رواية الانتقام من بعد الحب للكاتبة سدرة أمونة الفصل الثامن
لين راحت ع محلها قعدت و اطلعت ع جنبها اتفاجئت لين بأستغراب: انتي شغف بأبتسامة: اي شايفي الصدفة لين مدت أيدها و صافحتها و شغف عملت نفس الشي لين: انا لين شغف: تشرفنا، وانا شغف لين: تسلمي، شايفي الصدفة شغف بضحكة خفيفة: اي والله لو منعرف بعض ما كنا التقينا مرة تانية لين ضحكت معها: اي والله.
محمود طلع من البيت ركب بالسيارة و ساق بجنون طلع التليفون و عمل اتصال محمود بغضب: وينك انتي ميرنا: انا بالجامعة محمود: تعي ع الكفتريا(، ) و بسرعةةة ميرنا بقلق: في شي محمود محمود بعياط: عم بقلك تعي و بسسس ميرنا جفلت من صوتو و غضبو: طب ساعة و بكون عندك محمود بحدة: لا هلئ بدك تجي معك ۵ داقائق بس ميرنا بخوف: طب جاي سكر التليفون و كمل طريقو بغل و شر عم يطاير من عيونو.
اللوا صالح: و هيك منكون حاصرناهن هجرس بتفكير: بس بعتقد في طريقة اسهل اللوا صالح بترقب: شو هوي هجرس قعد يفكر كتير و يتئمل بالخرائط بعد تفكير طويل وصل لحل هجرس بفرحة: لقيتو اللوا صالح بأبتسامة: شو هيي؟ هجرس قعد يشرحلن شو هي الطريقة السهلة هجرس: و هيك بندخل و ما حدا بيحس علينا جواد: بس فيها مخاطرة أسر: فعلاً و كتيررر كمان مو بس شوي رفيف بحماس: بس مغامرة حلوة أسيل بنفس الحماس: اي والله، يا صديقتي الصدوقة.
عمر بغيظ: انتو رايحين سيران ولا مهمة سكتو سكتو احسن باسم رفع حاجبو: ما هلئ كنتو عم تتقاتلو! رفيف بضحك: ما بيقلك المثل تقاتلت الام و بنتا فكرو الهبلان صحيح، اصلاً نحنا ع قد ما منحب بعض ع قد ما منتقاتل أسيل ضحكت معها: تم قصف بنجاح اللوا صالح: خلصتو مناقرة؟ رفيف بضحك: اي خلصنا مو هيك سوس أسيل غمزتها: هيك و نص رورتي اللوا صالح: لكن هلئ كل واحد بيروح ع غرفتو و المسا منضبضب الغراض يلي بدنا نا خدها.
وهني و طالعين من غرفة اللوا صالح وقفن هجرس هجرس: شو رأيكن نعملو لصالح مفاجأة الكل وافق ع الفكرة، أسر: اي بس شو هي المفاجأة هحرس بتفكير: ما بعرف بس انو نعمل مفاجأة أسل: رفيف انتي بتعرفي خالك شو بيحب رفيف تذكرت: لك اليوم عيد ميلادو عمر: اجت بوقتها منعملو عيد ميلاد باسم: اي و منجيب كاتو و هيك شغلات جواد: لكن يالله الكل هلئ يروح ع غرفتو يجهز شو بدو ياخد ع المهمة مشان اذا تأخرنا نكون ضابين الغراض.
هجرس: اي وبقول انا لصاحب الفندق يجهزلنا كلشي ع ١٠ المسا كل واحد راح ع غرفتو لحتى يجهزو الغراض و يكونو الساعة ١٠ المسا جاهزين.
شغف ولين خلصو من المحاضرة و هني و طالغين من الباب القاعة شغف: شو رأيك اعزمك ع فنجان قهوة لين بأبتسامة: اوكي راحت لين و شغف ع الكفترية طلبو فنجانين قهوة، شغف اطلعت ع ايدها شافت لابسة محبس شغف اشرت بعيونا ع ايدها: مخطوبة؟ لين بأبتسامة: اي و انتي شغف اخدت نفس عميق بس بهدوء و طلعتو بنفس الهدوءء: كنت لين باعتذار: بعتذر انو ذكرتك شغف بضحك: اليوم فسختها يعني ما لحقت انسى لين بأستغراب: انتي؟
شغف سكت شوي: اي انا لين: ايوااا يالله، الله يبعتلك احسن منو شغف رفعت ايديها: لا ما بدي كفاها الله لين: اووووف وليش بقى قعدت شغف حكتلا ل لين كيف انفصلت عن محمود بس ما بتعرف شو السبب يلي خلاها تحكي... لين بحزن: يييي سلامت قلبك شغف بأبتسامة: الله يسلمك، وانتي قوليلي كيف شفتي خطيبك أبتسمت لين أبتسامة كلها حب وقت تذكرت جواد و صارت تحكيلا لشغف كيف شافها جواد و حبها و خطبها شغف غمزتلها: ياعيين ع الحب.
لين ضحكت ضحكة خفيفة: بتعرفي كتيررر حبيتك صح ما صرلي بعرفك غير من ساعتين بس حاسة بعرفك من سنتين شغف بأبتسامة حب: و الله وانا كمان من وقت ما شفتك و انتي دبتي ع قلبي متل السكرة لين: خلص نحنا من اليوم، لأ وليش من اليوم من هلئ و رايح اخوي شغف: والنعم من هيك اخت والله قضو القعدة كلها ضحك و حكي بس في حدا عم يراقبهن و مافي حدا موجود غير رهف و توعد لشغف تدمرلها حياتها كلها.
ميرنا بعد ما تصل فيها محمود راحت لعندو ركيض و صلت شافتو معصب كتيررر ميرنا بتوتر: مرحبا محمود بعياط: ليشش متأخرة ميرنا: والله زحمة تأخرت ع الطريق، شبك ليش معصب كتير و عم تقاتل دبان و جهك محمود بغضب: شغف اجت اليوم الصبح ع البيت دقت الباب فتحتلا رمتلي المحبس بوجهي و قالتلي ما بدي اياك و اذا بتدايقني او بتحكي معي يا ويلككك ميرنا بفرحة: عنجددد محمود اطلع فيها: شبك ليش كل هالشي فرحانة.
ميرنا بأرتباك: هاا، لا ما فرحت محمود طلع بعيونها: ميرنا لا تكذبي علي شو قصتك ميرنا بجرائة: محمود بصراحة انا بحبك محمود نصدم بكلامها و جرئتها: من أيمت ميرنا بحزن: من زمااان كتير من وقت ما شفتك دخلت ع قلبي و حبيتك اي حبيتك حبيت صوتك عيونك عصبيتك ضحكتك كلشي فيك حبيتو محمود: طب ليش ما عترفتيلي من وقت ما حبيتيني.
ميرنا بدموع: اليوم يلي قررت اعترف اني بحبك اجت الصبح شغف و خبرتني انو المسا خطبتها و انت العريس ضليت اسبوع كامل لا اكل و لا اشرب، و قررت دمرها لاني هيي يلي دمرتني و قهرتني و خلتني نام بكيانة محمود: طب مسحي دموعك مافيي شوفك وانتي عم تبكي ميرنا مسحكت دموعها بأبتسامة: عنجد محمود بأبتسامة رايقة: اي، وهلئ وجعنا واحد لازم نحط ايدنا بأيدين بعض و نخلص منو موافقة ميرنا هزت راسها: اي موافقة.
محمود: بكرا منلتقى و من خطت ميرنا بأبتسامة: ماشي.
المسا الساعة ١٠ الكل اجتمع بغرفة هجرس جواد: وهلئ كيف بدنا نزلو؟ هجرس بأبتسامة عريضة: خلوها عندي أسر: اي يعني كيف؟ عمر: قلنا ولو كلمة وحدة هجرس: هلئ رح تنزلو تحت انتو و انا رح روح ع غرفتو نزلو و انزل و دقلكن ع التليفون انو انا رح وصل و انتو هون بطفو الأضوية و بتستنو لحتى اسعل بتفرقعو بوجهو البالونة و بتشغلو الأضوية باسم بضحك: وليييي والله لحتى هوي يفرقعنا أسيل: بس ما ينجلط من البالونة.
هجرس: لك خلص خلونا ع البالونة و اذا بصرلو شي حبسيني انا منيح هيك رفيف بغرور: طيب موافقة نزلو الكل ع الجنينة تعيت الفندق جنب المسبح رفيف بأنبهار: واووووو كتيرر حلو أسيل: اي فعلا و حتى المسبح والاضوية الملونة بتجنن مدير الفندق: اهلا وسهلا باسم: كلشي جاهز مدير الفندق: ع اكمل و جه أسر: ما بدنا ولا غلطة مدير الفندق بعملية: لأ ولو لا تاكل هم كلشي محضر و ع طلبكن انا بستأذن جواد: تفضل فينك تروح.
عند هجرس دق ع باب الغرفة فتح صالح الباب هجرس بأبتسامة: شو عم يساوي الحلو اللو صالح برق: الله يعطينا خيرك هجرس غمزو بعينو: شبو القمر صالح برق أكتر قرب عليه و حط ايدو ع جبينو بطريقة كوميديا: والله وانا عم بقول شبو الوالد طلع مرتفعة حرارتو هجرس بغيظ: بتعرف الحق علي انو عم حكيك حكي حلو صالح بضحك: اي هااا هاد هجرس يلي بعرفو هلئ صرت طبيعي اول كنت مو ع طبيعتك هجرس ضحك بغيظ: اي يالله امشي معي.
صالح بترقب: لوين؟ هجرس بمكر: مو محل صالح بأستغراب: لكن ليش بدك تاخدني اذا مو ع محل! هجرس بخبث: عازمك ع فنجان قهوة صالح: اي هلئ منوصي و منشربها هون هجرس بفاذ الصبر: خلصص ولوووو البس لحتى ننزل نشرب قهوة صالح بأرهاق: مو حابب اطلع برا الغرفة هجرس بتهديد: معك دقيقة اذا ما لبست بفوت انا بلبسك هااا صالح بضحك: لا بفوت بلبس انا، قال انت قال هجرس ضحك معو: رح عد لكن صالح فات ع الغرفة لحتى يلبس و هجرس بلش بالعد.
هجرس: واحد، اثنين، ثلاثة، اربعة، خمسة، ستة، سبعة، ثمنية، تسعة، عش صالح قاطعو: خلص خلصت هجرس بأبتسامة: شطور ع الوقت، يالله.
و هني و مستنايين الاسانسير دقلن لحتى يجهزو فتح الاسانسير و نزلو، و فعلاً وقت شافو الرنة من هجرس طفو الاضاءة وصل الاسانسير وصلو ع باب الجنينة وقف و صار هجرس يسعل: اح اح اح اح اح اح صاالح بخوف: بسم الله عليك هجرس: اح اح اح اح صالح بقلق: لك شبك، رايح جبلك مي هجرس كتم ضحكتو: اح اح لا مافي داعي اح اح صالح: لكن ليش عم تسعل هجرس: لأ مافي شي بس دشردقت صالح بعدم اقتناع: اممممم يالله خلينا ندخل.
هجرس بصوت عالي: ياللللللللله دخل من الباب يلي بيطل ع الجنينة و فعلاً كان عتم كتيرر ولا كأنو حدا موجود صالح بأستغراب: ليش مطفية الاضوية هو... قطع كلامو فرقعت البالونة ع وجهو يلي فزع منها هون اشتغلت الاضوية و ظهرت الأضوية الملونة باللون الاحمر الاصفر الاخضر الازرق و الورود يلي فايشة ع وجه المي كان المنظر حلوووو كتيررر.
رفيف قربت عليه و باستو: كل سنة وانت سالم خالوو حبيبي أسيل قربت كمان و سلمت عليه: كل سنة وانت سالم عمر باس راسو: غقبال المية يارب باسم عمل متل عمر باس راسو: كل سنة وانت منور حياتنا أسر كمان عمل نفسن: كل سنة وعيونك ما تشوف الا الفرح جواد كمان عمل نفس الحركة: كل سنة وانت بصحة و عافية و ما تشوف شر ربي.
صالح غرغرت الدمعة بعيونو ع المفاجأة يلي عملولو اياه ما كان متوقع هجرس قرب عليه باس ايدو و راسو: كل سنة و انت سالم هون صالح ما حس ع الدموعو يلي خانتو و نزلت ما بيعرف هاي دمعت فرح او حزن هجرس مسحلو دمعتو يلي نزلت من عيونو ع خدودو صالح بحزن: زمااان ما حدا عملي هيك مفاجأة الكل حس بالحزن يلي جوا قلبو و زعلو كلن عليه هجرس بمزح ليفك الجو: دي يالله ابو الول قطعنا الكاتو قلبي الصغير لا يتحمل.
صالح ابتسم غصب عنو، قطع الكاتو و الكل كان مبسوط الا هجرس يلي كل ما طلع بالساعة يعصو قلبو صالح ملاحظ عليه مو ع طبيعتو قرب عليه صالح بترقب: شبك هجرس بأبتسامة مصطنعة: مافي شي صالح بأصرار: لا أي في شي هجرس بهتت ابتسامتو...
رواية الانتقام من بعد الحب للكاتبة سدرة أمونة الفصل التاسع
هجرس بهتت ابتسامتو و اخد نفس عميق كتيررر: مافي شي بس تعبان شوي صالح بتفهم: ماشي روح نام بلكي بترتاح شوي هجرس هز راسو ب أي و طلع ع غرفتو بأرهاق و تعب ظاهر تسطح ع التخت و راح نايم...
اجت من الغرفتها دخلت ع الصالون شافتها سهرانة قعدت جنبها و حسمت امرها لازم تحكيلا شو صار معها الصبح بدا تحكي وقفت رانية لتروح ع غرفتها شغف: ماما وين رايحة؟ رانية بتغب: بدي روح نام شغف بتردد: خليكي شوي بدي احكي معك بموضوع راتية بتعب: خليها لبكرا لاني كتيرر تعباني شغف بمحايلة: طب خليكي سهري معي شوي رانية أطلعت ع الساعة: صارت الساعة ١١ قومي انتي نامي كمان شغف: ما جاييني نوم رانية: تصطفلي تصبحي ع خير.
شغف: وانتي من اهلو.
لين مسكت التليفون و دقت ل علي يلي رد عليها بسرعة لين: هاي علي: هلا وغلا لين بعتذار: بعتذر اذا فيقتك علي بهدوء: لأ ما نمت لسه لين بتردد: بدي اطلب منك طلب علي بسرعة: تفضلي لين: ممكن اخد رقم شغف علي بأستغراب: ليش شو بدك منا لين: ما بدي منها شي بس اليوم قعدنا نص النهار اي حبيتا و حابي تصير رفيقتي مو اكتر علي بأبتسامة: ايوااا والله الرقم ما عندي بس بجبلك اياه تكرمي لين بأبتسامة: الله يكرمك.
علي: لكن فصلي هلئ و انا بدقلك بعد ۵ دقائق رن تليفون لين علي بأبتسامة: طولت؟ لين: تؤ ما طولت علي: كتبي الرقم ٠٩كتبتي لين: اي كتبتو عذبتك معي علي: ولو غذابك راحة في شي تاني لين: لا سلامتك علي: سلمي ع خالتي كتيررر و جوز خالتي لين: بيوصل و انت سلم ع مرتك علي: بيوصل باي لين: باي.
قاعدي شغف بملل عم تتصفح ع الفيس و هي عم تتصفح رن تليفونها اطلعت شافتو رقم غريب ستغربت مين هاد يلي بدو يدقلا بهالوقت ردت ع الاتصال: الو لين بأبتسامة: مسالخير يا حلو شغف بذهول: مسالنور مين معي لين بصدمة: شو مين معك ما عرفتيني.
شغف اكدت ع الصوت منيح هي سمعانتو بس ما عم تعرف مين من بين تفكيرها تذكرت لمين هالصوت شغف بفرحة: لين؟ لين ضحكت ضحكة خفيفة: Oie حلوة المفاجأة شغف بأبتسامة: كتيررر قعدت لين و شغف يحكو و يضحكوو، و ما حسو بالوقت يلي مر لين اطلعت ع الساعة: ييي صارت ١ شغف: بتعرفي ما حسيت بالوقت لين: وانا كمان شغف تذكرت: لك صحيح من وين جبتي رقمي لين بهدوء: اتصلت بعلي و جبتو شغف بذهول: مين علي.
لين بارهاق: بكرا بقلك مين هوي هلئ بدي روح نام لاني فرطت شغف بتعب: اي والله معك حق خلص بكرا منكمل حديثنا بالجامعة تصبحي ع خير لولو باي لين بأبتسامة: وانتي و من اهلو شغوفي باي.
اشرقت الشمس بيوم جديد بأحداث جديدة بمغامرة و متاعب بفرح و حزن.
فاقت ميرنا ع صوت التليفون ردت بصوت نايم: الو مين رهف بغيظ: مين يعني شبح هاي انا رهف ميرنا بنوم: مين رهف رهف بغضب: ميرناااا صحصحي ميرنا بغضب: شو بدككككك من عند الصبح رهف بنفاذ الصبر: بدي شوفك ميرنا بسرعة: خلص تعي لعندي ع البيت باي رهف: ماشي باي.
ندق الباب راحت رانية فتحت فردوس: صباح الخير رانية: صباح الفل، تفضلي فردوس و هي وداخلي: شو كني شغف لسه نايمة رانية: اي والله فردوس بأبتسامة: لكن روحي فيقيها بدي اشرب معها فنجان قهوة صرلي زماان ما قعدت معها و حكينا ع الناس راينة بضحكة خفيفة: اي ياللله رايحة فيقها و ضلو احكو ع الناس لتشبعو دخلت رانية ع غرفة شغف صارت تفيقها بحنية رانية بصوت ضعيف: ماما شغوفي شغف بنوم: اي امي.
راينة: قومي حبيبتي اجت لعنا فردوس حابي تشرب فنجان قهوة معك شغف نهضت حالها و قعدة ع الفرشة باست خدها: صباح الخبر رانية بحب: لك يا صباح الخيرات و اليرات. يالله ماما قومي غسلي وجهك و تعي ع الصالون انا سابقتك ماشي شغف بأبتسامة صغيرة: يالله لاحقتك راحت ع الحمام غسلت وجها و فرشة اسنانها و طلعت ع الصالون شغف: صباحوو يا حلو فردوس بأبتسامة: يا صباح الفل و الياسمين شغف بخفة دم: كيفك فوف.
رانية بحدة: ولك شغف عيب تقوليلا هيك فردوس بضحكة مكتومة: انتي قعدي ع جنب انا وهي ما في بيناتنا ألقاب شغف رفعت اديها بكوميديا: شفتي ما ألي دخل رانية بضحك: اي قومي عملي قهوة شغف و هي و رايحة عالمطبخ: راجعتلك فردوس بضحك: الله يسعدها ربي رانية بأبتسامة: آمين.
ضربت اشعت الشمس ع عيونو انزعج منها حط مخدة ع وجهو يلي حلت بينو و بين الضوء رن تليفونو اطلع بالتليفون بغيظ و رد هجرس بغيظ: اممم نعممم جواد رفع حاجبو: شو امم نعممم قوم نزال مستناينك تحت هجرس نفخ: اوفف لك خلوني لسه شوي نايم اللوا صالح اخد التليفون من ايد جواد اللو صالح بغضبك: ياا زفتت و ينك هجرس: بالغرفة اللوا صالح بحدة: نزاااال فوراااااً هجرس حس في شي بالموضوع: يالله نازل لبس تيابو بسرعة و نزل.
هجرس بترقب: خير شوفي باسم: هاي اجا هجرس قلنا شوفي اللوا صالح بغضب: لغينا المهمة الكل حكا بصدمة: شووو اللوا صالح بضيق: متل ما سمعتو جواد بترفب: ليش اللوا صالح: مابعرف علمي علمك هجرس قاعد و ساكت ما حكى ولا كلمة أسر: و العمل اللوا صالح: بدنا نرجع هجرس بغموض: ما رح نرجع عمر بترقب: شو رح تعمل؟ هجرس بتحدي: رح نهجم الكل قال بصوت واحد: شووو جواد بخوف: بس هني لغوها هجرس بغضب: وانا ما رح الغيها.
باسم: لك انت قد التحدي مع الاكبر منك هجرس بعند: يا انا يا هني و يلي خايف ما يروح صالح قاعد و عم يتسمع علين ما حكى ولا كلمة عمر وجه حكيو لصالح: لك حكيلك شي كلمة مع هالمجنون صالح وقف مشي خطوتين قرب ع هجرس حط ايدو بأيد هجرس و بتحدي: انا معك باسم وجه حكيو ل عمر بغيظ: لو ما قلتلو يدخل ما احسن عمر بغيظ: قال يعني احسن هوي رفيف بأندفاع: لو سمحت لا تحكي ع خالو هيك.
قربت رفيف لعند صالح و هجرس تحت نظرات عمر وقفت جنب صالح و مسكت ايدو: انا معك ع الموت خالو باسم: ليك ع هاي عاملتلي البطلة الخارقة أسيل بغضب: انتو ما رح يطلع بأيدكن شي لأني جُبناااا و عملت نفس الشي أسيل تحت ذهول باسم وقفت جنب رفيف مسكت ايدها: وانا معكن كمان عمر ضحك بعيظ: يعني مرتك احسن جواد و أسر قربو ع هجرس.
جواد غمزو بعينو: انا معك ع الموت ياروح أسر بصدق: وانا معك ع اخر نفس يا رفيق الدرب هجرس اطلع بعمر و باسم يلي واقفين مو مصدقين شو صار عمر بينو و بين نفسو: احسن شي انضم معن و الله ما نايبني من باسم غير البهدلة قرب عليهن و حكى بصوت عالي: وانا معكن يا ابطال ابتسمت رفيف ع زوجها المستقبلي يلي ما رضي يترك رفقاتو بهيك ظروف باسم بغيظ: يعني ما ضل بالميدان غير حديدان، وانا كمان معكن امري ل الله.
هجرس بأبتسامة نصر: لك من الاول تعا ما احسن من هالموقف يلي نحطيت فيه باسم بتحذير: بس اذا صار شي المسؤلية عليك هجرس رفع حاجبو بغيظ: اطمن انا رح اتحمل المسؤلية يااا جباان باسم بغيظ: خلي يقولو جبان ولا يقولو الله يرحمو كان شجاع، شو بستفاد انا بالشجاعة اذا متت هااا فهمني هجرس بضحك: اقنعتني يا رجل الكل ضحك ضحكة قوية رنت بالفندق رن اللوا صالح بجدية: يالله ياشباب الليلة ليلتنا لازم نخلص من هالكابوس.
هجرس بنفس الجدية: اكيد و مارح اطلع منها الا يا منتصر يا محمل ما رح اقبل غير هيك جواد بخوف: بعيد الشر عنك يا حيوان هحرس بمزح: شكراً للكلام الرائع جواد بضحك: لا شكر ع واجب اللوا صالح: يالله ياشباب كل واحد ع غرفتو و يجهز حالو المسا منلتقى بلليل بغرفتي الكل راح ع غرفتو لحتى يجهزو حالن للهجوم و تخلص من الكابوس.
عند شغف دخلت القهوة و دخلت شغف بأبتسامة: وهاي احلى قهوة لأحلى فوفو بالعالم فردوس: ايدين ما منعدمها انشالله شغف لأمها: تفضلي ماما رانية اخدت القهوة اطلعت ع ايدها ما شافت المحبس: شغف وين محبسك اطلعت ع الارض و سكتت بخوف من رد فعل امها رانية بقلق: احكي لك امي وينو شغف سكتت شوي لحتى ترتب جملتها: ماما انا تركت محمود فردوس و رانية حكو مع بغض بصدمة: شوو.
رانية بغضب: لك انتي شو عم تقولي! وليش ما قلتيلي؟ وليش مخباي عليي؟ فردوس: لك خليها البنت تحكي شبك رانية كل هالأسلة، احكي حبيبتي...
ببيت ميرنا ميرنا بذهول: انتي شو عم تقولي رهف رهف بغضب: متل ما قلتلك بدي دمرهل لشغف ميرنا بغيظ: مو عأساس رفيقتك من الروح للروح رهف بعياط: لك اناا كنت عم اتقرب منها لجتى دمرها لا رفيقتي ولا بطيخ ميرنا بفضول: طيب شو السبب لحتى بدك تدمريها؟ رهف بدموع: مرة حبيت واحد لحد الجنون و هي كانت ع علم انو بحبو انا.
اقنعتني روح صارحو بحبي و فعلا رحت صارحتو بس تفاجئت انو هوي بحبها لا الها و قلي انتي مين بدو يطلع عليكي... هون سكتت رهف وما قدرت تكمل و صارت تشهق من كتر البكي ميرنا بزعل: بس خلص ولو قطعتي قلبي رهف مسحت دموعها و الشر عم يتطاير من عيونها: هي دمرتني هي خلت ايامي كلها سودا هي يلي زرعت الحقد و الكراهية.
رن تليفون ميرنا بأسم محمود ردت فوراً عليه محمود: كيفو القمر ميرنا بخجل: هلا الحمدلله انت كيفك محمود بحب: مشتاق ميرنا سكتت من كتر الخجل هوي عرفها خجلت محمود بأبتسامة: شو ليش سكتي ميرنا: ------ محمود: طيب انا مستنيكي بالجنينة(، ) بكرا ميرنا بالقوة لحتى غضرت تطلع صوتها: ماشي رهف عم تراقبها بأستغراب فصلت التليفون و حضنتو و شردت رهف: مين كان ع التليفون؟
ميرنا ما سمعانتا وهي بالعالم تاني غير هالعالم نحرتها رهف فزعت ميرنا ميرنا بغضب: وجعع رهف: صرلي ساعة عم احكي معك وانتي مو هون مين كان ع التليفون ميرنا بشرود: احلى شب بالعالم رهف غمزتها: مين هوي ميرنا سكتت لحتى تحسم امرها بتقلها ولا لأ بتدخلها بالخطة يلي عم يرسموها لموت شغف ولأ...
رواية الانتقام من بعد الحب للكاتبة سدرة أمونة الفصل العاشر
ميرنا سكتت لحتى تحسم امرها بتقلا ولا لأ، بتدخلا بالخطة يلي عم يرسموها لموت شغف ولا لأ، بتقلا انو محمود بدو ينتقم من شغف، بس عم تتراجع خوفاً من محمود من بين صرعات طويلة بالاخر حسمت امرها، و قررت تاخد رئيو لمحمود بتشوف اذا بيوافق ولا لأ، مشان ما تدخل بالحرب الها اول و ما الها أخر.
رهف ملاحظة ع وجها عم يتقلب من الخوف للتوتر للارتباك، و كان الصمت سيد المكان لحتى اجت رهف و قطعتو بصوت هادء: ميرنا في شي ميرنا بتوتر: هاا لأ ما في شي رهف بنرقب: لكن ليش ساكتة بعد المكالمة ميرنا بأرتباك: بدي روح ع الحمام جاييتك راحت ميرنا ع الحمام و اخدت تليفونا يلي حاطتو بجيب البيجمة تحت استغراب رهف.
عند شغف بعد ما حكتلا لا امها و فردوس كلشي عصبت كتيرر رانية لانو مو قالتلا شغف بدموع: ماما يعني ما بدك بنتك ترتاح رانية بعياط: لك ليشش ما قلتيلي شغف بصوت مهزوز من البكي: ماما انا كنت بدي قلك مبارح بس انتي ما... رانية قاطعتها بغضب حارق: بعد شو بعد يلي ضرب ضرب و يلي هرب هرب هااا شغف صارت تتشهشق من كتر البكي حضنتا فردوس وصارت تمسدلها ع شعرها لحتى تهديها و رانية تركتا وراحت ع غرفتها.
شغف نهارت من كتر البكي فردوس بهدوء: خلص حبيبتي هلئ معصبي لاني مو قلتيلا شغف رفعت راسها و بصوت مدموج ببكي: والله كنت بدي قلها بس هي ما عطتني فرصة فردوس بعتاب: بس بعد شو يا شغف بعد ما يلي صار صار يعني هي معصبي منك لاني ما قلتيلا شغف رجعت حضنتها و صار تبكي بزيادة فردوس رفعتلا راسها و مسحت دموعها بحنية.
فردوس بأبتسامة صافية: خلص يا قلبي لا بقى تبكي و هلئ شوي و بتروحي بتصالحي امك و هي اكيد رح تسامحك، بس بدي اطلب منك طلب لا بقى تعملي شي بدون علم امك شغف هديت شوي هزت راسها ب أي فردوس: انا لازم روح ماشي انتبهي ع حالك شغف برجاء: خليكي لسه شوي فردوس بربع ابتسامة: خلص هلئ بس تهدا شوي امك فوتي صالحيها هي ماعصبت و عيطت مشان محمود هي عصبت اكتر شي ليش ما قلتيلا.
شغف بصدق: خلص و الله ما بقى بعمل شي بدون علمها و ربي فردوس: خلص مصدقتك (وقف لحتى تروح ع البيت) يالله سلام شغف: الله معك.
هجرس و هوي عم يجهز الاسلحة المطلوبة رن تليفونو اطلع شاف رقم غريب بس هوي عارفو منيح كتيرر المتصل: كنت بعرف ما رح تقبل تلغي المهمة هجرس بهدوء: شو بدك هلئ المتصل ب شر: بدي ياك هجرس بأبتسامة: وانا جاييك المتصل بضحكة شريرة: اي وانا ناطرك و محضرلك مفاجأة كتيرر رح تعجبك يااا سيادت المقدم.
هجرس بخبث: وانا كمان محضرلك مفاجأة، بس بتعرف انا مفاجأتي احلى من مفاجأتك ياااااا**** بتعرف ما بدي قول اسمك مشان مانجث حالي لاني الاسم لحالو نجث فمبالك صاحبو المتصل بغضب: انت تعديت حدودك هااا هجرس بأبتسامة: اناا لأ بالعكس حدودي كتيررر بعرفها بس للأسف بعض البشر ما بيعرفوها المتصل بحدة: رح نقطعلك حدودك و الليلة هجرس بأستفزاز: اي منشوف مين رح يقطع حدود التاني المتصل بثقة: أكيد انا رح قطعها.
هجرس بعدم التصديق: ع كل حال بلليل منحسم الامر المتصل: وانا بالأنتظار هجرس بمسخرة: تشاوو يااا بول بول بحدة: شميت ريحة مسخرة هجرس بضحك: لأ وانت الصادق ريحة نجث فصل التليفون بوجهو قبل ما يرد عليه بول رمى التليفون ع التخت بطريقة عشوائية و كمل ضب مسلتزمات المهمة.
بالمقر المخصصة للمافية بول بعد ما فصل هجرس بوجهو عصب كتير قام من ورا المكتب نزل ع القبو يلي تحت المقر و أمر واحد من رجالو يفتحلو اياه، دخل لجوا بغل و شر عم يطاير من عيونو محمد بأبتسامة عريضة: شكلك كنت عم تحكي مع هجرس بول لكمو بوجهو، محمد بغضب: فكني لحتى فرجيك قيمتك.
بول قعد ع الكرسة مقابيلو و حط اجر فوق اجر و ولع سيجارة و امر رجالو يعذبوه قرب لعندو اول واحد حامل بأيدو خيزرانة و صار يضرب فيه وين عم تنزل ما بيعرف قرب لعندو ثاني واحد وبأيدو صدمات الكهربا حط وحدة بأيدو الأيمن و حدة ابأيدو الأيسر وبعد ما خلص منن كبس الزر التشغيل و حطها ع عيار ١١٠فولت.
قرب لعندو الثالث هون محمد كان منتهي صار بعالم تاني فك الجنازر و قربو ع برميل المي نزل راسو بالمي وضل بدون اوكسجين دقيقتين طلعلو راسو هون امر بول بأنهاء تعذيبو قرب لعندو سحب سحبة من السيجارة و نفخها بوجهو هون محمد ما غضر يتقبل هالإهانة رفع رجلو و دفشو لبول وقع هون عصب كتيررر قام و لكمو بوجهو و طفى السيجارة بجسم محمد محمد بغضب: بوعدك اني رجعلك اياهن.
بول ضحك بصوتو كلو: هاهاهاهاههها قلتلي بدك ترجعلي اياهن سكت بول و حكى بنبرة شبه فحيح الافعى: يلي معتمد عليهن رح يجو، كم ساعة بتكونو كلكن تحت التراب محمد بترقب: شو رح تعمل؟ بول بأبتسامة شر: كل خير طلع برا الغرفة يلي فيها محمد و توجه ع مكتبو.
محمود رن تليفونو شاف رقم ميرنا رد بسرعة محمود بحب: يسعدوووو ربي ميرنا حمرو خدودة من كتر الخجل: كيفك محمود: مشتاق والله ميرنا دابت من الخجل: محمود: ليش ساكت الحلو ميرنا تذكرت: محمود بدي قلك شغلة فاضي محمود بغزل: اذا ما كنت فاضي بفضي حالي كرمالك، أمري ميرنا حكتلو ع رهف و اذا بدخلها بالخطة ولا لأ محمود عم يسمعها و الأبتسامة عم تزيد وقت عرف شقد بتكرها محمود بهدوء: اي قوليلا ميرنا: ايمت بدنا نلتقى؟
محمود: خليها لبكرا اليوم ما فاضي ميرنا: اي تمام محمود بأنهاء المكالمة: انا عندي شغل هلئ بعدين بحكي معك تمام ميرنا بحب: اي ماشي دير بالك ع حالك محمود: انشالله يالله سلام ميرنا: الله معك.
ميرنا سكرت التليفون و راحت ع الغرفة و قالتلا ل رهف كلشي بس رهف ما ستغربت لاحظت عليها ميرنا انو هي ما ستغربت ميرنا أستغراب: ليش ما ستغربتي! رهف و هي عم تشرب اخر شفة من القهوة: بشو بدي استغرب؟ ميرنا: انو بدو محمود ينتقم منها رهف بعد اهتمام: اي واذا بتستاهل ميرنا بترقب: ليش شو عرفك.
رهف غمزتها: ولووو انا رهف، يا ستي مشان ما تشغلي بالك، ماما بتعرف طنط هند بيكون رفقات، اي و وقت صار بعمو ياسر الله يرحمو هيك، و محمود خطب شغف، عرفت انو بدو ينتقم.
ميرنا بذهول: يخرببيت عقلك، والله عمو جوجل ما حلل هيك رهف بغرور: مشان تعرفي مين مصاحبة ميرنا بغيظ: انا يلي بعرف رهف بأبتسامة: هلئ خلينا بالمفيد بكرا بجي لعندك و منروح ميرنا: اي تمام و انا بدقلك قبل ب وقت الميعاد رهف وقفت لحتى تروح: اتفقنا، يالله صار لازم روح ميرنا: خليكي ولي لسه الساعة ۵ رهف: لازم روح اذن المغرب ميرنا رفعت حاجبها: اي واذا ما كل نهار بيأذن.
رهف: بدن يجو لعنا بيت خالتي بعد المغرب يالله باي ميرنا: باي.
عند شغف سمعت آذان المغرب راحت توضأت و صلت بعد ما خلصت راحت ع غرفة امها دقت الباب رانية بنبرة جارحة: شو بدك شغف بحزن: اذن المغرب قومي صلي رانية بحدة: ما الك علاقة ان صليت و لا لأ شغف صارت تبكي بالصمت و ندمت ليش ما خبرت امها انو بدا تساوي هيك شغف بصوت مهزوز: ماما معليش ادخل.
رانية حست انو بنتا عم تبكي بالصمت و عرفت انو ندمانة عم تفكر تصالحها ولا تخليها كم يوم لحتى تتعلم ما ببقى تساوي شي من دون علما قطع تفكيرا صوت شغف بدموع: ماما فيكي شي ليش ما عم تردي عليي رانية: دخلي دخلت شغف ع الغرفة و مباشر رمت حالها بحضنا و صارت تبكي هون رانية صارت تبكي معها شغف بتشهشق: ماما مشان الله سامحيني ما بقى بعيدة رانية بدموع: مسامحتك يا امي شغف مسحت دموع امها: الله يموتني متل ما زعلتك.
رانية قلبها نتفض من محلو ضمتها بسرعة: بعيد الشر عنك يا قلبي انشالله لعدوينك ربي، لا بقى تدعي هيك ع حالك شغف ابتسمت ابتسامة صغيرة: ماما نيميني بحضنك رانية بحنية: بس لصلي المغرب شغف هزت راسها و رانية راحت توضأت و صلت المغرب و رجعت ع التخت رانية بأستغراب: شو عم تعملي شغف بأبتسامة صافية: طفيت التليفون مشان ما حدا يزعجني تسطحت رانية ع التخت و شغف بحضنها و راحو نايمين.
المسا الساعة ١٢ منتصف الليل تحديدا بغرفة اللوا صالح تجمعو الكل اللوا صالح بجدية: جاهزين؟ الكل بصوت واحد: جاهزين هجرس رن تليفونو شاف اسم ابوه ابتسم : ثواني بس رد ع المكالمة طلع برا الغرفة مشان يحكي براحتو ادهم بحب: كيفك هجرس: الحمدلله، انت كيفك كيفا امي و لين ادهم: الحمدلله الكل بخير، كيفن الشباب عندك هجرس: الحمدلله الكل بخير ادهم بحزن: ايمت طالعين؟ هجرس: هلئ طالعين انشللله، بس مين قلك؟
ادهم رفع حاجبو: بدو مين يقلي ع عقل ابني هجرس بضحكة مكتومة: ابصر لمين طالع ادهم بصوت مهزوز: دير بالك ع حالك هني شالو ايدن منها، يعني اذا صار شي هني ما رح يبعتو دعم هجرس بضيق: تركها لربك و دعيلنا ادهم خانتو الدمعة: الله يحرسكن من كل شر هجرس حس ع ابوه عم يبكي: ادهووومي أدهم مثل الغضب: ما بدك تبطل تقلي ادهوومي، لعمى والله انا ابوك هجرس بمرح: ما بقلولك اذا كبر ابوك خاوي ادهم برق: ابوووك هجرس ببلاهة: قصدي امك.
ادهم برق اكتر: ااامك هجرس نفخ: قصدي اختك ادهم ضحك غصب عنو: وك ركز يا زفتت هجرس ضحك معو: لك من اول قلي اياها ما بتعرف اذا انعبطت بشغلة ما بترجعني غير كلمة ياززفت، لك صحيح ليش من وقت ما خلقت بتقلي يا زفت؟ ادهم بتفكير: ما بعرف! هجرس: انا بقلك ادهم بغيظ: تفضل اتحفني هجرس بضحكة مكتومة: لأني وقت و لدت كانت البلدية عم تزفت الطريق، فجيت انا و الزفت سوا لهيك بتقلي يا هجرس يا زفت ادهم ضحك ضحكة قوية: تضرب ما أبيخك.
هجرس بأبتسامة: بابا انا لازم سكر، دعيلي ادهم: الله يكون معك يا قلبي انت هجرس بصوت مهزوز: سلم ع امي و بوسلي اياها و قلا راجع وهوي بيحبك و بوسلي لين كمان و قلا انو انا بحبها كتير وانت دير بالك ع حالك و رفاع راسك فيني ادهم بدموع ما غضر يمنعها: ترجع بسلامة هجرس بأنهاء المكالمة: يالله بدي روح سلام ادهم: الله معك هجرس سكر التليفون مسح دموعو يلي نزلت لحالها و دخل ع الغرفة.
الكل نزل ركبو السيارات و تجهو ع المقر لحسم الأمر...
رواية الانتقام من بعد الحب
