رواية حب بلا قيود للكاتبة أسماء صلاح الفصل الثامن والثلاثون
ايمان:اتاخرتي ليه يا حبيبتي. ملك:قعدت ف الجامعة شويه. ايمان:ماشي يا حبيبتي... اطلعي أدهم فوق ملك:ادهم جي امتى ايمان:يعني لسه داخل قدامك من شويه ملك:اممم ماشي.
صعدت ملك الدارج وهي تفكر بماذا سوف تبرر تأخيرها. دخلت ملك الغرفه. ملك:ماما قالت إنك فوق أدهم:اتاخرتي ليه ابتعلت ملك ريقها وحاولت ان لا تنظر له... وقالت:كنت بتمشي انا وسمر أدهم:بس. ملك:اهااا أدهم:الدنيا ليلت... المفروض انتي كنتي تيجي من العصر. ملك:اهااا.
أدهم وهو يتجه الي الباب ليخرج من الغرفه:اانا مش مصدقك على فكره وهستني لحد ما تيجي تقولي كنتي فين ملك:كنت ف المستشفى لف أدهم لها... ليه ملك:تعبت شويه بعد ما خلصت السكشن وروحت انا وسمر. ادهم:وليه مكلمتنيش ملك:مكنتش عاوزه اقلقك أدهم:يا ريت دا محصليش تاني لو ف حاجه تكلمني. ملك:حاضر أدهم:الدكتور قالك اي ملك:عادي كان عندي هبوط.
أدهم:من اي ملك:عشان مفطرتش الصبح بس الحمد الله بقيت كويسه كانت ملك تحاول أن تجيد تلك الدور التي تمثله...بكل الطرق ولكن ما حدث لها كان فوق طاقتها. أدهم:طب زاكري ف البيت وبلاش نزول عشان متتعبيش. ملك:ماشي أدهم:انا هنزل غيري هدومك وانزلي ملك:ماشي أدهم: الدكتور قالك كدا بس.
لم ترد عليه ملك وظلت صامته تنظر له نظرات لم يفهم معنها... وفجأه اقترابت منه وارتمت بين احضانه... دفنت وجهها ف عنقه... كانت تتحضنه بكل قوتها ونزلت بحور دموعها التي كانت تحاول منعها منذ قليل . أدهم:ملك... ممكن تهدي طيب ملك:انا عاوزه افضل ف حضنك. تعجب أدهم منها ولكنه استجاب لطلبها. وبعد مرور دقايق لم تعلم أن كانت قليله ام لا. ابتعدت ملك عنه قليلا.
مسح أدهم دموعها بيده... اي اللي حصل...هتفضلي تبصلي بس اتكلمي طيب ملك:يوم ما دخلت ولقيتك بتتكلم ف التليفون فهمت الموضوع غلط... وقتها انت ولا اتعصبت عليا ولا عاملتلي حاجه مع ان اي حد كان مكانك كان من حقه يزعل بس علمتني اني لازم اتأكد بنفسي من الحاجه قبل ما اتكلم او اقول اي حاجه... قبل ما اتجوزك مشوفتش منك غير كل حاجه كويسه ديما كنت بتحمني وبتقف معايا.. وبعد الجواز مع أي مشاكل حصلت مفيش حاجه أثرت على حبك ليا ديما بحس انه بيزيد.
قطع أدهم كلامها... مش فاهم حاجه ملك:خليني اكمل... كنت عارف انك لو اتجوزتني هتقابل مشاكل كتير... مع ذلك اتجوزتني بدل المرة اتنين... فضلت معايا لحد ما علاقتي باهلي اتحسنت كنت مستعد تقف قدام باباك عشاني...بعد كل دا فمستحيل انك تعمل اي حاجه تتضرني... يوم الحادثة الرصاصة اللي انا خدت أثرت عليا. ادهم:المفروض.
وضعت ملك كفها الصغير على فمه وقالت المفروض جات هتيجي فيك... بس بعد كل اللي انا قولتله دا ف حياتي اقل شي ممكن أقدمه ليك... انهارده لما روحت لدكتور وعمل الإشاعة قالي ان شرايين القلب ضعيفة اثر الحادثة دا غير اني عندي انميا وضغط وقالي مش هينفع يحصل حمل لأني هيبقى ف خطر على حياتي وممكن اموت...وعارفه انك كنت عارف قبلي وانك انت اللي كنت حاطت حبوب منع الحمل لما مامتك كانت بتسألني عن سني والجامعة انا فهمت انها تقصد كدا بس وقتها انت قولت انا هدخلها وبعدها الموضوع دا متفتحش، ليه بتتصرف عادي ومقولتش حاجه على الاقل المفروض كنت انا اشاركك واعرف اني تعبانة ليه مستحمل كل حاجه لوحدك...ديما كنت بسمع ان المشاكل بتبوظ الحب بس دا محصلش مع ان كل حاجه حوالينا بتخلي تحصل بدل المشكله الف وعارفه ان تصرفاتي تصرفات أطفال بس انا ديما خايفه انك تروح من ايدي زي كل اللي بحبهم راحوا ديما كنت بتمنى وانا صغيره اني اتجوز واحد نكون متشابهين ف كل حاجه عشان يفهمني ويقدر طريقتي سوء ف اللبس او طريقه كلامي خوفي الزيادة اي حاجه بس اكتشف ان اهم حاجه الاختلاف مع اننا مختلفين عن بعض ف كل حاجه مقولتش حاجه على اللبس بالعكس ديما كنت بحس انك فرحان اني محجبة طريقه كلامي الهبله وبتقعد تسمعني مع ان رجل الأعمال ادهم النوري معندوش وقت يتفاهم... كنت بتسمعني حتى لو الحاجه تافهة لما كنت بخاف كنت بتفضل جنبي عشان تتطمني.
كنت بسمع ان الراجل بعد الجواز بيتغير وممكن يخنق مراته ويخليها قاعده ف البيت أو لو بتتعلم يقعدها ويقولها خلاص انتي اتجوزتي أو واحد اتجوز على مراته عشان مبتخليفش انت مديني حريتي كامله مع ان ساعات بحس انك مضايق ان بخرج بس مش بتقول حاجه عشان مزعلش بتشجعني على اني ازاكر واجيب تقدير مهتم بكل حاجه ف حياتي حتى لو كانت بسيطة، حتى موضوع الخلفة متكلمتش فيه ولا قولت اي حاجه عشان مزعلش او احس بايه ناقص مع ان حقك انك كنت تتكلم غيرتي الزيادة عليك كنت بتتقبلها عادي بغلط كتير بس انت مش بتعاقبني ولا بتعمل حاجه بس بتفهمني ان دا غلط.
لما نورا قالتلي ان احمد وساميه أطلقوا مع اني عارفه انهم بيحبوا بعض، وقتها قلقت وقولت اللي خلي أحمد يطلق ساميه عشان مشكله حصلت، ممكن دا يحصل معانا بس انت اثبت اكتر من مره ان كل مشكله بتقربنا اكتر.
كان أدهم يستمع لها بهدوء وقال:خلصتي. هزت ملك راسها موافقه أدهم:انتي اهم حاجه عندي واللي ممكن اعمل اي حاجه عشانها انا خبيت عليكي عشان عارف انك كنتي هتزعلي وكمان غلط الزعل او التوتر عليكي فااتصرفت انا، سواء كنتي بتخلفي او لا فالموضوع دا ميهمنيش بحاجه،لان اللي اعرفه ان دي حاجه بإذن ربنا ولو ربنا مش اذن بها يبقى خلاص لأني لو ابني مش منك انتي يبقى مش عاوز عيال، انا عاوزك تكوني احسن واحده ف كل حاجه واي مشكله بتحصل ملهاش اي قيمه لان علاقتنا اقوي من المشاكل او اي حاجه تاني.
ملك: بابا كان بيقولي ان ربنا بيدي كل واحد رزقه ف الازم منستعجلش عليه وقتها سألته الرزق دا يبقى فلوس كتير ضحك وقالي لا الرزق دا حب مش شرط يكون فلوس و ممكن يكون ف شخص ان ربنا يبعتلك شخص يكفيك عن العالم كله ويكون جنبك لحظه بلحظه مسيبكيش حتى لو الظروف كلها ضدك...وقتها انا مفهمتش كلامه بس لما شوفتك فهمته. ابتسم أدهم:وبكدا انتي احلي رزق ربنا ادهولي ف الدنيا. ملك:و ف الأخرة ولا فاكر هبقي دنيا بس ولا اي أدهم: دنيا وآخره المهم تكوني معايا. ابتسمت ملك: يلا انزل وانا هاجي وراك ادهم:ماشي متتاخريش... ومفيش نزول غير على الامتحانات. ملك:ماشي.
كانت ساميه تقف ف المطبخ مع والدتها تعد وجبه العشا لوالدها نعمه:جوزك كلمك ساميه:لا يا اما هو شكله ما صدق نعمه:يادي الخراب المستعجل ساميه:ونبي يا اما متقوليش كلام يسد البد انا مش ناقصه نعمه:طيب هدخل لساني ف خشمي ومش هقول حاجه واصل وابقى خلصي الوكل ودخلي لابوكي. ساميه:ماشي يا اما
عزه:مالك يا سموره ما ساعه ما جيتي وانتي شايله طاجن ستك سمر:اصل ملك تعبت انهارده وروحنا للدكتور. عزه:مالها سمر:هي بتتعب عشان الحادثة اللي حصلتلها والدكتور قالها انها مش هتعرف تخلف الفترة دي خالص عزه:يا حزني عليكي يا بنتي دي لسه صغيره على الهم دا، ربنا يشفيها سمر:يارب يا ماما صعبت عليا اوووي كل حاجه يحصلها حاجه شكل دا غير الولية الغريبة اللي كلمتنا عزه:مين دي سمر:معرفش ست عجيبة كدا قولتلها طريقك طويل وهتفقدي جزء من حياتك وف طريقك حد جديد... كلام عبيط كدا عزه:ربنا يستر بس اي يعني هتفقدي جزء من حياتك دي ويمكن التاني معنها انها هتخلف مثلا... شكلها وليه عبيطة سمر:ماانا قولت كدا
كان يوسف يجلس ف الشقة لحاله وكان بيدور ف غرفه عمر . يوسف:ابن الكلب مش سايب اي حاجه مفيدة. نظم يوسف الفوضى التي تسبب بها سريعا وخرج من الغرفه وف تلك اللحظة كان عمر يفتح باب الشقة ليدلف الي الداخل. يوسف: جاي بدري يعني عمر:عادي خلصت شغل وانا اروح بدري شويه يوسف:اهااا عمر:حد من البلد كلمك يوسف:لا ليه عمر:عادي بسأل اصل ولا أبوك ولا ابويا اتكلموا.
كانوا الجميع يجلسون مع بعض أدهم:انا هروح مشوار كدا وهرجع ملك:هتروح فين.. أدهم:لنادر ويوسف شويه وهرجع ايمان:ماشي يا حبيبي متتاخريش أدهم:حاضر... وقام أدهم مشي ايمان:على فكره أدهم متعود انه يخرج على طول ف الوقت دا ملك:اهااا عارفه ايمان:مالك يا بنتي ملك:مفيش حاجه انا بس قلقانه شويه.
ايمان:ما يصيبنا إلا ما كتب الله لينا... يعني كله بإذنه يا بنتي... فمتخليش القلق يأثر عليكي ملك:مش عارفه بس انا حاسه ف حاجه وحشه هتحصل ايمان:خلينا سيبنها على ربنا ملك: هو حضرتك مش قلقانه على أدهم تنهدت ايمان وقالت:مين قال كدا بس انا اتعودت اني ارضى بقضاء ربنا ف كل حاجه سواء كانت حلوه أو وحشه لأني متأكدة انه كله خير. ملك:ونعمه بالله... بس انا امبارح حملت حلم وحش اووووي ولما صحيت روحت الجامعة تعبت.
ايمان: حلمتي بايه ملك وكانت ترتجف شفتها:انا كنت واقفه ف مكان مش فاكره اي هو والناس كتير حواليا مش عاوزيني أقرب وأرجع عن المكان دا فضلت اهرب منهم وجريت كتير اوووي وبعدين لما وصلت لاقيت أدهم غرقان ف دم. ايمان بخوف:لا اله الا الله... ربنا يستر ملك:هي الأحلام مببتتحققش ايمان:اهااا صمت ايمان واكنها غابت ف عالم آخر... تريد أن تتطمن قلبها ولكن صعب فهي تعرف أولادها جدا فمراد اكيد يريد أن يفعل شي لأنه لا يتنازل وادهم لم يقف أمام اخوه فتلك المعركة حتما ستكون خاسره وستفقد احد منهم.
ملك:ماما ماما فاقت ايمان من شرودها معاكي يا بنتي ملك:هو ممكن يحصل حاجه ايمان:لا يا بنتي ان شاء الله لا وبلاش قلق زياده غلط عشان امتحاناتك. ملك:ماشي هو عمي مجاش ليه ايمان:ما هو بيخلص شغل متأخر على طول فتلاقي جاي كمان شويه
ذهب يوسف وادهم الي نادر ف منزله. نادر:منورين منزلي المتواضع. أدهم:فايق اوووي انت نادر:قولت اقول اي حاجه بدل جو الرعب اللي احنا ف دا يوسف:من ناحيه رعب فهو رعب فعلا وشكلها مش هتعدي أدهم:اللي بيساعد زينب سعيد يوسف بدهشه:المحامي الكفتة أدهم:ايوه يوسف:امممم كدا بقى الصورة واضحه لان اول واحد وصل لعمي كان هو اصلا بدليل انه قال العنوان القديم لجدي والمخزن اللي خدت ف مني هو برضو اللي كان عارفه.
أدهم:نوصله ازاي يوسف: مش عارف لأنه اختفى من فتره كبيره اوووي. نادر:طب هو اي طبيعة العلاقة بينهم يوسف:الله اعلم لأني انا اول مره اعرف بس اكيد علاقه مش تمام يعني أدهم:المشكله ان كل الكلام دا ملوش لازمه احنا ولا عارفين مكانهم ولا عارفين بيخططوا لايه يوسف:اكيد بيخططوا ان زينب ترجع عادي وتعيش حياه طبيعة نادر:ازاي يعني... دق جرس الباب نادر:هقوم افتح واجي فتح نادر الباب لحازم... ودخلوا حازم:سلام عليكم.
أدهم:اقعد يا عم...،كمل يا يوسف يوسف:اصل هي مش عليها دليل انها قتلت عمي او جدي انا خرجت من القضية والبحث جاري عن القاتل... وهي اكيد محضره حاجه عشان تخرس العيلة ومحدش يقدر يتكلم معها. حازم:بتتكلم صح وكمان بما ان سعيد دا محامي يعني هيعرف يمشي كل حاجه قانوني. نادر:اهااا يعني المفروض اي يحصل بقا ... دا غير مراد الغبي دا هو كمان أدهم:انا شايف ان مراد هيكون كبش فدى مش اكتر حازم:بظبط كدا يعني يوقعك انت ومراد ف بعض وبكدا هيبقى خلص من الاتنين ومثلا ملك هيخلوها تمضي على تنازل عن نصيبها وبكدا زينب هتكون خدت الجزء الأكبر... وبالمناسبة لباقي اكيد ليهم خطه برضو.
يوسف:فعلا يعني زي ما دخلت ف قضيه قتل جدي الله اعلم هيعملوا اي تاني حازم:المشكله ان برضو دي كلها توقعات و الواقع هيبقى مختلف أدهم: انا بقى عاوز من كل واحد فيكم حاجه حازم:اي أدهم:ملكيه ملك لأي حاجه عاوزها تتغير حازم:لمين أدهم:دي المشكله لان اي حد هيبقى ف خطر عليه بس انت حضر الورق وسجله وانا هتصرف حازم: ملك هتمضي آزاي أدهم:انا هتصرف المهم الورق خلال يومين يكون جهز... عقد تنازل بكل حاجه حازم:ماشي.
ادهم:وانت يا يوسف عاوزك تخلي ملك تحت عينك لأني عاوزها تسافر عندكم ف البلد يوسف: بس هنا احسن أدهم:اهااا بس احنا مش عارفين اي اللي هيحصل يوسف:تمام...شوف عاوز تسافرها امتى أدهم:بعد ما تخلص امتحان على طول بس انا مش عاوزها تحس بايه حاجه يوسف:ماشي حازم:انا هقوم امشي بقا عشان اشتغل على موضوع الورق دا يوسف:وانا هنزل برضو.
نزل حازم ويوسف. أدهم:طبعا انت عرفت العقد هيبقى مع مين نادر:اهااا بس دا مش خطر شويه ادهم:بالعكس نادر:خلاص اشطا انا هبقي اروح واخلص الموضوع دا واسيب العقد هناك. أدهم:ماشي... ملك يا نادر مش عاوز يحصلها حاجه نادر:متخافش هي بس تخلص وتسافر تقعد مع نورا أدهم:ماشي انا همشي
كانت ملك جالسه ف غرفتها على الفراش وتضع بعض الملازم أمامها... كان بالها مشغول اكثر بكلام تلك السيدة التي قابلتها اليوم والحلم الذي رايته ف البارحة ...وماذا تقصد بهذا الكلام السخيف الذي قالته فاانا لم أصدق سيده مجنونه مثالها فهي لا تعرف شي من الأساس وكلامها يوحي بالجنون... ما كلنا بنحلم وبنشوف حاجات غربيه هذا كله من واقع التخيلات والقلق الزيادة لم يحدث شي... فكل شي يبدو على ما يرام..
دخل أدهم الي الغرفه لم تنتبه ملك له وظلت ساحبه ف أفكارها تلك وتبرير كل مخاوفها.. ادهم:الجميل سرحان ف اي سمعت ملك صوت أدهم الذي يحدثها رفعت ملك نظرها اليه:ادهم انت هنا من امتي أدهم:لا انتي ف عالم تاني خالص ملك:لا بس سرحت شويه أدهم: ماشي حلوه المذاكرة دي برضو ملك:بتتريق... على فكره انا شاطره أدهم:امممم طبعا انا قولت حاجه قامت ملك من على الفراش واخدت الملازم واتجهت لتتضعهم ف الخزانة وسط ملابسها أدهم بتعجب:انتي بتعملي اي ملك:بشيل الملازم بتاعتي أدهم وهو يشاور على الخزانة بدهشه:هنا ملك:اهااا فيها أي.
أدهم:مش عارف بس اول مره اشوف حد بيعمل كدا ملك:ليه عادي مش ف الدولاب دا ف هدومي أدهم:اهااا ملك:خلاص طلالما هي هدومي اللي موجوده يبقى احط معها ملازمي أدهم:اهااا وانا اللي حسبت انها حاجه غربيه ملك:شوفت بقا ظلمتني ازاي صالحني بقا اقترب أدهم منها وطبع قبله رقيقه على شفتيها. أدهم: اتصالحتي ملك:لا لا لا قام أدهم بتقبلها مره اخرى ولكنها تلك المرة كانت أقوى. أدهم: وكدا ملك:عادي ممكن اتصالح وخلاص . أدهم:لا بلاش دلوقتي قام أدهم بوضع يده حول خصرها والأخرى خلف ركبتيها وحملها. ملك:هقع يا أدهم. أدهم: متخافيش. وضعها أدهم علي الفراش برفق وقام بوضع قبلات خفيفة ومتاليه على جميع أنحاء جسدها... ذابوا الاثنين معانا ليسرقوا من الوقت بعض اللحظات.
كان عمر يجلس ف غرفته و يتحدث ف الهاتف. انا مش عاوز غير الشركه وملك واظن اني عامل اللي عليا وزياده. زينب:ماشي يا عمر وانا عند كلامي يا ابني عمر:متقوليش ابنك بقا وكلام فاضي... انت هتاخدي اللي انت عاوزها وانا نفس الكلام وبكدا مش عاوز اعرفك تاني زينب:انا عملت كل دا عشانك عمر:خليني ساكت بقا وياريت الكلام دا يتنفذ بسرعه زينب:خلاص مفاضلش كتير. عمر:يلا سلام
رواية حب بلا قيود للكاتبة أسماء صلاح الفصل التاسع والثلاثون
كانت ملك نايمه ولكن تتطادرها تلك الكوابيس ويتردد كلام تلك المرأة العجيبة التي رأيتها. وكانت تهلوس ببعض الكلمات.. وترعق جبنها وفجأه صرخت... أدهممممممممممم.
قام أدهم من نومه مفزوع هو الآخر. أدهم بقلق: مالك يا ملك. كانت ملك لا تعرف ان كانت هذا مجرد احلام ام انها حقيقه... مش عارفه. أمسك أدهم يدها وكانت يدها متلجه... ضمها أدهم الي صدره...اهدي يا ملك مفيش حاجه انتي كنتي بتحلمي بكابوس. ملك:هي قالت ان الكابوس هيتحقق.. مشيت ومتكلمتش تأني انا مش عاوزه الكابوس يتحقق. لم يفهم أدهم شي من كلامها وكان يرتب على ظهرها... وقال هي مين ملك:مش عارفه هي واحده بتقول كلام غريب.
أدهم:مفيش حاجه يا ملك انتي كنتي نايمه وصحيت على الكابوس دا ملك:هي الساعة كام أدهم: تقريبا الفجر لسه مااذنش. ملك:ماشي... انا هقوم اخد شاور عشان اصلي. أدهم:طيب انتي كويسه ملك:اهااا قامت ملك من على الفراش ودلفت الي المرحاض... اخدت شاور دافئ وارتديت بيجامة وخرجت من المرحاض وقفت تصفف شعرها... ولفته كعكعة.
ملك:انت منمتش ليه أدهم:ماانا صحيت وشويه والنهار هيطلع جلست ملك علي طرف الفراش.. طب ما تقوم تاخد شاور وتصلي معايا. أدهم:اصلي ملك:اهااا هو انت مش مسلم ولا اي ابتسم أدهم مسلم ملك:يبقى عادى تصلي...،يلا عشان تلحق الفجر. أدهم:بس.
ملك:عشان اخد ثواب اني خليتك تصلي... يلا بقا أدهم:حاضر ملك:عارف الصلاة ازاي ولا أدهم:عارف انتي ناسيه ان ماما بتصلي ولا اي ملك:عارفه بس عيلتكم غريبه الصراحه. أدهم:ازاي ملك:لما نصلي هبقي اقولك يلا بقا ادخل خد شاور وأتوضأ وانا هستناك أدهم:ماشي.
دلف أدهم الي المرحاض... قامت ملك من على الفراش وفتحت الخزانة واخرجت إسدال وارتديته وقامت بفرد المصلية على الأرض واحده ليها وواحده لي أدهم ف اتجاه القبلة.
سمعت صوت الأذان... اخدت تردد الأذن وبعد أن انتهي قامت بالدعاء ف سرها... يارب ميحصلش حاجه وحشه وابعد الشر يارب
خرج أدهم من المرحاض ولقيها مستنيها وموضوع على الأرض مصليتين. أدهم:يلا ملك:ماشي المفروض هنصلي ركعتين سنه و ركعتين الفرض ماشي وانت الإمام بتاعتي اتفضل. أدهم: حاضر ملك:الفاتحة وبعدين سوره صغيره أدهم:ماشي يا حبيبتي. قام أدهم بالوقوف أمامها... وبدا ف الصلاة.
شعر وقتها بشعور غريب فتلك اول مره يصلي...لم يستطيع تفسير تلك الشعور ...ولكن كان شعور بالارتياح. أدهم:السلام عليكم ورحمه الله... السلام عليكم ورحمه الله. ردت ملك خلفه... السلام عليكم ورحمه... السلام عليكم ورحمه الله.
ملك: انا هنزل احضر الفطار عشان نفطر مع بعض. أدهم:ماشي ملك:هنفطر ف الجنينة عشان اشوف الشمس وهي بتتطلع. أدهم:حاضر يلا تحبي اجي احضر معاكي الفطار ملك:انت مش عاوز تفطر معايا أدهم:يا خبر هو انا اقدر.
نزل الاثنين واتجهوا الي المطبخ وقاموا بأعداد الفطار وخرجوا الي الجنينة... وضعت ملك الصنينه على الترابيزه وجلست. أدهم:يلا نولتي الشرف وهخليكي تشربي قهوتي. ملك:عادي فنجان قهوة زي كل فنجانين القهوة أدهم:تختلف . ملك:حتى مغرور ف القهوة يا ربي أدهم:فين دا.. دوقي وانتي تعرفي.
امسك ملك الفنجان وقامت با ارتشف القهوه. أدهم:هااا ملك:حلوه أدهم:بس ملك وهي تحاول أن تقلد طريقه كلامه وقالت بغرور:يعني حلوه تنفع تعمل قهوه بعد كدا اديك نولت الشرف اني اقول رأيي ف القهوه بتاعتك. أدهم:امممم الله يخليكي والله معرفش من غيرك كنت هعمل اي ملك:ههههههههه مش بقلدك... وبعدين انا عاوزه اعرف حاجه.
أدهم:ايه ملك:اوضتك من ساعه ما جيت وهي كان فيها مصليه ومصحف مع ان انت مبتصليش. أدهم:ما هو قبل ماتيجي انا قولت لماما انها تجيب مصليتين ومصحف وكتاب الأذكار وتحطهم ف الاوضه عشانك. ملك:ليه قبل ما اجي أدهم:لأني مش عاوز احسسك بفرق ف اي حاجه اكيد كنتي هتتضايقي لما تكوني ف مكان مفهوش مصحف او حاجه تصلي عليها. ملك:بتهتم بكل حاجه... طب انت عرفت الصلاة ازاي وكمان حافظ القرآن اللي بيتقال. أدهم:عشان ماما بتصلي فهي على طول قدامي... حفظ القرآن دا بقا كان ليها ظروف.
ملك:ازاي أدهم: هحكيلك. ملك:يلا أدهم:كنا لسه صغيرين مش فاكره خمسه ولا سته ابتدائي كنت انا ونادر مبنسبش حد ف حاله ولا نسكت لما مصيبه تحصل... والمشكلة بقا كانت سندي بنت عمتي معانا هي اصغر بسن وكانت بتشرب كل المقالب... وقتها كنا قاعدين على البحر عادي بنجري وبنلعب وماما وعمتي وماتت نادر الله يرحمها كانوا موجودين وكنا بليل. كنت بلعب انا ونادر ومراد وساندي ف الميه بس من برا عشان قالوا محدش ينزل المياه بليل وكدا.
انا فضولي كان هيموتني ليه مننزلش المياه بليل مع اننا قاعدين عادي اهو وفعلا مكنتش بلاقي حد ينزل البحر. ونادر نفس الكلام... فقولنا احنا هننزل واللي يحصل يحصل اتفقنا انا وهو وبعدين هو قال لمراد وطبعا رفض وقال لا غلط وساندي اللي عجبيتها الفكرة... بعدنا شويه عنهم عشان محدش يشوفنا ويزعج ونزلنا المياه طبعا كلنا بنعرف نعوم عادي وساندي كانت واخده بطوله ف السباحة بس معرفش اي اللي حصل وقتها والبنت كانت هتغرق وقاعده تصوت وتقولي سبيني سبيني عفريت وانا ونادر كأننا ابعد عنها شويه.. لما شوفت كدا خوفت ونادر هو كمان خايف بس مكنش ف حل غير اننا نرجع عشان نخرج كلنا... عارفنا نخرج اينعم كان ف ناس اتجمعت على صويت ساندي وكدا وامي بقا وعمتي وأم نادر وواتهزقنا... بس بعدها بقا ساندي مش عارف قالوا انها اتلبست هو انا مَبصدقش الكلام دا ونادر طبعا فضل يهزر وكدا.
طبعا عمتو سمعت كلام الناس و وديتها للشيخ وماما راحت معها وبعدين رجعوا... فنادر بيقولهم طلعتوا العفريت ولا لسه. فجاه ساندي شكلها اتغير وعينها برقت وكانت جايه ناحيه نادر وهجمت عليه وخربشته... وهما بعدوها عنه بالعافية... انا كنت واقف براقب الموقف وساكت اول مره اخاف فيها حتى نادر اتخض اوووي وقتها مكنش مصدق . وفضلت ماما تقرأ ف القرآن. حسيت بقا ان الموضوع بجد قولت احفظ اي حاجه عشان لو حصل موقف بايخ.
فقولت لماما انا عاوز احفظ قران... ماما اديتني المصحف والله انا فضلت يوم كامل بحفظ ف المصحف خلصت جزء كبيره منه حتى نادر قعد يحفظ معايااا...طبعا احنا قعدنا نحفظ وهما مشوا وسبونا ف مكنتش عارف فطلعت برا لقيت ان بقالنا وقت كبير جواه والدنيا ليلت اصلا.. فبنادي على نادر وفجأه لقيت نور الشقة كله اطفي لحد دلوقتي معرفش هو اطفي ليه لان بعد ما جي سألت الناس اللي ف عماره وقالوا النور مقطعش... فضلت انادي على نادر لقيت حد واقف قدامي معرفش اي دا اصلا انا مش شايف حاجه بس واضح ان ف حد... غمضت عيني وفضلت اقرا قرآن... الشقة نورت تاني.
ملك:يا ربي... ونادر كان فين أدهم:الغريب بقا ان نادر كان نزل معاهم اصلا وانا كنت لوحدي... معرفش مين اللي كان معايا ف الاوضه. ملك: وعملت اي أدهم:ولا اي حاجه تقبلت الموضوع عادي... وعدي اسبوعين وساندي خفيت وكل حاجه رجعت لطبيعتها بس لحد دلوقتي ساندي بتخاف تنزل المياه. ملك: وطب انت ونادر عملتوا اي بعد كدا أدهم:لا احنا اتعلمنا الأدب وقتها ملك:ههههههههه تستأهلوا. أدهم:بقى كدا ملك:اصل طلالما حد قالك لا على حاجه يبقى خلاص ادهم:كنا أطفال بقا.
ملك:بس بأمانه موقف وحش اوووي أدهم:جدا ملك:بس بقاله كتير اوووي أدهم:اهااا بس انا فاكره كويس بصراحه ميتنسيش.. ملك:ههههه اهااا أدهم:وانتي متحطتيش ف مواقف زي دي ملك:لا انا بخاف من خيالي اصلا... بس كنت بخاف من الناس اوووي أدهم:مش فاهم ازاي ملك:كنت مبحبش اتعامل مع حد ولا اتكلم مع الناس هو بابا وماما وندي وخلاص وف ثانوي كانت سمر بس كدا أدهم:انطوائية يعني.
ملك:لا بس انا كنت بخاف من اي حد غريب... حتى بابا مكنش بيرضي يخليني اتعامل مع أي حد او انزل اشتري حاجه ندى هي اللي كانت تعمل كدا انا لا أدهم:بس انتي دلوقتي عاديه... بس بجد بتخافي من الناس ازاي ملك:لان ديما تعاملي مع الناس كان بياذيني... يعني مره وانا صغيره كنت هتخطف كنت بساعد واحده كبيره وبوصلها وهي كان تبع الحرامية اصلا أدهم:وعملتي اي ملك:الكلب بتاعتي عضهم أدهم:كلب وراح فين ملك بحزن:مات أدهم:هو انتي بتحبي الكلاب وكدا.
ملك:اهااا انا بحب الحيوانات اووووي انا كنت على طول قاعده معها وكنا بنقعد نتكلم مع بعض هو كان صاحبي الوحيد. أدهم:يعني انتي سيبتي البنادمين كلهم ملك:الحيوانات لطيفه وجميله جدا ومش بتاذي حد ولا هتجرح حد بكلمه حتى بس بتحس اللي قدامها وتكون وفيه لي أدهم:طب وليه مجبتيش كلب او قطه تاني ملك:كنت دخلت ثانوي وماما كانت ملاحظه اني انعزلت عن البشر وكدا فقالت لا مفيش حيوانات هتتدخل البيت تاني أدهم:امممممم بس اللي اعرفه ان الكلاب ف البيت حرام وانتم بتصلوا ملك:اهاااا ما هو كان لي بيت فوق السطح وانا كنت بفضل قاعده معها وكنت بذاكر فوق عنده.
أدهم: لا دا انتي طلعتي حكاية ملك:ههههه ليه أدهم:اصلك بتحكي عن الكلب أكنه انسان كنتي عايشه معها ملك:اهااا ما دي حقيقه... حتى بعد ما مات كنت بطلع اقعد فوق السطح واعيط عليه فضلت سنتين علي كدا ولما لقوا كدا ودوني للدكتور أدهم:مراد ملك:اهااا كان مراد نظر أدهم الي الهاتف وجد ان الساعة 9 أدهم:نهار ابيض الساعة بقيت 9 ملك:اتأخرت.
أدهم:احنا بقالنا 4 ساعات قاعدين... قومي يا بت زاكري دا انتي رغاية ملك:على فكره انت اللي كنت بتحكي مش انا أدهم:قصدك اي قامت ملك من مكانها وابتعد خطوه وقالت يعني انت اللي رغاي مش انا أدهم:تعالي هنا ملك:ههههه اللي عاوزني يجيلي وركضت ملك بسرعه وكان أدهم خلفها حتى وصلت إلى داخل الفيلا وصعدت على الدارج.
اول ما دخل الفيلا صعد درجات السلم بثابت وكان سليمان يهبط الدرج سليمان:انت لسه ملبستش أدهم:كنت بشرب وهطلع البس سليمان:انت كنت بتجري ولا اي أدهم:لا اجري هو انا عبيط ولا اي. سليمان:اطلع البس بسرعه عشان متتاخرش.
دخل أدهم الغرفه وكانت ملك تقف ف منتصف الغرفه أدهم:بتجري ملك:انا أدهم:انا تخليني اقول على نفسي عبيط. لم تستطيع ملك ان تكتم ضحكتها... ههههههههه ههههه ملك:هتتاخر على الشغل على فكره أدهم:مش لما اخد حقي الأول ملك:يعني هتاخد حقك من ملك دا يبقى عيب والله أدهم:خلاص عندك حق مشيت أدهم بقدمه خطوات حتى قرب ان يوصل لها.
ملك:انت بتقرب ليه أدهم:هجيب اللبس من الدولاب مالك يا حبيبتي انتي خايفه. ملك:لا هخاف من ايه عدي أدهم من جانبها... تحركت ملك خطوه ولكنه امسك ذراعها وشدها اليه وضع ذراعه حول ظهرها أدهم:رايحه فين ملك:هروح انام شويه واصحى ازاكر أدهم:طب اي مش هاخد حقي ملك:ما انت قولت خلاص يا حبيبي أدهم:انا مقولتش حاجه ملك:عديها بقا أدهم:يعني يرضيكي ماخدش حقي ملك:هتتاخر على الشغل أدهم:عادي مش مهم ملك:خلاص يقلبي وضع أدهم قبله على شفتيها ملك بصوت خافت:ادهم لم يرد أدهم عليها واستمر ف تقبيلها
خرج سامي من غرفته. نعمه:قومت ليه يا حج ارتاح سامي:انا بقيت زين يا ام ساميه... والتفت لساميه وقال هو جوزك مجاش معاكي ليه وكيف يسيبك تيجي لوحدك أكده ساميه بتوتر:عادي عشان عنده شغل سامي:انا لازم اتكلم معها واقوله مينفعش يعدي الأصول نعمه:عادي يا حج هو قال هيخلص شغله وهبقي يجي وبعدين ساميه جات بدري عشان تبقى مع اختها سامي:امممممم طيب... انا خارج هروح الشغل نعمه:يا حج استنى لما تخف سامي:لا انا بقيت زين خرج سامي من البيت وقفل الباب خلفه نعمه:قلبي كان هيقف ساميه:على فكره احنا لازم نقوله بعد ما يعرف من برا وبعدين اكيد احمد قال لامه وابوه نعمه:استنى يا بنتي انتي عارفه ابوكي نورا: لازم نصبر شويه عشان ابوكي لو عرف هيقلب الدنيا
يوسف:اي مش هتنزل الشركه ولا اي عمر:لا روح انت الشركه وانا هبقي اجي يوسف: طيب انا نازل عمر:ماشي خرج يوسف من الشقة... ونزل ف المصعد وخرج من العمارة وركب سيارته. ولكن عندما رأي خروج عمر خطر بباله فكره انه يمشي خلفه. تحرك عمر بالسيارة وتابعه يوسف. أقف عمر بسيارته أمامه بوابه الفيلا حتى فتحت له البوابة ودخل يوسف:يا ترى داخل لمين الكلب دا. نزل يوسف من سيارته ولكن توقف لان يوجد حراس كثير ف تلك الفيلا ولو راح سأل ممكن يحصل شي ولكن يوجد لافته موضوعه عليها (فيلا صالح الاسواني ).
ركب يوسف سيارته وانطلق بها وهو يفكر مين هو تلك الذي دخل عنده عمر.
داخل الفيلا. كان عمر يجلس مع صالح ف مكتبه. صالح:كنت متوقع انك هتيجي عمر:كل توقعاتك مظبوطة يا صالح بيه صالح: اي الموضوع المهم اللي كنت عاوزني فيه عمر:طبعا انا عارف انك كنت بتاخد من عبد الحميد العطار الآثار. صالح:بس عبد الحميد مات عمر:عارف والثروة اللي تقدر تحركها ملك العطار ودي صعبه انها تهرب آثار صالح:وضح اكتر.
عمر:وطبعا عرفت انهم قالوا ان موضوع الآثار دا خلاص واي آثار هيكون تحت الارض هيبلغوا والحكومة تاخده. صالح:اهااا عمر:واللي محدش يعرفه بقا ان ف أرض تبع عيله العطار ف مقبر ودي تقدر بملايين ودا الورق اللي يثبت كلامي واعطي له ملف صالح وهو يتفقد الملف ايوه بس الأرض دي من نصيب مين عمر:تبع التركة بتاعت ملك صالح:والمطلوب اي عمر:من الاخر كدا انا مليش ف شغل الآثار واكيد انت عينك على الأرض دي دا لو مكنش ف اتفاق بينك وبين جدي عليها... انا متنازل على الأرض دي ليك بس دا بعد لما تعملي اللي هتطلبه منك.
صالح:امممممم صفقه يعني عمر:ايوه عاوزك تخلصني من زينب وسعيد المحامي وانا هديك عنهم كل التفاصيل صالح: تمام حاجه تاني عمر:ادهم النوري ويوسف العطار عاوزهم يختفوا من على وش الأرض صالح:بس طلبك دا صعب شويه أدهم النوري عمر:ماانا عارف ان مفيش حاجه هتصعب عليك وبعدين اكيد ليك اكتر من طريقه. صالح:تمام هتصرف بس الأرض بتاعت ملك عمر:الموضوع دا عليا
كان يوسف يجلس ف المكتب وهو راسه سينفجر من كتر التفكير... لازم اعرف مين دا اصل عمر دا مش هيعرف حد لله كدا وبعدين بقا. طرقت السكرتيرة على المكتب ودخلت. السكرتيرة:يوسف بيه يوسف:ف حاجه السكرتيرة: عمر بيه لسه مجاش والمفروض انه كان يبقى موجود عشان الشركه كانت عامله منحه لطلبه هندسه انهم يتدربوا يوسف:يتدربوا هما كام طالب والتدريب هيبدأ امتى.
السكرتيرة:هما عشره طلاب و دول من أفضل الطلبة واحنا بنختار منهم خمسه يوسف:تمام السكرتيرة: اخلي ال اتش ار يعملوا معهم المقابلة ويختاروا يوسف:اهااا... انتي تعرفي حد اسمه صالح الاسواني السكرتيرة:ايوه دا رجل أعمال كبير اوووي يوسف:امممممم هو لي شغل معانا هنا ولا السكرتيرة:لا صالح بيه مبيشتغلش مع حد دا كل شركات بتكون نفسها تعمل معها صفقه وتكون شركه محظوظة جدا يوسف:امممم هو بيشتغل ف مجال اي.
السكرتيرة:كل حاجه بس هي مش شركه عقارات يوسف:امممم ماشي اتفضلي انتي شوفي شغلك. يوسف:طب لما هي مش عقارات عمر ماله به الواحد هتجنن. خرج يوسف من المكتب وقال للسكرتيرة قبل أن يغادر لما عمر بيه يجي ابقى بلغي وانا رايح مشوار وراجع. السكرتيرة:تمام يا افندم
كان نادر يتحدث مع أدهم ف الهاتف نادر:انت فين يا ابني أدهم:ف الطريق والله نادر:طب أنجز ف ورق عاوز يتمضى أدهم:مسافه السكة انت حضر الورق واسبقني على المكتب بتاعي.
وصل أدهم الي الشركه وصعد الي مكتبه.. زينه:نادر بيه جواه أدهم:ماشي اعمليلي فنجان قهوه وهاتي جواه دخل أدهم المكتب. نادر:اي يا ابني أدهم:اي فين الورق نادر:اهو مضى أدهم الأوراق أدهم:كلمت حازم ولا لسه نادر:لسه بس اكيد لو خلص هيكلمنا دخلت زينه وهي تحمل فنجان القهوه وضعته على المكتب. زينه:ف واحد برا عاوز حضرتك أدهم:مين زينه:يوسف العطار نادر:طب دخليه بسرعه زينه:حاضر.
دخل يوسف الي المكتب. نادر:تعالي شكلك ميطمنش يوسف:بصراحه مقدرتش استنى أدهم:حصل اي يوسف:الصبح المفروض اننا كنا هنروح الشغل زي كل يوم ولقيت عمر لابس وقاعد ف الصالة وقالي روح انت وانا هاجي وراك نزلت وركبت العربية لقيته نازل على طول قولت امشي وراه اشوفه رايح فين لقيته راح لفيلا بتاعت واحد اسمه صالح الاسواني وعرفت انه رجل أعمال كبير. أدهم بصدمه:صالح الاسواني.
رواية حب بلا قيود للكاتبة أسماء صلاح الفصل الأربعون
ادهم بصدمه:صالح الاسواني. يوسف:انت تعرفه نادر:وعمر يعرفه منين يوسف:الله اعلم بس اكيد ف هدف من دا، بس انتم تعرفوا الراجل دا منين أدهم:ابنه كان متجوز بنت عمتي وحصل بينهم مشاكل واطلقوا نادر:قصدك اننا نخلنها يطلقها غصبن عنه يوسف:طب العلاقة بينكم زفت أدهم:بظبط كدا الراجل وابنه قارش ملحتنا من ساعتها بس بابا هدده وقاله الموضوع خلص وبلاش تتدخل معانا ف حرب عشان هتخسرها.
يوسف:اممممممممم الموضوع مش مريح نادر:خالص بس لازم نعرف ف اي بين عمر والراجل دا يوسف:اكيد هنعرف مفيش حاجه بتستخبي نادر:لازم نراقب عمر يوسف:اهااا... وانا هقوم امشي عشان ميحسيش بحاجه نادر:ماشي. خرج يوسف من المكتب. أدهم:واضح ان الدنيا هتتهد فوق دماغنا نادر:هو ميعرفش حاجه ولا اي... وبعدين بسنت سابت البلد كلها أدهم:انا اللي خلتها تمشي نادر:بس بوسي هي اللي تقدر تساعدنا.
أدهم: ازاي يا فالح بعد دخول ملك حياتي وبوسي خرجت منها وانا خليتها تسافر برا عند امها بالعافية هي مكنتش ناويه تسافر نادر:اهااا بس بوسي هي اللي تقدر تتدخل بيت الاسواني لأنها بنته أدهم:مش عارف بس متنساش ان الاول عادي لكن دلوقتي ف ملك وانت عارف ان ملك عارفه كل علاقتي ببوسي اصلا ومن الطبيعي لو بوسي ظهرت تاني تبقى ف مشكله.
نادر:امممممم بس هي ملك هتعرف منين ان بوسي ظهرت أدهم:قصدك اي نادر:يعني انت مش هتقولها وهي مش هتعرف لان مفيش حد هيقولها أدهم:امممممم بس انا مش هخون ملك نادر:ومين قالك اني هتخونها أدهم:امممممم يعني هعمل اي ما انت عارف بوسي نادر:انت وشطارتك وبعدين هي عارفه انك متجوز وبتحب مراتك أدهم:مش عارف بس بوسي مش سهله وبعدين هي سكتت رغم اللي عملته فيها.
نادر:عادي لان هي كانت عايشه لوحدها هنا وابوها مكنش راضي بدا فلو قالت حاجه هتفتح على نفسها باب جنهم...دا غير انها بتحبك وانت عارف دا كويس أدهم:ونبي ما نادر متجننيش نفترض اني كلمتها وقولتلها وهي حبت ترجع علاقتنا زي ما كانت نادر:طب فين المشكله... وبعدين ملك عارفه انك كنت على علاقه ببوسي قبل ما تعرفها أدهم: يعني انت ممكن تخون نورا.
نادر:مش خيانة ولا حاجه بس دا موقف مضطر فيه لكدا واكيد مش هحبها اكتر من نفسي يعني أدهم: يعني واحده كانت هتموت بدلي وكانت عاوزه تظهر براءتي نادر: طب ما لو ملك بتحبك فبوسي هي كمان بتحبك وبرضو وقفت معاك ف حاجات كتير أدهم:عارف بس انا مش هخونها لو حصل اي على الاقل لو حصلي حاجه تفضل فاكرهلي حاجه حلوه بدل ما تفتكر اني كنت بخونها.
نادر: بس يا صاحبي انت عارف اني خسرت اهلي ولا كان ليا اخوات ولا حد لولا ابوك وعمتي كنت اتبهدلت ووجودك جنبي ف كل حاجه قبل ما كنت صاحبي ومعايا ف كل حاجه كنت اخويا اللي واقف ف ضهري ديما وانا مش عاوز يحصلك حاجه ملك مراتك يوم ما هيحصلك حاجه هتزعل فتره وبعد كدا هتعيش حياتها عادي وهتتجوز ومحدش هيقدر يعبها ف كدا وعندك عمتي اهي كانت بتحب جوزها اووووي ولما مات فضلت حزينة عليه وبعد كدا الدنيا مشيت عادي واتجوزت وأطلقت وحياتها ماشيه.
أدهم:وانا بتمنى ان لو حصلي حاجه ملك تعيش حياتها عادي نادر:لا انت مجنون بقا أدهم:مش جنان ولا حاجه بس انا اي حاجه هعملها عشانها ومش عاوز حياتها تقف بالعكس انا عاوزها تنجح سواء موجود ولا لا كل حاجه نصيب ومحدش بيموت ناقص عمر نادر: وتفتكر هي تستأهل الحب دا وهي لو مكانك هتعمل كدا.
أدهم: مش عارف بس كل اللي اعرفه ان قلبي اختارها هي وانا وعدتها اني عمري ما هاذيها ف اي حاجه نادر:ماشي بس احنا لازم نعمل حسابنا على كل حاجه ونشوف حل مع بوسي ان ظهرت لأنها ممكن ترجع مصر ف اي وقت أدهم:ماشي أكيد هنتصرف بس المهم نخلص موضوع نقل الملكية دا و ملك امانه لو حصل حاجه ليا نادر: ماشي يا أدهم... انا بجد مش فاهمك كل تفكيرك فيها حتى وانت عارف ان ف خطر على حياتك أدهم:ماانا قولتلك ان محدش بيموت ناقص عمر نادر: ماشي وانا هنفذ كل حاجه للأخر وربنا يستر.
دخل زياد مكتب ابيه زياد:مين اللي كان عندك دا صالح:عمر العطار زياد:وعاوز اي دا كمان صالح:ولا حاجه شغل زياد:امممم شغل اي صالح:عادي انا هاخد الآثار منه بس هعمله خدمه زياد:اي وبعدين مش جده مات هو هيعمل كدا ازاي صالح:هو الاتفاق كدا بس هو عاوز يخلص من أدهم النوري ويوسف العطار.
زياد:طب يوسف ابن عمه... وادهم ليه صالح:أكيد بينهم حاجه وبعدين ماانت عارف أدهم فارد عضلاته على الكل زياد وهو يضع يده على وجه وتذكر تلك الصفعة التي تلقها منه من قبل و اهو الزمن جابه لينا من تاني صالح:لازم نفكر كويس قبل ما نعمل اي حاجه عشان اللعب معها مش سهل وبعدين ابوه مش سهل زياد: اهااا. صالح:ابقي حول لبسنت فلوس على أمريكا زياد:ماشي... مش هنخلص من بسنت وامها صالح بحده:زياد متنساش انها اختك
استيقظت ملك من نومها وامسك هاتفها لكي ترى الساعة. ملك:انا اتاخرت اووووي الساعة 2 دخلت الي المرحاض لتخذ شاور دافئ... وارتديت ملابسها وخرجت وقفت تصفف شعرها وربطته على هيئة ديل حصان وقامت بإحضار كتابها وجلست تذاكر.
معتز: انا نازل هتعوز حاجه مراد:لا معتز:فكر تاني يا مراد الناس دي بتستغلك مراد:معتز انا مش حابب اتكلم ف حاجه معتز:لا انا سكت كتير ومن واجبي اني لما اشوفك بتعمل الغلط اقولك، الناس دي محدش ضامنهم ولو قتلت اخوك هتعيش طول عمرك ندمان يا صاحبي انت نسيت كل حاجه أدهم عملها معاك انتم اخوات حتى لو مش عامل حساب لاخوك اعمل لامك الست الغلبانة دي مش هتستحمل حاجه اعمل حساب مراته.
مراد:ومحدش عمل حسابي ليه معتز:انت بقيت مريض يا مراد يا دكتور يااللي بتعالج الناس تفتكر ف واحده هتتجوز واحد قتل اختها مراد:عادي اهي لقيت شاب حلو وغني وقادر يحميها متتجوزهوش ليه معتز:راجع نفسك تاني عشان متعملش حاجه تندم عليها.
ذهبت سمر الي منزل ملك وفتح لها الباب احدي الخدم...وقالت:اتفضلي مدام ايمان جواه ودلفت الي الداخل وكانت ايمان تجلس ف الصالون. ايمان:سمر تعالي يا حبيبتي سلمت سمر عليها... وقالت:هي ملك فين ايمان:تلاقيها فوق يا بنتي اطلعليها سمر:ماشي ايمان:واعملي حسابك هتتغدي معانا سمر:طبعا يا طنط. صعدت سمر الي فوق وطرقت باب الغرفه ملك:ادخل دلفت سمر الي الداخل.
ملك: سمر وقامت من على الفراش واتجهت لتحضتن صديقتها. سمر:كنت برا قولت اعدي عليكي بالمرة ملك:عامله اي ف المذاكرة سمر:اهو كويسه يارب بس الامتحانات تيجي سهله الواحد مرعوب ملك:ان شاء الله خير جلسوا على الأريكة. سمر:اخبارك اي ملك:الحمد الله تمام اهو سمر: روحت انهارده اقدم على التدريب ملك:كان نفسي اجي بس أدهم مش هيرضي.
سمر:عنده حق اصل مرات أدهم النوري هتروح تتدرب ف شركه مش هتبقى حلوه وبعدين انا عشان الاقي شغل بعد التخرج وبالمرة فرصه حلوه عشان ال cv لكن انت يا جميل مش محتاج اي حاجه ملك:لا على فكره انا متفقه معها اني هشتغل بعد ما اخلص سمر:يا ماما كلها كام سنه وهتلاقي نفسك معاكي عيال وقاعده مش عارفه تتحركي دلوقتي انتي قاعده فاضيه ملك:لا دا انتي يا حبيبتي وبعدين أدهم مش تقليدي سمر:ادهم مش تقليدي يا بنتي دا بياخدك على قد عقلك اصل هينزل مراته تشتغل مع دا ودا مفتكرش ملك:لا هنزل وهتشوفي سمر:هنشوف.
ملك:يارب نجيب تقدير السنادي سمر:يارب ونتخرج بقا عشان زهقنا. ملك:ههههههههه لسه سنتين كمان قطع كلامهم رنين هاتف سمر، أخرجت سمر هاتفها من الشنطه. ملك:مين سمر:رقم غريب من برا مصر ملك:طب ردي كدا فتحت سمر الخط... الو بوسي:الناس اللي ماهنش عليها تسأل.
اتوترت سمر عندما سمعت صوت بوسي وقالت وهي تبتلع ريقها كنت مشغوله والله... هو انتي فين وبعدين انتي اختفيتي فجاه بوسي:بقالي فتره ف امريكا عند مامي وبقرر ارجع لأني مش طايقه جوز مامي خالص. سمر: امممممم ترجعي بالسلامة بوسي:انا قولت اتصل اسلم عليكي احنا كان بينا عشره برضو سمر:ربنا يخليكي يا حبيبتي وتنزلي نبقى نتقابل ان شاء الله بوسي:هو أدهم اي اخباره سمر:كويس بوسي:طب هقفل انا وهبقي اكلمك تاني. سمر:ماشي باي.
ملك:مين دي سمر بتردد:بوسي. ملك:وكانت عاوزه اي سمر:بتسلم عليا عادي. ملك:وهي راحت فين سمر:سافرت عند امها وبتقول هترجع تاني ملك:امممممم ماشي سمر:حاولي تنسي يا ملك لان التفكير بيتعب.
ملك:مش عارفه كل ما انسى الاقي حاجه تفكرني تاني... وبعدين هي نسيت يعني لو رجعت مش هتظهر تاني ف حياه أدهم تنهدت سمر:بصي يا ملك لو قعدتي تفكري ف اي هيحصل عمرك ما هترتاحي،انتي مراته لكن هي لا ملك:وجودها بيضايقني اوووي وبحس اني كنت عارفه علاقتهم ببعض وانها كانت حامل منه رغم كدا انا روحت عنده وحبيبته بس نسيت اني الماضي عمره ما بيموت.
سمر:طلالما بتحبي هتنسي وكفاية انه دلوقتي معاكي انتي ملك:انا خايفه اصحى على كابوس،خايفه ف يوم أدهم يخوني وقتها تدمر سمر:انتي عاوزه تقلقي نفسك وخلاص وبعدين انتي ليه بتفكري ف الوحش ملك:يعني مش وارد يحصل سمر:الله اعلم بس انا شايفه ان أدهم بيحبك ملك:عارفه ومعنديش شك ف حبه ليا بس احساس الخوف مش يرضى يسيبني سمر: اتغلبي على خوفك و واجهي الحياه ملك: هي ممكن تكون بتحب أدهم اكتر مني.
سمر:اقسم بالله انتي مجنونه، بس اكيد انتي اكتر حد بيحب أدهم ملك:بس انا معملتش حاجه، انا حاسه اني مقصره معها نظرت لها سمر بتعجب ودهشه اهي حقا مجنونه ام تتدعي الجنون فمن لحظه كانت تخشي ان يخونها والأن تفكر ف مين يحبه اكثر وأنها تقصر معه فكيف لادهم ان يستحمل تقلبات مزاج تلك المجنونة. سمر:ليه حاسه بكدا.
ملك:مش عارفه بس انا حاسه اني مليش لازمه هو بيعمل كل حاجه وانا مش بعمل حاجه، بس هو مش بيخليني اساعده ولا اعرف حاجه بيحب يخبي عليا سمر: لا اله الا الله، يعني الراجل غلطان وبعدين يا ملك حاولي تثبتي شويه كدا عشان أدهم حوليها الستات كتير، دا غير بوسي اللي هتيجي دي فالازم تكوني أنثى ناضجه.
ملك: بلا بوسي بلا قرف وبعدين انا احلى منها اصلا سمر:اهااا طبعا يقلبي تعالي ننزل لطنط ايمان نقعد معها شويه ملك:ماشي استنى البس سمر:ماانتي لابسه ملك:يعني هنزل بشورت وكت وشعري كدا عادي سمر:مفيش حد ف البيت. ملك:لا يا ست لو أدهم جي ولاقيني كدا هتبقى مصيبه. سمر:طب انا هسبقك على تحت. ملك:اشطا
ف شركه العطار. عمر:انت هتسافر ولا يوسف:لا وانت عمر:لا هخليني انت عارف ان عندنا شغل كتير يوسف:اهااا فعلا عمر: الواحد مضايق اوووي حاسس انه بيشتغل على الفاضي يوسف:ازاي يعني عمر:يعني انا وانت شايلين الشغل على دماغنا وف الآخر تعتبر الشركه لملك اصلا يوسف:طب مااحنا واخدين حقنا وزياده.
عمر:مش كفايه، يعني مش لو اانت كنت اتجوزها كان زمان كل حاجه هتبقى ف ايدينا يوسف:امممممم على رأيك خلاص بقا متخليش الواحد يكره نفسه عمر بلوم:هنعمل اي بقا نصيب يوسف:مااكيد ف حل يعني بدل القرف اللي احنا في دا عمر:ما خلاص ابوك وابويا رضيوا بالأمر الواقع،احنا بقى ف ايدينا اي نعمله يوسف:امممم على رأيك مكتوب علينا التعب.
عمر:انا لو عليا اخد حقي يوسف:قولي ازاي وانا ايدي على كتفك عمر:نخلص من ملك يوسف:ازاي وبعدين أدهم جوزها وهيبقي لي الميراث عمر:فعلا يبقى نخلص من أدهم يوسف:امممم بس دا صعب شويه عمر:بالتفكير كل حاجه هتبقى سهله
ف منزل العطار عاصم:مش هتتجوز تاني يا اخوي عبد الرحمن:تاني عاصم:اهااا وماله سعاد:ابنك هيتجوز وبدل ما تبقى وحيد يبقي ف حرمه تاخد بالها منك ومن طلباتك عاصم:ام يوسف بتتكلم زين،وتخلفلك عيل يملي عليك البيت عبد الرحمن:وانا ف السن دا، الواحد خلاص كبر عاصم:فكر بس، ولما زينب تظهر هتطلقها عبد الرحمن:لما نشوف بس الدنيا هتمشي ازاي عاصم:هنعمل فرح العيال امتى.
عبد الرحمن:مش عارف عاد، بس انا بقول نعجل اهو نفرح بيهم سعاد:اهااا والله كلامك مظبوط يا ابو عمر عاصم:خلاص ف أقرب وقت ان شاء الله، وعاوزين نشوف ازكان ف آثار ف ارضنا ولا عشان نبلغ الحكومة عبد الرحمن:انا كنت بدور على ورق الأراضي اللي ابويا كان عمله وكان نقدر نعرف مكان الاثارات بسهوله وملق تهوش عاصم:ازاي الكلام دا هيكون الورق راح فين عبد الرحمن:مش عارف، المهم ان محدش يشوفه عشان هنروح ف داهيه وقتها عاصم:او حد يستغله
أدهم:هتروح نادر:اهااا الواحد فصل والله أدهم:انت على طول فاصل اصلا...،حازم كلمك نادر:اهااا من شويه وقولتله يروح على البيت أدهم:امممم خلاص هاجي معاك نادر:ماشي يلا بدل ما الواد يقف على الباب
نزل أدهم و نادر من الشركه وركب كل منهم سيارته.
رن هاتف نادر. نادر:الو يوسف:انت فين نادر:انا مروح تعالى علي البيت. صعد أدهم ونادر الي الشقة واخبر نادر أدهم بأن يوسف قادم هو الآخر. جاء حازم اولا. حازم:العقد اهو لازم ملك تمضي وبسرعه عشان يتوثق أدهم:ماشي
قام نادر ليفتح الباب ليوسف. نادر:مالك يوسف:مش مرتاح أدهم:اقعد يا ابني انت على طول خايف يوسف:انا اتكلمت مع عمر واللي عرفته انه عاوز يخلص من أدهم عشان يتجوز ملك، وعاوز يخلص مني أدهم بضيق:وهو هيتجوز ملك ليه يوسف:من الاخر كدا عمر بيحبها ودا غير انه طمعان ف الشركه وشايف انه صاحب فضل عليها نادر:طب وهيخلص منك انت ليه يوسف:عشان الطريق يبقي فاضي لي انا حاسس انه هيلبسني ف مصيبه حازم:انا شايف اننا نفكر شويه ونشوفله ف مصيبه يتلهى فيها.
********************************** ايمان:ما تتطلعوا تذكروا شويه سمر: الوقت اتأخر وانا لازم اروح ايمان:عادي ممكن تباتي هنا لو مش عاوزه انا هخلي السواق يوصلك ملك:ايوووه خلينا عشان نشجع بعض ايمان:يلا اطلعوا زاكروا وانا هخليهم يعملوا نسكافيه ويطلعوا ملك وهي تقبل راسها:اشطا، يخليكي لينا يا ايمي يا عسل انتي. ابتسمت ايمان... وصعدوا هما الي الغرفه سمر:ونبي احنا اشكال تذاكر.
ملك:ههههههههه لا بس ادينا بنحاول سمر:لا حاولي انتي. طرقت الخدامة الباب ودخلت ووضعت النسكافيه علي الترابيزه ملك:شكرا. سمر:ملك هو انتي ليه مش بتغيري ملك:ازاي مش فاهمه سمر:يعني ليه مثلا متلبسيش حاجه مختلفة كدا وتعملي لوك مختلف ملك:عادي، مش بحب الحاجات دي.
سمر:خيبه طول عمرك وقامت سمر واتجهت ناحيه الخزانة وفتحتها وجدت الكثير من الملابس أشكال وألوان واستايلات مختلفة واووو اللبس كله حلو، بس هو انتي ليه مش بتلبسي منه ملك:لان ف فستانين القصيرة دي وانا محجبة فأكيد مش هنزل بيهم سمر:بس ممكن تلبسهم هنا وامسكت سمر واحد جامد اوووي دا على فكره ملك:لا طبعا انا البس دا.
سمر:المفروض تكوني انثي ناضجه ملك: ونبي سمر:اقسم بالله جميل اووووي ولونه حلو كدا احمر مع الأبيض هيكون جامد. ملك:اتلمي يا بت سمر:طب ما تجربي، ونشوف مين احلى انتي ولا بوسي ملك بغيره:انا بس هجرب عشان اثبت دا وقامت واخدت منها الفستان ودلفت الي المرحاض لتبدل ملابسها. خرجت ملك وكان الفستان يرسم جسدها بعنايه ويكشف عن ساقيها البيضاء الناعمة وعاري الصدر والظهر فكان يظهر كل مفاتنها سمر باانبهار:اقسم بالله جميل اوووي.
وقفت ملك امام المرأة... حلو سمر:نغير بقا تسريحه شعرك ونحط ميك اب خفيف كدا ملك:امممممم ماشي رفعت ملك شعرها كعكعة للأعلى وقامت بوضع احمر شفاه باللون الأحمر والذي أبرز شفتها بطريقه جذابه. ملك:شكلي اتغير ومش حلو سمر:والله قمر ملك:بس كدا أكني واحده كبيره سمر:هو التغير حلو وبعدين مش هيجري حاجه يعني لو غيرتي أدهم جوزك مش راجل غريب.
ملك:وانتي عاوزه اقابل ادهم بمنظري دا لا طبعا سمر:اومال احنا كل دا عشان الحيطة تتفرج علينا ملك:اهاا عادي، لا اتكسف بصراحه لا طبعا سمر:خلاص ماشي، انا همشي بقا اتاخرت اوووي ملك:ماشي يا قلبي، استنى اغير وانزل اوصلك سمر:لا يا حبيبتي خليكي وانا هننزل ملك:ماشي خرجت سمر من الغرفه ونزلت الدارج وكان أدهم صاعد.
ادهم: عامله اي يا سمر سمر:الحمد الله كويسه أدهم:ماشيه ليه سمر:اتاخرت والله انا هنا من بدري أدهم:ماشي السواق برا مستنياكي. سمر:ماشي أدهم:هي ملك فوق سمر:اهااا.
صعد أدهم الي الغرفه وفتح الباب كانت مازالت ملك تقف امام المرأة... تسمر أدهم مكانها فهو غير مصدق من تلك التي تقف امامه، وظل واقف مكانه يتفحصها بعينه التي تريد أن تشبع من النظر اليها قفل أدهم الباب بخفه وخبطت الباب بخفه. انتبهت ملك وظنت انه احد خارج الغرفه. التفت ملك وجدت أدهم امامها. ملك:ادهم جيت، اومال مين بيخبط أدهم:انا قولت عشان متتخصيش ملك:اهاا.
اقترب أدهم منها وسحبها من ذراعها وضع يده حول ظهرها وضع قبله على شفتيها . أدهم: اي الحلاوة دي ملك:يعني شكلي دلوقتي حلو أدهم:انتي حلوه ف كل حاجه، بس منكرش برضو ان التغير حلو ملك:هو انت نازل تاني صح أدهم وهو يقبل عنقها... كنت نازل بس دلوقتي لا.
سعيد:انتي واثقه من ابنك ولا زينب:اهااا وبعدين هو عاوز الشركه والزفته اللي اسمها ملك سعيد:ماشي عاوزين ننجز بقا زينب:مش انت مظبط كل حاجه سعيد:اهااا وكمان احنا مش هيكون علينا اي حاجه... واحد قتل اخوه او الاتنين قتلوا بعض وطبعا دي حاجه كلهم هيبقوا عارفنها ومحدش هيدور ورانا زينب:طب وازاي هطلع من تهمه خطف مني دي هي اتعرفت عليا وملك ونورا شافوني.
سعيد:عادي دي سهل اوووي مش عمر هيتجوز ملك فأكيد مش هتشهد ونورا كام رساله تهديد تعلمها الأدب... ومني بقا دي نشوفلها مصيبه حلوه كدا زينب:الله علي افكارك سعيد:متخافيش كلها شهر او اتنين وهترجعي بيتك معززه مكرمه وانتي اللي هتحكمي وتنهي. زينب: ياريت.
رواية حب بلا قيود
