بعد مرور خمس سنوات، كشف نجم الجيل تامر حسني، عبر حسابه الشخصي على موقع التواصل الاجتماعي "فيسبوك"، عن سبب رفضه في التعاون مع شقيقه الأكبر في أي عمل فني.






<a name=\'more\'></a>

ونشر "حسني" أول صورة تجمعه بشقيقه أثناء التعاقد على إنتاج أحدث أعماله الفنية، وكتب عليها:


"الصورة دي والفرحة اللي في ضحكة حسام اخويا لازم اكلمكوا عنها دا حسام اخويا الكبير كان نفسه يدخل عالم الإنتاج الفني من ٥ سنين و ينتجلي وانا الحقيقه كنت دايماً برفض و كان بيزعل مني بس كنت دايماً بشرحله انه لازم يدرس السوق الأول و ميعتمدش عليا و يفهم و يذاكر كتير اوي مش عشان ينتج لاااااا عشان يكون منتج شاطر و فعلاً عمل كدا و استوعب كلامي و بدأ يتفرج و يتابع كل اللي بيحصل من اول فيلم اهواك و تصبح على خير لحد ما شارك بجزء بسيط في انتاج فيلم البدله و اشرف على انتاج البومي عيش بشوقك و انتوا اكيد شايفين العملين طلعوا ازاي للناس وازاي نجحوا والحمدلله كل عمل فيهم في السنه دي حقق نجاح كبير جداً".

وأضاف: "أنا في الصورة دي كنت قاعد بمضي عقد أول فيلم انتاجه و وكان بيقولي (طلعت عيني عشان القعده دي ) و انا كنت بقوله إوعى تزعل مني انا كنت بعلمك تكون قد المسؤليه لوحدك و دلوقتي بأمانه انت قدها و انا اللي فخور انك بتنتجلي عشان شايفك بجد شخص بقى شاطر جداً و مجتهد و بتفكر صح و شركتك دلوقتي فيها اقوى الأفراد من كل الجوانب و انا فخور بيهم كلهم فعلاً ،الف مبروك يا حبيبي يا اخويا الكبير ياللي ياما علمتني حجات جميله وانا صغير النهارده بردهالك من قلبي و بدعيلك ربنا يكرمك و يكرمنا جميعاً و يكرم كل مجتهد و تكمل مشوارك و تنتج ليا و لغيري".



ومن المقرر أن يٌعرض فيلم "الفلوس" لتامر حسني، خلال الفترة المقبلة، ويشاركه البطولة: زينة، خالد الصاوي، عائشة بن أحمد، ‏نانسى صلاح، محمد سلام، تأليف محمد عبد المعطي، إخراج سعيد ‏الماروق. ‏ ‏








https://archive.janatna.com/