رواية إمرأة في عصمة صعيدي للكاتبة سلسبيل كوبك الفصل الخامس
في الصباح الباكر... ديما: طنط هو فين اعمامي و بابا و خالد؟ فتحية: عمك ايمن و على راحوا القاهرة، و عمك حسن هو و باباكي راحوا الارض الزراعية، و دنيا قعدت تعيط زي الاطفال الصبح عايزة تخرج تشوف البلد عمك قال لخالد يفرجها على البلد... ديما(بغضب طفولي): طب انا مالي انا كمان عايزة اروح اتفرج على البلد... اسماء: استني لما خالد يجي.. ديما: لا.. تسنيم: ديما بلاش شغل العيال ده.. ديما: و الله اعيط..
اسماء: جاسر.. جاسر كان ماشي و هيخرج من البيت، و بعدين رجع تاني.. جاسر: نعم يا مرات عمي.. اسماء: خد ديما وديها لخالد و دنيا او فرجها انت على البلد.. جاسر: بس انا... جملات: متكسرش بخاطرها يا جاسر.. ديما(ببرائة): و النبي وافق.. جاسر: ماشي.. ديما(بفرحة): يحيا العدل، يلا بينا.. جاسر: هستناكي هنا اطلعي غيري.. ديما: لا انا لابسة يلا.. جاسر(بعصبية): نعم يا اختي.. فتحية: جاسر اتكلم براحة.. ديما: انا عملت ايه؟
جاسر(بيحاول يكون هادئ): بصي انتي بنت عمي يبقي اكيد شكلك من شكلي اطلعي البسي حاجة محترمة بدل المسخرة دي.. ديما: طب لو لبست هتوريني البلد.. جاسر: اه.. ديما: تمام.. ديما طلعت جري على اوضتها... تسنيم: انت اول شخص يمشي كلامه عليها... جاسر: انا اكيد مش قصدي بس لبسها مستفز، اذا كانت بتلبس كدة في العادي و هي نايمة بتلبس ايه؟ تسنيم: اصيع من كدة.. جملات: انتوا بتسيبوها تلبس كدة ازاي بس يا تسنيم؟
تسنيم: هي كدة لابسة محترم و حلو بالنسبة ليها.. ديما كانت لابسة شورت لغاية الركبة ابيض و تي شيرت بحمالة باللون الاصفر و قصير ديما: انا جاهزة.. جاسر: هو كدة محترم؟ تسنيم: جاسر هي لسة جديدة خلاص بقي.. جاسر(بحدة خفيفة): قدامي.. ديما لبست بنطلون جينز ضيق محددها و تي شيرت ابيض مكتوب عليه كلام باللون الاسود كتير و جاكت اسود جلد ب ¾ كم، و كوتشي ابيض و سيبت شعرها و حطت روچ هادئ..
جاسر و ديما خرجوا من البيت.. اسماء: دي متعبة شوية.. جملات: عقبال ما تتعود.. فتحية: ربنا يخليها ليكي.. عبير: اهلا متجمعين علطول انتوا... اسماء: عايزة تتجمعي معانا تعالي بس باحترام.. عبير: ليه مكنش مش محترمة؟ فتحية: عبير انتي جاية و ناوية على شر فابعدي احسن ما الكبير يبقي ليه تصرف مش هيعجبك انا ساكتة لاني مش عايزة مشاكل.. علاء: اخباركوا... جملات: علاء استرجل كدة و روح اشتغل مع الحاج حسن.. علاء: ان شاء الله..
سارة: احم هو فين الباقي؟ فتحية: جاسر و ديما خرجوا علشان يوريها البلد، و دنيا و خالد برضو زيهم.. سارة(بغيظ): اشمعنا جاسر؟ جملات: في ايه يا سارة؟ سارة: مفيش..
-في مكان تاني.. خالد: متعبتيش احنا ماشين من الصبح... دنيا: تعبتك انا اسفة.. خالد: لا عادي، بس برضو نرتاح شوية.. دنيا: تعالي عند الترومبة دي.. خالد: انتي تعرفي الترومبة؟ دنيا: اه انا بحب الارياف جدا.. خالد: تمام يلا.. دنيا: ممكن اشرب منها؟ خالد: تعالي.. خالد بدأ ينزل ليها ماية و هي تشرب و تضحك، و بعدين رشت عليه ماية.. خالد(بحدة): متعمليش كدة تاني.. دنيا(بحزن): انا اسفة مكنش قصدي..
خالد: تمام، يا ريت التعامل يبقي بحدود.. دنيا: لو مش عايز انك تفرجني على البلد براحتك مش جبراك.. خالد: انا نازل معاكي علشان عمي حسن و عمي محسن.. دنيا: شكلك مش طايقني خلاص بلاش يلا نروح.. شاب: خالد بيه.. خالد: ازيك يا معتمد.. معتمد: بخير يا خالد بيه، تعالي اضايفك كوباية شاي.. خالد: معايا ضيوف... معتمد: ضيوفك ضيوفنا هي دي فيها كلام.. خالد: تروحي؟ دنيا: تمام... خالد و دنيا راحوا مع معتمد و شربوا كوبايتين شاي..
-في مكان تاني.. عند جاسر و ديما.. ديما: الله الشجر حلو اوي.. ديما: تعرف كان نفسي اجي هنا كتير بس بابا مكنش بيوافق.. ديما: انت بتحب المطر؟ ديما: ما ترد، ايه اخرس؟ جاسر: لو مش عجبك ممكن نروح.. ديما: لا روح انت لوحدك.. ديما مدت قدام جاسر بس هو مسكها من ايديها جامد.. جاسر(بحدة): لما اكون معاكي اياكي تفكري اي تفكير من دماغك، فاهمة؟ ديما: سيب ايدي.. جاسر(بحدة): فاهمة؟
ديما(بصوت عالي نسبيا و دموع): فاهمة فاهمة... -و بعدين جاسر لاحظ ان في ناس بتتفرج عليهم ف ساب ايد ديما و مشاها جمبه، و ديما كانت بتبص على العلامة الحمراء اللي على ايديها بسببه و بتمسح دموعها... جاسر: ما تبطلي شوية ماشي مع عيلة انا.. ديما(بدموع): انت غبي ايدي احمرت بسببك.. -جاسر بص عليها لقي وشها احمر و انفها(مرخيرها؟) محمر و عيونها حمراء و ايديها محمرة... جاسر: ايه يا بنتي انتي بقيتي طماطم؟
ديما: انا بشرتي حساسة ملكش فيه، شخص رزل.. جاسر: خلاص امشي يلا... ديما: طب انا عايزة اتصور و اصور.. جاسر: هتصوري ايه؟ ديما طلعت الكاميرا من شنطتها و بدأت تصور الاراضي الزراعية و تصور الاطفال اللي ماشين في الشارع... ديما: خد صورني.. جاسر: مبعرفش.. ديما: يا جاسر و النبي انا زي اختك.. جاسر: هاتي.. -جاسر بدأ يصورها و هي بتأخد وضعيات مضحكة و مجنونة... ديما: تعالي نتصور انا و انت.. جاسر: لا مش عايز..
ديما: يا ابني هو انت بتحب كلمة لا الله.. ديما قعدت تصور جاسر غصب عنه و هي مش واخدة بالها كانت هتقع في الترعة تاني بس جاسر لحقها في اخر لحظة... جاسر: حاسبي مش ناقصين مصيبة تاني.. ديما: طيب طيب متزعقش، هتوديني فين تاني بقي؟ جاسر: عايزة تروحي فين؟ ديما: محسسني اني عارفة حاجة هنا مثلا.. جاسر: تعالي اوريكي المصنع.. ديما: اشطا يا معلم... جاسر و ديما راحوا للمصنع...
-في مكان تاني.. في البيت... عبير: مالك يا بت قاعدة مش طايقة نفسك ليه؟ سارة: مفيش يا اما(امي).. عبير: اومال؟ سارة: سيبيني في حالي يا اما.. سارة سابت عبير و نزلت... واحد من الغفر: جاسر بيه في المصنع يا ست هانم.. سارة: لوحده؟ واحد من الغفر: لا يا ست هانم، معاه البت المصراوية.. سارة(بغضب): خلاص روح انت... سارة(لنفسها): اما وريتك يا بنت ال، مبقاش انا سارة القاضي... سارة مشيت... اسماء: نعمل اكل ايه؟ دعاء: بط...
تسنيم: براحتكوا بس اعملوا اي حاجة جمبه علشان ديما تاكل.. دعاء: هي مش بتاكل البط؟ تسنيم: لا... فتحية: ازاي بس يا تسنيم؟ جملات: اومال بتأكل ايه؟ تسنيم: ممكن صينية بطاطس و فراخ... اسماء: خلاص هنعمل صينية بطاطس و فراخ، عندنا كام ديما يعني.. فيروز: اخباركوا؟ فتحية: الست الدكتورة اخيرا جت... جملات: ديما و دنيا اثروا عليكي.. فيروز: اعمل معاكوا ايه؟ دعاء: اه و انا هتنازل و اساعدكوا، اومال فين ديما و دنيا؟
اسماء: بيتفرجوا على البلد... فيروز: طب يلا نعمل الاكل.. جملات: بسم الله ما شاء الله قمرات، يلا... و بدأوا يجهزوا الغداء...
-في مكان تاني... عند محسن و حسن... حسن: كلمني عن ديما يا محسن.. محسن: ديما بنت طيبة و عفوية طفلة كل تصرفاتها طفلة، بس قد المسئولية تحطها في مكان تلاقيها بتحقق نجاح بجدارة، اينعم فيها صفات وحشة زي حساسة.. حسن: و دي صفة وحشة؟ محسن: اه لانها بتصدق اي حد و ممكن تصدق اعدائها فاكرة ان كل الناس طيبين زيها و بيحبوها، متعرفش ان في ناس بتوع مصالح، بس لما كبرت فهمت هي قوية بس عندها نقاط ضعف...
حسن: ربنا يخليها ليك... محسن: تسلم يا اخوي(اخويا).. حسن: اهو خالد و صاحبة بتك(بنتك).. خالد: مساء الخير... دنيا: عمو محسن وحشتني اوي.. محسن: و انتي يا حبيبتي، كلمتي محمد؟ دنيا: اه بحاول اقنعه.. محسن: انا شايف انه راجل مناسب يا دنيا.. دنيا: حاضر هفكر.. حسن: هو انتي ينفع ترفضي؟ محسن: انا و محمد صاحبي مش بنجبر بناتنا على حاجة..
دنيا: لو قفلتوا على البنات اوي هيعملوا كل اللي هما عايزينه من وراكوا برضو و لو فتحتوها اوي هيعملوا كل حاجة وحشة ف الوسط حاجة حلوة و كويسة.. حسن: ده كلامك؟ دنيا: انا و ديما متفقين و مقتنعين بالكلام ده.. خالد: طب عن اذنك يا حاج اروح المصنع.. دنيا: ايه ده هو في مصنع هنا خدني معاك و النبي.. خالد: لا انا رايح اشتغل.. دنيا: و النبي يا عمو خليه يأخدني معاه و النبي.. حسن: خلاص متكسفهاش يا خالد..
خالد: خلاص هروح كمان شوية... محسن: مش هتخلص من زنها.. دنيا: هو اللي هناك ده موز؟ محسن: اه.. دنيا: طب ينفع ادوق؟ حسن: كلي يا حبيبتي زي ما انتي عايزة.. دنيا: طيب هروح.. محسن: روح معاها يا خالد... خالد(بهمس): ربنا يأخد خالد.. خالد: اه طبعا اتفضلي.. دنيا: شكرا معلش تعبتك معايا... خالد: اتفضلي.. خالد جاب كذا موزة و وداهم لدنيا.. دنيا(بفرحة): شكرا... دنيا بدأت تأكل و كلتهم كلهم...
دنيا: الله طعمهم مسكر اوي، هات تاني.. خالد: لاحظي ان كدة كتير... دنيا: انت بخيل؟! خالد: لا بس احنا لسة هنحصده و لسة هنوزعهم... دنيا: تمام خلاص ماشي.. خالد: خدي و متتكلميش تاني.. دنيا: ليه هو انت لساني؟ خالد: بت انتي متخلنيش اتعصب عليكي.. دنيا: هو انت لسة متعصبتش، وريني العصبية بقي.. حسن: خلصت يا خالد.. خالد: اه يا حاج.. دنيا: قلبت كتكوت يعني.. خالد(بغضب مكتوم): يا بت انتي مش قدي..
دنيا: خلاص خلاص هتبخ نار من عيونك... خالد: قدامي.. خالد و دنيا راحوا و قعدوا... محسن: عامل ايه الموز؟ دنيا: مسكر اوي اوي اوي... حسن: لو عايزة تاني خدي.. دنيا: لا اصل خالد قالي مينفعش... خالد بصلها بصدمة و هي بصتله باستفزاز.. محسن: ليه يا خالد؟ خالد: مش كدة يا حاج ده بس علشان انا عارف ان بنات مصر بتعمل دايت و كدة و الموز مسكر فخفت عليها.. حسن: عاملة دايت؟ دنيا: لا انا جسمي طبيعي..
حسن: خليها تاكل اللي هي عايزاه... خالد(بغيظ و غضب مكتوم): حاضر.. خالد و دنيا قاموا و خالد بيبص ليها بغضب.. خالد: تاني؟ دنيا: اه.. خالد: تاني؟ دنيا: اه.. خالد: تاني؟ دنيا: اه.. خالد: ايه معايا قرد ده انتي خلصتي مية واحدة.. دنيا: اروح اقول لعمو.. خالد(بعصبية): يا شيخة مقرفة و مستفزة.. دنيا(بضحك): خلاص عفوت عنك... خالد: و النبي و انا مستنيكي يعني، قدامي..
-دنيا و خالد رجعوا قعدوا مع محسن و حسن و قعدوا يتكلموا و يهزروا...
-في مكان تاني.. عند جاسر و ديما... ديما: حقيقي المصنع حلو و البنات اللي بتشتغل فيه ناس لطيفة... جاسر: اتكلمتي معاهم؟ ديما: لا بس باين على وشهم... جاسر: متغركيش المظاهر... ديما: ليه هما اكيد طيبين و غلابة.. جاسر: تمام.. ديما: وراك شغل اروح.. جاسر: بما انك جيتي معايا يبقي هتروحي معايا، اينعم مينفعش بس ماشي.. ديما: ايه هو اللي مينفعش؟ جاسر: انك تبقي معايا هيفتكروا ان في حاجة بينا..
ديما: لا متقلقش عادي احنا اخوات.. ديما: الحق في زرار مش موجود في القميص بتاعك.. جاسر: فين؟ ديما: اهو.. جاسر: اه شكله وقع.. ديما: طب هات اعملهولك.. جاسر: لا لا.. ديما: لا هات بس اجرب بليز.. جاسر: هتجربي فيا و كمان مينفعش.. ديما: هات بس اتعلم هات.. ديما: اهو على المكتب في زراير و خيط هعملهم.. ديما قامت و حاولت تدخل الخيط في الابرة.. جاسر: فاشلة درجة اولي.. ديما: الله يسامحك..
ديما بعد محاولات دخلت الخيط في الابرة... ديما: خلاص اهو.. ديما: هات اخيطه بقي... ديما قربت من جاسر و هو قاعد على كرسي المكتب و كانوا قريبين من بعضه... ديما: اصبر بقي.. جاسر: صابر، انجزي مطوليش.. جاسر: اسااسا غلط ايه اللي خلاني اطاوعك... ديما: معلش زي اختك.. و بعدين فجأة الباب اتفتح...
رواية إمرأة في عصمة صعيدي للكاتبة سلسبيل كوبك الفصل السادس
جاسر زق ديما بعيد عنه بسرعة، و ديما اتصدمت.. جاسر(بعصبية): ازاي تخشي من غير ما تخبطي؟ الموظفة: اسفة يا جاسر بيه بس انا خبطت كتير شكل حضرتك اللي مكنتش مركز... جاسر(بعصبية): طب غوري من وشي.. الموظفة خرجت، و جاسر بص لديما بغضب... ديما: في ايه بتبص كدة ليه؟ جاسر(بحدة): مش عايز المحك قريبة مني بعد كدة فاهمة... ديما: انا عملت ايه؟ جاسر: تخيلي بقي البنت دي هتروح تقول لكام بنت على اللي هي شافته..
ديما: احنا مكناش بنعمل حاجة غلط و كمان انت ابن عمي يعني زي اخويا... جاسر: قدامي.. ديما: هنمشي؟ جاسر: اومال ايه؟غوري يلا.. ديما(بدموع): مش عايزة حاجة منك، بكرهك.. ديما خدت شنطتها و طلعت تجري و هي بتمسح دموعها... جاسر(بعصبية): غبية، غوري في داهية... جاسر قعد كمل شغل... اما عند الموظفة، طلعت تليفونها و اتصلت بسارة... الخط اتفتح... سارة: ها عملتي ايه؟
الموظفة: دخلت عليهم فجأة زي ما قولتيلي لقيت البت قريبة منه اوي و ماسكة قميصه.. سارة(بغضب): انتي متأكدة؟ الموظفة: اه.. سارة: خلاص ماشي.. الموظفة: متنسيش نسبتي.. سارة: متقلقيش.. سارة(بغيظ): و ربي لاوريكي يا ديما جاسر خط احمر.. عند ديما.. ديما خرجت جري و هي مش طايقة نفسها... ديما(بدموع): انا معملتش حاجة ل ده كله، انا بكرهه. خالد: ديما.. ديما مسحت دموعها بسرعة و ابتسمت و بصتله.. ديما: اهلا اخبارك؟ دنيا: مالك؟
ديما: مالي اهو انا في قمة الانبساط، انتي انبسطتي؟ دنيا: اه اوي اوي.. خالد: انتي كنتي بتعملي ايه هنا؟ ديما: طنط فتحية خلت جاسر يوريني البلد و جينا المصنع و بعدين انا مليت فقولت امشي. خالد: طب و جاسر ميوصلكيش ليه؟او يبعت اي حد معاكي.. ديما: لا انا اللي مشيت اتخنقت فجأة... خالد: طب تعالي هنعدي عليه نأخده و احنا كدة كدة رايحين نتغدي.. ديما: بس.. خالد: يلا.. خالد خد ديما و دنيا و دخلوا المصنع و راحوا لجاسر..
خالد: اخبارك؟ جاسر: تمام، و انت؟ خالد: بخير... دنيا: طب يلا انا جعانة انجزوا.. ديما: يلا يا خالد.. خالد: يلا يا ابني.. جاسر: تمام يلا بينا.. و الكل مشي جمب بعضه و رايحين للبيت، تليفون ديما رن، الخط اتفتح.. ديما: الو اهلا استاذ شاكر.. شاكر: اهلا يا بنتي، عاملة ايه؟ ديما: بخير، هو في حاجة؟ شاكر: ديما اللي انا عايز اقوله ليكي حاجة صعبة اوي. ديما: لا قول حضرتك.. شاكر: ... دنيا: ديما ديما ديمااااااااا..
ديما(بدموع): نعم.. خالد: مالك؟ ديما: مفيش عايزة اروح... جاسر(بهمس): تافهة.. دنيا: مين استاذ شاكر ده؟ ديما: مش حد، و بطلي اسئلة.. و بعد فترة صغيرة وصلوا للبيت و دخلوا.. فتحية: حمد لله بالسلامة.. الكل: الله يسلمك.. اسماء: اطلعوا غيروا عقبال ما نحط الاكل.. دعاء: انا استويت و انا بعمل صينية البطاطس اللي الهانم بتحبها... ديما(بابتسامة خفيفة): شكرا يا دعاء.. دعاء: و لا يهمك... دنيا: هنطلع احنا يا طنط..
دنيا و ديما طلعوا، و كل واحدة غيرت هدومها.. حسن: اومال فين البنات؟ فتحية: طلعوا يغيروا و نازلين... دنيا: سمو عليكو.. محسن: يا بت بطلي طريقتك دي.. دنيا: No.. تسنيم: طب يلا تعالوا كلوا.. سارة: اه يلا تعالوا.. فيروز: مالك يا ديما ساكتة ليه؟ ديما: no thing.. دنيا(بهمس): دول صعايدة يا هبلة.. ديما: مليش فيه، سيبيني في حالي.. محسن: مالك يا حبيبتي؟ ديما(بدموع): مفيش و محدش يسألني عن اي حاجة، تمام..
عبير: مدلعة زيادة عن اللزوم... ديما: تمام شكرا.. علاء: ليه بس يا ديما القمر مينفعش يعيط... حسن(بحدة): كل و انت ساكت يا علاء.. ديما: عن اذنكوا.. ديما طلعت جري على اوضتها.. دنيا: هي خمس دقايق و هتنزل ده انا حافظاها... و الكل قام من على الأكل، و بدأوا يقعدوا... ديما: احم طنط اسماء.. اسماء: نعم يا حبيبتي.. ديما(بهمس): هو في لسة اكل؟ اسماء(بابتسامة): اه يا حبيبتي تعالي معايا.. دنيا: امسك حرامي... ديما: عايزة ايه؟
دنيا: كان مالك يا اسطا؟ ديما: مفيش، بعتذر لاني انفعلت.. جملات: خلاص بقي نجبلك تأكلي.. ديما: لو مكنتيش حلفتي بس.. تسنيم: يا لمضة.. ديما(بضحك): قلبي يا رب.. حسن: انا مشفتش اسرع منك في التقلب.. ديما: لا ده انا واخدة بطولاااات... الكل قعد يضحك على لطافة ديما، و بدأت تأكل.. و بعدين تليفونها رن... ديما: مين؟ دنيا: رقم بره البلد.. ديما: احنا نعرف حد بره البلد هاتي.. الخط اتفتح... دنيا: افتحي الاسبيكر.. ديما: تمام..
ديما: الو.. شخص: يااااااه صوتك بقي رزين كدة امتي؟طول عمرك طفلة.. ديما: افندم، مين حضرتك؟ شخص: انا! للدرجة دي مش عارفة صوتي... دنيا: ما تنجز يا عم لاحسن نقفل في وشك.. شخص: اه يا دنيا ليه بتيجي عليا كدة، انتي دنيا وحشة و زبالة... ديما بصت لدنيا بسرعة و بدأت ضحكتهم توسع و صوت ضحكهم يعلي، و الكل مستغرب و خالد و جاسر مضايقين... ديما و دنيا: علاء الدين الايوبي بني ايه؟ الشخص: بني القلعة... ديما و دنيا: بني ايه؟
الشخص: بني القلعة.. ديما و دنيا: شُيدت القلعة في العصور؟ الشخص: الوسطي.. ديما و دنيا: اي عصور؟ الشخص: الوسطي.. ديما: وحشتني يا اعز شخص على حياتي.. الشخص: لا انا بؤحرج... دنيا: انا دنيا وحشة و زبالة يا حقير يا واطي.. الشخص: يععععع بيئة ليه متبقيش بسكوتة كيوتة زي ديما... ديما: فينك انا بعت ليك كتير و انت مكنتش بترد.. الشخص: حصلت ظروف اينعم عدي 15 سنة بس مستحيل انساكي يا عمري... ديما: لا انا اللي بؤحرج كدة..
دنيا: انت موحشتنيش خالص... الشخص: مش مهم انتي المهم البت العسل اللي جمبك.. ديما: حازم بطل احراج... حازم: مكسوفة؟ حازم: اومال فين محسن و تسنيم؟ محسن: محسن حاف يا زفت.. حازم: قلبي يا رب.. حازم: اه يا جذمة فاتحة الاسبيكر و بتبعيني.. ديما(بدموع): وحشتني اوي و نفسي احضنك، انت فين؟ حازم: اه يا قلب اخوكي لا صعبتي عليا مش جاي.. ديما: رزل و مش عايزاك تيجي و غور في ستين داهية تاخدك انت و كل اللي بيكرهوك...
حازم: يرضيكي يا بطتي.. دنيا: احم احم نحن هنا.. حازم: لا انا بحب ديما بس، و علشان بحب ديما احب اقولك.. حازم: انا راجع مصر بعد شهر و نص يا دودو.. ديما(بفرحة و صريخ): الله و الله العظيم بحبك... حازم: يا بت بؤحرج... دنيا: المصاريف ايه اخبارها؟ حازم: اه فهمتك يا دنيا يا وحشة، لا يا بيبي انا بقيت رجل اعمال.. ديما: بجد الف مبروك يا روحي ده كان حلم حياتك...
حازم: ما هو من 15 سنة في بنوتة رقيقة جميلة بحبها اوي قالتلي اسعي ورا حلمك حتى لو على حساب اي شخص حتى لو على حساب فقدانك لاعز احبائك حدد هدفك و حلمك و حققهم... ديما(بفرحة): ده كلامي اللي انا قولته ليك... حازم: مخرجش من عقلي... حازم: بصي يا ديما سجلي الرقم عقبال ما ارجع مصر علشان ورايا اجتماع... ديما: تمام يا معلمي... حازم: بحبكوا بحبك يا بطتي بحبك يا دنيا يا وحشة.. دنيا: غور.. حازم: غاير...
ديما: باي خلي بالك من نفسك، بحبك.. خالد: يا خسارة قفلتوا بدري اوي كنتوا تكملوا كلام.. دنيا: ده حازم.. جاسر: حازم يعني عادي نكلمه الحق يا خالد ده طلع حازم... حسن: خالد جاسر خلاص، مين ده يا ديما؟ ديما: اخويا انا و دنيا.. محسن: يعني متربين مع بعض.. تسنيم: اه و كانوا بيناموا مع بعض و هما صغيرين..
ديما: اه هو اكبر مني باربع سنين و لما اتولدت هو كان بيحبني و بيهتم بيا و هو كان بيهتم بيا انا و دنيا و احنا كبرنا لقيناه قدامنا اخونا اللي بيحمينا اللي بيقف جمبنا بس عائلته توفت و جه عاش معانا كام سنة و بعديها سافر لخاله بس مرضيش يقولي سافر فين... عبير: اه علشان كدة واخدين على بعض اوي.. ديما: اه عادي ده يعتبر اخويا.. حسن: بس لازم يبقي في حدود في التعامل يا ديما..
دنيا: لا حازم محترم اوي و بيخاف علينا اوي اوي كمان... جاسر: لا ده طلع محترم يا خالد كنا ظالمينه.. ديما(و هي بتكتم ضحكها): و انت مضايق ليه؟ جاسر: انا مش مضايق.. ديما(بهمس): بأمارة النار اللي هتطلع من رأسه.. دنيا(بهمس): رجالة كدابة.. خالد: يلا كله على النوم... فيروز: لا خلينا قاعدين شوية... ديما: تعالوا نلعب اي حاجة.. دعاء: لا انا ورايا مذاكرة و حاجات فوق رأسي مش فهماها... ديما: وريني كدة..
دعاء: هطلع اذاكر فوق.. دنيا: تمام... حسن: يلا بكرة في قعدة عرب من الصبح لغاية بليل.. ديما: ممكن نيجي؟ محسن: لا يا ديما مينفعش دي قعدة رجالة.. دنيا: حرام طب نلبس لبس رجالة و نيجي.. فيروز: مستحيل يوافقوا... حسن: تصبحوا على خير.. فتحية: يلا يا بنات السهر غلط يلا، و كمان مين هيساعدنا بكرة اليوم صعب يلا... ديما: طيب تصبحوا على خير... كل واحد راح لاوضته و نام... و بعدين جاسر حس بحد جمبه فتح عينه.. جاسر: سارة..
سارة: انا بكرهك يا جاسر.. جاسر: ليه بس يا حبيبتي؟ سارة: لانك شخص استغلالي و حقير و مستمتع مع البت المصراوية دي.. جاسر: ابدا.. سارة: اومال كانت بتعمل ايه في اوضة مكتبك و قريبة منك.. جاسر: شكل في جواسيس عندي في المصنع.. سارة: متغيرش الموضوع.. جاسر: يا ستي زرار قميصي وقع و هي اصرت تعمله ليا علشان تجرب.. سارة: و المفروض اصدقك.. جاسر(بحدة): سارة انتي عارفة اني مش بكدب..
سارة(بدموع): انا بخاف عليك يا حبيبي و بغير.. جاسر: خلاص اسف بس انا بحبك و مستحيل ابص لواحدة غيرك... سارة: طب الحق امشي باي، بحبك.. سارة باسته جمب شفايفه بسرعة و قامت خرجت من الاوضة و جاسر كان مصدوم منها.. جاسر(لنفسه): لا هي عفوية بس عادي غصب عنها.. جاسر(لنفسه): اهدي و نام سارة شريفة...
-في الصباح الباكر... الساعة خمسة و نص... دنيا: يا زفتة انتي يا بت.. ديما(بنوم): عايزة ايه؟ دنيا(بنوم): مصحين كل ستات البيت انجزي قومي.. ديما(بنوم): طب ما انا مش ست بيت.. دنيا: و حياتك انا نفسي انام بس قومي ده امر، طنط فتحية متغيرة و بتتعامل بحدة مع الكل.. ديما: طب انا مالي... فتحية(بحدة): انك بنت عائلة القاضي قومي.. ديما: لا.. فتحية: هتضربي قومي.. دنيا: يا بت قومي دي عنيها بطلع نار... ديما: حاضر حاضر..
ديما قامت و خدت دوش و بدأت تفوق... ديما لبست شورت قصير اسود و تي شيرت ابيض بحمالة رفيعة و مبين جزء بسيط من بطنها و لبست كوتشي و رفعت شعرها على شكل كحكة..
دنيا لبست بنطلون ضيق باللون الجينز و تي شيرت باللون الاسود بنص كم و كوتشي ابيض و عملت شعرها ديل حصان.. ديما: انا بكره الدنيا دي، اه اصحي ليه انا الساعة خمسة.. اسماء: متتكلميش و روحي لفتحية تقولك هتعملي ايه... ديما: طنط فتحية المفروض اعمل ايه؟ فتحية: انتي و دنيا و دعاء و فيروز و سارة تنضفوا كل البيت و الجنينة... ديما: و الله حرام البيت واسع اوي... تسنيم: ديما يلا... دعاء: تعالوا تعالوا..
دنيا: طب نأكل طب... جملات: تعالوا يا حبايبي.. البنات قعدت تأكل و بعدين بدأت تقوم تنضف البيت.. دعاء: ايه يا سارة ما تقومي اعملي معانا... ديما(بصريخ): يا غبي... جاسر(بخضة): في ايه؟ ديما: بكرهك بهدلت الحتة اللي انا مسحتها... جاسر(ببرود): مكنش قصدي.. فيروز: يا ابيه سارة مش عايزة تقوم تعمل معانا.. سارة: لا ابدا كنت بس مريحة علشان تعبانة.. ديما: اتفضل امسحها بقي.. جاسر: افندم؟ ديما: امسح اللي وسخته..
جاسر: انسي، و انتي يا سارة قومي اشتغلي معاهم.. سارة(بحب): حاضر.. ديما: طب و ربي لاربيك يا جاسر.. جاسر(ببرود): مستني اشوف ردة فعلك يا طفلة.. جاسر سابها و مشي، و ديما رمت المكنسة و المساحة من ايديها... ديما: شخص غليظ حقير حيوان مش متربي.. فتحية(بحدة): انا شايفة مسخرة هنا، و انتي يا سارة اطلعي نضفي الجنينة مع دنيا بره... ديما: يا طنط ابنك الرزل بهدل اللي انا مسحته... فتحية(بحدة): خلاص نضفوه تاني..
تسنيم: بنات يلا انجزوا، حد يروح يحلب الجاموسة... عبير: يلا يا ديما.. ديما(بصدمة): نعم! عبير: يلا يا ديما... فتحية: هي متعرفش خلي سارة.. عبير: تتعلم.. ديما: خلاص هروح، فين؟ سارة: تعالي اوريكي.. سارة ودت ديما مكان الزريبة و بصت ليها بشماتة.. سارة: باي باي يا بسكوتة... سارة سابت ديما و مشيت و ديما فضلت واقفة مكانها بتفكر... دنيا: ناولني البتاعة دي... دنيا(بزعيق): يا زفت انجز... خالد: افندم!
دنيا(باحراج): ايه ده هو انت؟اسفة كنت اقصد العامل لاني مبحبش حد يطنشني.. خالد: طيب، عايزة ايه؟ دنيا: مقص الشجر.. خالد: بتعرفي؟ دنيا: اه... خالد: بس في عامل مخصص لكدة.. دنيا: لا انا قولتله انا هعمل.. خالد: خدي.. دنيا بدأت تظبط الشجر باحتراف و خالد معجب بيها، و طريقة تصرفها... خالد: برا؟و عليكي.. دنيا: شكرا..
-في الزريية عند ديما.. ديما: ما انا مفهمتش حاجة من النت، اعمل ايه؟ ديما: انا شوفتها في التلفزيون... ديما حاولت تقرب من الجاموسة و هي خلاص هترجع.. ديما: لا لا مستحيل.. ديما: بس لازم اعمل كدة.. ديما: لا انا هموت لا... ديما: يا ربي اعمل ايه ده ايه القرف ده؟ ديما و هي ماشية اتكعبلت و صرخت جامد و قعدت تعيط، و كان جاسر قريب من المكان اللي هي فيه..
جاسر دخل بسرعة على الصوت و اول ما دخل مقدرش يتمالك نفسه من الضحك... جاسر(بضحك): و ربي لازم اصورك و اذلك بالصورة دي... ديما(بعياط): بتضحك عليا عيل رزل... ديما(بعياط): ريحتي بقت مقرفة، عاااااااااااااااا.. جاسر(بضحك): ده عطر يا بنتي.. ديما(بصريخ): هتفضل تتفرج عليا كتير قومني.. جاسر: طب ما تقومي نفسك.. ديما: عااااااااااااااااااااااااااااا جاسر: خلاص خلاص... جاسر قرب من ديما و مسك ايديها..
جاسر(بضحك): لا حقيقي بقيتي جموسة... ديما ضربته على صدره كتير و هي بتعيط... ديما(بعياط): حرام عليك، ربنا يسامحك... جاسر: طيب تعالي اروحك... ديما: لا لازم امسح القرف اللي على رجلي ده... جاسر: ده لوحة فنية يا ديما حرام تمسحيه.. -ديما زقته و ضربته تاني على صدره و هي بتزقه هما الاتنين اتزحلقوا تاني و جاسر مسك ديما من خصرها وقع هو على ضهره و هي فوقه... سارة: الله الله... ديما: شوفتي ايه اللي حصل ليا؟
جاسر قوم ديما بسرعة من عليه و قومها و قام وقف.. سارة: لا شوفت اللي انتي بتحاولي تعمليه.. ديما: انا عملت ايه؟انا وقعت و اتزحلقت... سارة: و الله.. ديما: في ايه انا عملتلك حاجة؟ سارة ضربتها قلم على وشها، جاسر اتصدم.. ديما(بصدمة): انتي ازاي تمدي ايدك عليا؟ سارة: زي ما انتي بتمدي ايدك على ممتلكاتي.. جاسر: سارة ديما خلاص محصلش حاجة.. ديما: فعلا لسة محصلش حاجة بس هيحصل..
ديما ضربت سارة قلم و زقتها على الارض هي كمان اتبهدلت، ديما سابتهم و مشيت... جاسر: انتي كويسة؟ سارة: بنت ال... جاسر: سارة انتي اللي غلطانة و فهمتي غلط... سارة(بدموع): انت مبقتش تحبني.. جاسر: متقوليش كدة، هي وقعت و انا كنت بمسكها روحنا وقعنا بس... جاسر و سارة رجعوا على البيت... تسنيم(بصدمة): ايه ده يا ديما؟ دنيا(بضحك): مش شايفة انه فضلات الجموسة و لا البقرة... دعاء(بضحك): لا لا بموت مش قادرة حد يلحقني..
فتحية(بحدة): انتوا لسة مخلصتوش.. و بعدين بصت على ديما اتصدمت من منظرها.. فتحية: هو انتي بدل ما تجيبي لبن من الجموسة جبتي فضلاتها... فيروز(بضحك): معلش تعيشي و تتعودي... ديما(بصوت عالي نسبيا): اخرسوا محدش يتكلم.. خالد: فين... خالد لسة هيكمل كلامه شاف ديما اتصدم من منظرها.. خالد: مين اللي عمل فيكي كدة؟ دنيا(بضحك): واضحة الجموسة... خالد(بصدمة): و ايه اللي عمل كدة في جاسر و سارة..
كانوا جاسر و سارة لسة داخلين من باب البيت و الكل شافوهم الكل قعد يضحك... جاسر: بطلوا زرافة، اختك السبب.. عبير: يا تري السنيورة حلبت الجموسة؟ عبير(بصدمة): ايه اللي غرقكوا انتوا التلاتة كدة؟ ديما: انا طالعة اغير مش طايقة نفسي... دنيا: اكيد يا روحي دي فضلات.. ديما: و ربي لانفخك لما افوق.. ديما طلعت جري خدت دوش و جاسر و سارة عملوا زيها، و بعدين نزلوا... حسن: حد يفهمني ايه اللي دعاء قالته ده؟
ديما: مفيش يا عمو طنط عبير قالت اروح احلب الجموسة وانا معرفش فجبت الطريقة من على النت و حاولت بس اتزحلقت و لقيت جاسر دخل كان بيقومني اتزحلق و سارة كانت جاية تشوفني بس مخدتش بالها و اتزحلقت... حسن: خلاص حصل خير.. ديما: اخبارك يا بابا؟ محسن: بخير يا حبيبتي.. حسن: طب كل حاجة جهزت؟ فتحية: ايوه يا حاج الجنينة و البيت اتنضفوا و الاكل جهز ناقص بس الرجالة تيجي.. حسن: تمام... حسن: فين الزفت علاء؟
عبير: نايم يا حاج.. حسن(بعصبية): صحيه يا ام علاء راجل اسم بس... عبير: حاضر يا حاج.. عبير طلعت لعلاء اوضته... عبير: انت يا زفت يا زفت.. علاء(بنوم): خير؟ عبير: قوم انجز... علاء: ليه؟ عبير: علشان خاطر عمك مش قولتلك لازم تبقي انت الكل في الكل يا حيوان انت.. علاء: طب ما انا بعمل كدة.. عبير: ازاي يا زفت؟ علاء(بخبث): ديما.. عبير: اه يا خسارة تربيتي فيك... علاء: اصبري بس... عبير: ايه؟
علاء(بخبث): عم محسن معاه فلوس على قلبه في القاهرة و شركات و عنده هنا ورث بعد ما يموت مين هيورث بنته انا لو اتجوزت بنته هاخد كل ده.. علاء(بخبث): يبقي انا اضحك على البت بكلمتين و اتجوزها و اخد كل فلوسها... و فجأة الباب اتفتح...
رواية إمرأة في عصمة صعيدي للكاتبة سلسبيل كوبك الفصل السابع
عبير(بخضة): هو انتي؟ سارة: اه في ايه اتخضيتوا ليه؟
علاء: مفيش... سارة: براحتكوا، يلا انجز علشان تقعد.. علاء: تمام... عبير: هفكر و ارد عليك يا علاء.. علاء: ماشي.. علاء قام و غير هدومه و نزل للرجالة تحت... حسن: يلا كل الستات على المطبخ.. فتحية: يلا يا بنات يلا.. كل الستات دخلت على المطبخ، و جم الرجالة و قعدوا... دنيا: بس انتي كنتي جامدة يا طنط فتحية النهاردة.. تسنيم: دنيا عيب.. فتحية: سيبيها... دعاء: هو ايه اللي هيحصل بره؟ اسماء: منعرفش..
ديما: طب بليز انا اللي اطلع الاكل و كل حاجة علشان اعرف و اشوف... جملات: بلبسك ده معتقدش.. ديما: انا لابسة جيية اهو و تي شيرت.. عبير: هي دي جيبة رجلك باينة و التي الشيرت محددك... ديما: ده لابسي و مش هغيره، بليز بليز يا طنط فتحية.. فيروز: محدش هيرضي.. دنيا: طب انا... جملات: انيل منها يا حبيبتي بنطلون و تي شيرت بحمالات كمان... دنيا: ايه الاحراج ده؟ ديما: كلمتي.. دنيا: و ايه يعني؟ ديما: متقولهاش..
سارة: ما تسكتي منك ليها.. تسنيم: في ايه يا سارة هما عملولك حاجة؟ دنيا: هو انتوا ليه مش عندكوا خدامين؟ ديما: مش محتاجين في واحدة اهي... دنيا و دعاء و فيروز فهموا قصدها قعدوا يضحكوا.. فتحية: بنات صوتكوا... سارة(بغيظ): قصدك مين يا بتاعة انتي؟ جملات: خلاص، و احنا عندنا خدامين بس بنوديهم اسبوع راحة كل ستة شهور، و هما هيرجعوا كمان يومين... اسماء: و اسااسا احنا بنحب نعمل كل حاجة بايدينا.. فتحية: يلا خدوا الشاي..
ديما جريت خدت الصينية و بصت ليهم بلطافة.. ديما: علشان خاطري... فتحية: روحي يا ديما بس حاولي تنزلي الجيبة شوية تستر اي حاجة... ديما: حاضر حاضر.. - ديما كانت لابسة جيبة باللون الكشميري لغاية الركبة و تي شيرت ابيض بحمالة رفيعة و مسيبة شعرها و روچ هادئ و كوتشي ابيض.. ديما خرجت و راحت ناحية الرجالة، و اول ما خرجت شهقت و كانت هتوقع الصينية بس جاسر مد ايده سند بيها الصينية... جاسر(بهمس): متخافيش خشي يلا...
ديما(بخفوت): انتوا بتاجروا في السلاح؟ جاسر(بهمس و حدة): خشي يا ديما جوا... -جاسر مسك منها الصينية و حطها و لاحظ نظرات كل اللي قاعدين لديما و بص لديما بغضب و مسكها من دراعها جامد و راح بيها ناحية الستات... جاسر(بعصبية): مين اللي خلاها تتزفت و تخرج؟ فتحية: حصل ايه؟ عبير: كانت بتغري الرجالة اكيد.. جاسر(بحدة): دي متظهرش طول القعدة فاهمين.. -جاسر زق ديما ناحية فيروز و فيروز حضنت ديما اللي كانت بتعيط...
تسنيم: اهدي بس، و قولي حصل ايه؟ ديما(بعياط): انا خرجت لقيت قدامهم سلاح كتير، مكنتش اعرف انكم بتاجروا في السلاح.. اسماء: مش كدة اهدي هنفهم...
-عند الرجالة... واحد: هي مين الفرسة؟ حسن(بحدة): ملكش دعوة بيها... كبير العائلة التانية: هي مش دي السائحة اللي انت قولت عليها... محسن: لا دي تبقي بنتي، بس كنا عايشين في القاهرة... شاب: ايه ده انت خلفت غير خالد؟! خالد: مش نتكلم في المهم و لا ايه؟ جاسر: يا ريت... حسن: عايز ايه يا محروس و ايه لازمة الاسلحة دي؟
محروس(كبير العائلة): انا جاي اعرض عليك صفقة احنا بنشتغل مع ناس كبار في القاهرة و عارض علينا صفقة سلاح، ايه رأيك نشتغل مع بعض و ننسي العدواة.. حسن: لا يا محروس انا مش ببيع سلاح، و عرضك مرفوض و العدواة انت اللي بدأتها... محروس(بغضب): ده كلامك يا حسن؟ حسن: اه و اخر الكلام لو انا لقيت عليك حاجة هروح ابلغ البوليس احذر مني.. محروس: انا و انت و الايام بينا... محروس: يلا يا رجالة..
محروس خرج هو و كام واحد و في ناس لمت الاسلحة و مشيت وراه... جاسر: ايه ده مش بيحسوا؟ علاء: ما هما اكيد بيكسبوا كويس يا عمي.. خالد: علاء الزم حدودك و لاحظ كلامك... محسن: هو ايه اللي حصل لديما؟ جاسر: دي بنت غبية اوي اسف يعني يا عمي.. ديما: لا مش غبية.. اسماء: هو ايه اللي حصل؟ جاسر: انتي اغبي واحدة شوفتها في حياتي.. ديما(بغضب): جاسر و الله لو قولت الكلمة دي تاني هنزعل بجد.. جاسر: على اساس يهمني زعلك...
سارة: بس بس بس.. حسن: ما تسكتوا شوية... دنيا: ناس غريبة.. خالد: بعد كدة ما تحكميش على حاجة من نظرك انتي يا ديما، كنتي تفهمي.. ديما: يعني اشوف سلاح و عايزني مخافش... محسن: يا حبيبتي هما كانوا عارضين علينا بس احنا اللي رفضنا... ديما: خلاص انا مالي الله... دعاء: احسن انهم ماكلوش احنا ناكل... دنيا: اه عندك حق.. فيروز و ديما: هجووووووم.. و كل البنات جريوا على المطبخ و بدأوا يأكلوا...
تسنيم: اسفة من ساعة ما ديما و دنيا جم البيت اتغير.. جملات: متقوليش كدة دول محليين البيت و الله.. اسماء: دول نسمة و الله.. فتحية: ربنا يخليهم ليكي.. جاسر: يا حاج بالنسبة للموضوع اللي قولته ليك.. حسن: بليل يا جاسر.. جاسر: تمام.. خالد(بهمس): اخيرا هتتجوز.. جاسر(بهمس): مش مطمن ده من الصبح باصص ليا... خالد(بهمس): بيفكر يا حمار... ديما: مين هيفرجني على باقي البلد؟ علاء: انا ايه رأيك؟ ديما: تمام...
خالد: ليه لتكون اخوها مثلا، انا هفرجها هي و صاحبتها.. عبير: طب ما جاسر خرج مع ديما لوحدهم... خالد: لاننا بنثق فيه.. جملات: خالد عيب... علاء: عمي محسن عمي حسن كنت عايزكوا.. حسن: خير؟ علاء: ضروري... حسن: ورايا... علاء و حسن و محسن دخلوا اوضة المكتب... محسن: اتكلم.. علاء: انا كنت طالب ايد ديما من حضرتك يا عمي... محسن بص لحسن و حسن ردله نفس البصة... محسن: هفكر و اقولك... علاء: تمام شكرا يا عمي...
ديما: ننجز بقي عايزة اتفرج على باقي البلد.. دنيا: انا مش قادرة بكرة... ديما: لا و الله اعيط... خالد: انا ورايا شغل.. علاء: هوديكي... محسن: جاسر روح مع ديما... جاسر: بس انا ورايا شغل مع خالد... حسن: مش مشكلة يا جاسر... جاسر(بغيظ مكتوم): تمام، قدامي.. سارة: و انا هاجي معاكوا... فتحية: لا انا عايزاكي معايا تعالي.. سارة: بس... ديما: انا هجيب شنطتي.. جاسر خد ديما و خرجوا تتفرج على البلد...
جاسر: خير عايزة تروحي فين؟ ديما: عايزة اشوف الفلاحين و اكل فاكهة... جاسر: اتفضلي قدامي.. ديما: طب ممكن اطلب طلب؟ جاسر: خير؟ ديما: غير العباية بتاعتك و البس بنطلون و تي شيرت... جاسر نظرته بقت حادة و قرب من ديما و ديما قعدت ترجع لغاية ما لزقت في الحيطة و جاسر قدامها و مش بيفصل بينهم الا حاجات بسيطة... ديما: ابعد...
جاسر(بحدة): اياكي تقولي الكلام ده تاني انا كدة و مش هتغير و مش هيجي على اخر الزمن اتغير علشان واحدة ست و انا مفتخر بإني بلبس جلابية... ديما: طب انا مالي كان مجرد طلب او اقتراح براحتك الله، ابعد بقي.. جاسر بعد عن ديما و مشي و هي وراه... جاسر(باستفزاز): ده مكانك يا ديما ورايا مكانك ورا الرجالة... ديما(بعصبية): النتيجة بتتغير في ثواني... ديما جريت من قدام جاسر و بقت مسبقاه بكام خطوة...
جاسر: معندكيش ثقة في نفسك... ديما: بالعكس... جاسر: تمام... جاسر: امشي يمين.. ديما: تمام.. ديما: يا ابني ما تفك ام تكشيرتك دي... جاسر: يا ستي انا مش طايقك اعملك ايه؟ ديما(بطريقة مسرحية): بكرة تندم يا جميل... جاسر: انتي علطول تافهة؟ ديما: اه، تعرف احلي حاجة فيا ايه؟ ديما: انا قولت كدة برضو، احلي حاجة فيا انه لو حد قالي حاجة تضايقني مستحيل اتكسر قدامه، فهمت يا جسورة... جاسر: متقوليش جسورة دلع مايع زي اسمك...
ديما: انا مقولتلكش اتكلم عن اسمك... ديما بصتله بمعني انها قصفت جبهته... جاسر: غوري... ... -في مكان تاني... دنيا كانت طالعة بسرعة على السلالم خبطت في خالد... دنيا: آه مش تحاسب... خالد: انتي اللي طالعة جري... دنيا: تمام.. خالد: كنتي بتجري ليه؟ دنيا: طالعة اكلم صاحبي.. خالد(بعصبية): انتي متحملة نفسك كدة و انتي بتكلمي الولد ده و الولد ده متعرفيش ان في حاجة اسمها حساب او اي حاجة...
دنيا: انا مسمحلكش انا بنت مؤدبة و محترمة و كمان انت مش ابويا علشان تقولي كدة... دنيا زقت خالد و طلعت جري على اوضتها، و خالد كمل طريقه و هو متعصب...
-في مكان تاني... شاب: و ده هنخليه يقبل ازاي؟ محروس: لازم نكسره... شاب: ازاي؟ده كان بيتكلم بدون نقطة خوف... محروس: البت بته(بنته)المصراوية... راجل: بس يا ابوي... محروس: ايه يا مازن مش هتقدر؟ مازن: اكيد هقدر يا ابوي.. محروس: عفارم عليك... مازن: بس دي ادخلها ازاي؟ محروس: هقولك تعمل ايه...
-في مكان تاني... تسنيم: بص يا حبيبي براحتك انت انت ابوها و اكيد شايف الصالح ليها... محسن: يعني اوافق؟ تسنيم: براحتك يا حبيبي هو اكيد محترم اينعم فيه صفات وحشة بس ديما هتعرف تغيره... محسن: و كمان هو هيحميها بعد ما اموت صح؟ تسنيم: هيعتمد على نفسه اكيد... محسن: طب لو هي رفضت؟ تسنيم: هنحاول نقولها اي حاجة توافق.. محسن: يا رب توافق...
بعد فترة.. الكل بقي موجود في البيت و حسن قاعد مترأسهم كلهم، و في اللي متوتر و في اللي قلقان و في اللي خايف، و في اللي مش فاهم حاجة... حسن: انا جمعتكوا النهاردة لان في قرار مهم اتأخد.. فتحية: اتفضل يا حاج... حسن: كتب كتاب جاسر و ديما الخميس الجاي.. جاسر و ديما اتصدموا لدرجة انهم فضلوا مصدومين مش عارفين يستوعبوا الموضوع... دنيا و خالد و علاء و سارة و عبير و دعاء و فيروز اتصدموا...
ديما(بصدمة): حضرتك بتضحك معانا صح؟ محسن: لا عمك بيتكلم صح.. جاسر(بصدمة): طب بالنسبة ل... حسن: انسي و ده امر و خلاص البلد زمانها كلها عرفت... ديما(بعصبية): انا مش موافقة، ده احنا مش بنطيق بعض مش بنطيق بعض و احنا ولاد عم هنطيق بعض و احنا متجوزين... تسنيم: ديما والدك موافق... جاسر كان بيبص لسارة اللي بصاله بغضب، و خالد باصص بحزن على صاحبه و اخته، دنيا مكنتش عارفة تعمل ايه..
حسن: ده امر موافقين مش موافقين ده امر، و قولتلكوا زمان البلد كلها عرفت و انا مش هرجع في كلمتي... ديما سابتهم و جريت على اوضتها و دنيا و دعاء و فيروز وراها... جاسر(بحزن): اللي تشوفه يا حاج، عن اذنك... جاسر مشي و خرج وراه خالد... سارة قامت مشيت على اوضتها بغضب... علاء: بس مش المفروض ديما تبقي من نصيبي... حسن: انا قولت اللي عندي... عبير: بس ده ظلم... اسماء: من امتي الحاج بيظلم...
عبير و علاء قاموا مشيوا، و كل اللي قاعد بص لبعضه... جملات: هنعمل ايه؟ محسن: مش عارف... اسماء: هتوافق.. حسن: هتوافق غصب عنها... تسنيم: يا حاج... حسن: خلص الكلام... حسن قام مشي و كل واحد راح على اوضته...
عند ديما و البنات... ديما(بعياط): ده حتى مهمهوش اني مش موافقة.. دعاء: يا ديما للاسف هنا مينفعش البنت ترفض... ديما: ده ظلم... دنيا: طب ايه رأيك تهربي؟ فيروز: لا طبعا و تجيبي لاهلك العار لا... دعاء: و الله جاسر ده طيب و هيحافظ عليكي.. ديما(بعياط): مش هسلم روحي و نفسي لشخص بيكرهني و مش بيطقني و انا مش هتجوز واحد انا مش بحبه او حتى مش حاسة من ناحيته بقبول...
فيروز: للاسف هي دي الدنيا هنا يا ديما، البنت لابن عمها.. ديما: مليش دعوة، انا مش من هنا و مش متربية هنا هنا مفيش حياة هنا الحياة منعدمة، هنا مفيش حرية.. دعاء: طب حاولي تتقبلي الموضوع بابا مش هيتراجع عن قراره، و كمان خلاص الفرح كمان يومين بالظبط.. ديما(بعياط): كمان؟يعني الفرح كمان يومين من غير ما يأخدوا رأيي. فيروز: الناس خلاص عرفت يعني مش هينفع نلغي الفرح و مفيش وقت، النهاردة تعتبر خطوبة..
ديما(بعياط): بليز حد يتصرف... دنيا قعدت جمبها و حضنتها و ديما قعدت تعيط كتير لغاية ما نامت... دعاء(بهمس): نامت؟ دنيا(بهمس): اه... فيروز(بهمس): طب نيميها على السرير براحة.. البنات نيموا ديما على السرير، و دعاء و فيروز كل واحدة راحت لاوضتها، و دنيا قعدت جمب ديما...
عند جاسر و خالد... خالد: عارف انه صعب، بس زي ما هو صعب ليك هو صعب لاختي برضو يا جاسر... جاسر(بحزن): انا بين نارين يا خالد، رضا ابويا و لا حبيبتي... خالد: انا عايزك ترفض لاني مش عايزك تتظلم انت و اختي، بس مش قادر اقولهالك يا صاحبي لانه قرارك انت.. جاسر(بحزن): مش عارف اعمل ايه؟ جاسر(بحزن): هو مُصر على اني اخسرك و اخسر حبيبتي، مع اني و الله طلبت ايد سارة منه... خالد: هتتحل يا صاحبي هتتحل...
جاسر(بحزن): مش عارف اعمل ايه يا رب يا رب.. جاسر: خلاص روح يا خالد... خالد: مش هقدر اسيبك... جاسر: روح علشان خاطري.. خالد: لا طبعا... جاسر: ريحني و روح... خالد: لا بقي هفضل معاك... جاسر: طب انا طالع انام... خالد: مش هسيبك الا لما اشوفك نايم.. جاسر(بابتسامة باهتة): تسلم يا صاحبي.. خالد: مفيش شكر ما بينا احنا اخوات، انا حاسس انك انت و ديما هيبقي في تقبل شوية، و هتعدوا... جاسر: يا رب..
جاسر طلع نام، و خالد راح لديما... خالد دخل من غير ما يخبط... دنيا(بخضة): انت! خالد لف جسمه بسرعة و اتوتر... خالد: اسف مكنش قصدي... دنيا: عايز ايه؟ خالد: كنت عايز اطمن على ديما... دنيا: طيب لف.. خالد: طب كملي لبسك الاول.. دنيا: لا انا بنام كدة... خالد(برفعة حاجب): نعم! دنيا: ملكش دعوة، انا هدخل الحمام و انت لما تخلص خبط و امشي.. خالد: تمام...
دنيا كانت لابسة حاجة شبه القميص بحمالة رفيعة و قصير لغاية الركبة و لفت شعرها كحكتين... دنيا دخلت الحمام، و خالد قرب من سرير ديما و ملس على شعرها... خالد: اسف مش عارف اعمل حاجة... خالد: مش قادر اتصرف... خالد: سامحيني.. خالد باس رأس ديما، و قام خبط على باب الحمام... دنيا: خلاص تمام.. خالد: حلي بالك منها... دنيا: مش هتوصيني على اختي.. خالد: شكرا.. خالد مشي و دنيا خرجت نامت جمب ديما...
-في مكان تاني... عبير: ها يا زفت هتعمل ايه؟ علاء: معرفش... عبير: ازاي متعرفش، ها رد؟ علاء: طب ازاي؟لازم نخطفها قبل الفرح.. عبير: مش هنعرف، الفرح كمان يومين.. علاء: يبقي بعد الفرح بكام يوم نخطفها و المسها و لما ترجع اكيد جاسر كراجل مش هيقبلها و هتبقي عار على العائلة، و بعدها انا اتطوع و اتجوزها و برضو الفلوس راجعة لينا... عبير: فكرة حلوة عفارم عليك يا علاء... علاء: عيب عليكي.. ...
سارة كانت غضبانة و ماشية في الاوضة زي التور الهائج و قاعدة عمالة تتوعد لديما و تشتمها..
-في الصباح الباكر... تسنيم: ديما حبيبتي يا ديما قومي.. ديما(بنوم): نعم.. تسنيم: قومي يا حبيبتي علشان نختار فستان الفرح.. ديما(بصدمة): فرح مين؟ تسنيم: هو انتي نسيتي؟ ديما افتكرت كل حاجة حصلت امبارح و اللي عمها قاله.. ديما: قصدك كفني.. تسنيم(بحزن): ديما اعرفي اننا بنعمل الصالح... ديما: ماما انا مش موافقة بليز متجبرونيش... تسنيم: غصب عني، عمك مش هيرجع في كلمته... ديما(بفتور): ماشي...
ديما سابتها و دخلت الحمام و خدت دوش و خرجت.. لبست فستان باللون الاسود بحمالة عريضة و مفتوح من ورا و قصير لغاية الركبة و صندل أحمر بكعب و سيبت شعرها و خدت شنطة سوداء.. ديما نزلت لقت الكل قاعد على السفرة راحت قعدت بصمت و هدوء، و بدأت تأكل... حسن: جاسر خالد هتروحوا مع الستات علشان الفستان.. خالد: اللي تشوفه يا عمي... حسن: مسمعتش يا جاسر.. جاسر(بحزن): براحتك يا حاج...
محسن: عايزة تشتري فستان فرحك من فين يا حبيبتي؟ ديما(بهدوء): معرفش... دنيا: هننزل مصر يا عمو صح؟ محسن: اه و هنجيب هدوم ديما كلها هنا.. دنيا: خلاص انا عارفة هنشتري من فين... تسنيم: ماشي يا حبيبتي... حسن: يلا قوموا... عبير: انا مش راحة... سارة: و انا كمان... اسماء: احسن خليكوا هنا بقي علشان الحاج... فتحية: يلا يا بنات... الكل قام من على الاكل و خرجوا بره البيت.. -جاسر معاه فتحية و اسماء و دعاء و فيروز...
-خالد معاه جملات و تسنيم و ديما و دنيا... و بدأت العربيات تتحرك و توصل للقاهرة و راحوا على بيت ديما بعد فترة... تسنيم: يلا علشان نلم هدومك يا ديما.. اولفت(مامت دنيا): هو فعلا ديما هتتجوز؟ تسنيم: اه يا اولفت... اولفت(بفرحة): الف مبروك يا حبيبتي... اولفت راحت حضنت ديما و باستها... دنيا: خلاص يا امي... ناصرة: اتفضلوا عصير... تسنيم: يلا يا ناصرة ساعدي ديما و هي بتحضر هدومها... ناصرة: تمام...
ناصرة: يلا يا ديما... ديما قامت بكل هدوء و وراها دنيا و دعاء و فيروز... و بدأوا يجهزوا الشنط و الهدوم و الحراس خدوهم.. خالد(لتخفيف الجو): ايه يا بنتي دول كلهم شنط دول 9 شنط... ديما: اسفة... خالد: لا يا ستي على قلب جاسر زي العسل، و لا ايه؟ فتحية: طب يلا علشان نلحق نرجع قبل الليل... دنيا: اه في اوتليه ديما بتحبه يلا بينا... دنيا وصفت الطريق لخالد و وصلوا... فتحية: خليك هنا انت و جاسر...
اسماء: اه و جيبوا اكل البت ماكلتش.. خالد: تمام، بس اختاروا فستان محترم... اسماء: اكيد يا ابني... دنيا: بصي ده يا ديما... ديما: حلو.. دعاء: بصي جيبي حاجة مقفولة احسن... دنيا: ليه ده فرحها؟ فيروز: اينعم هيبقي ستات بس، بس مش هيفهموا في الكلام ده... تليفون ديما رن، الخط اتفتح.. ديما: الو ايه الاخبار؟ شاكر: زي ما قولتلك... ديما: طب المفروض ايه اللي يحصل؟ شاكر: ان حضرتك تتجوزي... ديما: خلاص ماشي، شكرا معلش تعبتك...
-Flash back... -لما شاكر اتصل بديما و قالها في حاجة عايز اقولهالك.. شاكر: الصراحة يا انسة ديما والد حضرتك في خطر.. شاكر: والد حضرتك لازم عملية ضروري و كل ما بنتأخر الخطر بيزيد... شاكر: لكنه قال مش هعمل العملية الا لما اطمن على بنتي في بيت جوزها... شاكر: لازم في اسرع وقت تنقذي والدك او على الاقل اقنعيه يعمل العمليه... شامر: عارف ان كلامي صعب، بس فكري... -Back.. دنيا: يا بت يا بت.. ديما: ايه؟ دنيا: شوفي ده..
ديما: هاتي.. ديما خدت الفستان و دخلت تلبسه و خرجت... فتحية: انتي قمر اوي في اللون الابيض بس مفتوح يا ديما معلش شوفي غيره... ديما: بس ده عجبني يا طنط... تسنيم اتصدمت لما ديما اختارت الفستان... تسنيم(بفرحة): و ماله يا حبيبتي خلاص هنجيبه... اسماء: بس خالد قال انه لازم يبقي حاجة محترمة.. جاسر(بضيق): خلصتوا؟ بس لما كان بيكلم كانت ديما بتلف بالفستان و مبتسمة، و جاسر انبهر جدا بجمال الفستان عليها..
خالد: احم احم، ايه بتعيد وجهة نظرك؟ جاسر: مش كدة انا مش هظلم اختك معايا و هتقبلها لاني مش هظلم اخت صاحبي ابدا... خالد: اصلي، عارف انه صعب بس ده قدر و محدش عارف الخير فين... دنيا: ايه رأيكوا؟ جاسر: ايه المسخرة دي؟البسي حاجة محترمة و مقفولة... ديما: و انا بقي مصممة على ده... جاسر: ديما متخلنيش اقلب عليكي.. ديما: هتعمل ايه يعني؟ جاسر: خالد انا ماسك نفسي بالعافية... خالد: ديما غيريه... ديما: لا.. جاسر: تمام...
جاسر مسك كوباية العصير اللي كانت موجودة و رماه على الفستان... جاسر: دلوقتي لسة عايزاه؟ ديما(بصدمة): انت عملت ايه يا حيوان؟ جاسر(ببرود): قولتلك غيريه بالحسنة.. جاسر و خالد سابوهم و مشيوا... فتحية: معلش يا حبيبتي هو ميقصدش... اسماء: خلاص متزعليش... دعاء: ده في فساتين كتير هنا... دنيا: بصي ده... ديما قامت بعصبيك و قعدت تدور على فستان تاني لغاية ما اختارت واحد...
ديما: انا هدخل اقيسه مقاسي هاخده مش مقاسي هشوف واحد غيره.. ديما دخلت قاست الفستان و مخرجتش ليهم و بعدين قلعته و لبست هدومها و خرجت... جملات: ها؟ ديما: ده اللي انا هأخده وبدون نقاش بس.. جملات: نادي جاسر يدفع... ديما: لا مش هخليه يدفع و كمان انا مش مسئولة منه، انا اللي هدفع... دعاء: انا خلاص ناديته... دنيا: الطرحة و التاج.. فيروز: ايوه صح...
ديما راحت تختار التاج و الطرحة و الجذمة، و بعدين جاسر جه و دفع حساب الفستانين، و خرج بكل برود.. و بعدين الكل ركب العربيات و اتحركوا... خالد: هنقف استراحة نص ساعة... جملات: ماشي... ديما: هنزل اشم هواء، ديما سابتهم و نزلت اتمشت في الطريق و كان الجو ليل... جاسر: حد عايز حاجة اجيبها ليه؟ فتحية: جيب اكل لينا... جاسر: تمام... جاسر نزل من العربية... جاسر: خالد خليك هنا رايح اجيب اكل و اجي... خالد: تمام...
جاسر راح ناحية زي مكان فندق صغير(فيه اكل و مكان للاستراحة) كان جمبهم... جاسر او لما دخل اتفأجي و خرج تاني... جاسر: اعمل ايه دلوقتي؟ و بعدين جاسر شاف ديما بتتمشي جمبه... جاسر: ديما... ديما: خير؟ جاسر: خشي جيبي اكل.. ديما: ليه اتشليت؟ جاسر: كل اللي جوا بنات معرفش ازاي؟ ديما: عادي تقدر تخش... جاسر: ازاي؟ ديما مسكت ايده و دخلوا و كل اللي موجود انتبهوا لجاسر و قعدوا يتهامسوا...
ديما: لو سمحت كنا عايزين نطلب اكل... بنت: تمام اتفضلي، عايزة ايه؟ ديما: انجز شوف عايز ايه... جاسر طلب اكل لكل اللي موجود و بزيادة... ديما: لو سمحت هو هنا ليه في بنات بس؟ بنت: اصل في اتوبيس صاحبته واحدة مجنونة زيه جت و خدت المكان كله استراحة هي و صحابها و دفعت فلوس للناس اللي كانوا هنا، مجنونة... و بعدين ديما لاحظت بنت جاية على جاسر... بنت: هاي انا نجوي و انت مين؟ جاسر: لو سمحت ابعدي..
نجوي: لا انت دخلت دماغي الصراحة، عضلاتك طولك بشرتك دقنك كل حاجة فيك... جاسر: تمام متشكر تقدري تمشي... نجوي: سيبك من البت اللي جمبك دي مش هتنفعك انا هدلعك، دي قصيرة و وحشة اوي... و بعدين في اقل من لحظة ديما...
رواية إمرأة في عصمة صعيدي
