رواية هو والجميلات الجزء الثاني للكاتبة سحر فرج الفصل الخامس

طلع نهار يوم جديد كله امل وحب وتفاؤل للكل وشمس منورة الكون بجاملها.
في المستشفى كانت صحيت ملك هي وسيف وبدؤوا يجهزوا نفسهم بعد ما الدكتور اطمن عليها وكتب لها على شويه حاجات هاتمشى عليها الفترة الجايه علشان صحتها هي والبيبى.
سيف: خلاص يا حبيبتى يالا بينا.
ملك: اه يا سيف خلاص خلصت وعرفت تعليمات الدكتور وهامشى عليها ان شاء الله.
سيف: على خير يا حبيبتى يالا بينا.

ملك مسكت ايد سيف اللى كان فرحان بيها جدا وطاير بيها وفرحان جدا بموضوع الحمل ده.
وان ربنا هايعوضه عن حاجات كتير اتحرم منها.
نزلوا من المستشفى بعد ما سيف كان خلص الحساب بتاعها وركبوا العربيه وراحوا على البيت.
موبيل ملك رن وكان المتصل مامتها اللى كانت عاوزة تطمن عليها وتشوف هي فين.
ملك: اه يا ماما نزلنا وراجعين على البيت يا حبيبتى.

الام: طب ليه يا ملك تعالى على هنا يا حبيبتى واقعدى كام يوم علشان تستريحى شويه وتشدى حيلك.
ملك: لا يا ماما انا راحه على بيتى ومتقلقيش عليا انا كويسه وطنط معايا وهتخلى بالها منى اكيد.
الام: ماشى يا حبيبه قلبى وانا شويه كده وهاجيلك وافضل معاكى لبليل.
ملك: اوك يا ماما متتاخريش عليا وياريت تجيبى مليكه وانتى جايه علشان وحشانى جدا.
الام: اوك يا لوكه هاشوف نور واجيبها واجى يا حبيبتى يالا سلام.

قفلت ملك الموبيل ونامت على كتف سيف لحد ما وصلوا لحد الفيلا.
نزلوا من العربيه وسيف مسك أديها وخد الشنط ودخلوا على جوا.
ام سيف كانت قاعده هي وجنه واخوها وكانوا لابسين ومجهزين نفسهم أنهم يرجعوا على البلد علشان شغل اخوها وجنه كمان.
بس كانوا عاوزين يطمنوا قبل ما يمشوا على ملك وأنها خرجت بالسلامه.

نيجى للعرسان اللى صحيوا من النوم وبدؤوا يجهزوا نفسهم للسفر على الغردقه علشان ميعاد الطيارة قرب.
خالد: ايه الحلاوة والجمال ده يا حبيبه قلبى.
مي: بجد يا خالد.
خالد: اه طبعا يا حبيبه قلب خالد واجمل واحلى عروسه في الدنيا.
مي: ربنا يخليك ليا يا حبيبى.
خالد: ايه ده انا سمعت صح ولا انا مش سامع اصلا انتى قولتى ايه.
حبيبى
اخيرا قولتيها يا مي.
ما تيجى نأجل السفر النهارده ونكمل اللى بدأناه امبارح.

مي: خالد يالا بقى بطل كسل ولا مش ناوي تروح شهر العسل.
خالد: مين قال كده احلى شهر عسل أن شاء الله لاجمل عروسه في الدنيا.
وربنا يقدرنى أنى اقدر اسعدك يا حبيبتى.
بقولك ايه
ما تجيبى حاجه على الماشى كده لحد ما نروح الفندق.
مي: خالد بطل دلع ويالا بقى هانتاخر.
خالد: امرى لله يالا بينا وخلى بالك حسابك تقيل اوى اوى اوى معايا
مي فضلت تضحك وضربته على كتفه وقالتله يالا يا هاركليز لما اشوف اخرتها معاك ايه ههههههههه.

يوسف كان صحى من بدرى ونزل على الشركه وكانت نور ومليكه لسه نايمين.
نور كانت بدأت تفتح عينيها على صوت مليكه وهي بتعيط.
نور: حبيبتى انتى صحيتى قبل مامى ولا ايه.
قعدت نور على السرير وشالت مليكه اللى سكتت اول ما شالتها نور.
نور: صباح الفل يا حبيبه قلبي.
الحلوين عاملين ايه.
ايه ده وبابى كمان نزل قبل ما يصبح علينا عجبك كده يا مليكه.
قامت نور ودخلت على الحمام وغيرت لمليكه وغيرت هي كمان ونزلت على تحت.

نور: صباح الخير يا ماما.
ام سيف: صباح الخير يا حبيبتى ايه كل ده نوم.
نور: اه والله يا ماما نمت كتير اوى وما صحتش الا على صوت مليكه لما قامت.
هو يوسف راح على الشركه ولا ايه.
الام: اه نزل من شويه هو وباباه عندهم شغل مهم علشان تسليم المشروع بتاع الغردقه كمان يومين.
نور: ربنا معاهم.
واخبار ملك ايه دلوقتى.
الام ملك خرجت من شويه من المستشفى وراحت على بيتها هي وسيف.

وانا قولتلها أنى هاجيلك وهي طلبت مليكه علشان تشوفها لأنها وحشاها جدا.
وانا قولتها هاجيب نور واجيلك.
نور: ماشى يا ماما انا هافطر مليكه على طول والبسها وهانروح على طول علشان اطمن عليها.
الام: ماشى يا حبيبتى وانا هاطلع البس عقبال لما تخلصوا.
في الشركه كان فيه اجتماع والكل كان موجود والمهندسين اللى بيشرفوا على المشروع.
ابوا يوسف: ماشى يا جماعه إن شاء الله هانسلمه كمان يومين وعلى بركه الله.

الكل خرج من اوضه الاجتماع بس الاب لاحظ أن يوسف متغير وفيه حاجه.
الاب: خير يا يوسف مالك يا ابنى انت مش عاجبني النهارده خالص
سرحان طول الاجتماع وما نطقتش ولا كلمه نهائى.
يوسف: ابدا يا بابا مرهق وتعبان شويه الظاهر داخل على دور برد.
الاب: متأكد يا يوسف انك بخير يا ابنى.
يوسف: اه يا بابا أنا كويس وانشاء الله قبل السفر للغردقه هاكون كويس.

الاب: ان شاء الله يا ابنى انا معتمد عليك في الموضوع ده انت عارف انى مش هاقدر اسافر علشان صحتى.
يوسف: اتكل عليا يا بابا وان شاء الله المشروع العالم كله هايتكلم عليه.

سيف وملك كانوا دخلوا وسلموا على الموجودين والكل رحب بيهم واطمن على ملك.
ام سيف: عامله ايه يا حبيبتى كان نفسى اكون معاكى والله امبارح بس مقدرتش اسيب مي لوحدها في الفرح.
والف مليون مبروك على الحمل وربنا يتمملك على خير ان شاء الله.
ملك: ربنا يخليكى يا ماما واكيد انا عارفه طبعا بظروف حضرتك وانا الحمد لله كويسه وسيف فضل معايا.
خال سيف: الف مبروك يا بنتى وربنا يقومك بالسلامه.

نستأذن احنا بقى يا سيف علشان ما نتأخرش اكتر من كده يا ابنى علشان الشغل بتاعى وبتاع بنت خالك.
سيف: لسه بدرى يا خالى خليكوا قاعدين معانا كام يوم كمان ولا ايه يا امى.
الام: والله يا ابنى انا قولتلهم بس هما اللى مش عاوزين.
ملك: خليكى يا جنه معانا شويه انتى وخالوا انا حبتكم جدا والله.
جنه: معلش بقى يا ملك علشان انا سايبه الشغل في المستشفى بقالى كام يوم ومش هاقدر اسيبه اكتر من كده.

خال سيف: نيجى كده إن شاء الله نبارك لما يجى النونو ونطمن عليكى يا بنتى.
سيف: ان شاء الله يا خالى.
قاموا وسلموا على الكل وخدوا شنطهم وركبوا عربيتهم ورجعوا على البلد.
في مطار القاهرة كان وصل خالد ومي وركبوا الطيارة.
شويه الطيار اتكلم وقال في الميكروفون.
اهلا وسهلا بيكم على خطوط مصر للطيران.
وبنرحب باجمل واحلى عروسين معانا على الطيارة خالد ومي
وبنتمنى ليهم شهر عسل سعيد.

وفجاه جت المضيفه ومعاها تورته وعليها صورة خالد ومي من بتوع الفرح.
مي كانت فرحانه جدا بكلام الطيار والتورته اللى عليها الصورة ومكنتش مصدقه كل ده حصل امتى وازاى.
خالد: ايه رايك يا حبيبتى في المفاجاه دى.
مي: احلا مفاجاه يا حبيبى بس عملت كل ده امتى.
خالد: سر المهنه يا قلبى
مي: ربنا يخليك ليا يا حبيبى.
خالد ويخليكى ليا يا حبيبتى.
يا ترى تواقعتكم ايه.
وعاوزة تعليقات كتير علشان تشجعونى على الكتابه اكتر واكتر.

ويا ترى الايام الجايه هايكون فيها ايه.

رواية هو والجميلات الجزء الثاني للكاتبة سحر فرج الفصل السادس

سيف وملك استأذنوا من الام وطلعوا على اوضتهم علشان يستريحوا شويه علشان معرفوش يناموا طول الليل وهما في المستشفى.
سيف قلع هدومه ودخل خد شور وخرج من الحمام لقى ملك نامت بهدومها من كتر التعب.
سيف: ملك حبيبتى انتى نمتى.
ملك: اه يا سيف سيبنى انام شويه.
سيف: طيب غيرى هدومك ونامى براحتك.
ملك: مش قادرة يا سيف هانام.
سيف: ماشى يا حبيبتى وانا كمان هانام شويه وبعدين اروح على الشركه.

وفعلا نام الاتنين بعد ما سيف خدها في حضنه.
يوسف كان نزل من الشركه ورجع على البيت ولقى مامته ونور لابسين ومجهزين نفسهم ورايحين على ملك.
الام: اهلا يا حبيبى جيت بدرى يعنى.
يوسف: ابدا يا ماما خلصنا الاجتماع وقولت ارجع علشان هسافر بكرة بدرى على الغردقه.
نور: ايه ده بجد طيب نيجى معاك أنا وملك نغير جو شويه.

يوسف: مش هينفع يا حبيبتى انا رايح علشان تسليم المشروع وفي حفله الشركه عملتها ومش هاكون فاضى ليكم خالص.
الام: مفيهاش حاجه يا يوسف خد نور وسيبولى مليكه الكام يوم دول بتوع السفر وانتم غيروا جو براحتكوا.
يوسف: يا ماما بقولك مش هاكون فاضى خالص الكام يوم دول.
نور: وحياتى يا يوسف خدنى معاك انا زهقانه خالص.
يوسف: ماشى يا ستى بس خلى مليكه مع ماما لحد ما نيجى.
نور: انا خايفه لتتعب ماما.

الام: ولا يهمك يا حبيبتى روحوا انتم وانبسطوا وسيبولى الانسه مليكه انا وهي بنعرف نتصرف مع بعضنا.
نور جريت عليها وباستها وقالت ربنا ما يحرمنا منك يا ست الكل.
يوسف: انتم رايحين على فين كده.
الام: ملك خرجت من المستشفى واحنا رايحين لها انا ونور.
يوسف: ماشى سلموا عليها وانا لما انام شويه هابقى اجيلكم على هناك علشان اطمن عليها.
نور: ماشى يا حبيبى يالا سلام.
يوسف: هاتي بوسه يا مليكه وحشانى يا قلبى.

نور: مليكه بس يا استاذ يوسف ولا ايه؟
يوسف: هو انا اقدر لا طبعا مليكه وام مليكه يا حبيبتى.
الام: يالا يا نور مش وقت الحب بتاعكم ده عاوزة اروح لملك.
مشيوا الاتنين والسواق وصلهم وراحوا على بيت ملك.

خالد ومي كانوا وصلوا على الفندق اللى هاينزلوا فيه وطلعوا على اوضتهم.
خالد: وحشتينى مووووووت يا حبيبتى.
مي: انت كمان يا حبيبى.
خالد: طيب يالا
مي: يالا ايه؟
خالد: يالا نبدا شهر العسل بتاعنا.
مي: ايه ده هاننزل نتفسح.
خالد: نعم يا اختى!
مي: ايوا اومال احنا جينا الغردقه
ليه مش علشان نقضى شهر العسل وخروجات وكده.
خالد: ايوا اديكى قولتى.
خروجات وهانخرج وهالففك الغردقه كلها.
وشهر العسل هانعمل فيه ايه؟

مي: هنعمل ايه؟
خالد: تعالى بقى وانا هقولك هنعمل ايه.
مي: خالد.
اعقل يا مجنون.
خالد، انا فعلا مجنون بس مجنون بيكى يا حبيبتى.
مي: بجد يا خالد.
خالد: بجد يا عيون خالد.
قرب منها خالد وشالها وحس برجفه جسمها ودقات قلبها العاليه.
حطها على السرير وبدأ يلمس كل منحنيات جسمها بشويش جدا وقرب من شفايفها وباسها بوسه بدل على عشقه وحبه ليها وكلها شوق ولهفه.

وراحوا في عالم تانى يقضوا فيه شهر العسل بتاعهم بدون ما يزعجهم حد.
نور وحماتها كانوا وصلوا على بيت ملك اللى كانت في استقبالهم ورحبت بيهم وخدت مليكه وفضلت تبوس فيها.
الام: عامله ايه يا حبيبه قلبي دلوقتى.
ملك: الحمد لله يا ماما افضل بكتير وهامشى على العلاج طول فترة الحمل.
الام: الاهم من كده اتغذى كويس وكلى حاجات فيها فيتامينات ومعادن وكالسيوم كتير علشان صحه البيبى تكون كويسه.

نور: فعلا يا ملك لازم تتغذى كويس علشان صحه البيبى.
سيف كان نزل من فوق بعد ما لبس هدومه وكان رايح على الشركه.
نزل وسلم عليهم وخد مليكه وباسها واستاذن علشان يروح على الشركه علشان مفيش حد غير ابوا خالد بس هناك وطبعا خالد بيقضى شهر العسل.
وطلب من ملك انها تطلب من الطباخ أنه يجهز عشاء للكل علشان مامتها ونور.
وقال انا هايصل بيوسف وباباه ويتعشوا كلهم مع بعض.

ملك: وااااااو. فكرة حلوة يا حبيبى وقامت حضناه و بيساه من خده.
نور عنيها كانت عليهم وعلى معامله سيف الحلوة لملك وكانت مستغربه ان في الفترة القصيرة دى معقوله لحق يحب ملك.
وفجاه عيون سيف جت في عيون نور وحس انها سرحت في اللى عملته ملك ليه.
بس استأذن ومشى وشال التفكير ده خالص من دماغه.
وقال لنفسه انه فعلا بدأ يحب ملك وزاد الحب اكتر بعد ما عرف موضوع الحمل ده.
ايه رايكم؟

رواية هو والجميلات الجزء الثاني للكاتبة سحر فرج الفصل السابع

بعد ما خرج سيف وراح على الشركه الكل فضل يتكلم عن الفرح وعن اللى حصل فيه واد ايه مي كانت طالعه زى القمر هي وخالد.
ام سيف كانت نزلت بعد ما صلت العصر ورحبت بيهم.
ملك: يا ترى زمانهم عاملين ايه دلوقتي.
ام سيف: والله كنت هاتصل بيها من شويه علشان اطمن عليهم بس رجعت في كلامى وقولت خليهم براحتهم وبلاش اقلقهم وعلى باليل ابقى اتصل بيها.
ملك: زمانهم وصلوا من حوالى ساعه يا دوبك.

نور: هما راحوا على شرم ولا على فين؟
ملك: لا راحوا على الغردقه.
نفس الفندق وكمان نفس الاوضه اللى احنا كنا فيها انا وسيف ساعه شهر العسل بتاعنا.
خالد صمم على كده لما كان بيحجز قبل الجواز.
نور: ايه ده معقوله ده احنا مسافرين بكرة انا ويوسف على الغردقه اكيد هانشوفهم هناك.
ملك: ايه بتقولى ايه رايحين الغردقه بتتكلمى بجد.

نور: ايوا والله يوسف رايح علشان تسليم المشروع الجديد هناك وفضلت اتحايل عليه علشان يخدنى معاه لولا ماما أقنعته أنه يخدنى بس شرط أن مليكه تفضل مع ماما هنا علشان ما تتعبش من تغير الجو.
ملك: الله انا كمان نفسى اروح الغردقه.
وسيف كان وعدنى أننا نروح ونرجع تانى لما كنا هناك في شهر العسل.
ام يوسف: انتى بتقولى ايه مش هينفع خالص اللى انتى عوزاه ده انتى نسيتى انك حامل ولا ايه ولسه في الشهور الاولى.

ام سيف: ماما عندها حق يا ملك علشان اللى في بطنك يا بنتى.
ملك: ولا فيها تعب ولا حاجه وبعدين السفر بالطيارة مش بالعربيه.
انا لما سيف يجى هاتحايل عليه ونسافر معاكم.
ونقضى كام يوم هناك كلنا مع بعض وبالمرة نرخم على خالد ومي زى ما كان بيرخم علينا واحنا في شهر العسل.
امها: يا ملك اسمعى الكلام مش هينفع وسيف مش هايرضى.
ملك: انا هاحاول اقنعه يا ماما.

قامت نور وملك وسابوا مليكه مع جدتها وراحت على المطبخ علشان تطلب من الطباخ أنه يجهز العشاء ليهم كلهم وبلغته بالاكل إلا هي عيزاه وعارفه أن سيف ويوسف وباباها بيحبوا.
وبعد كام ساعه الليل جه ويوسف كان جه هو وباباه وكان معاهم احمد اخوا نور.
بعد ما اتصل بيهم سيف وهو في الشركه وعزمهم على العشاء.
سيف هو كمان كان وصل من الشغل وكان جايب معاه بوكيه ورد لمراته وشويه حلويات علشان الضيوف.

شال بوكيه الورد من العربيه وطلب من البواب أنه يدخل علب الحلويات على المطبخ.
الكل كان مشغول بالعب مع مليكه وعمالين يهزروا معاها.
سيف دخل وفي أيده بوكيه الورد.
سيف: مساء الخير.
الكل مساء النور.
سيف قرب من ملك وباس رأسها واداها بوكيه الورد.
عيون نور كانت عليهم بس ما كنتش تعرف أن يوسف واخد باله من نظراتها دى.
سيف قرب من مامته وباس ايديها وباس رأسها وقالها ازيك يا امى.
الام: الحمد لله يا ابنى انا كويسه.

ملك طلبت من الطباخ يجهز العشاء وشويه وراحوا كلهم على السفرة.
بدؤوا يتكلموا عن المشروع وسيف كان عارف ليه وعارف أنه مشروع كبير جدا.
يوسف: انا مسافر بكرة ان شاء الله علشان بابا مش هايقدر يروح.
ملك: ايوا يا عم وواخد نور كمان معاك.
يوسف: فعلا انا هاخد نور نفسها تروح تغير جو شويه فقولت أخدها معايا.
ملك: سامع يا سيف عاوز يغير لها جو شويه قلبه عليها وبيحبها مع انه هايكون مشغول في المشروع.

سيف: عاوزة ايه يعنى يا ملك.
ملك: عاوزة اروح انا وانتى معاهم ونغير جو كلنا وبالمرة نرخم على خالد ومي زى ما كان بيرخم علينا واحنا في شهر عسلنا.
سيف: مش هقدر يا ملك والله انا وابوا خالد لوحدنا في الشركه وزى ما انتى عارفه إن خالد مش موجود.
ملك: وحياتى يا سيف عاوزه اروح اغير جو وحياتى، وحياتى.
سيف: يا حبيبتى صدقينى مش هقدر واسافر واسبب المهندس عز ابوا خالد لوحده.
ملك: كده يا سيف طيب انا زعلانه منك.

الاب: في ايه بس يا ملك الراجل عنده شغل ومش هايقدر يسيب المهندس عز لوحده سيف عنده حق يا بنتى.
فجاه موبيل سيف رن وكان المهندس عز المتصل.
سيف: ايوا يا باشمهندس.
عز: ايوا يا سيف يا ابنى معلش جهز نفسك ولازم تسافر بكرة على الغردقه في شغل مهم هناك الشركه ولازم تكون موجود.
سيف: حاضر يا باشمهندس.
عز: بس عدى عليا الصبح بدرى قبل ما اسافر علشان افهمك هاتعمل ايه بالضبط هناك لأنه مش هينفع في الموبيل.

سيف: حاضر يا فندم إن شاء الله من بدرى هاكون عند حضرتك قبل ما اسافر.
قفل سيف الموبيل وبص لملك وابتسم.
ملك: يا سلام مسافر فين سياتك بقى.
سيف: مسافر على الغردقه.
ملك: ايه ده بتتكلم جد يا سيف؟
سيف: اه يا حبيبتى المهندس عز جاله شغل فجاه في الغردقه كام يوم وطلب منى انى اسافر.
ملك قامت من على السفرة وجريت على سيف وفضلت تبوس فيه وكانت فرحانه جدا.
سيف، خلاص يا بنتى اهدى.

نور كانت باصه عليهم ومن جواها كانت هاتتجنن من طريقتهم مع بعض دى.
يوسف: نور: نور.
نور: نعم يا يوسف بتكلمنى.
يوسف: ركزى مع مليكه شويه وشوفى هي بتعيط ليه.
نور: معلش انا اسفه اصل سرحت شويه.
خلصوا اكل وراحوا قعدوا وفضلوا يتكلموا على السفر والحجز بتاع الطيران واتفقوا أنهم هاينزلوا في نفس فندق خالد ومي.

طلعت شمس يوم جديد وكانوا العرسان نايمين لسه.
خالد فتح عيونه وشاف مي نايمه زى الملايكه جنبه وشعرها مفروض على المخده.
بدأ يلعب فيه ويلعب في مناخيرها.
حست مي بيه وفتحت عيونها.
مي: صباح الخير يا حبيبى.
خالد: صباح الورد والياسمين على اجمل عروسه في العالم.
مي: احلا صباح ده ولا ايه.
خالد: فعلا احلا صباح وانتى بتكونى معايا يا قلبى.
مي: انت صاحى من بدرى ولا ايه يا حبيبى.

خالد: لا لسه صاحى دلوقتى حالا وقولت أتأمل فيكى شويه وانتى نايمه زى الملاك.
مي: خالد
خالد: عيون خالد.
مي: انا جعانه جدا جدا.
خالد: وانت كمان ميت من الجوع احلى فطار هاطلبه ليكى يا حبيبه قلبى.
مي: نفطر هنا في الاوضه!
خالد: اه نفطر هنا ليه انتى عاوزة تفطرى فين.
مي: نغير هدومنا وننزل نفطر تحت يا حبيبى.
خالد: ماشى يا حبيبتى انا تحت امرك.
وفعلا قامت من السرير ودخلت على الحمام وخدت شور وخرجت.

دخل خالد هو كمان وخد شور واول لما خرج اتفاجاه بيها!
مي كانت لابسه طقم في منتهى الروعه وسيبت شعرها على ضهرها وحاطه مكياچ خفيف جدا ظاهر جمالها الرباني.
خالد: وااااااااو
ايه الحلاوة والجمال ده يا قلبى.
مي: بجد يا خالد طالعه حلوة.
خالد: طالعه قمر يا حبيبتى وباسها بوسه خفيفه.
انا شكلى كده هاغير رايى ونفطر هنا في الاوضه علشان محدش يشوف الحلاوة والجمال ده غيرى.

مي: لا بقى انا عاوز انزل شويه ونغير جو ونتمشى على البحر.
خالد: خلاص خلاص يا حبيبتى متزعلش نفسك وراح علشان يلبس هدومه.
لبس هدومه وخرجوا ونزلوا على تحت علشان يفطروا.
وهما بيفطروا موبيل خالد رن وكان سيف هو اللى بيرن.
خالد: ايوا يا عم الرخم ايه لحقت اوحشك.
سيف: ايوا يا عريس صباح الفل عاملين ايه وازى مي برن على موبيلها مش بترد قولت ارخم عليك انت.
خالد: ممكن تكون سابته في الاوضه فوق اصل احنا تحت بنفطر.

سيف: طيب اديهالى اسلم عليها.
خالد ادا الموبيل لمى وقالها سيف عاوز يصبح عليكى يا حبيبتى.
مي: صباح الخير يا حبيبى عامل ايه.
سيف، صباحيه مباركه يا عروسه اخبارك ايه يا حبيبتى.
مي، الحمد لله يا حبيبى انا كويسه وفرحانه جدا.
سيف: يارب دايما يا قلبى وماما بتسلم عليكى كتير روحوا كملوا فطاركم وانا ابقى اكلمكم باليل إن شاء الله.
قفلت مي الموبيل وكملت فطارها هي وخالد.

يوسف ونور كانوا جهزوا شنطهم واتفقوا مع ملك وسيف انهم هايتقبلوا في المطار.
وفعلا وصل الكل على المطار وركبوا الطيارة وبعد شويه وصلوا الغردقه.
يا ترى ايه اللى هيحصل في الغردقه وتواقعتكم ايه.