نوفيلا بين أحضان الوحش للكاتبة فاطمة حمدي الفصل الحادي عشر
كانت تجلس في الجامعة شاردة، تبتسم بين الحين والآخر، تتردد كلماته في مسامعها أنه الوحش الحنون الذي جعل قلبها ينبض وكأنه أحيا ذلك القلب المنهك! شعرت بصديقتها إسراء تجلس الي جوارها وهي تقول بمرح: يا سيدي يا سيدي ايه التطورات دي؟ شكولاته وغزل البنات كمان! نظرت زينة إلي الحلوي وهي تتذكره يشتريهم لها بابتسامة جذابة ولم يعطيها الفرصه حتي ترفض، إتسعت ابتسامتها حين تذكرت همسه غزل البنات لزينة البنات ..
لم تنتبه إلا حين وكزتها إسراء بخفة: - ياااا زينه أنا بكلمك! إنتهت زينة قائلة: ها، معلش سرحت شوية كنتي بتقولي ايه؟! أجابتها بنفاذ صبر: - كنت بقول سرحانة في ايه يا جميل؟ زينة متنهدة: عادي يا اسراء، مفيش حاجه. إسراء بتصميم: لأ فيه إحكيلي بقي. إبتسمت زينة وتابعت: حاسة بحاجة غريبة عمري ماحسيتها الاول مكنتش بطيق أكرم لكن دلوقتي مش بضايق وبقيت أحس إن قلبي هيخرج من مكانه معرفش في ايه! ضحكت إسراء وتابعت:.
مش قولتلك ممكن تحبيه يا زينة، شوفتي بقي! زينة بهدوء: بس خايفه برضو أتصدم فيه! إسراء بنفاذ صبر: حرام عليكي يا زينة افتحي قلبك بقي ده الراجل مكلف نفسه وجايبلك غزل البنات وشكولاته مرة واحدة! تابعت ضاحكة: لا بجد مكلف نفسه وصرف كتييير! إبتسمت زينه وتابعت هادئة:.
- أنا إكتشفت ان البساطة حلوة أكرم رغم ان الي يشوف شكله يقول عليه وحش كاسر الا انه أبسط خلق الله، فعلا السعادة توجد في البساطة، رغم ان الشوكولاته وغزل البنات ده حاجة بسيطة جدا إلا إني فرحت بيهم جدا. إسراء بإبتسامة: يعني أقدر أقول انك حبتيه؟ زينة بإرتباك: مش عارفه بس أنا مبقتش أكره وجوده!
خرجت سها تتسحب من غرفتها بعد أن إرتدت ملابسها، سارت بحذر حتي فتحت الباب وخرجت وأغلقته خلفها براحة شديدة حتي لا تنتبه السيدة نادية.. هبطت الدرج وخرجت من مدخل البناية وراحت تمشي في إتجاه ورشة زوجها الذي لمحها عن بعد.. ما إن إقتربت سألها بخشونة: راحة فين؟ أجابته بإرتباك ملحوظ: - راحة عند، أختي بعد إذنك يا أكرم. قال وهو يتمعن النظر في وجهها الشاحب: مالك؟، شكلك مش علي بعضك ليه؟ إبتلعت ريقها وتابعت:.
- أنا، م، مفيش حاجه! قطب جبينه بإستغراب وهو يتابعها بعينيه ثم قال بشك: أوك يا سها روحي. أومأت برأسها وهي تشكره، ثم تحركت من أمامه وهي ترتجف بشدة!. أصاب أكرم الشك وشعر أن هناك شيئًا تخفيه! فقرر معرفته والآن! ترك عمله وخرج يسير خلفها بحذر.. وقف فجأة والصدمة حلت علي ملامح وجهه عندما دلفت إلي البناية التي يقطن بها أنور!. دلف وقلبه يخفق بعنف شديد يخشي تفسير ما خطر علي باله!
ولكن كل شيء سيتضح الآن زوجته تخونه مع أعز صديق! إرتعش فجأة من هول الصدمة صعد درجات السلم خلفها، توقفت، توقفت أمام شقة أنور، فتح أنور وسمع صوته يأمرها بالدخول.. أغلق عينيه، صديقه! لم يستوعب.. أخذ يركض باقي درجات السلم، طرق الباب بعنف شديد.. إنتفضا علي أثر تلك الطرقات لتقول سها بهلع: أنت مستني حد! حرك أنور رأسه بخوف: لا خالص... أسرع يفتح الباب، ليتسمر مكانه متسع العينين - أكرم!
لطمت سها علي وجهها عدة مرات، بينما إزدرد أنور لعابه وهو يقول بتبرير: أكرم، آآ، أنت بتبصلي كده ليه والله ما حصل حاجة، إهدي وأنا هفهمك آآ... لكمة قوية قاطعت حديثه الخادع، ومن ثم تليها لكمة أخري وصوته القوي يسبه وينعته بعنف.. - يا واطي، بتخوني، أنا هموتك بأيدي! قبض علي عنقه بشدة حتي سعل أنور وهو يتوسله بأن يتركه لكنه لم يصغي له.. أسرعت سها تتوسله: أكرم سيبه أنت فاهم غلط آآ..
صفعها بقوة وهو يهتف بعنف: أه يا ******، تخونيني انااا حتة بت زيك تستغفلني أنا.. كادت أن تفقد وعيها من قوة صفعاته المتتالية حتي سالت الدماء من فمها، بينما أخذ أنور يلتقط أنفاسه بعد أن هدأ قليلًا، ثم أسرع يمسك أكرم وهو يبعده عن سها التي سقطت مرتطمة بالارض فاقدة وعيها.. هجم أكرم عليه مرة ثانية فقاومه أنور وهو يصرخ به: انا مخنتكش، مخنتكش، مراتك هي الي أغوتني والله العظيم هي السبب.
هدر به أكرم بغضب عارم ؛ أخرس! أنت زبالة، ليه، لييييه ده أنت أعز صديق ليه تطعني بتستغفلني بتاكل معايا في نفس الطبق وبتعمل كده! حاول أنور الفكاك منه، لكنه كان يمسكه من تلابيبه وهو يتوعده بعينين تتوهجان غضبا: أنا هوديك في ستين داهيه، وربي وربك لأندمك يا انور! أسرع أكرم يغلق الباب بالمفتاح، ثم أخرج هاتفه من جيب بنطاله وأجري إتصالا... قال أنور بهستيرية وهو يقترب منه: انت بتعمل ايه؟
لم يجيبه أكرم ثم تابع بغضب جلي مجرد أن آتاه الرد هاتفيًا: - هشام بيه أنا عاوزك في خدمة دلوقتي حالا لوسمحت، صمت قليلًا ثم تابع وعينيه تتوهج نارا: عاوز أثبت حالة زني دلوقتي حالا! العنوان ***في الدور ***** أغلق أكرم الخط وهو يبتسم بسخرية: مبروك عليك السجن يا صديقي العزيز! صاح أنور وهو يندفع نحوه قائلًا باهتياج: أكرم، إعقل يا اكرم أنت كده هدمر حياتي!
دفعه أكرم بقوة وهو يهتف: أخرس ومتنطقش إسمي علي لسانك فاهم! قال أنور بصياح وهو ينظر إلى سها الملقاه علي الأرض والدماء تنزف منها.. ما أنت كده كده مبتحبهاش زعلان ليه! أكرم بحدة: وسمعتي؟ وبنتي؟ وكرامتي؟ ورجولتي؟ وأنت! أنت يا، يا صاحبي! حلوة زعلان ليه، أنت أوطي وأقذر واحد في الدنيا يا أنور وحياة أمي لأندمك ندم عمرك! ما كان من أنور إلا أن ركض نحو المطبخ وعاد جاذبا معه سكين حاد..
وقف أمام أكرم قائلًا بضياع: أبعد عن طريقي يا أكرم عليا وعلي أعدائي هموتك! ضحك أكرم بلا مبالاه وتابع متهكما: أنت جبان يا أنور، جبان ومش قد كلامك ومش هتخرج من هنا إلا لما تيجي الشرطة أو علي جثتي يا أنور إظاهر إنك نسيت إني أكرم، أكرم الوحش! إقترب أنور وهو يقرب السكين منه أكثر، أنه علي وشك الجنون وسيطعنه ان لم يسمح له بالهروب حالا.. لكنه لم يسمح ولم يفعل فلتقتلني يا أنور!
دفعه أكرم بيده وهو يصيح به: قولتلك علي جثتي.. إندفع أنور بحركةٍَ واحدة غارزا السكين داخل كتفه، تأوه أكرم بصوتٍ عالي وهو ينحني قليلًا بجسده واضعا يده علي كتفه بألم شديد.. لكنه لم يستسلم حاول جاهدًا الامساك به إلا أن أنور دفعه بقوة ليترنح ويسقط أرضا، ويسرع أنور إلي الباب، خرج وهبط درجات السلم وبيده السكين المغرقة بدماء أكرم.. إصطدم بأفراد الشرطة والضابط هشام!
إتسعت عيني هشام وهو يهتف بجمود: أنت عملت ايه؟ حرك أنور رأسه بضياع لقد إنتهي! ركض الضابط هشام إلي الأعلي بعد أن أمر العساكر باصطحابه إلي مركز الشرطة، دلف هشام إلي الشقه وعينيه تتسعان فقد كان أكرم ملقي علي الارض وسط بركة من الدماء، والجهة الأخري سها تتأوه بشدة فإنها تنزف الدماء بغزارة... جثي هشام علي ركبتيه وهو يرفع رأس أكرم بيديه هاتفا بقلق: - أكرم! أكرم..
ردد أسمه ولكن دون جدوي فلقد فقد وعيه، اتسعت عيني هشام وهو يري الدماء تسيل من رأسه.. فما كان منه ألا أن هاتف الاسعاف...
وبعد مرور الساعات... كان يقف الضابط هشام بصحبة السيدة نادية التي إنهارت باكية علي حالة ولدها. وكذلك كانت تقف زينة في حالة صدمة جلية، في الصباح كان معها يغازلها ويمرح معها والآن لا حول له ولا قوة داخل غرفة العمليات! بينما ندي تبكي عاليا علي والدها الحنون الذي يمرح معها دائمًا.. - حسبي الله ونعم الوكيل إنتقم منهم يارب علي الي عملوه في إبني.
أردفت السيدة نادية من بين بكاؤها بعد أن علمت الذي حدث من الضابط هشام، علمت بخيانة سها وأنور صديقه، والمصيبه الكبري أنها تحمل منه! بينما جلست زينة بجانب الصغيرة تربت علي ظهرها وتطمئنها أن والدها سيكون بخير، سينهض، سيعود، وحشها الحنون العاشق سينهض وستعوضه عما حدث ستبادله حبه الكبير ذاك، هكذا كانت تحادث نفسها ودعت الله أن ينجيه.. خرج الطبيب فأسرعت السيدة نادية في إتجاهه وهي تهتف بتلهف:.
خير يا دكتور ابني في ايه، طمني الله يباركلك.. أردف الطبيب باطمئنان: الحمدلله هيتحسن باذن الله، متقلقيش عليه إحنا نقلنا ليه دم كافي هيخرج من العناية بكرة ان شاء الله. قال الضابط هشام بتساؤل: - ايه الي عنده بالظبط يا دكتور والنزيف الي كان في دماغه ده من ايه؟ رد بجدية: ده نتيجة انه وقع علي دماغه أدي لشرخ في الجمجمة فنزف كتير زائد الجرح الي في كتفه نزف برضو كتير جدا، لكن نقول الحمدلله الحالة استقرت..
نادية ببكاء: يا حبيبي يابني، ربنا يقومك لينا بالسلامة يارب.. قالت زينة وهي تربت علي كتفها: ان شاء الله هيخف ويقوم بالسلامة يا طنط نادية، أكرم قوي وهيخف!
نوفيلا بين أحضان الوحش للكاتبة فاطمة حمدي الفصل الثاني عشر
عندما يضيع الشئ من بين أيدينا نشعر به أو عندما يوشك علي الضياع فنندم ونتمني أن يعود كي نحافظ عليه، ولكن أحيانًا يفوت الآوان ونقول يا ليت يعود!
هكذا كانت تفكر زينة وهي تمسح دموعها الحارة عن وجنتيها وتتذكر لحظاته معها لحظة لحظة لما لا تمنحه الحب الذي يحتاجه وهو أوهبها قلبه؟ لما لم تمنح لذاتها الفرصة وتترك أوهامها جانبًا حتي تشعر بطعم الحياة والحب الصادق ذاك!
في اليوم التالي.. إنتقل أكرم إلي غرفة أخري بعيدًا عن العناية المركزة ولقد عاد إلي وعيه ولكنه مرهق ومجهد جدا..
إقتربت أمه تقول بلهفه وحنان: حمدالله علي سلامتك يا حبيبي خضتني عليك يا أكرم إبتسم لها رغم الآلآم الساكنة في قلبه: الله يسلمك يا ماما. أسرعت الصغيرة تصعد إليه وهي تضغط علي كتفه فتأوه بألم شديد.. ااااه، أطلقها كرم بصياح فإرتعدت الصغيرة وتراجعت إلي الخلف بهلع.. فقالت نادية بعتاب: براحة يا ندي يا حبيبتي بابا تعبان. هدأ أكرم ثم نظر إليها وقال بحنان: تعالي يا ندي متخافيش يا حبيبي.
أسرعت له فمد يده بصعوبة بالغة يربت علي وجنتها، فقالت ببراءة: بابا حبيبي أنا زعلانه أوي عشانك إبتسم بارهاق وتابع: أنا كويس يا ندي، متخافيش يا حبيبتي.. وأخيراا تحدثت زينة بخجل شديد ؛ حمدالله علي سلامتك. نظر لها بصمت فابتسمت بحنان، فتعجب بشدة! أنها تبتسم له، وما هذه النظرة الحانية؟! رد عليها بعد موجة من الصمت: الله يسلمك. سألته ندي بتلقائية: بابا فين ماما، هي الي عملت فيك كده؟، أنا زعلانه منها أوي.
صاح أكرم وقد إشتعلت النيران داخل صدره: ششش متقوليش عليها ماما، دي زبالة متسواش إياكي أسمعك تقولي عليها كده تاني فاهمة ولا لا؟ إنهمرت دموعها بخوف وهي تلتصق بجدتها وتبكي، فأخذتها الجدة في أحضانها قائلة بعتاب: ليه كده يا أكرم طيب وهي ذنبها ايه دي عيلة صغيره! أكرم بغضب شديد: أمها ماتت خلاص ماتت ماتت.
تأوه بشدة عقب أن أنهي جملته، فأسرعت زينة تربت علي كتفه برفق وهي تتفوه بصوت مرتجف: طيب اهدي لو سمحت كده هتتعب أكتر. نظر لها بإستغراب، إنها تلمسه! ما بها اليوم، هل هي خائفة عليه؟ تنهد بعمق، صمت، وصدره يعلو ويهبط بسرعة.. طُرق الباب ليدلف الضابط هشام قائلًا بابتسامة: حمدالله علي سلامتك يا بطل. بادله أكرم الابتسامة وهو يقول بخفوت: الله يسلمك يا هشام بيه. سأله هشام: اخبارك ايه النهاردة؟
أكرم بهدوء: تمام الحمدلله. ثم تابع بتساؤل وقد إحتدت ملامح وجهه: عملت محضر يا هشام بيه وأثبت الحالة؟ صمت هشام قليلًا ثم تابع بصوتٍ أجش: ممكن تسبونا لوحدنا خمس دقايق يا جماعة؟ أومأت السيدة نادية برأسها ثم خرجت بصحبة زينة والصغيرة.. ليسأله أكرم بجدية: في ايه يا هشام بيه؟ هشام بإتزان: بص بقي يا أكرم أنت عارف إني بعزك وعشان كده هنصحك لوجه الله. نظر أكرم بفضول، فتابع هشام بتنهيدة:.
- مراتك تستاهل الدبح مش السجن بس لكن مينفعش تسجنها عشان خاطر بنتك والسمعة الي هتلازمها طول عمرها هتبقي نقطة سوده في حياتها كاد أكرم أن يعترض فقاطعه هشام بجمود: اسمعني كويس أنا مش خاسس عليا حاجة هسجنهالك ومفيش مشكلة خالص، لكن الموضوع ده حصل مع أعز الناس ليا وبرضو كان عنده بنت والبنت كبرت وفهمت أمها فين والناس مبتسكتش يا أكرم! الحل الوحيد إنك تطلقها وتبعد عنها أنت وبنتك وبس.
تنهد أكرم بضيق وقال: والزفت أنور؟ هشام بهدوء: لا متقلقش ده أنا هربهولك المهم أنت تطلقها وخلصت الحكاية تمام؟ أومأ أكرم وهو يتنهد بعمق ثم سأله مجددًا: هي غارت في أنهي داهيه؟ هشام بجدية: هي خرجت من المستشفى مع أختها والجنين نزل. إتسعت عيني أكرم بصدمة: جنين! هي كانت حامل منه كمان؟ قال هشام وهو يومئ برأسه: أيوة الدكتور قالي ان النزيف ده كان جنين.. هتف أكرم بانفعال: الواطية بنت *****!
هشام بخفوت: خلاص يا أكرم ركز أنت في حياتك بقي وابدأ من جديد ثم نهض قائلًا بإيجاز: أسيبك بقي سلام.. هتف أكرم قبل أن يرحل: متشكر يا هشام بيه، لو كان ليا أخ مكنش وقف جنبي زيك، شكرا بجد. إبتسم له وقال بمرح: ولو يا وحش أنت جدع وأنا في الخدمة، سلام خرج هشام ورحل تاركا إياه يتنفس بعمق يحاول جاهدًا نسيان كل شئ والبدء من جديد مع زينته، زينته الحبيبة!
بعد مرور ساعة. جلست ندي غاضبة علي الأريكه المقابلة لفراش والدها الذي إبتسم وهو ينادي عليها بخفوت لكنها لم ترد عليه وأشاحت بوجهها إلي الجهه الأخري فإنها المرة الأولي يعنفها فيها بهذه الطريقه لطالما تعودت منه دائمًا علي الحنان فقط.. قال مداعبًا ومراعيا غضبها منه: نودي حبيب بابا تعالي أقولك حاجة سر عشان محدش يسمع. حركت رأسها بالرفض، فقال بتوسل: عشان خاطري. نهضت متجهه إليه بعبوس، ثم قالت بغضب: نعم.
مد يده يمسد علي شعرها وهو يقول مبتسما: متزعليش يا حبيبي مكنش قصدي أخوفك أنا بس كنت مضايق شوية.. مازالت غاضبة منه، فأردف بإستعطاف: خلاص بقي ده أنا بابا حبيبك. إبتسمت له أخيرًا فجذبها يحتضنها بذراع واحد ثم قبل جبينها بحنان وهو يربت علي ظهرها برفق.. دلفت الممرضة بعد ذلك وهي ممسكة بيدها طعام وفواكه وعصير أيضًا..
ثم وضعتهم وخرجت فنهضت السيدة نادية وهي تجذب الصغيرة معها وتقول بابتسامة: أنا هخرج أجيب لندي سندوتش تاكله لحسن من صباحة ربنا مأكلتش، يلا نودي.. خرجت بصحبة ندي، قاصدة أن تترك ولدها مع زوجته قليلًا.. إزدردت ريقها بصعوبة ولقد توردت وجنتيها عندما إستمعت إلي صوته الهادئ يهمس: أمي دي بتفهم والله. إبتسمت رغمًا عنها وصمتت، فأردف أكرم بمرح: أنا جعان علي فكرة..
رفعت رأسها تنظر له ببلاهه، فإستكمل ببراءة مصطنعة: مش بعرف أكل بايدي الشمال والله وكده هموت من الجوع وذنبي في رقبتك! إزدادت خجل كيف ستطعمه الآن! إتجهت نحوه ببطئ شديد ثم جلست إلي جواره وهي ترتعش خجلا، بينما هو يطالعها بإستمتاع، ما أجملها زينة البنات حين تكون هادئة مسالمة بل وقريبة منه، قريبة جدا! فتح فمه وهو يحدق بها يتناول منها الطعام وشفتيه تلامسان أطراف أصابعها، وكأن الطعام أصبح له مذاق خاص!
- كنتي خايفة عليا؟ سألها بهمس وإستمتاع.. توقفت عن إطعامه ونظرت له بخجل وإرتباك شديدين، لكنه قال بتصميم: كنتي خايفة ولا لاء؟ أومأت برأسها وهي تنظر إلي الأرض، فإتسعت إبتسامته وهو يسألها مجددًا: ليه بقي؟ عقدت حاجبيها وقالت متذمرة: ممكن تاكل وأنت ساكت! قال بإندهاش وقد إرتفعا حاجبيه: ما كنا حلوين، رجعتي للوش الخشب تاني! زينة بذهول: خشب، أنا وشي خشب؟
حرك رأسه نفيا وقال بغزل: تؤ أنتي قمر بس برضو مش راضيه تحني عليا! ردت بخجل ؛ أحن عليك إزاي! قال بجدية: أنتي عارفه! ثم تابع بتوسل: كفاية بقي عشان خاطري، أنتي عذبتيني كتير مستخسرة تبادلني حبي ليكي يا زينة؟ حركت رأسها نافية وهي تقترب منه، فإستغرب لقربها المفاجئ لكنه رحب بذلك..
لا تعلم من أين أتتها الجرئه حين رفعت يدها تتحسس وجنته وذقنه الخشنه، خفق قلبه بشدة يكاد يقتلع من مكانه أثر هذه اللمسه التي أثارت مشاعره. إزداد قلبه خفقان حين همست وهي تنظر إلي عمق عينيه: أنت خلتني أحس بالحياة إدتني حب كبير محستش بيه غير وأنت بتنزف خوفت، خوفت تسبني وحسيت أنك كل حياتي. لم يصدق ما يسمعه، هل هو يحلم؟ هل هذه زينة حقا؟ تلمسه وتبادله عاطفته؟
إستكملت بإبتسامة صافية: أنت مش وِحش أبدا أنت حلو علي رأي ندي. ضحك أكرم وإلتقط كف يدها يقبض عليه بقوة ثم رفعه إلي فمه يطبع عليه قبلة طويلة، إرتجفت بشدة وبدي قلبها يضرب كالطبول.. رفع رأسه يهمس بعدم تصديق: ياااه يا زينه ياما إستنيت اليوم ده من زماان، بجد أنتي أخيرا حسيتي بيا؟!
أومأت رأسها وهي تبتسم وتقول: أنا مكنتش مصدقه إن في راجل بيحب بجد وخصوصا أنت كنت فاكراك أسم علي مسمي وَحش بيدمر الي قدامه بس طلعت وحش حنون وأنا كنت غلطانة. ضحك بخفوت وهو يتنهد بارتياح ثم سألها بنبرة حانية: يعني خلاص رضيتي عني وبتحبيني؟ أومأت برأسها فقال مشاكسا: عاوز أسمعها قالت بجدية: بعدين بعدين، يلا كمل أكلك بقا، أخذت تطعمه وهي تتحاشي النظر إلي نظراته الجريئة.. همس بتردد: زينة.
نظرت له بإنتباه، فقال وهو يزدرد ريقه ؛: عاوز أعترفلك بحاجة بس أوعديني تسامحيني.. سألته بقلق: ليه في ايه؟ تنهد وقال بثبات: والله أنا عملت كده عشان تبقي معايا وملقتش طريقة غير دي عشان تبقي في حضني.. عادت تسأله بقلق شديد: في ايه اتكلم علي طول.. قال بتردد ؛ فاكرة لما شكري جوز أمك إعتدي عليكي؟ قالت بضجر: ايوة، بتسأل ليه دلوقتي؟ أجابها وهو يتشبث بيدها ويغلق عينيه بشدة: أنا الي قولتله يعمل كده!
نوفيلا بين أحضان الوحش للكاتبة فاطمة حمدي الفصل الثالث عشر والأخير
نظرت له بصدمة لم تستوعب ما قاله: ايه بتقول أيه؟ قال بهدوء: أقسم بالله عثه ان تجيلي أنا عمري ما أذيكي ابداا بس: أعمل أي حاجة عشان تجيلي يا زينة أرجوكي سامحيني عشان خاطري.. هبت واقفه وهي تقول بصرامة: عشان أجيلك تخلي شكري يتعدي عليا؟! أنت مجنون! أكرم بحدة: ميقدرش يتعدي عليكي أنا إتفقت معاه بس يخوفك عشان ترفضي تعيشي معاهم وترضي تعيشي معايا.. صرخت به: وملقتش غير الطريقه دي؟
قال هادنا ؛ إهدي، أنا اسف، سامحيني.. أغلقت عينيها بشدة وهي تمسح علي رأسها بضيق إستكمل آكرم: قلبك أبيض بقي تعالي إقعدي وأنا هحكيلك الي حصل.. اجلست مرة أخرى وهي تقول بحدة: خير تحكيلي ايه إتفصل!
تنهد وقال بجدية: - هو كده كده مكانش عاوزك يا زينة في الشقة وانتي عارفه، أنا جبته وحذرته يبعد عنك، وميضايقيش، فقالي إتجوزها ففكرت في الفكرة دي عشان أخلصك منه واللها زينة بتهكم: وافرض بقي كان عمل كده بجد وهو سكران؟ قال بهدوء: مكذش سكران والله ساعتها وكان في كامل وعيه، تابع ضاحكا: بس أنتي طلعتي شرسة وجبتي أجله انا كنت فاكرك هتفتحي الباب وتجري وانا أخطفك وخلصت الحكاية..
زفرت وقالت: وافرض بقي كان مات كنت اتسجنت انا؟ قال بنفاذ صبر: خلاص بقي عشان خاطري، والله انا بعشقك يا زوز مش عارفه انت بتفكر ازاي! أكرم ضاحكا: ما انتي لولا كده مكنتيش هتجيلي أبدا اعمل ايه في دماغك الناشفه دي! لوت فمها بحنق ثم نهضت قانلة بصرامة: ملكش دعوة بيا تاني وانسي كل الي قولتهولك من شوية ماشي؟ أنهت جملتها وخرجت من الغرفه تاركا إياه يهتف بحنق: الله يحرقك يا شكري!
بعد مرور عدة ساعات.. عم ظلام الليل وذهبت السيدة نادية الي البيت بصحبة الصغيرة وتركت زينة معه.. ظلت، تسمير ذهابا وإيابا أمام الغرفه، تفكر ما الذي فعله بها وما هذا الجنون ألهذا الحد يريدها حتي يفكر هكذا! زفرت أنفاسها ودلفت إلي الغرفه، إقتربت منه وجدته يغط في سبات عميق، أحبته، أحبته وبشدة قلبها لم يغضسب منه رغم ما فعله تصرف بحماقة لكنها ستغفرله وتبدأ معه من جديد تعلم أنه بشر ليس ملاكا..
جلست جنبه إقتربت تتأمل ملامح وجهه الرجولية، مسحت قطرات يضعت يدها علي جبينه المتعرق، العرق من عليه، ثم همست بصوت ناعم: - مش زعلانه منك، وهبدأ معاك حياة جديدة وكفاية حزن، هحاول أعوضك عن كل حاجة ويارب أكون ليك زي ما إتمنيتني يا أكرم، أنت كمان إتجرحت جرح كبير وهحاول أداويه بمعرفتي، وبتمني تكون ج سعيد معايا ونقدر نسعد بعض...
صمتت، وهي تتأمله، أنفاسه تلفح بشرة وجهها، طال صمتها، إلي أن همست، بالقرب من أذنه: أنا بحبك يا أكرم يا أحن وحش شوفته في حياتي بحبك. رمش بعيديه لقد إستمع إلي كل حرف قالته، كاد يبكي فرحا، أخذ صدره يرتفع ويهبط من فرط سعادته حاوط خصرها بذراعه فشهقت، بخجل وهي ترفع وجها تنظر اليه لتصدمها عيذيه المشتعلتين ببريق حبها.. همس لها بسعادة: وأنا بعشقك وبموت فيكي يا زينة: البنات..
بعد مرور شهر. تحسنت، صحة أكرم إلي حد كبير وعاد كما كان بكامل حيويته وقوته، بمساعدة زينة ووالدته ولقد طلق سها وفصلها عنه وعن حياته نهائيا حيث إستقرت سها عند شقيقتها وهي تحمد الله أنها نجت من براثنه.. كانت زينة تراوغه بشقاوة ولم يطولها بعد، لكنه كان سعيد بذلك يكفي أنها صرحت بحبها له وأصبحت تبادله حنانه بحنانها.. كانت ترعي ابنته على أكمل وجه وتذاكر لها دروسها وتعطيها حنانها المتدفق..
تبدلت الأحوال وإستقرت الحياة. وقف ذات يوم في الشرفة ليلا بصحبتها، حاوط كتفيها بذراعه وراح يهمس: اه لو تعرفي بحبك، قد ايه يا زوزا إبتسمت، برقة وتابعت بمشاكسه: عارفه، قدر تضحه، وقال نفيا: بصراحة لا، ده أنتي روحي وقلبي صمت، قليلا ثم تابع بتذمر: وانتي مش راضية تبلي ريقي وحرماني منك شوفي انا جدع وصابر عليكي ازاي يا زوز؟ ما أنا زعلانه منك علي فكرة! سألها بإيجاز: ليه بقي ان شاء الله؟
قالت بتذمر طفولي: عشان كان نفسي في فستان فرح وطرحة وفرح حلو مش اتجوز كده كروته! طبع قبلة علي جبينها وقال معاتبا: انتي الي اضطرتيني اعمل كده ونتجوز كروته لو كنتي وافقتي زي مخاليق الله كنت عملتلك احلي فرح وجبتاك احلي فستان وطرحة.. خلاص مش مهم، المهم اتك اتجوزتني ووقعتني في حبك، يا متوحش! قهقه أكرم ثم قال من بين ضحكاته: لسه متجوزناش علي فكرة يا نصابة.
إحمر وجهها بشدة وهي تلكمه في صدره ثم ركضت، من أمامه فتعالت ضحكاته وهو يهمس بتوعد: هانت يا جميل..
في مساء اليوم التالي. إرتدت زينة فستان جميل لونه أبيض يشبه فستان الزفاف أحضره لها أكرم وأصر أنها ترتديه.. بالفعل إرتدته وتركت شعرها الآسمر يذسدل خلف، ظهرها، فأصبحت، أكثر جمالا.. إنبهر أكرم ما إن رأها وإقترب يقبل جبينها برومانسية وهو يهمس بصوت ناعم: ايه القمر ده إبتسمت بخجل وتابعت: مش عارفه ايه الي بتعمله ده يا أكرم والله بتكسفني خالص دلوقتي طنط نادية تقول عليا ايه؟
قال ضاحكا: هتقول اتنين بيحبوا بعض وبيعملوا حفلة ليهم هما وبس عريس وعروسة وانتي فاهمة الباقي. انهى جملته وانفجر ضاحكا فضربته في صدره قانلة بتذمر: يارخم. جذبها من يدها وخرج إلي صالة المنزل فكانت تتزين بالورود وأحبال الزينة وعلي الطاولة كعكة مزينة (تورتة) أحضرتها لهما السيدة نادية قبل أن تصطحب الصغيرة وتعود إلي شقتها لتتركهما يسرقا من الزمن اجمل اللحظات..
أطعمها أكرم بيده وهو يغازلها كعادته، بيما زينة في اشد لحظات السعادة وهي التي كانت تظن به سوء لكنه أخاب ظنها وأذابها به كما وعدها.. همس لها وهو يقترب منها: توعديني تفضلي تحبيني مهما حصل؟
أومأت له بابتسامة واسعة، ثم بادلته الهمس: أوعدك حبيبي انتهى وقت الكلمات وإستسلمت زينة لعاطفته المتدفقة ومشاعره الهوجاء بادلته الحب بالحب والحنان بالحنان، وسكنت زينة البنات بين أحضان الوحش العاشق. تمت نهاية الرواية أرجوا أن تكون نالت إعجابكم
رواية بين أحضان الوحش
