رواية الانتقام من بعد الحب للكاتبة سدرة أمونة الفصل الحادي عشر
وصلو ع المقر نزلو من السيارات يلي وقفوها بعيدة عن المقر حطو كاتم صوت للمسدسات مشو بخطوات حذرا لحتى ما ينكشفو و صلو ع المبنا قتلو الحراس من جهت المبنا هجرس: انا و جواد و أسر و باسم رح نطلع ع المبنا و ندخل لجواه اما اللوا صالح و رفيف و أسيل و عمر بتخلصو من برا و بتدخلو نظامي منكون نحنا مشطنا يلي عميل الباب الكل وافق لاني مافي نقاش بالموضوع.
دخل اول واحد هجرس وراه جواد و اسر و باسم ع المبنا طلعو ع آخر طابق باسم وهوي عم يتفحص المكان: وكيف هلئ بدنا ننزل لتحت؟ جواد: بالبحل باسم بغيظ: بالله العيظم اي بعرف بالحبل، بس وين بدنا نربطو للحبل؟ هاد هوي السؤال؟ اسر بتأكيد: صح، وين بدنا نربطو المكان ع العظم و مافي ايه شي غير الحيطان و السقف، ولأ و كمان ما كلو معمر يعني هاد عم يتعمر هلئ جديد.
هجرس كان عم يدور ما كان معن و هوي عم يدور لاقة حديدة ظاهرة شوي من الغرفة طلع ع البكلونة شافها، قرب عليها طلع الحبل ربطو ربطة ماكنا و مدو لتحت هجرس: تعو نزلو الكل اتجه لعندو شافو الحبل مربوط و ممدود لتحت هجرس: يالله انا رح انزل الاول حط الشنطة ع كتافو و نزل من البلكونة ونط ع سطح المقر عطاهن امر ينزلو بسرعة، وفعلا نزلو و عملو نفس الحركة...
وصلو لتحت نزلو الدرج ع اقل من مهلن لحتى ما يطلعو ايه صوت، وصلو ع أخر درجة و أذ شافو مجموعة يلي متكونة من اربعة من رجال بول عم يقربو ناحيتن، بعدو شوي تخبو ورا الحيط تعيت الدرج يلي نازلبن منو، المجموعة ما نتبهو علين و عطو ضهرن للدرج هون هني ستغلو الفرصة نزلو من الدرج يلي متبقى منو و قفو ع مستواهن و اطلقو الرصاص الكاتم الصوت مع بعض أسر اخد نفس: اوووووخ كنا و قعنا.
ع الجهة الأخرا اللوا صالح و مجمعوعتو عم يمشطو المكان من الحراسة بشكل حرفي و من دون ايه صوت.
بالداخل صارو يمشطو كل طابق بطابقو وصلو ع الطابق الاول يلي فيه مكتب بول هون تقسمو لمجموعتين باسم و جواد بينزلو ع الساحة يمشطوها مشان اللوا صالح و مجموعتو و هجرس و اسر بيكملو ع الباقي بالطابق فعلا باسم و جواد طلعو و صارو يمشطو من جهت الباب رأيسي من دون صوت خلصو منن فتحو الباب ل للوا صالح و الباقيين دخلو بعد ما مشطو برا.
واذ بيشوفن واحد من الحراسة يلي لسه ما قتلون بيضرب رصاص يلي عطى ضجا قوية بالمقر و نتشرت الحراسة الباقية...
عند هجرس و اسر مشطو الطابق و صلو ع مكتب بول، هون بيسمعو صوت الرصاص بيطلع هجرس من الشباك الموجود بالممر بيشوف في اشتباك بين الحراسة و بينن هون بيكون بول كمان سمع الصوت بيطلع المسدس من الدرج بيلقمو وبيتخبى بمكان ما بيخطر ع البال...
هجرس واسر دفشو الباب دخلو اسر: شكلو مو هون هجرس بغموض: هيك شكلو، يالله خلينا نطلع طلعو من المكتب و تجهو لعند الباققين بالخارج قتلو الكل ما خلو و لا واحد، نزل باسم و جواد و عمر ع القبو طلعو محمد و طلعو رفيف: لعمى شو مساويين فيك محمد بألم: اخخخخ قولي شو ما ساوو اسيل: يللله الحمدلله ع السلامة محمد: الله يسلمك وصل هجرس و اسر لعندن هجرس و هوي جاي عليه: حموودي والله شتقتلك.
محمد مشي خطوتين لعندو و حضنو: جوج والله و انا مشتقلك.. هجرس بمزح: بتعرف والله ما عرفت شقد بحبك الا لبعد ماتركتك محمد بغرور: مشان تعرف قيمتي اسر: الحمدلله ع السلامة يا حمود محمد: الله يسلمك سرووو عمر بغيظ: هلئ بعدين بترحبو ببعض خلونا نطلع من هون اللوا صالح: حدا يروح يجبنا السيارات باسم: انا و عمر منجيبن اتجهو الكل برا المقر، وصلو السيارات الكل طلع الا هجرس لسه بدو يطلع و اذ رصاصة بتخترق صدرو.
الكل نزل و صارو يطلعو مين اطلق النار بس عبس مافي حدا موجود اطلاقً و كأنو جاي لوحدها، فتشو المكان ما لاقو حدا... دخلو هجرس ع السيارة وطلعو هني كمان، بعدو شوي عن المقر، هون هجرس قبل ما يفقد الوعي طلع جهاز و كبس الزر و فجأة بيطلع صوت الانفجار المقر مع أغماء هجرس ل يعلن انتصارو.
ع الجهى التاني كانت نايمة وفجأةً بتصرخ صوت بتهز الجبال ادهم كان سهران بالصالون دخل ع الغرفة شغل الضوء شافها عم تبكي قرب عليها عبالها كاسة مي و عطاها اياها شربتا بجسم مهزوز صفاء بدموع: اتصل بهجرس ادهم بخوف: ليش شوفي؟ صفاء بصوت مهزوز: ما بعرف شفت منام بشعع كتير ادهم بهدوء عكس النار يلي جواتو: خلص بكرا بحكي معو هلئ بيكون نايم حرام تشغلي بالو ع فاضي، وهاد كلو منام يعني احلام يقظة.
صفاء بعدم التصديق: بيقولو قلب الام دليلا و انا قلبي مو مطمن عليه ادهم: انتي مشغول بالك عليه لأني شفتي منام مو اكتر، خلص هلئ نامي و بكرا احكي معو شقد ما بدك ستسلمت للأمر و حطت راسها ع المخدة يلي كلها دموع طلع ع الصالون اطلع ع الساعة اخد التليفون دق ع هجرس طلعلو الرقم خارج الخدمة، دق ع صالح كمان نفس الشي، دق ع جواد كمان طلع نفسو، دق ع اسر نفسن، وع باسم و عمر و رفيف و اسيل، كمان نفس الشي طلعلو.
ادهم بتفكير: لعمى كلن خارج الخدمة، بس لازم يكون خلصو، هاي صارت ٤ نحنا اتفقنى و قت بتصير ٤ بيفتح واحد منن التليفون مشان اطمن حتى ولو لسه ما خلصو هون ادهم حس انو في شي لحتى الكل قافل خطو.
وصلو ع اقرب مستشفى دخلو ع الطوارئ مباشر امر الدكتور يجهزو العمليات بسرعة و استعداد كل الدكاترة الجراحة الموجودة للعمليات هون صالح قلبو نقبض ع سرعت الممرضين و الدكاترآ الجراحة الموجودة كلها نزلت ع العملياات، قعد ع الكرسة و صار يدعليو.
بالمعمليات الدكتور الاول: عم ينزف الدكتور التاني: لازمو دم بسرعة طلع الدكتور بسرعة: حدا زمرت دموA+ جواد قرب لعندو: انا زمرت دمي A+ اسر: وانا كمان محمد: وانا عمر: وانا باسم: الكل هون زمرت دموA+ الدكتور: منيح لكن الكل يتوجه ع الغرفة لحتى نسحب الدم الكل راح حتى اللوا صالح راح.
عند شغف فاقت امها راحت ع المطبخ شربت مي و اجت شافت كل وجها دم فيقتها ما كانت تفيق معها شالتها و دخلتها ع الحمام فتحت المي ع راسها راح الدم حطتها ع اقرب كرسة هون شغف بلشت تصحصح فتحت عيونها شغف بأستغراب: شو جابني لهون.
رانية بخوف: كيف صرتي هلئ شغف بصدمة: ليش شبني رانية بدموع: رحت اشرب مي اجيت لاقيت وجهك كلو دم شغف قامت من ع الكرسة و هي مصدومة من يلي سمعتو وقفت ع المراية اطلعت شافت اثر دم ع انفها و تمها شغف بذهول: من وين بدو يجيني الدم رانية بقلق: بكرا رح اخدك لعند الدكتور بلكي بيشوفك شغف هزت راسها و رجعت نامت.
نقلولو الدم و انتظرو قدام غرفة العمليات ع اعصابن يلي تلفت من الخوف ضلت العملية مستمرة لل٣ساعات و هني عم يحاولو يوقفو النزيف بالأخر وقف معهن.
الدكتور طلع من العمليات الكل تجمع حوليه لحتى يشوفو شو صار مع صديق عمرن اللوا صالح بخوف ظاهر: طمنا؟ الدكتور بتعب: الحمدلله قدرنا نوقف النزيف الكل تنهد تنهيدة قوية طالعة من قلب مجروح جواد: ليش وين اجت الرصاصة؟ الدكتور: اجت جنب القلب، لو ما لطف الله، ع شعرة كانت اجت ع القلب، بس ربكن سترها اللوا صالح بقلق: وهلئ كيف وضعو.
الدكتور بروتين: هلئ ما منقدر نحدد وضعو قبل لل٢٤ ساعة، نحنا عملنا يلي علينا و الباقي ع الله، و هلئ رح ننقلو ع العناية وانا كل شوي بدخل بطمن عليه عمر: شكرا الك دكتور اللوا صالح بتعب: شقد الساعة؟ باسم بأرهاق: ٨ جواد بحزن: وهلئ كيف بدنا نخبر عمي بالموضوع اللوا صالح: انا رح اتكفل بالموضوع اسيل: هلئ اذا نقلنا من هون مو احسن؟
عمر: اي فعلاً يعني هلئ اذا خبرنا اهلو ل هجرس بدن يجو هاد شي اكيد، و بيكونو تعبانين من الخبر، و رح يتعبو بزيادة من السفر، يمكن تسوء حالتن اللوا صالح: حدا يروح يشوف الدكتور و يقلو بدنا ننقلو، و بس نوصل، بخبر ادهم اسر: انا بروح بقلو اللوا صالح: تمام روح راح اسر ع المكتب الدكتور و خبرو انو بدن ينقلو الدكتور: هاد شي مستحيل هوي بخطر لسه اسر بغيظ: ونحنا بدنا ناخدو ع المستشفى. يعني ما عم بقلك بدي اخدو مشوار.
الدكتور بحدة: وانا عم بقلك خطر عليه اسر بتهديد: ليك انا ما ريق للحكي و العلاك انا قلتلك بدنا نطلعو، نحنا اصلا ما عم ناخد رأيك، كل ما هوي انو نحنا عم نخبرك مو اكتر الدكتور بضيق: بتنقلو بتخلو تصطفلو، بس اذا صار شي المسؤلية عليكن اسر وقف لحتى يروح: ماشي وهلئ خبر كادر الطبي بدنا نطلعو خليهن يحضرو كلش بيلزمن ع الطريق الدكتور: حاضر، هلئ بقلن.
اسر فتح الباب طلع لبرا وسكرو بطريقو تذكر شي رجع فتحو: سماع الساعة هلئ ٨ الساعة ٣٠`٨بدنا نطلع ما بدي يتأخرو الدكتور: حاضر.
اسر راح عند اللوا صالح و الباقيي لحتى يخبرن بالشي يلي صار اللوا صالح: تمام و هلئ اتصلو بالمستشفى يحضرو كلشي محمد: انا رح اتصل فين يجهزو حالن محمد اتصل بالمستشفى خبرن انو جايين و يجهزو كلشي محمد رجع لعند اللوا صالح: كلشي تمام اللوا صالح هز راسو، رجع ظهرو و سند راسو ع الحيط يلي وراه و قعد يفكر كيف بدو يخبر ادهم.
شغف فاقت من النوم راحت ع الحمام غسلت وجها، لاحظت ع المغسلة في دم اطلعت ع المرايا يلي ادامها شافت انفها عم يذرب دم غسلتو بسرعة طلعت قعدت بالصالون و شاردة، دخلت رانية شافت وجها اصفر رانية: شغوفي ماما، شبك؟ شغف: راينة بقلق: لك امي شبك؟ شغف نتبهت: اي ماما رانية: عم احكي معك ما عم تردي شغف بربع ابتسامة: كنت شاردا شوي، في شي.
رانية: اي انا اتصلت بالدكتور وقلي اخدك ع العيادة الساعة١٠بيكون هونيك هوي مشان يكشف عليكي و نعرف شو قصة الدم شغف: لك امي هاي مو اول مرة بيصير هيك يعني تعودت رانية باصرار: لهيك عم بقلك بدي اخدك خلي يكشف عليكي لحتى يطمن قلبي شغف: حاضر الساعة ١٠ منروح رانية: ماشي لكن قومي خلصي شغل البيت لحتى ما نتأخر قامت شغف لحتى تشتغل البيت...
نزلو هجرس ع السيارة الاسعاف لحتى ينقلو ع المستشفى تاني اللوا صالح طلع معو و الباقيين طلعو بالسيارات و تجهو ع شام.
وصلو بزمن قياسي نزلو هجرس من السيارة و دخلو فوراً ع العناية اللوا صالح: انا رح احكي مع ادهم و قلو الكل قعد ع الكراسة الموجودة بحزن ع هجرس و ادهم.
طلع لبرا صالح فتح التليفون و اذ بيشوف ۵٠ مكالمة فائتة من ادهم وقت شاف اسمو قلبو تقطع عليه، وهوي عم يفكر كيف بدو يخبرو بدق تليفونو بيطلع عليه بشوف ادهم رد عليه ادهم بعياط: وك ليشش ما حدا فاتح هالهوا هااا صرلي من ٤ الفجر و انا عم دق ما حداا فاتح خطو، لك انتو بتعرفو شو ساويتو فيني لك نشف دمي قسم بالله اللوا صالح عم يسمعو بهدوءء تام ما فتح بتمو ولا بحرف ادهم بغضب: لك ليش ساكت، بتعرفو حالكن مأخطئين.
صالح طلع صوتو بالاخر: ادهم سمعني ادهم بحدة: نعمم صالح: نحنا خلصنا المهمة و نتصرنا ادهم بفرحة: اي الحمدلله صالح بتمهيد: وبتعرف نحنا معرضين للخطر ادهم بترقب: صالح شوفي؟ صالح بحزن: هجرس تصاوب و نحنا بالمستشفى ادهم بصدمة: شوووووو...
رواية الانتقام من بعد الحب للكاتبة سدرة أمونة الفصل الثاني عشر
ادهم بصدمة: شووووو صالح: خلصنا من المهمة ونحنا وطالعين بالسيارات، تصاوب قلبنا المنطقة كلها ما لقينا اثر يلي اطلق النار عليه ادهم بصوت مهزوز: كيفو هلئ صالح سكت، ادهم عيط: وك احكي صالح: هلئ بالعناية ولسه ما ستقر و ضعو ادهم نزلت الدمعة من عيونو ما غضر يحكي صالح: انشالله رح يصير احسن هوي قوي و رح يقوم بالسلامة و انا متأكد ادهم: بايه مستشفى انتو؟ صالح: بالمستشفى(، ).
ادهم سكر التليفون و راح لعند صفاء لحتى يقلها، دور عليها بالغرف ما شافها اطلع ع الصالون كمان ما شافها عرف انو هي بالمطبخ دخل ع المطبخ شاف صفاء و لين عم يحضرو اكل لين: اهلين بابا ادهم: صفاء بتعب: خير شبك ادهم ليش هيك وجهك اصفر لين بقلق: صح بابا شبك، شوفي؟ ادهم ما عم يعرف كيف بدو يفاتحن بالموضوع قعد ع الكرسة و حط راسو بين دياتو ادهم بصوت مهزوز: روحو لبسو بسرعة لين باستغراب: ليش لوين رايحين؟
ادهم بحزن: ع المستشفى صفاء قلبها انقبض وقت عرفت انو رايحين ع المستشفى: ليشش؟ ادهم بعياط: ما بدي اسمع ولا كلمة زيادة يالله روحو لبسو راحت لين وصفاء لبسو تياب بسرعة و نزلو ع السيارة طلعو، وصلو ع المستشفى قبل ما ينزلو ادهم بدمعة خانتو: هجرس متصاوب صفاء شهقت شهقة قوية و نزلو دموعها بغزارة لين بصدمة: شووو ادهم مسح دمعتو يلي نزلت غصب عنو لين بدموع: كيفو هلئ ادهم بحزن: هلئ هوي تحت المراقبة.
صفاء بصوت مدموج ببكاء: والله كان قلبي حاسسني صايرلوشي نزلت فوراً من السيارة و دخلت ع المستشفى راحت وراها لين مباشر، وهني وداخلين شافو جواد نازل راحت لعندو صفاء ركيض صفاء بدموع: وين هجرس، خدني لعندو جواد بحزن: تعي اخدها و راحو ع قسم العناية المشددة و تجهو ع الغرفة يلي فيها هجرس جواد: مرت عمي، شوفي من برا الغرفة ما بيصير تدخلي لجوا ممنوع.
هزت راسها صفاء ب اي، اطلعت من برا شافت صدرو عريان وكلها اجهزة و ع فمو و انفو جهاز الأوكسجين هون صفاء ما غضرت تتحمل المنظر فوراً غمي عليها و وقعت بس كان في ايد خضنتا قبل الارض وهي ايد ادهم حملها و اخدها ع غرفة كشف عليها الدكتور و عطاها ابرة الدكتور: اطمنو مافيها شي بس نزل ضغطها هلئ انا عطيتها ابرة وانشالله بتصير احسن جواد: يعطيك العافية دكتور الدكتور: شكراً، اذا صار ايه شي نحنا تحت الخدمة.
ادهم سحب جواد من ايدو و طلعو برا الغرفة بعد ما اطمن ع صفاء ادهم بصوت مهزوز: كيف صار هجرس جواد بحزن: والله ياعمي العلم عند للله ادهم بترقب: الدكتور شو قال؟ بدو يحكي جواد قاطعو ادهم بأصبعتو بتهديد: سماع لا تخبي عليي ولا حرف جواد: الدكتور قال ما بيقدرو يحددو وضعو قبل ٢٤ ساعة ادهم بدمعة خانتو: كان قلبو حاسسو جواد قرب عليه حط ايدو ع كتفو: سلمو ل الله هوي قادر ع كل شي.
ادهم رفع راسو لفوق: يارب انت عالم بحال ابني نجيه يارب كما نجيت سيدنا يونس من بطن الحوت يا عالي يا رب جواد: آمين يارب ادهم: صالح و الباقية وينن جواد: صالح راح ع البيت يغير تيابو ويجي والباقيين كمان راحو يطمنو اهلين و يجو ادهم هز راسو و دخل ع الغرفة هوي و جواد.
رانية: شو خلصتي شغف؟ رح نتأخر شغف وهي وجاي لعندها: ليكني خلصت رانية: يالله نزلت شغف و رانية من البيت وقفو تكسي و راحو لعند الدكتور عامة وصلو نزلو من التكسي و طلعو ع عيادة الدكتور رانية: مرحبا الممرضة: اهلا رانية: الدكتور موجود؟ الممرضة: اي هون، اخده موعد رانية: اي اخده موعد من مبارح الممرضة: تفضلو رتاحو، ثواني بس لحتى تطلع المريضة من عندو.
قعدت شغف و رانية ع الكراسة الموجودة ينتظرو دورن بعد ثواني طلعت المريضة من عند الدكتور و اجا دور شغف دخلو لعندو قعدت شغف ع السرير المعاينة الدكتور: ممكن تقوليلي شو عم يصير معك شغف: كل فترة بيصير معي نزيف بالانف و بينزل من فمي كمان الدكتور: من ايمت وانتي عم تعاني بهالشي شغف: من ۵ شهور تقريباً.
الدكتور قعد ع الكرسة و كتب ع الورقة و عطاها اياها: بكرا انشالله بتروحي ع المستشفى(، ) الساعة١١ بكون انا هونيك باخدك عند دكتور زميلي مشان يعملك صورة رانية بخوف: دكتور في شي؟ الدكتور بعملية: لأانشالله هلئ انا مافيي حدد شي او اكتبلا شي لحتى يشوفها الدكتور رانية بقلق: خير انشالله، شكراً دكتور الدكتور بأبتسامة: اهلا وسهلا راحت شغف ورانية ع البيت و القلق عم ينهش قلب راتية ع بنتا شغف بتعب: انا رايحة اتسطح شوي.
رانية: اي روحي يا عمري راحت شغف ع غرفتها و رانية قامت صلت و دعت لربها كتيرر يكون ما فيها شي بنتا.
بالمستشفى و تحديدا بقسم العناية المشددة بغرفة هجرس، دخل لعندو الدكتور لحتى يطمن عليه قرب لعندو و اخذ قياس ضغطو و غيرلو الجرح و هوي و بدو يطلع برا الغرفة لمح ايد هجرس تحركت رجع قرب عليه و صار يطلع بأيدو اكتر مشان يتأكد من يلي شافو رجع هجرس حرك ايدو ببطئ مرة و تنين و تلاتة الدكتور طلع فوراً ع غرفة يلي قاعد فيها ادهم لحتى يطمنو ادهم من شدة الفرحة ما بقى يستوعب: شو عم تقول؟
الدكتور: عم بقلك عم يستعيد وعيو ادهم طلع فوراً هوي و جواد و صفاء ولين شافن صالح عم يركضو راح وراهن فوراً دخلو ع الغرفة، هجرس هون بلش يستعيد و عيو الدكتور قرب عليه: اذا سمعاني حرك ايدك هجرس هون حرك ايدو و صار يفتح عيونو و يغمضن ضل هيك شغلت ٦. ٥ ثواني لحتى قدر يفتحن منيح اطلع حولي شاف ابوه و امو و اختو و رفيق دربو و اللوا صالح حولي و طايرين من الفرحة و دموع الفرحة نازلي من عيونون.
هجرس نهض حالو شوي بدو يقعد بس جرحو خلاه يرجع ع الفرشة اجا الدكتور و ساعدو يقعد هجرس بأبتسامة تعب: شبكن ليش عم تبكو لكني ما فيني شي مشالله عليي متل الحصان الكل ابتسم ابتسامة كلها فرحة و وجع بنفس اللحظة الدكتور بأبتسامة: هلئ رح نطلعك من العناية و نحطك بالغرفة عادية لحتى يستقر و ضعك منخرجك ادهم: شكرا الك دكتور صفاء قربت ع ابنها قعدت جنبو بعد ما خلص الدكتور من فحصو و ضمتو ل صدرها صارت تبكي.
صفاء بدموع: والله كان قلبي حاسسني يا قلبي انت، الله رجعلي ياك يا روحي.
هجرس بأبتسامة: خلص هاي رجعتلك، ما قلتلك لاتخافي علي انا قدها و رب العالمين معي، حاشى ربك ينسى عبدوه صفاء مسحت دموعها: حاشىه صالح بصوت مهزوز: الحمدلله ع السلامة هجرس بأبتسامة: الله يسلمك حولو هجرس ع غرفة العادية بعد ما راح الخطر عنو، ندق الباب الغرفة و دخلو المجموعة كلها الكل صار يسلمو ع هجرس و يهنو ادهم بسلامتو اسر: لك صحيح انت كيف فجرت المقر اذا نحنا ما حاطين ولا قنبلة جوا.
الكل مستني هجرس لحتى يحكيلن شو صار اللوا صالح: لك هلئ هوي تعبان خلص خلوها لغير يوم بيقلكن هجرس بتهرب: صح متل ما قلكن ابو الول بعدين صالح برق: ابو لول هجرس ببلاهة: قصدي صالح صالح بغيظ: مافي فايدة منك الكل ضحك و قعدو صارو يحكو بعيد عن موضوع الشغل.
محمود اتصل ب ميرنا و خبرها تجي ع كفترية هي و رهف مشان يتفقو ع كلشي، وفعلا ميرنا اتصلت برهف خبرتها انو بدن يلتقو اليوم اجت لعندها رهف و راحو من بيت ميرنا ع الكفترية محل ما وعدن محمود محمود: شو بتحبو تشربو؟ ميرنا: قهوة رهف: كمان قهوة طلب محمود تلاتة قهوة، وقعدو يخططو كيف بدن يقتلو شغف رهف بتفكير: عندي خطة احلى محمود و ميرنا حكو مع بعض: شو هي؟
حكتلن رهف شو هي الخطة و عجبتو ل محمود كتير بس ميرنا خافت شوي منها رهف: وهيك منكون خلصنا عليها نهأي و ما حدا بيشك فينا محمود بأبتسامة شر: والله جبتيها ميرنا بقلق: و بلكي حدا لحقنا؟ رهف بغيظ: مين بدو يلحقها اذا بدا تكون لحالها هااا و ما بتلحق تقول لحدا ميرنا بتوتر: انشالله خير محمود: بس لازم ما نلتقى مشان ما حدا يشك وخلونا ع تواصل هيك اضمن رهف بتأكيد: مظبوط، وهلئ انا بدي روح.
محمود: ماشي و منحكي تبقى بتفاصيل اكتر ع التليفون رهف وهي واقفة بدا تروح: تمام، يالله سلام ميرنا و محمود: الله معك محمود اطلع ب ميرنا يلي خايفة من هالخطة محمود: شبك ليش خايفة؟ ميرنا بخوف: خايفة ننكشف محمود: ما رح ننكشف انشالله، صحيح بدي قلك شغلة ميرنا: شو؟ محمود بأبتسامة: بعد ما نخلص من شغف بدي اجي و اطلب ايدك من اهلك ميرنا طارت من الفرحة: جد محمود بحب: جد الجد، وهلئ خليني و صلك ميرنا بقلق: واهلي؟
محمود: بوصلك قبل البيت ب شوي ميرنا بأبتسامة هزت راسها ب اي و طلعو برا الكفترية.
اشرقت الشمس من جديد لتعلن عن عشق جديد.
ببيت شغف فاقت غسلت وجها اطلعت ع المغلسة شافت في اثر دم شغف: و كلتُ امري اليك يا رب انت عالم بحالي يا رحمان رانية: شو شغوفي خلصتي شغف: اي امي رايحة البس راحت شغف لبست تيابها و نزلت هي و امها من البيت لحتى يروحو ع المستشفى و صلو ع المستشفى سألو بالأستعلامات عن الدكتور الممرضة: بتشوفي بالطابق ال٤ رانية بأبتسامة صغيرة: شكرا الممرضة بادلتها الابتسامة: العفو.
لين رن تليفونها ستأذنت تحكي برا الغرفة مشان ما تشوش ع الدكتور يلي عم يطمن ع هجرس طلعت لبرا ردت لين بتعب ظاهر ع صوتا: الو علي: كيفك لين بأرهاق: الحمدلله علي: ليش ما اجيتي مبارح ع الجامعة؟ لين بدموع: هجرس تصاوب و هلئ نحنا بالمستشفى علي بصدمة: شووو؟ و كبفو هلئ لين: الحمدلله مبارح صحي من الغيبوبة و هلئ الدكتور عندو عم يطمن عليه علي: بأنو مستشفى انتو؟ لين: مستشفى(، ) علي: يالله جاي.
بنفس اللحظة طلعت شغف و رانية ع الطابق يلي فيه الدكتور رانية وقفت ممرض رانية: لو سمحت يا ابني الممرض: نعم خالة رانبة: ممكن تقلي وين بلاقي الدكتور عامر الممرض عم يأشرها ع لين: شايفي خالة هديك البنت يلي واقفة عم تحكي ع التليفون رانية: اي شايفتا الممرض: الغرفة الجنبة هونيك بيكون الدكتور رانية: شكرا راحت رانية وشغف ع الغرفة يلي دلن عليها الممرض خلصت لين من المكالمة دارت ظهرها لحتى تدخل بتشوف شغف.
رواية الانتقام من بعد الحب للكاتبة سدرة أمونة الفصل الثالث عشر
لين بأستغراب: شغف؟ شغف بصدمة: لين؟ شو عم تعملي هون لين: انا يلي بدي اسئلك، انتي شو عم تعملي هون؟ شغف بتعب: اجيت لعند الدكتور مشان النزيف يلي عم ينزل من انفي و فمي لين بقلق: خير انشالله شغف: انتي شو عم تعملي هون؟ لين بدموع: اخي مبارح تصاوب و جابو لهون شغف قربت مسحت دموعها: خلص لا تبكي الله يقومو بالسلامة لين بربع ابتسامة: الله يسلمك.
شغف بتذكير: اوبسي نسيت ما عرفك ع ماما، <اشرت ع امها>امي<اشرت ع لين> لين بتكون رفيقتي بالجامعة لين مدت ايدها لحتى تسلم عليها و رانية عملت نفس الشي لين بأبتسامة: تشرفنا رانية بادلتها الابتسامة: ربنا يخليكي لين: وانا هلئ بدي عرفك ع اهلي تعي سحبت ايد شغف و دخلتها ع الغرفة هي و رانية لين اشرت ع امها امي اشرت ع ابوها بابا اشرت ع جواد جواد خطيبي اشرت ع هجرس هجرس اخي اشرت ع شغف شغف بتكون رفيقتي بالجامعة.
شغف بأبتسامة: تشرفت صفاء: انتي شغف؟ شقد لين حكتلي عنك و الله شتهيت شوفك قد ما بتحكيلي عن ادبك و احترامك و حشمتك شغف حمرو خدودها من الخجل: تسلمي صفاء غمزتها: قالتلي حلوي بس ما توقعت بهالجمال كلو شغف هون خدودها صارو دم من كتر الخجل: كلك ذوق، عيونك الحلوين لين قربت ع رانية: و خالة بتكون امها ل شغف.
صفاء قربت لعندها و بادلو السلام هون هجرس كان عم يحكي مع الدكتور مو منتبه بعد ما خلص اطلع ع شغف و شافها بغايت الجمال.
و تلاقت الاعين بلقاء الاول شغف حمرو خدودها من نظرات هجرس لين انتبهت ع اخوها نكشت جواد و اشرتلو بعيونا ع هجرس يلي عيونو ما نشالت عن شغف من وقت ما نتبه عليها جواد بهمس: اهاا وهاي الاخ وقع شكلو لين بأبتسامة: انشالله يارب تطلع من نصيبو شغف وجهت كلامها للدكتور عامر: دكتور هلئ الدكتور يلي بدك تحولني عليه بيطول شي دكتور عامر: لأ هوي هون رح نزلك لعندو رانية: مو ع قلبو شر، الحمدلله ع السلامة مرة تانية.
صفاء: الله يسلمك يارب، علوا لو لتقينا بغير مكان و ظروف رانية بأبتسامة: رب صدفة خيرمن الف ميعاد، يالله منستأذن نحنا لين وجهت حكيها لشغف: بس تخلصي تصلي فيني ل انزل اطمن عليكي شغف بربع ابتسامة: انشالله هون هجرس انتبه انو في ع خدها غمازة يلي زينت جمالها جمال هجرس بينو وبين نفسو: ولي ع قلبي انا شوحلوي لأ ولسه الغمازة ويلييييي شغف طلعتو من تفكيرو: الحمدلله ع السلامة هجرس بدون وعي: انتي السلام ل قلبي.
شغف ما سمعتو: شو؟ هجرس رجع لوعيو وابتسملها: الله يسلمك شغف اكتفت بأبتسامة ناعمة و ساحرة.
نزلت شغف وامها و الدكتور لعند الدكتور الاشعة، وصلو ع غرفتو بس ما شافوه دكتور عامر: انا رح دور عليه خليكن هون رانية: ماشي راح دكتور عامر لحتى يدور ع الدكتور الاشعة شافو و هوي و جاي ناحية غرفتو د. عامر: لك وينك؟ رحت ع غرفتك ما شفتك؟ د. جورج بقلق: خير في شي؟ د. عامر: لك جبتلك البنت يلي حكيتلك عنا مبارح مشان تعملا صورة شعاعية د. جورج: انت شاكك بشي؟ د. عامر: شاكك بس، هالشي مو اختصاصي د. جورج: و بشو شاكك؟
د. عامر بحزن: شاكك في ورم بالمخ د. جورج بقلق: يا عدرة، هلئ انا بروح و بكشف عليها راح جورج هوي و عامر لحتى يشوفو شو قصتها وصلو ع الغرفة شاف جورج شغف قاعدي و بأيدها القرآن عم تقرأ د. جورج بأبتسامة: مرحبا وقفت رانية: اهلا شغف سكرت المصحف بهدوء و حطتو بالشنطة وقفت احتراماً: اهلا جورج فتح الباب الغرفة و اشر بأيدو يدخلو: تفضلو دخلو لجوا الغرفة، راح ورا مكتبو حط الاوراق يلي بأيدو و رجع قعد مقابيلن.
د. عامر: هاد دكتور جورج من اشطر الدكاترا، هوي رح يعمل الصورة رانية وجهت كلامها ل عامر بخوف: دكتور فيها شي يعني لحتى بدك تعملها صورة د. عامر بهدوء: لأ انشالله بس بدنا نشوف شو السبب النزيف مو اكتر رانية فزعت كتير قلبها مو مطمن ع بنتا، شغف قاعدة و عم تسمعهن بهدوء تام د. جورج وجه كلامو لشغف: انسة... شغف بأبتسامة: شغف د. جورج بأبتسامة: انسة شغف ممكن تجاوبيني ع الأسئلة يلي بدي اسئلك اياها شغف: طبعاً، تفضل.
د. جورج: ممكن تقوليلي من ايمت وانت عم يصير معك نزيف؟ شغف: يعني صرلي شي۵شهور د. جورج: طب بتنزفي كتير؟قصدي باليوم بالاسبوع هيك شي؟ شغف: قبل ال۵شهور يلي مضو كنت كل شهر انزف مرة بس ال۵المضو تقريباً باليوم انزف مرتين و تلاتا و خصوصاً بهاليومين د. جورج: عندك نسيان، يعني بتنسي وما بقى بتتذكري شي؟ شغف: اي بنسى د. جورج: وحتى الشغلات المهمة؟ شغف: اي احياناً بنسى د. جورج: مو كل الاوقات؟ شغف: لأ احياناً مو ع طول.
د. جورج: تمام وهلئ بدي اسئلك اخر سؤال. بيوجعك راسك شي؟وجع ما بتغضر تتحملي خالص؟ شغف: اي د. جورج: تمام هلئ خلصنا من الاسئلة و رح اخدك ع الاشعة صورك، جاهزي شغف بقلق خفتو بالقوى: جاهزة.
راحت شغف و جورج ع الغرفة المخصصة للأشعة وضلت رانيةوعامر قاعدين بغرفة جورج.
هجرس بعد ما راحت شغف من عندو حس احساس غريب اول مرة بيحس فيه بس ما عم يعرف شو هوي، قاعد وشارد بأبتسامة يلي تركتلو اياها قبل ما تروح لين عم تراقبو من دون ما حدا يحس عليها و ما مصدقة يلي شايفتو لين بينا وبين نفسها: والله يا هجرس و قعت و ما حدا سمى عليك، بس معقول هجرس يلي مدوخ البنات، يدوخ من اول لقاء، والله ما مصدقة حالي هلئ هاد هجرس اخي، لعمى لين بخبث: ماما شو رأيك بشغف.
هون هجرس نتبه ع اسمها وقعد يسمع بأهتمام لين كتمت ضحكتها صفاء: والله كتير حبابة هي و امها و حبيتن والله، بس نطلع من المستشفى انشالله بدي روح اعملن زيارة لين بأبتسامة: انشالله ندق الباب قامت لين فتحتو لين: هلا وسهلا، تفضل علي دخل لجوا: كيفكن هجرس: علووش علي قرب لعندو وتبادلو السلام: لك قال متصاوب وكنت بالغيبوبة وعم تموت هجرس: اي والله علي: بس شايفك متل القرد ما فيك شي هجرس بغيظ: قرد بعينك.
علي بضحك: الحمدلله اطمنت عليك ما فيك شي فكرت الاصابة مأثرة هجرس ضحك معو: لأ اطمن، لكم بالمرصاد علي قعد جنب صفاء و باس راسها: كيفك يا صفصوف صفاء مثلت الزعل: من الله منيحة علي غمزها: ومن العبد صفاء: ما منيحة.
علي: له ليش، مين مزعلك لحتى اخفي عن وجه الارض انتي بس قولي هجرس: اي قوم حبيبي علي: لوين؟ هجرس بضحك: ما انت عم تقول يلي مزعلك بدي اخفي عن وجه الارض علي: اي و شوفيه كلامي هجرس بغيظ: ما انت يلي مزعلها علي بصدمة: اناا؟ صح ام الصوص صفاء هزت راسها: اي علي: ييي شو ساويت لحتى زعلان القمر لين: لاني صرلا شهر ما شافتك.
علي باسها من خدها: والله معك حق بس و ربي ما عم افضى، ليش انتي بتعرفي وقت بكون فاضي بجي، خلص اخر مرة صفاء بحب: والله بعرف يا عمري، خلص مسامحتك علي باس ايدها: الله لا يحرمني منك هجرس وجه كلامو ل صفاء: لك انتي كيف بتخليه يبوسك هاا صفاء رفعت حاجبها: اي واذا ابن اختي هجرس بضيق: بعرف ما انتي فاتحة سبيل مين ما اجا بيبوسك صفاء بغضب: مين بيبوسني ولااا.
هجرس ببلاهة: انا، صهرك المصون وحرمو، ابن اختك، والحصة الاكبر للكبير و هوي ادهم، كل هدول مو عاجبك، ولا ولسه بكرا لحتى اتزوج انا تجي حرمي المصون و تبوسك، بتكمل صفاء بفرحة: عنجد بدك تتزوج هجرس بغيظ: شو بدي ضل طول عمري اعزب جواد صفر بتمو: الله يسمعنا الاخبار الطيبة لين غمزتو: مين هي يلي حاطت عينك عليها هجرس بتهرب: بكرا بقلك بس لا تظبط ادهم همس لصفاء: ولله شكلي عرفتا صفاء بهمس: مين؟
ادهم بأبتسامة: بس اتأكد بقلك.
عند محمود دق لميرنا و رهف مكالمة فديو ع وتس اب بعد ما عملو كروب ع وتس مشان يحكو كلن محمود: هلئ خلو علاقتكن معها متل الاول مشان ماحدا يشك فيكن رهف: من عندي لا تاكل هم ميرنا بخوف: وبلكي نكشفنا والله خايفة انا رهف بغيظ: يا لطيف شو جبانة محمود بحب: لا تاكلي هم ما حدا رح يكشفنا ميرنا بقلق: انشالله.
عند شغف عملت الصورة الشعاعية و راحت لعند امها قعدة بخوف و قلق ممتلك قلبها بس متوكلة ع ربها اجا دكتور جورج بعد ما طلعت الصورة و عرف شو معها، وما عم يعرف كيف بدن يقلن رانية بخوف: شو طمنا دكتور د. جورج سكت لحتى يرتب الجملة: هلئ في سؤال الاول بدي اسئلو قبل ايه شي رانية بترقب: تفضل د. جورج وجه كلامو لشغف: هلئ انتي اكلي وقعة من زمان شي؟
شغف عم تفكر اذا اكلي وقعة من بين تفكيرها تذكرت: اي، وقت كان عمري ١٢ سنة د. جورج: تمام، كنت متوقع شغف بترقب: بشو؟ د. جورج بروتين: هلئ وقت اخدوكي ع المستشفى مشان يخيطولك الجرح ما منظفيلك الجرح كويس من الدم الفاسد فخيطولك اياه بدون ما ينظفو منيح، وهالدم يلي ضل مع مرور الوقت و الزمن تشكلت كتلة صغيرة جداً هي السبب يلي عم تخليكي تنزفي رانية بفزع: كتلة؟
د. جورج بتأكيد: اي، بس لو اجيتو ابكر من هيك كنا ما حتجنا للجراحة شغف بصدمة: جراحة؟ د. جورج بيطمنها: هي جراحة كتير بسيطة رانية صارت تبكي قعدت جنبها شغف لحتى تهديها، طلع د. جورج برا الغرفة لحقو د. عامر د. عامر مسكو من ايدو: جورج، الكتلة خبيثة شي د. جورج بقلق: الرب اعلم، بس اعتقد...
رواية الانتقام من بعد الحب
