رواية رحم للإيجار الجزء الأول للكاتبة ريحانة الجنة الفصل الرابع والأربعون
رعد ومشيرة. عدت عليهم دقائق. وهما لسة تحت تأثير الصدمة. مش مستوعبين انهم واقفين قصاد بعض احساس رعد: مكنش ممكن يتوصف. وهو شايف قصاده امه اللي اتحرم منها سنين. امه اللي افتكرها ماتت. امه اللي اتمني حضنها في اصعب اوقاته. امه اللي عاش حياته كلها وهو بيحاول ينتقم ليها من اللي ظلمها واهنها. اخيرا واقفه قصاده وعنيه شايفاها. وايده لمساها. فعلا احساس صعب يتوصف.
اما مشيرة: فا ولا الف كلمة وجع والم. وتعب ومرارة. ممكن توصف احساسها وهي شايفة ابنها اول فرحتها. ابنها اللي اتحملت علشانه زل سنين علشان بس. تقعد معاه. ابنها اللي اتحرمت منه سنين. اتحرمت تشوفه وهو عريس زي كل الامهات. ابنها اللي اتمنت يكون سندها وظهرها. بس الظلم والجبروت كانوا اقوي منها. كانت دموعها بتنزل من غير حساب. وهي بتمرر ايديها علي ملامحه عايزة تتأكد انها مش بتحلم ولا بيتهيألها. رررعد يا نور عيني وحشتني يا حبيبي وحشتني.
رعد: دموعه نزلت مقدرش يسيطر عليها. وباس ايديها. وحشتيني يا امي وحشتيني. وضمها بحب ولهفة. وهو بيحاول يشبع من الحضن اللي اتحرم منه سنين. واتمناه في لحظات الالم والوحدة وماكنش لاقيه. مشيرة: بدموع وشهقات عياط بحرقة. انا اسفة والله اسفة بس كان غصب عني. سيبتك علي عيني يا نور عيني.
رعد: خرج من حضنها وحضن وشها بإيده ومسح دموعها. متتأسفيش يا امي. انا وانتي ماكنش في ايدينا حاجة وقتها. بس توفيق. مأذكيش لوحدك. اذاني واذي مراتي وكان السبب في موت ابني. مشيرة: بصت لهمس. ابنك مات. انت خلفت غير اللي بطنها رعد: بألم. لا همس كانت حامل في توأم وبسبب توفيق مات جنين من الاتنين.
مشيرة: اخدت همس في حضنها. معلش يا حبيبتي ربنا يعوضك باللي جاي. وخرجتها من حضنها. وابتسمت. انا اسفة اني مسلمتش عليكي بس رعد كان واحشني اوي اوي همس: ابتسمت. ولا يهمك يا ماما انا مبسوطة انكم اتقابلته. انتي متعرفيش رعد بيحبك ازي طول الوقت بيتكلم عنك. وعمره ما نسيكي ابدا. مشيرة: ابتسمت وبصت لرعد. الحمد لله اللقي ده نصيب. تعالوا يالا ادخلوا.
ودخل رعد وهمس واتفاجأوا. بصور رعد اللي مالية المكان. حتى في البراويز الصغيرة. رعد: ابتسم. انتي جبتي الصور دي منين مشيرة: ابتسمت. من صفحتك علي النت. كل صورة ليها برواز هنا. همس: يا سلام يا سلام. ايه الحب ده انا كدة هغير مشيرة: بتبص لرعد بحنين. انا لو عليا اخبيه في عنيه.
رعد: ابتسم. ومسك ايديها وباسها. اخيرا قدرت اوصلك وهرجع امتع عنيا بيكي وهرجع اخبي نفسي في حضنك. وحضنها وغمض عنيه. اتمنيت الحضن ده كتير يا امي كتييير مشيرة: بدموع والله مش اكتر مني. انا كنت بموت كل يوم وانا حتى مش. قادرة اقولك اني عايشة. بس قولي انت عرفت ازي وتوفيق يعرف انك عرفت رعد: انا هحكيلك علي كل حاجة.. مشيرة: بغضب. هو الراجل ده ايه شيطان ده العن من الشيطان كمان. ازاي قدر يعمل فيك وفي مراتك كدة.
رعد: اهو ربنا شله وقعدوا علي كرسي متحرك. بس ربنا يستر من شره مشيرة: ربنا كبير ومش هيسيبه. يمهل ولا يهمل. وابتسمت بس تعرف. زوقك حلو همس جميلة جدا. همس: اتكسفت. شكرا يا ماما. انا اسفة لو من نفسي كدة قولتلك يا ماما. بس انا حبيتك من قبل ما اشوفك. من كلام رعد عنك مشيرة: لا طبعا اسف ايه. انا ماما مشيرة مافيهاش كلام.
رعد: حاوط همس بإيده. وابتسم. همس دي يا ماما هي روحي. حبيبتي اللي جات تعوضني عن حرمان السنين. متعرفيش بحبها قد ايه مشيرة: بفرحة. لا واضح عليك. بس تعرف يا رعد انت بقيت شبه ابوك جدا. اكني شايفة فادي قصادي رعد: بحزن. لسة فاكراه يا امي.
مشيرة: بحزن وحرج. عمري ما نسيته ابدا. ابوك اول حب في حياتي. رعد مش عايزك تزعل علشان انا اتجوزت يونس. كان غصب عني انت متعرفش. انا شوفت ايام. صعبة ازاي وانا لوحدي ولا ليا اهل ولا ليا حد يونس حبني واتجوزني وحافظ عليا. وصدقني لما تعرفه هتحبه. رعد: بحزن. اكيد يا امي المهم ان انتي سعيدة ومرتاحة معاه. قوليلي انا عرفت ان ليا اخت. هي فين مشيرة: ريما. دي هتفرح اوي لما تعرف انك جيت. رعد: حكتلها عني.
مشيرة: ابتسمت. بص حاوليك. صورك في كل حته. انت كنت عايش معايا في قلبي عمري ما نسيتك. وريما عارفة كل حاجة وكان نفسها تقابلك. رعد: طيب هي فين مشيرة: هي في مدينة تانية غير هنا قاعدة هناك علشان جامعتها. رعد: بعصبية. لوحدها ازاي مشيرة: متقلقش. ريما بنت بميت راجل. رعد: طيب ليه انتي ويونس. مش قاعدين معاها في نفس المدينة. مشيرة: علشان شغل يونس هنا. وهيكون صعب يروح كل يوم ويرجع. رعد: هي في سنة كام.
مشيرة: دي اول سنة ليها في الجامعة رعد: امي. انا عايزكم ترجعوا معايا مصر. وريما هدخلها الجامعة الالمانية هناك. ولو علي شغل يونس. انا هساعده ينقله هناك. انا خلاص مش هقدر اعيش منغيرك مشيرة: من غير ما تقول يا حبيبي. انا كمان مش هقدر علي بعدك تاني. رعد: بص علي همس لقي شكلها تعبان. وبقلق مالك يا همس انتي تعبانة همس: بتداري الالم. لا ابدا شوية تعب عادي. متقلقش مشيرة: انتي في الكام دلوقتي.
همس: يعني لسة داخلة الثامن من اسبوع كدة. مشيرة: بفرحة. انا عايزاكي بقي تقعدي معايا لحد ما تولدي عايزة البيبي ده يجي علي ايدي. رعد: باس ايد مشيرة وابتسم. ان شاء الله انتي اللي هتيجي معانا هناك ويجي علي ايدك. في الوقت ده رجع يونس. ومصدقش نفسه انه شايف رعد. ودخل وقعد ومشيرة حاكتله كل حاجة. بس كان حاسس. ان رعد مش متقبل فكرة انه: زوج امه. يونس: ايه يا مشيرة. مش ناوية تأكلينا ولا ايه.
مشيرة: ياخبر. انا من فرحتي برعد ومراته. نسيت اجيب اي حاجة. ثواني والغداء هيكون جاهز همس: انا جاية معاكي يا ماما رعد: حبيبتي. انا قلقان عليكي انتي تعبانة ارتاحي. همس: لا انا كويسة متقلقش.
يونس: رعد انا عايزك تفهم. اني كان لازم اتجوز مشيرة. مش لاني بحبها وبس لا. كمان مكنش ينفع اتخلي عنها واسيبها لوحدها. امك ملهاش حد في الدنيا. انا عمري يا رعد ما هاخد مكان فادي عندك ولا حتى عند مشيرة. وعارف انها عمرها ما هتحبني زي ماحبتةفادي. بس انا راضي بأقل حاجة المهم تكون جنبي واحميها. ياريت تفهمني وتفهمها. وتقدر الظروف اللي اتحطينا فيها زمان.
رعد: اتنهد. انا مقدرش الومها انها اتجوزتك. بس اكيد الموضوع. هياخد وقت لحد لما اتعود. انا عمري ما شوفت امي مع راجل غير ابويا. علشان كدة مش سهل فجأة القيها متجوزة. يونس. عارف وحقك. خد وقتك براحتك. المهم مش عايز مشيرة تزعل ولا تلوم نفسها. انا اكتر حاجة توجعني اشوفها زعلانة. رعد: ان شاء الله. سيب كل حاجة للأيام. المهم ريما عاملة ايه. انا عايز اشوفها.
يونس: انا هكلمها حالا واقولها واخليها تيجي في اقرب وقت. علشان تشوفك انت ومراتك. مشيرة: خرجت. يالا يا رعد يا حبيبي يالا يا يونس. الغدا جاهز. ومشيرة صممت تقعد رعد علي رأس السفرة. وهي علي يمينه وجنبها يونس. وهمس علي شماله. وقعدوا كلهم يتغدوا. رعد: ابتسم. تسلم ايدك يا امي وباس ايديها. مشيرة: طبطبت عليه. انا لو عليا اعملك كل الاكل وكل الحلويات اللي في الدنيا. ده النهاردة عيد بالنسبة ليا.
همس: تسلم ايدك يا ماما مشيرة. الاكل يجنن. وشكل رعد هيتعود علي اكلك واكلي مش هيعجبوا بعد كدة مشيرة: هههههههه. لا طبعا انتي حبيبته. رعد: باس ايد همس. حبيبتي انتي اكلك ما يتقاومش. زيك تمام. همس: ابتسمت. ربنا يخليك ليا يا حبيبي. مشيرة: بعد الغدا. تطلعوا ترتاحوا فوق. رعد: لا يا ماما. احنا هنرجع الفندق. وكل يوم هجيلك لحد لما نشوف هترجعي معايا امتي يونس: يا ابني ما يصحش. البيت كبير. وتروح فندق.
رعد: معلش انا هبقي مرتاح اكتر هناك. المهم بكرة عايز اجي الاقي ريما عايز اشوفها. مشيرة: ان شاء الله هخليها تيجي في اقرب طيارة. رعد: تحبي ابعت حد يجيبها. مشيرة: لا ملوش لزوم. هي متعودة. وبعد ماخلص الغدا. قعدوا كلهم يتكلموا في كل حاجة ورعد ما كنش عايز يسيب مشيرة. ولا هي كمان وودعتوا بحضن طويل مكنتش عايزة تسيبه. ورجع رعد وهمس الفندق. في جناح رعد وهمس.
همس خرجت من الحمام. وبتنشف شعرها. ورعد قاعد علي السرير وساند ظهره. رعد: ابتسم. مش عارف بصراحة كل لما تخدي حمام بتحلوي. ايه ده. هو في كدة. همس: قربت منه وقعدت جنبه. ههههههههه. حبيبي مزاجوا رايق بعد ما شاف الحب الاول. رعد: ابتسم. وشدها لحضنه ونيمها جنبه. واتنهد. حبيبك مزاجوا بيروق. لما تكون همستي معايا وفي حضني همس: بس ماما مشيرة. هي الاساس.
رعد: انا منكرش انها وحشتني بمجرد مامشيت وغابت عن عيني. لكن انتي حاجة تانية. انتي روحي وحبيبتي. انا من بعد امي تعبت كتير بس قدرت اعيش. لكن انتي في بعدك. مكنتش قادر اعيش. حياتي وقفت. مكنتش حاسس لاي حاجة بطعم. وضمها بحنان اكتر. انتي الهوا يا همس. انتي حياتي.
همس: ضمته هي كمان وابتسمت بسعادة. انا كل يوم بقول رعد بيحبني حب مفيش زيه بس تاني يوم بلاقي نفسي غلطانة. علشان بلاقيك بتحبني اكتر من اليوم اللي قبله. ااااااه يا رعد. تعرف. انا نفسي اموت وانا في حضنك. رعد: حط ايده علي شفيفها. ليه بتقولي كدة. موت ايه ده اللي يخدك مني. انا اموت عليكي يا همس همس: بتردد. رعد انا حاسة اني مش هقوم من الولادة دي. حاسة اني هموت وانا بولد.
رعد: بعصبية. بس بس اوعي تقولي كدة تاني. انا ممكن اضحي باللي في بطنك لكن انتي لا اوعي يا همس اوعي. همس: مسكت ايده. وبدموع. هتفضل فاكرني ولا هتنساني وتحب من بعدي زي عدي ما نسي حلا وحب هنا. رعد: حضنها بقوة وغضب. بس بقي. ايه اللي بتقوليه ده احب مين انا عمري ما حبيت قبلك هحب بعدك ازاي. همس وحياتي متجبيش سيرة الموت دي تاني ابوس ايدك. انا مش متحمل همس: خلاص. هسكت خدني في حضنك عايزة انام.
رعد: حاضر يا روحي. وضمها بهدوء. وملس علي شعرها بحنان. وقلق. هو كمان حاسس انه قلقان عليها وخايف عليها من الولادة. ودعي ربنا في سره. يحفظها وميحرموش منها ابدا. وناموا كالعادة في حضن بعض وعدي يومين ورعد وهمس بيروحوا. لمشيرة ويقعدوا معاها. لحد لما يونس يقدر ينقل شغله في مصر. وفي يوم كانوا عند مشيرة كالعادة. وكانت ريما جاية في اليوم ده.
قصاد المطار. واقفة بنوتة جميلة ملامحها بريئة جدا بشعر مائل للاصفر. وعيون عسلي وبشرة بيضاء. ولابسة جينز وتيشيرت ورافعه شعرها كحكة عشوائية. بس كانت جذابة وجميلة. وقفت تاكسي. وركبت. وهي ماشية بالتاكسي. لاحظت انه مشي من مكان غير اللي هي قالتله عليه. البنت: هاي. انت لماذا اتجهت إلى هنا السائق: بمكر. هذا طريق مختصر. البنت: لكن انت لما لم تسألني.
السائق: مردش عليها واتجه لشارع ضيق إلى حد ما ونزل واتجه ليها في الخلف. وحاول يعتدي عليها. البنت: صرخت وحاولت تبعده وتضربه. مروان: كان معدي بالعربية من امام الشارع ده. ولفت نظره العربية الواقفة وشاف حركة غريبة. لكن اللي قلقه الصريخ اللي سمعه البنت بتستنجد بأي حد. مروان مترددش ونزل وراح يشوف في ايه لقي الوضع بالشكل ده. فتح الباب وشد السائق ونزل في ضرب لحد لما قطع النفس. واتجه للبنت بقلق.
مروان: هل انتي بخير. البنت: بغضب. نعم بخير لولاك كنت قتلت هذا الحقير. مروان: رفع حاجبه وضحك بسخرية. هههه. حسنا تعالي البنت: نزلت معاه من العربية. ومشيت معاه خطوتين. وبعدين افتكرت شنطتيتها. اوه. لقد نسيت حقيبتي في سيارة هذا الحقير. مروان: حسنا انتظري هنا وانا سوف احضرها. ورجع مروان العربية وجاب شنطيتها. مروان: تعالي معي انا سوف اوصلك. اللي المكان الذي تريديه. البنت: لا لا شكرا لك. انا سوف اتصرف.
مروان: لا تخافي مني. انا لست مثل هذا الحقير. البنت: بتتكلم عربي ظنا منها انه الماني. انا مش خايفة منك انا خايفة عليك وانت تجنن كدة مروان: رفع حاجبه وابتسم. انتي بتتكلمي عربي البنت: خبطت راسها بإيدها. مش ممكن انت عربي مروان: هههههه. عربي ومصري كمان. البنت: انا كمان عربية ومصرية. ماما وبابا مصرين. وعايشين هنا. مروان: عايشة هنا من امتي البنت: انا مولودة هنا اصلا مروان: بس بتتكلمي عربي كويس.
البنت: ده فرمان جمهوري. ماما مبتخليش اي حد يتكلم الماني في البيت. كلنا نتكلم عربي. مروان: دي حاجة كويسة جدا. عموما انا مروان ريما: ريما مروان: كدة بقي لازم اوصلك. ولا هتخافي من ابن بلدك ريما: بخجل. لا طبعا مش خايفة منك. واضح انك انسان راقي. بخلاف طبعا الضرب اللي ضربته للحيوان ده. اللي يشوفك يقول عليك ظابط شرطة. مروان: هههههههه. لا بجد انتي مكشوف عنك الحجاب ريما: عقدت حاجبها. يعني ايه.
مروان: اصل انا فعلا كنت ظابط شرطة. ريما: معقول وليه كنت مروان: ابدا حصلت مشكلة كدة وخرجت من الداخلية. ريما: انا اسفة مكنتش اقصد. مروان: ولا يهمك. تعالي معايا يلا اوصلك. بس قوليلي العنوان ريما: . عارفه مروان: اه طبعا انا اصلا رايح نفس الحي ده. ريما: بفرحة بجد. دي فرصة جميلة جدا علشان اعرفك علي بابا وماما. مروان: ابتسم. ده شرف ليا يلا اركبي.
وركبت ريما مع مروان. وفضلوا. طول الطريق يتكلمه ويضحكه. واول لما وصله عند بيت مشيرة. ريما: هو ده بيتنا. مروان: بصدمه. انتي ساكنة هنا ريما: ايوة مروان: انتي اسمك ريما ايه ريما: ريما يونس مختار مروان: انتي اخت رعد الحديدي ريما: بإستغراب. انت تعرف رعد اخويا ده انا اول مرة اشوفه النهاردة مروان: انا بشتغل مع رعد بيه اصلا ريما: مش ممكن. بتشتغل معاه ايه. مروان: تقدري تقولي مدير اعماله.
ريما: بفرحة. دي صدفة جميلة جدا. تعالي يالا ندخل ودخل مروان مع ريما. ريما اول لما دخلت وشافت رعد. جريت عليه وحضنته ريما: ابيه. اخيرا انا بجد كان نفسي اشوفك انا حبيتك من كلام ماما عنك رعد: حضنها حضن اخ واب. بحنين. حبيبتي يا ريما انا من وقت ما عرفت ان ليا اخت وانا هتجنن واشوفك. وخرجها من حضنه بهدوء. بس ايه الجمال ده. انتي نسخة من ماما وهي صغيرة. ريما: بثقة طبعا. انا مجننه المانيا كلها.
رعد: هههههه. اوعي يكون بجد اذبحك انا بغير ريما: انا بقول اسلم علي مراتك احسن. وراحت لهمس وسلمت عليها. واااو ايه الجمال ده. انتي حلوة اوي. همس: مين بس اللي يقول كدة. انتي اللي جميلة وزي القمر كمان رعد: هو انتي ومروان اتقابلتوا علي الباب. مروان: كان محرج. ومش عايز يقول اللي حصل ريما: مش متعودة تخبي حاجة. لا احنا اصلا جاين مع بعض. اصل اللي حصل.. رعد: اتعصب وغضب. مروان مين ابن ال، اللي عمل كدة عرفته.
مروان: متقلقش سيادتك. انا اخدت رقم العربية وهجيبه. مشيرة: خلاص يا رعد حصل خير. الحمد لله ان مروان لحقها. رعد: بغيظ. ابدا انا لازم اخليه يندم انه لمسها. مروان تعالي عايزك. راح مروان مع رعد وعنيه كانت علي ريما اللي قلبه دق لاول مرة في حياته لما شافها. وريما كمان. كانت متبعاه بعنيها لحد لما غاب عنها وهي مسهمة وهيمانة. همس: اخدت بالها. قربت منها. مش عارفة سامعة كدة صوت دقات قلب مش طبيعية ولا انا غلطانة.
ريما: هههههههه. شكلك مش سهلة يا همس. همس: طيب تعالي احكيلي. ريما: قعدت جنب همس. بخجل مفيش حاجة كل الحكاية اني حاسة اني اول مرة اتشد وانجذب. لحد. مروان ليه كريزما كدة مختلفة همس: بس خالي بالك. رعد لو لمح الكلام ده. هيقتله ريما: بصدمه. ليه وفيها ايه همس: رعد غايور جدا. فوق ما تتخيلي. علشان كدة لازم تخلي بالك من نظراتك وكلامك مع مروان. مشيرة: قربت منهم. بناتي الحلوين بيتكلمه في ايه.
همس: هههههه. تعالي يا ست الكل اقعدي. وقضي رعد وهمس اسبوع مع عيلته الجديدة. وقربوا من بعض جدا. وكمان مروان وريما. كان بينهم نظرات وهمسات. وكلام بيخطفوه من غير ما رعد ياخد باله. كانوا معجبين ببعض جدا. وفي يوم مشيرة قررت تاخد همس وريما للمول يتفسحوا ويغيروا جو. رعد: بس يا ماما انا خايف علي همس مشيرة: خايف عليها وهي معايا رعد: لا بس همس حامل والشهر الثامن ده متعب اوي. ممكن تتعب منك.
ريما: مش تخاف يا ابيه. انا وماما مش هنسيبها لوحدها ابدا. رعد: خلاص هبعت معاكم مروان ريما: بفرحة معرفتش تداريها. سقفت بإيديها. بجد هايل جدا رعد: اخد باله. وفهم لهفتها علي مروان. لا للاسف افتكرت مشوار مهم لازم اروحه مع مروان. ريما: بحزن وخيبة امل. يا خسارة همس: زغدت ريما. لا عادي يا حبيبي احنا مش هنتخطف يعني رعد: تمام خلي بالكم من نفسكم. همس تعالي يا روحي عايزك. همس: قربت من. نعم يا حبيبي.
رعد: ادالها الفيزا بتاعته. خدي يا حبيبتي اشتري اللي يعجبك. اي حاجة عايزاها جبيها همس: بس انا مش محتاجة حاجة رعد: لا اكيد لما تلفي معاهم هتلاقي مليون حاجة عايزة تشتريها. همس: حضنته. شكرا يا حبيبي رعد: ضمها بحب وخوف. خالي بالك من نفسك يا روحي اتفقنا مشيرة: كفاية متخفش عليها هي معايا يالا يا همس. وخرجت همس وريما ومشيرة.
ووصله المول. واتفرجوا ولفوا كتير. وهما في بيتفرجوا علي فاساتين وحاجات في قسم الحوامل. همس عجبها فستان قصير ومفتوح وشكله شيك ومغري جدا. قررت تقيسه وتشتريه وتلبسه في البيت لرعد. ودخلت تقيسه وريما ومشيرة مستنينها برا. ريما: مامي تعالي لحد لما همس تخرج نروح نشوف حاجات البيبي دي فيه حاجات حلوة اوي مشيرة: تعالي. انا عايزة اشتريله المكان كله اصلا.
وراحوا يشوفه الحاجات دي. ولما رجعوا. ملقوش همس في المكان كله. دوروا عليها في كل حته مش موجودة. مشيرة: اتصلت برعد رعد: ، ايوة يا امي عاملين ايه وهمس عاملة ايه مشيرة: بإنهيار ودموع. الحقني يا رعد همس اختفت رعد: اختفت ازاي.
رواية رحم للإيجار الجزء الأول للكاتبة ريحانة الجنة الفصل الخامس والأربعون
مشيرة: بدموع. انا السبب انا السبب ياريتني ما اخدتها يارتني ما سيبتها لوحدها. يونس: اهدي يا مشيرة صحتك. ريما: بدموع. انا خايفة علي همس جدا يا بابي مروان: حزين علي الوضع. لكن اللي وجعوا اكتر انه شايف دموع ريما ومش قادر يضمها لحضنه ويطمنها. رعد: رايح جاي بجنون. يعني ايه همس راحت مني. همس هتسيبني تاني. لا مستحيل. مستحيل مروان: ارجوك اهدي يا رعد بيه. احنا مش ساكتين والناس بتوعنا هنا متابعين معانا.
وفجأة تليفون رعد رن.. رعد: توفيق. كنت متأكد انك وراها. بس صدقني المرة دي مش هيكفيني اني اشلك. المرة دي هوصلك لقبرك بإيدي. انطق همس فين توفيق: بشماته وغل وجبروت. ههههههه. مراتك في الحفظ والصون. انا خلاص مش عايزها عملت اللي انا عايزه. اكتب العنوان ده وروح خد مراتك. رعد: انطق يا توفيق عملت فيها ايه توفيق: لما تروحلها هتعرف. رعد: فين العنوان توفيق: رعد: تعالي معايا يا مروان. مروان: اتفضل.
مشيرة: مسكت رعد من دراعه. بخوف. انت صدقت الشيطان ده افرض عمل فيك حاجة رعد: بحزن ووجع. مفيش حاجة اصعب من بعد همس. ادعيلها يا امي مشيرة: بحسرة. ربنا علي المفتري و ينتقم منه. ان شاء الله هتتطمن عليها. وصل رعد للعنوان اللي اخده من توفيق. وكان زي بيت مهجور. دخل هو ومروان. ولقي همس متكتفة وغايبة عن الوعي. رعد كان بيموت وهو شايفها كدة. جري عليها وفك الحبل. وبخوف وقلق حضنها وضمها.
بس في الوقت ده تليفونه رن. توفيق رعد: بغضب وصوت جاهور. عملت فيها ايه يا توفيق الكلب توفيق: بسخرية. ولا حاجة متقلقش هي حقنة صغيرة بس. مش اكتر رعد: بشك. حفنه ايه.
توفيق: حقنة سم. حقنت همس بمادة سامة بتمشي في الجسم ببطئ. لحد ما تموتها. انا كان ممكن اقتلها برصاصة واحدة. لكن انا حبيت اوجع قلبك و اقهرك. وانت بتشوفها هي و ابنك بيموته قصاد عنيك و انت مش عارف تعمل حاجة. و اوعدك اول لما تموت و اشفي غليلي منك. هقتلك يا رعد وارجع كل اللي اخدته مني. وقفل. رعد. تليفونه وقع منه وهو مصدوم وبيتألم بوجع ضمها اكتر.
رعد: همس. همس. وجز علي سنانه. اااااايا همس. والله ما هرحمك يا توفيق. و شال رعد همس و جري بيها بسرعة علي المستشفي. في المستشفي. مشيرة: اهدي يا ابني اهدي. ان شاء الله ربنا هينجيها. رعد: كان بيحاول يلجم دموعه. لانها لو هربت منه مش هيقدر يوقفها. وخرج الدكتور نائل. رعد: بلهفة. همس عاملة ايه نائل: بأسف. لأسف مدام همس اتحقنت بمادة سامة واحنا لسة بنحلل المادة علشان نقدر نلاقي المادة المضادة ليها. بس ااا.
رعد: بس ايه نائل: انا اسف الجنين متحملش السم ومات. رعد: خبط الحيطة بإيده اكتر من مرة. بغضب والم. وهو بيتوعد توفيق التاني يا توفيق التاني اسمع يا دكتور نائل. اعمل اي حاجة ورجعلي همس انا مقدرش اعيش من غيرها. نائل: تأكد اننا هنعمل كل اللي نقدر عليه. عن اذنكم. في الوقت ده. رعد تليفونه رن، عدي رعد: بحزن ايوة يا عدي عدي: ايوة يا خلبوص يساهلوا. من قدك مقضيها انت مع امك و اختك و همس.
رعد: بحسرة و وجع. اااااااه يا عدي همس عدي: بقلق مالك يا رعد في ايه رعد: همس بتموت يا عدي بتموت. وانا السبب عدي: بفزع. مالها همس قول بسرعة رعد: توفيق خطفها وحقنها بمادة سامه وهي بين الحيا والموت. وابني التاني مات يا عدي مات. عدي: بحزن. انا جايلك علي اقرب طيارة. قفل رعد مع عدي وجه مروان رعد: اندفع عليه بغل. هاه عرفت مكانهم مروان: ايوة عرفت الفندق اللي نازلين فيه. رعد: تعالي معايا بسرعة.
ريما: جريت علي رعد. انت رايح فين يا ابيه خاليك مع همس هي محتجالك رعد: حضن وشها بإيده. معلش المشوار ده علشانها علشان اجيب حقها من اللي عمل فيها كدة. ومسح دموعها. وحضنها. خليكي جنبها لحد ما ارجع مروان: كان جواه غيرة وغضب. عايز يشدها من حضن رعد. ويقوله الحضن ده ليا انا وبس. دي بتاعتي بس لا المكان ولا الزمان يسمح بده. ودفن مشاعره وغيرته جواه ومشي مع رعد.
وصل رعد الفندق اللي نازل فيه توفيق ومها. وسألوا عليهم قالولهم انهم لسة ما شين حالا. خرجوا بسرعة واول لما خرجوا. لمحه مها بتركب توفيق وبتلف علشان تسوق. ولما شافتهم ركبت بسرعة وساقت بأقصي سرعة.
رعد: ركب بسرعة وساق هو كمان بسرعة الريح. وفضل يكسر عليها علشان يجبرها تقف. وبعد محاولات كتير وصدمات كتير مها كانت عايزة تتفادي خبطة رعد. بس خبطت في مقطورة كبيرة محملة بنزين. والعربية لفت واتقلبت وولعت في نفس اللحظة رعد: نزل من عربيته. وشافهم وهما بيتحرقه. رعد: اكيد الموته اللي كنت مجهزهالكم كانتم تستحقوها. بس انتقام ربنا اشد. ربنا حرقكم زي ما حرقتم قلوب ناس كتير.
وركب عربيته هو ومروان ورجع المستشفي لهمس. رعد دخل لهمس اوضتها. وراح وقعد جنبها. وهنا مقدرش يمنع دموعه اكتر من كدة. نزلت دموعه وهو بيتوجع.
رعد: وحياتي يا روحي ما تسبيني. خاليكي معايا. انا مقدرش اعيش من غيرك. الا انتي يا همس الا انتي. يارتني يا قلبي كنت اقدر اخد انا السم ده بدالك. والله ما كنت هتردد. انا بموت يا همس بموت وانا شايفك كدة ومش قادر اعملك حاجة. وباس ايديها بقوة. اااااااه اااااه. قلبي بيوجعني يا همس. والله حاسس بيه بيتقطع. واتوجع اكتر واتحسر وهو شايف ملامحها الشاحبه و شفيفها اللي بعد ما كانت حمرا لون الكريز. بقت زرقاء من السم اللي بيمشي في جسمها بالبطئ. قرب من شفايفها. و باسها بوسة طويلة. بس المرة دي ماكنتش شهوة ولا رغبة. لا كانت خوف وحب وقلق. اكنه امير في روايه خيالية و لما هيبوس اميرته قبله الحياه. هترجع للحياه تاني و تعيش.
رعد كان جواه اااااهات ووجع والم مايتوصفش. كان كل ذرة فيه ملهوفة عليها وبتتوجع علشانها. وفي نفس الوقت. عاجز وهو مش قادر يعملها حاجة. في كافيه المستشفي. ريما: بتبكي ومنهارة مروان: زعلان علشانها وكمان علشان همس ورعد. كفاية يا ريما كفاية انتي بالاخص. ما بتحملش اشوف دموعك. ريما: بدموع. اعمل ايه يعني وقت ما ابيه رعد يرجعلنا ونكون عيلة يحصل كدة كمان انا حبيت همس جدا. ومش متخيلة ان ممكن يحصلها.
وفضلت تعيط بحرقة مروان: ماكنش متحمل اكتر من كدة. شدها لحضنه وطبطب عليها. كفاية يا ريما كفاية يا حبيبتي ريما: مسكت قميصة بقوة وبكت اكتر. بس فاقت علي كلمة حبيبتي. خرجت من حضنه وبصت في عنيه؟ حبيبتك. مروان: حضن وشها بإيده ومسح دموعها. وبنظرة حب. ايوة حبيبتي انا بحبك انتي من اول ما عيني وقعت عليكي وانا حبيتك يا ريما بحبك بجد بحبك.
ريما: رمت نفسها في حضنه. وانا كمان بحبك اوي يا مروان. بس كنت خايفة تكون مش بتحبني مروان: ابتسم. بجد يا ريما ريما: هزت راسها. بجد يا حبيبي مروان: ان شاء الله مدام همس تقوم بالسلامة وانا هطلبك من باباكي ورعد ريما: يارب يا مروان تقوم يارب مروان: ابتسم. ان شاء الله يا حبيبتي هتقوم. في مطار القاهرة. عدي وهنا قاعدين مستنين الطيارة. ومن بعيد كان داخل سليم وشافهم وقرب منهم.
سليم: مبتسم. ازيك يا عدي ازيك يا مدام هنا. انتوا رايحين فين عدي: بحزن الحمد لله كويسين يا سليم. احنا رايحين المانيا. سليم: ايه ده بجد. انا كمان عندي مؤتمر طبي هناك. وبتردد. هي همس عاملة ايه هنا: حضنت عدي وانهارت من العياط. لما جاب سيرة همس سليم: قلق. مالك يا مدام هنا. خير هي تعبانة يا عدي عدي: بحزن شديد. همس بتموت يا سليم سليم: بغضب. انت بتقول ايه. مالها همس اتكلم يا عدي عدي: اتنهد. هقولك..
سليم: تليفونه وباسبوره وقع من ايده. بصدمة. انت بتقول ايه همس. ليه ليه انا كنت حاسس انها مش هترتاح معاه. دي عايشة مع مافيا. هي ذنبها ايه في كل الارف ده. ما ينتقم من حفيده. لكن هي ذنبها ايه. هي علشان ملهاش اهل تتبهدل وتتداس بالرجلين كدة. حرررااام والله حررام. واتماسك شوية ولف لعدي اسمع انا جاي معاك. انا لازم اكون جنبها. عدي: ياسلم. هو انت شايف الوضع متحمل. رعد مش هيسمحلك.
سليم: بعصبية. يسمح ولا لا انا مش هيهمني. انا اللي هعالج همس بنفسي. ووصل عدي وهنا وسليم المستشفي عدي: حضن رعد. ان شاء الله هتبقي كويسة ماتقلقش. سليم: دخل لهمس من غير ما يكلم حد وقعد جنبها ومسك ايديها رعد: غضب واتعصب وعنيه سودها بقي حالك لون الليل. والدم غلي في دماغه. وقرب من باب الاوضة. عدي: مسك ايده. اهدي يارعد اهدي رعد: هو في ايه انا مش فاهم حاجة. عدي: هفهمك بعدين بس ارجوك سيبه يمكن يقدر يعملها حاجة.
سليم: قاعد جنب همس وماسك ايديها وبيبكي. حبيبتي والله غصب عني اني اسيبك ليه. انا كنت مضحي بحبي و وجعي. علشان لقيتك مبسوطة. كنت بموت وانا عارف انك معاه وفي حضنه. لكن عزائي الوحيد. اني شوفتك سعيدة ومرتاحة. لكن كدة لا ماتحملش اشوفك كدة مقدرش اسيبك تروحي مني. وباس ايديها. ومسح دموعه. وقام بسرعة وراح للدكتور اللي متابع همس. وشاف كل التحاليل والاشعة. وكل حاجة اتعملت لهمس من وقت دخولها المستشفي. وبعد يوم طويل راح لرعد وعدي.
رعد: اصلا مش طايقه ونفسه يخنقه بإيده. بس كان متحمل علشان همس. كان عنده امل يقدر يساعدها. عدي: خير يا سليم. ايه الاخبار سليم: اتنهد المادة اللي همس اتحقنت بيها. نادرة جدا. وملهاش علاج معرف. بس في حل واحد رعد: بلهفة. حل ايه انطق.
سليم: في بروفيسير كيميائي هو انجليزي. اتعرفت عليه لما كنت بدرس في لندن. ده بقي راجل داهية. هو معظم شغله مع عصابات المافيا. بيعملهم مواد سامة والترياق بتاعها. هو الوحيد اللي يقدر يساعد همس. بعد ربنا. رعد: ونستني ايه. كلمه بسرعة سليم: انا فعلا كلمته. وهو هيجي علي طيارة بكرة. هو مشكلته بس انه انتهازي وطماع رعد: مش مهم ياخد اللي ياخده. اي رقم المهم همس تعيش عدي: طيب هي حالتها ايه يا سليم دلوقتي.
سليم: انا اتفقت معاهم هنا. علي اجراء بنعمله لحد بكرة. بنسحب منها دم وننقلها دم جديد علشان نقلل نسبة السم في الدم. وميلحقش يوصل للقلب. وربنا معاها ومعانا. رعد: سند راسه علي الحيطة. يارب يارب. انا السبب في جري ليها. انا اللي دخلتها بيني وبين توفيق ومها. عدي: اهدي يا رعد ارجوك. ادعيلها وربنا هيرجعها بالسلامة.
وجه تاني يوم. وفعلا وصل البروفسير هاري. وفحص همس واتعرف علي المادة السامة وابتدي يعمل التركيبة المضادة ليها. وحقن بيها همس. وفضلت تحت المتابعة علشان يشوفوا جسمها هيستجيب ولا لا. هاري: انا حاليا قمت بعملي. اما النتيجة ليس لي دخل بيها واريد نقودي الان. وكاش كما اتفقنا رعد: هز راسه. مروان الشنطة مروان: تفضل. 5 ملاين دولار هاري: ابتسم. شكرا لك سيد رعد اراكم قريبا.
رعد: قعد ومسك راسه بإيده. يارب رجعهالي بقي انا مش هتحمل بعدها. ده انا كدة وهموت. اومال لو راحت مني هيحصل ايه. سليم: بلوم. لما انت بتحبها دخلتها حياتك وانت عارف اللي بينك وبين جدك ليه. عملتها لعبة في ايدك ليه. اتهمتها بالخيانة ليه. ضربتها وقتلت ابنها ليه. وبسببك اتبهدلت وفقدت ابنها التاني. واديها بين الحيا والموت. كل اللي بيحصل لهمس بسببك. انت اناني.
رعد: خلاص جاب اخره. ومش متحمل الحب اللي ظاهر في عنين سليم لهمس اكتر من كدة. واندفع ناحيته ومسكه من هدومه. انا عايز اعرف انت مالك ومال همس. محسيني انها مراتك انت انت عايز ايه. عدي: وقف بينهم وحاول يخلص سليم من رعد. استني بس يارعد انا هفهمك. وخلصهم من بعض فعلا. امشي يا سليم دلوقتي سليم: بغيظ. انا ماشي بس لازم تعرف ان لو همس جري ليها حاجة مش هسامحك وهنتقم منك.
رعد: جز علي سنانه. اتكلم يا عدي الواد ماله بهمس عدي: اتنهد ومسح وشه بإيده. هقولك.. رعد: غضب اكتر. يعني بيحبها وكمان اعترفلها بحبه يا سلام وانت قرطاس مش كده عدي: يارعد ما انا فهمتك اللي حصل ورفض همس ليه. ارجوك افهم رعد: ماشي حسابنا بعدين. انا داخل لهمس. ودخل رعد لهمس وقعد قصادها ومسك ايديها. حبيبتي فوقي بقي. مش انا لوحدي اللي هتعذب. كل اللي شافك حبك وزعلان علشانك. قومي بقي يا روحي قومي.
همس: ابتدت تأن وتفتح عنيها. والكلمة الوحيدة اللي نطقتها. رعد، رعد رعد: قرب منها اكتر بلهفة وخوف. حبيبت رعد انا اهو انا جنبك يا روحي. فوقي وحياتي متروحيش تاني. همس: لما سمعت صوته قاومت النوم والخمول اللي غالب عليها. وفتحت عنيها. وبصت عليه وابتسمت. حبيبي رعد: بدموع. روح قلبي. حمد لله علي سلامتك يا عيون حبيبك. اخيرا فوقتي.
همس: بدموع. جدك خطفني وقالي هموتني انا وابني. وحطت ايديها علي بطنها لقتها صغرت. بقلق. هو انا ولدت. رعد: بص في الارض ونزلت منه دمعة همس: عيطت اكتر. مات مش كدة انا كنت حاسة. هو ليه بيعمل فينا كدة ليه. بس مش هقول غير حسبي الله ونعم الوكيل رعد: اسف يا حبيبتي انا السبب في اللي حصل. بس احب اطمنك. ربنا اخدلك حقك وحقي وحق ولادنا. وحق كل اللي ظلمهم توفيق. توفيق مات هو ومها. همس: بفزع. انت اللي قتلتهم.
رعد: انا كنت ناوي اقتلهم. بس قضي ربنا سبق. ماتوا محروقين. همس: بس انا زعلانة علي ولادنا اللي راحوا. وهما ملهومش ذنب في كل ده رعد: ابتسم وقرب منها. لا يا روحي متزعليش. انا لما نرجع مصر هملالك البيت ولاد. وغمزها بس انتي لاحقي همس: ضحكت بوهن. ههههه انت مش ناوي تجيبها لبر رعد: وحششتيني ووحشتني ضحكتك اللي بتنور دنيتي كلها. وباس ايديها. الف حمد لله علي سلامتك يا روحي. همس: الله يسلمك يا حبيبي.
سليم: دخل ومصدقش نفسه لما لقاها فاقت. قرب منها بلهفة. همس الحمد لله انك فوقتي طمنيني حاسة بإيه همس: بإستغراب. دكتور سليم انت ايه اللي جابك هنا رعد: جز علي سنانه. ما هو اللي ساعدنا في انك تتخلصي من السم اللي اتحقنتي بيه. همس: ازاي. ومين اللي قاله رعد: عدي اصله قابله و.. همس: ابتسمت. متشكرة ليك جدا يا دكتور سليم. انت بجد انسان عظيم ربنا ينولك اللي بالك وتبقي اكبر دكتور في العالم.
سليم: بص لرعد. اللي في بالي. ناله غيري. بس متشكر علي الدعوة الحلوة دي. انا اصلا بتفائل بدعواتك. اهم حاجة انك رجعتلنا علشان تنوري دنيتنا من تاني. رعد: اتعصب وجز علي سنانه. اظن انت خدماتك خلصت لحد كدة شكرا همس: بصت لرعد. رعد رعد: بصلها بغضب. ممكن تسكتي سليم: انا اصلا كنت ماشي. انا خلاص اتطمنت علي همس ومش عايز حاجة تاني. وخرج همس: بلوم. ليه كدة يا رعد الراجل ما غلطش.
رعد: انتي تسكتي علشان لولا اللي انتي فيه. كنت موتك انا. مش البيه بيحبك وكان عايزك تطلقي مني ويتجوزك. همس: بلعت ريقها بصعوبة. وانت عرفت منين. رعد: عرفت وخلاص. اسكتي بقي علشان انا اصلا مش طايقه. همس: ابتسمت. هو انت مش هتبطل غيرتك دي رعد: قرب منها وباسها. لما انتي تبطلي تحلوي ابقي انا ابطل غيرة. همس: بحبك رعد: و انا بعشقك.
وقضت همس فترة علاجها و رجعت كويسة وبقت احسن من الاول. ومروان طلب ايد ريما من رعد ورعد وافق. ونزلوا كلهم علي مصر واتعملت خطوبة ريما ومروان. وفي يوم الخطوبة. كان قاعد مروان وريما وكانوا عرسان زي القمر. والكل كان مشغول. وفجأة عليت أغنية حكاية وهمس لقت اللي بيشدها من ايديها لمكان هادي بعيد عن الزحمة في نفس القاعة. وكان رعد. واخدها في حضنه يرقص معاها. وكانت (لكاظم الساهر. زيديني عشقا).
(زيديني عشقا زيديني يا احلي نوبات جنوني زيديني. زيديني غرقا يا سيدتي. ان البحر ينادي. زيديني موتا علي الموت اذا يقتلني يحييني. زيديني عشقا زيديني. يا احلي نوبات جنوني زيديني. ويا احلي امرأة بين نساء الكون، احبييني. ويااا من احببتك حتى احترق الحب، احبييني. ان كنتي تريدين السكن. اسكنتك في ضوء عيوني. وحبك خاريطاتي، حبك خاريطاتي ما عادت خارطة العالم تعنيني. انا اقدم عاصمة للحزن. انا جرحي نقش فرعوني. وجعي يمتد.
كسرب حمام. من بغداد إلى الصين زيديني عشقا زيديني يا احلي نوبات جنوني زيديني. عصفورة قلبي. نيساني. يارمل البحر و روح الروح. وياااا غابات الزيتون. يا طعم الثلج، وطعم النار. ونكهة شكي ويقيني. اشعر بالخوف. اشعر بالخوف من المجهول. فآويني. اشعر بالخوف. اشعر بالخوف من الظلماء. فضمييني اشعر بالبرد. اشعر بالبرد، فغطيني، غطيني وظلي قربي، وغنيلي فأنا من بدأ التكوين. ابحث عن وطن لجيبيني.
عن حب امرأة يأخذني بعيدا لحدود الشمس. ويرميني. نوارة عمري. مروحتي. قنديلي فوح بساتيني. مدي لي جسرا. من رائحة الليمون وضعيني مشطا عاجيا. في عتمة شعرك وانسيني. من اجلك اعتقت نسائي. وتركت التاريخ ورائي. وشطبت شهادة ميلادي. وقطعت جميع شرايني. زيدي. زيدي. زيديني عشقا زيديني يا احلي نوبات جنوني) رعد: بعشق. زيديني. زيديني همس: انا عنيا سكن عنيك. وقلبي سكن لقلبك. وحضني سكن لحضنك. خليك في حضني.
رعد: ضمها اكتر. بحبك يا همس بعشقك. وبعد نهاية الفرح. رعد وعدي واخدوا جناحين كالعادة لعشيقتهم وقضوا ليلة من ليلي الف ليلة وليلة.
رواية رحم للإيجار الجزء الأول للكاتبة ريحانة الجنة الفصل السادس والأربعون والأخير
وبعد مرور تسع شهور في قصر رعد رعد صحي من النوم بالليل. مفزوع علي صريخ همس. همس: رررررعد. اااااااااااااه. همووووووت الحقني رعد: قام مفزوع. مالك يا روحي في ايه همس: هيكون ايه بولد. منك لله من يوم ما اتجوزتك وانا حامل. ااااااه في واحدة تفضل حامل سنتين. اااااه رعد: بعصبية. وهو انا جبتهم لوحدي ما انتي السبب همس: الحقني وبطل عصبية هو انا في ايه ولا ايه رعد: اسف يا قلبي. تعالي يلا نروح المستشفي.
في مستشفي دكتورة ليليان رعد دخل بهمس واخدوها علي العمليات. وهما ماشين بيها همس: ماسكة ايد رعد وبتعيط. خاليك جنبي وحياتي انا خايفة رعد: بقلق. والله ما تخافي يا روحي ان شاء الله هتقومي بالسلامة. اقرأي قران وانتي تطمني. همس: لو موت خالي بالك من ولادي. واوعي تجبلهم مرات اب رعد: هههههه. هو انتي في ايه ولا ايه بطلي غيرة.
واخدوها منه ودخلت العمليات. رعد كان قلقان وخايف عليها ولسة بيلف ضحك لما لقي عدي واقف قصاد اوضة العمليات التانية. وراحله رعد: هههههههه. مش ممكن بتعمل ايه هنا دلوقتي عدي: هكون بعمل ايه يا خويا نفس اللي بتعمله. هنا بتولد رعد: الاتنين دول تقول متفقين. نعرف انهم حامل في نفس اليوم. ونعرف انهم حوامل في توائم في نفس اليوم. واديهم بيولدوا في نفس اليوم عدي: بخبث. ان جيت لاحق اللي شكلهم متفقين هو احنا مش هما.
رعد: ههههههه. انت مش هتتغير هتفضل سافل. عدي: ههههههه. ما انت شايف اخرة السفالة اهو عنب. وبعد مرور. ساعة في اوضة همس ريما: شايلة بنوتة جميلة شبه همس تمام. الله يا همس جميلة اوي بجد بس صغيرة خالص همس: عقبالك يا ريما يا حبيبتي قريب ان شاء الله. ريما: اتكسفت وباصت لمروان. مروان: ابتسم وغمزها. وبصوت هادي قريب اوي.
مشيرة: شايلة ولد وسيم جدا. بس صوته عالي وعصبي زي ابوه تمام. سبحان الله ايه الولد ده. ده رعد الصغير رعد: هههههه. طبعا حمش زي ابوه. علشان يخلي باله من اخته. همس: اهم حاجة يكون وسيم وشخصيته تجنن زيك يا حبيبي رعد: قرب منها. ايه ده هو انا وسيم همس: هههههه. ال يعني مش عارف رعد: تؤتؤ عايزك تعرفيني مشيرة: احم احم. ايه معاكم ناس في الاوضة. قولولي هتسموا الولد ايه همس: ابتسمت وبصت لرعد فادي.
رعد: ابتسم وباس ايديها. حبيبتي ريما: اممم والبنوتة رعد: جوري ريما: تحفة الاسم ده همس: يعني ايه يا حبيبي جوري. رعد: ملس علي خدها وشفايفها. يعني الورد الاحمر الجميل اللي زي خدودك وشفايفك. همس: عضت شفايفها واتكسفت. رعد: وشوشها. فاكرة انا حزرتك من ايه قبل كدة لو عضتيهم تاني. هكلهم ماشي ريما: احمم. راعوا اخوانكم السناجل يا بشر. بليييز بقي عايزة اتجوز.
رعد: بصلها بجدية. بنت اتلمي عيب لسة بدري عليكي ما فيش جواز غير لما تخلصي جامعة مروان: بصلها وابتسم. ورفع كتفه ببرائة. يونس: كان قاعد لوحده. في الاستراحة اللي في الاوضة مش معاهم. كان نفسه يشيل البيبيهات وحاسس انه مش من حقه. رعد: اخد الولد ومشيرة اخدت البنت وخرجوا ليه. رعد: ابتسم. انا ما شوفتش جد يسيب احفاده كدة من غير ما يشيلهم كل ده. ايه ولادي مش عاجبينك يونس: بلهفة وفرحة. بص لمشيرة.
مشيرة: ابتسمت وهزت راسها. شيل احفادك يا جدو يونس: شال من رعد الولد. وعنيه دمعت. تبارك الله ربنا يحفظهم. مشيرة: ادتله البنت علي دراعه التاني. شيل بقي دي كمان يونس: هههههه. اشيل وماله. دول اشيلهم في عنيا. رعد: اعملوا حسابكم. انتوا اللي هتربوهم. انا عايز اجيب اللي وراهم. مشيرة ويونس: ههههههههه. ماشي واحنا موافقين. في اوضة هنا فريد: شايل بنوتة جميلة. سبحان الخالق. قمر يا هنا حبيبة جدها.
سميحة: شايلة ولد جميل جدا. شبه عدي جدا. واضح انك بتحبي عدي اوي. النونو شبه خالص عدي: ابتسم وغمزها. بتحبني بس دي بتموت فيا هنا: هههههههه. طبعا يا روحي بموت فيك. فريد: هاه هتسموا البنت ايه هنا: بصت لعدي وابتسمت. حلا عدي: ابتسم. وقرب منها بحبك هنا: وانا بموت فيك سميحة: والولد. عدي: كريم هنا: الله جميل اسم كريم فريد: ابتسم. حلا، وكريم.
سميحة: عدي انا عايزاك تشوفلي شقة هنا في القاهرة. اه تقولوا عليا حما تقولوا ماري منيب. مش مهم انا مش هسيب احفادي انا اللي هربيهم. عدي: شقة ايه بس انتوا هتقعدوا معانا في الڤيلا فريد: معلش يا ابني خالينا علي راحتنا. كدة هنكون مرتاحين اكتر. عدي: خلاص لو مصممين. ممكن تقعودوا. في شقتي القديمة او شقة هنا. هنا: وهو انت لسة مسلمتهاش لصاحبها. عدي: ههههههه. طيب ما انا صاحبها. انتي كنتي قاعدة في شقتي يا حلوة.
هنا: ابتسمت. انت بجد فظيع. انت اشتريتها علشاني وقتها عدي: كنتي عايزاني اسيبك تسكني بعيد عني. مستحيل وبعد مرور شهر. كانت حفلة المواليد الاربعة معمولة في قصر رعد رعد: طلع لهمس اوضتها وكانت بتلبس. ايه الجمال ده. قمر همس: بجد يا رودي يعني جسمي ما اتخنش بعد الحمل والولادة رعد: تؤتؤ. زي ما انتي اكني بشوفك لاول مرة. يمكن كمان اجمل واحلي همس: اممم وانت بقي سايب الحفلة وجاي هنا ليه.
رعد: قربها ليه وحضنها. عايز اقولك مبروك بس بطريقتي.. في الحفلة عدي: شايل حلا وبلاعبها ومبسوط جدا. هنا: راحت وراه. اه منك انت واخد الموزة بتاعتك وبتعمل ايه عدي: ههههههه. هي بصراحة موزة طالعة لخالتها. هنا: ضربته في كتفه. كدة ماشي زحلانة منك. عدي: هههههههه. لا يا قلبي مقدرش علي زحلك. وبعدين ماهي مامتها شبه خالتها. غلطش انا. هنا: ماشي هعديها علشان اختي حبيبتي. اسيبك انا بقي واروح اشوف كريم.
عدي: بالسلامة يا موزة قلبي. وطلع عدي من جيبه صورة لحلا محتفظ بيها بعيد عن هنا. واتنهد بحزن. الله يرحمك يا حلا. اكيد ربنا ليه حكمة انه يخدك مني علشان اقابل هنا. بس صدقيني عمرك ما روحتي من بالي. وابتسم حتى حلا الصغيرة طالعة شبهك. وياريت كمان تاخد روحك وقلبك. وباس الصورة. وحشتيني يا حلا. وبعد مرور ست سنوات في جنينة قصر رعد رعد وعدي بيشوا لحوم في الجنينة وعاملين حفلة باربيكيو.
جات بنت جميلة جدا بشعر اسود طويل وبيضة وعيون سوداء وبتجري علي رعد. ومسكت رجله جوري: بابي. بابي الحقني كريم بيجري ورايا رعد: نزل علي ركبته قصادها. ومالك خايفة ليه انتي ارجل منه جوري: اصله يا بابي بيقولي هاتي بوسة. وانت قولتلي عيب نبوس الولاد. غير بابا وبس رعد: بيقولك هاتي بوسة يومه ويوم ابوه اسود. عدي: ههههههه. يا عم سيب الواد ينبسط. كريم: جه بيجري. كدة يا جوري تقوليلي غمض عنيك وتجري.
رعد: بعصبية. هقول ايه ما انت ابن عدي. لازم تبقي كدة. اسمع يا حبيبي. اوعي تفكر تقرب من جوري ولا تبوسها فاهم كريم: ليه بقي رعد: علشان عيب مينفعش كريم: طيب ما انت بتبوس طنط همس. وبابا بيبوس ماما هنا رعد: مسح وشه بنرفزة. ما تقول حاجة للواد ده بدل ما اخنقه عدي: بيحاول يكتم ضحكته. ونزل قعد قصاد كريم. بص يا كوكي. مينفعش تبوس جوري. لكن انا وانكل رعد بنبوس ماما وطنط همس علشان احنا متجوزين.
كريم: يعني لازم اتجوزها علشان ابوسها عدي: هههه تمام الله ينور عليك. كريم: خلاص يا انكل رعد اوعدك مش هبوس جوري الا لما اتجوزها. اتفقنا رعد: اتفقنا. يالا بقي روحوا العبوا. وبتجزير. كوكي من غير بوس سامع كريم: هز راسه حاضر يا انكل. ومسك ايد جوري ومشي رعد: سبحان الله يا اخي الواد طالع ليك مش سايب منك حاجة سافل سافل.
عدي: ههههههه. يا عم فك بقي هي السفالة اللي بتجيب من الاخر. ونصيحة مني بقي اخالي بالك من بنتك علشان كوكي ممكن يكتب ورقة عرفي في ابتدائي عادي رعد: ده انفخك انت وابنك. وبعد. شوية جات بنوتة عسولة خالص بعيون عسلي وشعر بني بتعيط وبتجري علي عدي وماسكة في رجله. حلا: بابي. بابي شوفت فادي زعقلي وضربني. عدي: ليه بس ضربك ليه فادي: جاي وهو غضبان. رعد: ضربتها ليه يا فادي.
فادي: بعصبية. حضرتك شوف الجيب اللي لابساها قصيرة ولما قولتلها تغيرها مش بتسمع الكلام ضربتها رعد: ههههه. سبحان الله. شوف ده بيعمل ايه وده بيعمل ايه. وخبط علي كتف فادي بفخر. راجل يا فادي طالع لابوك عدي: لا وحيتك انت وهو. الا حلا والله يا فادي لو ضرتها تاني مش هخليها تلعب معاك ولا تيجي هنا اصلا. فادي: خلاص. يبقي تسمع كلامي عدي: لما تتجوزها تبقي تسمع كلامك. فادي: ماشي اتجوزها دلوقتي.
رعد. وعدي: هههههههه. انت مستعجل ليه كدة رعد: بص يا فادي انجح في الاسكول وادخل الجامعة وانا اجوزهالك اتفقنا فادي: اتفقني. ومسح لحلا دموعها. خلاص متزعليش مش هضربك تاني بس اسمعي الكلام. ومسك ايديها ومشي عدي: اوفففف. يعني ياربي بنتي الوحيدة حظها ما يوقعش غير مع ابن رعد لا وشبه ابوه ايده طارشة. وخرجت همس وهنا. وشايلين اطباق السلطة والشيبسي. والاتنين كانوا حوامل وبطنهم كبيرة.
رعد: قرب من همس واخد منها الاطباق. ليه بس كدة تشيلي انتي اومال فين الشاغلين همس: يا حبيبي دي حاجة بسيطة. عدي: هنوني تعالي يا قلبي ادألجي هنا: بغضب. انا بدألج قصدك اني كورة عدي: هههههه. قطع لساني همس: خلصت يا حبيبي اللحمة انا جوعت رعد: حالا يا روحي. وانا اقدر همستي جعانة. تعالي يا قلبي وانا هأكلك. وبعد الاكل هنا: مسكت بطنها. ااه. عدي الحقني انا شكلي هولد عدي: ولادة ايه انتي لسة في اول التاسع.
همس: قامت وراها مالك يا هنا حاسة بإيه هنا: اااااه الحقوني هولد همس: فجأة مسكت بطنها. رعد انا كمان شكلي هولد الحقني رعد: هي كانت باربيكيو مهببة. تعالي يا قلبي. اسند يا خويا مراتك وبعد مرور عشرين سنة في قاعة كبيرة وفاخمة جدا يقام حفل زفاف فادي &جوري و كريم & حلا فادي بيرقص مع حلا. فادي: مبتسم مبروك يا روحي حلا: مبوزة. لا انا زعلانة منك.
فادي: ليه بس يا حبيبتي. يعني يرضيكي. مراتي وحبيبتي تقعد قدام الجمع ده كله بفستان كب والناس تتفرج عليها حلا: اه تقوم تقطع الفستان وتحرجني قصاد الميكب والمساعدين. وتجبلي فستان علي زوقك وكمان انزل متأخرة علي الحفلة فادي: طيب بذمتك مش الفستان يجنن. اضحكي بقي متبقيش غلسة حلا: ابتسمت. اعمل ايه بحبك. حتى وانت عصبي ونرفز. بردوا بحبك فادي: وانا بحبك وبموت فيكي وضمها لحضنه وكل رقص معاها.
كريم: مبتسم. روح قلبي قمر هو في جمال كدة هتجنن يا ناس جوري: بخجل. هههههه بس هتفضحنا كريم: فضيحة ايه بس. ده انا كنت هموت علي اليوم ده. اخيرا بقيتي مراتي وحبيبتي. بحبك يا وردتي جوري: بحبك يا كوكي بحبك موت كريم: مال عليها وفاجئها وباسها جوري: اتكسفت وخدودها احمرت. انت مجنون ازاي تعمل كدة قدام الناس كريم: هههههه. عسل يا ناس وهي مكسوفة. ده انا كنت هموت علي البوسة دي من عشرين سنة. فاكرة جوري: ههههه. فاكرة.
كريم: بس النهاردة بقي يوم المفاجأت. لما نطلع الجناح هوريكي اللي عمرك ما شوفتيه. هبهرك جوري: ربنا يستر منك. انت شكلك ناوي علي مصيبة كريم: غمزها. احلي مصيبة ومن بعيد واقف عدي مع اصحاب مايا بنته. عدي: وبعدين بقي لا انتوا كدة بتتحرشوا بيا وانا اعترض بنت: اصلك يا انكل امور اوي. حاجة مدة انقرضت بنت تانية: بص يا انكل اتجوزني وانا اللي هجيب الشبكة والشقة كمان عدي: ههههههه. بالدور بس طيب علشان اختار انا فاضلي 3.
هنا: خبطت علي كتفه. وهي بتجز علي سنانها. تقصد 2 انت ناسي انك مدوبهم اتنين عدي: ضغط علي شفايفه. ابس. استأذنكم يا قمرات علشان انا اتمسكت. ومشيوا بعيد هنا: انت مش هتكبر لسة فيك نفس تعاكس دول قد بناتك عدي: وماله يا موزتي انا لسة شباب وايه اللي يمنع. وانتي اكتر واحدة تشهد بالكلام ده. وغمزها ولا ايه غلطان انا هنا: هههههههههه. مش بقولك مش هتكبر. ده ابنك امير عايز يتجوز.
عدي: هي ايه الحكاية العيال دي عايزة تكبرني بالعافية. هنا: والله انا اللي مزعلني مايا عدي: ليه مالها مايا هنا: شكلها كدة متعلقة بشهاب ابن همس ورعد وهو زي ما انت عارف مبيطقش حاجة اسمها بنات. زي ما يكونوا في كلية الشرطة بيدرسلهم انهم يكونوا اقفال عدي: هنا الحب مش بالعافية وانتي عارفة. لو هو مش حاسس بيها احسن تخليها تنساه وهي لسة في البداية. هنا: اتنهدت ربنا يسهل.
همس: واقفة بتسلم علي المعازيم وبتتكلم. واول لما لفت لقت رعد بيحاوطها من خصرها وبيحضنها همس: هههههه. وبعدين احنا وسط الناس في رعد: ابتسم. وفيها ايه يعني وانا مش من حقي ولا ايه. همس: لا طبعا حقك. انت المالك رعد: وانتي مالكة قلبي. يا همستي همس: قولي. مفيش واحدة عجبتك كدة ولا كدة في الفرح رعد: مين دي اللي تعجبني وانا معايا القمر والشمس مع بعض همس: لسة بتحبني يا رعد حتى بعد ما كبرت رعد: انا لسة بعشقك يا همستي.
كارما: حضنت رعد من ضهره. كدة بتخوني اهئ اهئ رعد: هههههههه. تعالي يا اخر العنقود. ايه الجمال ده كارما: يا رعد باشا اشحال ما انت اللي مختاره رعد: ده بقي طقس من طقوس حياتي. احتار لملكتي واميراتي فساتين المناسبات المهمة. وان شاء الله اختارلك فسان فرحك امير: احمم. انكل رعد مبروك رعد: الله يبارك فيك. عقبالك امير: بص لكارما وابتسم ياريت. بس حضرتك توافق رعد: بص لهمس وابتسم. ليه هتجوزني.
امير: هههههن. لا مقصدتش انا بصراحة عايز اتجوز كارما رعد: بص لكارما. امم ايه رأيك كارما: بخجل اللي تشوفه يا بابي. امير مننا وعلينا همس: ههههههههه. كل ده واللي تشوفه يا بابا. هي عايزة تقولك موافقة رعد: خلاص نخلص من فرح اخواتكم. واعملكم خطوبة لحد لما تخلصه السنة دي اتفقنا كارما. وأمير: بسعادة وابتسامة واسعة. اتفقنا. همس: بقلق هو شهاب اتأخر ليه. يعني يا رعد بكل نفوذك مكنتش قادر تخليه ياخد اجازة من امبارح.
رعد: لا طبعا انا ابني راجل وهو اللي بيحدد اذا كنت ادخل ولا لا. وكمان ابنك مكنش هيوافق. انتي عارفة شهاب مش فرفور ولا بيحب الواسطة. وبعدين اهو يا ستي جاي هناك. همس: بصت عليه وابتسمت. شهاب: قرب منهم وحضن همس. وحشتيني يا همستي همس: وانت يا قلب همستك عامل ايه يا حبيبي. رعد: ولد انت انا بس اللي اقولها يا همستي انت سامع شهاب: قدم التحية الرسمية. تمام يا فندم. بس غصب عني بحبها همس: انت مش ناوي تتجوز زي اخوك.
شهاب: انا انسي. انا لايمكن اتجوز الستات مبيجيش من وراها غير التعب. الا لو قابلت همس نمبر 2. وقتها هتجوزها هوا. رعد: حاوط همس بإيده. يبقي هتعنس يا حبيبي. علشان همستي مفيش منها. همس: تعالي معايا سلم علي العرسان. رعد: تؤتؤ. هو هيروح لوحده. انا عايزك في كلمة سر.
شهاب: غمزها. ازق انا و دخل علشان يسلم علي العرايس. وطبعا طول ماهو ماشي البنات هتتجنن عليه بواسمته وجسمه الرياضي. وهيبته اللي ورثها عن ابوه وكمان كظابط شرطة. رعد: واخد همس وخرج برا القاعة همس: انت واخدني ورايح فين رعد: غمزها علي جناحك يا عروسة. انا حجزت جناح زي العرسان الليلة همسة: هههههههه. اه يا مجنون. احنا كبرنا خلاص علي كدة رعد: تمام نطلع فوق. واحنا نشوف مين اللي كبر تعالي يا همستي.
النهاية تمت بحمد الله. واتمني تكون عجبتكم. واكون استحق تعلقكم بيها من البداية وختمتها ختمام يستاهل متابعتكم. اركم في الجزء الثاني مع شهاب. بطل الجزء التاني والبطلة هتكون مفاجاة ليكم. بس هتجبوها. تمت الجزء التالي رواية رحم للإيجار الجزء الثاني للكاتبة ريحانة الجنة كاملة
رواية رحم للإيجار
