رواية رحم للإيجار الجزء الثاني للكاتبة ريحانة الجنة الفصل التاسع عشر

في فيلا اكمل التهامي.
كانوا كلهم متجمعين علي السفرة اكمل وتسنيم وحمزة وفتون واختها حياة ووالدتهم.
تسنيم بترحاب: بجد يا جماعة انتم نورتونا. انا حاسة اننا نعرف بعض من زمان.

مديحة والدة فتون: والله انا مش عارفة اقول لحضرتك ايه. انتي زوقك وترحابك بينا من وقت مادخلنا مخلينا خاجلانين منكم. بس انا مش مستغربة ده. لان اللي يربوا شاب زي حمزة اكيد ناسو فاضل. ربنا يباركلم فيه هو واخته. انا بصراحة كان نفسي اتعرف عليها بس ماليش نصيب.

أكمل ابتسم: ازاي بس تقولي كدة. احنا خلاص بقينا عيلة واحدة. ماقيش بينا الكلام ده. وبالنسبة لچنا هي كان نفسها تكون موجودة والله بس غصب عنها عندها شغل وصعب تنزل. بس اكيد قريب هتتعرفوا عليها.
تسنيم بصت لفتون وحمزة اللي كانوا بيبصوا لبعض بحب وبيبتسموا. غمزت اكمل. وهو كمان ابتسم. ووشوش تسنيم
اكمل: مش بيفكروكي بحد؟

تسنيم ابتسمت: طبعااا. ابنك وارث شقوتك. مجنن البنت معاه. مااكلتش لقمتين علي بعض. ومقضياها تسبيل ليه. وهو كمان هيكلها هي مش الاكل اللي قدامه.
أكمل: ههههههههه. طبعا ده ابن كيمو ولا نسيتي كيمو. لو نسيتي الجنينة اللي ورا الفيلا تشهد عليكي وتفكرك.
تسنيم بتكتم ضحكتها: ههه. الله يستمحك هو ده وقته. كفاياك فضايح.
اكمل غمزها: خلاص هرحمك بس لحد ماعروسة ابنك تمشي. ونطلع فوق ونستعيد الذكريات يا قطتي.

تسنيم بهمس: بحبك يا كيمو ياتعب قلبي حتى لما كبرت.
اكمل: وانا بمووت فيكي يا سمسمتي. بس بلاش كبرت دي انا شباب اكتر من ابنك اللي بيتجوز ده.
حمزة بمشاكسة: وبعدين هو ثنائي الغرام ده هيفضل يتوشوش كدة واحنا ايه قاعدين كدة. هو مين اللي يقعد يحب احنا ولا انتم.
أكمل: هههههههه. لا يافالح احنا هنفضل نحب لحد اخر نفس. وبعدين انت تعرف ايه عن الحب يا حبيبي. انت لسة لجربت وجعه ولا ناره لسة في مرحلة المخدر اللذيذ.

حمزة ابتسم بوجع. علشان ماحدش اتوجع في الحب زيه ولا حاس بمرارته واتكوي بناره زي حمزة. رغم انه شاف اللي مافيش حبيب يتحمله ولا يقبله. لكن هو خبي وجعه وجرحه في قلبه. واقسم انه يحميها ويعوضها ويفضل امانها لحد اخر يوم في عمره. وفوض ربنا يداوي جرحه ويصبره علي االي جاي.
فتون قلقت من سكوت حمزة قربت منه ومسكت ايده. : حبيبي انت خوفت ولا ايه. انا مستحيل اوجعك ابدااا.

حمزة بصلها بحنان وباس ايديها وابتسم: انا متأكد يا عمري انك مستحيل توجعيني. بس ممكن الايام هي اللي توجعنا. غصب عننا.
تسنيم ابتسمت: حبايبي ربنا يهنيكم. ويارب ماتتوجعوا ابدا. ويالا بقي عايزنكم تحددوا معاد الفرح بسرعة انا عايزة ابقي تيته في اقرب وقت اتصرفوا.
كلهم ضحكوا بس فتون انكسفت.
حمزة مال عليها: فوتنتي مكسوفة من كلمة ماما. اومال هتعملي ايه لما ننجز المهمة دي. العيال مابتجيش بالساهل استعدي. وغمزها.

فتون بخجل: حمزة وطي صوتك ايه اللي بتقوله ده. عيب بجد
مديحة ابتسمت: ياتري بتقولها ايه. هي لما وشها بيحمر كدة بقلق.
حمزة: ههههههههه. مظلوم يا حماتي والله. هي اللي مش بتتحمل حاجة انا ذنبي ايه.
تسنيم بصت لحياة: هي القمر دي مش بتتكلم ليه. ايه مكسوفة ولا مش عايزة تكلمينا!
حياة بخجل: لا ابدا والله. بس كلامي مالوش لزوم. انا ما حدش كلمني هتكلم ليه من نفسي.

تسنيم بحنان: بجد يا مدام مديحة انتي ست عظيمة. لانك في زمانا ده ربيتي ورتين يتخطفوا لوحدك. وحافظتي عليهم. والاتنين ماشاء الله ونعم التربية. عقبال ما تطمني علي حياة هي كمان زي مااتطمنتي علي فتون. لانها خلاص بقت تبع عيلة التهامي. تعرفي انا لو كان عندي ولد كمان كنت مستحيل اسيب حياة كنت اخدتها من غير تفكير.

مديحة بسعادة: ربنا يخليكي والله ده من حسن اخلاق حضرتك الحمد لله. ربنا بس بحققلي حلمي واجوز فتون وبعدها اتطمن علي حياة مع راجل زي حمزة. يبقي كدة خلاص انا مش عايزة حاجة من الدنيا. اموت وانا مرتاحة.
فتون بدموع: الف بعد الشر عليكي يا امي ليه بتقولي كدة. احنا مانقدرش نعيش من غيرك. وعمر ما فيه حد ممكن يملي مكانك لازوج ولا اي حد في الدنيا.

أكمل: ربنا يخليكي ليهم. انتي الخير والبركة. وبصراحة بقي انا عايز افتحك في حاجة.
مديحة: خير اتفضل.
اكمل: انتي طبعااا لازم تعرفي ان فتون دلوقتي بقت خلاص واحدة من العيلة زي ما تسنيم لسة قايلالك. وانتم عيلتها يعني انتم كمان بقيتم من عليتنا. وبما انكم هتعيشوا لوحدكم بعد جواز فتون وحمزة فأنا بتمني انك توافقي انك انتي وحياة تيجوا تعيشوا معانا هنا. علشان فتون تكون متطمنة عليكم. وانتم كمان ماتبعدوش عنها.

فتون بصت لحمزة بإمتنان وابتسمت. وهو غمزها فهمت ان ده طلب حمزة علشان تكون متطمنة علي والدتها. اتنهدت براحة وسعادة قوية. قد ايه حمزة راجل مايتعوضش بالدنيا كلها.
مديحة بإحراج: اااانا بشكرك والله علي حرصك علينا. بس اكيد حضرتك عارف ان كل واحد بيرتاح في بيته. وانا مش هبقي علي راحتي ولا انتم كمان. لو علي فتون فهي هتبقي بنتكم. لكن انا وحياة ياريت تعفينا.

تسنيم ابتسمت: ومين بس قالك انكم هتضايقونا او انتم تضايقوا مننا. انتم هتعيشوا معانا في الملحق الخاص بالفيلا هنا يعني اكنكم في بيت لوحدكم. بس في نفس الوقت معانا وقريبين. وماحدش هيضايكم. هاه قولتي ايه.
مديحة مترددة وكمان فتون وكانوا بيبصوا لبعض بقلق. بس قطع التردد والتوتر ده حمزة.
بصي بقي يا حماتي الكلام ده مافيهوش مناقشة. يوم جوازنا انا وفتون. انتي وحياة هتتنقلوا هنا مش هتعيشوا لوحدكم تاني.

مديحة اتنهدت وابتسمت وحمدت ربنا انه بعت لبنتها راجل زي حمزة يعوضها عن المر والعذاب اللي شافته. وكمان تطمن عليها معاه. هزت راسها وابتسمت.
مديحة: ربك يعمل اللي فيه الخير.
حمزة غمز اكمل واكمل فهم.
اكمل: احممم. بقول ايه يا ميزو ماتاخد فتون تفرجها علي الدور اللي فوق اللي هتتجوزا فيه وانا وماما هناخد مدام مديحة وحياة يتفرجوا علي الملحق.
فتون بصت لوالدتها وهي ابتسمت وهزت راسها مديحة: روحي حبيبتي.

فتون ابتسمت.
حمزة مسك ايديها وقام وقرب من اكمل ووشوشه.
حمزة: نردهالك في الافراح. يا كيمو.
اكمل ابتسم: افراح مين يا ابن ال، انا خلاص متبرمج علي امك وبس.
حمزة: انوي انت بس وانا اشهيصك. من ورا تسنيم.
أكمل: هههههههه. اه يا ابن الكلب. عايز توقع بينا. والله لقولها وشوف هتعمل فيك ايه.
حمزة: اخس عليك ده جزائي ده انا بردلك الجميل.

أكمل: لا يا حبيبي. مالكش دعوة بيا. اتلهي انت وخاليك مع عروستك بس يارب تسترنا وماتقصرش رقبتنا.
حمزة بثقة: عيب عليك ده موزة. هههههه.
تسنيم: هو انت وابنك مابتبطلوش ودودة. بتقولوا ايه. ماتشوفي خطيبك يافتون. لا انتي مش عجباني اشكميه كدة وخالي ليكي كلمة.
فتون: ههههههه. لا انا مااقدرش ازعله. هو يعمل اللي يعجبه انا راضية.

حمزة حط ايده علي قلبه وبتمثيل: ااااه ياقلبي اموت انا في حبيبتي دي. هو فيه كدة في الدنيا.
أكمل: بايضالك في القفص يا ابن المحظوظة. جمال ايه وادب ايه. وغمزه وحب ايه.
حمزة شد فتون وطلع فوق: تعالي يا قلبي احسن ده احنا هيتقر علينا قر. مااقولكيش كيمو ده مابتواصاش.
أكمل بصوت عالي: هههههههه. طيب وحياة ابوك لما تنزل.

فوق في الدور الخاص اللي اكمل كان مجهزوا علشان حمزة لما يحب يتجوز. الدور كبيير تقريبا اكنه شقة منفصلة. كان جميل وديكوره رقيق. فتون كانت مبسوطة جدااا.
حمزة حاطط ايده في جيبة ومبتسم ومتابعها بعنيه وهي سعيدة بالشكل ده.
حمزة: حياتي عجبها المكان. لو ليكي اي اعتراض علي حاجة قولي وتتغير فورا.
فتون بتلف بسعادة: اعترض علي ايه بس. انت بتهزر
المكان ده تحححفة اانا بجد مبسوطة حاسة ان انا بحلم مش مصدقة يا حمزة.

حمزة شدها لحضنه وبصلها بحنان: لا صدقي يا حبيبتي. انتي في علم مش حلم. وانا معاكي وانتي في حضني.
فتون بصتله بحب وغمضت عنيها واتنهدت: اااااااه. بحبك يا حمزة بحبك اكتر ما بتتخيل. بحبك حب لسة ماحدش عرفه ولا وصفه ولا قابله. بحببببك.

حمزة ضمها لحضنه بقوة وغمض عنيه: ااااااه يا فتون. اااااه من كلمة بحبك دي بسمعها منك بتقلب كياني كله. بتخليني عايز احبسك في حضني بين ضلوعي وما اسبكيش ابدااااا. بحبك يا قلبي بحبك. فتون اوعديني ما تبعديش عني مهما حصل. اياكي تتغيري في يوم او تبعدي هموووت. حقيقي هموووت يافتون.
فتون ضمته بقوة: عمري ما هبعد عنك. حد يبعد عن روحه.

حمزة خرجها من حضنه بهدوء. ومحضن وشها بين ايديه: انا لازم اكتب الكتاب في اقرب وقت. انا همموت حالا والمس شفايفك مش قادر.
فتون بخجل: وووو. ووانا كمان بببس ماينفعش.
حمزة بخبث: اعتبريها حاجة من تحت الحساب.
فتون ابتسمت بمكر: لو بتحبني خدها وانا مراتك. بلاش دلوقتي بس لو صممت انت حر.

حمزة اتنهد ولولا شفايفه بحيرة: امممم. بتزنقيني يعني. ماشي هخدها وانتي مراتي. علشان تبقي احلي واطعم. وغمزها بشقاوة. كمان اصلي ما اضمنش نفسي بعدها هعمل ايه. ده ممكن كل حاجة تخلص في ثانية وتبقي فضيحة.
فتون: هههههههههه. ربنا يبعد عننا الفضايح. انا كنت متأكدة اني مش ههون عليك. مش قولتلك قبل كدة انا بمامن علي نفسي معاك اكتر من روحي.

حمزة ابتسم: وانا وعدتك. ابقي امانك وحمايتك وحياتك اللي جاية كلها ليا ومعايا.
فتون: ربنا مايحرمني منك ابدااا.
حمزة: ولا يحرمني منك يا فتنيتي.
في مرسي عليم. چنا قاعدة علي البحر مع مروان.
چنا: حبيبي انت سرحاان في ايه.
مروان اتنهد بحيرة: مش عارف هعمل ايه مع ريما. ازاي هاوجها بحبي ليكي وعلاقتي بيكي. ماهو انا مستحيل افضل معاكي في السر.

چنا مسكت ايده: وليه مستحيل. انا راضية اكون معاك حتى لو في السر. حبييي انا مش عايزة افرقك عن ريما انتم بينكم عشرة طويلة. خالي حياتك زي ماهي. انا راضية بأقل شئ. راضية بجزء صغير من قلبك ده. بالنسبة ليا الدنيا واللي فيها.
مروان بصلها بحب وابتسم: انتي بجد حورية من الجنة مش بني آدمة زينا. ايه كمية الحب والحنان والتضحية دي. للدرجة دي مستعدة تعيشي في السر معايا علشان ريما؟!

چنا ابتسمت: مش علشانزريما بس. انت كمان لسة بتحبها وماتقدرش تشوفها بتتألم. وده انا بحترمه فيك. وزي ما قولتلك انا راضية باي حاجة. المهم اكون في حياتك.
مروان فتحلها حضنه وهي ابتسمت ونامت في حضنه وهو ضمها بحناااان.
مروان: بحبك يا چنا. حبك ده زي السحر ملك قلبي وعقلي. مش قادر اسيطر علي نفسي في حبك.

چنا ضماه براحة طفلة في حضن ابوها: قلبي انا بحبك من قلبي مش طالبة منك حاجة. اللي تقدر تديهولي انا راضية بيه. بس المهم ماتحرمنيش منك ولا تبعد عني.
مروان: اوعدك مافيش حاجة تمنعني عنك ولا تبعدني. خاليكي واثقة فيا.
تسنيم غنضت عنيها براحة: وانا واثفة فيك اكتر من نفسي.
في المستشفي
دكتور أنس في اوضة مايا وقاعد جنبها.
أنس بإبتسامة: قوليلي عاملة ايه دلوقتي.
مايا بتحسن واضح: الحمد لله. انا كويسة.

أنس: طيب ليه الممرضات بتشتكي منك.
مايا بعصبية: دول شوية اغبيا. كمان انا حرة اكل ولا لا ماحدش يغصبني علي حاجة.
أنس بهدوء: اولا بلاش تغلطي فيهم. لان دول زيهم زيك. كمان انتي اللي محتاجالهم. شغلنا من غيرهم مالوش لازمة. كمان ده شغلهم انك تاكلي كويس علشان تتحسني بسرعة. باريت تبطلي عند شوية وتسمعي كلام الممرضات. ممكن.

مايا بغضب: لا انا مش بسمع كلام حد. انا حرة. وياريت تغيرلي طقم الممرضات دول كلهم. مش عاجبني.
أنس عدل نظرته واتنهد بيأس: ليه بس. انا جايبلك افضل ممرضات في المستشفي. علشان يكونوا دايما مستعدين.
مايا بتافف: اوووفففف. انا زهقت من هنا عايزة اخرج من هنا.
أنس بضيق: طيب اللي يريحك اعمليه وانا هساعدك. لو الدكتور قال انك بخير وتقدري تخرجي هخرجك بنفسي.
مايا ابتسمت: هو انت بتهتم بكل المرضي زي كدة!

أنس اتلخلبط وقلق: ااانا اااه دايما بحب مرضايا. وكمان بصراحة انتي ليمكي معزة خاصة عندي غير اي حد.
مايا ابتسمت بثقة: امممم. خاصة ازاي بقي!
أنس بتوتر: ااا. احمم. انتي مش هتاكلي اانا هأكلك بنفسي ايه رئيك.
مايا: معقول بنفسك. ما تتعبش روحك. مامي زمانها جاية هتبقي تاكلني هي.
أنس: بس انا عايز ااكلم بنفسي تسمحيلي.
وقعد جنبها وأ ياكلها ببطئ وهدوء
الباب خبط ودخل مهاب ونغم.

نغم: مساء الخير يا حبيبتي عاملة ايه النهاردة.
مايا ابتسمت: انا الحمد لله بصراحة حضرتك ودكتور أنس مش مديني فرصة حتى استكشف.
نغم: ازاي بقي تقولي كدة. احنا لازم نتطمن عايكي لحد ما تخرجي من هنا. المهم مهاب بنفسه كان عابز يطمن عليكي.
مهاب ابتسم: حمد لله علي سلامتك يا مايا. شدي حيلك بقي كدة بسرعة احسن انس موقف حياته عليكي. مش عارف اشمعن انتي.

أنس بحرج قرب من ابوه وبتوتر: ههو حضرتك بتقول ايه. ككدة انت بتحرجني.
مهاب بص علي مايا وغمزها بخبث: يا ابني انت اللي خيبة. انا عارف ابني ازاي. دي ماتخدش مني دقيقتين. ويمكن كمان كتيير والله. دي ضحكت من غمزة. ياواد اتلحلح كدة وفك نفسك. انت مش هتتغير.
أنس بهمس: ارجوك بلاش فضايح. انا مافيش بيني وبينها حاجة. بلاش تحرجني.

مهاب بنفاذ صبر: لا اله الا الله. طيب هسكت. لما اشوف انت هتتصرف ازاي وهتقرب منها ازاي. كاتك نيلة وانت نسخة من ادم. اقفال زي بعض.
مايا: ممكن اعرف هو حضرتك مشغول عني بإيه. مش انت جاي تزورني. ليه بقي بعيد كدة.
مهاب غمز أنس: اتلهي يا حماار. اديها عايزاني ابقي انا الدكتور. كاتك وكسة.
أنس بغيظ: انا مش عارف هو حد مسلطوا عليا هو بيعمل فيا كدة ليه. تبقي مصيبة لو علقها.

مهاب راح وقعد جنب مايا وابتسم: تعرفي انا اعرف ابوكي ورعد من سنييبن. يمكن قبل ما انتي تتولدي اصلا.
مايا بخبث: اممم بجد. بس بجد مايبانش عليك ابدااا. ده اللي يشوفك يقول انك اخو انس مش ابوه.
نغم بصت لأنس بغيظ ووشوشته: هي مالها. هو العين عليك ولا علي ابوك. تصدق انا غلطانة اني جبته معايا.
مهاب: ههههههههه. مش للدرجة دي
مايا بإعجاب: لا بجد انا مش لجاملك. انت چااان بجد. يابختها بيك طنط نغم.

نغم في سرها: اه يا دوبك انا طنط لكن هو اخو أنس. دي ليلة منيلة.
مهاب شايف الغيرة هتنط من عنين نغمةكتم ضحكته: احمم. طيب يا قمر احنا هنمشي ونبقي نتطمن عليكي تاني. علشان ترتاحي.
مايا مسكت ايد مهاب: ليه بدري كدة خاليك شوية. انت القعدة معاك مايشبعش منها.

مهاب بص لأنس ورجع بصلها نظرة تدل انه فهمها كويس ملامحه اتغيرت وشد ايده بهدوء: لا معلش انتي تعبانة. وانتي زي بناتي تمارا وجودي ولازم اسيبك ترتاحي. يالا يا نغم.
خرج مهاب ونغم وتقريبا نغم مش طايقة مايا مستغربة تصرفها. أنس كمان كان مسهم ومتلخبط.
مايا بمكر وحيلة: مالك يا أنس؟
أنس بضيق: مافيش. عن اذنك كملي اكلك. اانا عندي مرور.
خرج أنس علي مكتبه.
في مكتب نغم قاعدة مع مهاب. مهاب سارحان وبيشرب سيجارة.

نغم بغضب! ممكن اعرف بقي ايه اللي حصل ده. هي البت دي عملت عملية في مخها ولا ايه. انت شوفت كانت بتبصلك ازاي ولا لما مسكت ايدك. دي كان فاضل تبوسك.
مهاب بصلها وابتسم: بيتهيألك. عادي ماتكبريش الموضوع.
نغم بغيظ: لا والله تكونش عجبتك. اه ماهي صغيرة وحلوة.
مهاب قام وضمها لحضنه وبحنان: ماهما كانت صغيرة وحلوة. مش ممكن تكون في جمالك انت اجمل ست شافتها عنيا.

نغم بغضب مصتنع: لا زعلانة. انت كمان كان باين عليها عاجبك.
مهاب: لا يا شيخة انا. والله مظلوم.
نغم: انت. ده انت يتفتلك بلاااد. مهاب انا بجد خايفة البنت دي تكسر قلب أنس. أنس رقيق مش حمل كسرة زي دي.
مهاب بتفكير في اللي فهمه ووصله من مايا وفهم بخبرته هي بتفكر في ايه.
مهاب: يوم ماتكسر قلب حد من ولادي هنسفها. ولا هيهمني بنت صاحبي ولا غيره. انا ماعنديش اغلي من ولادي.
نغم اتنهدت بحيرة: يااارب.

مهاب بخبث بدأ يفك ازار قميصه: الا قوليلي. انتي فاكرة المستشفي هنا وذكرايتنا فيها.
نغم بتبعد عنه وتضحك: ههههههه. والله مجنون. اياك تقرب.
مهاب قفل الباب بالمفتاح. ولفلها وغمزها بمكر عمر بحاله.
مهاب: ده انا هقرب واقرب واقرب. دي ليلة مش هتعدي. اهو تغير ومكان جديد. تعالي بقي للدكتور مهاب يعلمك الطب.
نغم: هههههههههن. انت ده انت جبااار.
مهاب: هههههههههه. لسة خاليها بعدين ده انا هخلي المستشفي كلها تسمع صوتك.

نغم: مهاب لا وحياتي برستيچي يضيع.
مهاب شدها وضمها بقوة: تؤتؤ. انا اللي بضيع دلوقتي.

رواية رحم للإيجار الجزء الثاني للكاتبة ريحانة الجنة الفصل العشرون

في فلورنسا شهاب كان قاعد وحاطت اللاب توب وبيفرغ الصور والمعلومات اللي معاهم. تمارا قربت من وراه بهدوء وحضنته من رقبته. وابتسمت.
تمارا: انت مابتتعبش من الشغل.
شهاب ابتسم وشال اللاب توب ولفها علشان تقعد جنبه.
شهاب بحنين: انا بقيت بتعب من حاجة واحدة بس.
تمارا: ايه هي!

شهاب قربها ليه اكتر وهو بيملس علي خدها: انتي. بقيت بتعب لما بتغيبي عني شوية. تمارا انا مابقتش قادر استغني عنك. لازم تعرفي اننا اول مانرجع هنتجوز بسرعة مش هنضيع وقت.
تمارا بسعادة: بجد بتحبني يا شيبو. يعني خلاص نسيت ملك.
شهاب اتنهد بيأس: وايه جاب سيرة ملك دلوقتي. هي هرمونات الست المصرية الاصيلة دي لازم تهب منك كدة. وتبدأي وصلة النكد.
تمارا بعصبية: تبقي لسة بتحبها.

شهاب بزهق: يا الله يا ولي الصابرين. هو انتي بتقولي شكل للبيع. مين قالك كدة. ملك دي ماتت خلاص وكانت ماضي وراح. ليه فاكراه كدة ومش عايزة تنسي بس.
تمارا بحزن: علشان بحبك وبحبك اوي كمان. وخايفة تعيش معايا بنصك بس.
شهاب بسخرية: نصي بس. وياتري تحبي انهي نص فيهم. حددي هتفرق معاكي كتيير دي.
تمارا جزت علي سنانها وضربته في كتفه: بجد بجد فصيييل. بطل بواخة. انا بتكلم جد.

شهاب: هههههههه. ماهو انا كمان بتكلم جد. والله هتفرق معاكي. انتي مش عارفة مصلحتك فين ههههههه. احممم المهم بقي نتكلم جد. بصي يا اتمارا انا مش هعيد كلامي اللي هقوله ده تاني. انا اه في يوم من الايام حبيت ملك. بس هي خلاص ماتت ومابقتش موجودة في حياتي. ومن نعمة ربنا علينا انه بيرزقنا النسيان. انا لحد ما شوفتك اول مرة كانت ملك لسة عايشة في قلبي. لكن بمجرد ماقابلتش وانا انشغلت بيكي. مابفتش بفكر فيها زي زمان. بقيت بفكر فيكي انتي. عايز اشوفك انتي. بتوحشيني انتي. لحد ماجينا هنا وانا كل يوم بسال نفسي حبيتك ولا لسة. لحد يوم حفلة مهدي. لما شوفته بيبصلك وعنيه كلها رغبة فيكي حسيت بنااار بتحرق في قلبي وغيرة مستحيل تكون الا علي حبيبتي. يومها اتأكدت اني حبيتك. وعشقتك كمان. ولازم تتأكدي انك وحدك في حياتي و مالكيش شريك لا في قلبي ولا عقلي. ومن اليوم اللي اعترفتلك فيه بحبي انتي خلاص بقيتي ملكي مش ملك نفسك.

تمارا ابتسمت بثقة: تؤتؤ. انا ماحدش يمتلكني انا قلبي ملكي انا وبس.
شهاب بخبث: ده كان زمان قبل ما ادخل حياتك. لكن انتي متأكدة اني ملكتك بكل حاجة فيكي. قلبك وعقلك. وبصلها بجرأة وووو.
تمارا حطت ايديها علي شفايفه واببتسمت: شششش كفاية انت ايه مابتصدق. خلاص فهمنا.
شهاب باس ايديها اللي علي شافيفه بهدوء ورقة تدوب: يعني خلاص رفعتي الرايا؟

تمارا بتدوب مع لمسة شفايفه وانفاسه اللي دخلتها دنيا جديدة عليها واحاسيس عمرها ماجربتها. اتنهدت بشوق: ااااه. ايوة سلمت. سلمت ليك قلبي وعمري وحياتي يا شهاب.
شهاب ابتسم: انا مش مصدق انك تمارا. معقول تمارا بالرقة دي. ايه الاحاسيس الجميلة دي. انتي كنتي مخبية كل ده فين. ولمين.
تمارا بصتله بحب قلب عاش محروم من الحب والاحتياج والشوق. والامان.
تمارا: كنت مخبياه في قلبي ولمين ليك من قبل ما اشوفك.

شهاب بيتمالك نفسه بصعوبة. هو خلاص مابقاش قادر يبعد عنها. ملجم رغبته فيها بشدة ودي مش عادته. هو دايما بيقدر يسيطر علي رغباته واحتياجاته. وده اللي خلااه مشهور في شغله. ومتفوق فيه. بس دلوقتي لا هو محتاجلها محتاج تكون معاه شئ واحد مافيش بينهم حدود. اتنفس بصعوبة وبعد عنها بيحاول يهدي. خايف في لحظة يتهور ويفقد سيطرته علي نفسه. وعارف انها حتى لو قاومت. هتستسلم بعدها بسهولة. وده من المستحيل انه يسمح بيه. هو عايزها بس مش بالطريقة دي.

ودي منتهي الرجولة. ان راجل يقدر يسيطر علي رغبة قوية جواه بالشكل ده. خصوصا ان كل المؤثرات موجودة ومتوفرة. لانهم عايشين لوحدهم. بس مش شهاب اللي يعمل كدة.
تمارا استغربت هو ليه بعد وسارح في ايه.
تمارا: مالك ليه سكت فجأة وبعدت عني.
شهاب بصلها وابتسم: بفكر انا ازاي حبيتك بعد ماكنت مش بطيقك. تغيري جزري وحصري.

تمارا ابتسمت: انا كمان لما بفتكر علاقتنا في البدايه بستغرب نفسي جدااا. انا احب واحبك انت. هههههههه. متهيألي ان كل الىي نعرفهم مش هيصدقوا.
شهاب بمكر: بس ماتنكريش اني شغلت بالك من اول يوم قابلتك فيه.
تمارا بكذب: تؤتؤ مش صحيح. انت ماكناش فارق معايا اصلا.
شهاب: ههههههههه. لا بجد بأمارة رعشت ايديكي وتوترك اول ما قربت منك ولمستك.
تمارا ابتسمت: انت كنت حاسس بيا.

شهاب هز راسه وابتسم: ايوة. وفي اليوم ده اتأكدت انك هيكون ليكي مكان في حياتي. في البداية كدبت نفسي. لكن مع الوقت لقيت انها حقيقة.
تمارا بحب: بحبك.
شهاب بسعادة وحب: بحبك.
تمارا بخجل: انا تقريبا عايزة اقولها طول الوقت. عايزة اصرخ واقولها بعلو صوتي. اني بحبك وانت بتحبني.
شهاب قام ومسك ايديها وشدها واقومها وبحماس: وانا هخليكي تعملي كدة يالا بينا.
تمارا بدهشة: هنروح فين!

شهاب: ماتساليش وانتي معايا احلمي بس وانا انفذ. بسرعة غيري هدومك.
تمارا هزت راسها بفرحة ودخلت تغير هدومها.
في فيلا عدي في اوضة كريم وچوري.
چوري بتسرح شعرها وكريم قرب منها وحضنها.
كريم: هو انا مش بصعب عليكي خالص كدة.
چوري لفتله بقلق: ليه بس يا حبيبي. انا عملت ايه بس!
كريم بيحقق في ملامحها وجمالها: مش عارفة! عمالة تحلوي تحلوي. وانا عمال اتجنن اتجنن. يبنع كدة طيب.

چوري ابتسمت بحب ولفت ايديها حاولين رقبته وبدلع: اااه ينفع. علشان تفضل مشغول بيا وماتشوفش غيري ابداااا.
كريم اتنهد بتعب: اوفففف. حرام عليكي اشوف غيرك ايه بس. ده انا ميت فيكي. عارفة.
چوري بحنان: عارفة ايه.
كريم: طول ما انا قاعد في الميتنج النهاردة. ماكنتش مركز. عمال افكر فيكي. وغمزها خصوصا امبارح كنتي عالية اوي اوي.
چوري بخجل: ههههههه. بس بقي بنكسف. وبعدين هو انا يعني كنت اعرف حاجة.

ما انت اللي علمتني كل حاجة. يعني اي انحراف انت السبب فيه. و تلوم نفسك انت.
كريم: ههههههههههه. ايوة طبعاااا انا اللي علمتك الشقاوة. اومال يعني كنتي هتتعلمي منين. وبعدين مين قالك اني بلومك. حياتي انا سعيد بحيتنا واننا دايما قلبنا علي بعض وكل واحد فينا همه الاكبر انه يسعد التاني ويحققله اللي بيتمناه. چوري الملل والاهمال كافلين انهم يقتلوا اقوي حب.

چوري بحنان: حبيبي عندك حق لو اي زوجين مهما حبوا بعض. كل واحد عايش في وادي بعيد عن التاني يبقي هيفضلوا يبعدوا ويبعدوا لحد ما يبقي بينهم طريق طويل هيتعبوا اوي علشان يرجعوا من تاني. الحب حياة واهتمام وآمان. الحب انك تلاقي نفسك في عيون حبيبك. لما تشوفه ولما تسمع صوته قلبك يدق يدق بكل الحب اللي جواك. الحب انك تلاقي نفسك مع حبيبك مش مع حد تاني.

كريم بحب: يااااه ايه الجمال ده وياتري بقي انا كل ده بالنسبالك!
چوري برقة وحب طفولة ومراهقة ونضوج كمان بحب حبيبة وعاشقة وزوجة: انت كل حياتي. انت حبيبي مش هقولك جوزي تؤتؤ. انت حبيبي قبل ماتكون جوزي. مش لاقيالك كلمة اوصفك بيها غير حبيبي. حبيبي وبس ودي فيها كتييييير اوي.
كريم ضم ايديها بحنان وباسها برقة: تعرفي انا غيران من حلا وفادي.
چوري: ليه غيران ليه بس.

كريم: علشان هيجيلهم نونو جديد. ايه مانفسكيش انتي كمان تكعبري وتجيبي نونو جديد زي حلا.
چوري: ههههههههه. ايوة علشان اتلهي انا في الحمل والولادة. وتلاقي وقتها انت حجة علشان تلعب بديلك.

كريم ببراءة: انا! بقي كوكي حبيبك وش كدة بردوا. حياتي انا ببقي في اسعد ايامي وانتي حامل بعشقك اوي وقتها لاني كل لما ببصلك واشوف بطنك بفرح انك شايلة حته مني جواكي. وابقي سعيد ان عليتنا الصغيرة بتكبر. چوري انا مستحيل اشوف غيرك. انتي مالية قلبي وعنيا. انت چوري قلبي وحياتي وردتي اللي من يوم مافتحت عنيا علي الدنيا دي. وانا اقسمت ارويها بحبي واسقيها بعشقي واكبرها لحد ما تبقي شجرة كبيرة تضلل عليا وتضمني واغرق في حبها وحنانها وريحتها اللي بتدوبني. وعاهدت نفسي اني يكون اخر يوم في عمري لو الوردة دي دبلت ولا حزنت.

چوري بكل الحب اللي جواها بعشق السنين اللي بيزيد مش بيقل اتنهدت بشوق وحنين لكل كلمة قالها: ااااااه يا كوكي اااه يا اجمل واحن وارق راجل في الدنيا دي. بحبك. بحبك اوي.
كريم ضمها لحضنه بحنان عاشق: وانا بحبك يا وردتي ومش ممكن احب غيرك. وخرجها من حضنه وغمزها بشقاوة. قوليلي جاهزة علشان نجيب النونو الجديد.

جوري ضحكت بدلع وحاوتته من رقبته بإيديها: ههههههههه. والله انا جاهزة بس اتشطر انت بقي انا ماليش في اللعبة دي. الكورة في ملعبك.
كريم: ههههههه. امان يا وردتي استعدي بقي لأكبر ماتش في حياتنا الزوجية. واعملي حسابك مافيش صفارة نهاية السهرة صباحي هقطع نفسك في ماتش الليلة.
چوري بدلع: تؤتؤ براحة عليا انا مش قدك. انت شكلك ناويها.

كريم شدها ليه بخبث وتوعد: تؤتؤ. مش هرحمك. الليلة اجوان وبس قوليلي بتعرفي تعدي لحد كام.
چوري: هههههههههههه.
كريم بشقاوة: يالهههوي. ده شكلها معدية الليلة دي. نبدأ الماتش ياقلبي تعالي بقي نسخن قبل الماتش علشان مايجلجكيش شد في السمانة ولا حاجة.
چوري بدلع: ههههههه يخرب عقلك انت فظظظييع.
كريم: انا بقول انتي مستعدة بلاها تسخين انا خلاص نازل الماتش مش قادر. تعاااالي.

في مكتب فادي الحديدي كان خلاص بيخلص شغله وبيجهز علشان يروح البيت بس افتكر حلا وابتسم وطلع فونه وكلمها...
حلا سمعت رنة فونها قلبها دق علشان دي نغمته هو (الفرحة اللي انا فيها دي كلها ترجع ليك وانا جنبك راضية ومرتاحة لكل مافيك) اسمه نور قلبها قبل الشاشة اتنهدت بشوق وابتسمت ورضت عليه.
حلا: تؤتؤ انا كدة هتدلع واتغر واخد علي كدة. حبيبي كلمني النهاردة 4 مرات ودي ال5 ايه بتكملهم علشان الحسد.

فادي ابتسم: طيب ما انا فعلا اتحسد عليكي. وايوة خدي علي كدة وابو كدة. من هنا ورايح لازم اسمع صوتك كل دقيقة لحد مارجعلك تاني. انا مش عارف ازاي كنت زمان بتحمل ما اسمعش صوتك لحد ماارجع كنت غبي.
حلا بحنان: اوعي تقول كدة. عمرك ماكنت غبي. وانا حباك وراضية بيك علي اي وضع واي حال.
فادي: طيب روحي وحلا حياتي ممكن تجهز وتلبس علشان انا قدامي بالكتير ساعة وجاي ومش هاخد وقت في تغير هدومي علشان نخرج بسرعة.

حلا بسعادة: نخرج. فين!
فادي ابتسم للفرحة اللي نطت في صوتها: هنتعشي برا وتسهر انا وحبيبتي بس.
حلا غصب عنها دمعت: فادي انت معقول بتعمل كل ده علشاني. انت عمرك ما خرجتني ولا عشتني برا. اانا قولت ان اجازة الجونة كانت سحابة صيف وعدت. وترجع زي ماكنت وصدقني كنت راضية بردوا.

فادي قلبه وجعه عليها للدرجة دي كان حارمها من حبه وحناه. للدرجة دي كان مخليها تتمني ابسط الحاجات غمض عنيه بقوة وهو بيعنف نفسه ازاي قدر يوجع الحنان والرقة دي سنييين.
فادي بحب: خلاص يا قلبي زمان عدي وراح بوجعه وبكاه. مش عايز اسمعك بتعيطي تاني. انا هعوضك عن كل يوم بعدت عنك فيه ونمتي ودموعك علي خدك. يالا يا حياتي اجهزي وعايزك الليلة برنسس. وبغيرة. بس خالي بالك مش اوي احسن تتعاكسي وتقلب غم.

حلا: هههههههه. حاضر هلبس بكم ومش ههحط ميكب.
فادي ابتسم: والله انتي لو لبستي خيمة هيبان جمالك. انتي بتشعي انوثة متفجرة.
حلا: ههههههههههه. حبييبي انت. بقيت شقي اوي يا فادي.
فادي: طيب ممكن تبطلي ضحكتك دي علشان انا كدة بتحصلي حاجات مش تمام وممكن الغي السهرة واجيلك احبسك في الاوضة ومن غير عشا.
حلا برقة: ولو. براحتك لو ده اللي هيسعدك انا راضية. انا المهم ابقي معاك فين بقي مش فارقة.

فادي اتنهد بحب: لا ياقلبي انا وعدتك وحجزت المكان كمان يالا انا مش هتأخر.
في فلورنسا في ساحة ديلا سنوريا. ودي مش اشهر الساحات والاماكن في ايطاليا وبالاخص فلورنسا مكان عريق بيتجمع فيه الاصحاب والاحباب دايما.
شهاب كان بيتمشي هو وتمارا. وهو مشبك ايده في ايديها. وهما الاتنين نور.
الحب منور ملامحهم وضحكتهم.
شهاب: هاه مش هتنفذي امنيتك؟
تمارا بإستفهام: امنية ايه مش فاهمة!

شهاب بمكر: تقولي بأعلي صوتك انك بتحبيني.
تمارا بصتله بتحدي وبعلو صوتها: بححححببببك. بحححبك يا شههههههاب.
شهاب ضمها وهو بيضحك بقوى: ههههههههههه. وبصوت اعلي. بحححبببك. بحححبك يا تمااارا.
تمارا بحب: اوعي تبعد عني اياك يا شيبو همووت.
شهاب بحنان حضن وشها بين ايديه: عمري. عمري ماهسيبك انتي خلاص بقيتي حتة مني.

تمارا غمضت عنيها بسعادة: اااااه. هو انا بحلم ولا صاحية هو انا معقول عايشة الحب ده معاك. معقول انا عايشة السعادة دي في حضنك.
شهاب: انا شايف احساسك بقي عالي اوي وكلامك بقي يدوب. هتجننيني معاكي.
تمارا: انت السبب. لو انا بقيت بعرف اتكلم في الحب ده بسببك انت انت خلتني ابقي كدة. انا حاسة اني جوايا كلااام كتيير واحاسيس اكتر عايزة تخرج وتقولك احلي كلام.

شهاب: بحبك يا تمارا بعشق كل حاجة فيكي. والنهاردة عشقت جنانك واحساسك ده.
تمارا بحب: انت اجمل احساس حسيت بيه.
وكانت دي اغنيتهم اللي مافيش غيرها ممكن تعبر عن اللحظة دي (ملكة الاحساس اليسا).

(واسمحولي اني انا كاريحانة اهديها لحبيبي ومش هقول غير حبيبي. علشان لو انتم شايفين اني بقدر اعبر عن الحب والرومانسية وكتييير منكم بيقولي اني ملكة الاحساس مع ان كتيير عليا. بس لو ده فعلا صحيح. فحبيبي هو السبب. هو اصل الحب ده. بقولك حبيبي انت اللي خلتني ملكة الاحساس بحبك. )؟

وانت معايا وانت قصادي بنسي كل الناااس. الكلام يطلع قلبي مش كلاام وخلاص. قلبي بيفرح عيني بتسرح حاسة بمليون حاجة جميلة. حاسة معاك انك خالتني ملكة الاحساس.
تمارا بحب: انا مش عايزة حاجة من الدنيا دي غير اني اكون معاك وعايشة بامانك انت.
انا حبيبي. انا عايشة بحسك انا بفتح اغمض احسك واما تجبلي شوية ورد ببقي طايرة ومش علي الارض. ببقي طايرة ومش علي الارض.

شهاب لقي بياع ورد وجابلها وردة جميلة زيها: اجمل وردة تقبل مني وردة. هي مش جميلة زيك. بس لو كنت لقيت الاجمل منها كنت جبتهالك.
تمارا اتنفست الوردة بإستمتاع: عارف انا نفسي في ايه. نفسي اعيش انا وانت في مكان بعيد عن كل الناس مكان مافيهوش غيري انا وانت وبس. مش عايزة عنيا تشوف غيرك ولا انت تلمح غيري.

شهاب سند جبينه علي جبينها وغمض عنيه مش مصدق الحظة دي وجمالها: اوعدك نتجوز واخدك بعيد هخليكي تعيشي اجمل ايام عمرك معايا وبين ايديها اوعدك.
وانت معايا نفسي حبيبي اخدك واجري بعييد. الضحكة الحلوة اللي في وشي انت سببها اكيد.
قلبي بيفرح عيني بتسرح حاسة بمليون حاجة جميلة. حاسة معاك انك خلتني ملكة الاحساس.
في فيلا مهاب عز الدين.
مهاب ونغم قاعدين مع بعض.

نغم: مالك يا مهاب انت من بقالك فترة دايما سارحان. هو فيه حاجة.
مهاب اتنهد: لا ياروحي مافيش. شوية دوشة في الشغل بس.
نغم بقلق: هي تمارا كويسة بلغتك اخبار جديدة.
مهاب طفي السيجارة بعنف: فيه شوية معلومات وصلت لاجهاز من شهاب وكمان من اللي مكلفين بمراقبتهم تحسبا لاي خطر.
نغم بخوف: قولي طيب وحياتي انا قلبي انقبض.

مهاب بصلها بخوف: صعب احكيلك تفاصيل. ببس كل اللي هقدر اقولهولك. ان تمارا في خطر. العين عليها هناك والكلب ده بيراقبهم وعايزها.
نغم قامت برعب: انت بتقول ايه. هو ممكن يعمل فيها حاجة يا نههار اسود. ادي اللي اخدناه من الشغل زي الرجالة. عجبك كدة. البنت هتضيع.
مهاب بهدوء: ممكن تهدي هي مش صغيرة ولا ضعيفة بنتك ب100 راجل. كمان معاها شهاب. مش هيسيبها ابداا. اهدي.

نغم قعدت بحزن وعيطت: يا حبيبتي يا بنتي. يارتك ماسافرتي. ياريتك ما دخلتي شرطة.
مهاب بضيق: يييووووه. هو انتي هتندبي من دلوقتي البنت كويسة. تصدقي انا غلطان اني قولتلك. اصلا مش المفروض تعرفي حاجة.
نغم بدموع: ايوة طلع عصبيتك عليا. انت نفسك بتانب روحك علشان انت السبب. مستكتر عليا اقلق علي بنتي هو انا عندي غيرها هي واخواتها.

مهاب صعبت عليه اتنهد وابتسم بشقاوة وقرب منها وضمها ليه: طيب ماتزعليش مش قصدي اتعصب عليكي.
نغم بغضب مصتنع: لا زعلانة ابعد عني واعمل حسابك انا الليلة هنام في اوضة تمارا.
مهاب: لا لا كله الا كدة. وبإستعطاف. واهون عليكي بردوا انام وحيد شريد حيران في السرير لوحدي. كدة هوبا خلاص بقي قلبك يقسي عليه.
نغم ابتسمت غصب عنها: وبعدين معاك. زعلني وارجع. اضحك عليا بشقاوتك دي. ماانت اصلك ماحدش يقدر عليك.

مهاب باسها من خدها برقة وكررها كتيير بهدوء: بحبك طيب اعمل ايه. وانتي قدرك تتحمليني بعقلي وجنوني.
نغم ضعفت اكتر من اللي بيوصلها ليه بكل سهولة: وانا كمان بحبك. ومش ممكن ازعل منك ابدااا.
مهاب بخبث: طيب بقولك ايه ماتيجي ننام بقي انا تعبان وعايز اصحي بدري الصبح.
نغم: ههههههه. كل يوم تقول كدة وماتنمش لحد الفجر.

مهاب: هههههههههه. اعمل ايه بس ما انتي اللي كل ماتكبري تدوري وتحلوي. وانا بقي لازم ادي الجمال ده حقه والا هتبقي عيبة في حقي. وتاريخي الرجولي الحافل. يرضيكي كدة طيب.
نغم: ههههههههههه. لا ياقلبي مايرضنيش.
دخل مهاب وجودي من برا وشافوا مهاب ونغم وهما في حضن بعض. وبيضحكوا.
مهاب بشقاوة: العب يا سيادة اللواء. طب ينفع كدة.

جوري بتضحك: ايه يا دكتورة الضحك ده. ده الكوموند اشتقي بيقولوا ان سيادة اللواء خربها ينفع الفضايح دي بس.
مهاب: تعالي يا حيوان. وانتي يا دلوعة نعم عايزة ايه! والله سيادة اللواء حر يارب اقلبها كباريه انا حر. ثم انتم يا كلاب هتحسبوني انا اعمل اللي يعجبني في المكان والوقت اللي يعجبني.
مهاب بنفاذ صبر: طبعا سيادتك تعمل اللي يعجبك. لكن انا اتكدر وافضل ماتربي.

مهاب: ايوة واذا كان عجبك. وبعدين مستعجل علي ايه بكرة تتجوزها وتعييش.
مهاب اتنهد وبسخرية: عندك حق. بكرة نزهق من بعض.
مهاب قام ومسك ايد نغم: احنا داخلين ننام وانت يا روح بابا تتكل في ظرف 5 دقايق. وغمزه. بس بلاش تزهق منها دي. هي ممكن تزهق من سحنتك.
لكن انت ماافتكرش. بنات مهاب عز الدين مايتشبعش منهم ابدااااا. يالا يا ناني تصبحوا علي خير.
جودي ومهاب: ههههههه. وانتم من اهله.

نغم وهما داخلين اوضتهم بصوت واطي. مش كنا اتطمنا انه نزل الاول. دول مايتضمنوش. احسن الواد يعمل حاجة كدة ولا كدة.
مهاب غمزها بثقة: ماتخفيش. من يوم ماقفشتهم في الحفلة وهما متربين. هههههه. والكلب ده مرعوب اشوفه بيعمل حاجة ابوظله الجوازة.
نغم: هههههههه. والله انت مشكلة. هو انت فعلا لو قل عقلة بحاجة كدة مش هتجوزهم.

مهاب بسخرية: انت بتقولي ايه. ده مجنون وعلي اخره ده ممكن يجي ويغتصبها وانا مش هنا. وهي ماهتصدق وتقولك غصب عني هو اللي غاواني. دول لازم يتجوزوا بسرعة احسن فضحتي هتبقي علي ايديهم. ترجع بس تيمو بالسلامة وانيلهم واخلص.
نغم: يارب ترجع واطمن قلبي عليها.
مهاب دخل الاوضة وقفل الباب: المهم بس قوليلي. عايزاني اصالحك ازاي اختاري انتي لعبة النهاردة معاكي انا في اي حاجة.

نغم: ههههههههه. لا مش عايزة العب. وكمان انا مسامحاك مافيش حاجة.
مهاب: ابدا اقسم بالله لازم اصالحك. عايزة تنامي زعلانة. ده حتى وحش علي عقلك الباطن خصوصا في السن ده.
نغم: هههههههههه يخرب عقلك اكبر بقي واعقل تعبتني.
مهاب: تؤتؤ. لسة التعب جاي اجمدي كدة وصحصحي معايا. الليلة صلح خاص ووصاية. تعالي بس نتفق هنلعب ايه الاول.
برا عند چودي ومهاب.
مهاب: انا هفرقع. ابوكي وابويا مقضينها. وانا قاعد زي خبيتها كدة.

چودي بدلع: حبيبي هانت خلاص. ايه مش قادر علي بعدي للدرجة دي
مهاب بحرقة حبيب: اااااه منك انتي بتدوبيني بعنيكي وصوتك ورقتك دي. چودي بجد انا محتاجلك. هتجننن امتلك كل حته فيكي. وده مشى مجرد احتياج وبس لا ده حب. لو علي العلاقة دي انا ممكن اجيب بدل الواحدة عشرة. بس انا مش عايز اي واحدة. انا عايزك انتي. عايز حبيبتي. حبيتي الليةحبيتها من صغرها وكبرت علي حبي ده.

چودي انا عايزك. ارجوكي كفاية بقي دلع. احنا لازم قبل ماتمارا ترجع نكون خلصناوالشقة وفرشناها. انا مش هستني يوم واحد بعد رجوعها.
چودي: حاضر حبيبي خلاص انا بخلص كل حاجة.
مهاب اتنهد بحنين: طيب انا همشي بقي هتوحشيني.
چودي: وانت كمان. مهاب.
مهاب لفلها: نعم يا عمري.
چودي: ممكن تحضني قبل ماتمشي.
مهاب بحيرة بص علي جوا خايف مهاب يشوفهم. ويعمل مشكلة. : بس لو ابوكي خرج هيقلب الدنيا.

چودي بحزن: هو عارف اني مش هقدر استغني عن حضنك.
مهاب كان صعب يتحمل شوقه ليها وشوقها ليه ونظرة الحنان والحزن اللي في عنيها. شدها لحضنه وضمها بقوة. وهي كمان حضنته بكل حبها.
مهاب: بحبك. بحبك
چودي: وانا كمان بحبك اوي
مهاب خرجها من حضنه بصعوبة: ، انا لازم امشي مش
عايز اتهور اكتر من كدة. تصبحي علي خير يا روحي
چودي: وانت من اهله يا قلبي.

في مطعم هادي ورقيق كان حلا وفادي بيرقصوا مع بعض علي اغنية تجنن زي حبهم لبعض. وياريت اي اغنية بكتبها تجيبوها وتسمعوها وانتم بتقراوا. المشهد هيفرق معاكم بجد.؟
(خاليك معايا. عمرو دياب)
فادي ضامم حلا بحب وبيرقص معاها: حبيبتي مبسوطة.
حلا نايمة علي صدره براحة وهدوء: مبسوطة دي كلمة قليلة علي اللي حاسة بيه دلوقتي. انا مش مصدقة نفسي. انت بقيت اكتر ماكنت بتمني. بحبك يافادي بحبك اوي يا حبيبي.

فادي غمض عنيه بسعادة وراحة للسعادة والحب اللي هي فيه في حضنه وبين ايديه.
ولا اي كلمة حب اتقالت في يوم مابين اتنين تسوي حلاوة كلمة منك قولتهالي. عيد قولت ايه كدة تاني وتالت انا قلبي كله حنين. ولا يطفي ناره حبيبي غير لو عدتهالي.
فادي: قوليلي بحبك تاني عايز اسمعها منك طول الليل.
حلا بحنان بصت في عيونه: بحبك. بحبك.
فادي ضمها تاني بشوق.
عارف بتعمل فيا ايه كلمة حبيبي. زي اللي اول مرة بيحس بآمااان.

خاليك معايااااا. يا حبيبي مهما كااان. خاليك معايا يا حلم عمري اللي في خيالي من زمااان.
فادي: خاليكي معايا يا حلا. اوعي تبعدي تاني ولا تسمحي للايام تفرقنا. انا مااقدرش اعيش من غيرك.
حلا: عمري ماهبعد ابعد ازي. بعد مارجعنا احسن من الاول.

فادي: حبيبتي الازمة اللي حصلت دي كانت قلم فوقنا. علشان نتمسك بعض ونحافظ علي حبنا وبيتنا واولادنا. وبص لبطنها وابتسم. وكمان الضيف الجديد اللي هيشرف ده. كان لازم يجي واحنا مع بعض مش متفرقين.
حلا: عمرنا ماهنفترق. خلاص احنا القدر اثبتلنا اننا اتخلقنا لبعض مستحيل نفترق.

فادي: عارفة انا كل ما اتخيل انك كان ممكن تشربي من العصير والكلب عاصم ده يلمسك لمسة واحدة. اتجنن والنار تاكل فيا. واحمد ربنا انه ماحصلش. واكنه انزار ليا علشان اعرف قيمتك واحافظ علي الجوهرة اللي منورة حياتي.
وضمها بحنان اكبر وكمل رقصه معاها علي احلي كلماااات.
عارف انت اكتر حاجة تفرح الواحد هي ايه. ان اللي ياما حلمت بيه تلاقيه حبيبك.
وانا عشت بحلم باللحظة دي. ده اللي بدور عليه.

انا اسيب حياتي ودنيتي ولا اني اسيبك.
فادي بصلها وابتسم: انا ممكن اموت واسيب الدنيا بحالها. ولا اني اسيبك تاني تضيعي من ايدي.
حلا حطت ايديها علي شفايفه وبحب: شششش. اياك تقول كدة. ربنا مايحرمني منك ابدا يا حبيبيييببي.
فادي باس ايديها وحضنها.
عارف بتعمل فيا ايه كلمة حبيبي. زي اللي اول مرة بيخس بآمااان. خاليك معايا ياحبيبي مهما كااان. خاليك معايا ياحلم عمري الليةفي خيالي من زمان.

رواية رحم للإيجار الجزء الثاني للكاتبة ريحانة الجنة الفصل الحادي والعشرون

في فلورنسا
شهاب وتمارا قاعدين في مطعم ومهدي موجود. هما كانوا بيتصرفوا بشكل طبيعي مش بس علشان مهدي لا كمان هما كانوا في منتهي السعادة. للحظات اللي بتعدي عليهم من وقت ما اعترفوا بحبهم لبعض.
شهاب: ههههههههه. تخيلي انتي بقي رد فعل سيادة اللواء. لما نرجع واطلب ايدك منه. خصوصا ان ابوكي ذكي واكيد هيفهم اللي بيحصل بينا هنا.

تمارا: ههههههههه. مالك يا بوب ماتروق كدة ماتزعلنيش منك. هو ايه اللي بيحصل لا حاسب علي كلامك ولا احاسبلك انا.
شهاب: ههههههههه. ايوة بأمراة البوسة اياها. وغمزها فاكرة ولا. بوسني يا شيبو
تمارا بغيظ: وبعدين معاك هو انت مش هتنسي بقي. وبعدين انت خلاص خالتها بوسة. ماهي ماحصلتش اصلا
شهاب بخبث: ومين قالك انها ماحصلتش.
تمارا بإستغراب: انت بتتكلم جد. شهاب بطل هزار هو حصل حاجة في الليلة اياها دي.

شهاب بمكر: اممممم. اومال تفتكري انا هتجوزك ليه. ماهو علشان اغطي علي الغلطة اللي حصلت. ماهو ماحدش هيرضي يتجوزك بعدها. وفضيحة سادة اللواء هتبقي بجلاجل.
تمارا بصدمة وذهول: يا ليلتك السوداء. انت بتقول ايه هو ايه اللي حصل. اقسم بالله اطربقها علي دماغك انطق عملت ايه.

شهاب ضحك من قلبه: هههههههههه. يخرب عقلك. ايه الرعب ده. هو انتي بتخافي علي نفسك زي البنات وكدة. ااااااه يا شقية بقيتي بنت ماكنش يومك. بقي الرائد تمارا اللي عمالة سبع رجالة تبقي كدة. ياعيني علي الزمن.
تمارا اتنهدت براحة وبغيظ: ده انا هموتك اصبر عليا نرجع البيت بس. وانت تشوف هعمل فيك ايه. بتبعتني يا شهاب.
شهاب قرب منها وابتسم: بحبك.
تمارا ابتسمت: بحبك يا بوب.

شهاب سمع المزيكا غمزها: جاتلك انتي دي. اكنها اتعملت ليكي. قومي يالا.
شهاب اخدها ورقصت معاه.
(ده لو اتساب عمرو دياب)
ده لو اتساااب ده لا يجني تعب اعصااب ده لو اتساب. ليلة ليلتين انا اعيش في عذاااب.
شهاب غمزها وابتسم.
طب واعمل ايه. في دقيقتين. ياخد القلب وياخد العيين. ليلي ياعين.
شهاب حط ايده علي قلبه واتنهد.
لا كدة جنان لاده مش اعجااااب.
تمارا بتضحك من قلبها وشاورت عليه وبتتمايل.

انا عمر ما حد خطفني كدة ده اخدني حبة حبة. في حاجت مش ممكن تستخبي مابين اتنين احبة.
شهاب قربها منه وبص في عنيها وهمس. انتي حبيبتي.
تمارا ابتسمت.
في دلع متشال لحبيبي. وحنية من غير حسااب.
ده لو اتسااااب.
شهاب بيغني
الليلة فووق عدي قمر من كتر الششوق. شدني ليه كل مااقرب منه بروووق.
شهاب بيسألها بحناااان
طب واعمل ايه. مين مسؤل. علي اللي حصلي ماحد يقول. ده كدة كتيير. ده الفرح بينله علي وصووووول.
تمارا بتتمايل.

انا عمر ماحد خطفني كدة. ده اهدني حبة خبة. في حاجات مش ممكن تستخبي مابين اتنين احبة.
و بدلع. في دلع متشال لحبيبي. وحنية من غير حساب.
شهاب ضمها واتنهد: اعمل فيكي ايه جننتيني معاكي. خالتيني واحد تاني.
تمارا بحنان: وهو انا اللي زي ما انا! ماانت كمان خلتني واحدة تانية. توعدني يا شهاب انك تفضل ليا دايما وماتبعدش عني.

شهاب بنظرة عموها ماشافتها قبل اللحظة دي: عمري ماهبعد. حتى لو انتي فكرتي تبعدي لاي سبب. هجيبك وارجعك لحضني تاني حتى لو غصب عنك.
تمارا غمزته: احبك يا وحش.
شهاب: هههههههه. انا قولت من الاول. كارتة ميكروباصات ماحدش صدقني.
تمارا: هههههههه. فاكر.
شهاب: ههههههه. طبعااااا. والمصارعة الشوارعي. ده انتي كان لسانك مبرد.
تمارا بثقة: ولسة مبرد. بس انت ماتنكشنيش هقلب في ثانية.

شهاب: طيب تعالي بقي نقعد. احسن الحيوان ده هيكلك بعنيه.
تمارا: اخدت بالي.
قعدوا مكانهم تاني وطلبوا العشا. وقرب منهم مهدي.
مهدي وهو بيبص لتمارا بإعجاب: ازيك يا جاسر.
شهاب لفله بهدوء كعادته: اهلا مستر مهدي.
مهدي: ازيك يامدام سهر. احب اهنيكي علي جمالك اللي بيزيد يوم عن يوم.
تمارا بصت لشهاب وبعدين بصت لمهدي بثقة: ميرسي يامستر مهدي. دي مجاملة لطيفة منك.

مهدي بيتفحص تفاصيل تمارا بجرأة بتفور دم شهاب: مجاملة! مدام سهر انا حاجتين في حياتي مستحيل اجامل فيهم. شغلي والستات. وانتي مش اي ست. انتي انثي ثائرة ومتمردة. مش اي نوع.
شهاب بغيرة ماعرفش يداريها: خير هو انت كنت عايز حاجة.
مهدي: احمم. خير طبعا. انا بصراحة لسة مصر اني اهيديكم. علشان تفتكروني لما ترجعوا مصر. وغمز تمارا.
شهاب اخد باله بس بيحاول يهدي ويمسك نفسه بصعوبة علشان مايكسرش عضمه.

شهاب بغيظ: ماقولت لحضرتك مافيش داعي لكل ده. هديتك وصلت.
مهدي: لا ازاي بقي. انا اصلي حبيتكم اوي اوي. وبص لتمارا. وانا اللي بحبه ويدخل دماغي مستحيل اسيبه ابداااا.
شهاب: وياتري ايه الهدية؟!

مهدي: انا عندي بيت هنا علي البحر بس ايه حكاية ال؟يو يجنن هناك. كمان انا عامل البيت ده بميكس رهييب بين الايطالي والمصري واليوناني. حاجة كدة خيال عايزكم تشرفوني وتقضوا فيه كام يوم واوعدكم تكون اجمل ايام هتقضوها هنا في ايطاليا.
شهاب بصله بحدة وفهم هو ناوي علي ايه وبص لتمارا: تمام واحنا قبلنا دعوتك. يا مستر مهدي.

مهدي بخبث حقير: وانا بكرة الصبح هبعتلكم عربية من عندي توصلكم البيت. هستناكم. اتمني ليكم سهرة سعيدة.
وسلم علي تمارا وباس ايديها بإثارة وغمزها وهو بيمسك ايديها بقوة. هستناكي يا مدام سهر واوعدك تنبسطي معايا اوي.
شهاب بغضب شد ايد تمارا منه: انا اللي اوعدك اننا نبسطك اوي اوي. هتشوف.
مهدي: اكيد كلنا هننبسط مع بعض. سلاام.
مشي مهدي وشهاب بيغلي من الغيرة والغضب. وبيتوعدله بموته تشفي غليله منه.

شهاب: اااااه يا ابن الكلب. وانتي ازاي تسبيه يمسك ايدك بالشكل ده ويبوسها كمان. محروقة دي مهمة ما تخالي بالك شوية هو كل حاجة لازم انا اللي اعملها. سايباله ايدك كدة ليه.
تمارا: ممكن تهدي شوية وابتسمت: بس تعرف. بحب اوي اشوفك غيران عليا بتبقي تجنن.
شهاب بجدية وتحزير: تمارا اياكي تتعمدي.

تثيري غيرتي باي شكل لانك هتشوفي مني واحد تاني خالص. واياكي تفتكري ان حبي ليكي ممكن يخليني اجي علي رجولتي مهما كنت بحبك فاهمة.

تمارا بقلق من نبرته في الكلام وحدتها: ششهاب ااانا ماكنتش اقصد كدة. ببس انت عارف انه غصب عني انا لازم اجاريه والا مش هنوصل للميكروفيلم. مهدي حويط ومافيش حاجة ممكن توقعه غير الستات وهو اللي جالنا لحد عندنا. وانا كان لازم المحله اني فاهماه ومعاه علي الخط. يعني مش راحة مني ابدااا. شهاب انت اكتر واحد عارف اني كان مستحيل ابص لاي راجل ولا يعجبني كلام اي حد. غيرك انت.

شهاب بيمسح وشه وخصلات شعره بقوة وغيره بتاكل فيه وهو بيتخيل اللي لسة جاي واللي ممكن يحصل لو مااخدش باله منها كويس. وابدأ يهدي.
شهاب: ماتزعلش حقك عليا. غصب عني اتفعلت عليكي. بس انتي ماتخيلتيش النار اللي شبت جوايا لما مسك ايدك وباسها ولا نظرته ليكي ده اكنه بيعريكي بعنيه. ده ابن كلب حقير اقسم بربي لرجعه مصر متكتف زي الخروف.

تمارا بتفهم ىغيرته ورجولته مسكت ايده: حبيبي انا مش زعلانة انا فاهمة غيرتك كويس ولو انت ماحبتنيش ماكنتش تبقي كدة. كمان عايزاك تتأكد اني معاك وفي ظهرك وهنرجعوا سوا يتحاكم هناك وهنرجع الميكروفيلم وفي اسواء الظروف انا اللي هقتله بإيدي مش هخليه يعيش. بس نحط ايدينا علي الميكروفيلم.

شهاب هدي وابتسم وباس ايديها: تمارا انا عايز اعترفلك بحاجة. انا اول مرة اطلع مهمة اكون قلقان وخايف. خوفي عليكي ورعبي من اي حاجة ممكن تحصلك. او افشل اني احميكي منه. ده اول مرة يمر عليا. انا دايما واثق في نفسي وفي قدراتي. بس حبك خلاني ابقي خايف.
وبوجع لمجرد ذكري موت ملك انها تتكرر مع تمارا. غمض عنيه بقوة بيحاول يخفي المه.

انتي لو جرالك حاجة او اتأذيتي بأي شكل انا عمري ماهسامح نفسي. لا ده ممكن اموت نفسي كمان.
تمارا غصب عنها دمعت من الحب والخوف اللي ظاهرين في ملامحه وكلامه ونبرة صوته. قامت وحضنته.
تمارا: وانا بقولك انا مش خايفة علي نفسي وانا معاك. انا واثقة فيك. انت جبل يا شهاب. مش ممكن تتهزم.

شهاب ضمها بقوة وغمض عنيه عايز يخبيها ولو كان يقدر يبعدها عن المهمة الخطر دي كان بعدها. : وانا اوعدك اعمل كل شئ كل شئ. بس تفضلي معايا وفي حضني ونرجع نتجوز.
وخرجها من حضنه بهدوء وحضن وشها بين ايديه. وبنظرة عاشق ودايب: انتي لازم ترجعي معايا لازم. مش ممكن ارجع من غيرك فاهمة. مش ممكن.
تمارا ابتسمت وبشقاوة: ياربييييي. يجوا البنات اللي هتموت عليك يسمعوك وانت بتقولي كدة. يجوا يشفوا شهاب بيحبني انا ازي.

شهاب ابتسم بمكر: عايزة تتباهي بحبي ليكي وتغظيهم. امممم. ماشي شكلك كدة مش سهل وناوية تغيظي كتييير اوي.
تمارا غمزته: هما كتيير اوي اوي. ماتعدش.
شهاب: طيب احنا لازم نروح علشان نجهز نفسنا لبكرة الجد بجد هيبتدي بكرة. كمان لازم افهمك هنعمل ايه وهتتصرفي ازاي لو اضطريتي تكوني لوحدك من غيري.
تمارا: ازك حبيبي. يالا بينا.

في مرسي علم. چنا ومروان قاعدين علي البحر كالعادة بيعيشوا لحظات جديدة عليهم حب ماكنش في في حسابهم ولا خطر علي بالهم.
مروان: حبيبتي انا بفكر افاتح اكمل في موضوعنا لما نرجع علشان فرح حمزة.
چنا بخوف: حبيبي انت ليه مصر تبوظ حياتنا وحبنا. انا خايفة يحا له يبعدونا عن بعض.

مروان بحنان: حياتي انا مستحيل اعيشك معايا في الظلمة. لو مااعلنتش حبنا قصاد الكل وعشت معاكي في النور. يبقي ما استحأكيش. انت مااتخلفتيش علشان تعيشي عشيقة في السر.
چنا بدموع: مش انا الحورية بتاعتك. والحوريات بتعيش بعيد عن الناس وبتظهر لحبيبها وبس وهي راضية ومكتفيه بيه. انا هعمل ايه بالناس.

مروان ضمها لصدره واتنهد بمرار: اااااه. يا چنا بتصعبي عليا اللي جاي ليه. حبيبتي انا مش قادر اتخيل ان لو اكمل وتسنيم وقفوا قصاد جوازنا. انا هعمل ايه. چنا انا مستحيل اتجوزك غصب عنهم. وفي نفس الوقت مستحيل اقدر ابعد عنك. اعمل ايه بس اعمل ايه.
چنا: بس انت ناسي ريما. هتقولها ايه ازاي ممكن تتقبل جوازنا.

مروان بحيرة: مش عارف. ريما دي لوحدها اكبر مشكلة. خايف اجرحها واوجعها بس انا بين نارين نار جرحها ونار بعدك عني. والاتنين بيحرقوا فيا.
چنا مسكت ايده بحب: وانا بقولك خالينا زي ما احنا وبلاش تجرحها. انا راضية اعيش معاك في السر. بص هنتجوز وماحدش هيعرف.
مروان ابتسم: ما انا لسة قايلك انتي مش عشيقة في السر. يوم ما هلمسك لازم يكون في العلن وقصاد الناس كلها.

چنا كل يوم بتحبه اكتر وتحترمه اكتر ويكبر في عنيها اكتر واكتر. وبتفكير.
چنا: طيب انا جاتلي فكرة.
مروان: فكرة ايه اوعي تقولي تاني في السر.
چنا: ههههههه. لا مش هقول كدة. بص يا روحي انت تقول لريما انك هتنجوز علشان تخلف بس لازم تختار واحدة تعرفها وتكون اهلها كويسين علشان دي هتكون ام ابنك. وانها تختارلك واحدة مناسبة.
مروان بتفكير: اممم. هي فكرة بس هي ماتعرفكيش وهتختار واحدة تانية هنعمل ايه!

چنا: لا ماهو انا في الاجازة دي ححاول اقرب منها شوية ونبقي اصحاب خصوصا جايلنا فرصة تعارف طبيعية في فرح حمزة وفتون.
مروان اتنهد بحيرة: بس تفتكري هتختارك ولا لا.
چنا: لو اختارت غيري ابقي ارفض واتحجج باي سبب. ووقتها انا هتصرف.
مروان بصلها بإستغراب: هتعملي ايه مش فاهم.

چنا قربت منه وحضنت دراعه بتملك: ماتشغلش بالك انت. انا ممكن اعمل ايه حاجة علشان اكون معاك. وخصوصا بعد مالقيتك متمسك بيا بالشكل ده. مش هفرط فيك ابداااا.
مروان ضمها بحنان: انا خلاص مابقاش بإيدي ابعد ولا اقرب. انتي جواكي مغناطيس بيشدني ليكي.
چنا: بحبك اوي يا مروان اوي.
مروان باسها من جبينها: وانا عشقتك يا چنا. عشقتك.
في فيلا اكمل التهامي.

حمزة وفتون واكمل وتسنيم وحياة كلهم بيفرشوا الدور الخاص بحمزة وفتون وبحطوا كل حاجة في مكانها.

حمزة قرب من تسنيم وباس ايديها: ست الكل تعبت اوي ماكنش ليه لزوم تتعبي نفسك. احنا كنا هنعمل كل حاجة. تسنيم بحنان ام شافت في حمله كتير وكانت هتخسره كمان لما اتولد ويروح منها. بس ربنا اكرمها ومن عليها بسلامته حضنت وشه بين ايديها برقة: حبيبي انا من يوم ماحملت فيك وانا بتمني اليوم ده وبحلم بيه. اني اشوفك راجل زي القمر و عريس يخطف العين. ووعدتك وانت نونو كدة اني افرلشك بيتك بإيدي. وانا سعيدة وقلبي بيرفرف. حمزة انت بالنسبة ليا مش مجرد ابن وخلاص. انت بداية و نهاية احلامي كأم. بطني زي ماتكون غارت ورافضة تشيل غيرك. اللي قبلك طردتهم. ومن بعدك حلفت ماتشيل غيرك. انت روحي يا حمزة روحي.

حمزة دمع وحضنها بقوة: اااااه يا امي انا بحبك اوي اوي. معقول في ام بتحب زيك كدة. انا حقيقي محظوظ بيكي. خصوصا لما وافقتي علي فتون.

تسنيم بصت علي فتون وهي بتضحك مع اكمل ويهزروا: فتون بنت جميلة وبريئة. ومش ذنبها انها اتولدت في ظروفها دي. ثم حبيبي الانسان مش المكانة الاجتماعية والفلوس. ياما اهلهم من ارقي العائلات وللاسف. ماتتحملش تعيش معاهم يوم واحد. وكمان انت حبيتها والقلب مالوش سلطان وانا متأكدة انك هتكون سعيد معاها. وده اللي يهمني اني اشوفك سعيد ومبسوط.
حمزة باس ايديها: انا مبسوط اكتر انك امي.

أكمل جاء من وراهم هو وفتون: افهم بقي ايه الوضع الرومانسي ده. ومالك يا حبيبي حاضن ايديها كدة ليه. انت فاكر نفسك لسة صغير. ماسك ايد ماما
حمزة غمز تسنيم: نعم سيادتك امي وبحبها وااه بقي لسة صغير والليلة هنام في حضنها ايه رئيك بقي.
اكمل عض علي شفايفة من الغيظ وشده من قفاه: ولا حضن مين ده اللي تنام فيه. ده انا اسفرك تتعالج مش تتجوز. ابعد كدة بقي علشان مازعلكش. وانتي يا هانم لمي خطيبك ده. احسن انفخه.

فتون: ههههههنهنه. هو بصراحة يستاهل يا اونكل.
حمزة: بتضحكي فرحانة وزوج المستقبل بتعلقمن قفاه.
فتون بتكتم ضحكتها: مش انت اللي بتتعدي علي ملكية الغير تستاهل.
تسنيم بغضب مصتنع شدت حمزة لحضنها: اخس عليكم. ماحدش ليه دعوة بحبيب ماما. وانت يا اكمل لو مديت ايدك عليه تاني هخاصمك هاه بس يا قلبي دول وحشين.
حمزة بيغيظ اكمل ويغمزه: شكلك بقي صعب اوي يا كيمو.
اكمل بغيرة شد تسنيم من حضن حمزة ومشي بيها.

اكمل: طيب يا اختي وغالوة الغالي الصغنن ده لوريكي ازاي قاعدة تحضني فيه وهو زي الشحط كدة. وانت وحياة ابوك لربيك. امشي معايا.
تسنيم: ههههههههه. استني بس براحة عليا.
أكمل: راحة مين ده انا الليلة هفرمك واخليكي تتبري من الواد ده الصبح ايه رئيك بقي امشي قدامي.
فتون وحمزة بيضحكوا.
فتون: هههههههه. مش ممكن بجد يجننوا. يا بختك يا حمزة بيهم.

حمزة: فعلا عمري ماحسيت انهم انهم ابويا وامي وبس. وقت الحنان اهلي ووقت الضيق اصحابي. ربنا مايحرمني منهم ابدااا.
فتون بحب: ولا يحرمني منك ابداااا.
حمزة قربها لحضنه وبخبث: بقول ايه ماتيجي كدة ندخل اوضة النوم نتمم عليها كدة تكون ناقصة حاجة كدة ولا كدة.
فتون: امممم. بقيت شقي يا ميزو. بعينك بعد كتب الكتاب.
حمزة ابتسم: يوم الخميس ده هيكون اجمل يوم في عمري. علشان هتتكتبي علي اسمي.

فتون: انا مكتوبة علي اسمك من قبل مااقابلك. انت نسيت انا مكتوبة ليك حبيبي.
حمزة بوجع وهم من اليوم ده: فعلا كتوبة ليا وبألم وهو عارف انها كانت لغيره من قبله. وليا. ليا انا وبس مش لحد تاني.
فتون: بحبك.
حمزة بمرارة راجل بيتوجع: بحبك.
في قصر رعد الحديدي.
فادي قاعد في اوضته بيشتغل علي اللاب توب. وحلا قربت منه وقعدت جنبه
حلا بتعب: حبيبي لسة مشغول.
فادي بتركيز: اه يا قلبي ثواني واخلص واكون معاكي.

حلا بتتألم: براحتك حبيبي. تحب اعملك قهوة.
فادي: يااارييت يا روحي مش عايز اتعبك.
حلا قامت واتألمت ومسكت بطنها: لا مافيش تعب.
مشيت خطوتين وصرخت. اااااه. فادي الحقني.
فادي قام بسرعة وجري عليها بقلق: مالك يا حلا فيه ايه.
حلا بتتألم: مش عارفة همووت مغص فظييع.
فادي: طيب اطلبلك الدكتورة بتاعتك.
حلا: لا هي مسافرة مؤتمر مش في مصر.
فادي: خلاص تعالي اوديكي المستشفي بتاعتنا. نتطمن عليكي بس.

حلا هزت راسها: طيب ماشي هلبس.
فادي تعالي انا هساعدك.
في المستشفي
فادي وحلا في الاوضة ومستنين الدكتورة تيجي تكشف عليها. الباب خبط ودخل دكتور شاب ووراه الممرضة وهي بتجر جهاز السونار.
فادي عقد حاجبه: نعم انت مين؟
الدكتور: حضرتك انا الدكتور وائل قالولي ان مدام حلا تعبانة وانا جيت اكشف عليها وجبتلها السونار كمان علشان ماتجيش غرفة الكشف.

فادي بغيرة وغضب: ننننعم تكشف علي مين انت اتهبلت. انا طلبت دكتورة ست مش دكتور راجل.
وائل: يا فندم حضرتك الوقت متأخر. وكل الدكاترة الستات مش موجودين حتى اللي عندهم نوبة ليلة مش تخصص نساء. وانا بس اللي موجود.
فادي بص لحلا وعارف انها تعبانة.
حلا بخوف: اااانا بقيت كويسة مش هكشف. هروح.
وائل: ازاي بس حضرتك جيتي بتتألمي والممرضة قالتلي انك نزفتي من فترة ممكن يكون في مشكلة لازم نتطمن.

فادي محتار خايف بغيرته يتعبها اكتر او الجنين يحصله حاجة. و بغيرة: طيب انا هخليك تكشف عليها بس وانا واقف. واياك تحط ايدك عليها انت فاهم.
وائل بضيق: ازي بس يافادي بيه.
فادي مسكه من هدومه بغيظ: هو ايه اللي ازاي تعمل اللي بقولك عليه لدفنك هنا انت سامع.
وائل بخوف مسك ايد فادي ونزلها: احمم. حاضر. حاضر بس اهدي لو سامحت.

فادي بعد عنه بغيظ وبص لممرضة: انتي تعالي جهزيها كويس وحضري كل حاجة وهو يا دوب يشوف السونار بس. وبصوت عالي يالا.
حلا بتتألم بس بتكتم ضحكتها.
الممرضة برعب من غضب فادي وصوته العالي: حاضر يا فادي بيه.
وفعلا حضرت كل حاجة وندهت للدكتور وائل: اتفضل ياكتور.
فادي راح قبله وقعد جنب حلا. ووائل قرب السونار من بطنها وبيحطها.
فادي بغيظ: انت مالك بتنزل لتحت كدة مابطنها اهي انو هتستهبل.

وائل بزهق: يا فندم المدام حامل في الشهور الاولي وطبيعي بيكون الكيس اللي فيه الجنين لسة في الرحم تحت ماكبرش. ولازم اعمل كدة.
فادي بيغيرة وجسمه بقي ناااار من
الغيرة: طيب اتنيل اخلص وبص لحلا بغيظ: عجبك كدة كان حبك الوجع النهاردة.
حلا بعصبية: الله وانا اعمل ايه ماهو غصب عني هو بمزاجي.
وائل: ارجوكم كفاية مش عارف اشوف شغلي.

فادي: شغل ايه انت هتمثل ده انت عمال بتحط البتاع ده وتبص في الشاشة هي معضلة اخلص وقولي فيها ايه.
وائل بيحرك السونار ويضغط علشان يشوف الجنين من كل الزوايا.
فادي هيفرقع: يادي الليلة اللي مش معدية انت بتعمل ايه الله يحرقك شيل ايدك دي.
وائل: استغفر الله العظيم. يا فندم انت مافيش كدة وربنا.
فادي جاب اخره: قسما بالله ما انت حاطت ايدك عليها تاني واللي يحصل يحصل. اتنيل قولي مالها.

وائل بزهق: المدام واضح انها عملت مجهود شوية. ياريت ترتاح. لان الجنين في مكان خطر. المفروض يكون لفوق شوية كمان في احتمال يحصل سقوط للمشيمة. ولو ده حصل هتبقي هي والجنين في خطر. لان المفروض الجنين يكون الاول والمشيمة بعده. لكن لو سبقته هي وقتها هيبقي وضع معكوس وخطر جدااا.
فادي قلق وخاف عليها: ططيب ايه المطلوب علشان ده مايحصلش.

وائل: المطلوب انها ترتاح بإستمرار ممنوع اي نوع من انواع الاجهاد. وتتابع معانا بإستمرار. وقرب من فادي ووشوشه. احممم وياريت حضرتك تهدي اليومين دول. حضرتك لازم تراعي فرق السرعات بينكم حضرتك ماشاء الله 4 حصان وهي زي ما انت شايف كدة يادوب سرعة ارانب.

فادي جز علي سنانه بغيظ ومسكه من قفاه: تصدق اني دولوقتي هطلع ال4 حصنة دول علي جته اللي خلفوك وانيمك مكانها هنا واعملك سنوار بس مش ده هاجة كدة تعرفك انت ايه يا متخلف.
وائل: ااانا اسف والله انا همي المصلحة مش اكتر.
فادي: امشي من قدامي لفرمك. امشي
خرج وائل والممرضة وحلا فطسانة من الضحك. فادي بصلها وغصب عنه ضحك.
فادي: هههههه. هو مش حيوان بس معاه حق. انتي اتفحتي الفترة اللي فاتت.

حلا: هههههههه. حبيبي الغبي ده بيقر عليك يارب يموت.
فادي قرب منها وبحنان: سلامتك يا حلا حياتي. احنا لازم نسمع كلام الدكتور المتخلف ده. ونخلي بالنا. وانا من الصبح هقلب الدنيا واوديكي لأحسن دكتورة تتابعك لحد ما الدكتورة بتاعتك ترجع.
حلا بصتله بحب: ربنا يخايك ليا يا روحي.
فادي: ويخليكي ليا يالا بينا بقي نروح علشان نطمن بابا وماما.
حلا غمته: طيب براحة عليا بقي انت ماسمعتش كلام الدكتور.

فادي بغيظ: ماتفكرنيش بقي بدل وربنا اروح افرتكه دلوقتي.
حلا: ههههههه. لا لا خلاص يالا بينا.