وصل أدهم ملك الي الجامعة وانتظرها بالسيارة... وبعد مرور ساعه ونص خرجت ملك...وفتحت باب السيارة وركبت. أدهم:عملتي اي. ملك:الامتحان كان حلو. أدهم: واومال مالك مكشره ليه. ملك:عشان المادة دي سهله وانا مذاكرها بس المادة الجاية رخمه اوووي والدكتور بتاعها رخم... وكمان انا مكنتش بحضرها. أدهم:ومكنتيش بتحضري ليه. ملك:لأني مش بفهم منه حاجه.
أدهم:طيب... هبقي اشرحهلك. تمتمت ملك بصوت منخفض:يعني انا هفهم منك. أدهم:انا غلطان يا ستي. ملك:سوري أدهم:خلاص جربي... يا بنتي انا المفروض كنت ابقى دكتور... بس الظروف بقا. ملك:امممم... طب ومبقتش دكتور ليه. أدهم:عشان الشركة. ملك:ايوه اكيد مكنش حد هيسيب الشركة واشتغل ف التدريس... وبعدين كدا احسن أدهم:اشمعنا.
ملك:اصلك مكنش هينفع انك تبقى دكتور. أدهم:ليه ناقص ايد مثلا. ملك:لا... بس البنات اوفر ولما شافوا دكتور حلو... بيقرفونا. أدهم:قصدك اني حلو. ملك بتوتر: لا عادي...،بس البنات اللي اوفر ف تصرفاتهم. أدهم:مقبولة منك يا ستي. ملك:يعني شكلك حلو شويه بس انا معرفش. أدهم:ليه هو انا مش باين.
ملك:عشان حرام ابصلك بغرض اني اشوفك حلو ولا أدهم:ليه ملك: لا ن غض البصر ليس واجباً على الإطلاق، ولكنه واجب عن الحرام، قال الطبري رحمه الله: يكفوا من نظرهم إلى ما يشتهون النظر إليه، مما قد نهاهم الله عن النظر إليه.
وأمّا نظر الفجأة: فمعفو عنه للرجل والمرأة، لأنه غير مقصود ويعسر التحرز منه، قَالَ رَسُولُ اللَّهِ صلى الله عليه وسلم لِعَلِي: يَا عَلِي لاَ تُتْبِعِ النَّظْرَةَ النَّظْرَةَ، فَإِنَّ لَكَ الأُولَى وَلَيْسَتْ لَكَ الآخِرَةُ.
يعني لو بصلتك غصبن عني... يعني بدون قصد. والرسول قال النظرة الأولى تحل ولكن التانيه لا عشان أكيد هكون قصدها.
وعَنْ جَرِيرٍ قَالَ سَأَلْتُ: رَسُولَ اللَّهِ صلى الله عليه وسلم عَنْ نَظْرَةِ الْفَجْأَةِ، فَقَالَ: اصْرِفْ بَصَرَكَ. رواهما أبو داود.
وأما تعمد نظر المرأة إلى الرجل الأجنبي من غير شهوة أو خوف فتنة، فقد ذهب بعض أهل العلم إلى جوازه، زي مثلا لو نظرت لدكتور الجامعة عشان افهم وهو بشرح.
أدهم:وانتي عرفتي الحاجات دي منين َ. ملك:عادي... بابا وماما كانوا بيصلوا... وعارفين دينهم كويس... وانا كنت بتعلم منهم حاجات كتير... دا غير النت ف كل حاجه. أدهم:وانتي كنتي بتستخدمي النت ف كدا. ملك:ايوه عشان لما حد يسألني على حاجه اقدر افيد الناس مش ابقى بفتي. أدهم:كل دا وانتي عندك عشرين سنه.
ملك:مش بالسن وبعدين انا مش بعمل حاجه صعبه. أدهم:امممم... ومكنتش بتغيري من صحابك عشان هما بشعرهم وانتي محجبة وطريقه اللبس متغيره. ملك: لا...و لان الحجاب واجب على نساء المسلمين.
والحجاب يُطلق على اللباس الواسع، السابغ، الذي يستر المرأة المسلمة، بحيث لا يصف ما تحته، ولا يشفّ، ولا يرى أحداً من الرجال من غير محارم المرأة أي شيء من بدنها، وممّا يبيّن معنى الحجاب قول الله تعالى: (وَمَا كَانَ لِبَشَرٍ أَن يُكَلِّمَهُ اللَّهُ إِلَّا وَحْيًا أَوْ مِن وَرَاءِ حِجَابٍ)،ومن وراء حجاب؛ أي لا يرى الله تعالى أما حكم لبس الحجاب فهو واجب على جميع نساء المسلمين، بالكتاب، والسنة، وإجماع العلماء، حيث أوجبه الله -تعالى- لِما فيه من خيرٍ ومصلحةٍ للمرأة المسلمة وللمجتمع، حيث قال الله تعالى: (يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَّحِيمًا)، فأمر الله -تعالى- عامة نساء المسلمين ونساء الرّسول -صلّى الله عليه وسلّم- بشكلٍ خاص بارتداء الجلابيب؛ ليتميّزن عن نساء الجاهلية وعن الإماء، وحتى لا يتعرّض لهن أي فاسق بأذى، والجلباب يُطلق على ما ترتديه المرأة من رداء،[ومن أدلّة وجوب الحجاب: قول الرّسول صلّى الله عليه وسلّم: (المرأةُ عورةٌ؛ فإذا خرجتِ استشرفَها الشَّيطانُ)،ويُمكن القول ممّا سبق أنّ كلّ أجزاء بدن المرأة عورة، ومنها وجهها، وقال العلماء: حتى ظفرها من العورة، فوجب عليها إذا خرجت أن ترتدي لباساً يستر جميع بدنها.
كان أدهم يستمع لها بأعجاب...وقال:طب ليه منصحتيش سمر صاحبتك. ملك:انا قولت ليها كتير وقولتلها حرام تقلعي الحجاب بس هي مسمعتش كلامي... وكل ما كنت بشوفها كنت بقولها بس للأسف. أدهم:احنا وصلنا يلا انزلي. ملك:ماشي. أدهم: انا هروح الشركة... عاوزه حاجه. ملك:لا شكرا.
نزلت ملك من السيارة... وصعدت ف الاسانسير ودخلت الي الشقة. اتجهت الي الحمام توضأت... وخرجت تبدل ملابسها... وصلت الظهر ... وبعدين نامت على الفراش... كانت تفكر ف أهلها وادهم ... و اللي هيحصل بعد الأسبوعين يخلصوا. ولكن غلبها النوم.
ف الشركة. اتصل أدهم بحازم وطلب منه ان يأتي اليه... وبعد دقايق اتي حازم. أدهم:اي يا حازم جواز اي حازم:انا قصدي الجواز اسلم حل. أدهم:والله حازم:انا قولت هعرض عليها الفكرة. أدهم:طب ما ممكن متوافقش. حازم:وممكن توافق. أدهم:ابقى قولها بس ان وفقت يبقي الموضوع يتأجل... لبعد الأسبوعين. حازم:مش مشكله.
أدهم:نادر مكلمنيش بقاله يومين..، هو كلمك. حازم: لا... يمكن حس بحاجه. أدهم:ربنا يستر بقا لحسن انا اتخنقت. حازم:انا هروح اشوف الشغل وبعد كدا هروح لملك. أدهم من غير نفس:ربنا معاك.
كانت سميحه تجلس عند جارتها. سميحه:والله بحمد ربنا يا ام محمد... اني مجوزتش حاتم ليها. ام محمد:اشكري ربك بقاااا.. طلعت ماشيه على حل شعرها وانتي ابنك حاتم متربي ومحترم. سميحه:كل يوم وتأني الاقي رجاله طالعه ونازله وطبلت ف الاخر انها مشيت كمان. ام محمد:ربنا يسترها علينا يااختي البنات مبتقش تخاف من حد. سميحه:يلا هنعمل اي بقا... الدنيا اتغيرت. ام محمد:صوبي الشاي يا بت يا هاجر. سميحه:سيبي البت تذاكر.
ام محمد: تذاكر اي بس دي مخلصه جامعه... دي قاعده طول النهار والليل على الكمبيوتر. أحضرت هاجر الشاي وسلمت على سميحه وبعدين دخلت الي غرفتها. سميحه:والله هاجر زي القمر. ام محمد:نفسي اجوزها... وافرح بيها. سميحه:وانا عندي عريس. ام محمد:مين سميحه:حاتم ابني يا وليه. ام محمد:خلاص نأخذ رأي العيال. سميحه:انا مش هلاقي احسن من هاجر لحاتم... وكمان هيقعدوا معايا ف الشقة و انتي عارفه اني مش معايا حد.
ف بيت عبد الحميد. كانت سعاد وزينب يشغلان بتحضير الطعام كالعادتهم كل يوم... ومحدش موجود ف البيت غير مني. نزلت مني تتسحب على أطرافها اصابعها على السلم... وبعدين ذهبت إلى المطبخ ونظرت من بعيد وجدتهم مشغولين... خرجت من باب البيت بحذر لكي لا يريها احد. مشيت خطوات واسعه ف حديقة البيت حتى وصلت لأخرها... وخرجت من باب البيت الخلفي. وكان يوجد أحد ينتظرها خلف الباب. مني:اتاخرت عليك. سعيد:اوووووي... كل دا عشان تيجي.
عزه:منصور انا كنت محتاجه...فلوس َ.. منصور:مش معايا. عزه:ماانت طول النهار قاعد على الكنبة هيبقى معاك منين. منصور:اخرسي يا وليه سيبني اتفرج على الفيلم. عزه:مش هسكت يا منصور انا سيبت بيتي وبنتي واتجوزك... وانت خدت كل اللي كان معايا عشان تجيب القرف اللي بتشربه دا. منصور:هو انا قولتليك تسيبي البيت. عزه:قصدك اي منصور:الباب يفوت جمل. عزه:وفلوسي اللي خدتها مني. منصور:الله يعوض عليكي بقا... انا نازل لحسن انتي عكرتي مزاجي. عزه بحسره و ندب حظها:يا نيله بختك يا عزه... انا اللي غلطانه... وسيبت بنتي.
كان نادر يجلس ف مكتبه وباله مشغول ان ليه أدهم مسالش ولا جاب سيره ما ساعه ما كانوا ف الشركة عند عمه.
استيقظت ملك على صوت الباب قامت وارتديت اسدالها بسرعه... وفتحت الباب. .. ملك:اتفضل يا استاذ حازم... دخل حازم وجلس على الأريكة حازم:انا بحسبك مش موجوده وسألت الحرس قولولي انك ف الشقة. ملك:كنت نايمه عشان جيت من الامتحان تعبانة.. حازم: وعملتي اي ملك:الحمد الله كان سهل. حازم:ملك كنت عاوز اتكلم معاكي ف موضوع. ملك: اتفضل.
حازم:بصي انتي لوحدك وبعد اسبوعين احنا مش عارفين اي اللي هيحصل... وأهلك ممكن يخدوكي. او يحصل حاجه غير متوقعه... بس هو ف حل واحد عشان دا ميحصلش. ملك باهتمام:اي هو حازم:نتجوز. اتصدمت ملك من طلب حازم فهي تعتبره زي اخوها الكبير و لم تفكر ف اي حاجه أخرى ... وظنت ان مساعدته لها بدون مقابل... ولكن ما تلك الورطة اللي وضعني بها. احس حازم بحرج وقال:فكري... براحتك...انا همشي.
ف بيت عبد الحميد. خرجت سعاد من المطبخ... وجدت مني تتدخل من الباب سعاد:كنتي فين. مني بتوتر: كنت ف الجنينة برا.. سعاد بشك:اممم ومن امتى وانتي بتطلعي برا. مني:بشم هوا..يا ماما. سعاد:طيب.
نادر:سمر انا عاوزك تروحي مشوار سمر:فين نادر:عياده هتشوفي ملك موجوده ولا وتنزلي. سمر:نادر مش ملاحظ ان الموضوع بقى بايخ. نادر بغضب:انتي اتجننتي ولا اي.
سمر:لا متجننتش وعارفه اني مليش حق اتكلم عشان انا مش محترمه وزباله... زباله عشان وصلت انضف انسانه عرفتها لطريق واحد زيك... كل شويه تقولي ملك ملك... تبقى قاعد معايا وتقولي ملك... بتحاسسني اني مش موجوده... حتى لما عاجبني أدهم يطلع على علاقه ببوسي اللي انت عرفتني عليها... أدهم عمري ما بصلي مع ان انا وبوسي منفرقش عن بعض كتير... حتى ملك يوم ماانا طلعت زباله معها ربنا بعتلها حازم عشان يخلصها منك و كني ... انا مش هروح ف حته... سيبها ف حالها بقا مش كفاية... انا وصلت لكدا عاوز منها هي اي. نادر بضيق من كلامها:براحتك يا سمر... وسيبها ومشي.
دق جرس الباب وقامت ملك تفتح. دخل أدهم وجلس لاحظ أدهم احمرار عينها وقال :مالك كنتي بتعيطي. ملك:لا مكنتش بيعيط. أدهم:حصل حاجه ملك:مفيش حاجه. أدهم:مش واضح. ملك:استاذ حازم قالي عاوز يتجوزني عشان محدش يعرف يخدني من اهلي. أدهم: هي فكره حلوه... بس انتي موافقه. ملك: مش عارفه. أدهم:عادي هو يا اهااا يا لا ملك:بس.
أدهم:انتي حاسة بحاجه من ناحيه... مشاعر وكدا. ملك:لا مش حاسة بايه حاجه خالص. أدهم:يبقى خلاص قولي لا. ملك:هو الموضوع محرج... انا مش بحب حد يقولي كدا. أدهم:بصي هو حازم راجل كويس ومحامي وهيعرف يحافظ عليكي و باباكي كان بيحبه ... لو عاجبك وافقي... لو لا يبقى خلاص عادي. ملك:بس أنا كدا مش هعرف اتعامل معها زي الاول. أدهم:ليه عادي... وبعدين هو قالك نتجوز اومال لو قالك هاتي بوسه كنتي عملتي ايه. ضحكت ملك.
أدهم:ضحكتك حلوه...، اول مره اشوفك بتتضحكي اصلا انتي كنتي هتجبيلي اكتئاب. ملك:ههههههههه مش لدرجه. أدهم:قومي هاتي الكتب عشان شويه ومش هتعرفي تتعامل معايا انا كمان. ملك بخجل:هههه حاضر دخلت ملك واحضرت الكتاب والملازم الذي تخص المادة. ملك:اهي المادة الرخمة. أدهم:طب اقعدي. جلست ملك جانبه... ولكن كان بينها مسافه كبيره... بدا أدهم يشرح لها. أدهم:خلصت. ملك:وانا فهمت.
أدهم:بجد طب الحمد الله. ملك:شكلك كنت شاطر. أدهم: ايوه...،انا كنت بجيب امتياز. ملك:ازاي. أدهم:قصدك اي. ملك:ولا حاجه. أدهم:لا قولي ملك: يعني ازاي كنت بتذاكر وبتصاحب وبتشتغل وبتعمل كل حاجه.
ادهم:عادي َ.. انا كنت حابب اني ادخل هندسه... لما كنت بشوف بابا والتصاميم اللي كان بيعملها كنت بنبهر بها اوووي عشان كدا دخلتها لأني لما بعوز حاجه بعملها... وكنت بطلع بامتياز كل سنه...و انا كنت شاغل مع بابا يعني يوم اهااا ويوم لا بس كان من باب الخبرة... موضوع اني بصاحب فعادي...،انا ابويا ذات نفسه مصاحب ولي علاقات مع ستات كتير.
ملك:هههه اهااا. قطع حديثهم رنين هاتف أدهم... رد أدهم. بوسي:اي يا أدهم انتي نسيتني ولا اي أدهم:لا مقدرش. بوسي:اومال مش بتسأل عني ولا جيت ليه أدهم:كان عندي شغل مهم والله انتي عارفه ان المناقصة قربت. بوسي:ايوه... ربنا معاك يا حبيبي... هتيجي ولا أدهم:لو خلصت هجيلك. أدهم:ملك... سرحتي ف اي..
فاقت ملك من شرودها و قالت:ولا حاجه...،هي المناقصة امتى. أدهم:خلاص هانت... اهي ملك:هو لو انتم خسرتوا المناقصة... انا هيحصلي أي. أدهم:بصراحه معرفش، بس متخافيش هتصرف. ملك:اصل لو كسبتوها اهلي هيخدوني... ولو خسرتوها... أكيد مش هتودوني لأهلي وهتعملوا حاجه تاني. أدهم:هو انتي خايفه مني. ملك:لا بس معرفش ليه مش خايفه... مع اني يعني. أدهم:سكتي ليه. ملك:ولاحاجه أدهم:قصدك على يوم التليفون ملك:اهااا ادهم: ما انا سيبتك وقتها.
ملك:ايوه بس برضو خطفتني و خوفتني. أدهم:ساعتها كنت عاوز اشوفك... ونادر قالي هاتلى البت دي وأنا كان تليفونك معايا فاستغليت الفرصة دي. ملك:يلا حصل خير. أدهم:ايوه ليه مش خايفه. ملك:مش عارفه بس انا مش حاسة بخوف. أدهم:يعني واثقه ف كلامي ملك:نص نص الصراحه اصلي بقلق. أدهم:ههههههههه... لا يا ستي متخافيش. ملك:ربنا يستر. أدهم:هههه ليه ملك:اصلي أخاف تيجي تقولي نتجوز عشان اهلك والكلام الفاضي دا زي حازم . ادهم:ههههههههه لا متخافيش مش هقول عشان اهلك. ملك بتوتر: اممممممممم
يوسف:هو انت هتجيب الملف من شركه النوري ازاي. عمر:عادي... سهله. يوسف:دا لو عرف هيموتنا. عمر:ليه. يوسف:يعني انت عارف حد من الشركة عمر:ايوه وحد قريب كمان. يوسف:طب ربنا يستر... لأن انا مش مرتاح. عمر:انا هدخل انام... عشان عندنا شغل بدري. يوسف:مش هتقولي مين اللي تعرفه. عمر:...
انقض الأسبوعين... بسلام... وملك انتهت من امتحاناتها...واخبرت حازم عدم موافقتها. وسمر لم تحضر الامتحانات... وظل نادر يبحث عن ملك...ولكن لم يجدها.
دق جرس الباب... وفتحت ملك...دخل أدهم وكان يبدو عليه الضيق...ودخل الي غرفته... وبعد قليل خرج من الغرفة وكان ف يده ملف. ملك:مالك أدهم:ملف المناقصة اتسرق من الشركة... انهارده وبكرا المناقصة. ملك:طب اي الملف دا . أدهم:انا كنت عامل اتنين... واحد كنت انا اللي شاغل عليه وكان ف الشقة هنا... والتاني نادر وعمرو. ملك:طب انت هتقدم دا. أدهم: اهااا بس، المشكلة ف ان مين اللي سرقه من الشركة. ملك:اكيد حد من الموظفين من ناحيه نادر او عمرو لان ملف المشروع معهم. أدهم:اكيد.
ملك:هو تصميم المشروع عن أي. أدهم:عن كمبود. ملك:ممكن اشوفه أدهم:امممم اتفضلي . فتح ملك الملف . ملك:عارفه انك بشمهندس شاطر... بس انا من رأيي انا ف حاجات عاوزه تتعدل. أدهم:حاجات اي. ملك:المفروض مشروع الكمبود يكون كامل... بس انت ف شويه حاجات مش موجوده. أدهم:زي ملك:انت عملت تصميم لمستشفى... ومول... ومدرسه... ونادي... وبرضو تصميم البيوت هايل بس ف حاجه اكيد الشركة التانيه هتعمل نفس الفكرة. أدهم:امممم.
ملك:المفروض يكون ف مسجد وكنيسه... والمستشفى تأخذ مساحه اكبر عشان مش هتكون عيادات كشف بس... متنساش ان ف حالات طواري وعمليات فالازم نهتم بالمرضي ... وتكون ف صيدلية ... وكمان تكون مكانها مش بعيد...يعني تناسب مكان كل السكان أدهم:طب هتعرفي تعملي تعديل لحاجات دي. ملك:ايوه، هي حاجات سهله... لأنك سايب مساحات كتير فاضيه فاحنا هنستغلها لكدا. أدهم:اتفضلي يا فنانة. ملك:بتتريق!؟ أدهم:لا و الله...ملك بس المناقصة بكرا. ملك:ايوه عارفه، بس دي شويه تعديلات بسيطة. أدهم:تمام يلا.
ف الشركة. نادر:اقسم بالله انا هتجنن ازاي يتسرق يعني. حازم:اكيد حد من الشركة. نادر:انا مش عارف اوصل لادهم ما ساعه ما عرف مشي وقالي هيتصرف. حازم:تفتكري مين اللي عملها. نادر:عيله العطار. حازم:دا لو عمك عرف. نادر:هو أدهم وصل لملك صح حازم بتردد: لا... معرفش نادر:يبقى ملك معها. حازم:عمك هو اللي طلب. نادر:وانا كيس جوافة محدش يقولي حاجه. حازم:دي بنت العطار... يعني لو حاجه حصلتها محدش هيسكت... وبعدين خلاص هي آخرها بكرا وهتبقى ف بيت أهلها. نادر:تمام. حازم:تفتكر مين هيكسب بكرا. نادر:احنا
كان سليمان يجلس ف مكتبه بالشركة... وقام بالاتصال بي عبد الحميد العطار. سليمان:ملك معايا. عبد الحميد:بجد سليمان:ايوووه... بس المناقصة بتاعت بكرا شركه العطار تنسحب منها. حصل ما عبد الحميد من خاف منه وقال:انت بتهددني َ. سليمان:لا انا بتفق معاك... احنا بينا شغل... ومفيش بينا عدواه. عبد الحميد:انا جولت لعمر وهو مسمعش مني. سليمان:اتصرف يا حج... انا معايا بنت ابنك وانت عارف انا ممكن اعمل اي. عبد الحميد:سليمان... انت عارف انك ابنك هو اللي هيكسب.
سليمان:ومتأكد كمان بس عشان الحرص واجب... وعشان انا مش عاوز عدواه بينا. عبد الحميد:ربنا ما يجيب عدواه... بنتي تكون عندي بكرا. سليمان:المقابل. عبد الحميد:طلباتك. سليمان:... محتاج مخزن من عندك. عبد الحميد:مخازن العطار كلها تحت امرك. سليمان:هتيجي بكرا عبد الحميد:العصر هكون عندك ف الشركة. سليمان:تمام.
ملك:خلصنا. أدهم:النهار طلع من بدري . ملك:هتروح امتى. أدهم:هنزل دلوقتي. ملك:ربنا معاك. أدهم:انهارده يوم المناقصة. ملك:ايوه عارفه. أدهم:والمفروض جدك هيخدك. ملك:ايوه. أدهم:لو مش عاوزه خلاص. ملك:لا خلاص هروح معها.. مليش حد هنا اصلا... واخلص السنادي هنا وابقى انقل جامعتي. أدهم:يعني خلاص مش هشوفك تاني. ملك:لا بقا... اصل مش هيبقي ف نادر ولا سمر ولا بوسي ولاحازم يبقى هتشوفني...فين. أدهم:خلاص حضري حاجاتك وهبقي اجي اخدك عشان تسافري. ملك:حاضر.
ذهبت سمر عند بوسي. بوسي: كنتي فين يا بنتي سمر:والله كنت ف البيت... بس مكنتش بنزل ولا بكلم حد. بوسي:اممم متخانقه مع نادر. سمر:يعني هو نادر يلزمني بايه. بوسي:اي الكلام دا سمر:دي الحقيقه هو بيقضي معايا وقت بس مش اكتر. بوسي:انتي ليه بتقولي كدا سمر:الحقيقه يا بوسي. بوسي: تعرفي صاحبتك دي راحت فين. سمر:الله اعلم بوسي:كانت عند معتز. سمر: معتز مين. بوسي:دكتور هي شاغله ف عيادته. سمر:اممم... ربنا معها
ناديه:نازل يا حبيبي. حازم:اهااا عاوزه حاجه يا أمي. ناديه:لا عاوزه سلامتك... عملت اي مع ملك حازم:رفضت... وهتسافر انهارده مع جدها ناديه: ربنا معها و يرزقك ببنت الحلال
كسب أدهم المناقصة... خرج عمر غاضبا... كثيرا... فهو خسر اموال كثيره ف سيبل الحصول على تلك الفرصة وف الآخر خسرها... يوسف:أدهم النوري طلع دماغ...غلفنا وساب عرض ف الشركة وعرض معها. عمر:خلاص يا يوسف. يوسف: طب يلا نروح على الشركة عشان نلحق نسافر
وصل عبد الحميد الي الشركة النوري. سليمان:أدهم هيكلمني وهيحدد المكان. عبد الحميد: مش عارف اشكرك ازاي يا سليمان.
انتهت ملك من تحضير أغراضها... وكانت جالسه تنتظر قدوم أدهم. دق جرس الباب... فتحت وجدت الحارس أمامها . الحارس:أدهم باشا مستني حضرتك تحت. ملك:حاضر... اخد الحارس الشنطة منها. نزلت ملك وركبت السيارة... ووضع الحارس الشنطة ف السيارة... وانطلق أدهم. ملك:مبروك. ادهم: على ايه . ملك:على المناقصة أدهم:شكرا ملك:هو هيستني فين..
أدهم:قولتليهم على اول الطريق. ملك:هو لوحده. أدهم:اهااا ومعها السواق بتاعه. ملك:طيب. أدهم:دا قرارك الاخير. ملك:اهااا... مش ينفع يبقى ليا اهل واسيبهم. أدهم:اهااا...لما توصلي ابقى كلميني. ملك:حاضر.
وصل أدهم وكانت سيارة عبد الحميد تنتظرهم على الطريق. أوقف أدهم السيارة أدهم:يلا ملك:سلام. ادهم:هتوحشيني. اكتفت ملك بالابتسامة وقالت:مش هتنزل معايا. أدهم:هنزل نزل أدهم وملك وعندما رأيهم عبد الحميد نزل من السيارة. عبد الحميد بلهفه:ملك... انتي كويسه يا بنتي. ملك:اهااا. عبد الحميد:متشكر... يا ابني. أدهم:انا معملتش حاجه... بعد اذنك. ركب أدهم سيارته... وذهب... وكذلك ملك مع جدها... والتي ظلت طول الطريق ساكته لم تنتطق بكلمه.
ف الشركة. حازم:كنت عارف اننا هنكسب. نادر:بس لازم نعرف مين اللي عمل كدا. أدهم:هعرفه. نادر:المفروض نحتفل. حازم:كنت لسه هقول. أدهم:لا مليش مزاج اصلي منمتش من امبارح كنت شاغل على المشروع.. حازم:ملك مشيت. أدهم:اهااا من بدري جدها خدها. نادر:يا خساره. أدهم:انا هروح بقا. نادر:يا ابني احنا كنا عاوزين نسهر مع بعض. أدهم:لا اسهروا انتم.
ف منزل عبد الحميد. تعالي يا ملك.. دخلت ملك المنزل بخطوات بطيئة ...كانوا الجميع يجلسون...اتصدم كل الموجودين. عبد الحميد: انا قولت اعملها مفاجأة. عاصم ف سره:لا ماهي فعلا مفاجأة زينب:اهلا يا حبيبتي اتفضلي واتجهت ناحيتها وضمتها. سعاد:ازاي يا ابوي متقولش كنا فرشنا الأرض ورد. عبد الرحمن:تعالي ف حضن عمك يا حبيبتي. ملك:ممكن حد يقولي هقعد فين.
عبد الحميد:مني خدي بنت عمك وريها اوضتها. عاصم:مش المفروض كنت تقولنا يا ابوي. عبد الحميد:مكنش لازم المهم ان ملك رجعت لبيتها. عاصم:امممم... أكيد طبعا. عبد الحميد:انا طالع ارتاح شويه. عبد الرحمن: اتوكسنا والحمد الله. عاصم:بس... هنتصرف كدا البت معانا... يبقى خلاص ف كذا حجه عشان نطفشها بيها. سعاد: ونبي حد يشوف يوسف وعمر فين... عشان يشوفوا الوكسه اللي احنا فيها.
ف الغرفة عند ملك. مني:بصي لو احتاجتي حاجه... ابقى قوليلي. ملك بابتسامه:شكرا...هو مفيش حد ف البيت غيركم.. مني:اهااا بس عمتك ساكنه قريب من هنا بس قاعده ف بيت جوزها وهتيجي انهارده . ملك: ماشي... شكرا. مني:اسيبك ترتاحي بقا. قفلت مني باب الغرفة خلفها. ملك:يا رب استرها معايا...وأخرجت هاتفها واتصلت باادهم. أدهم بلهفه:وصلتي. ملك:ايوه... لسه واصله. أدهم:حمد الله على سلامتك. ملك:الله يسلمك...شكرا على اللي انت عملته معايا أدهم:انا معملتش حاجه. ملك:امممم أدهم:سلام ملك:سلام.
قامت وفتحت شباك الغرفة... وقامت بوضع هدومها ف الدولاب... ونزلت وجدتهم يجلسون. رأيها عبد الحميد وقال:تعالي يا ملك اقعدي معانا. اتجهت ملك ناحيه الصالون وجلست بجانب فتاه لم تعرفها. نعمه:كيفك يا بنت اخوي. ملك:كويسه وحضرتك. نعمه:زينه الحمد الله. تكلمت الفتاه التي تجلس ملك جانبها وقالت. انا نورا بنت عمتك. ابتسمت ملك لها.
عبد الحميد:انتي هتعيشي هنا يا بنتي ف بيتك و بين اهلك وناسك... دا عاصم عمك ومراته سعاد ودا ابنه يوسف وبنته مني... وعمك عبد الرحمن ومراته زينب و دا عمر ابنهم... وعمتك نعمه وعندها بنتين نورا وساميه. نعمه:فرح ساميه اخر الاسبوع دا. عبد الحميد:برضو الجوازه دي. نعمه:هعمل اي ف ابوها هو راكب دماغه. عبد الحميد:وانتي ساميه اي رايك.
ساميه:هعمل اي يا جدي حتى لو رفضت رايي ملهوش لازمه. خافت ملك من تلك الحديث وتخيلت نفسها مكانها... وقالت:انا هطلع اوضتي بعد اذنكم. نعمه:كدا كدا البت آخرها للجواز. عاصم:ما تجوز ملك كمان يا حج. عبد الحميد:لسه بدري عاصم:ولا بدري ولا حاجه...لما تتجوز حد من البيت هتاخد علينا اسرع... وكمان هتبقى مسئوله من جوزها وهو ياخد باله منها. عبد الحميد:كلامك صوح. يوسف:انا جاهز يا جدي. عاصم:يبقى خلاص الأسبوع الجاي ساميه واللي بعده ملك...ويوسف
صعدت نورا خلفها وطرقت الباب ملك:ادخل نورا:ممكن اقعد معاكي ملك:اتفضلي نورا:انتي قومتي ليه. ملك:حاسة اني غربيه... ومليش مكان نورا:احنا اهلك. ملك:هما ليه عاوزين يجوزوا ساميه غصبن عنها. نورا:ما باليد حيله. ملك:بس كدا حرام نورا:احنا صعايدة يا بنتي ودمنا حامي يعني معندناش حب والكلام دا.
ملك:بس المفروض يكون ف قبول على الاقل . نورا:قبول على ايه بلا نيله... انتي تلاقي الراجل شبه الحيطة وبكرش ويقول عاوز اتجوز. ملك:ههههههههه... طب اي بيغصبكم على كدا. نورا:يا اختي هنعمل اي... عشان كدا بقا انا قولت ولا احب ولا اتحب... واتجوز اي واحد والسلام. ملك:طب هي ليه اتجوزت من برا مع ان ف عمر أو يوسف. نورا:عادي النصيب... وبعدين ابويا صعيدي ومجفل... وكمان لسه بنات ف العيلة انتي وانا ومني.
ملك:لا انا مش عاوزه نورا:يااختي انا بتمني اخد حد فيهم عشان اقعد ف القاهرة بدل الهم دا. ملك:هو الحج عبد الحميد دا هيسيبني انزل القاهرة عشان الجامعة. نورا:لا يا اختي... دا انا روحت جامعه سوهاج بالعافية. ملك:بجد نورا:طبعا... بس ممكن يوافقوا لما اتجوزتي عمر او يوسف. ملك بضيق:لا طبعا
تعالت الزغاريط من شقه ام محمد. سميحه: مبروك يا ابني عقبال الليلة الكبيرة. حاتم:الله يبارك فيكي يا أمي. همس حازم لهاجر...وقال:مبروك. هاجر: الله يبارك فيك يا حبيبي.
ف الشركة. أدهم:اي يا ابني. نادر:ابوك عاوزنا نسافر معها أدهم:فين. نادر:قال معزوم على فرح ولازم نبقى معها. أدهم:فرح مين نادر:فرح ف الصعيد...انا مش عاوز اروح. أدهم:جدع تقول لسليمان الكلام دا. نادر:يا ابني مشوار يهد الحال... وهنروح نصدع هناك.
أدهم:ههههههههه...،حكم القوي على الضعيف. نادر:بوسي زعلانه منك عشان بقالك فتره مش بتروح ولا بتسأل عنها. أدهم:حاسس اني زهقت. نادر وهو يغمز له: عرفت مزه جديده أدهم:لا. نادر بااستغراب:غربيه دي...
ف منزل النوري. كانوا يجلسون لتناول العشاء. سليمان:هو مراد مش موجود. إيمان بحزن:معرفش. أدهم:بابا اي حوار الفرح دا سليمان:نادر قالك. أدهم:ايوه. ايمان:فرح ابن اخويا يا أدهم. أدهم:طب احنا هنروح ليه. سليمان:يعني هنسيب امك تروح لوحدها مش كفاية اخوك مراد عليها. أدهم:مقصدش والله اصل هنروح نعمل اي هناك.
ايمان:يعني مروحش فرح ابن اخويا... يا أدهم. أدهم:خلاص هنسافر امتى. سليمان:كمان يومين. أدهم:تمام. ايمان:كنت عاوزه اقولك على حاجه. أدهم:اي يا ماما ايمان:بنت خالك زي القمر... اي رايك لو عجبتك نجوزهلك. أدهم:لا شكرا يا ماما... انا طالع انام. ايمان:عجبك كدا يا سليمان. سليمان:سيبي براحته يا حبيبتي... هو مش حابب. ايمان:نفسي اجوزه وافرح بي. سليمان:اكيد هيتجوز يا حبيبتي
دق جرس.. شقتها قامت سمر لتفتح. نادر:قولت اجي اسلم عليكي. سمر:اتفضل. نادر: اسف عشان آخر مره واللي حصل. سمر:لا عادي... مسافر فين. نادر:عندنا فرح ف الصعيد لي قريب طنط ايمان. سمر:مبروك... هي ملك سافرت نادر:اهااا من زمان. سمر: ربنا معها. نادر: انتي مبتكلمهاش. سمر:لا... انت متعرفش ف اي بين أدهم وبوسي. نادر:لا بوسي كلمتني وكانت مضايقه. سمر:اهااا... برضو حكيتلي... هو شاف واحده تانية. نادر:معرفش أدهم داخل علي شهر ولا راح لبوسي وحتى راح معانا ف حته. سمر:غريبه.
كان حاتم بيزور خطيبته. ام محمد:هقوم اعملكم شاي. حاتم:اتفضلي يا حماتي. حاتم:مالك هاجر:مفيش...،بس ولا خرجتني ولا فسحتني ولا عملت اي حاجه. حاتم:خلاص انا ممكن اعمل كل حاجه ياروحي. هاجر:انا كنت عاوزه اعدل شويه حاجات ف الشقة. حاتم:وماله... تعالي ف اي وقت. هاجر:خلاص ماشي... ممكن اعدي عليك بكرا. حاتم: مفيش اي حاجه تصبيره. هاجر: ههههه بس ماما تشوفنا.
ف منزل عبد الحميد. كانت مني تجلس ف غرفتها وتتحدث ف الهاتف. مني:لا مش هعرف. سعيد:لي مني:متنساش ان ملك موجوده ومش عاوزه تمسك عليا حاجه... ويوسف وعمر موجودين وانا اخاف حد يشوفني. سعيد:انا مش عيل يا مني انا عندي 45سنه.، ولو حصل حاجه مش هسيبك. مني: والله ما اقصد يا حبيبي. سعيد:خلاص ف فرح ساميه. مني:الفرح هيبقى عند جوز عمتي مش عندي. سعيد:خلاص هنتقابل ف البيت عندك. مني:ماشي يا حبيبي.
ف غرفه عند ملك كانت تجلس معها نورا وساميه. نورا:يجماعه انا جعانه. ملك:انا من ساعه ما جيت هنا وانتي جعانه. ملك:ههههههههه كانت ساميه شارده الذهن... لم تنطق بايه شي. ملك:مالك يا سوسو ساميه:مفيش نورا:الفرح خلاص قرب. ساميه: عارفه... حسبي الله ونعم الوكيل. ملك: هو انتي مش عاوزه العريس ليه.
ساميه: عشان انا عيشت طول عمري احلم اني اتجوز واحد بحبه... او حتى اكون برتاح معها... لكن دا لا انا عمري ما شوفته اصلا... كل معرفتي بي انه معانا ف البلد. ملك:مش يمكن يبقى كويس... ليه تفترضي الوحش. ساميه:طول ما انتي مش حابه اللي قدامك مش هتقبلي منه حاجه يا ملك. ملك:طب هو مفيش حل. ساميه:لا للأسف...ملك هو انتي اي اللي جابك هنا. نورا:اي الكلام دا يا ساميه.
ملك:مش فاهمه قصدك. ساميه:قصدي انك كنتي عايشه ف القاهرة طول عمرك... ليه جيتي... البيت هنا كلهم بياكلوا ف بعض اصلا... انتي عارفه ان ولا سعاد ولا زينب ولا أمي بيطقوا بعض وشامتنين فيا... ومني فرحانه فيا اوووي عشان هتجوز غصبن عني...يوسف دا مشوفتش احكر منه... كلب فلوس زي ابوه. نورا:اسكتي يا ساميه لحد يسمع. ساميه:ما يسمعوا... انتي عارفه انهم عاوزين يجوزوكي يوسف امبارح قالوا كدا لما طلعتي انتي ونورا . ملك بصدمه:ازاي... محدش، ياخد رايي ساميه:هنا محدش بياخد رأي حد يا ملك... ويوم ما هترفضي هيطلعوا عليكي كلام مش كويسه وهتتجوزي غصب برضو. ملك:طب اعمل اي.
ف منزل عيله الشوربجي. همام:مبروك يا ولدي الف مبروك. احمد:امرك غريب يا ابوي بتبارك على اي. همام:فرحك يا ابني وعاوز افرح بيك. احمد: طيب يا ابوي. أتيت كريمة وقالت:بتتحددوا ف اي همام:هيكون اي يا ام احمد. كريمة:عشت وشوفتك عريس، يا احمد...وعقبال ما اشوف عيالك. احمد:هو انا لسه اتجوزت عشان تشوفوا العيال. كريمة:ههههههههه كلها تسعه شهور يعني ولا عشره... ويجي المولود. احمد بضيق:ربنا يسهل. همام:عاوزك ترفع راسنا يا ولدي.
ف منزل عبد الحميد. عبد الحميد:انهارده حنه البت... وانا عاوزها هنا والتجهيزات شاغله من الصبح. نعمه:امرك يا ابوي وانا قولت لسيد ووافق. عبد الحميد:عشان البنات يرقصوا وياخدوا راحتهم مع بعض. مني:فين الفساتين َ. عبد الحميد:ودي مش حاجه تفوتني طبعا انا جايب لكل واحده فستان. مني:طب هما الرجالة هيعملوا فرح. نعمه:ايوه بس احنا الحريم هنبقى هنا مع بعض... والرجالة عند العريس. مني:ايوه بقا.
يوسف:طب انا هقوم اروح اشوف المصنع وابقى اطلع على الفرح على طول. عبد الحميد:وخبر ابوكي وعمك بالكلام دا وابقوا روحوا على الفرح على طول وانا هاجي انا وعمر . عبد الحميد:خدي يا مني طلعي الشنط فوق لبنات و انتي خدي واحده. مني:من عينا. صعدت مني للأعلى وطرقت الباب ودخلت. نورا:خير ف حاجه. مني: الفساتين عشان الحنه...،عقبالك يا ملك انتي ونورا. ساميه:متشكرين.
مني:العفو بعد اذنكم. نورا:اللهي تتشكى ف قلبك يا بعيده. اخرجت ساميه الفساتين... وقالت هنلبس امتى ملك:انا مش هلبس حاجه من دي. نورا:يا اختي، فكي يعني هيبقى متنكد علينا ونبقى معفين ف نفس الوقت، وبعدين لازم نلبس ونتشيك. ساميه...:هما قصرين ليه نورا:حلوين ملك:بس هنلبس كدا ازاي نورا:دي حنه يعني كلها ستات... ولو حد خرج يلبس العباية والطرحة. ملك:ماشي.
دقت هاجر على باب الشقة. وفتح حاتم لها. هاجر:مامتك جواه. حاتم:لا بتجيب حاجه من تحت... تعالي. هاجر:لا خليها لما تجي. سبحها حاتم للداخل. حاتم:مش عاوزه تتدخلي ليه. هاجر:اصل مينفعش،. حاتم وهو يقترب منها حتى التصقت بالباب... وايه اللي هيخلي مينفعش. هاجر:.
كانت عيله الشوربجي تحضر لفرح على أكمل وجه وبدأت ف استضافه المعزايم. كان همام يقف أمام البوابة ليستقبل اخته وجوزها. همام:يا مرحب يا مرحب. احتضنت ايمان اخيها... سلم همام على سليمان وادهم ونادر وقالت ايمان:أخبارك اي يا همام وفين كريمة. همام:اتفضلوا الأول بس. دلفوا الي الداخل. ايمان:هو الفرح بدا ولا اي همام:لسه شويه... كريمة ونهله هيروح الحنه هتروحي معهم ولا.
إيمان:هروح. سليمان:متتاخريش. همام:انتم مش هتمشوا انهارده لسه الليلة الكبيرة بكره. همس نادر لادهم وقال: هو بيقول الليلة الكبيرة بفخر كدا ليه. وكزه أدهم... وقال:اتلم يا ابني عيب. نزلت كريمة ونهله خلفها وسلمت كريمة علي ايمان ورحبت بيهم. ايمان:كبرتي يا نهله الله اكبر عليكي. نهله: شكرا يا عمتو.
كريمة:كلم يا ابو احمد... الناس برا عاوزينك. همام:يمكن عبد الحميد جي. أدهم ونادر ف صوت واحد:عبد الحميد العطار. همام:اهااا انتم تعرفوا. سليمان:ايوه خديني معاك اسلم عليه. ايمان:مين الراجل دا. أدهم:بيشتغل مع بابا... انتم هترحوا امتى عشان اوصلكم. ايمان:توصلني ليه يا حبيبي. أدهم:مينفعش تروحوا لوحدكم الدنيا ليل. ابتسمت ايمان ظنا ان أدهم فعل ذلك لأجل نهله.
ساميه:شكلي حلو. نورا:اهااا قمر والله. ملك:طب وانا. نورا:قمرين...ما تسيبي شعرك يا بنتي هيبقى تحفه على الفستان خلي مني الكلب تتغاظ وتتكاد. طرقت نعمه الباب. ملك:ادخل. دلفت نعمه الي الداخل وقالت:ما شاء الله عليكم يا بنات... يلا عشان تنزلوا. نورا:ماشي يا ماما. ملك:انا مكسوفه انزل كدا. ساميه:وانا حاسة اني قالعه. نورا:يلا بطلوا قرف بقا.
نزلوا الفتيات وكانت مني قد سبقتهم... وتعالت الزغاريط والاغاني...والتصفيق. واتت كريمة وإيمان ونهله رحبت بيهم نعمه وجلسوا. همست ملك الي ساميه:دي ام العريس صح ساميه:هي وليه عقربه. ملك:هههه اسكت لما تسمعنا. نورا:مش ملاحظين يا بنات ان البت مني كانت بترقص مع البنات وفجأه اختفت.
ملك:ايوه فعلا... وبصيت ملك ناحيه الباب وجدتها خارجه. ملك:الحقوا دي خارجه من الباب بالفستان. ساميه:حد فيكم يقوم يشوفها. ملك:هطلع اجيب عبايه واطلع وراها. نورا:واحنا هنرقص هنا قال اي احنا مش واخدين بالنا. صعدت لملك للأعلى ووضعت طرحه على شعرها... وعبايه على جسمها ونزلت وخرجت من الباب ولكن لم ترى اي أثر لمنى ذهبت خلف الباب ولكن احد سحبها من الخلف...ارتعبت ملك و ارتجفت أوصالها ولكنها رأيتها ملك بدهشه:ادهم.
أدهم:وحشتني. كانت مازالت الصدمة مأثره عليها. ملك:ايه دا انا بقيت بشوف تخيولات كمان يا ربي. أدهم:ملك روحتي فين. ملك:انت أدهم... انت جيت هنا ازاي. أدهم:وحشتني اوووووي ملك:اممممممممم أدهم: حلو الفستان. ملك:فستان اي... افتكرت ملك انها لم تقفل العباية. ملك بإحراج وقد احمر وجهها... واحست انها على وشك الانفجار:اهااا. أدهم:انتي كنتي طالعه ليه. ملك:كنت بشوف حاجه. أدهم:وطالعه كدا.
ملك:ما هو مفيش حد ف البيت وانا لبست العباية دي بسرعه عشان الحق البت. أدهم:اممم وشعرك اللي باين دا. ملك: شعري... اهااا شعري صح وقامت بإدخال شعرها َ...انا هدخل لحد يشوفنا. أدهم:يعني انا جاي ووصلت ماما واستحملت سخافة نهله... و تقوليلي هدخل. ملك:نهله مين. أدهم:قربيه ماما...،مرتاحة هنا. ملك:لا ياريتني ما جيت... دول عاوزين يجوزني ابن عمي. أدهم بضيق:وانتي. ملك:لا بس... مش هعرف أرفض.
أدهم:اممم اهااا ان شاء الله... مفيش جواز بلا ابن عمي بلا زفت. ملك:اصل... قطع أدهم كلامها بوضع قبله على شفتها... تصرمت ملك مكانها. ملك:انت عملت اي. أدهم:ولا حاجه. ملك:انا ماشيه. قام أدهم بضمها اليه... ولف ذراعه حول خصرها. ملك:أدهم سيبني. أدهم: بحبك.
ملك: انت عارف اني محبش كدا أدهم: اسف... بس انا بحبك والله يا ملك نظرت له ملك... وقالت:بتحبني. أدهم:من ساعه ما مشيتي وحاسس ان حياتي ناقصه... عارف انك لسه سايبه القاهرة بقالك اسبوع... ومستغربه لان المدة اللي كنتي معايا فيها قليله اوووي. ملك دمعت:انا مش عارفه اقول حاجه. أدهم:وانا مش عاوزك تقولي حاجه. ملك: طب.
وضع أدهم يده على فمها... هشششش ملك: طب ممكن امشي. أدهم:ممكن... بس بشرط. ملك ومازالت بين احضانه:اي. أدهم:انا مش فاهم دلوقتي انتي اي. ملك:انا اي. أدهم:حلوه فكره الاستعباط دي لا عجبتني. ابتسمت ملك وقالت:وانا كمان. أدهم:وانتي كمان على اني حاجه بظبط. ملك:بص المفروض انت تفهم لوحدك بقا. أدهم:انا مهندس مش ساحر. ملك:بحبك. أدهم:يلا امشي. ملك:أدهم بس انا خايفه.
أدهم:من اي. ملك:لو حد منهم عرف حاجه. أدهم:محدش يقدر يلمس شعره منك... نعدي الفرح دا الأول وبعدين اشوف حوار ابن عمك... وجدك دا ملك:هتعمل اي أدهم:يلا ادخلي عشان محدش ياخد باله. ملك باستسلام:حاضر. مشيت ملك خطوه وبعدين ورجعلته تاني. ملك:هو انت من قرايب العريس. أدهم:اهااا ابن خالي. ملك:طيب.
مشيت ملك ودخلت البيت... كان مازال الاحتفال شاغل. لاحظت زينب دخولها... فقامت وقالت لها:كنتي فين. ملك:كنت برا... اصلي لقيت مني برا فقولت اطلع اشوفها. زينب:طيب ادخلي انتي وانا هشوف مني. ملك:طيب. نورا:اي يا بت عملتي إي ملك:ولا حاجه... اختفت. ولا كان ليا أثر. نورا:يمكن تكون عند الباب الوارني. ملك:فين دا. نورا:بعيد شويه... اخر الجنينة بتاعت البيت. ملك:تعالي نروح. تنحت ساميه من وسط المعازيم وقالت:عملتوا اي.
نورا:لسه مش عارفين. ساميه:شكل البت دي وراها حوار. نورا:خلاص احنا هنروح نشوفها تاني... يلا يا ملك. ملك:انتي رايحه ناحيه المطبخ ليه. نورا:ما هو ف باب ف المطبخ بيطلع على الجنينة يلا. ساروا حتى وصلوا الي الباب. نورا:الباب مفتوح. ملك:ممكن تكون واقفه برا مشوا خطوات أخرى ولكن شوفوها تقف مع. نورا:.
رواية حب بلا قيود
