رواية إمرأة في عصمة صعيدي للكاتبة سلسبيل كوبك الفصل الرابع عشر
جاسر(بعصبية): انت غبي ياض انت و لا ايه؟ خالد: ايه هي تلزمك في ايه؟ديما مش زيك و مش هتكون زيك... جاسر: طب بص يا خالد لو انت مش خايف على سمعة عائلتنا فانا خايف عليها و مش هسمح لاي كلب انه يتكلم على عائلتنا بلفظ وحش فاهم... خالد: لا... جاسر: يا ابني انت ليه مش فاهم اني لو طلقت ديما دلوقتي سيريتها هتبقي على كل لسان، و عائلة القاضي هتبقي سمعتها وحشة... خالد: و بالنسبة بقي للي انت عملته؟
جاسر: خلاص يا عم هشوف مين اللي غلطان و هحكم ما بينهم خلاص.. خالد: يعني انت مقتنع بانك غلطان.. جاسر: اه يا ابن عمي.. خالد: ماشي يا جاسر.. خالد لسة هيمشي جاسر مسكه من دراعه.. جاسر: متزعلش يا صاحبي مني.. خالد: طب سيبني يا جاسر.. جاسر: خالد احنا عمرنا ما زعلنا ما بعض مش موقف هيخلينا زعلانين مع بعض.. خالد: هي اختي يا جاسر و مهما كان برضو مش هسمح بأن حد يمد ايده عليها..
جاسر: اومال ايه اللي في وشي ده؟يخرب بيتك ايدك تقيلة... خالد: همشي انا.. جاسر: ماشي، انا هعمل كام حاجة و هرجع بدري.. خالد: تمام... خالد مشي و رجع على البيت، و جاسر كمل شغل.. دعاء: الثانوية متعبة اوي.. ديما: معلش يا سكر، هتعدي.. دنيا: احنا كنا بنلم المنهج قبل الامتحان بيوم.. ديما: اتكلمي عن نفسك يا ماما.. دنيا: اه دحيحة الشلة اهي.. فيروز: اه، بسم الله ما شاء الله عليكي انتي اساسا ذكية..
جملات: يا بنات الفطار يلا يلا.. ديما: هواء.. كل البنات نزلت و ديما دخلت الحمام و خرجت لقت موبايلها بيرن... ديما(بعصبية): الحيوان بيتصل ليه؟و الله ما هرد.. ديما(بعصبية): شخص جبان و حقير بس.. ديما قفلت التليفون... جاسر: ماشي يا ديما... جاسر: انا تقفلي في وشي و مترديش.. ديما نزلت راحت عند الكل... سارة(بشماتة): اخبار خدك ايه؟ ديما: بيسلم عليكي و بيقولك خافي على خدودك يا عُمري... عبير: بنت قليلة الادب بصحيح..
ديما: تسلميلي يا طنط.. فتحية: خلاص يا جماعة... علاء: معلش يا ديما بس انتي غلطتي.. ديما: الصبر يا رب... ديما: لا بص لم نفسك كدة يا بابا علشان انا على آخري منك الصراحة، ايه ده حشري انت و امك و اختك.. عبير: شايفين بتشتمني.. ديما(باستعباط): ايه ده هو انتي امه معلش مكنتش اعرف... دنيا(بهمس): خفي.. خالد دخل و باس رأس ديما... خالد: اسف يا اختي.. ديما: و لا يهمك يا حبيبي.. جملات: تعالي كل.. خالد: تمام..
خااد بدأ يقعد و يأكل، و يبص لدنيا.. دنيا: ما تأخدلي صورة يا ابني.. خالد: الصراحة مش طايقك لولا انك موجودة لولا انه مكنش حصل اللي حصلي في رأسي ده.. دنيا: ما انت اللي غلطان دخلت في العمود.. خالد: ما حضرتك كنتي عايزة تشغلي اغاني و بتقولي بتعرفي يا بيضة... فيروز و دعاء و ديما باصين ليهم باستغراب... فتحية: في ايه يا خالد انت و دنيا؟ خالد: مفيش.. اسماء: طب يلا يلا ده في فرح قريب يلا.. دنياو ديما: فرح مين؟
اسماء: فرح بنت كدة الحاج حسن متكفل بكل مصاريف الفرح.. ديما: الله، حلو ده.. جاسر: احم ازيكوا... سارة: بخير يا ابن عمي.. ديما: عن اذنكوا نفسي اتسدت.. ديما لسة هتمشي.. جاسر: ديما.. ديما كملت طريقها من غير ما تبصله و هي بتحاول تمسك دموعها لانها كل ما تشوفه تفتكر القلم... عبير: قليلة الادب.. دنيا: عايز ايه مش كفاية اللي انت عملته؟ دعاء: و الله يا ابيه ديما معملتش كدة.. فيروز: انت حكمت عليها غلط.. جاسر: خلاص..
فتحية: ايه اللي في ايدك ده؟ جاسر: لا مفيش، عن اذنكوا.. اسماء و جملات و فتحية بصوا لبعض و ضحكوا براحة... علاء: هي مش المفروض تعتذر لسارة.. سارة: انا مسامحة... دنيا: لا و انتي وش كرم اوي جتك مصيبة في شكلك.. دعاء: بتحبي الشر علطول.. عبير: فتحية لمي بنتك... فتحية: بنتي محترمة.. خالد(بحدة): خلاص كله يسكت.. خالد: اللي يخلص اكله يروح يشوف وراه ايه.. دعاء طلعت تذاكر و فيروز قعدت مع دنيا في الجنينة...
سارة طلعت اوضتها و علاء خرج، و عبير راحت تقعد مع ستات تانية بره البيت.. باقي الستات راحت تشتغل و تكلم.. خالد راح اوضة المكتب يشوف الشغل اللي وراه.. عند ديما.. ديما راحة جاية في الاوضة بعصبية.. ديما(بعصبية): اللي هو ايه لما يكلمني انا المفروض انسي بقي، هو فاكر نفسه مين؟ ديما(بعصبية): الحيوان ده حتى معتذرش، ده شخص حقير بس.. الباب خبط... ديما: ادخل..
جاسر دخل و حط الشنط اللي كانت في ايده على الارض او لما دخل... ديما اول ما شافته كانت هتسيبه و تمشي بس جاسر مسك ايديها.. جاسر: و يا تري دلوقتي عايزة تمشي ليه؟ ديما: افندم؟! جاسر: يعني تحت نفسك اتسدت، دلوقتي ايه اللي حصل؟ ديما: اه الاوكسجين قل و اتخنقت، سيب ايدي بقي.. جاسر: ديما ممكن نتكلم بهدوء؟ ديما: لا شكرا مبحبش اتكلم مع حد و خصوصا خصوصا لو رجالة غريبة عني.. جاسر: طب بالنسبة اني جوزك..
ديما(بسخرية): جوزي؟! و نعمة الزوج و الله... ديما: جاسر بعد اذنك سيبني مش قادرة اتكلم.. -جاسر لاحظ ان عنيها ابتدت تدمع، راح خدها في حضنه، ديما قعدت تبعده عنها بس معرفتش لانه كان ماسك فيها جامد لغاية ما فشلت محاولاتها، و قعدت تعيط في حضنه زي الاطفال.. ديما(بعياط): انت ظلمتني و ضربتني، انا مستحيل اسامحك يا جاسر...
ديما(بعياط): انا معملتش حاجة هي اللي زقتني الاول و الله و انا بعديها زقتها، ممكن اكون غلطانة اني زقتها بس انا مبحبش حد يضربني او يعملي حاجة و افضل ساكتة... ديما(بعياط): انت ظالم يا جاسر، انا بكرهك... ديما(بعياط): مستحيل اسامحك سامع مستحيل، انا مش ملاك علشان اسامحك انا بكرهك، اللي يجي عليا و يهيني قدام الناس ميستحقش اني اثق فيه... جاسر(بهمس جمب ودانها): آسف، و الله العظيم كانت لحظة غضب، آسف سامحيني..
ديما بعدت عن جاسر و زقته و نزلت جري على تحت.. جاسر: يا رب... ديما نزلت بسرعة و هي بتمسح دموعها و خرجت للجنينة.. دنيا: بسبس بسبس.. ديما: ايه بتنادي على قطة؟ فيروز: مالك يا ديما انفك محمر؟ ديما: عادي.. دنيا: لا مش عادي عملك ايه الواد ده؟ ديما: مفيش حاجة.. فيروز: احكي يا ديما.. ديما: و الله ما عمل حاجة الله.. دعاء: يا بنات تعالوا ماما عايزانا... دنيا: جايين..
الكل قام، و ديما كانت لسة هتقوم و هتروح معاهم، بس راحت للاسطبل.. ديما دخلت ملقتش حد و دورت بعينيها على الخيول اللي موجودة هنا، لغاية ما لقت رعد.. ديما قربت منها و حطت ايديها عليه بتردد.. ديما: بص اينعم انا مجنونة و لما بكون مضايقة بروح اتكلم مع اي حاجة مرة اتكلمت مع صخرة ممكن اتكلم مع البحر ممكن اتكلم مع قلم اي حاجة، بس اول مرة اجي اتكلم مع خيل لاني اساااسا بخاف اقرب من الخيول، بس حبيتك اوي..
ديما: هتكلم معاك كأصحاب ماشي.. ديما: الزفت جاسر ده مضايقني، ايوه هو غلط اينعم جه اعتذر بس برضو غلط... ديما: الاعتذار مش كفاية، ربنا عالم انها هي اللي جت شاكلتني الاول قعدت تقول انتي مكانك في الزبالة و زقتني و انا بانفعال زقتها.. ديما: هو جه في اللحظة دي كان لازم ميغضبش علطول و يفهم ايه اللي حصل.. ديما: اينعم غلطت برضو لما قولت ربنا يأخدها و ارتاح منها، بس برضو كنت غضبانة الله..
ديما: بس انا مستحيل اعتذر للي اسمها سارة دي، دي رزلة لا و اخوها الزفت علاء اللي كل ما يشوفني يوقفني و يفضل يرزل عليا.. ديما: ده حتى مجاش ورايا اعتذراه مش حقيقي ده بس بيريح ضميره... جاسر: يرضيكي تظلميني.. ديما اتخضت منه و من صوته و مرضيتش تلف، و بعديها حست بحد وراه و حاسة بانفاسه جمبها.. ديما(بتوتر): ابعد.. جاسر: اسف.. ديما: تمام ابعد بقي.. جاسر: اقبلي اعتذاري.. ديما بصتله و عيونها مدمعة و هو زعل..
جاسر: لا و النبي بلاش الدموع دي... محمد: جاسر بيه انت هنا؟ جاسر: اه يا محمد روح انت دلوقتي.. محمد: حاضر.. ديما: عن اذنك.. جاسر: ابدا، يعني يرضيكي تشتكيني لرعد اهو رعد عايز يصالحك، موافقة؟ ديما ابتسمت بخفوت و بصت في الارض، جاسر مسك ايديها و طلع رعد من مكانه.. جاسر(بابتسامة): تسمحي؟ ديما: ما انت طلعت رومانسي الله، ايه ده؟ جاسر: طب يلا بقي..
ديما مسكت في ايد جاسر و جاسر قعدها على الخيل و مسك اللجام و ماشي بيها.. ديما: لا لا بليز لا يا جاسر علشان خاطري.. جاسر: اهدي و اثقي فيا.. جاسر مشي بديما في الجنينة.. ديما(بضحك): جيب دعاء و فيروز خليهم يجوا.. جاسر: تهاني نادي دعاء و فيروز.. تهاني: حاضر يا بيه.. تهاني راحت عند الستات... فتحية: هي ديما مجتش ليه؟ سارة: ما عنها ما جت.. تهاني: ست دعاء و ست فيروز جاسر بيه عايزكوا.. دعاء: طيب.. اسماء: شوفتي ديما؟
تهاني: مع جاسر بيه مركبها على رعد.. فيروز(بفرحة): الله، اتصالحوا.. الكل خرج بره ما عدا سارة و عبير كانوا بيشوفوا من مكان تاني.. فيروز: نادتونا.. دنيا: ركبوني و النبي... دعاء: يلا يا ابيه و النبي.. ديما: استنوا هنزل.. فتحية: حاسبي.. ديما كانت هتنط من على الحصان بس جاسر مسكها بسرعة و كانت رجل ديما مش لامسة الارض و جاسر ماسكها من خصرها و وشهم ف وش في بعض.. جاسر: مش كنتي تقوليلي؟ ديما(باحراج): نزلني..
جاسر وقف ديما على الارض... دنيا: خلصوا بقي ركبوني.. جاسر: محمد جيب الكرسي.. دنيا طلعت على الخيل و بدأت تمشي لوحدها لانها كملت تدريب... ديما(بصوت عالي): دنيا دنيا.. دنيا: طبعا يا بنتي.. خالد: في ايه هنا؟ -خالد ركز مع دنيا اللي بتجري بالخيل و شعرها طاير من حواليها و رجليها البيضة الباينة.. خالد(بحدة): ايه إلى بيحصل؟ فيروز: بنركب على حصان جاسر.. خالد: و ايه اللي دنيا لابساه ده؟
دعاء: ما هي كانت قاعدة كدة على الفطار... جملات: سيبها يا خالد مالك... خالد: انا مالي فعلا.. خااد قعد و هو على اعصابه، و فتحية و جملات و اسماء مبسوطين بعيالهم... سارة(بغيظ): شايفة يا ماما.. عبير: سيبك منهم دول ناس هبل.. جاسر: يلا يا دعاء.. دعاء ركبت على الخيل و بعدها فيروز و الكل قاعد عمال يضحك و يهزر... جاسر: حد عايز تاني؟ما هي بقت عادي بقي.. جاسر: ده كله علشان خاطر ديما هانم.. جاسر: خدي يا ستي..
ديما(بفرحة)الله مارشيملو، شكرا.. و اليوم عدي من غير اي مشاكل و الكل كان مبسوط...
-في الصباح الباكر... جاسر: ديما ديما قومي.. ديما: امممممم.. جاسر: قومي يلا نسيتي اللي عليكي.. ديما كانت نايمة على بطنها و مش عايزة تقوم.. جاسر: يا بنتي هتتأخري.. ديما: اوف حاضر.. ديما قامت و دخلت غيرت هدومها.. ديما لبست فستان باللون الاصفر بحمالة عريضة و قصير لغاية الركبة و كوتشي ابيض و سيبت شعرها ديما نزلت لقت الكل قاعد على السفرة... فتحية: ديما زي ما اتفقنا نركز النهاردة..
دنيا: طالما كلفتيها بحاجة يبقي مش هتخذلك.. اسماء: الحاج حسن عايز كل حاجة تبقي على اكمل وجه.. جاسر: لو عوزتوا حاجة ابعتوا محمد ليا او لخالد... جملات: تسلم يا ابني... جاسر: و لو محتاجين فلوس قولوا.. تهاني: جاسر بيه في شخص بره.. جاسر: مين؟ تهاني: معرفش.. خالد: كل الستات تطلع على فوق.. الكل وقف يراقب من بعيد.. جاسر: مين؟ شخص: بيت حسن القاضي؟ خالد: اه انجز عايز ايه؟و مين انت؟ جاسر: انت مين؟ شخص(بمرح): انا راجل..
جاسر: ب بنطلونك المقطع ده معتقدش.. شخص: اممممم كدة هتزعلني منك.. جاسر(بحدة): انت مين ياض؟ شخص: جاي لحبيبتي.. دنيا: مين الشخص الشيك ده؟ ديما: معرفش بس ايه الشياكة اللي هو فيها ده؟ دعاء: ده لابس بنطلون مقطع.. ديما: دي الموضة.. جاسر(بزعيق): حبيبتك مين دي يا روح اهلك؟ خالد: انت اهبل ياض.. شخص: طب ما تهدوا عليا بس.. شخص زق جاسر و خالد و دخل.. شخص(بصوت عالي): بسكوتي.. ديما(بفرحة): ده حازم..
ديما جريت بسرعة و حضنت حازم و الشخص ده لف بيها كتير، تحت انظار الكل..
رواية إمرأة في عصمة صعيدي للكاتبة سلسبيل كوبك الفصل الخامس عشر
حازم: ازيك يا اوزعة.. جاسر: لا ثانية بس كدة... جاسر زق ديما بعيد عن حازم و ضرب حازم بوكس في وشه.. دنيا(بصوت عالي): انت مجنون؟ خالد: انتوا اللي مجانين.. ديما: انت عملت ايه انت غبي.. حازم: مين ده يا ديما؟ ديما(بتوتر): مش دلوقتي بعدين، انت المهم كويس.. جاسر: و النبي، ما تقوليله انا مين يا هانم.. ديما بصت لحازم بتوتر و نقلت نظرها بين جاسر و خالد و حازم و دنيا.. حازم: انطقي يا ديما.. جاسر: انا ابقي جوزها..
حازم(بصدمة): نعم، انتي اتجوزتي امتي و ازاي و فين و ليه؟ دنيا: اهدي يا حازم و احنا هنفهمك.. خالد: و مين قال انه الزفت حازم ده عدي 15 سنة.. حازم طلع سلسلة لديما و ديما اول ما شافتها ضحكت.. ديما: لا هو هو، ده حازم.. دنيا: انت لسة شايل السلسلة دي.. جاسر: المفروض يعني اعمل معاك ايه يعني؟ حازم: في ايه يا ابني انا اخو مراتك... جملات: خلاص يا جاسر.. فتحية: شرفت يا ابني.. حازم: تسلمي يا طنط... عبير(بسخرية): طنط..
حازم(بهمس): مين دي؟ جاسر قرب من حازم و ديما و مسك ديما و وقفها جمبه.. جاسر(بابتسامة برود): معلش راجل صعيدي بقي... دنيا: انت ايه اللي جابك دلوقتي؟ ديما: و فين خطيبتك؟ دنيا: انت قولت انك هترجع بعد شهر و نص.. ديما: هو انت اتخانقت مع تالين و لا ايه؟ حازم: بس بس، اللي جابني اني خلصت شغلي و خدت اجازة بدري، و تالين مجتش لانها مش عايزة تنزل مصر.. خالد: طيب، نورت مش هتمشي بقي.. دعاء ضحكت بصوت ملفت غصب عنها...
جاسر(بحدة): دعاء.. دعاء: اسفة.. اسماء: يا خالد عيب ده مهما كان اخو اختك هو اللي رباها... حازم: شكرا يا طنط، ايدك تقيلة يا غبي.. جاسر: بتقول حاجة؟ حازم: لا لا.. دنيا(بهمس): مش ملاحظة حاجة؟ ديما(بهمس): ايه؟ دنيا(بهمس): ج ح خ.. ديما(بهمس): مفهمتش.. دنيا(بهمس): جاسر حازم خالد، حروف ال ج و ال ح و ال خ... ديما(بهمس): اه فهمت، تصدقي انك تافهة.. فيروز: طيب نسيتوا اننا ورانا حاجات كتير و لا ايه؟
فتحية: اه و الله، جاسر خد اخو مراتك و ضايفه.. حازم: لا اي حد تاني مش ده.. ديما: استني تعالي معايا.. جاسر مسك ديما من كتفها و داس عليه جامد.. جاسر: عن اذنكوا عايز مراتي، خالد روح معاه.. جاسر مسك ديما و طلع على اوضته.. خالد: امشي قدامي.. حازم: في ايه يا دنيا ايه المعاملة الناشفة دي، ده انا ارجع سويسرا... دعاء(بصدمة): انت كنت في سويسرا.. حازم(بمرح): اه يا جميل.. خالد(بزعيق): ما تحترم نفسك ياض انت، قدامي..
جملات(بهمس): خالد و جاسر مش هيعدوها بخير.. فتحية(بهمس): ربنا يستر... خالد خد حازم معاه على اوضة الضيوف.. عند ديما و جاسر.. جاسر: حلو اوي الحضن اللي كان تحت ده.. ديما: اوف يا جاسر ده اخويا.. جاسر(بحدة): اسمعيني.. جاسر: مبدأيا اللي حصل لو اتكرر هندمك و اندمه يا ديما، ثانيا الكلام معاه بحدود و تقعدي بعيد عنه بكام متر، و متقوليش كلمة اخويا دي تاني.. ديما: انت رزل بس كدة..
جاسر: قولت اللي عندي عايز اشوف خلاف كدة... جاسر سابها و مشي، و ديما قعدت تدبدب في الارض.. ديما: رزل متملك... ديما نزلت وراه... حازم: ممكن سؤال؟ خالد: لا.. حازم: في ايه يا ابني انا قتلك قتيل.. خالد: دي اوضتك و هنا صعايدة يعني الكلام مع الستات بحساب و يستحسن متتكلمش خالص... حازم: استني هنا فين دنيا و ديما؟ خالد: ملكش دعوة بيهم.. حازم: يا ابني انت مجنون.. خالد: انا قولت اللي عندي.. خالد سابه و مشي...
حازم: ايه المجانين دول؟الصبر.. حازم دخل خد هدوم ليه و خد دوش و خرج لبس بنطلون و تي شيرت... حازم: ممكن اقعد؟ ديما: اه طبعا اتفضل.. جاسر بصلها بنظرة مخيفة و هي وطت رأسها... حازم: اخبارك؟درستي ايه و عملتي ايه و فين محسن و تسنيم و اخبار محمد و اولفت و لسة الواد فارس بيضايقك ده... ديما بصت لدنيا علشان تنقذها من الموقف..
دنيا: عمو و طنط بخير و بابا و ماما بخير، و انا و ديما درسنا ادارة اعمال و فارس ده هو و اهله عزلوا من زمان... حازم: طيب الحمد لله... حازم: و اخبار ال.. حازم لسة هيكمل كلامه بس لقي جاسر رمي الطبق على ترابيزة السفرة بحدة.. جاسر: اعتقد اننا بنأكل و الاكل ليه آدابه، و انت اكتر واحد عارف عايش بره يعني.. دعاء: جاسر كنت عايزة اروح درس مستر بلال... خالد: لا يا دعاء سمعته وحشة..
دعاء: بس ده بيودينا اسئلة بتيجي في الامتحان... جاسر: هو مش قالك سمعته وحشة يبقي خلاص يا دعاء مفيش نقاش.. فتحية: جاسر خد معاك حازم علشان هنا هنبقي كلنا ستات و بنجهز البيت علشان بكرة الفرح... جاسر: ماشي... خالد: طب الحق امشي انا بقي.. جاسر(بحدة): خالد.. و بعدين الكل لقي علاء قدامهم و واقف مش مظبوط.. علاء(بضحك): اهلا يا ابن عمي، اهلا يا ديما... عبير(بصدمة): علاء انت شارب حاجة؟
جاسر قام و وقف قدام علاء و لقاه فعلا سكران.. جاسر ضرب علاء بالقلم على وشه، و علاء خاف منه.. سارة: جاسر انت ازاي تمد ايدك على علاء؟ جاسر: محدش يتدخل.. جاسر مسك علاء من رقبته.. جاسر(بعصبية): انت مش راجل ليه ها رد؟انت ليه مش عايز تبقي راجل زي ابوك الحاج ايمن ما تتعدل ياض و لا هتفضل فاشل زي ما انت.. ديما قامت بسرعة و حاولت تمسك جاسر.. ديما: جاسر اهدي بس.. جاسر(بعصبية): ابعدي يا ديما...
ديما بعدت عنهم و الكل واقف بيتفرج على جاسر و علاء... علاء(بسكر): مراتك هتبقي في حضني قريب، و هيتقال عليك مش راجل.. جاسر نزل ضرب في علاء بكل غل و عنف، و خالد و حازم بيبعدوا جاسر عن علاء بالعافية... حازم: خلاص يا ابني الواد بيموت في ايدك.. جاسر(بعصبية): و ربنا ما انت داخل البيت ده يا علاء طول ما الحاج حسن مش فيه، و لما الحاج حسن يرجع ساعتها يبقي هو يتصرف... جاسر مسك علاء من هدومه و رماه بره البيت..
جاسر(بصوت عالي): لما تبقي راجل تبقي تخش البيت ده، البيت ده مش بيدخله غير رجالة... جاسر قفل الباب في وش علاء.. عبير(بعياط): منك لله يا شيخة منك لله... سارة: انتي ايه يا بت؟كل مشكلة انتي السبب.. ديما: انا عملت ايه؟ فتحية: يا جاسر اللي عملته غلط.. جاسر(بحدة): خالد و انت يا زفت تعالوا ورايا.. حازم(بهمس): زفت ده انا؟ دنيا: اه روح بقي علشان ميعملش من خدودك شاورما... حازم: لا و على ايه؟
جاسر مشي و وراه خالد و حازم... ديما: هو عمل ايه؟ دعاء: مشفتيش عمل ايه يعني؟ سارة: و ربنا ما هسيبك يا ديما.. سارة قلعت شبشبها و قربت على ديما و لسة هتضربها الكل تدخل.. جملات: سيبي الشبشب انتي مجنونة يا بت.. ديما: خليها توريني هتعمل ايه مثلا.. سارة(بعصبية): هأكلك علقة موت علشان تحرمي... دنيا: هي عملت ايه ابعدي عنها... فتحية(بزعيق): بس نزلي الشبشب يا سارة... عبير مسكت سارة و بعدتها عنهم...
فتحية: دي اخرة تربيتك يا عبير واحد سكرانجي و التانية قليلة الرباية، لمي عيالك و ربيهم... فتحية: يلا كل واحد يشوف هيعمل ايه... دعاء و فيروز خدوا دنيا و ديما و طلعوا على فوق.. فتحية: خدي بنتك و عقليها يا عبير.. عبير خدت سارة و طلعوا على اوضتها... اسماء: اووووف ايه ده هم هم... جملات: سارة و ديما مع بعض مشكلة... فتحية: انا شايفة ديما مش غلطانة... اسماء: ايوه بس برضو سارة و عبير مش هيسكتوا دول راضعين شر...
جملات: ربنا يستر... فتحية: يلا نشوف الاكل...
عند جاسر... خالد: طب دلوقتي هنعمل ايه؟انت مقتنع باللي عملته؟ جاسر(بعصبية): انت مش شوفت هو عمل ايه خليه يتربي شوية.. حازم: طب انا قاعد بعمل ايه هنا؟ جاسر(بعصبية): ما تسكت شوية يا عم... خالد: ايه ده شخص حشري؟ حازم: انت اللي قولت خالد انت و الزفت ده تعالوا ورايا.. خالد: كويس انك عارف انك زفت.. حازم(بحدة): انا ساكت من الصبح و محترم اختي ديما و دنيا اكتر من كدة ممكن اقل ادبي و ايدي تطول..
جاسر: هنخاف مثلا.. حازم: في ايه عملتلكوا ايه؟ خالد: مش طايقينك بس.. حازم: هتأخدوا عليا متخافوش.. جاسر: يا ريت تمشي في اسرع وقت...
عند البنات... دنيا: ما تنجزي اتصلي بيه... ديما: لا متعودتش اخد الاذن من حد علشان اخرج.. دعاء: بس ده مش حد يا ديما ده جوزك.. فيروز: ايوه اسمعي الكلام... ديما: لا لا.. الباب خبط... ديما: ادخل.. اسماء: يلا يا بنات، ملبستوش ليه؟ دنيا: احنا لبسنا بس فاضل ديما.. اسماء: طب يلا يا حبيبتي.. ديما: بيقولوا لازم اتصل بجاسر استأذنه و انا متعودتش استأذن من حد انا.. اسماء: لا يا حبيبتي بس ده جوزك اتصلي بيه يلا..
دعاء: هتلاقيها مكسوفة مننا هنمشي احنا يا ستي.. ديما: لا طبعا عادي... فيروز: لا هنستناكي تحت يلا.. دنيا و فيروز و دعاء نزلوا تحت... ديما: اوف لا مش هتصل بيه، طب اتصل بيه... ديما: بصوا هعمل اللي عليا... ديما طلعت تليفونها و اتصلت بجاسر... الخط اتفتح.. جاسر: الو يا ديما.. ديما(بتردد): احم يعني بص.. جاسر: انجزي يا ديما.. ديما(بتردد): بص انا متعودتش على كدة... جاسر(بقلق): في ايه؟
ديما(بسرعة): هما بيقولوا اني لازم استأذنك قبل ما اخرج.. جاسر: اه طيب، ايه بقي؟ ديما: ايه مفهمتش؟ جاسر: ايه بقي عايزة ايه؟ ديما(بهمس): رزل.. ديما: هروح معاهم الحنة.. جاسر: مع مين بالظبط؟ ديما: مامتك و طنط اسماء و طنط جملات و دنيا و دعاء و فيروز.. جاسر: تمام، هتلبسي ايه؟ ديما: لسة معرفش هشوف.. جاسر: قبل ما تنزلي بيه ابعتي الفستان.. ديما: نعم! ديما: لا مش معني اني احترمتك و قولتلك اني هخرج يبقي تزيد فيها بقي...
جاسر: قولت كلمتي ملكيش خروج الا لما اعرف انتي هتلبسي ايه و الا مش هتروحي... ديما(بعصبية): مستفز مستفز... ديما قفلت في وشه و قعدت متعصبة... ديما(بعصبية): ربنا يأخدك، بكرهك بس كدة اهو.. ديما دخلت اوضة الملابس بدأت تدور على طقم يليق بالصعيد بالنسبة ليها...
ديما لبست فستان طويل مفتوح من الجمب و من قدام باللون الاحمر و بنطلون رمادي واسع و مش باين انه بنطلون باين انه قطعة تبع الفستان و الفستان بحمالة عريضة و سيبت شعرها و حطت مكياج خفيف و لبست صندل باللون الاسود -و بعدين ديما راحت وقفت قدام المراية و بدأت تأخد وضعية الصورة و اتصورت صورة ليها بشياكة و بعتتها لجاسر... عند جاسر.. حازم: انت بتمشي كلامك على ديما؟ جاسر: طبعا...
حازم: شابوه ليك، دي صعبة في الموضوع ده.. خالد: شكلك تعرف عن ديما كتير... حازم: اختي و انا اللي مربيها... و بعدين جت ماسدج على تليفون جاسر و جاسر ابتسم بانتصار، و فتح التليفون.. جاسر اول ما شاف الصورة ركز في وش ديما و ابتسم، و بعدين بص على الفستان و لقاه محترم نوعا ما... جاسر بعت ليها ماسدچ ماشي مش بطال متتأخريش و لما تيجوا تمشوا ابعتي رسالة.. ديما: و النبي، عيل رخم و زبالة و رزل...
ديما بعتت ليه ماسدچ تؤمر بحاجة تاني يا سي السيد؟!؟. جاسر شاف رسالتها و ضحك... جاسر بعت ماسدچ ابقي جهزي الماية السخنة علشان لما ارجع تغسليلي رجلي يا امينة؟. ديما: رزل.. ديما بعتت ماسدچ غور في داهية.. ديما نزلت لتحت عند الباقي و جاسر قفل تليفونه و قعد يضحك و خالد و حازم باصين ليه باستغراب.. فتحية: ايه الجمال ده؟ ديما: شكرا يا طنط.. عبير: يلا بينا... دنيا: هنروح بالحنطور صح؟
اسماء(بضحك): حنطور ايه بس، هنركب عربية.. جملات: يلا يا بنات... ديما: مين هيسوق؟ دعاء: السواق، هيكون مين؟ فيروز: يلا بقي نحضر الحنة من اولها... ديما(بخفوت): هي سارة و طنط عبير مش جايين.. دعاء: طلعت قولت ليهم مردوش عليا... ديما: اه تمام طب يلا بينا.. و كلهم ركبوا عربيتين و وصلوا للبيت اللي فيه الحنة، و بدأوا ينزلوا... ست: اتفضلي يا ست فتحية اتفضلي.. فتحية: ربنا يخليكي يا ام سعاد..
ست: اتفضلوا يا هوانم اتفضلوا... دنيا: اهلا يا طنط.. ست: اهلا يا حبيبتي، ادخلوا يلا.. و بدأوا الكبار الاول يدخلوا و بعدين وراهم البنات.. ست: اتفضلي اقعدوا هنا... اسماء: اقعدي يا ديما، واقفة ليه؟ ديما: معرفش بس حاسة اني اتخنقت فجأة... جملات: طب تحبي تطلعي بره شوية؟ ديما: ماشي.. فتحية: يا ام سعاد.. ام سعاد: نعم... فتحية: معلش وصلي ديما لبره تشم نفسها علشان مخنوقة.. ام سعاد: اتفضلي يا هانم معايا..
ام سعاد طلعت ديما بره المكان، و ديما خدت نفسها بحرية لانها كانت مخنوقة.. دينا طلعت تليفونها و اتصلت بوالدها.. الخط اتفتح.. محسن: خلاص افتكرتي دلوقتي انه ليكي اب... ديما: اسفة يا بابا حصلت مشاكل كدة.. محسن: حصل ايه؟ ديما: خالد عمل حادثة هو و دنيا و حازم رجع كدة يعني.. محسن: و انتي كويسة؟ ديما: اه الحمد لله، جهزتوا ميعاد العملية؟ محسن: لسة.. ديما: طيب، اخبار ماما ايه و عمو و طنط..
محسن: كلنا كويسين يا حبيبتي.. ديما: بابا في حاجة عايز تقولها؟ محسن: طول عمرك لماحة يا ديما.. ديما: في ايه؟ محسن: ممكن اطلب طلب؟ ديما: اتفضل يا حبيبي.. محسن: لو حصلي حاجة يا ديما متسبيش جاسر و تطلقي منه.. ديما: بعد الشر عليك يا حبيبي، اهم حاجة انت تبقي بخير... محسن: توعديني؟ ديما: حاضر يا بابا.. محسن: بحبك يا روحي خلي بالك من نفسك و من كل اللي حواليكي.. ديما: و انا بحبك اكتر سلملي على كل اللي عندك، باي..
محسن: باي... ديما خلصت مكالمة و دخلت تاني البيت... بنت: مالك يا شابة داخلة خارجة يعني؟ ديما: افندم؟! بنت2: ايه يا حبيبتي؟مالك كدة ما تفهمينا.. ديما: طب حقيقي انا مش فايقة... بنت3: ايه شكلك طلعتي ما زي ما بيقولوا... ديما: اولا معرفش مين بيقول عليا ايه و لا مش بيقول ايه و لا يهمني و لا يفرق معايا اصلا، و ابعدي عني.. بنت2: لا طلعتي مغرورة زي ما بيقولوا... ديما: مش فايقة..
ديما سابتهم و مشيت، و راحت قعدت عند الباقي.. فتحية: ايه اللي أخرك؟ ديما: بنات كدة بيضايقوا في الواحد.. فيروز: معلش دول صحاب سارة... ديما: يا ستي ميهمنيش.. دعاء: بنات رزلين... دنيا: اطمنتي عليهم؟ ديما: اه... جملات: طب اطلعوا يا بنات للعروسة انتوا.. دنيا: الله ماشي.. دعاء: تعالوا معايا، و البنات طلعوا و راحوا للعروسة.. ديما: اهلين.. سعاد: انتي العروسة الجديدة؟ ديما: ايه ده طلعت مشهورة بقي...
سعاد: انتي طلعتي قمر اوي.. دنيا: ماشي يا ست سعاد... سعاد: لا و الله مش قصدي.. فيروز: الف مبروك يا سعاد... سعاد: الله يبارك فيكي.. ديما: مجبورة على الجواز و لا؟ سعاد: لا مش مجبورة الحمد لله... دنيا: الحمد لله... و البنات قعدوا يتكلموا و رسموا حنة بس ديما رفضت ترسم، و عدي الوقت و البنات مبسوطين اوي و بيضحكوا... اسماء: يلا يا بنات بينا... ديما: يا خسارة... سعاد: ما انا جيالك بكرة.. دنيا: اشطا يلا..
و البنات نزلوا و الستات و لقوا خالد و جاسر و حازم واقفين... جاسر: اركبوا... -جاسر ركب و جمبه ديما، و ورا دعاء و دنيا و فيروز... -خالد ركب و جمبه حازم و ورا فتحية و اسماء و جملات... جاسر: انبسطوا يا بنات؟ دعاء و فيروز و دنيا: اه... جاسر: ايه هو انتي مش بنت و لا ايه؟ ديما: هو فعلا في ناس بتتكلم عليا... جاسر(بضيق): مين قال كدة؟ دنيا: يا ديما انسي دول من طرف سارة خلاص.. جاسر: حصل ايه؟
ديما: في بنات وقفوني و قعدوا يضايقوني و هما صحاب سارة و شكل سارة مسلطاهم يضايقوني، مع اني معملتش ليها حاجة.. جاسر: خلاص معلش.. دعاء: بس مشفتش ديما بتعرف ترقص ايه، اكيد شوفتها يعني انتوا متجوزين... ديما(بإحراج): اخرسي يا دعاء... و فجأة بدون مقدمات صوت رصاصة دوت في المكان...
رواية إمرأة في عصمة صعيدي للكاتبة سلسبيل كوبك الفصل السادس عشر
كل البنات اتخضوا و خالد وقف عريبته بسرعة.. حازم: ايه ده؟ جاسر: الكل ينزل لتحت.. دعاء و دنيا و فيروز وطوا رأسهم، و ديما بتعيط.. جاسر: نزلي رأسك.. جاسر(بصوت عالي): اركب يا خالد. جاسر مشي بعربيته بسرعة و كان فاضل مسافة صغيرة على البيت... فتحية: الطف بينا يا رب.. الكل نزل من العربيات.. ديما(بصريخ و عياط): انت انت متصاب.. الكل خد باله من كلام ديما، و ديما قربت من جاسر بسرعة.. ديما(بعياط): انت انت كويس؟
جاسر(بتعب و هو بيغمض عينه): اه متقلقيش.. خالد: لازم نروح المستشفي، تعالي.. خالد ركب جاسر و ديما ركبت جمبه، و حازم ركب قدام... خالد(بزعيق): كل الستات تدخل على جوا يلا.. فتحية(بدموع): ابني... جملات: اهدي يا فتحية تعالي بس ندخل دلوقتي.. و كل الستات دخلوا، و دعاء و فيروز و فتحية بيعيطوا و اسماء و جملات و دنيا بيحاولوا يواسيهم.. عبير(بشماتة): ايه مات حد؟ فتحية(بزعيق): اخرسي يا عبير، و امشي من قدامي..
عبير خافت و طلعت اوضتها تاني.. عند جاسر... ديما(بدموع): جاسر جاسر انت سامعني... حازم: هيبقي بخير يا ديما متخافيش.. خالد: انزلوا... خالد و حازم سندوا جاسر و دخلوه المستشفي... ديما(بعياط): لو سمحت عايزين دكتور بسرعة.. ممرض: حاضر.. الممرض نادي دكتور و الدكتور جه و خدوا جاسر لاوضة العمليات فورا... حازم: اقعد يا ابني و اهدي... خالد(بعصبية): ما تخرس انت شوية.. حازم راح و قرب من ديما و حضنها و ديما قعدت تعيط...
و بعد فترة بسيطة خرج الدكتور... ديما(بعياط): اخباره ايه؟ الدكتور(بابتسامة): متخافوش هو بخير الرصاصة كانت طايشة يعني الاصابة مكنتش عميقة و هو بخير الحمد لله... خالد: الحمد لله.. الدكتور: بس لازم نعمل محضر.. حازم: اكيد.. خالد: لا انت طبعا عارف الاصول عندنا يا دكتور.. الدكتور: براحتك يا خالد بيه.. الدكتور: هيتنقل اوضة عادية حالا.. ديما: شكرا يا دكتور.. حازم: يعني ايه مش هتعملوا محضر..
خالد: ياض ما تخلنيش اتغابي عليك.. ديما: بس بس... ديما: جاسر هو اللي يقرر خلاص.. خرجوا جاسر على نقالة و نقلوه اوضة عادية... ديما طلعت تليفونها و اتصلت بدنيا.. الخط اتفتح.. دنيا: طمنينا يا ديما.. ديما: بخير الحمد لله.. دنيا: طب الحمد لله، نيجي؟ ديما: لا لا، لما يفوق هشوف ايه اللي هيحصل.. دنيا: تمام... اسماء: ها يا بنتي؟ دنيا: الحمد لله بخير... دعاء: الحمد لله... فتحية: تعالوا نقوم نصلي كلنا نشكر ربنا..
جملات: يلا يا دنيا.. دنيا(باحراج): مش عندي حاجة طويلة البسها... فيروز: هوديكي الاسدال بتاعي.. دنيا: تمام شكرا... عند ديما.. خالد: هروح ادفع الفلوس و اعمل كام حاجة كدة... ديما: تمام انا هفضل معاه.. خالد: تعالي معاياا... حازم: انا.. خالد: في غيرك هنا.. حازم: يا ابني احترمني شوية الله.. ديما: خلاص يا خالد معلش يا حازم.. خالد و حازم مشيوا، و ديما قعدت على الكرسي اللي في الاوضة...
و بعد ساعتين جاسر بدأ يفتح عيونه ببطء.. جاسر(بخفوت): ماية.. ديما قامت بسرعة و قربت منه.. ديما: انت فوقت انت كويس حاسس بوجع؟ جاسر(بخفوت): عايز مايه.. ديما: حاضر ثانية... ديما خرجت و نادت على الدكتور.. الدكتور: بخير الحمد لله، حالته كويسة.. ديما: شكرا.. الدكتور: عن اذنكوا.. جاسر(بخفوت): هي دي الماية؟ ديما: لا لا اسفة كنت بس بطمن عليك...
ديما صبت لجاسر كوباية ماية و بدأت تعدله قعدته و ساعدته يقعد نص قعدة و بدأت تشربه مايه... جاسر: شكرا، فين خالد؟ ديما: قال هيخلص كام حاجة كدة و جاي.. جاسر: طب يلا عايز اخرج.. ديما: نعم لا طبعا، انت لسة متصاب.. جاسر: عايز اخرج يا ديما.. ديما: ابدا.. جاسر مسك ايديها جامد.. جاسر(بحدة): لما جوزك يقولك حاجة تنفذيها من غير اي كلمة، فاهمة؟ ديما(بدموع): سيب ايدي.. جاسر ساب ايديها و ديما خرجت بسرعة من الاوضة...
ديما: لو سمحت يا دكتور ينفع يتكتب ليه على خروج؟ الدكتور: طب ما الاول امسحي دموعك يا قمر.. ديما(بعصبية): افندم؟! الدكتور(بابتسامة): اسف بحاول اخفف عنك... الدكتور: هو ممكن يخرج لان الاصابة مش عميقة و لا بالغة يعني، بس لازم تغير على الجرح و مراعاته و ميعملش مجهود يعني.. ديما: تمام شكرا، و اسفة اني زعقت لحضرتك.. الدكتور: و لا يهمك... ديما دخلت تاني عند جاسر.. جاسر: هخرج؟ ديما: اه..
ديما طلعت تليفونها و اتصلت بخالد، الخط اتفتح.. خالد: الو يا ديما في حاجة؟ ديما: جاسر فاق و عايز يخرج و الدكتور وافق.. خالد: طيب ربع ساعة و جاي.. ديما: ماشي.. جاسر: اسف يا ديما.. ديما: و لا يهمك.. جاسر: انا مبحبش المستشفيات... ديما: انا متعودة كتير اوي كنت بروح المستشفيات.. جاسر: بجد! ديما: اه، كنت كل شوية كمان بروح القسم.. جاسر(بصدمة): نعم يا اختي؟! ديما(بضحك): هفهمك، بلاش رفعة الحاجب دي..
ديما: بص يا ابني انا كنت لما اروح مكان كافتيريا بار مول اي مكان كان بيبقي دايما في شلة الولاد الفاسدين دول، لما حد يعترض طريقي كنت بمسك اي حاجة قدامي مرة مسكت مكنسة و الله و بضرب على الدماغ، و بتحصل حاجة من الاتنين لاما اجري و اروح البيت و الاقي محضر معمول ليا، لاما الامن يجيوا و يودونا على القسم.. جارس: لا و الله لا تصدقي حاجة مشرفة ده انتي على كدة ليكي بطولات.. ديما: متعدش يا جيمي..
جاسر(بحدة): طب اتعدلي و احترمي نفسك.. الباب خبط.. جاسر: ادخل.. خالد: حمد لله على السلامة يا صاحبي.. جاسر: الله يسلمك.. حازم: الف سلامة عليك.. جاسر: شكرا.. خالد: خدي يا ديما هدوم لجاسر لبسيها ليه و احنا هنستناكي بره.. ديما خدت منه الهدوم بصدمة و هي فاتحة بوقها.. خالد و حازم خرجوا بره و قفلوا الباب.. جاسر: قوميني... ديما: ايه؟! جاسر: مسمعتيش قوميني.. ديما مسكت ايد جاسر و قومته.. جاسر: هاتي العباية.. ديما: تمام...
جاسر بدأ يقلع عبايته اللي اتقطعت اثناء العمليه، و ديما ساعدته و لبسته العباية التانية... ديما: جاهز؟ جاسر: تمام.. ديما و جاسر خرجوا و خالد و حازم و كلهم روحوا على البيت... في البيت... فتحية: ابني.. فتحية حضنت جاسر و جاسر حضنها.. دنيا: الف سلامة.. دعاء(بدموع): ابيه انت بخير؟ حازم(بمرح): زي الحصان اهو ده واخد رصاصة و خارج في نفس اليوم... خالد: ليه مفكره مش راجل زيك؟
حازم معالم المرح راحت من عنده و سابهم و راح على اوضته... ديما: انتوا اغبية... دنيا: مش بتعرفوا تتعاملوا.. ديما و دنيا راحوا لحازم... سارة: سابت جوزها و راحت للي متربية معاه.. اسماء: مش هنخلص في اليوم الاسود ده.. جملات: لما حد يدخلك في الكلام يا سارة ابقي اتكلمي.. جاسر: خلاص خلاص معلش يا سارة... فيروز: اوف هموت، حمد لله بالسلامة يا جاسر... ديما: اسفين و الله يا حازم... حازم: انا غلطان اني نزلت مصر اساسا..
دنيا: خلاص و النبي متزعلش احنا ما صدقنا انك جيت... حازم: لا ما ديما متجوزة اهو مش محتجاني.. دنيا: بس انا محتجاك يا حازم انا لسة متجوزتش.. حازم: برضو لا انا غلطان اني اصريت على دادة ناصرة تقولي العنوان فين... ديما: بليز يا حازم... حازم مسك شنطته و سابهم و مشي.. ديما(بدموع): و حياتي عندك طيب.. دنيا: طب طب علشان خاطر عمو محسن اللي رباك اللي يعتبر والدك متسبناش...
حازم: انا مش هرضي اقعد في بيت محدش فيه طايقني... ديما: انا و دنيا بنحبك انت اخونا... جملات: يا ابني هو بس انت لازم تراعي ان ديما متجوزة صعيدي و الصعيدي دمه حامي و مش هيقبل على مراته انها تحضن اي حد و انت مش اخوها بالدم و لا بالرضاعة انتوا بس متربين مع بعض و الكلام ده من سنين.. حازم: فاهم، بس يجي يقولي مش يتكلم بالاسلوب البارد و المستفز ده.. خالد: اديك عرفت، و كمان جاسر تعبان مش عايزين مشاكل بقي...
دنيا: يلا بقي علشان خاطري و النبي.. ديما: بليز يلا بقي يا حزومة.. حازم: ماشي يا ديما، روحي لجوزك انتي.. ديما: طيب بس مش هتمشي... حازم: لا.. دعاء: و الله هتنبسط معانا اوي... فتحية: تعالي يا ديما.. ديما: حاضر.. فتحية و ديما طلعوا على اوضة جاسر... فتحية: ها يا ابني هتعمل ايه؟ جاسر: الحاج راجع بكرة المفروض يرجع يلاقي كل حاجة زي ما هي، يعني كأن محصلش حاجة.. فتحية: متأكد؟ جاسر: اه... ديما: طب و الجرح؟
جاسر: الدكتور قال انه بسيط.. ديما: بس برضو قال متحملش عليها.. جاسر: دي ايدي و انا ادري.. ديما: براحتك ايه ده.. جاسر: ما هو براحتي اساسا... ديما: مغرور... جاسر: احترمي نفسك.. فتحية(بصوت عالي نسبيا): بس ايه ناقر و نقير... ديما: هو اللي بيستفزني و كمان اكيد ربنا عمل كدة بسبب الذل اللي ورتهولي الصبح... جاسر: و لما اقولك لازم اشوف اللي هتلبسيه الاول كدة يبقي ذل، هبلة.. ديما: شايفة يا طنط بيغلط فيا..
فتحية: انا قايمة بس... جاسر: فكرتي يا فيلسوفة في طريقة علشان الحمل.. ديما: بص في فكرة بس معرفش اعمل ايه.. جاسر: قولي.. ديما قربت من جاسر و قعدت جمبه.. ديما(بهمس): هنروح للدكتور و نيجي نقولهم انك مش بتخلف و انا هبقي قليلة الاصل و هسيبك... جاسر(بزعيق): نعم يا اختي و اشمعنا انا، روحي شوفي غيرها قال مبخلفش قال.. ديما: ليه بس يا ابني؟ جاسر: قولت إلى عندي.. جاسر سابها و مشي... ديما: اوف طب اعمل ايه؟
-و بعدين ديما غمضت عنيها و رجعت رأسها لورا و قعدت تفتكر لما كانت راكبة على الخيل و مبسوطة و افتكرت لما اعتذر ليها و لما جاب ليها مارشيملو و افتكرت لما شالها بين ايديه لما كانت بتعيط و افتكرت لما خدها في حضنه و افتكرت لما شالها بايد واحدة في الاستراحة، و افتكرت لما كان راكب على الحصان ليلة الفرح، و افتكرت لما دخل بعد كتب الكتاب و باس رأسها و لما لبسها دبلته، و اخر حاجة افتكرتها لما قرب منها...
ديما قعدت تضحك على كل الذكريات و هي مغمضة عنيها و مبسوطة...
-في الجنينة.. دعاء(بدموع): طب اعمل ايه بقي؟مش فاهمة اي حاجة... حازم كان بيتمشي و لقاها بتكلم نفسها.. حازم: بتكلمي نفسك؟ دعاء(بدموع): سيبني في حالي مش قادرة اتكلم بس... حازم: اهدي بس حصل ايه؟ دعاء(بدموع): مش فاهمة الحتة دي و و لازم افهمها علشان احل عليها علشان الواجب علشان الاستاذ ميضربنيش.. حازم: بسيطة خالص، متزعليش نفسك.. دعاء: ازاي بس؟ حازم طلع تلفونه و مسك الكتاب و دخل على النت..
حازم: خدي يا ستي دول مدرسين اونلاين هيشرحوا ليكي اللي انتي مش فهماه... دعاء: بس ازاي؟ حازم: خدي شوفي.. دعاء مسكت منه التليفون و سمعت الفيديو و كانت مبسوطة... حازم: فهمتي؟ دعاء: اه شكرا ليك جدا.. دعاء بدأت تحل المسائل و خلصت بعد فترة... دعاء(بفرحة): اخيرا، شكرا ليك اوي.. حازم: على ايه انا موجود في الخدمة علطول... دعاء: تسلم معلش تعبتك... حازم: لا عادي، عن اذنك.. حازم قام يتمشي و دعاء باصة ليه...
فيروز: قفشتك... دعاء(بخضة): في ايه؟ فيروز: بتعملي ايه يا قطة؟ دعاء: كنت بحل المسائل.. فيروز: و الله.. دعاء: بت مش فايقالك.. فيروز: ماشي بكرة تندم يا جميل... دعاء: لما يجي بكرة.. البنات قاموا، و حازم كمل تمشية في الجنينة.. جملات: يا بنات يلا الرجالة قربت توصل علشان بكرة فرح سعاد... سارة: مش عارفة عمي مكلف نفسه ليه... اسماء: ثواب يا سارة و يلا روحي مع البنات... سارة: لا بتخنق مليش فيه...
فتحية: من امتي بقي ان شاء الله؟ سارة: بقيت اتخنق... خالد و جاسر كانوا ماشين، و ديما نازلة على السلم.. خالد: طيب يا جاسر انت متأكد انه مش هيحصل حاجة... جاير: معرفش بس الامر زاد عن حده.. سارة(بصريخ): الحقني يا جاسر.. سارة وقعت على الارض و جاسر جري عليها بسرعة.. جاسر(بقلق): مالك؟ دنيا(بهمس): البت دي مش سالكة.. فيروز(بهمس): طول عمرها انانية.. دعاء(بهمس): مش بعيد تأخد جوزك منك.. ديما(بحدة و صوت واطي): بس...
سارة: اه الحقني يا جاسر رجلي... فتحية: نضربك بقي بالشبشب اربعين مرة هتخفي يا روحي.. سارة: لا يا جاسر بليز... ديما(بعصبية و همس): دي اتعلمت البليز... جاسر: ايه التخاريف دي يا امي.. جاسر: اوديكي المستشفي؟ سارة: لا لا، ساعدني بس.. جاسر قوم سارة و اول ما سارة وقفت... سارة(بصريخ): اه رجلي مش قادرة.. جاسر بسرعة شالها بين ايديه.. ديما(بغيظ): ايه دلوقتي احسن يا سارة؟ سارة: شوية يا ديما..
جاسر شال سارة و طلع على السلالم جمب ديما و دخل على اوضة سارة و قعدها على سريرها... سارة: اسفة يا حبيبي قلقتك عليا.. جاسر: و لا يهمك، المهم ارتاحي انتي دلوقتي.. سارة: تسلم.. جاسر: حاسة بوجع؟ ديما فتحت الباب بغيظ، و ربعت ايديها.. ديما: جاسر ممكن تيجي ثانية... جاسر: تمام، ارتاحي يا سارة.. اسماء: دي بت مايصة.. دعاء: مشفتوش النار اللي كانت بتطلع من عيون ديما.. خالد: سارة كانت بتستعبط اساسا.. عند ديما و جاسر..
جاسر دخل و ديما وراه و قفلت الباب.. جاسر(باستغراب): في ايه؟ دميا بصتله بصة هو مفهمهاش، و ودته ضرها... جاسر: ده لعب عيال ده و لا ايه؟ -و في اقل من لحظة لقي على رقبته سكينه.. جاسر بص لديما بصدمة اللي ماسكة بايديها السكينة و حطاها على رقبته و ايديها التانية حطاها على صدره... جاسر(بصدمة): في ايه يا مجنونة؟
ديما(بغيظ): بص بقي يا جاسر انت مش تفضل تقول متكلميش ده متهزريش مع ده متحضنيش ده متقعديش مع ده، انا صعيدي انتي مراتي المفروض تحترميني و شكلك من شكلي، احترامك من احترامي و الكلام الهبد بتاعك ده، انا بلتزم بيه صح؟ ديما: صح..
ديما: مش بقي لما اكون ملتزمة بالكلام و مخلية صورتك حلوة وسط الناس و محافظة على سمعتك، تروح جنابك تلمس بنت تانية و تشيلها و هي تمسك رقبتك، الكلام ده ميلزمنيش اينعم مش بنحب بعض و متجوزين بعض غصب بس برضو شكلي قدام العائلة مهم... في اقل من لحظة ديما لقت نفسها على الحيطة و جاسر قدامها و رافع ايديها الاتنين لفوق بايده، و السكينة وقعت على الارض.. جاسر: شكلك لسة متعرفيش جاسر القاضي يا ديما...
جاسر: مفيش حد اتجرأ و رفع عليه سكينة، و مش على اخرة الزمن واحد ست هي اللي هترفع عليا السكينة، فاهمة؟ جاسر: و اللي جنابك متعرفهوش ان انا و سارة متربين مع بعض و يعتبر احنا اخوات، يعني اللي عملته واجبي كأخ ناحيه اخته.. ديما: طب ما انا و حا... ديما قبل ما تكمل كلامها لقت جاسر مقرب عليها و (لخيالكوا) و جاسر كان عارف هي هتقول ايه و انها هتقارن بينه و بين حازم... الباب اتفتح فجأة..
جاسر بعد عن ديما بسرعة و ديما استخبت ورا ضهره و وطت رأسها باحراج... جاسر: خير في ايه؟ فتحية: مفيش كنت عايزة ديما.. ديما(باحراج و عنيها في الارض): حاضر يا طنط.. فتحية: بعد ما تخلصي انزلي لتحت... ديما(باحراج): لا انا مش ورايا حاجة.. ديما سابتهم و جريت على تحت... فتحية بصت لجاسر و جاسر بصلها باستغراب... جاسر: خير في ايه تاني؟ فتحية: اللي انت عملته تحت ده غلط..
جاسر: طب ما انا شلت ديما قبل كدة لما وقعت في الترعة و اغمي عليها.. فتحية: برضو ديما غير سارة اديني بقولهالك ديما احسن يا جاسر اسمع مني انا عارفة مصلحتك فين.. جاسر(بملل): حاضر يا امي.. ديما نزلت جري على السلالم و راحت للمطبخ و هي بتأخد نفسها... جملات: مالك يا جميل؟ ديما(بخضة): طنط انتي هنا؟ جملات: مالك يا بنتي وشك احمر كدة ليه؟ ديما(بتوتر): مفيش حاجة انا بخير...
دنيا: انتي وشك مش بيحمر الا لما تكوني في موقف محرج او تكوني معيطة و انتي مش باين انك معيطة محرجة ليه... ديما: بس بقي رزلة... تهاني: ستي يا ستي الحقي الشيخ مزروق هنا.. جملات و اسماء(بصدمة): يا لهوووووووووووي..
رواية إمرأة في عصمة صعيدي
