رواية رحم للإيجار الجزء الثاني للكاتبة ريحانة الجنة الفصل السادس عشر

في مدينة فلورنسا شهاب وتمارا وصلوا البيت بس شهاب كان تعب جدااا من الرصاصة اللي اخدها. تمارا سندته وقعد علي الكنبة.
تمارا بخوف رهييب: شهاب انت نزفت كتيير اوي هنعمل ايه هنجيب دكتور منين دلوقتي.
شهاب بألم: انتي مجنونة صح. دكتور ايه اللي هنجيبه ده. انتي اللي هتشيلي الرصاصة دي.
تمارا برعب: لا لا مستحيل ماقدرش.
شهاب بتعب: تمارا اسمعي الكلام. المكان اللي بنخزن فيه الاسلحة هتلاقي شنطة هاتيها بسرعة.

تمارا بتوتر: ططيب حاضر.
تمارا جابت الشنطة وفتحتها: اهي جبتها.
شهاب: يالا عندك المعقم والادوات عقمي وشيلي الرصاصة بسرعة.
تمارا: انت بتهزر صح. انا ماعرفش اعمل كدة.
شهاب بألم وعصبية: بطلي كدب. انتي لازم تكوني متضربة علي كل الحاجات دي. و مستحيل تترشحي لمهمة زي دي وماتكونيش فاهمة كل ده.

تمارا فعلا بتكدب. هي متضربة كويس علي كل ده. بس مش قادرة تقوله ان هو بالذات ماتقدرش تشوفه كدة بيتألم ولا ان هي كمان اللي تداوي جرحه بنفسها.
شهاب: انتي ساكتة ليه بسرعة. تمارا الرصاصة دي مش هتموتني. بس لو فضلت اكتر من كدة في دراعي هتسمم. فاهمة. وفرصتك اني اكون واعي معاكي هي 10 دقايق بالكتير. انا بدأت درجة حرارتي تزيد. واسخن من الرصاصة. بسرعة قبل ما اروح منك وابقي لوحدك. يالا.

تمارا برعب ودموع وايد بتترعش من خوفها وتوترها: حححاضر. بس ارجوك اتماسك وخاليك معايا.
تمارا اخدت المعقم وعقمت الجرح. وطلعت الادوات وبدأت تشيل الرصاصة. شهاب كان بيكتم ألمه بصعوبة وبدا يعرق بشكل كبيير. خرجتها بعد صعوبة.
شهاب وجع: اااااااه.
تمارا بدموع: اسفة والله اسفة معلش.
شهاب بتماسك: يالا اكوي الجرح بسرعة. قبل مايتلوث.

تمارا قلبها مش مطاوعها تعمل الخطوة دي. عارفة انها مؤلمة بشكل رهييب. وفعلا كوت الجرح. وشهاب صرخ.
شاب: تمااااارااااا.
تمارا سابت اللي في ايدها ومسكت ايده: سلامتك يارب انا اللي كنت انصابت. بس انت لا.
شهاب بيكتم المه. وبصلها بحب: اوعي تقولي كدة. انا اتحمل اي حاجة الا اني اشوفك بتتأاذي او تتوجعي. تمارا انتي غالية عندي اوي.
تمارا بصتله بحب: وانت كمان غالي عندي اوي.

شهاب ابتسم بتعب واضح: طيب بصي هتلاقي في الشنطة حقنة مسكنة وحقنة مضاض حيوي. هتديني الاتنين بس المضاض الحيوي ده وريد. خالي بالك. تمارا انا تقريبا بنام.
تمارا بدموع: لا لا ياشهاب وحياتي اوعي تنام انا كدة هقلق عليك خاليك معايا.
شهاب بيقاوم اغمائته بصعوبة: تمارا بسرعة المسكن.
تمارا ادته المضاض الحيوي. والمسكن. وكمان لفتله الجرح. بس شهاب كان خلاص نام ومابقاش حاسس بحاجة.

تمارا كانت مرعوبة عليه لقت درجة حرارته زادت. ولسة الدواء مفعوله مابدأش. قامت وجابت كمادات وبدأت تعمله كامدات. كانت دموعها ودقات قلبها بتزيد مش بتقل. شهاب بقي الآمان والحماية بالنسبة ليها. كمان حبه بقي خلاص متمكن من قلبها بقي صعب تداريه. عدلته كويس ونيمته براحة اكبر وقعدت جنبه علي الارض. كانت بتبصله بحب وحنيين. كانت بتمرر عنيها وايديها علي ملامحه بحنان. وبدأت تمرر ايديها في خصلات شعره بهدوء.

تمارا بدموع: تعرف انا كانت اخر حاجة ممكن اصدقها ان انا احب. لا وكمان احب مين. احبك انت ياشهاب. اااه انا بعترف اني بحبك. انا بقولك دلوقتي لاني مافتكرش ممكن تجيني الشجاعة وانت صاحي وعينك في عيني واقولهالك. انا لما شوفت الرصاصة دي. اتمنيت تكون في قلبي انا. بس انت ماتتألمش. انا هكون متطمنة علي نفسي وانا بين ايديك. حبيبي اياك تبعد عني. انا اكتر حاجة رعباني انك ما تحبنيش وعارفة ان ده صعب. لان ملك لسة عايشة في قلبك. مش عارفة انا ليه حظي كدة. عمري مااحب بس يوم ما احب احب واحد قلبه مش معاه. انا عارفة ان قربك مني وتغيرك معايا ده. مش ممكن يكون اكتر من خوف علي آمانة معاك زميلة بتحاول تعلمها وتفمها. بس الغريب اني اوقات بشوف في عنيك نظرة حب. خايفة اصدقها. خايفة اتوهم وبعد كدة اصحي علي كابوس. شهاب انت صعب اي واحدة تعرفك وتقرب وماتحبكش. حبيبي يارب تقوم بخير وتبقي كويس. انا مابعرفش اعمل اي حاجة من غيرك.

اخدت ايده في حضنها وضمتها لقلبها وسندت راسها جنبه وفضلت تبصله لحد مانامت هي كمان.
في المستشفي الخاص بأنس عز الدين. كان عدي وعيلته متجمعين علشان عملية مايا. وانس فضل انها تتعمل عنده في المستشفي علشان يتابع حالة مايا بإهتمام اكبر.
مايا كانت خلاص داخلة العمليات.
هنا بدموع ماسكة ايد مايا: حبيبتي ربنا يشفيكي وتقوميلي بالسلامة يارب انا وانتي لا.
مايا بدموع: لا يا مامي ماتقوليش كدة بعد الشر عليكي.

عدي بخوف: دكتور انس ارجوك خالي بالك منها انا مش هتحمل يجرالها حاجة.
أنس: ماتقلش حضرتك. انا هحضر معاها العملية علشان اتطمن عليها اكتر. بس دكتور ماهر دكتور ممتاز وان شاء الله مايا هتكون بخير.
في غرفة العمليات
أنس بقلق: دكتور ماهر ارجوك خالي بالك منها. انا خايف عليها
دكتور ماهر: ماتخفش يا أنس ان شاء الله هتبقي بخير. انت مش واثق فيا ولا ايه.

أنس: لا طبعا واثق فيك. وبتردد عدل نظارته. بببس اصلها غالية عالية بشكل خاص.
ماهر بمكر: قولتلي شكل خاص. حاضر ماتقلقش هتبقي كويسة.
انس قرب من مايا وابتسم: ممكن تبطلي عياط وتهدي. كدة ضغطك بعد ما ظبطناه هيبوظ تاني.
مايا بدموع وخوف: غصب عني انا خايفة. ارجوك خاليك جانبي انا بتطمن وانت معايا من فضلك.
أنس بسعادة: ماتقلقيش. انا جنبك مش هسيبك ابدااا.
ماهر: هاه يا أنس المريضة الجميلة بتاعتنا جاهزة.

أنس: جاهزة اتفضل.
بدأ دكتور التخدير يخدر مايا وبدات العملية.
في الجونة في شتاليه فادي وحلا.
فادي: بردوا مش عايزة تروحي الحفلة!
حلا بعصبية: انا اصلا مش عارفة انت ليه عايز تروح. دي ست مش كويسة وانت عايز تروح عندها ليه وكمان تاخدني معاك.

فادي بهدوء: ماهو علشان هي مش تمام. عايزك. تروحي معايا. حلا انتي اظن خلاص اتاكدتي اني مستحيل ابص لست غيرك مهما كانت. وسيلا انا عارف دماغها ايه وعارف عايزة توصل لايه. هي متخيلة اني خايف اقرب منها او اضعف. بس هي غلطانة انا اللي بتحكم في نفسي قصاد اغراء الف ست زيها. بس عايزك تيجي معايا الحفلة دي علشان هي بس تتأكد انك معايا دايما وانك انتي حبيبتي وملكة قلبي. واني لو ليا مزاج منها هروح لوحدي مش هخدك. وده كان سهل علي فكرة. كمان انا هقابل هناك عاصم قدري. وده راجل تقيل وبينا شغل وعرفت منه النهاردة انه هيكون عندها في الحفلة. او تقريبا عندها كل يوم. هاه هتيجي ولا اروح لوحدي.

حلا اتنهدت: خلاص هروح معاك. بس لو استفزتني وقعدت تتمايص عليك والله هضربها انا بقولك اهو.
فادي: ههههههههه. لا يا روحي خالي الضرب ده عليا انا. انا بس لو فكرت تضايق بكلمة هفرمها.
حلا ابتسمت وحضنته: حبيبي انا ربنا مايحرمني منك ابدااا.
فادي ضمها بحنان: ولا يحرمني منك يا حبيتي. بس قوليلي حاسك متغيرة كدة ومش مبسوطة في ايه.

حلا خرجت من حضنه و اتنهدت بحزن: مش عارفة قلبي مقبوض وحاسة ان حد من مامي وبابي او اخواتي في حاجة. كنت بكلم بابي النهاردة وصوته مخنوق وحزين سألته بس قالي مافيش حاجة. انا خايفة تكون مامي فيها حاجة او تكون زعلانة مني وتعبت وبابي مخبي عليا.

فادي ابتسم بحنان ورفع عنيها لعيونه: ماتخافيش يا روحي لو حد منهم كان تعبان كان علي الاقل بابا قالي ماانا بكلمه هو وماما كل يوم. وعموما احنا كلها يومين وهننزل القاهرة. انا سايب الشركة بقالي كتيير والشغل تقل علي بابا. اهدي حبيبتي ان شاء الله كل حاجة تمام.
حلا: يارب يافادي.
فادي بمكر قربها ليه اكتر: احممم. هو انتي اتطمنتي علي الولاد خلاص في الشاليه بتاعهم مش كدة.
حلا ابتسمت: ايوة وبتسأل ليه بقي.

فادي: هي دي محتاجة سؤال طبعا علشان عايزك في موضوع مهم جداااا.
حلا: هههههههه. اهاه. ده اللي هو ايه.
فادي غمزها: عايزين نتناقش اذا كان الكلام في البحر احلي ولا علي اليخت ولا هنا ولا قين بالظبط. علشان هيفرق معايا جدااا.
حلا بدلع: هههههههه. حبيبي انت الكلام معاك جميل في اي وقت واي مكان. المهم اني معاك.
فادي ضمها وابتسم: اممم. افهم من كدة انك دايما بتكوني مبسوطة.

حلا بحب: طبعاااااا. ده كفاية بس ان تكون عنيا شايفاك وايدي لمساك وووو.
فادي: هاه وايه كمان بقي عايز اللي جاية دي.
حلا عضت علي شفايفها بخجل: تؤتؤ مش هقول افهم انت بقي. واقول انا اقصد ايه.
فادي قام وشالها: تؤتؤتؤ. انا ماعنديش وقت اتكلم. انا حالا هنفذ.
حلا حضنته وهمست: بحبك. وبتمني تفضل كدة علي طول.

فادي ضمها لحضنه بحب: انا وعدتك ومش هرجع في وعدي. وعمري ماهتغير ابداااا. انا كنت غلطان لما حرمتك من حبي وحناني. كنت غبي خايف تفهمي ده ضعف مني. لكن خلاص بعد بعدك عني وفرقتنا احنا وولادنا ودموعك اللي نزلت من حزنك مني. مابقاش عندي استعداد ابداااا اني اخسركم تاني. وفهمت ان الحب عمره ماكان ضعف. خصوصا مع حبيبة بتحبني ودايبة فيا من يوم ماعنيها فتحت علي الدنيا دي. حبيبتي انا لو جرحتك تاني انا اللي بقولهالك عاقبيني ياحلا وابعدي وماترجعيش. لاني وقتها هكون اغبي انسان في الدنيا واستاهل اي عقاب منك.

حلا ابتسمت بدموع: والله انا بحلم. بجد بحلم. معقولة انت فادي انت بتقولي انا الكلام ده. مش مصدقة. بس حبيبي وحياة حبك وحنانك اللي ماشوفتش زيهم ابداااا. انا اللي عمري ماعبعد عنك تاني حتى لو اتغريت شوية حتى لو جرحتني هفتكر كلامك ده وهعزرك. وعمري ماهسيبك. اسيبك ازاي وانت روحي
فادي ضمها سند جبينه علي جبينها واتنهد بشوق: بحبك. بحبك ياحلا.

حلا غمضت عنيها بشوق اكبر من شوقه ولهفة لكل نفس من انفاسه اللي بتخرج مع كل كلمة منه: بحبك يا حبيبي بحبك.
في فلورنسا طلع النهار من تاني. وشهاب بدأ يفوق ويفتح عنيه واول ماحرك دراعه المصاب اتألم بس كمان لقي دراعه السليم تقيل استغرب وبص لقي تمارا قاعدة علي الارض جنبه و حاضنه دراعه ونايمة عليه. ابتسم وهو بيبص لملامحها الجميلة.

شهاب: قد ايه انتي جميلة. ليكي حق تخبي جمالك ده ورا قناع القوة والرجولة اللي بتتقمصيه. اصلك لو كنتي بتدلعي كدة مع حلاوتك دي كانت بقت مصيبة.
وحرك دراعه المصاب بألم وشال خصل شعرها بهدوء وملس علي خدها بحنان.
شهاب: تمارا، تمارااا.
تمارا ابتدت تصحي وتفتح عنيها ولما شافت شهاب صحي ابتسمت بفرحة.
تمارا: شهاب. انت فوقت سلامتك الحمد لله انك بقيت كويس. انا كنت هموووت من خوفي عليك.

شهاب ابتسم اكتر: بجد خوفتي عليا اوي كدة.
تمارا بلهفة: اااه والله كنت مرعوبة عليك لما روحت في النوم مابقتش عارفة ده نوم ولا اغماءة ولا ايه. وكمان انت سخنت اوي. انا مش عارفة الليلة دي عدت عليا ازاي.
شهاب: بجد مش عارف اقولك ايه. انتي تعبتي معايا امبارح اوي كمان فضلتي طول الليل قاعدة جنبي في الارض كدة ومانمتيش في اوضتك وبمكر كمان من خوفك عليا فضلتي حاضنة دراعي اوي.

تمارا لقت انها لسة لحد دلوقتي حاضنة دراعه ومش واخدة بالها. سابته بخجل وتوتر.
تمارا: اااااه. ااااصل انا ااانا.
شهاب ضحك من توترها: ههههههههه. عارف اكيد كنتي خايفة انا عارف.
تمارا بعصبية: مين دي اللي خايفة ده انا اخوف بلد.
شهاب: هههههه. يالهههوي قلبت في ثانية. ماكنتي كيوت ورقة من شوية. مابتلحقيش.
تمارا ابتسمت: طيب بطل رغي بقي وسيبني اروح احضرلك الفطار انت اكيد جعان.

شهاب بشكل مسرحي: ياعيني عليكي يا تمارا لهو انتي نمتي من غير عشاء. اكيد في كلااااب بتهوهو في بطنك انتي مش واخدة علي كدة.
تمارا بغيظ: عارف لو ماكنتش مصاب كنت رزعتك بوكس دلوقتي. انت محسيني اني باكل كتيير. ده اقل من العادي علي فكرة.
شهاب: هههههههه. كل ده واقل من العادي يابنتي انتي ناقص تاكليني معاكي. ده انتي لو مش رياضية وشغلك فاحتك. كان زمانك شبه الكورة.

تمارا: تصدق انا غلطانة اني بفكر فيك قوم بقي كدة واكل نفسك. انا هروح افطر.
شهاب بتمثيل: ااااه. هو دراعي بيألمني ليه كدة. انا كمان بدأت اسخن تاني اااه.
تمارا بخوف قربت منه وحطت ايديها علي راسه: ااااه تصدق صح. اانا حالا هديك الحقنة ده معادها. ببس ثواني اجبلك حاجة تاكلها الاول كدة غلط عليك. الجرعة زيادة من امبارح وانت ما اكلتش.

شهاب بيمثل التعب: طيب ممكن تسنديني لحد اوضتي ادخل اخد حمام علي ما انتي تحضري الفطار.
تمارا بقلق واضح علي ملامحها: ححاضر تعالي معايا.

شهاب قام معاها وهو مش تعبان للدرجة دي وكمان ممكن يتحرك لوحده. بس هو كان عايز يأكد احساسه انها فعلا جواها حاجة ليه وانها خايفة عليه من قلبها. سند عليها وحط ايده علي كتفها وضمها بقوة اكنه هو اللي بيسندها مش هي. تمارا كانت جواها احاسيس كتيير خوف عليه. فرحة بسلامته. قلق من اللي جاي. توتر من قربها منه ولمسته ليها.
وصلته اوضته ودخلته وبعدت عنه.

تمارا: يالا ادخل خد حمام بسرعة وخالي بالك ماتجبش مايا علي الجرح لحد مايلم لسة مفتوح.
شهاب بمكر: طيب ممكن تساعديني وتقلعيني التيشرت دي.
تمارا بخجل: لا لا انت حاول.
شهاب بيتألم: بس دراعي بيوجعني هو التيشرت بس.

تمارا قربت منه بتوتر وخجل وخدودها احمرت غصب عنها وقلعته التيشرت بإيد بتترعش من الموقف الجديد عليها معاه ده. وحاولت تبعد بسرعة بس شهاب قبل ماتبعد ماادهاش فرصة حاوطها من خصرها وقربها لحضنه وبص في عنيها بإحتياج حقيقي لقربها منه.
شهاب: رايحة فين.
تمارا بتوتر وانفاس سريعة: ااانا لازم اخرج ععلشان اجهزلك الاكل. ارجوك ابعد.

شهاب قرب منها اكتر وهو بيضمها ليه: تمارا انا متشكر اوي علي وقوفك معايا. تمارا انا عايزك جنبي علي طول ماتبعديش ممكن.
تمارا دقات قلبها بتزيد وتدق بقوة بصتله بحب: وانا جنبك ومعاك مش هسيبك.
شهاب ضمها بقوة وهو بيتنفس في حضنها بشوق: تمارا انا محتاجلك حقيقي محتاجلك. انا مش عارف ليه انتي بس عايزك جنبي.

تمارا اتفاجأت من حضنه حاولت تبعد بس هو ضاممها بقوة صعب تبعد هي كمان كانت محتاجة لحضنه ده. عمرها ماجربته قبل كدة ضمته وسندت راسها علي كتفه. وانا كمان محتجالك وعايزاك جنبي.
فضلوا شوية في حضن بعض مش حاسين بالوقت ولا بوضعهم ده. فجأة تمارا اتأنبت هي ازاي عملت كدة فاقت من سرحانها في حضنه وبعدت عنه. شهاب خرجها من حضنه وهو كمان اتحرج من اللي حصل.

شهاب: احممم. تمارا انا اسف مش عارف انا ازاي عملت كدة. اانا فعلا واضح ان السخونية ماثرة علي دماغي. ياريت ماتزعليش.
تمارا بخجل: احممم. لا لا مافيش حاجة. اانا كمان لازم اخرج بسرعة علشان تاخد حمامك. عن اذنك.
خرجت تمارا وشهاب مسك دماغه بقوة وجز علي سنانه: انت ايه اللي عملته ده. انت مجنون انت عايز منها ايه. تقربها وتعشمها ليه. غبي يا شهاب غبي. خبط الحيطة بإيده ودخل الحمام.

تمارا في المطبخ بتحضر الفطار وسارحانة: ازاي يا تمارا كنتي بالضعف ده. ازاي بتدوبي في وجوده بالشكل ده. طيب هو يقصد ايه بإنه محتاجني وعايزني جنبه. ههو فعلا ممكن يكون بيحبني ولا دي تهيأت وهو فعلا بيخرف من السخونية. واتنهدت بحيرة. اااااااه كان مستخبيلك فين ده بس يا تمارا.
في مرسي علم
چنا واقفة مع العمال بتتكلم معاهم. وشايفة مروان واقف بعيد بيتكلم في الفون وشكله متعصب. قربت منه تشوف ماله.

مروان بعصبية: يا ريما ارجوكي ارحميني. انا مش هجيب عيل من الشارع افهمي. انا مش هربي غير ابني وبس.
ريما: وانا بقولهالك بقي ايما تعمل العملية او اتبني طفل او تطلقني يا مروان. وانا اتبني طفل لوحدي واربيه.
مروان بصدمة: تطلقي يا ريما. هو ده حبك ليا في النعلية عايزة تطلقي علشان طفل غريب عنك وماتعرفيهوش وتبعيني انا. طيب احب اقولك انك لو مطلقة يا هانم مش هتقدري تتبني طفل. لازم يكون في عيلة مش ست لوحدها.

ريما بندم علي تسرعها: مروان ااانا اسفة مش عارفة قولت كدة ازاي ارجوك سامحني. انت عارف انا بحبك قد ايه.
مروان بحزن: ما تتاسفيش. انتي قولتي اللي جواكي واللي فعلا عايزه ومحتجاه. انتي محتاجة طفل اي طفل. بس انا محتاج زوجة وحبيبة وكنت عايش معاكي ومفضلك علي احتايجي للابوة. واني اكون اب. بس مادمات هي كدة وبقت علاقتنا مصلحة. يبقي خلاص ياريما كل واحد يعمل اللي يريحه.
ريما: تقصد ايه. انت ناوي علي ايه.

مروان: ماتشغليش بالك انتي. باللي ناوي عليه. يالا سلام انا عندي شغل.
ريما: مروان انت نازل الاجازة دي.
مروان بسخرية: ايه وحشتك. ولا واخدالي معاد مع واحدة من اللي كل مرة تجبيهالي.
ريما: مروان انت لازم تقدر ظروفي واللي انا فيه. انت ليه اناني كدة.
مروان: انا اناني! هاه. طيب يا ريما اللي تشوفيه. بس انا مش نازل الاجازة دي. عندنا شغل مهم. انتي عايزة تيجي تعالي. يالا سلام.

قفل مروان ولف لقي چنا واقفة عقد حاجبه.
مروان: چنا! واقفة كدة ليه؟
چنا بتردد: ااانا اااصل لقيت صوتك عالي وشكلك متعصب. فقولت اشوف مالك. ااانا اسفة.
مروان ابتسم بهدوء وحط ايده في جيبه: وانتي ليه مهتمة اذا كنت متعصب ولا متضايق.
چنا بإحراج: لا لا ابدااا. انا مش قصدي اتدخل في خصوصياتك اانا اسفة عن اذنك.

مروان شدها من ايديها ولفها ليه وبص في عنيها: علي فكرة انا محتاجلك جدااا. عايز اتكلم معاكي محتاج افضفض لحد. وانتي بقيتي قريبة مني اوي. وبرتاح في كلامي معاكي ممكن.
چنا ابتسمت بسعادة: طبعااا ممكن. انا ممكن اعمل اي حاجة بس اشوفك مبسوط. تحب نتكلم امتي دلوقتي.
مروان ابتسم للسعادة اللي علي ملامحها لمجرد انه هيتكلم معاها: لا مش هينفع دلوقتي. في شغل. بالليل نتعشي سوا ونتكلم اوك.

چنا هزت راسها وابتسمت: اوك. يالا نكمل شغل.
مروان شبك ايديها بين ايديه وابتسم: يالا بينا.
في فيلا رعد الحديدي.
رعد بيلبس هدومه وهمس قاعدة شكلها حزين. قرب منها وقعد جنبها وبحنان: مالك ياهمستي من امبارح وانتي شكلك متضايق في ايه.
همس اتنهدت: قلبي مقبوض. مش عارفة ليه.
رعد: ليه بس ما الولاد كلهم بخير. فادي وحلا بقوا زي الفل خلاص. والبنات كمان. حتى مايا اتطمني عليها والحمد لله العملية نجحت في ايه بقي.

همس: بس نسيت شهاب. بقاله يومين ماكلمنيش. قلبي بيقولي انه فيه حاجة. مش متطمنة.
رعد حضنها: ماتخفيش يا حبيبتي. شهاب ده راجل زي ابوه. مايتخفش عليه. ولاد رعد يتخاتف منهم مش عليهم.
همس ابتسمت: والله ماحد بوظهم غيرك. انت اللي خليتهم كدة.
رعد ابتسم: وماله كدة ده. هو فيه احلي من كدة.
همس: هههههههه. والله انت فايق ورايق. يالا روح شغلك.

رعد ابتدا يقلع هدومه تاني. : شغل مين يتحرق الشغل. بقي اروح الشغل واسيب همستي زعلانة كدة وهي لوحدها. تؤتؤ مش ممكن ابدا.
همس: ههههههههه. يا رعد حرام عليك انت مش هتتغير. وبعدين ياسيدي ماتخفش عليا انا خلاص بقيت كويسة.

رعد بتصميم: والله ابدا. اصلا الغلط مني. انا لو كنت دفعت امبارح غرامة تاخير بسبب تأخيرنا مع مايا في المستشفي. كنتي صحيتي زي الفل. بس انا قولت اسيبك ترتاحي بعد التعب هناك. بس كدة بقي لازم تدفعي وحالا.
همس: ههههههههه. والله هتموتني انت مجنون. الشركة مافيهاش حد لا فادي ولا عدي. حتى انت.

رعد: ونسيتي ليه جوز الحلوين كريم وامير. ماهم هناك. ثم انتي شاغلة نفسك ليه بالشركة ماقولنا تتحرق. تعالي بس لما نشوف عليكي كام.
همس حضنته: بحبك يارعد. ربنا مايحرمني منك ولا من حنيتك دي ابدا.
رعد حضنها بحنان: حياتي انتي روحي مااقدرش اشوفك زعلانة ولا حزينة. ارمي همومك عليا انا اشيل لكن لا. انتي ملكة قلبي لازم تكوني مبسوطة. يالا بقي نحسب الغرامة. مش عايزين خم.

همس: وانا حبيبي تحت امرك. احسب وانا ادفع. هو انا اطول.
رعد بمكر: تؤتؤتؤ. كدة بقي هتخلي قلبي يحن واخفف الغرامة.
همس: تؤتؤتؤ. اياك احسب بكل قوتك.
رعد ضمها لحضنه وابتسم: لا بقي كدة ممكن يجرالك حاجة. بلاش بكل قوتي دي كدة هتتعبي.
همس: ب ح ب ك.
رعد: وانا بعشقك يا همستي مهما كبرتي هتفضلي. جواكي طفلة صغيرة هتفضلي حبيبتي.
في المستشفي
في اوضة مايا. هي نايمة وعدي وهنا قاعدين جنبها.

عدي بتعب: حبيبتي ماتروحي ترتاحي شوية انتي بقالك فترة تعبانة كمان بقالك يومين مانمتيش من القلق.
هنا بحزن: وعمري ماهنام غير لما اتطمن علي بنتي وتقوم بالسلامة قصاد عيني.
عدي اتنهد: والتانية مش بنتك هي كمان. هنا هتفضلي لحد امتي زعلانة منها هي بس كانت عملت ايه. حلا ماتستهلش غضبك منها بالشكل ده.

هنا بعصبية: ماتستاهلش ازاي! بعد مارجعتله بالسهولة دي. انا مش ضد انها ترجعله في الاساس. بس علي الاقل مش دلوقتي لما كان يتربي ويعرف قيمتها. كمان انا مش عارفة انت زاي راضي وموافق كدة. ده واحد طلق بنتك وبهدلها من غير علمك اكنها مالهاش اهل. بسهولة كدة يروحلها ويقولها هرجعك ترجع. حتى من غير مايجلنا هنا ويقعد يتكلم معانا ويتعهد قصادنا انه يحترمها ومايكررش اللي عمله ده. وانه يتغير معاها ويعاملها احسن.

عدي اتنهد بضيق: علي فكرة هو راحلها واتحايل عليها ووعدها انه مش هيبعد عنها تاني. وكمان بدأ يتغير. ده غير اني متاكد ان فادي بيحب حلا.
هنا بسخرية: ههههه. وانت بقي صدقته. هو بس بيعمل كدة علشان مشتاقلها. بكرة يرجعوا وتروح السكرة دي. ويجي بعدها فادي زي ماكان ويمكن العن. ده هيفرعن عليها اكتر ماهي سهلة وبتنسي الاهانة.

عدي بيأس: انتي مافيش فايدة من الكلام معاكي. بس ده مش مبرر انك ماتبلغيهاش بعملية اختها كانت لازم تكون موجودة. ده حقها. بس انا قدرت حالتك وتوترك وخوفك علي مايا وماحبتش اقولها وتيجي وتحصل مشكلة هنا وفضايح. بس انا ناوي النهاردة اقولها.

هنا: حق مين ده. هي اللي اتنازلت عن حق نفسها هتدور علي حقها عند اخواتها. لا ده اكبر عقاب ليها علشان تعرف. انها ماكنش لازم ترجعله بسهولة كدة من غير ماترجعلنا الاول وتاخد رئينا.
عدي مش عارف ازاي يقنعها اصلا هو كمان مش فايق لكل ده. عقله مشغول بمايا وسلامتها.
الباب خبط ودخل أنس.
أنس بإبتسامة: صباح الخير.
هنا وعدي: صباح النور.
عدي: اتفضل يا دكتور. طمني هي عاملة ايه دلوقتي.

أنس بيشوف الريبورت الخاص بيها: ماتقلقش حضرتك هي تمام. وبخير. وان شاء الله هتقوم بالسلامة. عموما انا معاها هنا دايما. لحد ماتخرج بالسلامة. بس ياريت اول ماتصحي تبلغوني علشان اجي اتطمن عليها.
هنا ابتسمت: هو انت حبيبي ماروحتش من امبارح؟
أنس بإحراج عدل نظرته: احممم. لا حضرتك انا بايت هنا علشان اكون جنبكم يمكن مايا او حضارتكم تحتاجوا حاجة.

عدي وهنا بصوا لبعض. عدي: والله يا دكتور انت ونعم الاخلاق. حقيقي ربنا يباركله اللواء مهاب علي تربيته ليك وكمان الدكتورة نغم.
أنس: متشكر اوي لحضرتك. بس ده واجب عليا. عموما انا بمر وهروح مكتبي لو محتاجين اي حاجة ابعتولي حد وانا هاجي بسرعة عن اذنكم.
خرج انس وهنا بصت لعدي واتنهدت بأمل: ااااه يارب يجعله من نصيبك يا مايا يارب.

عدي: والله هو ولد ممتاز أدب واخلاق ومتفوق في شغله وعيلته كويسة. وكمان شكله مايال لمايا. بس مش مهم كل ده.
هنا عقدت حاجبها: اومال ايه المهم بقي؟
عدي اتنهد بضيق: بنتك هي المهم. طول ماهي مش ناوية تشيل شهاب من دماغها. عمرها ماهترتاح ولا تشوف حب غيرها. وهتضيع أنس من ايديها. الولد شكله فعلا معجب بيها ده امبارح كان قلقان عليها زينا ويمكن اكتر كمان. بس بنتك تبقي غبية لو ضيعت واحد زي أنس من ايديها.

هنا: منكم لله يا ولاد رعد قاهرين بناتي وممرماطنهم معاكم.
عدي بعصبية: وليه بتدعي عليهم بس الله. مافدي ربنا هداه اهو. وشهاب مالوش ذنب في حب بنتك ليه. هو امتي عشمها بحاجة ولا حتى لمحلها. هو ماله انها متعلقة بيه هو الحب بالعافية.
هنا: ربنا يهديكي يا مايا وتنسيه بقي وتشوفي حياتك.
عدي: انا هروح البيت اخد حمام واغير هدومي. وارجعلكم عايزة حاجة اجبهالك معايا.

هنا: لا شكرااا. روح انت ولو حبيت نام شوية انت مانمتش.
عدي بص لمايا بحزن: وهيجي منين النوم. نتطمن عليها بس وبعد كدة نبقي ننام. يالا سلام حبيبتي.
هنا: مع السلامة حبيبي.

رواية رحم للإيجار الجزء الثاني للكاتبة ريحانة الجنة الفصل السابع عشر

في الجونة في فيلا سيلا في الحفلة الخاصة بيها.

الحفلة كانت فيها ناس كتيير. ووصل فادي وحلا. وهما الاتنين من اول دخولهم وكل العيون اتجهت ليهم. فادي بشخصيته اللي بتظهر علي ملامحه وحضوره الرجولي الجذاب واللي فعلا بيغري ستات كتير. مش شرط الراجل يكون وسيم بشكل فظيع. بس لازم يكون ليه شخصية تخطف العيون. وفادي مع كل ده لكنه وسيم برجولته زي باقي عيلته ابوه واخوه. وسامتهم وجاذبيتهم في رجولتهم مش ملامحهم. وحلا كالعادة جميلة وشيك والكل بيحسد فادي عليها لجمالها ورقتها. طبعا سيلا اول ماشافت حلا مع فادي اتغاظت وغارت وحست حلا علي انها متجوزة راجل زي فادي. راجل برغم محاولاتها لاغرائه المستميتة الا انه رفضها بكل قوة. ومكتفي بمراته وبس. واتولت جواها نااار الغيرة والحقد وصممت انها تطول فادي وتجبره انه يكون معاها علشان تثبتله انه ضعف معاها. راحت لعاصم قدري.

سيلا بعصبية: عاصم تعالي عايزاك.
عاصم ابتسم: عيون عاصم. ايه وحشتك طب استني لحد ما الحفلة تخلص. وانا تحت امرك.
سيلا: عاصم مش وقتك. اسمع عايزة منك خدمة ولو عملتهالي اوعدك. وقت ما تحتاجني تلاقيني ومن غير اي مقابل هاه ايه رئيك.
عاصم بدهشة: واااو. وايه الخدمة دي بقي اللي تخلي سيلا اللي بتتحاسب بالبوسة. تبقي كدة ببلاش وفري.
سيلا بحقد بصت لفادي: فادي الحديدي. عايزاه.

عاصم بص علي فادي ورفع حاجبه بصدمة: فادي! واشمعن فادي مالقتيش غيره فادي مالوش في السكة دي.
سيلا بغيظ: ماهو علشان كدة انا عايزاه عايزة ازله واعرفه اني طولته برضوا غصب عنه.
عاصم بسخرية: هههههههن. ايه ناوية تغتصبيه. بس لاسف ماينفعش.
سيلا ابتسمت بمكر الحيا وطلعت حباية ووارتهتله: تؤتؤ. هينفع.
عاصم بص للحباية: يخربيتك. جبتيها منين دي. دي ماحدش عارف يجبها.

سيلا بثقة: ميار لؤي صاحبها ديلر بس ايه بيجيب المستخبي.
عاصم بتفكير: اممم. هي هتنفعك. هتخليه صاحي ومعاكي بس مش واعي ولا قادر يسيطر علي نفسه. وممكن اصلا مايبقاش شايفك. بس ايه اللي مخليكي مصممة عليه. ماغيره كتيير اشمعن فادي.
سيلا بغيرة: علشان الوحيد اللي حبيته واتمنيته وهو رفضني علشان مراته.
عاصم بص علي حلا بإعجاب: بصراحة معاه حق. وهي حلا تتخان. دي بعشر ستات.

سيلا بغيظ: انت هتقعد تغازل فيها اخلص هتستعدني ولا لا.
عاصم بزهق: وانا هعملك ايه بس. هكتفه واديهاله بالعافية.
سيلا: لا انت هتطلب منه يطلع معاك فوق تتكلمه في الشغل علي راحتكم. وانا هجبلكم الكاسات ووحطله الحباية في الكاس بتاعه من غير ماياخد باله.
عاصم بقلق: بس كدة لما يفوق هيعرف اني ليا يد في اللي حصل. وفادي مش سهل.
سيلا: وانت كمان مش سهل انت خايف منه!

عاصم بقوة: عاصم قدري مابيخافش من حد. بس فادي بيني وبينه شغل ومش عايز اخسره.
سيلا: ماتقلقش. انت هتكلمه في الشغل عادي ولما مفعول الحباية يشتغل هتسيبهولي وابقي قوله انك لقيته مش مركز معاك فنزلت وسيبته ومالكش دعوة بالباقي.
عاصم بزهق: طيب لما اشوف اخرتها معاكي. وبمكر. طيب بقولك ايه ماتطي لحلا واحدة وسيبهالي. وتبقي اخدتي فادي وانا مراته دي تبقي ليلة مش هتتعوض.

سيلا بحقد وحقارة: والله فكرة. واهو يصحي يلاقي مراته معاك.
عاصم: لا ياحلوة مش كدة. انا بعدها هسيبها وامشي انا مش عايزة يعرف اني لمستها ده ممكن يقتلني.
سيلا بمكر: خلاص مش مهم ممكن نصورها معاك ونخبي وشك. المهم فادي لازم ينكسر قصادي.
عاصم: اتفقنا. يالا جهزي الكاسات وحصلينا علي فوق.
عاصم راح لفادي وحلا.
عاصم بإبتسامة: فادي باشا منور الحفلة ايه ياعم تقلان علينا ليه بس.

فادي: ازيك ياعاصم. والله انا جيت بس علشان خاطرك. انت عارف انا ماليش في الحفلات دي.
عاصم: ليه بس ما انت عارف كل شغلنا بنخلصه في الحفلات دي.
فادي: لا يا حبيبي. ده انتم مش انا. بس يالا انا جيت بس علشان حلا تغير جو.
عاصم بيبص لحلا بإعجاب: احنا ممكن نعمل اي حاجة علشان عيون برنسيس حلا. احنا تحت امرها.
حلا انكسفت وفادي بصله بغضب وغيرة: عاصم كنت عايزني في ايه ياريت نتكلم بسرعة علشان احنا مش هنقعد كتيير.

عاصم بقلق من نظرات فادي ولهجته الغيرانة: احممم. تمام بس انتم ليه مستعجلين.
فادي بجدية: علشان حلا بتصدع من الدوشة.
عاصم: طيب ممكن نتكلم فوق هنا مش هنعرف نركز. وياريت مدام حلا تيجي معانا.
فادي بغضب: لا حلا تستني هنا اتفضل قدامي.
عاصم مشي خطوتين وفادي قرب من حلا.
فادي: حبيبتي مش هتأخر عليكي اوك.
حلا بقلب مقبوض: فادي اانا مش مرتاحة ماتيجي نروح. انا مش متطمنة للي اسمه عاصم ده.

فادي بعصبية: انتي خايفة من مين وانتي معايا. انتي مش عارفة جوزك ولا ايه. انا مش هتأخر فوق. هنتكلم وانزل علي طول. انا لولا انه متنيل قاعد هنا فترة كنت قولتله نأجلها لحد ما ينزل القاهرة.
حلا مسكت ايده: فادي وحياتي خد بالك من نفسك. وانزل بسرعة.
فادي باس ايديها وابتسم: حبيبتي خايفة من ايه. انتي في حفلة وسط ناس كتيير. لو متضايقة اخرجي اقعدي علي البحر وانا لما انزل هجيلك. تمام.

حلا هزت راسها وهي مش مرتاحة وقلبها مقبوض: حاضر هتوحشني.
فادي ابتسم: وانتي يا روحي هتوحشيني.
فادي طلع فوق مع عاصم وقعدوا في اوضة اللي؟نج يتكلمه. وسيلا دخلتلهم بالمشروب.
سيلا: بجد انا مش مصدقة ان فادي الحديدي مشرفني هنا بنفسه لا وكمان معاه المدام.
فادي ابتسم بإستفزاز: لا ماتستغربيش. بس لو حلا ماكنتش جات ماكنتش جيت. انا ماكناش هسهر واسيبها لوحدها. اصلها بتوحشني.

سيلا ابتسمت بغل وتوعد للي هي بتخططله: ربنا يخليكم لبعض. عن اذنكم.
فادي وعاصم بداوا يتكلموا ويشربوا. وسيلا منتظرة في الاوضة اللي جنبهم.
حلا تحت زهقت من الدوشة وخرجت فعلا تقعد علي البحر بس لسة جواها خنقة وضيقة مش عارفة سببها ايه.

حلا بقلق: ياربي المكان ده زي صحبته مقبض وتقيل علي قلبي. اعوذوا بالله. اوففف. يارب يافادي بقي تخلص وتنزل بسرعة عايزة امشي من هنا. حاسة اني مخنوقة مش عارفة ليه. معقولة الولاد فيهم حاجة. طيب هكلم دادا سميرة اتطمن عليهم.
طلعت فونها واتصلت بدادا سميرة.
حلا: ايوة يا دادا. طمنيني. الولاد كويسين.
سميرة: ايوة يا بنتي زي الفل ونايمين كمان. خير في حاجة.
حلا اتنهدت براحة: لا يا دادا. اسفة صحيتك. تصبحي علي خير.

قفلت حلا ولسة جواها خنقة وضيقة مش عارفة سببها ايه.
فوق فادي بدأ يحس انه في حاجة غريبة بتحصله.
عاصم اخد باله وبمكر: مالك يافادي. انت كويس.
فادي بدأ يحس انه مش موزون ومش مظبوط: مش عارف في ايه. مع اني ماتقلتش في الشرب بس زي مااكون سكرت.
عاصم بخبث: اممم. تحب اندهلك سيلا.
فادي بقي مش مركز وحاسس انه مش قادر يسيطر علي نفسه.

سيلا دخلت ليه وشاورت لعاصم يخرج ويسبها معاه. وخرج عاصم فعلا. وسيلا قربت من فادي برغبة. وقعدت جنبه وحضنته.
سيلا: اخيرا بقيت معايا وليا. يااااه. استنيت اللحظة دي كتيير اوي.
فادي عايز يبعدها بس مش قادر زي ما يكون واحد تاني مش هو. جسمه معاها بس عقله لسة واعي وبيحاول يرفضها ويبعدها: انتي عايزة ايه ابعدي. حلا فين حلا. حلاااا.
سيلا بدأت تفكله هدومه وهدومها هي كمان بكل وقاحة وبجاحه.

سيلا: مافيش حلا. الليلة فيه سيلا وبس. واوعدك هتنبسط.
تحت في الحفلة عاصم حط حباية لحلا في العصير وقرب منها.
عاصم: هو القمر نزل من السما وبقي هنا علي الشط معانا.
حلا لفتله بضيق: هو فين فادي مش كان معاك.
عاصم ابتسم بسماجة: طيب اشربي العصير وبعدين اسألي.
حلا بعصبية: مش عايزة حاجة ممكن تندهلي فادي.
عاصم: بس انا مش هجاوب غير لما تشربي العصير.
حلا بزهق: قولتلك مش عايزة فين فادي لو سامحت.

عاصم بتصميم رفعلها كاس العصير: اشربي وانا اقولك.
حلا بغيظ وعصبية زقت الكاس وقعته واندلق وانكسر: يووووه بقولك مش عايزة افهم. عايزة فادي هو فين. ولازم تعرف انه مش هيعدي وقاحتك معايا علي خير.
عاصم بعصبية: وهو انا عملتلك حاجة. الحق عليا اني بحاول ااكون لطيف معاكي وأسليكي. لحد ما جوزك يخلص نزوته.
حلا بصدمة: انت بتقول ايه! انطق فادي فين؟
عاصم بمكر: فوق مع سيلا.

حلا بصدمة ودموع: انت كدااب. فادي مش ممكن يعمل كدة.
عاصم: انا مش كداب. هي دخلت ولقيتهم بيلاغوا بعض. وطلبوا مني اسيبهم لوحدهم. هو معاها فوق اطلعي شوفيه.
حلا بوجع جريت علي فوق تشوف فادي في فلورنسا شهاب قاعد مستني تمارا تخلص لبس علشان يلحقوا الحفلة. خبط عليها بزهق.

شهاب: تمارااااا. ايه كل ده الميك أب ارتست خرجت من عندك بقالها نص ساعة انتي بتعملي ايه كل ده. كدة هنتأخر مش عايزين حاجة تفوتنا يالا بقي انا زهقت.
تمار واقفة جوا قصاد المرايا. ومكسوفة ومتلخبطة. دي اول مرة تلبس فستان وكعب عالي وتحط. ميك أب. اخدت نفس طوييل وفتحت الباب. وخرجت لشهاب. وبصوت هادي وخجلان.
تمارا: احمم. ااانا خلصت.

شهاب بيلف بنرفزة وضيق من تأخيرا. وقبل ماينطق كلمة واحدة قطعها زهوله وصدمته من اللي شايفاه عنيه.
شهاب بزهول: ااانتي! ااانتي تمارا؟
تمارا ابتسمت وهزت راسها: ايوة انا ايه مالك مستغرب ليه!
شهاب ابتسم بإعجاب وقرب منها ومسك ايديها ولفها قصاده وهو بيصفر بإعجاب: وااااو بجد. انتي كنتي مخبية الجمال ده كله فين!

تمارا بسعادة: هههههههههه. ده اقل حاجة عندي. يا ابني انا كنت خايفة علي شعور الاخرين عايزة انفع بنات بلدي ويلاقوا عرسان.
شهاب: ههههههههه. والله! لا يا شيخة قلبك ابيض اوي.
تمارا: طيب ايه كدة هنتأخر علي الحفلة يالا بينا.

شهاب فجأة لقي نفسه غار وخاف عليها. هو لما اختار الفستان وجابلها خبيرة تجميل علشان تجهزها. ماكنش متوقع تكون بالجمال ده ولا الاثارة دي. لقي قلبه بيدق من فكرة ان حد ممكن يشوف الجمال ده غيره لا وكمان يعجب بيها. اتضايق واتعصب.
تمارا اخدت بالها من ملامحه اللي اتغيرت استغربت: مالك يا شهاب في ايه. في حاجة حصلت!

شهاب بصلها بخوف وغيرة: انا ازاي هخدك بإيدي وانتي بالشكل ده واروح بيكي مكان زي ده وسط شوية غجر زي دول؟!
تمارا ابتسمت بفرحة من الغيرة اللي في صوته وملامحه: وهو انت خايف عليا ولا علي نفسك؟
شهاب بغيظ: نعم ياختي لا طبعا انا مابخفش وانتي عارفة. انا بس مش هستحمل حد يبصلك بعنيه.

تمارا: عموما انا عندي ثقة فيك ومتاكدة اني هكون في آمان معاك. وكمان ثقة في نفسي. ده انا ممكن في ثانية اقلب علي الوش التاني مايغركش الفستان وشوية الالوان دي. لا انا تمارا وانت عارف.
شهاب: هههههههه. عارف عارف. ربنا يستر وتعدي علي خير. يالا بينا.
تمارا: هههههه يالا.
شهاب وراها هيتجنن ازاي ماكنش شايف جمالها وانوثتها دي. واتنهد برغبة قوية في ضمها لحضنه.

شهاب بيعض علي شفايفه: اااااه. يخربيت كدة. عديها علي خير يارب. انا كدة ممكن اتهور واعكها.
تمارا ابتسمت بمكر ولفتله: نعم بتقول حاجة؟
شهاب غمزها وابتسم: ابدااا. بقول يارب نلاقي حته للجثث اللي هتغرق الدنيا النهاردة. اصلي شكلي كدة هبقي القاتل المحترف علي ايدك. بأم الفستان المهبب اللي تنقطع ايدي لما اخترته ماكنتش اعرف انه هيبقي كدة. ياريتني ماجبته.

تمارا بحب: بعد الشر علي ايدك. ماتقولش كدة. وابتسمت. ثم بصراحة يعني هو يجنن فعلا انت بجد زوقك خطييير.
شهاب قرب منها بخبث: زوقي بس اللي خطير.
تمارا بخجل: ايه. احمم. لا طبعا كل حاجة فيك.
شهاب اتنهد بشوق: بقول ايه. هي الحفلة دي مهمة مانقعد هنا ونبقي نرحوله بكرة علي البحر.

تمارا ابتسمت: هههههههه. لا ماينفعش. انت ناسي ان احنا لازم نصور اي حد بيقابله ويقعد معاه. وحفلة زي دي وفي المكان ده. يبقي اكيد هيفابل ناس مهمة. واحنا مش لازم نفوت حاجة. يالا بطل دلع.
شهاب بتأفف: اوفففف. طيب بقولك ايه ماتغيري الفستان ده. والبسي اي حاجة تانية.
تمارا ابتسمت: ههههههههه. ماينفعش مافيش حاجة مناسبة غيره وكمان الميك اب اتعمل علشانه. صعب اغيره. يالا بقي ماتضيعش الوقت.

شهاب بضيق: طيب اتفضلي قدامي. قاوينا يارب.
في مرسي علم. چنا قاعدة في اوضتها بتقرأ رواية رومانسية وهي بتتنهد وتبتسم.

چنا: ااااااه. البطل ده زي مايكون مروان. هو بواسمته ورزانته وعقله وملامحه حتى الخصلات البيضة اللي في وسط شعره الاسود اللي مزوداه وسامة اكتر. حتى ضحته ووصفها هي ضحكت مروان. كمان حنيته. ااااااه ياربي هو انا يوم ما الاقي بطل من ابطال رواياتي اللي بعشقها يطلع متجوز. وبحزن. اعمل ايه بس في نصيبي ده. انا بجد تعبانة لا عارفة اقرب منه ولا قادرة ابعد عنه. حلها من عندك يارب.

قامت ودخلت تراس أوضتها ووقفت تننفس الهواء وهي مغمضة عنيها وبتفكر فيه. سمعت صوته.
مروان: ايه اللي مصحيكي لدلوقتي مش جايلك نوم؟
چنا فتحت عنيها بسعادة لما سمعت صوته ولفت ليه وهو في تراس اوضته وابتسمت لقته واقف وحاطط ايده في جيبه ومبتسم بثقة كعادته.
چنا: ايوة مش جايلي نوم. وانت اللي مسهرك.
مروان اتنهد بشوق: انا كمان مش جايلي نوم. قوليلي ايه رئيك بما اننا مش جايلنا نوم. ننزل تحت شوية.

چنا بفرحة: اوك ماعنديش مانع خالص. ثواني هغير هدومي واحصلك.
مروان ابتسم للسعادة اللي بتغرق ملامحها لمجرد انها بتكون معاه: طيب انا كمان هغير هدومي بس هستناكي هنا ننزل مع بعض اوك.
چنا هزت راسها: اوك. مش هتأخر.

چنا لبست فستان صيفي هادي وناعم زيها لونه ابيض وسابت شعرها حر من غير ما تربطه. واتصلت بمروان وقالتله انها هلصت هو كمان كان لبس وواقف مستنيها برا اوضتها. خرجت چنا واتفاجأت من الصدفة اللي دايما بتجمعها معاه. حتى في توافق افكارهم واختيارتهم. وابتسمت بإعجاب لما شافته.

مروان كان هو كمان لابس بنطلون وقميص كاچوال لونهم ابيض. وفاتح القميص تقريبا الا ازرار قليلة وكان فعلا وسيم وشكله يخطف العين. ابتسم لما شافها وقرب منها.
مروان: ايه الجمال ده. هي الحورية طلعت من البحر امتي!
چنا ابتسمت بخجل: انت كمان وسيم اوي وشكلك كدة هتتعاكس مني ربنا يستر.
مروان ضحك برزانه كعادته: ههههههه. مش للدرجة دي ده كان زمان بقي انا خلاص كبرت.

چنا بصتله بحب وهدوء: اوعي تقول كدة. انت هتفضل طول عمرك شباب. بالعكس كمان. انت اجمل واوسم واصغر من شباب كتيير. صدقني انت فتي احلام بنات وستات كتيير بس انت اللي مش واخد بالك.
مروان قرب اكتر من عنيها وبحب: وانا مش عايز كل دول. انا عايز واحدة بس هي دي اللي بتمناها.
چنا قلبها بيدق بحزن وفرح مش قادرة تحدد هو يقصد مين هي ولا ريما: وياتري هي مين دي؟!

مروان غمزها: تؤتؤ مش دلوقتي هقولك بعدين. يالا بينا. ومدلها ايده.
چنا ابتسمت: يالا بينا. ومسكت ايده وهو ص
ضمها لإيده بحنان ونزلوا تحت.
لما نزلوا علي البحر كانت المزيكا شغالة والناس كلها بترقص وتغني.
مروان غمزها: تحبي ترقصي!
چنا بخجل: لا انكسف بصراحة من الناس دي كلها.
مروان شدها لحضنه علشان ترقص معاه: تؤتؤ. وانتي معايا ما تفكريش في حد. خاليكي معايا انا وبس.

چنا ابتسمت وبصتله براحة وبدأت تسيب نفسها ليه وللمزيكا وترقص معاه.
المزيكا كانت صاخبة وقوية والاغنية جميلة خلت چنا تندمج معاها وترقص بحرية وتغنيها كمان وهي بتبص لمروان واكنها اتعملت ليها هي علشان تقوله اللي في قلبها ومخبياه. وفعلا كانت اكنها بتكلمه هو مش بتغني مع الاغنيه.
(لو اقولك اليسا).

لو اوقولك في واحدة معاك رهن اشارتك مستانياك تقولها علي اللي بيك تلاقي روحها في ايديك. تبقي انت الوحيد اللي خد قلبها.
مروان كان بيسمع الاغنيه منها هي وهي بتتحرك معاه وفي حضنه. وابتسم بسعادته.
لو اقولك عشان حبها مايهمهاش الناس كلها. بتحبك انت بضمير. مع ان غيرك كتيير. يتمنوا نظرة يادوب منها.

چنا كانت بتغني وهي باصة في عنيه واكنها بتقوله انت ايوة انت اللي حبيتك من وسط كل الدنيا دي. وياريت تفهم ان انا ايوة انا.
مييين بقي اللي انا عنها حكيييت. ماتقولي يالا يارييت. انا هموووت انا. ناقص اقولك انااااا.
مروان بصلها بحنان وابتسم ولفلها وهي بترقص. تضحك. بس افتكرت كل اللي ممكن يعرف حبها ليه واللوم والعتاب اللي هتتلامه. بس هي مش هاممها كل ده. هي عايزاه هو وبس عايزه تسعده هو ويكون مبسوط في حضنها.

لو اقولك لاموها عليك. وبردوا ليه معاك عايشة لييك. مش راضي تفهمني ليه اقولك انا تاني ايه. يعني اسيبك علشان الاقيك.
لو اقولك مابتدوقش نوووم. تتمني فيك يوم بعد يوم. في حد يرضي بكدة يحبك الحب ده وانت ولا حاجة بانت عليك.
چنا غمضت عنيها بحيرة وهي بتغني مع الاغنيه واتنهدت.
مين بقي اللي انا عنها حكييت ماتقولي يالا ياريييت. ده انا همووت انا ناقص اقولك اناااا انا.

مروان ضمها لحضنه بحب وحنان. وهمس في ودنها. عارف. عارف ان انتي وحاسس بيكي.
چنا رفعت راسها بدهشة وبصتله بصدمة مش مصدقة: ااااانت بتقول ايه!
مروان ابتسم وهو بيلعب في خصلات شعرها الاسود الحريري: ايوة عارف انك بتحبيني. وانا كمان بحبك يا چنا بحبك.
چنا دموعها نزلت بفرحة: ممروان ااانت بتقول ايه. اااانت ببتتكلم جد.

مروان ضم ايديها لحضنه وباسها: اه يا حوريتي الجميلة بتكلم جد. انا حاولت كتيير اكدب نفسي وامنع نفسي عنك بس حقيقي ده كان فوق طاقتي. انا مش قادر ابعد عنك مش قادر يا چنا. حبك اتملك مني خلاص بقي صعب اقاوم والله صعب.

چنا ابتسمت بسعادة الدنيا. كأنها مسكت نجم من السما بإيديها ودقات قلبها كانت اكنها اجراس بترن بقوة وعنف. لدرجة انها مسكت قلبها كأنه هيخرج من بين ضلوعها من فرحته. العلقت في رقبته وهو غمض عنيه بفرحة وضمها لحضنه وشالها ولف بيها وهو بيهمس لها. بحبك. بحبك. بحبك.
چنا بتبكي: بحبك. بحبك. بحبك انت ومش عايزة غيرك انت. انت وبس.

في الجونة حلا طلعت فوق زي المجنونة تدور علي فادي في كل الاوض لحد ما فتحت أوضة وشافته مع سيلا وهما في وضع هي نفسها ومع انها مراته بس خجلت منه ده بخلاف الجرح والوجع والغيرة والقهرة اللي كانت جواها في اللحظة دي. دموعها ماكنتش بتنزل من عنيها لا دي اكنها بتنزف من قلبها. هو وسيلا ماكونوش حاسين بيها فادي كان مغيب عن.

وعيه مش حاسس بحاجة غير انه بين ايديه واحدة ست وبس. لاحاسس بيها ولا واعي انها سيلا. ولا قادر يتكم في نفسه وفي الرغبة اللي جواه. واللي اثارتها الحباية اللي اخدها من غير ما يعرف. خلته واحد تاني مش هو فادي.
اما سيلا كانت في قمة سعادتها ومتعتها وهي معاه. اخيرا حصلت عليه وقدرت تكون معاه حتى لو حاسس بيها وان هي اللي معاه. هي اينعم كانت تتمني ده بس مش مهم المهم انه معاها دلوقتي وبين ايديها.

حلا بغضب دخلت وهزت فادي بعنف ووجع: انت بتعمل اييييه. انت ازاي تعمل كدة ازااااي.
فادي بصلها بإستغراب مش مركز وزهنه مشوش.
سيلا بغضب: انتي اتجننتي انتي ازاي تدخلي علينا كدة امش اطلعي برا.
حلا بغل: انتي كمان ليكي عين تبجحي وتطرديني. طيب وديني لوريكي.

وحلا شدته من حضن فادي من شعرها و فضلت تضرب فيها وسيلا بتحاول تخلص نفسها منها وتشد الغطا عليها تغطي نفسها بس مش عارفة. حلا كانت في حالة عصبية وشراسة قوية. الست مهما كانت رقيقة وضعيفة. بس في اوقات بتجبرها تكون قوية. ومافيش اكبر ولا اصعب. انك تشوفي حبيبك وجوزك في حضن غيرك وبالشكل ده.
حلا فضلت تضرب فيها لحد ماتعبت وسيلا كمان اتبهدلت من الضرب.

سيلا بتاخد نفسها: اعملي اللي يعجبك. كفاية انه سابك تحت وطلعلي انا. هو بيكون مبسوط معايا انا.
حلا بغضب بصت لفادي وقربت منه وهزته بعنف: انت ليه عملت كدة لييه. اانا صدقتك رجعتلك وصدقت انك بتحبني ومش ممكن تخني. ليه ليه كملت كدة.
وجات تخرج بسرعة وهي مش متحملة تشوف اكتر من كدة.
بس فادي زي مايكون بيحاول يقاوم احساس عدم السيطرة علي نفسه ده ويفوق من الحالة دي. نده عليها بصوت واهن.
فادي: ح حلا. ح حلا اس استني.

حلا برغم غضبها وغيرتها اللي متملكاها بس لما سمعت صوته ونبرته قلبها قالها ان فيه حاجة. لفتله لقته بيعرق بشكل ملحوظ. وانفاسه سريعة وبيحاول ينده عليها. قربت منه عايزة تعرف ماله
حلا بصت لسيلا بغيظ: انتي عملتي فيه ايه. ده مش فادي ابدااا. ده مستحيل يكون فادي.
سيلا بحقارة: ايوة علشان شربنا كتيير. هو وهو معايا بينسي نفسه.

فادي كان بيبص لحلا اكنه بيستنجد بيها بيقولها ارجوكي خاليكي جنبي. ماتصدقيش اللي شوفتيه. انا مش انا ابدا.
حلا شافت تمسكه بيها في عنيه وهو بينده عليها. وبيدملها ايده.
فادي بيعب: حححلا. ااانا تعبان. ححلا ارجوكي الحقيني.

حلا كانت في لحظة صعبة رهيبة في مجمل الاحاسيس اللي جواها. لو علي عقلها فبيقولها سبيه ما ترجعلهوش. هو سكران وحالته دي طبيعية بعد اللي كان بيحصل بينه وبين سيلا سيبيه وامشي ده خاين ومايستهلش. سابك لوحدك تحت وطلع لعشيقته واتحجج بالشغل.

لكن قلبها بيقولها لا ده حبيبك. حبييب عمرك. مش ممكن يخونك. هو اكيد حصل حاجة انتي مش عارفاها. بصي عليه شوفي شكله ايه. ده تعبان. فادي محتاجلك. اوعي تسبيه ليها هو بيستنجد بيكي. بصي في عنيه نظرة عنيه مش ممكن تكدب ابدا.
بس حلا صدقت قلبها وقربت منه بدموع ومسكت ايده لقتها ساقعة جدااا جسمه كله زي الثلج. اتخضت.
فادي كمان مسك ايديها بقوة وضغط عليها وهو بيتنفس بصعوبة.

فادي: حححلا. اااانا تعباان تتتعبان ياحلا. ححلا ماتسبينبش. ارجوكي.
حلا بخوف عليه ضمته لحضنها بدموع وهو اتمسك بيها بيستنجد بحضنها.
حلا: مش هسيبك انا جنبك. هي الكلبة دي عملت فيك ايه. قولي حبيبي مالك انت حصلك ايه.
سيلا بحقد: مش هتفهمي. اصلك مهما عملتي مش هتكوني زي سيلا. ده طبيعي لما يكون معايا تكون دي حالته.

حلا لقت فادي همد بين ايديها رفعت راسها تشوفه لقته فقد وعيه ومش بيتحرك. صرخت برعب وخوف. فاااادي. فااادي رد عليا مالك ايه اللي حصل.
سيلا اترعبت لما لقته مش بيتحرك خافت يكون جراله حاجة.
عاصم طلع علي صوت صريخ حلا. ودخل شاف الوضع ده. اتخض هو كمان. قرب من سيلا ومسك دراعها وهزها بعنف.
عاصم: انتي عملتي فيه ايه. هو جراله ايه.
سيلا بخوف: ااااااصلي. ححطتله 3 حبيات مش واحدة. ماكنتش عايزاه يفوق بسرعة.

عاصم مسك راسه بقوة وهو مش مصدق: يخربيتك. الله يلعنك. انتي كنتي عايزة تقتليه. ده كدة ممكن يموت الله يحرقك ياشيخة.
حلا بتصرخ بدموع: انتم بتتكلموا في ايه الحقوني اطلوبوا المستشفي بسرعة. فادي بيروح مني الحقوني بسسسسرعة.
عاصم طلع فونه واتصل بالمستشفي. وطلب عربية بسرعة علشان تنقل فادي.

في فلورنسا في النايت كلاب اللي فيه الحفلة دخل شهاب وتمارا زي اي جست. وقعدوا. بس شهاب كان بينفخ وهيموووت من الغيرة. من نظرات الرجالة لتمارا. لانه بالرغم من ان المكان ماليان بنات وستات من جنسيات مختلفة. وجميلات جدااا وكمان ولبسهم جرئ جداااا. مافيش مقارنة اصلا بين لبسهم وبين فستان تمارا. لكن تمارا كانت ليها اطلالة مختلفة الدم والجمال الشرقي ليه طعم مختلف واغراء من نوع خاص. غير اي جنسية تانية. والمصريات علي وجه الخصوص؟روحهم بتطفي علي ملامحهم جمال وشقاوة مختلفة. كمان فستان تمارا كان جميل جدااا وشييك جدااا برغم بساطته الا انه انيق بشكل رائع. ويكفي انه اختيار شهاب البوب؟

تمارا شايفة نرفزته وغضبه الواضحين جداااا: وبعدين هتفضل تنفخ كدة كتيير!
شهاب بعصبية: انتي مش شايفة الكل عنيهم عليكي ازاي. انا كان قلبي حاسس. بقولك ايه تعالي بينا نرجع انا مش متحمل. وقام وقف.
تمارا ابتسمت ومسكت ايده: ممكن تقعد وتهدي شوية.
شهاب اتنهد بحيرة وبص علي ايديها اللي مسكت ايده. قعد وهو متعصب.

تمارا: هو مش انت اللي علمتني اني لازم اهدي واتحكم في اعصابي ومااخليش اي حد او اي حاجة تعصبني بسهولة او تخليني افقد السيطرة علي نفسي. ايه نسيت ولا ايه؟!
شهاب: ايوة بس ده مش اي حاجة. ده انتي خوف عليكي من عنين كلاب سعرانة وانا شايف والمفروض اسكت واعدي واتحمل. علشان الشغل. ملعون ابو ده شغل.

تمارا كانت قلبها بيدق بقوة من الفرحة معقول للدرجة دي شهاب بيغير عليها وخايف عليها. ابتسمت بفرحة: يااااه للدرجة دي بتخاف عليا.
شهاب رفع حاجبه وابتسم وقرب منها: ايه اللي يسمعك يقول مش حاسة عليا ان!
تمارا ابتسمت وحاطت ايديها تحت خدها: حاسة بإيه!
شهاب غمزها: انك جميلة الجميلات النهاردة وتاعبة عيون كتيير ومحيراها وانا اولهم.
قطع اللحظة الحلوة دي وجود مهدي الغير متوقع جنبهم. وهو مبتسم بسماجة.

مهدي: مساء الخير.
شهاب وتمارا بصوله بإستغراب.
شهاب بثبات كعادته: مساء النور. هو حضرتك عربي!
مهدي ابتسم اكتر: ومصري كمان زيكم. انت جاسم ودي مدام سهر مراتك مش كدة.
تمارا بصت لشهاب بحيرة.
شهاب ابتسم بهدوء: ايوة وحضرتك عرفت منين؟
شهاب عارف انه اي مصرين بيكونوا هناك. مهدي بيعمل عنهم تحريات وبيجمع معلومات. عنهم. بس ده كان رد بديهي منه.
مهدي بص لتمارا بإعجاب وجرئة: انا لما حاجة بتعجبني لازم اعرف عنها كل شئ.

وانتم عجبتوني بصراحة. خصوصا المدام. بجد. فتحت نفسي علي ستات مصر. فعلا مايعوضوش. وغمز تمارا
شهاب بغيرة حقيقية: انت بتعاكس مراتي قصادي ولا ايه؟!
مهدي رفع ايده بحركة استسلام وضحك: هههههههه. لا لا ماتفهمنيش غلط يا مستر جاسر. انا بس بأوبدي اعجابي الحقيقي بجمال مراتك. ده شئ يسعدني ان الجمال ده من بلدي.

تمارا بتجز علي سنانها بغيظ وفي سرها: بلدك يا واطي يا ابن ال، اللي خنتها وبعتها علشان الفلوس والستات. روح الله يحرقك.
شهاب بغضب: متشكر. في حاجة تانية تحب تقولها ولا ممكن تسيبني نكمل سهرتنا.
مهدي بمكر: طيب مش لما تتعرفوا عليا الاول؟!
شهاب اتنهد بضيق: اتفضل عرفنا بنفسك.
مهدي بفخر: انا مهدي العسيلي. ظابط مخابرات سابقا.
شهاب استغرب هو ليه قالهم شخصيته الحقيقية بسهولة كدة. بس مابينش.

شهاب: اهاه. اهلا وسهلا تشرفنا. بس انت كمان في اجازة ولا ايه.
مهدي: لا لا اجازة ايه انا استقالت وتقريبا كدة هاجرت هنا. وعايش هنا. ومش هرجع مصر تاني ابدا.
شهاب بغيظ: وليه كل ده. مش فاهم. حد يسيب بلده واهله بسهولة كدة!

مهدي: ههههههههه. اهل مين وبلد مين. انت هنا في بلد الجمال والحياة والاثارة والمتعة. اسيب كل ده ليه علشان وطن وبتنجان مافيش احلي من عيشة الحرية. سيبك انت. بقول ايه ممكن تشرفوني علي الترابيزة بتاعتي نتكلم ونتعرف. كمان حسابكم الليلة عندي اعتبروها كادو مني بمناسبة جوازكم. ده احنا ولاد بلد برضوا.
شهاب ابتسم بغيظ: مافيش داعي تتعب نفسك واجبك وصل خلاص. بس حقيقي مافيش داعي. احنا بنحب نكون لوحدنا.

مهدي بفقدان امل وهو عنيه علي تمارا: اللي يريحكم. عموما انا في خدمتكم طول ما انتم هنا. اعتبروني هنا المسؤل عنكم. اوك سهرة سعيدة. باي
مشي مهدي وشهاب بيحاول يمنع نفسه ورغبته القوية في انه يقوم ويفضل يضرب فيه لحد مايخلص عليه. بس اتماسك في اخر لحظة.
تمارا: هو اللي حصل ده طبيعي ولا يقلق ولا ايه. هو ليه جالنا بنفسه وليه قالنا انه كان ظابط مخابرات. وليه عايزنا نسهر معاه.

شهاب بغيظ: ده ابن كلب واطي مابيفكرش غير في حاجة واحدة. انا عارفها كويس. ومجيه هنا علشانها.
تمارا بإستغراب: حاجة ايه دي.
شهاب بص علي مهدي بإشمأزاز وبصلها: انتي.
تمارا بصدمة: انا! مش فاهمة. تقصد انه عايز ااا.

شهاب كور قبضة ايده بغضب وجز علي سنانه: ايوة عايزك. ولما قال انه ظابط مخابرات ده كان عايز اولا يخوفنا منه. ثانيا يعرفنا انه بعت لكلابه في مصر وجمع معلومات عننا وعرف احنا مين واننا لازم نبقي عارفين بنتعامل مع مين. وبيحاول يغرينا انتي بالفلوس اللي معاه وانا بالستات اللي حاوليه. تبادل مصالح يعني.

تمارا بصدمة: ياليلة مش فايته. وانت عادي كدة عارف انه بعت يسأل عننا وعرف احنا مين وهادي كدة. ماكدة كل حاجة باظت.

شهاب ضحك بقوة برغم حالة الغضب اللي كان فيها: ههههههههه. بتهزري صح! يا بنتي وهو احنا ماكناش عارفين انه هيعمل كدة. طبيعي اي مصرين بالخص بيعرفهم ويلاقيهم هنا لازم يجمع عنهم معلومات علشان يتطمن علي نفسه. والمعلومات اللي وصلتله. هي اللي احنا عايزين نوصلهاله. ان احنا جاسر وسهر عرسان انا بشتغل محاسب في بنك وانتي بتشتغلي في العلاقات العامة في فندق كبير. وكل اللي احنا عايزينه يوصله وصله خلاص.

تمارا بضيق: انا بس نفسي افهم. ليه كل حاجة بعرفها متأخر وليه انا مش عندي نفس المعلومات اللي عندك. ليه بتنقطني كدة.
شهاب اتنهد: تمارا لازم تعرفي اني هنا القائد بتاعك. وفي معلومات بتكون حساسة ومش المفروض تعرفيها الا في وقتها. خصوصا ان ده في مصلحتك في معلومات لو عرفتيها ممكن تعرض حياتك لاخطر.

تمارا بإقتناع: طيب تمام. هو كدة بقي عايز يوصلي. وجالنا لحد عندنا. ليه بقي رفضت اننا نقعد معاه. مش كانت فرصة نعرف اي حاجة.
شهاب ابتسم بهدوء: تمارا انا كان لازم اتصرف زي اي راجل شرقي يغير ويغضب وينفعل وقت ما يحس ان حد بيعاكس مراته قصاده. لا وكمان عايز يقعد معاهم. لو كنت وافقت بسهولة كدة بعد ما شاف غيرتي عليكي. كان ممكن يشك وقتها فينا. لازم نتقل شوية.
تماراا بحزن: يعني انت كنت بتمثل الغيرة.

شهاب عقد حاجبه: لا بقي انا مابمثلش وانتي عارفة. انا بس بفهمك علشان تكوني عارفة كل خطوة كويس. وبص في عنيها بحنان. لكن غيرتي عليكي دي مافيهاش جدال. تمارا ااانا. ااانا بجد نفسي اخبيكي عن عيون الناس دي كلها ماحدش يشوفك غيري.
تماراابتسمت بخجل: شهاب الحديدي بقي شاعر ولا ايه.
شهاب ضحك: ههههههههه. البركة فيكي.
تمارا: شهاب انا مبسوطة اوي النهاردة. وعايزة اجرب اشرب من اللي قدمك ده.

شهاب بغضب: اتهبلتي صح! مستحيل طبعا تشربي انتي مجنونة.
تمارا بعصبية: الله بتزعق ليه هو انت واصي عليا انا عايزة اشرب. وهشرب عندا فيك.
شهاب بيجز علي سنانه: تمارا لايميها احسنلك مافيش شرب فاهمة.
تمارا مسكت الكاس اللي قصاد شهاب وشربته كله مرة واحدة بسرعة. شهاب بصلها بصدمة.

شهاب: ااااه يا بنت المجانين. انت غبية بتعانديني علي حساب نفسك. انتي عمرك ماشربتي. واول ما تشربي تشربي ده ومرة واحدة كدة. طيب وحياة اللواء مهاب ل بيكي اصبري عليا نرجع بس وانا هتفضك.
تمارا وشهاب لقوا الويتر جايبلهم ازازة مشروب وبيقولهم ان مهدي هو اللي باعتهلهم هدية.
وتمارا بصت عليه لقته بيشتورلها ويغمزه.
وشهاب شافه. اتنرفز واتعصب.
شهاب: شايفة اهو البيه بعتلك ازازة بحالها علشان تأربعي براحتك وتطوحي بقي.

تماراابتسمت تغيظه وفتحت الازازة وحاطت تاني في الكاس. شهاب مسك ايديها يمنعها.
شهاب: وحياة ابوكي تحطيها علي بقوقك تاني لارزعق قلم افوقك. انتي مالك النهاردة ماتفوقي. هو احنا كنا اتفقنا تتهببي تشربي.
تمارا لانها مش متعودة علي الشرب اصلا وعمرها ماشربت ابتدت تدوخ من الكاس ده وبقت مش مركزة وعجبتها الحالة دي وعايزة تشرب تاني.

تمارا بدروخة: ااانت مالك اانا عايزة اشرب هو انت كنت واصي عليا ولا مثلا جوزي ولا خطيبي. وبصت في عنيه ولا حتى حبيبي.
شهاب بضيق: ياليلة منيلة علي دماغك. ده انتي ضايعة وانتي فايقة هتعملي فيا ايه وانتي شاربة ليلتك سودا.
ابتدت المزيكا والكل بدأ يرقص. تمارا بصت لشهاب.
تمارا: شهاب عايزة ارقص.
شهاب بصلها بغيظ: والنبي. وانتي بالبشكل ده. ده كدة ههحزمك وترقصي 10بلدي.

تمارا: ههههههههه يارييت بس مابعرفش ارقص بلدي. واصلا مابعرفش ارقص اي حاجة.
شهاب ضحك غصب عنه: اومال عايزة ترقصي ليه؟
تمارا رفعت كتفها ببراءة: مش عارفة بس مبسوطة وعايزة ارقص معاك. ممكن.
شهاب اصلا برغم انه مش عاجبه اللي عملته بس هي مختلفة وهي في الحالة دي. وهو عايز يكون قريب منها.
شهاب بنفاذ صبر: تفضلي يا مصيبة حياتي. تعالي.

تمارا فرحت جداا واول ماشهاب لف شربت الكاس التاني بسرعة علشان مايشوفهاش. ومشيت معاه وشهاب اخدها وبدأوا يرقصوا سلو مع بعض. تمارا كانت حاضنه شهاب بقوة وبتتنفس ريحته وهي مستخبية جوا صدره وحضنه. شهاب كمان كان ضتممها بتملك. كان جواه احساس انها فعلا مراته مش تمثيل. كان اكنه بيخبيها جوا حضنه من عيون الناس واولهم مهدي. خايف عليها نفسه يتطمن عليها. بس بعد شوية خلصت الاغنية. وتمارا لسة نايمة في حضنه مش حاسة بحاجة.

شهاب ابتسم: تمارا. تمارا الاغنية خلصت كفاية عليكي كدة تعالي نقعد.
تمارا اكنها طفلة صغيرة مستخبية جوا حضن ابوها و مش عايزة تسيبه: تؤتؤتؤ. خالينا شوية.
شهاب ضحك بقوة: ههههههههه. يخرب عقلك ماكنش كاس ده اللي شربتيه. بس حقك ده يدوخ ثور بشنب. مابلك انتي. طيب بصي تعالي نقعد شوية وهنرقص تاني.
تمارا رفعت راسها وضحكت بشقاوة: تؤتؤ. ايه رئيك اغنيلك انا.
شهاب بصدمة: ننننعم يا ختي تإيه تغني ازاي مش فاهم.

تمارا غمزته وراحت للدي چي ووشوشته. وبدأت مزيكا ريمكس وهي مسكت الميك وبدأت تغني. شهاب كان مصدوم مش مصدق.
شهاب: يا بنت المجانين ده انتي لاسعتي يخربيتك. شكلك ناوية علي تصفيتنا هنا وهيعملوا مننا بسطرمة.
بس ابتسم وهو بيسمعها بتغني وبتشاور عليه.
تمارا: سهرنا يالييييل للصبح يا ليييل. وآمنة ماتمشي ياقمر الليل. اااه يامحلا الليل وياه حبيبي.
تمارا قربت من شهاب وشدته من ايده وغنتله وهي عنيها في عنيه.

دي حياتي معااه بقي ليها حياة.
وشاورت علي حضنه وهو ضمها وابتسم
لو هفضل طول الليل حضناه مش مش هشبع من حضن حبيبي.
تمارا بتتمايل وتغني.
استني بقي ياشمس بقي استني. مش عايزة حبيبي يروح مني. ماتجيش وحاتك دلوقتي اصل انا لسة ماخدتش وقتي. عايزة اسهر مرة علي طريقتي واتهني لحد الصبح معااه.

شهاب لقي في اكتر من واحد بيحاوله يطلعوا علي الاستيدچ جنبها ويرقصوا. بس هو كان بيمنعهم بقوة وشراسة وهما يبعدوا. وتمارا في دنيا تانية خالص مش شايفة ولا حاسة ولا سامعة حد غيره. هو وبس.
شهاب بغيرة: الله يسامحك يا بنت مهاب. اخرتها بقيتي مغنية ورقاصة وانا بلطجي الست. عامل زي اللي بيحرس الست وهي بتخلص نمرتها.
تمارا قربت منه وحضنته.

استني ياشمس كمان حبة محتاجة اني في حضنه اتخبي. وقف يازماااان ساعتك لينا. ده السهرة بقت جنبه جميلة. وحياتي ماجتش من الليلة ده انا قلبي ماصدقك يبقي معااه.
شهاب ابتسم وهو بيص في عنيها ونظرة الحب اللي ظاهرة فيها حتى في لمستها ونبرة صوتها. شهاب اتنهد بحب وفضل ضاممها لحضنه.
علشان خاطري بقي ياليل طاول وياريت لو ترجع من الاول. خاليك سهران حابة معانا.

الليلة انا اسعد انسانة. لو هفضل 100 ليل سهرانة مش هتعب بردوا مادام حاضناه. وآمانة عليك اااه ياليل طاول وحياتناا لترجع من الاول. الليلة انا اجمل انسانة.
سهرناااايا لييييل.
خلصت الاغنية وتمارا كانت خلاص تعبت وداخت ومش قادرة تقف. كانت هتقع. شهاب سندها وشالها.
شهاب: عجبك كدة. انا عارف انتي ربنا بعتك ليا تكفيير ذنوب. تعالي يا مصيبة لما اروحك.

ومش بيها ومهدي قابله. وهو بيبص لتمارا برغبة قوية جدااا. خصوصا بعد ما شافها بتغني وترقص. زادت رغبته فيها اكتر.
مهدي: علي فين لسة بدري.
شهاب بصله بقوة: لا معلش المدام تعبانة ولازم. نرجع البيت.
مهدي بعيون وقحة: تحب اساعدك. اشيلها انا مثلا.
شهاب بعدها عنه بغيرة وغضب: لا طبعااا. ماحدش هيشيل مراتي غيري. عن اذنك.
مشي شهاب وركب تمارا مكانها وربط ليها الحزام. وركب العربية هو كمان ومشي تحت عيون وانظار مهدي.

مهدي بتوعد: تمام يا حمش. بكرة اخليك تتفرج عليها وهي في حضني ابقي وريني هتقدر تعملها ايه وقتها. بس كل شئ بأوان.
شهاب رجع البيت وهو شايل تمارا ودخلها اوضتها. نيمها في سريرها وبدأ يقلها الجزمة بهدوء. واول ما قام تمارا مسكت ايده. وشدته وبضعف.
تمارا: رايح فين خاليك معايا.
شهاب بيحارب نفسه. خايف يقرب منها اكتر خصوصا وهي في الحالة دي.
شهاب بيبلع ريقه بشوق ليها: انا جنبك هفضل صاحي برا لو عزتي حاجة اندهيلي.

تمارا اتعلقت في رقبته: تؤتؤ. خاليك هنا وياريت تفضل في حضني.
شهاب بيمنع نفسه بصعوبة: يخربيتك كنتي مخبية السهوكة دي فين. اعمل فيكي ايه بس. ارحميني.
تمارا ابتسمت: شيبو.
شهاب غمض عنيه بقوة: ياليلة مش فايتة كمان شيبو شاكلك ناوية علي مصيبة. عايزة ايه.
تمارا: مممكن تبوسني.

شهاب فتح عنيه بصدمة: ايييه. اعمل ايه. لا انتي كدة ناوياها. اوعي بقي كدة ونامي. وفك ايديها من حاولين رقبته وبيحاول يبعد عنها. بس هي شدته تاني.
تمارا بضعف وعدم وعي: شهاب انا بحبك. وبطلبها منك وحياتي بوسني.
شهاب كان هيضعف بس افتكر انها مش في وعيها وكدة يبقي بيستغل ضعفها وحالتها دي. وده مش ممكن يحصل ابدا. كان بيتنفس برغبة بس باسها من جبينها بقوة وسند جبينه علي جبينها وغمض عنيه.

شهاب: اسف مش هقدر. مش من حقي. بس اوعدك لما تكوني بكامل وعيك وارادتك مش هبعد. وهقرب. هقرب اوي واكتر مااتمنيتي كمان. بس دلوقتي صعب. هبقي بستغلك. نامي. نامي وارتاحي.
نيمها بهدوء وفضل يملس علي شعرها بحب وحنان. وهي بدأت تنام فعلا وتروح في النوم.
شهاب: ياتري طلعت من قلبك ياتمارا. كلمة بحبك دي. ولا زيها زي باقي جنان الليلة تخاريف مش اكتر.

واتنهد بتعب. وحيرة. ااااه يا تمارا. ليه ظهرتي في حياتي علشان ترجعيلي الحاجات دي من تاني وكمان احاسيس جديدة مامرتش عليا قبل كدة. حتى مع ملك.
وبعدين ابتسم وضحك بقوة: ههههههههنه. مش عارف هتعملي ايه لما تفوقي وتعرفي البلاوي اللي عملتيها. لا ولما اقولك علي اللي كنتي عايزاه مني يا شقية. عايزة تضحكي عليا. هههههههنه.

وقرب منها وغطاها وباسها من جبينها بحب وسابها وراح اوضته اخد حمام وغير هدومه ودخل سريره بيحاول ينام. بس خيالها مش سايبه. ابتسم وهو بيفتكرها وهي بتغنيله وهي في حضنه وغمض عنيه بإشتياق. اااااه يا بنت اللذين. لو كنت اقدر اعملها كنت فرتكتك الليلة بس للاسف. مش هينفع. وبمكر. بس يمكن يكون ليها صرفة وتبقي حلال. انتي وشطارتك بقي. تصبحي علي خير يا تمارتي.

رواية رحم للإيجار الجزء الثاني للكاتبة ريحانة الجنة الفصل الثامن عشر

في مدينة الجمال والرومانسية فلورنسا.
تمارا صحيت تعبانة ودماغها مصدعة لقت نفسها نايمة بفستانها زي ماهي. استغربت وقامت وخرجت تشوف شهاب فين. خرجت لقته في المطبخ بيعمل قهوة.
تمارا بإرهاق: صباح الخير.
شهاب لفلها بسخرية: ياهلااااا. صباح الفل علي شاكيرا هانم.
تمارا بتعب ودماغها هتتفرتك من الصداع: هو. هو احنا رجعنا امتي امبارح انا مش فاكرة حاجة.

شهاب بعصبية مصتنعة: طبعاااا وهي الست الرقاصة هتفتكر ايه ولا ايه ولا ايه.
تمارا بعصبية: انت اتجننت انت بتقول ايه!
شهاب بإستفزاز: انا مش هقول انا هسيبك انتي تشوفي بنافسك. اتفرجي علي شاكيرا وهي بتغني و بترقص.
وادالها فونه وشافت ال؟يديد بتاعها وهي بتغني وترقص.
تمارا بصدمة ودموع: اااانا. اانا عملت كدة!
شهاب ابتسم بإستفزاز: ياريتها جات علي كدة وبس.
تمارا بخجل: وهو لسة في تاني!؟

شهاب بسخرية: استغفر الله العظيم الواحد بس مش عايز يقول. ده انتي عملتي فيا حاجات امبارح لما رجعنا. كانت ليلة عنب.
تمارا بزهول وصدمة: انت تقصد ايه؟!
شهاب بمكر: قعدتي تقوليلي بوسني يا شيبو. بحبك يا شيبو. وفضلتي تبوسي فيا وطلبتي مني اني، اااني. استغفر الله العظيم.
تمارا خبت وشها بإيديها وعيطت بخجل وجريت علي الاوضة بتاعتها وقفلت الباب.
شهاب جري وراها وخبط عليها.
تمارا افتحي بس هقولك.

تمارا قعدت في الارض تعيط بخجل من نفسها واللي عملته. كمان انها قالتله بحبك وياتري عملت ايه تاني وهو لسة ما قلهوش. تمارا استغبت نفسها بقوة. هي من امتي بقت ضعيفة كدة. من يوم ماقلبها دق لشهاب وهي مابقتش هي. بقت واحدة تانية مش شخصية تمارا ابدااا.

شهاب بقلق وتأنيب لنفسه انه جرحها بالشكل ده. لا وكمان كدب عليها. بس هو كان بيهزر ماتوقعش انها تاخد الموضوع جد كدة وتزعل بالشكل ده. وسمع صوت عياطها العالي من ورا الباب.
شهاب بيخبط بقلق: تمارا افتحي. افتحي بس هقولك. والله انا بهزر مافيش حاجة من دي حصلت. انا بس بغلس عليكي. افتحي بقي طمنيني انتي كويسة!

تمارا بتبكي: انت بتكدب. انت بتقول كدة بس علشان افتح. ااانا مش عارفة ازاي عملت كدة. ارجوك ابعد عني سيبني لوحدي.
شهاب اتنهد بغيظ من نفسه: تيمو اسف ماتزعليش. والله ماحصل حاجة.
تمارا بدموع: لا حصل. وانا شوفت ال؟يديو بنفسي.
شهاب ابتسم: لا هو فعلا حصل كدة بس انتي غنيتي ورقصتي. بس لما تعبتي رجعنا هنا نيمتك بس مافيش حاجة حصلت تاني.

تمارا بتهدي وتمسح دموعها: انت بتتكلم جد. يعني انا. ااانا ممماعملتش حاجة كدة ولا كدة ولا قولت الكلام اللي انت قولته ده؟!
شهاب ابتسم بخبث: تؤتؤتؤ. ماحصلش. انتي اصلا كنتي في سابع نومة. انا بس اللي قولت احط التاتش بتاعي.
تمارا بغيظ وعصبية: تصدق انك بارد وعايز رصاصة في دماغك. انت انسان خنيق.

شهاب ضحك: هههههههههه. خنيق! لا والله اومال انتي ايه ده انتي سيدة الخنقة. اسمعي خدي حمام بسرعة وحصليني علشان هنفطر وننزل نروح للزفت ده. نشوفه هيقابل مين النهاردة. يالا ماتتأخريش.
ومشي شهاب وهو بيضحك علي حالتها دي. ههههههههه. ولسة ده انا هخليكي تمشي تقولي بحبك يا شيبو ياغالي ومعاك ايامي تحلالي. ههههههههه.
تمارا قامت من الارض بعصبية: ماشي ياشهاب يا بارد.

بقي بتشتغلني وتحور عليا. اقسم بالله لروقك. ومابقاش تمارا عز الدين لو ماوريتك.
تمارا اخدت حمام ولبست چينز وتيشيرت وخرجت. لقت شهاب في التراس بيشرب قهوة. شافها ابتسم وغمزها.
شهاب: يا اهلااااا. الست بنفسها عندنا. دي ايطاليا نورت اجدعان. شاكيرا حبيبة الملااااييين. هههههههههه
تمارا بغيظ جزت علي سنانها: اتلم واقفل بوقك ده بقي بدل ما اخنقك و ارميك من هنا والله. واخلص المهمة الزفت دي بدري بدري.

شهاب رفع حاجبه بإستفزاز: راجل وريني تقدري تعملي ايه. لا صحيح راجل ايه. هو فيه راجل يغني سهرنا ياليل ويقعد يحضن فيا ويبوسني ده كان يبقي راجل شمال لامؤخذة.
تمارا بغيظ وغل جريت عليه ومسكته من رقبته بتخنقه.
تمارا: والله لو ماسكت لاخنوقك انت بجد مستفز.
شهاب مسك ايديها بقوة وضمها ليه وابتسم بخبث وبهمس: واهون عليكي تخنقيني. طيب هتحبي مين بعدي. بذمتك مش انا خسارة في الموت.

تمارا عقدت حاجبها بإحراج: بببقولك ايه ماتسوقش فيها بقي. مافيش حاجة من دي حصلت انت بتشتغلني اانا ماقولتش كدة.
شهاب ابتسم: تؤتؤتؤ. قولتي.
تمارا بصتله بإستغراب: قولت ايه!
شهاب كان هيقولها تاني انها قالت بحبك. بس ماحبش يزعلها اكتر كمان هو مش عارف ازاي هيقابل مشاعرها دي. هيقرب فعلا ولا لسة متردد. ابتسم بهدوء. وفك ايديها.

شهاب: قولتي سهرنا يا ليل. بس تعرفي صوتك حلو مااكناش اعرف انك متعددة المواهب بالشكل ده.
تمارا هديت وبعدت عنه: احمممم. ياريتني ماشربت دي كانت ساعة سودا.
شهاب حط ايده في جيبه وابتسم بثقة: لازم تعرفي انك مجبرة بعد كدة تسمعي كلامي. كمان الشرب لو اضطرينا ليه. بيبقي ليه حدود وكمية معينة لازم مانزودتش عنها.
تمارا: وهو انا شربت قد ايه مش كتيير للدرجة.

شهاب: ايوة ده لو انتي متعودة. لكن بالنسبة لاول مرة طبعا. كان طبيعي اللي حصلك ده. بس لازم تعرفي اني زعلان منك وده بجد مش هزار.
تمارا حكت شعرها بإحراج: وزعلان ليه بقي!

شهاب ربع ايده وبغيرة: علشان انتي عاندتيني وشربتي وانا ماحبتش ابوظ الدنيا واجرك من شعرك علي هنا. فإنتي لو عاندتيني تاني او خالفتي كلامي. والله ياتمارا ماهيفرق معايا حاجة حتى لو المهمة هتبوظ هطربقها علي دماغك. ولازم تعرفي انك معايا امانة قبل ماتكوني زميلة. اللواء مهاب مأمني اني ارجعك سليمة. ولو اتغابيتي تاني ممكن تضري نفسك وتضريني معاكي.

تمارا عقدت حتجبها بعصبية: ابويا انا وصاك عليا! ليه فاكرني عيلة رايحة الحضانة. انا مش محتاجة وصاية من حد.

شهاب بنفاذ صبر: بقولك ايه. سمعتي اللي انا قولته ولا لا. مش عايز لت ورغي. كلامي يتسمع. كفاية اوي اللي حصل امبارح انا كنت واقف. عمال ابعد المعجبين عنك وشكلي كان زبالة عامل زي بلطجي الست. كمان الزفت مهدي ده عينيه كانت هتطلع عليكي. واتجرأ كمان وجالي عايز يشيلك هو. فأرجوكي انا محتاجك معايا واعية وفايقة. عايزك تمارا اللي بميت راجل واقدر اعتمد عليها مفهوم.

تمارا تفهمت خوفه وقلقه وكمان شافت غيرة في عنيه وكلامه لما اتكلم عن مهدي. هزت راسها بتفهم.
تمارا: حاضر اوعدك مش هتهور تاني. اصلا اللي كانت بتتمايص دي مش انا ابدااا. انا مش كدة وعمري ماكنت كدة.
شهاب قرب منها وغمزها: بس الكلام ده لما نكون برا. لكن واحنا لوحدينا بقي. ياريتك تفضلي زي ماكنتي امبارح. كنتي واحدة تانية. اكني بشوفك لاول مرة.

تمارا ابتسمت بخجل: ياسلام. وليه يعني ابقي كدة معاك انت بس. تفرق ايه انت عن باقي الناس.
شهاب ابتسم بغرور: افرق اني انا. شهاب البوب. ولو مش عارفة او بتصتعبطي ابقي بصي لنفسك في المرايا وشوفي ايه اللي اتغير فيكي.
تمارا بتوتر: اااانت تقصد ايه. وضح كلامك.
شهاب قعد واتنهد بهدوء مستفز واخد القهوة وبدأ يشرب: كلامي واضح. يالا روحي افطري فطارك جاهز جوا كمان عملتك قهوة. بس بسرعة علشان مانتأخرش.

تمارا في حيرة هو يقصد ايه. وبقت مش مصدقاه انها ما لخبتطش في الكلام. واتأكدت انها قالت وقالت كتيير اوي كمان.
تمارا دخلت تفطر بس كانت مسهمة ومش مركزة. شهاب جاء من وراها وبهدوء.
شهاب: ايه مابتكليش ليه!
تمارا بلخبطة: لا لا باكل اهو. تسلم ايدك. كمان حضرتلي الفطار والقهوة.
شهاب سند علي التربيزة وابتسم: احنا تحت امر الفنانة انتي بس حني علينا. وغمزها.

تمارا ضحكت غصب عنها: ههههههه. والله انت بايخ. وبعدين انت هتزلنا ولا ايه.
شهاب نط وقعد علي الترابيزة: هههههههه. ازلك بس ده انا صورتك صوت وصورة علشان افضحك لما ترجع هفرج عليكي الجهاز كله. وخصوصا سيادة اللواء. اكيد هيكون فخور بيكي.
تمارا تنحت: نهااارك مش فايت انت بتتكلم جد. شهاب اياك تعمل كدة بجد هزعل منك. استر عليا.
شهاب بإستفزاز: تؤتؤ. مستحيل. لازم افضحك.

تمارا: انا عارفة انك مش ممكن تعمل كدة. مش ههون عليك.
شهاب رفع حاجبه بمكر: وده ليه بقي ان شاء الله. ايه اللي مش هيخليكي تهوني!
تمارا ابتسمت: احساسي بيقولي كدة.
شهاب نزل من علي الترابيزة وقرب منها وبهمس: موافق بس بشرط.
تمارا بصت في عنيه: شرط ايه.
شهاب قرب اكتر وبحنان: تقوليلي شيبو تاني كانت تجنني وانتي بتدلعيني.
تمارا بخجل: احممم. ااانا مش فاكرة اني قولت كدة.
شهاب: هتقوليها تاني!
تمارا ابتسمت: هقولها.

شهاب بخبث: اسمع بقي بوسني يا شيبو كلاكيت تاني مرة.
تمارا بغيظ ضربته في كتفه: انت بايخ وقليل الادب.
شهاب: ههههههههه. طيب بلاش البوسة نأجلها شوية. قولي بقي.
تمارا: حاضر يا شيبو بعد كدة هندهلك شيبو وبس.
شهاب اتنهد بحنيين: تعرفي مين اول حد ندهلي بالاسم ده.
تمارا ابتسامتها راحت وفهمت انه يقصد ملك. ووشها اتغير وبغيرة ماعرفتش تداريها.
تمارا: احممم. ملك مش كدة.

شهاب كان فعلا يقصد ملك. بس لما شاف علامات الغيرة والحزن ظهرت علي وشها. اتراجع وغير كلامه.
شهاب ابتسم: تؤتؤ. انتي اول حد يقولي كدة. علشان كدة عجبني.
تمارا اتنهدت براحة وابتسمت: طيب يا سي شيبو ممكن تسيبني علشان اجهز وننزل.
شهاب ابتسم وبعد عنها: ممكن يالا انا كمان هدخل البس.
وهو ماشي غمزها وغني. سهرنا ياليييل للصبح ياليييل.

تمارا ضحكت عليه وهي في قمة سعادتها: هههههههه. مش ممكن هو ده شهاب. مش ممكن ده فظيييع. بس وهو بس اللي اتغير. ماانا كمان اتغيرت. معقول يكون حبني زي ماانا حبيته. واتنهدت بحيرة. ااااه يا شهاب. انت حلم ولا حقيقة.
فاقت من شردها علي صوت شهاب.
شهاب بصوت عالي: يا شاكيرا يالا بقي انتي نفسك اتفتحت دلوقتي لسة في المطبخ.
تمارا ضحكت وبصوت عالي: لا يا عم لسة مسدودة. ماانت قريت عليا منك لله. جاية اهو.

مر 3 ايام علي كل الابطال. حصلت فيهم حاجات كتييير لكل واحد فيهم.
في المستشفي الخاص اللي بيملكها رعد الحديدي. كان فادي لسة غايب عن وعيه في الرعاية. وحلا. وهمس ورعد وهنا وعدي قاعدين منتظرين انه يفوق. حلا قامت وراحتله الرعاية ودخلت وقعدت جنبه ومسكت ايده. وبدموع.
حلا: حبيبي فوق بقي. ليه غيبت عني كل ده. معقول ماوحشتكش. افتح عنيك بقي.
دخل الدكتور اللي بيتابع حالته وابتسم.
الدكتور: احمم. ازيك يا مدام حلا.

حلا بتمسح دموعها بحزن: الحمد لله. من فضلك طمني هو هيفوق امتي. ده بقاله 3 ايام مش كتير. هو كويس ولا لا انا قلقانة عليك اوي.

الدكتور بهدوء: يا مدام حلا فادي بيه. اخد جرعة منشط قوية جدااا. وده مش منشط عادي. ده عبارة عن كوكتيل. منشط علي مادة بتعمل هلوسة وتخيلات. حاجة كدة تدمر فيل. حباية واحدة تضيع ثور. مابالك بالجرعة اللي هو اخدها كانت كبييرة جدااا. وقوية. ولولا انه صحته كويسة ومابيشتكيش من اي امراض. وكمان ليقاته البدنية عاليا وقلبه زي الحديد كانت دلوقتي في تعداد الامواات. بس الجرعة دي لخبطت كل اجهزة الجسم وخصوصا القلب. بقي عليه مجههود كبير بعد الضغط اللي حصل علي الجسم ده. ولازم كل حاجة ترجع زي ماكانت والقلب يتظبط والضغط. يعني مسألة وقت. وهيبقي تمام هو اصلا زي الحصان ماتقلقيش.

حلا بغيظ منه في سرها: ابو شكلك انت شغااال قر عليه روح ربنا يهدك حصان وقلبه حديد. اشحال ان ماكان مرمي في غيبوبة بقاله 3 ايام قصادك. عايز ايه تاني جاتك داهية فيك وفي اللي شغلك هنا.
الدكتور: مدام حلا انتي كويسة.
حلا بضيق: الحمد لله. بس لسة قلقانة عليه. ربنا يقومه بالسلامة.
فادي بدأ يفوق ويأن بصوت مرهق وينده علي حلا.
فادي بتعب: ححلا. ححلا.

حلا فرحت وقربت منه ومسكت ايده وابتسمت: عييون حلا حبيبي فوق انا هنا جنبك.
فادي فتح عنيه وهو بيحاول يستوعب اللي حصل وهو فين دلوقتي. بص لقي حلا جنبه والدكتور واقف مبتسم.
فادي عقد حاجبه بغيرة: مين ده؟
حلا بتكتم ضحكتها: ده الدكتور بتاعك.
فادي بعصبية: وقاعدة معاه لوحدك ليه!
وماله مبتسم كدة ليه؟

الدكتور: حضرتك انا هنا علشانك ومدام حلا دايما معاك مش بتسيبك ابدااا. يابختك بيها دي بتحبك اوي ياريت كل الستات زيها كدة.
حلا بتكتم ضحكتها.
فادي جز علي سنانه بغيرة: سيبك منها وقولي انا هنا ليه وعندي ايه. استني مش المستشفي بتاعتنا!
حلا بهدوء: اه يا حبيبي. انت لما تعبت في الجونة وروحت المستشفي انا كلمت بابي واونكل رعد وهما جم بسرعة ونقلناك بطيارة اونكل رعد علي هنا علشان الاهتمام بيك يكون افضل.

الدكتور: ماتقلقش حضرتك. انت زي الفل. اللي حصل ده. مايخوفش. احمد ربنا انك صحتك كويسة كان زمانك ميت دلوقتي.
فادي بعصبية: هو فيه ايه. شوية تحسدني علي مراتي ودلوقتي مش راحم اللي خلفوني وانا نايم قصادك. ماتجيب حقنة هوا وتموتني احسن ده ايه الغلب ده.
حلا ضحكت: ههههههههه. والله عندك حق. ده مش عاتقك حتى وانت في الغيبوبة.
الدكتور بإحراج: علي فكرة انا بس بطمنكم انه صحته كويسة. لان دي الحقيقة عن اذنكم.

خرج الدكتور وفادي بغيظ: غور جاتك داهية. جابوه منين ده.
حلا ابتسمت بحب: حمد لله علي سلامتك يا روحي الف سلامة.
فادي بصلها بحب وخزلان: روحك لسة روحك بعد اللي حصل!
حلا ابتسمت بوجع هي عمرها ماهتنسي اللي عنيها شافته. بس هي اتأكدت انه غصب عنه. وهي مستحيل تتخلي عنه.
حلا: طبعا روحي وحبيبي وعمري كله.

فادي باس ايديها بقوة: اسف. والله انا مش عارف ايه اللي حصلي انا كنت اكني في واحد تاني جوايا هو اللي بيتحكم فيا مش انا.
حلا: عارفة حبيبي. الحقيرة دي حطتلك منشنطات وحبوب هلوسة في الشرب علشان كدة انت ماكنتش في وعيك.
فادي بغضب: صدقيني. لو كنت قادر اتحكم في نفسي ماكنت لامستها ابدااا. لاهي ولا غيرها. انا عمري مالمست ولا هلمس ست غيرك. بس وحياتك عندي لفرمها وادفعها الثمن غالي. وغالي اوي.

حلا ابتسمت: حبيبي خلاص اونكل رعد خلص كل حاجة. انت بقالك 3 ايام في غيبوبة.
فادي: يااااه 3 ايام. ااااه يا بنت الكلب. كانت بتنتقم مني. عايزة تموتني.
حلا: وده حببني فيك اكتر وخلاني اتمسك بيك اكتر.
فادي ابتسم بمكر: حبتيني اكتر علشان كنت هموت وتبقي ارملة.

حلا: تؤتؤ. علشان لو ماكنش جوزي وحبيبي راجل بجد. والستات بتنجنن عليه وهتموت عليه. وهو ولا بيلتفت ليهم. ولا بيملي عنيه غيري انا وبس. ماكنتش الكلبة دي اتجننت عليك كدة. وبقت عايزة تنتقم منك.
فادي بخبث: مايجي جنبي هنا قاعدة بعيد ليه.
حلا ابتسمت وقامت وقعدت جنبه علي السرير: اهو اديني جييت.
فادي ضمها لحضنه بقوة واتنهد: وحشتيني اكني نمت سنين مش ايام. بحبك اوي يا حلا اوي.

حلا ضمته اكتر: وانا كمان بحبك اوي يا عمري. وصدقني السنين دي عدت عليا انا كمان مش انت بس. وحشتني اوي اوي.
دخل رعد وهمس وعدي وهنا.
همس جريت عليه بفرحة ودموع: قلبي انا سلامتك يا نور عيني الف سلامة.
حلا بعدت عن فادي وهمس حضنته. فادي ضمها وابتسم.
فادي: حبيبتي يا أمي ماتعيطيش انا كويس والله. اهو ابنك زي الحصان.
همس بدموع: يارب تتحرق في نار جهنم المؤذية دي. منها لله.

فادي: ماتقلقيش. انا اللي هحرقها في جهنم دي بس اخرج من هنا.
حلا: اونكل رعد. فادي لسة مايعرفش اللي حصل.
رعد ابتسم وقرب من سرير فادي: حمد لله سلامتك يا بطل. ابن الوز عوام. ماانت مش هتجيبه من برا طالع لأبوك. بس ابوك بقي يا فالح ماكنتش حد يقدر عليه. مش انت سيبتهم يضحكوا عليك ويغفلوك.
فادي بغضب: لا بقي انت اكتر حد عارف اني راجل اوي. بس دي لعبة وسخة ماكنتش متوقعها. بس ملحوقة اقوم بس وانا واوريها شغلها.

رعد بمكر: تقصد توريهم.
فادي عقد حاجبه: تقصد مين.
رعد حط ايده في جيبه بهدوء: سيلا كانت مدبرة لكل ده مع عاصم. وكمان كانوا عايزين عاصم يعمل في حلا االي سيلا عملته معاك.
فادي بغضب خبط السرير بعنف: انتي حد قربلك انطقي.
رعد: بقولك كانوا. بس من ستر ربنا ان حلا ماشربتش حاجة. كانت بقت مصيبة بجد.
فادي بغيظ: اااااه يا ولاد الكلب وربي لدفعكم الثمن ياشوية كلاااب.

رعد طلع فونه وفتحه علي الاخبار واداه لفادي. فادي اخده منه وبص فيه لقي صورة سيلا وعاصم وهما شبه عرايا. والخبر بيقول.
القبض علي رجل الاعمال عاصم قدري برفقة خبيرة التجميل سيلا العنودي. في الفيلا الخاصة بيها في مدينة الجونة. اثناء ممارسة اعمال مخلة بالاداااب. وتم ضبطهم متلبسين. مما ادي اي انخفاض اسهم شركة عاصم قدري بشكل ملحوظ. مما ادي إلى وقوع خسارة كبييرة جداااا.

وايضا تم اغلاق جميع افرع مراكز التجميل الخاصة بالمدعوة سيلا العنودي. لإشتهار صاحبتها بممارسة الرزيلة والاعمال المنافية للآداب.
فادي بص لرعد وابتسم: مابتضيعش وقت انت يارعد بيه.

رعد قعد بثقة: انا واولادي خط احمر ممنوع اللعب معانا. انا اول ماجيت هنا عرفت كل حاجة واعترفوا قصادي بكل اللي عملوه. بس هما اللي جابوه لنفسهم. شركة عاصم هتتباع لحساب مجموعتنا. وسيلا كل افرع المركز بتاعها هتتباع لينا بردوا. وهتتغير اسمها كمان. بس ماتقلقش انا حقاني ثمنهم هيتحولهم علي السجن اكيد هيحتاجوا مصاريف هناك.
فادي: ههههههههههه. صحيح الكبير كبيير.
عدي ابتسم: الف سلامة عليك يا فادي.

فادي: الله يسلمك يااونكل.
هنا بضيق: حمد لله علي سلامتك.
فادي بخنقة: متشكر.
حلا بتبص لهنا بإستعطاف. وهنا لسة واخدة منها موقف.
فادي فجأة اخد باله ان حلا ايديها فيها كالونا استغرب
فادي: حلا انتي حاطة دي ليه انتي تعبانة.
حلا بتوتر: لا لا اااانا كويسة بخير.
همس ابتسمت وغمزته: هي كويسة بس ماكناش بتاكل فعلقولها محاليل علشان كانت بيغمي عليها.

هنا بضيق: ايه هتخبي عليه ماتفرحيه انك حامل في ال3. ما انتي كل مادا ما بتعلقي نفسك بيه زيادة لما نشوف هيعمل فيكي ايه اكتر من اللي عمله.
فادي بص لحلا: انتي حامل! ليه ماقولتليش اول مافوقت.
همس بصت لهنا بعتاب: معلش يا حبيي كانت مستنية تهرج من هنا وتبقوا لوحدكم.
عدي بعصبية: انتي مافيش فايدة فيكي. هو ده وقت كلامك ده.
حلا بدموع: هو انا بس عملت ايه. لكل ده. علشان تعقبيني كدة.

وكمان تخبي عليا ان مايا عملت عملية. هي مش دي اختي ومن حقي اعرف عنها كل حاجة.
هنا بعصبية: اختك! اختك اللي حتى لما عرفتي انها عملتها ماهنش عليكي تسيبي جوزك ساعة واحدة وتروحي تشوفيها. جوزك اللي مرمتك وطلقك وراح رجعك من نفسه اكنك تربية شوارع. وانتي ساكتة وارضية ومافيش فايدة فيكي. وانا بقولهالك قصاده اهو. لو في يوم زعلك ولا حتى قطع جسمك حتت. اياكي تجيني ولا تشتكي انسي اني امك.

فادي بعصبية: هو فيه ايه. انتي ام انتي. قسما بالله لولا عامل خاطر لأونكل عدي وحلا لكنت رديت عليكي وعرفتك تكلميها كدة ازي.
رعد بغضب: فاادي. ماتنساش دي تبقي مين.
حلا بدموع وألم مسكت بطنها وصرخت: اااااااه.
فادي قام بسرعة من سريره وقرب منها بقلق.
فادي: حلا مالك في ايه.
حلا بصت علي هدومها لقتها كلها دم. واغمي عليها. فادي حضنها بسرعة وصرخ.
فادي: حلاااا. دكتتتور بسسسرعة.

في مارينا في ساحة كبييرة كانت اول حفلة لفتون وحمزة مع بعض. وفتون متوترة وخايفة وحمزة طمنها.
فتون بقلق: انا خايفة اوي مش عارفة هعمل ايه خايفة ابوظ الدنيا.
حمزة ابتسم: ماتقلقيش. زي ما اتفقنا غمضي عنيكي وتخيلي اني انا بس اللي بسمعك. يالا بسرعة المزيكة هتبدأ
فتون بصت في عنيه واستمدت منها الامان والقوة. واخدت نفس طوييل ووقفت علي المسرح. وبدأت المزيكا
(مكتوبة ليك )
مكتوبة ليك اني انا اللي تعشلها.

مكتوبة علي اسمك حياتي كلها. اول ماقولت بحب كانت ليا انا مين تستاهلها غيري او تتقالها.
فتحت عنيها عنيها وبصت علي حمزة اللي كان بيبتسم ويطمنها. وكملت بحب.
مكتوبة ليك واهي كل حاجة بوقتها. تكمل حياتك بيا لما دخلتها. وقت اما شافك قلبي شافت عيني فيك. صورة حبيبي اللي في خيالي رسمتها.

قول بقي يا حبيبي حبيبي. لمين انا لو مش ليك. قول بقي يا حبيبي حبييبي. هحبةفي مين غير فيك. طب ده انا ايامي احلامي وحياتي واقفة عليك.
حمزة بعتلها بوسة شاورلها علي قلبه. انها جواه هي وبس. فتون ابتسمتله وكملت.
نور عيني حبيبي حبيبي. لمين انا لو مش ليك.
موعودة بيك تبقي انت بختي وقسمتي. موعودة بيك من قبل ما اتقابل معاك. مشاعري حبي حياتي شوقي ولهفتي. متصدقين مني لاني مصدقاك.
فتون بصتله وغمضت عنيها بحب.

قول بقي يا حبيبي. حبيبي. لمين انا لو مش ليك.
خلصت الاغنية وكل الجمهور سقفلها وكان الاعجاب بصوتها واضح جدااا. وحمزة دخلها وحضنها وشالها وهي كانت فرحانة جدااااا.
حمزة: مش قولتلك هتنجحي خاليكي واثفة فيا وفي نفسك. شوفتي كانوا هيتجننوا علي صوتك ازاي.
فتون مش مصدقة وبفرحة: ااانا بجد فرحانة اويى.
حمزة غمزها: ولسة هتفرحي اكتر لما تعرفي المفاجاة.
فتون: لسة فيه مفاجأت.

حمزة: طبعااا. الانسة فتون ووالدتها واختها معزومين غداا علي الغذا في فيلا أكمل التهامي وحرمه تسنيم التهامي علشان بتعرفوا علي زوجته المستقبلية.
فتون اتعلقت في رقبته بسعادة: بتتكلم جد. وافقوا
حمزة: ههههههه. طبعا يا قلبي انا مسيطر.
فتون بحب: بحبك. بحبك ياحمزة انت اجمل حاجة حصلتلي في حياتي.
حمزة ابتسم: وانتي احلي وارق حاجة حصلتلي في حياتي. انتي اللي القلب دقلها. بحبك.
في مستشفي الحديدي.

حلا نايمة في السرير وفادي وكلهم حاوليها وهنا بتبكي.
فادي بعصبية: بتعيطي دلوقتي بعد ماكانت هتموت بسببك.
همس: فادي ارجوك اهدي. دي مهما كانت امها. هي بس كانت خايفة علي مصلحتها.
فادي بعصبية: مصلحتها ايه. مراتي مصلحتها معايا. واقسم بالله انا ماهسمح لحد يضايقها بكلمة لام ولااب. انا مش مستغني عن مراتي وابني. الحمد لله ده كان نزيف بسيط. بس لو اتكرر تاني بسبب اي مخلوق والله ماهرحمه.

هنا بدموع: انت السبب. انت اللي مخليني مش مأمنا عليها معاك. ياما جرحتها ووجعتها. عابزني اثق فيك بسهولة كدة ازي.
فادي: علشان انتي من جواكي عارفة ومتأكدة اني بحبها. لا ده انا بعشقها وعمري ماتقدر استغني عنها. واللي حصلنا كانت ازمة وعدت. وانا اللي بقولك لوجاتلك في يوم تشتكي مني. ابقي خاليها عندك ماترجعهاش. علشان انا مش هسمح باليوم ده يجي.
رعد ابتسم وبص لعدي وغمزه.

همس: حبيبي اهدي هي هتبقي كويسة وانتم ان شاء الله ربنا مش هيفرق بينكم تاني. علشان حبكم واولادكم. وابتسمت. وكمان الضيف الجديد ده.
فادي قرب من حلا وباسها وهو بيملس علي شعرها بحنان.
فادي: سلامتك يا روحي يا اغلي من روحي فوقي بقي علشان نروح بيتنا ونحتفل بالبيبي الجديد.
في فلورنسا علي بحر اجمل واحلي مدينة. مدينة الرومانسية.
كان شهاب وتمارا قاعدين. ومهدي كان معاه بنات كتيير وغرقان معاهم ضحك وشرب.

شهاب: بقولك ايه. تعالي معايا.
تمارا: هنروح فين. ونسيب البغل ده.
شهاب: لا البغل ده خلاص صورناه ومافيش جديد. تعالي بس انا عاملك مفاجأة. ومسك ايديها وشدها.
تمارا وراه مستغربة: استني بس مش تفهمني.
شهاب اخدها مكان علي البحر بعيد شوية عن مهدي وكان في مجموعة قاعدين بيضحكوا وبيىرقصوا. وكانوا عرب و فيهم مصرين كمان.
تمارا: مين دول؟

شهاب ابتسم: فاكرة غريب. انا كلمته وسألته العرب في المدينة هنا بيتقابلوا امتي وفين. قالي انهم بيتقابلوا هنا. وانتقفت معاهم اننا نتقابل النهاردة علشانك.
تمارا ابتسمت: علشاني انا.
شهاب ابتسم: اهاه علشانك انتي.
شهاب اخدها وعرفها عليهم وكان بينهم واحد معاه چيتار اسمه يعقوب
يعقوب: اهلا بمدام سهر نورتينا البحر نور حقيقي.
تمارا: متشكرة منور بيكم.

شهاب: يعقوب انا عايز بقي سهر تقضي يوم جنان. وبص لتمارا وغمزها اصل المدام بتموت في المزيكا.
تمارا ابتسمت بخجل.
يعقوب حضر الجيتار: عيوني انا جهزتلك الاغنية اللي طلبتها. وبدأ يعزف يعقوب.
شهاب: دلوقتي هترقصي معايا وانتي فايقة وفي وعيك. بس كمان انا اللي هغني مش انتي.
تمارا بسعادة قلبها بيدق مش مستوعبة شهاب بيعمل ايه: ااارقص تاني لا انا ماصدقت نسيت اللي حصل. انا اصلا مابعرفش ارقص.

شهاب ابتسم: لا هتعرفي دي رقصة سهلة جدااا. اكنك بترقصي تانجوا.
تمارا: مش بعرف بجد وعمري مارقصت تانجوا علشان اعرف دي
شهاب بدا يشدها ليه: يبقي تتعلمي سيبي نفسك ليا واستمتعي. وبدأ شهاب يغنلها
(اجمل عيون عمرو دياب)
يا اجمل عيون واحلي عييون. صحيتي ليل العاشقين. صحيتي الشوق من غير معاااد. وسافرتي بيه اخر البلاااد.
تمارا ابتسمت وبدات تلف معاه بسهولة وسعادة.

والله بحبك مووت واحب برج الحوت. واعشق تفاصيلك ضحك وبكي وسكوت. كأنك لانك الدنيا. واللي يفوت يفوووووت.
شهاب ضمها وهمس: بحب برج الحوت يا حوت.
تمارا بصتله بحب: وياتري ده شغل مخابرات. ولا صدفة.
شهاب بحب: طبعا شغل مخابرات. انتي ناسية ااني حفظت ملفك عن ظهر قلب. وعرفت انك مواليد برج الحوت.
تمارا ابتسمت: انت بقيت مجنننون.
ياللي انتي عيونك بحر لييل ونهههاار. فيها سحر فيها قلبي داااب واحتار.

ياصوت نبرته حييياه. حبيته وعشقت صباااه.
انا ليكي يااللي انتي صوتك عزفه ملائكي. همساات صوتك ضحكتك تروي عطش روحي. نظرة عيونك ملهمة وانتي دوا جروحي.
شهاب ضمها وابتسم وهمس في ودنها: بحبك مووت. بحبك ياتمارا.
تمارا رفعت عنيها و بصتله: انت بتقول ايه.
شهاب غمزها: بحبك مممموت يا تمارا. شهاب بيحبك
تمارا دفنت وشها في صدره وبكت. : وانا بحبك بحبك ياشهاب بحبك.
شهاب ابتسم براحة وضمها بقوة وتملك.

والله لحبك مووت واحب برج الحوت. واعشق تفاصيلك ضحك بكي وسكووت. لانك الدنيا واللي يفووووت. يفووت.