رواية الانتقام من بعد الحب للكاتبة سدرة أمونة الفصل السابع عشر
محمود مسكر عقلو بيكبس ع الزناد و بتطلع الرصاصة يلي بتعرف وين رح تستقر، بتجي ع بطنها هون شغف بتحط ايدها ع بطنها بتطلع ع ايدها بتشوفها غرقانة دم و بتشوف رهف و ميرنا عم يضحكو هون بتتذكر المنام يلي شافتو هجرس بصدمة: شغففففففففف شغف بتطلع بهجرس يلي مصدوم و ما عم يعرف شو يتصرف هون شغف بلشت تفقد الوعي بس هجرس شغل عقلو و تحرك فوراً حملها و طلعها بالسيارة هجرس بلهفة: اسر بسرعةةةةةةة.
شغف هون ابتسمت لهجرس و فقدت الوعي و صلو ع المستشفى بوقت قياسي، نزلها ع الطوارئ دخل دكتور لعندها لحتى يشوف وضعها، وتفاجئ فيها، طلعلة الرصاصة و طلع لعند هجرس و اسر هجرس بلهفة: طمنى دكتور دكتور بعملية: الحمدلله، الرصاصة ما كانت داخلة لجوا كتير ببطنها يعني الجرح مو غميق كتيرر هجرس: الحمدلله دكتور: بس هي هلئ بالغيبوبة هجرس بصدمة: شو؟ انت مو عم تقول الجرح مو غميق كتير.
دكتور بتأكيد: صح، بس هي مو غيبوبة من الجرح اسر بترقب: لكن شو دكتور دكتور: هاي صدمة نفسية دخلتها الغيبوبة، و علماً الصدمة النفسية ما الها يوم محدد لحتى تصحا منها بيجوز ساعة يوم شهر سنة ما بعرف العلم عند الله بس هلئ بدنا نطلعها ع غرفة عادية، الحمدلله مو لازمة عناية مشددة و منستنى فرج الرحمن اسر: شكرا دكتور طلعو شغف ع الغرفة هجرس راح وراهن قعد جنب التخت يلي حطوها عليها و علقولا سيروم.
اسر: هجرس ما بدك تخبر اهلى هجرس بحزن: ما عندها اهل مافي غير امها اسر: اي ما بدك تخبرها؟ هجرس بتفكير: ما بعرف، هلئ رح خبر ابي انا ب يلي صار وانت شوف كمشون ولا لأ اسر: ماشي رح اتصل ب محمد طلع اسر برا الغرفة وهجرس طلع تليفونو و اتصل ب ابوه ادهم: هحرس وينك انت و المجموعة؟ هجرس بحزن: بابا رح خبرك شغلة، بس لا تقول لحدا ادهم بترقب: شوفي؟شغلة بالي هجرس حكالو ل ابوه كلشي من وقت ما لحقها لوقت ما احو ع المستشفى.
ادهم بحزن: يا حراام طب انا جاي ع المستشفى بس انو مستشفى انتو؟ هجرس بتعب: ماشي نحنا بمستشفى(، ) ادهم: تمام بجبلكن معي شي هجرس: لأ سلامتك رجع اسر ع الغرفة بعد ما حكى مع محمد هجرس بترقب: اخدون ع القسم؟ اسر: هربو كان في سيارة ناطرتن ورا المستودع ركبو فيها وراحو هجرس بغضب: وليش ما لحقون؟ اسر بهدوء: كانت السيارات بعيدة هجرس عصب كتير وقت سمع الخبر بعد ساعتين اجت المجموعة و ادهم معن ادهم بحزن: كيفا هلئ؟ ما فاقت.
هجرس بتعب: لسه ع وضعى ما فاقت ادهم قرب عليه حط ايدو ع كتفو و طبطب عليه: لا تخاف سلمها ل للله هوي قادر ع كل شي هجرس بدمعة خانتو مسحها قبل حدا ما يشوفها: قبل ما تتصاوب كانت عم تقلي بدن يقتلوني، انا قلتلا لا تخافي انا معك، و هي صدقتني كانت واسقة فيي بس انا خذلتها خذلت سقتها فيي، قبل ما تغيب عن الوعي كانت عم تطلع فيي و عيونها كلها خيبة امل، انا السبب لو ما بعدتها عني ما كان صار يلي صار.
عمر: حرام تحكي هيك هاد قدر الله وانت عملت يلي عليك باسم: صح قضاء و قدر انت ما الك ذنب اسيل بدموع: انشالله رح تقوم بالسلامة جواد: خلي ايمانك باللله كبير و حط عينك بعين ربك هون شغف حركت ايدها شافها محمد محمد بلهفة: عم تحرك ايدها قربو عليها كلن و اولن هجرس هجرس: شغف سمعانتيني، حدا يجيب الدكتور راح اسر يجيب الدكتور هون شغف بلشت تفتح عيونها شوي شوي لحتى تتأقلم ع الضوء، اجا الدكتور فحصها و اطمن عليها.
الدكتور بابتسامة: الحمدلله ع سلامتك شغف بادلتو الابتسامة: الله يسلمك دكتور وجه حكيو للكل: الحمدلله طلعت من الصدمة النفسية، بس وقت بتطلع تعتنو فيها لاني هي جوهرة و ما الها مثيل هجرس بغضب: كيف بتحكي هيك هااا ادهم وقف بينو وبين الدكتور مشان ما يضربو: خلص اهدئ هجرس بغضب: ليش مين هوي لحتى يحكي ع خطيبتي هيك دكتور: انا اسف ما كان قصدي، وما كنت بعرف انو انت خطيبها، و ع العموم انا بكون اخوها ل ميرنا رفيقتها.
هجرس بذهول: شووو؟ شغف بصدمة: ميين؟ دكتور: انا رأفت اخوها ل ميرنا، انت ما يتعرفيني بس انا بعرفك شغف تذكرت شو عملو فيها قعدة وصارت تبكي رأفت: انا بعتذر اذا ازعجتكن بستأذن طلع رأفت برا الغرفة و اتصل ب ميرنا ميرنا بارتباك: الو رافت: وينك انتي؟ ميرنا بتوتر: عند رفيقتي رهف، ليش عم تسئل؟ رأفت: اي تعي ع المستشفى يلي عم اشتغل فيه، لاني رفيقتك شغف هون متصاوبة ميرنا: ماتت؟ رأفت: لا بس كانت بالغيبوبة و هلئ فاقت منها.
ميرنا بصدمة: عايشي لسه؟ رأفت بتاكيد: اي ميرنا بخوف: طب هلئ بشوف اذا فيي اجي روح باي سكرت ميرنا التليفون و قالتلن ل محمود و رهف بيلي صار محمود بصدمة: ما بصير انا قتلتا، وبالعلامة اجت ببطنها بس محل خطر ميرنا بخوف: ما ماتت عم بقلكن لاني اخي هلئ اتصل فيي و قلي رهف بقلق: عجب حكت شي محمود بتفكير: ما بعتقد لو قالت كان اخوها ل ميرنا قال ميرنا: اي اي متل ما قال لو حكت شي كان قال اخي.
محمود ب شر: بس ما رح خلي اليوم يخلص ع خير رهف بترقب: شو رح تساوي؟ محمود وقف: قومو لقلكن كيف رح دمرلها حياتها طلعو من البيت يلي كانو متخبايين فيه و راحو ع بيت شغف رهف: شو بدك تعمل؟ محمود ب غل: بدي خليها تتدمر و يحترق قلبها دق الباب اجا صوت رانية عم تقول يالله جاي، طلع محمود السكين و حطها ورا ضهرو، فتحت رانية الباب و تفاجئت فيه رانية: نعم محمود بابتسامة كلها شر: جاي قلك كلمتين رانية بنشافة: تفضل احكي.
محمود: لأ هني كلمتين ما بينحكو ع الباب رانية عطتو طريق: تفضل دخل محمود: لأ تفضلي انتي الاول ع الغرفة دارت ضهرها رانية مشان تدخل ع الغرفة، اجا محمود مسكها رجع راسها لورا و شخطها من الويد للوريد تركها هون رانية دارت حالها عليه و هي عم تلفظ انفاسها الاخيرة، وقعت ع الارض هون محمود قرب عليها، تأكد ماتت و طلع ع السيارة يلي فيها رهف و ميرنا رهف بترقب: شو عملت؟
محمود طلع السكينة و فرجاهن اياها ميرنا شهقت شهقة قوية، رهف حطت ايدها ع تمها من الصدمة انو هني ما كانو متفقين ع هيك... محمود ضحك ضحكة كلها شر: وهاي تركتلا غصة بحياتها.
هجرس بترقب: بدك تشتكي عليهن شغف مسحت دموعها و طلعت ب ولاشي: ما بعرف هون بيرن تليفون ادهم بيطلع ل برا و بيرد عليه و نصدم من الخبر، بعتلو رسالة ل هجرس يجي من دون ما شغف تحس، قرأ هجرس الرسالة و طلع ل برا هجرس بقلق: شوفي؟ ادهم بحزن: امها لشغف ماتت هجرس بصدمة: شوو؟ ادهم: الجيران شافو الباب مفتوح دخلو لجوا و لا شافو مدبوحة من وريد للوريد فوراً اتصلو بالشرطة، وفي واحد من الشرطة خبرني بيلي صار، بدك تخبرها.
هجرس حط ايدو ع شعرو يفكر: ما بعرف بس خايف خبرها يصرلا شي لاني لسه الجرح جديد ادهم: قلها هلئ احسن من بعدين هجرس هز راسو بحزن و دخل ل جوا، و وجهو ما بيتفسر شغف قلبها حسها انو في شي: هجرس في شي؟ هجرس ما عم يعرف كيف بدو يفتح الموضوع: بصراحة شغف: شبك ليش سكتت كمل هجرس بتمهيد: هلئ نحنا ما بدنا نموت و ما حدا مخلد بالدنيا غير الرحمن الرحيم، صح شغف قلبها نقبض من كلامو: صح، بس شو جيبك بسيرة الموت؟
هجرس سكت لحتى يرتب الجملة: من ساعة اتصل فيي رفيقي و خبرني انو في جريمة، قلتلو وين قلي ع العنوان واسم الضحية، و طلعت امك شغف بصدمة: شووووو؟ هجرس بحزن: الله اعطى والله اخد شغف بصوت تايه: امي، امي لأ، لألأ يا ربي لأ هجرس: ما بدك تروحي تشوفيها شغف بدموع: اي اي بدي روح، بدي هجرس: تعي.
طلعها برا المستشفى اتصل ب اختو مشان توقف جنبها، اخدها ع المستشفى يلي فيها امها، دخلت هي و لين ع البردات الموتا اطلعت ب امها و نهارت من البكي حطت ايدها ع الجرح يلي برقبت امها و صارت تبكي اكتر و اكتر شغف بدموع: وربي ما رح يروح دمك ببلاش، اقسم بالله الغظيم لحتى خليهن يشتهو الموت شهوا لين بدموع: طالبينك برا شغف هزت راسها و طلعت ل برا قعدة ع اقرب كرسة.
الضباط: انسة شغف نحنا رح نكمش الفاعل بس انتي لازم تتعاوني معنا لهيك بتجي لعندي بعد ما تهدأي شوي شغف مو سمعانة شي قاعدة وعم تطلع ب ولاشي و دموعها عم ينزلو بغزارة ادهم بحزن: لازم ندفنا اكرام الميت دفنو صفاء اجت وقعدة جنبها هي و لين لحتى يخففو عنها صفاء بدموع: وحدي الله يا بنتي كلنا ع الطريق شغف اطلعت فيها بعيون حمر من البكي: لا اله الا للله، لازم ندفنها.
اجت المجموعة و الجيران و كل بيعرف شغف و راينة طلعو بالجنازة، وصلو ع المقبرة، حطو رانية بالقبر و رمو عليها التراب و صلو عليها... اجت شغف ع القبر قعدة و صرخة باعلى صوتها: لك يالللللللللللللللللله، وينك يااااااا امي و ين رحتي و تركتيني ياربييييييييي.
فجأةًوقفت بقوة غريبة مسحت دموعها: وعزت ربي وجلا جلالهُ يامن رافع السما و باسط الارض و قلو لمحمد كنُ نبياً ع امتك لحتى اخد بتارك يا امي بأيدي هدول ولو هالشي كلفني عمري الكل تفاجئ ع القوى يلي اجتها ما بيعرفو النار عم تحرق قلبها حرق ع امها.
بعد مرور ٣ ايام العزة اجا هجرس هوي و ادهم ع بيت شغف المسا هجرس: ما بيصير تقعدي ل حالك بالبيت شغف: ما الي حدا غير الله وين بدي روح خوالي ما بيتعرفو عليي، ابي وحيد ما عندو ل اخت ولا اخ هجرس بهدوء: رح تجي لعنا وتقعدي شغف بذهول: لعندكن؟ هجرس بتأكيد: اي، ومشان حكي الناس رح اكتب كتابي عليكي بعد اربعين امك شغف بتفكير: مابعرف انشالله خير.
هجرس: اي قومي ضبي غراضك و شوفي شو بيلزمك بتاخديه، و من سلم البيت ل صاحبو ادهم: اي بنتي قومي وعنا نحنا غرفة زيادة بتقعدي فيها هجرس: بس سؤال العفش الكن؟ شغف: لأ نحنا اخدنا مفروش قامت شغف ضبط غراضها و سلمو البيت ل صاحبو و دقت الباب ع فردوس لحتى تودعها فردوس بدموع: ما بدك تجي تزوريني شغف ربع أبتسامة: لكن بيصير بلا، انتي من ريحة امي فردوس: الله يرحمها شغف: آمين، يالله بخاطرك فردوس: ربي يكون معك و يحميكي يارب.
نزلو من البيت طلعو ع السيارة، وصلو ع بيت هجرس، طلع المفتاح وفتح الباب هجرس: تفضلي دخلت شغف ع البيت و نبهرت فيه ع ديكورات و التحف و كانو داخلة ع متحف اثري، اجت لين من غرفتها لين بفرحة: شغوفي و حضنتها و كانو صرلا سنين ما شايفتها مو ساعات، طلعت صفاء من المطبخ و ستقبلت شغف صفاء: عم بقول منور البيت شغف بابتسامة: منور بصحابو قربت ع صفاء و تبادلو السلام، اجا هجرس فتح الغرفة يلي بدا تقعد فيها شغف.
هجرس: تفضلي هيي غرفتك من هون ورايح دخلت عليها شافتها مرتبة و كلشي فيها نظيف صفاء: جهزي امورك لبين ما نحط العشا شغف بعد ما طلعت من عندها صفاء فتحت شنطتها طلعت تيابها علقتون بقلب الخزانة و لبست تياب محشمة و طلعت تساعد صفاء ولين بحط العشا تعشو و سهرو وراح كل واحد ع غرفتو تاني يوم الصبح هجرس اخد شغف وراح ع القسم مشان يسكرو المحضر الضابط: انتي ب مين بتشكي يعمل هيك؟ شغف: مو بحدا الضابط: ابدا شغف: ابداً.
الضابط: نحنا رح نسكر المحضر اذا مافي شي يدلنا ع القاتل شغف بهدوء: بيكون احسن طلعو من قسم الشرطة ركبو السيارة قبل ما يمشو هجرس بترقب: انتي فعلاً ما بتعرفي مين القاتل شغف ببرود: لا بعرف مين هوي هجرس: وليش ما قلتيلون، ليكون يلي ببالي صح شغف بابتسامة: صح هجرس بفضول: شو رح تعملي شغف بابتسامة شر: كل خير...
رواية الانتقام من بعد الحب للكاتبة سدرة أمونة الفصل الثامن عشر
شغف بابتسامة شر: كل خير شغل السيارة هجرس و راح ع البيت.
المسا بتجيها رسالة ل شغف من رقم مجهول، محتواها اول الشي الحمدلله ع السلامة طلعتي متل القطة بسبع رواح، تاني شي العمر الك وع فكرة ما خليتها تتعذب كتير، تالت شي طلعتي شطورة ما خبرتي الشرطة، و اخيراً و ليسه اخراً عرسي انا و ميرنا بكرا كنت بتمنى تجي تحضري بس للاسف، تشاو يا قمر شغف بتقرأ الرسالة ببرود قاتل بعد ما خلصت من قرأتها بتسكر التليفون و بتحطو بهدوء جنبها و بتنام.
تاني يوم الصبح فاقت بنشاط بتلبس تيابها و بتطلع ع الصالون بتشوف ادهم و هجرس عم يشربو قهوتن شغف بابتسامة: صباح الخير ادهم: يا صباح الفل هجرس: صباح الياسمين شغف: في قهوي ولا لأ ادهم: لكن فيه جيبي فنجان وتعي شربي راحت شغف جابت فنجان قهوة و رجعت قعدة شغف وجهت كلامها ل ادهم: عمو بدي اسئلك سؤال ادهم: تفضلي شغف: هلئ انا عم ادرس حقوق سنة اولة اذا بدي غيرها بيصير ولا لأ.
ادهم: اي بيصير بس حسب الجامعة يلي بدك تتدخليها شغف: من الاخر انا بدي ادخل بالمخابرات هجرس بصدمة: شوو؟ ادهم بذهول: عم تمزحي؟ شغف بهدوء: لأ انا عم احكي جد هجرس: وليش بدك تدخلي بالمخابرات شغف بهدوء: حبيت هالمهنة و بدي ادخلها في مانع لا سمح الله هجرس: لأ ما في مانع، بس مو مشان حبيتيها شغف بترقب: لكن مشان شو هجرس غمزها: ع همان يا فرعون شغف ابتسمت ابتسامة خفيفة: ايواا بالضبط.
ادهم فهم شو القصة من طريقة كلامن: تكرمي رح دخلك و سنة زمان بتكوني اخدتي بتارك شغف: شكراً هجرس بمزح: لا شكر ع خراب شغف برقت: شو؟ هجرس ببلاهة: لا شكر ع واجب ادهم بضحك: ما رح تتغير.
راحت شغف ع الجامعة سحبت اوراقها و طلعت، راحت ع الجهاز المخابرات من دون ما يعرف هجرس انو بدا تروح دخلت ع الجهاز سئلت عن مكتب اللوا ادهم قالولا وين هوي طلعت لعندو دقت الباب ادهم: تفضل دخلت شغف بابتسامة: كيفك عمو ادهم بدلها الابتسامة: اهلا، جبتي الاوراق شغف طلعت الاورق من شنطتها: اي تفضل هدول هني، بس ليش بدك اياهن.
ادهم: انا بدي بس اوراق البكلوريا و الهوية و هيك شغلات هلئ المهم رح قدملك الطلب بنفسي للرئيس الجهاز شغف بأمتنان: شكرا عمو عذبتك معي ادهم: ولوو يا عمو ما انتي صرتي متل لين ويشهد ربي علي شغف: ربنا يخفظك و يطول عمرك يارب ادهم: رح ابعتلك هجرس و معو فنجانين قهوة شغف كتفت بهزت راسها، طلع ادهم راح ع مكتب هجرس دق الباب هجرس: ادخل دخل ادهم: روح ع مكتبي هجرس: بابا في شي؟
ادهم: شغف هونيك جابتلي الاوراق روح لهنيك و مع القهوة فهمت لا تنسى هجرس بمزح: ماشي رح اخدلها البوفيه كلو ادهم بضحك: تضرب ما ابيخك طلع من مكتب هجرس و راح لعند الرئيس الجهاز، هجرس طلب فنجانين قهوة اخدهن وراح ع مكتب ابوه دخل بدون ما يطرق ع الباب شاف شغف قاعدة و عم تبكي هجرس بلهفة: شغف شبك ليش عم تبكي شغف بدموع: شتقت ل امي كتيررر هجرس بحزن: الله يرحمها و يجعل مثواها الجنة شغف مسحت دموعها: آمين.
هجرس عم يضيفها القهوة: خدي عملتك اياها بايدي شغف بعدم التصديق: اممم، اي اذا بشوفك بعيوني ما بصدق هجرس رفع حاجبو: وليش بقى شغف بضحك: شفت قهوتك من يومين، لا طعمة ولا لون هجرس ضحك معها: شو بعملك اول مرة بعملها بحياتي.
هون رجع ادهم من عند رئيس الجهاز دخل ع المكتب و قعد ورا مكتبو و عامل حالو مزعوج شغف بترقب: شو طمني عمو مشي الحال ادهم مثل الحزن: بصراحة، لعمى ما عم تطلع معي شغف بفقدان الامل: ما وافقو مو ماانا عارفة ادهم بابتسامة: مبروك سيادت المقدم شغف بفرحة: وافقو؟ ادهم بتاكيد: اي وافقو و بكرا بدك تروحي لحتى تتدربي، وبس تخلصي تدريب رح تنضمي للمجموعة شغف صقفت: يسعدالله هجرس بغيظ: يعني بدي ضل شوفك ليل و نهار متواصل.
شغف رفعت حاجبها: يصحلك.
تاني يوم الصبح و دعتن شغف و راحت ع المعسكر لحتى تتلقى كل التدريبات.
بعد مرور سنة دق باب اللوا ادهم ادهم: ادخل دخلت بالباس العسكري ادت التحية العسكرية: احترامي سيدي ادهم بذهول: شغف؟ شغف بابتسامة: اي انا، خلصت تدريب و اجيت فوراً بدخلت هجرس اول ما دخل ما عرفها هي اطلع بوجها و نصدم: شغف؟ شغف بابتسامة: اي انا بشحمها و لحمها هجرس بفرحة: ايمت اجيتي؟ شغف: هلئ اجيت هجرس: ولي ما قلتيلي انك جاي مبارح وقت كنت عم احكي معك؟ شغف غمزتو: مشان خليها مفاجأة.
هجرس قرب عليها و حكى بهمس: شتقتلك شغف حمرو خدودها من الخجل ادهم: وهلئ تعي لحتى عرفك ع المجموعة طلب المجموعة ع مكتبو وفعلاً ثواني و كانو عندو الكل وقف ادهم ادهم اشر ع محمد: محمد، اشر ع اسر: اسر، اشر ع باسم: باسم، اشر ع اسيل: اسيل وبتكون مرتو ل باسم، اشر عمر: عمر، اشر ع رفيف: رفيف وبتكون خطيبتو ل عمر، اشر ع جواد: جواد، اشر ع هجرس: هجرس و اكيد بتعرفيه، اشر ع شغف: شغف رح تكون وحدة من المجموعة.
شغف بابتسامة: تشرفت اسيل مسكت ايد شغف و بأيد التانية رفيف: تعو لقلكن لحتى نعمل اتحاد نسائي بالمجموعة رفيف بضحك: والله يا هجرس لحتى طلع اسيل الخمير و الفطير هجرس مثل الخوف: لكن انا افركها احسن شي عمر بضحك: بتكون اثبتلها هجرس بتفكير: قولك لكن قاعد ع قلبكن(و تربع ع الكنبة يلي قاعد عليها) وهاا هاي قعدة.
اشرقت الشمس من جديد لتولد اصدقاء جدد اوفياء لا يعرفون من هو الخزلان و الخيانة، يأتون عند الشدائد و يداوون الجروح... بغرفة شغف لبست كنزة سودا طويلة و داخلها كمر بللون الاحمر و تحتها بنطلون اسود و حجاب اسود وداخلها احمر و بوط رياضي اسود طلعت من غرفتها ع الصالون كان قاعد هجرس و لين عم يشربو القهوة شغف: صباحو لين: صباح القشطة، تعي شربي قهوي قبل ما تروحي شغف اخدت منها القهوة: يسلم دياتك.
هجرس بترقب: شو رح تعملي بعدين؟ ضليتي تنتقمي شغف ب حقد: اي وهني جنو ع نفسون هجرس: بس بعد سنة؟ شغف بوجه ما فيو تعبير: ولو بعد عشرين بدي اخدو لحقي دم امي ما رح يروح هيك هجرس اطلع ع الساعة: اوفف تأخرنا، هلئ صالح بيفقعنا بهدلي من الصبح شغف: وشو الو علاقة ما نحنا المسؤل علينا اللوا ادهم مو.
هجرس: اي صح، بس مو سيد ادهم راح ع الضيعة لعند اخوه، فكلف صالح ينوب عنو لبين ما يجي.
طلعو بالسيارة و صلو لين ع جامعتها و هني راحو ع الجهاز و صلو طلعو ع المكتب المخصص للاجتماع دقو الباب استأذان و دخلو اللوا صالح بغضب: وين ل هلئ يا زفت هجرس بغيظ: كانو مو جاي لحالي يعني في معي حدا عملون جماعة مو مفرد اللوا صالح: ماهيي بنت كيوت و امورة ما بتتاخر ع الاجتماع هاي اول مرة، اما انت ع طول متأخر هجرس ببلاهة: شو بساويلك اذا انا جاي ع الدنيا متأخر باسم: كيف يعني؟
هجرس بضحك: اجيت بعد ما خلصو التسع اشهور بيومين عمر بضحك: لكن مو بأيدك عم يمشي بدمك التأخير الكل ضحك، قعدو و صارو يحكو بالشغل بعد ما خلصو و صارو يحكو لشغف ع الانجازات يلي حققوها خلال السنتين يلي مضو اسر بتذكر: لك صح انت كيف فجرت المقر اذا نحنا ولا قنبلة ما حطينا جوا جواد: مظبوط كيف؟هالسؤال سئلنا الف مرة وانت ما تجاوب عليه هجرس تذكر كيف حط المتفجرات و كميت المخاطرة الواجها.
Flash baak بعد ما سكر التليفون بوجه بول رن تليفونو مرة تاني هجرس: كلشي عم يمشي متل ما خططنا ع التليفون: بس دير بالك انت مراقب هجرس بثقة: لا تاكل هم انا قدها ع التليفون: لهيك انا خترتك ل هالمهمة لاني بوثق فيك و بشطارتك هجرس بفخر: انشالله كون ع قد الثقة ع التليفون: رح اتركك تشوف شغلك هلئ و بعد ٣ بلليل طمني شو بيصير معك هجرس: حاضر سيدي، احترامي.
المسا بعد ما نتهت الحفلة كل واحد راح ع غرفتو راح هجرس ع غرفتو لبس بنطلون اسود وفوقو جاكيت اسود و بوط اسود و لبس شنطتو فتح الشباك ربط الحبل نزل من الحبل لتحت من دون ما حدا يحس عليه.
ركب السيارة و راح ع المقر يلي فيه المافيا و صل ع التلة يلي وقفو فيها اول مرة نزل من السيارة اطلع هيك ما شاف حراس كتير وهوي عم يمشي ببطئ مشان ما حدا يحس عليه بيشوف شباك للقبو، قرب عليه و فتحو بعد محاولة اكتر من مرة، نزل منو بيطلع هيك ما بيشوف حدا بيمشي شوي شوي بيطلع من الغرفة بيشوف درج بيطلع فيه بيوصل ع ممر وهوي عم يفحص المكان بيشوف غرفة كبيرة بيفتح الباب ببطئ لحتى يشوف شو فيها و بينصدم، بيشوف اسلحة بانواعها كلها و بكميات كبيرة و قنابل بانواعها كلها و بيشوف ار بي جي بعدد كبير و و و و اشياء لا تعد و لا تحصى.
بيفتح الشنطة يلي معو بيطلع القنبلة و بيحطها بين الاسلحة حيث ما تنكشف و بيرجع محل ما طلع من دون ما حدا يشوفو بيروح ع سيارتو و بيرجع ع الفندق بيطلع ع غرفتو بالحبل، بغير تيابو وكأنو شيءً لم يكن بيبعت رسالة محتواها بلع السمك طعمو baak.
هجرس: وهاي كل القصة باسم بذهول: يخرب بيت افكارك يا رجل اسر وجه كلامو ل صالح: وانت كمان ما رح تقلنا شو هي بتارك معن اللوا صالح بتهرب: خلص بعدين عمر بعند: لأ بدك تحكيلنا محمد: مافي مفر اللوا صالح رجع بذكرياتو ل اكتر من ١۵ سنة.
Flash baak رايحين ع البحر و هني و بالطريق طلعتلن سيارتين كبار وحدة وقفت مقابيلو و التانية وقفت وراه مرت صالح مسكت بأيد صالح حاول يطمهنا بس للاسف اجا واحد بأيدو محرمة فيها مخدر و حطها ع انفو لحتى تخدر، نزلو مرتو و اولادو من السيارة و طلعوهن بالسياراتن حاولت مرت صالح تفك حالها بس للاسف ما غضرت.
وصلو ع مكان بعيد عن الناس و مهجور، فتح عيونو صالح ما شاف مرتو و اولادو نزل من السيارة دور كتير ما لاقة حدا، بتجيه رسالة بيفتح الرسالة بيشوف مقطع فيديو بيفتحو و بينصدم مرتو و ابنو وبنتو مربطين و واحد ورهن هوي بيعرفو منيح، بيجيب السكين بيشخط ابنو و بعدين بنتو و بعدين مرتو هون صالح هستر وقت شاف منظر اولادو و مرتو بيرن تليفونو بيرد عليه بدون وعي بيطلع نفس الشخص يلي قتل اولادو ومرتو.
المجهول ضحك بصوتو كلو: عجبك الفديو حبيت عذبك متل ما عذبتني صح انت ما قتلتن بس انت السبب و هاي صرنا تعادل صالح: ورب العزة لحتى امحيك من ع وجه الارض baak.
لللوا صالح بحزن: بعدها قتلتو، بس النار يلي بقلبي ما نطفت، وحلفت يمين اني ما خلي ولا واحد ع الدنيا منون هجرس بحزن: الله يرحمون شغف بتردد: هلئ اذا طلبت طلب بتساعدوني؟..
رواية الانتقام من بعد الحب للكاتبة سدرة أمونة الفصل التاسع عشر
شغف بتردد: هلئ اذا طلبت طلب بتساعدوني؟ اللوا صالح: شي اكيد تفضلي قعدت شغف و شرحتلن ب شو بدن يساعدوها و ليش باسم: ابشري لعيونك اسيل: عالموت وحياتك رفيف: الروح بترخصلك عمر: بكرا بيكونو تحت رجليكي اسر: والله من سابع ارض منجبلك هني محمد: وانا من هلئ رح دورلك علين جواد: بدون تردد عالموت شغف بابتسامة: شكراً فعلاً الاصدقاء وقت الضيق هجرس بغيظ: وانا هلئ شو بدي قول ما انتو ما تركتو شي الا ما قلتو.
شغف بحب: بدون ما تقول انا بعرف هجرس بعشق: دخيل ربك شو بحبك نص صقف و نص صفر، اللوا صالح: اي شو هالكلمة لحالها بكف و الكلام يلي قالو بكف تاني هجرس بغرور: مشان تعرف انو انا كلني بكف اللوا صالح: و اذا بدك بتضل سرية شغف: ياريت قعدو و صارو يخططو شو رح يعملو و كيف بدن يجيبوهن بعد ما خلصو طلع كل واحد ع شغلو يخلصو لحتى تاني يوم ما يكون عندون شي غير قصة شغف.
المسا بغرفة شغف قاعدة ع الشباك و عم تتطلع بالسما و تغني وحيات كاس المر يلي شربانو لخلي دموعي تمشي بشريانو لخان العشرة و الجيرة و الايام ما بيرحمو شري و بعرف ما بلام لا تمسك جبان خنجر ولا تقول قلبو تحجر ولا تعاشر غدار من عدواك خاف مرة و من صديقك الف مرة حتى الزمن لو جار صعب الاسى ما بينحمل عندو الكرامي بالدني حقو بيجبو ولو فني عمر الظلم ما دام ب غرفة هجرس رن تليفونو رد عليه هجرس: اي محمد.
محمد: لقتناهن كانو جايين من السفر هجرس: ماشي، خدهن ع المكان(، ) وانا هلئ بقلا ل شغف محمد: ماشي، و اتصل فيي مشان اعرف شو اتصرف هجرس بانهاء المكالمة: تمام سكر التليفون هجرس و راح ع غرفة شغف قرب ع الباب لحتى يدقو بيسمعها هي و عم تغني، اعجب بصوتها كتير، خلاها تخلص الغنية و دق الباب شغف حطت ع راسها: تفضل هجرس دخل: اي شو هالصوت عنجد كتير حلو صوتك، ما كنت بعرف صوتك حلو متلك شغف بخجل: و هاي عرفت.
هجرس سكت لحتى يرتب جملتو: شغف بدي قلك شغلة شغف باهتمام: تفضل هجرس: هلئ انتي مو عطيتي لمحمد صفات و اسماء يلي عملو فيكي هيك، و محمد عاطي اسمائن وصافتن ل كل المطارات اي اجو من السفر فيشو البسبورات و شافو اسمائن و صفات نفس الصفات و الاسماء يلي محمد عاطيهن اياها، دقولو ل محمد و هلئ محمد حجزون شغف بفرحة: بربك هجرس بترقب: شو رح تعملي هلئ؟ شغف بغموض: مو هلئ، خليها ل بكرا هجرس: يعني ما رح تروحي هلئ؟
شغف بابتسامة شر: لأ الصباح رباح هجرس: لكن انا رايح نام و بخبر محمد يشددو الحراسة شغف هزت راسها ب أي، طلع هجرس من غرفة شغف راح ع غرفتو و خبر محمد شو يساوي.
اشرقت الشمس من جديد و اتى معهُ الانتقام قامت من الفرشة و ما بتعرف طعم النوم شو هوي دخلت ع الحمام غسلت وجها و طلعت لبست بنطلون موج و سيع و فوقو الجاكيت بنفس اللون و حجاب اسود و بوط عسكري لعند الركبة طلعت من غرفتها راحت ع غرفة هجرس دقت الباب اكتر من مرة هجرس بصوت نايم: مين شغف: قوم صحصح و البس تيابك و تعا هجرس: يالله جاي.
قام هجرس من تختو دخل ع الحمام غسل و جهو طلع لبس بنطلون موج و جاكيت بنفس اللون و بوط عسكري لتحت الركبة و مشط شعرو و طلع ع الصالون كانت قاعدة شغف هي و ادهم عم يحكو و صفاء عم تصب القهوة هجرس: صباح الخير الكل حكى: صباح النور قعد هجرس لحتى يشرب قهوتو و يروحو هون لين اجت من غرفتها لين بذهول: ياعيني و لابسين نفس بعض كمان هجرس ما منتبه شو لابسة شغف لسه النوم بعيونو: ع شو عم تحكي.
شغف كمان ما كانت منتبه لاني كانت مشغولة بالحكي مع ادهم: صح ع شو لين بغيظ: و كمان ما منتبهين ع بعض ما شايفين لابسين نفس الشي اطلعت شغف بهجرس يلي كمان هوي اطلع فيها و ضحكو هجرس بضحك: لعمى نفس الريأكشن صفاء: مشان تعرفو القلوب ع بعضها شغف: خلصت قهوتك؟ هجرس: اي يالله خلينا نخلص ع بكير نزلو شغف و هجرس من البيت طلعو ع السيارة و صلو ع المكان يلي حاطين فيه ميرنا و محمود و رهف نزلو من السيارة.
شافو المجموعة كلها هونيك شافن باسم و صفر بتمو: شو هاد تعو شوفو كيف طالعين متل التؤام اسيل نبهرت: اووووووووووه شو حلوين هجرس همس ل شغف: شايفي انا يلي محليكي شغف رفعت حاجبها: ما عرفتك جواد بجدية: يالله هلئ شو رح تساوي دخلت شغف لعندن مشت بخطوات ثابتة و قفت مقابيلن اشرت ل عمر يشيل الربطات السود يلي ع عيونن و فعلاً عمر شالن من ع عيونون، اطلعو بشغف يلي واقفة مقابيلن بثبات و شموخ محمود بصدمة: شغف؟
شغف بابتسامة شر: نورتو ميرنا بخوف: شو رح تعملي فينا شغف ع نفس الوضع: كل خير رهف بخوف: نحنا مو متل اخواتك شغف ضحك بصوتا كلها: اخواتي ههههههه ضحكتيني فعلاً( قربت عليها و حكت بصوت شبه عداد الموت) انتو عملتو معي معروف و انا رح ردلكن اياه بس بغير طريقة رهف بلعت ريقها بخوف: انا، انا، اسفة ما بقى بعيدها شغف بضحك: عنجد، ليش انا بدي بقى خليكي لحتى تعيديها، هههه فعلاً بتضحكي محمود: تركيهن انا يلي قتلت امك.
رهف بهسترية: لا لا لا لا، انا لأ هني يلي عملو كلشي، لك تركني شغف بعياط: خرسي احسن و ربي بقطعلك لسانك و بزتو للكلاب اسر اخد رهف قعدها ع الكرسة و ربطها اجت شغف حطت الكبلات الكهربا بايديها و شغلت الكهربا ع اقوى عيار بعدها طفت الكهربا هون رهف صار الدم ينزل من انفها و تمها جابت ميرنا و غطصت راسها بالمي هون ميرنا ما بقى تتنفس لحتى طلعتلا راسها من المي.
جابت محمود ربطت ايديه بالجنازير و صارت تجلد فيه لحتى صار محل الضربة ينزل دم هجرس بهدوء: شغف بكفي انتي شوفي حالك كيف صرتي ع القليلا رتاحي شوي رهف: تعي قتلينا و خلصي بقى ريحينا و رتاحي.
شغف قربت عليها مسكت شعرها بقوى غريبة: فشرتي، والله لحتى خليكن تشتهو الموت شهوا و ما تلاقو طلعت شغف لعند المجموعة برا قعدت ع الكرسة لحتى ترتاح شوي رفيف: بدك تقتلين؟ شغف ببرود: امممممم، اي عمر: بيستاهلو شغف بتفكير: #الانتقام من بعد الحب...
رواية الانتقام من بعد الحب
