رواية الانتقام من بعد الحب للكاتبة سدرة أمونة الفصل الرابع عشر
د. جورج بقلق: الرب اعلم، بس اعتقد لأ د. عامر بحزن: انشالله يارب د. جورج بترقب: وانت ليش مهتم فيها؟يعني بتقربك؟ د. عامر: بيكون ابوها الله يرحمو رفيق بابا و هوي ع فراش الموت وصى بابا يدير بالو ع بنتو لاني كان ما عمرها اشهر، اي و بابا نفذها و ربينا سوا وقت كنا صغار د. جورج غمزو: ليكون هاي حب الطفولة؟ يلي حكيتلي عنها وقت كنا عم ندرس برا؟ د. عامر بأبتسامة: اي هي د. جورج بفضول: ايمت اخر مرة شفتا؟
د. عامر: اخر مرة شفتها كان عمرها ١١ سنة وانا كان عمري ١٨ سنة اخدت البكلوريا و درست برا و نقطعت اخبارها عني د. جورج: لسه بتحبا؟ د. عامر بجدية: اي بحبها، بس كأخت د. جورج رفع حاجبو: صادق البعيد د. عامر ضحك ضحكة خفيفة: لا والله، عم احكي جد كأخت لا الي مو اكتر، وحتى هي بتعتبرني كأخ من وقت ما كنا صغار د. جورج: لكن مدام انت متل اخوها، خدها ع غرفة رقم٣١١مشان تضل هون ونحدد وقت العملية.
راح عامر ع غرفة جورج اخدهن و راحو ع الغرفة، وبالصدفة الغرفة جنب غرفة هجرس د. عامر: هاي الغرفة يلي بدكن تضلو فيها حالياً، واذا لزمكن شي بس اتصلو فيي و انا بجبلكن اياه، وانا كل شوي بطل عليكن رانية بأبتسامة صغيرة: تسلم ربنا يخليك و يحفظك، بس والله عم نعذبك معنا د. عامر بعتاب: الله يسامحك حدا بيقول ل ابنو هيك، مو عأساس انا ابنك وانتي امي رانية بحب: واعز والله.
د. عامر بأبتسامة: ربنا يطول بعمرك، يالله انا لازم روح، سلام شغف ورانية حكو مع بعض: الله معك شغف طلعت التليفون من شنطتها و اتصلت ب لين و خبرتها شو قلا الدكتور لين: و شو رقم الغرفة؟ شغف: ٣١١ لين برقت: بربك شغف: اي والله، بس ليش حاسة انو متفاجأة؟ لين بضحكة خفيفة: لاني جنبي و ما الي خبر شغف بذهول: لألوووو، ما كنت بعرف لين بضحك: كل شوي منطلك طمني شغف ضحكت معها: اي وانا قلعك من الباب وانتي تنطيلي من الشباك.
لين بضحك: وهوي هيك شغف بأبتسامة: بتشرفي ايمت ما جيتي لين: دخيلوووو انا، لكن هلئ بجي لعندك شغف: ماشي لين بأنهاء المكالمة: سلاموو حُب شغف: الله معك قلب.
الكل كان قاعد و عم يسمع كلام لين بس، هي و عم تحكي مع شغف، هون هجرس قلبوو صار يدق بسرعة وقت سمع اسمها ليش ما بيعرف و خصوصا وقت عرف انو بدا تضل بالمستشفى و قاعدي جنبو الحيط ع الحيط، خلصت لين المكالمة علي: مين شغف؟ ليكون شغف يلي بالجامعة لين بتأكيد: اي هي علي بأستغراب: و شو جابا لهون؟ صفاء: صح شبها؟ قعدت لين حكتلن شو فيها شغف و شو قلا الدكتور صفاء بحزن: يا حرااام الله لا يضرها.
علي: آمين والله هالبنت من اشطر طلاب عندي، و كتيرر مؤدبة و محترمة جواد همس ل لين: شو رأيك نشوف هجرس اذا معجب فيها ولا لأ لين بهمس: كيف؟ جواد بضحكة مكتومة: هلئ شوفي( وحكى بصوت عالي) اي ولا تنسى حلووي و بتفلج كمان هجرس بغصب: وانت شو الك علاقة بجمالها جواد ببلاهة: ماش بس عم نحكي و انا عم بقلو لا تنسى جمالها، ولا هالغمازة يلي خدها يا ويليي هجرس بصوت عالي شوي و محمل بالغضب و الحدة: نضب، عيب تحكي ع البنت هيك.
لين بضحكة مكتومة: اي شبك ليش معصب هجرس رفع حاجبو: لك انتي كيف بتسمحيلو يحكي هيك ع رفيقتك قدامك؟ لين ببلاهة: اي واذا، ان الله جميل و يحبُ الجمال، لك لسه تشوفها وقت بتحكي يالطيف شقد نعومة و كي... قاطعها هجرس بغيظ: بس خلص قال جبناك يا عبد المعين لتعين طلع بدو حدا يعينوو جواد غمز بعينو ل لين: شفتي كيف ساوا فيني لعمى هاد شكلو طابص لين بضحك: وكتيررر كمان.
هجرس بينو و بين نفسو: لعمى انا شو صرلي ليش هيك حكيت؟ليش عصبت و عيطت؟ليش كل ما نذكر اسمها قلبي بيدق بسرعة و كانو كنت عم اركض؟ ليش كل ما بتذكرها بحس احساس غريب؟ معقول حبيتها؟ كتير انا قابلت بحياتي بنات، وكتير حكيت مع بنات بس ما حسيت هاد الاحساس من قبل ولا مع ايه بنت!معقول هاد هوي الحب الحقيقي؟! غابت الشمس بعد ما اعلنت عن حُب جديد واتى الليل ليعلن عن اشتياق، ولكن هناك شر دائماً يطاردنا كل يوم.
قاعدة ع التخت و شاردة ب يلي عم يصير معها بيقطع تفكيرها صوت امها رانية: شغوفي شغف: اي امي رانية: الدكتور جورج طلبنا ننزل لعندو شغف بخوف: في شي؟ رانية بقلق: والله ما بعرف، دقلي مشان ننزل لعندو بس هيك شغف: انشالله خير نزلت شغف و رانية عند د. جورج، دقو الباب سمحلن بالدخول د. جورج: تفضل دخلت لعندو شغف ورانية شافوه عم يحكي مكالمة، اشرلن بأيدو يقعدو، قعدو ع الكراسة الموجودة خلص جورج من المكالمة.
د. جورج بأبتسامة: شو قهوتكن؟ رانية با دلتو الابتسامة: سادة شغف: وانا كمان سادة د. جورج طلب البوفيه: تلاتة قهوة سادة اذا بتريد، اي ع غرفتي رانية بخوف: دكتور بنتي فييا شي؟ د. جورج بروتين: لأ انشالله مافييا شي رانية بقلق: طيب ليش بدك تعملا عملية جراحية؟ اذا ما كان فيها شي!
د. جورج قام من ورا مكتبو قرب ع رانية و قرفص و صار مقابيلها: و الرب ما فييا شي بس الجراحة اولاً مشان النزيف و تانياً مشان مع مرور الوقت ما تأثر ع ذاكرتها و تالتاً كل ما بكرنا بأستئصالها كل ما بيصير نسبت النجاح اكبر، لهيك رح نعملها بعد بكرا ندق الباب دخل المستخدم حط القهوة اطلع ب شغف يلي وجها مألوف عليه بس ما عم يتذكرها وهي ما عرفتو د. جورج: يسلم دياتك يا عم فريد عم فريد بأبتسامة: ربنا يحفظك.
طلع عم فريد من الغرفة و هوي عم يتذكر و ين شايفها بالاخر تذكر حط ادنو ع الباب و صار يتسمع د. جورج وجه كلامو لشغف: خايفة؟ شغف بربع ابتسامة: متوكلة ع الله رانية بقلق: ونعم بالله د. جورج: لكن بعد بكرا نعمل العملية، تمام؟ شغف: انشالله خير.
برا الغرفة كان عم يسمع عم فريد بس ما فهم شي، عدت من جنبو ممرضة وقفها عم فريد: سارة سارة: نعم عم فريد اشرلى بأصبعتو ع الشباك: شو قصة البنت يلي عند الدكتور جورج سارة اطلعت ع الشباك: هي؟مريضة و بعد بكرا عندها عملية عم فريد: عملية شو؟ سارة: استئصال ورم بالمخ عم فريد بتفكير: الله يشفيها سارة: آمين، انا بدي روح في شي تاني؟ عم فريد: لأ طلع تليفونو وعمل اتصال عتليفون: الو، مين؟ عم فريد: كيفك.
عتليفون بفرحة: خالو اهلا وغلا ما طلع اسمك عندي؟ عم فريد: لاني جبت رقم جديد، هلئ مهم بدي قلك قبل ما انسى عتليفون: خير عم فريد: لك هاي يلي شفتها عندك مرة يلي ميت ابوها من هي و صغيرة، عرفتيها؟شو كان اسمها؟ عتليفون بغيظ: اسمها شغف، شبها؟ عم فريد حكى كلشي عرفو عن شغف عتليفون بترقب: عنجد؟ عم فريد بحزن: اي والله، الله يشفيها عتليفون بتفكير: آمين عم فريد بأنهاء المكالمة: بدك شي؟ عتليفون: لأ سلامتك.
محمود بصدمة: شو عم تقولي؟ رهف: متل ما عم بقلك شغف بالمستشفى ميرنا: شو عم تساوي هنيك؟ رهف بشماتة: بدا تعمل عملية محمود بترقب: عمليت شو؟ رهف: قال استئصال ورم بالمخ ميرنا بذهول: ليش معها ورم؟ رهف بتأكيد: اي، و حددو العملية بعد بكرا محمود عقد حواجبو: ومن وين عرفتي انتي؟ رهف: خالو اتصل فيي وقلي ميرنا بذهول: خالك؟، و خالك شو عرفو؟ رهف: خالو بيكون مستخدم بالمستشفى اي وقت شافها اتصل فيي و قلي.
محمود: هاد مو خالك يلي عندو مستودع؟ رهف بتأكيد: اي هوي ميرنا بترقب: معناتا رح نأجل تنفيذ الخطة؟ رهف بغيظ: هيك الظاهر محمود بتفكير: لسه احسن، سمعو لقلكن الخطة رح نغيرها(و حكى شو هي الخطة البديلة) بنكون لا من شاف ولا من دري ميرنا بصدمة: شووووو؟ رهف بأبتسامة شر: لسه هيك احسن ميرنا بخوف: بس هاي اخطر من قبلها محمود ب شر: بس احلى من قبلها رهف: لكن بكرا بنتفق ع كلشي، هلئ انا نعست و ما عم استوعب شي.
محمود: ماشي لكن روحو نامو، وانا كمان نعست، تصبحو ع خير ميرنا: وانت من اهلو...
متسطحة ع تختها فجأة بيرن تليفونها بتطلع عليه بتلاقي رقم غريب بترد شغف: الو عتليفون: كيفك، ما عرفتيني شغف بصدمة: انت؟..
رواية الانتقام من بعد الحب للكاتبة سدرة أمونة الفصل الخامس عشر
شغف بصدمة: انت؟ هجرس بأبتسامة: ايوااا انا شغف: من وين جبت رقمي؟ هجرس بضحكة مكتومة: لأ هيي سر شغف بأستغراب: سر؟ هجرس بتأكيد: ايوااا سر، بس مشان ما ينشغل بالك جبتو من لين شغف بابتسامة: ايوااااا هجرس بأهتمام: كيف صرتي هلئ، لسه عم تنزفي؟ شغف بذهول: وانت شو عرفك؟ هجرس بغرور: لك انا ابوالجوج ما بيتخبى عليي شي، ولووو شغف عرفت نغر من طريقة كلامو: ليش نغريت؟ هجرس بصدمة: انا؟ من وين عرفتي؟
شغف بأبتسامة نصر: ما انا بعرف صفات كل واحد عن طريق حكيو و صوتو هجرس برق: عنجد؟ شغف بتأكيد: اي وليش مستغرب؟ هجرس بأبتسامة: مو مستغرب، بس تفاجئت المهم هلئ حكيلي شو صفاتي لحتى قلك اي او لأ شغف: انت واحد كتير بسيط و كيوت و دمك خفيف و رجال بكل معنى الكلمة بتقول كلمتك ولو ع قطع رقبتك هجرس بصوت ضعيف: يا عين، هاد تلطشي شكلووو شغف: اذا بتريد قوي صوتك شويي هجرس ببلاهة: عم بقول يا عين.
شغف رفعت حاجبها: اي لسه ما خلصت هجرس بخبث: اي كملي لكن كملي شغف بضحكة مكتومة: اي بس مغرور و شايف حالك هجرس بغيظ: هلئ انا هيك؟ خلينا ع كلام الحلو شغف بحدة: لسه ما خلصت كلامي لا تقاطعني اذا بتريد هجرس حط ايدو ع تمو: وهااا هاي ما بقى منقاطعك شغف: اي بس انت متل الثعلب المكار بطلع الحية من وكرها بحيلة من حيلك ل هيك انت شاطر بشغلك هجرس بابتسامة: شو بدك تساوي اسم ع مسمى شغف بترقب: ليش شو معنى اسمك؟
هجرس: ليش ما بتعرفي شو معناتو شغف بغيظ: لو بعرف ما كنت سئلت هجرس بخبث: سئلي عمو جوجل بيقلك شغف رفعت حاجبها: اي تمام بسئلو، ليك امي هلئ بتحس علي روح هجرس: بس بتثبتي رقمي مشان نحكي ع الوتس شغف: لك روح هلئ بلشت تحس باي و سكرت الخط فوراً مشان ما تشوفها امها شغف بصوت ضعيف: اوفففف، منيح ما حست حطت ع رقمو و عملتو تثبيت عم تكتب الاسم امها بتحس عليها رانية بصوت نايم: شو لسه ما نمتي؟
شغف بتوتر: هااا لأ لسه مو جاييني نوم هلئ بنام رانية: بس لا تتأخري شغف بارتباك: حاضر رجعت رانية نامت، شغف اخدت نفس عميق و طلعتو بهدوء، اطلعت ع التليفون و نصدمت، شافت الاسم محطوت لحالو و مثبت، و مكتوب حبيبي، رجعت تعدلو ما كان يصير معها، مسحت الرقم، بس للاسف القدر شتغل شغلو ما كان ينسمح محطوت ع المفضلات، حاولت كتير بس ما غضرت، من هيي لحتى توقف ب وجه القدر، الحاسم كلشي.
شغف حطت التليفون بشكل عشوائية: اوفففف هاي صرلي ساعة وانا عم حاول ما كان يظبط، لعمى من وين طلعلي هاد هلئ، خلص بلكي بكرا برجع بساوي، رح نام هلئ لأني فرطت...
ع الجانب الاخر كان قاعد ع البلكونة تعيت الغرفة و عم يتصفن بصوتها و كلامها يلي ردتلو الروح بس كان في عيون مراقبتو و سمعانة الكلام وهني عيون لين يلي حست عليه من اول ما اخد رقمها بس ما كانت تخلي يحس عليها لين قربت عليه شافتو شارد مو معها ستغلت الفرصة لين: حبيتها؟ هجرس بدون وعي: اي بالله حبيتها لين: ومن ايمت وقعت بحبها؟ هجرس ع نفس الوضعية: ما بعرف كل يلي بعرفو انو انا بحبا كيف وايمت ما بعرف.
لين بمزح: خلص رح جوزك اياها هجرس رجع ل وعيو: انتي شو يلي فيقك؟ ومن ايمت هون؟ لين بضحكة مكتومة: من وقت ما اخدت الرقم من تليفوني و طلعت ل هون و حكيت معها و... هجرس قاطعها بغضب: اي قولي عم تراقبيني لين بأبتسامة: انا رايحة نام، خلص اخدت يلي بدي اياه هجرس بترقب: وشو اخدتي؟ لين غمزتو: اوووووه العاشق ما كان بوعيو هجرس بغيظ: شو يلي نيمك عندي ما عم اعرف لو رحتي ع البيت ما كنت بالف خير.
لين بأبتسامة نصر: لو رحت ما كنت غضرت تحكي معها، و لا خليتك تعترف انك بتحبها هجرس اخد نفس عميق و طلعو بهدوء: ما بعرف شو ساوتلي هالبنت سحرتني بعيونها- ابتسامتها-صوتا-حكيها- ما بعرف من وقت ما شفتها و هي ما عم تفارقني بتقولي صرلي سنين بعرفها مو ساعات لين بأبتسامة: شو رأيك خليها بكرا تجي تشرب قهوة هجرس بفرحة: عنجد؟ لين بصدق: والله، وكمان بشوف اذا في حدا ب حياتها هجرس: كتير منيح، بس لازمها خطة.
لين بترقب: وشو هيي الخطة؟ هجرس بتفكير: رح فيق الصبح و ابعتلها رسالة ع الوتساب، و بعد ما بتقرأ الرسالة انتي بتتصلي فيها و بتعذميها ع القهوة هي وامها، انا هون بطلع ع البلكونة و بقعد وانتي بطلعيها، بس بتغطي علي يعني بتوقفي مقابيلي و ما بتخليها تشوفني خالص و بتخلي تعطيني ضهرها وقت بتقعد و انتي بتسئليها و انا بسمع اجوبتا، و بالاخر بقعد معكن و بعترفلها اني بحبا لين بحب: الله يجعلها من نصيبك يارب.
شغف فاقت راحت ع الحمام غسلت وجها و طلعت لبست تيابها فتحت التليفون شافت رسالة من هجرس، محتواها^^صباح الخير حبيت صبح عليكي قبل ايه حدا، بتمنى تجي و تشربي قهوة معنا انا ولين، و اذا اجيتي بيكون اسعد يوم بعمري^^ بيرن تليفونها بترد عليه لين: صباحو يا حلو شغف بأبتسامة: صباح الفل لين: عازمينكن ع فنجان قهوة انتي وامك، ومافي ايه اعتذار، و اذا ما بتجي يالطيف شو رح اعمل فيكي شغف بضحكة خفيفة: خلص جاية.
لين بأبتسامة: اهلا و سهلا شغف قالت ل امها و امها وافقت راحو ع الغرفة دقو الباب فتحتلون لين صفاء بأبتسامة: اهلا وسهلا رانية قعدة جنبها بعد ما تبادلو السلام و شغف قعدة هي ولين، هجرس كان ع البلكونة قاعد شغف صارت دور عليه بالغرفة بس بلا جدوا ما شافتو، لين عرفت عم دور عليه جابت القهوة و ضيفتها لين مسكت ايد شغف: قومي نطلع نقعد ع البلكونة.
قامت شغف هي ولين ع البلكونة قعدة و ما نتبهت ع هجرس يلي قاعد وراها قعدة لين و غمزتو ل اخوها، انو الخطة عم تمشي متل ما خططها لين: شغف بدي اسئلك سؤال شغف وهي عم تشرب القهوة: تفضلي لين بتمهيد: هلئ نحنا صرنا رفقات وكتير كمان مو شغف بتأكيد: طبعا اكيد مافي شك لين بترقب: مافي حدا بحياتك؟ شغف تظاهرة بالغباء: كيف يعني؟ لين بتوضيح: يعني حابة حدا، حدا حابك، هيك شي شغف ابتسمت وقت تذكرت هجرس: يعني في هيك شي.
لين بفرحة: عنجد، مين هوي؟
شغف بحزن: لسه ما قلي بحبك، بجوز انا عم اتوهم لين بخبث: و ايمت تعرفتي عليه؟قصدي صرلك زمان شغف: لأ مو من زمان، يعني من كم يوم بس لين غمزتلو ل هجرس يلي طاير عقلو من الفرح وقت عرف انو بتحبو لين: شو اسمو؟ شغف رفعت حاجبها: كأنو بتحقيق انا و ما الي خبر لين: طب اخر سؤال شغف: تفضلي لين: كيف شكلو؟يعني حلو؟بشع؟هيك شي.
شغف ابتسمت ابتسامة عشق: ايههه شكلو حلو كتيرر وغير هيك مهضوم و بيفوت للقلب بسرعة، بصراحة ما بعرف ايمت حبيتو و لا ايمت دخل لقلبي هون هجرس قام من ع الكرسة قرب من ضهرها و حط تمو ع ادنها هجرس بصوت مبحوح: بحببك شغف نصدمت من شدة الصدمة تمها فتح شوية اطلعت فيه و هو لسه ع وضعو و تلاقت الاعين عن قرب ضلو هيك دقيقة وهني عم يطلعو ببعض لين: احمم شغف نتبهت عدلت قعدتها، هجرس ابتسم ابتسامة خفيفة جاب الكرسة وقعد.
شغف هون خدودها صارو حمر وقت تذكرت شو صار هجرس: شبك؟ ليش ما بقى سمعنا صوتك؟ شغف ساكتة تماماً لين بضحك: قلنالك يا اخي قلها بحبك بس مو تفاجأها منيح ما صرلا شي انا جفلت عنا هجرس وجه كلامو ل شغف: ممكن قلك هالكلمتين شغف هون اطلعت فيه: تفضل.
هجرس: انا والله حبيتك من كل قلبي وما عم تتوهمي، بصراحة ما بعرف كيف حتليتي قلبي كيف تربعتي ع عرش قلبي ما عم اعرف، رب العالمين بعتلنا البلاء مشان نلتقى، انا تصاوبت و انتي اجيتي ع المستشفى، نحنا منعتبرو صدفة بس هوي بالحقيقة مو صدفة هوي قدر و مكتوب، رب العالمين كاتبلنا نلتقى سوا وهاد الشي يلي صار معنا قدر، وانا بأمن بالصدفة لاني هوي قدر و كتوب بس نحنا حاطيلو مكياج.
شغف ضحكت هي ولين و هجرس ضحك معون: اي ضحكي خلي تبان الغمازة شغف صارو خدودها دم من كتر الخجل هجرس حبها هي و خجلاني بيرن تليفون لين بترد لين بفرحة: جوجو هجرس بغيظ: اي قومي احكي معو بعيد عيب تحكي هون في سناجل لين بضحك: معك حق بعدت لين لحتى تحكي مع جواد بيرن تليفون شغف اطلعت عليه شافت اسم عامر شغف: بعتذر، بدي رد هجرس بأبتسامة: تفضلي بترد شغف ع المكالمة شغف: الو د. عامر: كيفك شغف: الحمدلله.
د. عامر: ليكي نزلو عند جورج بدو ياكي شغف بقلق: في شي؟ د. عامر: ما ينشغل بالك بس في فحوصات ضرورية قبل العملية شغف بأنهاء المكالمة: ماشي نازلي سكرت التليفون شغف بأعتذار: اسفة بس بدي روح هجرس بأهتمام: في شي؟ شغف: في فحوصات لازم اعملها قبل العملية هجرس بترقب: ايمت العملية؟ شغف بخوف: بكرا هجرس بخوف خفاه بالقوى كالعادة: لا تخافي رح كون جنبك، هاي اذا بتحبي شغف بأبتسامة صافية: ياريت.
هجرس كتفى بأبتسامة اجت لين هون شغف و قفت لين: وين رايحة؟ دايقك شي هجرس؟ شغف بحب: لأ بالعكس، بس لازم انزل في فحوصات لازم اعملها قبل العملية لين بحزن: انشالله خير دخلت شغف ل جواه قالتلا ل امها مشان ينزلو، نزلو لعند جورج طلب فحوصات من الممرضة تعملا اياهن، راحت شغف و الممرضة عملتلا الفحوصات و رجعت ع الغرفة د. جورج وجه كلامو ل الممرضة: سارة جبيلي التقارير اول ما يطلعو سارة: حاضر، شي عشر دقائق بيكونو عندك.
د. جورج: تمام (وجه حكيو لشغف و رانية) وهلئ رح شوف النتائج و من خلالها منحدد وقت العملية رانية بقلق: انشالله خير اجت الممرضة و جابت بأيدها ظرف سارة: تفضل دكتور هاد الظرف فيه التقارير د. جورج: شكراً سارة سارة بأبتسامة: العفو، في شي تاني د. جورج بادلها الابتسامة: لأ فينك تروحي فتح الظرف طلع الاورق و صار يقلب فيهون و يقرأن شغف و رانية متابعينو و الخوف ممتلك قلبن.
د. جورج: الفحوصات تمام، بكرا العملية الساعة ١٠ صباحاً رانية قلبها نقبض، شغف خافت بس تظاهرة بالقوى مشان امها: تمام دكتور بكرا العملية د. جورج بترقب: مو خايفة؟ شغف بربع ابتسامة: لا يُصيبنا الا ما كتب اللهُ لنا.
المسا في غرفة شغف رن تليفونها اطلعت شافت اسم رهف شغف بتعب: الو رهف: كيفك، شو وين غاطة؟ شغف: الحمدلله، والله بالمستشفى رهف مثلت الخوف: ليش؟ شوفي؟ في شي؟ شغف: بكرا عندي عملية رهف مثلت الصدمة: شووووو؟ عملية شو؟ ليش شوفيكي؟ شغف: تعبت كتير اول مبارح اجيت ع المستشفى عملولي صورة شُعاعية، طلع معي كتلة بالمخ، و بكرا بدي استئصلها رهف ببكاء كاذب: شووو شغف: ليش عم تبكي مافيي شي رهف: بأيه مستشفى؟ شغف: مستشفى (، ).
رهف: تمام، بكرا بجي لعندك قبل العملية، ايمت موعد العملية شغف بأبتسامة: انشالله، الساعة ١٠ رهف مثلت الزعل: ماشي، بدك شي بجبلك شي معي شغف: لأ سلامتك، الله معك.
رهف اتصلت ب ميرنا و محمود مشان تخبرهن شو صار ميرنا بصدمة: شووو؟..
رواية الانتقام من بعد الحب للكاتبة سدرة أمونة الفصل السادس عشر
ميرنا بصدمة: شووو؟ رهف: بدك تروحي معي ع المستشفى بكرا ميرنا: ما بدي روح رهف باصرار: لأ بدك تروحي ميرنا بعند: وانا عم بقلك مو رايحة رهف بنفاذ صبر: محمود احكي معها محمود بحب: ميرو روحي مشان ما ننكشف ميرنا: حاضر، بروح رهف بغيظ: انا لتعى قلبي مشان تروحي وانتي متنحا، ام هوي بكلمتين لنتي ميرنا: انتي متل هوي؟ هوي عشقي، بروح وين ما بيقلي رهف بغيظ: تضربي انتي و عشقك محمود رفع حاجبو: شو قلتي؟
رهف مثلت الخوف: ما قلت شي محمود: بكرا بتروحو ع المستشفى و كونو طبيعين، تمام ميرنا: تمام رهف بسخرية: عُلم سيدي.
و ها قد اتى النهار و اتى معهُ متاعب و مشقى، شر و غدر، خيانة و توهم الحب.
بغرفة شغف اجت لعندا رهف و ميرنا قعدو معها قبل العملية ب نص ساعة، ظهرولها الحزن و الحب و الاهتمام، عتذرو ما فينن يضلو وقت تعمل العملية مشان ما الن قلب يشوفو اختن من غير ام و اب عم تتعذب، و اللاسف شغف صدقت لاني قلبها طيب و صافي متل اللبن، بس بدو يضل هيك وقت تعرف شو عم يخططولها؟ السؤال رح تجي اجابتو مع الوقت.
نزلت شغف ع العمليات بعد ما تخدرت تخدير عام، دخل د. جورج ع العمليات بعد التعقيم، ضلت رانية قدام العمليات و عايشة ع اعصابها و معها عامر يلي ما تركهن ولا لحظة، لين و صفاء نزلو لحتى يوقفو معها، هجرس ضل بغرفتو بعد جدال طويل مع لين لحتى غضرت تقنعو يضل مشان امها لشغف، جواد اجا لعندو و قاعدين ع نار ضلت تحت العملية ٤ ساعة و الكل عايش ع اعصابو بالاخر طلع د. جورج يطمن امها و الموجودين د. عامر بلهفة: شو طمنى.
د. جروج بارهاق: الفضل للرب نجحت العملية رانية اجريها ما حملوها من الفرحة قعدة ع الارض اجت لين و عامر قوموها من الارض رانية بدموع: وهلئ كيفا، طمني عنها د. جورج: منيحة هلئ رح نطلعها من العملية ع الغرفة، و شوي شوي بتصحصح من البنج راح جورج لحقو عامر د. عامر: جورج د. جورج: نعم د. عامر بقلق: بعتت الكتلة ع المخبر د. جورج: بعتى بس لا تخبر حدا بشي لحتى نشوف شو هي د. عامر بخوف: انشالله خير.
رجع عامر لعندون، طلعو شغف من العمليات نقلوها ع الغرفة يلي فيها، لين اتصلت بهجرس مشان طمنو هجرس: اي الحمدلله رب العالمين لين: هلئ منجي انا وامي بس تفيق مشان اطن عليها هجرس: ماشي حاكيني اول ما تفيق لين بانهاء المكالمة: ماشي باي هون بلشت تصحصح شغف شوي شوي وصارت تحكي من اثر البنج بس ما حدا فاهم شي لاني صوت ضعيف فتحت عيونا شوي و ترجع تغمضن ضلت هيك شي٤. ٣ ثواني لحتى راح البنج.
شغف علت راسها شوي رجعتو فوراً ع المخدة: اخخخ راسي رانية بدموع: انشالله الاخخ الي و ما الك يا عمري شغف بأبتسامة تعب: بعيد الشر عنك صفاء بأبتسامة: الحمدلله ع السلامة شغف: الله يسلمك خالة لين قربت عليها وعملت حالها عم تبوسها: حماتي موخالة والله لو سمعك هجرس كان ابصر شو ساوا شغف برقت: شو بدو يساوي لين بمكر: ما بعرف(بعدت عنها) الحمدلله ع السلامة شغف: الله يسلمك.
بغرفة د. جورج رن تليفونو اطلع فيه شاف رقم المخبر يلي بعت عليها الكتلة رد بسرعة د. جورج: الو، نعم، اي شكراً، عذبتك معي، تسلم، الرب معك سكر الخط و اتصل ب عامر لحتى يطمنو رد فوراً عامر د. عامر بلهفة: طمني د. جورج بابتسامة: الفضل للرب الكتلة ما خبيثة متل ما توقعت د. عامر بفرحة: الله يبشرك بالخبر ربي د. جورج بانهاء المكالمة: سمعني انت بتقلن ع النتيجة لاني انا كتيرر تعبان بدي روح نام.
د. عامر: تمام، هلئ بخبرن، و شكراً الك د. جورج: ولوو هاد واجبي، سلام د. عامر: الله معك راح عامر و خبرن ع النتيجة و الكل فرح و شكرو الله.
المسا متسطحة ع التخت و عم تلعب بالتليفون بتجيها رسالة ع الوتساب بتفتحو بتشوف الرسالة من هجرس هجرس: الحمدلله ع السلامة شغف ابتسمت: الله يسلمك هجرس: ماعرفت كيف مرقو هال٤ ساعات حسيتن سنين شغف: هجرس: بتعرفي لو ضلو ساعة وحدة زيادة كنت متت والله شغف بسرعة: بعيد الشر هجرس بابتسامة: دخيلوو انا ولووووو.
بعد مرور شهر، مافي شي جديد هجرس طلع من المستشفى و رجع ل شغلو شغف كمان طلعت من المستشفى و رجعت ع حياتها متل الاول، و علاقتن عم تطور اكتر... اما محمود و ميرنا و رهف حددو ايمت ينفذو الخطة.
بالجامعة و تحديداً بقاعة شغف طالعة هي و لين بيقابلن علي علي بابتسامة: الحمدلله ع السلامة شغف شغف بادلتو الابتسامة: الله يسلمك بجيت هجرس هجرس بصوت عالي: علوووش علي بفرحة: ابو الجوج هجرس: وك كيفك ولاااا والله شتقتلك و شتقت ل غلاظتك علي بغيظ: و ضريب حترمني شوي انا هون شغلة كبيرة هجرس بصوت عالي: ياريت كمان بالبيت هيك علي حط ايدو ع فم هجرس: وجع شو فضيحة شغف همست ل لين يلي واقفة جنبها: شو عرفو فيه؟
لين: علي بيكون ابن خالتي، و ربينا سوا شغف تذكرت: لك صحيح مين علي وقت سئلتك من وين جبتي رقمي، ليكون هو؟ لين بتأكيد: اي نعم شغف بذهول: اي من وين هو جاب رقمي؟ لين بتفكير: يمكن من رفيقتك شغف: بجوز قرب هجرس ع شغف: كيفو الحلو اليوم شغف بخجل: منيحة هجرس بغزل: يؤبشني انا الخجلان علي رفع حاجبو: وانا عم بقول ليش جاي ع الجامعة اول مرة بيعملها المقدم هجرس الايوبي.
هجرس بغرور: لازم تعمل احتفال و تفرشلي الارض سداج احمر و تغنو نشيد الوطني علي بغيظ: شو نحن عنا مناسبة و طنية هجرس بضحك: اهم علي ضحك معو: ما عم اعرفك.
طلعو قعدو بجنينة الجامعة هجرس: انا رايح جيب شغلي نشربها علي: وانا بدي روح ع البيت تأخرت عندي موعد بعد نص ساعة، سلام لين و شغف: الله معك راح هجرس يجيب شي يشربو هون كانت شغف عم تتراقب و مافي غير رهف و ميرنا، اتصلت رهف بمحمود و قالن هاد الوقت المناسب لحتى ينفذو الخطة، هون بتسكر رهف الخط و بتبعتلها من تليفون ميرنا رسالة.
شغف و صلتها الرسالة، محتواها شغف مشان الله ساعدينا انا ما معي رصيد، رهف نخطفت و ما عم اعرف لمين دق، و هلئ اتصلوفيني ع تليفونها يلي وقع منها وقالو اذا بتتصلي بالشرطة بدون يقتلوها وانا ما عم اعرف شو ساوي، ممكن تجي ع العنوان(، )انا بأنتظارك هونيك، بس مشان الله لا تقولي لحدا قرأتها و قفت بسرعة لين: وين رايحة؟ شغف بعجلة: عندي شغلة ضروري بدي اعملها لين: طب ستني هجرس بيوصلك.
شغف بسرعة: لالالالا ما بيصير، قصدي يمكن يتأخر و انا لازم روح فوراً، باي راحت شغف بسرعة تحت استغراب لين بيشوفها هجرس هي ورايحة هجرس: شبها شغف ليش عم تركض لين: ما بعرف اجتها رسالة قرأتها و بسرعة راحت قلتلا لوين قال عندها شغلة ضروري، بس هي و عم تقرأ الرسالة صار وجها اصفر هجرس: انا رايح وراها وانتي روحي ع البيت.
بيلحقها هجرس بيشوفها عم تركب تكسي بيطلع بسيارتو و بيلحقها، بتوصل ع طريق مقطوع ما فيهو حدا، بتشوف سيارة ميرنا بتنزل و بتروح لعندها، هون هجرس و قف بعيد عنها و مستغرب شو جابها لهون شغف بلهفة: شوفي؟ شو صا... بيقطع كلامها ايد محمود يلي فيها شقفة و محتطلا مخدر هون شغف بتتخدر و ما بتحس ع شي هجرس شافو ل محمود وقت عمل هيك كان بدو ينزل بس ما لحق لاني سيارة محمود شتغلت بسرعة و راحو لحقون.
وصلو ع مستودع مهجور و بعيد عن المدينة و الطريق ما فيهو ولا انسان بينزلو شغف بيربطوها و بيقفلو تليفونها هجرس نزل و تخبى بحيث يشوف بس ما ينشاف لحتى يشوف شو اخرتها بيجيب محمود مسدسات بيعطي ل ميرنا واحد و رهف واحد ولا الو واحد، مافي شوي بيجو اكتر من رجل بيحكو مع محمود و بعدها بينتشرو حوالي المستدوع.
هجرس بينو و بين نفسو: لازم طلعا بس كيف ضرب ايدو محل ما بيحط مسدسو ما بيشوفو هجرس: اوفففف و هاي نسينا المسدس بالسيارة كيف بدي روح جيبو وهني محاوطين المكان، رح اتصل بجواد بس لا لا بلكي قتلوها رح شوف شو بدن يعملو الاول هون بلشت شغف تفيق من المخدر اطلعت حوليها بصدمة هي شو جابها لهون بتطلع بجسمها بتشوف مربطا بدور بشكل عشوائي بتشوف ميرنا جاي عليها شغف بصدمة: ميرنااا.
هون بتظهر رهف، شغف بصدمة: رهف مو انتي مخطوفة هون بيجي محمود من وراهن بتطلع فيه شغف بصدمة كبيرة انو شو عم يصير محمود ب شر: نورتي شغف بصدمة: انا شو عم اعمل هون؟ محمود: زيارة شغف بخوف: شو بدك مني؟ محمود بحقد: بدي اخد حقي شغف بذهول: حقك؟ محمود: حق دم ابي يلي بسببك روحتي انتي و خالك شغف بصدمة: اانااا؟ شو الي علاقة محمود جاب كرسي و قعد عليها: ما انتي كل العلاقة، بس يا ستي رح قلك قبل ما تروحي لعندو.
شغف بخوف: ليش شو بدك تساوي محمود بضحكة كلها شر: كل خيرر، ايه منرجع لموضوعنا، انتي اكتر من ۵سنين قتلتي ابي شغف بصدمة: انااا؟ محمود: انتي السبب، انتي يلي دليتي الشرطة ع بيتنا و بسببك كمشو و خالك شهد ضد ابي لحتى عدمو شغف: بس شو الي علاقة انا روح تحاسب انت وخالي انا شو ذنبي هاي اولاً، تانياً ما كنت بعرف انو جايين يا خدو ابوك، وحتى لو بعرف انا ما بعرف اكذب.
رهف جابت كرسة و عقدة: وانا، يلي خليتي قلبي مكسور طول عمري شغف بصدمة: انااا؟ رهف بدموع: اي انتي، انتي يلي قلتيلي روح قلو بحبك، انتي السبب يلي خلاه يتمسخر ع خلقت ربي شغف بذهول: وانا شو ذنبي اذا رب العالمين خلقك بشعة شو ذنبي انااا هااا رهف بصوت عالي: ذنبك لاني قلتيلي روح قلو بحبك، و طلع بيحبك شغف: وانا شو ذنبي ما بعرف انو رح يصير هيك انا حبيت اخدمك رهف بضحك: لأ خدومة مشالله.
شغف اطلعت بميرنا: وانتي شو كمان حاطة الذنب علي ميرنا كمان جابت كرسة وقعدة: انتي يلي خلتيني موجوعة و مقهورة سنة كاملة شغف: اناااا؟ شو ساويت؟ ميرنا: انا بحبو لمحمود و انتي اجيتي اخدتي مني شغف بسخرية: رجعتلك اياها اطمني نقعي و شربي ميتو.
ميرنا: صح رجعتيلي اياه بس ما رجعتيلي ال ١٢ الشهر يلي ما حسبتون من عمري كنت موت الف موتي وقت شوفك انتي و ياه و وقت اعرف انك رح تتزوجو و تسكنو تحت سقف واحد، كل هاد ما رجع و ما رح يرجع اذا ما خدت بتاري شغف عقدت حاجبها: يعني تفقتو علي و كنتو عم تكذبو وقت تفرجوني المحبة رهف بغل: اي كنا عم نكذب و كنا عم نتقرب منك مشان ننتقم.
شغف عم تطلع بالمكان اجت عينها ع الشباك شافت هجرس، هون هجرس اشرلها انو تسكت و ضل طبيعية شغف ابتسمت ابتسامة كلها وجع و اشرتلو بعيونها تمام هجرس كان سامع كلشي و مراقبن هون طلع تليفونو و عمل اتصل بجواد جواد: اي هجرس وينك هجرس: سمعني جواد مافي وقت بتجي و بتجيب معك المجموعة كلها بس ما تخبر ابي جواد: شو في؟ هجرس: خليني كمل، بتجو ع العنوان(، ) بس اوعى تعملو صوت وقت بتجو و وقت بتوصلو ع المكان اتصل فيي.
بعد ربع ساعة وصل جواد و المجموعة اتصل بهجرس راح هجرس بالسكت جواد: لك شوفيه؟ هجرس حكالن بأختصار شو صاير اسر بذهول: لعمى هجرس: انا هلئ رح ادخل فكها و طلعها وانتو مشطو هون تمام الكل وافق طلعو مسدسات و حطو كاتم الصوت و عطو لهجرس مسدس هون محمود و ميرنا و رهف طلعو لبرا هجرس رجع لمحلو اطلع هيك ماشاف حدا شافتو شغف اشرلها وينن، اشرت براسها ل برا نزل و فكها، شغف صارت تبكي هحرس: هوووس رح نطلع انا معك لا تخافي.
شغف بدموع: بدن يقتلوني رفقات عمري يلي بعتبرن متل اخواتي طلعو بيكرهوني هجرس: خلص لا بقى تبكي، يالله امشي نطلع وهني وطالعين اجا واحد من الحراسة يلي جابن محمود، اجا و طبلو المسدس لهجرس هون هجرس بعدها لشغف ودفش الحارس ولا المسدس وقع من ايد الحارس و شتبكو بالايدي وصل بالاخر هجرس للمسدس واطلق رصاصة ع الحارس و قتلو.
هون شغف بدا تروح لعند هجرس يلي بعد عنها شوي ولا بيجي محمود مقابيلها و بيصوب المسدس عليها هون هجرس بيشوفن شغف بدموع: لا لا لاتعملها محمود مسكر عقلو بيكبس الزناد بتطلع الرصاصة و بتعرف وين رح تستقر هجرس بصدمة: شغغغغغغغغغف...
رواية الانتقام من بعد الحب
