رواية الحب الضائع الجزء الثاني للكاتب عبد الرحمن أحمد الفصل العاشر
ذهب محمد وملك ويارا في سيارة رامى الى الفيلا ودخلو محمد: يااااه مكنتش اتخيل انى ارجع البيت ده تانى رامى: بس إيه ده كلو يا عم تضرب رصاصتين ومتموتش فعلا زى القطط ب 9 ارواح محمد: اعوذ بالله منك يا اخى، إيه ده رامى: ممكن تقولى بتجبهم منين محمد: هم إيه دول رامى: الارواح دى محمد: يابنى انا راجل جسمى يستحمل انما انت متعجب علشان مش راجل ملك: بوووووم في منتصف الجبهة يارا: يابنتى متولعيهاش.
رامى: انا مش راجل، طب اشطا اضربنى رصاصتين ومش هموت، يلا جرب محمد: هو بمزاج اهلك بس يا طفل زعلان، متزعليش يا كتكوتة رامى: هعمل نفسى لم اسمع شيئا محمد: شاطر رامى: اللى مندهش منه بجد مش المهمة الخطيرة اللى انت عملتها وكنت هتموت فيها لا لا اللى داهشنى انك جبت تذاكر الماتش لا لا بجد عااااش محمد: متنساش بس الجمايل دى رامى: صحيح مش هينفع يارا وملك ومى يخشو معانا التالتة شمال محمد: اممم فعلا، ياعم سهلة رامى: إيه.
محمد: هيقعدو في التانية رامى: لوحدهم! محمد: مع ان مبقاش فيه خطر بس هقعد 3 حرس في كذا حتة متفرقة قريب منهم رامى: خلاص اشطا يارا: يلا الاكل جهز يا جدعان قام محمد ورامى وجلسو يتناولون الغداء على السفرة ويتحدثون ملك: احكى يا رامى لمحمد على اللى عملته رامى بأستغراب: عملت إيه ملك بنص عين: اللى عملته، نسيت ولا إيه رامى: قصدك على، هههههههه طب سيبينى اكل الاول علشان اعرف اجرى محمد: عملت إيه يلا.
رامى: لا دى ملك بتهزر كل ياعم كل وسيبك محمد: انطق يا رامى اخلص رامى: طب بعد الاكل محمد: لا واحنا بناكل رامى: منا لو حكيتلك على الاكل هتلبسنى في طبق الشوربة اللى قدامك محمد: شكلك عامل مصيبة، احكى يلا واخلص رامى: حاضر هحكى وامرى لله حكى رامى لمحمد ما فعله ب يارا حينما قبلها غصب عنها وانها ضربته بالقلم وجريت منه هب محمد واقفا محمد: نهارك اسود ومهبب.
رامى: اهدى يا محمد متبقاش كدا يا جدع ده زمان وبعدين مكنتش لسة عرفتك وانا كنت قليل الادب وهى خلاص سامحتنى، صح يا يارا محمد: ده المسدس اللى في ايدى هفرغه كله في نفوخك رامى: اهدى يابنى ده زمااان والله محمد: خد هنا وقام محمد وامسكه وظل يلوى ذراعه ويبعده رامى محمد: اااااه ياغبى الجرح، ايدك رامى: شوفت علشان ظلمتنى، كدا ضاعت منك روح ناقصل روحين محمد: هههه خفة يارا: خلاص يامحمد انا سامحته.
محمد: لولا انك ابن خالتى ان كنت جريتك فوق سطح الواد حمادة رامى: الفاظك يابنى في زفت بنتين قاعدين محمد: هوب هوب رامى: امال فين مى يا ملك ملك: نايمة من ساعة ما جينا وجيت اصحيها مرضيتش محمد: طب الساعة دلوقتى 1 الضهر هخش انام ساعتين اريح من السفر واصحى نجهز نفسنا ونسافر ملك: خلاص ماشى نام وعقبال ما تصحى نكون انا ويارا جهزنا نفسنا.
شريف: يعنى إيه المكان كل اللى فيه اتقتل، محمد يعمل كل ده رفعت: ايوة وخلاص المنظمة دى اتقضى عليها ومعادش ليها وجود، انت لازم تسافر برا مصر شريف: ازاى رفعت: انا هدبرهالك بس لازم تسافر بسرعة علشان الشرطة بتدور عليك ولو اتمسكت مش هتخرج تانى شريف: طب اتصرفلى بسرعة رفعت: متقلقش.
مى: محمد محمد اصحى بقا محمد بنوم: حاضر يا مى مى: قوووم بقا محمد: قومت اهو، هم معرفوش يصحونى طلقوكى عليا ولا إيه مى: ايوة محمد: اممم واضح مى: محمد محمد: يا نعم مى: بتحبنى اكتر ولا بتحب الاهلى اكتر محمد: هى دى محتاجة تفكير بحب الاهلى اكتر طبعا مى: كدا انا زعلانة محمد: انا غلطت فيكى يا بنتى! انتى زملكاوية ولا إيه مى: يعنى إيه زملويية دى محمد: يعنى كائن بيخسر ويعيش على الخسارة و بيتسمى بواب مى: انت بتقول إيه.
محمد: مبقولش يلا انكشحى من هنا عقبال ما اخش اخد شاور واخرج واجهز نفسى مى: ماثى جاء رامى ودخل رامى: إيه ده انتو لسة مجهزتوش ملك: كلنا جاهزين بس محمد لسة صاحى رامى: الكائن ده بيحب النوم كدا لية ملك: يابنى جاى من سفر ومهمة صعبة رامى: مى مى: نعم رامى: طز ملك: بطل يا طفل انت مش لاقى حاجة تعملها رايح تعاند مع الطفلة الصغيرة رامى بأبتسامة وغمزة: طب ممكن اعاند مع الطفلة الكبيرة ملك بكسوف: بس بقا رامى: بح... قاطعه محمد.
محمد: بتقول إيه رامى: انت بتظهر امتى يابنى، بسألها عليك محمد: وانا اهو رامى: لحقت محمد: ايوة انا سريع يلا بقا قدامى يلا يا ملك يلا يا يارا يلا يا مى انطلق رامى وملك ويارا ومى في سيارة محمد وكان يجلس رامى بجوار محمد في الامام و يارا وملك ومى في الخلف ملك: هيييييه مش مصدقة انى هشوف محمد صلاح محمد: تشوفى مين! رامى: يا ملك يا حبيبتى احنا رايحين نشجع الاهلى إيه بقا دخل محمد صلاح في الموضوع!
ملك: مش هيلعب معاهم! رامى: لا مش هيلعب ومش بيلعب في الاهلى اصلا فهمتى! ملك: اهاا محمد: ساكتة لية يا يارا ملكيش في الكورة ولا إيه يارا: لا ليا بس بفكر في التشكيلة محمد: اشطااااااا، هو ده، كنت عايز اتجوز واحدة بتفهم في الكورة والتشكيلة رامى: ايوة ياعم، انا ربنا رازقنى بملك يعنى زيرو كورة محمد: يبنى بطل حسد هتموتنى رامى: على اساس انك بتتحسد يعنى محمد: بس اخرس مش عايز كلمة تانى.
رامى: طب فين الحرس اللى هتحطهم في المدرجات علشان ملك ويارا ومى محمد: هناك رامى: هنروح نعمل إيه الماتش لسة بكرا محمد: هنروح نتعشى ونقعد على البحر شوية ونرجع الشاليه بتاعى ننام لغاية الصبح ونمشى رامى: اشطا ظلو يتحدثون في الطريق الى ان نام الجميع وكان رامى يقود السيارة ونام محمد رامى: محمد محمد محمد بنوم: اممم رامى: تعالى سوق مكانى شوية عايز انام محمد: انا كنت بسوق في الاول وسوقت نص الطريق سيبنى بقا انام.
رامى بضيق: ماشى ماشى.
وصلو الى الاسكندرية ووصلو الى مكان الشاليه الخاص بمحمد محمد: يلا دخلو الحاجة دى ويلا علشان نتعشى نفذو ما قاله وانطلقو الى مطعم كبير وجلسو يتناولون العشاء ويمزحون ويتحدثون ورامى يعاند محمد كالعادة وانتهو من العشاء وخرجو وقررو التمشى على البحر اخذ محمد يارا وتقدم بها الى الامام محمد: الجو حلو صح يارا: اها محمد: انا عندى خبر كدا يارا: خبر إيه.
محمد: انا كلمت خالك قبل ما اجى اصله عايش في المانيا ومهمتى كانت في المانيا، روحت وقابلتو قبل ما اجى و اتفقنا على ميعاد كتب الكتاب و الفرح يارا بفرحة: بتتكلم جد محمد بأبتسامة: ايوة و كتب الكتاب والفرح هيبقو الاتنين يوم التلات الجاى يارا: إيه يعنى بعد يومين! محمد: ايوة، كفاية فراق كدا بقا احنا المفروض نتجوز من شهرين يارا: طب لسة مجبتش الفستان ولا جهزت نفسى.
محمد: كلو جاهز وبعد بكرا هنزل انا وانتى اجبلك احسن واغلى فستان في العالم يارا: بحبك اوى محمد: بحبك اكتر، ربنا يخليكى ليا مر شخص هو وصديقه ولاحظو محمد شخص منهم: إيه يا قمر اشمعنا ماشية مع ده الشخص التانى: ايوة ياعم معاك بسكوتة نطق محمد لفظ ثم ترك يارا بعصبية وذهب اليهم.
محمد: ده انا هكسركو زى البسكوته يا روح امك انت وهو وهجم على شخص منهم ولكمه ولكن الشخص الاخر قرب منه لكى يضربه لكن محمد التفت وظل يضربهم هم الاثنين ضرب شديد ملك: الحق محمد بيتخانق رامى: منا شايفه من ساعة ما بدأت الخناقة بس عارف انه هيضربهم ملك: ده هيقتلهم روح الحقو وقع الشخصين في الارض يتألمان بشده ورفع محمد سلاحه رامى: عندك، كفاية انك دغدغتهم محمد: مش هقتلهم يا غبى امشى انت دلوقتى.
ورفع محمد الشخصين وامسك كل واحد منهم بيد من لياقته واخذهم الى القسم هانى: محمد بيه ازى حضرتك محمد: تمام الحمدلله، خد العيلين دول ربيهم وعايزك تروقهم هانى: هم عملو إيه لساعدتك محمد: عاكسو خطيبتى وانا ماشى معاها هانى: انت وهو تانى، يا خالد خدهم على الزنزانة واتوصى بيهم خالد: امر سعادتك هانى: إيه يا باشا محدش بيشوفك ليه محمد بأبتسامة: والله كان عندى قضية معقدة ولسة خلصانة هبقى اعدى عليك تانى.
هانى: لازم سعادتك تشرب حاجة محمد: مرة تانية ان شاء الله، سلام عاد محمد الى رامى و يارا وملك ومى محمد: يلا بينا نروح رامى: عااش والله كل ده علشان عاكسو يارا، ولو حصل مع ملك كنت هعمل كدا رامى: لا لا مسمحلكش، ليه هو انا كيس جوافة محمد: باينلك كدا، يلا قدامى، بتضحكى على إيه انتى كمان مى: علشان ضلبت اللاجل جامد عثان عاكس يارا، لو حد عاكسنى كدا هتضلبو بلدو! محمد: يارب ارحمنى، اه هضربو يا مى يلا بقا.
عادو الى المنزل وصعدت يارا وملك مع مى الى غرفتهم وصعد محمد الى غرفته رامى: وانا كدا هنام فين محمد: عندك تحت اوضة يابنى انزل نام فيها رامى: لا ياعم، انام في دور لوحدى، انت عايزنى اتلبس محمد: يااارب صبرنى، تعالى اتزفت نام هنا وانا هنام تحت رامى: بس لو لقيتك بتصوت وبتقول الحقونى فيه عفاريت مش هنزلك محمد: متنزلش، ارحمنى بقا وسيبنى انزل انام علشان عايز انام رامى: ماشى.
نام الجميع في نوم عميييق وفي الصباح افاق محمد على صوت زمارة كبير محمد: فيه إيه يا جدعان هو الماتش هيتلعب هنا ولا إيه مى: إيه لأيك في الزمالة اللى جبتها للماتش محمد: جميلة رامى: اروح بالسويت شيرت بتاع الاهلى ده ولا مش هيدخلونى محمد: انت رايح مع الرائد محمد ادهم مش هيدخلوك ازاى رامى: اه صح، الواسطة حلوة بردو محمد: انتو بتصحو امتى، إيه النشاط ده يارا: اروح كدا ولا البس حاجة تانية.
محمد: حلو اللبس ده، بس استنى خدى العلم ده حطيه على كتفك علشان تبقى كدا اهلاوية منورة ملك: إيه رايك فيا طيب رامى: نهاااارك اسود، إيه اللى لبساه ده محمد: ايوة إيه اللى لبساه ده ملك: تيشيرت الاهلى محمد: اقلعى التيشيرت ده، ضيق اوى عليكى ملك: كدا رامى: ايوة كدا، يلا خشى البسى اى حاجة وخدى العلم بتاعى اهو مى: طب انا شكلى حلو محمد: انتى كمان جبتى تشيرت، اه حلو يا مى انتو جبتو كل ده امتى رامى: الصبح يابنى.
محمد: هى الساعة كام رامى: 11 محمد: طيب يا دوب ثوانى هخش اخد شاور على السريع والبس التيشيرت واجى رامى: ماشى بسرعو بس علشان نلحق التالتة محمد: حاضر جهز الجميع وركبو سيارة محمد وانطلقو الى الملعب ووصلو على بعد مسافة كبيرة ملك: إيه الزحمة دى محمد: علشان بيفتشو العربيات ملك: اممم محمد: يلا هنركن هنا علشان مينفعش نخش اكتر من كدا بالعربية يارا: هنمشى كتير! محمد: ايوة بس مش اوى يعنى، يلا.
نزلو وكان المكان ملئ بالاعلام الحمراء واعلام الاهلى وتحركو وبعد تفتيشات كثيرة وصلو اخيرا الى البوابة الظابط ل رامى: مش هينفع تخش بالكانزات دى لازم تتفتح رامى: ازاى مينفعش الظابط: ممنوع وممنوع تخش بالسويت شيرت ده اقلعه وافتح الحاجة دى وخش تقدم محمد وقال: ده تبعى والحاجة امنة ومفيهاش حاجة الظابط: وانت مين علشان تتكلم رفع محمد البطاقة: الرائد محمد ادهم الظابط: اتفضل يا فندم ودخلو كلهم.
رامى: ياعينى، بس مش باين عليك ظابط والراجل اتصدم محمد: طبعا يابنى لابس تيشيرت الاهلى وداخل اتفرج على الماتش وظابط كمان، لازم يتصدم رامى: الحرس جيه محمد: ايوة اهم، تعالى نوديهم التانية ونوزع الحرس هناك ونرجع للتالتة رامى: يلا بينا ذهبو الى الملعب وبالفعل جلست يارا وملك ومى بجوار بعضهم واطمأن عليهم محمد.
محمد: طبعا مش هيبقى فيه شبكة او بمعنى انها هتتفصل بعد الماتش وهتروح خالص فخدو الجهاز ده خليه معاكى يا يارا اول ما اعوز اطمن عليكو هكلمكو ماشى! يارا: خلاص ماشى رامى: الحق! محمد: اييية!
رواية الحب الضائع الجزء الثاني للكاتب عبد الرحمن أحمد الفصل الحادي عشر
رامى: الحق! محمد: اييية! رامى: التالتة بتتملى ياعم يلا نلحق محمد: خضتنى يا اخى، حاضر يلا اتجه محمد ورامى الى التالتة شمال وجلسو فيها وكانت الساعة الواحدة ظهرا رامى: ياااه مش قادر استنى الماتش محمد: ااه الجو جامد رامى: هات كنزاية من اللى معاك محمد: خد وبطل فجع لسة خمس ساعات على الماتش وهنعطش رامى: اسكت ياض رامى: بقولك محمد: إيه رامى: هو الاولتراس هيعمل دخلة زى بتاعة المرة اللى فاتت ولا إيه.
محمد: ايوة احتمال رامى: مش هيعرفو يدخلو يابنى شماريخ شايف التفتيشات دى كلها محمد: هتدخل يابنى دول عفاريت رامى: لا لا مش هتدخل محمد: طب اصبر قبل الماتش بدقائق قامو يشجو اثناء تدريب الاحماء اهلى، اهلى محمد: خد رامى: إيه ده شمروووخ محمد: ايوة رامى: دخلتهم ازاى يابنى محمد: مخبيهم في رجل البنطلون ومفيش غير ظابط اللى قفشنى ووريتلو البطاقة راح معدينى رامى: يابن الاية.
محمد: انا هاخد اتنين وانت اتنين واحد اول ما الماتش يبدأ وواحد لما الاهلى يجيب جول ماشى رامى: اشطا بدأ الماتش واشتعلت التالتة شمال بالشماريخ رامى: دول ولوعو شماريخ معانا فعلا محمد: مش قولتلك هتدخل، شجع شجع بدأ الجمهور في التشجيع حارب على البطولة بروح الابطال، ، العب برجولة، ، موت على الكورة، ، افريقيا للكبار وانت الاسطورة، ، لا لالا لا لاالا اوووو اووووو.
يلا يا اهلى بطولة بتناديك، العب كورة واحنا دايما جمبيك، وعد علينا ان احنا هنخليك احسن نادى في الكون من تالتة شمال ثم جاء الهدف الاول واهتز الملعب من الفرحة محمد ورامى: جوووووووووووووووول وعادو يشجعو مرة اخرى من تالتة شمال بنهز جبال وبأعلى صوت دايما بنشجع الابطااال، فريق كبييييير، فريق عظييييم، اديلو عمرى وبردو قليل اوووووو اوووووووو اووووووووو واستمر اللقاء حتى اتى هدف التعادل.
محمد: اووووف يلعن كدا يا جدع رامى: الحكم محسبلناش ضربة الجزاء محمد: ولا هيحسب، هم كدا حكام افريقيا رامى: الحق الكاميرا جايبة ملك ويارا وهم بيشجعو محمد: اها، ومال ابم الكلب بتاع الكاميرا مركز عليهم كدا رامى: معرفش إيه ده مش دى يارا ودى اخت الظابط يا باشا • اهاا هم إيه اللى موديهم هناك دول معرفش يا باشا، بس اكيد محمد معاهم هناك • اممممم عاد الجمهور يشجع من جديد ولكن انتهى الشوط الاول.
وبدأ الشوط الثانى وبدأ الجمهور في التشجيع من التالتة شمال افريقيا يا اهلى، افريقيا يا اهلى، افريقيا يا اهلى وظلو يشجعون حتى انتهى الماتش بالتعادل ولكن لم يتوقفو عن التشجعيع وظلو يرددون افريقيا يا اهلى، افريقيا يا اهلى، افريقيا يا اهلى عدة مرات ثم خرج الجميع محمد: الو ايوة يا يارا انتو فين، طب خليكى عندك انا جايلكو ذهب محمد الى مكان يارا وملك ومى ومعه رامى.
واتجهو الى السيارة وكانت الاجواء مزدحمة واللقاءات التلفزيونية بعد المباراة ووصلو الى السيارة رامى: إيه الماتش ده محمد: مش عارف، والله دمى محروق، المفروض اننا لازم نكسبهم هناك رامى: وعلى ارضهم وسط جمهورهم وجمهورهم اصلا ابن كلب محمد: ربنا يستر يارا: شوفتو الحكم محسبلناش ضربة جزاء صحيحة محمد: مش ضربة الجزاء بس ده كذا كورة محسبهاش رامى: لو حكم الماتش الجاى زى ده يبقى افريقيا ضاعت ملك: ربنا يستر ياعم.
مى: انا ظهلت في الشاشة يا محمد محمد: اها منا شوفتكو في الشاشة ملك: طلعنا في التلفزيوووون رامى: ومالك فرحانة كدا لية، يابنتى اللى ميشجعش من التالتة شمال اكنه مشجعش محمد: والله صوتى راح من التشجيع بس يلا الحمدلله انطلقو ونام الجميع في الطريق وكان محمد يقود السيارة حتى وصلو الى الشاليه وايقظهم محمد ليعلمهم بأنهم وصلو محمد: هنخش ننام ونصحى الصبح نرجع رامى: لية يابنى ما نقعد يومين كدا هنا.
محمد: يا غبى لازم ارجع بكرا انا ويارا علشان هنروح نشترى الفستان بتاعها ونجهز الفرح والدعوات وكدا علشان الفرح يوم التلات الجاى ده ملك بفرحة: بجد محمد: ايوة ملك: مبروك يا يويو، ايوة بقا يارا: ههههه الله يبارك فيكى رامى: ماشى بس بعد فرحك فرحى على ملك يا اما ارتكب جناية محمد: حاضر ابقى افكر رامى: ت إيه، لا شكلى هعمل منظمة جديدة واحاربك انا بقا محمد: روح اجرى ياعم انت تعرف تحارب نملة رامى: يابنى متستفزنيش.
نام الجميع وظل محمد يفكر في الايام القادمة فأخيرا سيحقق حلمه ويتزوج يارا التي احبها قلبه وتعلق بها ولايقدر ان يعيش من دونها، هى التي سرقت قلبه ولكنه ايضا تذكر هايدى التي كان سيتزوجها وكان يحبها ويعشقها ولكن فرق الموت بينهما انهى تفكير محمد النوم فغط في نوم عميق حتى الصباح.
اصبحو جميعا لكن هذه المرة استيقظ محمد قبلهم وقرر ان يوقظهم بطريقة غبية فدخل على مى وايقظها وطلب منها حيل ليوقظهم برخامة وبالفعل اعطته افكار دخل محمد على رامى وقال لمى ان تملئ له زجاجة مياه وبالفعل احضرتها وربطها بحبل وعلقها وربط طرف الحبل في قدمه ثم احضر كبريت واخذ جميع اعواده ووضعها في قدمه واحضر دبوس ووضعه على السرير بجواره ثم اشعل الكبريت وخرج وصوره فيديو.
استيقظ رامى وهو يصرخ من الحرقة فشد بقدمه الحبل فوقعت زجاجة المياه على رأسه فقام بغضب وخبط بيده على السرير فدخل الدبوس في يده فصرخ وقام بغضب ووجد محمد ومى يضحكون بشدة مما رأوه رامى بغضب: انت عبيط ياعم محمد بضحك: اهدى اهدى انا بردلك مقالب كتير عملتها فيا رامى: ماشى ماشى، ريلاااكس، الايام جاية مى: شكلك كان مسخلة يا لامى رامى: اسكتى انتى يا عفريتة تلاقيكى انتى اللى قايلالو الطريقة محمد: الصراحة ايوة.
رامى: إيه الاطفال دى يا جدع محمد: يلا يا مى اطلعى صحى ملك ويارا بالطريقة اللى قولتلك عليها مى: حاضر طلعت مى وبعد فترة نزلت يارا و ملك وهم يحملون مى ويلعبون معها محمد: إيه ده يارا: مى جت حكتلنا على اللى قولتهولها ومرضتش تعمله ملك: ايوة علشان ملك شطورة محمد: يابنت الايه، ماشى ماشى رامى: هههههههه شوفت باعتك في لحظة.
محمد: طب كلو يجهز بقا علشان هنرجع القاهرة ونروح انا ويارا نجيب الفستان ونطبع الدعوات علشان الفرح بعد بكرا رامى: طيب عشر دقايق وهبقى جاهز جهز الجميع وانطلقو في سيارة محمد الى القاهرة.
شريف: ايوة يا باشا، شوفت محمد عمل إيه •ايوة شريف: وهتتصرف ازاى يا باشا •انا راجع مصر كمان يوم وهشوف كدا وافكر واقولك شريف: طب هنقتله! • لا لا سيبنى بقا، هو بيحب اللعب، هنلعب معاه، هخليلو حياتو جحيم شريف: ازاى •مش وقته، سلام دلوقتى.
محمد: هاا الفستان ده عجبك ملك: لا لا محمد: هو انا بسألك انتى يا رخمة يارا: لا محمد: بقالنا ساعة بنلف على احسن محلات في القاهرة ومفيش حاجة عجباكى تركته يارا وسارت ببطئ نحو فستان جميل وقيم ويلمع وكان ابيض وفيه لمسات ابداعيه ولكن بسيطة كان الفستان بسيط وجميل في نفس الوقت وامسكته ذهب ورائها محمد محمد بحنية: عاجبك ده! يارا: ايوة اوى محمد: خلاص هجيبو بس الاول نقيسو عليكى يارا: ماشى.
ذهب محمد الى العاملة في المول واخبرها وارتدت يارا الفستان وكان كأنه مفصل عليها، كانت تبدو جميلة فيه كالدرة اللامعة محمد: وااااو، إيه الجمال ده يارا: حلو بجد محمد: اوى ملك: ياااه على الرومانسية، عقباالى يارب يارا: هاجى معاكى انقيه ملك: طبعا محمد للعاملة: خلاص هناخد الفستان ده وبالفعل اشترو الفستان وانطلق محمد مع يارا وملك الى الكثير من المحلات ليشترو الملابس ليارا وايضا بعض الملابس ل محمد وايضا البدلة.
يارا: البدلة دى حلوة اوى يا محمد محمد: رأيك اشتريها يارا: ايوة محمد: طب لحظة هقيسها وارتداها محمد وكان وسيما فيها وانبهرت ملك ويارا واشترو تلك البدلة وانطلقو واخيرا اتفقو على الدعوات وطبعوها واتصل برامى ليوزع الدعوات رامى: نعم، اوزعلك دعوات فرحك على قرايبنا كمان! محمد: ده لو عايز تتجوز اختى رامى: طبعا اوزعها واوزع اللى تعوزو كمان، طلقة هتلقينى عندك.
• اجهز هنبدأ بحاجة خفيفة شريف: إيه • اسمع اللى هقولو ده... شريف: اييية يا جدع حرام • هتنفذ ولا لا شريف: هنفذ بس ادينى اسبوع شريف: تمام اسبوع.
بعد مرور يومان يلا يا يارا علشان محمد زمانو خلص وجاى يارا: طب الفستان شكلو حلو ملك: جميل يا قلبى، هياكل منك حتة يارا: طب كفايا مكياج ملك: خلاص فاضل شوية حاجات يلا بقا يارا: حاضر ايمان: مالك بتترعشى كدا لية يارا: مرعوبة اوى، اكنى عندى امتحان ايمان: اهدى مش كدا انتى هتتجوزى مش رايحة تمتحنى يارا: حاضر ... رامى: إيه الشياكة دى يا عريس محمد: طول عمرى يابا رامى: ماشى مش هرد علشان فرح بس النهاردة.
محمد: طب يلا واية الورد اللى على عربيتى ده كله رامى: إيه رأيك محمد: مبحبش كدا يابنى رامى: اسمع كلامى كل العرسان بيعملو كدا محمد: همشى وراك وربنا يستر رامى: امشى بدل ما اضربك في فرحك محمد: جرب كدا، كل زمايل في الشرطة وكلهم معزومين وكمان فيه لوئات يعنى هتتخرم بالرصاص رامى: امشى ياض اخلص علشان تجيب يارا من الفيلا محمد: يلا ذهب محمد الى الفيلا وخبط على باب الغرفة فردت ملك: ثوااانى.
ثم فتح الباب وخرجت يارا كالملاك المبتسم محمد وهو يصفر: اووووو إيه الحلاوة دى يارا بكسوف: انا جهزت محمد: وانا خلاص نفذ صبرى، ما تيجى نكتب الكتاب ونجى ونسيب الناس يهيصو في القاعة يارا: محمد يلا بقا مش بهزر محمد: يلا يا قلبى ذهب محمد وبجواره يارا ووصلو الى القاعة ودخلو وورائهم رامى وملك وايمان وخال يارا واشرف ورجاء والدى رامى ووقف الجميع يسقفون وينظرون لهم بحب محمد بهمس: خايف عليكى يا حبيبتى ياارا: لية.
رواية الحب الضائع الجزء الثاني للكاتب عبد الرحمن أحمد الفصل الثاني عشر
عندما وصلو ترك محمد يارا واخذ المايك وبدأ التكلم انا بشكر كل اللى جيه النهاردة يباركلى وكل اللى حضر سواء زمايلى او قرايبى وعايز اوجه كلمة لحبيبتى وروحى يارا، انا بحبك اوى ومكنتش متخيل ان ربنا هيرزقنى بحد زيك ويقف جمبى في اشد الظروف، مش عايزك تزعلى على اى حاجة قولتهالك قبل كدا ثم شاور للدى جى وبدأ الغناء اوعديني لو زعلتي مرة مني تعرفيني لو جرحتك غصب عني تحسسيني متشيليش جواكي حاجة، تحكي ليا كل حاجة.
لما هفهم هبقى أحسن، صدقيني اوعديني لو نسيت يا حبيبتي نفسي تفوقيني لو خدتني الدنيا مني ترجعيني لو في لحظة زاد غروري، اشتكي لومي وثوري بس اوعي في يوم تروحي وتسبيني انتي قلبي و انتي روحي و انتي عيني حد عايز اعيش معاه لآخر سنيني انتي بالنسبالي مش حب ف حياتي انتي كل حياتي فعلاً افهميني اوعديني لو في يوم الخوف ملكني تطمنيني لو ذكائي ف مرّة خانني تفهميني لما أقسى في يوم تحني، و أما أغلط غصب عني.
قبل ما أغلط غلطة تانية تلحقيني اوعديني لو يبيعني الكون بحالة تشتريني تبقي أقرب منّي ليّا، تكمليني تبقي أختي تبقي أمي، تجري فيا جوة دمي لما اكون تعبان تضمي وتداويني اوعديييييييييييينى ثم حملها ولف بها ووقف الجميع يسقفون وانهمرت دمعة من يارا ثم نطقت: بحبك، بحبك اوى محمد: وانا بعشقك حسام: بتقول إيه، ازاى يعنى يا خالد خالد: بقول لحضرتك فيه حد ظهر في الكاميرات قدامى اهو ودخل المطبخ بتاع القاعة ومعاه شنطة.
حسام: ما يمكن حد من اللى شغالين خالد: لا يا فندم ده بيتلفت حواليه، انا شكيت فيه، وبعدين حضرتك محمد باشا معينى علشان اأمن المكان وادينى شوفت حاجة ولو حضرتك متحركتش انا هتحرك واشوف الموضوع حسام: انا هتحرك بس واثق مليون في المية انى مش هلاقى حاجة.
ذهب حسام ليتفقد الامر وكان من الصعب ان يلقاه لان المكان كبير جدا والقاعة كانت ضخمة جدا فذهب الى المطبخ وهو يعلم ان خالد يخرف ودخل ووجد الطباخين والمسؤولين يقومون بعملهم وخرج ولكن لفت انتباهه شخص ينظر حوله في المطبخ ويرتدى نفس اللبس ويقوم بتجهيز التورتة فرجع ثانيا حسام: انت موجود هنا! الشخص: ايوة حسام: يا وليد، ده تبعكم في الاسطف هنا! وليد بأستغراب: لا، بس ممكن مش فاكر حسام: طب تعالى معايا.
الشخص: لية يا باشا حسام: هرجعك تانى بس بقولك إيه شيل كدا البتاعة دى الشخص: هتبوظ يا باشا والمفروض تطلع دلوقتى شك حسام فرفعها وتفاجئ بقنبلة بمؤقت تعمل والعد التنازلى يعمل وستنفجر بعد خمس دقائق حسام: واية ده يا روح امك، جاتوه مفخخ دفع الشخص حسام وهب بالفرار حسام: جميع القوات اقفلو كل المنافذ مش عايز حد يخرج، خالد، خااالد تعالى المطبخ بسرعة جاء خالد خالد: فيه إيه! حسام: طلع فيه قنبلة وعايز يفجر المكان.
خالد: وهو فين حسام: مش مهم هيتجاب بس لازم تبطل مفعول القنبلة دى خالد: لا لا حسام: خالد انت عندك خبرة عن المفرقعات والكلام ده، يا تتصرف يا هنروح كلنا، خبراء المفرقعات مش هيلحقو يجو ده فاضل 3 دقايق خالد بتوتر وخوف: حاضر وقام بفتح القنبلة وظل يبحث في السلوك وهو مربك بشدة واحضر مقص وامسك سلك وهزه وقرب المقص وهو يرتعش وقصه، توقف العد وتوقفت القنبلة على الثانية الثالثة خالد: اووووف الحمدلله.
احد الظباط: مسكناه يا فندم حسام: الاخبار الحلوة بتيجى مرة واحدة فجأة دخل محمد محمد: إيه يا جماعة التورتة اتأخرت ليه، إيه ده فيه إيه حسام: زى مانت ما شايف، كان زمانك مشوى مع التورتة وكل الموجدين دلوقتى لولا خالد ابطل مفعول القنبلة ومسكنا ابن الكلب ده محمد: اممممم رجعنا، انت مين يلا! لم ينطق الشخص محمد: مش فاضيلك عندى فرح، روقو يا حسام عقبال ما اخلص الفرح واسبوع الندامة اللى هخدو اجازة حسام: حاضر.
ظل الجميع في سعادة ومحمد يمزح مع يارا تارة ويرقص معها تارة اخرى محمد: مش يلا بقا يارا: امممم ماشى قام محمد ويارا ووقف الجميع يحيونهم وخرجو من القاعة وركبو سيارة محمد وانطلق محمد في سرعة رهيبة رامى: يابن المجنونة ده هينتحر قبل ما يوصل ملك: عقبالنا يا حبيبى رامى: يارب يا قلبى، بس انسى الطلعة اللى طلعها محمد بالعربية دى، انا مش مستغنى عن عمرى ياختى.
وصل محمد الفيلا ثم خرج وفتح عربيته واخرج يارا وحملها محمد: يلا قبل ما الهكسوس يجو يارا: ماشى وحملها وصعد بها الى اعلى ودخل غرفته ووضعها على السرير محمد: نورتى البيت يا عروسة، خلاص بقيتى بتاعتى لم ترد يارا من الكسوف محمد: مش مصدق انك بقيتى ملكى وبس، يلا بقا يارا: يلا إيه محمد: هتفضلى بالفستان ولا إيه يارا: طيب اخرج عقبال ما اغير محمد: نعم ياختى، انا جوووزك يارا: بردو، مكسوفة، اسمع الكلام بقا.
وصل رامى وملك ومى واشرف ورجاء وخال يارا الى الفيلا مى: هو فين يارا ومحمد مش كانو بيتجوز من شوية، راحو فين رامى: في المريخ دلوقتى مى: مش بهزر رامى: طلعو ينامو يا مى مى: طب هطلع اصحيهم رامى: لاااااا خدى رايحة فين اترزعى هنا الصبح ابقى صحيهم مى: طيب حسن: انا همشى بقا يا جماعة وهاجى بكرا ملك: ما تقعد شوية يا عمو حسن: لا يا ملك، هاجى بكرا اشرف: يلا بقا رامى رامى: حاضر يا بابا مى: سلام يا رامى.
رامى: سلام يا عفريتة، سلام يا ملوكة ملك: سلام.
• انت غبى ازاى منفذتش شريف: بعت واحد واتفقت معاه على كل حاجة بس معرفش إيه اللى حصل • انا غلطان انى اعتمدت على واحد زيك شريف: متنساش انى لواء واتكلم عدل • كنت لواء وهوريك هعمل إيه.
اصبح الصباح على الجميع يعلن بداية يوم جديد وحياة جديدة بالنسبة لمحمد ويارا ولكن في ظل ان هناك شخص اخر ويعتبر هو المحرك الرئيسى للجميع هل سيكون هذا شئ خطر عليهم! يارا: مودى اصحى بقا الساعة 11 دلوقتى محمد وهو يفوق بأبتسامة: حبيبة مودك، اى الاصطباحة الحلوة دى، يااااه مكنتش احلم يارا بكسوف: قوم بقا محمد: حاضر يا عيونى وفجأة اخبط الباب فقامت يارا تفتح فوجدت مى مى: إيه يا محمد انت لسة نايم.
محمد: منا صاحى اهو يابت انتى مى: طيب، انا حضرتلكو الفطار ان وملك قومو بقا يارا وهى تحضنها: حاضر يا قلبى جايين خرج محمد ويارا ووجدو حسن وملك ورامى ومى على السفرة حسن: صباحية مباركة يا عريس محمد: الله يبارك فيك يا عمى يارا: خالى ازيك حسن: الحمدلله يا يارا، بصى بقا انا النهاردة هرجه تانى المانيا علشان عندى شغل كتير تمام يارا: طيب يا خالو رامى: فاضل اسبوع والمهلة تخلص محمد: مهلة إيه.
رامى: انت نسيت ولا إيه، ملك يا عم محمد: امممم ماشى ملك: رامى رامى: ايوة ملك: هات كدا الىءتئم رامى: بتقولى إيه! ملك: العب باليه رامى: يابن ال، ماشى ماشى محمد: شكلك زبالة الصراحة رامى: ليك حق تتكلم مانت عريس ومحدش قدك محمد: اعوذ بالله يا اخى ما ترحمنى من نقك ده يا جدع ضحك الجميع وقام حسن بعد ان استأذن ورحل حتى يجهز ليسافر محمد: يارا يارا: نعم محمد: تحبى بقا نقضى الاسبوع ده فين يارا: هنا محمد: هنا!
يارا: ايوة، مش بحب اروح في حتة، رأيى هنا احسن وكل يوم نبقا نخرج نروح حتة ونرجع تانى علطول محمد: ماشى يا قلبى اللى تشوفيه رامى: هييييح محمد: استحمل كلها اسبوع رامى: مستحمل، انا هجهز كل حاجة بقا الاسبوع ده وهنبه على العمال يخلصو توضيب الفيلا قبل الفرح محمد: شاطر رامى: يا جدعان انا كبيير مش كل واحد يقولى شاطر، ايييية هو انا حليت مسألة في الحضانة محمد: معلش رامى: تصدق اتحسنت، شكرا.
محمد: ايوة صح مش مسكو واحد امبارح وابطلو مفعول قنبلة في القاعة رامى وملك ويارا: اييية! محمد: هههههه ايوة، بس اتمسك، المصيبة بقا مش عارف طلعلى منين ده كمان، عصابة تانية بقا او حد تبع المنظمة اللى قتلت رئيسها، اه صحيح انتو عارفين ان رئيسها كان عمى رشدى مى: بابا! محمد: احييية، لا مش بابا ده حد تانى اسمو عمى رشدى رامى: انت بتتكلم جد!
حسام: مش هتقول بقا يا روح امك مين اللى بعتك هيثم: يا باشا محدش بعتنى، هو محمد بيه كان ليا تار عنده قديم حسام: الكلام ده مش هيخش دماغى يلا، انطق هيثم: معنديش حاجة يا باشا اقولها، كل اللى حضرتك عايزو انا قولتو حسام: طيب، عبدالغفار، خد المتهم ده على الحجز ظل حسام يفكر، هل هؤلاء اشخاص اخرون فعلا ام ان المنظمة لا يزال هناك اشخاص فيها وانتهى تفكيره بحل وحيد هو الذهاب لأكرم.
• عايزك تخلص على شريف النهاردة قبل بكرا وتجيلى علشان اقولك هنعمل إيه في موضوعنا، محمد لازم اخليه يندم الاول وبعد كدا اقتلو حاضر يا باشا، اى اوامر تانى! • لا روح انت خلص وتعالى.
رواية الحب الضائع و القاسيان
