رواية حب بلا قيود للكاتبة أسماء صلاح الفصل الرابع عشر

ملك بصدمه:استاذ حاتم ف حاجه.
حاتم:لا اصلي شوفت النور منور فعرفت انك جيتي انتي كنتي فين.
ملك:الوقت متأخر يعني و وقفتك معايا دلوقتي مش حلوه.
حاتم: وحلو اللي كان نازل من عندك دلوقتي.
ملك بانفعال:انت مالك.
قام حاتم بزقها الي الداخل... وقفل باب الشقة.
حاتم:انا بقى هقولك مالي... اصلي متبقيش خطيبتي... وقدامي بقالك سنتين... وف الآخر يجي واحد من برا يخدك مني.
ملك وهي تتراجع للخلف:انت مجنون... اطلع برا.
حاتم:اهااا وحابب اوريكي الجنان.
اقترب حاتم منها... وحاول التعدي عليها
ملك ببكاء وخوف وهي تحاول أن تتدفعه عنها:ابعد عني.

افتكر أدهم ان ملك تليفونها ف البلد وهي دلوقتي مش معها تليفون... فشتري واحد ورجع ليها تاني... طرق الباب.
اول ما ملك سمعت صوت الباب قام بصراخ.
حاول حاتم ان يكتم نفسها... ولكن كان أدهم سمع الصوت وجن جنونه وكسر الباب.
دخل أدهم وهو كالثور الهائج وقام بمسكه من الخلف...واسقطه على الأرض... ولكمه ف وجهه... عده لكمات.
نزف حاتم من فمها وأنفه ...لم يقدر حاتم يتكلم كان حاسس انه هيموت بين ايديه.

قام ادهم بإخراج سلاحه من جيبه... وصوبه تجاه.
ملك بصراخ وتوسل:لا يا أدهم... سيبه... ارجوك يا أدهم خلي يمشي... أدهم... سيبه.
نزل أدهم سلاحه وقال:عاوزك تخرج دلوقتي ومترجعش تاني عشان لو شوفتك قدامي هقتلك.
قام حاتم بالعافية...وخرج من الشقة... ونزل للأسفل بصعوبة... وطرق باب شقته وبعدين سقط على الأرض مغشيا عليه.

نرجع لملك وادهم تاني.
أدهم:مين دا.
ملك: ساكن ف الشقة اللي تحت.
أدهم بعصبيه:برضو ماله بيكي.
ابتلعت ملك ريقها وقالت:كنا قرأين فاتحه... بس سيبنا بعض.
أدهم:ومقولتيش ليه الكلام دا قبل كدا.
ملك:انت مسالتش.
أدهم:هتفضلي هنا زي ما قولتي.

ملك:ايوه... مش هينفع اروح عندك يا أدهم... المرة اللي فاتت عشان مطرين لكن المرة دي لا.
أدهم بضيق:يعني قعدتك هنا كويسه.
ملك:أكيد هو مش هيعمل كدا تاني... لو حصل حاجه هكلمك.
أدهم:اي السبب.
ملك:عشان مش هينفع نقعد مع بعض ف بيت واحد.
أدهم بنفاذ صبر:اشمعنا المرة دي.
ملك:أدهم...الأول مكنش ف حاجه بينا لكن دلوقتي ف.
أدهم:غربيه.

ملك:لا مش غربيه... بس انت عارف اني مش زي اللي كنت تعرفهم الأول... واي حاجه بتحصل بينا يا أدهم حرام وتعتبر زنا... يمكن ربنا خلي جدي يعمل كدا واجي هنا وحاتم يتصرف كدا عشان افوق منكرش اني ضعفت قدامك واستجابت ليك مع اني عارفه انه حرام مينفعش ... زي ما حاتم فكر فيا كدا... انت كمان هتفكر كدا.
أدهم بذهول من كلامها:انت بتقولي اي..انا عمري ما هفكر فيكي كدا .

ملك:أدهم انا كنت اعتبر خطبيه حاتم وحتى مكنش بيعرف يمسك ايدي لان حرام ... لكن معاك انت حصلت تجاوزات كتير... وبعدين سيبته عشان مكوناش زي بعض... انت غيره ف حاجات كتير... و بالنسبالي اماني وسندي... بس انا مش عاوزه اغضب ربنا اكتر كفايه اللي حصل.
أدهم:انتي ندمانة انك حبيتني.

ملك بلوم:لا مش ندمانة... لو رجع بيا الزمن تاني... كنت هحبك برضو... بس انا مش عاوزه اتغير وابقي وحشه... انا كنت بقول لسمر لا مينفعش اروح انا اعمل زيها.
ربنا قال ف قرانه... وشرعت ملك ف قرأيه بعض الآيات القرآنية

( أَتَأْمُرُونَ النَّاسَ بِالْبِرِّ وَتَنْسَوْنَ أَنْفُسَكُمْ وَأَنْتُمْ تَتْلُونَ الْكِتَابَ أَفَلَا تَعْقِلُونَ ) .

( يَاأَيُّهَا الَّذِينَ آمَنُوا لِمَ تَقُولُونَ مَا لَا تَفْعَلُونَ * كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ ) .

قال رسول الله صلى الله عليه وسلم: ( يُجَاءُ بِالرَّجُلِ يَوْمَ القِيَامَةِ فَيُلْقَى فِي النَّارِ، فَتَنْدَلِقُ أَقْتَابُهُ فِي النَّارِ، فَيَدُورُ كَمَا يَدُورُ الحِمَارُ بِرَحَاهُ، فَيَجْتَمِعُ أَهْلُ النَّارِ عَلَيْهِ فَيَقُولُونَ: أَيْ فُلاَنُ مَا شَأْنُكَ؟ أَلَيْسَ كُنْتَ تَأْمُرُنَا بِالْمَعْرُوفِ وَتَنْهَانَا عَنِ المُنْكَرِ؟

وحديث أنس أن النبي صلى الله عليه وسلم قال: ( رَأَيْتُ لَيْلَةَ أُسْرِيَ بِي رِجَالًا تُقْرَضُ شِفَاهُهُمْ بِمَقَارِيضَ مِنْ نَارٍ.

فَقُلْتُ: يَا جِبْرِيلُ مَنْ هَؤُلَاءِ؟

قَالَ: هَؤُلَاءِ خُطَبَاءُ مِنْ أُمَّتِكَ، يَأْمُرُونَ النَّاسَ بِالْبِرِّ، وَيَنْسَوْنَ أَنْفُسَهُمْ، وَهُمْ يَتْلُونَ الْكِتَابَ أَفَلَا يَعْقِلُونَ)

وأضافت ملك وقالت:مش عاوزه اتبع شهواتي لان النفس امره بالسوء... قال الله تعالى

{زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ وَالْبَنِينَ وَالْقَنَاطِيرِ الْمُقَنطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالأَنْعَامِ وَالْحَرْثِ ذَلِكَ مَتَاعُ الْحَيَاةِ الدُّنْيَا وَاللَّهُ عِندَهُ حُسْنُ الْمَآبِ}

انا مش عاوزك تزعل من كلامي بس انا مش عاوزه انسى ديني عشان الحب... ممكن ربنا يعاقبني ويأخذ الحب دا مني لأني عصيته...الحاجه الحرام ربنا مش بيبارك فيها.

أدهم: لا مش زعلان منك... انا بحبك ياملك وبحب كل حاجه فيكي وعارف انك غير اي واحده كنت اعرفها ... عارف ف بينا اختلاف كبير...بس الاختلاف دا بيزود حبي ليكي كل يوم ...لو عاوزه نتجوز دلوقتي هتصل اجيب المأذون حالا.
ملك:لا مش دلوقتي مش هينفع اتجوز من ورايا اهلي.
أدهم:هيكون كتب كتاب بس.
ملك:معلش يا أدهم... خليها بعد ما اخلص امتحانات... وابقى اروح لجدو واقوله.
أدهم:نروح ان شاء الله.

ابتسمت ملك وقالت:ان شاء الله.
أدهم: بس برضو موضوع حاتم دا هنتحاسب في بعدين.
ملك:خلاص يا دومي بقا.
أدهم:دومي.
ملك:ههههه والله مكنتش ولا بحبه ولا حاجه بس عشان ماما كانت بتحسبه محترم.
أدهم:امممممم... طب هو ساكن ف اني شقه.
ملك:والله الراجل مش في حته تاني يضرب فيها.
أدهم:ماشي انا همشي... ومفيش نزول ف حته والجامعة هخلي حد يجبلك الملازم وكل حاجه تمام.
ملك:انا كنت عاوزه.
أدهم:اتفقنا... اهااا نسيت... دا تليفون عشانك بدل اللي عمك خده.

سميحه: مين اللي كسرك كدا يا ابني.
حاتم وهو نايم على فراشه ويتألم... وقعت يا اما.
سميحه: وقعت فين... دا اكن ف عربيه داست على وشك.
حاتم بضيق:خلاص بقا يا اما.

ف بيت عبد الحميد.
عبد الحميد:عاوز ملك... واعرف مين اللي عمل كدا.
عمر:انا كدا كدا كنت نازل القاهرة... بكرا.
يوسف:مش هي ف الجامعة واكيد عندها امتحانات.
عبد الحميد:اكيد.
يوسف:عاوزين نعرف هي في جامعه اي ونجيبها اكيد حد من البنات يعرف.
عبد الرحمن:بت قليله الربايه والله... انا لو شوفتها هقتلها.

عاصم:ما تسأل سليمان يا ابوي... ممكن يكون ابنه اللي عمل كدا.
عبد الحميد:بعدين المهم ملك تيجي وبعدين نتكلم.
كانت تجلس ف الخارج سعاد وزينب ونعمه ونورا ومني.
سعاد:والله معرفش البت دي جتلنا من أني داهيه.
زينب: البنات خلاص اتجننت.
نعمه:المهم نطمن على البت ونشوفها فين.
مني:اهااا عندك حق يا عمتو.
سعاد وهي تلوي فمها:اخرسي يا بت... اي يا نعمه هو انتي عجبك اللي حوصل ولا اي.
نعمه:لا بس كلنا بنغلط يا سعاد وانتي لو بنتك كانت مكانها عمرك ما كنتي هتعملي كدا... ولا احنا مبشوفش غير غلط الناس بس.

ذهبت بوسي الي الحازم ف المكتب.
السكرتيرة:اتفضلي...استاذ حازم مستنياكي.
دلفت بوسي الي الداخل.
حازم:عامله اي...مختفيه ليه
بوسي:تمام ...قولت ان اسأل بدل ما انت مبتسالش.
حازم:والله عشان كان أدهم ونادر مش موجودين وكنت انا اللي شايف أمور الشركة.
بوسي: امممم اصلي معرفش.
حازم:هو انتي وادهم متخانقين.
بوسي:أدهم بقاله فتره متغيره معايا.

حازم:ليه كدا
بوسي:ما ساعه ما ملك دي ظهرت والدنيا اتغيرت... وحظي الاسود يوم ما اروح عياده الاقيها شاغله هناك.
حازم:وملك مالها باادهم.
بوسي:يعني انت مش عارف ولا اي.
حازم:لا مش عارف حاجه
بوسي: اسأل لو طلع مفيش علاقه بين أدهم وملك مبقاش انا بوسي.
حازم: لا يا بنتي ازكان ملك كانت معها ف الشقة.

بوسي:مش بقولك... انا دلوقتي عرفت سبب بعد أدهم عني بس والله ما هسيبها.
حازم: يا بنتي ملك راحت لأهلها اصلا.
بوسي: اتمنى انها كانت نذوه بالنسبة لي أدهم وخلاص.
حازم:ما كلنا عارفين ان انتي وادهم بترجعوا لبعض مهما يحصل... اشمعنا المرة دي.
بوسي:خوف أدهم عليها... وطريقه عنها كانت غربيه... انا محسيتش بحاجات دي وانا معها.

استيقظت ملك وتوضأت وصليت الفجر وجلست تدعو ربنا... وجلست تستغفر ربها.
وبعدين قامت واخرجت ألبوم الصور من الدرج وجلست على السرير... وفتحت الألبوم لتشاهد الصور التي جمعتها بأهلها.
صوره تقف هي وندي تتحضنها ويضحكان.
صور كثير تجمع مع والدها ووالدتها.
زفرت دمعه من عينها... وتذكرت.

كانت تجلس ف غرفتها تشاهد الصور دخلت عليها ندى.
ندى:يا بنتي اقعدي زاكري بدل الصور دي.
ملك:بحب اتفرج عليهم.
ندى:طب حد يسيب الأصل ويمسك ف الصورة.
ملك:هههه لا بس بحب صورنا مع بعض وماما وبابا معانا.
ندى:طب زاكري بقا عاوزينَك تتدخلي هندسه بقا.
ملك:وهبقي احلى بشمهندسه.

فاقت ملك من ذكرياتها... ومسحت دموعها وقامت... لتحضر شيء تأكله.

ف شقه سمر.
بوسي:شوفتي بقا صاحبتك طلعت ناصحه ازاي.
سمر:ما حازم قال سافرت.
بوسي:الله اعلم... بس والله ما هسيبها ومش نادر اللي سكت عشان أدهم... انا مش هسكت ولا هسيبها.
سمر:يا بنتي... انتي اي اللي خليكي متأكدة... ان هي وادهم ف بينهم حاجه... وحتى لو بينهم يعني هتعملي اي.
بوسي:هتاكد واشوف هعمل اي.
سمر:بلاش تعملي مشاكل لنفسك.
بوسي:مش هسيب حقي... هو انتي شكلك دبلان كدا ليه.
سمر:مفيش كويسه بس عشان مبطله شرب بقالي اسبوعين.
بوسي:بطلتي ولا اي.
سمر:نفسي ابطل.

معتز:اصحى يا ابني احنا بقينا العصر.
مراد بصوت ناعس:هقوم حاضر.
معتز:يلا قوم.
قام مراد ودلف الي المرحاض... وخرج ارتدي ملابسه... وبعدين خرج من الغرفة.
مراد:انا هنزل.
معتز:هتروح فين... تعالي ننزل نروح نقعد ف اي مكان...وبعدين ابقى روح.
مراد:لا مش هروح البيت هشوفلي فندق اقعد في
معتز:وتشوف فندق ليه... خليك قاعد معايا.
مراد:ماشي... بس مش عاوز اضايقك.
معتز:يا ابني انت اخويا.
مراد:طب ادخل البس عشان ننزل.

كانت ملك تجلس تقلب ف الأوراق بتاعت الكتاب... عشان تبدأ تذاكر... جرس الباب رن وقامت فتحت.
ملك باستغراب:سمر.
سمر:انا كنت جايه اشوفك موجوده ولا طلعتي موجوده.
ملك:اتفضلي.
سمر:معلش جيت من غير ميعاد بس انا جايلك ف موضوع مهم.
ملك:ادخلي طيب.
سمر:بصي يا ملك... عارفه انك شايله مني واني طلعت زباله معاكي... بس انا جايه انهارده اقولك اني بوسي ناويلك على حاجه.
ملك: بوسي مين.

سمر:اللي كانت عندي ف الشقة... كانت على علاقه باادهم.
ملك تذكرت بوسي وموضوع الإجهاض اللي كان عند دكتور معتز وجود أدهم معها.
ملك:وانا مالي.
سمر:بتقول انك السبب... والله انا محدش قالي اني اجيلك ولا حاجه... انا جيت عشان أحذرك... وتأخدي بالك.
ملك:طب انا هعمل اي.
سمر: معرفش... بس حاولي تاخدي بالك لان بوسي مش سأهله.
ملك:هو انتي تعبانة.
سمر:لا انا كويسه.
ملك:شكلك تعبان.
سمر:لا انا كويسه.

ملك:هي بوسي دي عارفه البيت بتاعي .
سمر:لا انا مقولتش لحد على بيتك غير حازم...واكيد حازم مش هيقولها.
ملك بقلق:الله اعلم.
سمر:انا هقوم امشي لو احتاجتي حاجه كلمني.
ملك:هو أدهم قطع علاقته بي بوسي.
سمر:ايوه ما هي عشان كدا مضايقه.
ملك:انا عاوزه اشوفها.

سمر:لا ملهاش لازمه والله... بصي انا هقوم عشان لسه هروح اكشف.
ملك:هتكشفي اي
سمر:عشان بتعالج من الإدمان فبروح لدكتور.
ملك:طب هاجي معاكي
سمر:لا خليكي يا حبيبتي.
ملك:استنى دقيقه هلبس واجي معاكي.

دخلت ملك لتبدل ملابسها وخرجت وذهبت مع سمر الي العيادة... وانتظروا الطيب ف العيادة وبعد أن انتهت سمر من الكشف قالت:تعالي ندخل الكافية نشرب حاجه وبعدين نروح.
ملك:بسرعه لان أدهم ميعرفش اني نزلت.
دخلت ملك وسمر الي الكافية وجلسان على الطاولة... وطلبوا العصير.
كان معتز ومراد يجلسان ف الطاولة المجاورة ليهم... معتز كان مقابل لي ملك فتكمن من رؤيتها
معتز:استنى يا مراد انا هقوم اسلم على حد وهاجي استنى.
مراد:ماشي.

قام معتز واتجه ناحيه الطاولة.
معتز:ملك...ازيك
قامت ملك وابتسمت وقالت:دكتور معتز
معتز:اختفتي روحتي فين.
ملك:كنت ف البلد عند اهلي ورجعت عشان الامتحانات.
معتز:ربنا معاكي.
ملك:نسيت اعرفك دي سمر صاحبتي ودا دكتور معتز كنت شاغله عنده.
معتز:اتشرفت بيكي... انا قاعد مع صاحبي هناك... بعد اذنكم.

ملك:اتفضل حضرتك
لف مراد لكي يرى معتز...وجده يقف مع فتاه... وتمكن رؤيتها.
قام مراد من مكانه بصدمه.
معتز:مالك يا ابني انت قومت ليه.
مراد:انت كنت واقف مع مين
معتز وهو يجلس على الكرسي:ملك اللي كانت شاغله معايا.
مراد بذهول: ملك... واتجه مراد ناحيتها.
مراد:ملك
ملك رفعت نظرها له... وقامت من مكانها... مراد

رواية حب بلا قيود للكاتبة أسماء صلاح الفصل الخامس عشر

ملك بصدمه:مراد.
سمر:ف اي يا ملك.
مراد:ملك عاوز اتكلم معاكي انا دورت عليكي كتير... ومعرفتش اوصلك لحد ما فقدت الأمل.
ملك:عاوز اي.
سمر بتعجب:مين دا!
ملك:قريبي... بعد اذنك.
مراد:مش هتمشي غير ما اكلم معاكي
قام معتز وقال:ف اي... انتم تعرفوا بعض.
مراد:ملك لوسمحتي.

ملك:طيب
مراد:معتز خليك انت قاعد هنا وانا هاخد ملك وهنقعد على الترابيزه بتاعتنا.
معتز:مش فاهم حاجه ف اي
مراد: و بعدين يا معتز خليك هنا بس.
اتجه مراد وخلفه ملك وجلسوا على الطاولة الأخرى.
ملك:خير يا دكتور.
مراد:عامله اي.
ملك:عايشه... بعد اختي وابويا ماتوا بسببك
مراد:ملك هو انتي شايفه اني ليا ايد ف موت ندى.

ملك وبدأت دموعها تسيل على وجنتها:الله يرحمها بقا... ليك ايد انت كنت السبب لدا انت كنت عارف انك مش هتعرف تحميها ليه من الاول يا مراد انا كنا عايشين ف حالنا ... مراد انت اختارت غلط من الاول انت كنت عارف اني اختي مش مناسبه ليكي ولا كانت زيك ف اي حاجه وعارف اهلك كويس.
مراد:انا مقاطع اهلي يا ملك... وبلغت البوليس وقتها بس محدش اتحبس لأنهم محدش مسك عليهم حاجه.
ملك بحده:وانا المفروض هعمل اي دلوقتي... افضل اعيط...ولا استنى لما اهلك يموتوني
مراد:انا قعدت ادور عليكي كتير انتي ومامتك بس معرفتش اوصلك لأنكم عزلتوا.

ملك:ماما الله يرحمها يا مراد... ماتت
مراد بصدمه: ماتت.
ملك:اهااا.
مراد:انا مش هسكت غير لما اجيب حق ندى... انتي دلوقتي اخر حد من أهلها.
ملك:وانا هساعدك ازاي يا مراد.
مراد: مش نفسك اللي قتل اختك يتقتل.
ملك:اكيد... نفسي انا مش بس هاخد حق اختي انا هاخد حق أبويا وامي.
مراد:وانا كنت بدور عليكي عشان نعمل كدا الاول كنتي صغيره بس دلوقتي لا.

ملك:نفترض يا مراد اني هنفذ كلامك انت هتسجن ابوك واخوك...وبعدين انا اهلي صعايدة ولو حد فيهم عرف هياخدوا بالتار.
مراد:لما اخويا قتلها كان عمل حسابي كان خايف عليا... لا... اللي انتي متعرفوش... اني انا وندى كنا متجوزين وكانت حامل... يعني انا مات مراتي وابني يا ملك.
ملك بذهول:انت بتقول إي.
مراد:انا هوريكي عقد جوازنا... وإشاعة السونار اللي كانت عملها... عشان تتأكدي ان اللي حصل كان غصبن عني مفيش واحد هيقتل ابنه.
ملك:انا مش مصدقه.
مراد:حقك يا ملك... بس لما تشوفي الورق هتصدقي.
ملك:انا لازم افتح قضيه ندى... انا مش هسيب اللي قتل اختي يعيش.
مراد وهو الكره عمي قلبه:مش دلوقتي احنا لازم نخطط كويس عشان نوقعه.
ملك:ازاي.

مراد:انا بدور على حاجت تودي ف داهيه بس مش لاقي... وعاوزين نقول لأهلك.
ملك: وبعدين
مراد:واكيد اهلك هيخلوا حد يقتله... او نقتل حد قريب منه ونحرق قلبه عليه.
ملك:انا مش هقتل حد.
مراد:ومين قال انك هتقتلي... بس انا لازم احرق قلبه... واموته بالحياة زي ما عمل فيا.
ملك:انت بتكره اخوك اووي كدا.
مراد:كل ما بشوفه ببقى نفسي اموته...بصي خدي رقمي اهو وابقى كلمني.
ملك:تمام...انا هقوم عشان اروح.
قامت ملك واخدت سمر ومشيت... ورجع معتز الي مراد.
معتز:ممكن تفهمني.

مراد:دي ملك اخت ندى الله يرحمها.
معتز:انت كنت قاعد معها كل دا ليه.
مراد:عاوز انتقم من أدهم.
معتز:وهي مالها
مراد:الكلام هيوصل لأهلها من ناحيتها وبكدا هيقتلوا أدهم.
معتز:عاوز تقتل اخوك يا مراد.
مراد:نفسي اشوفه بيموت قدام عيني.
معتز:مش انت مراد اللي كنت اعرفه... الزمن غيرك يا صاحبي.
مراد:الزمن بيغير كل الناس... بس انا عاوز اعرف حاجه.

معتز:اي
مراد:انت تعرف أدهم على علاقه بمين ف الفترة دي.
معتز:بوسي لو تعرفها.
مراد:لا بس هعرفها قريب.
معتز:انت ناوي على اي
مراد:هعمل معها زي ما عمل معايا.

سمر:مين دا يا ملك.
ملك:مراد... اللي اختي ماتت بسبب اهله.
سمر بصدمه:وانتي كنتي قاعده معها ليه.
ملك ببكاء:ندى ماتت وكانت حامل... قتلوها... يا سمر.
سمر:اهدي يا ملك ادعيلها.
ملك:مش هسيبهم.
سمر:طب مراد دا ناوي على اي.
ملك:معرفش انا مش هرتاح الا لما اشوفه ميت.
سمر:بس احنا مش عارفين نيته.
ملك:انا مستعد اعمل اي حاجه بس ارجع حق اختي... انا ما صدقت جاتلي الفرصة دي.

ف مكتب حازم... أخبرته السكرتيرة ان ف حد عاوز يقابله.
حازم:دخلي.
دلف مراد الي الداخل.
قام حازم وقال باستغراب ودهشه:مراد.
مراد:ازيك يا حازم.
حازم:انا تمام.
مراد:قولت اسلم عليك قبل ما اسافر.
حازم:هتسافر فين.
مراد: ألمانيا هقعد هناك ان شاء الله.
حازم:والله مش مصدق انك جيتلي.
مراد:كان بينا عشره برضو.
حازم:اكيد طبعا.
مراد:كنت عاوز أسألك على حاجه.
حازم:اي قول.

مراد:انت تعرف عنوان بوسي.
حازم استغرب وقال:وانت تعرف بوسي اصلا.
مراد بارتباك:اهااا مره اتكلمنا كدا وهي قالت انها تعرفك.
حازم بعدم اقتناع:طب هو ف حاجه مهمه.
مراد:لا عادي انا كنت مقابلها ف حفله اللي كانوا بيحصلوا بمناسبه الشركة وكدا وشفتها هناك.
حازم:طب انا هديك رقمها.
مراد:يبقي كتر خيرك.

خرج مراد من المكتب وعلى وجهه ابتسامه انتصار.
حازم:ياريت يا مراد وراك اي دا انت بقالك سنتين مبتكلمش حد فينا.
ركب مراد سيارته وطلب الرقم.
مراد:الو
بوسي:مين معايا.
مراد:حضرتك بوسي.
بوسي:ايوه مين.
مراد:انا كنت عاوز اتكلم معاكي بخصوص أدهم.
بوسي بقلق:وانت تعرف أدهم منين.
مراد:لما نتقابل ونتفق.

كانت ملك تجلس ف شقتها وهي تفكر فكيف ستواجه القادم هل سوف تنسحب... ام ستكمل للنهاية...افاقها من شرودها جرس الباب... وقامت فتحت... ودلف أدهم الي الداخل.
أدهم:الملازم بتاعتك اهي... الاسبوع الجاي الامتحانات.
ملك:اهااا.
ادهم: مالك ف حد ضايقك.
ملك:لا بس افتكرت اهلي ربنا يرحمهم.

أدهم:يارب يا حبيبتي ... المهم عاوزك تذاكري عشان الامتحانات... وان شاء الله نبقي نروح نزورهم مع بعض.
ملك:ان شاء الله...، سمر جاتلي انهارده.
أدهم:ليه.
ملك:عادي كانت عاوزه تشوفني.
أدهم:ماشي يا ملك... بإذن الله ايام الامتحانات هبقي هاجي اوصلك.
ابتسمت ملك:برضو
أدهم:اهااا... لازم.
ملك:ماشي يا سيدي.

اتفق مراد مع بوسي انهم يتقابلوا ف كافيه.
بوسي:ممكن اعرف حضرتك...عاوزني ف اي.
مراد:بصي انا اخوه أدهم.
بوسي:أعرف كدا بس اللي اعرفه انكم مقاطعين بعض.
مراد:بظبط كدا...بصي انا هدخل معاكي ف الموضوع على طول... انتي علاقتك باادهم كويسه ولا.
بوسي: مش فاهمه انت تقصد اي.
مراد:اصلي عرفت ان ادهم بيحب واحده وكنت عاوز اعرف هي مين.
استغربت بوسي من سؤاله وتأكدت ف تلك اللحظة انه كداب و ميعرفش اي حاجه عن أدهم... وعاوز يوصل عن طريقها ولكن اتت ف بالها خطه لكي تخلص من ملك.

بوسي:بت اسمها ملك.
مراد وهو يحاول ان يستوعب ما قالته للتو... ايعقل انها ملك وقال:ملك مين.
بوسي:ملك صاحبه سمر لو تعرفها.
مراد:كانت شاغله عند معتز.
بوسي:ايوه... بس المهم أدهم عندي.
مراد:وانا هشيل ملك من طريقه.

ف الشركة.
نادر:هو انت هتروح لجد ملك ازاي.
أدهم:هي تخلص امتحانات بس وانا هروح.
نادر:انت متخيل انك خطفتها من بيتهم وراح عاوز تتجوزها.
أدهم:خلاص اتجوزها غصبن عنهم.
نادر:هو انت بتحبها اوووي كدا.
أدهم:اهااا ومش عارف ازاي ما ساعه شافتها يوم التليفون وانا حسيت بإحساس اول مره احسه.

ولما مشيت قولت خلاص مش هشوفها تاني قابلتها عند معتز ف العيادة... كنت بغير من حازم لما قالي اتجوزها اتضايقت اوووي وقتها.
نادر:مش مصدق ان أدهم اللي بيتكلم.
أدهم:والله ولا انا مصدق... اني ممكن كنت احب حد كدا.
نادر:انا قلقان من حوار أهلها دا.
أدهم:انا هتصرف.
نادر:طيب انا هنزل اشوف باقي الشغل بقا واحضر الورق عشان الاجتماع.
أدهم:ماشي

ام هاجر نزلت لسميحه.
ام هاجر:هو حاتم بقاله يومين مش باين ليه.
سميحه:حاتم سافر.
ام هاجر بصدمه:سافر فين وهاجر.
سميحه:بصراحه هو قالي اقولك ان فسخ الخطوبة... وانه مش هيرجع دلوقتي.
ام هاجر:ابنك ضحك على بنتي وف الآخر هرب بعملته.
سميحه: انتي بتخرفي بتقولي اي يا وليه انتي.
ام هاجر:بقول الحقيقه البت حامل منه.
سميحه: حاتم ابني ميعملش كدا.
ام هاجر:واهو عمل.
سميحه:اطلعي برا... يا وليه انتي وروحي ارمي بالكي على واحد تاني.

ف منزل عبد الحميد.
عبد الحميد:مفيش جديد.
عاصم:لا يا ابوي... عمر ويوسف هناك ومحدش وصل لحاجه لسه.
عبد الرحمن:اكيد هنوصل يا ابوي بس الصبر.
عبد الحميد:وانا صابر... يلا روحوا على الشغل انتم عارفين اني مش قادر انزل عشان تعبان.
عاصم:ربنا يطول ف عمرك يا ابوي.
عبد الرحمن:يلا يا عاصم.
عبد الحميد:يا ترى هتعملي اي يا ملك.

عدي شهر الامتحانات...بتاع ملك...وتحسنت علاقاتها بسمر... وخلال الشهر مراد كان مراقب تحركات ملك خطوه بخطوه ومستني اللحظة المناسبة.

ف شقه عند ملك.
ملك:الحمد الله خلصت.
أدهم:يلا عقبال السنتين اللي ناقصين.
ملك:يارب.
أدهم:هتروحي لجدك امتى.
ملك:مش عارفه.
أدهم:هترجعي ف كلامك.
ملك:لا بس عاوزه افكر هقوله اي.
أدهم:عادي هتقوليله انا بحب أدهم وعاوزه اتجوزه.
ملك:طبعا جدي هيقولي وماله يا حبيبتي... الف مبرووك... انت بتقول إي يا أدهم.
أدهم:انا غلطان... مش دي الحقيقه.

ملك:يعني.
أدهم بصدمه:يعني اي... انتي مش بتحبني.
ملك:لا بحبك.
أدهم:اومال اي يعني دي.
ملك:أدهم هو ف حاجه ممكن تفرقنا عن بعض.
أدهم:ف
ملك بخوف:اي
أدهم:الموت.

ابتعلت ملك ريقها. ادمعت عينها وقالت:انا بكره الموت اوووي عشان بياخد مني كل الناس اللي بحبها يا أدهم... انا عارفه انه علينا حق وكلنا هنموت بس انا قلبي بيتوجع اوووي لو اتخليت اني ممكن افقدك انت كمان... ساعتها مش هقدر أعيش.
أدهم:بتحبني لدرجه دي.

ملك وهي تمسح دموعها وقالت وهي تنظر له بحب:وأكتر... انت وقفت معايا ف حاجات كتير اهلي مش عملوها... لما كنت بستنجد بيك َ...كنت بتعمل اي حاجه عشاني ف ازاي مش هحبك... انت رجعتلي احساس الأمان اللي كنت نسيته اصلا.
أدهم:انا بحبك وعمري ما هسيبك لآخر يوم ف عمري.
ارتفع صوت الصويت والنواح ف المنزل.
ملك:اي الصوت دا.
أدهم:تقريبا من فوق.

ملك:طب انا هطلع اشوف كدا.
كان الصوت جاي من شقه ام هاجر... صعدت ملك.
ام هاجر:لا يا بنتي قومي... والله مش هضايقك حسبي الله ونعم الوكيل حسبي الله ونعم الوكيل... يا هاجر قومي كلمني يا بت... متعملش فيا كدا متسبنيش لوحدي... يا هااجر.
كان الجيران واقفين البعض يهدها والأخرى يتسال هي انتحرت ليه.
دخلت ملك والدموع تملي عينها ورتبت عليها.
ربنا يرحمها ويغفرلها... ادعي ليها برحمه الصويت بيعذاب الميت... ربنا يغفرلها.

ام هاجر:سامحيني يا بنتي... سامحينى... ادعيلها ان ربنا يرحمها.
لم تستطيع ملك الوقوف اكثر من كدا ونزلت... لادهم.
دخلت ملك الشقة وجلست علي الأريكة وكانت تردد كلمتين:ماتت... انتحرت.
أدهم: ملك انتي كويسه.
ملك وهي تبكي بشده:امها زعلانه عليها... حالتها صعبه اوووووي.

جلس ادهم على ركبتيه أمامهم ومسح دموعها بيده وقال:مش انتي بتقولي الموت حق... وكل اجلا كتاب... يعني دي حاجه مش بأيدنا... عارف انك افتكرتي اهلك ويوم موت كل واحد فيهم... بس انتي ادعيلهم برحمه.
ابتسمت ملك ابتسامه خفيفة وقالت:بقيت تتكلمي زيي.
أدهم:اهااا... انتي علمتني حاجات كتيره اوووي... ياريتني عرفتك من زمان كان ف حاجات كتير هتتغير.
ملك:كنت هبقي لسه صغيره.
أدهم:فصلتني... ارتاحتي.
ملك:ههههههههه خلاص والله.
أدهم:بعد اي.

ملك:خلاص بقا انا كنت عاوزه اروح المقابر.
أدهم:ماشي... ادخلي البسي ونروح.
دخلت ملك وابدلت ملابسها... وبعدين خرجت ونزلت هي وادهم وركبوا السيارة.
وصلوا الي المقابر.
دخلت ملك وكان أدهم خلفها واقف أمام قبر ندى واغمضت عينها لكي تقرأ الفاتحة.

لسه أدهم هيغمض عينه ولكن عينه جات على الاسم والتاريخ بتاع وفاتها مش معقول ندى محمد ونفس يوم الوفاه يبقوا صدفه.. مستحيل. أدهم كان واقف مصدوم مش عارف يعمل اي... احس بالعجز لأول مره... فهو ممكن يخسر حبيبته للأبد.
وفجاه اتاتهم صوت من الخلف يعرفه أدهم جيدا.
لف أدهم وملك.

رواية حب بلا قيود للكاتبة أسماء صلاح الفصل السادس عشر

لف أدهم وملك.
تصمر أدهم مكانه من شده الصدمة.
مراد:مش كنتي تقولي انك هنا.
ملك:انت جيت امتى
مراد:لسه جايه دلوقتي عشان أزور مراتي... ولا اي يا اخويا.
ملك بتعجب:انت تعرف أدهم.
مراد:اهااا ما دا اخويا.
ملك:أدهم انت ساكت ليه هو انت تعرف مراد.
مراد انت بتهزر.

مراد:دا أدهم النوري وانا مراد النوري... ما تقولها يا أدهم.
ملك بصدمه فتلك كانت آخر حاجه تتوقعها.
ملك:أدهم اتكلم... قول اي حاجه...لااكيد مش صح... ازاي يعني... حتى أدهم كمان وهم... مراد انت بتتكلم صح... أدهم اخوك... أدهم اللي قتل اختي... أدهم اللي دمر حياتي...اكيد لا...سقطت ملك على الأرض... وكانت تبكي.
انتم كدابين كلكم كدابين... أكيد أدهم مش هو اللي اتقتل اختي... لا.
كان أدهم يشعر وكن قلبه يتمزق... فهو لم يستطيع أن يفعل لها شي.
مراد:دي الحقيقه يا ملك.

استندت ملك الي الأرض وقامت.
ملك وهي منهارة:اني حقيقه... بظبط...حقيقه ان اهلي ماتوا ... ولا حقيقه اني اكتر انسان حبيته ووثقت في طلع هو اللي قتل اختي.
اني حقيقه.
أدهم بضعف وحزن:ملك.
ملك:مش عاوزه اسمع حد... مش عاوزه... وبعدين سيبتهم وركضت كالمجنونة... لم تعرف طريقها... ظلت تبكي وتبكي.
أدهم:عاوز مني اي يا مراد.
مراد: حبيت ادوقك من نفس الكأس يااخويا...شوفت الاحساس صعب ازاي ولسه مش هترتاح غير لما تموت قدام عيني.
أدهم: الا ملك يا مراد انت فاهم

ذهبت ملك الي سمر... طرقت الباب.
فتحت سمر لها.
سمر بفزع:مالك يا ملك ف اي
ارتمت ملك ف حضنها... وقال بصوت منبوح من كثره البكاء:أدهم طلع اخوه مراد... ياسمر... أدهم هو اللي قتل اختي.
سمر:اهدي يا ملك اهدي يا حبيبتي.
ملك:انا مش عارفه اعمل اي... أدهم وحق اختي بقوا قصاد بعض.
سمر:اهدي يا ملك.

ملك بتوسل:يارب...وبعدها وقعت مغشيا عليها...سندتها سمر وادخلتها الغرفة واتصلت بالطبيب.
الدكتور:انهيار عصبي... وانا اديتها حقنتين مهدي لما تفوق هتبقى كويسه... ولو ف حاجه كلمني.
سمر:شكرا يا دكتور... اتفضل.
دخلت سمر وجلست جانبها... رن هاتف ملك.
أخذته سمر وخرجت من الغرفة لكي لا تقلقها.
وردت علي الهاتف.
سمر:ملك نايمه... انا سمر.
أدهم:هي كويسه طيب
سمر:جالها انهيار عصبي.

أدهم:انا جاي... وقفل السكة
ذهب أدهم الي منزل شقه و فتحت الباب ودلف آدهم إلى الداخل.
سمر:جواه ف الاوضه.
دخل أدهم الي الاوضه و كانت ملك نايمه... جلس أدهم جانبها و امسك يديها وقال اسف والله حقك عليا يا ملك انا مكنتش اعرف... اسف... و بعد مرور الوقت قام أدهم خوفا أن تفيق و تجده
أدهم:.ابقى طمنني عليها.
سمر:حاضر.

ف الشركة.
نادر:اي اللي حصل... قلقتني.
أدهم:ملك طلعت اخت ندى اللي مراد كان مجوزها.
نادر بدهشه:اييييييييييييه!
أدهم:وملك عرفت.
نادر:مراد طبعا... هو السبب.
أدهم:طبعا انا مش عارف مراد ناوي على اي.
نادر:هي صدقت انك قتلت.

أدهم:ازكان اخويا صدق.
نادر:هتعمل اي.
ادهم:مش عارف حاسس اني مش عارف افكر حاسس بالعجز... ملك ضاعت من ايدي.
نادر:لازم نحسبها صح...مراد اخوك استغل ملك... بس اي الخطوة الجاية اي
أدهم:مفيش أسوأ من كدا اخويا واقف قدامي وبيقولي مش هرتاح غير لما تموت.

ملك بصراخ:ادهمممممممم
اتفزعت سمر وجريت عليها:ملك اهدي يا حبيبتي مفيش حاجه.
ملك:عاوزين يقتلوا أدهم يا سمر.
سمر بحزن:اهدي يا ملك.

انتهى اليوم... واستيقظت ملك وذهبت الي منزلها لكي تستعد للسفر.

معتز:انا نفسي افهمك والله.
مراد:باخد حقي.
معتز:يعني انت مصمم تسافر مع ملك.
مراد:ايوه يا معتز... لازم اهل ندى يعرفوا ويقتلوه.
معتز:أدهم اخوك يا مراد.
مراد:انا اخويا مات يا صاحبي.
معتز وهو يضرب كف على كف... لاحول ولا قوه الا بالله.

ف الشركة.
زينه:مين حضرتك.
ملك بضيق:ادخلي قولي لادهم ان ملك عاوزه تقابلك.
زينه:ثواني... اتصلت زينه واخبرته.
اتفضلي ادخلي.
دخلت ملك المكتب... ولكن ساد الصمت للحظات وتلاقت العيون ببعضها.
ملك:انت اللي قتلتها.
أدهم:لا... بس طلالما الكل شايف كدا يبقى خلاص.

ملك:مش فاهمه... طب لو هو مش انت... ليه مش بدافع عن نفسك ليه ساكت.
أدهم:من امتي الكلام بيجيب يا ملك... انتم كلكم صدقتوا اللي حصل... مع اني محدش دور ولا يعرف حاجه.
ملك:انا مكنتش فاكرك كدا... فجأة كدا بقيت هادي ومبتقولش حاجه.
أدهم:عشان بدافع عشان هدف وانا دلوقتي معنديش هدف... خلاص مراد صدق بقاله سنتين عايش على امل انه يشوفني بتعذب... وانتي دلوقتي.
ملك وقد ادمعت عينها:خلاص يا أدهم خليك كدا... متتكلمش... بس انا ندمت اني حبيتك... وياريتني ما كنت شوفتك ولا عرفتك... خرجت ملك من المكتب دون تسمع رده.
جلس ادهم ودفن وجهه بين يدها و هو يشعر بتمزيق قلبه.

ذهبت ملك الي مراد ف المكان اللي اتفقوا يتقابلوا فيه عشان يسافروا...وركبت السيارة معه.
مراد:جاهزة.
ملك:اكيد.
مراد:انتي كنتي بتحبي.
ملك:اديك قولت كنت بس دلوقتي لا.
مراد:بس اخر الطريق دا أدهم هيموت.
شعرت ملك بألم ف قلبها وقالت:ودا اللي احنا عاوزينه.
مراد:ملك تتجوزيني.
ملك بذهول من طلب مراد... وقالت:بس.
مراد:موافقه ولا.
ملك:موافقه... وبعد كدا ظلت ملك طول الطريق صامته ووضعها راسها على الشباك وتنظر الي الطريق.

استغراب الغفر اللي واقفين أمام المنزل... من قدوم ملك ومعها شاب.
دخلت ملك ف ظل تلك التساؤلات التي طرحت ف نفسهم... وطرقت الباب.
سعاد بصدمه: ملك
ملك:جدي هنا.
سعاد:هاااا... اهااا جواه.
دخلت ملك ومراد وطرقت على الباب وبعدين دخلوا.
رجعت سعاد لزينب اللي كانت قاعده معها.
زينب:مين.
سعاد:ملك.
زينب:ودي رجعت ليه دي
سعاد:مش عارفه بس جلبي مش مرتاح واصل.

ف غرفه المكتب عند عبد الحميد
عبد الحميد قام واقف وهو مصدوم وقال:انتي جيتي... لوحدك ومش خايفه...ومين دا.
ملك:ممكن تسمعني.
عبد الحميد:هسمع اي
ملك:مش انت عاوز تعرف مين قتل ندى اختي وبعدها بابا لحقها.
جلس عبد الحميد علي الكرسي وسمح لهم بالجلوس.
مراد:انا كنت بحب ندى وكنا هنتجوز بس اهلي مكنش واقفين وكان عاوزين ابعد عنها ولما انا رفضت قتلوها.
عبد الحميد:وانت تتطلع مين.
مراد:مراد سليمان النوري واللي قتلها اخويا.

عبد الحميد:انا دماغي لفت انتم بتقولوا اي.
ملك:هتاخد بتار ندى يا جدي ولا هتسيب حقها.
عبد الحميد:يعني انت جاي بتتعرف على اخوك طب ازاي.
مراد:ايوه لأني عاوز حق ندى يرجع...، ولازم اشوفه غرقان ف دمه.
عبد الحميد:ورحمه ابني ما هسيبه عايش دقيقه.
مراد:وانا هساعدك بايه حاجه تتطلبها.
عبد الحميد:زين.

مراد:انا كنت عاوز اتجوز ملك... وفرصه نجيبه الفرح ونخلص عليه.
عبد الحميد بعد ما لقب الفكرة ف دماغه:فكره زينه بس انت ازاي هتجيبه.
مراد:دي شغلتي بقا.
عبد الحميد:ملك انتي اطلعي على اوضتك.
ملك: ماشي يا جدي.
خرجت ملك من المكتب وصعدت الي غرفتها.
واتصلت بنورا ومني.
مني راحتلها لأنها معها ف نفس البيت وبعد شويه كانت نورا جات.
مني:انتي رجعتي ازاي يا ملك.
نورا:فهمينا.

ملك:انا هتجوز مراد اخوه أدهم.
مني ونورا بصوا لبعض... وقالوا ف صوت واحد:انتي اتجننتي.
ملك:بصوا انا هفهمكم الخطة هتمشي ازاي بس انا عاوزكم تساعدوني.
نورا:قولي يا ملك.
ملك:انا شاكه ان اللي قتل ندى حد من البيت دا... والموضوع دا متهم ف أدهم لان أدهم اخوه مراد اللي كان متجوز ندى... وطبعا ابوه مراد كان عاوز يقتل ندى او يبعدها عن طريق ابنه... الغريب بقا ان ندى اتقتلت بس كان معها بابا... يعني الله مين اللي مقصود.

نورا:اي اللفة دي كلها... انا توهت.
مني:يعني القاتل هيكون مين.
ملك:الله اعلم ف الاخر هيظهر او هيطلع أدهم كداب ودا احتمال ضعيف.
نورا:طب ليه ميكنش أدهم فعلا.
ملك:احساسي بيقولي لا مش أدهم... الغريب بقا ان أدهم ساكت ودا بيقول ان أدهم مخبي حاجه.
مني: واحنا هنعمل اي.
ملك:الموضوع صعب بس احنا هنظهر الحق...نورا انتي هديكي رقم نادر صاحب أدهم ودا عشان لو حصل موقف مش متوقع يبقى نادر يقول لادهم ويتصرفوا.
نورا:هو انتي هتتجوزي مراد.

ملك:معرفش المهم عندي انا أدهم ميحصلوش حاجه.
مني:وانا
ملك:انتي عليكي البيت اي حاجه تسمعها وخصوصا لما موضوع ندى هيتفتح.
نورا:ملك تفتكري مين القاتل .
ملك:الله اعلم بس يارب الخطة تمشي زي ماهي لأني خايفه يحصل حاجه تاني.
نورا:انتي قولتي لادهم حاجه.
ملك:لا أدهم مواجهته للموضوع سلبيه اوووي... تحسي انه اتهد فجأة.
نورا:بس أدهم مش هيسكت.
ملك:ودا المطلوب بس لازم هو يكون بعيد.

نورا:واحنا معاكي و ربنا يستر.
ملك:اهااا وخدي رقم سمر برضو.
نورا:مين سمر.
ملك:صاحبتي هو تعرف نادر... لو حصل اي حاجه فهي ف مصر و هتقدر تتصرف اسرع.
نورا:طيب احنا هننزل وانتي ارتاحي شويه... وبعدين انزلي لان جدك قال انه هيجمع العيلة كلها.
مني:بس يوسف وعمر ف القاهرة.
نورا:مش عارفه بقا يلا ننزل بس.
خرجوا من الغرفة ووضعت ملك راسها على السرير وافتكرت ما حدث مع نادر.

فلاش باك
ملك:انا عاوزه اشوف نادر.
سمر:انتي بتقولي اي
ملك:كلمي نادر يا سمر.
سمر بتعجب:حاضر.
اتصلت سمر بنادر... وبعدها بشويه كان نادر وصل وفتحت سمر.
سمر:اتفضل يا نادر... دلف نادر الي الداخل... وجلس.
نادر:ف اي يا سمر قلقتني...فين ملك
خرجت ملك من الغرفة... واتجهت الي الصالون.
نادر:ملك.
ملك:عاوزك تساعدني.

نادر:ف اي
ملك:أدهم هو اللي قتل ولا
نادر:انتي مصدقه ان أدهم. يقتل مرات اخوه.
هزت ملك راسها نافيه وقالت:لو الدنيا كلها قالت كدا انا مش مصدق.
نادر:والعمل.
ملك:طلالما ولا أدهم ولا عمك... يبقى ف حد تاني.
نادر:دي حقيقه.
ملك:دا غير كدا اليوم دا كان بابا مع ندى فالله اعلم مين كان المقصود.
نادر:امممم... ممكن... بس دلوقتي القاتل دا صعب نوصله.
ملك:انا هوصله.

نادر:ازاي... هو قعد سنتين مظهرش ف الصورة.
ملك:هقولك ازاي المهم اني مش عاوز حد يعرف حاجه.
نادر:ماشي يا ملك.
ملك:وانتي يا سمر محدش يعرف حاجه.
نادر: هتعملي اي
ملك:لما هنقول ان أدهم القاتل ... اكيد القاتل الحقيقي هيطمن... والقاتل الحقيقي مش هيخرج من اهلي.
اتسعت عين نادر بدهشه وقال:ملك انتي عارفه انتي بتقولي اي.
ملك:عارفه... انا همشي ف السكة مع مراد للآخر.

نادر:المشكلة اننا مش عارفين مراد ناوي على إي بظبط.
ملك:ماانا همشي معها الطريق للآخر واشوف... وكمان الخبر هيوصل للأهلي... عشان الموضوع يتفتح.
نادر:ملك انتي عارفه اي اللي ممكن يحصل اي... نفترض انه حد من أهلك هسيبك هو بقا... اللي خليها خلص علي اختك... هيخلص عليكي وانتي هتكوني قاعده ف البيت معاهم...يعني سهله.
ملك:لازم دا يحصل عشان الحقيقه تبان... مراد مش هيسكت غير لما يخلص على آخوه.
نادر:طب وانا هعمل اي
ملك:تحاول تبعد أدهم عن أي حاجه... واي حاجه أدهم هيعملها تقولي.
نادر:ماشي... بس يا ملك.
ملك:مبسش... يا نادر لازم الحقيقه تبان .

باك
ملك:اكيد هبتان ولازم اعرف القاتل... وهكشف حقيقته قدام الكل.

ف الشركة... ف مكتب أدهم.
نادر:انا عرفت ان ملك جات الشركة.
أدهم:اهااا
نادر:أدهم انت كويس.
أدهم:ايوه.
نادر:انت عارف ان اخوك مراد سافر انهارده مع ملك.
أدهم:عارف.
نادر:وهتفضل ساكت كدا.
أدهم:مفيش حاجه اعملها لحد دلوقتي.
نادر:انت عرفت ازاي.
أدهم:ف حد من البيت عبد الحميد بيقولي كل حاجه ودا من الغفر اللي عندهم.

نادر:اممم وهو مقالش حاجه تاني.
أدهم:دلوقتي لا.
نادر:طب وملك.
أدهم:مالها
نادر:مراد بيستغلها ضدك.
أدهم:عارف.
نادر:ممكن يذيها.
أدهم:ميقدرش.
نادر:هتعمل اي.
أدهم:لما اعرف هو عاوز اي... المهم يسيب ملك ف حالها ولو قرر يحطها او حصلها حاجه هدفعهم كلهم التمن.