رواية الانتقام من بعد الحب للكاتبة سدرة أمونة الفصل الخامس
طلع ادهم و هجرس من المكتب و نزلو لعند اللوا صالح يلي مستني تحت، اللوا صالح تفاجئ بأدهم يلي منظرو بقطع القلب من كتر ما تعبان و الارهاق بايين عليه... اللوا صالح قرب عليه و حضنو... اللوا صالح بصوت مهزوز: انا اسف، انو اخدت منك المهمة و مجموعتك، بس انت بتعرف اكتر واحد شقد كنت مستني هالفرصة مو مشان المهنة، وانت بتعرف هالشي، انا الي بتار عندن و اجا الوقت يلي اخدو.
اللوا ادهم حاول يبتسم بس فشل: صالح انا مو زعلان ع هيك لا و حياة الله وانا لو بدي اطلع كنت ما رضيت انو تاخدها انا يلي قلتلن عطوها لاالك، وانا اكتر حدا بعرف ليش و من شان شو لهيك عطيتك مجموعتي و المهمة، بس مابعرف ليش قلبي مو مطمن ع هجرس... اللوا صالح : لا تخاف ما رح يصير غير يلي كاتبو ربك، و اصلا هجرس مشالله ما بينخاف عليه هوي قدها للمهمة اللوا ادهم بصوت مهزوز: انشالله يارب.
هجرس من بعيد عم يراقبن و بمهارة فهم شو عم يحكو من تحريك شفايفن قرب عليهن هجرس عدل ياقة قميصو بغرور: اي لكن انا ابنو للوا ادهم ادهم ضحك غصب عنو و صالح كمان ضحك اللوا صالح بغيظ: وليش كل هالشي مغرور متل الطاووس هجرس بضحك: والله يا سيادة اللوا انا بس حدا مدح فيي بنغر ما بعرف ليش غريزي الله حطها فيي اللوا صالح برق: غريزي؟ هحرس و هوي عم يضحك هز راسو قرب ع ابو باس راسو و ايدو.
هجرس: لا تخاف علي انا قدها و رح ارجع انشالله اللوا ادهم: الله يرجعك سالم يارب هجرس سند ايدو ع كتفو بكوميديا: ما بقولولك فرخ البط عوام ادهم برق: انا بط؟ هجرس هز راسو و هوي و عم يضحك. ادهم بغيظ: يازفتت انا بط هجرس وهوي عم يتغالظ عليه: اي، اي ادهم برق اكتر، و هجرس ببلاهة: اصلا بحب كتيرر البط انا و خصوصا وقت بيكونو محشيين برز، يم يم يم لذيذة ادهم ضحك ضحكة قويةة هوي و هجرس نفس النغمة.
اللوا صالح: يالله هجرس دوبنا نوصل هجرس بحزن: يالله مشي خطوتين و رجع ع حضن ابوه و كأنو اخر حضن نزلت الدمعة من عينو مسحها فورا مشان ما يشوفو ابوه بس ادهم حس فيه ضمو اكتر و اكتر و بيتمنى يدخلو لجوا و ما يطلعو... اللوا صالح متابعن من بعيد نزلت دمعتو ع المشهد يلي صار قدامو شافتو رفيف قربت عليه مسحتلو دمعتو يلي ما حس عليها كيف نزلت رفيف بحنية: خالو حبيبي لا تنقهر انت لازم تكون مبسوط هلئ رح تاخد بتارك.
اللوا صالح بوجع: اااخ يا خالو والله دم العالم كلها ما بتشفي غليلي رفيف غمزتو: شو رأيك نزتلهن فتيشة اللوا صالح بتفكير: فتيشة رفيف بضحكة خفيفة: اي تراا معي وحدة اللوا صالح عجبتو الفكرة و ضحك: اي ليش لا. بلكي منفك هالجو شوي، تعي معي صالح قرب عليهن شوي شوي و معو رفيف و هجرس و ادهم مو منتبهين عليهن بس باقيين شايفينن عمر راح و راهن و جواد و باسم و اسر و اسيل لحقو... عمر بهمس: شو بدكن تعملو.. رفيف بهمس: هووووس.
عمر ضحك و غمزها: ليكون، يلي ببالي رفيف ضحك بالسكت: اي اي جواد: لعمى هلئ هجرس بساويكي رفرف الكل ضحك، عمر: هاتي انا بحطها مشان ما يرفرفك بعدين بكرا بالعرس من وين بدي جيب وحدة ما بلحق رفيف ضربتو ع رقبو بخفة: ما بتلحق قلتلي يعني مو انك خايف علي عمر غمزها: يمووو زعلت القطة لك انا روحي بتروح معك يا روح اللوا صالح بغيظ: وك يالله يا زفتت هلئ وقت غزلك تضرب انت و غزلك.
عمر اخد الفتيشة و زتها و فرقعت بين جريات هجرس...
شغف حست حالها تعبت راحت ع التخت تسطحت و راحت نايمي، بس فاقت مرعوبة ع صوت رهف يلي صاحت بدانها شغف برعب: بسم الله الرحمن الرحيم رهف بضحك: صرلي شقد عم فيق فيكي و انتي مو حاسسي قلت بصيح بدانك شغف ضربتها بخفة ع راسها: و جع يقطع عمرك هيك العالم بتفيق وضريب رهف بغيظ: تضربي انتي و يلي بيجي لعندك هيك انتي بتستقبلي ضيوفك... شغف: والله اذا كانو سئلا متلك اي رهف: اي اي قومي نقعود ع البلكونة الجو بجننن.
شغف بضحك: عم بقول شو صايرلها للبنت طلعت جانة بالجووو رهف: هاهاها ما اخف دمك، ولك قوومي شغف: تكة بس لحط ع راسي طلعت شغف و رهف ع البلكونة و صارو يحكو و يضحكو فجأة شغف تبخرت ضحكتها وقت شافت محمود تذكرت كيف اجا ع البيت و ضربها و تذكرت تفاصيل المنام نزلو دموعها من عيونها بغزارة اطلعت رهف عليها و مستغربة ليش عم تبكي رهف بأستغراب: شغف شغف شبك!
شغف ما سمعتا، ضلت تطلع ب محمود يلي وجهو عم ينقط سمم ضلت تطلع فيه لحتى دخل ع البيت رهف بأستغراب عم يزيد: لك شغف احكي بقى شغف انتبهت: هاا شو قلتي رهف بغيظ: و كمان ما سمعانتيني عم بقول شبك ليش صرتي تبكي وقت شفتي محمود؟ شغف نزلو دموعها اكتر: محمود ضربني الصبح.. رهف بصدمة: محمود! شغف هزت راسها أي، رهف بترقب: اي ليش ضربك؟ شو السبب؟ شغف اخدت نفس عميق كتيرررر...
هجرس رتعب من الصوت يلي خلاه يدفش ابوه ع الارض لحتى ينبطح، و هوي كمان انبطح ع الارض و حط دياتو فوق راسو الكل ضحك ع منظرو هون عرف انو كانت فتيشة قام نفض تيابو و ساعد ابو يلي كان كسرو من الدفشة هجرس بغضب: مين عمل هيك هااا الكل فاقعة ضحكة و حتى يلي بالشارع صار يضحك هجرس بعياط: وك احكوووو، ماحدا رح يحكي ع كل حال ••••يلي عمل هيك الكل رفع دياتو ما عدا اللوا صالح طلع فيه.
هجرس بترقب: هاد انت اللوا صالح مثل الغضب: اي نعم، صحيح شو قلت ••• يلي عمل هيك هجرس برق: انااااا لا ما قلت هيك••••قلت هيك •••• < ملاحظة: انتو عبو الفراغ ههههه مافيي عبيه انا بخجل ما رح طول عليكن> اللوا صالح ضحك بغيظ: قال يعني صححتا هجرس بضحك: اي لكن اللوا صالح عمل حالو عم يتف عليه: تفووو.
عليك، يالله ولاه ع السيارات ( طلع بهجرس) وانت حسابك بس نرجع قلتلي •••• هجرس فارط قلبو من الضحك: لا موو هيك •••هيك ••• الكل ضحك ضحكة قويةة ع الجو يلي قلب من الحزن و وداع على ضحك و مزح طلعو بالسيارات و تجهو ع المكان يلي فيه المقدم محمد و المافيا.
شغف حكتلا لرهف شو صار و شو القصة رهف بذهول: لعمى، شقد حية هالمرت العم يلي عندك شغف بحزن: شايفي ع هالحظ يلي الي رهف بخبث: بتعرفي لو كنت بدالك كنت تركتو.
شغف مسحت دموعها بسرعة: اتركووو؟ بس انا بحبو رهف: لك بلا حب بلا بلوط اصلا العلاقة يلي ما فيها احترام ما فيها حب رهف شافت شغف شاردة و عرفت انو حطت ايدها ع الجرح فداست اكتر: اذا هلئ عم يضرب بكرا شو مخلي لبعد الزواج؟ يالله انا صار لازم روح شغف انتبهت: قاعدين رهف: والله تأخرت يالله باي شغف: باي بعد ما راحت رهف قعدت شغف تفكر بكلامها منيح و هي من بين تفكيرها اخدت قرار... شغف بتفكير: وهاد يلي بدو يصير...
رواية الانتقام من بعد الحب للكاتبة سدرة أمونة الفصل السادس
شغف بعد ما راحت من عندها رهف قعدة و فكرت كتيرر من بين تفكيرها اخدت قرار... شغف بتفكير: و هاد يلي بدو يصير، الصبح رح اخلص من هالكابوس، بس لازم اعمل استخارة قامت شغف صلت ركعتين استخارة و دعت لربا يخترا الخير خلصت صلاة و نامت...
هجرس: اخخخخخ و اخيرا و صلنا و لي ع قلبي شقد نعسااااااااان يالله انا بدي اطلع ع غرفتي نام تصبحو ع خير اللوا صالح مسك ايدو: وين رايح يا قلبي انت هجرس: بدي اطلع ناام اللوا صالح ببلاهة: شو ما سمعتك هجرس قرب ع دانو و صاح اكتر ما يحكي: بدددددي اطللللع نااااام اللوا صالح بغيظ فرك ادنو يلي صاح فيها: يخرببببيتك ع هالصوت.
هجرس: اي انت ما كنت سمعاني انا شو الي ذنب هااا، بس الحق عليي يلي سمعتك منيح ( اخر كلمة قالها و هوي قرب ع دانو و بصوت عالي) اللوا صالح بغيظ: يقطع عمر الساعة يلي قلتلو ل ابوك خلي هجرس يروح معي.
جواد: هلئ بدك تخلينا نطلع ولا لاء؟ اللوا صالح: لا لازم نروح و نكشف ع المكان هجرس بغيظ: يعني ما فينك تخليها لبكرا شوف صارت الساعة ٢ بلليل اسر بتعب: اي ولو خليها لبكرا اصلا تأخر الوقت اللوا صالح بأصرار: لا هلئ يالله طلعو ع السيارات هجرس بمحاولة أخيرة: طيب بك.. قاطعو اللوا صالح بحدة: ع السيارات بسرعة يالله عمر بهمس: والله اذا بتتجمع امة لا أله الا الله ما بيساوي غير يلي ببالو.
هجرس همس بغيظ: بعرف بعرف ما حدا بدو يقلي عنو اللوا صالح رفع حاجبو: شو عم تحكو؟ عم تحكو علي بعرف.
الكل سكت ما حدا فتح تمو بحرف و احد اللوا صالح: يالله هلئ خلينا نروح و نرجع عبكير يالله هجرس و اسر و جواد و باسم ركبو بسيارة و أسيل و رفيف و عمر و اللوا صالح ركبو بسيارة تانية وصلو ع المكان يلي فيها المافيا وقفو ع تلا صغيرة بيقدرو يشوفو و ما ينشافو كل واحد راح ع جهة معينة و فحصو المكان و بمهارة قدرو يكشوفو و يعرفو مداخلهاا و مخارجها و بعد ما خلصو الكل تجمع بمحل ما تفرقو.
باسم: الحراسة كتيرر مشددة شكلن هون حاطين محمد اسر: اي يمكن لاني بين الواحد و الواحد في واحد لهيك بدل ع هالشي جواد: و يمكن كمان رأيسن يكون هون كمان هالشي بدل ع هيك عمر: والله خطرة الفوتة لجوا يلي بفوت مفقود و بيطلع مولود أسيل: شو وينو هجرس جواد بأستغراب: ليش لسه ما اجا رفيف: لا لسه، لك ليكون حسو عليه و مسكو جواد بغضب: تمك فارة و لا هالبشارة أسيل: ليكو اجااا اللوا صالح بقلق: ليش تأخرت.
هجرس: كنت عم شوف اذا فينا ندخل الكل بصوت واحد: اي اللوا صالح بترقب: و شو طلع معك؟ هجرس: فيه مبنا جنب المقر و تقريباً ما فييو كتير حراس يعني كم واحد فينا نتسلل من هاد المبنا طبعاً بعد قتل الحراس.
أسر: و كيف بقى بدنا نتسلل؟ هجرس جاب عصاية و رسم بالارض المقر و المبنا و شرحلن كيف بدن يدخلو باسم بذهول: يخربببيت افكارك يا زلمة شو هالخطة اللوا صالح: والله جبتا يا هجرس أسيل كملت: اي فعلاً هاد انسب حل لاني المكان كلو محاصر رفيف كملت كلام أسيل: اي و كمان بجهت المبنا يلي عم يحكي عليها هجرس فييو كم واحد يعني بيروحو بثانية اللوا صالح: يالله هلئ خلونا نروح نرتاح و الصبح منشوف كيف بدنا ندخل.
الكل طلع بالسيارة و راحو ع الفندق يلي حجزو فيه، و صلو عليه و كل واحد راح ع غرفتو لينامو.
عند محمود رن تليفون اطلع فيه شاف اسم ميرنا استغرب ليش عم تتصل و استغرب اكتر وقت شاف شقد الساعة رد بسرعة محمود بفزع ظاهر: فيكي شي ؟ ميرنا استغربت ع صوتو: لا مافيي شي محمود بغضب: لكن، ليش عم تتصلي؟ ميرنا بغيظ: حدا بيقول لحدا ليش عم تتصلي، بتعرف الحق عليي، خلص ما بقى بدي احكي معك روح (عملت حالها بدا تسكر) باي محمود بسرعة: تكة، اسف، بس قلبي كان رح ينطب من الفزع عليكي فكرت في شي.
ميرنا بابتسامة: لا مافي شي و انت خيالك كتيرر واسع ليش هيك ع العموم شفتك اون لاين عرفت انو سهران فقلت بدق مكالمة و منحكي محمود: ليش انتي مو نايمة؟ ميرنا سكتت شوي: ما بعرف ما اجاني نوم محمود: و من شو! ميرنا بتوتر: مابعرف بسس انوو ما اجاني نوم محمود: بس هيك و لا في شي تاني؟ ميرنا بضحكة خفيفة: بصرحة ما بعرف اممم ممكن اطلب منك طلب محمود بسرعة: اي تفضلي ميرنا بتردد: ممكن، تكملي قصة ابوك.
محمود سكت كتير: اي تكرمي و رجع لذكرياتو او جروحو و تذكر شو صار.
Flash baak ( اخدو ياسر ع القسم و صارو يحققو بالقضية المقدم: ليش قتلتو ياسر حكالن كلشي وما نقص حرف و احد عليهن ياسر بصدق: والله يا سيادة المقدم هيك صار المقدم: وليش ما اجيت شتكيت عليه، والله اذا كل واحد بدو ياخد حقو متلك بعتقد او الاحرة متأكد مارح يضل حدا، شو مافي قانون ياسر ما فتح تمو بحرف، المقدم شاف الندامة بعيونو ع هالشي يلي ساوا المقدم: بس قلي شو استفدت بهالشي؟ ياسر ضل ع ما هوي، المقدم: رح نحولك.
ع النيابة العامة و هنيك القاضي رح يحكوم عليك و انشالله خير نادة المقدم العسكري لحتى يجو ياخدو ياسر و ينزلو ع الحبس و فعلاً اجا العسكري نزلو ع الحبس و قفل الباب عليه وقت انقفل الباب ياسر انهار و صار يتذكر كيف بلحظة صار قاتل كان الحق معو و بثانية صار الحق عليه.
تاني يوم الصبح حولو ياسر ع النيابة العامة شافتو هند و معها محمود لياسر كيف مكلبشين دياتو صارت تقتل ع حالها و تبكي بالشارع ياسر طلع فيها و نزلو دمعو بحرقة و ندامة الكل دخل ع القاعة، القاضي اعطى امر للعسكري يدخل المتهم، دخل ياسر ع القاعة و شاف الشماتة بعيون نص العالم.
القاضي استدعا الشهود و السوء الحظ من بين هالشهود خال شغف، نص شهد انو هوي يلي قتل و نص التاني انو مو يلي قتل لاني ما شافو بعيونن، اجا دور خال شغف بالشهادة القاضي: عباس خليل الطويل هل تشهد ان ياسر محمود المحمد هو قاتل وليد احمد العراف عباس: نعم انا اشهد ان هو القاتل القاضي: هل كُنت حاضر عباس: نعم ياسر بالدفاع: بسس انا وقت قتلتو ما كان في حدا القاعة كلها ضجت و الكل صار يحكي.
القاضي خبط بالمطرقة لحتى يسكتو.
القاضي: هدووووووء تفضل قول كيف شفتو عباس: يا سيادة القاضي انا و قت شفت ياسر كان داخل ع وليد الله يرحمو فقلت لشوف شو القصة صرلو شقد عم يتردد عليه فرحت و بعد ما دخل راقبتن من برا و وقت شفتو دبحو ركضت و خبرت الشرطة القاضي: بتحلف يمين عباس حط ايدو ع القرآن: . اقسم بالله الغظيم ان هو القاتل القاضي بعد لحظات: حكمت المحكمة ع المدعي ياسر محمود المحمد بعد الادلة و الشهود، بالاعدام شنقاً حتى الموت ) baak.
محمود بحزن: هاد كلشي صار، ولحظي الهوا خالى لشغف مات موت ربو و ما غضرت اخد حقي منو وانا حلفت يمين لدمر شغف متل ما دمرتني لاني هي يلي دلتن ع البيت و خالها شهد ضد ابي ميرنا بدموع: الله يرحمو، انا اسفي انو ذكرتك محمود ضحك ضحكة كلها وجع: عادي ليش انا عم انساه، اسف بس صار لازم سكر صارات ٣ بالليل و بدي فيق بكير، تصبحي ع خير ميرنا: وانت بخير.
الصبح فاقت شغف بنشاط اول مرة بعد خطبتها من محمود بتفيق مرتاحة و شبعانة نوم و مافي كوابيس عم تضاردها بنومها طلعت ع حالها بالمراية و صارت تحكي مع حالها: خلص انا بدي اخلص و رب العالمين بعتلي اشارة لو شر كنت كوبست، اي اي كنت كوبست و ما فقت مرتاحة، بس انا فقت مرتاحة كتيررر و نمت نومة اول مرة بنامها بهالعمق و رجعت اطلعت بحالها و صارت تضحك: لعمى رح جن من فرحي، احسن شي قوم اخد دوش.
فاتت ع الحمام اخدت دوش و طلعت لبست تيابها وهي عم تغني غنية يسعدلي هالصباح وانشالله تكون مرتاح يسلملي يلي رايق يلي بعدو فايق شغف بأبتسامة: صباحو يا حلووو رانية بضحك: الله يعطينا خيرك شو فايقة نشيطة اليوم ولأ و عم تغني شو القصة شغف بفرحة: ما بعرف هيك حاسي حالي فرحاني كتيرر اليوم رانية بحب: ربي تضل ايامك كلها فرح و سعادة شغف باست ايدها: يالله انا لازم روح دوبني لحق رانية: لسه في وقت بتلحقي تفطري.
شغف بعجلة: بدي عدي ع رفيقتي لهيك ما بلحق أفطر، يالله باي رانية: الله معك موفقة نزلت شغف من البيت و راحت ع البيت محمود وقفت قدام الباب و اخدت نفس عميق كتير و دقت الباب...
رواية الانتقام من بعد الحب للكاتبة سدرة أمونة الفصل السابع
نزلت شغف من البيت و راحت ع بيت محمود قربت من الباب اخدت نفس عميق كتيررر و دقت الباب اجها صوت محمود عم يقول ياللله جاي، فتح الباب و اتفاجئ فيها محمود بصدمة: شغفف!؟ شغف بقوة غريبة شلحت المحبس من ايدها و زتدو بوجهو شغف بحدة: تفضل هاد خاتمك و ما بقى بدي اياك و اذا بتدايقني او بتحاكيني تاني مرة يا ويلكك.
ما ستنتو ليرد عليها مشت من بين استغرابو و صدمتو و ذهولو و راحت ع الجامعة و هي مرتاحة و مبسوطة من يلي عملتو شغف بفرحة: اوخخخخ هاي اول مرة بعمل الشي الصح وهي و مشيانة صادفت لين يلي وقفتها لين: اذا بتريدي شغف: نعم لين: ممكن اسئلك وين بلاقي الدكتور علي شغف: اي هوي بمكان(، ) لين بأبتسامة: شكراً شغف بأبتسامة: العفو شغف ضلت واقفة محلها بعد ما تركتها لين بس في كان عيون مراقبتن، و هني عيون رهف رهف بفضول: مين هاي؟
شغف قلبة شفتها: ما بعرف رهف رفعت حاجبها: لكن ليش كنت عم تحكي معها شغف: هي اجت سئلتني سؤال و انا جاوبتها و بس رهف: و شو هوي السؤال شغف نفخت: اوفففف خلص بقى رهف رح اتأخر ع المحاضرة، باي شغف راحت و تركت رهف منغاظة و مدايقة منها رهف بحقد: بسيطة يا ست شغف انتي جبتي الوجع و القهر لحالك.
محمود بعد ما تركتو شغف من بين استغرابو و صدمتو و ذهولو و ما عم يستوعب شو صار، هند نشغل بالها راحت وراه شافتو واقف ع الباب و شارد و كأنو ما بهالدنيا قربت عليه و حطت ايدها ع كتفو هوي جفل منها هند بخوف: بسم الله عليك، شو ابني شوفي؟ محمود بصوت تايه: ما بعرف هند بأستغراب: شو ما بتعرف!لكن مين يلي بيعرف!؟ و مين كان ع الباب؟
محمود ساكت ما عم يحكي و كأنو مو سامع شي اطلعت هند ع ايدو شافت المحبس وصار الف سؤال عم يدور بعقلا هند بغضب: وك احكي ليش ساكت؟ ليش المحبس بأيدك؟ و لمين هااد؟ محمود صوت امو خلتو يأكد هالشي مو حلم لأ هالشي حقيقة كان عم يقنع نفسو انو يكون حلم و رح يفيق منو و يكمل انتقامو بس امو بعد ما حكت عرف انو حقيقة فات ع البيت لحقتو هند وهي عم تلح عليه بدها تعرف شو القصة محمود بنفاذ الصبر: اامي شو بدك؟
هند بأصرار: بدي اعرف مين كان ع الباب، و ليش المحبس بأيدك، هاد مو محبس شغف؟ محمود عم يجيب اخر طاقتو: امي خلص بس ارجع بحكيلك هند بعند: لأ ما في طلعة من البيت لحتى تقلي شوفي و الا بغضب عل.. قاطعها محمود: لأ خلص لا تكملي رح احكيلك . و حكالها كلشي صار بينو و بين شغف من وقت ما راح ع بيتن لوقت ما زتتلو المحبس محمود بضيق: هاد كلشي صار.
هند بغضب: و عجهنم يلي تحرقها و بلاها اصلا يصحلها ظفرك و من ناقص انت من الاول ما بتحبها ليش مزعوج كل هالشي؟
محمود بعياط: و لا رح حبها بس لسه ما خلصت انتقامي لسه ما دمرتا، بس انا رح دمرها و رح دمر كلشي بتحبو، انا بفرجيها، الايام جاي و رح تسبتلها مين محمود ياسر المحمد.
هجرس فاق ع صوت الباب الغرفة قام من التخت و هوي عم يدودخ فتح الباب شاف اللوا صالح قدامو، سند راسو ع الباب هجرس بصوت نايم: صباح الخير اللوا صالح: قصدك مسالخير، يالله صحصح و تعا ع غرفتي هجرس و هوي ع النفس الوضعية: ليشش اللوا صالح رفع حاجبو: شو ليش مشان نخطط اليوم و نفذ العملية بكرا شو نسيت! هجرس همس بغيظ: يا فتاح يا عليم خود ع غمم بقاا اللوا صالح برق: شو قلت هجرس ببلاهة: هاا لا ما قلت شي سلامتك.
اللوا صالح لمعة براسو فكرة: يالله لا تتأخر قبل الاكل ما يبرد هجرس صحصح بسرعة: اي يللله لاحقك بس البس اللوا صالح ضحك بغيظ: ما اكبر بطنك هجرس ضحك معو: ليش في شي اطيب من الاكل اللوا صالح: لا و الله مافي راح هجرس و اللوا صالح ع غرفتو و جمع المجموعة طلبو غدا و تغدو اللوا صالح: الحمدلله دايمة شباب الكل حكا بنفس اللحظة: صحة هجرس: ااخخ الحمدلله أسيل بضحك: شبك ليش حاسك طالع من المعركة.
باسم ضحك معا: ما شايفي ع كرشو كيف صار أسيل هزت رأسها بضحك: اي اي انا يلي شايفتو هجرس بحدة: باسمم، طلاع من راسي انت و مرتك هااا احسن ما اعمل عليك تمارين كلشي اخدنا بالمعسكر باسم حط ايدو ع تمو: لأ يستر ع عرضك، اهاا هاي سكتنا اللوا صالح: خلصتو أكل؟ الكل: اي خلصنا اللوا صالح بجدية: يالله فضو الطاولة لحتى نشوف كيف بدنا نهجم ع المافيا بكرا.
هجرس بغيظ: والله بعد هالغدا بدا كاسة شاي مو تخطيط، علينا بالحلال عفن قلبنا جواد: اي والله معك حق لك العمر بيخلص و المافيات ما بتخلص أسر: اي و ربي لك يا اخي شقد كترانات مننهي و حدة بتطلعنا مقابيلها عشرة وكل ما بدنا نعمل شغلة بيطلعونا عمر بضيق: لك اخخ كل ما بدنا نحدد موعد العرس بتطلع مهمة باسم بضحك: شكلك رح تختير و انت عم تحدد مو عد العرس رفيف بدفاع: وليشش عم تتمئلس عليه هااا.
أسيل رفعت حاجبها: و ليشش عم تعلي صوتك عليه رفيف: لا تتدخلي انتي خليكي ع جنب باسم وقف: ما بسمحلك تحكي مع مرتي هيك فهمتي عمر وقف مقابيلو: ولك ليش هيك عم تحكي معها هاااا هجرس همس لجواد و أسر: متل الديوك جواد بضحك: ما بيقلولك ديكين ع مزبلة ما بيتفقو أسر ضحك معو: لك شوف ع صالح كيف حاطت ايدو ع خدو ومستني تخلص المعركة البسوس ضحكو ضحكة قوية فرقعت بكل الغرفة اللوا صالح وقف و خبط ع الطاولة و عم السكوت.
اللوا صالح بغضب: افهمنااا كل واحد عم يشد مع مرتو لعمى بضربكن بتقولو جايب و لاد صغار انا، و بعدين حسابكن بس لنخلص من المهمة و يالله هلئ شيلو الغراض و خلونا نكمل، ياللللله الكل تساعد و فضو الطاولة من الغراض الاكل و فرشو الاوراق و الخرأط و بلشو يخططو للهجوم.
لين راحت ع المكان يلي دلتها عليها شغف مشان تلتقى بدكتور علي دقت الباب علي: تفضل لين: مرحبا دكتور علي أبتسم وقت شافها: اهلاً لينوو كيفك لين بأبتسامة: الحمدلله انت كيفك علي: الحمدلله، كيفا خالتي و جوز خالتي و هجرس انشالله بخير لين: الحمدلله الكل بخير، بس خالتك زعلانة منك.
علي: ليش؟ للله لا يجبب الزعل بيناتنا لين بأبتسامة ناعمة: آمين، لاني ما عم تجي لعنا صرنا شهر ما شفناك علي بتعب: والله يا لينوو ما عم افضى و خصوصا بعد ما فتحت الجامعات بتعرفي انا بهالوقت ما بفضى حك راسي لين: يالله الله يعطيك العافية و يقويك يارب علي: تسلمي، صحيح ليش انتي هون في شي لين: تؤ مافي شي بس طلعلي حقوق شو نسيت علي بفرحة: ييي اي والله طلعلك حقوق والله نسيان لا تأخذيني.
لين ضحكت ضحكة خفيفة: عادي ولا يهمك علي غمزها: رح تصيري محامية يا عيني و هاي طلع حدا بالعيلة محامي غير انا لين بضحك: شايف بدي ضارب عليك علي ضحك معها: معليش ضاربي، انو قاعة طلعتلك لين: القاعة(، ) علي بذهول: عنجد لين: اي والله علي بضحك: لعمى هاي انا يلي مسؤل عنها لين برقت: عم تمزح علي ضحك بصوتو كلو: لا والله ما عم امزح لين بفرحة: لسه احسن علي: يالله خلينا نروح لاني رح تبلش المحاضرة.
راحت لين و علي ع القاعة دخلو و قدمها كطالبة مو كبنت خالتو علي بهمس: بعتذر لاني ما قدمتك كبنت خالتي لين بأمتنان: بصراحة انا كنت بدي قلك لا تقول انا بنت خالتك علي رفغ حاجبو: و ليش بقى؟ لين بتوضيح: لاني بحب كون كأيه وحدة موجودة هون ما بحب كون في توصية علي ابتسم ع تواضعها: تفضلي لمحلك راحت لين ع المقعد قعدت اطلعت بجنبها و اتفاجئت لين بأستغراب: انتي.
رواية الانتقام من بعد الحب
