رواية زينة الجزء الثاني للكاتبة أسماء سليمان الفصل الثاني والعشرون والأخير
حسن بضحكة بسيطة: أمجد قبل ما يسافر لشهر العسل مع مراته - قال ليا انه قلقان وحاسس ان فيه حاجة غريبة بتحصل - بس هو مش عارف هيا ايه مصطفي بعدم فهم: ليه كنت قلقان يا أمجد.
أمجد بهدوء يغطي بركان لانه بعد وقت قصير كان ام طويل سيقابل زينة وسيتحدد مصيرهم معا - ولكنه لا يعلم ان للقدر راي اخر – فكان جزء صغير من عقله يتابع ما يقال وباقي عقله فيما سيفعله مع زينته فاجاب: مش عارف يا مصطفي - كنت حاسس ان فيه خطر حواليا انا وزينة - بس مش عارف مصدرة ايه – وحاسس اني مراقب اللواء فهمي: دا من الخبرة يا أمجد - وكتر المهمات اللي طلعتها – بتكون قادر تحس بالخطر قبل ما يحصل – كمان حواسك بتشتغل من اقل نسبة خطر ممكن تحس بيها – كمل يا حسن.
حسن ناظرا لامجد بضحك: اتفق معايا علي شفرة جديدة وطلب مني كل شويه ارددها عليه بس بشكل غير مباشر – ويجاوب عليا بيها – وفي اخر مكالمة معاه في فرنسا سالته بالشفرة وجاوب -- وبعد ما رجع من السفر تاني يوم وصل القطاع كلمته بالشفرة معرفش يرد عليا او بمعني ادق مفهمهاش حسن بيكمل: عرفت ان دا مش أمجد – وامجد صاحبنا لسه في فرنسا - وكمان موضوع بلونه المعدة لو تفتكروا - أمجد كان حكي ليا عن الموضوع دا – بس زي ما انتم عارفين في اول اجتماع مع نبيل لما سالته قال مجتش مناسبة كل دا أكد ليا ان دا مش أمجد – بس دا مين - -- وعايز ايه --- وفين أمجد الحقيقي --- معرفش – وبقيت عامل زي الغريق ومش عارف اتصرف.
طارق بعصبية: يعني انت كنت عارف من اول ما وصل الشغل انه مش امجد – طيب ليه مقلتش لاي حد علي الاقل كانوا هيصدقوك انت حسن: انا عقلي وقف عن التفكير وحسيت اني مشلول – وبعدين هقول لمين – هقول ليك اللي بتكرهه – ولا هقول لنبيل اللي لسه داخل جديد علينا و طارق مقاطعا: تقول للواء فهمي يا اذكي اخواتك حسن بنرفزة: طارق لو سمحت اتكلم باسلوب احسن من كدا طارق: اصل انت بتلموني اني مقلتش وانا عرفت بالصدفة وبعد فترة من وجوده هنا وو حسن مقاطعا: انا كان كل همي حاجة تانية خالص ع.
اللواء فهمي بحزم: بس يا طارق – هعلق عليكم في الاخر – كمل يا حسن حسن: كان كل همي هو عيله امجد وخاصة زينة ازاي احافظ عليهم – لاني متاكد ان الملك هيعرف يتصرف وينقذ نفسه ويطمننا عليه كمان امجد عند ذكر العيله وخاصة زينة اجاب بلهفة: عملت ايه يا حسن حسن: قلت هو هيسكن مع امه واخواته ومراته ودول محتاجين حمايتي منه – وبعدين فكرت تاني وقلت ان زينة هيا الاهم فيهم وكمان أمجد كان حاسس بالخطر وخايف عليها قبل ما يسافر - وقررت اراقب زينة زين أمتتنان: عملت ايه يا حسن مع اني عارف.
حسن: في نفس اليوم اللي اكتشفت فيه ان دا مش امجد – بعت رجالتي وراء زينة – وكانت في بيت والدها وبعدين تعبت وزين حملها لدكتورة النسا مع مامتها – في دقايق كنت عند الدكتورة – وأمرت السكرتيرة تطلع الدكتورة وتقول ليها ان المياه نزلت من واحدة ست بتولد علشان تقابلني حالا– وعرفت من الدكتورة ان زينة حامل من شهر ونصف يعني الجنين يبقي ابن أمجد ومن صلبه - وطلبت منها تبلغها انه ممنوع اي نوع من العلاقة بينها وبين زوجها لان الرحم عندها ضعيف وهش وممكن هيا والجنين يموتوا او تخسر الرحم – طبعا بعد ما هددت الدكتورة وكدا علشان تنفذ -- انا مش بحب كدا بس كنت مضطر – هبقي اعتذر ليها بعدين.
أمجد بحب وأمتنان وسعادة ولهفة للباقي: وبعدين حسن: كان لازم ابلغ زين علشان يساعدني – لان مكنتش هقدر ابعد راجل عن مراته باي طريقة – وبعدين اذا كان اهله مقدروش يكشفوه – فانا مش هقدر لوحدي اللواء فهمي لزين: انا بقول تسيب الحقوق وتيجي معانا يا زين - عملت ايه زين بضحكة هادية: بعد ما خرجنا من عند دكتوره النسا – لقيت حسن بيكلمني وطلب يشوفني - و طمني علي زينة وقال ان حملها تمام ومفيش اي خطر عليها - وانه هو اللي غضب علي الدكتورة تقول كدا – وقالي ان دا مش أمجد زوج اختي -- وأمجد الحقيقي مش عارفين مكانه -- وقال احتمال يكون لسه في فرنسا مخطوف هناك أمجد لتاكيد الوقت الذي ذكرة حسن: دا كان بعد اد ايه يا زين من رجوع زينة من فرنسا زين بعد ما فهم ما يرمي اليه أمجد: تاني يوم وصلتم فيه من السفر بالظبط.
أمجد: تمام كمل يا زين زين: انهرت طبعا - أمجد جوز اختي مش عارفين مكانه – واختي مع راجل غريب – والكل عارف انه زوجها – طيب اعمل ايه – حيله حسن وادعاء مخاطر الحمل عند زينة مش كفايا – لان دا واحد حقير وبيعمل عمل ذباله - فكره انه يلمسها او يحط ايده عليها كانت بتحرقني – وفي نفس الوقت حسن قالي لازم اسكت واتعامل عادي علشان خاطر أمجد اللي منعرفش عنه حاجة - وكمان علشان اللي شبهك ميعرفش اننا كشفناه يمكن من مراقبته نقدر نعرف مكانك – كان كل دوري احاول ابعده عن زينة بطريقة تبان طبيعية – لدرجة اني سبت الكلية وفضلت لازق لاختي وكنت بتصرف لما الحيوان دا كان بيحاول معاها – وكمان اني امنع زينة وماما انهم يرحوا لاي دكتور تاني لو فكروا علشان حليتنا متنكشفش.
أمجد بترقب: يعني يا زين زين بتاكيد: وحياة زينة عندي ملمس منها شعرها من ساعة ما حسن بلغني – واعتقد يا أمجد انه ملمسهاش خالص لانها لما رجعت من فرنسا انشغلت في تجهيزات المناقشة ومحصلش بينهم حاجة حسن بتاكيد: ايوه فعلا – و كمان الباحثين وصلوا مصر قبل مناقشة زينة باسبوع واحنا انشغلنا معاهم - مش بنفارقهم وعيني كانت علي شبيهك – وسابنا بس يوم المناقشة - وكمان ام زينة وطنط فاطمة لما عرفوا بخطر الحمل - ساعدونا كتير لان وجودهم هيكون مانع ان شبية أمجد يقرب من مراته قصدي مراتك امجد في سره يبقي ليله السفر الي القاهرة وليله رجوع المستنسخ الي العمل هما الليلتين التي قضاهما مع زوجته ثم اكمل بدعاء يارب الستر من عندك ثم انتبه الي صوت زين.
زين بيكمل: والتليفونات مع حسن كانت مستمرة – اول ما كان اللي شبهك يسيب الشغل يكلمني علشان اكون جنب اختي – لدرجة اني حطيت منوم في العصير علشان يتخمد أمجد بأمتنان متجها ليحضن حسن: انا مش عارف اشكرك ازاي يا حسن – دينك دا في رقبتي ليوم الدين حسن بضحكة: خيرك سابق يا أمجد وبعدين عرضك عرضي وشرفك من شرفي أمجد محتضن لزين: انا مش عارف يا زين اقولك ايه زين: دا اختي يعني شرفي – انا بس كان نفسي اقتله بنفسي – والحمد لله انك وهيا بخير.
حسن بضحكة: فاكر يا زين - لما كان شبيه امجد بيتعصب عليا او يعاملني بطريقة مختلفة ويجي يعتذر وانا اقبل اعتذاره – واعمل فيها عبيط وأصدقه زين: هههه انا عملت معاك مغامرات يا حسن لما زينة اتخطفت في المرة الاولي والتانية اللواء فهمي: وايه هيا الشفرة يا حسن -- اللي اكدت لك ان دا مش أمجد وفي هذه اللحظة انفجرا حسن وأمجد في نوبات من الضحك باصوات عالية وقهقهات متتالية دون توقف طارق باستغراب: ما لهم دول - في ايه ونظرا كلا من نبيل ومصطفي الي بعضهم البعض في دهشة اللواء فهمي بحزم: في ايه.
حسن وهو يحاول ان يبدوا جادا: ادهن لاكية أمجد وقسمات وجهه توضح ابتسامة يحاول ان يخفيها بصعوبه: شيبسى و كارتية حسن: قلبظ بجنيه أمجد: دايو وشفروليه حسن: فيلا وشاليه أمجد: قهوه ونسكافيه حسن: خضار سوتيه أمجد: باتون ساليه حسن: فيه منه ليك يا سعادة البيه.
اما زين فلم يستطيع ان يتمالك نفسة - ووقع علي اقرب كرسي يضحك ويقهقه بصوت عالي دون مراعاة لوجود اللواء فهمي اللواء فهمي باستنكار: هي دي الشفرة أمجد ومازل يبتسم ثغره: ايوه – طلبت من حسن يرددها كتير لان علي الرغم من انها سهله - بس كنت بنساها بسرعة زين هو ما زال يضحك: شغل المخابرات طلع سهل اهو – انا عندي شفرات كتير قوي ومحدش يعرفها غير انا وزينة طارق ومصطفي ونبيل: احنا مش فاهمين حاجة زين بضحكة: اصل الشفرة دي عبارة عن كلامي انا وزينة واحنا بنهزر مع بعض اللواء فهمي: خلصتوا ضحك.
حسن وأمجد: تمام يا افندم اللواء فهمي: وانت يا مصطفي - عملت ايه مصطفي بنفس طويل: انا كنت مركز علي دوري قوي - ومش عايز اغلط فيه اي غلطة – أمنت هيئة الطاقة واستعنت بفرقه جديدة كنت بدربها – وبقيت اغير فرق الامن علي بوبات الهيئة كل 24 ساعة -- ومحدش كان بيعرف هو هيبقوا نبطشة امتي – جهزت اكتر من مدخل ومخرج – اتفقت مع شبية أمجد اننا نغير طريق الذهاب والعودة من الفندق للهيئة والعكس كل يوم – علشان محدش يتوقع احنا هنروح ونيجي من اي طريق.
اللواء فهمي: انا تابعت كل الشغل يا مصطفي من خلال نبيل - وفعلا انا انبهرت بيه نبيل: بصراحة فكرة تغير الامن كل 24 ساعة كانت حلوة جدا – وكمان الكلاب والكاميرات ساعدتنا كتير مصطفي: دفعني فضولي وشغفي اني اثبت اني كويس وجدير بمكاني – افتكرت كلام حضرتك لما قلت ان عابد هو مندوب المنظمة في مصر - قلت اكيد عابد عمل مندوبين ليه وانه مكنش بيشتغل لوحدة – جبت الملف القديم وبحثت فيه – لقيت سكرتيرة العيادة محدش جاب سيرتها غير أمجد -- بس طارق منعة لانه كان مسئول عن زينة بس.
طارق باهتمام وكانه ينظر الي اخطاؤة: عملت ايه مصطفي: روحت للسكرتيرة -- واتكلمت معاها وضغطت عليها في الكلام وهددتها بالسجن والفضيحة – فخافت علي سمعتها واعترفت انها دراع عابد اليمن وكانت بتوصل الرسايل للمندوبين والمجندين عن طريق العيادة -- وتسجيل المواعيد عن طريق شفرة ليهم – وعرفت منها انها عاملة ملف ومسجلة كل شغل عابد في مصر علشان تحمي نفسها بيه وقت اللزوم – طلبته منها – فطلبت اسبوع علشان تسلمة ليا لان الورق هيا مخبياه في مكان محدش يعرفه.
أمجد بانبهار: برافو يا مصطفي مصطفي بحزن: مش برافو ولا زفت – لان من فرحتي روحت قلت لك – قصدي اللي كان شبهك – وفي ميعاد التسليم – روحت لقيتها سايحة في دمها ومفيش اي اوراق معاها والشرطة كانت هناك وبتحقق نبيل بدهشة: مشكتش في أمجد - لانه الوحيد اللي عرف مصطفي بتأكيد: اطلاقا – وهشك ليه - دا أمجد عبد الرحمن – انا قلت ممكن وهيا بتجيب الورق حد عرف نيتها وقتلها لان صحيح عابد مات بس فروعة لسه موجودة حسن: عملت ايه يا درش.
مصطفي: قلبت في الورق تاني وافتكرت خالد أمجد بتذكر: خالد دا الظابط اللي كان في فرقتك - اللي وصل زينة لعابد بالتاكسي مصطفي: ايوه – روحت ليه السجن ولومته لانه استغل حبي ليه وكان بيعرف المعلومات مني ويوصلها لعابد – وقالي ان عابد ضحك عليه لانه كان محتاج فلوس فاضطر يساعده – ووعدته اني اساعدة واحاول ارجعه لشغله بس لو ساعدني امجد: كويس بردوا يا درش – عملت ايه.
مصطفي: خالد قال انه كان مسؤل عنك يا أمجد – يعني يراقبك - يعرف اخبارك – تصرفاتك - حركاتك – كلامك معانا ازاي – صور اهلك واي معلومات عنهم أمجد: تقصد انهم كانوا عايزين يعرفوا كل حاجة عني علشان يجهزوا البديل – اقصد ان موضوع الاستنساخ دا كان من ضمن خططهم – وموضوع هيئة الطاقة وبدائل اليورانيوم سرعت تنفيذ عمليه الاستنساخ مصطفي: تقريبا – لان احنا مقدرناش نكشف المستنسخ دا – لان كل تصرفاته كانت عادية.
حسن بيكمل: وبعدها بيومين خالد اتشنق في السجن – ازاي منعرفش – ومين دخله الحبل وشنقة - منعرفش مصطفي: ما هو من غبائي بردوا قلت لأمجد او اللي شبهك – وقبل ما حد يسال بردوا لم اشك قيد انمله حسن بضحكة: قيد انمله - يا سيدي مصطفي لامجد: لو سمحت يا امجد لو فيه مهمة تاني متبقاش تتريق وتقول مهمة تافه لانها بتتقلب في الاخر – وبنتشحور كلنا اللواء فهمي ضحك بصوت عالي اثار انتباه الجميع واثار فضولهم – ربما يضحك اثر كلام المصطفي الاخير او ربما لسبب اخر حسن: خير يا افندم – ايه سبب الضحكة.
اللواء فهمي: شوفتوا يا ولاد - شوفت يا أمجد – دا اللي كنت بقصده لما اجبرتكم تشتغلوا مع بعض – حسن كان بيدافع عن مراتك وانت مخطوف - وطارق انقذ مراتك وانقذك وفضل معاك لحد ما رجعت عابد والفلاشة وجهاز التصنت – ومصطفي اتطور واتغيرت كتير شخصيته – فهمت ليه يا أمجد لما كنت بقولك انا عايز القطاع كلة يكون قوي – فهمتوا ليه كلكم – لان شغل الفريق احسن من شغل الفرد لوحده – ولان ربنا بيقول } واعتصموا بحبل الله جميعا ولا تفرقوا } [آل عمران: 103]، وقوله عز من قائل { وتعاونوا على البر والتقوى ولا تعاونوا على الإثم والعدوان } [المائدة: 2]، وقوله سبحانه } إن الله يحب الذين يقاتلون في سبيله صفا كأنهم بنيان مرصوص } الصف: 4.
اللواء فهمي بيكمل: كما أن السنة المطهرة مليئة بالأحاديث الشريفة التي تدعو للعمل بروح الفريق، ومن بين هذه الأحاديث قول الرسول صلى الله عليه وسلم "مثل المؤمنين في توادهم وتراحمهم وتعاطفهم كمثل الجسد الواحد، إذا اشتكى منه عضو تداعي له سائر الجسد بالسهر والحمى" . رواه مسلم ---- وقوله صلى الله عليه وسلم "إياكم والفرقة، وعليكم بالجماعة فإن الشيطان مع الواحد، وهو من الاثنين أبعد...، من أراد بحبوحة الجنة فليلزم الجماعة". أخرجه الترمذي فصلي الجميع علي النبي العدنان وقال أمجد: ايوه فهمت.
اللواء فهمي: بس انتم غلطتم - ولازم تتحاسبوا حسن باستغراب: غلطنا -- دا احنا طلع عينا في الفترة اللي فاتت - واتشحورنا مصطفي بتعب: دا احنا اتسحلنا وربنا اللواء فهمي: تعرف هما غلطوا في ايه يا سيادة وكيل النيابة زين بسماعه لهذا اللقب شعر بحماسة وسعادة – واحس ان هذا ما يريد ان يفعله وان هذا مستقبله المنشود – فهو لا يعرف ماذا يريد ان يعمل في حياته - وربما هاتين المغامرتين اكتشف معهم اشياء كانت بداخله لم يكون يعرفها – اكتشف انه يمقت الظلم – اكتشف انه يحب مساعدة المظلوم ومهنة وكيل النيابة ربما تحقق غرضة وتأمل نفسه وهو يحقق مع المتهمين ويحاول ان يعرف الحقيقة بذكاءة وخبرته.
اللواء فهمي: روحت فين يا زين – عرفت هما غلطوا في ايه زين بتاكيد: الغلط انهم كل واحد اشتغل لواحدة – يعني لو المقدم طارق بلغ اول اما اتاكد ان دا مش أمجد – وشرحة حسن – وشرحة مصطفي يمكن كانت الامور موصلتش لكدا نبيل: فعلا يا زين - لو كان مصطفي قال -- مكنش السكرتيرة وخالد اتقتلوا وعرفنا باقي اتباع عابد علي الاقل في مصر – لو كان حسن قال علي موضوع الشفرة كنا هنتابع شبية أمجد عادي بس كنا هنشتغل عليه – لو طارق قال كان بقي معانا دليل – كنا وقفنا شغل في هيئة الطاقة – او وصلنا للباحث رقم 5 معلومات مش سليمة اللواء فهمي: يارت المهمة الجايه يبقي فيه تعاون بجد اكتر من كدا.
حسن بتعب: هو فيه مهمة جاية اللواء فهمي بضحكة: فيه مهمة ليكم انتم الاربعة ومطلوب تعاونكم – انا قلت 4 لان مش عارف اذا كان نبيل هيكمل معانا ولا مش هيكمل نبيل بخجل: انا هتكلم مع اللواء مهاب الاول وبعدين استخير وابلغ حضرتك اما الجميع فتمتموا بكلمات غير مفهومة كناية عن الغضب او التعب او عدم تقدير اللواء فهمي لما بذلوه في الفترة السابقة.
اللواء فهمي: المهمة هيا - ثم صمت قليلا ناظرا ليهم ثم اكمل قائلا: ولا اقولكم خدوا فترة راحة الاول وبعدين نتكلم – عايز تقرير مفصل لكل واحد فيكم باللي عمله يكون علي مكتبي بكرة 10 الصبح وبعدها كلكم في اجازة مفتوحة – علي مكاتبكم يله وبعد خروج الجميع قال اللواء فهمي: ادهن لاكية - شبسي وكارتيه - قلبظ بجنية – فيه ايه كمان علي نفس الوزن يا فهمي: اه - عربية فاميه وتلاته جنية ثم ارتفعت اصوات ضحكاته ترن في فراغ مكتبة الواسع.
رواية زينة الجزء الثاني للكاتبة أسماء سليمان فصل ختامي
بعد خروج الجميع من مكتب اللواء فهمي – لاحظ طارق انهم متجهين الي الخارج وليس الي مكاتبهم لكتابة تقاريرهم كما أمر اللواء فهمي طارق باستغراب: انت رايح فين يا أمجد أمجد بشبح ضحكة: رايح لمراتي – يله يا زين أوصلك في طريقي – وهبعت لك التقرير واتس اب - تسلمة بكرة بدالي – سلام طارق بغيظ: وانت يا حسن - رايح فين حسن وهو يغمز بعيونة الخضراء ويمسد بيده خصله شعرة البيضاء: وانا مراتي وحشتني وهموت ونطلع انا وهيا اجازة - سلام يا طروقة – انا كمان هبعت لك التقرير واتس اب.
مصطفي لطارق: وانا قبل ما تسالني – فيه واحدة اتعرفت عليها -- وهروح احدد ميعاد الخطوبة – هبعت لك التقرير تسلمة بدالي - سلام يا طأطأ طارق بصوت عالي وغضب: طأطأ – وطروقه - اندال كلكم – يعني انا مليش حد يوحشني انا كمان - ثم سمع صوت ضحك نبيل نبيل بضحك: وانا عندي مشوار مهم –هبعت لك تقريري بالليل هما هيبعتوه واتس انا هبعته ماسنجر – سلام طارق بغيظ: واتس وماسنجر – هيا بقت كده -- كلاب – كلكم كلاب.
في البيت الامن اللي فيه زينة أمجد وصل الي البيت الامن ووقف علي بابه – فمازال لم يقرر ما سيفعله معها – هل يتركها ولكن ما ذنبها فلم تكن تعلم – هل سيكمل معها ولكن كأي رجل شرقي تابي كرامته وتمنعه من الاستمرار – ليلتان فقط – فقبلهما كان معها وبعدهما تولي حسن وزين زمام الامور - ربما لم يحدث بهم شيئ – فعليه ان يسمعها اولا ثم يقرر أمجد دخل البيت بشويش فوجدها شاردة الذهن - وكالعادة ينسي ما يشغله عندما يراها امامه - وبلهفة متناسيا صراع عقله نادي باسمها قائلا: زينتي.
التفتت زينة الي مصدر الصوت وكانت في قمة القلق رغم ان زين قد طمئنها عليه ورغم ذلك تتمني ان تراه – فقط تراه - ويحدث بعدها ما يحدث فراق – لقاء – لا يهم – ما يشغلها هو عودته سالما بعد اختطافة – فقد اشتاقت عيناها اليه وحملتها قدميها علي الجري نحوه لتحتضنه ولكنها توقفت بمنتصف المسافة بينهم – ثم اخرجت ورقة كبيرة من جيب فستانها وامسكتها بيدها امامه رافعة اياها امام عينه – فقام امجد بقراءة ما كتبت وقامت هيا بترديد الكلمات التي بالورقة حيث كانت تحفظها عن ظهر قلب.
نطقا الكلمات سويا في صوت واحد قائلين: امجد وزينة في نفس واحد: البذرة اللي ربنا زرعها في رحمي منك يا امجد – انت ابوها وانا امها -- انت كنت معايا في فرنسا لحد اخر ليلة وبعدها اتخطفت - ليله سفرنا المستنسخ كان بيشتغل علي الموبايل – ولما طلبت منه يجي نام قال نامي انت ورايا شغل ولازم اخلصه -- صحيت لقيته نايم علي الكنبة – والليله اللي رجع فيها شغله وانا رجعت الجامعة – فضل صاحي للصبح بيقلب في اوراقك وكتبك ولما صحيت ولقيته لسه صاحي - قال داخل مهمة خطيرة وبيستعد ليها – وفي نفس اليوم عرفت اني حامل – وبعد كدا حسن وزين مخلهوش يقرب مني – اقسم بالله ان دا هو اللي حصل.
زينة انزلت الورقة الي ما بعد وسطها – ونزلت معها دموع عيناها ثم حاولت ان تنطق وتخرج الكلمات من فمها فاقتراب أمجد بمقدار خطوتين قائلا: عارف كل الكلام دا – وكنت هموت واعرف ايه اللي حصل في الليلتين دول – وكنت بدعي ربنا بالستر لاننا معملناش حاجة وحشة في حد ولا ظلمنا حد – احساس وشعور وحش قوي يا زينة اللي كنت فيه – عارفة كاني دخلت قبري وانا حي.
زينة مقتربة خطوتين ودموعها تجري علي وجهها بغزارة: انا فضلت افتكر ايه اللي حصل في الليلتين دول - وكتبت كل حاجة في الورقه دي والله يا أمجد ملمسني امجد مقتربا خطوة اخري وبتفكير: فعلا معاكي حق – لانه اصراره انك تسافري معاه -- دا لانه حبك بجد ومطلش منك حاجة – وانه يوافق انك تقعدي عند والدك يومين وبعدين تسافري بعد الفرح كان خطة علشان يبعد زين عنك - علي الرغم من ان الداتا اللي معاه هيا هدفه الرئيسي من وجودة مكاني.
زينة تتقدم خطوة اخري: انا بس بلوم نفسي -- ازاي محستش انك غايب – ازاي مشمتش ريحتك اللي مبقتش موجودة – ازاي لما كنت تعبان ومخطوف محستش بتعبك - ازاي لما كان بيبص عليا الحقير دا معرفتش ان نظرته غيرك – اصراره انه يقرب مني مع انه عارف ان الجنين ممكن يموت كان لازم يخليني اشك – غضبة من زين اللي كان بيقف بيني وبينه كان لازم يخليني افهم – لما رماني علي الارض في لحظة غضب من زين كان لازم اعرف انه مش انت – فاكر لما كنت هترميني من البلكونه انا كنت متاكدة انك عمرك ما هتأذيني – بس دا لما أذاني انا مفكرتش وكنت بلتمس ليه العذر.
أمجد مقتربا خطوة اخري ناظرا الي زوجته الجميلة وبطنها التي بدا اثار الحمل يظهر عليها: حبيبتي انا مش عارف بصراحة – بس المستنسخ دا مني يعني ممكن يكون زي في كل حاجة زينة ببكاء: انا تعبت قوي يا أمجد.
هنا قد تلاشت الخطوات باقتراب كلا منهم خطوة بعد خطوة – فجذبها امجد بشدة الي صدرة وطوقها بذراعة القوية – ضمها الي قلبه الذي انحرق عليها رعبا في الفترة الاخيرة – ذاده الشوق الما عندما راي دموعها وخوفها في الغابة – سري الموت في جسده رويدا عندما قيل ان هذا المستنسخ قد نال منها.
اما زينة فقد استلمت لضغط يده عليها – كانت تشم رائحته التي افتقدتها وتملا قلبها بعبيرها – كانت تلتمس الامان في قربة – كانت تدواي جروحها بدفء حبه – كانت تتمني فقط رؤياه والان قد جبر الله قلوبهم النقية ولم يخذلهما – فما كان منهم غير البكاء في ان واحد - بكاء للقائهم ثانية – ام بكاء لانتهاء ما مروا به – ام بكاء لان الله قد حفظهم – اما بكاء للالم والعذاب الذي مر علي كليهما – اما بكاء لكل هذا معا – ودام هذا البكاء فترة لا يعلها الا الله – فهو في هذا الوقت دواء يزيل الهم والحزن حتي تحل السعادة قلوبهم وتسكنها وحدها دون منازع.
امجد بعد فترة من الوقت رافع راسها بين راحت يده ومسح دموعها: حقك عليا يا قلب أمجد وسامحيني لاني كنت السبب في اللي حصل لك زينة وهيا الاخري تمسح دموعه: الحمد لله اننا مع بعض وربنا ستر – انت اللي سامحني يا امجد – انا مش بكلم زين من لحظة ما عرفت الحقيقة امجد: زين قالي انك خاصمتيه لما قالك كل حاجة بعد وصولك من السفر– صالحيه علشان خاطري زينة: حاضر انا مقدرش استغني عنه ولا عنك – بس صعب عليا يكون عارف ويسبني كدا - وكمان حسن.
أمجد: كان لازم يخبوا علشان مينكشفوش - وانت تتعاملي معاه عادي – لانه لو كان شك في اي حاجة كان ممكن انا اتقتل او اي حاجة تحصل زينة تضع يده علي فمه: بعد الشر عليك يا حبيبي أمجد بحب وهو يلامس بطنها: شوفتي عمل ايه علشان يحميكي يا قلبي – ساب دراسته وحياته علشانك – استحمل لوم وعتاب الجميع حتي انت زعلت منه بردوا علشانك.
زينة بضحكة بسيطة: معاك حق انا هكلمة اول ما اروح البيت امجد: يله الاول نروح نتطمن علي ابننا – وبعدين نروح علي بيتكم نطمن الحاج سالم ومامتك عليكي – وبعدين نروح علي فيلتنا – وياريت موضوع المستنسخ دا محدش يعرف عنه حاجة من اهلي او اهلك زينة براحة: حاضر.
أمجد ويده بيد زينة متجها الي باب الخروج: عارفة يا زينتي لو كان المستنسخ قرب منك - ولمس ايديك كنت هتحسي انه مش انا صدقيني زينة بضحك بعد ما سحبت ايدها من يد امجد: بس هو باس راسي يا مجنو أمجد ممسكا اياها من ياقه فستانها: وازاي ياهانم تسمحي ليه يبوس راسك زينة بدلع: حرمت يا أمجد وافلتت زينة من يد امجد القابضة فستانها وجريت زينة وهو يجري وراها.
قام أمجد باخذ زينة الي دكتورة النساء للكشف والاطمئنان علي سلامة الجنين وسلامة زينته التي كانت في منتصف الشهر الخامس – ثم اتجهوا الي منزل الحاج سالم وصالحت اخيها وقبلت راسه لانها لم تنسي ما تحمل من صدمات ومواقف محرجة من اجل الحفاظ عليها – ولكن زين فاجئهم انه أخبر الحاج سالم وأمينة بكل شيء حدث أمجد بضيق: ليه يا زين كدا.
زين بهدوء: انت ناسي انه شافك مع سلمي زي ما حكيت لك – وكان مصر علي الطلاق - فكان لازم يعرف انه مش انت الحاج سالم محتضن زينة بشده وعيونه علي أمجد قائلا: سامحني يا أمجد في شعوري بس مش قادر اغيره – كل ما اشوفك افتكر ان زينة كانت ممكن تموت بسببك – ولما شوفتك مع قريبتك كرهتك اكتر – سامحني يا ابني انا اب – ولما تخلف هتعرف قيمة الضنا – وان شاء الله مع الوقت مشاعري ناحيتك هتغير بس استحملني زينة من داخل احضان ابيها: والله يا بابا امجد مفيش زيه –وبكرة تغير رائك.
امجد: وانا مقدر شعورك يا عمي – وخد وقتك – انا بس كنت محتاج انك تصارحني وتقولي ليه زعلان مني – وان شاء الله مع الوقت كل حاجة هتتغير اكتفي الحاج سالم بضحكة تعلن عن رضاه – اما أمينة وهيا تاخذ زينة في حضنها الدافيء قائلة بعصبية وغضب مكتوم واحساس بالثورة: بنتي هتتطلق يا امجد يعني هتتطلق وحالا انت فاهم – ايه كل شويه خطف مره هنا -- ومرة في بلاد بره – ثم ضربت زين بعنف وشدة علي كتفه قائله: وانت كل مرة تكدب علينا وفاكر اننا مش عارفين – لا - احنا بنحس بكل حاجة – بنتي مش هتسيب حضني فاهمين فقام أمجد وزينة وزين باحتضانها وتقبيل يداها وراسها وطلب العفو السماح منها - وفي نهاية اليوم اخذ أمجد زينة الي فيلته لنتظرة مفاجاه اخري تقابله.
امام الكليه عند نداء ندا باستغراب: سيادة المقدم – ايه اللي جابك هنا نبيل بدلع: قلبي ندا بخجل: نعم نبيل بجدية: اسمعي بقه – انا جيت اقولك انا بحبك وعايز اتجوزك – لو وافقتي هروح اكلم اللواء فهمي – ولو موافقتيش بردوا هروح اكلم اللواء فهمي ندا بضحكة بسيطة ظهرت معها الغمازات: لو وافقت مفهومة – انما لو موافقتش هتكلمة ليه.
نبيل تحت تاثير غمازتها وضحكاتها: اصل انا لقطه ومترفضش – فلو موافقتيش هكلمة يقنعك – وبعدين احنا معندناش بنات تقول رائها نداء بغضب: ياسلام نبيل: يعني موافقة نداء بخجل: انا مقلتش كدا نبيل بدلع: يعني مش موافقة نداء وقد ذادت حمرة الخجل جميع قسمات وجهها: بردوا مقلتش كدا.
نبيل بضحك: ايه الحيرة دي - يا حرقت قلبي نداء بخجل: بس انا ليا بيت واب - مش تاخد رأي في الشارع نبيل بضحكة كبيرة: هو انا مقلتش ليكي نداء بعد ان رفعت عيونها ناظرة اليه: لا مقلتش نبيل: اصل وانا واقف في انتظارك حسيت انك هتقولي الكلام دا – فاتصلت باللواء فهمي وقلت اني عايز اطلب ايد بنتك - واني واقف ادام الكلية واستاذنته اكلمك – فقال انه موافق والراي ليكي.
ندا بغيظ: كدا يا بابا نبيل: اقول لنفسي مبروك ندا لم تتحمل فرحة قلبها وخجها الذي يدل علي كسوفها وتربيتها الكريمة - فقدت النطق بعد ان اعطي لها والدها حريتها في القبول او الرفض – ولكنها تقبل وتحب وتريد الصراغ باعلي صوتها قائلة نعم احبك ولكن خجلها منعها من الرد فنظرت اليه نظرات خاطفة وهو يتاملها في صمت وينتظر موافقتها علي أحر من الجمر - ثم اطلقت سايقها للريح تجري مبتعدة عن من غير حالها نبيل: انت يا بت – يا مجنونه – لا انا هيجي البيت كدا مش نافع
في فيلا أمجد دخل أمجد وزينة الي فيلته ممسكا يداها بشوق – ليجد سلمي تجلس وتبكي بصراخ - ورجاء امها تبكي وابيها يبدوا عليه الكسرة والقهر – اما امه فملامحها يصعب توقع ما تحمل وتخبي ويحيي يبدوا عليه عدم التصديق هو وزوجته ايمان أمجد: السلام عليكم وبمجرد سماع صوته قامت سلمي مندفعة اليه وتوالت عليه بالضربات علي صدره وبطنه – وهو يقف كالسد لا يتحرك ولا يرد ضرباتها ولا يحاول ان يمسك يداه الضاربه له – ولم يفلت يد زينة من يده.
اما زينة فنظرت بدهشة ثم مسكت يد سلمي بيدها الاخري قائله: انت مجنونه - انت بتعملي ايه سلمي بدموع موجهه كلامها الي أمجد: يا حقير يا ذبالة أمجد بحيرة: انا مش فاهم حاجة محسن: مكنش العشم يا أمجد – انا عارف ان سلمي طول عمرها طايشة – ومش ملتزمه وكنت بدعي ربنا ليل ونهار انه يهديها – لكن يا أمجد اللي عملته دا عار وذلة لخالك اللي مقصرش معاكم في يوم – انت كسرتني يا أمجد.
أمجد بعدم فهم: فيه ايه يا خالي - انا مش فاهم حاجة اكتفي محسن بنظرات يملئها الحسرة – ثم وجه حديثة الي رجاء قائلا: مرات خالي في ايه – وليه خالي بيقول كدا فاطمة بحزم: سلمي بتقول يا أمجد انك وعدتها بالجواز وانك هتطلق زينة – لكن انتم استعجلوا شوية أمجد ينظر الي زينة بصدمة: ----- يحيي بعدم تصديق: انا مش مصدق - أمجد ميعملش كدا ابدا – استحاله سلمي بعصبية: يعني انا بكدب يا يحيي.
ايمان بغضب: متزعقيش ليحيي يا سلمي انت فاهمة يحيي لايمان: مش وقته يا ايمان ايمان: يعني انت شايف بتكلمك ازاي أمجد لخاله: انت تصدق اني اعمل كدا يا خالي – ما كانت ادامي وانا كنت بقول انها زي ريحانه اختي وعمري ما شوفتها الا اخت صغيرة ليا سلمي بكسرة: يا واطي يا حقير – واللي عملته تسميه ايه زينة بحزن علي حال سلمي: متظلميش أمجد يا سلمي – مش أمجد اللي.
سلمي مقاطعة اياها: اخرسي خالص – هو انا هتوه عنه – بعد ما روحت ليه الشغل كلمني واتقابلنا اكتر من مرة- ولو مش مصدقه اسالي ابوكي شافني هناك أمجد: انا اسف يا سلمي بس مش انا اللي اكسر بنت واذلها – وكمان بنت خالي سلمي بكسرة ومهانة: يعني ايه - بتنكر ليه – انت كنت معايا بشحمك ولحمك – اتجوزني وبعدها طلقني – مش علشاني - علشان خالك زينة لم تتحمل اتهام سلمي لزوجها ونظرات اتهام الاخرين: يا جماعة فيه حاجة حصلت وانتم متعرفهوش – ثم بدات تخبر الجميع بما حدث حتي تبرأ ذمة زوجها فاطمة محتضنه ابنها وانفلتت منها الدموع: والله يا أمجد كنت حاسة – وكنت بحلم انك بتغرق ومربوط حتي أسال يحيي – سامحني يا ابني.
يحيي مقبلا راس اخية: وانا اقول زين اتجنن ومأفور وبيعمل كدا ليه – حمد الله علي السلامة يا أمجد – بس انت متاكد انك أمجد اخويا أمجد بضحكة ثم اقترب من اخيه هامسا في اذنيه قائلا: اقول لماما انك كنت بتسرق شربات بابا وتدفنها تحت الشجرة علشان تطلع شجرة شربات يحيي بضحك: استرني الله يسترك أمجد لسلمي: انت غلطت لانك بعيده عن ربنا ومش ملتزمة كويس – حتي الحجاب مش ملتزمة بيه - وكمان رميتي نفسك علي راجل متجوز – ودي نهايه متوقعة يا سلمي.
سلمي بانهيار وبكاء: وانا هعمل ايه دلوقتي - واتجت الي الخارج وتبعتها رجاء ثم اعتذر محسن لسوء تصرف ابنته وانصرف يحيي بحزن: لا حول ولا قوة الا بالله – ربنا يتولاها – حمد الله علي السلامة يا أمجد – الحمد لله ان حملك مطلعش خطير يا زينة وانكم بخير زينة: الحمد لله - بعد اذنك يا طنط ممكن نعمل حفلة بكرة لسلامة أمجد ونعزم اصحاب أمجد وأهلنا أمجد بفرحة: ماشي بس بعد اسبوع مش بكرة زينة بعدم فهم: ليه.
أمجد دافعا زينة امامه للسلم قائلا: اصل ابني وحشني قوي وكنت عايز اتكلم معاه زينة بهمس ضاحكة: ميصحش كدا يا أمجد يحيي وهو يغمز بعيونة: واحنا كمان عايزين نتكلم معاك يا أمجد – ولا ملناش نفس زي ابنك أمجد دون الالتفاف الي اخيه: هخلص مع ابني وبعدين اجيلك – تصبحوا علي خير يحيي: وانت من اهله ثم وجهه حديثة الي أمه – ليه كنت مكشرة قوي ياماما وحسستيني انك صدقتي كلام سلمي فاطمة بحون: كان لازم اعمل كدا -- لانه اخويا يا يحيي ومكنش عايزة اخسرة يحيي محتضن اياها: ربنا يبارك فيكي يا ماما – ثم قبل يداها – احتضنته فاطمة – ثم جذبته ايمان قائله: يا ماما احضنيني انا وانا احضنة يحيي: هههههههههه.
في غرفة أمجد والتقي الحبيبان في جنه عشقهم الابدي – عشق يقوي بالضربات - ويصمد بالمشكلات – عشق فاق حدود العشق حدودا - فقد ذابا في غيابات الحنين ومتاهة الشوق – فلم يفرقهما علم استغل بشكل بشع – ولم يقدر عليهم خائن لوطنه واستسلم لشيطان المال - فقد صمد بالحب وعاشا له.
في مكان مجهول سناء زميله زينة: سامحني انا بحبك – انا نفذت اللي انت عايزة ----: بره يا ذباله سناء بدمع: انا خليت زينة تجيب شعرة من أمجد زي ما أمرتني ----: قلت بره – واياكي حد يعرف حاجة – او مين اللي طلب منك الشعرة خطتك فشلت يا عابد – كانت خطة جهنميه - انا قلت انها هتنجح بعد ما اتصلت بيا يوم فرح أمجد وطلبت اي حاجة تخصه شعرة او حته من ضفره – واديني نفذت وخليت سناء تضحك علي زينة وتجيب شعرة أمجد وبعتها لك امريكا – ووعدتني بقتل أمجد - وزينة تكون ليا وهنا تعالي الضحكات باصوات مرتفعة ومخيفة قائلا: ماشي يا أمجد انت كسبت الجوله دي كمان - بس انا مش هسيبك وزينة هتكون من نصيب اسر الشرقاي وبس.
تمت بحمد الله تمت نهاية الرواية أرجوا أن تكون نالت إعجابكم
رواية زينة الحب لا يعترف بقناعاتك
