رواية الماضي المجهول للكاتبة شاهندة الفصل الثامنسمع آنس صوت باب الفيلا يغلق بعنف فنظر اليه ليجد كريمة تهرول مسرعة لتركب سيارتها وتسوقها بتهور فشعر بالقلق وأسرع يستقل سيارته ويتبعها في اصرار، حتى وجدها تصف السيارة وتسرع لتقف امام البحر، صف سيارته واسرع خلفها، نظر حوله فلم يجد اى مخلوق في تلك المنطقة المنعزلة، اقترب منها في هدوء فوجد اكتافها تهتز قليلا، فأدرك انها تبكى، وضع يده على كتفها فانتفضت وهى تلتفت اليه لتلتقى عينيه القلقتين بعينيها الدامعتين، قال في لهفة:.مالك ياكريمة، دى اول مرة اشوفك بتعيطى؟التفتت الى البحر قائلة:يهمك قوى تعرف مالى؟امسك كتفيها بيديه وادارها اليه قائلا في حنان:اكيد يهمنى، انتى متعرفيش غلاوتك عندى ولا ايه؟نظرت الى عينيه الحانية في حيرة فاستطرد قائلا:يلا بقى قوليلى ايه اللى مزعلك بالشكل ده؟اخفضت نظراتها قائلة في حزن:لأنى لأول مرة انهاردة احس انى شبه امىعقد آنس حاجبيه في حيرة فرفعت نظرها اليه قائلة في سخرية حزينة:.كانت طول عمرها بتقوللى انى طالعة غبية زى بابا الله يرحمه، مكنتش بزعل بالعكس كنت بفرح انى طالعة غبية ومش حقودة ولا ببص للناس من فوق زيها، انهاردة بس حسيت انى شبههاابتسم آنس قائلا:لو كنتى فعلا شبهها مكنتيش دلوقتى تعيطى بالشكل ده، عشان ندمانة ع اللى بتعمليه مع سارةنظرت اليه في الم قائلة:.انا زعلانة انى عاملتها وحش، هى تستاهل، تستاهل اكتر من كدة، دى اتخلت عن آدم بعد ماعيشته في عذاب، بس ده مش طبعى، عمرى ماعاملت حد بعملهابتسم آنس قائلا:زن الست الوالدة، هنعمل ايه بقى؟نظرت اليه في تساؤل فاستطرد قائلا:والدة حضرتك، الست عايدة، عمتى، عايزاكى لآدم، بتحبه من حبها لبابا الله يرحمه، بس انتى ياكريمة، انتى عايزة ايه؟هزت رأسها بحيرة قائلة:.مش عارفة ياآنس، انا بحب آدم بس مش الحب اللى بنسمع عنه، يمكن كلام ماما معلقنى بيه بس لما بقعد لوحدى واشوف احساسى بلاقيه اخوة احترام، ويمكن ده اللى مخلينى آخدة موقف من سارة، لأنها آذت مشاعره مش لأنى بحبهاطمأن قلب آنس وهو يقول:سارة معدتش زى الاول ياكريمة، وآدم رجع يحبها ويمكن اكتر من الاول، دى حياته وهو حر فيها، ابعدى انتى عنها، وابعدى عن كلام مامتك، ابعدى خالصقالت كريمة بعد لحظة من التفكير:.انت معاك حق، انا هسافرأحس بقلبه يتمزق، هو لم يقصد ذلك ابدا، هو لن يستطيع احتمال بعادها، لذا اسرع يقول في لهفة:طب وانا؟نظرت اليه في حيرة قائلة:انت ايه؟تأمل عينيها قائلا:هتقدرى تبعدى عنى؟احست بالارتباك من نظراته وازدادت ضربات قلبها من صوته الهامس فقالت:تقصد ايه؟اقترب منها اكثر حتى شعرت بأنفاسه الساخنة على وجهها وهو يقول:مش معقول، كل ده ومحستيش بمشاعرى؟احست كريمة بقلبها يخفق بقوة وهى تقول:مشاعر!اومأ برأسه قائلا:من زمان وانا قلبى ملكك انتى، شفت اهتمامك بأخويا وكان مفروض يبعدنى عنك بس مقدرتش، كان دايما عندى امل انك تكونى من نصيبى، اللى كان بيدينى الامل ده هو ان عمرى ما شفت اللمعة اللى في عينيكى دلوقتى لما كنتى بتبصيله، قلبى كان حاسس انك بتحبينى زى ما بحبك، بس لسة مكتشفتيش ده،.نظرت اليه في حيرة، نعم مشاعرها تجاه آنس أقوى بكثير من آدم، انه الأقرب اليها، من تلجأ اليه دائما، من يشاركها اهتماماتها، فهل ما بداخلها له هو الحب ام ماذا؟ولماذا يدق قلبها بهذا الشكل وهى تتخيل نفسها الآن في أحضانه، لماذا؟افاقت من شرودها على صوته الذى يقول:طمنينى ياكريمة، ريحى قلبىنظرت اليه قائلة في حيرة:مش عارفة، صدقنى مش عارفةاقترب منها اكثر وامسك يديها يقبلهم في حنان وهو ينظر الى عينيها قائلا:.متأكدة انك مش عارفة؟احست بأن قلبها يقفز من دقاته ولكنها لم تستطع ان تتفوه بكلمة، فاقترب من وجنتها وهو يهمس في أذنها قائلا في عشق:انا قلبى مبيكدبش علية وقلبى بيقوللى انك ملكىابتلعت ريقها في صعوبة ولم تستطع التحدث فقبلها على وجنتها برقة وهنا لم تستطع ان تتمالك نفسها اكثر فألقت نفسها في أحضانه ليضمها اليه في شوق ولهفة واستكانت هى بين زراعيه وقد احست بأنها وجدت المرفأ لقلبها، وجدت وأخيرا بر الأمان.

رواية الماضي المجهول للكاتبة شاهندة الفصل التاسعزى ماقلتلك بالظبط تعمل ومش عايزة غلطة واحدة، لو آدم عرف هنروح كلنا في داهيةنطقت عايدة بتلك العبارة في لهجة تحذيرية الى ذلك الرجل الذى يقف امامها تبدو على ملامحه علامات الاجرام، ليقول وقد ظهرت ابتسامة شريرة على فمه آثارت اشمئزاز عايدة وهو يقول:.عيب ياستنا، خدامك حنفى عمره مايغلط، اللى انتى عايزاه كله هيحصل، انتى بس قوليلى عايزة البت دى تقابل وجه كريم امتى وأنا أنفذ علطووول، وابقى اقرى الفاتحة على روحها، بس اهم حاجة تطلعى بالمصلحةعقدت عايدة حاجبيها قائلة:المصلحة!اتسعت ابتسامة حنفى قائلا:الفلوس ياستنا، الفلوووساومأت عايدة برأسها وهى تعطيه ظرفا به مبلغا من المال قائلة:ده العربون ولما تخلص هديك اللى انت عايزه.اخذ حنفى المال منها لتتسع عينيه جشعا وهو يقول:وانا سداد ياستنا، ادينى بس الووو،اومأت عايدة برأسها قائلة:اتفقنا، انا همشى دلوقتى وعلى تليفونات، سلامقال حنفى:سلام ياست الكلأسرعت عايدة لتركب سيارتها وهى تقول في غل:منك لله ياسارة، على آخر الزمن أقف مع الأشكال دى وكله بسببك، بس مش مهم، المهم انى أخلص منك مهما كان التمن.تململت سارة في فراشها بل فراش زوجها آدم، لم تستطع النوم وهى تشعر بآدم النائم على الجهة الأخرى من الفراش يعطيها ظهره ويتنفس بانتظام، ويبدو في سبات عميق، نظرت الى السقف وتنهدت بقوة ففوجئت به يقول في هدوء:مش عارفة تنامى؟نظرت اليه فوجدته قد انقلب على جنبه ليصبح في مواجهتها، اومأت برأسها فاستطرد قائلا:بتفكرى في ايه؟نظرت اليه قائلة وهى تتنهد:موضوع الاحلام اللى قلتلك عليهم قبل كدة.نظر اليها في تساؤل فاستطردت وهى تنقلب على جنبها لتواجهه قائلة في تردد:حاساهم جزء من حياتى، بحاول افتكر اكتر بس مبوصلش لحاجة غير صداع جامدقال آدم في قلق:انا مش قلتلك نسيب كل حاجة لوقتها، متضغطيش على نفسك عشان تفتكرى، كدة ضرر عليكىنظرت اليه متعجبة من قلقه وطيبته، واستمرار حبه لها رغم جرمها في حقه، شعرت بنوبة الصداع تعاودها فأغمضت عينيها في ألم فوصل اليها صوته يقول في قلق:مالك ياسارة، حاسة بإيه؟فتحت عينيها لتجده مشرف عليها وقد ازداد قربه منها حد الخطر، حاولت ان تبدو متماسكة، ودقات قلبها تعلو في شدة، ابتلعت ريقها وهى تقول:مفيش، الصداع، الظاهر رجعلى تانى، هقوم آخد مسكن وهبقى تمامقال لها في حزم:خليكى انتى وانا هجيبلك المسكن.ونهض سريعا ليذهب الى خزانة الأدوية ويحضر المسكن ويفرغ كوب من الماء ويناولهم لها فأخذتهم منه وهى تحاول ألا تلمس يده كى لا تظهر ارتجافتها، ولكنه شعر بها ترتجف فلمس بظاهر يده جبهتها قائلا:انتى كويسة ياسارة؟شكلك أخدتى برد، فيه حرارة بسيطة.تجنبت النظر الى عينيه وهى تشعر فعلا بالحرارة من لمسته اياها، أرادت ان تقول له ابعد يديك عنى فهما سبب تلك الحرارة التى اشتعلت في كل جسدى ولكنها آثرت الصمت فسمعته يقول:انا هجيبلك الدكتورنظرت اليه قائلة:انا كويسة ياآدم متقلقش، دلوقتى الصداع هيروح وهبقى تمامنظر اليها مترددا فابتسمت قائلة:يلا ياآدم نام، انت وراك شغل بدرى، صدقنى دول شوية صداع وهيروحوا بعد شوية.اومأ آدم برأسه، وهو يتجه الى جانبه من السرير وينام على ظهره ولكنها فوجئت به يضع يده تحت رأسها ويضمها الى صدره وهو يربت عليها في حنان، كادت سارة ان تبتعد خجلا ولكن سماعها لدقات قلبه تحت أذنها جعلها تستكين لهذا الرجل الذى ملك جوارحها وجعلها تشعر بالأمان والحب.

رواية الماضي المجهول للكاتبة شاهندة الفصل العاشروانتوا بقى ملكوش اهل تسألوهم؟نطقت عايدة بتلك العبارة في حدة فاضطربت كريمة وهى تخفض عينيها الى الارض تخشى نظرات والدتها الغاضبة وسمعت صوت آنس يقول في برود:ما احنا بنسألكم اهو ياعمتى، ايه لزوم العصبية دى؟قالت عايدة في حدة:وهو انتوا كدة بتسألوا؟انتوا جايين وواخدين قرار، خدتوه في لحظة مجنونةواتجهت الى ابنتها تمسك كتفيها بغضب قائلة:ازاى تعملى كدة يابنت انتى؟ترقرقت الدموع في عينى كريمة ولم تستطع الرد في حين امسك آنس بيد عمته ليزيحها ببطئ من على كتف كريمة قائلا في عصبية:احنا مغلطناش عشان تعامليها بالشكل ده ياعمتى، هو فيه ايه بالظبط؟ونظر الى عينيها مباشرة وهو يقول:هو انا مش ابن اخوكى برده زى آدم ولا ايه ياعمتى؟ظهر الاضطراب في عينى عايدة وهى تقول:اكيد ياآنس بس...وصمتت لا تدرى ما تقوله فتكلمت جيدان التى التزمت الصمت من اول الحديث قائلة:.بس ايه ياعايدة، انا شايفة الولاد اتصرفوا صح ومغلطوش، هما يعنى اتجوزوا من ورانا، ماهم جايين يقولولنا انهم عايزين يرتبطوا ببعضنظرت لها عايدة في حدة قائلة:انتى بتقولى ايه ياجيدان، ده اللى ناقصاقتربت جيدان من عايدة قائلة:متكبريش المواضيع ياعايدة وافرحى لبنتك، انا عن نفسى مبسوطة جداثم التفتت لآنس وكريمة قائلة في حنان:مبروك ياولاد.ارتمت كريمة في حضن جيدان ودموعها تتساقط لتضمها جيدان في حنان ام افتقدته كريمة كثيرا، وابتسم آنس في حب في حين نظرت اليهم عايدة في غيظ قائلة في برود:انتوا حرينواتجهت الى غرفتها في خطوات غاضبة تتبعها اعينهم في صمت قطعه آنس قائلا:متزعليش ياكريمة بكرة تتقبل فكرة جوازنا وتكون مبسوطة كمانقالت جيدان:اكيد ياكرملة، الف مبروك ياحبايبى فرحتونى واللهدخلت سارة في تلك اللحظة فقالت في فرح:.خير ياجماعة فرحونى معاكم!نظرت اليها كريمة في برود قائلة:وانتى مالك انتى؟هدر آنس في قوة قائلا:كريمةنظرت اليه كريمة في غيظ قائلة:نعمكانت نظراته صارمة وهو يقول في هدوء حازم:اعتذرى وحالاكادت ان تعترض ولكن نظرته أنبأتها انها ان لم تمتثل لأوامره ستخسره وهى غير مستعدة لتلك الخسارة، لذا قالت في برود لسارة التى احمر وجهها خجلا:انا آسفة.ثم غادرتهم مسرعة الى غرفتها يتابعها آنس بعينيه، ذهبت جيدان لسارة وامسكت يدها في حنان قائلة:متزعليش منها يابنتى، هى قلبها طيب قوىابتسمت سارة في حزن قائلة:انا مش زعلانة منها، انا زعلانة انى مقدرتش اوصل لقلبهاقال آنس في مرح وهو يحاول ان يلطف الجو:مش تباركيلنا طيب، انا وكريمة هنتجوزظهر الفرح على وجه سارة قائلة:بجد ياآنس، مبروك، الف مبرووكابتسم قائلا في سعادة:الله يبارك فيكى، فين آدم عشان افرحه؟ابتسمت قائلة:خرج من بدرى راح الشركةقال آنس:ونؤنؤ؟اتسعت ابتسامة سارة وقالت في حنان:في الجنينة مع الدادةاومأ برأسه قائلا:طب انا رايحلها، عن اذنكمغادر آنس فالتفتت جيدان لسارة قائلة:اخبارك ايه مع آدم ياسارة؟ابتسمت سارة قائلة:الحمد لله ياماماربتت جيدان على يدها قائلة:الحمد لله، ربنا يسعدكم يابنتىقالت سارة في حب:ويخليكى لية ياماما، انتى حسستينى بحنان الام اللى انا مش فاكراه أساسا وعوضتينى عنه.ابتسمت جيدان قائلة:وانتى من يوم ما رجعتى وبقيتى لية البنت اللى مخلفتهاش ياسارةارتمت سارة في حضن جيدان لتضمها جيدان في حنان وهى تقول في نفسها:ياترى أبقى شريرة لو اتمنيت انك تفضلى فاقدة الذاكرة علطول ياسارةاغمضت عينيها وهى تتمنى، فقط تتمنى.