رواية الانتقام من بعد الحب للكاتبة سدرة أمونة الفصل الثاني

شغف بصدمة: ماما شو هاد؟
رانية بغيظ: يعني شو هاد خضرة شو ما شايفتيها!
شغف بغضب: لا شايفتها خضرة بس شو عم تعمل هون؟
رانية بغيظ: يعني شو عم تعمل هون اكيد ما مشان اتصور معها، مشان قطعها و ابعتا للتاجر
شغف بغضب: ماما نحنا شو حكينا ما قلنا بلا الشغل هاد
رانية بعياط: و من وين بدنا ناكل و من وين بدك تجيبي حق محاضرات هاا من وين قوليلي.

شغف هديت شوي: ماما انتي عم تجهدي حالك وانتي ممنوعة عن الجهد حرام عليكي رحمي نفسك
رانية بزعل: طب اذا ما شتغلت مين بدو يصرف ع البيت فهميني مين بدو يعطيكي المصروف الجامعة هااا وانتي لسه باول سنة بالجامعة و شقد ما قللتي على حالك بس مصروف ما بدك محاضرات و كتب ودفاتر و وإلخ...
شغف بمحاولة: طب انا بشتغل و انتي بتقعدي و..

رانية قاطعتة بحدة: لاء شغل لاء كم مرة بدنا نحكي بالقصة انتي اهتمي بدراستك و ما الك علاقة بشي
شغف بضيق: انا رايحة ع غرفتي.

هند بغضب مسكت التليفون و دقت
محمود بإبتسامة: كيفك ياحب
هند بغضب: ما منيحة
محمود بقلق: خير شبك شوفي
هند رح تنفجر من الغيظ: وينك انت
محمود: ع الطريق بدي مرّ لعند شغف شوي في شي؟
هند بأمر: لا تروح لعند الزفتة هلئ تعا ع البيت اول
محمود بأنهاء المكالمة: حاضر جاي
وصل محمود دخل عالبيت شاف امو معصبي...
محمود بقلق: ماما شوفي؟شو صاير معك؟ فهميني شو عاملي شغف؟

هند عصبت بزيادة وقت نذكر اسمها: هاي الزفتة بدون ترباية بدها ترباية من اول و جديد
محمود بترقب: ليش شو ساوت
هند بخبث: قلتلا شو وين رايحة و مستعجلة كل هالشي قالتلي ما الك علاقة قلتلا بس يا بنتي انا من حقي اعرف مرت ابني المستقبلة وين عم بتروح و من وين عم تجي قالتلي ما حدا الو علاقة فيي بالكون حتى ولو كان خطيبي انا حرة بعمل شو ما بدي
محمود بغضب: هيك قالت
هند بدموع تمثيل: اي و اكتر
محمود بذهول: شو قالت.

هند بخبث: ما بدي و جعلك راسك
محمود بعياط: شوفي كمان
هند بزعل مصطنع: طلعة صوتا عليي و العالم كلها تجمعت علينا و يقولولا عيب هاي حماتك من مقام امك و تقول ما حدا متل امي و بعدين امي ما بتسئلني لوين رايحة و من وين جاي لحتى هي تسئلني..
محمود عم يسمعا و عيونو عم طق شر
هند اتبهت عليه و عرفت انو حطت ايدا ع الوجع و داست اكتر: وانا قلا يا بنتي انا اسفة انو وقفتك و.

محمود ما غضر يسمع اكتر من هيك حمل حالو و راح وهند وسعت ابتسامتها اكتر و اكتر يلي صارت شبه ضحكة بعد ما تصورت كيف رح يكون شكلها وقت محمود بدو يصرخ عليها
هند بأبتسامة شر : وراكي و راكي و الزمن طويل يا بنت رانية
وصل محمود لعند شغف و عيونو كلها شر دق الباب
شغف بحب: اهلا و سهلا
محمود طلع فيها و يعيونو كلها شر
شغف استغربت من منظرو يلي كلو شر و غل
عطتو طريق دخل ع البيت قعد ع اقرب كرسة موجودة.

شغف بإستغراب: ليش قعدة هون دخول ل..
محمود قاطعة بغضب: لا معليش انا جاي احكي معك كلمتين و امشي
شغف استغرابة عم يزيد: شوفي
محمود بنشافة: شو حكيانة مع امي الصبح
شغف بدا تحكي قاطعها وهوي كمل: ليش مطلعة صوتك فوق صوت امي و مقللا ادب معها هااا
شغف بصدمة: انا
محمود بغضب: اي انتي.

شغف عم تتذكر ايمت عملت هيك عم تعيد ذاكرتها من اول ما فاقت ولوقت ما رجعت من بين تفكيرة تذكرت الصبح وقت كانت مستعجلة وهي وقفة و عم تحكي معها محمود متنظر إجابة منها بس صبرو خلص عصب بزيادة و عيط: وك احكي
شغف جفلت من صوتُ: انا ما مطلعة صوتي فوق صوت امك بس كنت...

محمود مسك ايدا بغضب و قاطع كلامها: سمعي هالكلمتين و حطين حلق بأدنك اذا بيقولولك ابوكي عاش و عندو ساعة وحدة بس و بدو يشوفك و انتي مستعجلة بدك تشوفيه و قابلتي امي بتستني لحتى تشربي مي يلي نقعت فيهن جرياتا و تسمحلك تروحي يبقى فينك تروحي فهمتي
شغف ما غضرت تستحمل سيرة ابوها و تقليل من كرامتها نزلت ايدو بغضب: واذا ما فهمت شو رح تساوي هااا
محمود بحدة: لا رح ساوي و كتيررر كمان و بكرا بتشوفي.

شغف بعياط: لسه بدي لبكرا من هلئ قلي شو بدك تساوي انا هلئ بدي اعرف
محمود بغضب: طب رح قلك، (ضربة كف ع وجها) هاي نموذج بس
شغف نصدمت ع الكف يلي نزلت متل الصاعقة عليها
محمود بحدة: قسم بالله اذا بتعملي هيك تاني مرة او تفكري تفكير بس رح يصير شي ما بيعجبك
اجت رانية و وقفت بوجهُ و مسكت ايدو يلي ضرب فيها شغف.

رانية بعياط: سماع هالكلمة و حطها حلق بادنك اذا بتمد ايدك ع بنتي تاني مرة و رب الكعبة لحتى اكسرلك اياها فهمتتت، نقلع لبرااا
محمود نزل ايدها بحدة و طلع ، شغف قعدة ع الارض و عم تطلع ب و لا شي و صارت تبكي اجت امها قعدة جنبها و ضمتها لحضنها
بالجهاز
جواد بعد ما طلع من عند هجرس جمع المجموعة يلي متكونة من اشطر ظباط
هجرس و جواد و باسم ومحمد و اسر و عمر و أسيل و رفيف
تجمعو بقاعة الاجتماع المخصصة.

حضرو الكل دخل عليهن اللوا ادهم
اللوا ادهم: انتو اكيد بتعرفو ليش جمعتكن
الكل قال بصوت واحد: نعم
اللوا ادهم: بس انا رح ارجع عيد
المقدم محمد انكمش و اكيد انتو بتعرفو انو هوي رايح مهمة سرية للغاية بس للاسف كشفوه و هلئ هوي عندن و بدنا نطلعو
اسر: وكيف بدنا ندخل ع المكان؟
اللوا ادهم: هلئ هجرس رح يقلكن وين المكان و وين حاطين المقدم محمد.

هجرس شغل الشاشة الموجودة بالقاعة الاجتماع و شرحلن المكان و وين حاطين المقدم محمد
أسيل: بس كيف انكمش؟
اللوا ادهم: في واحد من عندن بيعرفو لمحمد وبيعرف هوي ظابط بالمخابرات
ف راح خبر عليه
قعدو صارو يخططو كيف بدن يدخلو المكان المحبوس فيه محمد بعد ما اتفقو
و كل واحد راح يجهز حالو للعملية يلي حضرولها من زماان كتير.

شغف بعد ما طلع محمود من عندها قعدة ع الارض و صارت تبكي و تبكي امها قعدة جنبها ضمتها لحضنها و طبطبت ع كتفها
رانية بغضب: لا تبكي ولا شي و رب الكون اذا بيمد ايدو عليكي ما يلوم الا حالو
شغف بصوت عم يطلع مهزوز من كتر ما بكت: ماما والله ما سويت شي و حتى
ما قلتلا شي شافتني الصبح رايحة ع الجامعة مستعجلة قالتلي صباح الخير
(حكتلا لامها كل القصة من وقت ما شافتها لوقت ما تركتها) و حياة الله هيك صار.

رانية هديت شوي: والله مصدقتك خلص يا عمري انتي
شغف بدموع: ماما ااانا، انا ليش عم يصير معي هيك للليش، ليش كل ما بقول هانت بترجع بتصعب اكتر و اكتر والله تعبت، تعبت من كل الدنيا والله تعبت
رانية مسحت دموعها لشغف: لا تحملي كلشي فوق طاقتك تركيها لربك
قومي غسلي وجهك وصلي ركعتين.

شغف قامت تصلي و امها رفعت دياتها للسما و دعت: يارب انت وحدك عالم بحال بنتي، يارب استودعتك بنتي و مستقبلها بين يديك يا ارحم الراحمين، يارب تبعد عنها كل الشر يارب
هجرس عم يجهز حالو للسفر بس قلبو ما ما مرتاح هوي صح سافر كتير و متل هيك مهمة و لسه اصعب كمان بس كان قلبو مرتاح ما عم يعرف ليش هالسفرة ما مرتاح فيها و حاسس رح يصير شي
ام هجرس بزعل: وين بدك تسافر فهمني؟

هجرس قعدها ع التخت و مسك ايدها بحب و باسها: ماما انا ما بطول انشالله شغلة يومين بالكتيررر و راجع انشالله لا تشغلي بالك
صفاء بدموع: ما بعرف ليش قلبي ما مطمن
هجرس باس ايدها و طول بالبوسة و كانو بيطمن نفسو اكتر ما بيطمنها: لا ماما انشالله ما بيصير الا الخير انتي بس دعيلي
صفاء بدموع ممزوج بحب: ربي يبعد عنك الشر و يحميك و يرجعك سالم يا قلب امك
هجرس بإبتسامة: اي هيك هااا بدي ع طول هيك دعوات.

صفاء بعتاب: ليش انا ايمت قطعت الدعوات من تمي بنام عم ادعيلك انت و اختك و بفيق عم ادعيلك انت واختك
لين باستها من خدها: ربي لا يحرمنا من دعواتك
صفاء ابتسمتلها و مسكت ايدها وايد هجرس بحب: ليش مين الي غيرك و غير اخوكي هااا انا مشان شو عايش ما مشان ضل جنبكن و ادعيلكن كل ركعة عم اركعها لربي
هجرس ولين مع بعض: ربنا لا يحرمنا منك و لا من بابا.

طلعت صفاء من غرفة هجرس و ضلت لين قاعدة عند اخوها طلع فيها شافها بدا تحكي شي بس مترددِ
هجرس و هوي عم يتفقد غراضو: شبك حاسسك بدك تحكي شي بس مترددِ شو قصتك
لين بتردد: هااا، لا مافي، شي
هجرس رفع حاجبه: لا في شوفي احكي
لين فركت اديها بتوتر: شفت جواد اليوم
هجرس ابتسم غصب عنو بس ما خلاها تنتبه و عمل حالو ما مهتم: امم، اي شفتو
لين بصوت ملغبط: كيفو
هجرس عمل نفسو زعلان: يا حراااام شو صاير فيه.

لين بصدمة: شوفيه؟شو صاير معو؟
هجرس عطاها ظهرو و عامل نفسو زعلان كتيررر عليه: يا حراام مرضااان كتيررو اجبرو يسافر و هوي تعبان كتير
لين صارت تبكي بصمت
هجرس كتم ضحكتو وهوي لسه ع وضعو: تؤتؤتؤوالله مقهور ع هالوالد يا حرااام
لين ما غضرت تضل قاعدة طلعت فورا من الغرفة و راحت ع غرفتها و هي عم تبكي
هجرس فرط قلبو من الضحك بس ضحكتو تبخرت وقت دق الجرس و سمع الصوت.

محمود طلع من عند شغف و عيونو مليانة غل و شر ما عم يعرف شو بدو يساوي لحتى يطلع كل هالغضب منو و من بين غضبو و شرو و غلوو طلع التليفون و تصل
ع التليفون: الو
محمود بغضب: انتي وين
ع التليفون: بالبيت
محمود: ساعة بدك تكونِي مزروعة قدامي بالكفترية
ع التليفون: اي ماشي بس ايه كفترية
محمود: بكفترية(، )
ع التليفون: اي تمام ساعة و بكون هونيك
محمود: اي ماشي باي
سكر التليفون و كمل طريقو بجنون.

شغف بعد ما صلت و دعت لربا كتيررر ما حست ع حالها كيف نامت بس فجأة صرخت صوت هزت الحيطان البيت ركضت لعندها رانية و فزعت من منظرها
رانية برعب: شغف...

رواية الانتقام من بعد الحب للكاتبة سدرة أمونة الفصل الثالث

شغف بعد ما صلت و دعت لرباا كتيرر انو يخترلها الخير ما حست ع حالها كيف نامت
فجأة صرخت صوت هزت الحيطان البيت سمعت امها الصوت و ركضت لعندها فزعت من منظرها، جسمها متشنج و دموعها مغطايين تفصيل وجها
قربت لعندها رانية صارت تفيقها بس ما عم تفيق معها و جسمها صار يتشنج اكتر و اكتر و دموعها عم تنزل بغزارة
رانية حاولت كتيررر بس ما عم تفيق.

صارت تطلع حوليها ع شي يساعدها اجت عينها ع كومدينا يلي جنب التخت فيها كأسة مي جابتها و كبتها ع وجها
شغف بعد ما نزلت المي ع وجها شهقت وكأنو رجعتلا الروح صارت تاخد انفاسها بسرعة
صارت تطلع حوليها كأنو ما مصدقة انو يلي شافتو حلم
رانية قعدة جنبها و صارت تقرألها آيات قرأنية...

هجرس فرط قلبو من الضحك بس ضحكتو تبخرت وقت ندق الباب و سمع صوت جواد
جواد بأبتسامة عريضة: كيفك مرت عمي
صفاء بحب: الحمدلله انت كيفك
جواد صار يطلع يمين و شمال : بشكر الله، شو وين الشعب
صفاء ضحكت ضحكة خفيفة لاني بتعرف ع مين عم يحكي: بغرفتها، تفضل
جواد ضحك ودخل قعد ع الكنبة: دخيلو يلي بيعرف عمين بقصد، شو وين هجرس
صفاء: عم يضب غراضو.

هجرس سمع صوت جواد: لعمى يا ابو الجوج ليلتك سودة (لمعة براسو فكرة و ضحك)والله الهريبة تلتين المراجل
طلع من الغرفة طلع هيك شاف الباب صالون مسكر ( البيت عبارة ع اربع غرف و صالون، الغرف جنب بعض وفي كاريدور فاصل بين الغرف و الصالون )طلع على روس اصابعُ وصل ع باب الشقة فتحُ شوي شوي شافتُ لين
لين باستغراب: وين رايح؟
هجرس بصوت ضعيف كتيرر: لعمى و قعت و ما حدا سمى عليي
لين رفعت حاجبها: شو عم تقول.

هجرس طلع فيها: هااا ماش ما قلت شي
لين بأصرار: وين كنت رايح
هجرس مشى ايدو ع وجهُ بغيظ: ما كنت رايح مُحل
لين بترقب: لكن ليش فاتح الباب و كنت بدك تطلع هااا
جواد سمع صوتن طلع شافن واقفين
جواد: شبكن
هجرس بصوت ضعيف كتيرر: كمل النقل بالزعرور
جواد: قلت شي
هجرس ببلاهة: لا
لين تفاجئت بجواد قربت عليه و صارت تفحص فيه
جواد باستغراب: في شي (صار يفحص حالو)
لين بدموع محبوسة: انت مو عاساس مرضان.

هجرس مشى ايدو بسرعة على وجهُ و رجع مسح بأيدو على راسو بغيظ
جواد برق: انا
لين من بين دموعها يلي نزلو غصب عنها هزت راسها اي
جواد رجع فحص بحالو: والله ما الي خبر مرضان
هجرس ضحك غصب عنو ع منظرو
لين بصوت مهزوز: هيك هجرس قلي
جواد عرف انو مقلب من مقالبو طلع فيه و أشرلو بأصبعتُ ع حالو انا
هجرس وهوي عم يضحك هز راسو اي
جواد قرب عليه لزقو بالحيط و رفع ايدو كورها و بدو يبوكسو
هجرس مثل الخوف: لا و ربنا عنا مهمة.

جواد لسه ع وضعو: شو قايل لا اختك
هجرس صوت ضحكتو فرقعت بالبيت كلو
طلع ادهم ع صوتن: خير شبكن
جواد بغيظ: تعا شوف ابنك شو عامل
ادهم بأهتمام: شو عامل
جواد تركو و راح ع ادهم: ما بعرف شو قايلاا لبنتك لحتى عم تجي تفحصني و تبكي
ادهم بغيظ: شو حكيت يا ززززفت يا ابن الزفت
هجرس و هوي و عم يضحك: و النبي ما حكيت شي بس مزحت معها مزحة ولا صدقتها
لين بتشهشق: تضرب انت و مزحك.

هجرس قرب عليها مسح دموعا و باس راسه ودخلو ع الصالون قعدو و حكالن المقلب يلي عملها باختو
جواد بذهول: يخربيييييتك يا هجرس الا شوي رح تموتني
هجرس بضحك: لو ضلت قاعدة كنت موتك لا تخاف
جواد برق: كمااان
هجرس وهوي عم يضحك هز راسو ب أي
جواد بغيظ: بللله شو المرض يلي كنت مرضان فيه
هجرس: لا هي مرض خفيف كتير
جواد بغيظ: منيح ما كانت عملية القلب
هجرس بضحك: عم بقلك لو ضلت شوي كنت بعتك لعند ربنا.

جواد ضحك بغيظ وطلع بلين: انتي كنتي مصدقة هالخرفان
لين ببراءة طفولية: اي
جواد برق: ينعن عمري.

وصل محمود ع كفترية قعد ع الكرسة و طلب فنجان قهوة و وجهُ ما بيتفسر و شارد
، : هيي وين شارد الحلو
محمود: ميرناااا جفلتيني
ميرنا: صرلي ساعة قاعدة قدامك
شبك ليش معصب
محمود بغضب: تقاتلت انا و شغف و ضربتا
ميرنا بغيظ: وليش مقهور انت مو عاساس ما بتحبها
محمود بعياط: اي ما بحبها و بتصور قرود السود و ما بتصورها
ميرنا: صحيح ليش خطبتها وانت ما بتحبها
محمود تذكر ليش بيكرها وبسبب شو رجع ذكرياتو لا اكتر من <۵>سنين.

Flash baak
هند: شو و ين رايح حبيبي؟
ياسر: بدي روح جيب مصاري يلي بقيو من حق الدكان
هند: شقد بيطلع المبلغ يلي ضل؟
ياسر: شي تلات ملايين
هند بحب: للله يبعد عنك كل شر
ياسر باس راسها و طلع راح ع المكتب العقاري يلي ع طريقو باع الدكان
ياسر: كيفك
وليد: نعممم شو بدك
ياسر رفع حاجبه: شو شو بدك بدي حقي
وليد طلع بعيونو: حقك؟
ياسر بذهول: اي حقي
وليد قعد ع الكرسة و رفع جرياتو ع الطاولة بأهانة: انو حق ليش.

ياسر بغضب: حقي حق الدكان التلات ملايين
وليد ببرود: وشو رأيك انو انت ما الك عندي شي
ياسر بعياط: و كيف ما الي عندك شي يا امة الله هاد حقي
وليد باستفزاز: روح العاب بعيد عن هون يالله ما الك عندي شي
ياسر وقف مسكو من ياقة القميصو و قربو عليه: قسم بالله اذا ما بعطيني حقي لحتى طلع روحك
وليد دفشو و ظبط قميصو و عيط: نقلع من هوووون يا حيييوان.

ياسر قفل عقلو وقت شاف انو عم يناهن صار يدور ع شي يضربو فيها اجت عينو ع الطاولة شاف سكينة مسكها وقرب عليه مسكو من شعرو رجع راسو لورا و شخطو من وريد للوريد تجمعت عليهن الناس شافو المنظر طلبو الشرطة
ياسر هون ستوعب شو ساوا طلع بالناس شافها مشغولة بجثة وليد صار يركض دخل ع البيت و وجهو اصفررر
هند: ياسر شبك ليش هيك وجهك...
راح صوتا وقت شافت ايدو فيها دم طلعت فيه وهي مصدومة من منظر ايدو.

هند طلع كلامها مقطع: ش ش شبا اا، ايييدك
ياسر طلع السكينةو فرجها اياها كلها دم هند حطت ايدا ع تمها و صارت تهز راسها لاء لاء
هند مسكتو وصارت تهز فيه و هي عم تعيط: لك شو ساويت؟ فهمني، ليش ايدك كلها دم؟
ياسر قعد ع الارض و عم يطلع ب ولا شي و عيونو كلها دموع محبوسة هند قعدة جنبو و صارت تبكي.

ياسر بصوت تايه: انا، انا، انا قتلتو اي، اي قتلتو هوي، هوي يلي خلاني اعمل هيك اي، اي هوي لو عطاني حقي ككككنت ماااا قتلتو...

طلع بهند و طلع بدياتو وصار يضحك و يضحك و يضحك لحتى صارت الضحكة بكي
فجأة وقف بقوة مسح دموعو و قف هند مسحلا دموعها
ياسر بابتسامة: انا ما حدا شافني و انا وجاي كانت الحارة فاضية و و و المكتب يلي قتلت صاحبها بحارة بعيدة ما حدا بيعرفني هونيك
هند بقلق: طيب بلكي حدا لحقك وقت شافك هربت
ياسر بسرعة: لاء لاء انا وقت اجيت كانو ملتهيين بالحثة
هند بقلق: انشاللله
دخل محمود بفرحة: باركولي.

طلع ب امو و ابوه شاف وجهن اصفر
محمود بقلق: خير شبكن؟ في شي؟ شو صاير؟
هند فركت ايدها بتوتر ياسر لاحظ عليها حكى مباشر مشان ما تحكي شي هند
ياسر بأبتسامة مصطنعة: مافي شي حبيبي بس خايفين اليوم ما النتائج البكلوريا
مشان هيك يا عمري
محمود ما قطنع بكلامو لاني صارت ۵
العصر و النتائج طالعة من۱۲ الظهر لو مشان هيك كانو فرحو مو خافو.

ياسر شاف محمود شارد مشان ما يرجع يسئل لاني ما عندو طاقة للحكي فوراً حكى: صحيح شو كنت عم بتقول وقت دخلت في شي
محمود انتبه: هاااا، لا مافي شي بس كنت عم بقلكن باركولي نحجت بالبكلوريا
ياسر بفرحة: مبروك يا قلبي انت
هند قعدة جنبو باستو من خدو: مبروك يا عمري
محمود بتفكير: الله يبارك فيكن
اجت الشرطة عاينو موقع الجريمة
اخدو بالصمات و حولها للمخبر الجنائي
و صارو يحققو مع الموجودين مشان الجريمة.

المقدم: يعني ما حدا بيعرفو؟
الكل قال لا ما حدا بيعرفو لاني اول مرة بيشوفو عند المغدور
المقدم: طيب يعطيكن العافية روحو ع بيوتكن هلئ ولا تغادرو مكانكن بجوز نحتاجكن لسه و كونو ع الاستعداد ل أيه وقت
طلع نتيجة مخبر الجنائي مباشر
المقدم: انت متأكد
ع التليفون: نعم سيدي
المقدم: بعتلي العنوان ع المسج
ع التليفون: حاضر سيدي
سكر التليفون و صل العنوان امر العساكر تتحرك ع العنوان وصلو ع الحارة يلي قاعد فيها ياسر.

شافو شغف طالعة من البيت وقفوها
المقدم: بتعرفي حدا اسمو ياسر المحمد
شغف ببراءة: اي بعرفو
المقدم: بتعرفي وين بيتو
شغف: اي بعرف
المقدم: ممكن تدلينا عليه
شغف: اي تكرم
شغف اخدتن و راحت ع بيت ياسر
المقدم: هاد هوي البيت؟
شغف: اي هاد هوي
المقدم دق الباب اجت هند اطلغت بعين الساحرة شافت عساكر خافت و رجعت لعند ياسر
ياسر: مين ع الباب؟
هند بصوت مهزوز: الشششرطة برا
ياسر بخوف: قوليلن مو هون انا
هند بدموع: طب بلكي فتشو البيت؟

ياسر: قوليلن مسافر ع حلب من اسبوع وما في غير انا و ابني برا البيت
هند هزت راسها و راحت فتحت الباب بتوتر: نعمم
المقدم: هون بيت ياسر المحمد؟
هند بتوتر: هاا، اي هون بيتو في شي؟
المقدم تخطى سؤالا: موجود هوي؟
هند بأرتباك: هاا، لااا، اصلاً، هوي مسافر
المقدم: و و ين مسافر؟
هند بتوتر: ع حلب
المقدم: من ايمت؟
هند: من اسبوع
شغف ببراءة: بس انا من شوي شفتو ع البلكون؟
المقدم: متأكدة؟
شغف: اي متأكدة.

هند كلام شغف نزلت كالصاعة عليها، ياسر بالغرفة قريبا ع باب البيت سمع شغف حط ايدو بغضب ع وجهو
هند بأبتسامة توتر: لا حبيبتي بتكوني غلطانة هوي من اسبوع مو هون
المقدم: لو سمحتي بدنا نفتش البيت
هند فركت اديها بتوتر: بس انا بالبيت لحالي جوزي متل م قلتلك مسافر و ابني مو بالبيت
المقدم: معليش، طلعي لبرا و نحنامنفتش
هند: بس ليش لكذب عليكن مو هون
المقدم بهدوء: من شوف، المي بتكذب الغطاص
هند بقلق: بس يا سيدي...

قاطعها المقدم بحدة: بدنا نفتش البيت انا لهلئ محترم عمرك فلا تقللي كرامتك بأيدك
هند بعدت عن الباب بخوف و رعب ظاهر
أمر المقدم للعساكر بتفتيش البيت دخلو العساكر
هند الرعب ظاهر ع وجها المقدم ملاحظ عليها بس ساكت لحتى يشوف اخرتا العساكر كمشو ياسر يلي حاول يهرب
العسكري ادة التحية: سيدي اتقبض عليه و هو محاول الهرب
المقدم هز راسو اطلع بهند يلي دموعها نزلت من عيونها بغزارة
المقدم بسخرية: عأساس مسافر ع حلب؟

هند نهارت وقت لقطو ياسر نزلت ع الارض و صارت تبكي
شغف مصدومة انو ليش كذبت؟ و ليش اخدو؟ وليش حاول يهرب؟ الف سؤال عم يدور براسها...
بعد ما طلعو ياسر من البيت حطو بالسيارة و راحو ع القسم
هند اطلعت فيها و قامت بقوة غريبة مسكتها من تيابها و صارت تهز فيها
هند بعياط: يا حيوانة يا كلبة انتي انتي يلي خليتي يا خدو )
محمود فاق من ذكرياتو ع صوت..

رواية الانتقام من بعد الحب للكاتبة سدرة أمونة الفصل الرابع

محمود فاق من ذكرياتو أو جروحو يلي لسه عم تنزف ع صوت ميرنا...
ميرنا: هلووو، وين رحت
محمود بزعل: هااا، هون بس تذكرت شو السبب يلي خلاني اكره شغف
ميرنا بفضول: شو السبب؟
محمود اخد نفس كتيررررر قوي و طلعو بنفس القوي..

شغف بعد ما امها قرأتلاها آيات قرآنية هديت شوي
رانية: حبيبتي شبك؟ شوفي؟
شغف بدموع: شفت كابوس كتيررر بشع
رانية بقلق: خير اللهم اجعلو خير ربي...
(و هي و طالعة من الغرفة )انا رايحة اعملك ليموناضة بلكي بتهدي شوي
شغف هزت رأسها، رجعت راسها ع الحيط يلي ساندة ضهرها عليه و تذكرت تفاصيل المنام...

(واقفة ب نص الصحراء لحالها ما معها حدا صارت تركض و تدور ع طريق ما كانت تشوف لأيه اثر طريق او حدا موجود فجأة و هي عم تدور بعشأوية شافت من بعيد خيمة قربت عليها ولا شافت ميرنا ركضت لعندها بلهفة انو في حدا معها و بتعرفو اكيد رح يأنقذها وصلت لعندها...
شغف بلهفة: ميرنا
ميرنا اطلعت فيها كتيرررر و ما كانت تحكي.

بس عم تطلع فيها شافت واحد طالع من قلب الخيمة اكدت عليه ولا محمود قربت عليه و رمت حالها بحضنو و صارت تبكي بس هوي دفشها عنو وقعت ع الارض قامت
نفضت تيابها و اطلعت فيه و هي مصدومة
انو ليش عمل هيك اجت لحتى تقرب لعندو
طلع المسدس و ضرب عليها النار اجت الرصاصة ع بطنها و هي من بين صدمتها حطت ايدها ع بطنها.

اطلعت ع ايدها شافتها كلها دم نزلو دموعها بعيون مصدومة اطلعت فين شافتهن عم يضحكو كتيرررر) شغف فاقت من ذكرياتها
ع صوت امها
رانية بأبتسامة: حبيبتي مسكي عملتلك ليموناضة
شغف بربع أبتسامة يلي طلعتها غصب عنها: شكرا ماما.

جواد: يالله هجرس شو ما خلصت؟
هجرس وهوي طالع من الغرفة: اي خلصت ليكني اجيت
دخل ع الصالون شاف امو عم تبكي قرب عليها باس ايدها و قعد تحت جرياتها
هجرس: ماما لا تبكي انا مو مطول شلغت يومين بالاكتير بكون عندك
صفاء بدموع: الله يحميك و يحرسك و يبعد عنك كل شر بجاه حبيبي محمد
هجرس بمرح: خلصنا صوص فرديها.

ضحكت من بين دموعها قام هجرس من تحت جريات امو، قرب لعند لين يلي وجها احمر من كتر البكي مسح دموعها و باس راسها
هجرس بحب: ما بقى بدي شوف دمعتك اتفقنا
لين من بين دموعهاهزت راسها: حاضر
هجرس صار يدور: شو وين بابا؟
جواد: بالجهاز هوي، قال بدو يودعك هونيك، خلصت؟
هجرس هز رأسو و مشيو وصلو عند الباب اطلع لوراه صار يطلع فيهن و كأنو ما رح يشوفن بعد هلئ، نزلت دمعة من عينو عضب عنو مسحها بسرعة قبل ما حدا يشوفو.

هجرس بأبتسامة مصطنعة: يالله دعولي
صفاء بدموع: روح ربي يكون معك و لا يضرك و يبعد عنك كل مكروه
لين بصوت مهزوز: الله معكن و يحميكن و يرجعكن بخير و سلامة
جواد و هجرس نزلو من البيت و طلعو بالسيارة و راحو ع الجهاز.

محمود بعد اصرار ميرنا ع انو تعرف شو صاير لحتى بيكره شغف و بدو ينتقم منا قعد حكالها ليش
ميرنا بفضول: اي و شو صار؟
محمود بحزن: اي و اخدو ع القسم حولو ع...
رن تليفون ميرنا يلي قطع كلام محمود
ميرنا: سوري، بدي رد
محمود: تفضلي
ميرنا: اي ماما، خلص جاي، ما رح اتأخر. باي
بعتذر هاي ماما جايين لعنا بيت خالتي من البنان و ضروري روح بس اكيد النا قعدة تانية
محمود: عادي ولا يهمك خلص شي يوم بتكوني فاضية و منكمل حكي.

ميرنا بأبتسامة: طيب انا لازم روح بشوفك باي
محمود: باي
ضل محمود قاعد و الشر عم يطلع من عيونو
محمود بغل: انا بفرجيكي يا شغف ان ما بيكون اسمي محمود اذا ما بدمرك
محمود طلع من الكفتريا و ركب السيارة و ساق بجنون.

شغف بتعب: ماما انا رايحة ع غرفتي ادرس
رانية: بلا الدراسي هلئ ماا شايفي حالك شقد تعباني
شغف باست راسها: لا تخافي ما بطول بدرس شوي و بنام
رانية: ما بطولي هااا
شغف بأبتسامة: امرك ما بطول
رانية: الله لا يأمر عليكي ظالم
شغف باست ايدها وفاتت ع الغرفة قعدة صارت تدرس شوي، حست ع حالها تعباني
شغف بتعب: احسن شي قوم نام شوي بلكي برتاح
تسطحة ع تختا و راحت نايمي، بس فاقت مرعوبة ع صوت...

جواد وهجرس وصلو ع الجهاز
جواد طلع فيه كتيررر: شبك حاسك مو ع بعضك
هجرس اخد نفس عميق كتيررو طلعو بهدوء عكس يلي اخدو: والله قلبي مو مطمن بهالمهمة ما بعرف عندي احساس انو بدو يصير شي
جواد ترقب: شي متل شو؟
هجرس عم يطلع ب ولاشي: ما بعرف يعني ما رح ارجع معكن
جواد قلبو انقبض من كلامو: لا ولو مارح يصير شي انشالله.

هجرس حاول يطمنو او يطمن هوي اكتر: شبك ليش فزعت بتقول اني بعرف بالغيب و الله يا صديقي انا قلي بعد دقيقة شو بدو يصير بقلك ما عندي مشكلة
جواد بمزح: شو رح يصير بعد دقيقة؟
هجرس حط ايدو ع وجهو متل السمايل و رفع حاجبو عم يفكر بطريقة كوميديا: هلئ رح ينزل أسر ركيض و يقول بسرعة طلعو لاني اللوا صالح معصب منكن...
طلعو ع الباب شافو اسر مستعجل وطلعو جواد و هجرس ببعض و صارو يضحكو
هجرس بغيظ: ذكور القط.

جواد بضحك: واشمعنا القط المتل غير هيك بعرف انا
هجرس بضحك: وانا بعرف غير هيك بس تقدير مو اكتر
أسر بغيظ: لك يا زلمة منك لا الو ما بتعرفو تبكرو شوي صرعني وهوي وينن تأخرو و انا بفرجيهن
جواد همس لهجرس: ما قال اللوا صالح معصب طلعو بسرعة...
أسر: يالله طلعو بسرعة اللوا صالح معصب و واصلةمعو للغيم
جواد طلع بهجرس يلي فارط قلبو من الضحك
هجرس بضحك: يا زلمة شقد فقري انو ستنى شوي، عبس.

جواد ضحك بصوتو كلو: والله ما فقري، لو ستنيت ثانية كنت صرت منليونير بس شو بدك تعمل بضل بصلتي محروقة
أسر عم يطلع فين و هني عم يضحكو و هوي مو فهمان شي خالص
أسر: قسم بالله ما عم افهم شي عليكن يعني متل الاطرش بالزفة، شوفي؟
هجرس بضحك: مو متل، أكيد
أسر رفع حاجبو: تضرب منك لا الو يالله نزلو هلئ بينفجر البركان، هاي اذا ما نفجر.

نزلو جواد و هجرس من السيارة و طلعو مع اسر ع مكتب اللوا صالح، قربو من المكتب شوي شافو باسم و عمر طالعين من المكتب
اللوا صالح
هجرس بضحك: شكلن اكلي بهدلة
جواد ضحك معو: هيك الظاهر
قربو لعندن و هجرس عم يضحك ع شكلن كيف طالعين..

شافن باسم و هني جايين لعندن
باسم بصوت عالي: الله لا كان جاب الغلا اييييه
هجرس بضحك: يييييي ليش يا زلمة ؟؟
عمر بغيظ: كالعادة اكلنا بهدلة من وراك و من ورا جواد افندي
هجرس بضحك: يللله سيدي تعيش و تاكل غيرا
جواد بجدية: لا عنجد حاج مزح لازم ندخل يا دوب نلحق هااااا
أسر: هجرس انت اول واحد
هجرس رفع حاجبو: بالللللله شوووو وليش مو انت او باسم
باسم رفع دياتو: انا ما دخلني انا اكلتا والحمدللله باقي انت و جواد
هجرس طلع بجواد ...جواد طلع فيه رفع حاجبو: ليش عم تطلع فيني هيك.... انت اقدم مني ...انت اول شي عيب.. مشان واجبك
هجرس برق: تضرب انت و واجبك... لعمى كل يلي اقدم منك بيوم واحد بس
عمر: لك يالله خلصونااااا
هجرس بتهرب: انت دخول وانا بدخل وراك ...خلص عمر بيدخل اول واحد يالله
عمر بغيظ: بحياة ربك لا ما حزرت يالله انت اول واحد
هجرس نفخ بضيق: اوفففف امري ل الله امشو

دق الباب و دخلو ع المكتب شافو اللوا صالح معصب كتيررررر
هجرس بربع أبتسامة: مرحباا سيدي
اللوا صالح بغضب: لا اهلين و لا سهلين منيح هيك
هجرس طلع لوراه شافهن عم يضحكو عليه
هجرس بغيظ: ضحكت عنزة انت و اياه عجبكن الا ما حطيتوني ب بوز المدفع
اللوا صالح برق: انا مدفع ؟؟

هجرس ما كان منتبه ع كلامو رجع عاد كلامو تاني مرة و ضحك ضحكة قويةةة اللوا صالح قام من ورا مكتبو و قرب عليه هجرس كل ما يقرب عليه اللوا صالح يقوي ضحكتو اكتر اللوا صالح كور ايدو و عمل حالو بدو يبوكسو
هجرس مثل الخوف : لا والنبي يا لول لا تتهوري
اللوا صالح برق و هجرس عمل حالو خربط من الخوف
هجرس بسرعة: لا والنبي يا ام الول لا تتهوري
اللوا صالح ضحك غصب عنو هجرس صحح بسرعة: لا و النبي يا ابو الول لا تتهور
الكل ضحك ع هجرس و هوي ضحك معن اللوا صالح راح قعد محلو ورا المكتب و هوي و عم يضحك
اللوا صالح: تفضلو اقعدو لحتى نحكي قبل ما نسافر.

الكل قعد.... اللوا صالح بجدية: انا حبيت احكي معكن قبل ما نطلع ع المهمة انتو شي أكيد بتعرفو القصة من اولها و وين حاطين المقدم محمد و نحنا من الأساس عم نخطط من الاول نضرب ضربتنا بس يلي كان موقفنا انو ما عنا امر وهلئ صار عنا أمرين امر الهجوم ع المافيا و القضاء عليها و الأمر التاني نطلع المقدم محمد.

رح تكون المهمة كتيرررر صعبة و فيها خطورة كتيرر فبدي منكن التركيز و بلا تهور انا خليت اللوا ادهم يعطيني هاي المهمة لاني كتيررر متعنيلي اكتر واحد
هجرس بأستغراب: بتعنيلك... يعني كيف؟؟
اللوا صالح بحزن: يبقى بس نطلع من هونيك سالمين بحكيلكن القصة.... وهلئ يالله صار وقت الجد
هجرس: انا بدي روح ودع ابي و بجي
اللوا صالح: تمام
طلع هجرس لعند ابوه ع المكتب دق الباب و دخل
هجرس بأبتسامة: كيفك سيادة اللوا
ادهم بأبتسامة حب: اهلا بالمقدم هجرس
هجرس: اجيت ودعك
ادهم دمعت عينو غصب عنو هحرس قرب عليه و مسحلو دمعتو و باس ايدو و راسو
هجرس بحب: دعيلي.

اللوا ادهم بصوت مهزوز: الله يبعد عنك كل شر و ترجع سلام يا قلبي انت
هجرس غرغرو دموعو بعيونو: دير بالك ع حالك..... وبدي توعدني شو ما صار ما تضعف
اللوا ادهم قلبو نقبض من كلامو: انت شو عم تحكي في شي؟ ليش عم تحكي هيك قلي
هجرس: لا مافي شي

اللوا ادهم بقلق: لكن ليش عم بتقول هيك؟
هجرس بضحك: ماش بس عم اتفلسف
اللوا ادهم بغيظ: يضرب يلي علمك الفلسفي
هجرس: يالله انا بدي روح دعيلي
اللوا ادهم: استنا منطلع سوا
هجرس: يالله

طلع ادهم و هجرس من المكتب نزلو لعند اللوا صالح يلي تفاجئ بأدهم....