮﺕ ﻓﻤﻬﺎ ﻟﺘﻘﻮﻝ ﺑﺎﻋﺘﺮﺍﺽ: ﻟﻴﻪ ﻻ ﺍﻟﺒﺖ ﺩﻱ ﻣﺘﺪﺧﻠﺶ ﻫﻨﺎ ﺃﺑﺪﺍ
ﻧﻈﺮﺕ ﻟﻬﺎ ﻧﻈﺮﺍﺕ ﺫﺍﺕ ﻣﻌﻨﻲ ﻭﻗﺎﻟﺖ:.

- ﺃﺳﻜﺘﻲ ﻳﺎﺑﺖ ﺳﺒﻴﻨﻲ ﺃﺗﺼﺮﻑ ﻭﺇﺧﺮﺳﻲ ﺇﻧﺘﻲ ﻭﺷﻮﻓﻲ ﺃﻧﺎ ﻫﻌﻤﻠﻚ ﻓﻴﻬﺎ ﺍﻳﻪ ﺑﺲ ﻟﻤﺎ ﻳﺮﻭﺡ ﺍﻟﺸﻐﻞ
ﺇﺑﺘﺴﻤﺖ ﺑﺤﻘﺪ ﻭﺗﺎﺑﻌﺖ ﻗﺎﺋﻠﻪ: ﻫﺘﻌﻤﻠﻲ ﺍﻳﻪ ﻳﺎﻣﺎﻣﺎ
ﺑﺎﺩﻟﺘﻬﺎ ﻧﻔﺲ ﺍﻟﻨﻈﺮﻩ ﻭﻗﺎﻟﺖ ﺑﺘﻮﻋﺪ: ﺑﺲ ﻟﻤﺎ ﻳﺮﻭﺡ ﺍﻟﺸﻐﻞ ﻫﺘﺸﻮﻓﻲ
ﺃﻭﻣﺄﺕ ﺑﺮﺃﺳﻬﺎ ﻭﻗﺪ ﺷﻌﺮﺕ ﺑﺎﻻﺭﺗﻴﺎﺡ ﻭﺣﺪﻗﺖ ﺑﺘﻮﻋﺪ ﻓﻲ ﺍﻟﻔﺮﺍﻍ.

ﺇﻧﺘﻬﻲ ﺗﺎﻣﺮ ﻣﻦ ﺇﺭﺗﺪﺍﺀ ﻣﻼﺑﺴﻪ ﺑﻌﺪ ﺃﻥ ﺻﻠﻲ ﺍﻟﻀﺤﻲ ﻭﻛﺎﺩ ﺃﻥ ﻳﺠﻠﺲ ﻟﻴﺘﻨﺎﻭﻝ ﻭﺟﺒﺔ ﺍﻹﻓﻄﺎﺭ ﻣﻊ ﺯﻭﺟﺘﻪ ﻭﻟﻜﻦ ﺳﻤﻌﺎ ﻃﺮﻗﺎﺕ ﺍﻟﺒﺎﺏ ﻓﺘﻮﺟﻪ ﻟﻴﻔﺘﺢ ﻭﻣﺎ ﺃﻥ ﻓﺘﺢ ﺣﺘﻲ ﻭﺟﺪ ﺗﻠﻚ ﺍﻟﺼﻐﻴﺮﻩ ﻭﻫﻲ ﺗﺒﺘﺴﻢ ﻟﻪ ﻭﺗﻘﻮﻝ:
- ﻋﻤﻮ ﺗﺎﻣﺮ ﻭﺣﺸﺘﻨﻲ
ﺇﺗﺴﻌﺖ ﺇﺑﺘﺴﺎﻣﺘﻪ ﻭﻗﺪ ﺇﻧﺤﻨﻲ ﺑﺠﺴﺪﻩ ﻭﻗﺒﻠﻬﺎ ﺑﺤﻨﺎﻥ ﻭﻣﻦ ﺛﻢ ﻗﺎﻝ:
ﺣﺒﻴﺒﻪ ﻋﻤﻮ ﺗﺎﻣﺮ ﺃﻧﺘﻲ ﻭﺣﺸﺘﻴﻨﻲ ﺃﻛﺘﺮ ﻗﻮﻟﻴﻠﻲ ﻋﺎﻣﻠﻪ ﺍﻳﻪ ﺑﻘﺎ؟
ﻋﻘﺪﺕ ﻣﺎ ﺑﻴﻦ ﺣﺎﺟﺒﻴﻬﺎ ﺑﻐﻀﺐ ﻃﻔﻮﻟﻲ ﻭﻫﻲ ﺗﻘﻮﻝ:.

ﺯﻋﻼﻧﻪ ﻣﻨﻚ ﻳﺎ ﻋﻤﻮ ﻋﺸﺎﻥ ﻣﺶ ﺑﺘﺴﺄﻝ ﻋﻠﻴﺎ ﻭﻧﺴﻴﺘﻨﻲ ﻭﻣﺶ ﺑﻘﻴﺖ ﺗﻜﻠﻤﻨﻲ ﻭﺑﺘﻜﻠﻢ ﻃﻨﻂ ﻋﺮﻭﺳﺘﻚ ﺑﺲ
ﻗﻬﻘﻪ ﺗﺎﻣﺮ ﺑﺸﺪﻩ ﺛﻢ ﻗﺎﻝ ﻣﻦ ﺑﻴﻦ ﺿﺤﻜﺎﺗﻪ: ﻣﻘﺪﺭﺵ ﺃﻧﺴﺎﻛﻲ ﻳﺎﺯﻭﺯ ﺩﻩ ﺃﻧﺘﻲ ﺣﺒﻴﺒﺘﻲ ﺃﻧﺎ ﺑﺲ ﺇﻧﺸﻐﻠﺖ ﻋﻨﻚ ﺷﻮﻳﻪ ﺑﺲ ﻣﺶ ﺗﺰﻋﻠﻲ ﻫﺴﺄﻝ ﻋﻠﻴﻜﻲ ﻛﻞ ﻳﻮﻡ
ﺃﻭﻣﺄﺕ ﺍﻟﺼﻐﻴﺮﻩ ﺑﺮﺃﺳﻬﺎ ﻭﻗﺎﻟﺖ ﻣﺒﺘﺴﻤﻪ: ﻃﺐ ﻓﻴﻦ ﺍﻟﻌﺮﻭﺳﻪ ﺑﺘﺎﻋﺘﻚ ﺑﻘﺎ ﻋﺎﻭﺯﻩ ﺍﺷﻮﻓﻬﺎ ﻫﻲ ﻣﺶ ﻋﺎﻳﺰﻩ ﺗﺸﻮﻓﻨﻲ؟

ﺿﺤﻚ ﺗﺎﻣﺮ ﻗﺎﺋﻼ: ﻻ ﺍﻛﻴﺪ ﻋﺎﻭﺯﻩ ﺗﺸﻮﻓﻚ ﺗﻌﺎﻟﻲ، ﺩﻟﻒ ﺑﺼﺤﺒﺔ ﺍﻟﺼﻐﻴﺮﻩ ﻭﻣﻦ ﺛﻢ ﺃﻗﺒﻠﺖ ﻫﻨﺎ ﻋﻠﻴﻬﻤﺎ ﻓﻘﺎﻝ ﺗﺎﻣﺮ ﻣﺎﺯﺣﺎً: ﺇﻫﻲ ﻋﺮﻭﺳﺘﻲ ﺍﻟﺤﻠﻮﻩ ﺍﻳﻪ ﺭﺃﻳﻚ ﻓﻴﻬﺎ
ﺇﺑﺘﺴﻤﺖ ﺯﻳﻨﻪ ﻗﺎﺋﻠﻪ ﺑﻤﺮﺡ:
ﺍﻟﻠﻪ ﺣﻠﻮﻩ ﺃﻭﻱ ﻳﺎﻋﻤﻮ ﺗﺎﻣﺮ ﺇﺯﻳﻚ ﻳﺎﻋﺮﻭﺳﻪ
ﺿﺤﻜﺖ ﻫﻨﺎ ﻗﺎﺋﻠﻪ: ﺍﻟﺤﻤﺪﻟﻠﻪ ﻛﻮﻳﺴﻪ ﺃﻧﺘﻲ ﻋﺎﻣﻠﻪ ﺇﻳﻪ؟
ﺃﻭﻣﺄﺕ ﺑﺮﺃﺳﻬﺎ ﻗﺎﺋﻠﻪ: ﻛﻮﻳﺴﻪ ﻳﺎ ﻫﻨﺎ ﻣﺶ ﺃﻧﺘﻲ ﺍﺳﻤﻚ ﻫﻨﺎ؟
ﺇﺑﺘﺴﻤﺖ ﻫﻨﺎ ﻭﻫﻲ ﺗﻮﻣﺊ ﺑﺮﺃﺳﻬﺎ ﻗﺎﺋﻠﻪ:
ﺃﻳﻮﻩ ﻳﺎﺣﺒﻴﺒﺘﻲ ﺍﺳﻤﻲ ﻫﻨﺎ.

ﻗﺬﻓﺖ ﺍﻟﺼﻐﻴﺮﻩ ﺑﻤﺮﺡ ﻃﻔﻮﻟﻲ ﻭﻫﻲ ﺗﻘﻮﻝ: ﻫﻴﻴﻪ ﺃﻛﻴﺪ ﻫﻨﻠﻌﺐ ﻣﻊ ﺑﻌﺾ ﺻﺢ ﻳﺎ ﻫﻨﺎ
ﺃﻭﻣﺄﺕ ﻫﻨﺎ ﺑﺮﺃﺳﻬﺎ ﻗﺎﺋﻠﻪ: ﺍﻳﻮﻩ ﺻﺢ
ﺗﻨﻬﺪ ﺗﺎﻣﺮ ﻗﺎﺋﻼ ﻭﻫﻮ ﻳﺪﺍﻋﺐ ﺃﻧﻒ ﺯﻳﻨﻪ: ﻃﺐ ﻳﻼ ﺍﻳﻪ ﺭﺃﻳﻚ ﺗﻔﻄﺮﻱ ﻣﻌﺎﻧﺎ؟
ﺣﺮﻛﺖ ﺯﻳﻨﻪ ﺭﺃﺳﻬﺎ ﺑﺎﻟﻨﻔﻲ ﻗﺎﺋﻠﻪ: ﻻ ﺗﻴﺘﻪ ﺑﻌﺘﺎﻧﻲ ﺃﻗﻮﻟﻚ ﺇﻧﻚ ﺗﻴﺠﻲ ﺗﻔﻄﺮ ﻣﻌﺎﻧﺎ ﻋﺸﺎﻥ ﺑﺎﺑﺎ ﻛﻤﺎﻥ ﻫﻴﻔﻄﺮ ﻭﻣﺎﻣﺎ ﻭﻛﻠﻨﺎ
ﻋﻘﺪ ﺣﺎﺟﺒﻴﻪ ﻟﻴﻘﻮﻝ ﺑﺎﺳﺘﻐﺮﺍﺏ: ﻭﺩﻩ ﻟﻴﻪ ﻳﻌﻨﻲ ﻗﻮﻟﻠﻬﺎ ﻓﻄﺮ ﻳﺎﺯﻳﻨﻪ
- ﺑﺘﺘﻬﺮﺏ ﻟﻴﻪ ﻳﺎ ﺗﻴﻤﻮﻭﺭ ﺍﻷﻣﻮﺭ
ﻗﺎﻟﺘﻬﺎ ﻣﺮﻳﻢ ﻭﻫﻲ ﺗﺘﺠﻪ ﺇﻟﻴﻬﻢ ﺑﻤﺰﺍﺡ ﻭﺻﻴﺎﺡ ﻛﻌﺎﺩﺗﻬﺎ.

ﺻﺮ ﺗﺎﻣﺮ ﻋﻠﻲ ﺃﺳﻨﺎﻧﻪ ﻗﺎﺋﻼ: ﻭﺍﻟﻠﻪ ﻳﺎﻣﺮﻳﻢ ﺍﻟﻤﺮﻩ ﺍﻟﺠﺎﻳﻪ ﻟﻌﻠﻘﻚ ﻳﺨﺮﺑﻴﺘﻚ ﻋﻠﻲ ﻃﻮﻝ ﻓﺰﻋﺎﻧﻲ
ﻗﻬﻘﻬﺖ ﻣﺮﻳﻢ ﻗﺎﺋﻠﻪ ﻣﻦ ﺑﻴﻦ ﺿﺤﻜﺎﺗﻬﺎ: ﺁﺳﻔﻴﻦ ﻳﺎﻋﻢ ﺑﻨﻬﺮﺝ ﻣﻌﺎﻙ ﻳﻼ ﻋﺸﺎﻥ ﺃﺑﻠﺘﻚ ﻧﺠﺎﺡ ﻋﻤﻼﻟﻚ ﺍﻟﻔﻄﺎﺭ ﺍﻟﻲ ﺑﺘﺤﺒﻪ ﻭﺍﻝ ﺍﻳﻪ ﻋﺎﻳﺰﻩ ﺗﺮﺍﺿﻲ ﻫﻨﺎ ﻋﺸﺎﻥ ﺍﻟﻲ ﺣﺼﻞ ﺍﻟﻤﺮﻩ ﺍﻟﻲ ﻓﺎﺗﺖ
ﺯﻓﺮ ﺗﺎﻣﺮ ﻓﻲ ﺿﻴﻖ ﻭﺗﺎﺑﻊ ﻭﻫﻮ ﻳﻘﻮﻝ: ﺃﻧﺎ ﻣﺒﺤﺒﺶ ﺍﻟﺠﻮ ﺩﻩ ﻗﻮﻟﻠﻬﺎ ﺍﻧﻨﺎ ﻓﻄﺮﻧﺎ
ﻣﺮﻳﻢ ﺑﺎﻋﺘﺮﺍﺽ: ﻻ ﻣﻌﻠﺶ ﻣﺶ ﻫﻔﻄﺮ ﻟﻮﺣﺪﻱ ﻣﻌﺎﻫﻢ ﻳﻼ ﻳﺎﺑﺎﺑﺎ ﻳﻼ ﻳﺎ ﻫﻨﺎ ﻳﻼ ﻳﺎﺯﻭﺯﻭ ﺑﻘﺎ.

ﺑﻌﺪ ﻗﻠﻴﻞ ﺟﻠﺲ ﺍﻟﺠﻤﻴﻊ ﻋﻠﻲ ﻃﺎﻭﻟﻪ ﺍﻟﻄﻌﺎﻡ ﻓﻴﻤﺎ ﻗﺎﻝ ﻋﻤﺮﻭ ﻣﻮﺟﻬﺎً ﺣﺪﻳﺜﻪ ﻟﺘﺎﻣﺮ:
- ﺇﺯﻳﻚ ﻳﺎ ﺗﺎﻣﺮ ﺃﺧﺒﺎﺭﻙ ﺇﻳﻪ؟
ﺇﺑﺘﺴﻢ ﺗﺎﻣﺮ ﻟﻪ ﻭﺗﺎﺑﻊ ﻗﺎﺋﻼ: ﺍﻟﺤﻤﺪﻟﻠﻪ ﻛﻮﻳﺲ ﺇﻧﺖ ﺃﺧﺒﺎﺭﻙ ﺍﻳﻪ
ﺃﻭﻣﺄ ﻋﻤﺮﻭ ﺑﺮﺃﺳﻪ ﻗﺎﺋﻼ: ﺗﻤﺎﻡ ﺍﻟﺤﻤﺪﻟﻠﻪ
ﻗﺎﻃﻌﺘﻬﻢ ﺯﻳﻨﻪ ﻭﻫﻲ ﺗﻬﺘﻒ ﻗﺎﺋﻠﻪ: ﻣﺎﻣﺎ ﺷﻮﻓﺘﻲ ﻋﺮﻭﺳﻪ ﻋﻤﻮ ﺗﺎﻣﺮ ﺣﻠﻮﻩ ﺇﺯﺍﻱ؟ ﺃﻧﺎ ﻫﻠﻌﺐ ﻣﻌﺎﻫﺎ ﻋﻠﻲ ﻃﻮﻝ
ﺇﺑﺘﺴﻤﺖ ﻧﺪﻱ ﻭﻗﺎﻟﺖ: ﺍﻩ ﺷﻮﻓﺖ ﻳﺎﺣﺒﻴﺒﺘﻲ، ﺛﻢ ﻧﻈﺮﺕ ﺍﻟﻲ ﻫﻨﺎ ﻭﻗﺎﻟﺖ،
ﻧﻮﺭﺗﻴﻨﺎ ﻳﺎ ﻫﻨﺎ ﻭﺍﻟﻠﻪ
ﺇﺑﺘﺴﻤﺖ ﻫﻨﺎ ﻟﺘﻘﻮﻝ ﺑﺨﺠﻞ: ﺷﻜﺮﺍ ﺭﺑﻨﺎ ﻳﺨﻠﻴﻜﻲ.

ﺗﺎﺑﻌﺖ ﺯﻳﻨﻪ ﻭﻫﻲ ﺗﻘﻮﻝ: ﻛﻠﻲ ﺑﻘﺎ ﻳﺎ ﻫﻨﺎ
ﺗﺤﺪﺛﺖ ﻧﺪﻱ ﻗﺎﺋﻠﻪ ﺑﺠﺪﻳﻪ:
ﺯﻳﻨﻪ ﺍﺳﻤﻬﺎ ﻃﻨﻂ ﻫﻨﺎ ﻋﻴﺐ ﻛﺪﻩ
ﺗﺤﺪﺛﺖ ﻫﻨﺎ ﺳﺮﻳﻌﺎ ﻟﺘﻘﻮﻝ ﺑﺨﻔﻮﺕ: ﻻﻻ ﻋﺎﺩﻱ ﺧﻠﻴﻬﺎ ﺑﺮﺍﺣﺘﻬﺎ
ﻫﺘﻔﺖ ﺯﻳﻨﻪ ﺑﺴﻌﺎﺩﻩ ﻭﻗﺎﻟﺖ: ﻫﻴﻴﻪ ﻋﺮﻭﺳﺘﻚ ﻋﺴﻮﻟﻪ ﺍﻭﻱ ﻳﺎﻋﻤﻮ ﺗﺎﻣﺮ
ﺿﺤﻚ ﺗﺎﻣﺮ ﻓﻴﻤﺎ ﻗﺎﻟﺖ ﻧﺠﺎﺡ ﺑﻬﺪﻭﺀ: ﺍﺗﻔﻀﻠﻮﺍ ﻛﻠﻮﺍ ﺑﻘﻲ ﻛﻠﻲ ﻳﺎ ﻫﻨﺎ ﻣﺘﻜﺴﻔﻴﺶ ﺃﻧﺘﻲ ﻣﻜﺴﻮﻓﻪ ﻭﻻ ﺍﻳﻪ.

ﺣﺮﻛﺖ ﻫﻨﺎ ﺭﺃﺳﻬﺎ ﺑﺎﻟﻨﻔﻲ ﺩﻭﻥ ﺃﻥ ﺗﺘﻔﻮﻩ ﻭﻧﻈﺮﺕ ﺇﻟﻲ ﻧﺴﻤﻪ ﺍﻟﺘﻲ ﻛﺎﻧﺖ ﺗﺤﺪﻕ ﺑﻬﺎ ﺑﺸﺮﺍﺳﻪ ﺛﻢ ﻧﻈﺮﺕ ﺇﻟﻲ ﺍﻟﻄﻌﺎﻡ ﺳﺮﻳﻌﺎً ﻣﺘﺤﺎﺷﻴﻪ ﺍﻟﻨﻈﺮ ﺇﻟﻴﻬﺎ ﻓﻴﻤﺎ ﻗﺎﻟﺖ ﻧﺠﺎﺡ:
ﻣﻌﻠﺶ ﻋﻠﻲ ﺍﻟﻲ ﺣﺼﻞ ﺍﻟﻤﺮﻩ ﺍﻟﻲ ﻓﺎﺗﺖ ﺑﻘﻲ ﻣﺘﺰﻋﻠﻴﺶ ﺩﻩ ﺇﻧﺘﻮﺍ ﺍﺧﻮﺍﺕ ﻭﻳﺎﻣﺎ ﺑﻴﺤﺼﻞ ﺑﻴﻦ ﺍﻟﻲ ﺍﻷﺧﻮﺍﺕ
ﻗﺎﻃﻌﻬﺎ ﺗﺎﻣﺮ ﻭﻫﻮ ﻳﻘﻮﻝ ﺑﺤﺰﻡ: ﺣﺼﻞ ﺧﻴﺮ ﻳﻼ ﻳﺎ ﻫﻨﺎ ﻛﻠﻲ
ﺃﻭﻣﺄﺕ ﻫﻨﺎ ﺑﺮﺃﺳﻬﺎ ﻭﺑﺪﺃﺕ ﻓﻲ ﺗﻨﺎﻭﻝ ﺍﻟﻄﻌﺎﻡ ﻭﺑﺪﺃ ﺍﻟﺠﻤﻴﻊ ﺃﻳﻀﺎ ﻭﻓﻲ ﺣﻴﻦ ﺻﺮﺕ ﻧﺠﺎﺡ ﻋﻠﻲ ﺃﺳﻨﺎﻧﻬﺎ ﺑﻐﻞ ﻭﺗﺤﺪﺛﺖ ﻟﺘﻘﻮﻝ ﺑﺼﻮﺕ ﻋﺎﻝِ:.

- ﻓﻴﻦ ﺍﻟﺒﻄﺎﻃﺲ ﺍﻟﻲ ﺣﻤﺮﺗﻬﺎ ﻫﻮ ﺃﻧﺎ ﻣﺶ ﻗﻮﻟﺘﻠﻚ ﺗﺠﺒﻴﻬﺎ ﻳﺎﻟﻠﻲ ﻣﺎ ﺗﺴﻤﻲ ﺃﻧﺘﻲ؟
ﺻُﺪﻡ ﺍﻟﺠﻤﻴﻊ ﻣﻦ ﺗﻠﻚ ﺍﻟﻮﻗﺎﺣﻪ ﺍﻟﻤﺘﻨﺎﻫﻴﻪ ﻓﻲ ﺣﺪﻳﺜﻬﺎ ﺑﻴﻨﻤﺎ ﻧﻬﻀﺖ ﻧﺪﻱ ﻭﻗﺪ ﺇﻧﺴﺎﺑﺖ ﺍﻟﻌﺒﺮﺍﺕ ﻣﻦ ﻋﻴﻨﻴﻬﺎ ﻟﺘﻘﻮﻝ ﺑﺄﻟﻢ: ﻧﺴﻴﺖ ﺃﺟﻴﺒﻬﺎ، ﻭﺗﺤﺮﻛﺖ ﺳﺮﻳﻌﺎً ﻣﻦ ﺃﻣﺎﻣﻬﻢ ﻓﻴﻤﺎ ﻛﺎﺩﺕ ﻫﻨﺎ ﺃﻥ ﺗﻨﻬﺾ ﻫﻲ ﺍﻷﺧﺮﻱ ﺧﻠﻒ ﺗﻠﻚ ﺍﻟﻤﺴﻜﻴﻨﻪ ﻟﺘﻬﻮﻥ ﻋﻠﻴﻬﺎ ﻭﻟﻜﻦ ﺃﻭﻗﻔﻬﺎ ﺗﺎﻣﺮ ﻭﻫﻮ ﻳﻘﻮﻝ ﺑﺠﺪﻳﻪ: ﺃﻋﺪﻱ ﻣﻜﺎﻧﻚ ﻳﺎ ﻫﻨﺎ
ﻧﻈﺮﺕ ﻫﻨﺎ ﻟﻪ ﻟﺘﻘﻮﻝ ﺳﺮﻳﻌﺎ: ﻟﻴﻪ..
ﺗﺎﻣﺮ ﻣﻘﺎﻃﻌﺎً ﺣﺪﻳﺜﻬﺎ: ﺳﻤﻌﺘﻴﻨﻲ ﻳﺎ ﻫﻨﺎ ﻗﻮﻟﺖ ﺍﻳﻪ!

ﺻﻤﺘﺖ ﻫﻨﺎ ﺑﻴﻨﻤﺎ ﻧﻬﺾ ﻋﻤﺮﻭ ﻗﺎﺋﻼ ﺑﺤﺰﻡ: ﺇﻧﺘﻲ ﺯﻭﺩﺗﻴﻬﺎ ﺃﻭﻱ ﻳﺎﻣﺎﻣﺎ ﺃﻗﺴﻢ ﺑﺎﻟﻠﻪ ﻟﻮﻻ ﺇﻧﻲ ﺑﺨﺎﻑ ﻣﻦ ﺭﺑﻨﺎ ﻟﻜﻦ ﺑﻘﻲ ﻟﻴﺎ ﻣﻌﺎﻛﻲ ﺗﺼﺮﻑ ﺗﺎﻧﻲ
ﻫﺒﺖ ﻧﺠﺎﺡ ﻭﺍﻗﻔﻪ ﻫﻲ ﺍﻵﺧﺮﻱ ﻗﺎﺋﻠﻪ ﺑﺸﺮﺍﺳﻪ: ﺃﻧﺖ ﺑﺘﻜﻠﻤﻨﻲ ﻛﺪﻩ ﻋﺸﺎﻥ ﺧﺎﻃﺮ ﻣﺮﺍﺗﻚ ﻳﺎ ﻋﻤﺮﻭ؟
ﺻﺮ ﻋﻤﺮﻭ ﻋﻠﻲ ﺃﺳﻨﺎﻧﻪ ﻗﺎﺋﻼ: ﺇﺗﻘﻲ ﺍﻟﻠﻪ ﺷﻮﻳﻪ ﻓﻴﻨﺎ ﻭﻓﻲ ﻧﻔﺴﻚ ﺣﺮﺍﻡ ﻋﻠﻴﻜﻲ ﺑﻘﺎ، ﺛﻢ ﺧﺮﺝ ﺑﻌﺪ ﺃﻥ ﺃﺧﺬ ﻓﻲ ﻳﺪﻩ ﺇﺑﻨﺘﻪ ﻭﺯﻭﺟﺘﻪ...
ﺟﻠﺴﺖ ﻧﺠﺎﺡ ﺗﻠﺘﻘﻂ ﺃﻧﻔﺎﺳﻬﺎ ﺑﻴﻨﻤﺎ ﻧﻬﺾ ﺗﺎﻣﺮ ﻭﻫﻮ ﻳﻘﻮﻝ ﺑﺠﺪﻳﻪ: ﻳﻼ ﻳﺎ ﻫﻨﺎ ﻗﻮﻣﻲ.

ﻧﻈﺮﺕ ﻟﻪ ﻧﺠﺎﺡ ﻭﻗﺎﻟﺖ: ﺍﻳﻪ ﺃﻧﺖ ﻣﻜﻠﺘﺶ
ﺭﻣﻘﻬﺎ ﺗﺎﻣﺮ ﺑﻨﻈﺮﺍﺕ ﺣﺎﺩﻩ ﺳﺎﺧﻄﻪ ﻭﻣﻦ ﺛﻢ ﻗﺎﻝ:
ﻣﺶ ﻋﺎﻳﺰ...
ﺗﻮﺟﻪ ﺇﻟﻲ ﺍﻟﺨﺎﺭﺝ ﺑﺼﺤﺒﺔ ﺯﻭﺟﺘﻪ ﺍﻟﺘﻲ ﻛﺎﻧﺖ ﻋﺎﺑﺴﻪ ﺑﻮﺟﻬﻬﺎ ﻭﺩﻟﻔﺖ ﺇﻟﻲ ﻣﻨﺰﻟﻬﻤﺎ ﺳﺮﻳﻌﺎ ﻓﻠﺤﻖ ﺑﻬﺎ ﺗﺎﻣﺮ ﻭﻫﻮ ﻳﻬﺘﻒ ﺑﺈﺳﻤﻬﺎ: ﻫﻨﺎ!
ﻟﻢ ﺗﺠﻴﺐ ﻋﻠﻴﻪ ﺑﻞ ﺳﺎﺭﺕ ﺇﻟﻲ ﺍﻟﺪﺍﺧﻞ ﻓﺄﺳﺮﻉ ﻟﻴﺠﺬﺑﻬﺎ ﻣﻦ ﺫﺭﺍﻋﻬﺎ ﻗﺎﺋﻼ ﺑﻌﺼﺒﻴﻪ: ﻣﺒﺘﺮﺩﻳﺶ ﻋﻠﻴﺎ ﻟﻴﻪ ﻫﻮ ﺃﻧﺎ ﻣﺶ ﺑﻜﻠﻤﻚ ﻳﺎ ﻫﻨﺎ!
ﺣﺪﻗﺖ ﺑﻪ ﺑﺼﻤﺖ ﻣﻤﺎ ﺟﻌﻞ ﺗﺎﻣﺮ ﻳﻐﻀﺐ ﺃﻛﺜﺮ ﻭﻗﺎﻝ:
ﺭﺩﻱ ﻋﻠﻴﺎ ﻋﺸﺎﻥ ﻣﺘﻌﺼﺒﻨﻴﺶ ﻭﺗﺮﺟﻌﻲ ﺗﺰﻋﻠﻲ ﻣﺎﺷﻲ؟

ﺗﺤﺪﺛﺖ ﺑﻨﺒﺮﻩ ﻏﺎﺿﺒﻪ ﻭﻗﺎﻟﺖ: ﻣﺶ ﻫﺮﺩ ﻋﻠﻴﻚ ﻋﺸﺎﻥ ﺯﻋﻼﻧﻪ ﻣﻨﻚ ﺧﻼﺹ
ﺗﺄﻣﻞ ﻭﺟﻬﻬﺎ ﻭﻫﻮ ﻳﻘﻮﻝ ﺑﻬﺪﻭﺀ: ﻟﻴﻪ ﻋﻤﻠﺘﻠﻚ ﺍﻳﻪ؟
ﺗﻨﻬﺪﺕ ﻗﺎﺋﻠﻪ ﻭﻗﺪ ﺇﻧﻌﻘﺪ ﻣﺎ ﺑﻴﻦ ﺣﺎﺟﺒﻴﻬﺎ:
- ﺯﻋﻘﺘﻠﻲ ﻭﻗﻮﻟﺘﻠﻲ ﺍﻋﺪﻱ ﻣﻜﺎﻧﻚ ﻳﺎ ﻫﻨﺎ ﻭﺃﻧﺎ ﻛﻨﺖ ﻋﺎﻳﺰﻩ ﺃﺭﻭﺡ ﺃﻃﺒﻄﺐ ﻋﻠﻲ ﻧﺪﻱ ﻟﻴﻪ ﻣﻨﻌﺘﻨﻲ ﺃﺭﻭﺣﻠﻬﺎ
ﺗﻨﻬﺪ ﺗﺎﻣﺮ ﻭﻣﻦ ﺛﻢ ﻗﺎﻝ ﺑﻬﺪﻭﺀ:
- ﻋﺸﺎﻥ ﻣﻠﻨﺎﺵ ﺩﻋﻮﻩ ﻣﺶ ﻋﺎﻳﺰﻙ ﺗﺘﻌﻤﻘﻲ ﻣﻌﺎﻫﻢ ﺧﻠﻴﻜﻲ ﺑﻌﻴﺪ ﻋﺸﺎﻥ ﻣﻴﺤﺼﻠﺶ ﺍﻱ ﻣﺸﻜﻠﻪ ﻭﺣﺪ ﻳﺰﻋﻠﻚ ﻭﺃﻧﺎ ﻣﺶ ﻣﻮﺟﻮﺩ
ﺗﺤﺪﺛﺖ ﻫﻨﺎ ﻗﺎﺋﻠﻪ:.

- ﻃﺐ ﻭﻧﺪﻱ ﻣﺎﻟﻬﺎ ﻫﻲ ﻛﻮﻳﺴﻪ ﻣﺶ ﺯﻳﻬﻢ ﻟﻴﻪ ﻛﺪﻩ ﻳﻌﻨﻲ
ﺗﺎﻣﺮ ﺑﻨﻔﺎﺫ ﺻﺒﺮ: ﻫﻨﺎ ﺃﻧﺎ ﺃﺩﺭﻱ ﻭﻛﻼﻣﻲ ﻳﺘﺴﻤﻊ ﻭﺧﻼﺹ ﻣﻔﻬﻮﻡ ﻭﻻ ﻻ؟
ﺭﻣﻘﺘﻪ ﻫﻨﺎ ﺑﻐﻴﻆ ﺛﻢ ﻗﺎﻟﺖ ﺑﺎﻋﺘﺮﺍﺽ: ﻻ ﻣﺶ ﻣﻔﻬﻮﻡ ﻣﺶ ﻫﻴﺘﺴﻤﻊ ﻣﺶ ﻛﻞ ﺣﺎﺟﻪ ﺗﺤﻜﻢ ﺭﺃﻳﻚ ﻛﺪﻩ ﻣﻦ ﻏﻴﺮ ﻣﺎ ﺍﻓﻬﻢ ﻧﺪﻱ ﻛﻮﻳﺴﻪ ﻭﺍﻧﺎ ﺣﺒﻴﺘﻬﺎ ﻓﻴﻬﺎ ﺍﻳﻪ ﺑﻘﺎ ﻟﻤﺎ ﺃﻫﻮﻥ ﻋﻠﻴﻬﺎ
ﺭﻓﻊ ﺗﺎﻣﺮ ﺣﺎﺟﺒﻪ ﻭﻗﺪ ﺇﺷﺘﺪ ﻋﻠﻲ ﺫﺭﺍﻋﻬﺎ ﺃﻛﺜﺮ: ﺍﻩ ﺍﻩ ﺍﻳﺪﻱ ﻳﺎ ﺗﺎﻣﺮ
ﺿﻴﻖ ﺗﺎﻣﺮ ﻋﻴﻨﻴﻪ ﻭﻫﻮ ﻳﻘﻮﻝ ﺑﺤﺪﻩ: ﻛﻼﻣﻲ ﻫﻴﺘﺴﻤﻊ ﻭﻻ ﻻ ﻳﺎ ﻫﻨﺎ؟

ﺃﻭﻣﺄﺕ ﺑﺮﺃﺳﻬﺎ ﻗﺎﺋﻠﻪ ﺑﺘﺄﻟﻢ: ﻃﻴﺐ ﺣﺎﺿﺮ ﺳﻴﺐ ﺍﻳﺪﻱ ﺑﻘﺎ
ﺗﺮﻛﻬﺎ ﺗﺎﻣﺮ ﻭﻣﻦ ﺛﻢ ﺇﺣﺘﻀﻨﻬﺎ ﻋﻠﻲ ﺍﻟﻔﻮﺭ ﺑﻘﻮﻩ ﻭﻗﺎﻝ ﺑﻬﺪﻭﺀ:
- ﻣﺘﻌﺼﺒﻨﻴﺶ ﺗﺎﻧﻲ ﻳﺎ ﻫﻨﺎ ﻗﻮﻟﻴﻠﻲ ﺣﺎﺿﺮ ﻭﺧﻼﺹ ﻭﺑﻌﺪﻳﻦ ﺃﻧﺎ ﻫﻔﻬﻤﻚ ﻣﺘﺠﺎﺩﻟﻨﻴﺶ ﻛﻠﻤﻪ ﺑﻜﻠﻤﻪ ﻛﺪﻩ ﻣﺎﺷﻲ ﻳﺎ ﻫﻨﺎ؟
ﻫﻨﺎ ﺑﻨﺒﺮﻩ ﻣﻐﺘﺎﻇﻪ: ﻣﺎﺷﻲ ﻣﺎﺷﻲ
ﺿﺤﻚ ﺗﺎﻣﺮ ﻗﺎﺋﻼ: ﻣﻦ ﻏﻴﺮ ﻋﺼﺒﻴﻪ ﻳﺎ ﻫﻨﺎ
ﺇﺑﺘﻌﺪﺕ ﻋﻨﻪ ﻫﻨﺎ ﻗﻠﻴﻼً ﻭﻫﻲ ﺗﻘﻮﻝ: ﻃﻴﺐ
ﺭﻓﻊ ﺃﺣﺪ ﺣﺎﺟﺒﻴﻪ ﻗﺎﺋﻼ: ﺧﻠﻲ ﺑﺎﻟﻚ ﻣﻦ ﻧﻔﺴﻚ ﻭﻣﺘﺪﺧﻠﻴﺶ ﺟﻮﻩ ﺗﺎﻧﻲ ﻟﻮ ﻋﺎﻳﺰﻩ ﻣﺮﻳﻢ ﺧﻠﻴﻬﺎ ﻫﻲ ﺗﺪﺧﻠﻚ ﻣﺎﺷﻲ؟
ﻫﻨﺎ ﺑﺄﻳﺠﺎﺏ: ﺣﺎﺿﺮ.

ﺗﺤﺪﺙ ﺗﺎﻣﺮ ﻗﺎﺋﻼ ﺑﻤﺮﺍﻭﻏﻪ: ﻭﺑﻼﺵ ﻭﻗﻮﻑ ﻓﻲ ﺍﻟﺒﻠﻜﻮﻧﻪ ﻛﺘﻴﺮ. ﻭﻣﺘﻨﺴﻴﺶ ﺍﻟﺤﺠﺎﺏ ﻳﺎ ﻫﻨﺎ
ﺭﻣﺸﺖ ﺑﻌﻴﻨﺎﻫﺎ ﻭﻫﻲ ﺗﻘﻮﻝ ﺑﻨﻔﺎﺫ ﺻﺒﺮ: ﺣﺎﺿﺮ ﻳﺎ ﺗﺎﻣﺮ ﺣﺎﺟﻪ ﺗﺎﻧﻲ؟
ﺃﻭﻣﺄ ﺑﺮﺃﺳﻪ ﻭﻫﻮ ﻳﻘﺘﺮﺏ ﻣﻨﻬﺎ ﻗﺎﺋﻼ: ﺃﻩ ﻳﺎ ﻫﻨﺎ
ﺭﻓﻌﺖ ﺣﺎﺟﺒﻴﻬﺎ ﻗﺎﺋﻠﻪ: ﺍﻳﻪ ﻳﺎ ﺗﺎﻣﺮ ﻓﻲ ﺍﻳﻪ
ﻫﻤﺲ ﻭﻫﻮ ﻳﻘﻮﻝ: ﺑﺤﺒﻚ ﻳﺎ ﻫﻨﺎ
ﺇﺑﺘﺴﻤﺖ ﺑﺨﺠﻞ ﻭﻗﺎﻟﺖ: ﻭﺃﻧﺎ ﻛﻤﺎﻥ
ﺗﻨﻬﺪ ﻭﻣﻦ ﺛﻢ ﻗﺒﻞ ﻭﺟﻨﺘﻬﺎ ﻗﺎﺋﻼً ؛: ﻣﺎﺷﻲ ﻳﺎﻧﻮﻧﺘﻲ ﻳﻼ ﺳﻼﻡ ﻭﺇﻳﺎﻙ ﺣﺮﻑ ﻣﻦ ﺍﻟﻲ ﺃﻧﺎ ﻗﻮﻟﺘﻪ ﻣﻴﺘﺴﻤﻌﺶ
ﺻﺮﺕ ﻋﻠﻲ ﺃﺳﻨﺎﻧﻬﺎ ﻗﺎﺋﻠﻪ: ﺧﻼﺍﺍﺍﺍﺍﺹ ﺳﻤﻌﺖ ﺳﻤﻌﺖ ﻭﺍﻟﻠﻪ ﺳﻤﻌﺖ.

ﺿﺤﻚ ﺗﺎﻣﺮ ﻭﻫﻮ ﻳﺘﺠﻪ ﺇﻟﻲ ﺍﻟﺨﺎﺭﺝ ﻭﻗﺎﻝ: ﺑﻼﺵ ﻋﺼﺒﻴﻪ ﻳﺎﻧﻮﻧﺘﻲ، ﻭﻣﻦ ﺛﻢ ﺃﻃﻠﻖ ﻟﻬﺎ ﻗﺒﻠﻪ ﻓﻲ ﺍﻟﻬﻮﺍﺀ ﻭﺃﻏﻠﻖ ﺍﻟﺒﺎﺏ ﺧﻠﻔﻪ ﻣﺘﻮﺟﻬﺎً ﺇﻟﻲ ﻣﻘﺮ ﻋﻤﻠﻪ.

رواية أنت عشقي الوحيد للكاتبة فاطمة حمدي الفصل العاشر

ﻓﻲ ﺍﻟﻤﻌﺮﺽ ﺍﻟﺨﺎﺹ ﺑﺘﺎﻣﺮ
ﺟﻠﺲ ﻋﻠﻲ ﻛﺮﺳﻴﻪ ﺑﻌﺪ ﺃﻥ ﺗﻠﻘﻲ ﺍﻟﺘﻬﺎﻧﻲ ﻭﺍﻟﻤﺒﺎﺭﻛﺎﺕ ﻣﻦ ﺟﻤﻴﻊ ﺍﻟﻌﺎﻣﻠﻮﻥ ﺑﺎﻟﻤﻌﺮﺽ ﺃﺷﻌﻞ ﺃﺣﺪ ﺳﺠﺎﺋﺮﻩ ﻛﻌﺎﺩﺗﻪ ﻭﻫﻮ ﻳﺤﺘﺴﻲ ﻗﻬﻮﺗﻪ ﻭﻳﺘﺎﺑﻊ ﺩﻓﺎﺗﺮ ﺣﺴﺒﺎﺗﻪ ﺇﻧﺘﺒﻪ ﻋﻠﻲ ﺻﻮﺕ ﺻﺪﻳﻘﻪ ﺇﺳﻼﻡ ﻭﻫﻮ ﻳﻘﻮﻝ:
- ﺣﻤﺪﻟﻠﻪ ﻋﻠﻲ ﺍﻟﺴﻼﻣﻪ ﻳﺎ ﻋﺮﻳﺲ
ﺇﺑﺘﺴﻢ ﺗﺎﻣﺮ ﻗﺎﺋﻼ ﺑﻬﺪﻭﺀ:
- ﺍﻟﻠﻪ ﻳﺴﻠﻤﻚ ﻳﺎ ﺇﺳﻼﻡ ﻋﻘﺒﺎﻟﻚ
ﺗﻨﻬﺪ ﺇﺳﻼﻡ ﻭﻫﻮ ﻳﻘﻮﻝ ﺑﺠﺪﻳﻪ: ﺧﻼﺹ ﻫﺤﺼﻠﻚ ﺃﻫﻮ ﺩﻩ ﺃﻧﺎ ﺣﺘﻲ ﻣﻌﺎﻳﺎ ﻧﻬﻲ ﻭﺃﻣﻬﺎ ﻭﺃﻣﻲ ﻋﺸﺎﻥ ﻧﻨﻘﻲ ﺍﻟﻌﻔﺶ.

ﺗﺤﺪﺙ ﺗﺎﻣﺮ ﻗﺎﺋﻼ: ﻭﺍﻟﻠﻪ ﺃﻟﻒ ﻣﺒﺮﻭﻙ ﻃﺐ ﺧﻠﻴﻬﻢ ﻳﺪﺧﻠﻮﺍ ﻭﻧﻘﻮﺍ ﺑﺮﺍﺣﺘﻜﻢ ﻳﻼ
ﺃﻭﻣﺄ ﺇﺳﻼﻡ ﺑﺮﺃﺳﻪ ﻗﺎﺋﻼ: ﻣﺎﺷﻲ ﻳﺎ ﺗﻴﻤﻮ
ﻭﻣﻦ ﺛﻢ ﺗﻮﺟﻪ ﺇﺳﻼﻡ ﺧﺎﺭﺝ ﺍﻟﻤﻌﺮﺽ ﻭﺑﻌﺪ ﻗﻠﻴﻞ ﻋﺎﺩ ﻭﻣﻦ ﻣﻌﻪ ﻧﻬﻲ ﺑﺼﺤﺒﺔ ﻭﺍﻟﺪﺗﻪ ﻭﻭﺍﻟﺪﺗﻬﺎ
ﻭﻣﺎ ﺃﻥ ﺩﺧﻠﻮﺍ ﺣﺘﻲ ﻧﻬﺾ ﺗﺎﻣﺮ ﻟﻴﺮﺣﺐ ﺑﻬﻢ ﻗﺎﺋﻼ ﺑﺼﻮﺕ ﺭﺟﻮﻟﻲ:
- ﺃﻟﻒ ﻣﺒﺮﻭﻙ ﺭﺑﻨﺎ ﻳﺘﻤﻢ ﺑﺨﻴﺮ
ﺭﺩﺕ ﺳﻤﻴﻪ ﻭﺍﻟﺪﺕ ﺇﺳﻼﻡ ﻭﻗﺎﻟﺖ: ﺍﻟﻠﻪ ﻳﺒﺎﺭﻙ ﻓﻴﻚ ﻣﻌﻠﺶ ﻫﻨﺪﻭﺷﻚ ﺍﻟﻨﻬﺎﺭﺩﻩ
ﺇﺑﺘﺴﻢ ﺗﺎﻣﺮ ﻗﺎﺋﻼ: ﻻ ﺃﺑﺪﺍ ﺗﺤﺖ ﺃﻣﺮﻙ ﻳﺎ ﺣﺎﺟﻪ
ﺇﺑﺘﺴﻤﺖ ﻭﺗﺎﺑﻌﺖ ﻗﺎﺋﻠﻪ: ﺍﻷﻣﺮ ﻟﻠﻪ ﻳﺎﺑﻨﻲ ﻛﻠﻚ ﺫﻭﻕ.

ﻓﻴﻤﺎ ﻗﺎﻟﺖ ﺗﺤﻴﻪ ﺑﺘﺴﺎﺅﻝ: ﻫﻨﺎ ﻋﺎﻣﻠﻪ ﺍﻳﻪ ﺍﻥ ﺷﺎﺀ ﺍﻟﻠﻪ ﺗﻜﻮﻥ ﺑﺨﻴﺮ
ﺗﻨﻬﺪ ﺗﺎﻣﺮ ﻗﺎﺋﻼ ﺑﺠﺪﻳﻪ: ﺑﺨﻴﺮ ﺍﻟﺤﻤﺪﻟﻠﻪ، ﺇﺗﻔﻀﻠﻮﺍ ﺇﻥ ﺷﺎﺀ ﺍﻟﻠﻪ ﺍﻟﺤﺎﺟﻪ ﺗﻌﺠﺒﻜﻢ
ﺩﻟﻔﻮﺍ ﻳﺘﺠﻮﻟﻮﻥ ﻓﻲ ﺃﻧﺤﺎﺀ ﺍﻟﻤﻌﺮﺽ ﻛﺎﻧﺖ ﻧﻬﻲ ﺗﻤﺴﻚ ﺑﻴﺪ ﺧﻄﻴﺒﻬﺎ ﻭﺃﺻﺎﺑﻌﻬﻤﺎ ﺗﺘﺸﺎﺑﻚ ﻣﻊ ﺑﻌﻀﻬﻤﺎ ﻓﻴﻤﺎ ﻗﺎﻟﺖ ﺑﺎﺑﺘﺴﺎﻣﻪ:
- ﺣﻠﻮﻩ ﺃﻭﻱ ﺍﻷﻭﺿﻪ ﺩﻱ ﻳﺎ ﺇﺳﻼﻡ ﺇﻳﻪ ﺭﺃﻳﻚ ﻓﻴﻬﺎ؟
ﺃﻭﻣﺄ ﺑﺮﺃﺳﻪ ﻗﺎﺋﻼ ﺑﺄﻳﺠﺎﺏ:
ﺍﻩ ﺣﻠﻮﻩ ﺃﻭﻱ ﻓﻌﻼ
ﺑﻴﻨﻤﺎ ﺗﺤﺪﺛﺖ ﺳﻤﻴﻪ ﻭﻫﻲ ﺗﻘﻮﻝ ﺑﺘﺄﻓﻒ:.

- ﺇﻳﻪ ﺍﻷﺭﻑ ﺩﻩ ﻻ ﻣﺶ ﺣﻠﻮﻩ ﺧﺎﻟﺺ ﻧﻘﻲ ﺣﺎﺟﻪ ﺃﺣﻠﻲ ﻳﺎ ﺇﺳﻼﻡ ﺑﺺ ﺷﻮﻑ ﺍﻟﻲ ﻫﻨﺎﻙ ﺩﻱ ﺣﻠﻮﻩ ﻭﻗﻴﻤﻪ ﻛﺪﻩ
ﺯﻓﺮﺕ ﻧﻬﻲ ﺑﻀﻴﻖ ﻭﺗﺎﺑﻌﺖ ﻗﺎﺋﻠﻪ:
- ﺑﺲ ﺩﻱ ﻋﺠﺒﺎﻧﻲ
ﺑﻴﻨﻤﺎ ﻗﺎﻝ ﺇﺳﻼﻡ ﺑﻬﺪﻭﺀ: ﻟﻴﻪ ﻣﺎﻟﻬﺎ ﻳﺎﻣﺎﻣﺎ ﻓﻴﻬﺎ ﺍﻳﻪ ﻣﺎﻫﻲ ﻛﻮﻳﺴﻪ ﺇﻫﻲ
ﻟﻮﺕ ﻓﻤﻬﺎ ﻟﺘﻘﻮﻝ ﺑﺘﻬﻜﻢ: ﻻ ﻣﺶ ﺣﻠﻮﻩ ﻭﻣﺶ ﻗﻴﻤﻪ
ﻓﻴﻤﺎ ﺻﺮﺕ ﺗﺤﻴﻪ ﻋﻠﻲ ﺃﺳﻨﺎﻧﻬﺎ ﻭﻗﺎﻟﺖ ﺑﺤﻨﻖ:
- ﻫﻮ ﺃﻧﺘﻲ ﺍﻟﻲ ﻫﺘﺘﺠﻮﺯﻱ ﻭﺃﻧﺎ ﻣﻌﺮﻓﺶ ﺩﻩ ﺣﺎﺟﻪ ﺑﻨﺘﻲ ﻭﻫﻲ ﺍﻟﻲ ﺗﻘﻮﻝ ﻭﺗﻨﻘﻲ ﺍﻟﻲ ﻳﻌﺠﺒﻬﺎ
ﺭﻣﻘﺘﻬﺎ ﺳﻤﻴﻪ ﺑﺴﺨﻂ ﻣﻦ ﺃﺳﻔﻞ ﻗﺪﻣﻴﻬﺎ ﺣﺘﻲ ﺭﺃﺳﻬﺎ ﻭﺗﺎﺑﻌﺖ ﻗﺎﺋﻠﻪ:.

ﻭﺃﻧﺘﻲ ﻣﺎﻟﻚ ﺃﻧﺘﻲ ﺩﻩ ﻋﻔﺶ ﺇﺑﻨﻲ ﻳﺎﺣﺒﻴﺒﺘﻲ ﻭﻫﻴﺪﻓﻊ ﻓﻴﻪ ﺩﻡ ﻗﻠﺒﻪ ﻳﺒﻘﻲ ﻻﺯﻡ ﻳﻨﻘﻲ ﺣﺎﺟﻪ ﻋﻠﻴﻬﺎ ﺍﻟﻘﻴﻤﻪ ﻣﺶ ﺍﻟﻘﺮﻑ ﺍﻟﻲ ﺑﻨﺘﻚ ﺑﺘﻨﻘﻴﻪ!
ﺻﺎﺣﺖ ﻧﻬﻲ ﻭﻫﻲ ﺗﻘﻮﻝ ﺑﻨﻔﺎﺫ ﺻﺒﺮ: ﺃﻧﺎ ﺑﻨﻘﻲ ﻗﺮﻑ! ﻳﺎﺭﻳﺖ ﺑﻘﻲ ﻣﺘﺪﺧﻠﻴﺶ ﻋﺸﺎﻥ ﺃﺻﻼ ﺍﻟﻤﻮﺿﻮﻉ ﻣﻴﺨﺼﻜﻴﺶ
ﺗﺪﺧﻞ ﺇﺳﻼﻡ ﻓﻲ ﺍﻟﺤﻮﺍﺭ ﻭﻫﻮ ﻳﻘﻮﻝ:
- ﺟﺮﻱ ﺍﻳﻪ ﻳﺎ ﻧﻬﻲ ﻣﺘﻨﺴﻴﺶ ﺍﻧﻚ ﺑﺘﻜﻠﻤﻲ ﺍﻣﻲ
ﻧﻬﻲ ﺑﻌﺼﺒﻴﻪ: ﻳﺎﺳﻼﻡ ﻭﻫﻮ ﺃﻧﺖ ﻣﺸﻔﺘﺶ ﻫﻲ ﺑﺘﺘﻜﻠﻢ ﺍﺯﺍﻱ!
ﺻﺎﺣﺖ ﺳﻤﻴﻪ ﻗﺎﺋﻠﻪ: ﺑﻜﻠﻢ ﺍﺯﺍﻱ ﻳﺎﺣﺒﻪ ﻋﻴﻨﻲ ﺃﻧﺎ ﺃﺗﻜﻠﻢ ﺯﻱ ﻣﺎ ﺃﻧﺎ ﻋﺎﻳﺰﻩ.

ﺗﺤﺪﺛﺖ ﺗﺤﻴﻪ ﻭﻫﻲ ﺗﺮﻣﻘﻬﺎ ﺑﻨﻈﺮﺍﺕ ﻣﻐﺘﺎﻇﻪ:
- ﻳﺎﺭﻳﺖ ﺗﺨﻠﻴﻜﻲ ﻓﻲ ﺣﺎﻟﻚ ﻳﺎ ﺃﻡ ﺇﺳﻼﻡ ﻣﺤﺪﺵ ﻃﻠﺐ ﺭﺃﻳﻚ ﻳﺎﺧﺘﻲ!
ﺇﻋﺘﻠﺖ ﺃﺻﻮﺍﺗﻬﻢ ﺣﺘﻲ ﺗﻘﺪﻡ ﺗﺎﻣﺮ ﻭﻫﻮ ﻳﻘﻮﻝ ﺑﺘﺴﺎﺅﻝ ﻭﺟﺪﻳﻪ: ﻓﻲ ﺍﻳﻪ ﻳﺎﺟﻤﺎﻋﻪ ﺍﻟﻲ ﺑﻴﺤﺼﻞ
ﺇﺳﻼﻡ ﻭﻫﻮ ﻳﺘﺠﻪ ﺇﻟﻴﻪ:
ﺷﻮﻓﻠﻲ ﺣﻞ ﻓﻲ ﺍﻟﻤﺼﻴﺒﻪ ﺩﻱ ﺃﻣﻲ ﻣﺶ ﻋﺎﻭﺯﻩ ﺃﻭﺿﻪ ﺍﻟﻨﻮﻡ ﺩﻱ ﻭﻧﻬﻲ ﻣﺼﻤﻤﻪ ﻋﻠﻴﻬﺎ
ﺗﺤﺪﺙ ﺗﺎﻣﺮ ﺑﺼﻮﺕ ﺧﺎﻓﺾ ﻭﻗﺎﻝ:
- ﻃﺐ ﻭﺃﻣﻚ ﻣﺎﻟﻬﺎ ﻫﻲ ﺍﻟﻲ ﻫﺘﺘﺠﻮﺯ ﻭﻻ ﺍﻳﻪ
ﺭﻓﻊ ﺣﺎﺟﺒﻴﻪ ﻭﻗﺎﻝ:
ﺃﻧﺎ ﻋﺎﺭﻑ ﺑﻘﺎ.

ﺗﻨﻬﺪ ﺗﺎﻣﺮ ﻭﻣﻦ ﺛﻢ ﻗﺎﻝ ﺑﺠﺪﻳﻪ: ﻃﻴﺐ ﺍﻳﻪ ﺍﻟﻤﺸﻜﻠﻪ ﻳﺎ ﺣﺎﺟﻪ ﻓﻲ ﺍﻷﻭﺿﻪ ﻣﺶ ﻋﺠﺒﺎﻛﻲ ﻟﻴﻪ؟
ﺳﻤﻴﻪ ﺑﻀﻴﻖ: ﻣﺶ ﻋﺠﺒﺎﻧﻲ ﻭﺧﻼﺹ ﺫﻭﻗﻬﺎ ﻣﺶ ﺣﻠﻮ
ﺣﻚ ﺗﺎﻣﺮ ﺻﺪﻏﻪ ﻭﻣﻦ ﺛﻢ ﻗﺎﻝ ﺑﻬﺪﻭﺀ: ﺧﻼﺹ ﺍﻵﻧﺴﻪ ﺗﺸﻮﻑ ﺣﺎﺟﻪ ﺗﺎﻧﻲ ﻓﻲ ﺃﻭﺽ ﺃﺣﻠﻲ ﻋﻠﻲ ﻓﻜﺮﻩ ﻭﻫﺘﻌﺠﺒﻚ ﺑﺮﺿﻮ
ﻧﻬﻲ ﺑﺈﺻﺮﺍﺭ: ﻻ ﺩﻱ ﻳﻌﻨﻲ ﺩﻱ!
ﻛﺎﺩﺕ ﺳﻤﻴﻪ ﺃﻥ ﺗﺘﺤﺪﺙ ﻭﻟﻜﻦ ﻗﺎﻃﻌﻬﺎ ﺗﺎﻣﺮ ﻭﻫﻮ ﻳﻘﻮﻝ:
- ﻃﻴﺐ ﺗﺴﻤﺤﻮﻟﻲ ﺃﻓﺮﺟﻜﻢ ﺃﻭﺿﻪ ﻋﻠﻲ ﺫﻭﻗﻲ ﻭﺍﻥ ﺷﺎﺀ ﺍﻟﻠﻪ ﺗﻌﺠﺒﻜﻢ ﻭﻟﻮ ﻣﻌﺠﺒﺘﻜﻤﺶ ﻟﻴﻜﻢ ﺍﻟﻘﺮﺍﺭ ﺑﺮﺿﻮ ﺍﻳﻪ ﺭﺍﻳﻜﻢ؟!
ﺃﻭﻣﺄﺕ ﺳﻤﻴﻪ ﻗﺎﺋﻠﻪ: ﻣﺎﺷﻲ ﻣﻮﺍﻓﻘﻪ.

ﺭﺩﺕ ﻧﻬﻲ ﻗﺎﺋﻠﻪ: ﺃﻭﻛﻲ
ﺳﺎﺭ ﺑﻬﻢ ﺗﺎﻣﺮ ﻋﺪﺓ ﺧﻄﻮﺍﺕ ﻭﻣﻦ ﺛﻢ ﻭﻗﻒ ﺃﻣﺎﻡ ﻏﺮﻓﻪ ﺷﻴﻚ ﻣﻦ ﺍﻟﻠﻮﻥ ﺍﻟﺒﻨﻲ ﺍﻟﺪﺍﻛﻦ ﺍﻟﻼﻣﻊ ﺑﻬﺎ ﺑﺮﻭﺯ ﺭﻗﻴﻘﻪ ﺗﺰﻳﺪﻫﺎ ﺟﻤﺎﻝ ﻓﻴﻤﺎ ﻗﺎﻝ ﺗﺎﻣﺮ ﻭﻫﻮ ﻳﻔﺘﺢ ﺿﻠﻔﺘﻬﺎ:
ﻫﺎ ﺍﻳﻪ ﺭﺃﻳﻜﻢ ﺩﻩ ﺧﺸﺐ ﺯﺍﻥ ﺃﺻﻠﻲ ﻭﺣﺎﺟﻪ ﻧﻀﻴﻔﻪ
ﺳﻤﻴﻪ ﻭﻫﻲ ﺗﺘﻔﺤﺼﻬﺎ ﺑﻌﻴﻨﻴﻬﺎ: ﻻ ﻣﺎ ﺷﺎﺀ ﺍﻟﻠﻪ ﺣﻠﻮﻩ ﺍﻳﻪ ﺭﺃﻳﻚ ﻳﺎ ﺍﺳﻼﻡ؟؛
ﺗﻨﻬﺪ ﺇﺳﻼﻡ ﻭﻗﺎﻝ: ﺣﻠﻮﻩ ﺍﻳﻪ ﺭﺃﻳﻚ ﻳﺎ ﻧﻬﻲ
ﻧﻬﻲ ﺑﺘﺄﻓﻒ: ﻣﺶ ﺑﻄﺎﻟﻪ!

ﺻﺮﺕ ﺳﻤﻴﻪ ﻋﻠﻲ ﺃﺳﻨﺎﻧﻬﺎ ﻭﺻﻤﺘﺖ ﻛﻲ ﻻ ﺗﺨﺮﺝ ﻋﻦ ﺷﻌﻮﺭﻫﺎ ﻭﺗﻔﻌﻞ ﻣﺎ ﻻﻳﺤﻤﺪ عقباه ﺑﻴﻨﻤﺎ ﻗﺎﻝ ﺇﺳﻼﻡ ﺑﻨﻔﺎﺫ ﺻﺒﺮ: ﺧﻼﺹ على ﺧﻴﺮﻩ ﺍﻟﻠﻪ ﻳﻼ ﺑﻘﻲ ﻧﻨﻘﻲ ﺑﺎﻗﻲ ﺍﻟﻌﻔﺶ!

ﺭﺗﺒﺖ ﻫﻨﺎ ﻣﻨﺰﻟﻬﺎ ﻭﻭﺿﻌﺖ ﺃﺷﻴﺎﺀ ﺗﺎﻣﺮ ﺑﻨﻈﺎﻡ ﻭﻫﻲ ﺗﺒﺘﺴﻢ ﺗﺎﺭﻩ ﻭﺗﺤﺪﺙ ﻧﻔﺴﻬﺎ ﺑﻐﻴﻆ ﺗﺎﺭﻩ ﻣﻦ ﺃﻓﻌﺎﻟﻪ ﻣﻬﺎ ﻭﺗﺤﻜﻤﻪ ﺩﺍﺋﻤﺎ ﻓﻴﻬﺎ ﻭﻟﻜﻦ ﻫﻮ ﺩﺍﺋﻤﺎ ﺑﺄﻓﻌﺎﻟﻪ ﻳﺰﻳﺪ ﺣﺒﻬﺎ ﻓﻲ ﻗﻠﺒﻪ ﻻ ﺗﻌﻠﻢ ﻟﻤﺎﺫﺍ ﻭﻟﻜﻨﻬﺎ ﺗﻌﺸﻘﻪ ﺑﻜﻞ ﺟﻮﺍﺭﺣﻬﺎ ﺇﻧﺘﺒﻬﺖ ﻋﻠﻲ ﺻﻮﺕ ﺟﺮﺱ ﺍﻟﺒﺎﺏ ﻓﺗﻮﺟﻬﺖ ﻟﺘﻔﺘﺢ ﻓﻮﺟﺪﺕ ﻣﺮﻳﻢ ﻭﻫﻲ ﺗﻘﻮﻝ: ﺍﻳﻪ ﻳﺎﻫﻨﻮﻥ ﻋﺎﻣﻠﻪ ﺍﻳﻪ
ﭐﺑﺘﺴﻤﺖ ﻫﻨﺎ ﻗﺎﺋﻠﻪ:
ﺍﻟﺤﻤﺪﻟﻠﻪ ﻛﻮﻳﺴﻪ
ﺗﺤﺪﺛﺖ ﻣﺮﻳﻢ ﻗﺎﺋﻠﻪ: ﻃﺐ ﺑﻘﻮﻟﻚ ﺍﻳﻪ ﻧﺠﺎﺡ ﻛﺎﻧﺖ ﻋﺎﻳﺰﺍﻛﻲ ﻭﻗﺎﻟﺘﻠﻲ ﺃﻧﺪﻫﻠﻚ.

ﻋﻘﺪ ﻫﻨﺎ ﺣﺎﺟﺒﻴﻬﺎ ﻭﻗﺎﻟﺖ ﺑﺘﺴﺎﺅﻝ: ﻋﺎﻳﺰﺍﻧﻲ ﺍﻧﺎ؟ ﻃﺐ ﻟﻴﻪ
ﻣﻄﺖ ﻣﺮﻳﻢ ﺷﻔﺘﻴﻬﺎ ﻭﻫﻲ ﺗﻘﻮﻝ: ﻣﺶ ﻋﺎﺭﻓﻪ ﺃﻧﺎ ﻫﻨﺰﻝ ﺃﺟﻴﺐ ﺣﺎﺟﻪ ﻣﻦ ﺗﺤﺖ ﻭﺟﻴﺎﻟﻚ ﻣﺘﺨﺎﻓﻴﺶ
ﺗﺤﺪﺛﺖ ﻫﻨﺎ ﺳﺮﻳﻌﺎ ﻭﻫﻲ ﺗﻘﻮﻝ: ﻻ ﻣﻨﺎ ﻣﺶ ﻫﻴﻨﻔﻊ ﺗﺎﻣﺮ ﻗﺎﻟﻲ ﻣﺪﺧﻠﺶ ﺟﻮﻩ
ﻣﺮﻳﻢ ﺑﺎﺳﺘﻐﺮﺍﺏ: ﻟﻴﻪ ﻃﻴﺐ
ﺣﺮﻛﺖ ﻫﻨﺎ ﺭﺃﺳﻬﺎ ﻟﺘﻘﻮﻝ: ﻣﺶ ﻋﺎﺭﻓﻪ
ﻣﺮﻳﻢ ﺑﻼ ﻣﺒﺎﻻﻩ: ﻣﻔﻬﺎﺵ ﺣﺎﺟﻪ ﻳﻌﻨﻲ ﺷﻮﻓﻴﻬﺎ ﻋﺎﻭﺯﻩ ﺍﻳﻪ ﻭﺑﻌﺪﻳﻦ ﺃﻧﺎ ﻫﻨﺰﻝ ﺃﺟﻴﺐ ﺣﺎﺟﻪ ﺳﺎﻗﻌﻪ ﻭﻫﻄﻠﻊ ﻋﻠﻲ ﻃﻮﻝ
ﺇﺑﺘﻠﻌﺖ ﻫﻨﺎ ﺭﻳﻘﻬﺎ ﻭﻣﻦ ﺛﻢ ﻗﺎﻟﺖ ﺑﺘﻮﺗﺮ: ﻳﺎﺭﺑﻲ ﻃﺐ ﻫﻲ ﻋﺎﻳﺰﻩ ﻣﻨﻲ ﺍﻳﻪ.

ﺿﺤﻜﺖ ﻣﺮﻳﻢ ﻗﺎﺋﻠﻪ: ﻓﻲ ﺍﻳﻪ ﻳﺎﺑﺖ ﻳﺎ ﻫﻨﺎ ﻣﺘﺨﺎﻓﻴﺶ ﻛﺪﻩ ﻣﺘﻘﺪﺭﺵ ﺗﻌﻤﻠﻚ ﺣﺎﺟﻪ، ﻳﻼ ﺃﻧﺎ ﻧﺎﺯﻟﻪ ﻭﻃﺎﻟﻌﻪ ﻋﻠﻲ ﻃﻮﻝ
ﺗﺤﺮﻛﺖ ﻣﺮﻳﻢ ﻟﺘﻬﺒﻂ ﺩﺭﺟﺎﺕ ﺍﻟﺴﻠﻢ ﻓﻴﻤﺎ ﺗﻨﻬﺪﺕ ﻫﻨﺎ ﺑﺘﻮﺗﺮ ﻭﻣﻦ ﺛﻢ ﺩﻟﻔﺖ ﻟﺘﺮﺗﺪﻱ ﺣﺠﺎﺑﻬﺎ ﻭﻗﻠﺒﻬﺎ ﻳﺨﻔﻖ ﺑﺸﺪﻩ ﺛﻢ ﺧﺮﺟﺖ ﻟﺘﺪﻟﻒ ﺇﻟﻲ ﺷﻘﻪ ﻧﺠﺎﺡ ﺍﻟﺠﺎﻟﺴﻪ ﺑﺼﺤﺒﺔ ﺇﺑﻨﺘﻬﺎ ﻧﺴﻤﻪ
ﻭﻗﻔﺖ ﻫﻨﺎ ﺃﻣﺎﻣﻬﻤﺎ ﻭﻣﻦ ﺛﻢ ﻗﺎﻟﺖ ﺑﺜﺒﺎﺕ ﻣﻮﺟﻬﻪ ﺣﺪﻳﺜﻬﺎ ﻟﻨﺠﺎﺡ: ﺣﻀﺮﺗﻚ ﻋﺎﻭﺯﺍﻧﻲ!
ﻧﻈﺮﺕ ﻟﻬﺎ ﻧﺠﺎﺡ ﺑﺎﺳﺘﺤﻘﺎﺭ ﻭﻣﻦ ﺛﻢ ﻭﺿﻌﺖ ﺳﺎﻗﺎً ﻓﻮﻕ ﺍﻻﺧﺮ ﻭﺗﺎﺑﻌﺖ ﻗﺎﺋﻠﻪ:
- ﺃﻫﺎ.

ﺇﺳﺘﻐﺮﺑﺖ ﻫﻨﺎ ﻣﻦ ﺗﻠﻚ ﺍﻟﻄﺮﻳﻘﻪ ﻭﻟﻜﻨﻬﺎ ﻗﺎﻟﺖ ﺑﻬﺪﻭﺀ: ﺧﻴﺮ
ﻧﻬﻀﺖ ﻧﺠﺎﺡ ﻟﺘﻘﻒ ﺃﻣﺎﻣﻬﺎ ﺑﻤﺎﺷﺮﺓ ﺛﻢ ﺣﺪﻗﺖ ﺑﻬﺎ ﺑﻨﻈﺮﺍﺕ ﺷﺮﺳﻪ ﻭﻗﺎﻟﺖ:
- ﺑﺼﻲ ﺑﻘﺎ ﻳﺎ ﺣﻠﻮﻩ ﻫﻨﺎ ﺍﻟﻜﻠﻤﻪ ﻛﻠﻤﺘﻲ ﻭﺍﻟﺸﻮﺭﻩ ﺷﻮﺭﺗﻲ ﻭﺃﻧﺎ ﻋﻠﻴﺎ ﺃﻣﺮ ﻭﺃﻧﺘﻲ ﺗﻨﻔﺬﻱ ﻭﺗﻘﻮﻟﻲ ﺳﻤﻌﺎ ﻭﻃﺎﻋﻪ
ﺭﻓﻌﺖ ﻫﻨﺎ ﺣﺎﺟﺒﻴﻬﺎ ﻟﺘﻘﻮﻝ ﺑﺼﺪﻣﻪ: ﻧﻌﻢ؟ ﻳﻌﻨﻲ ﺍﻳﻪ ﺍﻟﻜﻼﻡ ﺩﻩ.

ﻧﻬﻀﺖ ﻧﺴﻤﻪ ﻗﺎﺋﻠﻪ ﺑﺼﺮﺍﻣﻪ: ﺍﻟﻲ ﺳﻤﻌﺘﻴﻪ ﻳﺎﺣﺒﻴﺒﺘﻲ ﻳﻌﻨﻲ ﺟﻮﺯﻙ ﻣﺶ ﻫﻴﺤﻤﻴﻜﻲ ﻣﻨﻨﺎ ﻭﺑﺮﺿﻮ ﻣﺶ ﻫﺘﻘﺪﺭﻱ ﺗﻘﻮﻟﻴﻠﻪ ﻋﻠﻲ ﻛﻞ ﺍﻟﻲ ﺑﻨﻘﻮﻟﻬﻠﻚ ﺩﻩ ﻋﺸﺎﻥ ﻟﻮ ﻋﺮﻑ ﻫﻨﻌﻤﻞ ﺣﺎﺟﺎﺕ ﻣﺘﺘﺨﻴﻠﻬﺎﺵ
ﺇﺗﺴﻌﺖ ﻋﻴﻦ ﻫﻨﺎ ﻭﻫﻲ ﺗﻨﻈﺮ ﻟﻬﻤﺎ ﺑﺬﻋﺮ ﻓﻲ ﺣﻴﻦ ﺗﺎﺑﻌﺖ ﻧﺠﺎﺡ ﻭﻫﻲ ﺗﻘﻮﻝ: ﺇﻧﺘﻲ ﻫﻨﺎ ﺯﻳﻚ ﺯﻱ ﻧﺪﻱ ﻣﺮﺍﺕ ﺍﺑﻨﻲ ﻫﺘﺨﺪﻣﻲ ﺍﻟﺒﻴﺖ ﺩﻩ ﻭﺗﺸﻮﻓﻲ ﻛﻤﺎﻥ ﻃﻠﺒﺎﺕ ﻧﺴﻤﻪ ﻭﻛﻞ ﺍﻟﻲ ﻫﻨﻘﻮﻟﻚ ﻋﻠﻴﻪ ﺗﻌﻤﻠﻴﻪ
ﺗﺤﺪﺛﺖ ﻫﻨﺎ ﻗﺎﺋﻠﻪ ﺑﻨﺒﺮﻩ ﻣﺘﻤﺎﺳﻜﻪ:.

ﺃﻧﺎ ﻣﺶ ﺧﺪﺍﻣﻪ ﻭﻣﻠﻴﺶ ﺃﻱ ﺩﻋﻮﻩ ﺑﻴﻜﻲ ﺃﻧﺘﻲ ﻭﺑﻨﺘﻚ ﻭﻻ ﻳﻤﻜﻦ ﻫﻌﻤﻞ ﺍﻟﻲ ﺑﺘﻘﻮﻟﻪ ﻋﻠﻴﻪ ﺩﻩ ﺃﺑﺪﺍ
ﻋﻘﺪﺕ ﻧﺠﺎﺡ ﺣﺎﺟﺒﻴﻬﺎ ﻭﻫﻲ ﺗﺤﺪﻕ ﺑﻬﺎ ﻓﻲ ﺷﺮﺍﺳﻪ :
ﻫﺘﻌﻤﻠﻲ ﻭﻳﺎ ﻛﺪﻩ ﻳﺎﻣﺎ ﻫﺘﺸﻮﻓﻲ ﻣﻨﻨﺎ ﻭﺵ ﻣﺶ ﻫﻴﻌﺠﺒﻚ ﻳﺎﺣﻠﻮﻩ ﻋﻘﻠﻚ ﻓﻲ ﺭﺍﺳﻚ ﺗﻌﺮﻓﻲ ﺧﻼﺻﻚ!
ﺣﺮﻛﺖ ﻫﻨﺎ ﺭﺃﺳﻬﺎ ﺑﺎﻟﻨﻔﻲ ﻗﺎﺋﻠﻪ: ﻣﺶ ﻫﺘﻘﺪﺭﻭﺍ ﺗﻌﻤﻠﻮﻟﻲ ﺣﺎﺟﻪ ﺗﺎﻣﺮ ﻣﻮﺟﻮﺩ
ﺿﺤﻜﺖ ﻧﺠﺎﺡ ﺑﺴﺨﺮﻳﻪ ﻭﺗﺎﺑﻌﺖ ﻗﺎﺋﻠﻪ: ﻣﺶ ﻫﻴﻘﺪﺭ ﻳﺤﻤﻴﻜﻲ ﻣﻨﻲ ﻻﻧﻲ ﻣﻤﻜﻦ ﺃﻧﺴﻔﻚ ﺃﻧﺘﻲ ﻭﻫﻮ.

ﺇﺗﺴﻌﺖ ﻋﻴﻦ ﻫﻨﺎ ﻗﺎﺋﻠﻪ ﺑﻌﺪﻡ ﺗﺼﺪﻳﻖ: ﺃﻧﺘﻲ ﻣﻌﻘﻮﻟﻪ ﺧﺎﻟﺘﻪ؟ ﻋﺎﻳﺰﻩ ﺗﻨﺴﻔﻲ ﺍﺑﻦ ﺃﺧﺘﻚ!
ﺃﺻﺒﺤﺖ ﻣﻼﻣﺢ ﻧﺠﺎﺡ ﺃﻛﺜﺮ ﺣﺪﻩ ﻭﻗﺎﻟﺖ ﻭﺍﻟﺸﺮ ﻳﺘﻄﺎﻳﺮ ﻣﻦ ﻋﻴﻨﻴﻬﺎ: ﺍﻩ ﻭﺃﻱ ﺣﺪ ﻣﻴﺴﻤﻌﺶ ﻛﻠﻤﺘﻲ ﻫﻨﺴﻔﻪ ﻣﻦ ﻋﻠﻲ ﻭﺵ ﺍﻟﺪﻧﻴﺎ
ﻛﺎﻧﺖ ﻣﺮﻳﻢ ﺗﺸﺘﺮﻱ ﻣﺎ ﺗﺠﺘﺎﺣﻪ ﻓﻲ ﺣﻴﻦ ﻟﻤﺤﻬﺎ ﺗﺎﻣﺮ ﻣﻦ ﺑﻌﻴﺪ ﻓﺘﻮﺟﻪ ﺧﺎﺭﺝ ﺍﻟﻤﻌﺮﺽ ﻭﻣﻦ ﺛﻢ ﻫﺘﻒ ﺑﺈﺳﻤﻬﺎ ﻟﺘﻨﻈﺮ ﻟﻪ ﻓﺄﺷﺎﺭ ﻟﻬﺎ ﺃﻥ ﺗﺄﺗﻲ ﻓﺴﺎﺭﺕ ﻣﺮﻳﻢ ﻓﺈﺗﺠﺎﻫﻪ ﺣﺘﻲ ﻭﻗﻔﺖ ﻗﺒﺎﻟﺘﻪ ﻗﺎﺋﻠﻪ ﺑﻬﺪﻭﺀ: ﻧﻌﻢ ﻳﺎ ﺗﻴﻤﻮﺭ
ﺗﺎﻣﺮ ﺑﺠﺪﻳﻪ: ﺍﻳﻪ ﺍﻟﻲ ﻣﻨﺰﻟﻚ ﻳﺎ ﻣﺮﻳﻢ؟

ﺇﺑﺘﻠﻌﺖ ﺭﻳﻘﻬﺎ ﺑﺘﻮﺗﺮ ﻭﻗﺎﻟﺖ: ﻛﻨﺖ ﺑﺠﻴﺐ ﺣﺎﺟﻪ ﺳﻘﻌﻪ ﺗﺸﺮﺏ؟
ﺿﻴﻖ ﻋﻴﻨﻴﻪ ﻟﻴﻘﻮﻝ ﺑﺤﺰﻡ: ﻣﺘﻨﺰﻟﻴﺶ ﻋﻤﺎﻝ ﻋﻠﻲ ﺑﻄﺎﻝ ﻳﺎﻣﺮﻳﻢ ﻋﺸﺎﻥ ﻣﻘﻠﺒﺶ ﻋﻠﻴﻜﻲ
ﺭﻓﻌﺖ ﺣﺎﺟﺒﻴﻬﺎ ﻓﻲ ﺍﻧﺪﻫﺎﺵ ﻭﻫﻲ ﺗﻘﻮﻝ: ﺍﻟﻠﻪ ﻓﻴﻦ ﻋﻤﺎﻝ ﻋﻠﻲ ﺑﻄﺎﻝ ﺩﻩ، ﺩﻩ ﺃﻧﺎ ﻣﺤﺒﻮﺳﻪ ﺣﺒﺴﻪ ﺍﻟﻘﺮﺩ ﻓﻮﻕ ﻓﻲ ﺍﻟﺒﻴﺖ ﻭﺃﻧﺖ ﻭﻻ ﻫﺎﻳﻦ ﻋﻠﻴﻚ ﺗﺨﺮﺟﻨﻲ ﺩﻩ ﺍﻧﺎ ﺍﺧﺘﻚ ﺣﺘﻲ ﻳﺎﺷﻴﺦ ﻳﺎ ﺳﺎﺗﺮ ﻳﺎﺭﺏ ﻭﻓﻲ ﺍﻵﺧﺮ ﺟﺎﻱ ﺗﻘﻮﻟﻲ ﻣﻌﺮﻓﺶ ﺍﻳﻪ ﻭﻫﻘﻠﺐ ﻋﻠﻴﻜﻲ ﻭ...

ﻗﺎﻃﻌﻬﺎ ﺗﺎﻣﺮ ﻗﺎﺋﻼ ﺑﻨﻔﺎﺫ ﺻﺒﺮ: ﺧﻼﺍﺍﺹ ﻳﺨﺮﺑﻴﺘﻚ ﺑﺎﻟﻌﻪ ﺭﺍﺩﻳﻮ، ﺑﻘﻮﻟﻚ ﺍﻳﻪ ﺧﻠﻴﻜﻲ ﻫﻨﺎ ﻋﻠﻲ ﻣﺎ ﺃﻃﻠﻊ ﺃﺑﺺ ﻋﻠﻲ ﻫﻨﺎ ﻭﺃﻧﺰﻝ
ﺇﺗﺴﻌﺖ ﻋﻴﻦ ﻣﺮﻳﻢ ﻭﻫﻲ ﺗﻘﻮﻝ ﺑﺎﺭﺗﺒﺎﻙ:
ﺍﻳﻪ ﻫﻨﺎ ﻻ ﻫﻨﺎ ﺁﺁ
ﻋﻘﺪ ﺗﺎﻣﺮ ﺣﺎﺟﺒﻴﻪ ﻓﻲ ﺑﺎﺳﺘﻐﺮﺍﺏ ﻭﻣﻦ ﺛﻢ ﻗﺎﻝ: ﻓﻲ ﺍﻳﻪ ﻳﺎﺑﺖ ﺃﻧﺘﻲ ﻣﺎﻟﻚ
ﺣﻜﺖ ﻣﺮﻳﻢ ﺭﺃﺳﻬﺎ ﻭﺗﺎﺑﻌﺖ ﻗﺎﺋﻠﻪ: ﻻ ﻭﻻ ﺣﺎﺟﻪ
ﺗﺎﻣﺮ ﻣﺘﻨﻬﺪﺍً ﺑﻘﻮﻩ: ﻃﺐ ﺇﺩﺧﻠﻲ.

ﺩﻟﻔﺖ ﻣﺮﻳﻢ ﻭﺩﻟﻒ ﺗﺎﻣﺮ ﺧﻠﻔﻬﺎ ﺛﻢ ﻭﻗﻒ ﻣﻊ ﺯﺑﻮﻥ ﻣﺎ ﻟﻴﻨﻬﻲ ﺣﺴﺎﺑﺎﺗﻪ ﻣﻌﻪ ﻓﻴﻤﺎ ﻗﺎﻟﺖ ﻣﺮﻳﻢ ﺑﺨﻔﻮﺕ: ﻳﺎ ﻋﻴﻨﻲ ﻋﻠﻴﻜﻲ ﻳﺎ ﻫﻨﺎ ﻳﺎﺭﺏ ﺗﻜﻮﻧﻲ ﺩﺧﻠﺘﻲ ﺷﻘﺘﻚ
ﺃﻧﻬﺖ ﻫﻨﺎ ﺣﺪﻳﺜﻬﺎ ﺑﻬﺬﻩ ﺍﻟﺠﻤﻠﻪ ﺍﻟﺼﺎﺭﻣﻪ ﻭﻫﻲ ﺗﺘﻔﻮﻩ ﺑﻬﺎ ﺑﺜﺒﺎﺕ ﻋﻜﺲ ﻣﺎ ﺑﺪﺍﺧﻠﻬﺎ:
- ﺃﻧﺎ ﻣﺒﺨﺎﻓﺶ ﺃﻋﻠﻲ ﻣﺎ ﻓﻲ ﺧﻴﻠﻜﻢ ﺇﺭﻛﺒﻮ
ﺛﻢ ﺗﻮﺟﻬﺖ ﺇﻟﻲ ﺍﻟﺨﺎﺭﺝ ﻭﻛﺎﺩﺕ ﺃﻥ ﺗﺪﻟﻒ ﺇﻟﻲ ﺷﻘﺘﻬﺎ ﻭﻟﻜﻦ ﺃﻭﻗﻔﻬﺎ ﺻﻮﺕ ﺍﻟﺼﻐﻴﺮﻩ ﻭﻫﻲ ﺗﻬﺘﻒ ﺑﺈﺳﻤﻬﺎ ﻗﺎﺋﻠﻪ: ﻫﻨﺎ، ﻫﻨﺎ
ﻧﻈﺮﺕ ﻫﻨﺎ ﻟﻬﺎ ﻭﻣﻦ ﺛﻢ ﻫﺒﻄﺖ ﺩﺭﺟﺎﺕ ﺍﻟﺴﻠﻢ ﻭﻫﻲ ﺗﻘﻮﻝ: ﻧﻌﻢ ﻳﺎﺣﺒﻴﺒﺘﻲ.

ﺯﻳﻨﻪ ﺑﻨﺒﺮﻩ ﺣﺰﻳﻨﻪ: ﺃﺻﻞ ﻣﺎﻣﺎ ﺑﺘﻌﻴﻂ ﻭﺃﻧﺎ ﺯﻋﻼﻧﻪ ﺃﻭﻱ ﻋﺸﺎﻧﻬﺎ
ﺗﻨﻬﺪﺕ ﻫﻨﺎ ﻗﺎﺋﻠﻪ: ﻣﻌﻠﺶ ﻃﺒﻄﺒﻲ ﻋﻠﻴﻬﺎ ﻭﻫﻲ ﻫﺘﺒﻘﻲ ﻛﻮﻳﺴﻪ
ﺣﺮﻛﺖ ﺯﻳﻨﻪ ﺭﺃﺳﻬﺎ ﺑﺎﻟﻨﻔﻲ ﻗﺎﺋﻠﻪ: ﻻ ﻣﺶ ﺭﺍﺿﻴﻪ ﻣﻤﻜﻦ ﺗﻴﺠﻲ ﺃﻧﺘﻲ ﻃﺒﻄﺒﻲ ﻋﻠﻴﻬﺎ
ﺇﺑﺘﻠﻌﺖ ﻫﻨﺎ ﺭﻳﻘﻬﺎ ﺣﻴﻦ ﺗﺬﻛﺮﺕ ﺣﺪﻳﺚ ﺗﺎﻣﺮ ﺑﺄﻥ ﻻ ﺗﺘﺪﺧﻞ ﻓﻘﺎﻟﺖ ﺳﺮﻳﻌﺎ: ﻻ ﻣﺶ ﻫﻴﻨﻔﻊ ﻳﺎﺣﺒﻴﺒﺘﻲ ﻣﻌﻠﺶ ﻋﺸﺎﻥ ﺑﺎﺑﺎﻛﻲ ﺟﻮﻩ ﻭﺃﻧﺎ ﻣﻴﻨﻔﻌﺶ ﺃﺩﺧﻞ
ﺯﻳﻨﻪ ﺑﺎﺻﺮﺍﺭ: ﻻ ﺑﺎﺑﺎ ﻧﺎﻳﻢ ﻋﺸﺎﻥ ﺧﺎﻃﺮﻱ ﻳﺎ ﻫﻨﺎ ﻋﺸﺎﻥ ﺧﺎﻃﺮﻱ.

ﺗﺮﺩﺩﺕ ﻫﻨﺎ ﻭﻭﻗﻔﺖ ﻓﻲ ﺣﻴﺮﻩ ﻭﻟﻜﻨﻬﺎ ﺣﺴﻤﺖ ﺃﻣﺮﻫﺎ ﺑﺄﻥ ﺗﺪﻟﻒ ﻭﺗﻘﻮﻝ ﻟﺰﻭﺟﻬﺎ ﺑﻬﺪﻭﺀ ﻋﻨﺪﻣﺎ ﻳﺄﺗﻲ ﻣﻦ ﻋﻤﻠﻪ، ﺗﺤﺪﺛﺖ ﻗﺎﺋﻠﻪ ﺑﺘﻮﺗﺮ: ﻁ ﻃﻴﺐ ﻣﺎﺷﻲ
ﺇﺑﺘﺴﻤﺖ ﺍﻟﺼﻐﻴﺮﻩ ﺑﺴﻌﺎﺩﻩ ﺛﻢ ﻗﺎﻟﺖ ﻭﻫﻲ ﺗﻤﺴﻚ ﻳﺪﻫﺎ ﻭﺗﺠﺬﺑﻬﺎ ﺇﻟﻲ ﺩﺍﺧﻞ ﻣﻨﺰﻟﻬﻢ: ﻫﻴﻴﻪ ﺗﻌﺎﻟﻲ ﺗﻌﺎﻟﻲ
ﻭﻗﻔﺖ ﻧﺪﻱ ﻭﻫﻲ ﺗﻤﺴﺢ ﺩﻣﻮﻋﻬﺎ ﻗﺎﺋﻠﻪ ﺑﺼﻮﺕ ﺑﺎﻛﻲ: ﻫﻨﺎ ﺗﻌﺎﻟﻲ ﺇﺗﻔﻀﻠﻲ
ﺇﻗﺘﺮﺑﺖ ﻫﻨﺎ ﻣﻨﻬﺎ ﺛﻢ ﺇﺑﺘﻠﻌﺖ ﺭﻳﻘﻬﺎ ﻭﺃﺧﺬﺕ ﻧﻔﺴﺎ ﻋﻤﻴﻘﺎ ﻭﺯﻓﺮﺗﻪ ﻟﻌﻠﻬﺎ ﺗﺨﻔﻒ ﻣﻦ ﺗﻮﺗﺮﻫﺎ ﺍﻟﺰﺍﺋﺪ ﻓﻴﻤﺎ ﻗﺎﻟﺖ ﻧﺪﻱ ﺑﻬﺪﻭﺀ: ﺍﺗﻔﻀﻠﻲ ﺍﻋﺪﻱ.

ﺟﻠﺴﺖ ﻫﻨﺎ ﻭﻣﻦ ﺛﻢ ﺟﻠﺴﺖ ﻗﺒﺎﻟﺘﻬﺎ ﻧﺪﻱ ﻗﺎﺋﻠﻪ: ﻧﻮﺭﺗﻴﻨﻲ ﻳﺎ ﻫﻨﺎ
ﺇﺑﺘﺴﻤﺖ ﻫﻨﺎ ﻗﺎﺋﻠﻪ: ﺭﺑﻨﺎ ﻳﺨﻠﻴﻜﻲ ﺍﻟﻨﻮﺭ ﻧﻮﺭﻙ ﺁﺁ ﺃﻧﺎ ﻋﺎﻳﺰﺍﻛﻲ ﻣﺘﺰﻋﻠﻴﺶ ﻭﺗﺮﻣﻲ ﺃﻱ ﺣﺎﺟﻪ ﻭﺭﺍ ﺿﻬﺮﻙ
ﺗﻨﻬﺪﺕ ﻧﺪﻱ ﺑﺤﺰﻥ ﻭﻗﺎﻟﺖ: ﺍﻟﺤﻤﺪﻟﻠﻪ ﻋﻠﻲ ﻛﻞ ﺣﺎﻝ ﻳﺎ ﻫﻨﺎ
ﻫﻨﺎ ﺑﺘﺴﺎﺅﻝ: ﻫﻲ ﻟﻴﻪ ﻛﺪﻩ، ﻭﺑﺘﻌﺎﻣﻠﻚ ﺑﺎﻟﻄﺮﻳﻘﻪ ﺍﻟﻮﺣﺸﻪ ﺩﻱ ﻟﻴﻪ
ﻧﻈﺮﺕ ﻧﺪﻱ ﻟﻬﺎ ﻭﺗﺎﺑﻌﺖ ﻗﺎﺋﻠﻪ: ﻋﺸﺎﻥ ﺃﻧﺎ ﻣﻠﻴﺶ ﺃﻫﻞ ﻫﻲ ﺑﺘﺒﻴﻊ ﻭﺗﺸﺘﺮﻱ ﻓﻴﺎ ﻋﺸﺎﻥ ﻋﺎﺭﻓﻪ ﺍﻥ ﻣﻠﻴﺶ ﺣﺘﻪ ﺃﺭﻭﺣﻬﺎ ﻣﻦ ﻳﻮﻡ ﻣﺎ ﺇﺗﺠﻮﺯﺕ ﻭﻫﻲ ﺑﺘﻌﺎﻣﻠﻨﻲ ﻛﺪﻩ ﺣﺘﻲ ﺑﺘﻌﺎﻳﺮﻧﻲ ﻋﺸﺎﻥ ﻣﻠﻴﺶ ﺃﻫﻞ.

ﻋﻘﺪﺕ ﻫﻨﺎ ﺣﺎﺟﺒﻴﻬﺎ ﻟﺘﻘﻮﻝ ﺑﻔﻀﻮﻝ: ﻣﻌﻨﺪﻛﻴﺶ ﺃﻫﻞ ﺧﺎﻟﺺ ﻁ ﻃﺐ ﻛﻨﺘﻲ ﻋﺎﻳﺸﻪ ﻓﻴﻦ ﻗﺒﻞ ﻣﺎ ﺗﺘﺠﻮﺯﻱ؟
ﻧﺪﻱ: ﻛﻨﺖ ﻋﺎﻳﺸﻪ ﻋﻨﺪ ﻧﺎﺱ ﻣﻌﺮﻓﻪ ﻗﺪﻳﻤﻪ ﺃﻭﻱ ﻣﻦ ﻃﺮﻑ ﺃﻣﻲ ﻭﺃﺑﻮﻳﺎ ﺍﻟﻠﻪ ﻳﺮﺣﻤﻬﻢ ﺑﺲ ﻣﻜﻨﺘﺶ ﻣﺮﺗﺎﺣﻪ ﻭﻣﺼﺪﻗﺖ ﺍﺗﺠﻮﺯﺕ ﻋﻤﺮﻭ ﻭﻣﻦ ﺳﺎﻋﺘﻬﺎ ﻫﻮ ﻛﻞ ﺣﻴﺎﺗﻲ
ﺗﻨﻬﺪﺕ ﻫﻨﺎ ﺑﺤﺰﻥ ﻭﻗﺎﻟﺖ: ﺭﺑﻨﺎ ﻳﺨﻠﻴﻜﻢ ﻟﺒﻌﺾ ﻣﻌﻠﺶ ﻣﺘﺰﻋﻠﻴﺶ ﺭﺑﻨﺎ ﻳﻬﺪﻳﻬﺎ ﻭﺍﻟﺤﻤﺪﻟﻠﻪ ﺇﻧﻚ ﻋﻨﺪﻙ ﺟﻮﺯﻙ ﻭﺑﻨﺘﻚ ﺭﺑﻨﺎ ﻋﻮﺿﻚ ﻓﻴﻬﻢ
ﺇﺑﺘﺴﻤﺖ ﻧﺪﻱ ﻗﺎﺋﻠﻪ ﺑﺼﺪﻕ: ﻭﻋﻮﺿﻨﻲ ﺑﻴﻜﻲ ﺑﺮﺿﻮ ﺃﻧﺘﻲ ﻣﻦ ﺍﻟﻨﻬﺎﺭﺩﻩ ﺃﺧﺘﻲ ﺃﻧﺎ ﺑﺠﺪ ﺣﺒﻴﺘﻚ ﺃﻭﻱ.

ﺑﺎﺩﻟﺘﻬﺎ ﻫﻨﺎ ﺍﻹﺑﺘﺴﺎﻣﻪ ﻭﻫﻲ ﺗﻘﻮﻝ: ﻭﺃﻧﺎ ﻛﻤﺎﻥ ﺣﺒﻴﺘﻚ ﺃﻭﻱ ﻳﺎﻧﺪﻱ
ﻧﻬﻀﺖ ﻧﺪﻱ ﻭﻫﻲ ﺗﻘﻮﻝ: ﻃﺐ ﻫﻌﻤﻞ ﺣﺎﺟﻪ ﻧﺸﺮﺑﻬﺎ
ﻫﺒﺖ ﻫﻨﺎ ﻭﺍﻗﻔﻪ ﻭﻗﺎﻟﺖ ﺳﺮﻳﻌﺎ ﻭﻫﻲ ﺗﺘﺠﻪ ﻧﺤﻮ ﺍﻟﺒﺎﺏ: ﻻﻻ ﻣﻌﻠﺶ ﻭﻗﺖ ﺗﺎﻧﻲ ﺑﻘﺎ ﻋﺸﺎﻥ ﺃﻟﺤﻖ ﺃﺣﻀﺮ ﺍﻷﻛﻞ ﻗﺒﻞ ﻣﺎ ﺗﺎﻣﺮ ﻳﺠﻲ
ﺇﺑﺘﺴﻤﺖ ﻧﺪﻱ ﻗﺎﺋﻠﻪ: ﺧﻼﺹ ﻣﺎﺷﻲ.

ﺗﻮﺟﻬﺖ ﻫﻨﺎ ﺇﻟﻲ ﺍﻟﺨﺎﺭﺝ ﺑﻌﺪ ﺃﻥ ﺃﻏﻠﻘﺖ ﺍﻟﺒﺎﺏ ﺧﻠﻔﻬﺎ ﻭﻟﻜﻨﻬﺎ ﺷﻬﻘﺖ ﺑﻔﺰﻉ ﻭﺗﺴﻤﺮﺕ ﻣﻜﺎﻧﻬﺎ ﺣﻴﻦ ﺭﺃﺕ ﺗﺎﻣﺮ ﻳﺼﻌﺪ ﺩﺭﺟﺎﺕ ﺍﻟﺴﻠﻢ، ﺭﻓﻊ ﻫﻮ ﺑﺼﺮﻩ ﻓﻮﺟﺪﻫﺎ ﺃﻣﺎﻣﻪ ﻓﺮﻓﻊ ﺣﺎﺟﺒﻪ ﻭﺇﺷﺘﻌﻞ ﺍﻟﻐﻀﺐ ﺑﺪﺍﺧﻠﻪ ﻟﻴﻘﺘﺮﺏ ﻣﻨﻬﺎ ﻗﺎﺋﻼ ﺑﺼﻮﺕ ﻣﺮﻋﺐ: ﻛﻨﺘﻲ ﺑﺘﻌﻤﻠﻲ ﺍﻳﻪ ﺟﻮﻩ ﻳﺎ ﻫﻨﺎ.

ﺑﺪﺃ ﺻﺪﺭ ﻫﻨﺎ ﻳﻌﻠﻮ ﻭﻳﻬﺒﻂ ﺑﺨﻮﻑ ﺷﺪﻳﺪ ﺷﻌﺮﺕ ﺑﺎﺭﺗﺠﺎﻓﻪ ﺗﺠﺘﺎﺡ ﺟﺴﺪﻫﺎ، ﻗﻠﺒﻬﺎ ﻳﺨﻔﻖ ﺑﺸﺪﻩ، ﻟﻢ ﺗﺘﻔﻮﻩ ﺑﻜﻠﻤﻪ ﻭﺍﺣﺪﻩ ﺑﻞ ﻋﺠﺰﺕ ﻋﻦ ﺍﻟﺤﺪﻳﺚ ﻓﻴﻤﺎ ﺟﺬﺑﻬﺎ ﺗﺎﻣﺮ ﻣﻦ ﺫﺭﺍﻋﻬﺎ ﺑﻘﻮﻩ ﻭﻫﻮ ﻳﻀﻐﻂ ﻋﻠﻴﻪ ﺑﺸﺪﻩ ﻗﺎﺋﻼ ﺑﻐﻀﺐ: ﺭﺩﻱ ﻋﻠﻴﺎ ﻛﻨﺘﻲ ﺑﺘﻌﻤﻠﻲ ﺍﻳﻪ ﺟﻮﻩ؟
ﺇﺑﺘﻠﻌﺖ ﺭﻳﻘﻬﺎ ﻭﻇﻠﺖ ﻣﺤﺪﻗﻪ ﺑﻪ ﻏﻴﺮ ﻗﺎﺩﺭﻩ ﻋﻠﻲ ﺍﻟﺤﺪﻳﺚ ﻓﻘﻂ ﻫﻲ ﻣﻨﺘﻈﺮﻩ ﻋﻘﺎﺑﻬﺎ ﻣﻨﻪ.

ﺻﺮ ﺗﺎﻣﺮ ﻋﻠﻲ ﺃﺳﻨﺎﻧﻪ ﻭﻣﻦ ﺛﻢ ﺃﻣﺴﻚ ﺑﻜﻒ ﻳﺪﻫﺎ ﻭﺳﺤﺒﻬﺎ ﺧﻠﻔﻪ ﺻﺎﻋﺪﺍً ﺩﺭﺟﺎﺕ ﺍﻟﺴﻠﻢ ﺑﺨﻄﻮﺍﺕ ﻭﺍﺳﻌﻪ ﺳﺮﻳﻌﻪ ﻣﻤﺎ ﺟﻌﻞ ﻫﻨﺎ ﺗﺘﻌﺜﺮ ﺃﻛﺜﺮ ﻣﻦ ﻣﺮﻩ ﻭﻫﻲ ﺗﻬﺘﻒ ﺑﺄﺳﻤﻪ ﻭﻗﺪ ﺇﻧﺴﺎﺑﺖ ﺩﻣﻮﻋﻬﺎ:
- ﻳﺎ ﺗﺎﻣﺮ ﻫﻘﻊ ﻃﻴﺐ ﺍﺳﺘﻨﻲ
ﻟﻢ ﻳﺠﻴﺐ ﻋﻠﻴﻬﺎ ﺑﻞ ﻛﺎﻥ ﻳﺸﺪ ﻋﻠﻲ ﻳﺪﻫﺎ ﺑﻐﻀﺐ ﺣﺘﻲ ﻭﺻﻞ ﺇﻟﻲ ﺍﻟﺸﻘﻪ ﻭﻣﻦ ﺛﻢ ﻓﺘﺢ ﺍﻟﺒﺎﺏ ﻭﺩﻓﻌﻬﺎ ﺇﻟﻲ ﺍﻟﺪﺍﺧﻞ ﻟﻴﺪﻟﻒ ﺧﻠﻔﻬﺎ ﻣﻐﻠﻘﺎً ﺍﻟﺒﺎﺏ ﺧﻠﻔﻪ
ﺗﺮﺍﺟﻌﺖ ﻟﻠﺨﻠﻒ ﻭﻗﺪ ﺯﺍﺩ ﺧﻮﻓﻬﺎ ﺑﻴﻨﻤﺎ ﺃﺳﺮﻉ ﺗﺎﻣﺮ ﻣﻤﺴﻜﺎً ﺫﺭﺍﻋﻬﺎ ﺑﺸﺪﻩ ﻟﻴﻘﻮﻝ ﺑﺼﻮﺕ ﻫﺎﺩﺭ:.

ﺇﻳﻪ ﺍﻟﻲ ﻧﺰﻟﻚ ﻳﺎ ﻫﻨﺎ ﺃﻧﺎ ﻣﺶ ﻣﻨﺒﻪ ﻋﻠﻴﻜﻲ ﻣﺘﺨﺮﺟﻴﺶ ﻣﻦ ﺍﻟﺸﻘﻪ ﻛﻼﻣﻲ ﻣﺒﻴﺘﺴﻤﻌﺶ ﻟﻴﻪ!
ﺣﺮﻛﺖ ﺭﺃﺳﻬﺎ ﻟﺘﻘﻮﻝ ﺑﺼﻮﺕ ﻣﺘﻘﻄﻊ ﺁﺛﺮ ﺍﻟﺒﻜﺎﺀ: ﺁﺁ ﺃﻧ ﺃﻧﺎ ﻛ ﻛﻨﺖ ﻫﻘﻮﻟﻚ ﻭﺍﻟﻠﻪ
ﺻﺮ ﺗﺎﻣﺮ ﻋﻠﻲ ﺃﺳﻨﺎﻧﻪ ﻭﻗﺎﻝ ﺑﺼﺮﺍﻣﻪ: ﺗﻘﻮﻟﻴﻠﻲ ﺑﻌﺪ ﻣﺎ ﺗﻜﺴﺮﻱ ﻛﻼﻣﻲ ﺻﺢ؟ ﻃﻴﺐ ﻳﺎ ﻫﻨﺎ ﻭﺍﻟﻠﻪ ﻣﺎ ﻫﻌﺪﻳﻬﺎﻟﻚ!
ﺇﺑﺘﻠﻌﺖ ﺭﻳﻘﻬﺎ ﻭﻫﻲ ﺗﻨﻈﺮ ﻟﻪ ﻗﺎﺋﻠﻪ ﻣﻦ ﺑﻴﻦ ﺩﻣﻮﻋﻬﺎ: ﻣ ﻣﻌﻠﺶ
ﻧﻈﺮ ﻓﻲ ﻋﻴﻨﻴﻬﺎ ﺑﻘﻮﻩ ﻭﻫﻮ ﻳﻘﻮﻝ ﺑﺠﺪﻳﻪ: ﺃﺻﺮﻓﻬﺎ ﻣﻨﻴﻦ ﻣﻌﻠﺶ ﺩﻱ، ﺧﺮﺟﺘﻲ ﻟﻴﻪ ﻭﺍﺯﺍﻱ ﻭﻋﺸﺎﻥ ﺍﻳﻪ؟

ﺻﻤﺘﺖ ﻧﺎﻇﺮﻩ ﺇﻟﻴﻪ ﺑﺨﻮﻑ ﺑﻴﻨﻤﺎ ﺇﻗﺘﺮﺏ ﺗﺎﻣﺮ ﺑﻨﻔﺎﺫ ﺻﺒﺮ ﻟﺘﺘﺮﺍﺟﻊ ﻟﻠﺨﻠﻒ ﺣﺘﻲ ﺇﻟﺘﺼﻘﺖ ﺑﺎﻟﺤﺎﺋﻂ ﻭﻣﻦ ﺛﻢ ﺣﺎﻭﻃﻬﺎ ﺑﺬﺭﺍﻋﻴﻪ ﻭﻫﻮ ﻳﺤﺪﻕ ﺑﻬﺎ ﻗﺎﺋﻼ ﺑﺼﻮﺕ ﺣﺎﺩ:
ﺇﻧﻄﻘﻲ
ﺣﺎﻭﻟﺖ ﺍﻟﺘﻤﺎﺳﻚ ﻭﻗﺎﻟﺖ ﻣﻦ ﺑﻴﻦ ﺩﻣﻮﻋﻬﺎ: ﺃﻧ ﺃﻧﺎ ﻛ ﻛﻨﺖ ﻗﻌﺪﻩ ﻭﺍﻟﻠﻪ ﻭ ﻭﺑﻌﺪﻳﻦ ﻣﺮﻳﻢ ﺧﺒﻄﺖ ﻋﻠﻴﺎ ﻭ ﻭﻗﺎﻟﺘﻠﻲ ﺁﺁ...
ﺗﺎﻣﺮ ﺑﻨﻔﺎﺫ ﺻﺒﺮ: ﺧﻠﺼﻲ ﻳﺎ ﻫﻨﺎ ﻋﺸﺎﻥ ﻭﺍﻟﻠﻪ ﺃﻧﺎ ﻣﺎﺳﻚ ﻧﻔﺴﻲ ﺑﺎﻟﻌﺎﻓﻴﻪ ﺇﻧﻄﻘﻲ.

ﺃﻭﻣﺄﺕ ﻫﻨﺎ ﺑﺮﺃﺳﻬﺎ ﺛﻢ ﻗﺎﻟﺖ ﺑﺘﻮﺗﺮ: ﻭ ﻭ ﻭﺑﻌﺪﻳﻦ ﻭﻗﻔﺖ ﺃﻛﻠﻤﻬﺎ ﺷﻮﻳﻪ ﻭﻟﻘﻴﺖ ﺯﻳﻨﻪ ﻗﺎﻟﺘﻠﻲ ﻣﺎﻣﺎ ﺑﺘﻌﻴﻂ ﻭﻓﻀﻠﺖ ﺗﺘﺤﺎﻳﻞ ﻋﻠﻴﺎ ﺃﻧﺰﻝ ﻋﺸﺎﻥ ﺃﺧﻠﻴﻬﺎ ﻣﺘﻌﻴﻄﺶ ﻭﻭﺍﻟﻠﻪ ﻗﻮﻟﺘﻠﻬﺎ ﻣﺶ ﻫﻴﻨﻔﻊ ﺑﺲ ﻫﻲ ﺻﻤﻤﺖ ﻭﺑﻌﺪ ﻛﺪﻩ ﻗﺎﻟﺘﻠﻲ ﺇﻥ ﺑﺎﺑﺎﻫﺎ ﻧﺎﻳﻢ ﻭ...
ﺇﺗﺴﻌﺖ ﻋﻴﻦ ﺗﺎﻣﺮ ﻭﻗﺎﻃﻌﻬﺎ ﻗﺎﺋﻼ ﺑﻐﻀﺐ: ﻳﻨﻬﺎﺭﻙ ﺃﺳﻮﺩ ﺃﻧﺘﻲ ﻛﻤﺎﻥ ﺩﺧﻠﺘﻲ ﻭﻋﻤﺮﻭ ﺟﻮﻩ
ﻫﻨﺎ ﺑﺨﻮﻑ: ﻭﺍﻟﻠﻪ ﻣﺎ ﻫﻮ ﻛﺎﻥ ﻧﺎﻳﻢ ﻭﻣﺸﺎﻓﻨﻴﺶ.

ﺃﻏﻤﺾ ﺗﺎﻣﺮ ﻋﻴﻨﺎﻩ ﺑﺸﺪﻩ ﻣﺤﺎﻭﻻ ﺍﻟﺘﺤﻜﻢ ﻓﻲ ﺃﻋﺼﺎﺑﻪ ﻛﻲ ﻻ ﻳﻨﻔﺠﺮ ﻓﻲ ﺯﻭﺟﺘﻪ ﻭﻳﻔﻌﻞ ﻣﻌﻬﺎ ﻣﺎ ﻻﺗﺘﺤﻤﻠﻪ ﻓﻘﺮﺭ ﻣﻌﺎﻗﺒﺘﻬﺎ ﻋﻠﻲ ﻃﺮﻗﺘﻪ ﻓﻘﺎﻝ ﺑﻬﺪﻭﺀ: ﺗﻤﺎﻡ ﻳﺎ ﻫﻨﺎ ﺑﺲ ﻣﻠﻜﻴﺶ ﺩﻋﻮﻩ ﺑﻴﺎ ﺧﺎﻟﺺ ﻭﻣﺘﻜﻠﻤﻨﻴﺶ ﺗﺎﻧﻲ ﻣﺎﺷﻲ؟
ﺇﺗﺴﻌﺖ ﻋﻴﻦ ﻫﻨﺎ ﻭﻓﻐﺮﺕ ﺷﻔﺎﻫﺎ ﻭﻫﻲ ﺗﻘﻮﻝ: ﻫﺎ ﻻﻻ ﻃﻴﺐ ﺃﻧﺎ ﺃﺳﻔﻪ ﻣﺶ ﻫﻌﻤﻞ ﻛﺪﻩ ﺗﺎﻧﻲ.

ﺗﺎﻣﺮ ﺑﺠﺪﻳﻪ ﻭﻫﻮ ﻳﺒﺘﻌﺪ ﻋﻨﻬﺎ: ﺃﺳﻔﻚ ﻣﺶ ﻣﻘﺒﻮﻝ ﻳﺎ ﻫﻨﺎ ﺧﻼﺹ ﻗﻮﻟﺖ ﻣﺶ ﻫﻜﻠﻤﻚ ﻭﺃﻗﺴﻢ ﺑﺎﻟﻠﻪ ﻟﻮ ﺣﺼﻞ ﺣﺎﺟﻪ ﺗﺎﻧﻲ ﻣﺤﻜﺘﻠﻴﺶ ﻋﻠﻴﻬﺎ ﺃﻭ ﻛﺴﺮﺗﻲ ﻛﻼﻣﻲ ﺯﻱ ﺍﻟﻨﻬﺎﺭﺩﻩ ﻟﻴﻜﻮﻥ ﻟﻴﺎ ﻣﻌﺎﻛﻲ ﺗﺼﺮﻑ ﻣﺶ ﻫﻴﻌﺠﺒﻚ ﻭﻫﺰﻋﻠﻚ ﻣﻨﻲ ﺟﺎﻣﺪ ﻳﺎ ﻫﻨﺎ، ﺛﻢ ﺗﺮﻛﻬﺎ ﻟﻴﺪﻟﻒ ﺇﻟﻲ ﺍﻟﺸﺮﻓﻪ ﻭﻣﻦ ﺛﻢ ﺃﺷﻌﻞ ﺃﺣﺪ ﺳﺠﺎﺋﺮﻩ ﻭﻭﻗﻒ ﻳﺪﺧﻨﻬﺎ ﺑﺸﺮﺍﻫﻪ ﻟﻴﺨﺮﺝ ﻏﻀﺒﻪ ﻓﻴﻬﺎ ﺑﻴﻨﻤﺎ ﻛﺎﻧﺖ ﺗﻘﻒ ﻫﻨﺎ ﺣﺰﻳﻨﻪ ﻫﻲ ﻻ ﺗﺘﺤﻤﻞ ﺧﺼﺎﻣﻪ، ﺗﺬﻛﺮﺕ ﺣﺪﻳﺚ ﻧﺠﺎﺡ ﻭﺇﺑﻨﺘﻬﺎ ﻓﺘﺮﺩﺩﺕ ﺃﻥ ﺗﻘﺺ ﻟﺰﻭﺟﻬﺎ ﻣﺎ ﺣﺪﺙ ﻭﻟﻜﻨﻬﺎ ﺣﺴﻤﺖ ﺍﻷﻣﺮ ﺃﻥ ﺗﻘﺺ ﻋﻠﻴﻪ ﺣﺘﻲ ﻻ ﻳﻌﺮﻑ ﻓﻴﻤﺎ ﺑﻌﺪ ﻭﻳﻐﻀﺐ ﻣﻨﻬﺎ ﺗﻨﻬﺪﺕ ﺑﻘﻮﻩ، ﻭﻣﺴﺤﺖ ﺩﻣﻮﻋﻬﺎ، ﻭﺳﺎﺭﺕ ﺇﻟﻲ ﺍﻟﺸﺮﻓﻪ ﺛﻢ ﺩﻟﻔﺖ ﻟﺘﻘﻒ ﺧﻠﻒ ﺯﻭﺟﻬﺎ ﻟﺘﻘﻮﻝ ﺑﺨﻔﻮﺕ: ﺗﺎﻣﺮ.

ﻟﻢ ﻳﺠﻴﺐ ﻋﻠﻴﻬﺎ ﺑﻞ ﺃﺷﺎﺡ ﺑﻮﺟﻪ ﺑﻌﻴﺪﺍ ﻋﻨﻬﺎ ﻓﺎﻗﺘﺮﺑﺖ ﻣﻨﻪ ﻗﺎﺋﻠﻪ ﺑﻬﺪﻭﺀ: ﻋﺎﻭﺯﻩ ﺃﺣﻜﻴﻠﻚ ﻋﻠﻲ ﺣﺎﺟﻪ ﺣﺼﻠﺖ ﺍﻟﻨﻬﺎﺭﺩﻩ
ﺇﻟﺘﻔﺖ ﻟﻬﺎ ﻭﻫﻮ ﻳﻘﻮﻝ ﻭﻗﺪ ﺇﺯﺩﺍﺩﺕ ﻣﻼﻣﺤﻪ ﺣﺪﻩ: ﻗﻮﻟﻲ
ﺇﺑﺘﻠﻌﺖ ﺭﻳﻘﻬﺎ ﻭﻫﻲ ﺗﺠﻴﺐ ﻋﻠﻴﻪ ﺑﺘﺮﺩﺩ:
ﺁﺁ ﺃﺻﻞ ﺃﻧﺎ ﺩﺧﻠﺖ ﺟﻮﻩ ﻋﻨﺪ ﺧﺎﻟﺘﻚ ﻭ...
ﻗﺎﻃﻌﻬﺎ ﻭﻫﻮ ﻳﻘﻮﻝ ﺑﻐﻀﺐ: ﻛﻤﺎﻥ ﻳﺎ ﻫﻨﺎ ﻛﻤﺎﻥ ﺩﺧﻠﺘﻲ ﺟﻮﻩ ﺩﻩ ﺃﻧﺎ ﻛﺪﻩ ﻣﻠﻴﺶ ﻛﻠﻤﻪ ﻋﻠﻴﻜﻲ ﺑﻘﺎ
ﺻﻤﺘﺖ ﻭﻫﻲ ﺗﻨﻈﺮ ﻟﻪ ﺑﻨﺪﻡ ﻭﺃﺳﻒ ﺛﻢ ﺗﻔﻮﻫﺖ ﻗﺎﺋﻠﻪ ﺑﺼﺪﻕ: ﺃﻧﺎ ﺃﺳﻔﻪ
ﺗﺤﺪﺙ ﻫﻮ ﺑﺼﺮﺍﻣﻪ ﻗﺎﺋﻼ:
ﺍﻳﻪ ﺍﻟﻲ ﺣﺼﻞ ﻟﻤﺎ ﺩﺧﻠﺘﻲ.

ﺃﺧﺬﺕ ﻧﻔﺴﺎ ﻋﻤﻴﻘﺎ ﻭﺯﻓﺮﺗﻪ ﻋﻠﻲ ﻣﻬﻞ ﻭﻣﻦ ﺛﻢ ﻗﺼﺖ ﻟﻪ ﻣﺎ ﺣﺪﺙ ﻭﻣﺎ ﻗﺎﻟﺘﻪ ﺧﺎﻟﺘﻪ ﻭﺇﺑﻨﺘﻬﺎ ﺣﺘﻲ ﺇﺷﺘﻌﻠﺖ ﺍﻟﻨﻴﺮﺍﻥ ﺑﺪﺍﺧﻠﻪ ﻓﻴﻤﺎ ﻗﺎﻝ: ﺗﺼﺪﻗﻲ ﺗﺴﺘﻬﻠﻲ ﺍﻟﻲ ﻳﺠﺮﺍﻟﻚ ﻋﺸﺎﻥ ﺃﻣﺎ ﺃﻗﻮﻝ ﻛﻠﻤﻪ ﺗﺘﺴﻤﻊ ﻋﺮﻓﺘﻲ ﻟﻴﻪ ﺑﻘﻮﻟﻚ ﻣﺘﺘﺪﺧﻠﻴﺶ؟
ﺗﻨﻬﺪﺕ ﺑﺤﺰﻥ ﺩﻭﻥ ﺃﻥ ﺗﺘﻔﻮﻩ ﺑﻴﻨﻤﺎ ﺭﻣﻘﻬﺎ ﺗﺎﻣﺮ ﺑﻨﻈﺮﺍﺕ ﻣﻐﺘﺎﻇﻪ ﻭﺗﺤﺮﻙ ﻣﻦ ﺃﻣﺎﻣﻬﺎ ﻣﺘﺠﺎً ﺇﻟﻲ ﺍﻟﺨﺎﺭﺝ ﻭﺇﺗﺒﻌﺘﻪ ﻫﻲ ﺣﺘﻲ ﻭﻗﻒ ﺃﻣﺎﻡ ﺷﻘﻪ ﺧﺎﻟﺘﻪ ﻭﺩﻕ ﺟﺮﺱ ﺍﻟﺒﺎﺏ ﻭﺑﻌﺪ ﻗﻠﻴﻞ ﻓﺘﺤﺖ ﻧﺠﺎﺡ ﺍﻟﺒﺎﺏ ﻟﺘﻨﻈﺮ ﻟﻪ ﻗﺎﺋﻠﻪ:
- ﺧﻴﺮ ﺍﻥ ﺷﺎﺀ ﺍﻟﻠﻪ.

ﻭﺿﻊ ﺗﺎﻣﺮ ﻛﻠﺘﻲ ﻳﺪﻳﻪ ﻓﻲ ﺟﻴﺐ ﺑﻨﻄﺎﻟﻪ ﻭﻣﻦ ﺛﻢ ﺭﻣﻘﻬﺎ ﺑﺈﺳﺘﺤﻘﺎﺭ ﻭﻫﻮ ﻳﻘﻮﻝ ﺑﺤﺰﻡ:
- ﻻ ﻣﺶ ﻫﺘﺸﻮﻓﻲ ﺧﻴﺮ ﺃﺑﺪﺍ ﻳﺎ ﻧﺠﺎﺡ ﻫﺎﻧﻢ ﻃﻮﻝ ﻣﺎ ﺃﻧﺘﻲ ﺑﺘﺴﻌﻲ ﻟﻠﺸﺮ ﻭﻫﺘﺸﻮﻓﻲ ﻣﻨﻲ ﺍﻟﻲ ﻋﻤﺮﻙ ﻣﺎ ﺷﻮﻓﺘﻴﻪ
ﺇﺗﺴﻌﺖ ﻋﻴﻦ ﻧﺠﺎﺡ ﻟﺘﻘﻮﻝ: ﻧﻌﻢ ﻳﻌﻨﻲ ﺍﻳﻪ ﺍﻟﻜﻼﻡ ﺩﻩ ﺍﻥ ﺷﺎﺀ ﺍﻟﻠﻪ
ﺗﺎﻣﺮ ﻭﻗﺪ ﺑﺪﺃ ﻣﻼﻣﺤﻪ ﺗﺰﺩﺍﺩ ﺣﺪﻩ: ﺃﻧﺎ ﻣﺶ ﻫﺘﻜﻠﻢ ﻭﻫﺮﻏﻲ ﻛﺘﻴﺮ ﺃﻗﺴﻢ ﺑﺎﻟﻠﻪ ﺗﻜﻠﻤﻲ ﻣﺮﺍﺗﻲ ﺃﻭ ﺗﺪﻭﺳﻠﻬﺎ ﻋﻠﻲ ﻃﺮﻑ ﻫنﺴﻔﻚ ﺃﻧﺘﻲ ﻭﺍﻟﻲ ﻳﺸﺪﺩﻟﻚ ﻣﻦ ﻋﻠﻲ ﻭﺵ ﺍﻟﺪﻧﻴﺎ، ﻣﺮﺍﺗﻲ ﻭﺃﺧﺘﻲ ﺧﻂ ﺃﺣﻤﺮ ﻭﺃﻧﺘﻲ ﻋﺎﺭﻓﻪ ﺍﻟﻜﻼﻡ ﺩﻩ ﻛﻮﻳﺲ.

ﻗﺎﻃﻌﺘﻪ ﻧﺠﺎﺡ ﻗﺎﺋﻠﻪ ﻭﺍﻟﺸﺮ ﻳﺘﻄﺎﻳﺮ ﻣﻦ ﻋﻴﻨﻴﻬﺎ: ﻻ ﻳﺎﺣﺒﻴﺒﻲ ﺩﻩ ﺑﻴﺘﻲ ﻭﺃﻧﺎ ﺍﻟﻲ ﺃﻗﻮﻝ ﻭﺃﻧﺎ ﺍﻟﻲ ﺃﻗﺮﺭ ﻭ ﺍﻟﻜﻞ ﻳﺴﻤﻊ ﺍﻟﻜﻠﻤﻪ
ﺭﻓﻊ ﺗﺎﻣﺮ ﺃﺣﺪ ﺣﺎﺟﺒﻴﻪ ﻟﻴﻘﻮﻝ ﺳﺎﺧﺮﺍ:.

ﻣﻤﻢ ﻻ ﺍﻟﻈﺎﻫﺮ ﺇﻧﻚ ﻧﺴﻴﺘﻲ ﺇﻥ ﺍﻟﺸﻘﻪ ﺍﻟﻲ ﻗﻌﺪﻩ ﻓﻴﻬﺎ ﺩﻱ ﻣﻠﻜﻲ ﻭﺍﻟﻠﻘﻤﻪ ﺍﻟﻲ ﺑﺘﺎﻛﻠﻴﻬﺎ ﺩﻱ ﻣﻦ ﺟﻴﺒﻲ ﻭﻋﺮﻗﻲ ﻭﺷﻘﺎﻳﺎ ﻭﺍﻟﺸﻘﻪ ﺍﻟﻲ ﺍﺑﻨﻚ ﻓﻴﻬﺎ ﺑﺮﺿﻮ ﻣﻠﻜﻲ ﻳﻌﻨﻲ ﺑﺎﺧﺘﺼﺎﺭ ﺃﻧﺘﻮﺍ ﻋﺎﻳﺸﻴﻦ ﻋﻠﻲ ﺣﺴﺎﺑﻲ ﻛﻠﻜﻮﺍ ﻭﺃﻧﺎ ﻋﻦ ﻧﻔﺴﻲ ﻣﻌﻨﺪﻳﺶ ﻣﺎﻧﻊ ﻟﻜﻦ ﺗﻨﺴﻲ ﻧﻔﺴﻚ ﻭﺗﻌﻤﻠﻲ ﻧﻔﺴﻚ ﺭﻳﺴﻪ ﻋﻠﻲ ﻣﺮﺍﺗﻲ ﻭﺷﻐﻞ ﺍﻟﺤﺮﻳﻢ ﺍﻟﻤﺎﺳﺦ ﺩﻩ ﻫﺘﺸﻮﻓﻲ ﺍﻟﻮﺵ ﺍﻟﺘﺎﻧﻲ ﻭﺃﻇﻦ ﺃﻧﺘﻲ ﻋﺎﺭﻓﻪ ﻭﺷﻲ ﺍﻟﺘﺎﻧﻲ ﻛﻮﻳﺲ!

ﻟﻮﺕ ﻓﻤﻬﺎ ﻟﺘﻘﻮﻝ ﺑﺘﻬﻜﻢ: ﺍﻫﺎ ﻳﻌﻨﻲ ﻫﺘﻌﻤﻞ ﺍﻳﻪ ﺑﻘﻮﻟﻚ ﺍﻳﻪ ﺃﻧﺎ ﻣﻴﻬﻤﻨﻴﺶ ﻭﺍﻟﺒﻴﺖ ﺍﻟﻲ ﺑﺘﺘﻜﻠﻢ ﻋﻨﻪ ﺩﻩ ﻭﺭﺙ ﻭﺣﻘﻲ ﻭﺃﻧﺖ ﺍﻟﻲ ﻭﺍﻛﻠﻪ
ﺿﺤﻚ ﺗﺎﻣﺮ ﻟﻴﻘﻮﻝ ﺑﺴﺨﺮﻳﻪ: ﺣﻘﻚ ﺧﺪﺗﻴﻪ ﻳﺎ ﻣﺪﺍﻡ ﻓﻲ ﻧﻔﺲ ﺍﻟﻴﻮﻡ ﺍﻟﻲ ﺃﺑﻮﻳﺎ ﻣﺎﺕ ﻓﻴﻪ ﻭﻻ ﻧﺴﻴﺘﻲ ﺇﻧﻚ ﻣﺼﺒﺮﺗﻴﺶ ﻳﻌﺪﻱ ﻋﻠﻴﻪ ﻟﻴﻠﻪ ﻭﺍﺣﺪﻩ ﺑﺲ ﻭﺧﺪﺗﻲ ﻧﺼﻴﺒﻚ ﻓﻮﺭﻱ
ﺻﺮﺕ ﻋﻠﻲ ﺃﺳﻨﺎﻧﻬﺎ ﻭﻛﺎﺩﺕ ﺃﻥ ﺗﺘﺤﺪﺙ ﻭﻟﻜﻨﻪ ﻗﺎﻃﻌﻬﺎ ﻭﻫﻮ ﻳﻘﻮﻝ ﺑﺼﻮﺕ ﺣﺎﺩ:.

ﺧﻼﺻﻪ ﺍﻟﻜﻼﻡ ﺧﻠﻴﻜﻲ ﺃﻧﺘﻲ ﻭﺑﻨﺘﻚ ﻓﻲ ﺣﺎﻟﻜﻢ ﻭﺇﺑﻌﺪﻭﺍ ﻋﻦ ﻣﺮﺍﺗﻲ ﺇﻻ ﻭﻗﺴﻤﺎ ﺑﺎﻟﻠﻪ ﺯﻱ ﻣﺎ ﻗﻮﻟﺘﻠﻚ ﻫﻨﺴﻔﻚ ﺃﻧﺘﻲ ﻭﺍﻟﻲ ﻳﺸﺪﺩﻟﻚ ﺗﻤﺎﻡ!
ﺗﺤﺪﺛﺖ ﻧﺴﻤﻪ ﺍﻟﺘﻲ ﻛﺎﻧﺖ ﺗﺘﺎﺑﻊ ﻓﻲ ﺻﻤﺖ ﻭﻗﺎﻟﺖ ﺑﻬﺪﻭﺀ: ﻋﻠﻲ ﻓﻜﺮﻩ ﻣﺮﺍﺗﻚ ﻛﺬﺍﺑﻪ ﻭﺷﻜﻠﻬﺎ ﻋﺎﻳﺰﻩ ﺗﻮﻗﻊ ﺑﻴﻨﺎ
ﺭﻣﻘﻬﺎ ﺗﺎﻣﺮ ﻣﻦ ﺃﺳﻔﻞ ﻗﺪﻣﻴﻬﺎ ﺣﺘﻲ ﺭﺃﺳﻬﺎ ﻭﻗﺎﻝ ﺳﺎﺧﺮﺍ: ﺑﻴﻨﺎ! ﺩﻩ ﻋﻠﻲ ﺃﺳﺎﺱ ﺇﻥ ﻓﻲ ﺑﻴﻨﺎ ﺃﻱ ﺣﺎﺟﻪ ﺃﻧﺘﻮﺍ ﺃﺻﻼ ﻣﺘﻠﺰﻣﻮﻧﻴﺶ ﻭﻻ ﺗﻠﺰﻣﻮﺍ ﻣﺮﺍﺗﻲ ﻋﺸﺎﻥ ﺗﻮﻗﻊ ﺃﺻﻞ ﺷﻐﻞ ﺍﻟﺘﻮﻗﻴﻊ ﺩﻩ ﺑﺘﺎﻋﻚ ﺃﻧﻲ ﻭﺃﻣﻚ!

ﺻﺮﺕ ﻧﺴﻤﻪ ﻋﻠﻲ ﺃﺳﻨﺎﻧﻬﺎ ﻭﻫﻲ ﺗﻨﻈﺮ ﻟ ﻫﻨﺎ ﻧﻈﺮﺍﺕ ﻧﺎﺭﻳﻪ ﺑﻴﻨﻤﺎ ﻗﺎﻝ ﺗﺎﻣﺮ ﻣﻜﺮﺭﺍً: ﺃﻧﺎ ﻣﺶ ﻫﻌﻴﺪ ﻛﻼﻣﻲ ﺗﺎﻧﻲ ﻣﺮﺍﺗﻲ ﺧﻂ ﺃﺣﻤﺮ!
ﺛﻢ ﺃﻣﺴﻚ ﺑﻜﻒ ﺯﻭﺟﺘﻪ ﻭﺩﻟﻔﺎ ﺇﻟﻲ ﻣﻨﺰﻟﻬﻤﺎ ﺑﻴﻨﻤﺎ ﻗﺎﻟﺖ ﻫﻨﺎ ﺑﻬﺪﻭﺀ: ﺃﻧﺎ ﻣﻜﻨﺶ ﻗﺼﺪﻱ ﺃﻋﻤﻞ ﻣﺸﺎﻛﻞ ﻭ...
ﻗﺎﻃﻌﻬﺎ ﻭﻫﻮ ﻳﻘﻮﻝ ﺑﺤﺰﻡ: ﺍﻟﺒﺎﺏ ﺩﻩ ﻣﻴﺘﻔﺘﺤﺶ ﺗﺎﻧﻲ ﺇﻻ ﺍﺫﺍ ﻣﺮﻳﻢ ﺑﺲ ﺧﺒﻄﺖ ﺇﻧﻤﺎ ﺧﺮﻭﺝ ﺑﺮﻩ ﺍﻳﺎﻛﻲ ﻭﺍﻟﺒﻠﻜﻮﻧﻪ ﺩﻱ ﺑﺮﺿﻮ ﻣﺘﺘﻔﺘﺤﺶ ﻭﻟﺴﺎﻧﻚ ﻣﻴﺨﺎﻃﺒﺶ ﻟﺴﺎﻧﻲ ﺗﺎﻧﻲ ﻭﻻ ﻟﻴﻜﻲ ﺩﻋﻮﻩ ﺑﻴﺎ ﻣﻔﻬﻮﻡ!؟

ﺇﻗﺘﺮﺑﺖ ﻣﻨﻪ ﻗﺎﺋﻠﻪ ﺑﺘﻮﺳﻞ: ﻻ ﻛﻠﻪ ﺇﻻ ﻛﺪﻩ ﻭﺍﻟﻠﻪ ﻣﺎ ﻫﻌﻤﻞ ﻛﺪﻩ ﺗﺎﻧﻲ ﺑﺲ ﺑﻼﺵ ﺗﺨﺎﺻﻤﻨﻲ
ﺣﺮﻙ ﺭﺃﺳﻪ ﺑﺎﻟﻨﻔﻲ ﻭﻫﻮ ﻳﻘﻮﻝ: ﻻ ﻳﺎ ﻫﻨﺎ ﻭﺃﻭﻋﻲ ﻋﺸﺎﻥ ﻋﻨﺪﻱ ﺷﻐﻞ
ﺇﻧﺴﺎﺑﺖ ﺩﻣﻮﻋﻬﺎ ﻭﺗﻤﺴﻜﺖ ﺑﻪ ﻣﺤﺘﻀﻨﺎﻩ ﺑﺸﺪﻩ ﺩﺍﻓﻨﻪ ﺭﺃﺳﻬﺎ ﻓﻲ ﺻﺪﺭﻩ ﻗﺎﺋﻠﻪ ﺑﺒﻜﺎﺀ: ﺃﺭﺟﻮﻙ ﻳﺎﺗﺎﻣﺮ ﻃﺐ ﺃﻋﻤﻞ ﺍﻟﻲ ﻋﺎﻭﺯﻩ ﺑﺲ ﺑﻼﺵ ﺧﺼﺎﻡ.

ﺃﺷﻔﻖ ﻋﻠﻴﻬﺎ ﻭﻛﺎﺩ ﺃﻥ ﻳﻠﻒ ﺫﺭﺍﻋﻪ ﺣﻮﻟﻬﺎ ﻭﻟﻜﻨﻪ ﺗﺮﺍﺟﻊ ﻭﺃﺑﻌﺪﻫﺎ ﻋﻨﻪ ﺑﺮﻓﻖ ﻭﺇﺗﺠﻪ ﺇﻟﻲ ﺍﻟﺒﺎﺏ ﻭﺧﺮﺝ ﻣﻐﻠﻘﺎً ﺍﻟﺒﺎﺏ ﺧﻠﻔﻪ ﺗﺎﺭﻛﺎ ﻟﻬﺎ ﺗﺒﻜﻲ ﻭﺗﺸﻬﻖ ﺑﻤﺮﺍﺭﻩ ﻫﺒﻂ ﺩﺭﺟﺎﺕ ﺍﻟﺴﻠﻢ ﻭﻫﻮ ﻓﻲ ﻗﻤﻪ ﻏﻀﺒﻪ ﻓﻬﻮ ﻻ ﻳﺘﺤﻤﻞ ﺧﺼﺎﻣﻬﺎ ﻭﻟﻜﻨﻪ ﺃﺭﺍﺩ ﻣﻌﺎﻗﺒﺘﻬﺎ ﺣﺘﻲ ﻻ ﺗﻘﻊ ﻓﻲ ﻳﺪ ﺗﻠﻚ ﺍﻟﺘﻲ ﻻ ﺗﺮﺣﻢ ﻭﻻ ﺗﻌﺮﻑ ﻟﻠﺮﺣﻤﻪ ﻃﺮﻳﻖ ﻓﻬﻮ ﻳﻌﻠﻢ ﺟﻴﺪﺍ ﻧﻮﺍﻳﺎ ﺗﻠﻚ ﺍﻟﺘﻲ ﺗﺴﻤﻲ ﺧﺎﻟﺘﻪ ﻭﻳﻌﻠﻢ ﺍﻟﻜﺮﻩ ﺍﻟﺬﻱ ﺗﻜﻨﻪ ﻟﻪ ﻣﻨﺬ ﻭﻓﺎﻩ ﻭﺍﻟﺪﻳﻪ...
ﻓﻲ ﺍﻟﻤﻌﺮﺽ.

ﻛﺎﻧﺖ ﻣﺮﻳﻢ ﺟﺎﻟﺴﻪ ﻋﻠﻲ ﻣﻘﻌﺪ ﺃﺧﻴﻬﺎ ﺗﻌﺒﺚ ﻓﻲ ﺩﻓﺎﺗﺮﻩ ﻭﺗﺤﺪﺙ ﻧﻔﺴﻬﺎ ﺑﺨﻔﻮﺕ ﻏﻴﺮ ﻋﺎﺑﺌﻪ ﺑﺄﺣﺪ ﻓﻲ ﺣﻴﻦ ﻭﻗﻒ ﺃﻣﺎﻣﻬﺎ ﺑﻄﻠﺘﻪ ﺍﻟﻤﺸﺮﻗﻪ ﻭﻣﻦ ﺛﻢ ﻗﺎﻝ ﺑﺼﻮﺕ ﻋﺎﻝِ:
ﺃﻧﺘﻲ ﺗﺎﻧﻲ؟
ﺭﻓﻌﺖ ﺑﺼﺮﻫﺎ ﺇﻟﻴﻪ ﻟﺘﺸﻬﻖ ﻭﺗﻨﻬﺾ ﻗﺎﺋﻠﻪ ﺑﺘﻮﺗﺮ: ﺍﻳﻪ ﺩﻩ ﺁﺁ ﺃﻧﺖ ﺍﻳﻪ ﺍﻟﻲ ﺟﺎﺑﻚ ﻫﻨﺎ ﻭﺑﻌﺪﻳﻦ ﻓﻲ ﺣﺪ ﻳﺪﺧﻞ ﻛﺪﻩ ﻣﻦ ﻏﻴﺮ ﺇﺣﻢ ﻭﻻ ﺩﺳﺘﻮﺭ
ﺭﻓﻊ ﺃﺣﻤﺪ ﺣﺎﺟﺒﻴﻪ ﻗﺎﺋﻼ: ﺩﺳﺘﻮﺭ! ﻓﻴﻦ ﺗﺎﻣﺮ؟
ﺣﻜﺖ ﺭﺃﺳﻬﺎ ﻭﻫﻲ ﺗﺠﻴﺐ ﻋﻠﻴﻪ ﻗﺎﺋﻠﻪ: ﺁﺁ ﻃﻠﻊ ﻓﻮﻕ ﻭﻗﺎﻟﻲ ﺍﻋﺪ ﻫﻨﺎ ﻋﻠﻲ ﻣﺎ ﻳﻨﺰﻝ.

ﺃﻭﻣﺄ ﺑﺮﺃﺳﻪ ﻗﺎﺋﻼ: ﻣﻤﻢ ﺩﻩ ﺣﻈﻲ ﺍﻟﻨﺤﺲ ﺑﻘﺎ ﻋﺸﺎﻥ ﺃﺷﻮﻓﻚ
ﺇﺗﺴﻌﺖ ﻋﻴﻨﻴﻬﺎ ﻭﻫﻲ ﺗﻘﻮﻝ ﺑﺰﻫﻮﻝ: ﻧﻌﻢ ﻳﺎﺧﻮﻳﺎ ﻧﺤﺲ؟ ﺃﻧﺖ ﺇﺯﺍﻱ ﺗﻜﻠﻤﻨﻲ ﻛﺪﻩ ﺃﻧﺖ ﻣﺶ ﻋﺎﺭﻑ ﺃﻧﺎ ﻣﻴﻦ؟
ﻗﻬﻘﻪ ﺃﺣﻤﺪ ﺛﻢ ﻗﺎﻝ ﻣﻦ ﺑﻴﻦ ﺿﺤﻜﺎﺗﻪ: ﻣﻴﻦ ﺇﻥ ﺷﺎﺀ ﺍﻟﻠﻪ؟
ﺻﺮﺕ ﻋﻠﻲ ﺃﺳﻨﺎﻧﻬﺎ ﺑﻐﻴﻆ ﺛﻢ ﻗﺎﻟﺖ ﺑﺜﻘﻪ: ﻣﺮﻳﻢ
ﺿﺮﺏ ﻛﻔﺎ ﻋﻠﻲ ﻛﻒ ﻭﻫﻮ ﻳﻘﻮﻝ: ﺍﻳﻪ ﻳﻌﻨﻲ ﻣﺮﻳﻢ ﺩﻱ؟
ﺗﺄﻓﻔﺖ ﻣﺮﻳﻢ ﻭﻫﻲ ﺗﻘﻮﻝ ﺑﻨﻔﺎﺫ ﺻﺒﺮ: ﻳﻮﻭﻩ ﻓﻴﻨﻚ ﻳﺎﺗﺎﻣﺮ ﺩﻩ ﺍﻟﺠﻮ ﻫﻨﺎ ﺑﻘﻲ ﻳﺨﻨﻖ ﺃﻭﻱ ﺑﺼﺮﺍﺣﻪ
- ﺇﺗﺨﻨﻘﺘﻲ ﻣﻦ ﺍﻳﻪ ﻳﺎﻣﺮﻳﻢ.

ﻗﺎﻟﻬﺎ ﺗﺎﻣﺮ ﻭﻫﻮ ﻳﺘﺠﻪ ﺇﻟﻴﻬﻤﺎ ﺑﻴﻨﻤﺎ ﺻﺎﻓﺤﻪ ﺃﺣﻤﺪ ﻗﺎﺋﻼ ﺑﺎﺑﺘﺴﺎﻣﻪ: ﺃﻫﻼ ﻳﺎ ﺗﻴﻤﻮ ﺃﺧﺒﺎﺭﻙ
ﺗﻨﻬﺪ ﺗﺎﻣﺮ ﻗﺎﺋﻼ: ﺍﻟﺤﻤﺪﻟﻠﻪ ﻭﺃﻧﺖ
ﺃﻭﻣﺄ ﺃﺣﻤﺪ ﺑﺮﺃﺳﻪ ﻗﺎﺋﻼ: ﺑﺨﻴﺮ ﻭﺍﻟﺤﻤﺪﻟﻠﻪ
ﺗﺤﺪﺙ ﺗﺎﻣﺮ ﻭﻫﻮ ﻳﺮﻣﻖ ﺷﻘﻴﻘﺘﻪ ﺑﻐﻴﻆ ﻭﻗﺎﻝ: ﺇﻃﻠﻌﻲ ﻳﻼ
ﺇﺑﺘﻠﻌﺖ ﻫﻲ ﺭﻳﻘﻬﺎ ﻣﻦ ﻣﻼﻣﺤﻪ ﺍﻟﺘﻲ ﺗﻐﻴﺮﺕ ﻭﺃﺻﺒﺤﺖ ﻏﺎﺿﺒﻪ ﻓﻘﺎﻟﺖ ﺑﺨﻔﻮﺕ: ﻩ ﻫﻮ ﺃﻧﺖ ﻋﻤﻠﺖ ﺍﻳﻪ ﻓﻲ ﻫﻨﺎ؟
ﺻﺮ ﻋﻠﻲ ﺃﺳﻨﺎﻧﻪ ﻭﻫﻮ ﻳﻘﻮﻝ: ﻋﻠﻲ ﻓﻮﻕ ﻳﺎ ﻣﺮﻳﻢ.

ﺃﻭﻣﺄﺕ ﺑﺮﺃﺳﻬﺎ ﻭﻭﺯﻋﺖ ﺃﻧﻈﺎﺭﻫﺎ ﺑﻴﻦ ﺷﻘﻴﻘﻬﺎ ﻭﺭﻓﻴﻘﻪ ﺛﻢ ﻗﺎﻟﺖ ﺑﺎﺭﺗﺒﺎﻙ: ﻃﻴﺐ ﺳﻼﻣﻮ ﻋﻠﻴﻜﻮ، ﻭﻣﻦ ﺛﻢ ﺇﺗﺠﻬﺖ ﺇﻟﻲ ﺍﻟﺨﺎﺭﺝ ﺳﺮﻳﻌﺎ
ﻓﻴﻤﺎ ﺗﺤﺪﺙ ﺃﺣﻤﺪ ﺑﺘﺴﺎﺅﻝ ﻗﺎﺋﻼ: ﻫﻲ ﺃﺧﺘﻚ ﺩﻱ ﻣﺠﻨﻮﻧﻪ ﻭﻻ ﻫﻲ ﻛﺪﻩ ﻃﺒﻴﻌﻴﻪ؟
ﺗﻨﻬﺪ ﺗﺎﻣﺮ ﺛﻢ ﺇﻟﺘﻒ ﻟﻴﺠﻠﺲ ﻋﻠﻲ ﻣﻘﻌﺪﻩ ﻭﺍﺿﻌﺎ ﺳﺎﻗﺎ ﻓﻮﻕ ﺍﻻﺧﺮ ﻟﻴﻘﻮﻝ ﺑﻬﺪﻭﺀ:
- ﺃﻋﺪ ﻳﺎ ﺃﺣﻤﺪ ﺗﺸﺮﺏ ﺍﻳﻪ؟
ﺭﻓﻊ ﺃﺣﻤﺪ ﺣﺎﺟﺒﻴﻪ ﺑﺎﺳﺘﻐﺮﺍﺏ ﺛﻢ ﺗﺎﺑﻊ ﻗﺎﺋﻼ: ﻫﻮ ﻓﻲ ﺍﻳﻪ؟
ﺗﺎﻣﺮ ﺑﻬﺪﻭﺀ: ﻭﻻ ﺣﺎﺟﻪ ﺗﺸﺮﺏ ﺍﻳﻪ.

ﺗﻨﻬﺪ ﺃﺣﻤﺪ ﻭﻗﺎﻝ ﻣﺎﺯﺣﺎً: ﻃﺐ ﭐﻃﻠﺒﻠﻲ ﻗﻬﻮﻩ ﻭﺑﻌﺪﻳﻦ ﻧﺸﻮﻑ ﻭﺷﻚ ﺍﻟﻤﻜﺸﺮ ﺩﻩ ﺃﺧﺮﺗﻪ ﺍﻳﻪ
ﻫﺘﻒ ﺗﺎﻣﺮ ﺑﺼﻮﺕ ﻋﺎﻝِ ﻭﻫﻮ ﻳﻘﻮﻝ: ﻋﻮﺽ ﻋﻮﺽ، ﻳﺎ ﻋﻢ ﻋﻮﺽ
ﺑﻌﺪ ﻗﻠﻴﻞ ﺁﺗﻲ ﻋﻮﺽ ﻭﻫﻮ ﻳﻘﻮﻝ ﺑﻬﺪﻭﺀ: ﺃﻳﻮﻩ ﻳﺎ ﺃﺳﺘﺎﺫ ﺗﺎﻣﺮ
ﺗﺎﻣﺮ ﺑﺈﻧﻔﻌﺎﻝ ﺧﻔﻴﻒ: ﺍﻳﻪ ﻳﺎﻋﻢ ﻋﻮﺽ ﺳﺎﻋﻪ ﻋﺸﺎﻥ ﺗﺮﺩ
ﺗﺤﺪﺙ ﻋﻮﺽ ﻗﺎﺋﻼ: ﺃﻧﺎ ﺟﻴﺖ ﻋﻠﻲ ﻃﻮﻝ ﻭﺍﻟﻠﻪ ﺑﺲ ﻛﺎﻥ ﻣﻌﺎﻳﺎ ﺯﺑﺎﻳﻦ
ﺗﺎﻣﺮ ﺑﺠﺪﻳﻪ: ﻃﺐ ﻫﺎﺕ ﭐﺗﻨﻴﻦ ﻗﻬﻮﻩ ﻭﻫﺎﺕ ﺇﺯﺍﺯﻩ ﻣﻴﻪ ﺳﺎﻗﻌﻪ ﻣﻌﺎﻙ.

ﺃﻭﻣﺄ ﻋﻮﺽ ﺑﺮﺃﺳﻪ ﻭﻣﻦ ﺛﻢ ﺗﺤﺮﻙ ﻣﺴﺮﻋﺎ ﻣﻦ ﺃﻣﺎﻣﻬﻤﺎ، ﻭﻓﻲ ﺣﻴﻦ ﺗﺤﺪﺙ ﺃﺣﻤﺪ ﻗﺎﺋﻼ ﺑﺘﺴﺎﺅﻝ: ﺇﺣﻜﻴﻠﻲ ﻣﺎﻟﻚ ﺑﻘﺎ؟
ﺻﻌﺪﺕ ﻣﺮﻳﻢ ﻣﺮﻩ ﺛﺎﻧﻴﻪ ﺣﺘﻲ ﻭﻗﻔﺖ ﺃﻣﺎﻡ ﺷﻘﻪ ﺃﺧﻴﻬﺎ ﺛﻢ ﺩﻗﺖ ﺍﻟﺠﺮﺱ ﻓﺘﻮﺟﻬﺖ ﻫﻨﺎ ﻟﺘﻔﺘﺢ ﻭﻣﺎ ﺯﺍﻝ ﺩﻣﻮﻋﻬﺎ ﻋﻠﻲ ﻭﺟﻨﺘﻴﻬﺎ ﻭﻣﺎ ﺍﻥ ﻓﺘﺤﺖ ﺣﺘﻲ ﺷﻬﻘﺖ ﻣﺮﻳﻢ ﻣﻦ ﻫﻴﺌﺘﻬﺎ ﻭﻗﺎﻟﺖ ﺑﻠﻬﻔﻪ:
- ﺍﻳﻪ ﺩﻩ ﻓﻲ ﺍﻳﻪ ﻫﻮ ﺗﺎﻣﺮ ﻋﻤﻠﻚ ﺍﻳﻪ ﻳﺎ ﻫﻨﺎ؟
ﺗﺤﺪﺛﺖ ﻫﻨﺎ ﻣﻦ ﺑﻴﻦ ﺩﻣﻮﻋﻬﺎ ﻗﺎﺋﻠﻪ: ﺧ ﺧﺎﺻﻤﻨﻲ ﻭ ﻭﻣﺶ ﺭﺍﺿﻲ ﻳﻜﻠﻤﻨﻲ ﺧﺎﻟﺺ
ﺗﻨﻬﺪﺕ ﺑﺎﺭﺗﻴﺎﺡ ﻭﻫﻲ ﺗﻘﻮﻝ: ﺧﻀﺘﻴﻨﻲ ﺇﻓﺘﻜﺮﺗﻪ ﺿﺮﺑﻚ.

ﻫﻨﺎ ﺑﺒﻜﺎﺀ: ﻳﺎﺭﻳﺘﻪ ﻛﺎﻥ ﻋﻤﻞ ﻛﺪﻩ ﺑﺲ ﻣﺨﺎﺻﻤﻨﻴﺶ
ﺿﺤﻜﺖ ﻣﺮﻳﻢ ﻭﻫﻲ ﺗﺮﺑﺖ ﻋﻠﻲ ﻛﺘﻔﻬﺎ ﻗﺎﺋﻠﻪ:
- ﻣﻌﻠﺶ ﻳﺎ ﻫﻨﻮﻥ ﺃﻛﻴﺪ ﻫﻴﺼﺎﻟﺤﻚ ﻫﻮ ﻣﻴﻘﺪﺭﺵ ﻋﻠﻲ ﺑﻌﺪﻙ ﺗﻼﻗﻴﻪ ﻣﻦ ﻋﺼﺒﻴﺘﻪ ﺑﺲ
ﺣﺮﻛﺖ ﺭﺃﺳﻬﺎ ﺑﺎﻟﻨﻔﻲ ﻗﺎﺋﻠﻪ: ﻻ ﻫﻮ ﺯﻋﻼﻥ ﻣﻨﻲ ﺃﻭﻱ ﻭﺃﻧﺎ ﻏﻠﻄﺎﻧﻪ ﻣﺴﻤﻌﺘﺶ ﻛﻼﻣﻪ ﻭﻗﻮﻟﺘﻠﻚ ﺗﺎﻣﺮ ﻗﺎﻟﻲ ﻻﺀ ﺃﻧﺘﻲ ﺍﻟﻲ ﺻﻤﻤﺘﻲ
ﺭﻓﻌﺖ ﺣﺎﺟﺒﻴﻬﺎ ﻟﺘﻘﻮﻝ ﺑﺼﺪﻣﻪ: ﻫﺎﺭ ﺍﺳﻮﺡ ﺃﻧﺘﻲ ﻗﻮﻟﺘﻴﻠﻪ ﻛﺪﻩ
ﺃﻭﻣﺄﺕ ﻫﻨﺎ ﺑﺮﺃﺳﻬﺎ ﻗﺎﺋﻠﻪ: ﺍﻳﻮﻩ ﻋﺸﺎﻥ ﻫﻮ ﻗﺎﻟﻲ ﺍﻳﺎﻙ ﺃﻋﺮﻑ ﺍﻧﻚ ﺧﺒﻴﺘﻲ ﻋﻠﻴﺎ ﺣﺎﺟﻪ.

ﺧﺒﻄﺖ ﻣﺮﻳﻢ ﻋﻠﻲ ﺻﺪﺭﻫﺎ ﻭﺗﺎﺑﻌﺖ ﻗﺎﺋﻠﻪ: ﻋﺸﺎﻥ ﻛﺪﻩ ﺑﻴﺒﺼﻠﻲ ﻭﻋﺎﻳﺰ ﻳﻘﺘﻠﻨﻲ ﺭﺑﻨﺎ ﻳﺴﺘﺮ ﺧﻼﺹ ﺑﻘﺎ ﻣﺘﺰﻋﻠﻴﺶ ﻛﻠﻪ ﺑﻴﻌﺪﻱ ﻳﺎ ﻫﻨﺎ
ﻓﻲ ﺍﻟﻤﻌﺮﺽ
ﺃﻧﻬﻲ ﺗﺎﻣﺮ ﺣﺪﻳﺜﻪ ﻭﻫﻮ ﻳﻘﻮﻝ: ﺩﻩ ﺍﻟﻠﻲ ﺣﺼﻞ
ﺗﻨﻬﺪ ﺃﺣﻤﺪ ﺛﻢ ﻗﺎﻝ ﺑﺎﺑﺘﺴﺎﻣﻪ:
- ﻃﺐ ﻣﺎ ﺩﻩ ﻭﺍﺭﺩ ﻭﻣﺮﺍﺗﻚ ﻣﺶ ﻣﻼﻙ ﻳﻌﻨﻲ ﻭﺃﻛﻴﺪ ﻫﺘﻐﻠﻂ ﻭﺩﻩ ﻏﻠﻂ ﺑﺴﻴﻂ ﺧﺼﻮﺻﺎ ﺇﻧﻚ ﻋﺎﺭﻑ ﺇﻧﻬﺎ ﺑﺘﺘﺼﺮﻑ ﺑﺘﻠﻘﺎﺋﻴﻪ ﻭﻣﻘﺼﺪﺗﺶ ﺗﻜﺴﺮ ﻛﻼﻣﻚ
ﺗﺎﻣﺮ ﺑﻬﺪﻭﺀ: ﺃﻧﺎ ﺑﺨﺎﻑ ﻋﻠﻴﻬﺎ ﻳﺎ ﺍﺣﻤﺪ ﻭﺧﺼﻮﺻﺎ ﻣﻦ ﺍﻟﻌﻘﺮﺑﻪ ﺍﻟﻲ ﻓﻮﻕ ﺩﻱ.

ﻧﻈﺮ ﺃﺣﻤﺪ ﻟﻪ ﺛﻢ ﺗﺎﺑﻊ ﻗﺎﺋﻼ: ﻣﻌﻠﺶ ﺑﻘﺎ ﺩﻩ ﻏﻠﻄﻚ ﻣﻦ ﺍﻻﻭﻝ ﻣﻔﻬﻤﺘﻬﺎﺵ ﻟﻴﻪ ﻧﻮﺍﻳﺎ ﺧﺎﻟﺘﻚ ﻋﺸﺎﻥ ﺗﺎﺧﺪ ﺣﻈﺮﻫﺎ ﻭﻣﺘﺪﺧﻠﺶ ﺍﻧﻤﺎ ﺍﻧﺖ ﻗﻮﻟﺘﻠﻬﺎ ﺃﻧﺎ ﺍﻟﻲ ﺍﻗﺮﺭ ﻭﺍﻗﻮﻝ ﻭﺍﻟﻜﻠﻤﻪ ﺗﺘﺴﻤﻊ ﻣﻴﻨﻔﻌﺶ ﻳﺎ ﺗﺎﻣﺮ ﺍﻟﺤﻴﺎﻩ ﻣﺸﺎﺭﻛﻪ ﻭﺗﺸﺎﻭﺭ ﺑﻴﻦ ﺍﻟﺰﻭﺟﻴﻦ ﻭﺃﺣﺴﻦ ﺣﺎﺟﻪ ﺍﻟﺘﻔﺎﻫﻢ
ﺻﻤﺖ ﺗﺎﻣﺮ ﻭﻫﻮ ﻳﺤﺪﻕ ﻓﻲ ﺍﻟﻔﺮﺍﻍ ﺑﻴﻨﻤﺎ ﺗﺎﺑﻊ ﺃﺣﻤﺪ ﻭﻫﻮ ﻳﻘﻮﻝ: ﺧﻼﺹ ﻳﺎﻋﻢ ﻣﺠﺮﺍﺵ ﺣﺎﺟﻪ ﻭﺃﺣﺴﻦ ﺣﺎﺟﻪ ﺇﻧﻚ ﻣﻤﺪﺗﺶ ﺇﻳﺪﻙ ﻭﺍﻟﻌﻘﺎﺏ ﺩﻩ ﻛﻮﻳﺲ ﺃﻭﻱ ﺑﺲ ﻣﺘﻄﻮﻟﺶ ﻓﻴﻪ ﺃﻭﻱ ﻋﺸﺎﻥ ﻣﺘﺒﻮﺧﺶ ﻭﺗﺒﻘﻲ ﻣﺎﺳﺦ ﻛﺪﻩ.

ﻧﻈﺮ ﻟﻪ ﺗﺎﻣﺮ ﺑﺎﺳﺘﻐﺮﺍﺏ ﺑﻴﻨﻤﺎ ﺿﺤﻚ ﺃﺣﻤﺪ ﻗﺎﺋﻼ ﺑﻤﺰﺍﺡ: ﺃﻳﻮﻩ ﻭﻛﻤﺎﻥ ﺷﻜﻠﻚ ﺑﻴﺨﻮﻑ ﺑﺼﺮﺍﺣﻪ ﻭﺃﻧﺖ ﻣﻜﺸﺮ ﺇﺿﺤﻚ ﻳﺎ ﻋﻢ ﻣﻔﻴﺶ ﺣﺎﺟﻪ ﻣﺴﺘﺎﻫﻠﻪ
ﺿﺤﻚ ﺗﺎﻣﺮ ﺭﻏﻤﺎ ﻋﻨﻪ ﻗﺎﺋﻼ: ﻣﺠﻨﻮﻥ
ﺣﻚ ﺃﺣﻤﺪ ﺻﺪﻏﻪ ﻭﻫﻮ ﻳﻘﻮﻝ: ﻭﺍﻟﻠﻪ ﻣﺶ ﺃﻧﺎ ﺍﻟﻤﺠﻨﻮﻥ ﺩﻩ ﺃﻧﺖ ﻋﻨﺪﻙ ﺃﺧﺖ ﺧﺎﺭﺟﻪ ﻣﻦ ﻣﺴﺘﺸﻔﻲ ﺍﻟﻤﺠﺎﻧﻴﻦ ﻫﻲ ﻛﺪﻩ ﺑﺠﺪ ﻃﺒﻴﻌﻴﻪ ﻣﺠﺎﻭﺑﺘﻨﻴﺶ؟
ﺿﺤﻚ ﺗﺎﻣﺮ ﻭﻫﻮ ﻳﻘﻮﻝ: ﻣﺘﻐﻠﻄﺶ ﻳﺎﺽ ﺃﻧﺖ
ﺃﺣﻤﺪ ﺿﺎﺣﻜﺎ: ﻃﺐ ﺃﺷﻮﻑ ﺃﻧﺎ ﻭﺭﺍﻳﺎ ﺍﻳﻪ ﺑﻘﻲ ﺷﺮﺑﺖ ﺍﻟﻘﻬﻮﻩ ﻭﺍﻟﺤﻤﺪﻟﻠﻪ ﻳﻼ ﺳﻼﻡ.

ﺗﺎﻣﺮ ﺑﻤﺰﺍﺡ: ﺃﻧﺖ ﻛﻨﺖ ﺟﺎﻱ ﻋﺸﺎﻥ ﺗﺸﺮﺏ ﺍﻟﻘﻬﻮﻩ ﻭﻻ ﺍﻳﻪ؟
ﺃﻭﻣﺄ ﺃﺣﻤﺪ ﺑﺮﺃﺳﻪ ﻗﺎﺋﻼ ﺑﻤﺮﺡ: ﺃﻳﻮﻩ ﺑﺎﻟﻈﺒﻂ ﻳﻼ ﺳﻼﻡ ﻋﻠﻴﻜﻢ
ﺿﺤﻚ ﺗﺎﻣﺮ ﻗﺎﺋﻼ: ﻭﻋﻠﻴﻜﻢ ﺍﻟﺴﻼﻡ.

ﻣﺮ ﻳﻮﻣﺎﻥ ﻋﻠﻲ ﺃﺑﻄﺎﻟﻨﺎ ﻛﺎﻥ ﺗﺎﻣﺮ ﻻ ﻳﺘﺤﺪﺙ ﻣﻊ ﻫﻨﺎ ﻭﻟﻜﻨﻪ ﻛﺎﻥ ﻳﻨﻬﺎﺭ ﺣﻴﻦ ﻳﺮﺍﻫﺎ ﻭﻻ ﻳﺄﺧﺬﻫﺎ ﻓﻲ ﺃﺣﻀﺎﻧﻪ ﻛﺎﻥ ﻳﻨﺎﻡ ﻣﻮﺍﻟﻴﻬﺎ ﻇﻬﺮﻩ ﻓﻴﻤﺎ ﻛﺎﻧﺖ ﻫﻲ ﺗﺘﺸﺒﺚ ﺑﻪ ﻣﻦ ﺍﻟﺨﻠﻒ ﻻ ﺗﺮﻳﺪ ﺃﻥ ﺗﺒﺘﻌﺪ ﻋﻨﻪ ﻛﺎﻥ ﻳﺒﺘﺴﻢ ﻭﻫﻮ ﻳﺮﺍﻫﺎ ﻣﺘﻤﺴﻜﻪ ﺑﻪ ﺣﺘﻲ ﻭﻫﻮ ﻳُﻌﺎﻗﺒﻬﺎ ﻭﻟﻜﻨﻪ ﻛﺎﻥ ﻋﻨﺪﻣﺎ ﺗﻐﻔﻮ ﻳﻠﺘﻒ ﻭﻳﺘﺄﻣﻞ ﻭﺟﻬﻬﺎ ﺍﻟﻨﺎﺋﻢ ﻭﻣﻼﻣﺤﻬﺎ ﺍﻟﺴﺎﻛﻨﻪ ﻭﻳﻘﺒﻠﻬﺎ ﺑﻬﺪﻭﺀ ﻭﻣﻦ ﺛﻢ ﻳﺘﺮﺍﺟﻊ ﻛﻤﺎ ﻛﺎﻥ، ﻭﻛﺎﻥ ﻳﺄﻛﻞ ﻣﻌﻬﺎ ﻋﻠﻲ ﻃﺎﻭﻟﻪ ﻭﺍﺣﺪﻩ ﻣﺮﺍﻗﺒﺎً ﺗﺼﺮﻓﺎﺗﻬﺎ ﺩﻭﻥ ﺃﻥ ﺗﺸﻌﺮ ﻛﻢ ﺇﺷﺘﺎﻕ ﺃﻥ ﻳﻄﻌﻤﻬﺎ ﺑﻴﺪﻩ ﻳﻬﻤﺲ ﻟﻬﺎ ﺑﻜﻠﻤﺎﺗﻪ ﺍﻟﻌﺎﺷﻘﻪ ﻳﺄﺧﺬﻫﺎ ﺇﻟﻲ ﺃﺣﻀﺎﻧﻪ ﻭﻟﻜﻦ ﺍﻟﻌﻨﺪ ﻳﺘﻐﻠﺐ ﻋﻠﻴﻪ ﻭﺃﺭﺍﺩ ﺃﻥ ﻳﻌﺎﻗﺒﻬﺎ ﺑﻤﺨﺎﺻﻤﺘﻪ ﻟﻬﺎ ﻓﻲ ﻳﻮﻣﺎﻥ ﻣﺮ ﻋﻠﻴﻬﻤﺎ ﻭﻛﺄﻧﻬﻤﺎ ﻋﺎﻣﺎﻥ ﻛﺎﻧﺖ ﺗﺘﻤﻨﻲ ﻫﻨﺎ ﺃﻥ ﺗﻌﺎﻧﻘﻪ ﻭﻟﻜﻨﻪ ﻛﺎﻥ ﻳﻤﻨﻌﻬﺎ ﻭﻳﻨﻬﺎﺭ ﺑﺪﺍﺧﻠﻪ ﻓﻜﻴﻒ ﻟﻪ ﺃﻥ ﻳﻔﻌﻞ ﺬﻟﻚ ﺑﺤﺒﻴﺒﺘﻪ ﻭﺻﻐﻴﺮﺗﻪ ﻭﻋﺸﻘﻪ ﺍﻟﻮﺣﻴﺪ!

ﻓﻲ ﺍﻟﻴﻮﻡ ﺍﻟﺜﺎﻟﺚ ﺻﻌﺪ ﺗﺎﻣﺮ ﺇﻟﻲ ﺳﻄﺢ ﻫﺬﻩ ﺍﻟﻌﻤﺎﺭﻩ ﻭﺍﻟﺬﻱ ﻫﻴﺌﻪ ﻟﻪ ﻫﻮ ﻭﻛﺎﻥ ﻳﺠﻠﺲ ﺑﻪ ﻓﻲ ﺍﻟﻠﻴﻞ ﻳﺸﺮﺩ ﻓﻲ ﺍﻟﺴﻤﺎﺀ ﺗﺎﺭﻛﺎ ﺍﻟﻬﻮﺍﺀ ﻳﻠﻔﺢ ﻭﺟﻬﻪ ﺑﻌﺪ ﺃﻥ ﺃﻃﻔﺊ ﺳﻴﺠﺎﺭﺗﻪ ﺃﻏﻤﺾ ﻋﻴﻨﻴﻪ ﻭﺇﺳﺘﻨﺪ ﺑﺮﺃﺳﻪ ﻋﻠﻲ ﺍﻟﻤﻘﻌﺪ ﺣﺘﻲ ﺷﻌﺮ ﺑﻴﺪ ﺗﻼﻣﺲ ﺧﺼﻼﺕ ﺷﻌﺮﻩ ﻭﺗﺪﺍﻋﺒﻬﺎ ﺑﺤﻨﺎﻥ ﺇﺑﺘﺴﻢ ﻋﻔﻮﻳﺎ ﻋﻨﺪﻣﺎ ﺷﻌﺮ ﺑﻬﺎ ﻗﺎﺋﻼ ﺑﻬﺪﻭﺀ: ﺑﺮﺿﻮ ﻣﺶ ﻫﻜﻠﻤﻚ ﻳﺎ ﻫﻨﺎ!
ﻟﻢ ﻳﺄﺗﻴﻪ ﺭﺩ ﻓﻌﻘﺪ ﺣﺎﺟﺒﻴﻪ ﻭﻣﻦ ﺛﻢ ﻓﺘﺢ ﻋﻴﻨﺎﻩ ﻟﻴﺘﻔﺎﺟﺊ ﺑ ﻧﺴﻤﻪ ﺗﺒﺘﺴﻢ ﻟﻪ ﺑﺠﺮﺍﺀﻩ...