رواية إمرأة في عصمة صعيدي للكاتبة سلسبيل كوبك الفصل السابع عشر
ديما: في ايه و مين الشيخ مرزوق؟ جملات: يبقي هتقوم حرب دم يا اسماء.. دنيا: ما تفهمونا.. اسماء: تهاني اجري اندهي لجاسر و خالد بسرعة.. تهاني: حاضر.. تهاني طلعت جري لاوضة جاسر... جاسر: في ايه يا تهاني مالك؟ تهاني: الشيخ مرزوق تحت.. جاسر: انتي متأكدة من الكلام ده؟ تهاني: اه... جاسر: طيب روحي و قولي لامي كل الستات تطلع و مفيش مخلوق ينزل و لو بيموت... تهاني: حاضر.. جاسر نزل و راح لخالد..
حازم: شكل في حركة غريبة في البيت في ايه؟ دعاء: اطلعوا بسرعة.. حازم: في ايه يا دعاء؟ خالد: يلا كله على فوق، و انت تعالي معانا.. ديما: هو في ايه؟ جاسر: ديما بلاش تهورك و متنزليش من فوق.. ديما فهمت من نبرته و نظرته ان في حاجة مريبة فقررت تطلع بكل هدوء... جاسر خرج للجنينة و لقي عدد كبير من الرجالة و ماسكة سلاح... جاسر: اهلا بالشيخ مرزوق.. مرزوق: اقعد يا جاسر انا مش جاي احارب.. خالد: واضح يا شيخنا..
مرزوق: اقعدوا... حازم(بهمس): هو ده بيته؟ جاسر و خالد بصوا ليه بتحذير... مرزوق: بص يا جاسر اللي بيحصل زاد عن حده.. جاسر: اللي هو ايه؟ مرزوق: ضرب النار اللي بيحصل في البلد كل شوية و اللي بيحصل بالاخص مع عائلة القاضي.. مرزوق: انا عارف انكم بتدوروا على اللي بيعمل كدة.. خالد: حضرتك تعرفه؟ مرزوق: نسيتوا الطار الثأر اللي عند عائلة فهد و عائلة صقر... خالد: بس احنا بينا اتفاق و احنا مخلفناش بيه..
مرزوق: بس هما خلفوا بيه... جاسر: و حضرتك جاي ليه؟ مرزوق: عايز ارجع البلد زي زمان يا جاسر، عايز نخلص منهم.. خالد: بس.. مرزوق: عارف عارف.. جاسر: طب و الحاج؟ مرزوق: دي مهمتك انت يا جاسر.. جاسر: مفهمتش.. مرزوق: تقنعه انا زهقت دم.. حازم(لنفسه): طب ايه لازمتي؟ مرزوق: فكر يا جاسر... جاسر: تمام يا شيخنا.. مرزوق: معلش جيت من غير ميعاد.. خالد: و لا يهمك... مرزوق: مع السلامة... جاسر: تفتكر الحاج هيوافق؟ خالد: معرفش...
حازم: هو في ايه؟ جاسر: مفيش.. عند الستات... فتحية: اقعدوا يا بنات شوية... دعاء: انا خايفة عليهم و علينا انا لسة بنت في عز شبابي.. دنيا: و انا عايزة افهم انتوا مرعوبين ليه؟ فيروز: انا خايفة على جاسر و خالد.. ديما: عيال هبل، جاسر اكيد مش هيسيب حد يلمسنا.. سارة: شيفاكي واثقة.. ديما(بغرور مصطنع): طبعا مش جوزي...
اسماء: كل ما في الموضوع طار ثأر قديم خلي في عدواة بين عائلة القاضي و عائلتين تانين والد الحاج حسن وقف الحرب دي باتفاق ان كل واحد هيبقي ليه مكان ميتعداش حدوده، بس شكلهم ملتزموش بالاتفاق ده.. ديما: طب و انتوا ليه خفتوا لما الشيخ مرزوق ده جه؟ جملات: مجيته خراب يا ديما.. الباب خبط.. عبير(بخوف): لا و النبي مش عايزة اموت.. دنيا: يعني اللي عايز يقتلنا هيستأذن قبل ما يقتل ايه الهبل ده.. فتحية: ادخل...
جاسر: خلاص انزلوا... اسماء: طمنا يا ابني.. جاسر: خير مفيش حاجة انزلوا يلا... الكل نزل لتحت و الجنينة بدأت تتزين.. جاسر و خالد في اوضة المكتب، و حازم في اوضته نايم، و كل الستات بتشتغل في البيت... -بليل... دنيا: بس غريب اوي جوزك ده.. ديما: اشمعنا؟ دنيا: مضروب رصاصة و متكلمش.. ديما: لا الدكتور قال اساسا ان الاصابة مش بالغة يعني يقدر يتعامل عادي هيبقي في وجع بسيط... دعاء: اه علشان كدة شال سارة..
فيروز: اه و هي مسكت في رقبته عادي... ديما(بعصبية): عايزين توصلوا لايه؟ دعاء: احنا بنقولك بس.. ديما(بعصبية): غوروا من وشي.. ديما سابتهم و مشيت، و البنات قعدوا يضحكوا عليها.. جملات: زعلتوها ليه يا بهايم؟ دنيا: هي اللي مضايقة.. فيروز: معملناش ليها حاجة.. جملات: اه انا ظلماكوا... دعاء: باي باي يا قطة... دعاء كانت ماشية بضهرها و خبطت في حازم بس مسكها... دعاء(باحراج): اسفة اسفة جدا.. حازم: و لا يهمك..
دعاء سابته و جريت و حازم بص باستغراب.. عند ديما.. ديما دخلت اوضتها بغضب... ديما: اه يا ولاد ال، الله يأخدكوا بس.. ديما فتحت باب الحمام فجأة لقت جاسر واقف بفوطة بس حوالين خصره... جاسر اتخض لما الباب اتفتح فجأة و اتصدم لما لقي ديما قدامه.. ديما لسة هتصرخ جاسر حط ايده على بوقها، و سندها على باب الحمام... جاسر: هششششششششش... جاسر: متصرخيش... ديما هزت رأسها بمعني ماشي...
جاسر: ايه اللي جابك و فتحتي الباب كدة ليه؟ ديما شاورت بعنيها عليه و على ايده اللي على بوقها.. جاسر شال ايده براحة.. ديما: انت ازاي كدة؟ جاسر(برفعة حاجب): ازاي؟ ديما(بتوتر): لا لا مفيش، سيبني.. جاسر: لا، جاوبي على اسئلتي.. ديما(عيونها في الارض): انا كنت متعصبة فدخلت بعصبية بس، مكنتش اعرف انك موجود... جاسر: و كنتي متعصبة ليه؟ ديما: اعتقد شئ خاص بيا..
جاسر: مش اوي كدة، خلاص روحي ده انتي شكلك لسة طالعة من الفرن... ديما: الله يسامحك... ديما سابته و خرجت و هي بتلعن نفسها في سرها.. جاسر غير هدومه لبنطلون و تي شيرت... ديما دخلت اوضة الملابس.. ديما لبست بنطلون و تي شيرت بحمالة و عملت شعرها ديل حصان ديما: بقولك يا جاسر.. جاسر: اممممم.. ديما: ايه الاوضة دي؟ جاسر: اوضة الرياضة بتاعتي.. ديما(بصدمة): انت بتلعب رياضة؟ جاسر: طبعا اومال فاكرة ايه؟
ديما(بدهشة): It s amazing! جاسر: ايه المدهش في كدة؟ ديما(بصدمة): انت بتفهم انجليزي؟ جاسر: حد قالك اني محو امية؟ ديما: لا شكيت.. جاسر: طيب.. ديما: طب ازاي؟ جاسر: مش مهم.. ديما: لا بليز قولي... جاسر: سافرت امريكا درست ادارة اعمل هناك علشان ادير المصنع هنا... ديما: الله بجد، برافو.. جاسر: هو انتي ليه محسساني اني طفل عنده اربع سنين كتب حرف ال ب... ديما: في ايه يا ابني؟سيبني افرح ده احلي خبر من ساعة ما اتجوزتك..
جاسر: طبعا ما انتي بتبصي للمادة.. ديما: لا و الله.. جاسر: خلاص خلص الكلام.. جاسر راح نام على السرير و ديما نامت على الطرف التاني من السرير... جاسر نام نوم عميق، و ديما مش عارفة تنام خالص.. ديما: سامحني بقي.. ديما قربت من جاسر و حضنته و فضلت ماسكة فيه جامد لغاية ما نامت...
-في الجنينة.. دنيا كانت بتتمشي في الجنينة لقت شخص في الاسطبل.. دنيا(بخوف): مين هنا؟ خالد: انتي ايه اللي مصحيكي لغاية دلوقتي؟ دنيا: مش جايلي نوم.. خالد: طيب وسعي.. دنيا: رايح فين؟ خالد: ملكيش فيه.. خالد خد حصانه ديه و لسة هيركبه.. دنيا: تسابقني؟ خالد: و انتي بتعرفي؟ دنيا: انت مشفتنيش هنا و لا ايه؟ خالد: كان لعب عيال.. دنيا: طب نشوف.. خالد: تمام.. دنيا: على ايه؟ خالد: رهان؟ دنيا: حاجة زي كدة..
خالد: اللي يكسب يطلب من التاني طلب... دنيا: موافقة، و مستحيل يرفض.. خالد: طبعا.. خالد طلع حصان لدنيا، و كل واحد ركب على الحصان.. خالد: جاهزة؟ دنيا: اه.. خالد: ابدأي.. دنيا و خالد بدأوا يجروا بالاحصنة بتاعتهم، و خالد كان مسابق دنيا، و بعدين النتيجة اتغيرت و دنيا سابقته، و بعدين بقوا جمب بعض... و بعدين حصان دنيا اتكعبل و دنيا وقعت في التبن.. و خالد قعد يضحك عليها كتير و بيلف بالحصان بتاعه حواليها...
خالد(بضحك): تحبي اسيبك و امشي و الحصان هيجيبك و لا ايه؟ دنيا(بعصبية): انت شخص رزل... خالد: شكرا، الصراحة خالد الحقير بيقول سيبها و امشي.. دنيا بصتله بلطافة و مدت ليه ايديها، خالد نزل من حصانه و مسك ايديها و قومها و نفض هدومها.. خالد: اركبي على حصاني.. دنيا: شكرا.. خالد: بس ليا طلب، لما افكر هقوله ليكي.. خالد ركب دنيا حصانه و مسك اللجام و ماشي بالحصانين، و بعد فترة وصلوا البيت..
دنيا: انا طالعة استحمي باي.. دنيا طلعت خدت دوش و نزلت تحت البطانية، و خالد طلع غير هدومه و خد دوش بسيط و خرج هو كمان نام...
-في مكان تاني.. شخص: ناوي تعمل ايه يا علاء؟ علاء(بشر): اندمه على افعاله كلها.. شخص2: ازاي؟ علاء: معرفش بس هنتقم اشد انتقام.. شخص: انت بطل.. علاء: طب جيب الحشيش بس هات.. و بدأوا يشربوا و يسكروا...
في الصباح الباكر... -في اوضة فتحية.. فتحية: حمد لله بالسلامة يا حاج.. حسن: الله يسلمك يا فتحية... حسن: اخبار الولاد ايه؟ فتحية: بخير بس جاسر يحكيلك بقي.. حسن: حصل ايه؟ فتحية: معرفش بس الشيخ مرزوق جه هنا و حصل ضرب نار و جاسر اتصاب.. حسن(بصدمة): طب طب هو كويس؟ فتحية: اه ديما بتقول الاصابة مش كبيرة.. حسن: الحمد لله.. فتحية: و و.. حسن: ايه كمان؟ فتحية: جاسر طرد علاء من البيت... حسن(بعصبية): اتجنن ده و لا ايه؟
فتيحة: علاء غلطان اسمع بس من جاسر، كأني مقولتش حاجة ليك يا حاج... حسن: ماشي يا فتحية.. حسن: جهزوا يلا الفطار، عقبال ما اريح ساعة.. فتحية: حاضر يا حاج... -في اوضة اسماء.. على: مالك؟ اسماء: خايفة من اللي هيحصل.. على: حصل ايه؟ اسماء: جاسر طرد علاء و اكيد عبير هتملي ودان اخوك ايمن بالسم.. على: طب و طرده ليه؟ اسماء: كان سكران و قال كلام مكنش ينفع يقوله.. على: يا رب نخلص بقي.. على: طيي سيبيني انام ساعتين كدة..
اسماء: ماشي.. -في اوضة عبير... ايمن: يا رب استر، مالك قاعدة زي المطلقين كدة ليه؟ عبير(بغضب): تعالي يا جوزي يا راجلي رجعلي ابني.. ايمن: هو فين؟ عبير: ابن اخوك طرده.. ايمن: اكيد عمل حاجة غلط.. عبير: انت مع مين بالظبط؟ ايمن: مع الحق و اكيد ابنك عمل حاجة غلط و يستاهل انه يتطرد، و سيبيني انام و لما اصحي ابقي اشوف الموضوع ده... عبير: و انا اللي فكراك هتجبلنا حقنا.. ايمن سابها و نام و هي بصتله بغضب...
-في اوضة دعاء.. دعاء كانت لسة صاحية من النوم و قاعدة على السرير، و بعدين لقت حد بيخبط و يفتح الباب علطول.. حازم(بصدمة): انتي! حازن لف وشه بسرعة، و دعاء قعدت تدور على طرحة تلبسها لغاية ما لقت و لبستها.. حازم(بارتباك): اسف اسف مكنش قصدي... دعاء(بدموع): بعد اذنك اخرج.. حازم خرج بسرعة و قعد يتشم نفسه... دعاء(بدموع): يا رب سامحني مكنش قصدي.. دعاء: يا رب ميكونش لحق يشوف شعري.. دعاء قامت دخلت الحمام و خرجت..
دعاء لبست فستان باللون الموو؟ طويل و واسع و بكم و لبست طرحة اوفويت و كوتشي ابيض دعاء نزلت قابلت فيروز.. فيروز: ايه اللي صحاكي بدري؟ دعاء: هي مش امي قالت لازم نقوم من بدري.. فيروز: من امتي؟ دعاء: ظريفة.. فيروز: طيب يا ستي.. دعاء: ماشي، بس ايه الشياكة دي؟ فيروز(بغرور مصطنع): طبعا ده المعتاد.. دعاء: ماشية معاك يا عم.. حازم(بتوتر): انسة دعاء.. دعاء(باحراج): اتفضل.. حازم: انا اسف مكنش قصدي..
دعاء: خلاص و لا يهم حضرتك.. فيروز: حصل ايه؟ دعاء: محصلش حاجة، تعالي معايا.. دعاء و فيروز نزلوا و حازم راح لاوضته...
-في اوضة جاسر و ديما... جاسر بدأ يفوق و بص يمينه اتخض.. جاسر: اعوذ بالله من الشيطان الرجيم.. ديما: شوفت عفريت، اسكت بقي عايزة اشوف الحتة دي.. جاسر: انتي بتعملي ايه يا بنتي؟ ديما: استني استني، ايوه ايوه اديله يلا.. ديما: واحدة بالرجل بقي يلا... ديما: لا لا او؟ر هندي بصحيح.. جاسر: انتي يا بنتي ردي عليا اللي انتي عاملاه ده؟ ديما: بأكل مارشيملو... جاسر: لا تصدقي كنت فاكره عيش... ديما: ظريف...
جاسر: يا بنتي هأخد منك الاجابات مقعطين.. ديما: مفيش قلقت من الساعة 5 الفجر مش جايلي نوم، قعدت على الفيس و الانستا و التويتر و الواتس و اليوتيوب، و بعدين جوعت قمت جبت المارشيملو اللي انت جبته و شغلت التلفزيون و جبت فيلم هندي و كتمت الصوت علشان متصحاش و تزعق، و انا قاعدة اهو بأكل مارشيملو و بتفرج على شاروخان.. جاسر: و مش جايلك نوم ليه؟ ديما: بفكر في المصيبة اللي احنا فيها.. جاسر(بدهشة): مصيبة ايه؟
ديما: هنتطلق ازاي؟بفكر و الله كتير.. جاسر: تصدقي اني غلطان اني سألتك ان شاء الله عنك ما نمتي، نامت عليكي حيطة يا بعيدة.. ديما(بحزن): ايه ده انت بتزعقلي؟ جاسر: يا رب، الساعة كام يا بت انتي؟ ديما: الساعة 9.. جاسر: طيب.. جاسر حط عليه البطانية و كمل نوم.. ديما: انت مش نازل الشغل... جاسر: لا اجازة و سيبيني انام.. ديما: طب هتنام و هتسبني؟ جاسر(و هو تحت البطانية): اقوم ارقصلك يعني.. ديما: تصدق فكرة..
ديما طلعت تليفونها و حطت الهاند فري و قامت وقفت على السرير بدأت تتنطط و واقفة زي كأنها ماسكة جيتار و بتعزف عليه... و في اقل من لحظة لقت نفسها على السرير و جاسر فوقها.. ديما: آآه... جاسر: هو انا مش قولتلك عايز انام.. ديما: ابعد.. جاسر: و كمان ايه الذوق الزبالة في الاغاني ده؟ ديما: ملكش فيه.. جاسر: و الله.. ديما: متفهمش في الرقي.. ديما: اسمع كدة...
ديما(بغناء): تمر الليالي و شوقي يقل، ف صار هوانا امر ممل، لا تطلب مني ان استعيدك، ف عهدي القديم ما عاد يحن، ليس ب عرشي مكان يساع، و لا لعشقي ثمن كي يباع، فات اوانك حتى تعود، و لا لجرحي ان يلتئم... جاسر كان مركز مع ديما و كلمات الاغنية و عجبه جدا الكلام... ديما(بابتسامة): عجبك؟ جاسر: اه حلوة، بس صوتك وحش.. ديما: حد قالك انك متجوز اليسا و لا نانسي عجرم.. جاسر: يا ريت و الله.. ديما ضربته في كتفه..
جاسر(بوجع): آآه انتي غبية؟ ديما: اسفة، بس برضو انت عصبتني انا احلي من اليسا و نانسي بكتير... جاسر: اه اه فعلا.. و بعدين الاتنين خدوا بالهم من وضعيتهم، جاسر بعد بسرعة عن ديما و ديما قامت... ديما: انا داخلة البس.. ديما قامت و سابت جاسر و هو قاعد حيران.. ديما لبست بنطلون اسود و تي شيرت بكم ابيض و دخلته في البنطلون، و كوتشي ابيض في اسود و سيبت شعرها و حطت مكياچ خفيف..
ديما خرجت كان جاسر خرج من الحمام و دخل يلبس... ديما ظبطت السرير و شالت المارشيملو و طفت التلفزيون، و حطت موبايلها في جيبها.. جاسر: جاهزة؟ ديما: اه يلا. جاسر و ديما نزلوا... فتحية: جاسر الحاج جه.. جاسر: تمام... فتحية: و بالنسبة لعلاء؟ جاسر: انا هتكلم مع الحاج.. فتحية: ماشي.. اسماء: هو ده اللي هتلبسيه بليل في الفرح يا ديما؟ ديما: لا هلبس فستان بس قولت على بليل كدة قبل الفرح بشوية.. اسماء: ماشي.. دعاء: بخ..
دنيا: اهلا بالواطية اللي اول ما اتجوزت نسيتني... ديما: مقدرش طبعا يا روحي.. ديما حضنت دنيا جامد... فيروز: خيانة انا عايزة اتحضن.. ديما جريت عليها و حضنتها... فيروز: يا بختك يا معلم مراتك حضنها دافئ.. ديما(باحراج): اخرسي يا بت.. جملات: طب يلا يا بنات يلا ورانا حاجات كتير.. فتحية: ديما معلش انتي اللي هتظبطي العروسة... ديما: تمام يا طنط.. سارة(بدلع): اساعدكوا في حاجة؟
ديما: لا خليكي اصلك يا عيني وقعتي امبارح كنت فكراكي اتكسرتي بس لا، يا خسارة.. سارة: اساعدك في حاجة يا ماما فتحية؟ دعاء(بهمس): من امتي؟ فتحية: شوفي ايه اللي عايز يتعمل و اعمليه.. جاسر ابتسم بسارة بحنان و هي بادلته الابتسامة بكسوف.. ديما: كوبايتين ليمون هنا.. دنيا: ليه؟ ديما: ضغطي على.. ديما سابتهم و مشيت.. فيروز: اضايقت ليه هو حصل ايه؟ دنيا: معرفش... دعاء: تعالوا نروح وراها، يلا..
جملات(بهمس): بنت عبير مش ناوية تجيبها لبر... تهاني: جاسر بيه، الكبير منتظر حضرتك انت و خالد بيه.. جاسر: تمام روحي انتي دلوقتي.. جاسر: فين خالد؟ اسماء: قال هيبص على المصنع و يجي بسرعة.. خالد: مين بيجيب في سيرتي؟ جاسر: الحاج عايزنا، و جيب الزفت اللي اسمه حازم.. حازم: انت مش طايقني ليه يا اخي؟ جاسر: كيفي كدة.. جاسر و حازم و خالد راحوا اوضة الجلوس و خبطوا.. حسن: ادخل..
جاسر دخل و باس ايد والده، و سلم على باقي اعمامه.. حسن: اقعد يا ابني، مش انت حازم؟ حازم: اخيرا لقيت حد بيعاملني باحترام، اه يا عمي انا حازم اخو ديما... ايمن: ايه اللي حصل يا جاسر؟ جاسر: ابن حضرتك يا عمي رجع سكران و فوق كدة قال كلام على مراتي مينفعش اقوله.. حسن: قول يا جاسر.. جاسر: بس.. حسن: قول.. جاسر(بغضب): قال ان مراتي هتبقي في حضنه قريب، و اعتقد بعد ده كله مش انا اللي غلطان.. حسن: معرفتش تربي يا ايمن...
ايمن: حقك عليا يا جاسر.. جاسر: الذنب ذنبه هو... خالد: الشيخ مرزوق جه.. على: حصل ايه؟ خالد: بيقول انه عايز ينهي الدم.. حسن: و انت رأيك ايه يا جاسر؟ جاسر: و الله يا حاج اللي تشوفه، بس من رأيي احنا و الشيخ مرزوق هنقدر نوقف سلسلة الدم دي.. حسن: حد عنده رأي تاني؟ الكل: لا يا حاج... حسن: تمام، و ابنك يا ايمن يرجع بعد ما يعتذر لجاسر و مراته و هما يقبلوا اعتذاره غير كدة ميدخلش البيت ده... ايمن: ماشي يا حاج...
الباب خبط... حسن: ادخل.. ديما(بفرحة): عمو وحشتني.. ديما قربت من حسن و حضنته و هو بادلها الحضن.. ديما(بهمس): ممكن اطلب طلب؟ ايمن: شكلك بتشتكي من جاسر.. على: مزعلها يا جاسر.. جاسر: ابدا و الله.. حسن(بهمس): اطلبي يا حبيبتي.. ديما(بهمس): انا نفسي انام لاني حرفيا بيجي عليا وقت مبنامش فيه خالص و كان بابا يأخدني في حضنه و انام ممكن تحضني و انام.. حسن: طبعا يا حبيبتي... ديما حضنت عمها جامد و الكل ضحك عليها...
معداش عشر دقايق لقوا ديما نامت... حسن: اهتم بمراتك كويس يا جاسر البنت منامتش بقالها كتير... حازم: اه يا عمي و قوله يحترمها شوية و يخف عليها.. جاسر بصله بصة موت، و خالد كان حاسس بملل.. حسن: يلا خد مراتك نيمها في سريرها.. -جاسر قام و شال ديما و طلع بيها لاوضتهم و نيمها على سريرها و غطاها و سابها و مشي..
-بعد فترة... سارة: هي ديما فين؟ جملات: تعبت و طلعت تريح شوية... سارة: الف سلامة.. فتحية: من امتي الطيبة؟ عبير: هي البت تبقي طيبة مش عاجب تبقي وحشة مش عاجب.. اسماء: هي غريبة بس يا عبير.. سارة: ثانية و جاية، هدخل الحمام.. سارة سابتهم و طلعت اوضة ديما و هي بتبص يمين و شمال، و دخلت و قربت من سرير ديما.. سارة(لنفسها): مش هسيبك ابدا لجاسر يا ديما، انتي اللي بدأتي..
سارة مسكت المخدة و لسة بتقرب من ديما لقت الباب اتفتح فجأة... يا تري مين اللي دخل؟!
رواية إمرأة في عصمة صعيدي للكاتبة سلسبيل كوبك الفصل الثامن عشر
سارة(بخضة): في ايه؟ عبير(بهمس): انتي بتعملي ايه يا غبية؟ سارة(بهمس و شر): هقتلها و ارتاح يا اما.. و بعدين لقوا ديما بتتقلب في السرير... عبير(بهمس): تعالي معاايا بس.. عبير خدت سارة معاها، و ديما كانت نايمة بسلام.. سارة: ايه يا اما امي؟ عبير: انتي لما تقتليها الكل هيشك فيكي.. سارة: مش مهم المهم اخلص منها، دي خدت مني جاسر.. عبير: اسمعيني بس، عندي حل تاني يخلينا نخلص منها.. سارة: ايه هو؟
عبير: جاسر لو عرف انها بتخونه طبعا هو راجل و صعيدي هيطلقها فورا... سارة: و دي نعملها ازاي؟ عبير: الدور و الباقي بقي على اخوكي لما يرجع، و ممكن نخليه يتجوز ديما و يأخد فلوسها.. سارة(بابتسامة شر): موافقة.. عبير: هنستني لما علاء يرجع... سارة: ماشي، و اخيرا هخلص منك يا ديما... عند الباقي... فتحية: صحوا ديما البت زمانها جاية.. دنيا: تمام... اسماء: جهزتوا اكل الرجالة؟ تهاني(بتوتر): اه يا ستي..
جملات: مالك يا تهاني؟ تهاني: مفيش حاجة... اسماء: طيب، ام سعاد قربت تيجي يلا... جملات: طب يلا البسوا يا بنات... دعاء: هطلع البس... فيروز: و انا.. دنيا: هصحي ديما و البس.. كل واحدة راحت تلبس هدومها... دنيا: يا بت بت بت بت.. ديما: خير؟ دنيا: يلا نسيتي الفرح و اللبس و البت اللي انتي هتظبطيها.. ديما: طب ما انتي بتعرفي تحطي مكياچ ظبطي البت انتي.. دنيا: لا انتي يلا.. دنيا سابت ديما و مشيت، و ديما قامت بزهق..
ديما: ينعل ابو اللي يتجوز ايه ده مكتوب عليا منامش حرام.. ديما قامت خدت دوش و خرجت دخلت اوضة الملابس...
ديما لبست فستان طويل باللون الكحلي الغامق و فيه في النص نقوش باللون الكحلي الفاتح و كان بحمالة عريضة و منفوش بسيط من تحت و بديل و طرف او حيز الفستان من تحت باللون الكحلي الفاتح و رفعت شعرها لكحكة فوق و نزلت كام خصلة و لبست صندل باللون الاحمر و روچ باللون الاحمر الغامق و حطت كحل محدد عنيها و لبست سلسلة رقيقة بتلمع و حلقين بيلمعوا و دبلة جاسر اللي هي مكنتش واخدة بالها منها و نسياها...
-ديما اول ما خرجت من اوضة الملابس لقت جاسر لسة بيدخل من باب الاوضة و اول ما شافها فضل باصص ليها و مصدوم من كتلة الجمال اللي قدامه.. ديما: مالك في ايه؟ ديما: جاسر جاسر يا ابني.. جاسر: احم في ايه؟ ديما: مالك؟ جاسر: مفيش... ديما: طيب عن اذنك.. جاسر: انتي هتنزلي كدة؟ ديما: اه وحش و لا ايه؟ جاسر: و المسخرة اللي في وشك دي ايه؟
ديما: ده روچ و كحل بس، و كمان الفستان طويل اهو و واسع ملكش حجة، و كمان اصلا اصلا كله هيبقي ستات يعني مفهاش راجل صعيدي و لا حاجة.. ديما سابت جاسر و نزلت، و جاسر كان لسة مصدوم من جمالها.. جاسر دخل خد دوش و خرج دخل اوضة الملابس.. جاسر لبس عباية باللون الاسود و جذمة سوداء و ساعته و حط البرفيوم بتاعه و لبس ساعته جاسر نزل بعد ما خلص.. فتحية: بسم الله ما شاء الله ايه يا بنتي جميلة اوي..
ديما(باحراج): شكرا يا طنط.. فتحية: ده انتي العروسة مش سعاد و الله... ديما(باحراج): يعني يا ريت تراعوا احراجي.. اسماء: خلاص خلاص، قمر اوي.. سعاد: انا جيت.. ديما: يا قلبي، يلا اطلعي علشان اظبطلك وشك و الميكب، فين الفستان؟ بنت: اهو.. ديما: ماشي طلعيه.. ديما و سعاد بيطلعوا لقوا جاسر نازل.. جاسر: مبروك يا سعاد.. سعاد: الله يبارك فيك يا بيه.. ديما و هي ماشية اتكعبلت بفستانها و جاسر مسكها.. جاسر: مش قولتلك..
ديما: قولت ايه؟ جاسر: مفيش.. ديما: لا قول.. دعاء: انا جاهزة يا جدعان.. ديما سابت جاسر و طلعت هي و سعاد.. دعاء: ايه ده محدش عبرني.. دعاء راحت ورا ديما و سعاد.. دعاء: ايه يا مزة كدة متعبرنيش.. ديما: اسفة يا روحي مخدتش بالي.. بنت: انتي هتظبطي العروسة؟ ديما: اه في مانع.. بنت: لا طبعا.. فيروز و دنيا و سارة جم و دخلوا و قعدوا... دنيا: هتبدأي بأيه؟ ديما: خشي خدي دوش يفوقك كدة و البسي الفستان.. سعاد: حاضر..
سعاد دخلت و خدت دوش و لبست الفستان و خرجت... فيروز: يلا انا متحمسة.. سارة: دي هتحط بدرة و بس.. ديما: ممكن يا سارة تسيبيني اشوف شغلي.. ديما: دنيا هاتي ادوات المكياج بتاعتي.. دنيا: اشطا يا جميل.. دعاء: انتي عندك كل كمية المكياج دي؟ ديما: اه.. دنيا: دي بتجيب احسن الماركات.. سارة: دي بتدهن وشها دهان كدة.. ديما: اسكتوا بقي عايزة اشوف شغلي.. ديما بدأت تحط الميكب للبنت و البنت كانت مبسوطة اوي.. ديما: تمام كدة..
دعاء: مين دي؟هي دي البت سعاد؟ فيروز: دي جميلة اوي.. دنيا: طبعا هي ديما اي حد و لا ايه؟ ديما: طب هتنزلوا امتي؟ سارة: لما ماما فتحية تقول.. ديما و دنيا و فيروز و دعاء ضحكوا عليها و سارة متعصبة... -عند الرجالة... حسن: الف مبروك يا ابو سعاد.. ابو سعاد: و الله مش عارف من غيرك كنت عملت ايه يا كبيرنا... محروس: مبروك الف مبروك.. ابو سعاد: الله يبارك فيك يا محروس بيه.. خالد(بهمس): ده ايه اللي جابه ده؟
جاسر(بهمس): معرفش بس انا عايز اقتله في ايدي حالا... مازن: اهلا يا جاسر، ازيك يا خالد؟ خالد: كنت بخير قبل ما تيجي.. جاسر ضحك لخالد و سابوا مازن و مشيوا... حازم: احم اعمل ايه؟ خالد: يا ابني انت لازق في الحلة.. حازم: افندم؟!و الله تصدقوا اني غلطان، قولت اساعدكوا و سايب شغلي و جاي هنا... جاسر: حد قالك تيجي؟ حازم(خد نفس عميق): انا حازم، ممكن نتعرف من اول و جديد و نحسن علاقتنا على الاقل لغاية ما امشي...
خالد: طيب و انا خالد... جاسر: و انا جاسر.. حازم: هنعمل ايه بقي؟ جاسر: هنهتم بالرجالة بس... خالد: روح شوف اللي هناك دول يا حازم.. حازم: تمام.. على: جاسر.. جاسر: نعم يا عمي.. على: هو العريس اتأخر ليه؟ جاسر: هو مش جاي و لا ايه؟ على: هتبقي فضيحة لابو العروسة و فضيحة لابوك يا جاسر اتصرف... خالد: متقلقش هنتصرف احنا.. على: ربنا يستر... جاسر: خليك انت هنا، هروح انا و الواد حازم.. خالد: ماشي.. جاسر: حازم تعالي معاايا..
حازم: فين؟ جاسر: هنجيب العريس.. جاسر و حازم ركبوا العربية و مشيوا، و بعد فترة جاسر وقف بالعربية.. حازم: ايه؟ جاسر: مش رايحين نجيب العريس انزل.. حازم نزل و جاسر نزل وراه و خبطوا الباب.. ست: مين؟ جاسر: انا جاسر... ست: عايز مين؟ جاسر: عبده موجود.. ست: اه.. جاسر: طب ابعتيه ليا.. ست: ماشي.. عبده: عايز ايه يا جاسر؟ جاسر: ايه لعب العيال بتاعك ده انت اهبل لسة مجتش.. عبده: من الاخر مش عايز اتجوز..
جاسر: ليه متكونش راجل و لا حاجة؟ عبده: مش كدة البت اكيد وحشة.. جاسر: و حتى لو وحشة فيها ايه من امتي يعني، اعقل كدة و انجز... حازم: الجمال جمال داخلي مش بره و بس.. عبده: انتوا شايفين كدة؟ جاسر: في غير كدة يلا يا عريس.. عبده دخل لبس بسرعة هدومه و خرج معاهم و رجعوا... و حصل ضرب نار و دوشة كتير.. عند البنات... الباب خبط.. ديما: اتفضل.. اسماء: يلا يا بنات.. اسماء(بصدمة): مين دي؟
سعاد: هو انا كنت وحشة اوي للدرجة دي؟ دنيا: لا كنتي احلي.. اسماء: طب يلا يا سعاد يلا.. سارة: طب يلا بقي... ديما وقفت جمب سعاد و دنيا جمبها من الناحية التانية و وراهم دعاء و فيروز، و سارة بصالهم بغيظ.. و بدأوا ينزلوا و الكل منبهر بجمالهم كلهم... ست: بسم الله ما شاء الله ايه القمر ده؟ ست2: جايبة منين الحلاوة دي يا سعاد.. سعاد: شكرا يا خالتي.. ديما: طب ايه مش هنرقص؟
-دنيا جريت و شغلت اغاني و ديما و دنيا وقفوا في النص و بدأوا يرقصوا ب هبل و يضحكوا... ديما: تعالوا.. دعاء و فيروز جم و بدأوا يرقصوا، و قوموا سعاد ترقص معاهم... ديما: انا مبسوطة اوي.. دنيا: انا اكتر، طلعت الافراح هنا حلوة.. دعاء: اوبا بقي يلا.. فتحية: يا بنات اتهدوا شوية.. ديما جريت و مسكت ايدين فتحية و بدأت ترقصها.. فتحية: لا يا ديما... ست: يلا يا فتحية..
و كان الكل بيرقص و مبسوط و الستات الكبار اوي بتصقف، و الكل عجبه روح ديما و دنيا.. ديما(و هي بتترمي على الكرسي): لا مش قادرة.. دنيا: خديني جمبك يا اختي.. دعاء: منك لله يا ديما.. ديما: حد ضربك على ايدك... فيروز: لا بموت... دنيا: هجوم... و الكل قام على ديما يزغزغها، و ديما بتضحك مش قادرة... جاسر(بهمس): كل حاجة جاهزة يا امي.. فتحية: اه يا حبيبي.. جاسر(بهمس): طيب هخرج انا دلوقتي..
اسماء: شايف مراتك مخلية في روح حلوة اوي في الفرح... جملات: دي خلتنا نرقص.. ديما(بصريخ): طنط الحقيني.. ديما جريت على المطبخ و وراها البنات.. ديما وقفت ورا ضهر جاسر و بتأخد نفسها بصعوبة.. ديما: خليهم يبعدوا عني.. فتحية: يا بنات بقي خلاص البت ماتت.. ديما: ادي اخره اللي يرقص، انتوا ملكوش في الرقص اعملكوا ايه؟ده انا يوميا كنت لازم ارقص.. جاسر: مش فاضي لكلام الستات ده.. جاسر سابهم و مشي...
ديما: و النبي خلاص كفاية منظري بقي زبالة، هطلع اظبط نفسي.. دنيا: و انا.. ديما طلعت ظبطت شعرها و مكياجها و نزلت تاني..
-في مكان تاني... في المانيا.. محمد: خلاص بقي ده انت وصتني عليهم مية مرة يا ابني... اولفت: متخافش هتعمل العملية و تبقي بخير.. محسن: يا رب، مالك ساكتة ليه يا تسنيم؟ تسنيم(بدموع): خايفة اوي.. محسن حضنها جامد و هي بادلته الحضن.. محسن: الدكتور طمنا يا تسنيم.. محمد: اتفائلي.. محسن(بضحك): هي الستات دي بتتفائل اومال النكد ده مين يعمله.. تسنيم: كدة.. محمد: عندك حق و الله، الست المصرية رقم واحد في النكد..
اولفت: لا و الله... تسنيم: انتوا مش مقدرينا.. اولفت: تعالي يا بنتي نعمل الاكل... - هما سابوا الفندق و راحوا ل؟يلا تسنيم: اه روحوا اتجوزوا اي بنت مايصة كدة.. تسنيم: تعالي يا اولفت الجو بقي خنيق.. محسن(بضحك): بقي كدة.. تسنيم و اولفت راحوا للمطبخ يعملوا اكل.. محمد: لسة خايف؟ محسن: على ديما و تسنيم.. محمد: هتعدي، هتبقي بخير يا صاحبي.. محسن: ان شاء الله، ديما حاسسها اتعودت على العيشة هناك.. محمد: ممكن..
محسن: خير خير، تعالي نصالحهم دول ستات نكدية..
في الصعيد... بنت: حضرتك ديما؟ ديما: ايوه انا، مين انتي؟ بنت: ممكن تيجي ثانية؟ ديما(برفعة حاجب): ليه؟ بنت: تعالي.. ديما: طيب.. ديما راحت مع البنت... بنت: جاسر بيه مستنيكي في الجنينة اللي ورا.. ديما(باستغراب): جاسر عايزني انا... بنت: اه.. ديما: خلاص هتصل بيه.. بنت: لا هو قال عايزك حالا.. ديما: تمام ماشي.. ديما مشيت و مسكت فستانها و راحت للجنينة الخلفية.. ديما(بخوف): جاسر انت هنا؟جاسر الدنيا ضلمة..
ديما(بخوف): يا ابني انت رد عليا، انا خايفة.. ديما لسة بتلف لقت اللي بيشدها و حاطط ايده على بوق ديما.. ديما قعدت ترفص برجليها و تحرك رأسها يمين و شمال، و بعدين لقت كذا راجل بيكتفها، و اغمي عليها.. شخص: يلا بسرعة... و الرجالة شالوا ديما و ركبوها العربية و مشيوا... خالد: يلا هنكتب الكتاب.. جاسر: تمام يلا... و بدأوا يكتبوا الكتاب، و حصل ضرب نار و البنات فرحانة.. سعاد: هو فين ديما؟
دنيا: هتلاقيها تعبت فطلعت ترتاح شوية.. دعاء: مبروك يا مزة.. سعاد(بفرحة): انا مبسوطة اوي.. فتحية: دنيا نادي جاسر و خالد و حازم يأخدوا الاكل للرجالة.. دنيا: حاضر.. دنيا خرجت و اول ما خرجت لقت اللي بيشدها جامد.. دنيا(بزعيق): انت غبي؟ خالد(بعصبية): انتي اللي غبية لابسة فستان مفتوح و خارجة بيه قدام الكل... دنيا: انت مالك؟ خالد: بت انتي متخلنيش اتعصب عليكي، كنتي خارجة ليه؟
دنيا: طنط فتحية قالتلي اروح اناديك انت و جاسر و حازم تأخدوا الاكل... خالد(بحدة): طيب روحي و متخرجيش فاهمة.. دنيا: عيل رزل.. دنيا سابته و مشيت دخلت لجوا.. جاسر: في ايه؟ خالد: نادي الزفت حازم نجيب الاكل. جاسر: مالك؟ خالد: مفيش.. جاسر و خالد نادوا حازم و بدأوا يأخدوا الاكل.. سارة(بهمس): اتفضل.. جاسر(بابتسامة): شكرا.. خالد: هاتي.. دنيا: خد و يا ريت انت بقي اللي تاكل منها فيها سم.. خالد: بتنقطي سكر.. فيروز: اتفضل..
حازم: تمام.. و بدأوا يخرجوا الاكل و الرجالة تأكل.. ام سعاد: يلا يا سعاد عريسك هيأخدك حطي الطرحة على وشك.. سعاد: حاضر.. سارة: مبروك.. سعاد: شكرا.. دعاء و دنيا و فيروز حضنوا سعاد.. سعاد: كان نفسي احضن ديما... دعاء: بعد الجواز ابقي تعالي يا روحي.. اسماء: يلا يا بنتي.. طلعوا سعاد و عريسها خدها و راحوا على بيتهم... ايمن: اليوم كان متعب اوي.. خالد: عندك حق يا عمي.. ايمن: عجبك الفرح يا حازم؟
حازم: اه يا عمي حلو اوي... دعاء: الاكل جاهز... حسن: ماشي يا دعاء روحي.. حسن: يلا يا جماعة... و الكل قام و بدأ يقعد.. فتحية: فين ديما يا دنيا؟ دنيا: على ما اعتقد طلعت تريح شوية.. عبير: اه طبعا احنا نتعب و هي تنام الهانم.. جملات: حد يطلع يناديها البنت تعبت معانا و مأكلتش... دعاء: هطلع اناديها.. دعاء طلعت جري على اوضة ديما.. دعاء: دودي ديما يا بت.. دعاء خبطت على باب الحمام و ملقتش حد و دخلت اوضة الملابس...
دعاء: يا نهار اسود.. دعاء نزلت بسرعة جري على تحت... على: مالك يا بنتي؟ دعاء: ديما مش في اوضتها... حازم: نعم ده ازاي ده؟ جاسر: هتلاقيها في اي مكان هنا و لا هنا... دنيا طلعت تليفونها و اتصلت بديما بس محدش رد.. دنيا: مش بترد انا خايفة اوي.. حسن: مستنين ايه قوموا دوروا عليها... جاسر قام و الكل قام بيدور على ديما.. جاسر قاعد عمال يتصل بيها و سمع صوت التليفون..
جاسر راح للجنينة الخلفية و لقي تليفون ديما واقع على الارض.. خالد: لقيت حاجة؟ جاسر: تليفونها كان مرمي على الارض اللي في الجنينة.. جملات: يعني ايه؟ كل الرجالة بصت لبعدها و هما بيحاولوا يفكروا.. حازم: ديما اتخطفت؟! دنيا(بدموع): لا لا بليز.. دعاء(بدموع): طب مين هيخطفها؟ سارة: ممكن تكون بتستعبط؟و بتخضنا عليها و خلاص.. عبير: او يمكن شافت شوفة ليها.. حسن(بزعيق): كله يخرس، عايز صمت.. حسن: كل الرجالة ورايا..
الكل راح ورا حسن في اوضة الجلوس.. دنيا وقعت على الارض و هي بتعيط.. دنيا(بعياط): ديما ارجوكي متسبنيش.. جملات قعدت جمبها و حضنتها.. جملات: اهدي يا بنتي.. فيروز(بدموع): ماما بيقولوا ديما اتخطفت غلط صح؟ اسماء: اهدوا بس يا بنات... فتحية(بحزن): البت مكملتش شهر معانا و يحصلها كدة... دعاء: انتوا هتستكوا... اسماء: اكيد جاسر و الحاج حسن مش هيسكتوا..
سارة: ايه هي لحقت علقتكوا بيها اوي كدة، دي تستاهل يا ريت يغتصبوها او يعملوا ليها اي حاجة.. و بعدين سارة لقت قلم نازل يرن على وشها... فتحية: قمسا بربي تتكلمي كلمة تاني لاكون مموتاكي في ايدي.. عبير(بغضب): انتي ازاي تعملي كدة؟ فتحية: لمي بنتك يا عبير، احسن ما المها انا.. عبير خدت سارة و طلعت على اوضتها فوق.. جملات: ربنا يصبرك يا ديما... عند الرجالة... حسن: ازاي ده يحصل؟. خالد: مين هيكون ليه مصلحة يعمل كدة؟
جاسر: مين اساسا خلاها تروح الجنينة؟ حازم: طب هي معملتش اي حاجة لحد اتخطفت ليه؟ ايمن: طب و ممكن متكونش اتخطفت مثلا؟ على: هتكون راحت فين يعني؟ حسن: زودوا غفر اكتر و اكتر على البيت، و مراتك يا جاسر واجب عليك، مراتك تكون موجودة بكرة في البيت فاهم؟ جاسر: حاضر يا حاج.. حسن: كله يروح محدش ينام الا لما ترجع.. حازم: هطلع اغير هدومي و اطلع ادور معاكوا.. جاسر: تمام.. دعاء: هترجع صح؟ جاسر: متخافوش يا جماعة، في ايه؟
جاسر طلع و غير هدومه لتي شيرت و بنطلون و حط موبايل ديما في جيبه، و نزل بسرعة.. خالد: جاهز؟ جاسر: اه، يلا..
-في مكان تاني.. الرجالة اللي خطفت ديما، دخلوا شايلينها و رموها على الارض... شخص1: دي من عائلة القاضي يعني هنستفيد اوي.. شخص2: هنكسر بيها عائلة القاضي و هنستمتع و هنأخد فلوس.. شخص1: فكرة ذكية.. شخص2: طول عمري ذكي، بس هنستمتع الاول..
رواية إمرأة في عصمة صعيدي للكاتبة سلسبيل كوبك الفصل التاسع عشر
خالد: يعني ايه مش لقينها يعني؟ حازم: طب انتوا ليكوا عداوة مع حد؟ جاسر: معتقدش يستجرأوا و يعملوها.. حازم: يعني ممكن.. خالد: انت عايز تقلقنا و خلاص.. حازم: انا عايز الاقي اختي.. جاسر: تفتكر مازن يا خالد؟ خالد: معرفش.. جاسر: احنا لازم نفتش كل البيوت.. حازم: طب ما ممكن لما ندور في حتة الشخص ده يمشي من البلد خالص.. خالد: انت دورك الاحباط يعني بس علشان اكون واخد بالي.. جاسر: ارجع يا خالد..
خالد(بعصبية): شايفك بارد و هادئ كدة يعني يا جاسر... جاسر: اومال اكون عصبي زيك و اتهور مثلا.. خالد(بعصبية): لا العفو يا جاسر.. و كلهم وصلوا للبيت.. فتحية: ها يا ابني وصلت لحاجة؟ خالد: لسة لسة.. جاسر: ايه رأيك يا حاج نفتش كل البيوت؟ حسن: طب ما مستني ايه اعمل كدة؟ على: هنصحي الناس كلها بليل كدة يا اخوي.. حسن(بزعيق): دي امانة اخوي مسلمها ليا قبل ما يمشي.. دنيا(بعياط): يعني مش هشوفها تاني..
حازم قرب من دنيا و حضنها... دنيا(بعياط): يعني محدش هيقولي كلام حلو و يخليني اتفائل، يعني محدش هيفضل يرزل عليا و يضايقني.. حازم(بحزن): هششششششش، هنجيبها اوعدك هنجيبها ديما قوية و هتستحمل.. اسماء: طب و احنا هنتصرف ازاي؟ جاسر: احنا هنطلع ننام و بكرة ندور عليها.. خالد زق جاسر بعصبية.. خالد(بزعيق): انت معندكش دم يا حيوان انت هي دي مش مراتك و لا كدب في ايه جايب برودة الاعصاب دي منين.. جاسر: انا عملت ايه؟
خالد(بعصبية): مستفز.. خالد سابهم و طلع على اوضته و قفل الباب بغضب.. فيروز و دعاء خدوا دنيا و طلعوها اوضتها و بيحاولوا يواسوا بعض.. جاسر طلع اوضته و لقي سارة طلعت وراه.. جاسر: عايزة ايه يا سارة؟ سارة: مالك بس يا حبيبي مضايق ليه؟ جاسر: مش شايفة يعني.. سارة: طب ده كويس لينا.. جاسر: ازاي؟ سارة: يعني لما هي تختفي، انت هتكون محتاج تخلف و تضطر تتجوزني و نتجوز بعض.. جاسر: طيب يا سارة روحي دلوقتي.. سارة: بحبك..
سارة باست جاسر من خده و سابته و مشيت.. جاسر: استغفر الله العظيم، حلها يا رب... جاسر قام و اتوضي و بدأ يصلي ركعتين لله... جاسر خلص و راح على سريره نام، و بدأ يحلم.. -الحلم.. جاسر كان في مكان زي صحراء و سامع صوت بينادي عليه من بعيد.. جاسر(لنفسه): مين اللي بينده؟ و بعدين سمع صوت صريخ جامد و راح ناحية مصدر الصوت... جاسر(بصدمة): ديما ايه اللي جابك هنا؟ ديما(بدموع): جاسر ارجوك طلعني في في ثعبان..
جاسر: طب هاتي ايدك.. ديما مدت ايديها لجاسر و هو مسك بيها.. ديما(بدموع): انا خايفة.. جاسر: متقلقيش انا معاكي.. جاسر بدأ يطلع ديما و لسة هيخرحها خلاص من الحفرة لقي اللي بيشد ديما من تحت، و الحفرة وسعت و طولت... ديما(بصريخ): جاسر...
جاسر قام بسرعة من نومه و هو مخضوض.. جاسر: اعوذ بالله من الشيطان الرجيم، اعوذ بالله من الشيطان الرجيم.. جاسر: يا رب يا رب، ارحمني.. جاسر قام وقف في البلكونة بتاعت اوضته و هو بيأخد نفسه بصعوبة... جاسر: انتي فين يا ديما؟
-في مكان تاني.. مكان زي مخزن وسط اشجار و الاشجار مغطياه... ديما مرمية على الارض و شعرها حواليها على ارضية المخزن... ديما(بوجع): آآآآه، ايه الصداع ده؟ ديما بدأت تفتح عنيها و تقوم بجسمها.. ديما(بصدمة): ايه ده انا فين؟ ديما: لا لا لا مش قادرة اخد نفسي، لا لا يا رب.. ديما(بدموع): لا انا بتخنق... ديما(بدموع)يا بابا ماما، انا خايفة.. ديما بدأت تقوم و اتكعبلت وقعت على الارض.. ديما(بدموع): يا رب...
ديما بدأت تقوم و هي سانده على الحيطة و بدأت تبص حواليها و هي بتأخد نفسها بسرعة.. ديما لقت باب حديدي و شباك صغير محطوط عليه حديده و كان الوقت النهار لسة بيطلع... ديما(و هي بتخبط على الباب): لو سمحت في حد هنا؟ ديما: في حد هنا، بليز ردوا عليا.. ديما(بصوت عالي): في حد هنا؟ردوا.. لقت شخص بيخبط جامد على الباب رجعت لورا.. شخص: ما تخرسي شوية.. ديما(بدموع): بليز طلعني من هنا، انا خايفة.. شخص: ما تولعي بجاز..
ديما: طب افتح الباب طيب.. شخص: لا و روحي اقعدي بعيد عن الباب.. شخص(بزعيق): انجزي.. ديما مشيت بسرعة بعيد عن الباب و هي بتعيط و قعدت في ركن الاوضة و ضمت رجليها و بتعيط.. ديما(بعياط): بابا ارجوك انا محتجاك، جاسر ارجوك الحقني، اي حد يلحقني و النبي، انا محتجاكوا..
-في الصباح الباكر... حسن: عملتوا ايه؟ حازم: معرفش معرفش.. دعاء: بابا هو احنا ممكن مش نلاقيها.. على: اهدوا يا بنات هي هتبقي بخير.. دنيا: قسما بربي يا سارة لو انتي اللي وراها مش هيكفيني عمرك كله فاهمة... سارة: انا عملت ايه؟شايف يا ابوي بتقول ايه؟ ايمن: اعذريها هي خايفة على صاحبتها.. جاسر: خلاص خلاص... خالد: حد عرف حاجة؟ حسن: انت كنت فين؟ خالد: كنت بدور عليها.. حازم: هو احنا هنفضل كدة قاعدين و بنتكلم بس...
جاسر: يبقي نفتش كل البيوت... على: ماشي... جاسر: يلا يا خالد يلا يا حازم... و بدأوا يدخلوا يفتشوا البيوت تحت استغراب كل الناس... جاسر: افتح.. شخص: يا بيه عندنا ستات.. جاسر: خليهم يستروا نفسهم الاول.. شخص: حاضر يا بيه.. شخص: اتفضل.. جاسر بدأ يدخل يفتش البيت و ملقاش حاجة.. جاسر: تمام شكرا.. شخص: هو حضرتك بدور على ايه؟ جاسر: مفيش.. جاسر خرج هو يعتبر لف على كل البيوت...
جاسر راح لمكان هادئ عبارة عن اشجار و نهر و نسمات هواء، جاسر قعد و سند على شجرة قاعد بيفكر... و بعدين جاسر طلع تليفون ديما اول ما فتحه لقي صورتها خلفية للموبايل، و حاول يفتحه خمن كلمة الباسورد، و دخل على الصور اللي على تليفونها و قعد يتفرج على صورها و صورها هي و هو.. جاسر(خد نفس عميق): يا رب... و بعدين لقي ايد على كتفه.. جاسر: محمد! محمد: تسمحلي اقعد يا ابيه؟ جاسر: اتفضل..
محمد: انا شوفت الست ديما مع بنت و بعدين البنت سابتها و مشيت، و الست ديما راحت على الجنينة الخلفية على ما اعتقد... جاسر(بصدمة): الكلام ده امبارح متأكد؟ محمد: اه.. جاسر: تعرف شكل الست؟ محمد: يعني.. محمد: انا كنت داخل اشوف الحاجة فتحية لو عايزة حاجة... جاسر: قوم معايا.. جاسر خد محمد و رجع على البيت بسرعة.. خالد: لقيت حاجة؟ جاسر: يا حاج يا حاج.. حسن: لقيتوها..
جاسر: محمد بيقول انه شاف في واحدة ست كانت واقفة مع ديما قبل ما تروح الجنينة الخلفية، ممكن تكون دي مشتركة في خطفها.. حسن: متأكد من الكلام ده يا محمد؟ محمد: اه يا حاج، كانت واقفة بتتكلم مع بنت يعتبر قدها و بعدين البنت سابتها و مشيت و الست ديما راحت للجنينة... على: طب و ده معناه ايه؟ خالد: لازم محمد يتعرف على البنت دي.. فتحية: بس ده ضد التقاليد يا حاج...
دنيا: مش مهم المهم نلاقي ديما، عمو و طنط اتصلوا عليا و انا كدبت عليهم و قولتلهم نايمة، مش هفضل اكدب انا.. فيروز: اهدي بس يا دنيا.. حسن: اعمل اللي تشوفه يا جاسر.. حسن: تعالي معايا يا على انت و ايمن.. خالد: هتعمل ايه؟ جاسر: تعالي يا محمد.. و خدوا محمد و بدأوا يخلوه يشوفوا البنات و هو ملقاش البنت اللي كانت واققة مع ديما..
عند ديما... ديما(بعياط): يا رب ارجوك طلعني من هنا.. و بعدين لقت الباب بيتفتح قامت وقفت بسرعة.. ديما(بعياط): ارجوك متأذنيش انا معملتش ليك حاجة.. شخص: انجزي خدي اكل اهو و متتكلميش كتير.. ديما(بعياط): انا مش عايزة اكل انا عايزة اروح.. شخص: مفيش مرواح، اطفحي.. ديما زقت الراجل ده و طلعت تجري و لسة هتخرج من الباب لقت شخص قدامها.. ديما(بعياط): ارجوك خرجني من هنا...
شخص2: ليه يا شاطرة لتكوني خايفة؟ليه كدة يا جعفر مخوف البنوتة منك ليه؟ جعفر: دي بت مدلعة.. ديما: طب انا معملتش ليك حاجة وحشة ارجوك سيبني امشي.. شخص2: تصدق صعبت عليا يا جعفر... ديما(بزعيق): انت ليه مش بتفهم ما تسيبني بقي انا عملت ليك ايه؟ الشخص ده قرب منها و مسكها من دقنها جامد.. الشخص(بحدة): صوتك ميعلاش هنا، فاهمة؟ ديما(بدموع): حاضر بس سيبني امشي.. الشخص زق ديما وقعها على الارض..
ديما(بوجع): آآآه، انت غبي ايدي اتعورت.. الشخص نزل لمستواها و قرب وشه من ديما و ديما خافت فرجعت لورا شوية... الشخص: تتجوزيني و تطلقي من جاسر؟ الشخص: و ساعتها هطلعك من هنا و هعيشك في قصر... ديما: لو فيها موتي مش هتجوز شخص مريض زيك، مستحيل اطلق من جوزي علشان شخص تاني ميستاهلش.. الشخص ده مسك ديما من شعرها و مسح بيها كل ارضية المخزن تحت صراخ ديما و خوف جعفر من غضب الشخص ده...
الشخص(بغضب): و انا هوريكي الشخص اللي ميستاهلش هيعمل فيكي ايه، بس الصبر يا حلوة الصبر.. الشخص مشي بكل غضب، و جعفر سابها و قفل الباب.. ديما(بصريخ): يا رب.. ديما قعدت تعيط و ايديها بتنزل دم لما الشخص ده وقعها على الارض كان في ازاز مكسور...
-في مكان تاني.. الشخص المجهول وصل لبيته... اول ما دخل لقي والده في وشه، و ضربه قلم على وشه.. الشخص المجهول: بتضربني انا؟ والده: انت ازاي يا زبالة انت تخطف مرات جاسر من بيتها؟ الشخص: هأخد حقي منه.. والده: انت مجنون؟ما صدقنا الشيخ مرزوق تدخل في الموضوع علشان نخلص من موضوع الطار الثأر.. الشخص: و دم اخويا ده ايه؟دمه رخيص اوي كدة.. والده: ليه مش عايز تفهم ان باللي انت بتعمله هتتفتح سلسلة دم تاني، انت غبي؟
الشخص: لا برضو لا، و هأخد طار ثأر اخويا اضعاف اضعاف من ابن القاضي، من مراته و من عائلته كلها.. الشخص ده ساب والده و طلع على اوضته.. والده: يا رب اهديه..
-في مكان تاني... خالد: هنعمل ايه؟ حازم: اختفت يعني.. خالد: انا اول مرة اكون خايف كدة.. حازم: يا رب كون كن معاها.. محمد: يا ابيه اهي هي دي البت... جاسر قام بسرعة من مكانه و راح نايحة ما محمد شاور، و مسك دراع البنت.. البنت(بخوف): انت مين شال ايدك ميصحش كدة.. جاسر: انتي اللي كنتي بتتكلمي مع ديما امبارح في فرح سعاد؟ جاسر(بحدة): انطقي.. البنت: و الله لو ما شلتش ايدك لاصوت و اصرخ و الم عليك الناس، ابعد عني..
خالد: سؤال و تجاوبي عليه انتي شوفتي ديما امبارح؟ البنت: ايه مين دي ايه؟ حازم: ديما اسمها ديما.. البنت: لا معرفش، مين دي؟ محمد: مش انتي وقفتي امبارح مع الست ديما و خدتيها جمب المطبخ و كلمتيها و سيبتيها و مشيتي.. البنت(بخوف): لا انا معرفش مين اللي اسمها ديما دي.. جاسر: خلاص روحي.. خالد: بس.. جاسر(بزعيق): روحي.. البنت مشيت بسرعة.. خالد: ايه اللي انت عملته ده؟
جاسر: محمد اخبار البنت دي تبقي عندي دي شغلتك انت فاهم؟ محمد: حاضر، عن اذنك.. محمد مشي ورا البنت، و جاسر رجع لقعدته.. حازم: ما تفهمنا.. جاسر: دلوقتي البنت دي شكلها بتكدب و اكيد هتقابل اللي مشتركة معاه في الخطف و ساعتها محمد هيكون وراها فهنعرف مين... خالد: طيب.. حازم: و احنا في الفترة دي هنعمل ايه؟ جاسر: معرفش.. و بعد فترة رجعوا للبيت.. جملات: ها يا خالد مفيش اخبار؟ خالد: لا يا اما امي..
فتحية: ربنا يصبرنا و يصبرك يا بنتي.. اسماء: طب هي كلت و لا لا؟و لا عاملة ايه؟ دنيا: و انا مش محتجاكوا انا هدور عليها.. دنيا كانت لسة هتمشي بس خالد مسكها جامد.. دنيا(بصريخ): ابعد عني.. خالد: هششششششش، هي هتبقي بخير هي اكيد بخير متقلقيش... دنيا(بعياط): بس دي اختي و انا حاسة بيها، زمانها بتعيط دلوقتي زمانها خايفة و بترتعش... خالد: هي كويسة متخافيش.. دنيا(بعياط): توعدني انك هترجعها؟ خالد: اوعدك..
دعاء(بدموع): توعدونا كلنا؟ جاسر و خالد و حازم: وعد.. فتحية: طب تعالوا كلوا علشان تعرفوا تدوروا عليها.. عبير: اه و الله انا جعانة اوي، يلا يا سارة.. عبير و سارة راحوا على السفرة و بدأوا يأكلوا.. جاسر: انا طالع اغير هدومي.. جاسر طلع غير هدومه لبنطلون جينز و تي شيرت ابيض و جاكت اسود و كوتشي ابيض و بعدين جاسر نزل و الكل قاعد بيفكر في المشكلة دي...
عند ديما.. ديما بتحاول تقف بس دايخة و مش قادرة تقف، و بعد فترة وقفت و سندت على الحيطة و بدأت تمشي براحة، بس فجأة وقعت و اغمي عليها.. و بعد فترة جعفر دخل لقاها مرمية على الارض.. جعفر: يا نهار اسود.. جعفر: انتي يا بت فوقي، انتي يا بت.. جعفر: اعمل ايه انا دلوقتي؟ جعفر: لو قلت للباشا هيزعق و احتمال يطردني، انا هسيبها كمان شوية... جعفر خرج و قفل الباب تاني.. و ديما فضل مغمي عليها...
عند جاسر... كان الوقت في حدود الساعة 3 الفجر، و الكل شبه نايم... و جاسر كان قاعد على الكنبة و مرجع رأسه لورا... و بعدين تليفونه رن، الخط اتفتح.. جاسر(بلهفة): عرفت حاجة؟ محمد: هي خارجة اهي من بيتها يا ابيه.. جاسر: خليك وراها يا محمد، و اول ما توصل اتصل بيا قولي المكان.. محمد: حاضر يا ابيه.. و بعدين جاسر لقي سارة بتدخل الاوضة.. جاسر: عايزة ايه؟ مش فاضي يا سارة... سارة: مالك يا حبيبي شاغل نفسك بيها ليه؟
جاسر: لان عمي موصيني عليها قبل ما يمشي و قالي دي امانة و انا مطلعتش قد الامانة، و في الاول و الاخر هي مراتي و بنت عمي يا سارة.. سارة: ما تولع يا جاسر.. جاسر(بحدة): سارة ارجعي لاوضتك.. سارة(لنفسها): اهدي يا سارة... سارة: يا حبيبي اسفة بس انا بغير عليك... جاسر: ماشي يا سارة امشي دلوقتي، يلا.. سارة سابته و مشيت بغضب، و بعد شوية.. محمد اتصل عليه، الخط اتفتح.. محمد: المكان()... جاسر: ماشي انا جايلك..
جاسر خد الجاكت بتاعه و لبسه و نزل ركب عربيته و راح لمكان محمد.. جاسر: فين؟ محمد(بهمس): اهم يا ابيه... جاسر(بصدمة): معتمد! جاسر اتصل بخالد، الخط اتفتح... جاسر: خالد تعالي انت و حازم على().. خالد: لقيت حاجة؟ جاسر: اه تعالي.. خالد لبس هدومه بسرعة و نزل لحازم و قاله و خرجوا الاتنين و ركبوا عربيتهم و راحوا لجاسر... خالد: في ايه؟ جاسر(بهمس): هششششششش، اخرسوا.. حازم(بهمس): في ايه؟ جاسر(بهمس): بصوا..
خالد(بصدمة): ده معتمد؟ جاسر(بهمس): اه، و اهي البت اللي قابلناها الصبح.. حازم(بهمس): طب هو بيكلم مين؟ جاسر(بهمس): معرفش.. محمد(بهمس): البت بتمشي اهي... الكل استني لما البنت مشيت، و راحوا بسرعة على معتمد... معتمد(بخوف): جاسر بيه؟ جاسر(بغضب): ايوه جاسر بيه يا كلب... جاسر نزل في معتمد ضرب شوه ليه وشه.. خالد: خلاص خلاص يا جاسر.. خالد: فين ديما؟ معتمد(بدموع و خوف): ديما ديما مين يا بيه؟
جاسر: هتستعبط ياض انت، ما تنجز اتكلم متخلنيش و ربي اعمل فيك حاجة مش هتعجبك... معتمد: معرفش حاجه يا بيه... حازم: ياض انت معندكش اخوات بنات و لا حتى امك مش بتحس على دمك.. جاسر(بعصبية): ما تتكلم.. معتمد(بدموع و خوف): تدوني الامان؟ خالد: انجز.. معتمد: هتودني الامان من عامر بيه.. جاسر(بعصبية): يعني الكلب ده هو اللي عاملها و ربي لاربيه، انجز انطق فين ديما؟ معتمد: انا معرفش انا هتصل بحد يعرف.. خالد: طب انجز...
معتمد طلع تليفونه و هو خايف، الخط اتفتح.. معتمد: الو يا جعفر.. جعفر: ايه يا معتمد عايز ايه؟ معتمد: كنت عايز اعرف مكان البت فين؟ جعفر: عامر بيه قالي مقولش لاي حد خالص.. معتمد(بخوف من جاسر): طب ده انا و انت كنا هنستمتع منها.. جاسر اتعصب و كان هيضربه بس حازم و خالد مسكوه... معتمد: ها ايه رأيك؟البت جميلة و مصراوية يعني هدلعنا.. جعفر: اصل اصل... معتمد: ايه؟
جعفر: دخلتلها النهاردة الاكل رفضت تأكل و دخل عامر بيه زقها على الارض و مسح بيها بلاط المخزن كله، و من شوية دخلت عليها لقيتها مرمية على الارض و تقربيا النفس مقطوع... جاسر و خالد و حازم و محمد كانوا مصدومين من اللي بيسمعوه و خايفين على ديما... معتمد: خلاص خلاص قولي انت فين و انا هاجي و نحاول نشوف البنت مالها علشان عامر بيه.. جعفر: ماشي في مخزن().. معتمد: تمام جايلك... جاسر(بعصبية): هاتوه..
جاسر اول واحد ركب عربيته و طلع على مكان المخزن، و خالد و حازم و محمد خدوا معتمد و ركبوا العربية و طلعوا ورا جاسر...
عند ديما... جعفر لقي في رجالة جاية عليه.. جعفر(بخوف): انتوا مين؟ شخص: احنا حراس عامر بيه بعتنا نحرس معاك.. جعفر: ماشي ماشي... شخص: مالك مرتبك ليه؟ جعفر: مفيش حاجة... جاسر اول واحد وصل و لقي رجالة كتيرة بالنسبة انه لوحده... شخص: مين ده؟ جعفر: انت مين يا ا... جعفر لسة هيتكلم بس اول ما لقي جاسر اتصدم.. جاسر(بغضب): انا اللي هأخد روحك..
جاسر مسكه من رقبته و كان بيخنقه، و تدخلوا الرجالة التانية بدأوا يضربوا جاسر، بس خالد و محمد و حازم وصلوا، و بدأ الكل يتعامل و يضرب بعضه... معتمد(لنفسه): انا مش هقعد زي الستات انا كدة.. معتمد(لنفسه): انا خنت الامانة.. معتمد نزل و بدأ يضرب مع صف جاسر، و بعدين جعفر مسك بندقيته و ضرب طلقة... حازم(بوجع): آآآآآآآآآآآآآه... خالد: حازم حازم انت كويس؟ حازم: واحد واخد طلقة هيبقي كويس انت غبي..
محمد: لازم يتنقل المستشفي.. جاسر: انقلوه انتوا و انا هجيب ديما و اجي... جاسر ضرب جعفر بكل غضب... خالد و معتمد و محمد خدوا حازم و نقلوه المستشفي، و اتصلوا بالعائلة و الكل راح للمستشفي.. عند جاسر... جاسر حاول يفتح الباب بس لقاه مقفول بقفل، دور في جيب جعفر و طلع المفاتيح و بدأ يجرب المفاتيح لغاية ما فتح الباب... و جاسر اول ما دخل لقي ديما مرمية على الارض شعرها على الارض ايديها مفرودة و باين الدم منها..
جاسر قرب منها و نزل لمستواها و شال شعرها من على وشها لقي وشها اصفر و شفايفها بيضة وشها متعب اوي، تحسس النبض عندها لقي النبض ضعيف جدا... جاسر كان حزين على حالها و انها كدة بسببه هو.. جاسر شالها بين ايديه و خرج من المخزن و ركبها في عربيته، و راح للمستشفي... في المستشفي... فتحية: هو حصل ايه؟ حسن: اتكلم يا خالد.. خالد حكي كل اللي حصل و الكل مصدوم... اسماء(بفرحة): يعني لقيتوا ديما؟
خالد: لسة منعرفش جاسر قال هيجبها، و اهو حازم متصاب في دراعه و معتمد وشه متخرشم... دنيا: في جرح في ايدك و في رأسك.. خالد بصلها، و الكل بص لبعضه.. على: خلاص المهم دلوقتي نطمن على الكل.. ايمن: يا رب يلاقي ديما.. سارة(لنفسها): يا رب لا.. دعاء: يا رب.. فيروز: جاسر اهو... الكل بص ناحية ما فيروز بتشاور، لقوا جاسر داخل شايل ديما و جاي بسرعة... جاسر(بعصبية): دكتور انجزوا... ممرض: اتفضل معايا...
الكل راح ناحية جاسر، لقوا وش ديما شاحب جدا.. جملات: يا عيني عليكي يا بنتي.. دنيا: ديما ردي عليا... جاسر سابهم و راح مع الممرض و هو شايل ديما و الكل قلقان عليها، و دخلوها اوضة الطوارئ.. بعد فترة الدكتور كشف على ديما و علق ليها على محاليل و طهر الجرح اللي في ايديها... حسن: طمنا يا دكتور.. الدكتور: البنت دي لو مكنتوش لحقتوها في الوقت المناسب كانت زمانها ماتت.. خالد: حصلها ايه يعني؟
الدكتور: ايديها اتجرحت و خسرت دم كتير و كمان مكنتش كلت و معدتها فاضية خالص كان الامر مجهد اوي عليها بالاضافة انها ضعيفة يعني كل حاجة جت مع بعضها و النبض ابتدئ يبطئ، لولا الوقت اللي هي جت فيه لولا مكناش قدرنا ننقذها، و هي هتفوق بعد دقايق... جاسر: شكرا يا دكتور.. دنيا: ينفع ندخل نشوفها... الدكتور: تمام بس حبة حبة، يعني انتوا عددكوا كبير النفس و كدة.. جاسر: حازم عامل ايه؟ خالد: تمام..
دعاء: شكرا انكوا رجعتوا ديما.. دنيا: شكرا... فيروز: شكرا.. حسن: خشوا اطمنوا عليها و انت يا خالد روح شوف المصاريف و هيخرجوا امتي... خالد: حاضر يا حاج... فتحية: هنخش احنا نشوفها.. اسماء: تعالي يا عبير يلا.. عبير(بغضب مكتوم): ماشي.. و فتحية و جملات و اسماء و عبير دخلوا لديما.. فتحية قربت من سرير ديما و قعدت تملس على شعرها و تقرأ قرآن...
ديما كانت بتبدأ تفوق و فتحت عنيها ببطء لقت نفسها في مكان غير المخزن و لقت جمبها فتحية و اسماء و عبير و جملات... ديما: انا فين؟ اسماء: فوقتي يا حبيبتي؟ ديما: لا لسة.. جملات: حمد لله بالسلامة عليكي يا حبيبتي.. ديما: حصل ايه؟ فتحية(بدموع): رجعتي لينا تاني يا حبيبتي.. ديما: حضرتك بتعيطي ليه؟ فتحية(بدموع): كنت خايفة عليكي اوي.. ديما: انا بخير يا طنط متقلقيش... الباب خبط... جملات: ادخل...
و بعدين الكل دخل(مبيلتزموش بكلام الدكتور؟)... دنيا(بدموع): ديما وحشتيني.. دنيا جريت على ديما حضنتها.. ديما(بوجع): آآآه يا غبية.. دنيا(بدموع): اسفة اسفة و الله وحشتيني اوي.. ديما: اه واضح كنتي هتفطسيني.. دعاء(بدموع): حمد لله بالسلامة... ديما: الله يسلمك، في ايه يا جماعة كلكوا بتعيطوا ليه ما انا خلاص الحمد لله رجعت.. فيروز: كنا قلقانين عليكي اوي... حسن: حمد لله بالسلامة يا بنت الغالي..
ديما: الله يسلمك يا عمو.. على: الف سلامة عليكي... ديما: الله يسلمكوا... ايمن: كدة تقلقينا عليكي؟ ديما: حاضر اوعدك المرة الجاية قبل ما اتخطف اقول للي خاطفني استني بس هروح اقولهم اني هتخطف و اجي تاني.. جملات: يا لمضة... ديما(بعصبية خفيفة): و اساسا سبب اني اتخطف الزفت اللي واقف هناك ده... جاسر(برفعة حاجب): انا؟! ديما: لا بكلم الحيطة، هيكون مين يعني؟ فتحية: ديما اتكلمي عدل...
جاسر: و يا تري بقي انا عملت ايه يا هانم؟ ديما: الاقي بنت تيجي تقولي جاسر بيه عايز حضرتك في الجنينة الخلفية اقوم اروح انا الجنينة الخلفية و افضل انادي عليك و لسة همشي الاقي اللي بيكتم نفسي و يشممني حاجة و بعدها محستش باي حاجة.. سارة: و انتي لو محترمة مكنتيش هتروحي.. ديما: و ليه متحسبهاش العكس، اني علشان محترمة روحت كلمت جوزي.. خالد(بلهفة): ديما حبيبتي انتي بخير؟ خالد قرب من ديما و حضنها...
دنيا: و اشمعنا ده يحضنك يعني؟ ديما: بتغيري يا بطة.. ديما: انا كويسة.. ديما: هو فين حازم؟ جاسر: في الاوضة اللي جمبك.. ديما: نعم! دعاء: اصله اتصاب برصاصة و هو بينقذك هو و جاسر و خالد... ديما: طب هو كويس؟ خالد: اه يا حبيبتي كويس متقلقيش.. ديما(بدموع): طيب الحمد لله.. جاسر قرب من ديما و حضنها و باس رأسها.. ديما(بدموع): كنت خايفة اوي... و بعدين لقوا حد بيخبط و بيدخل... و الكل بصوله بصدمة... السؤال: مين اللي دخل؟
رواية إمرأة في عصمة صعيدي
