رواية جميلة الجزء الثاني للكاتبة الشيماء محمد الفصل الثالث والثلاثون
وبعدين يا باشا هنخطف البنت دي ازاي ؟ انت شايف الحفله متلغمه بودي جارد وامن ودنيا حمدي:هنراقب وفي الوقت المناسب هنضرب ضربتنا حتي لو هناخدها من سريرها اخر الليل والكل نايم .. نخدرها ونشيلها ونخرج بهدووووء في الحفله الكل مبسوط وبيضحك من قلبه لان لاول مره تتجمع العيله كلها وكل الموجودين بيحبوا بعض بجد ...
وليد مع جميلته بيهزروا وتليفونه رن فرد عليه وليد: ايوه يا ادهم اتأخرت ليه ! ادهم: اعذرني يا وليد جدا كنت في اجتماع مهم جدا ومكنش ينفع يتأجل او اسيبه وليلي في عمليه ولحد دلوقتي مخرجتش منها .. هنعوضها في الفرح بإذن الله وليد: ماشي يا سي ادهم بس مش هقبل اي اعذار نهائي في الفرح ادهم: اكيد طبعا ما تقلقش المهم العيال مبسوطين ؟
وليد: الحمد لله كلهم مبسوطين ادهم: وده المهم .. مش هعطلك عن حفلتك باركلهم نيابه عني لحد ما اقابلهم بنفسي قفل معاه وبص لجميلته جميله: جدع قوي ادهم ده ! وليد: جدا .. وتحسيه راجل عادي مفيهوش كبرياء مدير مخابرات والكلام ده .. جميله: فعلا هو جنتل قوي وليد بصلها: عاجبك هو صح !
جميله بعفويه: اه طبعا عاجبني وليد اتنرفز: ليه بقي ان شاء الله .. فيه ايه زياده يعني ! اهو راجل زي اي راجل ! جميله اخدت بالها ان وليد غيران فضحكت: انت غيران منه يا وليد ! وليد اتنرفز وماردش عليها وهيا ضحكت زياده: لا بجد ! ( حبت تضايقه زياده ) يعني اه هو امور حبتين وطول بعرض كده و قبل ما تنطق وتكمل كان وليد زعق: ما تتلمي بقي يا جميله ! في ايه !
جميله سكتت واستغربت انه زعق قوي لانها كانت فاكراه بيهزر والكل سمع وسكت وبصلهم جميله خبطت فهد: روح شوف مالهم فهد: يعني اتنين بيتخانقوا احنا مالنا! جميله: يا بارد دول ابوك وامك مش اتنين .. روحلهم يالا فهد: اقولهم ايه طيب !
جميله زقته وهو راح ناحيتهم مش عارف هيقولهم ايه اصلا .. وقف قصادهم وليد بصله وقال بحده: نعم ! فهد بص لجميله بتوعد وبعدها بص لابوه: ايه نعم دي ! في ايه ؟ صوتكم عالي كده ليه ! وبتتخانقوا زينا ( لحق نفسه بسرعه وغير الكلمه ) أ أ اقصد زي العيال بتتخانقوا ليه !
وليد: اسأل امك فهد بيبرطم: امك ! والله وليد زعق: نعم بتبرطم بتقول ايه ! فهد: بسأل امي اهو .. في ايه مالك ومطلعه زرابين الراجل ده ليه ! جميله ببراءه: معرفش ماله هو اتزربن لوحده فهد: اهي بتقول اتزربن لوحده .. وبعدين المخلوقه دي لا يمكن تزعل حد اصلا وليد بصلها: لا بجد .. والله ... اتزربن لوحده ! بريئه انتي خالص ! جميله بمنتهي البراءه: يعني يا فهد بنتكلم عن اللواء ادهم فبقول ان الراجل جنتل وراجل كويس ايه اللي يزربن !
فهد ابتسم و وليد اتجنن وليد بتريقه: والله بجد ؟ شوف ازاي ؟ امال مين اللي امور وطول بعرض و و و ؟ فهد هنا ضحك وابوه بصله فكتم الضحكه فهد: سوري ... سوري ... كملوا خناقكم .. ( ماشي بس بص لامه وهو ماشي وظهره لابوه ) بعدين يا جوجو الراجل غيران عليكي عجز و عنده سبعين سنه وفيه حيل يغير فهد ماشي بس اتفاجيء بأبوه ماسكه من قفاه من قميصه وشده ورجعه قصاده وليد: مين ده ياد انت اللي عجز وعنده سبعين سنه هاه ! انت بتزود يجي عشرين سنه علي عمري يا واد انت ؟
الكل ضحك وبيحاولوا يكتموا ضحكهم لان وليد فعلا متنرفز فهد: مين قال كده ! انا قلت كده ! لا حضرتك سمعت غلط جدا .. بعدين انا ما اقصدكش اصلا انا اقصد ادهم .. هو اللي عجز .. انت ابو الشباب يا وليد ( خبط علي كتفه وسحب نفسه من قدامه ) قطع لسان اللي يقول غير كده .. بعدين انت بتتخانق مع مراتك هتسيبها وتمسك فيا ( حط امه قصاده ) كمل مع مراتك...
وليد سكت وفهد رجع جنب جميلته وليد زعق مره واحده: انتو هتفضلوا باصينلي كده كتير ما كل واحد يخليه في نفسه ولا يخليه في اللي قصاده كل واحد رجع يكلم اللي قصاده جميله: حبيب عمري كله بقي معقوله تغير من اي حد ! وليد انت اكبر من انك تغير لاني كلي علي بعضي ملكك انت وبس .. ازاي متخيل ان ممكن في راجل تاني يعجبني او حتي ابصله ! يعني بجد ازاي فكرت فيها دي !
وليد بغيظ: مش انتي اللي عماله تقولي فيه قصايد جميله: نظرتك اتغيرت واخدت بالي انك غيرت واستغربت ازاي ممكن تغير او ازاي ممكن عقلك يصورلك ان في اي راجل في الكون ده كله ممكن يلفت حتي انتباهي ( مسكت وشه بايديها الاتنين ) ازاي تخيلت ده .. جميله ممكن عنيها تشوف غير وليد ؟ هاه ! جاوبني !
وليد بحب صادق: خفت يكون الزمن غيرك يا جميله جميله ابتسمت: ولو عدي ميت سنه عمر ما قلبي ممكن يتغير .. قلب بيدق لوليد وبس .. عمري كله لوليد وبس .. حياتي لحب وليد وبس ... وليد مسك ايديها وباسهم الاتنين ويدوب هيقرب اكتر بس شيء خلاه يبص حواليه وتفاجيء ان كل الموجودين بيتفرجوا عليهم وصمت حواليهم وكلهم مبتسمين بغباء وكأنهم بيتفرجوا علي فيلم رومانسي..
( نفس الابتسامه المرسومه عليكم كده وانتو بتقروا صح مش انتو مبتسمين ؟ يالا نرجع للروايه ) جميله كمان بصت حواليها واتحرجت من الكل فخبت وشها في صدر وليد حبيبها وهو ضمها وليد: اعوذ بالله من عيونكم .. يعني كل واحد فيكم في ايده حبيبته وبرضه مركزين معانا .. هو انتو هبل ولا ايه ؟ تعالي يا بنتي بعيد عنهم ربنا يسترها علينا من عنيهم ...
اخدها ومشي بعيد عنهم شويه فهد مع جميله فهد: عارفه تاني مره تقوليلي اتدخل هعمل فيكي ايه ؟ جميله ضحكت جامد: شكلك كان تحفه واونكل وليد جايبك من قفاك فهد اتنرفز: شكلي تحفه هاه !
جميله بضحك: فوق ما تتخيل .. ياه لو كمان قلمين طاخ طاخ فهد مسكها من ايدها وشدها: قلمين طاخ طاخ ! والله ماحد عايز القلمين دول غيرك ( بص حواليه او تحديدا لحماه اللي مركز معاه ) وحياه ابوكي اللي مركز معانا ده لولاه لكنت وريتك القلمين دول شكلهم ايه جميله ضحكت اكتر وبتريقه: بيضه وجميله وبتخاف من بابا .. كتكوته انتي فهد بشبح ابتسامه ظاهر: مبسوطه انتي !
جميله ابتسمت ورجعت لجديتها: جدا .. ومش هتبسط ليه ؟ هاه ! انا بقيت مرات حبيبي ( فهد ابتسم ) .. حبيبي رجعله ابوه وامه ... عمتو حبيبها رجعلها .. اخويا اتجوز حبيبته ! الحمد لله الحياه اجمل ما تكون .. صح ولا ايه ! فهد ابتسم: اكيد صح ... ما تيجي نتمشي بعيد زي ما ابويا هرب من عيون المتطفلين ! جميله بصت لابوها: طيب بابا ! استأذنه ولا ايه !
فهد فكر شويه: تعالي نستأذنه الاول راحوا ناحيته وهو كان متوقع مجيهم ومتوقع طلبهم كمان فهد: ينفع يا عمي اخد جميله ونطلع نتعشي انا وهيا لوحدنا ! عماد مع انه عارف ومتوقع طلبه ده الي انه برضه مش عارف يجاوبه ! جميله: بابا ينفع !
عماد ابتسم لبنته اللي كبرت ومن شويه حط ايده في ايد راجل تاني وسلمهالو: ينفع يا قلب ابوكي جميله ابتسمت لابوها وباسته بحب: بحبك يا اجمل بابا في الدنيا عماد: وانا كمان بحبك يا اجمل بنوته في الدنيا ( بص لفهد ) حافظ عليها وحطها في عنيك دي اغلي ما املك فهد ابتسم: واغلي ما املك انا كمان .. ما تقلقش عليها عماد: طول ما انا عايش هفضل قلقان عليها وبكره تفهمني لما تخلف .. روحوا يا ابني وما تتأخروش اخدها وخارج واسر لمحه فشاورله اسر: انت رايح فين ؟
فهد: هنتعشي بره اسر: ايه ده اشمعني انت ! انا عايز اتعشي بره انا كمان وليد جالهم: ايه الحكايه اسر: سيادته خارج يتعشي بره وليد: بابا وافق فهد: اكيد وافق امال هاخدها غصب ! وليد: انا عايز اتعشي بره اسر: ايوه وانا فهد: وانا مالي .. ما كل واحد فيكم يروح للي مسؤل عن خطيبته ويستأذنه .. سلام..
اسر جري علي صلاح ابو مي و ليد جري علي ندي .. والاتنين كل واحد اخد خطيبته وخرجوا واتجمع الكبار مع بعض يتعشوا والعرسان كل واحد مع خطيبته بيتعشي عشا رومانسي في مكان مختلف ...
فهد اتعشي هو وجميله وقاموا يرقصوا مع بعض سلو .. احاسيس كتيره ومشاعر كتيره من قربهم بالشكل ده وصمت مسيطر عليهم وهما بيرقصوا وافكار كتيره في دماغ كل واحد فيهم ... خلصت الرقصه ورجعوا اماكنهم جميله بعد صمت: يالا نمشي فهد بدون اعتراض: يالا استغرب هو ليه وافق يمشي بسرعه .. هل عايز فعلا يمشي ! ولا علشان يكون لوحده في مكان مقفول مع جميلته !
خرجوا الاتنين ومشيوا لحد عربيتهم وفهد فتحلها الباب تركب وقفله وراها وركب هو مكانه ودور عربيته واتحرك شويه وبعدها وقف ونزل من عربيته وتجاهل سؤال جميله في ايه او ماله او وقف ليه جميله لقت عربيه وقفت وراهم واتفاجئت بيزيد نازل من العربيه فهد: يزيد وبعدين ! يزيد: ده امان ليك فهد: امان من مين ومن ايه ؟ روح بقي !
يزيد: فهد ارجوك فهد: يزيد .. ما ينفعش اكون مع مراتي وحد واقف فوق دماغي كده .. انا هروحها وبعدها هروح علي طول .. ولو في اي شيء جد هكلمك .. بس ما تمشيش ورايا تاني ممكن ! علي الاقل النهارده يزيد رضخ لرغبه فهد وسابه ومشي وفهد رجع لعربيته وانتظر لحد ما يزيد دور عربيته ومشي واختفي تماما جميله: ليه مشيته ! فهد: كنتي عايزاه يفضل !
جميله: لا طبعا بس بسألك انت ليه ! فهد بصلها: علشان اكون براحتي معاكي جميله: براحتك في ايه بالظبط ! فهد بصلها وبص لشفايفها: براحتي في ده وقرب من شفايفها وباسها بشوق ملهوف مشتاق ولهان، اخيرا بقت مراته ومش هتقوله تاني مش من حقك، لان دلوقتي بقي من حقه.. حقه الشرعي والعرفي وبكل اللغات حقه..
جميله اخيرا قدرت تبعد بصوت تايه مبحوح: فهد فهد: اوعي تقولي مش من حقي جميله ابتسمت وحطت ايدها علي شفايفه وهو باس ايدها: حقك طبعا زق ايدها وقطع كلامها ببوسه تانيه جميله: استني افهم فهد: مش عايز افهم حاجه تانيه..
باسها تاني هيا اتقطعت انفاسها ومبقتش قادره تتكلم او تعارض بس بعدت عنه فهد: مالك يا جميله ! هفهم عايزه تقولي ايه ! جميله بصتله: عايزه افضل معاك وفي حضنك طول الوقت فهد باستغراب: طيب ايه اللي مانعك حضني قدامك اهو جميله: لحد امتي ! ساعه ؟ اتنين ؟
فهد: مش فاهم جميله: هتروحني في الاخر صح ! فهد: صح برضه مش فاهم يا جميله جميله: مش عايزاك تبوسني وتقرب مني بالشكل ده تاني فهد اتنرفز: ليه بقي ان شاء الله مش من حقي !
جميله: اهدي واسمعني .. حقك طبعا بس ده رجاء مني انا ليك فهد: رجاء ؟ طيب ليه ؟ مش عايزه تقربي مني ليه ؟ انتي بتناقضي في نفسك ليه ؟ جميله: افهم يا فهد ... انت دلوقتي وصلتني لحاله مش عايزه ابعد عن حضنك لحظه وعايزه افضل علي طول معاك فهد: وعلشان كده عايزه تبعدي ؟
جميله: ايوه علشان لما توصلني بيتي وتمشي مش هقدر استحمل وهتوجع في كل لحظه هتقضيها بعيد .. انا دلوقتي مستحمله بعدك بالعافيه لكن لما تقرب مني مش هستحمل بعدك تاني ... فهمتني ؟ عايزاك لما تقرب ما توقفش ! لما تاخدني في حضنك ما اكونش مضطره ابعد تاني عنه مش عايزاك تبوسني دلوقتي وافضل طول الليل اتوجع من ذكري لمساتك ... وطبعا في الاول وفي الاخر براحتك انت فهمت بقي انا ليه قلت ان ده رجاء .. لانك مش مضطر تقبله فده رجاء فهد ما ردش عليها بس دور عربيته واتحرك لحد ما وصلها قدام بيتها وطفي عربيته وانتظر انها تنزل...
جميله: انت زعلان مني ! فهد: لا مش زعلان جميله: فهد مش عايزه اضايقك النهارده اسعد يوم في عمرنا فهد بتريقه: فعلا النهارده اسعد يوم جميله زعلت: انا اسفه لو زعلتك فهد: ينفع تنزلي ! النهارده اليوم كان طويل وانتي عارفه وليد في شغله ما بيهزرش جميله دموعها نزلت وهو ما بصلهاش لانه لو بصلها هيضعف وهو ما بيحبش الضعف..
ومع جموده هيا نزلت جري من عربيته واخدتها جري علي بيتها وهو انتظر شويه لحد ما يتأكد انها طلعت وبعدها روح بيته جميله طلعت كان ابوها منتظر عياله بقلق وهيا دخلت تعيط وجريت علي اوضتها وابوها وراها مستغرب مالها عماد: في ايه يا بنتي مالك ! جميله: مفيش.
عماد: في واحده تعيط كده يوم كتب كتابها جميله: ايوه لما تكون مرتبطه بواحد زي فهد عماد: لا حول ولا قوه الا بالله ... يا بنتي انتو ما بتبطلوش خناق ابدا .. انا مش عارف بس انتو هتتجوزوا ازاي ؟ طيب احكيلي مالكم ! جميله اتعدلت وبصت لابوها: بابا ينفع اذا سمحت نحل امورنا انا وفهد بنفسنا ؟
ابوها ابتسم: كبرتي يا جميله .. ده الصح يا بنتي انك تحلي امورك انتي وجوزك لوحدكم .. محدش يدخل بينكم ابدا مهما يكون .. وخصوصا الاهل .. احنا يا بنتي ممكن من حبنا وخوفنا نخربها خالص بينكم سابها وخرج ودعا ربنا يوفقها ويسعدها في حياتها ... فهد روح كان الكل سهران وليد وجميله وندي ونبيله سهرانين مع بعض وبدخوله سكتوا فهد: مساء الخير..
جميله: تعال يا حبيبي اقعد معانا فهد: لا معلش عايز انام بعد اذنكم سابهم وطالع فجميله: فهد ( وقف وبصلها ) هيا جميله مالها مزعلاك في ايه ! فهد بغيظ: مجرد انها انسانه مستفزه .. مستفزه .. تصبحوا علي خير سابهم وطلع لاوضته وليد: هما لحقوا يتخانقوا .. ما بيتهدوش الاتنين دول..
نبيله: اطلعي يا جميله شوفيه ماله وهديه جميله طلعتله كان راقد علي السرير وهيا قعدت جنبه جميله: مالك يا حبيبي ! بنت اخويا مضيقاك في ايه ! قولي وانا اضربهالك فهد ابتسم: الطبيعي بتاعنا .. المهم انتي صالحتي وليد ازاي بكلمتين كده ! جميله ابتسمت: لينا لغتنا الخاصه فهد: ما اعتقدش ان انا وجميله ممكن في يوم من الايام هيكون لينا لغتنا الخاصه..
جميله: ليه يا حبيبي بتقول كده ! بعدين انتو كمان ليكم لغتكم الخاصه حتي لو كانت بالخناق بس وقت الجد هتعرفوا تتفاهموا انتو بس لسه في صدام علشان بتطبعوا بطباع بعض .. ادوا لنفسكم فرصه فهد: ادينا اهو مستنين جميله: مش هتقولي اتخانقتوا ليه ! فهد: تضايقي لو مقولتش ؟
جميله ابتسمت: لا يا قلبي فهد: متشكر يا ست الكل جميله وقفت: انا هسيبك ترتاح بس علشان خاطري ما تخليهاش تنام زعلانه في يوم زي ده ! فهد ابتسملها وهيا خرجت وسابته وهو فضل كتير متردد بس بعدها مسك موبيله وفكر يتصل ولا لأ واخيرا قام وقف ونزل وركب عربيته واتحرك ومستغرب من نفسه وجنونه وبيفكر هيقول ايه لابوها ؟
وصل وخبط والكل قام مفزوع من نومه عماد و وليد خرجوا يفتحوا وجميله كمان خرجت بس مكنتش نايمه عماد: خليك انت يا وليد انا هشوف مين عماد فتح واتفاجيء بفهد قدامه عماد: فهد ؟
جميله ابتسمت وفرحت من قلبها فهد: خالي انا اسف جدا جدا بس قاطعه عماد: ما بسش ده بيت خالك مفتوحلك في اي وقت ... ادخل فهد دخل بتردد وبص لجميله اللي عنيها حمرا من كتر العياط وندم انه زعلها عماد: مش هسألكم مالكم او في ايه بس اتمني تتفاهموا وتقدروا وتعرفوا قيمه بعض هدخل اعملكم كوبايتين ليمون تهديكم وليد دخل اوضته وعماد سابهم ودخل يعملهم الليمون.
جميله دخلت الصالون ونورت النور وفهد وراها وبمجرد ما دخل رمت نفسها في حضنه: ما تزعلش مني ... انا مش قصدي ازعلك في يوم زي ده ابدا فهد ضمها قوي لحضنه وبعدها بعدها براحه ومسح دموعها بايديه: ما تعيطيش .. علشان خاطري ما تعيطيش ... بصي يا جميله علشان بس نكون فاهمين بعض ..
او انتي تفهميني .. بصي انا اتربيت علي ان اظهار المشاعر ضعف والحب ضعف ( جت تتكلم بس منعها ) عارف ان ده غلط بس محتاج وقت لحد ما اطبع نفسي عكس الطباع اللي اتطبعتها لعشرين سنه فده هياخد وقت ( كانت هتتكلم بس منعها ) ارجوكي اسمعيني للاخر لان ممكن ما اعرفش اقول الكلام ده في وقت تاني عماد كان هيدخل بالليمون بس سمع جمله فهد فوقف مكانه.
فهد: جميله انا بحبك وبحبك فوق ما تتخيلي فخلي النقطه دي ديما في بالك مهما تكون تصرفاتي .. اديني ديما وقت استوعب فيه واحلل فيه وهتلاقيني راجعلك زي دلوقتي ... انتي اتكلمتي وحكيتي مشاعرك واحاسيسك وانا كنت محتاج بس لشويه وقت احلل فيهم كلامك واستوعبه فهنا انا اللي عندي ليكي رجاء انك تصبري عليا .. ما تحكميش عليا علي طول اديني ديما شويه وقت..
عارف ان ده صعب عليكي وهيضايقك كتير بس معلش استحمليني واستحملي غبائي في امور كتيره وقولي ديما لنفسك لما اضايقك ان انا بحبك وبعشقك وهرجع تاني اقدم فروض الولاء والطاعه واقولك فهد بين ايديكي شاوري وفهد ينفذ لحبيبه عمره ... ينفع بقي تستحمليني وتعذريني لما اتصرف بغباء زي ما عملت من شويه ؟
جميله جاوبت بانها رمت نفسها في حضنه وعيطت من فرحتها فهد: يادي العياط ده .. يعني تفرحوا تعيطوا تزعلوا تعيطوا .. ارسولكم علي بر بقي .. جميله: يعني انت مش زعلان من اللي طلبته منك..
فهد: اكدب عليكي لو قلت لأ .. انا هفرقع من الغيظ بس في نفس الوقت انتي عندك حق .. بعد ما روحت اكتشفت اني مش عايز ابوسك وامشي لا انا عايز اكتر واكتر واكتر ومش عايز ابعد .. فانتي كلامك صح خلينا بعيد لحد ما يكون القرب اكتر مسموح فبقولهالك اهو انا هفضل بعيد ومحافظ علي مسافه بينا لحد ما اخدك بيتي وساعتها محدش ممكن يبعدنا عن بعض ابدا..
هنا ابوها ابتسم وحط العصير علي الباب ودخل اوضته مبتسم وفرحان ببنته وقرارتها (( اه لو يعرف انهم باسوا بعض كذا مره هيتبري منها الراجل ههههه ما علينا احنا خلينا نتفرج واحنا ساكتين نرجع للروايه حاضر هبطل رغي اهو )) خرجوا شافوا العصير وابتسموا وجميله عطت كوبايه لفهد اللي رفض تماما يشربه لانه بيكره عصير الليمون جدا ...
جميله: اشرب الليمون فهد: لا ما بحبوش جميله: ده بابا عامله اشرب فهد: الله ما بحبوش يا بنتي ما بحبوش جميله كانت هتتخانق بس سكتت: والله وفرت هشربهم انا فهد ابتسم: طفسه من يومك
رجع فهد بيته مبسوط والمره دي ما لقاش غير وليد بس بيتمشي في الجنينه فراحله فهد: مش مصدق انك هنا وليد ابتسم: المفروض اكون فين ؟ فهد بص لاوضتهم فوق: عندها وليد ابتسم: لسه نازل من عندها فهد باستغراب: طيب ليه نزلت اصلا ؟
وليد سكت شويه وفهد حس انه اتدخل في خصوصياتهم فكان هينسحب بس وليد اتكلم: نومي قليل جدا .. ولما بنام بتطاردني كوابيس كتيره ومبعرفش اصحي منها بسهوله واخر مره نمت جنب جميله صحيت لقيت دماغها بتنزف واخدت كام غرزه فيها لاني زقتها ووقعتها ... فعلشان كده بعد ما هيا تنام ببعد فهد استغرب ان ابوه اتكلم معاه بالانفتاح ده وحس انه عايز يسمع اكتر منه .. عايز يعرف كل حاجه عنه .. عايز يتكلم معاه لحد ما يحس انه عوض غياب العشرين سنه وليد بصله: ايه ساكت يعني !
فهد استجمع نفسه: بسمعك .. طيب يعني لازم تشوف حل مش هينفع تفضل بعيد كده ولا ايه ؟ وليد: انا بشوف حل فهد بفضول: ايه هو ! وليد: بروح لدكتور نفسي حتى والدتك راحت معايا كذا مره واهو فهد: واهو ايه ؟ انت لسه اهو بتعد النجوم !
وليد ابتسم: الكوابيس قلت بس انا معنديش الجراءه اني اجرب وانام في الاوضه معاها فهد: خايف عليها ! وليد: جدا فهد قرب منه: ينفع تكلمني عنك ! عايز اسمع كل حاجه عنك .. احكيلي ازاي حبيت جميله وازاي اعلنت حبك ليها والاول احكيلي ازاي اتجوزت ميس وحبيتها ولا كانت مجرد جوازه ! عايز اسمع الحكايه منك انت سمعت من الكل الا انت ... ينفع ؟
وليد ابتسم: ده انت فاضي بقي فهد: جدا .. وليد: ماشي هحكيلك اقعد وليد قعد و فهد قعد جنبه في الارض علي النجيله وليد: شوف يا سيدي البدايه ان جدك وشريف الله يرحمه كانوا اصحاب وانا وميس كنا زمايل في الكليه كنا مع بعض والكل اتوقع اننا نربط بحكم صداقات اهالينا واحنا عملنا المتوقع لكن حب ؟ لا مكنش في حب مجرد اتنين زمايل مع بعض حياه فاتره عاديه خاليه من المشاعر وخاليه كمان من الخناق..
فهد: تبقي حياه حلوه طالما خاليه من الخناق وليدبصله: لا طبعا تبقي حياه ميته .. هو انت بتتخانق مع حبيبك ليه ! يا غيران يا توقعت منه حاجه ومعملهاش .. يا جه عليك .. يا مجرد انه بيعصبك .. لكن لو مفيش خناق يبقي مفيش اهتمام اصلا ما بيفرقش معاك فهتتخانق ليه ! تخيل كده انت وجميله ما تتخانقوش ابدا وهيا كل كلمه انت تقولها هيا توافقك عليها ! مش هيعجبك ده ابدا..
فهد: انا وجميله بنتخانق اكتر ما بنتصالح وقضوا الوقت كله بيتكلموا وقربوا من بعض جدا ...النهار نور عليهم و وليد وقف: يالا نلحق نغمض عنينا ساعتين قبل الشغل وقفوا ودخلوا ووقفوا قدام اوض النوم وليد: تصبح علي خير فهد: وانت من اهله .. علي فكره انا مبسوط جدا اننا اتكلمنا كده وليد ابتسم: اكيد مش اكتر مني .. انا بحلم بقعدتنا دي من عشرين سنه فاتت فهد: احتجتك كتير قوي في حياتي كنت بسمع من كل اللي حواليا قد ايه انت كنت ...
فهد اتأثر و وليد كمان وقرب منه وليد: حقك عليا انك عشت بعيد عني كان نفسي اكون جزء من حياتك واشوفك قصاد عيني بتكبر قدامي بس ده قضاء ربنا .. بس اتمني ما تكونش صدقت كل كلمه اتقالت في حقي فهد بصله: قدامهم اه لكن جوايا كان ديما منتظر ... ولما ظهر صلاح فرحت بيه جدا وبكلامه وليد: اقفل بقي الماضي يا فهد فهد: قفلته وخلينا نعيش بقي وليد شد ابنه اللي ما صدق ورمي نفسه في حضن ابوه وحس بارتياح شديد..
عدي يومين في الشركه وليد دخل عند فهد وليد: فهد عايزك تسافرلي حالا علي السويس علي المينا تجيب الشحنه اللي وصلت وتفرج عنها فهد: انا ؟ طيب ما اسر يسافر وليد: اسر بعته اسكندريه في مأموريه.
فهد: انت مين مسلطك علينا ؟ احنا فرحنا بعد يومين وانت ساحلنا سحله ما يعلم بيها الا ربنا وبعدين انا المفروض هروح اجيب جميله واروحها من السنتر وليد: انتو هتاخدوا اجازه شهر كامل فاعملوا بلقمتكم وبعدين جميله انا هروح يا سيدي بنفسي اجيبها من السنتر يالا اتفضل فهد مشي وكلم جميله وبلغها ان ابوه اللي هياخدها.
وليد راح يجيب جميله من السنتر وانتظرها بره تخرج @ يا كبير الراجل العجوز هو اللي هيروح يجيب البت النهارده واهو منتظر بره السنتر ياخدها حمدي: طيب دي فرصتنا .. كلم الرجاله وخدوها منه .. واوعي تفلت منكم @ عيب عليك يا كبير.
جميله خرجت و وليد اخدها ومروحها علي البيت وفي الطريق اتفاجيء بلوح خشب بطول الطريق فأخد فرامل بسرعه وحاول يرجع لوري بس عربيتين وقفوا قفلوا الطريق بص قدامه لقي حوالي خمس رجاله بعصيان في ايديهم... بص لجميله وعرف ان في مصيبه هتحصل وافتكر لما كان مع ميس وطلع البلطجيه عليه وضربوه بس المره دي البلطجيه عايزين مين؟ هو ولا جميله؟
رواية جميلة الجزء الثاني للكاتبة الشيماء محمد الفصل الرابع والثلاثون
حمدي اتصل علي سالي حمدي: بعد شويه هكلمك وابلغك ان كل حاجه تمت سالي بفرحه: خطفتوها ؟ حمدي: وانا بكلمك دلوقتي رجالتي بيجيبوها !
سالي قفلت وفرحت جدا وقامت بسرعه تنزل مصر لانها لازم تكون موجوده لما فهد يكتشف اللي حصل ... ركبت عربيتها واتحركت ... فكرت تتصل بابوها تبلغه ان انتقامها قريب بس رجعت في قرارها لحد ما خطتها تكمل .. علاء عطاها رقم عسكري في السجن عنده علشان يعرف يكلمها عن طريقه .. بيسمحله يكلمها بمقابل مادي ...
وليد بص لجميله وعرف ان في مصيبه هتحصل وافتكر لما كان مع ميس وطلع البلطجيه عليه وضربوه بس المره دي البلطجيه عايزين مين ؟ هو ولا جميله ؟ جميله بخوف: عمو ! وليد طلع موبيله: اتصلي بأكرم بسرعه ومهما يحصل ما تطلعيش من العربيه فاهمه انا هنزل واحرك الخشبه اللي بمسامير دي واول ما احركها تطلعي بالعربيه جميله بخوف: لا وانت ؟ وليد زعق: فهمتي ؟
جميله شاورت بدماغها ومسكت الموبيل تبلغ اكرم بسرعه و وليد نزل وفتح الباب اللي وري واخد منه شومه كان حاططها للظروف قلع جاكت بدلته والكرافت وبصلهم وليد: نعم ! @ عايزين القطه اللي معاك .. يا تديهالنا بالذوق يا هناخدها فوق جثتك يا جدو وليد: يبقي فوق جثتي @ وماله !
شاور للرجاله يهجموا عليه و وليد مسك عصايته بايديه الاتنين واستعد يواجههم ورجع بذاكرته عشرين سنه وافتكر ميس ووقفتها فوقه بشماته .. نار جواه وللاسف اللي قدامه هيدفعوا تمنها ... جميله اتصلت باكرم وبلغته مكانهم بسرعه واكرم اتحرك وقالها خلال دقايق هيكون عندها ...
وليد بيضرب اي حد يقرب ما بيسمحلهمش اصلا يقربوا منه ... ضربهم جامد جدا لدرجه انهم بدؤا يخافوا منه ... كان متوحش وهمجي وده خوفهم وعرفوا انهم مش هيقدروا عليه بالطريقه دي فلازم يلجؤا لطريقه تانيه @ انت روح هات البنت وخلينا نمشي.
تلاته وقفوا حوالين وليد يحاولوا يصدوه واتنين راحوا ناحيه جميله اللي ارتعبت وحست ان دي النهايه .. موبيلها رن في ايدها وكان فهد فغمضت عنيها باسف وفتحت: انا بحبك يا فهد ... بحبك الرجاله بحديده كسروا القزاز بتاع شباكها وجميله صرخت فهد استغرب صوتها واستغرب انها بتقول بتحبه واتجنن لما سمع صوت كسر القزاز وصوت صريخها هيا كمان ...
الراجل مسكها من شعرها وفتح الباب وشدوها وموبيلها وقع وهيا بتنزل وفهد سامع صريخها وسامع كل اللي بيحصل وهيتجنن.. اتصل بسرعه بالتليفون اللي قدامه بيزيد وبلغه يزيد: قدامنا دقايق وهنكون عندهم ما تقلقش.
فهد زعق: دقايق يا يزيد دول اخدوها من العربيه ... اخدوها يزيد: فهد اقفل دلوقتي يزيد قفل وفهد حس بقمه عجزه فاتصل بآسر بلغه اللي حصل وآسر نازل يجري ندي: في ايه يا آسر ؟ آسر وهو بيجري: بلطجيه طلعوا علي اونكل وليد وجميله !
كان قاعد ندي ونبيله وجميله وعماد ندي شهقت ونبيله جنبها وجميله اتصدمت ودعاء صامت جواها ان ربنا يرجعلها جوزها وانها ما تدوقش طعم الحرمان تاني .. دموعها نزلت بصمت و ندي ضمتها بحب: هيرجع يا جميله هيرجع.
اما عماد اللي كان قاعد معاهم تخيل الف سيناريو وافتكر شكل وليد لما البلطجيه اللي اجرتهم ميس ضربوه بس دول هيعملوا ايه في بنته ؟! هيغتصبوها ؟ هيضربوها ؟ هيقتلوها ؟ هيعملوا ايه في بنته الصغيره ؟ رفع ايده لربنا واستودعه اولاده وتوجه ليه يحميله عياله وانه ينجيهم من اي مكروه ممكن يصيبهم ! لا اكيد بنته مش هيجرالها حاجه كل يوم هو بيصحي بيقول اذكاره ويستودع اولاده عند ربنا وربنا عمره ابدا ما تضيع عنده اي وديعه فازاي بنته ممكن يجرالها حاجه ! لازم يكون عنده ثقه في ربنا اكتر من كده ويطمن انه هيحفظهالو !
وليد: مليون ! اتنين ! عشره مليون لكل واحد فيكم ايه رأيك ؟ اكبر من كل طموحاتكم ... ( الرجاله وقفت و وليد عرف انه ماشي صح وعايز يكسب وقت لحد ما اكرم يوصل ) عشره مليون مبلغ ما تحلموش حتي بيه.. هتعملوا بيها ايه البنت ؟ هتقبضوا كام ؟ الف ولا اتنين ؟ فرصه العمر ما بتجيش كتير ! فكروا بس بسرعه لان عرضي مش مستمر..
@ ايه اللي يضمنا انك مش هترجع في كلامك ! وليد: همضيلكم حالا علي شيكات كلكم @ اه وبعدها توقف صرف الشيكات لا ناصح انت وليد:بص انت قدامك حل من الاتنين يا تاخد البنت وخلال نص ساعه هكون مرجعها تاني وهشرب من دمكم انتو واللي مشغلكم يا هتسيبها مع احتمال انك هتبقي مليونير..
@ ما انا ممكن اخدها واقبض وانت ما توصليش وليد ابتسم: انت عارف مين خطيبها البنت دي ؟ وابوه بيشتغل ايه ؟ @ هيكون مين يعني ؟
وليد: هو دكتور بس ابوه اللواء ادهم مدير المخابرات العامه هاه ايه رأيك ؟ يا تري مدير المخابرات هياخد وقت قد ايه لحد ما يعلقكم كلكم جنب بعض ؟ الرجاله قلقوا وبصوا لبعض وهنا اكرم وصل برجالته والبلطجيه استوعبوا ان وليد لعب بيهم .. اكرم حاوطهم برجالته وعربياتهم وفي دقايق كانوا مسيطرين علي الموقف كله وماسكين الرجاله كلها ...
اكرم قرب من وليد اللي اتعور في دماغه اكرم: انت كويس ؟ وليد: انا كويس جميله جريت علي وليد ورمت نفسها في حضنه وهو ضمها: ما تخافيش يا جميله خلاص ! جميله: ليه عرضت نفسك للخطر كده !
وليد ابتسم: يعني بلاش انك مرات ابني ده انتي بنت الغالي .. وبعدين اوري وشي ازاي لعمتك لو جرالك حاجه هاه ! جميله ضحكت: عمتو فعلا مكنتش هتخلص منها ابدا ! وليد ابتسملها: المهم انك بخير. ... يالا هروحك .. اكرم اعرفلي مين اللي بعت الرجاله دول ! اكرم: حاضر يالا بس الاول نروحكم.
اسر اتصل بوليد ورد عليه وطمنه وقاله انهم مروحين علي البيت وهو يسبقهم وبالفعل روح اسر والكل جري عليه اسر:ما تقلقوش الاتنين بخير .. عمو اكرم ويزيد لحقوهم وجايين علي البيت عماد وطي وسجد وشكر ربنا وحمده انه حفظله بنته .. شكره من قلبه ... وحاله فرح ملت البيت .. نبيله عيطت وندي حضنتها: ما تخافيش يا ماما مش هيبعد تاني عننا نبيله: انا ما صدقت رجع لحضني يا ندي.
ندي: ومش هيبعد تاني يا ماما ندي بصت لجميله اللي جامده مكانها: جميله وليد راجع مش قولتلك جميله ابتسمت: فعلا قولتيلي ... جميله مع وليد واكرم افتكرت ان تليفونها في عربيه عمها وليد جميله: عمو .. كنت عايزه اكلم فهد وليد: مش لازم تقلقيه يا جميله جميله بحرج: هو كلمني وهما بيكسروا القزاز وسمعهم وزمانه هيتجنن دلوقتي وليد: اكرم كلمه بسرعه..
اكرم اتصل عليه كان هيتجنن اكرم: والله كويسين ابوك كويس وجميلتك كويسه خد كلمها بنفسك عطي الموبيل لجميله: ايوه يا فهد فهد: انتي كويسه .. حد فيهم لمسك ؟ جرالك ايه ؟ طيب بابا حصله حاجه ! جميله انطقي ! جميله: هو انت مديني فرصه اقول حتي كلمه ! احنا كويسين باباك كويس وانا كويسه وملحقوش اصلا يعملوا اي حاجه عمو اكرم ويزيد وصلوا بسرعه فهد: كنتي بتصرخي.
جميله: يعني بلطجيه طلعوا وبيكسروا في قزاز العربيه المفروض اعمل ايه ؟ ازغرط ؟ فهد: لا ترقصي .. اديني بابا جميله عطت الموبيل لوليد اللي طمن فهد عليهم .. شويه ووصل وليد وجميله الفيلا والكل جري عليهم الا جميله فضلت قاعده مكانها ندي: حمدالله علي سلامتكم ... كويس يا اكرم انك وصلتلهم بسرعه وليد: فعلا مش عارف من غيره كنا عملنا ايه اكرم: ما تقولش كده يا وليد احنا اخوات.
جميله ابوها ضمها بحب وبعدها راح يطمن علي وليد اما جميله فجريت علي عمتها وقعدت في الارض قصادها وحضنتها جامد وليد دخل وبص لجميلته وكلهم بصولها باستغراب لان دي اول مره ما تقفش تستقبل وليد ... وليد: للدرجه دي زعلانه مني !
جميله: مش زعلانه المهم انكم بخير وليد: دي اول مره ما تقفيش تستقبليني يا جميله ... جميله بصتله كتير وبعدها سندت بايديها علي الكرسي علشان تقف بس وقعت في الارض والكل جري عليها ووليد شالها بسرعه قعدها علي الكرسي وليد: في ايه يا جميله مالك ؟
جميله بابتسامه: رجليا مش شيلاني يا وليد .. غصب عني ما اقفش استقبلك .. علي عيني يا حبيبي بس مش حاسه برجليا وليد: انتي حاسه بايه يا جميله وفي ايه مالك ! جميله بحب: انا كويسه يا وليد ما تشغلش بالك وليد كان هيتجنن واخدها للدكتور بسرعه ومعاه اخوها وجميله وبعد كشف كذا دكتور عليها طلعت ليلي تطمنهم عليها وليد: هيا مالها وفيها ايه وليه بقالكم كتير محدش عارف يطمنا عليها !
ليلي: هيا كويسه ومش كويسه في نفس الوقت وليد: يعني ايه مش فاهم ! ليلي: بص يا وليد كل الدكاتره عندي هنا كشف عليها وهيا جسمانيا كويسه جدا مفيهاش اي شيء ..عملنا تحاليل واشعه وكلها سليمه وليد بحيره: طيب هيا مش قادره تقف ليه ! مراتي مالها ! ليلي اتنهدت: مراتك خايفه يا وليد وليد: خايفه !
ليلي: دكتور عصام هيجي ويفهمك كل حاجه بس حاليا .. مراتك كويسه بس خوف جواها .. خوف شديد عملها زي شلل مؤقت وليد: شلل ! انا مش فاهم حاجه ! وليد ابتسمت بتفهم: ببساطه مراتك بتحبك اتحرمت منك اكتر من عشرين سنه واتحرمت من ابنها ودلوقتي كل حاجه رجعتلها وفجأه سمعت خبر ان جوزها في احتمال ولو بسيط تخسره من تاني وتعيش في حرمان من تاني ..حست بعجز ! حست بخوف ! وده جسمها ترجمه بالشكل ده فحاليا مراتك اللي عندها نفسي وعلاجها حاليا اعتقد انه في ايدك انت فقط .. اهو دكتور عصام هيشرحلك اكتر ..
وليد سلم عليه وقعد معاهم يشرحلهم حالتها وفضل اكتر من ساعه معاهم جميله: يعني يا دكتور عمتو هتقوم امتي ! دكتور عصام: ده شيء في علم الغيب .. ده دوركم انتو تحسسوها بالامان من تاني وساعتها هتقف من تاني وليد: طيب اخدها واسافر !
د/ عصام: ممكن بس يا وليد شوف ايه اللي تاعب مراتك وحاول تعالجه انت بنفسك .. وليد كل اللي حواليها في كفه وانت لوحدك في كفه تانيه .. وخصوصا انك رجعت من الموت فمجرد فكره انك ممكن تختفي من حياتها تاني دي مرفوضه بالنسبالها .. خد مراتك في حضنك وطمنها انك معاها .. وليد سكت شويه: ينفع نروح ولا تفضل هنا..
اكرم اعتزر من وليد يروح بقي ويسيبهن براحتهم وخارج و وراه ندي تخرجه لحد الباب وخرجت واستغرب اكرم انها خرجت ليره الباب مش الباب بس ومشيت وهو وراها لحد ما بعدت شويه و وقفت اكرم: في حاجه ؟ انتي كويسه ؟
ندي مره واحده اتفتحت في العياط .. عياط هستيري لدرجه اكرم واقف جامد مش عارف يعمل ايه او يقرب او يبعد او ايه بالظبط ... فضل جامد منتظرها تبطل عياط اتجرأ ومد ايده علي كتفها اكرم: ندي كفايه ... ندي بصتله وحاولت تسيطر علي اعصابها اللي انهارت دي مره واحده ندي: اسفه ... اسفه يا اكرم بس كنت محتاجه اعيط ومحدش يقاطعني اكرم بتفهم: طيب ليه العياط دلوقتي ؟ اخوكي وكويس ؟
ندي: ماهو كان كويس قبل كده بس فجأه اختفي وسابني انا ... انت متتخيلش انا كنت عايشه ازاي ؟ واخيرا وليد رجع ومبقتش خايفه وحسيت بالامان من تاني فمعنديش استعداد اخسر الامان ده تاني او اعيش في خوف تاني اكرم: ما تخافيش ابدا وربنا يحفظلك وليد وابنك كمان .. ولو تسمحيلي انا كمان موجود يا ندي لو كنتي بس شاورتيلي كنت هديت الكون علشانك مدي بصتله كتير قوي وحست ... هيا معرفتش تترجم احساسها .. مسحت دموعها: انا لازم ادخل بقي ... هيلاحظوا غيابي..
اكرم وسعلها الطريق: اتفضلي بس خليكي ديما فاكره اني موجود ندي ابتسمت وجريت علي البيت وهو ركب عربيته ومشي... جوه الكل متجمع وشويه والباب اتفتح وداخل فهد بخوف ولهفه وجميله خطيبته قامت جريت عليه واول ما وصلت عنده ضمها جامد .. معملش اي اعتبار لاي حد موجود بس شدها وضمها بخوف عليها بعد ومسك وشها بايديه فهد: انتي كويسه ! في حاجه حصلتلك !
جميله بحب وايديها فوق ايديه: انا كويسه ما تخافش عليا فهد: انتي مش متخيله انا وصلت ازاي ! انتي بجد كويسه ! جميله: والله كويسه .. الموضوع كله خلص في دقايق .. عمو وليد ما سمحش لحد فيهم يقرب مني فهد هنا استوعب ان كمان المفروض يسأل عن ابوه فرفع دماغه يبص للموحودين كلهم فراح ناحيه ابوه ولمح دماغه اللي متعوره وليد وقف يستقبله...
فهد: انت كويس ! ايه ده ! وليد: انا كويس وده مجرد خبطه بسيطه فهد حط ايده علي الجرح بيطمن وبيشوفه وليد مسك ايده: فهد انا كويس ! ما تقلقش فهد ابتسمله: الحمد لله انكم كويسين بص لامه واستغرب انها ما وقفتش تسلم عليه او تقابله فهد: ايه ! انتي قاعده كده ليه ! دي اول مره ادخل مكان وما تقفيش وتقربي مني !
جميله ابتسمت ودموعها في عنيها وفهد لاحظ دموعها وقلبها هزار فهد: ولا علشان جوزك رجع فانا بقي خلاص تركنيني علي الرف صح ! جميله هنا دموعها نزلت بجد وحطت ايديها علي وشها وبتعيط وهو استغرب مالها فقعد قصادها في الارض ومسك ايديها فهد: والله انا بهزر يا امي ما تزعليش حقك عليا..
ضمها كلها بين ايديه و وليد حط ايده علي كتف فهد وليد: والدتك تعبانه شويه فهد بصله: تعبانه ازاي مالها ! ( بصلها ورفع وشها تبصله ) فيكي ايه ! مالك! طيب تعالي نروح لدكتور وليد: لسه راجعين من المستشفي فهد بخوف: طيب في ايه مالها حد فيكم يتكلم جميله امه: حبيبي انا كويسه مفييش اي حاجه بس مش قادره اقف علي رجليا فهد بعدم فهم: يعني ايه ! طيب اقفي معايا يالا..
وليد: سيبها ترتاح شويه فهد: لا مش هسيبها ترتاح.. قومي اقفي يالا مسك ايديها الاتنين وبيحاول يوقفها وامه ابتسمتله بحب وحاولت تقف معاه فهد شدها وقفها بس بمجرد ما رخي ايديه امه رجليها ما شالتهاش وكانت هتقع بس مسكها بسرعه وهو مستغرب مالها وايه اللي جرالها فهد قعدها تاني: في ايه ! وليد شده بعيد عنها: قولتلك والدتك تعبانه سيبها ترتاح شويه ...
فهد هيرد بس عمته ندي اتدخلت: حبيبي فهد اطلع غير هدومك ولا اطلع الجنينه اتكلم مع خطيبتك اطمن عليها هيا كمان لاحسن تغير من عمتها .. جميله طلعي خطيبك ولا نقول جوزك .. خديه يا حبيبتي وطمنيه عليكي جميله قربت منه: يالا تعال نتمشي شويه فهد بصلها وبص لامه جميله امه: حبيبي والله انا كويسه جميله شدت فهد وهو خرج معاها بره الجنينه وفضلوا شويه ساكتين فهد: الدكتور قال ايه !
جميله حكتله بالظبط كل كلامهم وهو بيسمعها بصمت لحد ما سكتت هيا كمان فهد: الحياه يدوب بدأت تتظبط .. جميله مسكت ايده: وان شاء الله هتفضل متظبطه اهدي انت بس وساعدها تحس بالامان وهتتحسن بسرعه ان شاء الله فهد: لو جرالها حاجه..
سكت ومعرفش يكمل فجميله ضمته وهو خبي وشه في شعرها وفضل كتير ضاممها جميله: كل ده حب لعمتو لا انا كده هغير بجد بقي فهد اتعدل وبصلها وابتسم: هتغيري بجد من عمتك جميله بهزار: انا اغير من امي كمان لو طلعت من قبرها ! فهد ضحك: للدرجه دي واقعه جميله بصتله: واقعه ! انا اللي واقعه ! طيب انا بغير علي حبيبي الدور والباقي اللي جه علي ملي وشه من السفر هيموت من الخوف..
فهد منعها قاطعها واتكلم بجديه: انا فعلا كنت هموت من الخوف عليكي ... جميله انتي ما تتخيليش انا بحبك قد ايه ! انا معدش ينفع اتخيل حتي مجرد تخيل حياتي من غيرك ! حياتي قبلك كانت مجرد ... مجرد شيء مالوش معني .. ايام شبه بعضها وخلاص .. دلوقتي انا بقيت عايش . انا عايش بجد وسط اب وام وحبيبه .. مش متخيل اني ممكن اعرف اعيش من غيرهم .. جميله انا عايز الحياه دي ...
انا عشت عمري كله لوحدي .. اه ميس ساعات كانت بتبقي موجوده وكنت متخيل اني بحبها او اني بعتبرها ام بس بعد نا عشت انا وجميله امي يوم واحد معاها عرفت الفرق ... عرفت الفرق انك تعيش مع امك اللي بتحبك بجد وبين واحده اقل ما يقال عنها انها ... صراحه انا مش لاقي كلمه ينفع اوصف بيها ميس ... ميس وجميله اتنين قمه في التضاد ... جميله بتحب بلا مقابل..
جميله: فعلا هيا بتحب بلا مقابل .. بتحب وبس ومليانه حنان للكل .. فهد بص بعيد: تعرفي اني ساعات بغير منك انتي و وليد انكم عشتو معاها في الوقت اللي انا عشت فيه في مدارس داخليه مدرسه وري مدرسه .. بس برجع واقنع نفسي اني بحبك ... بحبك لدرجه اني اقبل انك تشاركيني في امي وانك في فتره من الفترات احتاجتي لوجودها في حياتك اكتر مني ...
جميله حطت ايديها علي خده: وانا بحبك لدرجه اني اتأسفلك دلوقتي اني استمتعت بحبها في الوقت اللي انت اتحرمت فيه منها واوعدك اني هفضل عمري كله احاول اعوضك انت عن كل لحظه حب اتحرمتها في حياتك .. واوعدك اني احاول اكون ام قبل ما اكون زوجه ليك فهد كشر كده: ام ! انتي ! لا يا ستي لنا حاليا عايز زوجه مش عايز ام .. جميله موجوده وهتقوم بالدور ده ركزي انتي بس في نقطه زوجه .. انا حاليا عايز زوجه جميله ضحكت: انت مفيش فايده فيك..
فهد: يعني عايزاني اقولك ايه بذمتك امي مش هينفع اعمل معاها كل الافكار السودا والسافله اللي في دماغي جميله كشرت وفهد ضحك بصوته كلها علي شكلها وهيا مره واحده سابته وراجعه ناحيه الفيلا وهو بيضحك وماشي وراها وبينادي عليها وهيا مطنشه لحد ما مسكها من دراعها جامد ولفها ليه: يعني بجد متخيله امي مثلا ينفع اعمل معاها كده..
وراح باسها بغل مخلوط بشوق وبخوف عليها لحد ما بعد عنها وهيا مغنضه عنيها وابتسمت فهد برقه: ينفع بقي تكوني امي ! جميله ابتسمت ومسكت ياقه قميصه بدلع: مش امك امك يعني ! اقصد حنيتها وحبها اللي بلا مقابل لكن انا مراتك قبل اي حاجه فهد ابتسم: ايوه مراتي قبل اي حاجه .. اما نقطه الحب اللي بلا مقابل فدي اتوصي بيها كتير قوي فهد حط دراعه حواليها: يالا ندخل عندهم بدال ما ابوكي يتضايق .. وخليني اغلس علي وليد شويه جميله: وليد اخويا ؟ ليه ؟
فهد بصلها: وانا اغلس علي اخوكي ليه ! وليد ابويا ! تعالي خلينا اخد منه جميلته جميله: طيب ماهو ممكن يغلس عليك هو كمان فهد: لا ما يعرفش لان انا عادي اخد جميلته هو ما ينفعش ياخد جميلتي .. ومفيش اي شيء تاني ينفع يغلس عليا بيه جميله: والله ممكن انا أساعده..
فهد ضم دماغها جامد بدراعه علي صدره: بلاش انتي .. قلدي عمتك .. هيا لا يمكن تسمح لحد يغلس علي جوزها فانتي اعملي زيها ... سالي كانت في الطريق والدنيا ليلت عليها وهيا في الطريق سرحانه في انتقامها وبتتخيل شكل فهد وبتتخيل نفسها هيا مراته لقت العربيه وقفت منها .. واكتشفت انها نسيت تحط بنزين في الطريق والعربيه شطبت بنزين في الطريق الصحراوي .. مكنتش عارفه تعمل ايه .. او تكلم مين !
اتصلت بحمدي بس لقت موبيله مقفول .. فضلت شويه تفكر هتعمل ايه ! طيب تكلم مين ! في الظروف اللي زي دي كانت بتكلم ابوها او جدها والاتنين وليد اخدهم منها الغل زاد في قلبها واتمنت لو تطول وليد في ايدها .. فضلت شويه قاعده وبعدين كل ما عربيه بتهدي بتخاف ... اتصلت بالعسكري اللي عند ابوها اللي بتكلم علاء عن طريقه...
سالي: لو سمحت خليني اكلم علاء نصار العسكري: الوقت متأخر دلوقتي سالي: اذا سمحت ارجوك انا في مشكله ولازم اكلمه ومع ضغط منها وافق انها تكلم ابوها وله الحلاوه علي مساعدتها علاء بخوف: في ايه يا سالي مالك يا بنتي سالي: بابا انا عربيتي شطبت بنزين وعطلانه علي الطريق وانا راجعه من شرم لسه فاضلي اكتر من سبعين كيلو علي القاهره اعمل ايه !
علاء فكر لحظات: اتصلي بعمك وليد وهو هيتصرف سالي: بابا ارجوك انا مش عايزه احتاجلهم ! علاء: سالي عمك وليد اكتر حد ممكن يساعدك دلوقتي ومش هيتردد ابدا ولا هيتأخر فاتصلي بيه حالا سالي: يوووووه حاضر هتصل بيه ومالو ! قفلت مع ابوها بس اترددت تتصل بوليد وفضلت ترن علي حمدي اللي موبيله مقفول ..
فهد دخل هو وجميلته الفيلا وقعدوا مع الكل فهد لامه: ايه ياجميلتي انا جعان ما اكلتش من ساعت ما انتي غديتيني امبارح جميله عيطت لانها مش قادره تقوم تجيب اكل لابنها وهو قام ضمها فهد: وبعدين بقي في عياطك كل شويه ده ارحمينا بقي جميله امه: ماهو انت جعان..
جميله الصغيره: انا يا عمتو هجيبله ياكل بس انتي بطلي عياط وحاولي تقوميلنا بسرعه بقي فهد: شوفتي اهي حلتها القمر وهيا هتأكلني وليد ابوه: طيب ما تقوم تأكل نفسك ولا انت صغير ! ولا اطلب ديلفيري فهد بيغيظ ابوه: بقي عندي جميليتين واطلب ديلفيري ده حتي تبقي عيبه في حقهم ولا ايه ! جميله امه: طبعا يا حبيبي..
وليد نصار: دلعي فيه انتي كده علي طول جميله: وان مكناش هندلعه احنا مين اللي هيدلعه .. خليه براحته يا وليد.. جميله حبيبتي حطي عشا لجوزك يالا .. وانتو اليوم كان طويل كل واخد يروح يريح بقي يالا عماد وقف فاخته بصتله: خليك هنا الليله ! عماد: لا يا حبيبتي وبعدين وليد هيقعد لوحده فخلينا مع بعض .. ( بص لبنته ) جميله الكبيره: خليها معايا الليله علشان خاطري يا عماد عماد: خاطرك علي عينا يا اختي بس ...
جميله: ما بسش بنتك في امان في بيتي يا اخويا عماد: عارف طبعا بس .. بس هيا وخطيبها في بيت واحد ! جميله: وبعدين يا عماد ! عماد: يوووه خلاص سكتت اهوه .. يالا تصبحوا علي خير كلكم مشي عماد و وليد وقف: يالا هطلعك اوضتك ويدوب هيقرب يشيلها فهد قرب منه فهد: عنك انت يا حج العظمه كبرت برضه..
الكل ضحك و وليد اتعدل وبصله وقبل ما ينطق فهد ضحك واتكلم: والله بهزر معاك اتفضل يا حج شيل وليد: هو حد قالك قبل كده ان هزارك رخم ! فهد بص لخطيبته: يوووه كتير وخصوصا البت دي وليد: عندها حق والله.. بت لو عايزه تغيري رأيك انا معنديش مانع فهد هنا اتدخل بسرعه: لا بقولك ايه شيل مراتك واطلع احنا مش هنقطع علي بعض .. قال تغير رأيها قال !
وليد ابتسم: ايوه كده اتلم بقي نبيله: ربنا يسعدكم يا حبايبي .. يالا انا هقولكم تصبحوا علي خير وليد وفهد وكلهم: وانتي من اهل الخير ندي: خديني معاكي يا ماما امل: وانا كمان خدوني معاكم .. جميله لو احتاجتي اي حاجه تعالي عندي علي طول يا قلبي جميله: ما اتحرمش منك يا قمر وليد بص لجميلته: نطلع ؟ جميله بابتسامه: ياريت فهد: ما تخليني انا اشيلها !
وليد هيتكلم بس فهد كمل: سيبني انا اساعدها والله مش قصدي اتريق وليد بصله وحس ان فهد محتاج يقرب من امه شويه وكمان شاف ابتسامه جميله لابنها فعرف ان هيا كمان عايزه فهد وليد بعد خطوه وفتح الطريق لفهد اللي ابتسم وقرب من امه وشالها بخفه واستغرب انها خفيفه جدا .. طلعها اوضتها ودخلوا كلهم معاها وليد وجميله الصغيره وفهد حط جميله علي السرير وقعد جنبها والناحيه الثانيه قعد وليد وجميله قعدت عند رجلين عمتها وكلهم حواليها فهد: مش هتقوليلي بقي في ايه وزعلانه ليه!
جميله امه: سلامتك يا قلبي انا مش تعبانه انا كويسه جدا فهد: طيب قومي يالا جميله ابتسمت وحطت ايدها علي خده: بكره باذن الله هقوم وليد: مالك يا جميله وخايفه من ايه ! الدكتور عصام بيقول ان حالتك دي نفسيه وده خوف جواكي .. خايفه من ايه ! جميله الصغيره: اه يا عمتو احنا كلنا حواليكي خايفه من ايه تاني !
جميله فضلت ساكته شويه وبصالهم كلهم وبعدها بصت للارض واخدت نفس طويل ودموعها اتجمعت في عنيها بتهدد بالنزول فهد ضمها: خايفه من ايه يا امي ! كلنا جنبك .. انا اهو معاكي وحبيبك اهو جنبك .. احنا الاتنين حواليكي وعيلتك كلها اتجمعت فليه الخوف جميله بعياط: خايفه اكون بحلم واصحي من حلمي والاقي نفسي لسه لوحدي .. خايفه اتحرم منكم انتو الاتنين .. قلبي وحته من روحي .. اعيش ازاي من غيركم وليد مسك ايدها وباسها: جميله احنا جنبك انتي ما بتحلميش..
جميله عيطت: ولو جرالك حاجه النهارده مكنتش هصحي من الحلم علي اسوأ كابوس ! هاه ! ولا جميله كانوا خطفوها الله اعلم كانوا هيعملوا فيها ايه ! متخيل انت لو اتخطفت كانت حالتنا كلنا هتبقي ايه ! او فهد انت حالتك هتبقي ايه وليد: انا كويس قدامك اهو..
جميله الصغيره: وانا اهو كويسه والحمد لله عدت علي خير فهد: بلاش بقي تفكري كتير فلو دي .. احنا كلنا كويسين وده المهم وبس جميله امه تأوهت: اااااااااااه سيبوني انام انا تعبانه وعايزه انام .. جميله عشي فهد قبل ما تنامي وانت يا فهد شوف جميله هتنام فين وخلي بالك منها ! نامت علي السرير و وليد غطاها وجميله وفهد وقفوا وليد: جميله تريحي انتي وانا اجهز لفهد عشا تعالي اوديكي اوضتك.
جميله وفهد الاتنين اعترضوا واتكلموا مع بعض و وليد ابتسم: طيب هخرج انا منها طريقكم اخضر جميله وفهد وراها خارجين بس وليد نادي علي فهد: فهد لحظه فهد رجع لابوه وجميله خرجت وسابتهم فهد: خير يا بابا ! وليد ابتسم: انت عارف ان دي اول مره تقول فيها بابا ! فهد اتحرج: بحاول اتعود وليد بحب: براحتك وخد وقتك فهد: المهم كنت عايز حاجه مني !
وليد افتكر: اه .. جميله هنا في بيتنا امانه فاهم ! حافظ عليها فهد: محسسني انتا طالعين علي الجبهه عموما حاضر هحافظ عليها وليد بجديه: اقصد تحافظ عليها من نفسك قبل اي حاجه تانيه فهد: وحياتك ماهي ناقصه كفايه الموشح اللي هيا بتسمعهولي كل ما اقرب منها .. تحب اسمعهولك ! عارف انها مش ملكي دلوقتي ومش من حقي اقرب منها الا لما تكون في بيتي ( فهد سكت كده وبص لابوه ) بس هيا اهي في بيتي..
وليد: واد انت فهد ضحك: بهزر بهزر يالا تصبح علي خير خرج فهد ونزل لجميله اللي كانت واقفه منتظراه فهد: اتأخرت عليكي ! جميله: يعني المهم تعال نتعشي ! انا واقعه من الجوع فهد: واقعه من الجوع ! امممممممم احنا لازم نشوف حل في موضوع الاكل ده جميله ابتسمت: يالا دخلوا المطبخ وهيا وقفت في نصه جميله باستعباط: ايه المطبخ الكبير ده ! فين كل حاجه !
فهد: عايزه ايه ! جميله: انت عايز تاكل ايه ! فهد: اي حاجه خفيفه وسريعه جميله فتحت التلاجه ووقفت فيها كتير فهد من وري الباب: ايه يا حجه انتي بتعملي شوبينج جوه التلاجه ولا ايه ! هاتي اي حاجه جميله رفعت دماغها وبصتله: في حاجات كتيره قوي يا فهد حاسه اني في سوبر ماركت فهد ابتسم: طيب اشتريلنا كام بيضه وحبه جبنه وزيتون ومربي فراوله مش تين واي حاجه انتي عايزاها جميله: ايوه حددلي اسهل...
بدئت تطلع من التلاجه كذا نوع جبنه وزيتون ولانشون وبيض ومربي كذا نوع فعد بنفاذ صبر: ايه ؟ هاه ! لا بجد ايه ! جميله بصتله: هو انا مش هاكل معاك ولا ايه ! اهدي بقي كده وخليني اركز فهد قعد شويه وهيا بتطلع كذا نوع جبنه .. رومي وشيدر وبيضا واسطنبولي فهد: لا كده الموضوع مطول بقولك ايه انا هطلع أ جميله بصتله: اياك تتحرك من مكانك وبعدين طول ما انا في المطبخ انت كمان تقعد معايا فهد: ليه عليا ذنب ولا ايه ؟
جميله بتتكلم والسكينه في ايدها: بقولك ايه فهد بص للسكينه ومش عارف ليه افتكر وهيا بتحدف كل حاجه في المكتب عليه فقرب وشد السكينه من ايدها: ما تتكلميش وهيا في ايدك انا مش بطمنلك جميله ضحكت وكملت تجهيز الاكل وبصتله: هتاكل فين ! فهد شاور علي التربيزه اللي قدامه: هنا يا قمر قعدت جنبه وبدؤا ياكلوا هما الاتنين جميله: مش كنا عملنا شاي فهد بصلها وكشر عنيه...
جميله: بتبصلي كده ليه ؟ كنا خمسنا مع الاكل بشاي فيها ايه ! فهد: عارفه انتي ايه احسن رد عليكي ! جميله ابتسمت: ايه بقي ! فهد: اني اخلص اكل واسيبك واطلع انام جميله بغيظ: وده ليه بقي ان شاء الله !
فهد: علشان تاكلي وتعملي شاي وقهوه وتحلي وخليكي للصبح في ام المطبخ براحتك انا بقي ما نمتش من امبارح هسيبك وانام جميله فضلت تبرطم كده وتقلده وبعدها كملت اكلها وهو اكل في صمت لحد ما وقف: انا الحمد لله اكلت هطلع اغير هدومي لابسها من امبارح جميله وقفت قصاده: وانا هلم الاكل ده وخلاص..
يدوب هتلم الاكل بس فهد مسك ايدها: سيبي الاكل وتعالي نطلع بقي من المطبخ في ناس مسؤلين عن شيل الاكل جميله: لا ما ينفعش اسيبه كده .. حرام الاكل ده لو فضل للصبح هيترمي هلمه بس بسرعه انت اطلع غير اكون انا خلصت فهد عرف ان مفيش فايده فسايبها وطالع وقبل ما يخرج: فهد هيا اوضتك انهي ؟ فهد ابتسم: اللي علي يمين اوضه عمتك سابها وطلع اوضته ودخل ياخد شاور..
جميله خلصت وعملت شاي برضه وفرحت جدا لما لقت نعناع في التلاجه وطلعت بكوبايتين الشاي عند فهد، خبطت ودخلت بس مكنش حد في الاوضه خافت تكون اوضه غلط بس احساسها قال ان دي فعلا اوضته بفرشها الاسود والرمادي .. الاوضه كانت كئيبه وغامقه وهيا ما بتحبش الالوان الغامقه .. حطت الشاي وبتتفرج علي الاوضه .. قعدت علي السرير ورقدت عليه تجربه،
كان في سعاده داخليه جواها، قامت ولفت انتباهها باب ففتحته بفضوا واتفاجئت ان الاوضه عباره عن دولاب كبير الاوضه حيطانها عباره عن ارفف ودولايب مقفوله فدخلت وبدئت تتفرج علي حاجته ولما دخلت سمعت صوت الدش وعرفت ان فهد جوه ... فتحت ضرفه كانت عباره عن بدل كلها اسود ورمادي فقط فقفلتها وفتحت غيرها كانت هدوم للبيت وكلها برضه بنفس الالوان ... فقالت في نفسها انا لازم اغير الكآبه دي ولازم ادخل الالوان في حياتك..
بتفكر هتحط هدومها فين بقي هنا ! وهنا الباب اتفتح وخرج فهد بفوطه علي وسطه وفوطه في ايده بينشف بها دماغه وهيا بصتله واتحرجت وهو ابتسم .. راحت ناحيه الباب هتخرج بس هو لحقها وثبتها علي الباب: بتعملي ايه هنا ! جميله بحرج وبتبص بعيد: كنت بتفرج علي الاوضه .. هستناك بره كانت هتخرج بس ثبتها تاني علي الحيطه..
جميله: سيبني بقي خليني اخرج فهد: مش عايز اسيبك عايزك تفضلي هنا بصيلي وانا بكلمك جميله بحرج اخيرا وشافت في عنيه رغبات كتيره جدا وبتفكر ازاي تخرج من هنا بدون ما تستسلم لرغباتها هيا كمان فهد: بتفكري في ايه كل ده !
جميله اتعدلت وده قربها منه وحطت ايديها علي اكتافه علي الفوطه اللي حوالين رقبته وبدئت هيا تنشف راسه وهو ابتسم وهيا قربت قوي منه وراحت بتحاول تعكس الوضع بس هو مش بيتحرك لحد ما بصتله فاتحرك معاها وبقي هو سلند علي الخيطه وهيا قصاده وهو تقريبا في مستواها فقربت قوي منه: من هنا ورايح هكون انا مسؤله عن كل شيء يخصك مفهوم !
فهد: مفهوم قربت قوي منه وهو فهم انها هتبوسه من قربها ده بس هيا حطت شفايفها علي خده وباسته بوسه طويله قوي ويدوب هيعترض بعد ما بعدت جريت من قدامه وقفلت وراها الباب الفاصل ومسكت الاكره ولقت المفتاح في الباب فقفلته بسرعه جميله: البس هدومك واطلع..
فهد بيفتح: بت انتي افتحي الباب جميله: لما تلبس فهد: ماشي يا بارده لبس وبيخبط عليها: افتحي بقي جميله شالت المفتاح وبصت من مكانه: ارجع لوري شويه فهد ابتسم وفهم فقعد في مستوي الباب قصادها: افتحي بقي هيا اتخضت ورجعت لوري وهو ضحك فهد: هنقضي الليله كده الباب بينا جميله: لو قلتلك اه هتعمل ايه !
فهد: هقولك اعكسي الوضع وخليني انا بره وانتي جوه جميله باستغراب: ليه هتفرق في ايه ! فهد: تفرق ان في وراكي سرير عريض انام عليه وانتي براحتك جميله فتحت الباب بغيظ: اطلع نام يدوب هتمشي مسك ايدها: احنا اخر الليل وانا من ساعت ما سافرت امبارح للحظه دي ما نمتش جميله: طيب انا بسيبك اهو علشان تنام وريني بس مكان انام فيه ! ولا شاورلي علي اوضه امل !
فهد: ما بسش بقي وبعدين انتي في امان معايا يا جميله .. حبيبتي انتي مراتي وحبيبتي وكل حاجه بالنسبالي والواحد لما بيحب بجد عمره ابدا ما هيأذي حبيبته فانتي سيبي الحذر مني بعيد وانا اوعدك اني هقوم بالدور ده .. انا اوعدك اني هحافظ عليكي يا جميله عمري بس انتي ما تبعديش جميله بابتسامه: بجد يا فهد فهد بابتسامه: بجد يا قلب فهد..
شدها براحه وهيا بصتله واطمنت لانها قرت الحب في عنيه فاستخبت في حضنه وهو ضمها قوي وابتسم وحس ان هو اسعد ما يكون .. فهد: عايزه تسهري تعالي ننزل الجنينه نتمشي شويه جميله ابتسمت: لا يا حبيبي انت تعبان فنام الليلادي وبعدين نتمشي فهد ابتسم: تحبي تنامي فين ! جميله: اي مكان هطلبه هتوافق تخليني انام فيه !
فهد فهمها: طبعا شاوري جميله: يبقي هنا في سريرك فهد باستعباط: عايزه تنامي في حضني ! جميله كشرت: لا ما هو انت هتشوف مكان تاني تنام فيه فهد ابتسم: ماشي ما تزقيش بس .. الاوضه و صاحب الاوضه تحت امرك هسيبك انا علشان تاخدي راحتك..
باسها بوسه طويله جدا في دماغها وهيا مبتسمه وحاسه بقمه السعاده بصلها وخارج وقبل ما يخرج: فهد بصلها فكملت: ينفع تفضل معايا لحد ما اروح في النوم ! ما بعرفش انام في مكان جديد بسهوله فهد ابتسم ورجع: اوك..
دخلت السرير وفهد غطاها وقعد قصادها فهد: نامي بقي جميله غمضت عنيها وهو جنبها وايده بتلقائيه بتلعب في شعرها وهيا فتحت عنيها فهد: حاولي تنامي بسرعه علشان خاطري جميله: حاضر..
شدت ايده وحطتها تحت خدها علشان تنام عليها وهو ابتسم واحاسيس كتيره غمرته وفكر ان ازاي جميله دخلت حياته وقلبتها كلها كده .. كل الاحاسيس دي جديده عليه الحب ده جديد عليه .. انه يهتم براحه حد جديد عليه .. انه يعشق حد للدرجه دي جديد عليه... ريح نفسه في القعده جنبها وبقت ايد تحت وشها والايد التانيه بتلعب في شعرها ومع التعب والاجهاد غمض عنيه للحظه فقط و...
غرق في النوم تماما وهنا جميله فتحت عنيها وبصتله بحب وقربت بهدوء منه وباسته في خده واتعدلت وغطته وخرجت بهدوء من اوضته وهيا مبتسمه وراحت لاوضه امل وخبطت خبطه واحده وامل فتحت: كنت منتظراكي تعالي جميله: انتي لسه صاحيه !
امل ابتسمت: يدوب قافله مع اخوكي بس غريبه ان فهد نام وسابك كنت متخيله انكم هتسهروا للصبح ترغوا جميله ابتسمت: بقاله يومين ما نمش وبمجرد ما لمس السرير غرق في النوم امل: طيب كنتي صحيتيه ! جميله بحب: لا هو تعبان خليه يرتاح قصوا الليله يرغوا مع بعض...
فهد بعد فتره مش عارف قد ايه فتح عنيه واتفاجيء انه في اوضته فاتعدل بسرعه بص لساعته كانت تقريبا ٤ الفجر معقوله نام ٣ ساعات بحالهم بص حواليه بس ملقاش جميله جنبه وعرف انها خرجت فقام يشوفها فين سالي انتظرت كتير وزهقت فبلعت كبرياءها واتصلت بوليد اللي كان سهران جنب مراته باصصلها وهيا نايمه وهو بيفكر في حياته معاها .. اتفاجيء بموبيله وبصله ولقي رقم غريب فقام وخرج البلكونه علشان ما يصحيش مراته ورد كانت سالي..
سالي: ايوه يا اونكل وليد وليد: خير يا سالي في ايه ! بتتصلي الفجر في حاجه ! سالي اتنهدت: عربيتي شطبت بنزين مني وانا نازله القاهره انا بيني وبين القاهره حوالي سبعين كيلو وبقالي كذا ساعه منتظره بس محدش وقف فممكن تبعتلي حد وليد بغضب: بقالك كذا ساعه يا سالي انتي مجنونه يا بنتي ! تقفي في الطريق الصحراوي لوحدك ! طيب كويس ان محدش ضايقك .. هبعتلك اكرم حالا ولولا ان جميله تعبانه شويه وما ينفعش اسيبها كنت جتلك بنفسي ..
سالي بفرحه: جميله خطيبة فهد تعبانه ! وليد: لا جميله مراتي انا .. يالا سلام خليني اكلم اكرم قفل واتصل باكرم بسرعه يبعتلها حد او يروح بنفسه اكرم: هروح بنفسي بس يا وليد مش شايف توقيت نزولها غريب ! وليد: مش وقته يا اكرم انزل للبنت ونتكلم بعدين اكرم: حاضر يا وليد هروحلها حالا..
قفل وقعد سرحان في البلكونه يفكر هل سالي لها علاقه بمحاوله خطف جميله ولا ده تخطيط محسن مثلا ؟ طيب ليه راجعه في نفس اليوم ! هل عايزه تشمت مثلا؟ او عايزه تشوف فهد منهار ! ولا مجرد صدفه بحته ؟ هنا سمع صوت جميله مراته بخوف بتصرخ وتنادي عليه جميه: وليد ... وليد ... وليد انت فين !
دخل جري بسرعه عليها وضمها وهيا بتعيط وليد: انا اهو انا جنبك اهو ! مالك يا قلبي بس .. ما تعيطيش جميله ضماه قوي: حلمت ان رجوعك كان حلم واني صحيت منه وانا لوحدي تاني وابني ما رجعليش ...( عيطت جامد ) مش عايزه اعيش تاني من غيركم يا وليد وليد بيحاول يطمنها وهنا الباب خبط خبطه واحده وفهد دخل: في ايه مالها ! انا سمعت صوتها بتنادي عليك ! انت سيبتها ورحت فين !
وليد: ما روحتش كنت برد بس علي تليفون في البلكونه فهد قرب ووقف متردد بس وليد شاورله يقعد جنب امه وليد: جميله كفايه عياط احنا جنبك اهو ده مجرد كابوس .. وابنك كمان جنبك اهو فهد قرب منها وحط ايده علي ظهرها: امي انا جنبك اهو خلاص ما تخافيش جميله بعد عن حضن وليد شويه وشدت فهد اللي قرب وضمها هو كمان فهد: حبيبتي احنا الاتنين جنبك ومش هنبعد عنك تاني اهدي بقي..
سالي فضلت منتظره متغاظه وبتحاول كل شويه ترن علي حمدي اللي موبيله مقفول ... لحد ما عربيه وقفت ونزل منها شابين وشافوا سالي شاب ١: ايه يا قمر ! واقفه في نص الطريق ليه كده ! سالي: بشم هوا وانت مالك ! شاب ٢: ليه كده يا قمر احنا بس حبينا نطمن عليكي مش اكتر سالي: خليكم في حالكم..
نزل شاب تالت من وراهم: انتو اخرتو ليه ! وايه المزه دي ! ما تيجي يا مزه نوصلك معانا بدال ما انتي لوحدك كده سالي: لا متشكره وبعدين شكلكم شاربين فارجعوا عربيتكم وروحوا انتو ما تعرفوش انا ابقي مين ؟ الشاب ٢ قرب من العربيه: طيب ما تنزلي تعرفينا انتي مين ؟
سالي: خليكم في حالكم وانا في حالي وبعد شويه من النقاش قربوا منها وشدوها بره العربيه بعد ما اتأكدوا انها بتهدد فقط وان عربيتها عطلانه منها سالي صرخت جامد فواحد فيهم ضربها كذا قلم وحط ايده علي بوقها فعضته والاتنين التانين مسكوها جامد والولد ضربها بالقلم وقعها..
سالي: انا هنتقم منك يا سافل يا منحط الشاب ٢: ورينا ازاي يا قطه حاولت تقوم بس هو ضربها كتير وحاولت تجري مسكوها التلاته ضربوها كتير جدا لحد ما اغمي عليها الشاب ٢: انا الاول .. انا هاخدها الاول..
شدوها وركبوها عربيتهم ودخل معاها الشاب وقطع هدومها واغتصبها واستمتع جدا لما اكتشف انها بنت.. خرج من العربيه مبسوط ودخل تاني واحد اغتصبها هو كمان وبعدها دخل الثالث وكل ده وهيا بتنزف ومغمي عليها.. طلع التلات شباب واقفين مع بعض وبيفكروا هيعملولها ايه او هيخلصوا منها ازاي..
الشاب ١: احنا نسيبها هنا جنب عربيتها ولا مين شاف ولا مين دري الشاب ٢: طيب تعالو شيلوها معايا شالوها ورموها جنب عربيتها ورموا عليها هدومها المقطعه وركبوا عربيتهم ومشيوا وكأنهم ما ارتكبوش اي جريمه ...
رواية جميلة الجزء الثاني للكاتبة الشيماء محمد الفصل الخامس والثلاثون
الشباب التلاته شالوها ورموها جنب عربيتها ورموا عليها هدومها المقطعه وركبوا عربيتهم ومشيوا وكأنهم ما ارتكبوش اي جريمه ... جميله قاعده في حضن ابنها وجوزها والاتنين بيحاولوا يطمنوها وهيا بتعيط لحد ما اخيرا هديت وبدأت تتكلم جميله: انتو عايزيني اعمل ايه ! انا مبقتش قادره خلاص ! معدتش قادره استحمل وجع تاني او فراق تاني ... وليد: احنا اتجمعنا خلاص يا جميله جميله: كان ممكن تروح مني ! فهد: انتي ليه بس بتفكري كده !
جميله بعياط: ليه ! اقولك انا ليه ! انا كنت بنت صغيره في قريه صغيره في بيت فقير بسيط بس مليان حب امي ماتت وسابتنا وبعدها ابويا كمان مات وسابنا لعمنا انا واخويا عماد..
عمنا علي قدحاله بيصرف علي عياله بالعافيه عماد اخويا دخل معهد مع انه جاب مجموع يدخله جامعة لكن مرضيش يتقل بالمصاريف على عمي وقبل بالمعهد وكان بيشتغل بعد الظهر اي شغلانه يلاقيها وبعدها انا خلصت الثانوي ودخلت معهد بردو وكنت اقدر ادخل جامعة لكن ماامكنش واهو علي قد ما نقدر ما بنكلفوش غير في الضروري بس الحمل تقل عليه وكان لازم حد فينا يسيب معهده فانا سيبته علشان عماد يخلص ويشتغل وهو يصرف عليا انا وهو لكن انا لو اخدت شهادة هعمل ايه ! هشتغل انا واقعده هو في البيت..
ساعتها ظهرت نبيله هانم في حياتنا بتدور علي بنت غلبانه يتيمه وترضي بالقليل وعمي ساعتها جه وكلمني وانا وافقت علي امل اخفف عن عمي واساعد اخويا ونقدر نعيش وساعتها عرفت اللي هيا طلباه خفت في الاول بس بعدها وافقت لان مفيش قدامي طرق تانيه ولاني كنت ساعتها عيله فمكنش في بالي ولا كنت افهم اصلا يعني ايه جواز او خلفه او حب مكنتش مدركه ايه اللي انا داخله عليه..
اهي واحده غنيه عايزه حد يخدمها كام شهر وهخلف وامشي وارجع بيتنا والكل يعيش مبسوط ... ده اللي فكرت فيه دخلت وشوفتك يا وليد مش هنكر اني كنت مرعوبه منك وخصوصا في الاول كنت بتزعق كتير وبتتخانق مع ميس كتير ومش قادره انسي لما خليتهم يلبسوني ويزوقوني وبعدها اخدتني لميس اللي اتجننت كنت في قمه رعبي وليد: حبيبه قلبي انا..
قاطعته: انا مش بقول كده علشان تتأسف يا وليد انا وانت حبينا بعض وبجنون انا بس عايزه اتكلم وافضفض وليد بحب: اتكلمي وقولي كل اللي جواكي حكت جميله عن حياتها كلها وخوفها ووجعها وعذاب ميس لها وحكت عن حبسها ظلم وخروجها ومحاولتها تشوف ابنها وطرد ميس لها كل شويه او تبعتلها البوليس يمشوها .. حكت كل وجعها طول السنين اللي فاتت وفهد جنبها نفسه لو الزمن يرجع وكان يدور عليها من اول ما رجع مصر واستقر بدال ماهو اخد كلام ميس امر مسلم به ...
جميله عيطت جامد: دلوقتي جوزي رجعلي وابني رجعلي وانا مش عايزه غير انهم يفضلوا جنبي .. مش هقدر حد فيكم يبعد عني تاني .. مش هقدر علي فراق تاني ... يا رب يارب اجعل يومي قبل ما حد فيهم يفارقني وليد هنا ضمها قوي: ما تقوليش كده يا جميله انا معرفش اعيش من غيرك..
جميله: وانا معدتش عايز اعيش يا وليد تعبت خلاص .. لما اسر قال ان في جماعه طلعوا عليك انت وجميله قلبي كان هيقف .. كنت هموت .. افتكرت اللي ميس عملته فيك بس ساعتها كنت شاب صغير وربنا نجاك خفت المره دي... اترعبت يا وليد... ما تبعدش عني تاني... ما تبعدش عن حضني تاني وليد: مش هبعد ابدا،.. مش هبعد يا جميله خلاص فهد كان عايز يعيط هو كمان مع امه وابوه وكميه الحب اللي بينهم ...
اكرم نزل بناءا علي كلام وليد علشان سالي بس بعدها خاف يكون فخ عملاه لوليد تصطاده بيه فاخد معاه يزيد ابنه وفضل ماشي في الطريق ومنتظر اي عربيه راكنه عطلانه لحد ما لمح عربيه وابتسم انه اخيرا وصل ركن وراها ونزل هو ويزيد وراه واتفاجيء بالعربيه فاضيه والباب مفتوح طلع مسدسه وطلع موبيله نوره ونادي علي سالي اكرم ليزيد: تعال ندور عليها..
بينور ويدور في الصحرا جنب العربيه لحد ما لمح حاجه في الارض قرب عليها بحذر وبص حواليه بس يزيد واقف وراه ومفيش حد قرب واتفاجيء انها بنت فجري بسرعه عليها وشال شعرها من علي وشها اللي كله دم لدرجه انه مش عارف مين دي اصلا قلع جاكته بدلته وحطها عليها ونادي علي يزيد اللي جاله بسرعه يزيد: دي سالي..
اكرم: والله ما عارف البنت متبهدله يزيد: تستاهل مش ده اللي كانت عايزاه يحصل لجميله اكرم: لا حول ولا قوه الا بالله يا ابني مش متأكدين انها هيا وبعدين مش هنشمت في البنت وهيا بتموت ...ولا الله اعلم اصلا هيا ماتت ولا عايشه يزيد قرب وحط ايده علي رقبتها يشوف نبضها..
يزيد: في نبض بس ضعيف وبعدين دي بتنزف جامد .. دول مش بني ادمين اللي عملوا فيها كده .. انا هبلغ البوليس والاسعاف وفهد كمان اكرم: بلاش فهد كلم وليد يزيد بلغ البوليس وبلغ موقعهم بالظبط وطلب اسعاف واتصل بوليد اللي كان ساعتها جميله في حضنه بتعيط وبيهديها ولما موبيله رن شاور لفهد يرد عليه وليد: فهد شوف مين واتصرف انت..
فهد وقف واخد تليفون ابوه وخرج واتفاجيء انه يزيد فهد: ايوه يا يزيد خير يزيد بص لموبيله يتأكد هو طلب مين يزيد: انا كنت بكلم والدك ؟ هو فين ؟ فهد: جميلته تعبانه شويه وانا معاك اهو قول بقي في ايه ؟
يزيد: طيب تمام المهم سالي اتعرضت لحادثه وهننقلها المستشفي فهد باستغراب: هيا مش سالي في شرم !عرفت منين ؟ يزيد: كانت راجعه وعربيتها عطلت وكلمت والدك اللي اتصل باكرم واكرم كلمني وجينالها ولقيناها... فهد: لقيتوها ايه ؟ يزيد: مضروبه جامد جدا وبتنزف من كل مكان وهدومها متبهدله ومتقطعه واعتقد يا فهد انها مغتصبه .. فهد: يا الله ... طيب انا هجيلكم انتو فين !
يزيد سمع صفارات الانذار للاسعاف والبوليس فعلي صوته علشان فهد يسمعه: احنا هننقلها للمستشفي تعال علي هناك هفضل علي اتصال بيك قفل وفهد يدوب هيتحرك لقي جميله خطيبته وراه: في ايه يا فهد ؟ وهتقابل مين دلوقتي !
فهد: مشوار مع يزيد ادخلي كملي نومك يدوب هيدخل اوضته بس مسكت دراعه: اقف كلمني الاول في ايه ! وليه هتقابل يزيد ! هو عرف حاجه ! ولا اوعي يكون عمك محسن ظهر ! فهد مسك وشها يطمنها: حبيبتي مفيش اي حاجه نهائي من الكلام ده ادخلي ارتاحي انتي بقي جميله باصرار: طيب هاجي معاك..
فهد بص في ساعته: طيب ادخلي اتصلي بأبوكي وقوليله انا خارجه مع خطيبي الساعه ٣ الفجر... يا حبيبتي والله ما في حاجه تقلق اطمني جميله: انا قلبي مش مطمن اصلا فهد بابتسامه: لا طمنيه ... انا هدخل اغير هدومي فهد دخل غير هدومه وخرج كانت قاعده في الاوضه منتظراه جميله: خليني اجي معاك بقي علشان خاطري...
فهد: خاطرك علي عيني يا قلبي بس مش هينفع .. ارتاحي انتي بقي ... نامي هنا لو تحبي جميله: انا فعلا هفضل هنا مستنياك فهد ابتسم وقرب منها باسها في خدها فهد: بس لو رجعت لقيتك نايمه هاخدك في حضني وانام مش هصحيكي جميله ابتسمت: بس انت ارجع بسرعه...
خرج مبسوط انه عنده حب زي اللي بين ابوه وامه راح عند اوضه ابوه وخبط خبطه بسيطه جدا وفتح الباب كان ابوه واخد جميله في حضنه وهيا نايمه وليد شاورله يقرب منه فهد بهمس: انا رايح اقابل يزيد وليد بهمس: في حاجه حصلت لسالي ولا معرفوش مكانها ؟ فهد اتردد يقول لابوه ولا لأ فابوه اتكلم: فهد سالي مالها ؟
فهد: لقاها اكرم ويزيد علي الطريق جنب عربيتها بس مضروبه جامد وممكن تكون مغتصبه وطلعوا علي المستشفي انا هروحلهم وليد: لا اله الا الله .. طيب روح وخليك معاهم واقف جنب بنت عمك وما تعرفش حد حاجه دلوقتي وانا اول ما امك تفوق واطمن عليها هجيلكم ... فهد خرج وراح علي المستشفي واتقابل معاهم علي الباب وهما داخلين
اكرم نزل هو وشاف فهد راح ناحيته وفهد عينه علي الاسعاف اللي بينزلوا سالي وشاف منظرها واتصعق من كميه الدم وملامحها اللي مش ظاهره اصلا اكرم: معلش يا ابني ان شاء الله خير فهد: انتو معرفتوش مين اللي عمل كده اكرم: للاسف روحنا لقيناها كده فهد: امال يزيد فين ؟
اكرم: سيبته مع البوليس ياخدوا اقواله ويساعدهم دخلوا وبعد فتره طلعلهم الدكتور الدكتور: فين والدها او والدتها ؟ فهد: ان ابن عمها والدتها متوفيه و والدها مسافر انا تقريبا المسؤل عنها..
الدكتور: هيا للاسف حالتها حرجه لان عندها نزيف داخلي وعندها ضلعين مكسورين وكسر في ايدها وشرخ في الجمجمه ده غير النزيف نتيجه الاغتصاب المتعدد .. كانوا اكتر من واحد وطبعا احنا عملنا اللي علينا بحيث ما يحصلش اي حمل نتيجه الاغتصاب ده وبعتنا عينات علشان البوليس يمكن يتعرفوا علي اللي عملوا كده عن طريق ال DNA بتاعهم فهد مصدوم: طيب هيا فاقت !
الدكتور: لا ما فاقتش الله اعلم اصلا هتفوق امتي او هتفوق ولا لأ فهد: طيب ينفع اشوفها ؟ الدكتور: من بعيد ممكن ... طبعا حالتها النفسيه هتكون متدمره فخليكم مستعدين لده فهد شافها واكرم جنبه واتصعق من منظرها .. وشها كله جروح وازرق ووارم وملامحها كلها مختفيه تماما ...
شويه و وليد اتصل بفهد وبلغه اللي حصل وليد النهار طلع والكل صحي واجتمع علي الفطار وهو سرحان جميله الكبيره: حبيبي مالك ! ( بصت لجميله ) وفهد فين علي الصبح كده ؟ جميله: خرج من بدري راح يقابل يزيد جميله الكبيره بصت لوليد بخوف ظاهر في عنيها: ابني فين ؟ وليد: اهدي ابنك كويس ... مفيش حاجه جميله الكبيره: امال يزيد ليه ؟
وليد: طيب هقولكم وحكالهم كلهم اللي حصل واللي عرفه عن حاله سالي والكل اصر انه يروحلها وليد رايح وبص لمراته: عايزه حاجه مني جميله: سلامتكم ... بس خلي بالك منها ولازم تعرف مين عمل فيها كده .. وليد خرج والكل اتجمع عند سالي واتصدموا من شكلها وهيا لسه ما فاقتش ... البنات فضلوا معاها والرجاله راحوا لاشغالهم ... اتجمع يزيد واكرم و ليد وفهد فهد: ها عرفتو حاجة عن اللي عمل لسالي كدا؟
يزيد: لأ بس البوليس رفع البصمات اللي على عربيتها... ممكن يكونو سابو بصمات ليهم على العربية. فهد: طيب وموضوع محاولة خطف جميلة وصلتوا لايه في الرجاله اللي كانوا عايزين يخطفوها ! وهل لهم علاقه باللي حصل لسالي ؟ يزيد: الرجاله تبع واحد اسمه حمدي المهندس وهو اللي طلب منهم يعملوا كده لكن لحساب مين محدش فيهم يعرف .. وليد: انت متخيل ان الحادثتين مرتبطين ببعض ؟
فهد: ليه لأ ؟ جميله خطيبتي وسالي كانت خطيبتي .. يمكن حد عايز ينتقم مني اكرم: لا مش منطقيه يخطفوا خطيبتك وخطيبتك السابقه كمان ! طيب ليه ! يزيد: الستات عموما اللي في حياته وليد: يبقي باقي البنات يكون عليهم حراسه لاحسن يحالوا يخطفوا جميله تاني فهد هنا قلق: انا هروح اخد جميله من المستشفي واخليها قدام عيني وليد: مش للدرجه دي هما يكون عليهم حراسه وخلاص ما تقلقش اخر النهار امل وجميله وندي في اوضه سالي منتظرينها تفوق ...
سالي بدأت تفوق وهما استدعوا الدكتور اللي جه بسرعه وبيكلمها بس هيا تايهه ومش بترد علي حد بس بتبص حواليها بعنيها اللي شبه مقفوله من الورم بصت لكل واحده شويه لحد جميله وركزت عليها قوي وعيطت وبدأت تنهار والدكتور خرجهم بره وعطاها مهديء..
خرجلهم وطلب منهم يروحوا لانها هتنام للصبح وبالليل الكل متجمع في الفيلا وجميله الكبيره اصرت انها تروح لسالي الصبح وتقعد معاها و وليد اخدها تزورها واتصدمت من شكلها..
سالي فاقت وبصت حواليها شافت جميله وبصتلها باستغراب فجميله مدت ايدها بحب: حمد الله علي سلامتك .. ما تخافيش انتي مش لوحدك احنا كلنا جنبك سالي غمضت عنيهم واتكلمت: اطلعي بره جميله: مش هسيبك لوحدك .. ومن النهارده انا هكون مسؤله عنك فاهمه ! سالي مستغربه ايه الست دي وافتكرت كلام ميس عنها وكلام ندي سالي: انا مش عايزاكي..
جميله: انا عايزاكي ... انتي من العيله وحته مننا واحنا ما بنرميش عيلتنا ولا بنتخلي عن بعض .. احنا بنفرح مع بعض وبنزعل مع بعض وبنقوي بعض وانتي دلوقتي محتاجه اللي يقويكي سالي عيطت: انا مش عايزاكي ... مش عايزاكي ... اطلعي بره..
جميله رنت الجرس والممرضه جت وعطتها مهديء تاني وجميله الممرضه خرجتها وقابلت دكتور عصام اللي متابع سالي جميله: رفضاني تماما عصام: ومش هتتقبلك بسهوله انتي تقريبا رمز لكل شيء حصلها وحش في حياتها .. انتي متحمله كل شيء .. جميله: طيب وبعدين ؟
عصام: هيا حاليا طالعه من صدمه كبيره وانتي من الاعداء ازاي هتثق فيكي .. اديها مساحه شويه .. المهم هتفضلي في الكرسي ده كتير .. حبايبك محتاجينك واقفه جنبهم لسه الخوف اللي في قلبك ما هديش جميله: ويهدي ازاي مع كل اللي بيحصل حوالينا ده .. عصام: وهو خوفك هو الحل ؟ فين طيب ايمانك بربنا وقضاؤه .. فين ايته الكريمه ( قل لن يصيبنا الا ما كتب الله لنا ).
جميله: عارفه كل الكلام ده ومؤمنه بيه بس قلبي مش مستحمل .. ده مش بإيدي عصام: لا بايدك ... قلبك طمنيه بعقلك انتو اتجمعتو وربنا ارحم منك ومن اي حد ربنا رحمته كبيره وبرحمته جمعكم تاني ده انتي كنتي بتعتبري نفسك ارمله دلوقتي جوزك وابنك كمان في حضنك هو ده بقي شكرك لربنا ؟ (ولئن شكرتكم لازيدنكم ) اشكري ربنا واستمتعي بنعمه بدال ما،.،
جميله عيطت: والله شكراه وحمداه عصام: يبقي خوفك مالوش محل يا جميله، طيب فكري من ناحيه تانيه .. ابنك لاول مره في حياته هيتجوز ولاول مره هيكون وسط عيلته اللي بتحبه بجد مش اللي بتمثل عليه مش هيحتاج لامه ؟ مش هيحتاجك تقفي وتجهزيله فرحه ! تختاري معاه مثلا بدلته ! تختاري معاه شبكته ! تختاري هديه لعروسته ! بقي لاول مره ابنك هيحتاجك وهتتخلي عنه ! يعني عمره كله محروم منك ولما يلاقيكي برضه مش هتقدري تقدميله اللي محتاجه..
جميله عيطت وبصتله بعجز: حرام عليك عصام: لا مش حرام عليا انتي قاعده في الكرسي ده بمزاجك .. بعقلك .. بخوفك اللي مكتفك ... انتي مش مريضه علشان تقولي كده .. ابنك هيفسر ده علي مزاجه براحتك بقي جميله: انا عايزه امشي عصام: امشي يا جميله امشي بس ما تجيش تعيطي لو ابنك بعد او ...
جميله سابته ومشيت بكرسيها وفضلت بره تعيط كتير واتصلت بوليد بس موبيله مقفول وفكرت تكلم ابنها بس تراجعت هو فرحان مع خطيبته مش عايزه كمان تنكد عليه بمشاكلها .. فضلت عاجزه مكانها لحد ما ندي دخلت كانت جايه تزور سالي وشافتها بتعيط قعدت جنبها ندي: في ايه يا جميله بتعيطي ليه !
جميله مسحت دموعها: موبيل وليد مقفول ندي باستغراب: وده سبب للعياط ده كله جميله مرضيتش تتكلم معاها عن سبب عياطها: حسيت بس اني عاجزه اروح او اعمل اي حاجه ندي: طيب انا هروحك يالا جميله: لا اتصليلي بوليد انتي خليكي مع سالي هيا رافضاني انا لكن انتي ممكن تتقبلك انتي موجوده في حياتها من زمان ندي اتصلت بوليد بس فعلا موبيله مقفول .. اتصلت بمكتبه مش موجود ندي: طيب اكلملك فهد؟
جميله: لا فهد لا .. فهد مع جميله هيشتروا اوضه نومهم وحاجتهم سيبيهم ندي فكرت واترددت هو في حد ممكن تكلمه ويوصل لوليد بسهوله ... طيب ايه ؟ ليه قلبها دق كده بمجرد ما فكرت تكلمه ! لا هتكلمه علشان جميله وبس جابت اسمه وداست اتصال وقلبها بيدق يدق وريقها نشف وحست انها مراهقه من تاني لحد ما سمعت صوته: معقوله موبيلي نور باتصالك !
ندي ابتسمت وبصوت متوتر: ازيك يا اكرم اكرم: اسعد انسان في الدنيا باتصالك ندي ابتسمت: المهم كنت عايزاك في حاجه بسيطه اكرم: بسيطه بس ! انتي بس تشاوري واكرم ينفذ ندي باحراج: كنت عايزه اوصل لوليد اكرم: وليد معايا اهو .. لحظه بس انا بعيد عنه هوصله الموبيل .. اتمني تكرريها تاني..
ندي: ان شاء الله بس خليني اكلم وليد دلوقتي اكرم راح لعند وليد: ندي اخت حضرتك وليد استغرب واخد الموبيل بصله واستغرب ان المكالمه بقالها حوالي خمس دقايق وكلم ندي: ايوه يا ندي خير يا قمر ! ندي: موبيلك مقفول ليه يا وليد ! وليد: في العربيه هو وانا مع اكرم في ايه قلقتيني ندي: مراتك عايزاك جيت المستشفي لقيتها بتعيط بسألها مالها قالتلي وليد موبيله مقفول !
وليد اتضايق: اديهاني ( عطتها الموبيل ) ايوه يا جميله خير يا قمر مالك جميله بصوت مخنوق من العياط: ينفع تيجي تروحني ! وما تبعتليش حد عايزاك انت تروحني ! وليد وقف: مسافه الطريق هكون عندك انا جايلك يا قلبي قفل وعطي الموبيل لاكرم وبصله: خمس دقايق ليه ؟ اكرم مفهمش: خمس دقايق ايه ؟ وليد: مده المكالمه لحد ما وصلتلي الموبيل ؟
اكرم استغرب: مش رديت وسلمت وعقبال ما وصلتلك ! وليد بصله: اسمها متسجل فكان ممكن تجيب الموبيل ليا انا ارد ولا ايه ؟ اكرم بصله بنظره تحدي قصاد نظرته: لو انت بتعتبرني غريب ما ينفعش ارد او اسلم علي اخت حضرتك فقولها صريحه وليد قصاد نظرته: ولو انت بتبص لاختي بنظره غير نظره اخت صاحبك فقولها صريحه ! وبعدين انت عارف انت مش حد غريب ومش صاحب كمان انت اكتر من اخ فبلاش التحوير في الكلام..
اكرم: انا ما بحورش في الكلام وليد: وانا لازم امشي دلوقتي ولينا كلام تاني بعدين بس انت بتحور ومش صريح سلام يا صاحبي وليدوصل لجميله اللي اول ما شافته مدت ايديها وهو قعد قصادها ضمها وهيا عيطت من تاني وندي انسحبت وسابتهم وليد: مالك بس ؟
جميله: روحني علشان خاطري وليد: حاضر وقف علشان يروحها بس لقي في وشه عصام والاتنين بصوله وليد: خير يا دكتور عصام: الحب والحنيه مطلوبه بس ساعات برضه بعض القسوه بتكون مهمه وليد: قسوه ؟ قسوه من مين ولمين ؟ عصام: قسوه منك وليها ؟
لازم تقف من تاني ما تستسهلش القعده دي وجوزها معاها وخلاص بعض القسوه يا وليد وليد بصله وما ردش واخد جميلته وروحوا وحطها في سريرها ... وليد قعد جنبها: وبعدين ؟ مالك ؟ جميله: سالي طردتني من عندها ورفضت تقبلني وليد: ده شيء متوقع بس انا حاليا بسأل ايه اللي ضايقك ؟
جميله: هو موضوع سالي وليد: لا يا جميله مش سالي ... ايه اللي ضايقك وبطلي لف ودوران ؟ جميله اتنهدت وهربت من عنيه: انا تعبانه وعايزه انام يا وليد رقدت بس وليد فضل واقف فوق دماغها وجميله بعد تردد بصتله كان واقف ومطبق ايديه فاضطرت تتعدل وبصتله جميله: نعم يا وليد !
: جميله انا راجع بعد غياب عشرين سنه .. عايز مراتي مش عايز شبيهه ليها مش عايز حطام.. عايز مراتي جميله: انا جنبك وليد زعق: لا مش جنبي ... عايزك معايا في كل مكان .. عايز نخرج مع بعض .. عايزك معايا في الشركه من تاني .. عايز نسافر مع بعض ... عايز اعوض عشرين سنه فاتوا ... لكن انتي ربطتينا هنا في السرير في الاوضه دي في الكرسي ده ... جميله بعياط: غصب عني..
وليد: مش غصب عنك .. كل الدكاتره اكدت انك سليمه وانك في الكرسي ده بمزاجك جميله: مش بمزاجي ابدا ... محدش بيختار انه يكون مشلول وليد: لا يختار ... لما تكوني فاكره ان ده اللي هيربطنا بيكي يبقي هتفضلي كده جميله عيطت: انت عايز ايه مني ؟
وليد: عايزك تتمشي معايا بره ! عايزك معايا جميله:والله غصب عني وعلي عيني يا وليد غصب عني ... لو حاسس اني عاله عليك وعايز تتجوز تاني روح وانا والله ما هزعل منك وليد بصدمه: اتجوز تاني ! اتجوز تاني يا جميله .. انتي اللي بتقوليلي كده ! حاضر هروح اتجوز تاني بعد اذنك سابها ومشي وهيا فضلت تعيط وهو فضل شويه بره اوضتها بيفكر يرجع بس في الاخر قرر يمشي..
فهد مع جميله بيختاروا اوضه نومهم جميله: واااااو فهد تحفه دي فهد: بيضا يا جميله بيضا جميله كشرت: اووووف ... طيب استني دي جميله قوي ومش بيضا فهد: شرحه يا جميل ... غيره جميله وقفت وايديها في وسطها: وبعدين بقي ؟ فهد قصادها: وبعدين ايه !
جميله: مش عاجبك حاجه وانا تعبت فهد: ماهو انتي بتنقي الوان غريبه يا جميله وانتي عارفه كويس انا بحب ايه جميله طبقت ايديها علي صدرها: اتفضل وريني انت عايز ايه ! فهد مشي شويه وشاور علي اوضه: حاجه زي كده ؟ جميله بغيظ: سودا ؟ عايز اوضه سودا فهد: ملك الالوان ! يا بنتي ده اجمل لون الاسود جميله: واللي ما بيحبوش يعمل ايه يولع في نفسه؟
فهد: ليه بس يا قلبي والله الاوضه تحفه جميله: حاسه اني داخله جنازه مش جوازه يا فهد فهد: جميلتي استحمليني انتي عارفه اني مبحبش حاجات كتير وعملتها علشانك اتنازلي انتي بقي علشاني انا بلبس جينز علشانك وبلبس تيشرتات علشانك وبلبس فواتح علشانك وبشرب شاي علشانك انتي ايه بقي ! جميله بصدمه: انت بتشبه التيشرت والبنطلون بأوضه النوم اللي هنتجوز فيها ؟
فهد: لا مش القصد اقصد اني تقبلت علشانك حاجات ما بحبهاش .. ثم ان الاوضه مش وحشه وبعدين انتي ممكن تفتحيها بالمفارش والحاجات دي .. جميله متغاظه: دي برضه مش عجباني فضلوا يلفوا لحد ما فهد اقنعها بأوضه سودا برضه وهيا هتولع منه وليد فضل متغاظ كتير من جميله ومن نفسه ومش عارف يروح فين ! واخيرا اتصل بابنه وليد: ايوه يا فهد انت فين !
فهد: مع جميله اخيرا اتفقنا علي اوضه وبخلص فيها وليد بضيق: طيب كويس خلص وروح عند والدتك فهد بقلق: ليه مالها ؟ في حاجه ؟ وليد: لا لا مفيش بس معلش روحلها فهد: انتو متخانقين ؟ وليد: فهد روحلها ينفع نتكلم بعدين ؟
فهد قفل مع باباه وروح خطيبته و راح علي البيت وطلع لجميله علي طول اللي كانت بتعيط فهد: بعدين بقي في الست اللي مش مبطله عياط دي ! يعني اولعلك في نفسي علشان تبطلي ! جميله مسكت ايديه: اخص عليك ما تقولش كده فهد: طيب مالك بتعيطي ليه ! جميله: ينفع اسألك سؤال تجاوبني فيه بصراحه ومن غير ما تفكر اول اجابه تخطر في بالك قولها فهد: اسألي جميله: ميس بتوحشك ؟
فهد: ميس ؟ ايه اللي فكرك بميس دلوقتي ؟ جميله: قولتلك رد عليا يا فهد بدون تفكير فهد: لا يا ستي ميس ما بتوحشنيش هاه رديت كده ! مالك بقي ! جميله: ماليش يا حبيبي ماليش ( مسحت دموعها وابتسمت ) المهم احكيلي عملتوا ايه ؟ اختارتوا اوضه نومكم !
فهد ابتسم وقعد تحت رجليها وسند عليها: جميله دي متعبه مش عاجبها حاجه خالص،اللي يعجبها ما يعجبنيش واللي يعجبني ما يعجبهاش جميله حطت ايدها بحب في شعره: اكيد انت عايز تختار الوان غامقه وهيا بتحب الالوان الفاتحه فهد بصلها: فعلا دي كانت مشكلتنا جميله: طيب مجاش الاوان بقي انك تفتح قلبك للحياه !
فهد اتعدل وبصلها: افتح قلبي ؟ وهو انا لسه ما فتحتوش ! اصلا قلبي بقي شراع معدش في بوابه اصلا اقفلها او حتي اواربها .. قال افتح قلبي قال جميله ضحكت وهو ضحك: ايوه كده اضحكي وشك بينور لما بتضحكي ... ( رجع قعد تاني ورجع علي رجليها تاني ) كان نفسي تكوني معايا علي الاقل تفضي الاشتباكات بينا..
جميله زعلت في نفسها وافتكرت كلام عصام لها وانهم ممكن مع الوقت يملوا من عجزها ويبطلوا يحبوها ... وليد كان مخنوق من الكل ومش عارف يروح فين وفي الاخر قرر يروح يقعد مع عماد وبالفعل راحله ودخل قعد كتير معاه واتكلموا اكتر واكتر وليد: ينفع تخلي جميله تروح تبات مع عمتها النهارده عماد: هو انت مش هتروح !
وليد: لا مش هروح عماد: هتبات هنا ؟ وليد وقف: اقوم امشي؟ عماد مسكه من ايده: والله ما اقصد وانت عارف كده كويس بس مستغرب انك هتسيب جميله لوحدها ! وليد: معلش مخنوق قوي النهارده ومش عايز اضايقها فخلي جميله تروح تبات معاها عماد: بس فهد يبات هنا ! وليد ابتسم: والله ما طلباك ...
عماد: طيب ايه رأيك نخليها النهارده سهره رجالي انا هقوم اكلم وليد واسر وفهد يجوا هنا ونخلي الحريم مع بعض ... وليد: اعمل اللي يريحك عماد كلم وليد ابنه واسر وفهد وفهمهم هو ناوي علي ايه وطلب من فهد يجي يروح جميله عند عمتها كلهم وصلوا وفهد استأذن يوصل جميله ويرجعلهم واخدها وواقفين في الجنينه قبل ما يدخلوا جميله: بقي انت هتبات في بيتنا وانا هبات هنا ! فهد: شوفتي ابوكي وعمايله !
جميله ضحكت: اكيد هتتبسطوا كلكم مع بعض فهد: ماشي بس الاحلي لو كل واحد فينا معاه نصه الثاني ساعتها كانت هتبقي سهره فعلا محصلتش جميله: بعد ما نتجوز باذن الله يالا انا هطلع لعمتو وانت روح للرجاله ! طيب هطلع معاكي اطمن عليها وانزل طلعوا عند جميله وفهد دخل باسها فهد: عايزين اي حاجه مني قبل ما امشي !
جميله: ما اتحرمش منك يا قلب امك فهد بص لخطيبته: وانتي ! جميله بحب: ما اتحرمش منك يالا روح لبابا بقي وباباك فهد مشي والجميلتين قعدوا مع بعض جميله: بقالنا كتير قوي يا عمتو ما سهرناش مع بعض ننم علي ابنك ده ! اخدوكي مني جميله بحب: لا يا قلبي محدش ابدا يقدر ياخدني منكم ... انتي بنوتي الجميله ربنا يحميكي .. تعالي ننم علي ابني شويه .. عاملين ايه مع بعض ! وسهروا مع بعض والرجاله كمان سهروا مع بعض ...
اخر الليل جميله الصغيره: انا جعانه قوي يا عمتو هنزل السوبر ماركت اللي تحت اشوف حاجه ناكلها جميله الكبيره: سوبر ماركت ايه يا بنت دلوقتي وبعدين المطبخ تحت فيه كل حاجه جميله الصغيره ضحكت: ههههههه ده ابنك المره اللي فاتت وانا جوه التلاجه قالي اخرجي من السوبر ماركت ده وانجزي فانا سميت التلاجه سوبر ماركت جميله الكبيره ضحكت وجميله نازله وقفت جميله: عمتو صح ! امال فين امل وندي!
جميله الكبيره: راحوا فيلتهم امل عايزه تجيب باقي هدومها وحاجتها من هناك وعمتك ندي طبعا معاها حتي علية اخدوها معاهم... ندي بتفكر ترجع لبيتها اصلا وابنها يتجوز هناك معاها جميله الصغيره: خساره كنا نعيش كلنا هنا جميله الكبيره: وليد بيحاول يقنعها هيا واسر والكل يفضل هنا ! ربنا يسهل جميله الصغيره: انزل اجيب الاكل وارجع نكمل رغي ...
نزلت جميله تحضر الاكل وفتحت السوبر ماركت او الثلاجه وبدئت تحضر عشا خفيف ليها ولعمتها ومندمجه وفجأه النور اتقطع والدنيا كلها بقت كحل ... وجميله اتيبست ووقفت تنهج وبتفكر تعمل ايه ! حتي موبيلها مش معاها ! هتعمل ايه !
قصة جميلة بنت بسيطه فلاحه
