طبعا اني شخصيا احس منطقة الخصر هي المنطقة الي تبرز جمال جسم المراة والي تنطيها نعومة و انوثة وطبعا الخصر ماله علاقة بالوزن يعني ممكن وحدة وزنها مثالي بي ما عدها خصر وممكن وحدة مليانه بس خصرها ايكون محدد وبارز ف مهما كان وزنج او شكل جسمج اكو 5 طرق راح تنطيج خصر نحيف ومحدد اكثر : <article> 1- التنورات والبناطير الي خصرها عالي<a name=\'more\'></a>مجرد تلبسين قطعه خصرها عالي خلص راح تحسين شكل جسمج اتغير 180 درجه راح يصغر الخصر والرجلين راح ايبينون اطول وانحف يعني راح تضربين 3 عصافير بحجاره وحدة وبدون اي مجهود بس طبعا اذا جنتي مليانة روحي للالوان الغامة وراح تنطيج شكل احلى الجسمج . 2- الحزام العريض او الرفيعاني شخصيا احب الحزام الرفيع احسة ينطي انوثة اكثر من الاحزمة العريضه واصلا دا احس الاحزمة العريضه ديروح موديلها ف الحزام مهم حتى تحددين بي منطقة الخصر ممكن تلبسي وية البنطرون او التنورة او حتى ويه الفساتين بس اختاري بلون ايكون محايد مثل الاسود او البني او البيجي حتى تكدرين تلبسي وية اغلب ملابسج . 3- الفساتين الي يجي خصرها محدد مثل قصه السمكهطبعا هذا احسن اختيار للبنات الي ميحبون ايتعبون نفسهم ويفكرون اهواية اختاري فستان بقصه السمكة وهو الي راح ايرتب شكل جسمج طبعا البنات الي عدهم مشكلة بمنطقه البطن ممكن هيج قصة متناسبهم ف الافضل تلبسين كورسية او اذا منطقة البطن كولش بارزه عندج الافضل تبتعدين عن هيج فساتين . 4- الكشكش بالقمصان او التنوراتطبعا هذا الموديل سحري راح ايصغر الخصر وبنفس الوقت راح يخفي منطقة البطن فالبنات الي ايعانون من منطقة البطن هذا الموديل مخصوص الكم . 5- جربي ادخلين القميص بالبنطرون او التنورةبنات هاية الحركة البسيطة راح تنطي جسمج شكل احلى وانحف واذا جنتي محجة ممكن اطبقين نفس الحركة بس البسي فوك القميص يلك حتى ينطيج شكل محتشم اكثر . </article> https://archive.janatna.com/