الباب اتفتح ودخل حسان وقرب منها وقعد جنبها وقال .. كان نفسى اخد اللى انا عايزه منك الليله بس يالا خيرها فى غيرها .. ملناش نصيب يا حبيبتى وقرب منها اوى علشان يبوسها .
واول لما عمل كده وقبل ما يبوسها ليل طلعت التمثال اللى كانت مخبياه تحت المخده بسرعه وضربته على راسه وللأسف اول مرة كانت ضربه ضعيفه وحسان اول ما هى عملت كده مسك ايديها وقال.. يا بنت المجنونه عاوزة تضربينى تانى يا ليل وتهربى منى تانى مش كفايه المرة اللى فاتت معرفتش اخد حق ولا باطل معاكى يا بنت عبد الرحمن..
طيب والله ما هاسيبك يا ليل ولو جت على موتى النهارده مش هاسيبك غير لما اشبع منك واشبع من كل حته فيكى برضاكى بقى من غير رضاكى هاشبع منك وللاسف مد ايده بكل شهوة وشد البلوزة اللى كانت لبساها وقطعها وهى بتصرخ باعلى صوتها ان اى حد يلحقها و ينقذها وحاول يبوسها تانى بالعافيه وهى بتحاول تبعده باى طريقه وبتصرخ وبتبعد وشه عنها وهو يحاول اكتر وهى تبعد وهو يصمم ويشدها اكتر ليه وترجع تبعد عنه وتذقه وفى مرة عضته من ايده وهو بيمدها على وشها لدرجه ان أيده جابت دم وهو اتعصب اكتر عليها ونسى نفسه خالص ونسى حتى أيده اللى بتنزف وكل اللى كان شاغله انه يطولها بأى طريقه ويشبع منها..
وكان خلاص هايبوسها بالعافيه غصب عنها سمعوا صرخه عاليه جايه من تحت وحسان استغرب وقال ده تلاقيه الكلب اللى اسمه صابر عجبته الموزة التانيه اللى تحت اللى من غير هدوم دى اهى جابته لنفسها تستاهل .. ويالا احسن خليه ينبسط شويه هو كمان زى ما انا هانبسط دلوقتى بيكى يا قمر .
ليل بصتله بتوسل وقالت .. حرام عليك يا حسان حراااااام هليك و اتقى الله فيا يرضيك حد يعمل كده فى رضوى بنت اختك اللى بتحبها اوى وانتى اللى مربيها .. يرضيك يا حسان .. انت بتحب رضوى ومحمود واستحاله ترضى ان حد يزعلهم بالشكل ده صح يا حسان انطق .. ارجوك سيبنى ابوس ايدك .
حسان اول لما هى جابت سيره رضوى ومحمود ضعف شويه وشكل عقله من ساعه ما شافهم وهما بيموتوا اودام عنيه ومقدرش ينقذهم حصله حاجه .. بس كل ده وهو ماسك ليل من ايديها وخايف انها تجرى وتهرب منه فابتسم وقال .. هما ماتوا خلاص مااااتوا وارتاحوووا وانا مش هاسيبك يا ليل..
انا بحبك وهاموت عليكى حسى بيا بقى وبالنار اللى مشعلله جوايا دى ابوس ايدك وقرب تانى منها وعاوز يبوسها بأى طريقه وهى بتبعده عنها وسمعوا صريخ تحت تانى وليل حاولت تضحك عليه و تشغله بالصريخ ده وقالت .. طيب استنى ..
استنى واصبر كده يا حسان وانا هاعمل اللى انت عاوزه كله بس قولى الاول مين البنت اللى بتصرخ تحت دى ومين اصلا معاها وبيعمل ليه كده فيها .. علشان مش عاوزة هيصه ودوشه حاولينا عاوزة نبقى فى هدوء ومش عاوزين ازعاج ولا انا ولا انت .. قولى بقى مين تحت .
حسان فرح اوى ان ليل بتقوله كده وعوزاه يبقى معاها فى جو هادى واخيرا هاتلين معاه وتعمل اللى هو عاوزه .. فابتسم وقال .. دى البت الملزقه المايعه المايصه اللى اسمها شاهى دى .. جت من شويه وسيبتها تحت مع صابر وتلاقيها عجبته وبيدلعها شويه بطريقته .
ليل اتصدمت اول لما قال اسم شاهى واستغربت هو وصل لها ازاى او عرفها منين ومنين اصلا قدر يوصلها وجت هنا ليه .. فابتسمت وبأستغراب قالت .. شاهى ههههه ايه ده انت تعرفها منين .
حسان جاب اخره وشدها وحاول يبوسها وقال مش وقته الكلام ده بقى خلينا فى اللى احنا فيه انا عاوزك يا ليل عاااوزك . ليل بتزق فيه وبتبعده على اد ما تقدر وكان جسمها كله بيرجف من كتر الخوف والرعب اللى هى شيفاه بس كانت بتحاول تاخده على أد عقله علشان تعرف توقفه عند حده .
صريخ شاهى تحت وصريخ ليل فوق و كانت هاتتجنن مش قادرة عليه خالص وفجاه جالها فكرة وعملت نفسها انها اتخضت واتفاجات لما حد دخل عليهم الاوضه وهما بالمنظر ده وقالت .. مين ده يا حسان اللى دخل علينا وفى اللحظه دى حسان باستغراب التفت على باب الاوضه علشان يشوف مين دخل عليهم وهما فى الوضع ده وليل فى ثانيه قدرت تمسك التمثال ومدت ايديها عليه وفضلت تضرب فى حسان على راسه مرة واتنين وتلاته بعزم ما فيها لحد ما غرق فى دمه .
قامت بسرعه من جنبه لما اتأكدت انه مش بيتحرك وعدلت لبسها وشعرها وحمدت ربنا ودعته انه يكمل ستره عليها ويحفظها وتخرج من هنا بالسلامه . مسكت التمثال فى ايديها تانى ومشيت بشويش على اطراف رجلها وخرجت من الاوضه وهى بتتلفت حواليها يمين وشمال وكانت سامعه صريخ شاهى كله وكان بيرعبها اكتر واكتر بس كانت بتحاول انها تتمالك ونزلت واحده واحده على تحت وهى ماسكه التمثال وشافت الكلب اللى اسمه صابر ده وهو بيحاول يعتدى على شاهى ومقطع لبسها كله فقربت بكل هدوء منه ومنها ورفعت ايديها لفوق بعزم ما فيها من قوة وفجااااا ضربته على راسه كذا ضربه ورا بعض لحد ما راسه جت على صدر شاهى وغرق فى دمه .
وشاهى جالها زى حاله هيستريا بالصريخ اول لما شافت المنظر ده وزقته وبعدت عنه وايديها غرقت دم وفضلت باصه لايديها ولجسمها وهى بتصرخ وتمسح فى وشها اللى كان غرقان كله دم صابر الكلب ده .
ليل رمت التمثال اللى كان فى ايديها وقربت من شاهى وحاولت تهديها وقالت .. شاهى اهدى .. شاهى متخافيش ارجوكى اهدى لازم نمشى من هنا فورا قبل ما حد فيهم يفوق تانى ..شاهى ارجوكى فوقى لازم نخرج من هنا بسرعه . شاهى عماله تصرخ وتبص على ايديها اللى غرقانه فى الدم وعلى جسمها وفجاه وبعزم ما فى ليل مدت ايديها و ضربتها بالقلم على وشها وقالت .. شااااااهى فوقى .
شاهى بطلت صريخ وبصت لى ليل وقالت .. الحيوان .. الحيوان كان عاوز يعتدى عليا. انا .. انااااا اللى استاهل يا ليل ده ذنبك انتى .. انا اللى عرفتهم مكانك علشان يعملوا فيكى اللى كانوا هايعملوه معايا دلوقتى .. انا يا ليل اناااااا السبب .. وانتى اللى انقذتينى من الكلب ده .. ارجوكى سامحينى .. سامحينى يا ليل .
ليل زعلت اوى واتأثرت على الحاله اللى شايفه شاهى فيها ولبسها المقطع وجسمها اللى كان غرقان دم من صابر .. رغم كل اللى شاهى عملته فيها ده بس مهما كان دى بنت زيها بالضبط ومش هايهون عليها يتعمل فيها كده وهى بأيديها انها تساعدها وتنقذها وهى مهما كان بنت تعرف فى الاصول كويس اوى ومتربيه وبنت بلد وعمرها ما هاتنسى وقفه يوسف وجمايله عليها ووقفته جنبها ابدأ وعلشان كده هى ساعدت شاهى . واى حد غريب كان هايعمل كده زيها بالضبط .
ليل قربت من شاهى وحاولت تهديها وتطمنها وقالت .. مش وقته خالص الكلام ده يا شاهى اهم حاجه اننا نخرج ونبعد عن الفيلا دى باسرع وقت .. وسألت شاهى ممكن تلاقى اى لبس فين غير الاوض اللى فوق علشان مش هاتقدر تطلع فوق تانى علشان تجيب اى لبس لشاهى بدل اللبس اللى اتقطع عليها ده..
وشاهى من كتر خوفها ورعبها والحاله اللى هى فيها ودموعها اللى مغرقاها من غير ما تنطق بثت لى ليل وشاورت لها على المطبخ بأيديها ولسه ليل هاتروح وتجيب لها شاهى مسكت فيها من كتر خوفها وقالتلها هاجى معاكى متسبنيش هنا لوحدى ارجوكى فاليل ابتسمت لها وطمنتها وراحوا ودخلوا هما الاتنين بسرعه على المطبخ وشافوا دولاب صغير فى لبس للشغاله وليل راحت وفتحته وطلعت عبايه سودا ولبستها لشاهى علشان تغطى جسمها المكشوف ده وشاهى فعلا لبستها على طول وبسرعه خرجوا من الفيلا ولسه هايمشوا ويركبوا العربيه بتاعه شاهى .
شاهى وقفت فجأه وقالت .. استنى يا ليل شنتطى جوا وفيها مفاتيح العربيه . وكانت بتكلمها وهى جسمها كله بيرجف وليل شايفه كده وصعبت عليها اوى وبصتلها وقالت طيب خليكى انتى هنا جنب العربيه وثوانى هادخل اجبها بسرعه واجى على طول متخافيش .. وشاهى وافقت رغم خوفها .
وفعلا دخلت ليل بسرعه وعيونها بتدور فى كل مكان تشوفه وراحت تدور مكان ما شاهى كانت قاعده لحد ما لقتها ولسه هاتمشى حست بأيد صابر بتمسكها من رجلها فصرخت جامد وزقته بعيد عنها وشاهى كانت بره سمعت صرختها فادخلت بسرعه وشافت صابر وهو بيحاول يقوم من على الارض وجريت وقفت جنب ليل ومسكت فيها بكل رعب وفضلوا يصرخوا هما الاتنين لما شافوا صابر فعلا وقف على رجليه وعيونه بكل انتقام عليهم وبدأ يقرب منهم رغم انه بينزف ودايخ وهما بيبعدوا و بيصرخوا وخايفين يجروا على بره . وفجاه...
عربيات الشرطه كانت قربت توصل لعنوان المزرعه وكانوا ماشين ورا يوسف بعربيته واللى كان سابقهم علشان هو يعرف العنوان بالضبط وكان معاه حسام .. وزين وعمر كانوا مع بعض فى عربيتهم . زين كان سايق زى المجنون كل لما يتخيل ان ليل ممكن يحصل لها حاجه .. وكمان كل لما يفتكر الحيوان ده وهى بيهددها اودام يوسف فى فيلته ولما شالها وهى بتصرخ وبتنطق باسمه هو علشان ينقذها .
طول الطريق بيضرب بكل عصبيه بأيده فى الدركسيون بتاع العربيه وعمر بيهدى فيه واعصابهم هما الاتنين زى الزفت . زين بكل عصبيه بص لاخوه وقال .. هاموووت يا عمر لو ليل حصلها حاجه هاموووت بس قبل ما امووت هاموته الحيوان القذر ده واشرب من دمه .. والكلبه اللى اسمها شاهى دى لو ليها يد فى الموضوع وهى شريكه القذر ده انا هاشرب من دمها سامع يا عمر هاشرب من دمها .
الطريق طويييل اوى اوى وانا زهقت .. اتصل على يوسف خد منه العنوان بالضبط وانا هاسبق بنفسى باقصى سرعه . عمر حاول يهديه شويه وعلى طول اتصل على يوسف وطلب منه العنوان ويوسف بلغه انهم كده دخلوا على طريق فرعى اتجاه واحد هايوصلهم خلاص للمزرعه اللى فيها الفيلا ومن صغر الطريق ده مش هايقدر يعدى زين بعربيته اودامه لان يوسف كان سابقه بكام متر .
عمر بلغ زين بكده وفعلا الطريق كان صغير جدا يا دوبك واخد عربيه واحده وزين طلب من عمر يبلغه انه يسرع شويه عن كده ويدوس بنزين . وعمر فعلا بلغه ويوسف سرع بالعربيه اكتر ويا دوبك تلت اربع دقايق بالكتير شافه الفيلا بالانوار بتاعتها اودامهم فاطمنوا شويه وللاسف اول لما وصلوا ونزلوا من عربياتهم باقصى سرعه شافوا باب الفيلا مفتوح وعربيه شاهى والعربيه اللى ظهرت فى الكاميرات موجوده وفى صوت صريخ فظيع مالى المكان كله .
زين اول واحد جرى ودخل من باب الفيلا وعيونه بتدور فى كل مكان زى المجنووون .. لحد ما شاف ليل هى وشاهى وهما ماسكين فى بعض ومرعوبين وبيصرخوا وفى شخص صدره عريان ويادوبك لابس بنطلون بيقرب منهم وكان غرقان فى دمه زين بأعلى صوته قال ...... ليييييييييييييييييل . ليل اول لما سمعت صوت زين وشافته اودامها بصتله وقالت .. زيييييييين و جريت واترمت فى حضنه وهى منهارة بالعياط بتحاول تدفن نفسها جوا ضلوعه علشان تتأكد ان هو فعلا زين حبيبها اللى بتعشقه .
زين ضمها فى حضنه اوى اوى بكل حب وعشق وحس برعشه جسمها كله وبدأ يهديها وقال .. انتى كويسه .. حبيبتى متخافيش انا هنا انا معاكى يا ليل .. متخافيش يا حبيبتى متخافييييش .
يوسف اتصدم اول لما دخل وشاف منظر شاهى بالعبايه السودا ووشها اللى غرقان دم وايديها كمان فاجرى عليها وقال .. شاهى حبيبتى وخدها فى حضنه وهى ما صدقت شافت عمها و اترمت فى حضنه وهى منهارة وبتعيط . شريف بص لشاهى وقال .. انتى كويسه .. مين اللى عمل فيكى كده ميييين ؟!
شاهى هزت راسها بالرفض وهى بتعيط ومش قادرة تنطق باى كلمه . شريف حاول يهديها وقال .. اهدى يا حبيبتى اهدى ومتخافيش انا جنبك ومش هاسيبك ابدا .. عمل فيكى ايه الحيوااااان ده . شاهى اتفتحت فى العياط وقالت .. الحيوان الكلب القذر كان عاوز... ليل هى اللى انقذتنى منه ليل رغم كل اللى انا عملته معاها علشان اكسرها وازلها اودام الكل هى اللى حافظت عليا وعلى شرفى من الحيوان ده يا عمو . ليل هى اللى انقذتنى ولولاها كان زمانى...
شريف فضل يهديها ويطمنها وضمها فى حضنه اكتر . عمر وحسام جريوا على ليل واتصدموا لما شافوا الحاله اللى هى فيها هى وشاهى والكلب اللى اسمه صابر .. وقربوا من ليل واطمنوا عليها وحاولوا يهدوها .
العساكر بسرعه دخلوا ومسكوا صابر وطلعوه فى البوكس بره والضابط طلب من باقى العساكر انهم يطلعوا فوق ويشوفوا فى حد تانى ولا لا .. وفعلا طلعوا على فوق وشافوا حسان وهو مرمى على الارض وغرقان فى دمه وكان بدا يفوق ونزل عسكرى وبلغ الضابط . الضابط اتصل على طول بعربيه الإسعاف وأمر من بعض العساكر انهم يخرجوا يشوفوا فى حد بره الفيلا ولا لا تانى .
وبعدها قرب من ليل اللى كانت لسه فى حضن زين منهارة بالعياط وقال .. حمد الله على السلامه يا انسه ليل . ليل مش قادرة تسيب حضن زين خالص وحست انها لو بعدت عنه هاتموووت وهى ما صدقت ولقت حضنه ده وحست بالامان .
الضابط بصلها وقال انا اسف وعارف كويس اوى الحاله اللى انتى فيها ومقدرها بس كنت عاوز اعرف منك فى حد تانى غير الاتنين دول هنا فى الفيلا . ليل هزت راسها بالنفى وهى لسه فى حضن زين مش عاوزه تسيبه . زين بنظره منه للضابط فهمها على طول انه يسيبها دلوقتى وبعدين يبقى يسألها براحته عن كل شىء .
زين بكل الحب اللى فى الدنيا والعشق اللى فى الكون كله همس لها وقال .. بحبك. ومش هابعد عنك تانى ابدا ابدا بعد كده مهما يحصل يا ليل . ليل رغم الحاله اللى هى كانت فيها والانهيار التام اللى هى فيه اول لما سمعت كلمه بحبك من زين بطلت عياط ورفعت راسها من على صدره ومدت ايديها ومسحت دموعها وبصت فى عيونه وقالت .. انت قولت أيه ؟ زين ابتسم ومد ايده مسح دموعها وقال .. ب ح ب ك.
ليل ابتسمت رغم الوجع اللى جواها وفرحت جدا وقالت .. وانا كمان بحبك اوى اوى اوووى ورجعت تانى اترمت فى حضنه وهو ضمها اكتر واكتر وكان هاين عليه يدخلها جوا ضلوعه ويخبيها .
عمر كأنه واقف بيتفرج على فيلم رومانسى ومندمج معاهم اوى ومبتسم هو وحسام وبصلهم وقال .. ايه ده يا جدعاااان زين اخويا بقى رومانسى كده من امتى .. عااااااااااا . الرومانسيه دى ليا انا وشاهندا بس انتم فاهمين ولا لااااا .
حسام رزعه حته قفا على قفاه وقال .. يا شيخ اتنيل اومال انا روحت فين انا وأيه حبيبتى بس قال عمر وشاهندا قاااال.
الكل فضل يضحك وزين رفع دراعه كله ولفه حوالين كتف ليل وكانها هاتهرب منه وخرجوا كلهم من الفيلا المشؤومه دى وركبوا عربياتهم ويوسف خد شاهى معاه فى عربيته وحسام طلب منهم انهم يروحوا الاول على المستشفى علشان يطمنوا عليهم .. وزين وافق هو وليل بكده وليل ركبت معاه هى وعمر وحسام ركب مع يوسف .
والضباط والعساكر كمان ركبوا عربياتهم ومشيوا كلهم وخرجوا من المزرعه كلها .
زين كان سايق وليل قاعده جنبه وهو ضاممها لحضنه وعمر قاعد ورا هايطق من منظرهم ده ومتعاظ .. فامسك موبيله ورن على شاهى واول لما ردت قال .. شوشو حبيبتى لقينا ليل اخيرا .. فرحى ماما وخالتوا بكده وطمنيهم .
شاهندا بفرحه لا توصف ردت وقالت .. معقووول الحمد لله بجد لقتوها انا فرحانه اوى يا عمر فرحانه اوى وكنت خايفه على ليل جدا جدا .. انتم فين دلوقتى تعالوا بسرعه .
عمر رد وقال .. يا ستى اطمنى والله ليل معانا اهى وقاعده جنب زين .. هو انا مقولتلكيش مش الواد زين اخويا طلع رومانسى فشخ .. قاعد يا اختى وبيسوق فى العربيه وليل فى حضنه وبيغوظونى وانا قاعد باكل فى ضوافرى من كتر الغيظ علشان كنت بتمنى تكونى جنبى وفى حضنى زيهم يرضيكى كده يا شوشو يا روح قلبى . شاهندا فضلت تضحك على كلام عمر وردت وقالت بكل خجل .. يا حبيبى تعال انت بس واحنا نغيظهم زى ما هما بيغظوك بالضبط.
عمر انشكح اوى وقال .. هييييييييح .. وبص لزين وليل وقال هاموتكم من كتر الغيظ انا وشوشو يا كلاب . زين بصله فى مرايه العربيه وقال .. بتقول حاجه يا عمر. عمر كش ورد وقال .. لا يا برنس الله يسهلك يا عم خليك فى اللى انت فيه براحتك يا معلم .. و مش بقول حاجه ده انا بتكلم مع شوشو فى امور شخصيه شويه.
الكل بيضحك وفضل عمر يتكلم مع شاهندا لحد ما وصلوا اودام باب المستشفى وضوء النهار كان بدأ يطلع ونزلوا ودخلوا على المستشفى على طول . اما حسان وصابر خدوهم على قسم الشرطه بحالتهم دى . حسام خد شاهى وليل على الاستقبال ودخلهم وقفل الباب وراه وساب يوسف وزين وعمر بره واقفين على اعصابهم وعاوزين يطمنوا عليهم .
شويه وسميحه وسماح وشاهى كانوا وصلوا ودخلوا من باب المستشفى وسألوا على البنات وعرفوا انهم فى الاستقبال مع دكتور حسام . وفعلا راحوا بسرعه على هناك وشافوا زين وعمر ويوسف واقفين على اعصابهم . زين قرب من والدته اول لما شافها جايه جرى من على بعد ومسك ايديها وابتسم بكل طيبه وحنيه وقال .. تعبتى نفسك ليه بس يا ست الكل .. احنا كنا هانيجى على طول على الفيلا اول لما حسام يطمن عليهم .
سميحه بنهجان وقلق بصتله وقالت .. بتقول ايه بس يا زين يا ابنى .. انا ما صدقت وعرفت ان ليل بنت اختى هدى الله يرحمها اللى اتحرمت منها زمااان .. مش عوزاها تروح منى هى كمان زى امها ما راحت يا زين .. انا كنت هاتجنن عليها انا وخالتك وخايفين عليها اوى اوى وصليت كتير ودعيت ربنا انه يسترها وبحفظها بحفظه ويرجعها لينا علة طول..
واول لما عرفنا من شاهندا انكم لقتوها فرحنا اوى اوى ودموعى نزلت من الفرحه وقولنا نيجى ونشوفها بنفسنا ونطمن عليها واخدها فى حضنى .. طمنى يا ابنى انها بخير ومحدش اذاها فى حاجه .. ومين اللى عمل كده فيها وكان عاوز منها ايه بالضبط دى بنت مسكينه وغلبانه طول عمرها .
زين بدأ يطمن امه ورد وقال .. اهدى يا حبيبتى علشان خاطر صحتك واطمنى ليل كويسه وان شاء الله هاترجع معانا على طول على البيت .. اما الحيوان اللى عمل فيها كده انا هاعرف شغلى معاه كويس اوى .. وهاخليه يندم اشد الندم على اللحظه اللى فكر فيها يعمل كده مع ليل . سماح بصتله وقالت .. مين ده يا زين وكان عاوز ايه من ليل ؟!
زين بصلها وقال .. بعدين يا خالتو مش وقته الكلام ده خالص والتحقيقات شغاله وكمان علشان فى اى لحظه ليل هاتخرج من جوا ومش عاوزين نجيب السيرة دى اودامها خالص . عمر قرب من شاهندا ووطى عليها بوشه اووى وهمس وقال .. مفيش اى حاجه حلوة كده منك على الماشى يا قمر اصلى صايم من امبارح وعاوز افطر.
شاهندا اتكسفت جدا وبعدت عنه وقالت .. وبعدين معاك الكل حوالينا يقولوا ايه بس وانت بتعمل كده عمر صوته على شويه وقال .. اللى يقول يقول انتى حبيبتى وانا حبيبك واللى غيران مننا يعمل زينا باب الاوضه اتفتح وخرج حسام وهو وشه ميطمنش وحزين واول لما زين شافه بالمنظر ده قلبه كان هايقف وتخيل حاجات مش تمام حصلت لى ليل .. وجرى عليه زين ويوسف والكل بعدهم .
زين بكل قلق وخوف بص لحسام فى عيونه وركز اوى وقال .. فى ايه يا حسام طمنى ليل فيها حاجه. يوسف بكل خوف بصله وقال .. انطق يا حسام البنات فيها ايه متوقعش قلوبنا معاك .
حسام حاول يمسك نفسه على اد ما يقدر علشان يوقع قلوبهم شويه ويعذبهم بس اللى خلاه ينطق ويتكلم على طول لما شاف الخوف اللى فى عيون سميحه وسماح وعلشان كده ابتسم وقال .. اطمنوا الاتنين بخير الحمد لله ومفيهمش اى حاجه اطمنوووووا. زين مد ايده واداله بالبوكس فى صدره اوى لدرجه ان حسام كان هايقع وقال .. وقعت قلبى يا جذمه .
حسام بيتوجع مكان البوكس إللى خده وقال ... ااااااااه بهزر بهزززر يا عم انت .. انت كل حاجه عندك كده ضرب ضرررررب مفيش حضن ولا بوسه ابدا الله يكون فى عونك ياللى فى بالى . زين سابه ودخل على طول على جوا وراح لى ليل وقرب منها ومسك ايديها وباسها بكل حب .
الكل بره بيضحك على منظر حسام .. ويوسف جرى ودخل لشاهى هو كمان لان قلبه كان هايقف من كتر الخوف لو حصلها حاجه وحد لمسها فادخل بسرعه علشان يطمن بنفسه عليها والباقى كلهم دخلوا وراه وسميحه جريت على ليل اول لما شافتها نايمه على السرير وزين قاعد جنبها وبسرعه قومت زين من جنبها وقعدت هى وضمتها فى حضنها بكل طيبه وحنيه .
عمر ضحك على منظر زين وامه بتذقه و بتقومه وقال. جدعه يا سميحه يا حبيبتى كنتى فين واحنا فى العربيه وهما حاضنين بعض زى روميو وجوليت وعمالين يغيظوا فيا هههههههه ياااااه لو كنتى موجوده ساعتها كنتى خاتلى حقى منهم الاشقيه دول.
زين ضربه فى كتفه وقال .. ماشى ماشى يا عمر اصبر عليا بس و شوف هاعمل فيك ايه من هنا ورايح وابقى اشوفك بس تقرب من شاهندا او تيجى جنبها حتى وتكلمها زى ما حصل فى الجنينه كده ولميت علينا الناس وسط الليل فاكر يا واطى
عمر الله الله بقى كده .. اخوك الصغنن يهون عليك بالشكل ده يا زيزوو مكنش العشم ابدا ابداااا . سماح بضحك بصتله وقالت .. خلاص بقى انت وهو مش وقته الكلام ده . سميحه بصت لى ليل وقالت .. طمنينى يا حبيبتى عامله ايه انا هاموت عليكى من ساعه ما اتخطفتى وفضلت ادعى ااااد كده ليكى ان ربنا يحفظك وترجعلنا بالسلامه .
ليل ابتسمت وردت وقالت .. اطمنى يا خالتو انا كويسه الحمد لله وبخير متقلقيش . سماح راحت جنبها من الناحيه التانيه وضمتها وباستها وبدأت تطمن عليها .. وبعدها شاهندا ضمتها وباستها . عمر بغيظ بصلهم وقال .. يا بت هاتخلصى البوس اللى عندك كله كده سيبيلى شويه حراااام عليكى ده انا غلباااااان . الكل بيضحك على كلامه وعيون زين ما نزلتش من على ليل وليل كانت واخده بالها من كده وكانت فرحانه من كل قلبها .
رواية زين للكاتبة سحر فرج الفصل الثالث والثلاثون والأخير
وفجأه... نزلت شاهى من على سريرها بمساعده يوسف وراحت قربت من ليل وهى مبتسمه بكل ادب واحترام لاول مرة فى حياتها وبصت لى ليل وقالت .. ليل كنت جايه اقولك... وقبل ما تكمل كلامها . زين اول لما شافها بصلها بكل غيظ وقال .. افندم عاوزة ايه منها مش كفايه اللى انتى عملتيه فيها لحد دلوقتى .
مش كفايه اتفقتى انتى والكلاب دول عليها . انتى مفكرة انى هارحمك او اعمل حساب لاى حد يا شاهى .. استحاله . علشان اتجرأتى وعملتى كده فى ليل .. لااا تبقى عبيطه ودورك جاى وكل حاجه وليها وقتها يا هانم .. انا ساكت بس دلوقتى علشان اللى احنا فيه وعامل حساب برضه ليوسف مش اكتر علشان لولاه مكنتش قدرت اوصل لى ليل ابدا .
بس متستعجليش حسابى معاكى بعدين ومش هاعديهالك بالساهل يا شاهى علشان انتى متعرفيش زين الجبالى زعله وانتقامه عامل ازاى .. واتفضلى بقى من هنا وسيبى ليل تستريح براحتها .
ليل صعبت عليها شاهى ومنظرها والحاله اللى هى فيها وبصت لخالتها سميحه ولزين وقالت .. زين ارجوك لو سمحت... وقبل ما تكمل كلامها زين بصلها بكل صرامه وقال .. لو سمحتى انتى يا ليل متدخليش واوعى تصعب عليكى دى انسانه ولا تعرف أدب ولا اخلاق ولا دين ابدأ .. متحاوليش تدافعى عنها ..
هى السبب فى كل اللى حصلك ده .. هى اللى اتفقت مع الحيوان القذر اللى خطفك وقالتله على عنوانك وقدر للاسف يوصلك .. وانا متأكد انها برضه اللى كانت السبب فى وقعتك فى البيسين ساعه التصوير .. دى انسانه مريضه والمفروض مهما يحصلها ما تصعبش عليكى ابدا وكفايه اوى انك ساعدتيها قبل ما الحيوان ده يلمسها علشان بس تعرف الفرق بينك انتى يا بنت الاصول وبينها هى .
يوسف بحزن بص لزين وقال .. زين ارجوك لو سمحت ملوش لزوم خالص الغلط فيها هى خلاص عرفت غلطها وندمت عليه وعرفت هى اد ايه غلطت فى حق ليل وكانت عاوزة تعتذر لها مش اكتر وتشكرها على وقفتها معاها . شاهى ضحيه يا زين .. شاهى ضحيه اب وام معندهمش اهم من الشغل والأصحاب والسفريات والحفلات وسهرات النادى والمظاهر وبس .
ميعرفوش يعنى ايه أسره وعيله .. ميعرفوش يعنى ايه يتجمعوا ويقعدوا ويتكلموا مع بعضهم عن حياتهم .. للاسف ميعرفوش ان عندهم بنت محتاجه ليهم ولحبهم ولحنيتهم وعطفهم .. بنت معندهاش حد يعرفها الصح من الغلط الحلال من الحرام .. الخير من الشر بنت أدولها مطلق الحريه من غير اى رقابه منهم عن تصرافتهم .
شاهى ضحيه مجتمع كامل للاسف يا زين مجتمع همه كله المظاهر والشكليات والبزنس وبس . تعالوا نسأل نفسنا ازاى بقت كده هل هى شريره بالغريزة ولا اتولدت كده ولا اهلها كانوا السبب فى كده . طبيعى لو كانت شافت شىء من الرعايه والاهتمام كانت هاتبقى افضل من كده . دى قضيه جيل كامل من الشباب قضيه معظم الاباء المستهترين يا زين .
اعذرها وياريت انت وليل وكل اللى موجودين معانا هنا فى الاوضه يسامحوها ويدوها 1000 عزر للى عملته ويدوها كمان فرصه جديده تصحح من نفسها ومن اخطأها .. ياريت كان عندها أب وأم غير دول .. كانت أكيد هاتكون انسانه الكل يحبها ويفتخر بيها . فى اللحظه دى شاهى وقعت على الارض وهى فاقده الوعى .. ليل اول ما حصل كده صرخت والكل جرى عليها واولهم زين ويوسف ويوسف بصلها بكل حزن وقال .. شاااااهى .
شالها وحطها على السرير حاله من التوتر والقلق لازمت الكل .. حسام للاسف مكنش موجود وكان خرج من الاوضه وراح يطمن على بعض المرضى بتوعه .. عمر خرج بسرعه علشان ينده عى دكتور يشوف شاهى بسرعه ويلحقها .. وبظروفها وهو بيجرى من الاوضه خبط فى دكتور معتز وهو ماشى .. عمر بصله باستغراب وقال .. حضرتك دكتور صح بدام لابس بالطو ابيض.
معتز باستغراب بصله وقال .. ايو انا دكتور خير فى ايه ؟؟ عمر شده من ايده وقال .. الحق بسرعه فى بنت وقعت من طولها والظاهر اغمى عليها . معتز بسرعه دخل معاه وقرب من السرير اللى شاهى كانت نايمه عليه ويوسف جنبها بيحاول يفوقها بس للاسف مش بتفوق وجسمها تلج .
سميحه كانت واقفه جنبها بتحاول تفوقها زى يوسف بالضبط وكانت صعبانه عليها جدا واتأثرت بكلام يوسف عليها وعلى معامله ابوها وامها ليها .. معتز بص للكل وقال لو سمحتوا كلكم استنوا بره مش معقول كل الناس دى هنا فى الاوضه . عمر مسك شاهندا وخالته سماح وخرجوا بره الاوضه.
زين مد ايده ليوسف وقال .. انا اسف مكنتش اقصد ابدا اللى حصل ده . يوسف رد وقال .. مالوش لزوم الاسف يا زين .. تعال نخرج بره وان شاء الله هاتبقى افضل . وفعلا خرجوا كلهم بره وفضلت سميحه جنبها مرديتش تخرج وتسيبها لوحدها وهى فى حالتها دى .. وحبت انها تفضل جنبها اكيد اول لما هاتفوق هاتكون محتاجه حد يحسسها بالأمان والحب والحنيه اللى هى مفتقداهم من اقرب الناس ليها .
خرج زين ويوسف ووقفوا جنب بعض ويوسف بكل قلق وخوف طلع موبيله ورن على اخوه عاصى ابوا شاهى واول لما عاصى رد عليه يوسف بكل عصبيه وغضب رد عليه وقال .. انت فين يا عاصى . عاصى رد وقال .. اهلا يا جوووو اخبارك ايه يا حبيبى.. انا هنا فى الغردقه عندى شغل بخلصه ويومين وراجع فى حاجه ولا ايه .
يوسف بكل عصبيه رد وقال .. شغل أيه وزفت ايه اللى بتقول عليه ده .. بنتك بتموت فى المستشفى .. بنتك اتعرضت لحاله اغتصاب يا باشا .. انت هاتفضل كدة لحد امتى .. هاتفضل سايبها بالمنظر ده من غير اى رقابه ولا اى اهتمام . حرام عليك يا شيخ انت السبب انت وامها . انتم اللى ضيعتوها بمعاملتكم ليها وبالحريه الغلط اللى انتم ادتوهلها .. بنتك بتموت يا عاصى وفى المستشفى.
عاصى ساب كل اللى فى ايده واتصدم من كلام يوسف ليه ومكنش مصدق وقال .. انت بتقول ايه شاهى حصلها ايه طمنى يا يوسف ارجوك. يوسف فى اللحظه دى قفل الموبيل فى وشه لاااا قفل الموبيل خالص من كتر العصبيه اللى كان فيها وفى لحظه مسكه ورزعه فى الارض وفضل يكسره برجله .
زين قرب منه هو وعمر وبدؤا يهدوه بس هو للاسف وغصب عنه دموعه خانته وبكل وجع بص لزين وقال .. شاهى ضحيه يا زين .. شاهى كانت طفله جميله و بريئه وهما اللى عملوا فيها كده .. هما السبب يا زين والمفروض اى اب واى ام بالشكل ده يتقدموا للمحاكمه او حتى يعدموهم فى ميدان عام علشان بالمنظر ده هايطلعه جيييييل فاشل كله حقد وغل وكره.
ناس كتير بتتمنى ضفر عيل وناس تانيه خساره فيهم النعمه اللى ربنا اداهلهم بدام مقدروش يحفظوا عليها ..زين قرب منه وبدأ يهديه . شاهى كانت بدأت تفوق ومعتز واقف اودمها هو وسميحه وهى اول لما فتحت عيونها بصت لسميحه بكل حزن وافتكرت اللى حصل ودموعها نزلت ومعتز استغرب سبب الدموع دى .
سميحه قعدت جنبها وضمتها لحضنها وفضلت تطبطب عليها بكل حنيه وعطف .. ولاول مرة شاهى تحس بالدفء ده والحب ده وزادت فى العياط اكتر . معتز بصلها وبص لمنظرها وللعبايه السودا اللى كانت لبساها ولحالتها اللى كانت فيها وصعبت عليه وقال باللهجه الصعيديه .. اطمنى يا انسه انتى بخير ووالدتك قاعده جنبك اهى متقلقيش الضغط بتاعك نزل شويه مش اكتر .. المهم تبطلى عياط ومفيش اى حاجه مستاهله للعياط اللى انا شايفه ده كله .
حد يبقى عنده أم حنينه وبتحبه اوى زى ما انا شايف ويعيط كده .. ربنا يخليهالك يا انسه...؟ سميحه ردت وقالت .. اسمها شاهى يا دكتور .. المهم طمنى عليها هى عامله ايه ؟
معتز بصلها وقال .. وكمان اسمك حلو يا ست ليل .. اطمنى يا حاجه هى كويسه بس صعيفه حبتين .. وبص لى شاهى وقال .. طيب يا انسه شاهى اجدعنى كده وبطلى عياط وانا هابلغ الممرضه تديكى شويه فيتامينات وكالسيوم وحديد علشان تقويكى شويه . ولا تحبى تيجى عندنا البلد فى الصعيد وهما يغذوكى بمعرفتهم .
شاهى غصب عنها مدت ايديها ومسحت دموعها ورفعت عيونها لعيون معتز وقالت، لا شكرا يا دكتور، انا من هنا ورايح هاهتم بنفسى وبصحتى وكمان بدراستى متقلقش .
معتز ابتسم وحس بشىء غريب اول لما عيونه جت فى عيون شاهى وقال .. عال عال انا هامشى دلوقتى وهابقى ارجع اطمن عليكى بعدين .. وزى ما قولتى دلوقتى اهتمى بأكلك وعلاجك لو سمحتى . استاذن وسابهم وقرب من الباب وفتح وخرج على بره واول لما خرج يوسف جرى عليه وقال .. طمنى يا دكتور شاهى عامله ايه ارجوك . معتز ابتسم وبص ليوسف وقال .. حضرتك تقرب لها ايه ؟؟
يوسف رد على طول وقال .. عمها معتز رد وقال .. الصراحه حالتها النفسيه شبه مدمرة خالص وضعيفه جدا واكيد ده السبب فى حاله الاغماء . انا هاكتب لها على شويه حاجات وياريت تاخدها بانتظام وقبل ما يكمل كلامه حسام كان وصل واستغرب لما شاف معتز واقف مع الكل فابصله وقال .. معتز ؟؟
وبعدها بص لزين وقال ..فى ايه يا زين حصل حاجه ولا ايه زين رد وقال .. شاهى تعبت شويه واغمى عليها ودكتور معتز دخل واطمن عليها وفوقها وكان بيطمن يوسف عليها مش اكتر .
معتز بص لحسام وقال .. اهلا دكتور حسام حضرتك تعرفهم ولا ايه . حسام بصله وقال .. اه يا معتز المهم طمنى شاهى مالها . معتز شرح لحسام بالانجليزى حاله شاهى وحسام فهم الموضوع وشكره . ومعتز استأذن ومشى وراح على المرضى بتوعه ويوسف دخل لشاهى واول لما دخل شافها وهى نايمه فى حضن سميحه وفرح جدا وقرب منها وقال .. حبيبتى عامله ايه دلوقتى طمنينى .
شاهى رفعت راسها من حضن سميحه وابتسمت لعمها وقالت .. انا بخير يا عمو اطمن المهم ان الكل يسامحنى . ليل جت هى وزين وابتسمت لها وقالت .. اطمنى يا حبيبتى انا مسمحاكى وزين كمان هايسمحك وكل اللى فات ده انسيه وافتحى صفحه جديده لنفسك ولحياتك .. انتى جميله وشاطرة حطى هدف ليكى وأسعى عليه و خلى عندك دايما حلم عاوزة تحقاقيه وثقى فى نفسك . شاهى ابتسمت لى ليل وقالت .. شكرا ليكى يا ليل ومهما اقول او اعمل عمرى ما هاقدر ارد ليكى جميلك عليا .. ولولاكى كان زمانى
عدى حوالى ربع ساعه فقام زين وقف وبص لى ليل وقال .. مش يالا بينا بقى نرجع على الفيلا . ليل بحزن ردت وقالت .. قبل ما نرجع على البيت ممكن اروح اشوف حسان فى القسم.
الكل باستغراب بصوا ليها وزين اول واحد رد وقال .. بتقولى ايه يا ليل ؟! وتروحى فين؟؟ سميحه بصتلها وقالت.. حبيبتى حسان ايه وزفت ايه اللى عاوزة تروحى تشوفيه مش كفايه اللى عمله معاكى. ليل بحزن بصتلهم وردت وقالت .. انا عارفه ان اللى بقوله ده شىء غريب .. بس لازم اروح لحسان وأسأله واتاكد منه الكلام اللى قالى عليه ده صح ولا غلط . زين باستغراب رد وقال.. كلام ايه اللى الحيوان ده بلغك بيه.
ليل ردت وقالت .. حسان قالى ان اخواتى الصغيرين ولاد سعاد مرات ابويا محمود ورضوى ماتوا يا زين ماتوووا والشقه ولعت بيهم . انا حاسه انه بيكدب عليا علشان كده عاوزه اروح واقابله واتاكد من كلامه ده. الكل اتصدم واولهم زين فقرب منها وقال .. حبيبتى ده انسان قذر واكيد بيقولك اى كلام وخلاص وبيضحك عليكى اكيييد .
حسام بكل اسف قرب منهم وقال.. لا يا زين كلام حسان مضبوط .. سامحينى يا ليل انا كنت عارف من فترة من أيه خطيبتى ومقدرناش نقولك علشان متزعليش وتتصدمى .. سعاد والاطفال الصغيرة الشقه ولعت بيهم وماتوا .. علشان كده حسان هو كمان وشه اتحرق واتشوه لانه كان معاهم ساعه الموضوع ده وحاول ينقذهم بس للاسف مقدرش .
ليل دموعها نزلت وسميحه خدتها فى حضها وقالت .. متزعليش نفسك يا حبيبه قلبى دى اراده ربنا وقدرهم وربنا يرحمهم .. ساعات كتير الموت بيبقى رحمه من ربنا .. عاوزة واحده زى سعاد وحسان دول يربوا اطفال صغيرين ازاى .
ليل بحزن ردت وقالت .. كنت بحبهم اوى يا خالتوا .. كانوا ابرياء و حلوين اوى وحنينين زى بابا بالضبط الله يرحمه مكنوش طالعين لامهم الغبيه . سماح بصت للكل وقالت .. يالا بينا كلنا وكفايه علينا اوى لحد هنا .. تعبنا وحزنا واتحرمنا من كل اللى بنحبهم واتوجعنا بما فيه الكفاية . يالا يا ليل يا حبيبتى وربنا يصبر قلبك عليهم ويرحم كل امواتنا .
خرجوا كلهم من الاوضه حتى يوسف وشاهى خرجوا معاهم وسابوا حسام يكمل شغله . ونزلوا كلهم من المستشفى ويادوبك خرجوا من الباب .. اتفاجئوا بعربيه الشرطه .. والضابط اللى كان معاهم نزل منها وقرب من يوسف وشاهى وقال .. شاهى العاصى حضرتك مطلوب القبض عليكى بتهمه التحريض على الخطف وكمان التحريض على هتك العرض .
العساكر قربت منها وشدوها وركبوها البوكس ويوسف اتصدم وبصلها وقال .. متخافيش يا حبيبتى انا مش هاسيبك انا جاى وراكى بالعربيه . شاهى كانت مرعوبه وخايفه ومفكرتش ابدا ان الحكايه خلال 24 ساعه هاتتقلب عليها بالمنظر ده . البوكس مشى على طول بيها ويوسف جرى وركب عربيته وحصلهم .
حسام كان اتصل بأيه وبلغها بكل اللى حصل مع ليل واتصدمت لما عرفت اللى حصل لصديقه عمرها بس حسام طمنها . أيه بلغت باباها بكل حاجه حصلت مع ليل وخطف حسان ليها .. وهو اول لما عرف كده زعل عليها جدا واتصل واطمن بنفسه انها بخير . شاهى بدأت الشرطه تحقق معاها ومامتها وباباها كانوا وصلوا وجبولها اكبر محامين فى البلد يدافعوا عنها .
ندموا على كل لحظه عدت من عمرهم وهما بعيد عن بنتهم الوحيده بس بعد فوات الاوان . عدى كام يوم على شاهى وهى فى الحبس وبسبب معارف ابوها الكبيرة والمحامين اللى جبهم قدروا يخرجوها بأعجوبة ورجعوا بيها على البيت . شاهى كانت مدمرة ومش قادرة تعيش معاهم فى نفس البيت .. اول لما وصلت الفيلا طلعت على اوضتها وجهزت شنتطها ونزلت بيها .. امها استغربت وبصتلها وقالت .. واخده شنتطك وراحه على فين يا شاهى ؟
شاهى بصتلها وقالت .. يهمك راحه فين .. دى اول مرة فى حياتك تسألينى راحه فين يا ديدى هانم . امها باستغراب قربت منها وقالت .. شاهى حبيبتى انا عارفه انى غلطت فى حقك كتير ومكنتش مهتمه بيكى زى اى أم .. بس الكام يوم اللى عدوا عليا وانتى بعيده عنى وكنتى فى الحبس عرفت أد إيه انا أم مش كويسه واهملتك كتير من غير ما اقصد .. ارجوكى تسامحينى يا بنتى .. واوعدك انى هافضل جنبك على طول من هنا ورايح ومش هابعد عنك تانى ابدا .
شاهى سابت الشنطه من ايديها وبصت لامها وصقفت بايديها الاتنين بكل حرقه وقالت ... ياااااااااه .. اخيرا يا ديدى هانم عرفتى ان انا بنتك ومحتجالك وانتى أم . بس للاسف عرفتى بعد فوات الاوان .. عرفتى بعد ما دمرتينى انتى وعاصى بيه بأديكم .. عرفتى بعد ما بنتك بقت مجرمه مجررررمه .
انا هاروح اعيش عند الانسان الوحيد اللى وقف جنبى وساعدنى وهاحاول انسى ان ليا أب وأم زيكم .. وانتم كمان ياريت تنسوا ان ليكم بنت اسمها شاهى . كل ده وابوها قاعد مش قادر ينطق ولا كلمه من كتر الندم اللى كان حاسس بيه .. وحس اد ايه هو غلط فى حق بنته الوحيده واهتم بالشغل والشركات والمصالح والفلوووووس على حساب اعز واقرب انسانه ليه فى الحياه .
قام وقف وقرب من شاهى وقال .. سامحينى يا بنتى .. سامحينى على كل لحظه انشغلت فيها عنك وعن حياتك .. كنت مفكر انى بعمل كل ده وبحارب الدنيا بحالها علشان تعيشى دايما مبسوطه وسعيده ومش محتاجه اى حاجه .. بس للاسف مش دايما الفلوس هى اللى الانسان بيكون محتاج لها .. الحب والحنيه والامان والسند اهم من فلوس العالم كله .. حقك عليا يا بنتى واوعدك انى هاصلح كل اللى فات ونبدا من جديد ونكون عيله واحده .
شاهى دموعها نزلت واتأثرت بكلام ابوها وغصب عنها اترمت فى حضنه اللى هى كانت محرومه منه .. وزى ما غيرها سامحها لازم هى كمان تسامح وتغفر .
فى جنينه الفيلا عند زين ليل كانت سهرانه وقاعده فى نفس المكان اللى كانت دايما بتحب تقعد فيه بتفكر فى كل اللى هى مرت بيه فى حياتها .. وإن اخيرا ربنا عوضها العيله اللى هى اتحرمت منها طول عمرها .. ولقت الحضن الدافىء اللى عوضها عن حضن والدتها (سميحه وسماح) .. وكمان لقت الاخ والاخت (عمر وشاهندا) اللى ربنا عوضها بيها عن اخوتها اللى راحوا .. والاهم من كل ده لقت الحب اللى كانت بتتمناه وبتحلم بيه .. لقت فارس احلامها ( زين الجبالى)..
فجأه وهى قاعده حست بأيد على كتفها بتلمسها ...لفت نفسها بسرعه شافت زين بأبتسامته الجميله اللى بتعشقها . ليل ابتسمت وقالت .. زين .. رجعت امتى من برة . زين قرب منها وبعيون كلها حب رد وقال .. عيون زين وقلب وعقل زين يا ليل .. وحشتينى مووووووووت .
ليل بخجل ردت وقالت .. احم احم ...احنا اتطورنا اوى يا سياده المخرج الكبير .. اول مرة اشوفك بتتكلم بالرومانسيه دى . زين ابتسم ومسك ايديها بكل رقه وقربها من شفايفه وباسها وقال .. من هنا ورايح حياتنا كلها هاتبقى رومانسيه وجميله .. واوعدك انى هاعمل المستحيل علشان اشوف الابتسامه الحلوة دى دايما على شفايفك .
ومسك اديها وبص فى عيونها وطلع علبه صغيرة من جيبه وفتحها وقال بكل حب . ليل تقبلى تتجوزينى. ليل اتفاجأت وفرحت جدا جدا وعيونها فى عيون زين بكل فرحه وعشق وقالت بكل خجل .. موافقه طبعا يا زين. زين مد ايده الاتنين وحضنها وفضل يلف بيها وهو فرحان اوى اووى اوووووى .
وشويه ودخلوا بلغوا كل الموجودين والكل فرح ليهم وبيهم وباركلهم .. الا عمر اللى بصلهم بكل غيظ وقال.. يا سلاام يا سلاااام يا اختى انتى وهى وهى وهو اشمعنى بقى هو انا ابن البطه السودا . طيب ما انا كمان عاوز اتجوز .. وقرب من سماح وقال .. اعملى حسابك يا موحه فرحى انا وشاهندا بنتك هايبقى مع فرح زين وليل .. انا بقولك اهوو .. ماليش دعوة . لا فيها لا اخفيهاااااااا.
الكل فضل يضحك وسماح فرحت جدا وقربت من شاهندا وقالت .. مش لما تشوف العروسه موافقه ولا لا الاول يا عريس شاهندا اتكسفت وبصت فى الارض وعمر لاحظ كسوفها وقال .. قوللهم يا شوشو انك موافقه .. قوللهم خلينا نخلص بقى ونتجوز ويلمنا سرير واحد.. زين ضربه بهزار على راسه وعمر بص بغيظ لشاهندا وقال .. انطقى يا بنتى يالا وسمعيهم موافقتك . شاهندا ابتسمت وقالت.. انا موافقه .
الكل فرح وبارك وحددوا ميعاد للفرح وليل فجاه اتكلمت وقالت .. ايه رايكم نخلى فرح حسام وأيه معانا فى نفس اليوم زى ما كنت بتمنى انا أيه دايما من صغرنا اننا نتجوز فى يوم واحد . الكل اتفاجأه بالفكرة دى وسميحه ردت وقالت .. فكرة حلوة جدا وحسام بحبه وبعزه وبحترمه وبعتبره زى زين وعمر بالضبط وهافرح اوى لو وافق انه يعمل فرحه هو كمان مع فرح ولادى .
زين عجبته الفكرة اوى وقرر انه يتصل على حسام ويقوله على الحكايه دى . وفعلا مسك موبيله واتصل عليه وبلغه و حسام اتفاجأه و فرح جدا جدا وقفل مع زين واتصل بأيه وقالها والدنيا مكنتش سيعاها من كتر الفرحه انها هاتحقق حلمها هى وليل زى ما كانوا بيتمنوا .. وكمان حسام بلغها انه هايجى عندهم من بدرى اول لما النهار يطلع ويبلغ عم حسن بكده .
وفعلا اول حاجه عملها حسام اول لما النهار طلع انه سافر على البلد عند أيه وبلغ عم حسن بالموضوع ده وهو رحب جدا وعلى اد فرحته بجواز بنته .. على اد فرحته بجواز ليل بنت صاحب عمره . الكل اجتمعوا وقعدوا وحددوا ميعاد الفرح اللى هايكون اول الشهر علشان يكونوا العرايس والعرسان جهزوا نفسهم وجهزوا لزوم الفرح .
شاهى كانت بدأت تصلح من حياتها ومن نفسها وبعدت عن كل اصحابها الوحشين .. وبقى كل همها انها تنجح وتتفوق وتحقق احلامها ومستقبلها . حسان وصابر اتحكم عليهم بكذا سنه وزين وصى عليهم فى الحبس اوى اوى علشان ينتقم منهم بمعرفته .
الايام كانت بتعدى بصعوبه على العرسان وكأنها شهور وسنين .. اما سميحه وسماح اللى كانوا مشغولين وبيجهزوا العفش الجديد والمفروشات ولزوم الفرح وكان اليوم بيعدى زى الصاروخ على طول .. وكانوا بيجهزوا لكل عروسه وعريس فيهم جناح خاص بيهم فى الفيلا . البنات التلاته والعرسان نزلوا مع بعض واختاروا شبكتهم و فساتين فرحهم وبدلهم كمان من اكبر المحلات .
وسميحه وسماح كان عليهم اختيار القاعه اللى هاتكون فى اكبر الفنادق فى القاهرة وعزومه الضيوف والمعازيم . عدت الايام على طول وجه اليوم المنتظر يوم فرح اجمل واحلى عرسان . هيصه ودوشه واغاني وزينه فى كل مكان فى الفيلا.. وناس كتير راحه وجايه .
اربع عربيات كبيرة وصلوا بالحاج صفوان والحاجه انعام واولاده واحفاده وكل الحريم والبنات اللى كانوا فرحانين اوى اوى وعاوزين يشوفوا ويتعرفوا على ليل عروسه زين وبنت هدى الله يرحمها . وكان فى استقبالهم زين وعمر وسميحه وسماح وفرحوا جدا جدا ان الحاج صفوان قدر يجمعهم كلهم ويجبهم . رحبوا بيهم كلهم واستقبلوهم اجمل استقبال .
وشويه والعرسان طلعوا لأوضهم علشان يجهزوا نفسم ويبدؤا يلبسوا . البنات من بدرى كانت راحت البيوتى سنتر وكانوا فى قمه السعاده . عند عم حسن كان جهز عربيته و كذا عربيه تانيه لكل اهله وحابيبه علشان يحضروا الفرح .
عدى الوقت على طول والشباب كانوا خلصوا لبسهم و نزلوا من اوضهم وكانوا حلوين اوى اوى . الزغاريد ملت الفيلا كلها وزين قرب من والدته وحضنها وباس راسها وايديها .. وسميحه غصب عنها اول لما شافتهم هما الاتنين اودام عنيها عرسان ببدلهم دموعها خانتها .. وزين هون عليها وباسها .
عمر قرب منها هو كمان وحضنها وباسها وقال .. متعيطيش يا سوسو عيالك هايتجوزوا ملهاش لازمه الدموع دى يا قمر والكل ضحك وبعدها راح حضن خالته سماح وباسها . خرجوا من الفيلا وكل واحد فيهم ركب عربيته ومشيوا على طول وراحوا محل ورد واشتروا كل واحد فيهم بوكيه لعروسته . وشويه وزين طلع موبيله علشان يستعجل حسام ويبلغه انهم خلاص رايحين على البيوتى سنتر .
وحسام بلغهم انهم خلاص على وصول هو كمان وقرب منهم . البنات كانوا خلصوا مكياجهم ولبسهم وكانوا طالعين هما التلاته زى القمر . الشباب وصلوا بعربيتهم ونزلوا وعمر رن على شاهندا اللى ردت على طول عليه وهو بلغها انهم وصلوا . وقفوا هما التلاته اودام باب السنتر واول عروسه خرجت فيهم وكانت زى العسل بفستانها ورقتها هى أيه فقرب منها حسام وابتسم وباس ايديها وقدم لها بوكيه الورد .
تانى عروسه كانت رقيقه وجميله هى شاهندا اللى اول لما شافها عمر جرى عليها وباسها من خدها وفضل يتغزل فيها شويه وقدم لها البوكيه . واخر عروسه زى ما كلنا عارفين كانت ليل . اللى كانت طالعه جميله جدا جدا ورقيقه بمكياجها وبفستانها وكأنها اميرة.
زين قرب منها وعيونه عليها مش مصدق ان الجمال ده كله هايبقى ملكه هو وبس مد ايده وباسها من راسها وباس ايديها وقدملها بوكيه الورد . كل عريس خد عروسته وركب عربيته وراحوا على القاعه .. وبعد حوالى تلت ساعه بالضبط كانوا وصلوا والكل كانوا فى انتظارهم والزفه اشتغلت والكل كان فرحان بيهم كلهم .
وما شاء الله عليهم كلهم كانوا حلوين اوى اوى . الفرح اشتغل والاغانى فى كل مكان وتربيزات كتير هنا وهناك .. ومعارف وفنانين كتير من الوسط الفنى كانوا موجودين بيباركوا لزين ولعمر . اصحاب وزملاء حسام فى المستشفى برضه كان كتير منهم جه وباركوله .. حتى يوسف وشاهى جم علشان يحضروا الفرح ويباركوا للعرسان زى ما زين وليل طلبوا منهم وعزموهم .
الفرح كان جميل جدا والكل بيغنى ويرقص وكل واحد فيهم قام يرقص مع عروسته . يوسف عيونه كانت مركزه على عبير بنت عم حسن وكانت عجباه اوى وهى خدت بالها من كده ومكنتش مصدقه ان المنتج الكبير يوسف الشريف اللى بتشوف صوره كتير على الفيس بوك والتلفزيون ممكن فى يوم يعجب بيها كده . شاهى كانت فعلا بدأت تتغير للاحسن فى كل حاجه .. فى تسريحه شعرها فى لبسها فى مكياجها فى كلامها وافعالها فى كل شىء .
معتز كان قاعد قريب منها وبيشبه عليها وشويه افتكر انها هى نفس البنت اللى شافها فى المستشفى بس اتغيرت اوى . البنت كانت هزيله ودبلانه وضعيفه ومنكسرة ولابسه عبايه سودا . لكن هنا شايف اختلاف تام .. بنت جميله محتشمه فى لبسها وفى لفه شعرها وفى حتى مكياجها الهادى الرقيق .. فقام وقف وقرب منها وبصلها وقال .. انتى شاهى صح. شاهى بصتله وافتكرته على طول وابتسمت وقالت .. اهلا دكتور معتز ازى حضرتك .
معتز ابتسم ورد وقال.. اهلا بيكى انسه شاهى ازيك واخبار صحتك ايه دلوقتى يارب تكونى احسن . شاهى ردت وقالت .. بخير الحمد لله وشكرا لحضرتك جدا وبعد اذنك هاروح ابارك للعرسان .. وفعلا قامت شاهى وعدت من اودامه وهو عيونه مركزه معاها.. وراحت وسلمت على ليل وباركت لها وكمان على زين وعمر وحسام وشاهندا وأيه . الوقت كان بيعدى على طول وجت اغنيه جميله صعيديه وقامت الشباب كلها ترقص عليها زين وعمر وعدى وفهد وقصى وفارس وحسام وسليم احفاد الحاجه انعام .. وشدوا كمان الحاج صفوان معاهم على اغنيه.
اللي ابوه صعيدي مايخافش يا خلق اهم الصعايدة اهم حضروا رقصوا الصعيدي دايما ريس عشان متربي كويس مستشار محامي و دكتور طيار و ظابط و مهندس اهل الكرم ناس رجالة في التجارة هما عدالة.
هما اللي بنوا مصر يا ابوي ليل نهار على السقالة و داوينا داوينا داوي داوي سيدي عبدالرحيم يا قناوي واحد اتنين تلاتة اربعة هع
رجولة و شهامة صعيدي بصمة و علامة الصعيدي و كريم و حنين يا ابويا بيحب بذمة صعيدي عليه ربطة عمة الصعيدي و دي تاج على راسه يا ابويا
صعيدي ليه اصول صعيدي و قناوي صعيدي و دول على حق سوهاجية مية في المية طيب و الاسياطة يقولوا الحق المنياوية غالين عليا بني سويفاية دول اهل رضا
الصعيدي مهما بيعلى عمره ما ينسى اساسه مهما ربنا يديله ما بينساش اهله و ناسه يعرف يحلم و يحقق احلامه و كتاب الله و ربنا قدامه اصله اللي فيها و كمان ادفو الاقصر جميلة و اثارها فيها كورنيش هيسحر يا خلق يا هوه
القيناوية غاليين عليا اشرفها مية مية يا خلق يا اهوه طب ما الرهاينة عيني على الرهانية اهل الرهاينة دول ناس جدعان لو من الكوامل اه من الكوامل دي فيها فاكهة اشكال و الوان .
والكل هيص معاهم وصقفوا ليهم . سميحه وسماح كانوا فرحانين جدا بيهم . عم حسن قرب من حسام وأيه بنته ووصاهم على بعض . وقرب من زين ووصاه على ليل هى كمان .
الفرح انتهى والكل ودعهم بفرحه وحب واتمنوا ليهم السعاده وكل واحد خد عروسته وراحوا على الفندق اللى كانوا حاجزين فيه تلت ايام لحد ما ميعاد السفر بتاعهم يجى . وكانوا مسافرين على ايطاليا كلهم يقضوا شهر العسل . كل واحد فيهم خد عروسته ودخل للجناح الخاص بيه .
عمر اول لما دخل وقفل الباب .. قلع جاكيت بدلته وقرب من شاهندا اللى كانت مكسوفه جدا وخجوله وبصلها وقال .. ياااااااه انا مش مصدق نفسى .. اخيرا اتقفل علينا باب اوضه واحد .. ياااااااه يا حبيبتى ياما اتمنيت اللحظه دى من زمان اوى اوووى اوووووى . وقرب منها وراحوا فى عالم تانى خالص .
وعند حسام وأيه الوضع كان مختلف وأيه كانت مكسوفه جدا واول لما حسام قفل الباب راحت قعدت على كرسى التسريحه وهى متوترة .. وحسام حس بيها وبخجلها فقرب منها ومد ايده ليها ووقفها وقربها منه وبص فى عيونها وقال .. حبيبتى مش عاوزك تخافى ولا تتوترى .. انا بقيت جوزك وحبيبك وكل حاجه ليكى فى الدنيا دى وقرب منها اكتر وباس ايديها وقال .. ماشى يا روح قلبى .
وأيه ابتسمت اول لما سمعت كلامه الحلو ده وحطت راسها على صدره وقالت .. ماشى يا حبيبى . وفى الجناح التالت بتاع زين وليل .. ليل اول لما الباب اتقفل عليهم .. قلبها فضل يدق اوى اوى وبسرعه رهيبه وراحت قعدت على السرير وكانت بتفرك فى صوابع ايديها بكل قلق وتوتر .
زين شاف حالتها دى وابتسم وراح قعد جنبها وقال .. ممكن تهدى خالص وتدخلى تتوضى وتلبسى حاجه علشان نصلى وندعى ربنا انه يجعل ايامنا كلها خير وسعاده . ليل ابتسمت وقامت وفتحت الدولاب وطلعت اسدال ليها كانت جيباه علشان خاطر لحظه زى كده .. وعلشان تبدا حياتها الزوجيه مع حبيبها وهى بتدعى ربنا انهم يعيشوا فى سعاده دايما .
دخلت واتوضت ولبست الاسدال وزين هو كمان دخل واتوضأ وصلوا مع بعضهم ودعوا ربنا كتير . وزين قام وقف ومد ايده ليها وهى ابتسمت وقامت معاه ومسكها من وسطها وقربها منه وقال .. حبيبتى انا فرحان جدا انك بين إيديا وبقيتى مراتى وحبيبتى وكل حاجه ليا .. ليل انا ربنا عوضنى بيكى وبحبك وحنيتك وكان احلى عوض ليا فى الدنيا .
ليل ابتسمت ورفعت ايديها على صدره وقالت .. زين انا بحبك اوى واتمنيت كتير ان ربنا يجمعنى بانسان اكون بحبه اوى كده ويكون هو الامان والسند وربنا حقق ليا دعوتى . زين ابتسم وركز عيونه على شفايفها بكل شوق ومن غير اى مقدمات شالها بين ايديه ورفعها على السرير وضمها لصدره و... راحوا فى عالم تانى خالص .. كله حب وعشق .
خلصت روايتنا .. يارب اكون قدرت اسعدكم بيها وتكون عجبتكم .. الف تحيه وشكر وتقدير منى لكل واحد وقف جنبى وشجعنى وقدر ظروفى كويس اوى . حافظوا على اولادكم وعلى كل اللى بتحبوهم . حسيسوهم دايما بالحب بتاعكم وقوللهم دايما انكم معاهم وجنبهم وافتخروا بيهم . واعرفوا وعرفوهم ان الفلوس مش كل حاجه فى الدنيا الاهم من كل ده الحب والحنيه والامان . والاهم من كل ده العيله.
عن أنس بن مالك رضي الله عنه أنّ النبي صلى الله عليه وسلم قال: «إِنَّ اللَّهَ سَائِلٌ كُلَّ رَاعٍ عَمَّا اسْتَرْعَاهُ: أَحَفِظَ ذَلِكَ أَمْ ضَيَّعَ؟ حَتَّى يُسْأَلَ الرَّجُلُ عَلَى أَهْلِ بَيْتِهِ» «كُلُّكُمْ رَاعٍ وَمَسْئُولٌ عَنْ رَعِيَّتِهِ، فَالإِمَامُ رَاعٍ وَهُوَ مَسْئُولٌ عَنْ رَعِيَّتِهِ، وَالرَّجُلُ فِي أَهْلِهِ رَاعٍ وَهُوَ مَسْئُولٌ عَنْ رَعِيَّتِهِ، وَالْمَرْأَةُ فِي بَيْتِ زَوْجِهَا رَاعِيَةٌ، وَهِيَ مَسْئُولَةٌ عَنْ رَعِيَّتِهَا. تمت نهاية الرواية أرجوا أن تكون نالت إعجابكم
رواية ليل و زين الجبالى
