رواية همس الذكريات للكاتبة سحر فرج حلقات خاصة الفصل الثالث

قفلت ريهام مع هدير وراحت بسرعه علشان تبلغ جاسر وحازم بالكلام اللى هدير قالته ليها عن موضوع ماكس ده واللى حصل منه في شرم الشيخ.
وفعلا راحت ريهام وبلغتهم بالكلام ده والكل اتصدم من كلامها لكن كان في واحد سرحان و بدأ يسترجع كل اللى حصل من ماكس ده وهما في شرم وافتكر نظراته ليهم وهو خارج من الفندق واشارته ليهم بأيده أنه مش هايعدى الموضوع ده على خير.

جاسر: ايه يا حازم الكلام ده فعلا حصل وانتم في رحله شرم وايه حكايه ماكس ده بالضبط فهمنى وعمل معاكم ايه.
حازم: انا هاقولكم على كل حاجه وكويس أن حضره الضابط لسه موجود.

وفعلا بدأ حازم يحكى ليهم كل حاجه حصلت معاهم في شرم من ساعه لما شافوا ماكس ده في رحله السفارى ونظراته لمنه: لحد ما حاول أنه يقرب من منه ويتصور معاها بالعافيه ومنه ضربته بحجر على الأرض: ونظرات الانتقام ليهم وهو مسافر على بلده وهو خارج من الفندق.

الضابط: هو فعلا حكايته غريبه وجايز يكون هو اللى خطف منه: احنا لازم ندور عليه ونرجع الفندق اللى انتم كنتم نازلين فيه ونشوف اسمه وبلده ونشوف برضه بعدها كشوف الرحلات بتاعه المطار والرحلات الاخيره: ممكن نوصل لحاجه.
جاسر: يعنى حضرتك شايف كده ولا ممكن يكون كل ده كلام فارغ وهايبعدنا عن اللى احنا عاوزين نوصله اصلا.

الضابط: والله جايز يكون صح وجايز لا ومش هاقدر اقول اى حاجه غير لما نرجع للفندق ورحلات المطار الاول.
حازم: انا عندى احساس كبير أنه هو اللى خطف منه: منه ملهاش أعداء والكل بيحبها: ولا انا كمان ليا اعداء: ومحدش يقدر يعمل كده فيها.
ريهام: انا لازم اتصل بعمر اخو صلاح اكيد هايسعدنا. وكويس أنه اتنقل قريب هنا في مديريه امن القاهره.

جاسر: فعلا عندك حق يا حبيبتى: وانا برضه هاحاول اكلم ناس اصدقائى في الداخليه ممكن يوصلونا لاى حاجه.
في مديريه امن القاهره: وبالتحديد في مكتب عمر اللى كان مشغول جدا في موضوع الأمريكى ده اللى طلبه منه اللواء محمود عمار.
موبيله رن وكانت ريهام اللى بتتصل بيه: وده اللى خلاه يستغرب من المكالمه دى لأنه عارف ان ريهام وجاسر لسه بيقضوا شهر العسل.
عمر: اهلا ريهام.
ريهام: اهلا يا عمر ازيك.

عمر: الحمد لله بخير: انتم رجعتم امتى من شهر العسل؟: سحر ما بلغتنيش يعنى بوصولكم.
ريهام: احنا لسه واصلين من كان ساعه انا وجاسر: وكان ميعدنا لسه بعد يومين: بس رجعنا علشان منه اختى اتخطفت واحنا قالبين الدنيا عليها: وقولت اكلمك يمكن تقدر تساعدنا في حاجه يا عمر.
عمر: انتى بتقولى ايه: وامتى حصل الكلام ده: وفين و ازاى.

ريهام حكت لعمر على كل اللى حصل مع اختها، وعمر استغرب جدا من الكلام ده: وبالذات موضوع ماكس. وانه ممكن يكون هو اللى عمل كده فعلا ووعدها أنه هايعمل تحرياته الخاصه وهايبلغها اول بأول باللى وصله. وهايبقى يعدى عليهم بعد ما يخلص شغله هو وسحر علشان يطمنهم لو وصل لحاجه.

في الفيلا عند جاسر: كان الضابط طلب من حازم أنه يخلى هدير وأحمد زميله يجوا هما كمان ويسمعهم ويشوف معاهم موضوع ماكس ده: يمكن يكون في حاجه مهمه وحازم مش فاكر من كتر التوتر اللى هو فيه.
وطلب من حازم أنه يجيب ورقه وقلم ويحاول يرسم وش ماكس ده وبأدق التفاصيل علشان يقدروا يوصلوله.

وفعلا قام حازم ونفذ اللى طلبه منه حضره الضابط واتصل بهدير وأحمد: وبلغوه أنهم هايجوا على طول مسافه السكه: وبعدها جاب ورقه وقلم وبدأ يرسم وش ماكس.

في شقه شادى كانت امل قاعده هى وام شادى وبيلعبوا مع حسام: فامسكت امل موبيلها واتصلت على شادى علشان تتطمن عليه وتشوف هو فين لحد دلوقتي.
شادى كان قاعد هو وجاسر ومستنين حازم يخلص الرسمه اللى هو بيرسمها بتاعه ماكس.
موبيله رن: فاستأذن وراح على البرنده علشان يتكلم براحته معاها: ورد عليها لما شاف اسم امل مراته: وتوقع انها بتتصل تتطمن عليه علشان أتأخر على رجوعه للبيت ونسى خالص أنه يتصل بيها.

شادى: اهلا يا حبيبتى.
امل: ايوا يا شادى انت فين كل ده يا استاذ جوعتنا معاك انا وماما وحسام ومش عاوزين نتغدى غير لما ترجع سيادتك وناكل مع بعض. الساعه بقت سبعه اهى وهايبقى عشاء مش غدا.
شادى بصوت حزين: اتغدوا انتم يا امل انا مش هاقدر اجى دلوقتى خالص.
امل بأستغرب: ليه في ايه يا شادى وصوتك عامل كده ليه طمنى: حد حصله حاجه.
شادى: أهدى يا امل مفيش حاجه اطمنى.

امل: اطمن ازاى بس وانت صوتك بيدل أن في حاجه حصلت. قولى فيه ايه يا شادى لو سمحت.
شادى: منه مرات حازم اتخطفت الصبح ومحدش قادر يوصل لها ولا نعرف سبب الخطف ده ايه: وجاسر وريهام لما عرفوا وهما في شهر العسل رجعه على طول من كام ساعه كده.
امل: يا خبر. منه اتخطفت: طيب مين ممكن يعمل كده ويخطفها يا شادى قولى.

شادى: أهدى يا امل لو سمحتى: واحنا لسه مش عارفين اى حاجه: ولا عارفين مين يقدر يعمل كده: اتغدوا انتم علشان خاطر ماما وعلاجها وعلشان كمان حسام زمانه جاع: وانا هابقى اجى شويه كده.
امل: ماشى يا شادى بس لو سمحت ابقى طمنى اول بأول لو وصلتوا لاى حاجه علشان خاطرى: وانا ممكن اغديهم واجى عندكم علشان اكون جنب ريهام في موقف زى ده: زمانها محتاجه حد يطمنها ويهديها هى وطنط ام جاسر.

شادى: ماشى يا امل وخلى بالك من نفسك وانتى جايه يا حبيبتى.
وقفل معاها شادى ورجع تانى لجاسر وحازم اللى كان خلص الرسمه اللى بيرسمها لوش ماكس واتصل بالضابط اللى كان رجع على قسم الشرطه وبلغه أنه خلص الصورة.
والضابط بلغه أنه هايجلهم على الفيلا خلال نصف ساعه.
استأذن جاسر منهم وطلع على اوضته علشان يطمن على ريهام اللى اختفت فجاه لما كانت قاعده مع والدته وباباها ومامتها.

وطلع على فوق ووصل للاوضه وفتح الباب ودخل وشاف ريهام قاعده على السرير وميته من العياط.
جاسر قرب منها بسرعه وضمها لحضنه وقالها. : ريهام حبيبتى: أهدى يا قلبى ومتقلقيش هانوصل لها إن شاء الله: اوعدك: وان شاء الله قريب اوى اوى كمان: انا واثق من كده: وعاوزك تطمنى: وتعرفى انى جنبك دائما. ومنه دى اختى زى ما هى اختك بالضبط. ومرات اخويا كمان: اطمنى واهدى يا روح قلبى.

وقرب منها وباسها في خدها بمنتهى الحنيه وطلب منها أنها تقوم وتغسل وشها وتنزل تحت معاهم علشان خاطر مامتها وباباها ونفسيتهم وزعلهم على منه: وهى لازم تكون قويه وتكون سند ليهم في محنه زى دى.
وفعلا قامت ريهام بعد ما كلام جاسر هداها شويه وطمنها ودخلت الحمام وغسلت وشها ونزلت على تحت. وطلبت من جاسر أنه يروح يجيب لها عمر من الفيلا التانيه لأنه واحشها جدا جدا ونفسها تشوفه.

جاسر وعدها أنه هاينزل على طول ويجيبه لها بس بشرط تفوق من اللى هى فيه ده وتحاول انها ما تظهرش لعمر أن في حاجه وبالذات موضوع خطف منه ده لان بيحبها جدا جدا.
هديت ريهام شويه مع أن الخوف والقلق على أختها لسه موجود بس حاولت تمسك نفسها علشان خاطر اهلها وابنها.
باب الفيلا رن وكان هدير وأحمد وصلوا وبظروفها قابلوا سحر على الباب وهى جايه لريهام بعد ما عمر بلغها بكل اللى حصل.

ريهام رحبت بيهم وسلمت على سحر واترمت في حضنها وبدأت تعيط تانى غصب عنها.
سحر: أهدى يا ريهام يا حبيبتى، ان شاء الله هيقدروا يلقوها ويوصلوا للى عمل كده وهاياخد عقابه.
ريهام: يارب يا سحر يااااارب.
عمر مجاش معاكى ليه علشان يقولنا قدر يوصل لحاجه ولا لا.
سحر: عمر كلمنى وزمانه على وصول وصلاح كمان زمانه جاى هو وهند: وزعلوا جدا لما عرفوا اللى حصل لمنه اختك.
ريهام: ليه بس مين بلغهم: مش عاوزين نتعب حد معانا.

سحر: ولا تعب ولا حاجه يا ريهام: لو موقفناش مع بعض في الظروف اللى زى دى هانقف امتى يعنى: وبعدين انتى عارفه كويس اوى صلاح وهند بيحبوكم اد ايه.
ريهام: ايوا فعلا: ربنا يخليكم لينا يارب: ومعلش يا سحر لو كنت قولت لعمر قبل ما اقولك: انا كنت زى المجنونه اول لما وصلت وقولت ابلغ عمر على طول يمكن يقدر يساعدنا في اى حاجه او يوصل للى عمل كده لمنه.

سحر: انتى بتقولى ايه يا بنتى انتى: مفيش عتاب في الظروف اللى زى كده طبعا انتى في ايه ولا ايه بس يا ريهام وانا عمرى ما ازعل منك ابدا انتى اختى واكتر كمان والله. ربنا يطمنا على منه إن شاء الله.
ريهام: يارب يا سحر: يااااارب
شويه وحضرة الضابط عمر وصل ليهم ودخل وقعد مع جاسر اللى كان جاب عمر لمامته وفرح جدا لما شافها.

وحضره الضابط عمر بدأ يستفسر من حازم على كل حاجه من الاول بالضبط وعلى موضوع ماكس واللى حصل بالتفصيل في شرم الشيخ.
وكان قاعد معاهم كمان الضابط بتاع القسم واتعرف على عمر وشاف الصورة اللى رسمها حازم لماكس.
عمر اتفاجأ جدا بالصورة اللى حازم رسمها لانها كانت تبك الأصل من مارك إلى اللواء محمود عمار بلغه أنه يدور عليه.
وانه أمريكى إسرائيلى ودخل مصر من اسبوع والداخليه بدور عليه وعاوزه توصله.

جاسر: انت تعرفه ولا ايه يا عمر: شكلك اتغير كده ليه اول لما شوفت صورته.
عمر طبعا علشان دى اسرار شغله قال: لا ابدا اصل حسيت انى شوفته قبل كده.
ضابط القسم: انا عملت كل التحريات وقدرت اوصل للفندق اللى كان في شرم الشيخ وعرفت أنه اسمه الحقيقى دانيال وسافر على امريكا. ومرجعش تانى على هناك.

ووصلت برضه تحرياتنا اللى في المطار لواحد جه على طيارة من امريكا من حوالى اسبوع بنفس المواصفات دى لكن اسمه مارك مش دانيال: وبلغتهم أنهم يستمروا في التحريات والبحث تانى يمكن نقدر نوصل لحاجه تانى.
عمر قام وقف واستأذن أنه يمشى علشان افتكر حاجه مهمه جدا ولازم يرجع على المديريه.
الكل استغرب من تصرف عمر المفاجأة ده وحس جاسر أن عمر عرف حاجه ومش عاوز يقول عليها دلوقتى.

وفعلا خرج عمر من الفيلا وركب عربيته وراح تانى على شغله: ووصل لحد مكتب اللواء محمود عمار وطلب أنه يقابله في شىء ضرورى جدا.
تلت دقائق ودخل عمر وسياده اللواء محمود رحب بيه.
اللواء محمود: خير يا حضرة الضابط شكل عندك حاجه مهمه وحبيت انك تبلغنى بيها.

عمر: اه طبعا يا افندم. انا قدرت اوصل لمعلومات مهمه جدا جدا. وحبيت أبلغها لحضرتك، وبدأ عمر يحكى للواء محمود كل حاجه عن موضوع منه وعن ماكس أو مارك زى ما اللواء عارف اسمه.
اللواء محمود: مش انا قولتلك يا حضره الضابط أن ليه اسماء كتير: مارك ودنيال وماكس: واسماء تانى كتير: بس غريبه أن يخطف منه: يا ترى عاوز منها ايه بالضبط: ويا ترى خطفها وراح فين ومستخبى فين.

عمر: وانا يا افندم اللى هاقول لحضرتك هو فين بالضبط ومستخبى فين: بس بعد ما اقدر اوصل لكاميرات المطار والبوابه اللى خرج منها.
اللواء محمود: ماشى يا حضره الضابط بس قدامك 24 ساعه وتبلغنى مكانه بالضبط.
عمر: تمام يا افندم و اوعدك قبل كده كمان هاكون بلغت حضرتك.
اللواء محمود: ربنا يوفقك يا حضره الضابط، وشكل كلامهم عليك وذكائك وشجاعتك واسرارك طلع صح. وانا واثق فيك.

عمر: ليا الشرف يا افندم لثقه حضرتك فيا: بعد اذنك بقى لازم اروح بنفسى على المطار.
اللواء محمود: اتفضل يا عمر.
خرج عمر من مكتب اللواء محمود وكان كله اسرار وتحدى أنه يوصل لماكس أو مارك ده ونزل و ركب عربيته وراح على المطار.
وهو سايق العربيه موبيله رن وكان الحاج ادهم بيتصل عليه علشان يطمن أنه بخير. وانه حجز قاعه الفندق للفرح وأكد الحجز.
عمر: سلامو عليكم: الحاج ادهم بحاله بيتصل عليا.

الحاج ادهم: اهلا يا عمر يا ولدى: كيفك وكيف خطيبتك الدكتورة سحر.
عمر: بخير والله يا حاج: اذيكم انتم وازى صحتك وصحه الحاجه سهام ومعتز وسماح والعيال.
الحاج ادهم: كلنا بخير يا ولدى: والسرايه كلها بتستعد لفرحك يا ولدى: ربنا يتمملك على خير ونفرح بيك انت والدكتورة: وقولت اطمن عليك واشوفك حجزت القاعه بتاعه الفندق وأكدت الحجز ولا ايه.

عمر: اطمن يا حاج كله تمام ما تقلقش: المهم سلم على امى وعلى معتز كتير. وانا ان شاء الله خلال يومين هاكون عندكم بأذن الله.
الحاج ادهم: تيجى بالسلامه يا ولدى.
مش عاوز اى حاجه منى.
عمر: عاوز سلامتك يا حاج: وقفل معاه.
ووصل المطار ودخل على جوا وبدأ يطلب كل الكاميرات يوم وصول طيارة أمريكا دى.
وفضل حوالى ساعتين أحد ما وصل ليه وشاف ماكس وهو خارج من البوابه وكان في عربيه سوداء مستنياه بره اودام الباب.

قرب من العربيه وقدر أنه يوصل للأرقام بتاعتها. وطلب من شرطه المرور انها تبلغه بمكانها عن طريق كاميرات مراقبه الطريق على مستوى مصر كلها.
وبعد حوالى نصف ساعه كان وصل خبر من شرطه المرور بمكان العربيه وأنها موجوده على الطريق الصحراوى في إحدى المزارع البعيده داخل الصحراء.
فرح عمر جدا بالخبر ده وانه قدر يوصل لماكس واطمن أن هايقدر يوصل كمان لمنه.

قام وركب عربيته ورجع على المديريه وبلغ اللواء محمود بكل اللى قدر يوصله. واللواء محمود أمر بالقبض عليه فورا: وحيا عمر على اسراره وذكائه وانه نموذج مشرف للداخليه كلها.
فرح عمر بكلام اللواء محمود وبدأ يستعد ويجهز نفسه هو وباقى الضباط علشان يروح يقبض على ماكس ويرجع منه لبيتها وجوزها.

وبعد حوالى نصف ساعه كان الكل مستعد للمهمه. وكان عمر بلغ جاسر وحازم بكل اللى قدر يوصله وفرحوا جدا جدا بده: وطلبوا من عمر انهم يروحوا معاه للقبض عليه: بس للاسف عمر مكنش راضى لأن في خطوره على حياتهم.
بس مع اسرار وتصميم جاسر وحازم أنهم يروحوا وافق عمر واتفق معاهم على المكان الل هايتقبلوا فيه بعد شويه.
وجت ساعه الصفر واتجمع الكل وجاسر وحازم قابلوا عمر في المكان المحدد وراحوا على مكان المزرعه بكل هدوء.

وبعد حوالى ساعه وبعد مشوار طويل داخل الصحراء لمحوا وشافوا أضواء المزرعه وسط الاشجار العاليه.
نزلوا من عربياتهم واتجه الضباط والفرقه اللى معاهم جنب أسوار المزرعه: وطلب عمر من جاسر وحازم أنهم يفضلو في عربيتهم لخطورة الموقف.
وبعد كده راح جنب سور المزرعه وبدأ بشويش يقرب من الباب الحديد هو وفرقته وكان في حرس كتيييير واقف قرب بشويش منهم من غير ما يشوفوهم.

في الفيلا من جوا كان ماكس في اوضته بيستعد علشان يروح يقضى السهرة مع منه اللى بيتمناها بقاله كتير.
وكان لابس فانله كت وشورت قصير وماسك ازازة وسكى في أيده.
فتح الباب فجاه على منه: اللى كانت منكمشه في بعضها من كتر الخوف.
وقرب منها.
منه حاولت تصرخ لما شافت منظره كده وتقوم وتبعد عنه: بس للاسف هو كان اشد منها وحاول يمسكها من وسطها ويضمها لصدره.

منه بكل ما فيها بدأت تضربه بأديها على صدره جامد وتحاول تزقه بعيد عنها علشان ما يقربش منها.
صوتها بدأ يعلى وبدأت تضرب وتضرب فيه وتخربشه في كل مكان في جسمه وهو كان فرحان اوى بحالتها دى واللى هى بتعمله وبيتلزز بكل ده.
وقالها أنه بيعشقها وبيحبها اوى وبيحب كل حاجه فيها.

بعدت عنه وحاولت تمسك اى حاجه في اديها علشان تضربه: لكن للاسف هو أشد وأقوى وشدها عليه جامد وكان عاوز يبوسها. وبدأ يقطع الهدوم اللى هى لبساها. وقالها أنه هايخدها معاه على امريكا وجهز كل حاجه علشان السفر خلال ساعات.
وفجاه وقف وسمع صوت ضرب نااار بره في الجنينه.
جاسر وحازم اول لما سمعوا ضرب النار نزلوا من العربيه وجاسر خد مسدسه معاه و جريوا وراحوا على جوا الفيلا وكان في رجاله كتير مرميه على الأرض.

ماكس بسرعه خد مسدسه من اوضته ونزل على تحت بس البوليس كان أسرع منه وبدأ تبادل ضرب نار بينه وبين الضباط وفى طلقه جت فيه وافتكر الضباط أنه مات.
دخل جاسر وحازم بسرعه وقربه منه وعمر أتأكد من حازم أن ده ماكس.
وحازم اكدله فعلا أنه ماكس. ولسه حازم هايقرب من ماكس على الأرض.
عمر، : حاسب يا حااااااااازم.
وخرجت طلقه من مسدس ماكس.
يا ترى الطلقه جت في مين فيهم.

رواية همس الذكريات للكاتبة سحر فرج حلقات خاصة الفصل الرابع

من قال لا أحبّك
أحبّك
من قال أنّي لا أحبّك
حبيبتي من قال إنّك حبيبتي
إنّك بعضٌ من أحرفي بعضٌ من كلماتي
بعضٌ من حبري بعضٌ من امتداداتي فافهميني
وافهمي أنّي من صلب الشعراء
ولدت
افهميني وافهمي أنّي من مزاج الجنون
جئت
فأنتِ لي كما كلّ النّساء من قال إنّي لا أحبّك؟
فأنا لكلّ حبّ النساء أرغب
من قال إنّك المرأة التي أريد؟
فأنتِ كأيّ قصيدةٍ أكتب إنّك بعضٌ من امتداد الغروب
إنّك بعضٌ من امتداد القمر إنّك في قصائدي.

بعض من ألواح القدر ألف أنثى، ألف أنثى داخل قصائدي،
وألف حبٍّ ألف عشق داخل دمي ألف امرأةٍ لها أنتمي
فافهميني وافهمي أنّك لست حبّاً أوّل وأخير
وأنّك لست في قلبي عشقاً أثير
إنّك حبيبتي كما كلّ لوحاتي
وكما كلّ محطّاتي كألف ألف قصيدة أكتب.
حبيبتى.

دخل جاسر هو وحازم بمنتهى السرعه اول لما سمعوا صوت ضرب النااار ودخلوا الفيلا وشافوا عمر وزمايله وهما بيتابدلوا ضرب النار مع شخص وقع على الأرض اول لما جت الطلقه فيه من مسدس عمر.
حازم قرب من الشخص اللى وقع على الأرض علشان يشوفه ماكس ولا لا وقرب اكتر وشافه و فعلا أكد لعمر أنه الحيوان ماااكس. ولسه هايجى جنبه
عمر، : حااااااسب ياااا حااااااااازم
حااااااااازم.

وجرى بسرعه عمر ووقف اودام حازم قبل ما الطلقه تيجى فيه من مسدس ماااكس للاسف.
وخد عمر الطلقه في صدره ووقعوا على الارض هما الاتنين حازم وعمر.
وفى الحظه دى كانت نزلت منه من فوق على صوت ضرب النار واتصدمت اول لما شافت حازم على الأرض هو وعمر والدم مالى المكان.
منه: عاااااااااااااااااااااا. حااااازم
جاسر جرى باقصى سرعه عليهم وعرف ان حازم بخير وان اللى اتصاب عمر والطلقه جت في صدره.

جاااااسر: عمر. عمر. رد عليا. رد عليا يا عمر: اتصلوا بالاسعاف بسرعه.
حازم قام بسرعه وخد منه في حضنه بس للاسف: اول لما شافته وقعت على الأرض واغمى عليها.
اتصدم حازم من منظرها ومن هدومها المقطعه.
حازم: منه. منه فوقى يا حبيبتى. انا جنبك متخافيش من حاجه حقك عليا انا اللى سمحت للحيوان ده أن يعمل كده فيكى. سامحيني يا حبيبتى.
وفى ثوانى شالها وجرى على بره وركب عربيه جاسر وراح على اقرب مستشفى.

في السرايه كانت الحاجه سهام في اوضتها بتصلى فرض ربنا وبتدعى لعمر أن ربنا يحفظه ويسترها معاه دايما ويعديها على خير: وفجاه حست بألم في صدرها وحست بشىء غريب اوى قلقها على عمر.
فقامت وطلبت من الحاج ادهم أنه يتصل بعمر ويطمن عليه.
الحاج ادهم: خير يا حاجه في ايه ومالك وشك اصفر كده ليه و خايفه كده ليه.
الحاجه سهام: مش عارفه يا حاج قلبى واكلنى على عمر مش عارفه ليه: اتصل بيه يا حاج وطمنى عليه ينوبك صواب.

الحاج ادهم: أهدى يا حاجه: انا لسه مكلمه النهارده ومطمن على أحواله وهو بخير. ليه قلقانه عليه بس.
الحاج سهام: مش عارفه يا حاج مش عارفه. ربنا يستر.
الحاج ادهم: خير يا حجه أن شاء الله وقولى يارب.

وفى الفيلا عند ريهام كان الكل قاعد قلقان وبالذات لما خرج جاسر وحازم فجاه من غير ما يقولوا هما رايحين فين: ومحدش فيهم راضى يرد على موبيله ولا جاسر ولا حازم.
حتى سحر عماله ترن على عمر علشان يجى يوصلها للبيت مش بيرد عليها.
ريهام: انا مش عارفه في ايه بالضبط واختفوا وراحوا فين: قولى انت يا شادى اكيد عارف هما فين.
شادى: صدقينى يا ريهام مش عارف راحوا على فين.

فجاه الموبيل بتاع ريهام رن وكان جاسر اللى بيتصل.
ريهام مسكت الموبيل بسرعه وردت عليه: ايوا يا جاسر انتم فين يا حبيبي ومش بتردوا على الموبيلات ليه؟
جاسر: اطمنى يا ريهام احنا بخير ولقينا منه وهى معانا دلوقتى انا وحازم.
ريهام بفرحه: بجد يا جاسر لقيته منه: هى فين وعامله ايه.
جاسر: أهدى يا ريهام احنا في المستشفى وكنا مع عمر لما لاقيناها: بس للاسف عمر اتصاب وخد طلقه في صدره ودخل اوضه العمليات.

ريهاااام بذهوووول: عمر
سحر اول لما سمعت اسم عمر قامت وقفت وقالت: في ايه يا ريهام ماله عمر. قولى يا ريهام.
ريهام: طيب انتم فين يا جاسر واحنا هانجلكم على طول.
جاسر بلغ ريهام بعنوان المستشفى اللى هما فيها. وقفل معاها.
سحر: طمنينى يا ريهام أرجوكى عمر ماله.
ريهام بحزن: للاسف عمر اتصاب وهما بيجيبوا منه من المكان اللى كانت مخطوفه فيه.
سحر، : لاااااااااااااااااا حرااااام
ده احنا كلها يومين ونتجوز. حرااام.

ريهام قربت منها والكل كانوا حواليها وبيحاولوا يهدوها: وبالذات خالتها ام جاسر.
ام جاسر: أهدى يا بنتى: أن شاء الله هايقوم بالسلامه: وربنا هايسترها معاه.
ريهام: اهدى يا سحر و يالا بسرعه نروح ونطمن عليه في المستشفى. جاسر إدانى العنوان.

وفعلا قامت سحر وريهام ومعاهم أبوا ريهام وشادى اللى كان عارف جاسر وحازم راحوا فين: بس جاسر أكد عليه أنه يفضل معاهم ويخلى باله منهم وما يقولش ليهم على اى حاجه من اللى هما هايعملوها ولا أنهم راحوا مع عمر.
وبعد حوالى نصف ساعه كانوا وصلوا اودام باب المستشفى وسألوا على مكان عمر وعلى الكل: وعرفوا أنهم عند اوضه العمليات اللى في الدور التالت.

طلعوا في الاسانسير ووصلوا لمكان العمليات وشافوا جاسر وبعض زمايل عمر في الداخليه واقفين علشان يطمنوا عليه.
جريت ريهام على جاسر وسألته على حاله عمر هى وسحر: وجاسر طمنهم أنه بخير وان الرصاصه جت في كتفه والدكتور طمنهم.
سحر: بجد يا جاسر عمر بخير ولا بتضحك علينا.
جاسر: والله بخير يا سحر اطمنى وان شاء الله هايقوم بالسلامه.
سحر بعياط: الف حمد وشكر ليك يارب.
ريهام: اومال فين منه وحازم يا جاسر طمنى عليهم.

جاسر شدها ليه بكل حب وحنيه وحط ايده على كتفها وقالها حازم قاعد مع منه في الاوضه بتاعتها.
ريهام باستغراب: اوضه ليه يا جاسر منه مالها: هى حصلها حاجه ولا ايه.
جاسر: اهدى يا حبيبتى منه بخير: هى بس لما شافت حازم وعمر واقعين على الأرض والدم حواليهم في كل مكان اغمى عليها: اطمنى يا حبيبتى.
ريهام: طب ودينى ليها يا جاسر لو سمحت.
أبوا ريهام: اه يا جاسر يا ابنى ودينى اطمن على بنتى. وشكرا على تعبك معانا.

جاسر: ما تقولش كده يا عمى: منه دى اختى ومرات اخويا كمان وكنت لازم اكون معاكم في حاجه زى كده انتم اهلى.
شادى: حمد لله على سلامتك يا صاحبى وان شاء الله عمر يقوم بالسلامه.
جاسر: الله يسلمك يا هندسه ومعلش تعبتك معايا.
شادى: ما تقولش كده احنا اخوات.
ريهام: ودينا لمنه يا جاسر لو سمحت: ومعلش يا سحر ثوانى وهارجعلك يا حبيبتى.
سحر: ماشى يا قلبى: وسلمى عليها.

ويادوبك ريهام هاتمشى هى وجاسر وباباها ويروحوا لمنه وحازم في الاوضه: وجه صلاح وهند: بعد ما جاسر كان بلغهم في التليفون بتاع عمر: لما اتصل صلاح كذا مره عليه وعمر ما ردش: فارد عليه جاسر وبلغه باللى حصل لعمر اخوه.
صلاح بالهفه وخوف على اخوه: طمنى يا جاسر: اخويا عامل ايه؟

جاسر: اطمن يا صلاح اخوك كويس وهايقوم بالسلامه: والدكتور طمنا أن الطلقه الحمد لله بعيد عن القلب وجت في كتفه. وان شاء الله هايقوم بالسلامه.
صلاح من كتر خوفه على عمر اترمى على الكرسى اللى جنبه وفضل يعيط جامد من كتر الخوف لا عمر يحصله حاجه.
الكل كان بيهديه ويطمنه: حتى زمايل عمر في الداخليه طمنوه.

هند كانت بتعيط على منظر صلاح وخوفه على اخوه وافتكرت حادثه امها واسلام الله يرحمهم وحست بالإحساس والشعور اللى صلاح حاسس بيه.
ريهام وسحر هدوها وطمنوها وطلبوا منها أنها تمسح دموعها وتقف جنب جوزها في حاجه زى كده.
ريهام حست أن هند افتكرت حادثه اسلام من نظراتها ليها: فطلبت من جاسر أنهم يروحوا لمنه وحازم.
وفعلا جاسر استأذن من الكل و مسك ايد ريهام وراح وداها هى وباباها لاوضه منه.

دخلوا الاوضه وشافوا منه نايمه على السرير وجنبها حازم..
قربت منها ريهام وخدتها في حضنها وفضلت تبوس فيها وقالت لها: حمد الله على سلامتك يا روح قلبى: طمنينى عليكى يا روحى: انتى كويسه.
منه بعيون كلها دمووووع: الحمد لله يا حبيبتى اطمنى انا بخير: انا كنت خايفه اوى يا ريهام: كنت خايفه ما شوفكيش تانى ولا اشوف بابا وماما وحازم والكل.
الاب: الف حمد وشكر ليك يارب: انك رجعتى لينا يا بنتى.

جاسر: حمد لله على سلامتك يا منه.
منه: الله يسلمك يا جاسر. ومعلش خليتكم تيجوا من شهر العسل: سامحوني.
جاسر قرب من ريهام وضمها ليه وقال: اذا كان كده متقلقيش لان ايامنا كلها هاتكون عسل بأذن الله.
حازم بضحك: قلقتينا عليكى يا منه يا بنت ام منه.
الكل فضل يضحك على كلامه وهزاره.
ريهام لمنه: خير يا حبيبتى طمنينى عامله ايه دلوقتى.
منه: اول لما جيت فوقونى وخدوا منى شويه تحاليل علشان يطمنوا اكتر.

وقالوا شويه كده والتحاليل نتيجتها هاتظهر.
ريهام: خير يا حبيبتى أن شاء الله.
قام جاسر وحازم واستأذنوا يروحوا عند العمليات علشان يطمنوا على حاله عمر.
وطلب الأب أنه يروح معاهم ويطمن عليه هو كمان: وسابوا ريهام مع منه.
الكل كان واقف اودام اوضه العمليات وهو قلقان: وبالذات سحر وصلاح اخوه: اللى كان متردد يتصل بالحاج ادهم ويبلغه باللى حصل لعمر: بس كان خايف من الصدمه عليه هو والحاجه سهام.

وللاسف موبيله رن وكان معتز اخوه بيرن عليه لأنه كان بيتصل بعمر بقاله فتره وموبيله مغلق.
صلاح: اهلا يا معتز.
معتز: ازيك يا أبوا صلاح: اخبارك ايه يا اخويا: وعمر عامل ايه: بتصل عليه بقالى فترة كان الاول مش بيرد وبعدها موبيله بقى مغلق.
صلاح بحزن: اطمن يا معتز هو بخير.
معتز: مال صوتك يا صلاح في ايه انتم كويسين. وعمر كويس طمنى.

صلاح بحزن: عمر اتصاب يا معتز وهو في المهمه بتاعته واحنا في المستشفى دلوقتى ادعيله وخلى الحاجه والحاج يدعوله.
معتز بصدمه وصوت عااالى: بتقول ايه يا صلاح عمر جراله ايه.
وعلى صوته العالى ده: اتجمع كل اللى في السرايه عليه وحسوا أن في حاجه وحشه حصلت لعمر.
صلاح أهدى يا معتز علشان خاطر ابوك وامك: لاحسن يحصل لهم حاجه..
معتز بتوتر. : اقفل دلوقتى وانا مسافه السكه هاكون عندك: ادينى عنوان المستشفى بسرعه.

واداله صلاح عنوان المستشفى وقفل معاه.
الحاج ادهم بالهفه وخوف: خير يا معتز يا ولدى عمر ماله: اخوك ماله يا ابنى طمنى.
الحاجه سهام اللى مكنتش قادرة تقف على رجلها من الخوف والصدمه: ابنى حصله ايه يا معتز يا ولدى. قلبى كان حاسس: وانا عمرى ما قلبى كذب عليا: اااااااه يا عريس يالا مالحقتش تفرح يا ولدى. اااااااه ياااا ولدى: يا زينه الشباب يا عمر: ودونى لابنى.

سماح: اهدى يا عمتى أن شاء الله يكون بخير ويقوم بالسلامه. ادعيله.
معتز: انا هاروح لهم يا حاج خليك وانا هابقى اطمنكم اول لما اوصل.
الحاج ادهم: رجلى على رجلك يا ولدى: انا لازم اطمن بنفسى على ولدى.
الحاجه سهام: رجلى على رجلكم: ودونى لابنى: اخده في حضنى واشم ريحته. اااااااه يا ولدى.
معتز: خليكى انتى يا حاجه المشوار هايتعبك وانا هاطمنك بنفسى. علشان صحتك يا امى.

الحاج ادهم: سيب امك يا معتز تيجى يا ولدى وتشوف ابنها بعنيها وتدعيله: هو زمانه محتاج دعوتها دى: وربنا كبير قادر يقومه بالسلامه.

في المستشفى كان الكل واقف على أعصابه لحد ما باب العمليات اتفتح وخرج الدكتور والكل جرى عليه.
صلاح: خير يا دكتور اخويا أخباره ايه.
الدكتور: اطمن يا استاذ: حضره الضابط بخير: والرصاصه جت في كتفه الحمد لله: وان شاء الله يفوق من البنج ويروح على اوضته.
صلاح: الف حمد وشكر ليك يارب: والف شكر ليك يا دكتور.
الكل استريح وفرح بسلامه عمر.
وجاسر شكر الدكتور وبارك لصلاح بسلامه اخوه.

سحر دموع الفرحه نزلت من عيونها: وريهام ضمتها في حضنها.
وخلال ساعتين كانوا وصل معتز بالعربيه اودام باب المستشفى وطلعوا عند عمر في اوضته.
جريت الحاجه سهام على السرير اللى فيه عمر وفضلت تبوس في أيده: الف سلامه عليك يا ولدى: الف بعد الشر عليك يا حبيبى.
ريهام: أهدى يا حاجه: الحمد لله عمر بخير والدكتور طمنا.
الحاج ادهم: بجد يا دكتورة ريهام: ولدى بخير: وهايقوم بالسلامه ونفرح بيه.

ريهام: بجد يا حاج ادهم عمر بخير. وانشاء الله هانفرح بيه هو وسحر.
معتز: الحمد لله: الف حمد وشكر ليك ياااااارب.
الكل كان فرحان بسلامه عمر: واطمنوا اكتر بعد ما فتح عيونه وطمنهم بنفسه أنه كويس.
وفى اوضه منه كان حازم معاها: وفضل قاعد جنبها على السرير: وضمها لحضنه وبص في عيونها وباسها من ايديها.

حازم بالهفه وشوووق: حمد لله على سلامتك يا روح قلبى: انا كنت هاموت من كتر الخوف عليكى: انا بحبك اوى اوى يا منه: وبحبك اكتر واكتر بعد اللى حصل ده: وشدى حيلك بقى علشان نرجع لبتنا: ولاوضتنا: ولسريرنا: ول، : هيييييييبييح وقرب اوى اوى منها ولسه هايبوسها من شفايفها والباب اتفتح بتاع الاوضه.
يا ترى مين الرخم اللى جه في الوقت الغير مناسب ده.

رواية همس الذكريات للكاتبة سحر فرج حلقات خاصة الفصل الخامس والأخير

فجاه باب الاوضه اتفتح وكان حازم قاعد هو ومنه بيحبوا في بعض واتخضوا من فتحه الباب
عااااااااااااااا
الدكتور: انا اسف اصل جيت وجايب معايا نتيجه التحاليل بتاعه مدام منه.
حازم بحرج: ولا اسف ولا حاجه يا دكتور اتفضل
خير التحاليل فيها ايه طمنى.
الدكتور. : خير يا استاذ حازم: المدام حامل: الف مبرووووك.
حازم ومنه، : عاااااااااااا من كتر الفرحه وفضل حازم يبوس فيها زى الاطفال.

الدكتور كان فرحان ليهم وكتب لمنه على بعض الادويه لزوم الحمل ووصاها انها تخلى بالها من نفسها كويس طول الفتره دى. واستأذن وفتح الباب واقفل عليهم بعد ما باركلهم.
حازم: الف مليوووون مبروك يا حبيبتى: اخيرا هابقى اب وهايكون عندى عيال: والعب معاهم واجبلهم لعب كتير وهدايا.
منه: انا مش مصدقه يا حبيبى: اخيرا هاكون ام.
حازم: صدقى يا منه يا بنت ام منه. اخيرا يا حبيبتى هاتبقى احلى ام.

انا هاروح افرح الكل في اوضه عمر وبالمرة اطمن عليه.
منه: ماشى يا قلبى.
ولسه هايخرج قابل احمد وهدير زمايله جايين يطمنوا على منه: وماسكين في اديهم بوكيه ورد حلو اوى.
احمد: ازيك يا صاحبى وازى منه دلوقتى اخبارها ايه.
حازم بفرحه: ابوا حميد، ازيك يا احمد: ازيك يا هدير: اتفضلوا، اتفضلوا جيتم في وقتكم.
هدير: خير يا ابنى في ايه ومنه عامله ايه.

حازم: منه الحمد لله بخير وزى الفل: وهاتجيب لينا ولى العهد بعد تسع شهوووور.
هدير بفرحه. : واااااااو. الف مليون مبروك يا حازم: وقربت من منه وحضنتها الف مبروك يا حبيبتى: انا فرحت ليكم جدا.
احمد حضن صاحبه وباركله وسابوا البنات مع بعض منه وهدير.
خرج حازم هو واحمد وقفل الباب وراه وراح بسرعه على الاوضه الخاصه بعمر: واللى كان الكل متجمع فيها علشان يطمنوا عليه.
فتح والابتسامه كانت على وشه من كتر الفرحه.

جاسر لاحظ الابتسامه على وش اخوه وقرب منه وقال: خير يا ظريف مبتسم على ايه.
حازم بفرحه: منه حامل يا جاسر..
منه حامل يا جماعه باركولى.
الكل فرح لفرحه حازم وباركوله على حمل منه.
عمر بتعب وارهاق: الف مبروك يا حازم ويتربى في عزكم ان شاء الله.
حازم قرب منه: الله يبارك فيك يا حضره الضابط: واوعدك ان شاء الله لو جه ولد هاسميه عمر: ايه رايك: كفايه وقفتك جنب منه وتعبك معانا.

عمر هههههه: ان شاء الله: بس ده واجبى وبعدين مفيش تعب ولا حاجه بين الاخوات: انت ومنه اخواتى يا حازم.
الحاجه سهام: ربنا يقومك بالسلامه يا ولدى علشان نفرح بيك انت وعروستك بقى وتجبولنا عمر تانى وتالت ورابع.
سحر: كل ده يا حاجه: كفايه اوى اتنين ان شاء الله.
الحاجه سهام. : ليه بس يا بنتى: احنا صعايده وبنحب العيال وبنحب الكترة واللمه.

الحاج ادهم: ايه يا حاجه هاتعملى حماه ولا ايه: اللى هما عاوزينه يعملوه: ربنا يفرحنا بيهم كلهم.
جاسر. : يقوم بس حضره الضابط بالسلامه ويشد حيله علشان نفرح بيهم: ولا نأجل الفرح يا عمر دلوقتى لحد لما تخف
عمر بغيظ: لاااااااااا
نأجل ايه، ومين قال انى تعبان: انا زى الفل اهو ومعنديش حاجه: اطلع انت منها يا استاذ.

جاسر بضحك: منك لله يا مااااكس: مخلتنيش اكمل شهر العسل بتاعى انا وحبيبتى. بس معلش احنا لسه فيها: هاروح معاك يا عمر انت وبنت خالتى ونقضى شهر العسل معاكم ايه رايكم.
عمر بغيظ: في ايه يا جاسر: انت في حد موصيك عليا ولا ايه انت واخوك: ايه يا عم شيلنى من دماغك.
حازم غمز لجاسر: اه والله يا جاسر يا اخويا: تصدق فكره حلوة: وبالمره نقضى كام يوم معاكم انا ومنه قبل ما ولى العهد يشرف.

عمر بنرفزه. : لااااااااا ايه ده انتم بقى كده متفقين عليا انت واخوك: يرضيك كده يا حاج ادهم اللى الاساتذه بيقولوه ده.
الحاج ادهم: اهدى بس يا عمر يا ولدى علشان جرحك لسه ما خفش: اخواتك وبيهزروا معاك: فيها ايه بس: ده انا كمان ممكن اجى معاكم: واجيب الحاجه سهام ومعتز وسماح ونقضى معاكم كام يوم كماااان.
عمر. : ااااااايه: حتى انت يا ابوى: انتم متفقين عليا: عجبك كده يا سحر.

سحر بخجل: وماله يا حبيبى: ده حتى علشان يونسونا ومانكنش لوحدنا.
عمر. ممكن تسيبونى لوحدى علشان عاوز انام.
الكل بيضحك على منظر عمر والكلام اللى هما بيقولوه: وخرجوا بره الاوضه علشان يستريح شويه.
بس لسه سحر هاتخرج بعد ما الكل خرج: نده عليها عمر.
عمر. : سحر
سحر: نعم يا حبيبى
عمر: انتى راحه فين؟
سحر: هاخرج معاهم علشان اسيبك تستريح شويه.

عمر: انا قولت كده علشان افضل انا وانتى لوحدنا: انتى وحشتينى اوى اوى اوى يا روحى.
سحر: عمر: والناس اللى بره يقولوا ايه بس.
عمر: سيبك منهم كلهم: المهم: انتى خفتى عليا.
سحر بكسوف: اه طبعا وكنت هاتجنن عليك وهامووووووت من الخوف عليك يا حبيبى.
عمر مسك ايديها وقربها من شافيفه وباسها بكل حنيه: بعد الشر عليكى يا حبيبتى.
سحر: انا بحبك اوى يا عمر.
عمر: قلب عمر وعيون عمر يا حبيبتى.

سحر: انت كل حاجه ليا يا عمر: وخفت عليك جدا لا يحصلك حاجه.
ولسه هاتكمل كلامها، : شدها عمر ليه وباسها بكل شوق ولهفه.
وبعد دقايق بعدت سحر علشان تاخد نفسها: وعلشان جرح عمر.
عمر: بعتى ليه؟
سحر: بلاش علشان انت تعبان يا حبيبى.
عمر: ومين قالك انى تعبان انا زى الحصان علشان انتى جنبى: وبيخبط بأيده على صدره: اااااااه
سحر: مالك يا حبيبى
عمر: متخافيش يا قلبى. انا كويس: اصلى نسيت انى متصاب.

سحر بضحكه كلها رقه، ومش قولتلك بلاااااش يا حضره الضابط.
عدى يومين والكل كان بيستعد علشان فرح عمر وسحر.
وعمر بقى كويس وخرج من المستشفى بعد ما الدكتور صرح له بكده.
بس بشرط انه ما يعملش مجهود كبير علشان خاطر الجرح ما يفتحش منه.
قبل الفرح بيوم كان الكل جه من البلد: الحاج ادهم والحاجه سهام ومعتز وسماح وعيالها وراحوا على شقه صلاح وهند علشان يجهزوا نفسهم تانى يوم للفرح.

طلع نهار يوم جديد والشمس طلعت وملت المكان.
وسحر كانت صحيت وبدات تجهز نفسها علشان تروح على البيوتى سنتر مع ريهام ومنه.
وكانوا نزلوا قبلها بيوم واشتروا فساتين حلوة اوى لريهام ولمنه.
لكن سحر كانت نزلت هى وعمر واشتروا فستان الفرح على ذوقهم هما الاتنين.
وفعلا شويه واتقابلوا: و البنات راحوا على البيوتى سنتر بعد ما عدوا على سحر وخدوها في سكتهم بالعربيه.

عدى كذا ساعه والكل عند صلاح في شقته خلص لبس وجهز نفسه علشان يروحوا على القاعه.
عمر كان في اوضه بيلبس بدلته: ودخل عليه اخواته الاتنين صلاح ومعتز.
صلاح: اوباااااااا. ايه الحلاوة دى يا حضرة الضابط كنت مخبيها فين.
عمر: هانبدا أر من اولها: سمى يا استاذ وكبر: وقول ما شاء الله.
معتز: ما شاء الله يا اخويا طالع زى القمر: ربنا يحميك ويتمملك على خير.
عمر: شايف الناس اللى بتفهم يا ابو صلاح.

صلاح: خلاص يا عموره: انا بهزر يا عم: ربنا يفرحك يا اخويا يارب.
الحاجه سهام اللى كانت خلصت لبسها هى والحاج ادهم وراحوا على الاوضه اللى فيا العريس.
الحاجه سهام: ما شاء الله يا حبيب قلبى: عشت وشوفتك ببدله الفرح يا ولدى.
عمر قرب من والدته ومسك اديها وباسها وحضنها: ما اتحرمش منك ابدا يا ست الكل وربنا يخليكى ليا يارب.

الحاج ادهم: الف مبروووك يا عمر يا ولدى: ربنا يتمملك بخير: ما شاء الله عليك ربنا يحفظك ويحميك يا ولدى: ويباركلى فيك انت واخواتك.
عمر قرب من والده وباس راسه وايده وقاله: ولا منك ابدا يا حاج ادهم: وربنا يقدرنى على خدمتكم ويخليكم لينا يارب.
الحاجه سهام: ويخليك انت واخواتك يا ولدى ويخلى عيالكم ويفرحنى بعيالك ان شاء الله يا حبايب قلبى.
سماح: احم. احم: نحن هنا يا عمتى: ولا نستينى انا وهند ولا ايه.

الحاجه سهام: كده برضه يا سماح يا بتى: ربنا يعلم انا بحبكم اد ايه وبعتبركم بناتى.
ربنا يخليكم يا حبيبتى انتى وهند وما اتحرمش منكم ابدا.
هند وسماح: ولا منك يا ست الكل: ربنا يخليكم لينا انتم الخير والبركه انتى والحاج ادهم كبيرنا وكبير البلد كلها.
عمر: مش كفايه بقى ولا ايه هانتاخر كده: ولا ايه يا ابوا صلاح.

صلاح: ااااااه. عندك حق يا عريس: لازم ننزل دلوقتى علشان ما نتاخرش اكتر من كده ولازم نكون هناك قبل الكل علشان نكون في استقبالهم.
وفعلا صلاح خد الكل ونزلوا على تحت: وجزء ركب مع معتز وجزء ركب مع صلاح: وسابوا عمر فوق لوحده يكمل لبسه وينزل يروح على البيوتى سنتر ويجيب العروسه والبنات هو وجاسر وحازم.

وفعلا عمر خلص كل حاجه وخد مفاتيح عربيته ونزل على تحت وركب العربيه وقبل ما يمشى بيها اتصل على جاسر علشان يستعجله ويتفق معاه على المكان اللى هايقبلوا فيه علشان يروحوا مع بعض على البيوتى سنتر.
عمر: ايوا يا جاسر: انا نزلت اهو: شوف حازم خلص ولا لا وشوفوا هانتقابل فين علشان الوقت اتاخر اوى عليهم وزمانهم هايزعلوا على التاخير ده كله.

جاسر: ايوا يا عم العريس ولا تاخير ولا حاجه يا عم وان شاء الله هاجيب حازم ونتقابل ونروح على طول
. ادعى بس ان الطريق يكون رايق ومفيش زحمه.
عمر: ان شاء الله وربنا يستر: يالا سلام: ما تتاخروش عليا وانا هاحصلكم على هناك.
جاسر: اشطااا يا معلم سلام.
وفعلا قفل جاسر مع عمر: وموبيله رن تانى وكانت ريهام بتطمن عليهم هما فين علشان سحر خلصت كل حاجه وهما وخايفين لا يتاخروا عليهم.

جاسر. : روووووح قلبى: لسه كنت هاطلبك حالا: واشوفك خلصتى ولا لسه: بس عمر كان بيكلمنى.
ريهام: ايوا يا حبيبى: انتم فين دلوقتى.
جاسر: عيون حبيبك: مسافه السكه واكون عندك يا روحى.
ريهام: يعنى انت فين بالضبط.
جاسر: احم: انا خلصت اهو ونازل على تحت وهاخد حازم ونتقابل كلنا عند البيوتى سنتر مع عمر.
ريهام: ماشى يا حبيبى يالا سلام: وما تتاخروش علينا.
جاسر: ماشى يا قلبى.

وقفل جاسر مع ريهام: واتاكد ان كل حاجه هو جهزها ماشيه مضبوط.
جاسر كان في الفندق اللى عمر وسحر نازلين فيه علشان يقضوا يومين فيه قبل ما يسافروا على الغردقه ويقضوا شهر العسل.
وحب يعمل مفاجاه لريهام ويحجز سويت ليه هو وهى ويقضوا يومين حلوين مع بعض: ويعوضوا اليومين اللى نزلوهم بسبب موضوع منه وخطفها وماكس.
ولسه يا دوبك هايفتح باب السويت اتفاجاه بحازم اخوه هو كمان خارج من السويت اللى جنبه.
جاسر: حااااازم.

انت بتعمل ايه هنا يا استاذ؟
حازم: اوباااااااااا
انت اللى بتعمل ايه هنا يا هندسه.
جاسر قرب منه: انطق يا حازم بتعمل ايه هنا وايه اللى جايبك هنا؟
حازم: يا ربى مفيش حاجه بتستخبى في البلد دى ابدا.
جاسر: انطق
حازم: ابدا: انا حجزت سويت ليا انا ومنه وقولت بعد ما الفرح يخلص باليل هاجيبها ونقضى لينا يومين حلوين اشمعنى عمر وسحر بنت خالتك يعنى: ما انا لسه عريس انا كمان انا ومنه بنت ام منه.

جاسر، : لا والله عريس ايه ده ان شاء الله.
ما انت قضيت شهر العسل بتاعك كله ومراتك حامل كمان اهو.
حازم بضحك: لا يا جاسر يا اخويا: اصل شهر العسل اللى فات قضناه في اسطنبول: فقولت اقضى شهر العسل في بلدنا واشوف الفرق.
جاسر ضربه على كتفه وقاله: طب يالا يا ظريف على تحت علشان هانتاخر على العريس والعروسه ومش هايبقى فيها يوم ولا يومين وهايقلبوا علينا: ولا هايبقى فيها مصرى ولا تركى.
حازم: عااااااا.

لاااا يالا بينا بسرعه: علشان الليله ما تضعش عليا هندسه.
جاسر بابتسامه: يالا يا ظرييييييف.
وفعلا خدوا بعضهم هما الاتنين وخرجوا من الفندق وكل واحد ركب عربيته وقابلوا عمر اللى كان على اخره منهم هما الاتنين على تاخيرهم وراحوا على البيوتى سنتر.
وقف التلت شباب اللى طالعين زى القمر كلهم مش العريس لوحده.
خرجت اول واحده وكانت منه بفستانها الروز وتسريحه شعرها الروعه وكانت طالعه زى السندريلا في الحواديت.

قرب منها حازم وباس اديها وركبها العربيه بتاعته.
خرجت بعدها ريهام اللى كانت زى القمر بفستانها الاسود وشعرها الناعم الجميل.
وقرب منها جاسر اللى كان هايتجنن بيها وبحلاوتها وبجاملها وكانت طالعه زى الاميرات.
وقرب جاسر وباسها من راسها ومسك اديها وراح على عربيته وفتح لها الباب وركبها.
واخيرا خرجت العروسه الجميله سحر بفستانها الابيض الطويل وطرحتها البيضه ومكياجها الرقيق: وبوكيه الورد الاحمر في ايديها.

قرب منها عمر وباس اديها وقال: مبرووووك يا روح قلبى: وربنا يقدرنى على سعاتك.
بس ايه الحلاوة دى: ما تيجى نطلع على الفندق على طول وبلاش نروح القاعه.
حازم برخامه وهزار: يالا يا عم العريس هانتاخر على فرحك: ابقى كمل كلامك لما تروحوا الاوضه بتاعتكم.
عمر: ماشى يا ظريف ليك يوووووم.
الكل فضل يضحك على كلام حازم.
وركبوا عربيتهم وراحوا على القاعه بتاعه الفرح.
وبعد شويه وصلوا القاعه والكل كان في انتظارهم.

وصل العريس والعروسه وبدأت الزفه والكل كان فرحان بيهم. ودخلوا على جوا وبدات الاغانى والزغاريط والرقص.
جاسر كان واقف جنب ريهام: وماسك اديها وبيبص عليها بكل حنيه وشوق.
جاسر قرب من وشها وقال: وحشتينى اوى اوى يا قلبى. هاموووووت عليكى.
ريهام بخجل، وانت كمان يا حبيبى وحشنى اوى اوى.
جاسر: ليكى عندى مفاجاه حلوة اوى وهاتعجبك.
ريهام: بجد يا جاسر: مفاجاه ايه يا حبيبى.

وقبل ما جاسر يقولها كان وصل شادى وامل مراته وراح لهم ورحب بيهم.
شادى: الف مبروك يا صاحبى.
جاسر: الله يبارك فيك يا شادى وعقبال لما تفرح بحسام ابنك ان شاء الله: ازيك يا امل.
امل: الله يسلمك يا جاسر والف مبروك: ازيك يا ريهام عامله ايه واخبارك ايه وازى عمر ابنك.
ريهام: الحمد لله بخير وعموره بخير: قاعد اهو مع ماما هناك على التربيزة: تعال يا حسام سلم عليه والعبوا مع بعض.

جاسر خد شادى وامل وراح عند والدته علشان يسلموا عليها.
شويه والرقص اشتغل وقام العريس والعروسه وبدؤا يرقصوا ويهيسوا على الاغنيه.
والكل وقف حواليهم وبدؤا يرقصوا معاهم.
وكانت اغنيه
سهرنا يا ليل
سهرنا يا ليل للصبح يا ليل
و أمانة ما تمشي يا قمر الليل
آه يا محلا الليل ويا حبيبي
ده حياتي معاه بقى ليها حياة
لو هفضل طول الليل حاضناه
مش هشبع من حضن حبيبي
استني يا شمس بقى استني
مش عايزة حبيبي يروح مني
متجيش وحياتك دلوقتي.

أصل انا لسه مخدتش وقتي
عايزة أسهر مرة على طريقتي
و أتهنى لحد الصبح معاه
استني يا شمس كمان حبة
محتاجة اني بحضنه اتخبى
وقّف يا زمان ساعتك ليلة
دي السهرة بقت جنبه جميلة
وحياتي مجتش من الليلة
دانا قلبي ما صدق يبقى معاه
سهرنا يا ليل للصبح يا ليل
و أمانة ما تمشي يا قمر الليل
آه يا محلا الليل ويا حبيبي
هنغني يا ليل للصبح يا ليل
و أمانة ما تمشي يا قمر الليل
آه يا محلا الليل ويا حبيبي
ده حياتي معاه بقى ليها حياة.

لو هفضل طول الليل حاضناه
مش هشبع من حضن حبيبي
على شان خاطري بقى يا ليل طول
ويا ريت لو ترجع من الأول
خليك سهران حبة معانا
الليلة أنا أسعد إنسانة
لو هفضل: ويا حبيبى
الكل كان بيرقص على نغمات الموسيقى وكلمات الاغنيه وحازم كان هايص هو منه.
جاسر كان واقف هو وريهام وبيرقصوا مع عمر وسحر.
وهند وصلاح كانوا بيرقصوا مع بعضهم.
الكل كان فرحان ومبسوط.

وبعد الفرح ما خلص والكل قام علشان يوصلوا العريس والعروسه للعربيه بتاعتهم.
جاسر قرب من حازم وقاله مش عاوز المحك في الفندق خالص ولا اشوفك ولا تيجى ناحيه الباب بتاعنا انت فاهم: اياك يا حازم.
حازم: يا عم روووووح ده انا اللى كنت هاقولك كده: مش عاوز ازعاااااج خالص ولا منك ولا من عمر: انتم فاهمين اياك المح حد فيكم جه ناحيه باب السويت بتاعى.

جاسر: لما نشوف يا حازم: وعلى العموم عمر ما يعرفش اى حاجه من ده كله هو فاهم ان هو وسحر بس اللى حاجزين في الفندق.
حازم: اشطااااا يا هندسه اتفقنا. يالا سلام.
جاسر خد ريهام وركبوا عربيتهم
ركب عمر وسحر عربيتهم وراحوا على الفندق. لكن جاسر وحازم راحوا من اتجاهات مختلفه علشان عمر ما يلاحظش انهم ماشين معاه على هناك.
ريهام: ايه ده احنا رايحين على فين جاسر.
جاسر مش قولتلك في مفاجاه يا حبيبتى محضرهالك.

ريهام: طيب قولى مفاجاه ايه: عندى فضول اعرف.
جاسر: دقايق وهاقولك عليها يا روحى.
ريهام: ماشى يا قلبى وانا مستنيه.
وفى عربيه حازم: منه قالت: رايح على فين يا حازم؟
حازم: استنى عليا يا منه يا بنت ام منه.
عملك مفاجاه ايه اوعى.
منه: عااااا. بجد يا حازومتى: طيب قولى بسرعه: قوووول.
حازم: ثوانى يا حبيبتى وهاقولك.
ووقف بالعربيه اودام الفندق.

جاسر كان وصل هو وريهام وده اللى خلى ريهام تستغرب انهم راحوا على فندق: ومكنش عندها علم انه نفس الفندق اللى نازل فيه عمر وسحر.
ريهام باستغراب: احنا رايحين فين بس يا حبيبى وايه اللى جابنا هنا.
جاسر: مش قولتلك فيه مفاجاه: اصبرى بقى عليا وهاتشوفيها.
ومسك ايديها ودخلوا على جوا وراح على الاستقبال وخد مفتاح السويت الخاص بيهم وركبوا الاسانسير وطلعوا على فوق: وكل ده وريهام مستغربه ايه بالضبط اللى بيحصل.

عمر كان وصل هو وسحر قبل جاسر وطلعوا على السويت بتاعهم وقفلوا الباب: وقبل ما يقفلوا علق لوحه على الباب: مكتوب عليها: ( ممنووووووووع الازعاج )
حازم كان ركن عربيته ونزل هو ومنه ودخلوا على جوا وخدوا مفتاح السويت وطلعوا على فوووق.
في السويت الخاص بعمر وسحر: كانت سحر مكسوفه جدا وبالذات اول لما بدا عمر يقلع الجاكيت بتاع البدله بتاعته.

سحر كانت قاعده على حرف السرير فقرب منها عمر وقعد جنبها ومسك اديها لما حس انها مكسوفه ومتوتره علشان يهديها ويطمنها.
عمر: الف مبروك يا حبيبه قلبى: وربنا يقدرنى على اسعادك دايما: واوعدك انى دايما هاكون جنبك وفى ضهرك وسند ليكى.
سحر بخجل. : ربنا يخليك ليا يا حبيبى وربنا يقدرنى انى اكون بالنسبه ليك الزوجه اللى بتتمناها واقدر اسعدك.

فقرب منها عمر وبدأ يقلع لها الطرحه وقرب منها بشويش وعيونه جت في عيونها وقرب بكل شوووووق ولهفه اكتر وباسها.
اما بالنسبه لجاسر وريهام اللى اتفاجأت اول لما دخلت السويت وشافت الورد والشموع اللى كانت في كل مكان واد ايه كان الجو رومانسى وجميل.
جاسر: ايه رايك يا حبيبتى في المفاجاه دى.
ريهام بابتسامه رقيقه وجميله: حلو اوى يا حبيبى المفاجاه دى: بس عملت ده كله امتى وازاى.

جاسر: لااااااا. مش وقته امتى و ازاى خالص: وقرب منها وضمها لصدره وقالها: هاموووووووت عليكى: وحشانى جدا جدا جدا يا روح قلبى.
ريهام بخجل: جااااااااسر
جاسر ضمها اكتر لصدره وقالها: عيوووون جاسر: وقلب جاااسر: ورووووح جاسر.
وباسها من شفايفها بوسه طووووويله تكاد انفاسهم تنقطع.
نيجى بقى للاستاذ حازم ومنه: اللى اول لما دخلوا على السويت: منه استغربت واتفاجات.
منه: ايه ده: وجايين نعمل ايه هنا يا حازم.

حازم كان بيقلع في بدلته بسرعه: وقالها: بعدين يا روحى هاقولك: انا هادخل اخد شور سريع كده عقبال لما تغيرى لبسك: انا جايبلك حته قميص ايه موووووووووز هتلاقيه في الدولاب: غيرى بسرعه عقبال لما اطلعلك يا روحى: ده انا هاعمل فيكى عماااااايل انا صارووووووخ وسابها ودخل على الحمام.
منه بضحكه: ماشى يا عم: يا خوفى منك انت.

وفعلا دخل حازم الحمام وكان مش لابس غير الشورت بس: وخد الشور ولبس الشورت تانى وجه يفتح باب الحمام علشان يخرج: الاوقرة بتاعه الباب اتخلعت في ايده للاسف.
حازم: يا حلاااااوة: مش وقتك خالص: حبكت تتخلعى دلوقتى: وبدا ينده على منه.
منه كانت غيرت لبسها ولبست القميص اللى حازم قالها عليه وكان حلو اوى وقصير جدا وشبه عريان: وفجاه سمعت صوت حازم بينده عليها من الحمام.
حازم: منه: ياااااااا منه: انتى فين يا روحى.

منه: ايوا يا حبيبى انا هنا.
حازم: وانا بفتح الباب الاوقره اتخلعت ومش عارف افتح الباب: حاولى كده من عندك وافتحى الباب.
منه باستغراب: ماشى يا حازم ثوانى وهافتحلك.
وفعلا قامت منه من على السرير: وقربت من باب الحمام وحاولت تفتحه بس للاسف مش عاوز يفتح خالص.
حازم: ايه يا حبيبتى: عرفتى ولا لا.
منه: مش عارفه خالص يا روحى: جامده جدا. ولازم تتفتح من عندك انت.

حازم: يا لهوى: اومال هاعمل ايه بس دلوقتى: انا لو ندهت على جاسر من الاوضه اللى جنبى هايموتنى: طيب حاولى تانى يا حبيبتى كده.
منه: مش عاوز خالص يا حازم حاولت كتير يا حبيبى: جامد اوى وعاوز حد شديد عنى.
حازم بيكلم نفسه: يا لهوى: مش قدامى غير جاسر اخويا لازم اخلى منه تروح وتجيبه يفتح الباب: انا اتحست والله على ام الليله.

حازم: بصى يا منه: البسى هدومك تانى وافتحى الباب وخبطى على الاوضه اللى جنبنا: هتلاقى جاسر وريهام اختك هناك: اندهى جاسر بسرعه ويفتحلى الباب.
منه: ايه ده هو جاسر وريهام هنا هما كمان؟
حازم: اه يا منه اخلصى ومش وقت اسئله. انا تلجت في ام الحمام ده.
منه: طيب اصبر بس هالبس على طول واروح اندله.
حازم: بسرعه طيب يا حبيبتى.
منه: ماشى يا روحى.

وبعد شويه كانت لبست هدومها وفتحت باب السويت واحتارت تخبط على انهى باب فيهم لان في باب ناحيه اليمين وباب ناحيه الشمال.
منه قربت من الباب اللى على اليمين وقالت: اخبط على ده وخلاص اكيد هما فيه.
وفعلا قربت من الباب وخبطت عليه كذا مره بس محدش فتح للاسف: فتوفعت ان الاوضه دى فاضيه: وقررت انها تروح تخبط على الاوضه التانيه.
حازم كان واقف في الحمام هايتجنن من كتر الصاقعه: ومن خوفه من جاسر واللى هايعمله فيه.

منه كانت راحت للباب اللى على الشمال وخبطت عليه كذا مره بس للاسف برضه مفيش حد فتح.
فقررت انها ترجع لحازم وتقوله ان مفيش حد فتح ليها ولسه هاتدخل من الباب.
لقت باب الاوضتين اتفتح مرة واحده واتفاجات بعمر وجاسر: وكل واحد خارج من اوضته.
عمر. : ايه ده: جاااااسر: منه: انتم ايه اللى جايبكم هنا دلوقتى.
جاسر، : ايه ده: منه: انتى ايه اللى مخرجك بره دلوقتى وفين حازم.

عمر: وحازم كمان: انتم بتهببوا ايه هنا في ليله دخلتى انتم الاتنين يا اساتذه.
منه: مش وقته خالص الكلام ده انتم الاتنين: حازم محبوس في الحمام ومش عارف يخرج منه وزمانه تلج وهو اللى قالى اخبط على جاسر بس ما كنتش اعرف في انهى اوضه من الاتنين دول.
جاسر اللى كان طالع بالشورت وصدره عريان: ايه؟ بتقولى ايه؟: اتحبس في الحمام ازاى الزفت ده.
منه: دخل ياخد شور والاوقره اتكسرت في ايده وهو خارج للاسف.

عمر: يا ولاد الايه: ده وقته: في ليله دخلتى وتقولولى اوقره.
اتصرف انت بقى يا باشمهندس انا مش فاضى لحازم بيه ولاوقره الحمام: يرضيك اسيب بنت خالتك لوحدها جوه.
جاسر: نعم يا اخويا: اه سيب بنت خالتى لوحدها: اومال اسيب انا ريهام لوحدها.
منه: والله انتم عاملين زى الاطفال: اخلصوا انتم الاتنين: الواد زمانه تلج جوه.
جاسر: اودامى يا حضره الضابط نفتح للبيه ده: ونربيه بعدها..

عمر بتأفف: استغفر الله العظيم: انا مش هاخلص من حازم وعمايله: مره مراته ومره هو: هو في ايه يا جدعان: حد موصيكم عليا.
جاسر: اخلص يا عم العريس: علشان ورانا حاجات كتيييييير في ام الليله دى.
عمر: يالا يا اخويا لما اشوف اخرتها معاكم.
ودخلوا هما الاتنين جاسر وعمر: وقربه من باب الحمام.
لكن منه: دخلت عند ريهام اختها: اللى استغربت اوى اول لما شافت منه اودمها.

ريهام: منه: انتى ايه اللى جايبك هنا. في حد حصله حاجه: عمر ابنى بخير: وماما وبابا بخير: انطقى يا منه.
منه: اهدى يا ريهام مفيش حاجه وكلهم بخير: وبدات تحكى ليها على كل اللى حصل معاها هى وحازم: وقالت لها ان ده نفس الفندق الل نازل فيه سحر وعمر كمان: وعمر وجاسر راحوا يفتحوا الباب لحازم.
ريهام: سحر كمان هنا: طيب استنى البس هدونى واروح لها واطمن عليها وعلى حازم.

وفعلا لبست ريهام فستانها هى كمان تانى وخرجوا بره الاوضه وراحوا لاوضه سحر.
سحر سمعت باب الاوضه خبط وكانت مستغربه ان عمر خرج بره الاوضه وقفل الباب وراه و اتاخر بره: فتوقعت ان اللى بيخبط هو عمر.
وقربت من الباب وهى لابسه قميص النوم بالروب بتاعه وفتحت الباب واستغربت ان اللى واقف على الباب ريهام ومنه.
سحر: ايه ده: انتم بتعملوا ايه هنا: وفين عمر؟

ريهام: مش وقته: المهم انتى عامله ايه. وادخلى البسى هدومك وتعالى معانا.
سحر: اجى معاكم على فين وفين عمر؟
ريهام: اخلصى بس والبسى اى حاجه وتعالى وانتى هاتشوفى بنفسك.
وفعلا لبست سحر فستان وراحت هى وريهام ومنه ودخلوا عند الشباب: اللى كانوا عمالين يحاولوا يفتحوا الباب لحازم.
جاسر اول لما شاف ريهام: انتى ايه اللى جابك هنا.
عمر هو كمان اول لما شاف سحر: وانتى ايه اللى جابك هنا.

منه: انا اللى جبتهم: انتم لسه ما فتحتوش الباب لحازم.
جاسر: حازم: ده وقعته سودا معايا النهارده بس لما يطلعلى: على اليوم اللى بوظه ده.
عمر بصوت عااااالى: اصبر عليا يا حازم لما تطلع اما وريتك.
حازم من جوا الحمام: ايه يا جدعان: كلكم عليا ولا ايه: حرام عليكم خرجونى بقى وافتحوا الباب انا خلاص تلجت من الصاقعه.
جاسر: انت تخرس خالص: وليك عين تتكلم يا زفت انت.

عمر: انت وقعتك سودا يا حازم معايا اقسم بالله: انا هاخليك كده في الحمام
منه: خلاص بقى يا جماعه انتم كلكم عليه ولا ايه.
حازم: قوللهم والنبى يا منه يا بنت ام منه: انا كنت عملت ايه يعنى لده كله.
جاسر: اتنيل على عينك وابعد بعيد: انا هاكسر الباب: مش عاوز يفتح خالص ومفيش حل غير انى اكسره.
عمر: استنى يا عم انت كمان تكسره ايه بس: اصبر لما ننادى حد من بتوع الصيانه بتوع الفندق وهما يتصرفوا.

جاسر: بتوع الصيانه ايه بس اللى هاندخلهم الاوضه والبنات دى موجوده: انا هاكسر الباب.
وفعلا: بكل قوته قرب جاسر من الباب وكسره وخرج حازم على خير اللى كان متلج وعامل زى لووووح التلج.
قرب منه جاسر ولسه هايمسكه ويهزقه على اللى حصل ده: جرى حازم من اودامه بسرعه وخرج بره الاوضه وهو لابس الشورت وصدره عريان.
جرى وراه جاسر وعمر علشان يمسكوا ويهزقوه على عمايله دى.

البنات فضلت تضحك على مظهرهم هما التلاته وهما بيجروا.
وفضلوا يجروا ورا بعض لحد ما مسكوه وفضلوا يضربوا فيه بهزار.
الكل كان فرحان وسعيد: ودخل كل واحد على اوضته بعد ما خد كل واحد مراته.
وخلصت حلقتنا.
يارب اكون اسعدتكم.
تمت
نهاية الرواية
أرجوا أن تكون نالت إعجابكم