رواية إمرأة في عصمة صعيدي للكاتبة سلسبيل كوبك الفصل الثالث والعشرون
جاسر خد وقت علشان يستوعب.. جاسر: انتي هبلة؟ ديما: لا انا عايزة اطلق.. جاسر: طيب روحي نامي يا ديما.. جاسر لسة هيسبها و يمشي لقي ديما ماسكاه بعنف من ايده.. ديما(بعصبية): متأخدش كلامي باستهزاء، انا عايزة اطلق يا جاسر انا مش عايزة ابقي على ذمتك انا بكرهك انا غبية لاني فكرت اني بحبك.. جاسر مسك ايد ديما و لواها ورا ضهرها.. جاسر(بحدة): حاسبي على كلامك معايا، و انا مأجبرتكيش انك تحبيني..
ديما: سيب ايدي، سيب ايدي يا جاسر.. جاسر: مش هموت علشان امسكك يعني.. جاسر بعد عن ديما و طفي النور و نام على السرير و حط البطانية على وشه.. ديما(بعصبية): هتندم يا جاسر و ربي لاندمك.. جاسر(و هو بيتاوب): طيب ابقي قوليلي امتي بقي علشان اجهز... ديما مسكت المخدة من على الكنبة و رمتها على جاسر بغضب.. جاسر: شكرا كنت محتاجها... ديما(بصوت مكتوم): عااااااااااااااااا...
ديما راحت نامت على الكنبة و بدأت تغمض عنيها و تكلم نفسها.. ديما(لنفسها): متعودتش اني اذل نفسي و اقلل من كرامتي يا جاسر.. ديما(لنفسها): و مش حبك هو اللي هيحيني، بكرهك يا جاسر و لو كان كلامي ده كدب في اقرب وقت هيتحول لحقيقة.. ديما(لنفسها): هكرهك هكرهك يا جاسر اوعدك... ديما بعد كلام كتير مع نفسها نامت...
-في الصباح الباكر... جملات: يا صباح الورد عليكوا يا بنانيت.. دنيا: صباح النور مالك كدة مبسوطة اوي.. جملات: يا بت عيب بقي.. دعاء: يبقي عمو محسن كلمك.. فيروز: الله الله ده فرح.. و البنات قعدوا يضحكوا على جملات.. ديما: بتضحكوا على ايه يا هُبل؟ جملات: بيضحكوا عليا يرضيكي يا ديما.. ديما: مزعلين طنط ليه يا واطين؟ دنيا: ده احنا طيبين.. دعاء: عمو محسن كلمها.. ديما: اه طب و فيها ايه؟دي جمر و عسل و تتحب بسرعة...
جملات: تسلميلي يا ديما.. حازم: اهلا اهلا اهلا.. ديما: اهلا يا حبيبي.. حازم: لا كدة جاسر هيغير.. فيروز: عندك حق.. جاسر: صباح الخير.. سارة: جاسر جاسر.. جاسر: نعم.. سارة: كنت عايزة اطلب شوية فلوس هجيب دهب جديد... جاسر: طيب، عايزاهم امتي؟ سارة: براحتك.. جاسر طلع من جلبيته فلوس و وداهم لسارة.. سارة: ربنا يخليك ليا يا ابن عمي.. دنيا(بهمس): نيييييييييييييني.. ديما ضحكت على تصرف دنيا.. ديما(بضحك): عسل..
دعاء: النهاردة اجازة نعمل ايه؟ فيروز: انتي ناسية انك في ثانوية؟ دعاء: تصدقي نسيت.. ديما: طيب.. جملات: يلا يا بنات الفطار جاهز... ديما: طيب.. و الكل بدأ يقعد و يأكل و بيهزروا.. خالد: جاسر في قعدة عرب النهاردة.. جاسر: طيب.. خالد: الساعة 6.. جاسر: طيب.. حازم: ايه يا ابني كله طيب طيب.. جاسر: ملكش فيه.. جملات: جاسر.. عبير: صباح الخير.. سارة: صباح النور... عبير: فين علاء يا سارة؟ سارة: خرج من بدري..
دعاء: هو فين عمو ايمن؟ عبير: سافر مصر هيعمل شوية شغل.. دعاء: طيب.. جاسر: خالد يلا تعالي معايا.. خالد: فين؟ جاسر: فاكر صحابنا القدام؟ خالد: اه، رجعوا من الامارات؟ جاسر: اه.. خالد: طيب يلا، تعالي معانا يا حازم.. حازم: الباشا مش طايقني.. خالد: لا تعالي.. حازم: طيب يلا.. جاسر: ارجع الاقي هدومي جاهزة.. ديما(لنفسها): غور.. خالد و جاسر و حازم خرجوا من البيت... ديما: دعاء تعالي لحظة.. دعاء: حاضر..
ديما و دعاء طلعوا على اوضة دعاء... دعاء: ايه مالك؟حساكي بتخططي لحاجة؟ ديما(ببرود): لا خالص.. ديما: بقولك عايزة كشكول و قلم.. دعاء: ليه؟ ديما: قررت اذاكر تاني، معاكي و لا اشتري.. دعاء: لا معايا، خدي. ديما: شكرا يا روحي.. ديما خدت الكشكول و القلم من دعاء و ودتهم اوضتها... فيروز: في ايه مالك يابطتي مش مبسوطة ليه؟ دنيا: عايز ايه بس و احنا نعمله؟ ديما: تعالوا نلعب.. فيروز: طيب، نلعب ايه؟
دنيا: تعالوا نلعب استغماية.. ديما: طيب.. و بدأوا هما الاربعة يلعبوا و يضحكوا و يهزروا... جملات: بس بقي شوية يا بنات متعبتوش.. دنيا: لا عايزين نكمل.. ديما(بخضة): هي الساعة كام؟ دعاء: الساعة خمسة و نص 5: 30... ديما: يا نهاري.. -ديما طلعت جري بسرعة على اوضتها بطلع هدوم لجاسر.. ديما: اطلعله ايه الزفت ده؟ ديما طلعت عباية لجاسر و ساعة و جذمة.. ديما: بس كدة خليه يتكلم حرف واحد بس.. جاسر: افندم؟ ديما: ادي الزفت جه..
و بعدها فتحت عنيها على اخرهم و لفت لقت جاسر واقف مربع ايديه و سند على الباب و رفع حاجبه.. ديما: في ايه؟ جاسر: مفيش، شكل كلام امبارح كان مجرد كلام.. ديما: لا انا لسة عند كلامي، كدة كدة انا و انت هنطلق مش فارقة دلوقتي و لا بعدين انت مش بتحبني بس يبقي ايه لازمة جوازنا.. جاسر: لا انتي خاينة بس.. ديما(بعصبية): لا انا مش خاينة انت اللي غبي و مش بتفهم.. جاسر: طيب احترمي نفسك، ده لو عندك احترام اساسا..
جاسر زق ديما و بدأ يقلع هدومه علشان يلبس.. جاسر: ايه هتفضلي واقفة كدة؟ ديما بصت في الارض بأحراج و خرجت من الاوضة..
-تسريع احداث... جاسر نزل هو و حازم وخالد و راحوا لقاعدة العرب.. ديما قعدت جمب دنيا و دعاء و فيروز و قعدوا يتكلموا و يهزروا... و بعد فترة ديما طلعت اوضتها قعدت فترة طويلة و نزلت... و بدأ الكل عايش في جو حلو و سعيد، لكن طبعا عبير و سارة مسمحوش بكدة... -بعد فترة جاسر و خالد و حازم رجعوا... و الكل بدأ يتعشي.. ديما: عملت ايه يا حازم؟انبسطت؟ حازم: يعني.. ديما: طيب.. خالد: و انتوا عملتوا ايه؟
دنيا: يوووووووووووووووه.. خالد: تصدقي كدة انا فهمت.. دنيا: لعبنا و هزرنا و ضحكنا و كلنا علمنا كل حاجة... خالد: طيب.. جاسر: اللي يخلص اكله يطلع على النوم الوقت اتأخر.. جاسر طلع و ديما وراه، و كل واحد راح على اوضته.. و الكل نام... بعد فترة... ديما فتحت عنيها و قامت من على السرير، و بدأت تتحرك بخفة و دخلت اوضة الملابس... و بعد فترة خرجت، معاها شنطة هدوم متوسطة الحجم و غيرت هدومها..
ديما لبست بنطلون اسود و تي شيرت برتقالي بكم و واسع و قصير لغاية قبل البطن و كوتشي اسود عالي و عملت شعرها ديل حصان.. -ديما قربت من جاسر و حطت ورقة جمب تليفونه.. -ديما خدت شنطتها و بدأت تنزل على السلالم براحة و خرجت من البيت و غفلت الغفر اللي نايمين و مشيت لمسافة و بعدين لقت عربيتها، ركبت بسرعة و مشيت بيها... ديما(بدموع): و النبي يا رب اروح سليمة، انا خايفة اوي.. (قلبها): مكنتيش تمشي..
(عقلها): لا لا انا مش هقلل من كرامتي و يمرمطني و في الاخر كدة كدة كان هيطلقني لا... (قلبها): برضو وجودك هناك أمان... (عقلها): بس بس ايه ده؟انا هرجع لحياتي حب و هنساه في ايام بس.. (قلبها): متأكدة انك هتنسيه ده اول حب.. (عقلها): اه هتنساه.. (قلبها): لا... ديما: بس بس ايه ده ما تسكتوا شوية... ديما كانت طول الطريق خايفة، و بعديها تليفونها رن.. الخط اتفتح... ديما: الو يا عمو شاكر.. شاكر: ها وصلتي لفين يا بنتي؟
ديما: على حسب الجهاز فاضلي ساعة الا ربع.. شاكر: طب خلي بالك يا حبيبتي، و انا هبقي مستنيكي زي ما اتفقنا... ديما: شكرا شكرا اوي يا عمو معلش تعباك معايا، بس ارجوك زي ما وعدتني انت مش هتقول لبابا و لا لاي حد.. شاكر: اكيد يا بنتي، كفاية انك هتيجي تشيلي عني الشركة.. ديما: تسلملي، و الله انا كنت خايفة اساسا الدنيا ضلمة و انا بخاف اسوق في الضلمة... شاكر: خلاص متقلقيش توصلي بالسلامة.. ديما: شكرا لحضرتك..
و بعد فترة ديما وصلت لل؟يلا بتاعتها لقت شاكر مستنيها... ديما: تسلملي يا عمو بجد.. شاكر: على ايه يا حبيبتي؟يلا روحي ارتاحي و هجيلك من بكرة الصبح.. ديما: تمام شكرا، باي.. ديما دخلت ال؟يلا لقت ناصرة مستنياها... ناصرة: لما عمك شاكر حكالي مجاليش نوم يا ديما، ايه اللي مشاكي من بيت جوزك.. ديما(بدموع): بليز يا دادة مش قادرة اتكلم.. ناصرة قربت منها و حضنتها... ناصرة: خلاص تعالي نامي يا حبيبتي..
-ناصرة طلعت ديما اوضتها، و ديما فضلت حضناها لغاية ما نامت...
-في الصباح الباكر... دنيا: صباح النور.. جملات: صباح الخير، ايه اللي صحاكي بدري؟ دنيا: معرفش قلقت.. جملات: تعالي اقعدي معايا في الجنينة.. دنيا: تمام.. جملات و دنيا راحوا قعدوا في الجنينة.. جملات: بتفكري في مين؟ دنيا: ها؟مين قال اني بفكر في حد؟ جملات: قولي قولي انا زي امك... دنيا: لا يا طنط مفيش حاجة و الله، انا بس قلقت..
جملات: طيب بس عموما خليكي عارفة اني زي امك هنا يعني متتردديش انك تيجي تتكلمي وقت ما تحبي... دنيا: حاضر تسلميلي يا طنط.. جملات: طيب يا حبيبتي.. جملات: هروح اشوف تهاني بتعمل الفطار و لا ايه؟ دنيا: طيب هأجي معاكي.. عبير: صباح النور يا جملات.. جملات: عن اذنك يا عبير مش فضيالك، تعالي يا دنيا.. عبير(لنفسها): بكرة هبقي انا الكل في الكل، الايام بينا كتير.. جملات: ها يا تهاني حضرتي الفطار؟
تهاني: اه يا ستي، و روحت صحيت حازم بيه و ست دعاء و ست سارة و ست فيروز و خالد بيه.. جملات: طيب يا حبيبتي.. تهاني: تسلميلي يا ستي.. دنيا: انتي طيبة اوي يا تهاني.. تهاني: ده من كرمك يا ستي.. فيروز: صباح الخير، مش عارفة حاسة ان جسمي مكسر معرفش ليه؟ دنيا: من لعب امبارح يا اختي.. فيروز: اه عندك حق دي ديما مرحمتناش.. دنيا: اه زمانها نايمة اهي.. دعاء(بنوم): فين الاكل انجزوا ورايا مذاكرة؟ دنيا: مفيش اكل غوري يلا..
جملات: دنيا عيب، يلا جاسر و ديما بس يصحوا.. خالد: طب ايه مفيش اكل؟ جملات: في ايه محسسني اني مأكلتكوش من سنين.. خالد: معلش بقي يلا هنموت من الجوع.. حازم: غذوني ده انا مضروب رصاصة.. جملات: ايه عالم المجانين دول يا رب؟ جملات: هطلع اصحي جاسر و ديما و انزلكوا.. خالد: طبعا ما هو جاسر هو اللي في القلب.. جملات: يا رب.. جملات طلعت و خبطت على الباب.. جملات: جاسر ديما.. جملات: يا ولاد اصحوا.. جاسر(بنوم): تمام قايمين..
جملات: طيب متتأخروش.. جاسر قام اتمطع على السرير بص جمبه ملقاش ديما و بص على الكنبة برضو ملقهاش... جاسر: ديما ديما.. جاسر بص حواليه لقي موبايله تحته ورقة مسكها و بدأ يفتحها.. مضمون الرسالة: -.
(اهلا يا جاسر في حالة انك تشوف الورقة دي يبقي انا مش موجودة، انت ظلمتني يا جاسر اول مرة لما نصرت سارة عليا لما انا زقتها,تاني مرة لما سمعت لكلام علاء من غير ما تسمع مني و دي كانت نفس غلطتك الاولي,تالت مرة لما كدبت حبي ليك، مع اني حبي كان صادق انت اول حب ليا معرفش ازاي و لا امتي بس حرفيا حبيتك حسيت بالامان معاك و في حضنك اينعم حسيته في حضن بابا و حستيه في حضن حازم بس في حضنك كان مختلف مكنتش عايزة اسيب حضنك ابدا، كنت رسمت حاجات في خيالي انك هتقبل حبي و هنعيش سوا و نصحي الصبح سوا تروح على شغلك و قبل ما تمشي تبوس رأسي و لما ترجع تكون جايب ليا حاجات حلوة و نقعد نتكلم و نهزر بس طلعت دي كلها حاجات من وحي الخيال و بس مش حقيقة، كان قلبي فرحان اوي بس اتكسر لان قلبك مش ملكي انا مِلك لسارة ,حضنك ملكها هي,اسمك ملكها هي,انت ملكها هي، انت بتحبها من كل قلبك و بتعشقها و شوفت ده من خلال عنيك، بس كلامك كسرني اوي و مش هقدر انساه مش هقدر انسي و انت بتقول ليها..
انا مستحيل اقبل ان دي تبقي مراتي وام عيالي و مستحيل اعتبرها حبيبتي و مستحيل اثق فيها و كمان دي متقدرش تشيل و لا بيت و لا عيال و لا زوج و لا اي حاجة و كمان مش دي اللي ابقي رايح شغلي و مطمن على شرفي و عرضي، انا بحبك انتي يا سارة..
كل كلمة انت قولتها لسارة انا حفظتها كل كلمة جرحتني انا كل كلمة انت قولتها اترددت في وداني لغاية ما وصلت لقرار مش هتراجع عنه الطلاق انا مش هقبل اكون عائق بينك و بين سارة انا بحبك و سعادتك بالنسبة ليا اهم بس كلامك جرحني دلوقتي انا بقيت اكرهك، كنت حاسة انك هترفض تطلقني في الوقت الحالي بس انا مكنتش هصبر الصراحة انا همشي يا جاسر ارجوك مدورش عليا لما هنتقابل هتبقي مقابلتنا صعبة خلينا نتقابل في ظروف احسن يعني و نتعامل بكل رقي، انت هتبعتلي ورقتي و انا هسافر و لما اهلينا يرجعوا هنقول محصلش نصيب ساعتها هيبقي امر واقعي، ممكن هتتعصب و تفتكر اني كدة بخونك او خنتك بس انا مستحيل اخون حد بحبه يا جاسر..
هيجي وقت هتكتشف الحقيقة و ربنا عارف ايه هي الحقيقة و شكرا على الفترة اللي قضتيها معاك كانت فترة وحشة اوي بس انا دلوقتي زماني مشيت هرجع لحياتي اللي شبهي و انت خليك في حياتك شبهك انت، معلش طولت عليك.. مع تحياتي ديما القاضي.. بكرهك يا جاسر)... جاسر بمجرد ما خلص قراءة اتعصب جدا و نزل بكل غضب لتحت... جاسر(بصوت عالي): خالد خالد.. خالد: في ايه مالك؟ جاسر: شوفت الهانم اختك عملت ايه؟ خالد: مالها ديما؟
جاسر: الهانم سابت البيت و مشيت، طبعا ما هي خاينة و خانتني مرة عادي تخوني تاني... دتيا: في ايه مش فاهمين حاجة؟و كمان مستحيل ديما تسيب البيت و تمشي.. جملات: استهدي بس بالله يا ابني.. جاسر: ازاي و انا مراتي مشيت من غير اذني.. حازم: ديما مش هتمشي كدة من نفسها اكيد في حاجة حصلت.. جاسر: و الله اللي اعرفه الست المحترمة مهما حصل بتفضل في بيتها مبتتحركش خطوة من غير اذن جوزها.. دعاء: طب اهدي يا ابيه..
سارة: في ايه صوتك عالي يا جاسر؟ عبير(بشماتة): ديما سابت البيت و مشيت.. سارة: و لا يهمك هي ست مش محترمة هتعمل ايه؟ خالد: سارة احترمي نفسك اختي انضف منك.. عبير: في ايه ما تهدوا شوية، روحوا اتشطروا على اللي مشيت.. جملات: جاسر اهدي بس يا ابني و فكر بهدوء.. علاء: في ايه يا جماعة متجمعين على خير ان شاء الله.. عبير: مرات جاسر سابت البيت و مشيت.. جاسر(لنفسه): و الله يا ديما لما اشوفك بس..
جاسر: خلاص محصلش حاجة، و انا هعرف ارجع مراتي كويس.. دنيا: يبقي انا لازم ارجع مصر حالا.. جاسر: مش دلوقتي، محدش هيتحرك من هنا.. خالد: هتصل بيها.. خالد اتصل بديما كذا مرة لقي تليفونها مغلق.. جاسر: ماشي يا ديما، الصبر جميل.. جاسر(بزعيق): كله يشوف رايح فين...
-في مكان تاني... عند ديما.. ديما ظبطت موبايلها على الساعة 8، و المنبه قعد يرن... ناصرة: يلا يا ديما عمك شاكر مستنيكي تحت.. ديما(بنوم)سيبيني شوية كمان.. ناصرة: يلا يا ديما انتي راحة الشركة يلا.. ناصرة سابت ديما و نزلت، ديما فتحت عنيها و بصت للسقف.. ديما(لنفسها): متنسيش انك قولتي هتتغيري.. ديما(لنفسها): هتفتحي صفحة جديدة مع نفسك، هتنسي كل حاجة.. ديما(لنفسها): انتي قوية...
ديما قامت و دخلت خدت دوش فوقها، و خرجت فتحت دولابها و بدأت تدور في الهدوم لغاية ما اختارت طقم و بدأت تلبسه... ديما اختارت بدلة شغل باللون الاسود بنطلون اسود و تي شيرت ابيض بنص كم و فوقه جاكت البدلة الاسود و رفعت شعرها كله على فوق و نزلت كام خصله و لبست صندل باللون الابيض بكعب و حطت روچ و كحل و خدت شنطتها.
-كانت ديما مخلتفة عن كل مرة المرة دي كانت باين انها امراة عاقلة و ناضجة مش ظاهرة بنفس الطفولية اللي كانت فيها... ديما بدأت تنزل على السلالم بكل وقار و هدوء... ديما: اهلا يا عمو.. شاكر: اهلا يا حبيبتي.. ديما: اتفضل نفطر و بعدين نروح الشركة سوا.. شاكر: طيب يا حبيبتي.. و ديما و شاكر بدأوا يأكلوا و ديما كانت بتأكل هدوء و هي شاردة.. شاكر: خلصتي؟ ديما: اه يا عمو، انا جاهزة.. شاكر: يلا..
ديما و شاكر خرجوا و ركبوا العربية بالسواق و وصلوا الشركة بعد فترة.. و ديما نزلت بكل هدوء كانت مختلفة، عنيها مختفية تحت نضارتها السوداء اللي مخبية كلام كتير بيحارب علشان تقوله.. شاكر: هي دي الشركة.. ديما: جميلة يا عمو.. شاكر: يلا خشي يا حبيبتي.. ديما بدأت تدخل و الكل باصص ليها... شاكر: مكتبك في اخر دور... ديما: تمام.. شاكر: مالك يا ديما مش زي كل مرة فين لمعة عنيكي.. ديما: انا بخير و كويسة الحمد لله...
شاكر: طيب يا حبيبتي.. شاكر: هو ده مكتبك.. ديما: لطيف حلو.. شاكر: و ده عمر السكرتير بتاعك.. عمر: اهلا اتشرفت بيكي يا مدام ديما.. ديما: انسة... عمر: اتشرفت بحضرتك يا انسة ديما.. ديما: انا اكتر.. شاكر: هسيبك ترتاحي حاليا، و هجيلك كمان شوية افهمك النظام ماشي ازاي.. ديما: تمام بس يا ريت في اسرع وقت عايزة ابدأ بعد اذنك.. شاكر: حاضر.. ديما: بعد اذنك يا عمر هات قهوة سادة.. عمر: تمام يا فندم..
ديما راحت قعدت على كرسي مكتبها و حطت رجل على رجل و طلعت الخط الجديد بتاعها و حطته في التليفون الجديد و نقلت كل حاجة على التليفون الجديد... ديما: هبدأ من جديد يا رب خليك معايا.. عمر: القهوة السادة يا فندم.. ديما: شكرا يا عمر.. عمر: ده شغلي.. ديما: انت بتشتغل هنا بقالك قد ايه؟ عمر: في حدود خمس سنين.. ديما: اه ربنا معاك.. ديما: يعني اقدر اعتمد عليك.. عمر: جربيني مش هتندمي.. الباب اتفتح فجأة..
ديما(بخضة): في ايه يا عمو؟ شاكر: عدنان بيه جاي كمان ساعة و عايز يعمل مشكلة.. ديما: عدنان مين؟ شاكر: ده شخص دخلنا معاه في صفقة و خسرناها هو دلوقتي بيطالب بحقه... ديما: طب ما الخسارة لينا و ليه.. شاكر: برضو.. ديما: خلاص يا عمو سيبني انا هتصرف.. شاكر: متأكدة يا بنتي؟ ديما: اكيد خلينا نستني عدنان بيه ده..
رواية إمرأة في عصمة صعيدي للكاتبة سلسبيل كوبك الفصل الرابع والعشرون
-في الصعيد... الكل كان قاعد بيتغدي و ملتزمين بالصمت.. تهاني: جاسر بيه.. جاسر(بهدوء): خير؟ تهاني: في واحد بره بيقول انه جايب حاجة باسم مدام جاسر القاضي.. دنيا(باستغراب): ديما! خالد: فين؟ تهاني: بره.. جاسر: خليكوا هنا.. جاسر قام و خرج بره لقي في علب كتير.. جاسر: خير؟ موظف: اهلا يا فندم في طرد جاي على العنوان ده باسم مدام جاسر القاضي.. جاسر: عبارة عن ايه؟ موظف: دي خصوصيات يا فندم لما حضرتك تفتحها..
جاسر: طيب.. موظف: امضي هنا يا فندم.. جاسر: تمام.. جاسر مضي، و امر الغفر يطلعوا الحاجات على اوضته.. حازم: ايه؟ جاسر: مفيش حاجة، كملوا اكلكوا.. جملات: ازاي بس ديما تعمل كدة؟ دنيا: دي حتى مردتش على تليفوني... سارة: هتلاقيها مشيت مع عشيجها.. عبير: او راحت تخون جوزها... خالد(بعصبية): مرات عمي احترمي نفسك انتي و بنتك... حازم: في ايه؟ما تعدلوا كلامكوا شوية انتوا مش شايفين اللي احنا فيه...
فيروز: ناس بتموت في الخراب.. دعاء: و مين سمعك يا فيروز؟ عند جاسر.. -جاسر بدأ يفتح اول علبة لقي تورتة كبيرة مكتوب عليها بحبك يا جاسر... -فتح تاني علبة لقي عباية صعيدية افضل ماركة.. -فتح تالت علبة لقي ساعة شيك من النوع الغالي.. -فتح رابع علبة لقي فيه دبلة فضي و ورقة مكتوب فيها في حالة انك تقبل بالهدايا دي يبقي انا اعترفت ليك بحبي و انت قبلته علشان كدة عايزاك تلبس الدبلة دي علشان كل الناس تعرف انك مِلكي.
-فتح خامس علبة لقي سلسلتين ذهب و كل واحدة فيها نص قلب مش عيب انك تلبس السلسة دي لانك هتبقي نصي و انا نصك لو مش عايز تلبسها خليها معاك في جيبك علطول، بحبك..
-جاسر غمض عيونه و هو مش قادر يتصرف و مش عارف يعمل ايه كل حاجة ضده هو... جاسر: يا رب نورلي طريقي... الباب خبط.. جاسر: ادخل.. سارة: مالك يا حبيبي؟ايه ده كله؟ جاسر: عايزة ايه يا سارة؟ سارة: مالك مش طايقني ليه؟ جاسر(بحدة): سارة انا دلوقتي في موضوع لما اخلصه ابقي اتكلم معاكي، اتفضلي دلوقتي.. سارة: و بالنسبة الفلوس اللي طلبتها منك؟ جاسر: هو مش انا وديتك امبارح.. سارة: الصايغ عايز فلوس اكتر، اعمل ايه؟
جاسر: خدي يا سارة.. جاسر طلع فلوس من معاه و وداهم لسارة، سارة سابته و مشيت.. الباب خبط تاني.. جاسر: خير؟ تهاني: جاسر بيه حضرتك فاضي؟ جاسر: عايزة ايه يا تهاني؟ تهاني: انا جاية اخلص ذمتي يا بيه، انا هتحاسب لو فضلت ساكتة و الست ديما معملتش ليا حاجة وحشة علشان افضل ساكتة.. جاسر(باستغراب): في ايه؟ تهاني: من يومين يا بيه لما كان علاء بيه مش هنا سمعت ست عبير و ست سارة بيتكلموا مع بعض..
جاسر: ماشي و ايه اللي فيها؟ تهاني: الست عبير و الست سارة اتفقوا انهم يخلوا علاء بيه يوقع ديما و حضرتك تشوفهم مع بعض و تطلقها يا بيه و علاء بيه يتجوزها و يأخد فلوسها، و الست سارة تتجوز جنابك و تحمل من حضرتك و تأخد فلوس حضرتك... جاسر(بصدمة): انتي بتقولي ايه يا بت انتي؟ تهاني(بخوف): انا مش بكدب يا جاسر بيه، انا جيت اخلص ذمتي.. جاسر: سارة مستحيل تعمل كدة.. تهاني: انا قولت اللي اعرفه يا بيه..
جاسر: الكلام ده حد يعرفه تاني؟ تهاني: لا معرفش يا بيه... جاسر: مطلعيش الكلام ده لاي مخلوق ابدا فاهمة؟ تهاني: حاضر يا بيه.. جاسر سابها و نزل بغضب.. جاسر(بعصبية): سارة فين؟ عبير: عايزاها ليه يا جاسر؟ جاسر: سارة فين؟ عبير: خرجت للصايغ.. جاسر: تمام.. جملات: في ايه يا ابني؟ جاسر: مفيش حاجة.. جاسر سابهم و مشي.. خالد: انا لازم انزل القاهرة اشوف ديما لازم اعرف هي فين... دنيا: و انا كمان يا خالد..
دعاء: بس جاسر قال محدش يكلمها تاني و لا يعبرها الفترة دي، مع اني قلقانة عليها.. فيروز: انا كلمت بابا و هو قال لعمي حسن و هما راجعين... حازم(بصدمة): علشان كدة هما اتصلوا بيا.. خالد: انتي اتجننتي يا فيروز؟ فيروز: معرفش بقي، احنا لازم نتصرف.. عبير: هيعملوا ايه يعني؟هي البت خلاص شافت طريقها... جملات: اكيد في حاجة حصلت.. عند جاسر.. جاسر مشي و راح للصايغ و دور على سارة بعيونه ملقهاش..
الصايغ: جاسر بيه حضرتك بدور على حاجة؟ الصايغ: حضرتك عايز تجيب حاجة للجماعة؟ جاسر: وريني عندك ايه؟ جاسر كان واقف و بيبص حواليه ممكن يلاقيها.. الصايغ: شايف القطعة دي حلوة اوي.. جاسر بص بصة على الحاجة اللي قدامه و لفت انتباهه سلسلة شيك رقيقة.. جاسر: وريني دي كدة.. الصايغ: دي حاجة كدة جاية من مصر.. جاسر: طيب، هأخدها.. الصايغ: تمام يا بيه...
جاسر خد منه السلسلة و دفع الحساب و خرج، و روح و هو مروح لاحظ حركة غريية حوالين البيت.. جاسر مشي و راح لقي في صوت جاي من الكوخ دخل لقي سارة و مازن مع بعض و في ايد مازن فلوس كتير و سارة جمبه و بيضحكوا... مازن(بخضة): جاسر.. مازن قام يوقف و حاول يهرب بس جاسر مسكه بكل غضب.. جاسر(بغضب): اه يا زبالة يعني بتغفلينا كلنا.. سارة(بدموع): يا جاسر و الله متصدقش.. جاسر(بغضب): و المفروض انا اصدقك بقي..
جاسر(بزعيق): ردي.. مازن زق جاسر و طلع يجري، جاسر قرب من سارة و مسكها من شعرها.. جاسر(بغضب): هتجبيلنا العار، هتركبي لابوكي قرون يا زبالة... جاسر دخل البيت و هو ماسك سارة و باين عليه العصبية و سارة بتعيط.. عبير(بزعيق): انت اتجننت يا جاسر شيل ايدك بعيد عنها.. جملات: جاسر ميصحش كدة في ايه؟ جاسر: الزبالة مغفلة ابوها و مغفلة رجالة البيت كلها و راحة تقابل مازن الكلب... عبير(بصدمة): ايه؟
سارة(بعياط): لا ده بيفتري عليا علشان هو بس متعصب.. جاسر ضربها قلم خلي شفايفها تنزل دم.. جاسر(بعصبية): انا يا بنت ال... دعاء(بهمس): يا نهار اسود هي ازاي عملت كدة؟ فيروز(بهمس): معرفش دلوقتي جاسر هيعمل ايه... -و بعدين لقوا حسن و فتحية و على و اسماء جم... حسن(بغضب): انت ازاي تمسك بنت عمك يا جاسر؟ جاسر(بعصبية): الزبالة يا حاج طلعت مغفلانا.. عبير: كداب.. على: ازاي بس يا جاسر فهمنا..
جاسر: جت طلبت فلوس مني علشان تشتري دهب من الصايغ و انا رحت و ملقتهاش هناك و انا راجع سمعتها بتضحك و تتكلم مع الزفت مازن في البيت اللي جمب بيتنا.. اسماء: جاسر ده شرف بنت، انت متأكد؟ جاسر: هكدب ليه يعني؟ علاء(بعصبية): لانك بتحبها يا جاسر، و مش عارف تطولها فبتتبلي عليها.. سارة: اه اه... جاسر: انا انا يا زبالة.. علاء: يعني انت مش بتحبها من و انت صغير فتحية: علشان كدة ديما سابت البيت و مشيت؟
حسن: ما ترد يا زفت.. جاسر: موضوع ديما هنحله بعدين دلوقتي في الزبالة دي.. حسن: طيب يا جاسر ليك روقة.. حسن(بعصبية): و انتي تطلعي اوضتك متنزليش منها فاهمة؟ عبير: هتحبس البت.. حسن: قولت كلمتي.. سارة و عبير طلعوا على اوضة سارة... حسن: ورايا يا زفت منك ليه... كل الرجالة راحت ورا حسن في اوضة الجلوس.. فتحية: احكوا حصل ايه من ساعة ما مشينا.. الكل حكي كل حاجة حصلت من ساعة ما مشيوا... اسماء: يا رب سترك يا رب...
فتحية: هنعمل ايه؟و ديما مش بترد ليه؟ دنيا: انا قولت ارجع القاهرة، بس جاسر الزفت موافقش... دعاء: البيت بقي وحش اوي.. فيروز: و مين سمعك؟ جملات: اهم حاجة دلوقتي منقولش للحاج محسن.. فتحية: اكيد...
-في مكان تاني.. عند ديما.. ديما(بابتسامة هادية): اعتقد كدة متفقين يا استاذ عدنان.. عدنان: الصراحة انتي اقنعتيني برأيك يا انسة ديما، بس كلمة شرف؟ ديما: اكيد طبعا، المرة دي هتجربني انا و اوعدك مش هتندم.. عدنان: طيب موافق.. ديما: تمام هنوقع الورق و هنحط البنود الاسبوع الجاي ان شاء الله.. عدنان: ان شاء الله، سعيد بمقابلتك.. ديما: انا اكتر يا عدنان بيه.. عدنان: كانت فين دي من زمان يا شاكر؟
ديما(بابتسامة): انا موجودة علطول.. عدنان: تمام عن اذنك... ديما: اتفضل.. شاكر: عملتيها ازاي دي؟ ديما: خليك واثق في نفسك تقدر تقنع اللي قدامك... عمر: اتفق مع حضرتك.. ديما: طيب، دلوقتي جهزلي الورق و البنود يا عمو و ابعتهم لل؟يلا.. شاكر: حاضر يا بنتي، هبعتهم مع عمر.. ديما: تمام، انا هروح انا.. شاكر: طيب.. ديما خدت شنطتها و نزلت ركبت العربية.. ديما: اطلع.. السائق: على البيت يا هانم؟ ديما: لا.. السائق: فين؟
ديما: معرفش، بص لف بالعربية كتير لغاية ما اقولك اوقف.. السائق: حاضر.. ديما سندت رأسها على ازاز العربية و خدت نفس عميق و قعدت تفكر و فضلت شاردة.. بعد فترة.. السائق: يا هانم احنا بقالنا ساعة و نص بنلف.. ديما: اه اسفة، خلاص روحني على البيت.. السائق: تمام.. بعد فترة ديما وصلت البيت.. ناصرة: ها يا حبيبتي عملتي ايه؟انبسطتي؟ ديما(بابتسامة): اه يا دادة... ناصرة: عملتلك غداء يلا تعالي كلي..
ديما: حاضر هطلع اغير و انزل.. ناصرة: ماشي مستنياكي.. ديما طلعت خدت دوش و خرجت لبست بيجامة قصيرة باللون الاسود و نزلت لتحت.. ناصرة: يلا دوقي و قولي رأيك... ديما: تمام يلا اقعدي كلي معايا افتحي نفسي.. ناصرة: بلاش يا حبيبتي.. ديما: ابدا اقعدي.. ناصرة: طيب.. ناصرة: مش ناوية تحكي يا ديما؟ ديما سابت المعلقة من ايديها و خدت نفس عميق و بصت لناصرة..
ديما(بابتسامة باهتة): ابدا مفيش اي حاجة محصلش نصيب بيني و بين جوزي بس، و انفصلنا بكل هدوء.. ناصرة: و دنيا مجتش معاكي ليه؟ ديما: هترجع قريب ان شاء الله.. ديما: هطلع انام.. ناصرة: انتي مأكلتيش.. ديما: مش عايزة عن اذنك.. ناصرة(بهمس): ربنا ينور طريقك يا بنتي.. ديما طلعت فردت على السرير كل ما تغمض عنيها تشوف جاسر.. ديما(بعصبية): بس بقي بس... ديما: Calm down(اهدي)... ديما: مين ده علشان افكر فيه؟
(قلبها): جوزك حبيبك حبك الاول.. ديما: اه.. (عقلها): جوزك انتي و حبيبك انتي و حبك الاول ليكي انتي، بس هو مش كدة في الحقيقة هو بيحب سارة لا لا مش بيحبها ده بيعشقها.. ديما(بحزن): اه.. (قلبها): انت غاوي نكد؟ (عقلها): اه بقولها الحقيقة... ديما(بعصبية): بس بس مبتعملوش حاجة غير تضايقوني...
ديما: مش مهم ان اول حب كان فاشل هعدي حياتي بكل سعادة و هحب تاني و تالت و رابع و خامس لغاية ما الاقي الشخص المناسب لحياتي بس، انا هنام.. ديما حطت رأسها على المخدة اول ما غمضت عنيها لقت الدموع بتأخد مكانه على خدها و بدأت تعيط بحرقة.. ديما(بعياط): بكرهك يا جاسر...
-في مكان تاني.. في الصعيد... عملوا قعدة بين العائلتين و الكبار و كانت سرية.. محروس: انا شايف ان البت بنتكوا هي اللي غلطانة.. مازن: هي لو محترمة مش هتعمل كدة.. علاء(بعصبية): ما تحترم نفسك ياض.. مرزوق: علاء اهدي.. مرزوق: انا شايف حل واحد هو الجواز.. حسن: و انا رأيي من رأيك... على: ده الحل الانسب.. محروس: و انا مش موافق ابني يتجوز بنتكوا دي.. مازن: هتجوز واحدة كانت ماشية معايا قبل الجواز..
خالد: مش عيب مش انت و هي نوعيات بعض اساسا.. مازن: طبعا تجوزوني انا البت اللي جايبة العار لعائلتها، و تجوزوا جاسر البت العفيفة الطاهرة.. جاسر(بعصبية): قصدك ايه؟ مازن: انت مصدق علاء ده كداب ده ضحك على مراتك و عمل كل الفيلم ده علشان تطلقها.. جاسر(بعصبية): اه يا ابن ال، يا علاء.. حسن(بحدة): خلاص الكل يسكت.. حسن: هو كل الكبار موافقين، كتب كتاب سارة و مازن دلوقت.. مازن: نعم! على: خالد اطلع خبرهم..
خالد: طيب يا عمي.. خالد سابهم و طلع... فتحية: ها يا خالد؟ خالد: كتب كتابها الليلة على مازن، جهزوها.. عبير(بصدمة): ازاي يعني؟ جملات: اشربوا بقي.. سارة: ايه يعني انا بحبه ايوه بحبه و هبقي حلاله قريب.. جاسر دخل و سمع كلامها و قرب منها و مسكها من شعرها.. جاسر(بحدة): انتي و علاء و امك متفقين على انكم توقعوا بيني و بين ديما و لا لا؟
سارة(بغل و شر): اه اه، و خليتك تكسرها و كنت هأخد فلوسك بس حبي لمازن اغلي من اي فلوس... سارة(بغل): انا بحبه هو مش انت، انت كنت جسر اعدي من عليه بس.. جاسر ضربها قلم و التاني و التالت، و رماها على الارض و ضربها برجله مرة و اتنين و تلاتة... جاسر(بغضب): اه يا بنت ال، طبعا ما انتي زبالة.. فتحية: خلاص يا جاسر ابعد عنها.. خالد: ابعد عنها يا جاسر خلاص..
جاسر: دوقي دوقي العذاب اللي هتشوفيه على ايده ده هيعاملك خدامة عنده و وعد مني هتتعذبي اكتر و اكتر... جاسر: جهزوا الزفتة دي.. جاسر و خالد خرجوا، و بدأوا يكتبوا الكتاب... مازن: قدامي.. سارة: حاضر.. مازن خد سارة روحوا بيتهم... حسن: و انت يا زفت ايه حكايتك مع ديما؟. جاسر: ممكن تسيبني فترة يا حاج و اوعدك هاجي و احكي كل حاجة.. حسن: ماشي لما نشوف اخرتها.. على: طب و ايمن لما يعرف؟
حسن: مش احسن من المصيبة اللي كنا هنبقي فيها.. عبير: ارتاحتوا جوزتوا بنتي، ماشي.. فتحية: كله يروح يشوف هيعمل ايه.. -جاسر طلع لاوضته و دخل خد دوش و اتوضي و بدأ يصلي و مش قادر يأخد نفسه خلص صلاة و راح نام على السرير و بدأ ينام و بيحلم احلام مختلفة..
الحلم الاول: - جاسر: يلا يا ديما انجزي.. ديما: طيب يا عم متزعقش خد الجذمة اهي.. جاسر: طيب.. ديما: ايه ما تلبس بتبصلي ليه؟ جاسر قام من مكانه و مسك ايديها.. جاسر: بقول اطنش للحاج.. ديما: اه و انا بقول تلبس الجذمة بتاعتك و تنزل و تغور من وشي، انا رايحة اكل.. جاسر: بطلي اكل شوية الواد هيفطس.. ديما: ابني انا و هو بيحب امه و بيأكل من اللي امه بتأكله و فرحان و مبسوط ملكش فيه.. جاسر: براحتك ستات نكدية..
ديما: انا عملتلك ايه دلوقتي؟ جاسر: ايه يا بت هتعيطي؟ ديما: انت شخص رزل و مش بتقدر... جاسر: طيب خلاص خلاص يا ستي انا اسف.. جاسر(بهمس): ده انتوا يا ستات بتلفوا تلفوا و احنا اللي نعتذر ليكوا... ديما: بتقول حاجة يا عم انت.. جاسر: بقول البس الجذمة و اغور.. ديما: زين ما اختارت.. جاسر: ايه ده ديما هانم بتقول زين كلمة صعيدي.. ديما: ظريف الكل بيقولها عادي.. جاسر: طيب انا ماشي.. جاسر قرب من ديما و باس رأسها و نزل...
الحلم التاني: - ديما(بصريخ): جااااااااااااااااسر... جاسر: جاسر ايه ما انا جمبك.. ديما(بزعيق): طبعا ما انت مش انت اللي بتولد.. جاسر: طيب صوتك مزعج وطي صوتك.. ديما ضربته جامد بايديها.. ديما: ابعدوا الواد ده عني هقتله.. جاسر: اهون عليكي؟ ديما: ده انت تهون عليا و على ابنك عادي... ديما(بزعيق): الحقووووووني بمووووووووت.. فتحية: ما احنا ياما ولدنا يا ديما استحملي.
ديما(بعصبية): جاسر سكت امك و ربي مش ناقصة ارد على حد هزعله مني جامد، انا ايه اللي رجعني ليك انا غبية.. دعاء: استحملي.. ديما(بعصبية): فين الدكتور الزفت ده؟و ربي لما اشوفه لاقتله هو و مراته بس.. دنيا: ايه ذنب مراته يا هبلة؟ ديما(بعصبية): و دقيقة كمان و هكون قتلاكي.. جاسر: طيب اهدي.. ديما(بزعيق): و معنديش استعداد اقتلك انت كمان..
ديما(بصوت عالي): كدة كتير انا بموت الحقوني، يخرب بيتك يا جاسر و يخرب بيت اللي شافك و يخرب بيت اللي عرفك.. جاسر: طيب يا ستي شكرا، بحبك.. ديما(بصوت عالي و بوجع): و انا كمان.. جاسر قام من نومه و هو كان مبتسم و فرحان و بدأ يلعب في شعره و لقي النهارد لسة مطلعش.. جاسر: يا رب افرجها من عندك... جاسر: ينعل ابو شكلك يا ديما ناطة في الاحلام كمان، مش كفاية شايل همك و انتي بعيدة..
جاسر: بس الحلمين كانوا جمال و انتي احلي.. جاسر: ايه ده ايه ده في ايه مالك يا جاسر؟
-في الصباح الباكر.. عند ديما.. ديما قامت من نومها في ميعادها بالظبط و دخلت خدت دوش و هي عندها همة و نشاط.. اختارت طقم و لبسته كان عبارة عن: ديما لبست جيبة جينز و تي شيرت بنص باللون الاسود و كوتشي ابيض و لمت شعرها ديل حصان و اختارت شنطة ضهر باللون الاسود ديما نزلت لقت الفطار جاهز على السفرة.. ديما: دادة ناصرة دادة ناصرة.. ديما راحت على المطبخ لقت ناصرة بتعيط، ديما جريت عليها بسرعة..
ديما: مالك يا دادة؟ ناصرة(بدموع): مفيش يا بنتي.. ديما: لا قولي ازاي مفيش حاجة... ناصرة(بدموع): مفيش يا بنتي انا تعبانة شوية.. ديما: خلاص يا طنط خدي اجازة و روحي.. ناصرة: لا يا حبيبتي مش هينفع اسيبك.. ديما: لا متخافيش انا هجيب اي واحدة تشتغل عقبال ما تيجي و فلوسك هتفضل زي ما هي.. ناصرة: لا يا حبيبتي هكمل انا متخافيش مفيش حاجة.. ديما: لا يا طنط في حاجة و لازم اعرفها و لو مش عايزة تحكي انا هزعل منك بس كدة..
ناصرة(بدموع): بنتي.. ديما: مالها؟ ناصرة(بدموع): ناقصها حاجات كتير في جهازها و محتاجة فلوس و اتصلت قعدت تزعق... ديما(بعصبية): اتجننت دي ازاي ترفع صوتها عليكي.. ناصرة: عندها حق ما انا معيشاها في فقر ربنا يسامحه ابوها.. ديما(بعصبية): عمر الفقر ما كان عيب يا داده و كمان انتي بتشتغلي شغلانة شريفة.. ديما: و الجهاز و كل حاجة تخص بنتك انا هتكفل بيها يا داده متشليش هم.. ناصرة(بدموع): لا يا بنتي ميصحش..
ديما: ملكيش دعوة انتي ياما تعبتي معايا و انا صغيرة و كنتي بتخدمينا بكل صدق و اخلاص و امانة... ديما: و من بكرة الصبح تروحي بيتك و كل حاجة هتكون جاهزة... ناصرة(بدموع): شكرا جدا يا ديما و الله شلتي هم كبير اوي من عليا... ديما: لا يا دادة متقوليش كدة، يلا بقي تعالي نأكل.. -ديما و ناصرة راحوا و بدأوا يأكلوا و ديما عملت نفسها بتأكل.. ديما: كدة تمام الحمد لله، هروح الشغل..
ناصرة: ماشي يا حبيبتي، ربنا ينورلك طريقك.. ديما: تسلمي يا بطتي.. ديما خرجت و ركبت العربية و راحت على الشركة.. ديما: عمر ابعتلي مدير الحسابات.. عمر: تمام يا فندم.. ديما دخلت و قعدت على مكتبها و بعد فترة الباب خبط.. ديما: اتفضل.. مدير الحسابات: حضرتك نادتيني.. ديما: اه اتفضلي يا استاذ؟ مدير الحسابات: احمد يا فندم احمد.. ديما: اتفضل يا استاذ احمد، تشرب ايه؟ احمد: هو انا عملت حاجة؟
ديما(بابتسامة): ليه حضرتك متوتر؟خليك عادي.. ديما: هاتلي واحد قهوة سادة يا عمر.. عمر: تمام يا فندم.. ديما: انا كنت عايزة حضرتك في موضوع... احمد: اتفضلي.. ديما: انا عايزة اكلف حضرتك بموضوع يهمني.. احمد: اتفضلي يا فندم.. ديما: الدادة بتاعتي عندها بنت هتتجوز قريب كنت عايزة حضرتك تتكفل بكل حاجة تخصها.. احمد: في حد معين للمصاريف؟ ديما: لا اصرف و جيب احسن و افضل حاجة.. احمد: تمام يا فندم..
ديما: هبعتلك الاسم و العنوان بمجرد وصولك للمكتب.. احمد: تمام.. ديما: معلش هتعب حضرتك معايا.. احمد: لا تعب و لا حاجة، عن اذنك.. ديما: اتفضل.. عمر: القهوة يا فندم.. ديما: شكرا... ديما: ورانا اي meeting؟ عمر: لا النهاردة لا... ديما: طب انا جيت ليه؟ عمر: علشان يبقي للشركة مدير.. ديما: طيب، اتفضل على شغلك.. عمر خرج، و ديما طلعت تليفونها و قعدت تتفرج على صورها هي و جاسر...
-في مكان تاني.. في الصعيد.. حسن: ها يا جاسر خدت وقتك؟ جاسر: اه يا حاج، و انا هرجع ديما مش هطلقها... دعاء(بفرحة): هيييييييي يحيا العدل.. فيروز(بفرحة): بجد يا جاسر يعني ديما هترجع؟ جاسر: اه ان شاء الله... حسن: و كان ايه سبب انها تمشي؟ جاسر: حاجة بيني و بين مراتي.. عبير: الله يرحم ده بدل ما تضربها عيارين.. خالد(بعصبية): هي عملت ايه يعني؟ عبير: سابت البيت و مشيت.. فتحية: خليكي في حالك يا عبير..
ايمن(بزعيق): عبير... عبير(بخضة): في ايه؟ على: انت رجعت امتي يا اخوي؟ ايمن: مش وقته يا على.. ايمن(بزعيق): تعرفي انتي المفروض يتعمل فيكي ايه؟ عبير(بخوف): هو انا عملت ايه؟ ايمن: ابدا بوظتي عيالي و بوظتي علاقة ديما و جاسر... عبير: ابدا.. علاء: يا ابوي.. ايمن(بزعيق): اخرسوا.. دعاء(بهمس): هو هيحصل ايه؟ دنيا(بهمس): نفسي يطلقها و نرتاح.. ايمن: انتي طالق يا عبير طالق بالتلاتة... عبير(بصدمة): انت طلقتني!
ايمن: و انت يا زفت انت لتبقي راجل و قد المسئوليه لاما انا مبقاش خلفت رجالة، بره انت و امك.. علاء: بس.. ايمن(بزعيق): يلا بره، اطلعوا لموا هدومكوا و اخرجوا بره... عبير طلعت بانكسار و لمت هدومها و علاء لم هدومه و خرجوا بره البيت بكل ذل... ايمن: سامحوني على اللي حصل بسببهم.. الكل: و لا يهمك... على: ناوي ترجع ديما ازاي؟ جاسر: مش عارف هفكر.. حسن: هتفكر و لا الفكرة في دماغك... جاسر: طول عمرك عارفني يا حاج...
دنيا: ايه ايه؟ خالد: بطلي حشرية.. دنيا: انجزوا بقي البت وحشتني.. حازم: لما تكبري يا شاطرة.. دعاء: ليه هو في حاجة عيب؟ جاسر: بطلوا بقي، هو انا فايق للهزار و كمان ما تحترم نفسك ياض انت بتتكلم مع اختي.. حازم: لا ما الانسة هتبقي مراتي قريب متخافش.. الكل(بصدمة): نعم! حازم: طالبها من الحاج ايه ما تتكلم يا حاج و لا ايه؟ حسن: ما تصبر ياض انت... دعاء(بخجل): انت مش قصدك انا صح؟ حازم: لا انت يا جميل..
جاسر: ياض انت عايز تتضرب على نفوخك.. خالد: طيب و ان شاء الله هكتب على دنيا لما والدها يرجع من السفر... دنيا: و مين قال اني موافقة؟ فتحية: بطلوا الاول دلوقتي ديما و جاسر... اسماء: ايوه... جملات: في دماغك ايه يا ابن القاضي؟ جاسر: مفيش لسه هبقي اقولكوا.. -عدي اليوم بدون احداث تُذكر..
-في الصباح الباكر... عند ديما... ديما كانت بتتقلب في السرير و بدأت تفتح عنيها.. ديما(بصدمة): جاسر!
رواية إمرأة في عصمة صعيدي للكاتبة سلسبيل كوبك الفصل الخامس والعشرون
ديما قامت بسرعة على السرير و فركت في عينيها.. ديما: لا لا انا بحلم لا... جاسر: ليه بس يا حبيبتي؟ ديما(بصدمة): حبيبتي!انت اهبل ياض و كمان ايه ده انت ازاي جيت و ايه اللي جابك و بتعمل ايه في اوضتي؟ جاسر: مفيش مراتي زعلانة مني جيت اصالحها... -ديما استدركت الموضوع و غمضت عنيها و خدت نفس عميق و طلعته براحة.. ديما(بحدة): بره يا جاسر... جاسر: لا اوضة مراتي..
ديما: اطلع بره انا مش مراتك انا بكرهك و مش بطقيك و يلا اطلع بره لغاية ما اشوفلك صرفة.. جاسر: لا نسيت اقولك انا و العائلة الكريمة كلنا تحت.. ديما(بصدمة): نعم يا اخويا؟! جاسر: اه قولنا نقضي فين ال Weekend ففكرنا هنا انسب مكان... ديما: تعرف كلهم يقعدوا في البيت ده الا انت، اطلع بره اطلع.. ديما مسكت ايده و خرجته بره الاوضة.. ديما: و خليك عارف يا جاسر انك مهما عملت مستحيل ارجعلك او اسامحك...
ديما قفلت الباب في وشه و سندت على الباب و قعدت تعيط.. جاسر(بخفوت): بلاش تعيطي علشان خاطري.. ديما قامت و قفلت الباب بالمفتاح و دخلت جري على الحمام و خدت دوش و كل تفكيرها دلوقتي هي هتقابله ازاي و لا هتعمل ايه و لا هيحصل ايه و ايه اللي جابه... و بعد فترة خرجت و فتحت دولابها و اختارت طقم و بدأت تلبسه و هي شاردة تماما...
ديما لبست بنطلون اسود و تي شيرت اسود بنص كم و كوتشي ابيض عالي و سيبت شعرها على ضهرها و اختارت شنطة باللون الابيض ديما فتحت الباب و نزلت و كانت بتتمني انه يكون حلم، و بدأت تنزل السلالم.. دنيا(بفرحة): ديمااااا... دنيا جريت على ديما نطت عليها و ديما كانت هتقع.. ديما: هفطس يا بت.. دعاء(بفرحة): وحشتينا اوي.. فيروز: اوي اوي... دعاء و فيروز طلعوا و حضنوا ديما و ديما بادلتهم الحضن...
دنيا: اه يا واطية يا كلبة يا حيوانة يا زبالة.. ديما: بس بس ايه كله ضرب ضرب مفيش شتيمة.. ديما نزلت و راحت ناحية فتحية علشان تسلم عليها، بس فتحية مسكتها من ودانها.. ديما(بوجع): يا طنط بتوجع... فتحية(بدموع): متعرفيش كنا حاسين في غيابك بأيه يا ديما.. ديما حضنتها و راحت حضنت اسماء و جملات... حسن: لينا قعدة مع بعضينا يا ديما...
ديما: انا عارفة اني غلطت يا عمو لما سبت البيت من غير ما اقول لحد بس ده اللي كان لازم يحصل... اسماء: لا طبعا يا بنتي.. ديما: خالد.. خالد(بعصبية): خالد ايه؟انتي تعرفي احنا حسينا بأيه من بعدك عارفة يعني ايه نكون متعودين على حاجة و تختفي فجأة، احساس صعب.. ديما: اسفة... ديما: فين طنط عبير و سارة و علاء؟ جاسر راح و حط ايده على كتف ديما..
جاسر: سارة اتجوزت لانها خاينة، عمي ايمن طلق مرات عمي عبير علاء اطرد من البيت.. ديما شالت ايد جاسر من عليها بنفور.. ديما: كان ممكن اي حد يقول عادي.. جاسر: لا ما علشان انتي حبيبتي انا قولتلك... ديما: اتفضلوا على الفطار.. الكل راح و قعد على السفرة و ديما هي اللي اترأست السفرة... ديما: داده ناصرة.. ناصرة: نعم يا حبيبتي..
ديما: شوفي حضرتك هتمشي النهاردة امتي و خلي السواق يوصلك و متشليش هم كل التكاليف انا اتكفلت بيها... ناصرة: مينفعش يا حبيبتي انتي عندك ضيوف.. ديما: لا متخافيش انا هجيب بنت او بنتين يخدموني.. ناصرة(بدموع): و الله ما عارفة اودي جمايلك فين.. ديما: يا دادة متقوليش كدة.. ناصرة: انا هروح اعمل عصير.. ديما: طيب.. دنيا(بخفوت): في ايه ها في ايه؟
ديما: بطلي يا حشرية، فاكرة لما كانت دادة ناصرة بتجيب معاها بنتها و بتلعب معانا هي هتتجوز قريب و انا هتكفل بكل حاجة... ناصرة: ديما في واحد عايزك بره... ديما: مين؟ ناصرة: عمر.. ديما: اه طيب دخليه.. عمر: صباح الخير يا فندم.. ديما: صباح النور، جبت العقود؟ عمر: اه اتفضلي.. ديما: تمام شكرا... عمر: حضرتك جاية الشركة النهاردة؟ ديما: لا النهاردة معتقدش.. عمر: تمام عن اذنك.. ديما: باي..
حازم: و الله و بقيتي بتعرفي تتعاملي.. ديما: ليه حد قالك اني معنديش لسان... جاسر: و يا تري عملتي ايه في اليومين دول؟ ديما: كنت مبسوطة الحمد لله، لغاية ما شوفتك الصراحة حسيت اني عايزة ارجع... حسن: ديما عيب.. ايمن: انا اسف يا بنتي على اللي حصل من مراتي و عيالي..
ديما: و لا يهمك يا عمو، اللي حصل كان المفروض يحصل زي ما المفروض اني انا و جاسر نطلق علشان اشوف حياتي يعني ممكن اتجوز اسافر و كمان جاسر يشوف حياته يتجوز و يخلف، و كمان انا ست خاينة يعني مينفعش يمشي و هو مطمن على عياله و شرفه و عرضه، صح يا جاسر بيه؟ جاسر: اولا مكنتش فاهم الحقيقة ثانيا مفيش طلاق ثالثا انا سايبك تتكلمي براحتك لانه عندك حق لكن لو زودتي فيها ساعتها هيبقي تصرفي وحش..
ديما: لو مفيش طلاق في خلع يا جاسر.. ديما(بسخرية): بيه... على: يا بنتي ميصحش الكلام ده لازم تقعدوا و تتكلموا و توصلوا لحل بهدوء.. ديما: انا في قمة الهدوء و بطلب من جاسر قدام الكل اهو ان انا و هو ننفصل بكل رقي و احترام... جاسر: و انا طالب وقت... ديما: و انا معنديش وقت الصراحة.. خالد: ما تتعدلوا انتوا الاتنين بقي الله.. جاسر: اختك هي اللي مش عايزة الخير..
ديما: و انا مش هتجوز واحد و اكون نايمة جمبه على نفس السرير و تفكيره يكون في واحدة غيري اذا كان في حد قبل بده انا مقبلهوش... جاسر: سارة كانت ماضي.. ديما: و انا لما اجي اتجوز هتجوز حد انا ماضيه و حاضره و مستقبله... دنيا(بملل): الصراحة انا زهقت... دعاء: ما تتصالحي بقي يا ديما انتي و ابيه جاسر.. فيروز: ايوه فرحونا بقي.. جملات: البنات بيتكلموا صح، جربي مش عيب.. فتحية: اسمعي كلام قلبك يا ديما..
اسماء: انا شايفة امانك مع جاسر.. حازم: و انا مش هبقي مطمن عليكي غير و انتي مع جاسر.. حسن: عندنا مفيش بنت بتطلق يا ديما.. ديما: كلكوا عليا في صفه صح، و انا قولت اخر الكلام اللي عندي انا عايزة اطلق بكل هدوء سواء وافق او لا، انا مش بيهمني اي حاجة و لو عايزاني اسمع كلام قلبي قلبي بيقولي متتذليش و متقلليش من كرامتك انتي غالية و متقبليش تكوني مع واحد قال عليكي انك خاينة و مستحيل يأتمنك على بيته و عياله...
ديما: مستحيل تبقي مع واحد انتي بتكرهيه... جاسر: طيب.. جاسر قام و شال ديما بين ايديه و ديما اتصدمت.. ديما: انت بتعمل ايه يا مجنون نزلني؟ جاسر: ابدا.. ديما(بصوت عالي): انت اهبل ابعد عني، نزلني يا عمو يا طنط خالد... خالد: انا لا أري لا اسمع لا اتكلم... ديما: جاسر نزلني هتوديني على فين؟ جاسر: اوضتنا يا حبيبتي.. ديما: ده مجنون ده و لا ايه؟ما تنزلني يا زفت انت...
جاسر طلع و دخل اوضة ديما و رمي ديما على السرير و قفل الباب بالمفتاح و خلي المفتاح في جيبه... ديما(بزعيق): انت اتجننت ياض انت.. جاسر: كلمة كمان و هتزعلي مني جامد.. ديما: بكرهك انا بكرهك ليه مش بتفهم... جاسر: اسمعيني يا ديما و متقاطعنيش ممكن؟ ديما: افتح الباب الاول، زي ما انت مستحيل توثق فيا انا مستحيل اطمن و انا معاك افتح الباب.. جاسر: انتي مقتنعة؟ ديما: طبعا...
جاسر راح قعد على الكنبة و ديما قعدت على السرير و ربعت رجليها و ايديها... جاسر: طيب مبدأيا انا اسف.. ديما: مش قابلة اعتذارك... جاسر: سيبيني اخلص كلامي.. ديما: اوف قول..
جاسر: انا اسف و المفروص تقدري ده و كمان انا لو كنت زي الرجالة الصعيديه و شوفت اللي حصل و مكنتش اتعاملت بحكمة كان زمانك في القبر مدفونة و مكنش حد هيقدر يقولي حاجة، رفضي لحبك لاني كنت غبي مكنش ينفع اعمل كدة او اجرحك بالطريقة دي بس برضو انتي غلطتي لما مشيتي، انا دلوقتي عايز نبدأ صفحة جديدة مع بعض و ننسي اللي فات، موافقة؟ ديما كانت لسة بتقوم من على السرير لقت جاسر جه قدامها... جاسر: غمضي عينك..
ديما: لا.. جاسر: بعد اذنك.. ديما(لنفسها): ينعل ابو ام لطافتك... ديما غمضت عنيها و حست بان جاسر قريب منها و بعدين حست بان ايديه حوالين رقبتها.. جاسر: افتحي عينك... ديما فتحت عنيها ببطء لقت السلسلة اللي كانت جايباها ليه و ليها حوالين رقبتها و ديما اندهشت.. ديما: ازاي وصلوا دول انا لغيت الحجز.. جاسر: يمكن جم علشان اعرف قد ايه انا كنت غبي.. ديما(لنفسها): لا لا انتي غبية متضعفيش.. ديما: بس شكرا مش عايزاها..
ديما كانت لسة هتقلعها لقت جاسر مسك ايديها بيمنعها... ديما: ابعد عني... جاسر: ممكن تدي علاقتنا فرصة تانية؟ ديما: لا... جاسر: حاولي تعالي على نفسك انتي لسة طفلة تفكيرك طفولي بلاش تضيعي حبك يا ديما.. ديما: انا مش طفلة انا كبيرة فاهم.. جاسر(بضحك): خلاص يا طفلة اقصد يا كبيرة يا حلوة.. ديما(بصوت عالي نسبيا): بكرهك بكرهك.. ديما: افتح الباب.. جاسر: لما اسمع منك انك هتودي علاقتنا فرصة تانية..
ديما: افتح الباب لاما و الله انط من الشباك مجنونة و اعملها و عملتها قبل كدة... جاسر: لا حقيقي انا عايز انام، لما اصحي بقي ده احنا ماشيين من بدري.. ديما: انا مالي محدش قالك تعالي.. جاسر: توعديني بانك متمشيش على الاقل لغاية ما اصحي.. ديما: طيب افتح بقي الباب.. جاسر فتح الباب لديما و بدأ يقلع التي شريت بتاعه.. ديما: انت بتعمل ايه؟ جاسر: بقلع.. ديماهتنام فين؟ جاسر: هنا..
ديما: انت اهبل؟لا طبعا روح شوف اي اوضة تانية.. جاسر: طيب تصبحي على خير يا حبيبتي... جاسر راح نام على السرير و اتغطي.. ديما(لنفسها): سيبيه حرام ده منامش.. ديما سابته و نزلت لقت مفيش حد تحت استغربت.. ناصرة: انا خليتهم يطلعوا يرتاحوا و ودتيهم اوضهم.. ديما: تمام شكرا يا دادة.. ديما: بعد اذنك اعمليلي قهوة سادة.. ناصرة: من امتي اي ديما؟ ديما(بابتسامة باهتة): عادي..
ديما راحت قعدت في الجنينة و بعد فترة ناصرة جابت ليها قهوة و ديما بدأت تشرب و هي شاردة... ديما(لنفسها): يا رب حلها من عندك... (قلبها): طبعا وافقي الواد عرف غلطه.. (عقلها): لا ده علشان سارة اتجوزت، بس هي اتجوزت ازاي؟ (قلبها): ايه جاب سارة دلوقتي اخرس انت، ديما انتي بتحبيه و متقنعيش نفسك انك نسيتيه في يومين.. (عقلها): برضو لا لازم يحس بالجرح اللي سببه ليها.. ديما(لنفسها): انا حيرانة.. (قلبها): وافقي..
(عقلها): ارفضي.. ايمن: يا بنتي ردي عليا.. ديما: ها؟!حضرتك بتنادي؟ ايمن: انا عارف انتي شاردة في ايه، بس هي حلها حاجة واحدة يا ديما... ديما سابت كوباية القهوة من ايديها و نزلت رجليها و بصت لايمن باهتمام.. ديما: ايه هو؟
ايمن: انك ترجعيله يا ديما، عارف ان دلوقتي في حرب بين عقلك و قلبك اسمعي كلام قلبك، هقولك حاجة انتي لو صعيدية فعلا مكنش ده كله هيحصل مكنتيش هتمشي و لو كنتي مشيتي و هو جالك كنتي هترجعي علطول الست ملهاش غير بيت جوزها، بس انتي تربيتك مصرية من القاهرة يا ديما هتلاقي الموضوع مأثر معاكي، عايز اقولك فكري كويس هتلاقي ان وجودك جمبه سعادتك انتي يا ديما..
ديما: بس هو مش بيحبني هو هيرجعني بس علشان حاسس بالذنب لانه ظلمني بس يا عمو، هو مش بيحبني.. ايمن: هتصدقي لو قولتلك انه بيحبك و هيحبك... ديما: ازاي؟ ايمن: اولا لما مشيتي كان هيطلب ايد سارة و كان هيبعتلك ورقة طلاقك كان هيشوفها فرصة، مكنش هيجي يصالحك مع انه راجل صعيدي و انتي عارفة دماغهم و مكنش هيقطع كل المسافة دي علشان يرجعك و مكنش حط خطة علشان نرجعلك ليه.. ديما: خطة؟!
ايمن(بارتباك): خطة انا قولت خطة هو اكيد يعني بيفكر ازاي يرجعلك انا استخدمت كلمة غلط.. ديما: تمام يا عمو شكرا بجد افادتني جدا بمعلوماتك دي.. ايمن: انا اسف جدا جدا على اللي عمله علاء و سارة و عبير ربنا وداهم جزاءهم... ديما: علشان خاطري حاول تفكر في موضوع طنط عبير حاول ترجع انا مش هشمت فيها بس حاول ترجعها و برضو في الاول و الاخر راحة حضرتك.. ايمن: هشوف، عن اذنك..
ديما مسكت السلسلة في ايديها و شردت تاني...
-في مكان تاني.. في الصعيد.. مازن: اشتغلي يا اختي اشتغلي.. سارة(بعياط): يا حبيبي.. مازن(بحدة): حبيبك دي ما اسمعهاش منك انا بكرهك فاهمة زي ما جاسر كان جسر بالنسبة ليكي انتي كنتي جسر برضو بس انتي اللي انا وقعت فيها... سارة: يا مازن انا متعودتش على كدة.. مازن: انجزي امسحي و كل يوم لما اصحي الاقي البيت كله متروق و الخدامين هيمشوا و انتي اللي هتروقي.. محروس: من اعمالك يا اختي..
سارة قعدت تعيط كتير و باصة على حظها و ندمانة...
-بعد فترة... عند ديما... دنيا: هي فين ديما يا دادة؟ ناصرة: في اوضة المكتب يا حبيبتي.. دنيا: طيب.. فتحية: مساء الخير.. ناصرة: مساء النور يا هانم.. فتحية: خليكي انتي هنعمل احنا الغداء... ناصرة: بس الغداء جاهز.. فتحية: بسم الله ما شاء الله ربنا يديكي الصحة... اسماء: هو احنا المفروض نعمل ايه؟ جملات: منعرفش دماغ جاسر فيها ايه.. دعاء: السرير مريح اوي.. جملات: اتبتري يا اختي اتبتري.. حسن: ها الاكل جاهز؟
ناصرة: اه يا بيه.. حسن: طيب فين الباقي؟ حازم: ايه ده هو الكل صاحي.. دعاء: لا خالد و جاسر و فيروز لسة... دنيا: تعالي بقي ايه مالك بقيتي ميتة على الشغل كدة.. ديما: طب هخلص اخر حاجة و اجي.. دنيا: لا... حازم: اهلا بمدام جاسر القاضي.. ديما(بعصبية): حازم و ربي اقتلك في ايدي.. خالد: مساء النور... ديما: مساء الخير... على: فاضل جاسر اطلعي صحيه يا ديما.. ديما: خلي دعاء.. دعاء: ليه هو انا مراته؟
ديما: بصوا بقي بطلوا تخططوا ايه ده.. حسن: لاحظي ان كلنا سايبين اشغالنا في الصعيد علشان خاطرك... ديما: اوف حاضر، ربنا يأخد ديما بس.. ديما طلعت و راحت لاوضتها و دخلت لقت جاسر نايم.. ديما قربت من السرير و قعدت جمبه و بصت على ملامحه.. ديما(لنفسها): ملاك انت ها ملاك! ده انت خبيث خبث... جاسر: علفكرة عارف اني حلو... ديما(بصدمة): انت صاحي؟! جاسر: اه يا روح جلبي.. ديما: طيب يلا انزل علشان الاكل..
ديما لسة هتقوم بس لقت جاسر مسكها جامد و ضهرها لجاسر... ديما: انت غبي؟! جاسر: قولتي ايه؟ ديما: وسع و نتكلم بهدوء طيب.. جاسر: طب ما انا بتكلم بهدوء اهو... ديما: طب ابعد بعد اذنك... جاسر(بخفوت): ليه؟ ديما: وسع مش قادرة اتنفس... جاسر بعد عنها و لفها ليه.. جاسر: تعالي نصلي ركعتين.. ديما اندهشت من كلامه بس عجبتها الفكرة.. ديما: تمام.. جاسر: عندك اسدال صلاة و لا اجيب من فيروز.. ديما: لا عندي.. جاسر: خشي اتوضي يلا..
ديما قامت و دخلت الحمام و بدأت تتوضي... جاسر(لنفسه): يا رب حلها من عندك... ديما خرجت و بدأت تطلع الاسدال، و جاسر دخل اتوضي و خرج... جاسر: جاهزة؟ ديما: اه.. جاسر: عارفة القبلة ازاي؟ ديما: اه كدة.. جاسر: طيب، يلا.. جاسر بدأ يصلي و صوته في القرآن عجب ديما جدا و ريحها و بدأوا يصلوا و بعد ما خلصوا... ديما: صوتك حلو... جاسر: شكرا، يلا ننزل نتغدي.. ديما: هقلع الاسدال.. جاسر: خليكي بيه مش وحش يعني..
ديما كانت هتوافق بس بعدها افتكرت انها كدة مستسلمة.. ديما: اعتقد انك مش هتمشي رأيك عليا، و ديما قلعت الاسدال و لبست الكوتشي و نزلت قبل جاسر... جاسر: يا رب اديني الصبر من البلوة دي.. جاسر نزل ورا ديما و راح قعد مكانه... حسن: ها يا ولاد اتأخرتوا ليه؟ جاسر: كنا بنصلي ركعتين.. فيروز: يعني اتصالحتوا؟ ديما: لا، و انسي الموضوع ده.. الباب خبط و ناصرة فتحت الباب... ديما: عمو شاكر! شاكر: ديما يا بنتي.. ديما: في ايه؟
رواية إمرأة في عصمة صعيدي
