رواية نيران أشعلت الحب الجزء الثالث للكاتبة أسماء صلاح الفصل السادس عشر ( عشق في مهب الريح )
شهقت هاجر بصدمة و قالت نعم اومال راحت فين؟ تقي بقلق يمكن تكون هنا و لا هنا يا هاجر خرجت هاجر مع مليكة و فضلوا يدوروا عليها... تقي راحت لسيف و قالت شهد مشيت تقريبا سيف بصدمة هو استعباط المأذون قاعد ...
تقي بعدم ارتياح والله يا سيف أنا قلبي مش مرتاح و رنا مراتك عندها حق... سيف بزمجرة ونبي يا تقي سيبني بالهم اللي انا في نزلت رنا مع نور و دينا و اتجهت رنا ناحيه سيف و تقي و قالت في ايه؟ تنهد سيف و قال مفيش حاجه... نظرت رنا إلى تقي و قالت هما فين يا تقي؟ اخذتها تقي و راحت لنور و دينا و قالت مفيش حاجه يا رنا...
في السيارة كان يركب أسر و أدم مع بعض و السيارة الأخرى كان بها عدي و ديالا... آدم بغضب بجد بتهزر و لولا ديالا... قطعه أسر و قال هو انا بنت هتجوز غصبن عني و بعدين مش عايزها و ابويا مكبر الحوار اوي آدم بضيق الحوار كبير يا أسر و بعدين جدك لو عرف هتبقى مصيبة فعدي الموضوع احسن زفر أسر بضيق و قال طيب اديني سكت...
لمحها أسر و قال وقف العربية آدم باستغراب ليه؟ زعق أسر و قال أقف...؟ وقف آدم و نزل أسر من العربية و طبعا عدي لما لاقهم وقفوا وقف هو كمان ديالا بتعجب أسر نزل ليه؟ اتجه أسر ناحيه شهد و اوقفها قائلا انتي رايحه فين؟ ابتلعت شهد ريقها بخوف و قالت انت... زعق أسر فيها و قال انتي رايحه فين؟
ديالا اتجهت إليهم و قالت في ايه يا أسر و مين دي؟ نظر أسر لها و قال دي الهانم اللي قررت تهرب ديالا بجدية أسر روح انت و انا هجيبها و اجي أسر بضيق ملكيش دعوة بالأشكال دي ديالا بنرفزة أسر امشي مع آدم من فضلك... ذهب أسر و أدم و ظل عدي يقف في انتظارها ديالا نظرت لها و قالت من فضلك تعالى معايا لأن مش هينفع تسيبي الفرح و تمشي على الأقل عشان اهلك شهد ببكاء مش عايزة...
قطعتها ديالا و قالت فكري كويس اولا اكيد مفيش مكان تروحي و كمان اكيد اهلك مش هيستحملوا... و كمان اكيد المأذون وصل تنهدت شهد و قالت عندك حق في كل دا بس... -يلا عشان ندخل ذهبوا إلى المنزل... و كان أسر و ادم في الأول و لحق بيهم عدي و ديالا و بعد دقائق دخلت شهد و اتجهت هاجر إليها و قالت بغضب كنتي فين؟ -كنت في الجنينة بتمشي...
تنهدت هاجر و قالت طيب يا اختي انجزي عشان المأذون بدأ المأذون في مراسيم كتب الكتاب و انشغل الجميع و لكن هاجر كانت تنظر إلى رنا بحقد و تحسبت لتقف بجوارها و قالت مش هسيبك المرة دي تغيرت ملامحها و ردت باقتضاب و لا تقدري تعملي حاجه ابتسمت هاجر بخبث و قالت لا ما انا ضحيت كتير بقا و اديكي شايفه المحروس ابنك بيتجوز بنتي..
-و هيطلقها مش معقول هيخليها على ذمته هاجر بمكر و الله اعلم ممكن تبقى أرملة، اصلي قررت اخد بالتار يا بنت السويفي تقي لاحظت وقوف هاجر جنب رنا و ذهبت إليهم و قالت هاجر شهد عايزكي ابتسمت هاجر و ذهبت، نظرت تقي إلى رنا و قالت معلش يا رنا عديها تنهدت رنا و قالت والله انا ساكته بس عشان اخوكي...
ياسين رجع البيت بعد كتب الكتاب، فتحت له ريم و قالت ايه الاخبار؟ ابتسم ياسين و قال و لا حاجه يا حبيبتي... دخل و تابعته هي، كانت ندى قاعدة و اول ما شافته قالت بنت خالك الحربايه عملت ايه؟ تنهد ياسين و جلس و قال ربنا يستر بقا لأن شكلها هتبوظ اوي نظرت ندى إلى ريم و قالت ادخلي اوضتك يا حبيبتي، و بعد ما دخلت ريم قالت والله لو عليا اقطعها ميت حته و اخلص..
نظر لها ياسين و قال ندى ياريت تفضلي بعيد خالص و زي ما عيشت بينهم و انتي مقتصرة عن الكل خليكي كدا لأن انا مش مستعد ادخل في مشاكل و لا حابب عيالي يدخلوا في مشاكل تمام تنهدت ندى و قالت تمام بس متقلقش محدش يقدر يقرب من عيالي... تنهد ياسين و قال العيال كبروا خلاص بس انا مش عايز افتح حوارات قديمة و لا مع هاجر و لا مع غيرها -هاجر دي مش هتدخل بالخير يا ياسين و انت عارف اللي رنا عملته -عارف و دا اللي قلقني بس سيف عامل حسابه
أسر خد شهد و راحوا على البيت اسر بسخرية منورة يا عروسة نظرت له شهد باستحقار و قالت بنورك يا عريس... زفر أسر بضيق و قال ياريت تخليكي حلوة كدا و تلمي نفسك تنهدت شهد و قالت والله شوف نفسك الأول و بعدين اتكلم -ادخلي شوفي هتعملي ايه؟ جوازه تسد النفس..
شهد باقتضاب اهو دا بقا اللي حصل أسر بغضب بصي يا بت بلاش تستفزيني نظرت له بعدم اهتمام وقالت والله انا حرة و اعمل اللي على مزاجي و انت... قطعها بحدة لو مش عايز اسود يومك اخرسي فاهمه... نظرت له و دلفت الي الغرفة و صفعت الباب خلفها بقوة
قبض أدهم على وجنتيها بخفه و قال مالك؟ ابتسمت جني و قالت بطل تمسك خدودي كدا بضايق نظر لها و قال حد ضايقك هناك جني بحزن لا بس طنط رنا مكنتش فرحانه و كمان أسر شكله كان مضايق اوي رتب عليها و قال الظروف هي اللي بتحكم يا جني و بعدين كلها فترة و هتعدي تنهدت جني و قالت عندك حق بس ليه أسر اتجوز البنت دي؟ -عادي و بلاش تبقى فضولية اوي كدا...
ابتسمت جني و قالت طيب انا هقوم و على فكرة هنزل المستشفى من بكرا -خدتي القرار لوحدك كدا؟ ابتسمت جني و قالت لا خدته من دكتور ياسين... -طيب يا ستي بس تدريبك معايا انا تمام نظرت له جني و قالت طيب هتنازل و أوفق انك تبقى الدكتور اللي هكون تحت إشرافه أدهم بدهشه يا بت دا انا واخدك تكفير ذنوب قامت جني و قالت ليه أن شاء الله؟!
-عشان كل ما اشوفك اقعد استغفر ربنا -بقى كدا؟ هز راسه و قال بظبط -طيب... دخلت جني الغرفة و بعدها دلفت إلى المرحاض صاحت جني عليه قائلة أدهم... أدهم... دخل إليها و قال انتي فين؟ -في الحمام تعالى...
استغرب ادهم و فتح الباب، و تفاجأ بجني تسلط مياه الدش عليه...، اقترب منها جني بتوتر في ايه...؟! انا كنت بهزر معاك يا دومي حاوط وجهها بيده و قال و انا ههزار معاكي جني بدهشة هتعمل ايه؟ اخذ منها الدش و صوب المياه عليها -خلاص بقى يا ادهم...
ابتسم أدهم و قال عشان تحترمي نفسك بعض كدا جني بغيظ ماشي استنى عليا بس حاوط خصرها و قربها منه، توترت جني و قالت أدهم... نظر لها و لكنه كان يشعر بشي مختلف لم يعتاد عليه، حتى عينها الخضراء التي يختلط بها العسلي الصافي و شعرها الذي بللته المياه و ذلك الفستان الذي الصقته المياه بجسدها، ظل يحدق بيها بشغف خالص حاولت جني الابتعاد و قالت أدهم...
نظر أدهم على شفتيها الكرزية الناعمة و انحني عليها ببطء و قبلها بنعومة... أبتعد عنها، ابتلعت جني ريقها بخجل و احمرت وجنتها و قالت بخفوت عديني... -جني هو انتي بتتكسفي مني اوي كدا؟ كانت جني تنظر إلى أسفل و قالت بتوتر اهاا لأن انت ديما بتقول اني اختك رفع ذقنها برفق لتتلاقي نظراتهم و قال الوضع اختلف لامعت عينها بالدموع و قالت لا زي ما هو يا أدهم...
-ازاي؟ -انا عايزة اغير هدومي بدل ما اتعب... ترك لها مسافه لتسير من جانبه، زفر أدهم بضيق و قال ايه الهبل دا... اوف بجد... جني كانت حضرت هدوم لي و ليها و رجعت لي و قالت أدهم غير هدومك انت كمان نظر ادهم لها و قال حاضر
رغدة بلغت البوليس عن اختفاء سارة و وليد و منصور كانوا هيتجننوا عليها و فضلوا يدوروا و مكنش ليها أثر
دخلت مليكة إلى غرفتها و كانت تشعر بالقلق على شهد فتحت هاجر الباب و دخلت و قالت احنا هنروح البلد مع جدك يا مليكة مليكة باستغراب ليه يا ماما؟ -عادي هناك بلدنا و فلوسنا و انا مش هتنازل عن حقي -و شهد -شهد متجوزه يا حبيبتي و بعدين احنا مش هنفضل هناك -خالتي قالت إن سارة مختفية تنهدت هاجر و قالت ربنا يستر عليها و ميحصلش ليها مصيبة...
-واضح ان الدنيا هتبوظ خالص... نظر لها سليم و قال تفاءلوا بالخير يا نور جلست نور على الفراش امامه والله يا سليم مش باين خير، هاجر اكيد مش ناوية على خير و عندك الحوار اللي حصل لادهم و جني و كمان اللي حصل لينا في البلد و بعدين خايفه لتكون البنت اللي اسمها شهد دي كانت متسلطة على أسر سليم بحيرة والله الواحد مبقاش عارف حاجه ربنا يستر -انا عايزة اطمن على عيالي سليم بتعجب عايزة تعملي ايه؟
-عايزة اخد ريم أو عشق لعدي و دارين لادم و ديالا تتجوز مراد بقا و خلاص بدل ما لاقيها واقعه في مصيبة -هو بمزاحنا يا نور و بعدين مش وقته -يا سليم انا بجد قلقانه عليهم... رتب عليها و قال بطلي قلق انتي بس و ان شاء الله كل حاجه هتتحل -يارب يا حبيبي
ذهب آدم إلى عمله و لاحظ عدم وجود سارة، طلب من يونس أن يذهب له ذهب يونس له و قال خير يا عم -سارة بقالي يومين مش شايفها يونس بدهشة مش عارف، بس نسرين من يومين قالت إنها مشيت و سابتها فمش عارف بقا آدم بتعجب طيب شكل المصلحة طارت و لا إيه؟ ضحك يونس و قال مش مهم تتعوض يا صاحبي عندنا تصوير النهارده في الفندق... -تمام...
استيقظت شهد من النوم و خرجت من الغرفة و قالت يا تري موجود و لا غار في داهية دورت على المطبخ و دخلت، فتحت التلاجه لتبحث شي تأكله و أخرجت ما وجدت و أمسكت بالتفاحة و اكلتها وضعت الجبنة في الأطباق و سخنت العيش و جلست على الطاولة الموجودة في المطبخ و بدأت في تناول الطعام... دخل أسر إلى المطبخ و تفاجأ من المشهد و لكنه لم يعلق، احست شهد بوجوده و قامت...
-كملي اكلك -لا مليش نفس نظر أسر إلى الأطباق وقال بس مش واضح يعني؟ شهد باقتضاب واحدة جعانه بقالها يومين مش بتأكل -اممم طيب انا رايح الشغل و مفيش مشي و لا تتحركي من البيت شهد بضيق تمام في حاجه تاني؟
-اهااا اعمليلي فطار و قهوة شهد بجدية و انا مالي؟ -لا انتي فاهمة الموضوع غلط خالص بصي يا حلوة طول ما انتي هنا فأنتي تعملي اللي بقولك عليه زفرت شهد بضيق و قالت طيب المطلوب؟ -قهوة و فطار سهلة يعني... -ايوه سعادتك بتفطر ايه؟ -القهوة مظبوطة و بسطرمة -و انت مش بتعرف تعمل الاكل بنفسك يعني -لا مش بعرف..
تنهدت شهد و قالت حاضر هخلص و احط الأكل على السفرة خرج أسر و ذهب إلى الغرفة ارتدى ملابسه و خرج و كانت شهد وضعت الطعام على السفرة و جلست على الانترية وفتحت التلفزيون تناول أسر القهوة و لقيمات بسيطة و قام، شهد بصيت لي و قالت دا الاكل؟ -اهااا عندك مانع لوت شهد فمها في استنكار و قالت و انا مالي انت حر...
سارة بصراخ انا عايزة اروح حرام عليكم... انتم اللي يا جماعه اللي هنا...؟! دخلت لها السيدة بعد فترة كبيرة و قالت انتي عامله دوشة ليه يا بت انتي؟ سارة ببكاء انتي مين؟ -بصي يا بت انا مش ناقصه صداع لمي ليلتك احسن و بعدين خلاص هتخرجي تركتها السيدة و خرجت و اخبرت احدي رجالها قائلة البت اللي جوه هتخدها و هتوديها و هناك هتلاقي مستنيك تمام و هو هيخلص كل حاجه رد بإيجاز تمام يا هانم..
تنهدت بارتياح و ذهبت إلى المنزل، فهي كانت تضع سارة بالبدروم فتحت هاتف سارة و دورت على رقم والدها ابتسمت عندما وجدت الأسامي و أخذت الرقم و اتصلت من هاتف لها و انتظرت إلى أن أجاب و قالت استاذ منصور معايا... منصور بدهشة ايوه مين؟ -فاعل خير و عندي معلومات عن بنتك منصور بلهفة فين؟
-بنتك بتشتغل في شركة آدم البنهاوي و دا مخرج كبير و ضحك عليها و هي طفشت منكم و عايشه معاه في الحرام منصور بصدمة انتي مجنونة انتي بتقولي ايه؟ -انا هبعتلك المكان... و قفلت السكة و بعد ذلك ارسلت له عنوان و أخرجت الشريحة من الهاتف و على وجهها ابتسامة شريرة...
رواية نيران أشعلت الحب الجزء الثالث للكاتبة أسماء صلاح الفصل السابع عشر ( عشق في مهب الريح )
صاح آدم بهم بنرفزة الشغل مش كدا يا جماعه... أخذه يونس بعيدا و قال مش كدا يا آدم -بالطريقة دي الفيلم مش هنلحق نخلصه -اهدي شوية يا ابني، اطلع ريح شوية و بعدين نكمل تنهد آدم و قال تمام...
صعد آدم إلى الغرفة و دلف إلى المرحاض، قام بغسل وجه و أخذ بعض المناديل الورقية و جففه، ذهب ليجلس على الفراش و لكنه تفاجأ بوجود احد ينام على الفراش آدم ازاح الغطاء عن وجهها و لاقيها سارة آدم بدهشة سارة؟!... و ضرب على وجهها بخفه و لكنها لم تفيق أمسكت زجاجة المياه و قام برش القليل عليها ليوقظها فاقت سارة و فتحت عينها و قالت بصدمة آدم انت...؟
-انتي مين اللي جابك هنا؟! سارة آخر حاجه فاكرها لما الست دي كلمتها و قالت انا مش عارفه حاجه... آدم تذكر ما حدث مع آدهم و جني و تقريبا حس ان الموضوع دا نفس الكلام و قال طب قومي عشان نمشي من هنا بسرعه... سارة بتعجب ليه؟! انا معملتش حاجه تنهد آدم و نظر إلى باقي ثيابها و قال بصي دي حركة و الدليل انك مش فاكره و كمان اللي عمل كدا قلعك البلوزة عشان يبان الموضوع طبيعي..
سارة اتحرجت و قال بخجل طيب ممكن تديني البلوزة اعطي آدم البلوزة الموجودة المقعد و خرج ليجعلها علي راحتها و لكنه استمع لصوت الباب و نظر من خلال العين السحرية وجد راجل كبير و معاه شاب آدم بشك اكيد دول تبع سارة دخل ليها تاني و سارة كانت خلصت نظر لها و قال تقريبا اهلك برا و لو حد شافنا مع بعض الموضوع مش هيكون لطيف خالص سارة ببكاء و حيرة اعمل ايه؟
تنهد آدم و قال هدخلك على الأوضة التانيه... امسك يدها و خرجوا إلى الشرفة و قال استنى في الاوضه سارة بخوف انا هنط ازاي؟ -متخافيش... ساعدها آدم و طبعا البلكونات كانت لازقة في بعض و دا اللي سهل الموضوع ذهب آدم و فتح الباب و قال بدهشة انتم مين؟
دفعه وليد بحدة و دخل إلى الغرفة ليبحث عنها و كذلك منصور آدم كان مستغرب و قال بنرفزة ممكن افهم في ايه؟ نظر له منصور و قال بنتي فين؟ آدم بحدة ممكن حضرتك غلطان لأنك مش غلطان مش هتدخل مكان في آدم البنهاوي بالطريقة دي... منصور بغضب بنتي فين؟ -بنتك مين؟
وليد بغضب سارة اللي بتشتغل معاك... آدم بضيق والله انا معرفش مين اللي بيشتغل عندي في الشركة و بنتك روح دور عليها في مكان تاني... و طبعا هما دوروا في الاوضه و مكنش في حاجه نظر له منصور و قال تمام يلا يا وليد اخد منصور وليد و مشوا تنهد آدم بارتياح و قال كنت متأكد انه مقلب اقسم بالله...
خرج إلى الشرفة و قفز على الغرفة الأخرى و كانت سارة مستنيها زي ما قال و طبعا سمعت كلام ابوها كله -يلا هنمشي.. -انا هروح لنسرين... آدم باستغراب و فيها ايه لما تيجي عندي... سارة بحزن شكرا يا استاذ يا آدم بس مش هينفع اروح عندك... تنهد آدم و قال طيب هوصلك ليها... و اتصل آدم بيونس و أخبره التالي (انا همشي... عندي حاجه مهمه... الغي كل الشغل انهاردة)
تحدثت السيدة بغضب آزاي؟ يعني... كان خفيها مثلا رد عليها الآخر قائلا مش عارف بس كل حاجه باظت و الخطة فشلت زفرت بحنق و قالت تمام مشي الخطة التانيه... و خلال ٢٤ ساعه يكون كل حاجه تمام -تمام...
رجع منصور و وليد البيت رغدة بخيبة امل فين سارة؟ تنهد منصور و قال مكنتش موجودة رغدة ببكاء يعني بنتي راحت فين؟! رتب عليها وليد و قال هنلاقيها يا ماما متقلقيش رغدة بخوف يارب تكون الست اللي اتصلت دي كلامها غلط وليد بحزن ياريت... المهم هي كانت بتقول معاها واحدة اسمها نسرين احنا ممكن نسألها رغدة افتكرتها و قالت اهاا بس انا معرفش ساكنه فين؟! -انا هدور عليها...
ذهبت سارة إلى نسرين و حكيت ليها كل اللي حصل نسرين بدهشة ازاي كل دا يحصل و مين الست دي؟ -معرفش والله و لولا آدم كان زمان ابويا قاتلني رتبت نسرين عليها و قالت طب ادخلي ارتاحي يا حبيبتي... سارة بحرج اسفه هتقل عليكي شوية نسرين بعتاب دا بيتك و بعدين انا عايشه هنا لوحدي... ادخلي انتي بس ريحي ساعتين و انا هعمل ليكي لقمة تأكليها.
ذهب آدم إلى أسر في الشغل و قاله اللي حصل أسر بتعجب حوار و كنت هتلبس آدم بتعجب الغريب ان اشمعنا سارة و بعدين اللي عمل كدا عارف كل تحركاتي أسر بدهشه حاجات غريبة بدأت تحصل في الفترة الأخيرة اصلا و بعدين ايه موضوع سارة؟ -والله مليش علاقه بيها و هي بنت كويسه -و هي راحت فين؟
-قالت إنها هتروح لصاحبتها و انا وصلتها أسر بتفكير يعني هي اختفيت يومين و أهلها بلغوا و هي قالت إن اللي خطفتها ست و اللي عمل كدا كان عايز يعملك فضيحة مثلا و مش ليك لوحدك اكيد ليها و معنى كدا ان في رابط آدم باقتناع اكيد بس ايه العمل؟ -العمل أن سارة تبقى تحت المراقبة و اكيد اللي عمل كدا هيحاول يوصلها تاني
جني بوهن ما كفاية بقا يا دكتور ابتسم أدهم و قال كسولة اوي قامت جني من مكانها و ذهبت لتجلس على المكتب أمامه و قالت بجد لحد دلوقتي تلت عمليات كتير اوي يا أدهم -عايزة ايه طيب؟ ابتسمت جني و قالت عايزة اروح...
-و شغلك يا دكتورة جني بحزن هو في تاني -اهاا عملية واحدة و هنروح -عندي مذاكرة يا أدهم... ابتسم أدهم و قال هبقي اساعدك، و قومي بقا روحي على مكتبك تنهدت جني و قامت و قالت تمام بس انا بكرا هبقي اجازة -ليه خير؟
-عندي محاضرات و هقعد معاهم شوية -امممم طيب يا جني لما نشوف اخرتها ابتسمت جني و قالت اكيد حلوة زيي طرقت نهال الباب و دخلت و قالت باقتضاب عايزك يا أدهم جني بضيق بعد اذنكم... خرجت جني و قفلت الباب خلفها بقوة و قالت بتأفف نهال و زفت ربنا ياخدها نهال بغضب مش شايف انك مزودها و بعدين خليها مع ايه دكتور تاني آدهم بضيق نهال جني مش مجرد متدربة هنا و خلاص..
نهال ببكاء أدهم قدر موقفي انا شايفك معاها و البيت معاها و كمان مراتك تنهد أدهم و اقترب منها و مسح دموعها و قال حقك عليا يا حبيبتي بس والله مش بأيدي نهال بعتاب أدهم انت مستحيل تبص لجني صح... صمت أدهم قليلا و للأسف ظهرت جني في مخيلته اغمض عينه و قال اكيد مستحيل جني زي اختي الصغيرة... ابتسمت و قالت طب هستناك بليل...
-هخلص شغلي و هروح لعمار و هجيلك ابتسمت نهال و قالت بس اوعي تتأخر... بعد أن أنهى أدهم عمله، وصل جني إلى المنزل و ذهب إلى عمار... -منور يا عم أدهم باستغراب هي الشركة فاضية ليه؟ ابتسم عمار والله عمك بيعلمنا الأدب...
ضحك أدهم و قال مفيش غيرك و لا إيه؟ -اهاا ناقصلي شوية و عدي و مراد مشوا و سأبوني -الموضوع متعب... -اها و كل واحد عنده مصيبة تنهد أدهم و قال فعلا -انت عامل ايه مع جني؟ أدهم بحيرة جني بتسيطر عليا بطريقه غريبة، معرفش ايه دا...؟!
ضحك عمار و قال احلوت في عينك يعني أدهم بضيق لا طبعا انت بتقول ايه؟ -أدهم على فكرة هي مراتك فعادي يعني و مش شرط تكون بتحبها و بعدين انت عارف جني من صغرها أدهم بدهشه دي زي اختي يا عمار... عمار بعدم اقتناع كلامك مش منطقي و لو على كلامك فأنت طلقها و سيبها هي برضو من حقها تعيش حياتها -لسه مش دلوقتي...
-مش بقولك مش منطقي أدهم بحيرة طب انت لو مكاني و حصل معاك الموقف دا كنت هتعمل ايه؟ عمار بتفكير بصراحه كنت هعيش حياتي معاها و خلاص و بعدين جني بتحبك أدهم بتعجب و انت عرفت ازاي؟! -باين يا اخويا بس انت اللي مبتحسش أدهم بضيق في ايه يا عمار انا جايلك عشان تهزقني ابتسم عمار و قال والله انا قلبي عليك و عليها لان انا مش حابب أن جني تتظلم معاك و انتم خلاص داخلين على شهر جواز و مفيش حاجه متغيرة...
-انا هقوم امشي -فكر كويس يا أدهم و بلاش تضيعها منك... تنهد أدهم و قال انا همشي و ابقى شوف حد تاني يقعد معاك ضحك عمار و قال هو كدا اللي بيقول الحقيقة بيكون وحش... غادر أدهم و ذهب إلى المنزل، جني كانت قاعدة على الانترية و بتذاكر -منمتيش ليه؟
-عندي مذاكرة كتير و بعدين لسه بدري تنهد أدهم و قال اممم انا هدخل اغير و انزل جني بحزن طيب... هتاكل و لا؟ -لا و احتمال ابات برا -طيب أدهم استغرب و قال مش هتساليني تنهدت جني و تركت الكتاب من يدها و قالت لا لاني مش عايزة احرق دمي على الفاضي أدهم بضيق يعني إيه؟
-يعني انت قولت اني مليش اني ادخل في اللي انت بتعمله و بعدين انا خلاص اتعودت على الشقة و بقيت اعرف انام لوحدي... أدهم بضيق اكتر يعني كل اللي همك انك مكنتش بتحبي تنامي لوحدك قامت جني و وقفت أمامه و قالت اهااا النوم أهم حاجه يا أدهم، تصبح على خير بقا... زفر أدهم بحنق و امسك يدها و قال دا من امتى؟ -أدهم انت متعصب ليه؟ هو انا قولت حاجه غلط..
-لا...، دخلت جني إلى الغرفة و تمددت على الفراش، دخل أدهم و صفع الباب بقوة و فتح النور جني بنعاس بلاش دوشة يا دومي اتجه أدهم ناحيه الخزانة و أخذ سروال و قميص و قفلها بقوة رن هاتفه و رد قائلا طيب يا حبيبتي جاي حالا ردت نهال ماشي يا روحي... قفل معاه و نظر إلى جني بضيق...
رمي سترته على الأرض و خلع قميصه و رمها عليها...، فتحت جني عينها و قالت ببرود مش عيب كدا يا دومي حد يحدف اخته الصغيرة بالهدوم كدا أدهم بنرفزة انا مليش اخوات جني بحزن شكرا، بعد ما تغير اقفل النور و الباب... اوصد عينه بغضب و قال بضيق طيب...
اوصدت جني عينها و دثرت نفسها جيدا بالغطاء اتجه أدهم عليها و شد الغطاء -في ايه؟ -انتي بتستفزيني صح؟ جني بتعجب ليه؟! -طيب يا جني... ابتسمت جني و قالت يلا كمل لبسك عشان متبردش أدهم بضيق ملكيش دعوة اعطته ظهرها، رتب على ذراعها و قال جني...
قامت جني و قالت بغضب نعم يا أدهم في ايه؟ عايزني اعيط و لا اعمل ايه؟... تمام انا هريحك اكيد مش فرحانه و انا عارفه انك رايح لخطيبتك بس مفيش حاجه اعملها أدهم سكت، تنهدت جني و قالت انت هتسكت لأنك مش لاقي حاجه تقولها و انا هسكت لاني مفيش حاجه بأيدي... و رجعت نامت تاني و اوصدت عينها و ذرفت الدموع من عينها مال أدهم عليها و قبل وجنتها، ابتعدت عنه و قامت و قالت أدهم بلاش تقرب ليا أدهم بدهشه دا ليه؟
-عادي انت واحد مرتبط بواحدة تانيه و انا مبحبش كدا و كمان انا قررت اني هسيب البيت و انت طلقني... -انتي بتقرري من نفسك كدا... -اهااا انا حره و بعدين خلاص اتجوزنا و الناس عرفت و انت متأكد أن بابا مش هيرفض أدهم بضيق و انا مش هطلق يا جني و وريني هتعملي ايه تمام جني بدهشه و انا هقول لخالي و هو يتصرف معاك -تمام قوليله و انا هقوله -هتقوله ايه؟ -ابقى اعرفي منه بقا...
جني بدهشة هتقوله ايه يعني و بعدين انت معترض ليه؟ -جدعه سيبي البيت و انا هخليهم يرجعوكي بالعافية -و انا هقول انك بتخوني -و انا هقول انك طلبتي مني اننا نعيش مع بعض كدا من غير حاجه عشان بتعتبرني اخوها الكبير جني بغيظ تمام يا أدهم و وريني هتعمل ايه؟ بس متزعلش بقا... امسك أدهم هاتفه و اتصل بمازن، جني بدهشة انت بتعمل ايه؟
-بكلم ابوكي مازن استغرب اتصاله و قال في ايه أدهم، انتم كويسين يا ابني؟ أدهم نظر إلى جني بتوعد و قال الحمد الله بس جني عايزة تقولك حاجه مهمه جني بغيظ طيب يا أدهم والله ما هسيبك... اعطيها الهاتف، ابتلعت ريقها و قالت لا مفيش حاجه يا بابا أدهم كان بيطمن عليكم... سلام... قفلت معاه و قالت ايه حركات الأطفال دى؟! -هو انا عملت حاجه؟!
جني بضيق تمام خليك فاكرها و قامت جني من على الفراش وضعت يدها خلف ظهرها و قالت مفيش تليفون اقترب منها أكثر لكي ياخده منها و لكنها كانت تتمسك به جيدا و ابتعدت عنه و قالت مش هتخده و اول ما نهال رنت راحت قافله التليفون... -هاتي يا جني -لا مفيش تليفونات خالص اقترب منها و حاصرها بذراعه و قال مش هتجيبي... نظرت له و قالت لا...
انحني عليها ليقبلها، ظلت جني متخشبة مكانها، ابتعد عنها و قال هااا خفق قلبها بشده و قالت بتوتر لا برضو قبلها مرة أخرى بعمق و مر بعنقها -خلاص يا أدهم... نظر لها و قال ايه اللي خلاص... توردت وجنتها بخجل و مدت يدها له و قالت التليفون اهو...
-جني هو انتي... قطعته جني و قالت ادهم شوف انت هتروح فين؟ -انا مش فاهمك... -انت مش فاهم نفسك اصلا...، غادرت من امامه و ذهبت لتنام... زفر أدهم بضيق و وضع الهاتف على الطاولة و نام بجوارها -مش هتمشي؟ -لا
في الصباح تركت نسرين سارة و غادرت اتجهت نسرين إلى إحدى المكاتب الهندسية فهي كانت تعلم بأن وليد شقيق سارة يعمل به دخلت و سألت عنه و طلبت تقابله وليد كان مستغرب اوي، دخلت إلى المكتب وليد بتعجب اتفضلي -عارف انك مستغرب بس انا جايه اقولك على حاجه بخصوص سارة...
رواية نيران أشعلت الحب الجزء الثالث للكاتبة أسماء صلاح الفصل الثامن عشر ( عشق في مهب الريح )
وليد باستغراب ايه؟ - انا نسرين صاحبة سارة في الكلية وبصراحة انا كان نفسي اقولكم من بدري وليد بقلق ادخلي في الموضوع على طول - انا و سارة اشتغلنا في الشركة وهي بقيت علي علاقه بأدم انا حتى معرفش ازاي؟! و من بعدها بدأت كل حاجه تتغير وبقيت الاحظ وجودها معاه كتير وفي الأخير عرفت منها أنها قررت تسيب أهلها وتعيش معاه وامبارح جاتلي لأنهم اتخانقوا مع بعض بعد ما اكتشفت انها حامل.
وليد مقدرش يستحمل اكتر من كدا و قال بغضب هي فين؟ - عندي في البيت وليد قام و قال تمام انا جاي معاكي... استيقظت جني و قامت كان أدهم مازال نائم، دلفت إلى المرحاض أخذت شاور وخرجت كان أدهم فاق و قال صاحية بدري ليه؟ - عادي انت هتنزل الشغل امتي؟ - كمان شوية كدا تنهدت وقالت طيب هتفطر هنا و لا في الشغل؟
قام أدهم وفرك عينه وقال ايه حاجه؟ انتي عندك المحاضرة امتي؟ - الساعه واحدة - طيب هوصلك... و بعدين هطلع على المستشفى ذهب وليد مع نسرين و وصلوا إلى المنزل فتحت نسرين الشقة ودخلت قائلة سارة انتي فين؟ سارة... دخلت تشوفها في الاوضه وخرجت و قالت مش موجودة؟!
وليد بغضب انتي بتستهبلي يا بت - والله انا سايبها هنا وجيتك زفر وليد بحنق وقال تمام نتقابل في القسم بقا خرج وليد من الشقة وهو يشعر بالفضب و الضيق... و خرج من العمارة في الجهة الآخرى كانت سارة مع آدم في السيارة وكانت تبكي و قالت طب ليه نسرين عملت كدا؟ آدم بدهشه معرفش انا كنت سايب واحد يراقب البيت ولما لاقتها نزلت الصبح خليته يمشي وراها وطبعا بعد ما قالي انها راحت المكتب و نازله مع واحد خليته يبعتلي صورته و عرفت انه اخوكي. سارة بحزن انا مش عارفه هما بيعملوا كدا ليه؟
تنهد آدم و قال هنعرف كل حاجه بعدين ونسرين اكيد عارفه حاجه سارة ببكاء طب انا اعمل ايه؟ - هوديكي في مكان ومتقلقيش سارة نظرت له بخوف و قالت بس تنهد آدم و قال سارة لوسمحتي ساعديني عشان نعرف مين اللي عمل كدا...
ذهب وليد إلى قسم الشرطة ودخل إلى الضابط - انا قدمت بلاغ عشان اختي اختفيت تنهد الضابط وقال تمام بس محدش وصل لحاجه - في واحدة اسمها نسرين قالت إن هي كانت عندها وانا روحت معاها و قالت إنها مشيت - يعلي انت بتتلهم نسرين؟ وليد بحيرة هي اكيد عارفه - تمام يا بشمهندش وليد هنستجوبها المهم سيب عنوانها... -تمام.. شكرا لحضرتك
جهزت مليكة الشنط وقالت خلاص يا ماما انا خلصت... طيب تعالي نروح نعدي على خالتك عقبال ما جدك يجي يخدنا - ماشي ذهبوا إلى منزل رغدة... هاجر بتساؤل لسه مفيش حاجه عنها؟ رغدة بحزن مفيش يا اختي... منصور كل يوم يدور عليها هو و وليد وحتى البوليس موصلش لحاجه. تنهدت هاجر و قالت خير ان شاء الله - ياريت انا خايفه على البت اوي
شهد اتصلت بيهم واطمنت عليهم... دخل أسر إلى الشقة نظرت له و قامت - انتي يا بتاعه شهد بضيق والله ليا اسم أسر بغضب طيب ياللي ليكي اسم زفرت بضيق واتجهت إلى الغرفة دخل أسر خلفها و قال علي فكرة انا مخلصتش كلامي تنهدت شهد و قالت عايز ايه؟ - هعوز منك ايه؟ انتي ناسيه نفسك و لا إيه؟
-لا مش ناسية ومش عايزة انسى لان انا احسن منك ميت مرة. أسر بحدة ليه أن شاء الله كنتي بتعلمي الناس الدعارة نظرت له و قالت ياريت كنت شاغلة فيها لأن وقتها مكنتش هتقدر تعملي حاجه. أسر بسخرية لا متقلقيش أسر البنهاوي بيعمل ايه حاجه - تمام بس أنا مش هسيب حقي وهخده منك وضع يده جيبه و قال بجدة هتعملي ايه بقا؟! و بعدين انتم طلعتوا عيلة واطية امك ما صدقت عشان الفلوس.
ابتلعت شهد ريقها وقالت فعلا عندك بس زي ما قولت انت أسر البنهاوي لكن بعيد عنك بقا واحدة زيي كانت بتشغل عشان تجيب حق دورس ثانوي لأنها عارفه لو سقطت كان ابويا هيقعدني، ويوم ما جبت مجموع كبير دخلت تجارة عشان ابويا مكنش هيدفع فلوس الكلية وانا مش هقدر عليها... و امي بقى اللي قولت عليها طماعة عاشت اسود ايام حياتها مع ابويا فبلاش تتكلم عن حاجه انت مش عايشها و امك بقا رنا هانم دي خدت جوزها و قتلت ابوها... أسر بسخرية خلصتي؟
- كلها حقوق و هترجع اقترب أسر منها وقبض على شعرها بعنف وقال سيرة امي متجيش على لسانك يا بت فاهمه. شهد بألم طيب سيبني دفعها أسر وسقطت على الأرض وخرج و ترك لها الغرفة.
ابتسمت ديالا وقالت كدا ناقص شوية والصيدلية تخلص نظر لها و قال بس اكيد مش معنى كدا ان علاقتنا هتخلص ديالا بحيرة اكيد انا همشي بقا. - طب هاجي اوصلك ديالا بامتنان لا مش لازم انا معايا العربية - تمام بس كلميني اول ما توصلي وبكرا هند هتكون موجودة فى الصيدلية عشان عايزة تشوفها. - ماشي..
خرجت ديالا من الصيدلية وركبت سيارتها ولكنها تفاجأت باتصالات من مراد حاولت الاتصال به ورد في المرة الثالثة - كنتي فين؟ - في شغل في حاجه و لا إيه؟ مراد بتعجب بتكلمني كدا ليه؟ زفرت ديالا وقالت ولا حاجه، بس انا سايقه ومبحبش أتكلم في التليفون...
مراد بفضب ماشي بس بلاش تخليني اتصرف معاكي بطريقه تانية - مراد انت عارف كويس اني مبتهددش و بعدين انا قولت ان موضوعنا خلص - موضوعنا مستحيل يخلص يا ديالا و مش بمزاجك و ايه واحد هتفكري في هموته، وتنهد قائلا سلام. نظرت ديالا إلى الهاتف بتعجب وقالت ايه الهبل دا؟!
جني بعد ما رجعت من الجامعه نامت على الكنبة... أدهم لما دخل الشقة استغرب وقال جني انتي نايمه كدا ليه؟... فتحت جني عينها و قالت أدهم؟ - ايه نايحه ليه دا لسه بدري حتى - عادي قولت هريح شوية وراح عليا نومة - طيب - انت جاي بدري ليه؟
- خلصت شغل بدري وقولت اجي البيت - ماشي ياريت بلاش نتخانق مع بعض جلس أدهم بجوارها و قال حاضر ابتسمت جني وقالت انا هدخل اغير و بعدين هعمل الاكل ماشي - ماشي...
قامت جني ودلفت إلى الغرفة ارتديت بيجامة تتكون من شورت و بدي بحملات تتوسطه رسمة كرتونية بلون الرصاصي الفاتح و خرجت. نظر أدهم لها وقال عندكم عجز في القماش. ضحكت جني و قالت الجو حر هعمل ايه؟ و بعدين عادي مفيش حد غريب - اممم فعلا ادخلي وريني هتعملي ايه؟
دخلت جني إلى المطبخ، دخل خلفها أدهم وكان بيراقبها و قال ايه اخرتها بطاطس و لا إه؟ ابتسمت جني و قالت ايه الظلم دا ما انا بعمل اكل زي الفل اهو - بتعملي ايه؟ - بيتزا هو انا بعرف اعمل غيرها أدهم بنفاذ صبر ربنا يسامحها ديالا هي اللي علمتك تعمليها جني بحزن هي وحشه ولا ايه؟ - كل حاجه منك حلوة ابتسمت بخجل و بدأت في إعدادها وأدهم كان واقف زي ما هو وضعتها في الفرن وقالت ادخل غير... انتبه أدهم إليها و قال خلصتي
جني بتعجب اهاا انت مش معايا خالص بقا... - هدخل اغير... انتظرت جني وبعدين اخرجتها من الفرن ووضعتها في الأطباق خرجت من المطبخ ووضعت الطعام على السفرة، خرج أدهم و جلس تناولوا الطعام في صمت، و بعدين قامت جني وديت الأطباق المطبخ وخرجت تاني وقالت مالك يا أدهم متنح ليه؟ أدهم بدهشة متنح...؟! اهاا بص تعالى نسلي وقتنا بدل ما احنا قاعدين فاضين كدا - هنعمل إيه؟
-هتعملي البحث بتاعي ابتسم أدهم و قال والمقابل؟! جني بتفكير هجبلك شكولاتة -لا انا عايز حاجه تانية جني بتعجب إيه هي و بعدين إيه الاستغلال دا انت حد مش جدع.. ضحك أدهم و قال موافقه و لا؟
موافقه بس اعملي البحث بدل ما أسقط.. ابتسم و قال طيب ادخلي هاتي اللاب و خلال ساعه هيكون البحث خلص.. - اشطا، دخلت جني وأحضرت اللاب وجلست بجواره وبدأ أدهم في اعداد البحث، و طبعا جني كان مسيطر على تفكيرها هو هيطلب ايه منها بعد البحث...
طرق آدم الباب وفتحت له سارة دخل ووضع أكياس الطعام على الطاولة وقال الشقة فيها اكل في التلاجه ودا اكل جاهز لأنك مكلتيش حاجه من الصبح سارة بحزن مليش نفس و شكرا ليك تنهد آدم و قال سارة انتي مش طفلة تمام وبعدين لازم نتصرف في المأزق دا صح لأن من الواضح أن الموضوع وراها حوار سارة بحيرة طب نسرين ليه تعمل معايا كدا؟ - مش عارف المهم انتي فلي لحد ما أسر يجي سارة بخوف أسر مين؟
سارة مش منطق خالص على فكرة و بعدين على الأقل تكوني واثقه فيا شوية سارة بتردد طيب -ممكن تأكلي؟ هزت رأسها وبدأت في الطعام، وبعد شوية أسر كان وصل ليهم سارة كانت متوترة و خايفه... تنهد اسر و قال متخافيش محدش هيعملك حاجه المهم انا عايز اعرف كل حاجه، و تجوبي على كل الأسئلة دي؟ نظر آدم لها وقال أسر ظابط... وهو هيساعدنا تنهدت سارة و قالت طيب اتفضل...
بدأ أسر قائلا... الست اللي خطفتك دي؟ الخطف كان امتى و ازاي و شوفتيها ولا؟ نسرين دي اتعرفتي عليها امتى و ازاي؟ - كنت نازلة من الشركة عشان اروح لاقيت واحد بيقولي أن آدم هو اللي بعته وبعدها خدني في العربية الست انا مشفتهاش لأنها كانت لابسه نقاب نسرين العرفت عليها في بداية السنه وهي عشان معايا في نفس الكلية وهي اللي جابت الشغل لينا لأنها تعرف يونس مساعد آدم أسر بتفكير تمام نسرين دي تعرفي حاجه عنها أو عن أهلها؟
-اللي اعرفه عنها أنها عايشه لوحدها في شقة لان أهلها اتوفوا من زمان و ملهاش أهل. أسر نظر إلى آدم و قال الخطة كالتالي في حد بيحرك الكل تمام.. اكيد الشخص دا اقنع نسرين بأنها تتعرف على سارة و بعدها تدخلها الشركة ومنها تظهر في حياتك وطبعا اكيد نسرين بتعمل كدا عشان الفلوس مثلا لأن اكيد ملهاش دافع تاني ونفس الشخص طلب منها أنها تروح تبلغ اخو سارة واكيد اللي الشخص يعرف كل حاجه عن سارة واللي تعرف تحركاتها كويسه نسرين... لس برضو نسرين اكيد في حد معاها آدم بدهشة قصدك ايه؟
- اشمعنا نسرين تتعرف على يونس ومعنى كدا أنه هو اللي دخلها الشركة؟! آدم بتعجب مستحيل يونس صاحبي من زمان... أسر بتفكير أظن أنه هو الوحيد اللي عارف عنك كل حاجه و نسرين دي لارم نأخدها لأنها الوحيدة اللي هتكون عارفه و كمان ممكن تفهم أهل سارة اللي حصل والموضوع يبقى خلص.
قام آدم و قال يلا نروحلها دلوقتي و انتي يا سارة خليكي هنا و لو حصل حاجه هكلمك... طب اجي معاكم آدم بجدية اكيد مش هينفع خليكي انتي هنا وانا هبقي اكلمك... علي تليفون البيت...
التهى أدهم من عمل البحث وقال البحث خلص اهو جني بتساؤل عايز ايه بقا؟ ابتسم أدهم وقال ممكن يكون صعب مفيش حاجه صعبه عليا
اقترب أدهم منها، ازدرت ريقها بتوتر وهمس أدهم إليها قائلا..
دخل آدم و اسر إلى العمارة و صعدوا إلى الشقة طرق آدم الباب و لكن لم يجد إجابة أسر باستغراب مش معقول تكون مش سامعه آدم بحيرة أكيد بقولك ايه ما نكسر الباب؟ أسر بدهشه نعم؟ ما هي ممكن تكون مش جوه... دفع ادم الباب بقوة ودخلوا و وجدوا...
رواية نيران أشعلت الحب
